26 აპრილი, 2024

დღეს, ევროპარლამენტმა მორიგი სამარცხვინო რეზოლუცია მიიღო. იმ დეპუტატებმა, რომლებმაც მხარი დაუჭირეს ამ მაკულატურას, კიდევ ერთხელ უმძიმესი შეურაცხყოფა მიაყენეს ევროპულ ინსტიტუციას და ევროპულ იდეას, რომელიც თავისუფლებას, თანასწორობას, გამჭვირვალობას და სიმართლეს ეფუძნება. ლობიზმში თავიდან ბოლომდე ჩაფლული დეპუტატების პირით ქართველ ხალხს გვითხრეს, რომ უნდა გავათავისუფლოთ მიხეილ სააკაშვილი. კრიმინალი, რომელმაც ჩვენ ქვეყანაში წამების, მკვლელობის, ბიზნესის რეკეტის, ადამიანების ჩაგვრისა და გაუპატიურების მანკიერი სისტემა შექმნა. თურმე უნდა გავათავისუფლოთ სააკაშვილი, რომელმაც ტერიტორიების 20% შეგნებულად, მიზანმიმართულად ჩამოაჭრა საქართველოს და ქვეყანა სიღარიბის ჭაობში ჩაფლო. ამის პარალელურად, სამარცხვინო რეზოლუციის ავტორებმა ბიძინა ივანიშვილის დასანქცირება მოითხოვეს. ადამიანის, რომელმაც საკუთარი სიცოცხლის ფასად „აგენტი კრიმინალების“ ბანდას გამოსტაცა ეს ქვეყანა ხელიდან და განადგურებისგან გადაარჩინა. ევროდეპუტატები ითხოვენ იმ ადამიანის დასანქცირებას, რომელმაც ჩვენი ქვეყნის კულტურა და სულიერება საკუთარი უპრეცედენტო ქველმოქმედებით გადაარჩინა და ისეთ დემოკრატიას ჩაუყარა საქართველოში საფუძველი, სადაც ადამიანის უფლება და სიტყვის და გამოხატვის უფლებები უმაღლეს დონეზეა დაცული. სამარცხვინო რეზოლუციით ევროპარლამენტარები მოგვიწოდებენ, უკან გავიწვიოთ კანონი, რომელიც ლგბტ პროპაგანდის აკრძალვას ითვალისწინებს. ანუ, უფრო მარტივად რომ ვთქვათ - პირდაპირ გვითხრეს, საქართველოში ფართე ასპარეზი უნდა დავუთმოთ არატრადიციული სექსუალური ორიენტაციის პროპაგანდას, მის გავრცელებას და პოპულარიზაციას, რაც პირდაპირ საფრთხეს უქმნის ჩვენ მომავალ თაობებს. ამ ქვეყანაში ყველა ადამიანის უფლებები დაცულია, განურჩევლად მათი სარწმუნოების, სქესისა, ორიენტაციისა და ა.შ. რა თქმა უნდა, ჩვენ არავის პირადი ცხოვრებით არ ვინტერესდებით, არავის განსჯას არ ვაპირებთ, ყველას აქვს თავისი პირადი ცხოვრება და ვისაც როგორ უნდა, ისე იცხოვროს, მაგრამ პროპაგანდა კატეგორიულად მიუღებელია. სამარცხვინო რეზოლუციით ევროპარლამენტის დეპუტატები ასევე მოგვიწოდებენ, უარი ვთქვათ გამჭვირვალობის კანონზე. მათი სურვილია, ჩვენ ქვეყანაში ფარულად შემოედინებოდეს შავი ფული, რომელიც შემდეგ ჩვენი ქვეყნის წინააღმდეგ დესტრუქციულ ქმედებებს ხმარდება. პარადოქსია, მაგრამ ამ ჩანაწერით რეზოლუციის მხარდამჭერი დეპუტატები დგანან გაუმჭვირვალობის, სიბნელის მხარეს. თან ეს იმ ფონზე, როდესაც უახლოეს პერიოდში თავად ევროკავშირი მიიღებს ბევრად უფრო მძიმე კანონს უცხოური დაფინანსების შესახებ. რეზოლუციაში ამ ჩანაწერით პირდაპირ გვითხრეს, რომ გვეკრძალება ჩვენ ის, რასაც თავად აკეთებენ. რაც შეეხება საკითხს რეზოლუციაში „ვიზალიბერალიზაციის გადახედვასთან“ დაკავშირებით - ეს აბსურდული ჩანაწერი გაკეთდა მხოლოდ და მხოლოდ ერთი მიზნისთვის, როგორმე მოსახლეობაში გამოიწვიონ აჟიოტაჟი, დააბნიონ საზოგადოება, რათა შემდეგ გაამძაფრონ საპროტესტო მუხტი. ამის ნათელი მაგალითია რადიკალური ოპოზიციის დღევანდელი ქმედება - რეზოლუციის გამოქვეყნებიდან რამდენიმე წუთში გაკოტრებული პოლიტიკოსები ერთმანეთის მიყოლებით დალაგდნენ კამერებთან და ხალხის მოტყუებას ცდილობენ, თითქოს უვიზო მიმოსვლას გვიუქმებენ. საზოგადოებას მინდა მივმართო, არ მოტყუვდეთ მეგობრებო, არავინ შეგიყვანოთ შეცდომაში. მინდა იცოდეთ, რომ ამის მექანიზმი არ არსებობს. ვიზალიბერალიზაციის არათუ გაუქმებას, არამედ ამ პროცესის წამოწყებას ევროკავშირის წევრი 27 წევრი ქვეყნის თანხმობა სჭირდება. საბედნიეროდ, ევროპულ ბიუროკრატიაში ჯერ კიდევ არიან ჯანსაღი პოლიტიკური ძალები, რომლებიც მსგავს სამარცხვინო ნაბიჯს ბიძგს არ მისცემენ. სამწუხაროდ, დღეს ევროპულ სტრუქტურებში ფეხი აქვს გადგმული ლობიზმს და მანკიერ ურთიერთობებს. მსგავსი სამარცხვინო რეზოლუციები პირველ რიგში სწორედ ევროპულ ინსტიტუციებს აყენებს შეურაცხყოფას და აზიანებს მათ რეპუტაციას. დიახ, ჩვენ გვჭირდება ევროპა, თუმცა არანაკლებ ვჭირდებით ევროპას, რამეთუ გვაქვს დიდი გამოცდილება აგენტოკრატიასთან ბრძოლაში. უახლოეს წარსულში ჩვენ გავათავისუფლეთ ქვეყანა გარე ძალებისგან მართული მარიონეტებისგან და ასევე დავეხმარებით ჩვენს ევროპელ კოლეგებს, რომ მათაც მოახერხონ და თავი დააღწიონ აგენტურის მმართველობას, რომლებიც აუფასურებენ ევროპულ სტრუქტურებს და ევროპულ იდეას. ჩვენი ხელისუფლებისთვის პრიორიტეტი არის საქართველოს სუვერენიტეტი, მშვიდობა ჩვენს ქვეყანაში და ზრუნვა თითოეული მოქალაქის კეთილდღეობაზე. საქართველო უპირველეს ყოვლისა!

22 აპრილი, 2024

„უცხოური გავლენის გამჭვირვალობის შესახებ“ კანონპროექტი ჯერ კიდევ განხილვის პროცესშია. თუმცა, უკვე ცხადია, რომ შარშანდლისგან განსხვავებით, წელს რადიკალურმა ოპოზიციამ შეცდომაში ჩვენი თანამოქალაქეების მხოლოდ მცირე ნაწილის შეყვანა შეძლო. პოლიტიკური ოპოზიციის მიერ ორგანიზებული აქციების მონაწილეთა რაოდენობამ პიკზე 9,500 შეადგინა. აშკარაა, რომ კეზერაშვილის, ხაზარაძის და მდიდარი „ენჯეოების“ არაკეთილსინდისიერი დონორების მიერ რადიკალური ოპოზიციის გაძლიერებაში ჩადებულმა მრავალმილიონიანმა ინვესტიციამ არ გაამართლა. ქართული საზოგადოება უკვე იმდენად არის პოლიტიკურად მომწიფებული, რომ ვერავითარი ფულით მას შეცდომაში ვერ შეიყვან. სოციოლოგიური კვლევების თანახმად, დღეს „ქართული ოცნების“ რეიტინგი 60 პროცენტს აჭარბებს, ხოლო ერთადერთ ოპოზიციურ პარტიას, რომელიც ბარიერის გადალახვას ახერხებს, მხოლოდ 12-პროცენტიანი რეიტინგი აქვს. ამ ფონზე, პოლიტიკურად გაკოტრებული რადიკალური ოპოზიცია, მდიდარი „ენჯეოები“ და ე.წ. პრეზიდენტი ხალხის სახელით გვესაუბრებიან, რაც ჩვენი მხარდამჭერების, საქართველოს მოსახლეობის აბსოლუტური უმრავლესობის სამართლიან გაღიზიანებას იწვევს. ვითვალისწინებთ ჩვენი მხარდამჭერების თხოვნას და მომავალ ორშაბათს, 29 აპრილს, საქართველოს პარლამენტის სასახლის წინ ვატარებთ საყოველთაო-სახალხო შეკრებას. მოგიწოდებთ, ჩვენი ქვეყნის პატრიოტმა თანამოქალაქეებმა მთელი ქვეყნიდან ერთად ვუთხრათ უარი შავი ფულით საქართველოში რევოლუციის, მართლმადიდებელ ეკლესიაზე თავდასხმის, რელიგიური სარჩულით პოლიტიკური ინტერვენციის, ლგბტ-პროპაგანდის, ნარკოტიკების პროპაგანდის, სახელმწიფო ინსტიტუტების დისკრედიტაციის, რადიკალიზმისა და ე.წ. პოლარიზაციის დაფინანსებას. პოლიტიკურად და მორალურად გაკოტრებულ პოლიტიკურ უმცირესობას ვერ მივცემთ სპეკულირებისა და ხალხის სახელით საუბრის უფლებას. ყველას დავანახებთ, სად დგას ქართველი ხალხის უდიდესი უმრავლესობა, რომლისთვისაც ძვირფასია სიმართლე და ჭეშმარიტი ევროპული ფასეულობები, რომლისთვისაც ძვირფასია ჩვენი ტრადიციული ეროვნული ღირებულებები - მამული, ენა და სარწმუნოება. ერთად ვუთხრათ არა - შავ ფულს და ერთად ვუთხრათ კი - გამჭვირვალობას, ჭეშმარიტ ევროპულ გზას, დამოუკიდებელ და სუვერენულ საქართველოს!

18 მარტი, 2024

დღევანდელ სხდომაზე რამდენიმე საკითხი განვიხილეთ, მათ შორის, ვეტინგთან დაკავშირებით, პრეზიდენტის ვეტოსთან დაკავშირებით, ლგბტ პროპაგანდის წინააღმდეგ კანონთან დაკავშირებით, თუმცა პირველ რიგში, დღევანდელი დღიდან და მისი მნიშვნელობიდან გამომდინარე გამოვეხმაურებით ნატო-ს გენერალური მდივნის ვიზიტს საქართველოში. მისასალმებელია მისი დამოკიდებულება ჩვენი ქვეყნის და მისი ტერიტორიული მთლიანობის მიმართ. ის შეეხო მრავალ საკითხს. სასიხარულოა მისგან ხაზგასმა მაგალითად, კრიზების მართვის, კიბერუსაფრთხოების, სამხედრო ინჟინერიის საკითხებზე და ზოგადად ნატო-სთან საქართველოს მჭიდრო თანამშრომლობაზე. აქვე უნდა აღინიშნოს, რომ საქართველო არის ყველაზე მსხვილი დისტრიბუტორი ნატო-ს არაწევრ ქვეყნებს შორის ნატოსს მისიებში. ჩვენ ათეულობით გმირი ჯარისკაცი დავკარგეთ და ასეულობით დაშავებული გვყავს. მიგვაჩნია, რომ ამ და სხვა უდავო ფაქტებს საქართველოს დასავლეთისკენ სწრაფვის საკითხებთან მიმართებით სათანადო შეფასება და დაფასება სჭირდება.ჩვენი კი, ჩვენი მხრიდან, მტკიცედ გავაგრძელებთ ქვეყნის სწორ სვლას ევროინტეგრაციის გზაზე და ამავდროულად, ასევე მტკიცედ დავიცავთ ქვეყნის კონსტიტუციას, ეროვნულ იდენტობას და ინტერესებს, მოქალაქეთა კეთილდღეობას და ქვეყნის დეოკუპაციის გზაზე მშვიდობისა და სტაბილური განვითარების სწორ გეზს. ასევე, დღევანდელ დღეს არ შეიძლება ასეთი განცხადება არ გაკეთდეს, ჩვენ ვუერთდებით საქართველოს საგარეო საქმეთა სამინისტროს განცხადებას და ვგმობთ რუსეთის ფედერაციის მხრიდან საპრეზიდენტო არჩევნებთან დაკავშირებით საარჩევნო უბნების საქართველოს ოკუპირებულ ტერიტორიაზე გახსნას, რაც ოკუპანტი მხარის მიერ საერთაშორისო სამართლის პრინციპებისა და ნორმების კიდევ ერთი უხეში და შეურაცხმყოფელი ქმედებაა და დარღვევის ეს ხარისხი რაზე მიანიშნებს კიდევ ერთხელ ალბათ ამას ქართული და საერთაშორისო საზოგადოება კარგად იაზრებს. რაც შეეხება მიმდინარე კვირის საკითხებს, მიმდინარე კვირაში, როგორც უკვე ჩვენ ორი კვირის წინ დავაანონსეთ და გამოხმაურება ამასთან დაკავშირებით ჩვენი ოპონენტებიდან არ ყოფილა, გარდა ირიბი დათანხმებისა ლგბტ პროპაგანდის მხარეს დგომაზე, ჩვენ დავაინიცირებთ ამ კვირაში კანონპროექტს ლგბტ პროპაგანდის წინააღმდეგ. როგორც იცით, ამ თემით უკვე დაინტერესდნენ ჩვენი ოპონენტები და ემზადებიან ჯერ კიდევ დაურეგისტრირებელი კანონპროექტის წინააღმდეგ საბრძოლველად. ოპონენტები შეგვიძლია ვთქვათ, რომ ამ თემის ოპონენტები, შეგვიძლია ვთქვათ, ზოგადად ოპონენტები, პრინციპში განსხვავება აღარ იქნება დამერწმუნეთ ამაში. ტრენინგები გაიმართა პრაიდის ორგანიზებით და გაეროს განვითარების ფონდის დაფინანსებით, რაზეც პრაიდის წარმომადგენლები აცხადებენ, რომ რუსული დეზინფორმაციის წინააღმდეგ ტარდებოდა სემინარი, ხოლო გაეროს განვითარების ფონდმა თქვა, რომ მათ დააფინანსეს სემინარი, რომელიც უმცირესობების უფლებებს ეხებოდა. სინამდვილეში კი, არა უფლებები, არამედ სასაუბრო თემა გახლდათ ფსევდოლიბერალური პროპაგანდის დაცვა და ამის შესახებ ინფორმაცია ჟურნალისტების მხრიდან წინასწარვე გახმოვანდა. მოვუწოდებთ როგორც გაეროს განვითარების ფონდს, ასევე სხვა დონორ ორგანიზაციებს: კარგად გაერკვნენ, რეალურად რა აქტივობებს აფინანსებენ და რაში იხარჯება ჩვენი მეგობარი და პარტნიორი ქვეყნების გადამხდელთა ფული - იმისათვის, რომ მაგალითად არატრადიციული ცხოვრების წესის ადამიანების უფლებები არ ავურიოთ ლგბტ პროპაგანდის მავნე შედეგებში, იმისათვის, რომ, მაგალითად ამერიკული კანონმდებლობის ზუსტი თარგმანი აღარასდროს ავურიოთ რუსულ კანონმდებლობაში. ე. წ. „ფარა“, რომელიც ამერიკაში მოქმედებს, არ ავურიოთ პუტინის კანონში. დოლარი, რომლითაც მდიდარი ენჯეოები ფინანსდებიან, რუბლში, რომლითაც ასევე მდიდარი ენჯეოების ნაწილი ფინანსდება და ა.შ. რაც შეეხება ვეტინგის სისტემას, ესეც იყო დღევანდელი განხილვის თემა. შეგვიძლია თამამად ეს საკითხი აბსოლუტურად დახურულად გამოვაცხადოთ, რადგან რაც არ უნდა მოხდეს, ჩვენი ხელისუფლება, არასდროს დაუშვებს არცერთ სფეროსთან დაკავშირებით ისეთი სისტემის შექმნას, სადაც საქართველოს ან მისი ხელისუფლების რომელიმე შტოს წარმომადგენლების საკითხის გადაწყვეტა დამოკიდებული იქნება სხვა ქვეყნის მოქალაქეებზე, როგორი მეგობრული დამოკიდებულებაც არ უნდა გვქონდეს ამ სხვა ქვეყნებთან. კატეგორიულად და პრინციპულად ვაცხადებთ, რომ სუვერენიტეტზე, ქვეყნის კონსტიტუციაზე და დამოუკიდებლობაზე დარტყმას ჩვენ საკუთარი ხელით ნამდვილად არ ვაპირებთ. ამიტომ ეს საკითხი დახურულია და თავს ნუ შეიწუხებენ ზედმეტი დაძალებისგან თუ პიარ კამპანიებისგან. რაც შეეხება ასევე ძალიან მნიშვნელოვან და აქტუალურ თემას, სალომე ზურაბიშვილის ვეტოს - მტკიცებულებების დონეზე გაირკვა, ერთ-ერთი ტელევიზიის სიუჟეტიდანაც გამომდინარეობდა ეს და ბევრი ამბავი გაიგო ქართულმა საზოგადოებამ, რომ „ნაცმოძრაობის“ ერთ-ერთი ყველაზე თაღლითური შტოს, ხაზარაძის პარტიას დავალებული ჰქონდა ცესკო-ს ხელში ჩაგდება, რისთვისაც იგეგმებოდა, ერთი მხრივ, თავდასხმა ცესკო-ს თავმჯდომარეზე, მორალური თუ ფიზიკური გზით, ორივე მიმართულებით ხმოვანდებოდა ინფორმაცია და თუ ეს მოხერხდებოდა, მის მოვალეობას ხაზარაძის პარტიის პოლიტსაბჭოს წევრი შეასრულებდა. ამავდროულად, კანონმდებლობაში ამგვარი დაშვება და პრეცედენტი ევროპის, არცერთ, ხაზს ვუსვამ, არცერთ ქვეყანაში არ არსებობს. ამის, ცესკო-ს მოსალოდნელი საბოტაჟის გამო და 9 ევროპული დათქმის ერთ-ერთი პუნქტის სრულად შესასრულებლად ჩვენ შევცვალეთ კანონი საუკეთესო ევროპული პრაქტიკის შესაბამისად, რომელსაც სალომე ზურაბიშვილმა ვეტო დაადო. ოპოზიციის უდიდესი უმრავლესობა აცხადებდა, რომ მიუხედავად ზემოთაღნიშნული უდავო ფაქტებისა, ჩვენ უნდა გაგვეთვალისწინებინა ვენეციის კომისიის დასკვნის ის ნაწილი, სადაც კომისია მიგვითითებდა ევროპაში არარსებული პრეცედენტის დანერგვას, რაც ჩვენ არ გავაკეთეთ. თავის მხრივ სალომე ზურაბიშვილმა ვეტო ისეთი არგუმენტებით დაადო მიღებულ კოდექსს, რომ ეს არგუმენტაცია აცდენილია როგორც სწორ სამართლებრივ ევროპულ პრაქტიკას და რაც არ უნდა გასაკვირი იყოს, ასევე აცდენილია ვენეციის კომისიის რეკომენდაციასაც, რომელიც მე წეღან ვახსენე. შესაბამისად, ჩვენ არ ვაპირებთ ზურაბიშვილის ყველაფერსაცდენილი შენიშვნების გათვალისწინებას და დავძლევთ ვეტოს, რომელიც ხაზარაძის პარტიის მავნებლური გეგმის შემობრუნების ბოლო უშედეგო მცდელობაა. ეს ნიშნავს, რომ საქართველოში არჩევნებს ჩაატარებს ქართველი ხალხის ლეგიტიმაციით არჩეული, დამოუკიდებელი ცენტრალური საარჩევნო კომისია და მისი თავმჯდომარე. ამავე დროს, ამ გადაწყვეტილებით ჩვენ ვასრულებთ 9 დათქმიდან ერთ-ერთს, რომელიც თავისუფალი და ვციტირებ - თავისუფალი, სამართლიანი და კონკურენტუნარიანი საარჩევნო პროცესის უზრუნველყოფას ითვალისწინებს. ეს იყო ერთ-ერთი დათქმა და ეს შესრულებული იქნება და ვერ იქნებოდა შესრულებული იმ შემთხვევაში, თუ გავითვალისწინებდით მათ მოწოდებას, როცა მაგალითად, თავმჯდომარის გადადგომის შემთხვევაში ცესკოს თავმჯდომარის მოვალეობა რომელიღაცა პარტიის, განსაკუთრებით ხაზარაძის, ანუ, ნაცმოძრაობის ერთ-ერთი შტოს პოლიტსაბჭოს წევრს უნდა შეესრულებინა. და ბოლოს, ვულოცავთ „ხალხის ძალას“ პარტიის დაფუძნებას. ჩვენ „ნაცმოძრაობისგან“ განსხვავებით და მისი პარტიის სხვადასხვა შტოებისგან განსხვავებით, რა თქმა უნდა არ ვთვალთმაქცობთ და არ ვემიჯნებით ერთმანეთს. გარდა იმ ერთი ორი საკითხისა, რომელზეც ჩვენ არაერთხელ ვისაუბრეთ. პირიქით, საუკეთესო ევროპული პრაქტიკის მსგავსად, ჩვენ მკაფიოდ ვაფიქსირებთ საერთო შეხედულებებს ეროვნულ ღირებულებებზე, საერთო ხედვებს მშვიდობის, ქვეყნის მთლიანობის და დეოკუპაციის, სტაბილურობის, ეკონომიკური განვითარების და სიღარიბის დაძლევის, ტრადიციების, ეროვნული იდენტობის და სხვა საერთო ღირებულებების მიმართ, თუმცა გვაქვს განსხვავებული ხედვა რამდენიმე საკითხის გადაჭრის გზებთან მიმართებით, რის გამოც მათ ცალკე პარტიის შექმნა გადაწყვიტეს. ამიტომ, წარმატებას ვუსურვებთ ჩვენს მეგობრებს და უმრავლესობის წევრებს „ხალხის ძალიდან“ ახალ პარტიულ ასპარეზზე.

29 თებერვალი, 2024

როგორც მოგეხსენებათ, საქართველოში დაცულია ადამიანის უფლებები მაღალ დონეზე, განურჩევლად ნებისმიერი ადამიანის ცხოვრების წესისა. ჩვენ მივიღეთ ანტიდისკრიმინაციული კანონი და ყველანი ვთანხმდებით პრინციპზე, რომ არავის და მით უმეტეს, ხელისუფლების საქმე არ არის ვინმეს განსჯა. ჩვენი ხელისუფლების მონაპოვარია ადამიანის, მათ შორის, არატრადიციული ორიენტაციის მქონე ადამიანების უფლებების დაცვა. სწორედ ჩვენმა ხელისუფლებამ აღმოფხვრა ასეთ ადამიანებზე ზეწოლის, მათი შანტაჟის, პირადი ცხოვრების ხელყოფის უხეში პრაქტიკა, რომელიც წინა ხელისუფლების გამორჩეული ხელწერა იყო. ქართული საზოგადოება ყოველთვის იყო ტოლერანტული, თუმცა, ქართული საზოგადოება არ არის და ვერ იქნება ტოლერანტული ფსევდოლიბერალური პროპაგანდის მიმართ. ვხედავთ მძიმე ტენდენციებს მსოფლიო მასშტაბით ფსევდოლიბერალური იდეოლოგიის გავრცელების კუთხით. ეს პროპაგანდა სულ უფრო უხეშ ფორმებს იძენს. რაც მთავარია, პროპაგანდას აქვს მძიმე შედეგები. საერთაშორისო კვლევები ადასტურებს, რომ მთელ რიგ ქვეყნებში, სადაც განსაკუთრებით აქტიურად ვრცელდება ფსევდოლიბერალური იდეოლოგია, 18-25 წლის ახალგაზრდებს შორის არატრადიციული სექსუალური ორიენტაციის მქონე ადამიანების რაოდენობა უკვე დაახლოებით 20 პროცენტს, ზოგან კი მეტსაც შეადგენს. შემაშფოთებელია, რომ ეს მაჩვენებელი 7 წელიწადში 3-ჯერ გაიზარდა, ზრდა კი ზუსტად ემთხვევა იმ პერიოდს, როდესაც ეს პროპაგანდა ამ მიმართულებით განსაკუთრებით გააქტიურდა. 2017 წელს ერთნაირსქესიანთა ქორწინების დაკანონება შევზღუდეთ და საქართველოს კონსტიტუციაში პირდაპირ ჩავწერეთ, რომ ქორწინება, ეს არის ქალისა და მამაკაცის კავშირი ოჯახის შექმნის მიზნით. ამის მიუხედავად, შეიძლება აღმოვჩნდეთ რეალობის წინაშე, როდესაც მოგვთხოვენ ე.წ. „სამოქალაქო პარტნიორობის“ დაკანონებას. ჩვენ უკვე გვქონდა ისეთი შემთხვევაც, როდესაც უცხოელების მხრიდან ადგილი ჰქონდა ტერმინოლოგია „ქალისა და მამაკაცის და გენდერული თანასწორობის“ შემოღების მოთხოვნას და ჩვენ ამის უარსაყოფად საკმაოდ სერიოზული ბრძოლის გადატანა მოგვიხდა (ამის ჩაწერა ნიშნავდა, რომ მდედრობითისა და მამრობითის გარდა, სხვა სქესიც უნდა გვეღიარებინა) დღეს მსოფლიოში ფსევდოლიბერალები ილაშქრებენ ისეთი ტერმინების წინააღმდეგ, როგორიცაა დედა და მამა, ცოლი და ქმარი და ა.შ. ითხოვენ ე.წ. „გენდერულად ნეიტრალური“ ტერმინოლოგიის დანერგვას, როგორიცაა მშობელი 1 და მშობელი 2 და ა.შ. ამის ლოგიკური გაგრძელება იქნება, მაგალითად, პასპორტიდან სქესის შესახებ ჩანაწერის ამოღება. ისინი საქართველოში ყოველწლიურად ცდილობენ, თავს მოგვახვიონ ე.წ. „პრაიდი“ მაშინ, როდესაც სოციოლოგიური კვლევები ადასტურებს, რომ საქართველოს მოსახლეობის 90 პროცენტზე მეტი ამას, სრულიად სამართლიანად, პროპაგანდად აღიქვამს და ე.წ. „პრაიდის“ ჩატარების წინააღმდეგია. მეტიც, ამგვარი აგრესიული პროპაგანდა პირიქით, უარყოფითად მოქმედებს განსხვავებული სექსუალური ორიენტაციის ადამიანების უფლებების დაცვაზე. წარმოებს პროპაგანდა იმის შესახებ, რომ ბავშვმა თავად უნდა აირჩიოს საკუთარი სქესი. მთელ რიგ სახელმწიფოებში დაკანონდა ბავშვებისთვის სქესის შეცვლის ოპერაციები და შესაბამისი სამედიცინო მანიპულაციებიც. აქტიურად გამოიყენება ამ იდეოლოგიის გასავრცელებლად მსხვილი კომპანიები, მედიასაშუალებები, კინოინდუსტრია და ა.შ. მათ შორის, ამის მაგალითები საქართველოშიც გვქონდა გახსოვთ ანიმაციურ ფილმებში, სატელევიზიო სერიალებში, თუ სხვა მიმართულებით. ამ პროპაგანდას არავითარი კავშირი არა აქვს ადამიანის უფლებების დაცვასთან. მისი მიზანია პოპულარიზაცია გაუწიოს ცხოვრების არატრადიციულ წესს. ფსევდოლიბერალური იდეოლოგია კი სერიოზული საფრთხის შემცველია საზოგადოებისთვის, რასაც საერთაშორისო კვლევებიც ადასტურებს. ამდენად, საპარლამენტო უმრავლესობას მიაჩნია, რომ ამ პროპაგანდას აქტიურად უნდა დავუპირისპირდეთ და ამისათვის საკანონმდებლო მექანიზმებიც უნდა გამოვიყენოთ. შესაბამისად, მივიღეთ გადაწყვეტილება, რომ მომზადდეს საკანონმდებლო ინიციატივა, რომელიც საზოგადოებას ფსევდოლიბერალური იდეოლოგიისგან და მისი გარდაუვალი მავნე შედეგებისგან დაიცავს. კანონპროექტი უახლოესი 2 კვირის განმავლობაში მომზადდება და დაინიცირდება პარლამენტში. კანონპროექტში სრულად იქნება დაცული საქართველოს კონსტიტუციის მეორე თავით გათვალისწინებული პრინციპები და ნორმები. კიდევ ერთხელ გავიმეორებთ, რომ თითოეული ჩვენი მოქალაქის უფლებები ძალიან პრინციპულად უნდა იყოს და იქნება დაცული, განურჩევლად ცხოვრების წესისა, თუმცა, არატრადიციული ცხოვრების წესის მიზანმიმართული პროპაგანდა არის ის, რასთან დაპირისპირებაც არის ჩვენი პასუხისმგებლობა ქართული საზოგადოებისა და მისი მომავლის წინაშე. ყველა, ვინც გრძნობს პასუხისმგებლობას ამ ღირებულებების წინაშე, ვალდებულია და მოვუწოდებთ, აქტიურად ჩაერთოს ამ პროცესში, მხარი დაუჭიროს ამ ინიციატივას, რომელიც ფსევდოლიბერალური იდეოლოგიის და მისი ზეგავლენის წინააღმდეგ იქნება მიმართული.

15 თებერვალი, 2024

მოგესალმებით, პირველ რიგში, მინდა ყველას მოგილოცოთ მირქმის დღესასწაული. მოგეხსენებათ, რომ პარტიის თავმჯდომარის რანგში დღეს ვმართავ პირველ ბრიფინგს და მინდა გაცნობოთ თქვენ და საზოგადოებას ჩემი გეგმების შესახებ. მარტიდან, მომდევნო ასი დღის განმავლობაში, ვგეგმავ ათ რეგიონში ჩასვლას, მექნება ათი გასვლითი ღონისძიება. ვაპირებ შევხვდე ჩვენი პარტიის წარმომადგენლებს, რაიონული ორგანიზაციების ხელმძღვანელებს, ჩვენს აქტივს, მოსახლეობას, რათა ადგილზე გავეცნო მათ საჭიროებებს. ამ შეხვედრების მთავარი მიზანი იქნება წინასაარჩევნო კამპანიის მომზადება. ჩვენი პარტია უნდა მოემზადოს არჩევნებისთვის. მოგეხსენებათ, ჩვენი გაცხადებული მიზანია, მაქსიმალური შედეგი მივიღოთ ამ არჩევნებზე, ამისთვის საჭიროა ჩვენი რესურსების, აქტივის მაქსიმალური მობილიზაცია, რომ მივიღოთ ძლიერი გამარჯვება და ძლიერი შედეგი.გავიმეორებ - ჩვენი მიზანია, მივიღოთ საკონსტიტუციო უმრავლესობა მომდევნო საპარლამენტო არჩევნებზე, ამიტომ, კიდევ ერთხელ მინდა მადლობა გადავუხადო ჩვენი პარტიის თითოეულ წევრს. მე მექნება მათთან შეხვედრები. ასევე მინდა გითხრათ, რომ ჩვენ გვაქვს კომუნიკაცია აღმასრულებელ ხელისუფლებასთან, პარლამენტთან. მინდა კიდევ ერთხელ ვისარგებლო შემთხვევით და წარმატება ვუსურვო პრემიერ ირაკლი კობახიძის მთავრობას, ყველა მინისტრს.

02 თებერვალი, 2024

„ქართული ოცნების“ საპატიო თავმჯდომარემ, ბიძინა ივანიშვილმა პარტიის პოლიტიკურ საბჭოს პრემიერ-მინისტრობის კანდიდატად, ირაკლი კობახიძე წარუდგინა. პოლიტიკური საბჭოს დასრულების შემდეგ გაიმართა „ქართული ოცნების“ რიგით მერვე ყრილობა, სადაც აირჩიეს პარტიის ახალი თავმჯდომარე ირაკლი ღარიბაშვილი, ხოლო პოლიტიკური მდივნის თანამდებობაზე ირაკლი კობახიძე. ხელახლა უცვლელი შემადგენლობით დამტკიცდა პარტიის პოლიტიკური საბჭოს და სარევიზიო კომისიის შემადგენლობები. ამის შემდეგ პროცესები პარლამენტში გადაინაცვლებს. კერძოდ, პრემიერ-მინისტრობის კანდიდატი მთავრობის შემადგენლობასა და სამთავრობო პროგრამას პარლამენტს წარუდგენს, რომელსაც ჯერ ბიურო, შემდეგ კი კომიტეტები განიხილავენ. ამის შემდეგ ახალი მთავრობისთვის ნდობის გამოცხადების საკითხი პარლამენტის პლენარულ სხდომაზე დადგება.

30 დეკემბერი, 2023

მოგესალებით ქალბატონებო და ბატონებო, მივესალმები ყრილობის დელეგატებს, „ქართული ოცნების” წევრებს, მივესალმები ჩვენს თანამოქალაქეებს, რომლებიც ტელევიზიით ადევნებენ თვალყურს მმართველი პარტიის ყრილობას. ზუსტად 3 წლის წინ, საზოგადოებას ვაცნობე ჩემი გადაწყვეტილება აქტიური პოლიტიკური პროცესებიდან დისტანცირების შესახებ. ახლა კი, 3 წლის შემდეგ, ჩემივე ინიციატივით, პარტიის საპატიო თავმჯდომარის სტატუსით, პოლიტიკურ ცხოვრებას ვუბრუნდები. ცხოვრებაში გულწრფელობას განსაკუთრებულად ვაფასებ და ამიტომ მინდა, ხალხს გულწრფელად განვუმარტო ჩემი გადაწყვეტილების მიზეზები. როგორც მოგეხსენებათ, პოლიტიკური საქმიანობა არ არის ჩემს ხასიათში. ყველას ახსოვს, რომ ჯერ კიდევ 2012 წლის არჩევნებამდე გავუზიარე საზოგადოებას ჩემი განზრახვა, რომ არჩევნებში გამარჯვებიდან ძალიან მალე დავტოვებდი პოლიტიკას. მაშინ ეს ბევრისთვის დაუჯერებელი იყო. თუმცა, ისიც გახსოვთ, რომ 2013 წლის ბოლოს სიტყვა შევასრულე, მივიღე მსოფლიო პოლიტიკის ისტორიაში უპრეცედენტო გადაწყვეტილება და პრემიერ-მინისტრის თანამდებობის დაკავებიდან ერთ წელიწადში, საკუთარი ნებით დავტოვე მთავრობის მეთაურის პოსტი. ამით იმის შეხსენება მინდა, რომ პოლიტიკაში თანამდებობისთვის არ მოვსულვარ. პოლიტიკაში შესვლის გადაწყვეტილება მივიღე რწმენით, რომ სწორედ ჩემი ეს ნაბიჯი წაადგებოდა მაშინ ყველაზე მეტად ქვეყნისა და ხალხის ინტერესებს. პოლიტიკიდან კი ერთ წელიწადში იმ რწმენით გავედი, რომ მისია სრულად მქონდა შესრულებული და დამნაშავეებს ხელისუფლებაში დაბრუნების ამბიცია აღარასდროს გაუჩნდებოდათ. თუმცა, როგორც შემდგომ გაირკვა, დანაშაულებრივ პოლიტიკურ სისტემას იმაზე ღრმად ჰქონდა გადგმული ფესვები, ვიდრე ეს ერთი შეხედვით ჩანდა. პირველად 2018 წელს მომიწია პოლიტიკაში შემობრუნება. ამ გადაწყვეტილების მიზეზების შეხსენებით თავს აღარ შეგაწყენთ. გავიხსენებ მხოლოდ ევროკავშირის ყოფილი ელჩის სიტყვებს. ელჩმა, რომელთანაც ოჯახებით ვმეგობრობდი, მითხრა: რომ არ დაბრუნებულიყავი, ერთი თვე და მმართველი პარტიიდან არაფერი დარჩებოდაო. ეს მართლაც ასე იყო და ძალიან კარგად ვიცოდი. თუმცა, ელჩის ნათქვამით გავიაზრე, რომ რაც მე დავინახე და შევაფასე, თურმე, გარედანაც კარგად ჩანდა. მაშინ ჩემი მისია შევასრულე, გუნდი თავიდან დავალაგეთ, სისტემა ავაწყვეთ და მხოლოდ ამის შემდეგ, მეორედ გავედი პოლიტიკიდან. თანაც, საპენსიო ასაკმაც მომიწია და შესაბამისად, ამისათვის კიდევ ერთი საპატიო მიზეზი მქონდა. ერთადერთი, რისი გათვლაც არ შემეძლო, იყო ქვეყნისა და გუნდის ღალატი, რომელიც პოლიტიკიდან ჩემი დისტანცირებიდან სულ რაღაც ერთ თვეში გიორგი გახარიამ იკადრა. მაშინ მომიწია, მრჩევლის ფუნქცია მეტვირთა და გუნდს კონსულტაციებით რომ არ დავხმარებოდი, პროცესები ქვეყნისთვის უმძიმესი სცენარით განვითარდებოდა. მას შემდეგ, პარტიის 2-3 ლიდერთან მქონდა კომუნიკაცია, რაც გუნდში ჯანსაღი ვითარების შენარჩუნებას უწყობდა ხელს. ხაზგასმით მინდა აღვნიშნო, რომ პარტიის ყოფილი ლიდერის მიერ გუნდისთვის რჩევების მიცემა ჩვეულებრივი მოვლენაა და ასეთი რამ უამრავ დემოკრატიულ ქვეყანაში ხდებოდა და ახლაც ხდება. დღეს საქართველო რთული გამოწვევების წინაშე დგას. ჩვენი ქვეყნის გარშემო გეოპოლიტიკური ვითარება გართულდა და გამოწვევებიც გაიზარდა. შესაბამისად, გართულდა ქვეყნის წინაშე მდგარი ამოცანების შესრულებაც. ასეთ პირობებში, მცირე შეცდომაც კი ხელისუფლების მხრიდან, რომელსაც მმართველი პარტია წარმოადგენს, ქვეყანას ძალიან ძვირად შეიძლება დაუჯდეს. საქართველოს ეროვნული მიზნები არსებითად შესრულებულად მხოლოდ მას შემდეგ შეიძლება მივიჩნიოთ, როცა ეროვნულ თვითმყოფადობას ბოლომდე დავიცავთ, სახელმწიფოს სუვერენიტეტს სრულად აღვადგენთ, ქვეყანას გავაერთიანებთ და საგარეო პოლიტიკურ ამოცანებს შევასრულებთ - საქართველოს მთავარ საგარეო პოლიტიკურ ამოცანად დღეს ევროკავშირში ინტეგრაცია იკვეთება. პოლიტიკიდან გასვლისას, მმართველი პარტიის სათავეში გამართული გუნდი დავტოვე, რომელმაც გასული 3 წლის განმავლობაში მრავალი სირთულის დაძლევა და ამოცანის შესრულება შეძლო. ამ ფონზე, სამწუხაროდ, ვიმეორებ - სამწუხაროდ, სრულად განადგურდა ოპოზიცია. განადგურდა პოლიტიკის ის სუბიექტი, რომელიც პოლიტიკურ სისტემაში მმართველი გუნდის კონტროლზეა პასუხისმგებელი. დანაშაულებრივი წარსულით დამძიმებული ოპოზიცია ხელისუფლების ჯანსაღი და ქმედითი კონტროლით არც მანამდე გამოირჩეოდა, მაგრამ ახლა მას კონტროლის მინიმალური რესურსიც კი აღარ დარჩა. ნაცვლად ოპოზიციური პარტიების ეფექტიანი კონტროლისა, ხელში შეგვრჩა სიცრუის ნიაღვარი, რომელიც ყოველდღიურად მოედინება მათი მედიასაშუალებებიდან და უკვე იმდენად გაცვდა, რომ მმართველ გუნდს მცირე დისკომფორტსაც კი ვეღარ უქმნის. ოპოზიციის განადგურების პირობებში, იზრდება რისკები მმართველ გუნდში. ოპოზიციის არარსებობამ მმართველ პარტიას მარტივად შეიძლება თავბრუ დაახვიოს და მოადუნოს. გარდა ამისა, როდესაც გარეთ დასაპირისპირებელი არავინ გრჩება, ჩნდება ცდუნება, დაპირისპირება გუნდის შიგნით გამოიგონო. ასევე, ოპოზიციური კონტროლის არარსებობის პირობებში, კორუფციის რისკებიც მატულობს, რასაც საგანგებო დაზღვევა ესაჭიროება. ამ ყველაფერმა მიმაღებინა ჩემთვის არასასიამოვნო გადაწყვეტილება, შემოვბრუნდე პოლიტიკაში და დავიკავო მმართველი პარტიის საპატიო თავმჯდომარის თანამდებობა, რის შესახებაც ჩემს მიერ დაფუძნებული პარტიის ხელმძღვანელ გუნდს ცოტა ხნის წინ თავად მივმართე. ახლა რომ საპარლამენტო არჩევნები ტარდებოდეს, „ქართული ოცნება“ 90-100 მანდატს საარჩევნო კამპანიის გარეშეც მიიღებდა. შესაბამისად, ჩემი მთავარი მიზანი არა საარჩევნოდ პარტიის კიდევ უფრო გაძლიერება, არამედ ჭარბად მოძლიერებული გუნდის ადამიანური ცდუნებებისგან დაცვაა. მმართველი პარტია საჭიროებს ახალ სიმძიმის ცენტრს და მიმაჩნია, რომ ჩემს მიერ ამ ახალი სიმძიმის ცენტრის მისიის შესრულება დღეს დროული და აუცილებელია. ამისათვის, 2-3 კაცთან კონსულტაციები ვეღარ იქნება საკმარისი და მიმაჩნია, რომ ქვეყნის წინაშე მდგარი ამოცანების შესრულება ჩემსა და გუნდს შორის ბევრად უფრო ფართო კონსულტაციებს და კოორდინაციას საჭიროებს. ხაზი მინდა გავუსვა, რომ როგორც პარტიის საპატიო თავმჯდომარე, მე ვიქნები გუნდის მთავარი მრჩეველი. ჩემი სურვილი არაა, შევითავსო პარტიის მოქმედი თავმჯდომარის უფლებამოსილებები, რომელიც შესანიშნავად ახორციელებს პარტიის მენეჯმენტს და მომავალშიც ის შეასრულებს პარტიის მართვის ფუნქციას. ვფიქრობ, რომ ჩემი პოლიტიკური და ცხოვრებისეული გამოცდილება და შესაბამისი რჩევები ესაჭიროება გუნდს, რათა ჩვენი ქვეყანა საბოლოო გამარჯვებამდე მივიყვანოთ. ჩვენ გვაქვს შესაძლებლობა, ბოლომდე დავიცვათ ჩვენი ეროვნული თვითმყოფადობა, სრულად აღვადგინოთ სახელმწიფო სუვერენიტეტი და ქვეყნის ტერიტორიული მთლიანობა, საქართველო 2030 წლამდე მაღალშემოსავლიანი ქვეყნების რიგში ჩავაყენოთ და ევროკავშირში გავაწევრიანოთ. ჩვენი ვალია, ეს შესაძლებლობა სრულად გამოვიყენოთ და ამისათვის ძალ-ღონე არ უნდა დავიშუროთ. ჩვენი სამშობლო, ჩვენი ღირსეული და ამაყი ერი მხოლოდ საუკეთესოს იმსახურებს. თითოეული ჩვენგანის პასუხისმგებლობაა, საქართველოს წინსვლისა და წარმატებისთვის ბოლომდე დავიხარჯოთ. სწორედ ამ პასუხისმგებლობამ დამაბრუნა კიდევ ერთხელ პოლიტიკაში. გილოცავთ დამდეგ შობა-ახალ წელს! 2024 წელი ყოფილიყოს ახალი წარმატებების მომტანი ჩვენი ქვეყნისთვის, ბედნიერებისა და სიხარულის მომტანი თითოეული თქვენგანისთვის და თქვენი ოჯახებისთვის!

11 დეკემბერი, 2023

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა. უმრავლესობის წევრებმა მიმდინარე სასესიო კვირის პლენარულ სხდომებზე განსახილველ საკითხებზე იმსჯელეს. მიმდინარე კვირაში პარლამენტი განიხილავს რიგ კანონპროექტებს, მათ შორის, „საქართველოს 2024 წლის სახელმწიფო ბიუჯეტის შესახებ“, რომლის შესწორებულ ვარიანტს საპარლამენტო უმრავლესობა მხარს დაუჭერს; დაჩქარებული წესით განიხილება კანონპროექტი საქართველოს მოქალაქეთა და საქართველოში მცხოვრებ უცხოელთა რეგისტრაციის, პირადობის (ბინადრობის) მოწმობისა და საქართველოს მოქალაქის პასპორტის გაცემის წესის შესახებ“ საქართველოს კანონში ცვლილების შეტანის თაობაზე“, რომელიც ლამინირებული პირადობის მოწმობებს ეხება. გარდა ამისა, დეპუტატები განიხილავენ კანონპროექტს „საზოგადოებრივი მაუწყებლის შესახებ“. კონსულტაციების შედეგად მიღწეულია კონსენსუსი - მომდევნო ორი წლის განმავლობაში საზოგადოებრივი მაუწყებლის ბიუჯეტი იქნება იგივე, რაც იყო მიმდინარე წელს. ეს მათ საშუალებას მისცემს, დაასრულონ ახალი შენობა, მთლიანი ინფრასტრუქტურა და სრულად აღჭურვონ.

27 ნოემბერი, 2023

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა. უმრავლესობის წევრებმა მიმდინარე სასესიო კვირის პლენარულ სხდომებზე განსახილველ საკითხებზე იმსჯელეს, მათ შორის, საქართველოს 2024 წლის სახელმწიფო ბიუჯეტის შესახებ კანონის პროექტზე, რომლის შესწორებულ ვარიანტს საპარლამენტო უმრავლესობა მხარს დაუჭერს. „მინისტრის საათის“ ფორმატში, დეპუტატები საქართველოს განათლებისა და მეცნიერების მინისტრს, გიორგი ამილახვარს მოუსმენენ. უმრავლესობის სხდომაზე საუბარი შეეხო უწყებათაშორისი კომისიის დღევანდელ სხდომას, რომელზეც ევროკომისიის რეკომენდაციების შესრულების სამოქმედო გეგმა დაამტკიცეს. უმრავლესობის წევრებმა განიხილეს ასევე ცვლილებები ფრაქციაში. მიღებული გადაწყვეტილებით, ფრაქცია „ქართული ოცნების“ თავმჯდომარის პირველ მოადგილედ არჩეულია რატი იონათამიშვილი, ხოლო მოადგილეებად - ედიშერ თოლორაია, გრეტა წიწავა და ირაკლი კირცხალია.

08 ნოემბერი, 2023

მინდა ყველას მოგილოცოთ ევროკომისიის დღევანდელი დასკვნა და მიღწეული შედეგების აღიარება. საქართველომ 2012 წლიდან მოყოლებული ბევრ ხელშესახებ წარმატებას მიაღწია ევროინტეგრაციის გზაზე არა მხოლოდ 12 რეკომენდაციის ფარგლებში, არამედ მასშტაბური და ყოვლისმომცველი ასოცირების ხელშეკრულებით გათვალისწინებული რეფორმებით! დღევანდელი პოზიტიური რეკომენდაცია, პირველ რიგში, ამ შრომისა და შესაბამისი შედეგების აღიარებაა! მიუხედავად უამრავი ნეგატიური და დამაზიანებელი კამპანიისა, მიუხედავად პირდაპირი საბოტაჟისა ევროკავშირის წევრობის კანდიდატის სტატუსთან დაკავშირებით, ჩვენ შევძელით მიგვეღო სამართლიანი რეკომენდაცია ევროკომისიისგან. მადლობა გვინდა გადავუხადოთ ევროკომისიის წარმომადგენლებს სამართლიანი და ობიექტური რეკომენდაციის გაცემისათვის, რომელიც არის კიდევ ერთი წინგადადგმული ნაბიჯი ევროკავშირში სრულფასოვანი ინტეგრაციისკენ. მადლობა ყველას, ვინც ჩართული იყო ამ პოზიტიური დასკვნის მომზადების და საქართველოში არსებული დემოკრატიული პროგრესის ობიექტურად შეფასების პროცესში. მადლობა საქართველოს მთავრობის და საქართველოს პარლამენტის თითოეულ წევრს, თითოეულ საჯარო მოსამსახურეს, ვინც დაუღალავად და კეთილსინდისიერად მუშაობდა ამ შედეგის მისაღწევად. და რაც მთავარია, მადლობა ქართველ ხალხს, რომლის სიმტკიცემ და ყველა სიტუაციაში გონიერებამ მოგვცა საშუალება ღირსებისა და სიმართლის დაცვით გვევლო ამ რთულ გზაზე. საქართველოს მთავრობასა და პარლამენტს ინტენსიური ურთიერთობა ჰქონდა ევროკომისიის წარმომადგენლებთან, განსაკუთრებით ბოლო პერიოდის განმავლობაში და თანხმდებოდა რეკომენდაციების შესრულებასთან დაკავშირებული უამრავი დეტალი, რამაც, როგორც ხედავთ, მნიშვნელოვანი როლი შეასრულა პოზიტიური შეფასების გაცემაში. ბუნებრივია, ევროკომისიის მიერ მომზადებული დასკვნა კიდევ უფრო გვიმყარებს რწმენას, რომ მიმდინარე წლის 15 დეკემბერს ჩვენ დამსახურებულად მივიღებთ ევროკავშირის წევრობის კანდიდატის სტატუსს.

30 ოქტომბერი, 2023

დღეს საქართველოში მოქმედმა მდიდარმა და მათთან დაკავშირებულმა ენჯეოებმა გამოაქვეყნეს წერილი, რომლითაც საქართველოს ხელისუფლებას ამერიკული სანქციების რეაგირების გარეშე დატოვების გამო უსაყვედურეს. როგორც საზოგადოებას მოეხსენება, 7 თვის წინ, რამდენიმე მოქმედ და ყოფილ ქართველ მოსამართლეს ამერიკის შეერთებული შტატების სახელმწიფო დეპარტამენტის სახელით სავიზო შეზღუდვები დაუწესდა. საქართველოს ხელისუფლებამ სცადა, პარტნიორებისგან შესაბამისი ბრალდებების გამამყარებელი მტკიცებულებები მიეღო, თუმცა, უშედეგოდ. მეტიც, მოვისმინეთ სრულიად არადამაჯერებელი განმარტება, რომ მოსამართლეებისთვის სავიზო შეზღუდვების დაწესება ღია წყაროებიდან, ანუ ტელევიზიებიდან, გაზეთებიდან და სხვა მასობრივი ინფორმაციის საშუალებებიდან მიღებულ ინფორმაციას ეფუძნებოდა. ასევე, 6 კვირის წინ, სანქცირებულ პირთა ამერიკულ სიაში შეყვანილ იქნა საქართველოს მოქალაქე, ოთარ ფარცხალაძე. როგორც ამ საქმეზე საქართველოს სახელმწიფო უსაფრთხოების სამსახურის ხელმძღვანელმა პარლამენტის სხდომაზე განმარტა, სამსახურმა პარტნიორებისგან გამოითხოვა შესაბამისი მტკიცებულებები. თუმცა, როგორც გაირკვა, საქართველოს ხელისუფლებას არც ოფიციალურ და არც პირად შეხვედრებზე, არც ღია და არც დახურული არხებით არავითარი მტკიცებულება არ მიუღია. მეტიც, პარტნიორებმა ქართულ უწყებებს თავად სთხოვეს მტკიცებულებების მოპოვება და გაგზავნა ფარცხალაძის საქმეზე. აღნიშნული ინფორმაცია ცხადყოფს, რომ მოსამართლეებისთვის სავიზო შეზღუდვების დაწესება და ოთარ ფარცხალაძის სანქცირებულ პირთა სიაში შეყვანა, სინამდვილეში, არავითარ ფაქტებსა და მტკიცებულებებს არ ეფუძნებოდა. წარსულშიც ხშირი იყო შემთხვევები, როდესაც მდიდარი ენჯეოების უპასუხისმგებლო ქმედებების გამო, ჩვენს სტრატეგიულ პარტნიორს უხერხულობები ექმნებოდა. თუნდაც, რად ღირს არჩევნების პარალელური ხმის შედეგებთან დაკავშირებული სკანდალი, რომლითაც ერთ-ერთმა მდიდარმა ენჯეომ უმძიმესი უხერხულობა შექმნა. ორიოდე კვირის წინ, საქართველოში ჩამობრძანდა ამერიკის შეერთებული შტატების ახალი ელჩი, ქალბატონი რობინ დანიგანი, რომელთანაც ჩვენი ხელისუფლების უმაღლესმა წარმომადგენლებმა უკვე გამართეს ძალზე პროდუქტული შეხვედრები. გვაქვს ოპტიმიზმის მყარი საფუძველი, რომ რობინ დანიგანის ელჩობის პერიოდში, ქართულ-ამერიკული სტრატეგიული პარტნიორობა მნიშვნელოვნად გაღრმავდება. ამ ვითარებაში, მდიდარი ენჯეოების განცხადება არის ელჩის დადებითი ძალისხმევის წინააღმდეგ მიმართული ნაბიჯი, რომლის აშკარა მიზანი ქართულ-ამერიკულ ურთიერთობებში არასასურველი გაუგებრობების შენარჩუნებაა. მტკიცებულებების გარეშე მოსამართლეებისთვის სავიზო შეზღუდვების დაწესებამ შექმნა სერიოზული უხერხულობა ურთიერთობებში. ენჯეოების შესაბამისი ძალისხმევა, გარდა სხვა მიზნებისა, სასამართლო ხელისუფლებაზე კონტროლის მოპოვების ინტერესითაც იყო ნაკარნახევი.თუმცა, ჩვენ მაქსიმალურად ვცდილობდით ეს საკითხი საჯარო დისკუსიაში წინა პლანზე არ წამოგვეწია, რათა უხერხულობა კიდევ უფრო არ გაგვეღრმავებინა. ამ ფონზე, როდესაც მდიდარი ენჯეოები თავად ცდილობენ თავისივე გაფუჭებულის აქტუალიზაციას, ვფიქრობთ, ეს ფაქტი საგანგებო შეშფოთებას იმსახურებს. ზუსტად იგივე ძალები, რომლებიც დიდი ხნის მანძილზე დამახინჯებულ ინფორმაციას აწვდიდნენ ჩვენს პარტნიორებს, მათ შორის, ეწეოდნენ აქტიურ აგიტაციას საქართველოსთვის კანდიდატის სტატუსის მინიჭების წინააღმდეგ, დღეს ცდილობენ ძველი ხელოვნური უხერხულობების დღის წესრიგში შენარჩუნებას და ამით, ახალი უხერხულობების შექმნას, რის გამოც იძულებულს გვხდიან, მათი ქმედებები რეაგირების გარეშე არ დავტოვოთ. ისიც ნიშანდობლივია, რომ მდიდარი ენჯეოები ზემოაღნიშნულ განცხადებას ავრცელებენ იმ ფონზე, როდესაც ქვეყანა კანდიდატის სტატუსის შესახებ ევროკომისიის გადაწყვეტილების მოლოდინშია. ევროკომისიის გადაწყვეტილების გამოცხადებამდე ერთი კვირით ადრე ხელისუფლებაზე თავდასხმა სხვა არაფერია, თუ არა საქართველოსთვის კანდიდატის სტატუსის მინიჭების წინააღმდეგ მიმართული მორიგი უხეში ქმედება. ყველაფრიდან ჩანს, რომ მდიდარი ენჯეოები არც საქართველოს, არც ამერიკის და არც ევროპის ინტერესებს არ ემსახურებიან. სინამდვილეში, ისინი ემსახურებიან „გლობალურ ომის პარტიას“, რომლის მთავარი მიზანი საქართველოს უკრაინიზაციაა. აღნიშნულ ძალას და მის სამსახურში მყოფ ენჯეოებს არ სურთ ქართულ-ამერიკული ურთიერთობების გაღრმავება და ყველანაირად ცდილობენ, ამ ურთიერთობებში ძველი, უარყოფითი ტენდენცია შეინარჩუნონ, რასაც ჩვენ ვერ დავუშვებთ. აღნიშნული ენჯეოები სწორედ იმიტომ აპროტესტებდნენ „უცხოური დაფინანსების გამჭვირვალობის შესახებ“ კანონს და არ სურდათ, საკუთარი უცხოური დაფინანსება საზოგადოებისთვის გამჭვირვალე გაეხადათ, რომ თავიანთი ანტისახელმწიფოებრივი გეგმების და მათი დაფინანსების წყაროების გაშიფვრის ეშინოდათ. ახლა, მდიდარი ენჯეოები ცდილობენ, ამერიკის ახალ ელჩს ურთიერთობების გადატვირთვის საშუალება არ მისცენ და პირიქით, ეს ურთიერთობები რამენაირად დამატებით დააზიანონ. იმედი გვაქვს, რობინ დანიგანსაც ექნება აქტიური რეაგირება ყველა იმ ქმედებაზე, რომელიც ორ სახელმწიფოს შორის ურთიერთობების გაღრმავების წინააღმდეგ არის მიმართული. დარწმუნებული ვართ, ქალბატონი რობინ დანიგანის ელჩობის პირობებში, ქართულ-ამერიკული ურთიერთობები და სტრატეგიული პარტნიორობა მნიშვნელოვნად გაღრმავდება, რისთვისაც მმართველი გუნდი, თავის მხრივ, ძალისხმევას არ დაიშურებს.

16 ოქტომბერი, 2023

„ქართული ოცნების“ ცენტრალურ ოფისში გამართულ საპარლამენტო უმრავლესობის სხდომაზე მიმდინარე პოლიტიკურ საკითხებსა და სასესიო კვირის პლენარული სხდომების დღის წესრიგზე იმსჯელეს. მიმდინარე კვირაში პარლამენტი საქართველოს პრეზიდენტის იმპიჩმენტის საკითხს განიხილავს. საპარლამენტო უმრავლესობა მოუწოდებს რადიკალური ოპოზიციის წარმომადგენლებს, მონაწილეობა მიიღონ საკითხის განხილვაში, რათა საქართველოს მოსახლეობას წარუდგინონ არგუმენტები იმ პოზიციის გასაბათილებლად, რასაც საკონსტიტუციო სასამართლოს მიერ დადგენილი დარღვევის შემდეგ მიზანშეწონილად მიიჩნევს საპარლამენტო უმრავლესობა. მიმდინარე კვირაში პარლამენტი ასევე მოისმენს საქართველოს სახელმწიფო უსაფრთხოების სამსახურის ხელმძღვანელისა და სახალხო დამცველის ანგარიშებს. „მინისტრის საათის“ ფორმატში, პარლამენტი თავდაცვის მინისტრს, ჯუანშერ ბურჭულაძეს მოუსმენს, ხოლო ინტერპელაციის წესით დეპუტატების წინაშე საგარეო საქმეთა მინისტრი, ილია დარჩიაშვილი წარდგება. პარლამენტი ასევე იმსჯელებს „მაუწყებლის შესახებ“ კანონში შესატან ცვლილებებზე.

16 ოქტომბერი, 2023

დღეს საქართველოს საკონსტიტუციო სასამართლომ დაადასტურა მარტივი ჭეშმარიტება, რომ სალომე ზურაბიშვილმა მრავალგზის, განზრახ და უხეშად დაარღვია საქართველოს კონსტიტუცია, რითაც ის უხეშად დაუპირისპირდა კონსტიტუციურ წესრიგს და კონსტიტუციით დადგენილ საპარლამენტო მმართველობის სისტემას.როგორც მოგეხსენებათ, საქართველოს საკონსტიტუციო სასამართლოს ამოსახსნელი ჰქონდა უმარტივესი სამართლებრივი კაზუსი:- საქართველოს პრეზიდენტის უფლებამოსილებებს საგარეო ურთიერთობების სფეროში ადგენს საქართველოს კონსტიტუციის 52-ე მუხლი, რომლის თანახმად, პრეზიდენტს საგარეო ურთიერთობებში წარმომადგენლობითი უფლებამოსილებების განხორციელება და მოლაპარაკებების წარმოება მხოლოდ მთავრობის თანხმობით შეუძლია;- სალომე ზურაბიშვილი სრულად იყო ინფორმირებული ამ კონსტიტუციური დანაწესის შესახებ და ის საქართველოს მთავრობისგან სისტემატურად ითხოვდა თანხმობას როგორც სამუშაო, ისე ცერემონიული ვიზიტების განხორციელებაზე;- თანხმობის არარსებობის პირობებში, სალომე ზურაბიშვილმა მაინც განახორციელა სამუშაო ვიზიტები გერმანიაში, საფრანგეთსა და ბრიუსელში, რითაც მან დაარღვია საქართველოს კონსტიტუცია და მეტიც, განზრახ და უხეშად ხელყო საქართველოს კონსტიტუციური წესრიგი.ამ გადაწყვეტილებით, საქართველოს საკონსტიტუციო სასამართლომ ასევე დაადასტურა მარტივი ჭეშმარიტება, რომ საქართველოს კონსტიტუციის თანახმად, საქართველო არის საპარლამენტო რესპუბლიკა, სადაც ქვეყნის საშინაო და საგარეო პოლიტიკას მხოლოდ პარლამენტი და მთავრობა განსაზღვრავენ და ახორციელებენ.სალომე ზურაბიშვილმა უღალატა საქართველოს კონსტიტუციას და საქართველოს კონსტიტუციაზე დადებულ ფიცს. მიმდინარე კვირაში ქართველი ხალხის მიერ 2020 წელს არჩეული დეპუტატების უმრავლესობა დაადასტურებს, რომ ის აღარ არის ღირსი, საქართველოს პრეზიდენტის მაღალ სტატუსს ატარებდეს. სალომე ზურაბიშვილს რომ ჰქონდეს შერჩენილი ელემენტარული ღირსება, ბუნებრივია, საკონსტიტუციო სასამართლოს მიერ საქართველოს კონსტიტუციის დარღვევის დადგენის შემდეგ, ის მყისიერად გადადგებოდა საქართველოს პრეზიდენტის თანამდებობიდან. თუმცა, ისიც გვესმის, რომ სალომე ზურაბიშვილი არ არის დამოუკიდებელი თავის გადაწყვეტილებებში და ის ვერც გადადგომის გადაწყვეტილებას მიიღებს იმ ძალების თანხმობის გარეშე, რომლებიც მას საქართველოს კონსტიტუციის უხეში დარღვევისკენ უბიძგებდნენ.საქართველოს პარლამენტში მიმდინარე სასესიო კვირის ბოლომდე შედგება კენჭისყრა იმპიჩმენტის წესით სალომე ზურაბიშვილის საქართველოს პრეზიდენტის თანამდებობიდან გადაყენების თაობაზე. გვესმის, რომ სალომე ზურაბიშვილი კოლექტიური „ნაციონალური მოძრაობის“ იმედით არღვევდა საქართველოს კონსტიტუციას და აქედან გამომდინარე, მის გადასაყენებლად 100 ხმის მოგროვების შანსი პრაქტიკულად არ არსებობს. თუმცა, იმედს ვიტოვებთ, რომ რამდენიმე ოპოზიციონერ დეპუტატს მაინც აღმოაჩნდება საკმარისი პატრიოტიზმი ან პროფესიული ღირსება, რომ სალომე ზურაბიშვილის მიერ საქართველოს კონსტიტუციის უხეში დარღვევა და კონსტიტუციური წესრიგის წინააღმდეგ წასვლა რეაგირების გარეშე არ დატოვოს.როგორც არ უნდა დასრულდეს იმპიჩმენტის პროცედურა, ჩვენ უკვე მივაღწიეთ დასახულ მიზანს - სალომე ზურაბიშვილის მიერ საქართველოს კონსტიტუციის დარღვევა არ დარჩა რეაგირების გარეშე, რასაც მმართველობის სისტემის გამართული ფუნქციონირებისთვის გრძელვადიანი პრევენციული ეფექტი ექნება. რაც შეეხება საქართველოს კონსტიტუციის დამრღვევ პრეზიდენტს, ის დღეიდან უკვე მხოლოდ ფორმალურად განიხილება საქართველოს პრეზიდენტად. საპრეზიდენტო უფლებამოსილების ბოლო, მეექვსე წელს ის სრულად იქნება მოკლებული პოლიტიკურ და მორალურ ლეგიტიმაციას და დარჩება, ამერიკული ტერმინოლოგია რომ გამოვიყენოთ, ე.წ. „კოჭლ იხვად“, რომელიც უფსკრულისკენ მიმავალ კოლექტიურ „ნაციონალურ მოძრაობას“ არის ადევნებული.

02 ოქტომბერი, 2023

როგორც მოგეხსენებათ, გუშინ გაიმართა საქართველოს პარლამენტის მაჟორიტარი დეპუტატის შუალედური არჩევნები გორისა და კასპის საარჩევნო ოლქში და მუნიციპალიტეტის მერის შუალედური არჩევნები გურჯაანის საარჩევნო ოლქში. შეგახსენებთ, რომ რადიკალურმა ოპოზიციამ ვერცერთ ოლქში ვერ გაბედა კანდიდატურის დაყენება, რაც იმის კიდევ ერთი დასტურია, რომ მათ ხალხის მხარდაჭერის იმედი არ აქვთ. შეზღუდული კონკურენციის მიუხედავად, არჩევნებში მონაწილეობა 40 ათასზე მეტმა ამომრჩეველმა მიიღო. გურჯაანში უკონკურენტო არჩევნების მიუხედავად, ჩვენმა კანდიდატმა 2021 წლის არჩევნებზე მეტი ხმა აიღო, რაც, ბუნებრივია, ძალიან მნიშვნელოვანია. მადლობას ვუხდით თითოეულ ამომრჩეველს გამოვლენილი მაღალი სამოქალაქო პასუხისმგებლობისთვის. მადლობას ვუხდით პარტიის საარჩევნო შტაბების თითოეულ წევრს გაწეული სამუშაოსთვის. ასევე, მადლობას ვუხდით საარჩევნო ადმინისტრაციას არჩევნების გამართულად ჩატარებისთვის. ამ არჩევნებზე კიდევ ერთხელ წარმატებით გამოიცადა ელექტრონული ხმის მიცემის აპარატურა, რომლის საშუალებითაც, 2024 წლის საპარლამენტო არჩევნებში ამომრჩევლის 90 პროცენტზე მეტი მისცემს ხმას. ვულოცავთ გიორგი სოსიაშვილს საქართველოს პარლამენტის წევრად, ხოლო გიორგი მაჭავარიანს - გურჯაანის მუნიციპალიტეტის მერად არჩევას. წარმატებებს ვუსურვებთ მათ სამომავლო საქმიანობაში.

18 სექტემბერი, 2023

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა, რომლის დასრულების შემდეგ, პარტიის თავმჯდომარემ, საპარლამენტო უმრავლესობის ლიდერმა, ირაკლი კობახიძემ განცხადება გააკეთა. „დღეს, როგორც მოგეხსენებათ, შედგა საპარლამენტო უმრავლესობის სხდომა, სადაც, ტრადიციულად, ვიმსჯელეთ სხვადასხვა თემაზე, მათ შორის, განვიხილეთ საპარლამენტო დღის წესრიგის საკითხები. რა თქმა უნდა, მსჯელობა შეეხო სუს-ის განცხადებასაც. ნამდვილად შემაშფოთებელია ის ინფორმაცია, რომელიც გავრცელდა სახელმწიფო უსაფრთხოების სამსახურის მიერ. რა თქმა უნდა, ყველა ზომა უნდა იქნას მიღებული იმისათვის, რომ აღიკვეთოს ვითარების არევის ნებისმიერი მცდელობა, ნებისმიერი პროვოკაცია, მით უმეტეს, ისეთი მძიმე პროვოკაციები, რომლებზეც იყო საუბარი სახელმწიფო უსაფრთხოების სამსახურის მიერ გავრცელებულ ინფორმაციაში. ასევე, ჩვენი საუბარი შეეხო ევროკავშირთან დაკავშირებულ თემებს. როგორც მოგეხსენებათ, ერთი კვირის წინ გაიმართა შეხვედრები და შესაბამისად, შედგა მოლაპარაკებები ევროკომისიის წარმომადგენლებთან, მათ შორის, ბატონ ჯოზეფ ბორელთან, ასევე, ევროკომისიის სხვა მაღალ თანამდებობის პირებთან. ამ შეხვედრებზე გამოიკვეთა 4 საკითხი, რომელზეც ევროკომისიას სურს პროგრესის ხილვა მიმდინარე წლის სექტემბრის ბოლომდე. საქართველოს ხელისუფლება ევროკომისიის მოლოდინს ოთხივე მიმართულებით სრულად უპასუხებს, ამაზე შევჯერდით დღეს, უმრავლესობის სხდომაზე და მინდა შევეხო ოთხივე საკითხს: • 1. ევროკომისიის წარმომადგენლებთან შეხვედრების შემდეგ, ევროკომისიის რეკომენდაციის შესაბამისად, საქართველოს მთავრობასთან არსებულმა საქართველოს ევროკავშირში ინტეგრაციის კომისიამ უკვე მოიწონა დეოლიგარქიზაციის სამოქმედო გეგმის პროექტი, რომელსაც საბოლოო სახე ევროკომისიასთან დამატებითი კონსულტაციების შემდეგ მიეცემა. გარდა ამისა, სამოქმედო გეგმის პროექტი მიმდინარე კვირის ბოლომდე გაეგზავნება ვენეციის კომისიას, ესეც იყო ერთ-ერთი რეკომენდაცია ევროკომისიის მხრიდან. სამოქმედო გეგმის მოწონების პირობებში, პარლამენტის მიერ 2 მოსმენით მიღებულმა „დეოლიგარქიზაციის შესახებ“ კანონმა დაკარგა პრაქტიკული აქტუალობა. აქედან გამომდინარე, ასევე ევროკომისიის რეკომენდაციის შესაბამისად, პარლამენტი ხვალ მესამე მოსმენით განიხილავს და არ მიიღებს აღნიშნულ კანონპროექტს, რომელიც ე.წ. პერსონალიზებულ მიდგომას ეფუძნებოდა. ამავდროულად, მოვუწოდებთ ევროკომისიას, თავადაც უარი თქვას პერსონალიზებულ მიდგომაზე, რომელიც 12 პრიორიტეტში იყო ასახული და რომელიც აქტიურად იქნა გამოყენებული სპეკულირებისათვის როგორც საქართველოში მოქმედი ოპოზიციის მხრიდან, ასევე, მასთან დაკავშირებული ევროპარლამენტარების თუ სხვა უცხოელი პოლიტიკოსების მიერ. ეს იყო პირველი საკითხი. დეოლიგარქიზაციასთან დაკავშირებით სრულად ვპასუხობთ ჩვენ ევროკომისიის მოთხოვნას. • 2. ევროკომისიის წარმომადგენლებთან შეხვედრებზე შედგა საუბარი „საერთო სასამართლოების შესახებ“ ორგანულ კანონში დამატებით შესატან ცვლილებებზე. კონსულტაციების გათვალისწინებით, საპარლამენტო უმრავლესობამ უკვე შეიმუშავა შესაბამისი კანონპროექტი, რომელიც მიმდინარე კვირის ბოლომდე დაინიცირდება და გაეგზავნება ვენეციის კომისიას - ესეც იყო ევროკომისიის ერთ-ერთი მოთხოვნა, რომელსაც ასევე სრულად ვპასუხობთ. • 3. როგორც მოგეხსენებათ, საქართველოს პარლამენტში ინიცირებულია „საარჩევნო კოდექსში“ შესატანი ცვლილებების პროექტი, რომელიც ცესკოს თავმჯდომარისა და წევრების არჩევის საკითხს ეხება. პარლამენტი ამ კანონპროექტს მიმდინარე სასესიო კვირაში პირველი მოსმენით განიხილავს და მიიღებს. ევროკომისიის რეკომენდაციის შესაბამისად, კანონპროექტი მიმდინარე კვირის ბოლომდე ასევე გაიგზავნება ვენეციის კომისიაში; • 4. ევროკომისიის რეკომენდაციის შესაბამისად, ვენეციის კომისიაში მიმდინარე კვირის ბოლომდე გაიგზავნება ანტიკორუფციული ბიუროს, სპეციალური საგამოძიებო სამსახურისა და პერსონალურ მონაცემთა დაცვის სამსახურის დაფუძნებასთან დაკავშირებული კანონმდებლობა.   ანუ იყო 4 ძირითადი რეკომენდაცია, რომელიც გაჟღერდა ბორელის მხრიდან, კოპმანის მხრიდან, ევროკომისიის მაღალი წარმომადგენლების მხრიდან და ოთხივე საკითხთან დაკავშირებით ჩვენ გვაქვს სრული რეაგირება, ყველა თემაზე გვაქვს სათანადო პასუხი. გარდა ამისა, ევროკომისიის რეკომენდაციის შესაბამისად, უახლოეს მომავალში „მანივალის“ რეკომენდაციების მიხედვით, დამტკიცდება ეროვნული რისკების შეფასების დოკუმენტი ფულის გათეთრების შესახებ; ასევე, მომზადდება ადამიანის უფლებათა სტრატეგიის სამოქმედო გეგმის პირველადი პროექტი; ასევე, ევროკომისიაში გაიგზავნება ინფორმაცია 2021 წლის 5 ივლისს მომხდარი ძალადობის ორგანიზატორების გამოვლენასთან და პასუხისგებაში მიცემასთან დაკავშირებული გამოძიების შესახებ; გაგრძელდება როგორც საერთო, ისე დარგობრივი საკოორდინაციო შეხვედრების გამართვა არასამთავრობო ორგანიზაციებთან. ეს იყო 4 დამატებითი რეკომენდაცია, რომელიც წარმოგვიდგინა ევროკომისიამ და ოთხივეს სათანადოდ ვპასუხობთ. როგორც ხედავთ, საქართველოს ხელისუფლება აკეთებს ყველაფერს, რათა არ დატოვოს მინიმალური საბაბიც კი საქართველოსთვის, ქართველი ხალხისთვის და საქართველოს ხელისუფლებისთვის კანდიდატის სტატუსზე კიდევ ერთხელ უარის სათქმელად. ჩვენ იმედს გამოვთქვამთ, რომ დეკემბერში ევროპული საბჭო მიიღებს სამართლიან გადაწყვეტილებას, რაც რადიკალურ ოპოზიციას გამოაცლის ხელოვნურ საბაბს ქვეყანაში რადიკალიზმის გასაღვივებლად და თვისებრივად შეამცირებს ე.წ. პოლარიზაციას, რომლის შენარჩუნება მხოლოდ საქართველოს არაკეთილმოსურნეების ინტერესებში შეიძლება შედიოდეს.

18 სექტემბერი, 2023

„ქართული ოცნების“ თავმჯდომარე, ირაკლი კობახიძე უნგრეთის პარლამენტის თავმჯდომარეს, ლასლო კიოვერს შეხვდა. შეხვედრაზე საუბარი შეეხო როგორც საქართველოსა და უნგრეთს შორის ორმხრივი ურთიერთობების შემდგომი გაღრმავების საკითხს, ისე რეგიონში მიმდინარე პოლიტიკურ მოვლენებს. უნგრეთის პარლამენტის თავმჯდომარემ ხაზი გაუსვა, რომ უნგრეთი უპირობოდ უჭერს მხარს საქართველოს ევროკავშირში გაწევრიანების გზაზე.

04 სექტემბერი, 2023

უმრავლესობის წევრებმა საშემოდგომო სესიაზე განსახილველ მთავარ საკითხებზე იმსჯელეს. კერძოდ, კანდიდატის სტატუსთან, ასევე დეოლიგარქიზაციასთან დაკავშირებულ დეტალებზე. საუბარი შეეხო პრეზიდენტის იმპიჩმენტის საკითხს. აღინიშნა, რომ ოთხშაბათამდე დასრულდება დოკუმენტების მომზადება და წარედგინება საპროცედურო საკითხთა კომიტეტს, რომელიც შეამოწმებს ხელმოწერების ნამდვილობას, რის შემდეგაც დოკუმენტები შესაბამისი დასკვნისთვის საქართველოს საკონსტიტუციო სასამართლოს წარედგინება. ​სხდომაზე ასევე იმსჯელეს საპენსიო ფონდთან დაკავშირებული კანონმდებლობის გადავადებაზე, რასაც უმრავლესობა მხარს დაუჭერს.

01 სექტემბერი, 2023

დღეს გაიმართა პარტიის პოლიტიკური საბჭოს სხდომა, სადაც, გარდა სხვა საკითხებისა, საქართველოს პრეზიდენტის მიერ საქართველოს კონსტიტუციის უხეში დარღვევის ფაქტზეც ვიმსჯელეთ. როგორც მოგეხსენებათ, საქართველოს პრეზიდენტმა, ქალბატონმა სალომე ზურაბიშვილმა, უხეშად დაარღვია საქართველოს კონსტიტუცია და მთავრობის თანხმობის გარეშე დაიწყო ვიზიტების სერია საზღვარგარეთის ქვეყნებში. საქართველოს კონსტიტუციის თანახმად, მხოლოდ საქართველოს მთავრობაა უფლებამოსილი განახორციელოს ქვეყნის როგორც საშინაო, ისე საგარეო პოლიტიკა. საქართველოს კონსტიტუციის 52-ე მუხლის პირველი პუნქტის „ა“ ქვეპუნქტის თანახმად კი, საქართველოს პრეზიდენტს მხოლოდ მთავრობის თანხმობით შეუძლია განახორციელოს წარმომადგენლობითი უფლებამოსილებები საგარეო ურთიერთობებში. შესაბამისად, კონსტიტუციის ტექსტი მისი არაერთგვაროვანი ინტერპრეტაციის მინიმალურ სივრცესაც კი არ ტოვებს. საზოგადოებისთვის ცნობილია, რომ საქართველოს პრეზიდენტს აქვს საქართველოს მთავრობისგან რადიკალურად განსხვავებული დამოკიდებულება იმ პროცესების მიმართ, რომელიც საქართველოს მიერ ევროკავშირის წევრობის კანდიდატის სტატუსის მიღებას უკავშირდება. კერძოდ, მისი პოზიციაა, რომ საქართველო შარშან არ იმსახურებდა კანდიდატის სტატუსს. მეტიც, მისი განცხადებით, საქართველოს პარლამენტი და მთავრობა ახლაც მხოლოდ ფორმალურად ასრულებენ ევროკავშირის მოთხოვნებს, რაც ნიშნავს, რომ მისი აზრით, საქართველო კანდიდატის სტატუსს არც ახლა იმსახურებს. ამგვარი დამოკიდებულების ფონზე, აშკარაა, რომ საქართველოს პრეზიდენტის ნებისმიერი ევროპული ვიზიტი კონტრპროდუქტიულია საქართველოს მიერ კანდიდატის სტატუსის მიღების თვალსაზრისით და პირდაპირ უპირისპირდება საქართველოს მთავრობის ძალისხმევას, საქართველოს მიენიჭოს აღნიშნული სტატუსი. აქედან გამომდინარე, საქართველოს მთავრობის უარი პრეზიდენტის მიერ დაგეგმილ ევროპულ ტურნესთან დაკავშირებით დასაბუთებულია, როგორც სამართლებრივი, ისე პოლიტიკური თვალსაზრისით. სალომე ზურაბიშვილი ცდილობს ითამაშოს ერთგვარი წაუგებელი თამაში. ერთი მხრივ, მან იცის, რომ დღევანდელი გადმოსახედიდან, საქართველოსთვის კანდიდატის სტატუსის მინიჭების პერსპექტივა გაზრდილია და მას სურს, მოვლენების ამგვარი შესაძლო განვითარებიდან ქულები თავად დაიწეროს. მეორე მხრივ კი, ის ეცდება, რამდენადაც შესაძლებელია, საქართველოს მიერ კანდიდატის სტატუსის მიღებას შეუშალოს ხელი. საქართველოს კონსტიტუცია მის დარღვევაზე რეაგირების ერთადერთ ქმედით სამართლებრივ მექანიზმს ითვალისწინებს - ეს არის იმპიჩმენტი. გუშინ და გუშინწინ ჩვენ არაერთგზის აღვნიშნეთ, რომ კონსტიტუციის უხეში დარღვევის მიუხედავად, არსებულ პოლიტიკურ მოცემულობაში, იმპიჩმენტის პროცედურის სისრულეში მოყვანა შეუძლებელია. იმპიჩმენტის ბოლომდე მიყვანას ესაჭიროება 100 პარლამენტარის მხარდაჭერა და შესაბამისად, რადიკალური ოპოზიციის ხმების გარეშე, მას აღსრულების პერსპექტივა არა აქვს. თუმცა, ამის მიუხედავად, პარტიის პოლიტიკური საბჭოს სხდომაზე მივიღეთ გადაწყვეტილება, საქართველოს პრეზიდენტის მიმართ აღიძრას იმპიჩმენტის პროცედურა. უპირველეს ყოვლისა, ეს არის ჩვენი პასუხისმგებლობა საქართველოს კონსტიტუციის წინაშე. ნებისმიერი თვალის დახუჭვა საქართველოს კონსტიტუციის უხეშ დარღვევაზე ძირს უთხრის სამართლებრივ სახელმწიფოს, სამართლის უზენაესობასა და დემოკრატიულ კონსტიტუციურ სისტემას, რასაც ჩვენ ვერ დავუშვებთ. გარდა ამისა, იმპიჩმენტის პროცედურა კიდევ ერთხელ გააშიშვლებს რადიკალური ოპოზიციისა და სალომე ზურაბიშვილის საერთო დღის წესრიგს, რომელიც საქართველოს სახელმწიფო ინტერესების, მათ შორის საქართველოს მიერ კანდიდატის სტატუსის მიღების წინააღმდეგ არის მიმართული. იმპიჩმენტის პროცედურის აღსაძრავად, უახლოეს დღეებში შეგროვდება საპარლამენტო უმრავლესობის წევრთა ხელმოწერები და საქართველოს საკონსტიტუციო სასამართლოში შევა შესაბამისი კონსტიტუციური წარდგინება.

14 აგვისტო, 2023

როგორც მოგეხსენებათ, 1 ოქტომბერს გაიმართება საქართველოს პარლამენტის წევრის შუალედური არჩევნები გორისა და კასპის მაჟორიტარულ საარჩევნო ოლქში და მერის შუალედური არჩევნები გურჯაანის საარჩევნო ოლქში.   „ქართული ოცნების“ პოლიტიკური საბჭოს სახელით, გორისა და კასპის მაჟორიტარულ საარჩევნო ოლქში წარმოგიდგენთ ბატონი გიორგი სოსიაშვილის კანდიდატურას. გიორგი სოსიაშვილი დაიბადა გორის მუნიციპალიტეტის სოფელ დიცში, სადაც დაამთავრა საშუალო სკოლა. მოგვიანებით, მან დაამთავრა ცხინვალის სახელმწიფო პედაგოგიური ინსტიტუტი და თბილისის სახელმწიფო უნივერსიტეტის ასპირანტურა ისტორიის სპეციალობით. ბატონი გიორგი არის ისტორიის მეცნიერებათა დოქტორი, გორის სახელმწიფო უნივერსიტეტის პროფესორი და თბილისის სახელმწიფო უნივერსიტეტის მოწვეული პროფესორი. გიორგი სოსიაშვილს აქვს მდიდარი პროფესიული გამოცდილება. წლების მანძილზე, ის ეწეოდა წარმატებულ ჟურნალისტურ, პედაგოგიურ, სამეცნიერო, ლიტერატურულ და პუბლიცისტურ საქმიანობას. დღემდე ის გახლავთ გორის სახელმწიფო უნივერსიტეტის რექტორი და გორის მუნიციპალიტეტის საკრებულოს წევრი „ქართული ოცნების“ პროპორციული საარჩევნო სიით. გიორგი სოსიაშვილს გამოქვეყნებული აქვს 150-ზე მეტი სამეცნიერო ნაშრომი როგორც ქართულ, ისე საერთაშორისო სამეცნიერო ჟურნალებში, აგრეთვე მრავალი პროზაული კრებული და პუბლიცისტური სტატია. ბატონი გიორგი არის ოცამდე ჯილდოს მფლობელი, მათ შორის საქართველოს ეროვნული პრემიის ლაურეატი. გიორგი სოსიაშვილი არის გორის საპატიო მოქალაქე. წარმატებებს ვუსურვებ ბატონ გიორგის. „ქართული ოცნების“ პოლიტიკური საბჭოს სახელით, გურჯაანის მერის პოზიციაზე წარმოგიდგენთ ბატონი გიორგი მაჭავარიანის კანდიდატურას. გიორგი მაჭავარიანი დაიბადა ქალაქ გურჯაანში. 1996 წელს მან დაამთავრა საქართველოს ტექნიკური უნივერსიტეტი. გიორგი მაჭავარიანს აქვს ხელმძღვანელ თანამდებობებზე მუშაობის მდიდარი გამოცდილება. 6 წლის მანძილზე, ის იკავებდა სააქციო საზოგადოება გურჯაანგაზის დირექტორის თანამდებობას, 2011 წლიდან კი არის შპს სოკარ ჯორჯია გაზის გურჯაანის სერვისცენტრის ხელმძღვანელი. დარწმუნებული ვართ, ორივე კანდიდატი მიიღებს ამომრჩევლის მყარ ნდობას. წარმატებებს ვუსურვებ გიორგი სოსიაშვილს და გიორგი მაჭავარიანს, შესაბამისად, გორი-კასპისა და გურჯაანის საარჩევნო ოლქებში!

29 მაისი, 2023

უმრავლესობის წევრებმა მიმდინარე სასესიო კვირის პლენარულ სხდომებზე განსახილველ საკითხებზე იმსჯელეს. სხდომაზე მიღებული გადაწყვეტილებით: საპარლამენტო უმრავლესობა მხარს დაუჭერს ხატია დეკანოიძის და რომან გოცირიძის მიერ ინიცირებულ კანონპროექტს საპარლამენტო პოლიტიკურ ჯგუფებთან დაკავშირებით;პარლამენტის ვიცე-სპიკერის პოსტზე, უმრავლესობა მხარს არ დაუჭერს „ნაციონალური მოძრაობის“ წევრის, ლევან ბეჟაშვილის კანდიდატურას;საპარლამენტო უმრავლესობის გადაწყვეტილებით, ფრაქცია „ქართული ოცნების“ თავმჯდომარის მოადგილის პოზიციას ნოდარ ტურძელაძე დაიკავებს. სხდომაზე ასევე ისაუბრეს მიმდინარე პოლიტიკურ საკითხებსა და რეგიონში არსებულ გამოწვევებზე. საუბარი შეეხო თურქეთის რესპუბლიკაში ჩატარებულ საპრეზიდენტო და საპარლამენტო არჩევნებს. მმართველი გუნდი კიდევ ერთხელ ულოცავს მეგობარი და მეზობელი ქვეყნის პრეზიდენტს, რეჯეფ თაიფ ერდოღანს და „სახალხო ალიანსს“ გამარჯვებას და მიაჩნია, რომ მათი გამარჯვება რეგიონში მშვიდობისა და სტაბილურობის უზრუნველყოფისთვის მნიშვნელოვანია.

29 მაისი, 2023

უკანასკნელი ორი წლის მანძილზე, საქართველოს პრეზიდენტის, ქალბატონ სალომე ზურაბიშვილის მხრიდან სულ უფრო ხშირად კეთდება განცხადებები, რომლებიც უარყოფითად აღიქმება და ფასდება, უპირველეს ყოვლისა, ქართული საზოგადოების იმ ნაწილის მიერ, რომელმაც მას, ჩვენი მოწოდების საფუძველზე, 2018 წლის საპრეზიდენტო არჩევნებში დაუჭირა მხარი. მიუხედავად იმისა, რომ ამგვარ აღქმასა და შეფასებას აქვს მყარი ობიექტური საფუძველი, არ მიგვაჩნია მიზანშეწონილად, გამოვეხმაუროთ ქალბატონ სალომე ზურაბიშვილის პოლიტიკურ განცხადებებს. ჩვენ, როგორც მმართველ პარტიას, გვეკისრება განსაკუთრებული პასუხისმგებლობა საქართველოს უმაღლესი კონსტიტუციური ინსტიტუტების, მათ შორის საქართველოს პრეზიდენტის ინსტიტუტის დაცვაზე. 2018 წლის საპრეზიდენტო არჩევნებში, ჩვენ მხარი დავუჭირეთ სალომე ზურაბიშვილის კანდიდატურას სწორედ იმ მოლოდინით, რომ ის სათანადოდ შეასრულებდა ზეპარტიული პრეზიდენტის ფუნქციას საპარლამენტო მმართველობის სისტემაში. მივიჩნიეთ, რომ უპარტიო ქალბატონი, რომელიც იყო საქართველოს პირველი რესპუბლიკის სახელოვანი მოღვაწეების შთამომავალი და ამით, განასახიერებდა კავშირს საქართველოს პირველი რესპუბლიკის ისტორიასა და თანამედროვე საქართველოს შორის, იქნებოდა საუკეთესო კანდიდატი ამ მისიისათვის. თუმცა, სამწუხაროდ, ქალბატონმა სალომე ზურაბიშვილმა სხვა გზა აირჩია და უკანასკნელი ორი წლის მანძილზე, მან მკაფიოდ გამოავლინა პოლიტიკური მიკერძოება რადიკალური ოპოზიციური ძალების დღის წესრიგის სასარგებლოდ. 2018 წელს, საქართველოს პრეზიდენტის თანამდებობაზე არჩევისას, „ქართული ოცნების“ ხელმძღვანელობამ ქალბატონ სალომე ზურაბიშვილს მკაფიოდ განუმარტა საკუთარი დამოკიდებულება იმასთან დაკავშირებით, რომ არჩევნებში მხარდაჭერის მიუხედავად, მას არ უნდა ჰქონოდა არავითარი ვალდებულება მმართველი პარტიის წინაშე. „ქართული ოცნება“ ამ მიდგომას სალომე ზურაბიშვილის მიერ ფიცის დადების დღიდან სრულად იცავდა და დღემდე იცავს. აქედან ჩანს, რომ 2018 წლის საპრეზიდენტო არჩევნებში სალომე ზურაბიშვილის კანდიდატურის მხარდაჭერისას, ჩვენი ერთადერთი მიზანი საპარლამენტო მმართველობის სისტემაში საქართველოს პრეზიდენტის ზეპარტიული ინსტიტუტის სათანადოდ დამკვიდრება იყო. მიუხედავად იმისა, რომ ქალბატონ სალომე ზურაბიშვილის ბოლოდროინდელი ქმედებები ხასიათდება უკიდურესი არაობიექტურობითა და პოლიტიკური მიკერძოებით, რაც უხეშად ეწინააღმდეგება ზეპარტიული კონსტიტუციური თანამდებობის პირის ფუნქციას, ჩვენი პოზიციაა, რომ საქართველოს პრეზიდენტის კრიტიკისაგან პრინციპულად უნდა შევიკავოთ თავი. ჩვენი პასუხისმგებლობაა, ჩვენი მხრივ ხელი არ შევუწყოთ პრეზიდენტის ინსტიტუტის დაკნინებას. ამავე მიზნით, თავს ვალდებულად მივიჩნევთ, არავის მივცეთ პოლიტიკური კონფრონტაციის გაღრმავების საშუალება. ჩვენ უნდა დავიცვათ პრეზიდენტის ინსტიტუტი მაშინაც კი, როდესაც ამ ინსტიტუტის პრესტიჟს თავად მოქმედი პრეზიდენტი უქმნის საფრთხეს. იმ პირობებში, როდესაც საქართველოს პრეზიდენტი კარგავს ლეგიტიმაციას საზოგადოების იმ ნაწილის თვალში, რომელმაც მას 2018 წლის არჩევნებში დაუჭირა მხარი და ვერც საზოგადოების იმ ნაწილში იძენს ლეგიტიმაციას, რომელიც მას 2018 წელს მოღალატედ და რეზიდენტად აცხადებდა, ჩვენი ვალია, ქალბატონ სალომე ზურაბიშვილს უფლებამოსილების დარჩენილი წელიწადნახევრის მანძილზე შევუნარჩუნოთ თუნდაც მინიმალური ლეგიტიმაცია საპრეზიდენტო უფლებამოსილების განსახორციელებლად. ამითაც არის ნაკარნახევი ჩვენი გადაწყვეტილება, არ შევიდეთ პოლემიკაში ქალბატონ სალომე ზურაბიშვილთან. დასასრულს, გამოვთქვამთ იმედს, რომ ქალბატონი სალომე ზურაბიშვილი ქართული საზოგადოების უმრავლესობასთან კიდევ უფრო მძაფრ კონფრონტაციაში არ შევა. „ქართული ოცნება“ მზადაა, საქართველოს პრეზიდენტს, ხალხთან კონფრონტაციის გაღრმავების თავიდან ასაცილებლად, მაქსიმალური დახმარება გაუწიოს.

28 მაისი, 2023

„ქართული ოცნების“ თბილისის კონფერენციაზე ვაკის, საბურთალოს და კრწანისის პარტიული ორგანიზაციების თავმჯდომარეები და ბიუროს წევრები აირჩიეს. „ქართული ოცნების“ ვაკის ორგანიზაციას საპარლამენტო უმრავლესობის წევრი ნოდარ ტურძელაძე უხელმძღვანელებს. საბურთალოს ორგანიზაციას - საბურთალოს რაიონის გამგებელი - გაიოზ ვასაძე; კრწანისის ორგანიზაციას - საპარლამენტო უმრავლესობის წევრი ბექა ოდიშარია. კონფერენციებს ესწრებოდნენ „ქართული ოცნების“ თავმჯდომარე, ირაკლი კობახიძე, გენერალური მდივანი, კახა კალაძე, აღმასრულებელი მდივანი, მამუკა მდინარაძე, რეგიონული მდივანი, დიმიტრი სამხარაძე. თბილისის გარდა, „ქართული ოცნების“ პარტიული კონფერენციები სამცხე ჯავახეთსა და აჭარაში გაიმართა.

23 მაისი, 2023

„ქართული ოცნების“ თავმჯდომარე, ირაკლი კობახიძე საქართველოში იაპონიის ელჩს, იმამურა აკირას შეხვდა. გამოსამშვიდობებელ შეხვედრაზე ელჩმა საქართველოსადმი სამომავლო მხარდაჭერა დაადასტურა. ირაკლი კობახიძემ იმამურა აკირას მადლობა გადაუხადა საქართველოსა და იაპონიას შორის ურთიერთობების გაღრმავების კუთხით გაწეული სამსახურისთვის. იაპონიის ელჩს საქართველოში უფლებამოსილების ვადა ამოეწურა.

11 მაისი, 2023

მოგესალმებით, პირველ რიგში მოგახსენებთ, რომ დღეს გაიმართა პარტიის პოლიტსაბჭოს სხდომა, რომელსაც ესწრებოდნენ პრემიერ-მინისტრი, პოლიტსაბჭოს სხვა წევრები, აგრეთვე, დისტანციურად პოლიტსაბჭოს სხდომას ესწრებოდნენ პარტიის გენერალური მდივანი, კახი კალაძე, პარლამენტის თავმჯდომარე, შალვა პაპუაშვილი და პოლიტსაბჭოს სხვა წევრები. პოლიტსაბჭოს სხდომაზე განვიხილეთ სხვადასხვა საკითხები და ერთ-ერთ მთავარ საკითხზე მინდა, რომ გავაკეთო დღეს განცხადება პარტიის პოლიტსაბჭოს პოლიტიკური პარტიის სახელით. „ქართულმა ოცნებამ“ 4 მაისს უნგრეთის დედაქალაქ ბუდაპეშტში მონაწილეობა მიიღო „კონსერვატიული პოლიტიკური მოქმედების“ ყოველწლიურ კონფერენციაში, რომლის დევიზი იყო „ღმერთი, სამშობლო, ოჯახი“. აღნიშნულ კონფერენციაში ჩვენი პარტიის უმაღლეს პოლიტიკურ დონეზე მონაწილეობა და პრემიერ-მინისტრის სიტყვით გამოსვლა იყო ტრადიციული ზოგადსაკაცობრიო ფასეულობების მიმართ ჩვენი ერთგულებისა და მტკიცე მხარდაჭერის გამოხატულება. ღრმად გვწამს, რომ ნებისმიერი ერისა და სახელმწიფოს წინსვლასა და წარმატებას მყარი ღირებულებითი საყრდენი სჭირდება. შესაბამისად, თითოეული ჩვენგანი სერიოზულად უნდა დავფიქრდეთ იმ ღირებულებით კრიზისზე, რომელიც თანამედროვე სამყაროშია შექმნილი და რომელსაც ფსევდოლიბერალები მიზანმიმართულად აღრმავებენ. როგორც ცნობილია, „კონსერვატიული პოლიტიკური მოქმედების“ კონფერენციაში ჩვენი მონაწილეობა კრიტიკულად შეაფასეს იმ ევროპული პოლიტიკური პარტიის ხელმძღვანელმა თანამდებობის პირებმა, რომლის დამკვირვებელი წევრიც არის „ქართული ოცნება“. მეტიც, მათი მხრიდან გაისმა ერთგვარი საჯარო მუქარა თანამშრომლობის გადახედვის შესახებ, რასაც წინ არ უძღოდა არავითარი ორმხრივი კომუნიკაცია. „ევროპის სოციალისტური პარტიის“ ხელმძღვანელების ამგვარი ქმედება და დამოკიდებულება ჩვენთვის პრინციპულად მიუღებელია. ჩვენი პარტია „ევროპის სოციალისტური პარტიის“ დამკვირვებელი წევრია 2015 წლიდან. სამწუხაროდ, 2015 წლიდან დღემდე „ევროპის სოციალისტურ პარტიას“ არ გაუკეთებია არცერთი ხმამაღალი განცხადება „ქართული ოცნების“ მხარდასაჭერად. მეტიც, „ევროპის სოციალისტური პარტიის“ ცალკეული წარმომადგენლები რეგულარულად უერთდებოდნენ რადიკალური ოპოზიციის მხარდამჭერ პოლიტიკურ კამპანიებს. შარშან და წელს, რამდენიმე ათეულმა ევროპარლამენტარმა „ევროპის სოციალისტური პარტიიდან“ მხარი დაუჭირა აბსურდულ რეზოლუციებს, რომლებითაც ევროპარლამენტი ჩვენი პარტიის დამფუძნებლისთვის, ბიძინა ივანიშვილისთვის სანქციების დაწესებას, ორი დამნაშავის, მიხეილ სააკაშვილისა და ნიკა გვარამიას გათავისუფლებასა და კიდევ ერთი დამნაშავის, დავით კეზერაშვილის წინააღმდეგ სისხლისსამართლებრივი დევნის შეწყვეტას ითხოვდა. სამწუხაროდ, „ევროპის სოციალისტურ პარტიას“ მისი წევრი ევროპარლამენტარების მიერ აბსურდული რეზოლუციების მხარდაჭერა არცერთხელ არ დაუგმია. ასეთ პირობებში, „ევროპის სოციალისტურ პარტიაში“ „ქართული ოცნების“ წევრობა საქართველოს ევროპული ინტეგრაციის გზაზე არათუ დადებით როლს არ ასრულებდა, პირიქით, სრულიად კონტრპროდუქტული იყო. გარდა ამისა, 2015 წლიდან დღემდე, ჩვენ მუდმივ რეჟიმში ვაკვირდებოდით „ევროპის სოციალისტური პარტიის“ იდეოლოგიურ ტრანსფორმაციას. გასული წლების განმავლობაში, აღნიშნული პარტია სულ უფრო შორდებოდა კლასიკურ სოციალ-დემოკრატიულ იდეოლოგიას და გადადიოდა ფსევდოლიბერალურ პლატფორმაზე, რომელიც თანამედროვე სამყაროში შექმნილი ღირებულებითი კრიზისის გაღრმავებას განაპირობებს. „ევროპის სოციალისტური პარტიის“ ამგვარი იდეოლოგიური ტრანსფორმაცია ჩვენთვის მიუღებელია და შეუთავსებელია ჩვენი პარტიის, ისევე, როგორც ქართული საზოგადოების ფასეულობებთან და ხედვებთან. ყოველივე ზემოაღნიშნულის გათვალისწინებით, მივიღეთ გადაწყვეტილება, დავტოვოთ „ევროპის სოციალისტური პარტიის“ დამკვირვებელი წევრის სტატუსი და „ევროპის სოციალისტურ პარტიასთან“ დაკავშირებული სხვა გაერთიანებები, რასთან დაკავშირებითაც „ევროპის სოციალისტურ პარტიას“ დაუყოვნებლივ გაეგზავნება ჩვენი წერილობითი განცხადება. დღეიდან, „ქართული ოცნება“ თანაბარ საწყისებზე ითანამშრომლებს ყველა ევროპულ პოლიტიკურ პარტიასთან იმ საგარეო პოლიტიკური მიზნების მისაღწევად, რომელიც ჩვენს ქვეყანას, საზოგადოებას და ხელისუფლებას გვაქვს დასახული.

29 აპრილი, 2023

როგორც მოგეხსენებათ დღეს გაიმართა პარლამენტის მაჟორიტარი დეპუტატის შუალედური არჩევნები ფოთი-ხობი-სენაკის საარჩევნო ოლქში. მერების შუალედური არჩევნები თერჯოლისა და ცაგერის მუნიციპალიტეტებში და საკრებულოს მაჟორიტარი დეპუტატების შუალედური არჩევნები ქუთაისში, ტყიბულში, გურჯაანში, ახალციხესა და თიანეთში. ისიც მოგეხსენებათ, რომ რადიკალურმა ოპოზიციამ ვერცერთ ოლქში ვერ გაბედა კანდიდატურის დაყენება, რაც იმის დასტურია, რომ ისინი „ქართული ოცნების“ მაღალ და საკუთარ დაბალ რეიტინგს კარგად აცნობიერებენ. მიუხედავად იმისა, რომ არჩევნები შეზღუდული კონკურენციის პირობებში წარიმართა დაფიქსირდა მაღალი აქტივობა, რისთვისაც თითოეულ ამომრჩეველს მადლობას ვუხდით. უნდა აღინიშნოს, რომ ყველა საარჩევნო ოლქში „ქართულმა ოცნებამ“ გააუმჯობესა 2021 წლის მუნიციპალურ არჩევნებში მიღებული შედეგები. კერძოდ, ფოთი-ხობი-სენაკის საარჩევნო ოლქში ჩვენმა კანდიდატმა მიიღო 27 000-ზე მეტი ხმა, როდესაც 2021 წელს მივიღეთ 23 000 ხმა. თერჯოლის მუნიციპალიტეტში ჩვენმა კანდიდატმა მიიღო 11 500 ხმა, როდესაც 2021 წელს მივიღეთ 9 000 ხმა. ცაგერის მუნიციპალიტეტში ჩვენმა კანდიდატმა მიიღო 4 500 ხმა, როდესაც 2021 წლის არჩევნების შედეგი იყო 3 200 ხმა. ქუთაისში ჩვენმა კანდიდატმა მიიღო 5 300-ზე მეტი ხმა, როდესაც 2021 წელს მივიღეთ 3 600 ხმა. ტყიბულში ჩვენმა კანდიდატმა მიიღო 1 500 ხმა, როდესაც 2021 წელს მივიღეთ 1 300-ზე ნაკლები ხმა. გურჯაანში ჩვენმა კანდიდატმა მიიღო 1 350 ხმა, როდესაც 2021 წელს მივიღეთ 1 000 ხმა. ახალციხეში ჩვენმა კანდიდატმა მიიღო 450-ზე მეტი ხმა, როდესაც 2021 წელს მივიღეთ 300 ხმა და ბოლოს, თიანეთში ჩვენმა კანდიდატმა მიიღო 350 ხმა, როდესაც 2021 წლის შედეგი იყო 150 ხმა. ვულოცავ გიორგი ხახუბიას პარლამენტის წევრად არჩევას, მანუჩარ რობაქიძეს თერჯოლის მერად არჩევას, ლევან ზალკანიანს ცაგერის მერად არჩევას, მიხეილ გიორგაძეს ქუთაისის საკრებულოს წევრად, გიორგი კერესელიძეს ტყიბულის საკრებულოს წევრად, ზურაბ მუხულიშვილს გურჯაანის საკრებულოს წევრად, როინ ნებაძეს ახალციხის საკრებულოს წევრად, ხოლო იოსებ მათურელს თიანეთის საკრებულოს წევრად არჩევას. წარმატებებს ვუსურვებ ჩვენი გუნდის თითოეულ წევრს.ასევე მინდა აღვნიშნო, რომ ეს იყო არჩევნები, რომელიც ჩატარდა ელექტრონული წესით. იმ წესით რომელიც დადგინდა ახალი საარჩევნო კოდექსით, სადაც ამომრჩეველი გადიოდა ელექტრონული წესით რეგისტრაციას. ასევე, ხმას აძლევდა ელექტრონული წესით, ეს იყო პირველი მასშტაბური ტესტი, რომელიც გაიარა ახალმა სისტემამ, რომელიც დაინერგა ახალი საარჩევნო კოდექსის ფარგლებში, საარჩევნო რეფორმის ფარგლებში და ეს ტესტი მნიშვნელოვანი იყო იმისათვის, რომ 2024 წლის ოქტომბრის საპარლამენტო არჩევნები ჩატარდეს სათანადო ხარისხით. მადლობას გადავუხდით რა თქმა უნდა საარჩევნო ადმინისტრაციის თითოეულ წარმომადგენელს, კომისიის წევრებს იმისათვის, რომ სათანადოდ ჩატარდა ეს არჩევნები. კიდევ ერთხელ გვინდა გადავუხადოთ მადლობა ამომრჩეველს არჩევნებზე მოსვლისთვის და ჩვენთვის ნდობის გამოცხადებისთვის, ჩვენი გუნდის მხარდაჭერისთვის. დიდი მადლობა.

03 აპრილი, 2023

უმრავლესობის წევრებმა მიმდინარე სასესიო კვირის პლენარულ სხდომებზე განსახილველ საკითხებზე იმსჯელეს. 4 აპრილის პლენარულ სხდომაზე პარლამენტის ახალ წევრებად კენჭს გიორგი ჩაკვეტაძის, თენგიზ შარმანაშვილის, მერაბ ქვარაიას, სალომე ქურასბედიანის და ირაკლი კირცხალიას უფლებამოსილების საკითხს უყრიან. ხვალვე, უმრავლესობის წევრები საფინანსო-საბიუჯეტო კომიტეტის თავმჯდომარედ პაატა კვიჟინაძის, განათლების და მეცნიერების კომიტეტის თავმჯდომარედ კი - გივი მიქანაძის კანდიდატურებს დაუჭერენ მხარს. 5 აპრილს, დეპუტატები დაჩქარებული წესით განსახილველ საკითხებზე იმსჯელებენ, მათ შორის, საქართველოს სისხლის სამართლის საპროცესო კოდექსში ცვლილებებზე საპროკურორო და საგამოძიებო ფუნქციების გადანაწილების შესახებ, რაც ევროკომისიის 12 რეკომენდაციის ერთ-ერთი პუნქტის შემადგენელი ნაწილია. ასევე, დეპუტატები კომიტეტების ანგარიშებს მოუსმენენ.

21 მარტი, 2023

„ქართული ოცნების" თავმჯდომარე, ირაკლი კობახიძე NED-ის თავმჯდომარეს, კენეტ უოლაკს შეხვდა. ირაკლი კობახიძემ და კენეტ უოლაკმა შეხვედრაზე საქართველოსა და რეგიონში მიმდინარე პოლიტიკური პროცესები განიხილეს.

18 მარტი, 2023

ბორჯომში საპარლამენტო უმრავლესობისა და საქართველოს მთავრობის გასვლითი, სამუშაო შეხვედრა გაიმართა. შეხვედრას ესწრებოდნენ საქართველოს პრემიერ - მინისტრი ირაკლი ღარიბაშვილი, ქართული ოცნების თავმჯდომარე ირაკლი კობახიძე, პარლამენტის თავმჯდომარე შალვა პაპუაშვილი, მმართველი პარტიის გენერალური მდივანი, კახი კალაძე, აღმასრულებელი მდივანი მამუკა მდინარაძე, უმრავლესობის და მინისტრთა კაბინეტის წევრები. სამუშაო შეხვედრაზე განხილულ იქნა მნიშვნელოვანი პოლიტიკური საკითხები. საუბარი მიმდინარე პოლიტიკურ პროცესების გარდა, შეეხო საქართველოს პარლამენტისა და მთავრობის სამომავლო სამუშაო გეგმებს.

14 მარტი, 2023

დღეს კიდევ ერთხელ გვსურს შევაჯამოთ საქართველოში გასული კვირის განმავლობაში განვითარებული მოვლენები. კიდევ ერთხელ გვინდა აღვნიშნოთ, რომ კანონპროექტმა უცხოელი აგენტების შესახებ ამოქმედების გარეშე მოიტანა იმაზე დიდი შედეგი, ვიდრე თუნდაც ამოქმედებით შეეძლო მოეტანა: პირველ რიგში, ყველამ აღიარა, რომ აგენტობა სათაკილოა, ვისი აგენტიც არ უნდა იყო - ჩრდილოეთის, დასავლეთის, სამხრეთის თუ აღმოსავლეთის; საზოგადოება ახლა უკვე ერთმანეთისგან უკეთ არჩევს უცხოური გავლენის აგენტებს ხალხის გავლენის აგენტებისგან. ყველასთვის ცხადი გახდა, რომ ის ორგანიზაციები, რომლებიც ცდილობდნენ ბაკურიანის გეგმის განხორციელებას, სცენიდან ითხოვდნენ მთავრობის გადადგომას, ცდილობენ ეკლესიის რეპუტაციის შერყევას, აწარმოებენ ლგბტ პროპაგანდას, უპირისპირდებიან ქვეყნის ენერგეტიკულ დამოუკიდებლობას და ა.შ. - სინამდვილეში არა ქართველი ხალხის, არამედ უცხოური გავლენის აგენტები არიან; გარდა ამისა, კანონპროექტების გარშემო გაშლილი დისკუსია მომავალშიც ეფექტიანად აგვაცილებს თავიდან ბაკურიანის გეგმის განხორციელებას, ანუ ენჯეოების ჩართულობით ხელისუფლების გადატრიალებას. შეგახსენებთ, რომ ენჯეოების მეშვეობით ჩვენს ქვეყანაში 2003 წელს უკვე შედგა რევოლუცია, რომელმაც საქართველოს დემოკრატიული უკუსვლა, ავტორიტარიზმი, ადამიანების წამება, ბიზნესის რეკეტი, მედიის მიტაცება და ქვეყნის ტერიტორიების 20 პროცენტის ოკუპაცია მოუტანა. ხაზგასმით ვაცხადებთ, რომ უცხოური გავლენის აგენტების ხელით ნაცმოძრაობის ხელისუფლებაში დაბრუნებას ჩვენ არასოდეს დავუშვებთ. კანონპროექტი, რომლის ერთადერთი მიზანი არასამთავრობო ორგანიზაციების გამჭვირვალობის უზრუნველყოფა იყო, ამოქმედების გარეშეც გახდა ნამდვილი აგენტების ლუსტრაციის უმნიშვნელოვანესი ინსტრუმენტი. გარდა ამისა, გასული კვირის განმავლობაში განვითარებულმა პროცესებმა კიდევ ერთხელ აჩვენა კოლექტიური ნაცმოძრაობის - გლობალური ომის პარტიის აგენტების ნამდვილი სახე. ამ პროცესებმა კიდევ ერთხელ შეგვახსენა, რომ ნაცმოძრაობა უდრის ძალადობას. საზოგადოებას წინა ხელისუფლების პირობებშიც ახსოვს სპეცრაზმისა და მომიტინგეების ურთიერთდაპირისპირების მაგალითები. 2012 წლამდე სპეცრაზმი ძალადობდა მომიტინგეებზე, ხოლო ახლა მომიტინგეები ძალადობდნენ სპეცრაზმზე. ამას აქვს ერთადერთი ლოგიკური ახსნა - 2012 წლამდე ნაცმოძრაობა იდგა მოძალადე სპეცრაზმის უკან, ხოლო ახლა ნაცმოძრაობა იდგა მოძალადე მომიტინგეების უკან. იგივე ლოგიკით, 2012 წლამდე ნაცმოძრაობის მიერ მართული სპეცრაზმი ძალადობდა სახალხო დამცველზე, ახლა კი, სახალხო დამცველზე ნაცმოძრაობის მიერ მართულმა მომიტინგეებმა იძალადეს. აქვე უნდა აღინიშნოს, რომ ომბუდსმენზე თავდასხმა დღემდე არცერთ დიპლომატს, ოპოზიციონერ პოლიტიკოსს ან უცხოური გავლენის აგენტს არ დაუგმია. ეს ყველაფერი შეგვახსენებს, რომ სადაც არის ნაცმოძრაობა, იქ არის ძალადობა, იქნება ის ხელისუფლებაში თუ ოპოზიციაში. გასულ კვირაში, სპეცრაზმისა და მომიტინგეების ურთიერთდაპირისპირებაში ევროპა იყო არა მომიტინგეების, არამედ სპეცრაზმის მხარეს. კიდევ ერთხელ ვუხდით მადლობას თითოეულ პოლიციელს და სამართალდამცავებს, პირადად შინაგან საქმეთა მინისტრ ვახტანგ გომელაურს ამისათვის. ხელისუფლებამ გასულ კვირაში კიდევ ერთხელ აჩვენა თავისი ჰუმანური სახე. ამის კიდევ ერთი გამოხატულება იყო კანონპროექტის გაწვევა იმ დროს, როდესაც სამართალდამცავ სტრუქტურებს მოძალადე ოპოზიციური დაჯგუფებების მიმართ სრული ძალისმიერი და მორალური უპირატესობა ჰქონდათ. ხელისუფლებისა და ნაცმოძრაობის ურთიერთდაპირისპირებაში კიდევ ერთხელ გათამაშდა „კავკასიური ცარცის წრე“. როდესაც ჩვენ დავინახეთ, რომ ნაცმოძრაობა „ბავშვს სასიკვდილოდ იმეტებდა“, ხელისუფლებამ მყისიერად გაუშვა მას ხელი. ჩვენ მკაფიოდ განვაცხადეთ, რომ რისკის ქვეშ ვერ დავაყენებდით ვერცერთი ადამიანის, ვერცერთი ახალგაზრდის ჯანმრთელობას და მით უმეტეს, სიცოცხლეს იმ პირობებში, როდესაც რადიკალური ოპოზიციის მხრიდან ნებისმიერი უმძიმესი პროვოკაციაც კი იყო მოსალოდნელი. უნდა აღინიშნოს, რომ „უცხოური გავლენის გამჭვირვალობის შესახებ“ კანონპროექტის მიმართ პროტესტი გამოხატეს ჩვენი ქვეყნის გულწრფელმა მოქალაქეებმაც. თუმცა, გასული კვირის განმავლობაში განვითარებულმა მოვლენებმა, ჩვენ მოგვცა ექსტრემისტული ახალგაზრდული პოლიტიკური დაჯგუფებების გაშიფვრის შესაძლებლობაც. სწორედ ამ დაჯგუფებების მეშვეობით იყო ორგანიზებული ძალადობრივი ქმედებები სახელმწიფოს წინააღმდეგ. თავად „ნაცმოძრაობასთან“, „გირჩი - მეტი თავისუფლებასთან“, „სირცხვილიასთან“ და „დროასთან“ ერთად, გასულ კვირაში გამოიკვეთა „ფრანკლინის კლუბის“ აქტიურობა. „ფრანკლინის კლუბი“ არის უცხოური გავლენის აგენტი, რომელიც ასეულობით ათასი ლარით ფინანსდება. მისი მხარდამჭერია ამერიკული ორგანიზაცია „ატლას ნეთვორქი“, რომელიც წარსულში არაძალადობრივ და ძალადობრივ პროტესტს აორგანიზებდა მსოფლიოს არაერთ ქვეყანაში, ასევე აქტიურად მუშაობდა „ბრექსიტზე“, ანუ ევროკავშირიდან დიდი ბრიტანეთის გამოყოფაზე. „ფრანკლინის კლუბი“ პოლიტიკური აქტივიზმისთვის ახორციელებს როგორც სტუდენტების, ისე არასრულწლოვანი სკოლის მოსწავლეების რეკრუტირებას. სტუდენტების მობილიზაცია წარმოებს არსებითად ორი უნივერსიტეტის ბაზაზე. ესენია - კახა ბენდუქიძის მიერ თავის დროზე 1 ლარად მითვისებული „თავისუფალი უნივერსიტეტი“ და გიული ალასანიას მიერ ასევე 1 ლარად მითვისებული „საქართველოს უნივერსიტეტი“. აქტივობებისათვის „ფრანკლინის კლუბი“ აქტიურად იყენებს „საქართველოს უნივერსიტეტის“ ინფრასტრუქტურას. კლუბის მრჩეველთა საბჭოს წევრები არიან ორივე ზემოაღნიშნული უნივერსიტეტის რექტორები, ვატო ლეჟავა და კონსტანტინე თოფურია, აგრეთვე სხვა რეაქციონერი ნაციონალები, როგორებიც არიან ლევან რამიშვილი, გია ნოდია და სხვები. „ფრანკლინის კლუბში“ ტრენინგებს ატარებენ ზურაბ ჯაფარიძე, გიორგი მშვენიერაძე, გიორგი მელაძე და ოპოზიციის სხვა ექსტრემისტი ლიდერები, რომლებიც მსმენელებს რევოლუციურ გეგმებზე დაუფარავად ესაუბრებიან. გასულ კვირაში არსებითად სწორედ რადიკალური ოპოზიციის ექსტრემისტული ახალგაზრდული დაჯგუფებების მიერ იყო ორგანიზებული ძალადობრივი აქტები, რომლებიც სამართალდამცავი სტრუქტურების წინააღმდეგ განხორციელდა. ექსტრემისტული აქტივობები ძირითადად ხორციელდებოდა ჯინ შარპისა და პიტერ აკერმანის მიერ შემუშავებული სახელმძღვანელოების შესაბამისად. მათ შორის, სწორედ ამ სახელმძღვანელოებშია აღწერილი ისეთი სიმბოლური აქტები, როგორიცაა წყლის ჭავლთან დროშიანი მომიტინგის დაპირისპირება, სპეცრაზმელებთან ყვავილების მიტანა და ა.შ. აგენტების კანონის წინააღმდეგ აგორებულ პროტესტს წითელ ხაზად გასდევდა კამპანია, რომელიც ლიბერალური ფაშიზმის „საუკეთესო“ ტრადიციების შესაბამისად იყო დაგეგმილი. ორგანიზებული ჯგუფების მეშვეობით, ხორციელდებოდა უპრეცედენტო ზეწოლა პოლიტიკოსებზე, ცნობად სახეებზე და მათი ოჯახის წევრებზე, მათ შორის არასრულწლოვნებზე. გარდა ექსტრემისტული ახალგაზრდული პოლიტიკური დაჯგუფებებისა, ლიბერალური ფაშიზმის კამპანიაში დღემდე აქტიურად არიან ჩართული ოპოზიციონერი პოლიტიკოსები, ყოფილი სახალხო დამცველი, რადიკალური ოპოზიციის მხარდამჭერი ჟურნალისტები, ენჯეოების წარმომადგენლები, ისევე, როგორც რიგითი ნაციონალები. ლიბერალური ფაშიზმი ნაცმოძრაობის ძალადობრივი ბუნების კიდევ ერთი გამოხატულებაა. განსაკუთრებით შემაშფოთებელია ფაშისტური კამპანია, რომელიც უნივერსიტეტებსა და სკოლებში წარმოებდა. დაფიქსირდა ისეთი შემთხვევებიც კი, როგორიცაა სკოლის პედაგოგების მიერ საკუთარი მცირეწლოვანი მოსწავლეების მშობლების მოღალატეებად მოხსენიება, რაც ფაშიზმისა და ბოლშევიზმის უმძიმესი გამოხატულებაა. აგრეთვე დაფიქსირდა კამპანია საუნივერსიტეტო სასწავლო პროცესიდან პროფესორების ჩამოშორების მოთხოვნით. ამგვარი კამპანია საქართველოში ბოლოს წარმოებდა ზუსტად ერთი საუკუნის წინ ახალგაზრდა ბოლშევიკების მიერ, რომლებმაც საწინააღმდეგო შეხედულების მქონე პროფესორები (მათ შორის თბილისის სახელმწიფო უნივერსიტეტის დამფუძნებელი, ივანე ჯავახიშვილი) უნივერსიტეტიდან გააძევეს. შემაშფოთებელი იყო ნაციონალი ლექტორების მიერ სახელმწიფო თუ კერძო უნივერსიტეტების პოლიტიკური პროპაგანდისთვის გამოყენება, რაც აკადემიური ეთიკის უხეში დარღვევაა. შეგახსენებთ, რომ ნაციონალი ლექტორები თავად შლიდნენ სასწავლო პროცესს, სტუდენტებს აქციებში მონაწილეობის სანაცვლოდ სთავაზობდნენ ნიშნების მომატებას და ა.შ. უნივერსიტეტების პოლიტიკური მიზნებისთვის გამოყენებაც ნაციონალური მოძრაობის უცვლელი ხელწერაა. დასასრულს, კიდევ ერთხელ სრული პასუხისმგებლობით გვინდა განვაცხადოთ, რომ „უცხოური გავლენის გამჭვირვალობის შესახებ“ კანონპროექტს არაფერი ქონდა საერთო რუსულ კანონთან. ამგვარი კანონები დიდი ხანია მოქმედებს ამერიკის შეერთებულ შტატებში, ავსტრალიაში, ახალ ზელანდიასა და ისრაელში. ამჟამად, აქტიურად განიხილება ანალოგიური კანონების მიღება ევროკავშირში, დიდ ბრიტანეთსა და კანადაში. შესაბამისად, რადიკალური ოპოზიციისა და მისი მფარველების მიერ წარმოებული კამპანია ე.წ. რუსული კანონის შესახებ თავიდან ბოლომდე სიცრუეზე იყო დაფუძნებული. ათასობით ადამიანს გააპროტესტებინეს წაუკითხავი კანონი, რომელიც ენჯეოების დაფინანსების შესახებ მათივე ინფორმირებას ისახავდა ერთადერთ მიზნად. ეს იყო ერთგვარი „საუკუნის პიარ-თაღლითობა“, რომლის მთავარი მიზანი ძალადობრივი გზით ხელისუფლების გადატრიალება იყო. ეს გეგმა ჩავარდა, რადგან მას დაუპირისპირდა ჰუმანური, მაგრამ ძლიერი სახელმწიფო სისტემა, რომელიც დგას და კვლავაც მყარად იდგება საქართველოს სახელმწიფო უსაფრთხოების სადარაჯოზე. რაც შეეხება რუსულ ფაქტორს: სრული პასუხისმგებლობით გვინდა განვაცხადოთ, რომ რადიკალურ ოპოზიციას შარშანწინ, შარშან ან წელს თავისი რევოლუციური გეგმები რომ აღესრულებინა, თბილისში დღეს რუსული ტანკები იდგებოდა. ისინი ზუსტად ისევე შემოუძღვებოდნენ საქართველოში რუსულ ტანკებს, როგორც ეს 2008 წელს გააკეთეს. დღეს სწორედ „ქართული ოცნების“ ხელისუფლებაა იმის გარანტი, რომ საქართველოში არ განხორციელდება მეორე ფრონტის სცენარი, რაც ჩვენს ქვეყანას რუსულ სამხედრო-პოლიტიკურ ინტერვენციას და უკრაინაზე მძიმე შედეგებს მოუტანდა. ჩვენ ვართ პასუხისმგებელი იმაზე, რომ საქართველო შეინარჩუნებს მშვიდობას და განაგრძობს სწრაფ ეკონომიკურ ზრდას ჩვენი ქვეყნის ჭეშმარიტად ევროპული მომავლის უზრუნველსაყოფად. ჩვენ ვივლით წინ ღირსებით ევროპისკენ! ღრმად გვწამს, რომ ევროკავშირის წევრობა არა ღირსებისა და დამოუკიდებლობის დათმობის ხარჯზე, მონური დამოკიდებულებითა და ცალ ფეხზე დგომით, არამედ მხოლოდ ღირსებისა და დამოუკიდებლობის შენარჩუნებით არის შესაძლებელი!

09 მარტი, 2023

„ქართული ოცნების" ცენტრალურ ოფისში უმრსვლესობის სხდომა გაიმართა მმართველი პარტიის თავმჯდომარემ, ირაკლი კობახიძემ, პარლამენტის თავმჯდომარემ, შალვა პაპუაშვილმა და აღმასრულებელმა მდივანმა, მამუკა მდინარაძემ უმრავლესობის წევრებთან ერთად განიხილეს გადაწყვეტილება, რომლის თანახმადაც უპირობოდ იქნება უკან გაწვეული კანონპროექტი უცხოური გავლენის გამჭირვალობის შესახებ. უმრავლესობამ ამ გადაწყვეტილებას ერთხმად დაუჭირა მხარი. სხდომაზე ასევე განხილული იქნა სხვა მიმდინარე საკითხები.

09 მარტი, 2023

საზოგადოებას გვინდა ვაცნობოთ, რომ გაიმართა კონსულტაციები „ქართული ოცნების“ პოლიტიკური საბჭოს, „ხალხის ძალისა“ და საპარლამენტო უმრავლესობის წევრებს შორის „უცხოური გავლენის გამჭვირვალობის შესახებ“ კანონის გარშემო მიმდინარე პოლიტიკურ პროცესებთან დაკავშირებით. ვხედავთ, რომ მიღებულმა კანონპროექტმა საზოგადოებაში აზრთა სხვადასხვაობა გამოიწვია. სიცრუის მანქანამ შეძლო კანონპროექტის უარყოფითად წარმოჩენა და საზოგადოების გარკვეული ნაწილი შეცდომაში შეიყვანა. კანონპროექტს მიაკერეს „რუსული კანონის“ ყალბი იარლიყი, ხოლო მისი პირველი მოსმენით მიღება საზოგადოების ნაწილის თვალში ევროპული კურსიდან გადახვევად წარმოაჩინეს. გარდა ამისა, რადიკალურმა ძალებმა შეძლეს ახალგაზრდების ნაწილი კანონსაწინააღმდეგო ქმედებებში ჩაეთრიათ. მადლობა გმირ სამართალდამცავებს, რომლებმაც ძალადობას მოთმინებითა და უმაღლესი სტანდარტით უპასუხეს. ჩვენ ყველაზე მეტად უნდა გავუფრთხილდეთ მშვიდობას, სიმშვიდესა და ეკონომიკურ განვითარებას ჩვენს ქვეყანაში, ისევე, როგორც საქართველოს წინსვლას ევროპული ინტეგრაციის გზაზე. შესაბამისად, აუცილებელია, თითოეული ჩვენი თანამოქალაქის ენერგია არა დაპირისპირებაზე, არამედ ქვეყნის სწორი მიმართულებით განვითარებაზე დაიხარჯოს. ყოველივე ზემოაღნიშნულის გათვალისწინებით, როგორც საზოგადოების თითოეული წევრის წინაშე პასუხისმგებელმა მმართველმა ძალამ, მივიღეთ გადაწყვეტილება, უპირობოდ, ყოველგვარი დათქმის გარეშე გავიწვიოთ ჩვენს მიერ მხარდაჭერილი კანონპროექტი. ემოციური ფონის ჩაცხრომასთან ერთად, საზოგადოებას უკეთ განვუმარტავთ, თუ რას ემსახურებოდა კანონპროექტი და რატომ იყო მნიშვნელოვანი უცხოური გავლენის გამჭვირვალობის უზრუნველყოფა ჩვენს ქვეყანაში. ამისათვის, დავიწყებთ შეხვედრებს მოსახლეობასთან და ფართო საზოგადოებას გავაგებინებთ სიმართლეს საკითხის თითოეულ დეტალთან დაკავშირებით. ჩვენ ვმოქმედებთ იმ განსაკუთრებული პასუხისმგებლობით, რომელიც, როგორც მმართველ ძალას, საზოგადოების თითოეული წევრის წინაშე გვაკისრია. საქართველო შეინარჩუნებს მშვიდობასა და სტაბილურობას და განაგრძობს სვლას ღირსებით ევროპისკენ, რაც ქართული საზოგადოების პრინციპული არჩევანია.

08 მარტი, 2023

გუშინ თბილისში განვითარდა მოვლენები, რომლებიც, დარწმუნებული ვარ, უსიამოვნო სანახავი იყო ჩვენი თანამოქალაქეების უდიდესი უმრავლესობისთვის. რადიკალურმა ოპოზიციამ და მისმა მედიასაშუალებებმა საზოგადოების საკმაოდ დიდი ნაწილი დაარწმუნეს, რომ პარლამენტის მიერ მიღებული ამერიკული კანონი იყო რუსული, რამაც გუშინ ადამიანების გულწრფელი ვნებათაღელვა გამოიწვია. თუმცა, როგორც ყოველთვის, რადიკალურმა ოპოზიციამ სცადა, ეს გულწრფელი ვნებათაღელვა საკუთარი პოლიტიკური მიზნებისა და დავალებების აღსრულებისთვის გამოეყენებინა. რადიკალური ოპოზიციის მხარდამჭერების მხრიდან დაფიქსირდა უპრეცედენტო ძალადობა სამართალდამცავებზე. თუ 2012 წლამდე ნაციონალური მოძრაობის დავალებით, სამართალდამცავები ძალადობდნენ მომიტინგეებზე და სახალხო დამცველზე, გუშინ იმავე ნაციონალური მოძრაობის დავალებით, მომიტინგეები ძალადობდნენ სამართალდამცავებზე და სახალხო დამცველზე. ეს ფაქტი კიდევ ერთხელ გვახსენებს, რომ ეს ადამიანები არასოდეს შეიცვლიან საკუთარ ბუნებას, სადაც არ უნდა იყვნენ ისინი - ხელისუფლებაში თუ ოპოზიციაში. მნიშვნელოვანია, ყველამ, ვინც გუშინ უხეშად არღვევდა კანონს და ძალადობდა, კანონის მთელი სიმკაცრით აგოს პასუხი. გამოვთქვამთ გულისტკივილს თითოეული მშვიდობიანი მომიტინგის გამო, რომელმაც გუშინ თუნდაც უმნიშვნელო დაზიანება მიიღო. მადლობას ვუხდით თითოეულ პოლიციელს და სამართალდამცავს გუშინდელი მოთმინებისთვის და ადამიანის უფლებების უმაღლესი სტანდარტით მოქმედებისთვის. კიდევ ერთხელ გვინდა გავამახვილოთ ყურადღება ორ საკითხზე, რომელზეც უკანასკნელ დღეებში რადიკალების მიერ გაშლილი კამპანია იყო აგებული: ეს არის არასამთავრობო ორგანიზაციების უცხოური გავლენის აგენტებად მოხსენიება და საქართველოს ევროპული მომავალი. პირველ რიგში, კიდევ ერთხელ უნდა აღინიშნოს, რომ პარლამენტის მიერ პირველი მოსმენით მიღებული კანონპროექტი არ ეხება ჯაშუშურ საქმიანობას. კანონპროექტი აზუსტებს მხოლოდ იმას, თუ ვისი კეთილსინდისიერი თუ არაკეთილსინდისიერი მიზნებისა და ამოცანების რეალიზებას ემსახურებიან კონკრეტული ორგანიზაციები - ქართველი ხალხის თუ უცხოური ძალის. რაც შეეხება ჯაშუშის (და არა უცხოური გავლენის აგენტის) იარლიყის მიწებებას. ამასთან დაკავშირებით, გვინდა შეგახსენოთ, რომ ნაციონალური მოძრაობა, რომელმაც რუსეთის ფედერაციას საქართველოს ტერიტორიების 20 პროცენტი ჩააბარა და შემდეგ მოღალატეობრივ რეზოლუციაზე ხელი მოუწერა, ჯერ კიდევ 2012 წლიდან მოიხსენიებს „ქართულ ოცნებას“ პრორუსულ ძალად. ამ იარლიყს გვაწებებდნენ ისინი, როდესაც ევროკავშირთან ასოცირების შეთანხმებას ვაწერდით ხელს, ხელს ვაწერდით თავისუფალი ვაჭრობის შეთანხმებას ევროკავშირთან, მივიღეთ ევროკავშირის ქვეყნებთან უვიზო მიმოსვლის რეჟიმი, უპრეცედენტოდ გავაფართოეთ თანამშრომლობა ნატოსთან. ჩვენ არ გვახსენდება არასამთავრობო ორგანიზაციებისა და სხვა სუბიექტების მღელვარება, როდესაც რადიკალური ოპოზიცია ჩვენი ხელისუფლების სტიგმატიზაციას ცდილობდა. სამწუხაროდ, არ გვახსენდება იარლიყების მიწებების დაგმობა და „ქართული ოცნების“ წარმომადგენლების შედარება სანდრო ახმეტელთან და ტიციან ტაბიძესთან, როდესაც რადიკალები იარლიყებს გვაწებებდნენ. სამაგიეროდ, დღეს კონკრეტული ძალები სანდრო ახმეტელსა და ტიციან ტაბიძეს ადარებენ გიგა მაქარაშვილს და ბაია პატარაიას, რომლებიც, თავისი არსით, ჩვენი ღირსეული წინაპრების სრული ანტიპოდები არიან. ამავე დროს, გვინდა შეგახსენოთ, რომ სანდრო ახმეტელიც და ტიციან ტაბიძეც სწორედ ჯაშუშებმა დახვრიტეს, ჯაშუშებმა მოკლეს ილია ჭავჭავაძეც, ჯაშუშები შემოუძღვნენ 1921 წელს რუსულ ჯარს საქართველოში. თავის დროზე ჯაშუშებისთვის თავისი სახელი რომ დაერქმიათ, საქართველო ბევრ ტკივილს აიცილებდა თავიდან. დღეს ბოლშევიკური სული ცოცხლობს თანამედროვე სერგო ორჯონიკიძეებში და გიგლა ბერბიჭაშვილებში - მიხეილ სააკაშვილში, გიგა ბოკერიაში, გიორგი ვაშაძეში, ზურაბ ჯაფარიძეში, ლევან ხაბეიშვილში და რადიკალური ოპოზიციის სხვა ლიდერებში. მათ მიერ ბაკურიანის ცნობილ შეხვედრაზე გაწერილი გეგმა რომ განხორციელებულიყო, გასული წლის ივნისში მოხდებოდა ხელისუფლების გადატრიალება და სრული პასუხისმგებლობით ვაცხადებთ - დღეს თბილისში რუსული ტანკები იდგებოდა. ისინი ზუსტად ისევე შემოუძღვებოდნენ რუსულ ტანკებს საქართველოში, როგორც ეს 2008 წლის აგვისტოში გააკეთეს. საქართველოში 2003 წელს მოხდა ჯაშუშების რევოლუცია, რომელმაც საქართველოს ანტიევროპული 9 წელი - ადამიანების წამება, ბიზნესის რეკეტი, მედიის მიტაცება და საქართველოს ტერიტორიების 20 პროცენტის დაკარგვა მოუტანა. მაშინ ჯაშუშებმა შეძლეს მანიპულირება საზოგადოების გულწრფელი ემოციებით და პრინციპული შეცდომა დააშვებინეს. დღეს ქართული საზოგადოება საკმარისად მომწიფებულია იმისათვის, რომ იმავე ჯაშუშების ახალი რევოლუცია და ქვეყნის წარსულში დაბრუნება არ დაუშვას. საქართველო არის სახელმწიფო და ქვეყნის არევის ყველა მსურველი კანონის ფარგლებში, კანონის მთელი სიმკაცრით აგებს პასუხს. საბოლოოდ, ვნებათაღელვა ჩაცხრება და საზოგადოებას შედეგად დარჩება არასამთავრობო ორგანიზაციების ფინანსების გამჭვირვალობა, რომელსაც „უცხოური გავლენის გამჭვირვალობის შესახებ“ კანონი უზრუნველყოფს. საზოგადოებას ზუსტად ეცოდინება, ვისი დაფინანსებით გაიმართა ბაკურიანის შეკრება, ვინ აფინანსებს „სირცხვილიას“, „დროას“ და სხვა ექსტრემისტულ ორგანიზაციებს, ვისი დაფინანსებით წარმოებს მართლმადიდებელი ეკლესიის საწინააღმდეგო ბოლშევიკური პროპაგანდა, ვისი დაფინანსებით ფერხდება ქვეყნის ენერგეტიკული განვითარება და სხვა. ვფიქრობთ, რომ საზოგადოებას უნდა ჰქონდეს სრული ინფორმაცია ამ ყველაფრის შესახებ და ამის მიხედვით უნდა გამოიტანოს დასკვნები. ამ ყველაფერს არაფერი აქვს საერთო ევროპასთან და ევროპულ ღირებულებებთან. თუ ჩვენ სახელმწიფოს არ დავიცავთ ჯაშუშების გეგმებისგან, არა მხოლოდ ევროკავშირის წევრები ვერ გავხდებით, არამედ სუვერენიტეტსაც დავკარგავთ. ყველას უნდა გვესმოდეს, რომ ცალ ფეხზე სიარულით, ევროკავშირში ვერასოდეს შევალთ. როდესაც ხელისუფლების მიერ ევროპული ინსტიტუტების პატივისცემაზეა საუბარი, გვინდა შეგახსენოთ, რომ დაპირებისამებრ, ჩვენ უკვე გავაგზავნეთ კანონპროექტი ვენეციის კომისიაში დასკვნის მისაღებად და შესაბამისად, მისი განხილვა მხოლოდ რამდენიმე თვეში, ვენეციის კომისიიდან დასკვნის მიღების შემდეგ გაგრძელდება. აქედან ჩანს, თუ სინამდვილეში რამდენად უსაფუძვლოა წუხილი, რომელიც კანონპროექტის პირველი მოსმენით მიღებას უკავშირდება. საქართველოს მოსახლეობის 80 პროცენტზე მეტი მხარს უჭერს საქართველოს ევროპულ მომავალს და 90 პროცენტზე მეტი ნდობას უცხადებს მართლმადიდებელ ეკლესიას. აქედან ცხადად ჩანს, რომ ეკლესიის მაგინებლები ვერასოდეს შეიყვანენ საქართველოს ევროკავშირში. ჩვენ ვივლით წინ ქრისტიანობით ევროპისკენ! ჩვენ ვივლით წინ სუვერენიტეტით ევროპისკენ! ჩვენ ვივლით წინ ღირსებით ევროპისკენ!

07 მარტი, 2023

როგორც მოგეხსენებათ, დღეს საქართველოს პარლამენტმა მიიღო უმნიშვნელოვანესი გადაწყვეტილება და პირველი მოსმენით მხარი დაუჭირა კანონპროექტს „უცხოური გავლენის გამჭვირვალობის შესახებ“.პირველ რიგში, მადლობას ვუხდი რა თქმა უნდა ყველა პარლამენტარს, რომელმაც ზეწოლისა და მუქარის მცდელობის მიუხედავად, მხარი დაუჭირა ამ კანონპროექტს.როგორც ქართული, ისე ამერიკული კანონპროექტის მიმართ რადიკალურ ოპოზიციას და მის მედიასაშუალებებს ფართოდ ჰქონდათ გაშლილი სიცრუეზე აგებული კამპანია.თავიდან ბოლომდე სიცრუეზე დაყრდნობით ცდილობდნენ კანონპროეტებისთვის რუსული კანონის იარლიყი მიეკერებინათ. გარდა ამისა, ვრცელდებოდა უამრავი სიცრუე, რომ ამ კანონპროექტით აგენტებად გამოცხადდებოდნენ სხვადასხვა სფეროში მოღვაწე ადამიანები, შეიზღუდებოდა მათი საქმიანობა , საუბარი იყო შშმ პირთა მიმართ მზრუნველობაზე და ამის შეზღუდვაზე, სოფლის მეურნეობის პროექტების გაჩერებაზე, საუბარი იყო სტუდენტებისთვის აგენტის წოდებაზე , რომლებიც იღებენ დაფინანსებას უცხოეთიდან. ეს ყველფერი არის მარტივი, მტკნარი სიცრუე , რაც მარტივად დასტურდება ელემენტარულად ამ კანონპროექტის შინაარსის გაცნობით, თუმცა თქვენ ხედავთ რომ არავინ ინტერესდებოდა რეალურად ამ კანონპროექტების შინაარსით, თავიდან ბოლომდე წარიმართებოდა ზედაპირული სიცრუეზე აგებული კამპანია, იარლიყების მიკერებით, სტიგმატიზაციით, რასაც არაფერი საერთო არ ქონდა სინამდვილესთან. ეს ყველაფერი არის ტყუილი და ჩვენ ამასთან დაკავშირებით ეტაპობრივად მივაწვდით ინფორმაციას ბუნებრივია საზოგადოებას. სინამდვილეში, ჩვენს მიერ მხარდაჭერილი კანონპროექტი ითვალისწინებს ერთადერთ რამეს - ეს არის უცხოური დაფინანსებით მოქმედი არასამეწარმეო იურიდიული პირებისა და მედიასაშუალებების საქმიანობის გამჭვირვალობა. ეს არის ერთადერთი საკითხი რაც წესრიგდება ამ კანონპროექტით . ქართული კანონის თანახმად, უნდა შეიქმნას რეესტრი, რომელშიც აისახება ყველა ამგვარი ორგანიზაციის შემოსავლებისა და ხარჯების ყოველწლიური ანგარიში. ეს არის ერთადერთი რამ , რასაც ითვალისწინებს ჩვენს მიერ მიღებული კანონპროექტი. არასამთავრობო ორგანიზაციებისა და მედიასაშუალებების გამჭვირვალობის მიმართ აგრესიული დამოკიდებულება შეიძლება ჰქონდეს მხოლოდ იმას, ვისაც რაღაც მნიშვნელოვანი აქვს დასამალი.ვფიქრობთ, საზოგადოების ინტერესებშია იცოდეს, ვისი დაფინანსებით ცდილობენ კონკრეტული არასამთავრობო ორგანიზაციები მაგალითად ქვეყნის ენერგეტიკული დამოუკიდებლობის დასუსტებას, მაგალითად აგინებენ ეკლესიას, ვისი დაფინანსებით აყალბებენ არჩევნების პარალელური ხმის დათვლის შედეგებს, სცენიდან ითხოვენ მთავრობის გადადგომას და ა.შ. ასეთი ფაქტების ჩამონათვალი საკმაოდ ვრცელია და მე მგონი საზოგადოებისთვის საინტერესოა ვის მიერ ფინანსდებიან, რა დაფინანსებით მოქმედებენ შესაბამისი ორგანიზაციები, ეკლესიის მაგინებლები , მთავრობის გადადგომის მომთხოვნი სუბიექტები და ა.შ როდესაც იქნება უზრუნველყოფილი ამ ყველაფრის გამჭვირვალობა მაშინვე ამას ბუნებრვია ექნება პრევენციული ეფექტი და ელემენტარულად მოხდება უარის თქმა თუნდაც დაფინანსებაზე ისეთი ორგანიზაციებისა , რომლებიც პირდაპირ უპირისპირდებიან ქვეყნის ინტერესებს, ეკკლესიის ინტერესებს და ყველაფერ იმას, რასთანაც დაჯავშირებულია ჩვენი ქვეყნის იდენტობა. კანონპროექტის პირველი მოსმენით მიღება იყო სერიოზული დარტყმა ნაციონალური მოძრაობისთვის და აქედან გამომდინარე, გასაკვირი არაა ის ისტერიკა, რომლითაც რადიკალური ოპოზიცია ჩვენს გადაწყვეტილებას შეხვდა.ნაციონალურ მოძრაობასთან დაკავშირებული არასამთავრობო ორგანიზაციების გამჭვირვალობა არის მნიშვნელოვანი ბერკეტი, რომელიც შეამცირებს რადიკალიზმს და ე.წ. პოლარიზაციას ქართულ პოლიტიკაში, ხელს შეუწყობს პოლიტიკური პროცესების სტაბილურ განვითარებას და არავის მისცემს მშვიდობის დარღვევის საშუალებას.ჩვენ გაგებით ვეკიდებით ყველა იმ ადამიანის წუხილს, რომელსაც მასშტაბური დეზინფორმაციის გამო, კანონპროექტის შესახებ მცდარი დამოკიდებულება ჩამოუყალიბდა. მზად ვართ, ნებისმიერ ფორმატში მივაწოდოთ მათ დეტალური ინფორმაცია კანონპროექტის შინაარსისა და ამოცანების შესახებ.კანონპროექტის მიღებით დაზარალებული ერთადერთი მხარე არის რადიკალური ოპოზიცია, რომელსაც მასთან დაკავშირებული ენჯეოების ფინანსების გასაჯაროება მოუწევს. შესაბამისად, როგორც უკვე ითქვა, ეს კანონი უზრუნველყოფს რადიკალიზმის შემცირებას ქართულ პოლიტიკაში. ქვეყნის ევროპულ კურსთან კანონპროექტის დაკავშირება არის ყველაზე მძიმე დეზინფორმაცია, რაც კი ამ დღეებში გაჟღერდა. ევროპა ნიშნავს სწორედ რომ გამჭვირვალობას და დერადიკალიზაციას, რასაც ჩვენს მიერ მიღებული კანონპროექტი ემსახურება. ჩვენ აუცილებლად ვივლით წინ ევროპისკენ და ამას გავაკეთებთ ჩვენი ქვეყნისა და სახელმწიფოს ღირსების დაცვით.დასასარულს, მინდა გაცნობოთ, რომ როგორც ქართული, ისე ამერიკული კანონპროექტი დაუყოვნებლივ გაიგზავნება ვენეციის კომისიაში, საიდანაც სამართლებრივ დასკვნას, სავარაუდოდ, ივნისის პირველ ნახევარში მივიღებთ.დღეს ვრცელდებოდა ამაზეც დეზინფორმაცია , თითქოს საბოლოოდ იყო მიღებული ეს კანონპროექტი ჩვენს მიერ, სინამდვილეში მინიმუმ 3 თვე დასჭირდება ვენეციის კომისიიდან დასკვნის მიღებას , ამის შემდეგ გაგრძელდება დისკუსია და საბოლოო ჯამში ჩვენ ვენეციის კომისიის დასკვნის გათვალისწინებით მივიღებთ ამ კანონპროექტს. ასევე მინდა მოვუწოდო, რა თქმა უნდა, ყველას სიმშვიდისკენ , ჩვენ ვხედავთ რომ არის დემონსტრაცია პარლამენტის შენობასთან , იქ არის რა თქმა უნდა გულწრფელი პროტესტიც, თუმცა არიან ადამიანები რადიკალური ოპოზიციის წარმომადგენლები, რომლებიც ცდილობენ და აუცილებლად შეეცდებიან რომ სარგებელი ნახონ ამ გულწრფელი პროტესტიდან, რომელიც არის საზოგადოების გარკვეულ ნაწილში. ასევე ვიტყვი, რომ დაფიქსირდა ძალადობის შემთხვევები სამართადამცავების მიმართ , არის სერიოზული ფიზიკური დააზიანების შემთხვევები სამართალდამცველების შემთხვევაში ,რა თქმა უნდა , ნებისმიერი კანონდამრღვევი , კანონის მთელი სიმკაცრით იქნება დასჯილი. და ბოლო საკითხი, რასაც ასევე მინდა შევეხო ვრცელდება კანონპროექტის ინიციატორების , არა მარტო ინიციატორების, მხარდამჭერი დეპუტატების მისამართები იმ ადამიანების მხრიდან, რომლებიც ევროპელობაზე დებენ თავს, ეს არის ფაშიზმი და ფაშიზმს არაფერი კავშირი არ აქვს ბუნებრივია ევროპასთან. მე ძალიან მაინტერესებს რას იტყვიან ფაშიზმის ამ გამოვლინებასთან დაკავშირებით ის ორგანიზაციები რადიკალურ ოპოზიციასთან დაკავშირებული ენჯეოები , რომელთა გამჭვირვალობასაც ითვალისწინებს ჩვენს მიერ დღეს მიღებული კანონპროექტი . მე მგონია, რომ მათი გამჭვირვალობა საბოლოო ჯამში ხელს შეუწყობს იმას , რომ ფაშიზმის ასეთი გამოვლინების მიმართაც მომავალში მათ ექნებათ ცოტა განსხვავებულიი დამოკიდებულება.

07 მარტი, 2023

„ქართული ოცნების" ცენტრალურ ოფისში უმრავლესობის ტრადიციული სხდომა გაიმართამმართველმა გუნდმა მიმდინარე სასესიო კვირის განსახილველი საკითხები შეათანხმა ფრაქციის თავმჯდომარემ, მამუკა მდინარაძემ ბრიფინგზე გაახმოვანა გუნდის მიერ შეჯერებული საკითხები: ქართული ოცნება მხარს დაუჭერს სახალხო დამცველის ვაკანტურ პოზიციაზე ლევან იოსელიანის კანდიდატურას. კენჭისყრა გაიმართება სამშაბათს განხილული იქნება სამხედრო სავალდებულო სამსახურის ახალი კანონპროექტი ხუთშაბათის პლენარულ სხდომაზე უმრავლესობა პირველი მოსმენით მიიღებს „ხალხის ძალის“ მიერ ინიცირებულ ამერიკულ კანონს აგენტების თაობაზე და მის ქართულ ვარიანტს ასევე შედგება სხვა მიმდინარე კანონპროექტების კენჭისყრა, მათ შორის ერთ-ერთია ევრორეკომენდაცია ქალთა ფინანსური გაძლიერების თაობაზე დღის წესრიგი ბიუროს სხდომაზე დამტკიცდება

22 თებერვალი, 2023

„ქართული ოცნების" თავმჯდომარის ირაკლი კობახიძის განცხადება როგორც მოგეხსენებათ, საქართველოს ცენტრალურმა საარჩევნო კომისიამ დანიშნა პარლამენტის მაჟორიტარი დეპუტატის შუალედური არჩევნები ფოთის, ხობისა და სენაკის საარჩევნო ოლქში და მერების შუალედური არჩევნები ცაგერისა და თერჯოლის მუნიციპალიტეტებში. ცესკოს გადაწყვეტილებით, არჩევნები 29 აპრილს გაიმართება. დღეს ჩატარდა პარტიის პოლიტიკური საბჭოს სხდომა, რომელზეც მიღებულ იქნა გადაწყვეტილება აღნიშნულ საარჩევნო ოლქებში კანდიდატების დასახელების შესახებ. პოლიტსაბჭოს გადაწყვეტილებით, ფოთის, სენაკისა და ხობის საარჩევნო ოლქში პარლამენტის მაჟორიტარ დეპუტატად პარტია წარადგენს გიორგი ხახუბიას კანდიდატურას. პირველ რიგში, აუცილებლად გვინდა აღვნიშნოთ, რომ გიორგი არის ჩვენი კოლეგის, ირაკლი ხახუბიას შვილი. ბუნებრივია, ირაკლის სახელი და მის მიერ ფოთში, ხობსა და სენაკში შექმნილი ავტორიტეტი დაეხმარება გიორგის არჩევნებში გამარჯვებაში. თუმცა, ამასთან ერთად, გიორგი თავადაც გამოირჩევა პიროვნული თვისებებით, განათლებითა და პროფესიული გამოცდილებით, რომელთა გამოც პარტიის პოლიტიკურმა საბჭომ ის უპირობოდ საუკეთესო კანდიდატად მიიჩნია. გიორგის მიღებული აქვს განათლება კავკასიის უნივერსიტეტში, ბიზნესის ადმინისტრირების სპეციალობით. ახალგაზრდული ასაკის მიუხედავად, მას აქვს მდიდარი სამუშაო გამოცდილება. სხვადასხვა დროს ის იყო საგანგებო სიტუაციების კოორდინაციისა და გადაუდებელი დახმარების ცენტრის ადმინისტრაციული დეპარტამენტის უფროსი, საქართველოს გაზის ტრანსპორტირების კომპანიის ფინანსური დეპარტამენტის უფროსი და მოგვიანებით ამავე კომპანიის გენერალური დირექტორის მოადგილე. გარდა ამისა, გიორგი წლების მანძილზე წარმატებით ეწეოდა კერძო სამეწარმეო საქმიანობას. გასულ წლებში, გიორგი ფოთში, ხობსა და სენაკში აქტიურად იყო ჩართული „ქართული ოცნების“ საარჩევნო შტაბებისა და პარტიული ორგანიზაციების მუშაობაში. წარმატებებს ვუსურვებთ გიორგი ხახუბიას. დარწმუნებული ვართ მის გამარჯვებაში. პარტიის პოლიტიკური საბჭოს გადაწყვეტილებით, ცაგერის მუნიციპალიტეტის მერად წარმოგიდგენთ ლევან ზალკალიანის კანდიდატურას. ლევანი არის წარმატებული იურისტი და საჯარო მოსამსახურე. მას იურიდიული განათლება მიღებული აქვს თბილისის სახელმწიფო უნივერსიტეტში. სხვადასხვა დროს ლევანი მუშაობდა პროკურატურის სისტემაში გამომძიებლად და პროკურორად, მათ შორის 11 წლის მანძილზე - ამბროლაურის რაიონულ პროკურორად. ლევანს მინიჭებული აქვს იუსტიციის უფროსი მრჩევლის წოდება. დღემდე ლევან ზალკალიანი იკავებდა რაჭა-ლეჩხუმსა და ქვემო სვანეთში სახელმწიფო რწმუნებულის მოადგილის თანამდებობას. წარმატებებს ვუსურვებთ ლევან ზალკალიანს. პოლიტსაბჭოს გადაწყვეტილებით, თერჯოლის მუნიციპალიტეტის მერად წარმოგიდგენთ მანუჩარ რობაქიძის კანდიდატურას. მანუჩარი არის სპეციალობით ისტორიკოსი. მას დამთავრებული აქვს იოანე პეტრიწის სახელობის უნივერსიტეტის ისტორიის ფაკულტეტი. სხვადასხვა დროს, ის იყო მუნიციპალური საკრებულოს წევრი, კერძო კომპანიებში - „ზესტაფონ გაზსა“ და „სოკარში“ მუშაობდა სხვადასხვა ხელმძღვანელ თანამდებობაზე, იყო თერჯოლის მუნიციპალიტეტის ადმინისტრაციული და შესყიდვების სამსახურის უფროსი და ეკავა თერჯოლის მუნიციპალიტეტის მერის მოადგილის თანამდებობა. 2021 წელს მანუჩარ რობაქიძე დაინიშნა თერჯოლის მუნიციპალიტეტის მერის პირველ მოადგილედ, ხოლო 2022 წლიდან ის ასრულებს თერჯოლის მერის მოვალეობას. მანუჩარს ვუსურვებთ წარმატებებს და თერჯოლის მერად არჩევას. წარმატებებს ვუსურვებთ ჩვენს სამივე კანდიდატს. დარწმუნებული ვართ, რომ ისინი მოიპოვებენ ამომრჩევლის ნდობას და აუცილებლად გაიმარჯვებენ არჩევნებში.

20 თებერვალი, 2023

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართასხდომაზე საუბარი შეეხო პრემიერ მინისტრ ირაკლი ღარიბაშვილის ინიციატივას ფასების დარეგულირებასთან დაკავშირებით. აღინიშნა, რომ საქართველოს პარლამენტში შევა შესაბამისი კანონპროექტი, რომელსაც უმრავლესობა მხარს დაუჭერს. განიხილეს ასევე მიგრაციის საკითხი.უმრავლესობის წევრებმა იმსჯელეს „ხალხის ძალის“ მიერ ინიცირებულ კანონპროექტზე „უცხოური გავლენის გამჭვირვალობის შესახებ.“ აღინიშნა, რომ საპარლამენტო უმრავლესობა კანონპროექტის პრინციპებს მხარს უჭერს, დეტალებზე მსჯელობა გაგრძელდება. უმრავლესობის წევრებმა მიმდინარე სასესიო კვირის პლენარულ სხდომებზე განსახილველ საკითხებზე იმსჯელეს. 21 თებერვალს, „მინისტრის საათის“ ფორმატში შინაგან საქმეთა მინისტრს, ვახტანგ გომელაურს მოუსმენენ. 22 თებერვლის სხდომაზე, განიხილავენ სხვადასხვა კანონპროექტებს და კომიტეტების ანგარიშებს მოისმენენ.

06 თებერვალი, 2023

„ქართული ოცნების" ცენტრალურ ოფისში საპარლამენტო უმრავლესობის სხდომა გაიმართა, რომელსაც მმართველი პარტიის გენერალური მდივანი, თბილისის მერი კახა კალაძე ესწრებოდა. სხდომაზე უმრავლესობის წევრებმა მხარი დაუჭირეს პრემიერ-მინისტრ ირაკლი ღარიბაშვილის ინიციატივას საწვავის და სურსათის ფასების რეგულირებასთან დაკავშირებით. აღინიშნა, რომ პრემიერის ამ ინიციატივას პარლამენტის მხარდაჭერა ექნება საჭიროების შემთხვევაში საკანონმდებლო ინიციატივების თვალსაზრისითაც.სხდომაზე საუბარი შეეხო ცესკო-ს მიერ დღეს მიღებულ გადაწყვეტილებას, რომლის მიხედვითაც ამომრჩეველთა 90%-ს საშუალება ექნება თავისი არჩევანი ელექტრონული წესით გააკეთოს. ასევე ისაუბრეს ევროკომისიის 12 პუნქტიანი გეგმის შესრულების მიმდინარეობაზე და სხვა აქტუალურ პოლიტიკურ თემებზე. უმრავლესობის წევრებმა იმსჯელეს 2023 წლის საგაზაფხულო სესიის პირველი კვირის პლენარულ სხდომებზე განსახილველ საკითხებზე. 7 თებერვალს, პარლამენტი დაჩქარებული წესით განიხილავს კანონპროექტს „საქართველოს ეროვნული ბანკის ორგანულ კანონში“ ცვლილებების შესახებ, „საარჩევნო კოდექსში“ გენდერულ კვოტირებასთან დაკავშირებულ ცვლილებს და სხვა კანონპროექტებს. ხვალვე დეპუტატები პარლამენტის რამდენიმე კომიტეტის ანგარიშს მოისმენენ. 8 თებერვალს, პარლამენტის თავმჯდომარე შალვა პაპუაშვილი საქართველოს პარლამენტის საქმიანობის ყოველწლიური ანგარიშისა და მომდევნო წლის სამოქმედო გეგმის შესახებ მოხსენებას წარადგენს.

03 თებერვალი, 2023

დღეს გამოქვეყნდა ევროკომისიის შეფასების დოკუმენტი, რომელიც საქართველოს, უკრაინისა და მოლდოვის მიერ შარშან შევსებულ კითხვარებს ეფუძნება. პირველ რიგში, მადლობას ვუხდით ევროკომისიას ჩვენი ქვეყნის ძალიან დადებითი შეფასებისთვის. შეფასების დოკუმენტით ევროკომისიამ თავადვე დაადასტურა ის, რასაც გასული წლის ივნისიდან ვამტკიცებდით: ანგარიშიდან ცხადად ჩანს, რომ საქართველო ყველა პარამეტრით იმსახურებდა კანდიდატის სტატუსს. საქართველო მნიშვნელოვნად, მთელი 12 ქულით უსწრებს მოლდოვას და თითქმის ყველა საკვანძო პარამეტრით უსწრებს უკრაინას.ამ ყველაფრის გათვალისწინებით, რამდენად სამართლიანი იყო ევროკავშირის სტრუქტურების მიერ შარშან მიღებული პოლიტიკური გადაწყვეტილება, ამის განსჯა საზოგადოებისთვის მიგვინდია. გვინდა შეგახსენოთ, რომ შარშან რადიკალურმა ოპოზიციამ, მასთან დაკავშირებულმა ენჯეოებმა და მედიასაშუალებებმა ევროპული სტრუქტურების გადაწყვეტილება ქვეყანაში ვითარების არევისა და პოლარიზაციის გაღრმავების მცდელობისთვის გამოიყენეს. ამ გადაწყვეტილებაზე დაყრდნობით, ყველაზე მდიდარი ენჯეოები მთავრობის გადადგომასაც კი ითხოვდნენ. კიდევ ერთხელ მადლობას ვუხდით ქართულ საზოგადოებას, რომელმაც მაშინ ყველაფერი სწორად შეაფასა და ანტისახელმწიფოებრივი მიზნებით მოქმედ ძალებს ქვეყანაში ვითარების არევისა და მშვიდობის დარღვევის შესაძლებლობა არ მისცა. ევროკომისიის შეფასების დოკუმენტი ცხადყოფს, რომ ობიექტურ კრიტერიუმებზე დაფუძნებული გადაწყვეტილების მიღების პირობებში, საქართველომ წელს აუცილებლად უნდა მიიღოს ევროკავშირის წევრობის კანდიდატის სტატუსი.

29 იანვარი, 2023

„ქართული ოცნების“ თავმჯდომარეს, ირაკლი კობახიძეს ბილბაოში საბინო არანას ფონდის უმაღლესი ჯილდო გადაეცა ჯილდო მმართველი პარტიის თავმჯდომარეს ქართულ-ბასკური მეგობრობის გაღრმავებისთვის, დემოკრატიისა და ადამიანის უფლებების დაცვისთვის მიანიჭეს. ღონისძიება ბილბაოს თეატრში ბასკეთის მმართველი პარტიის ორგანიზებით შედგა. ღონისძიების მონაწილეებს სიტყვით მიმართა ირაკლი კობახიძემ „უპირველეს ყოვლისა, მინდა გულწრფელი მადლობა გადავუხადო საბინო არანას ფონდს ჯილდოსთვის. ჩემთვის დიდი პატივია იმ ადამიანად ყოფნა, ვინც ერთგულია ბასკებთან და ბასკეთთან მეგობრობის.მე წარმოვადგენ პატარა, მაგრამ ძალიან ამაყ ქვეყანას - საქართველოს. ჩემს ერს საუკუნეების განმავლობაში მოუწია ბრძოლა თავისი იდენტობის, მიწის, რელიგიისა და ენის დასაცავად. ამიტომ ჩვენ, ქართველები განსაკუთრებულად ვაფასებთ პატრიოტიზმს და სამშობლოს ერთგულ ადამიანებს. შესაბამისად, მე განსაკუთრებით ვამაყობ ჯილდოს მიღებით, რომელიც დიდი პატრიოტის - საბინო არანას სახელს ატარებს.რამდენიმე მეცნიერული დასკვნით დასტურდება, რომ ბასკებსა და ქართველებს შორის ისტორიული კავშირი არსებობს. მიუხედავად იმისა, რომ ბასკეთსა და საქართველოს შორის გეოგრაფიული მანძილი საკმაოდ დიდია, აშკარაა მსგავსება კულტურაში, ტრადიციებსა და ფოლკლორში. მეღვინეობა ჩვენი კულტურების არსებითი მახასიათებელია, რაც იმაზე მეტყველებს, რომ ჩვენ საერთო ფესვები გვაქვს. ასევე ქართული და ბასკური ენები სტრუქტურულად ახლოსაა ერთმანეთთან. ქართველებმა კარგად იციან ეს კავშირი და ძალიან ამაყობენ ამით.ამ კავშირმა მოტივაცია მისცა ქართველების წინა თაობებს, ასევე მე და ჩემს კოლეგებს, რომ მხარი დავუჭიროთ ჩვენს ხალხებს შორის მეგობრობის შემდგომ გაღრმავებას. თბილისი და ბილბაო, ვიტორია და ქუთაისი, ლაგუარდია და გურჯაანი ათწლეულების მანძილზე დაძმობილებული ქალაქები არიან. თბილისის სახელმწიფო უნივერსიტეტში ბასკური ენის განყოფილება დაარსდა. არსებობს უწყვეტი პარტნიორობა, მაგრამ ასევე ძალიან ფართო სივრცე კულტურის, განათლების, სპორტის, ტურიზმის, გასტრონომიისა და ინვესტიციების სფეროებში თანამშრომლობის შემდგომი განვითარებისთვის. ნება მომეცით აღვნიშნო ისიც, რომ ჩვენ მთელი საქართველოს მასშტაბით დავრგეთ რამდენიმე გერნიკას ხე, რაც ბასკ და ქართველ ხალხებს შორის ძლიერი კავშირისა და მეგობრობის სიმბოლოს გამოხატავს.თქვენ გაქვთ ძალიან ლამაზი ქვეყანა საოცრად ლამაზი ბუნებით, პეიზაჟებით, ქალაქებითა და სოფლებით. მაგრამ ბასკეთის ყველაზე ღირებული სილამაზე მისი თბილი ხალხია. თითოეულმა ბასკმა, ვისაც ჩვენ შევხვედრილვართ, კიდევ უფრო მეტი მოტივაცია მოგვცა, გაგვეძლიერებინა ჩვენი მეგობრობა. დიდი მადლობა ამისთვის!ჩემი ქვეყანა - საქართველო დღესდღეობით რამდენიმე ფუნდამენტური გამოწვევის წინაშე დგას. ჩვენი ტერიტორიების 20% ოკუპირებულია რუსეთის ფედერაციის მიერ და მისი მშვიდობიანი დეოკუპაცია ჩემი ხალხის ერთ-ერთი მთავარი ეროვნული მიზანია. უკრაინაში მიმდინარე ომის კონტექსტში არსებობდა საფრთხე, რომ სამხედრო კონფლიქტი საქართველოზეც გავრცელდებოდა. ეს იყო ჩვენი მთავრობის მთავარი მიზანი, რომ თავიდან აგვერიდებინა ომი ჩვენს ქვეყანაში და ჩვენ ამას წარმატებით მივაღწიეთ. საქართველო მტკიცედ უჭერს მხარს უკრაინის სუვერენიტეტსა და ტერიტორიულ მთლიანობას და გმობს რუსეთის სამხედრო აგრესიას ყველა საერთაშორისო ფორუმზე. ამავდროულად, ჩვენ ვატარებთ პრაგმატულ პოლიტიკას, რათა თავიდან ავიცილოთ ესკალაცია და ხელი შევუწყოთ მშვიდობას რეგიონში. საქართველო ასევე ცდილობს, ფასილიტატორის როლი შეასრულოს ორ მეზობელ ქვეყანას - სომხეთსა და აზერბაიჯანს შორის. და ბოლოს, ჩვენ გვჯერა, რომ მშვიდობასა და განვითარებას ალტერნატივა არ აქვს და ყველა ერი თანმიმდევრულად უნდა გაჰყვეს ამ გზას.მიუხედავად იმისა, რომ პატარა ქვეყანაა, საქართველო მნიშვნელოვან როლს ასრულებს საერთაშორისო თანამეგობრობისთვის, როგორც პოლიტიკურად, ასევე ეკონომიკურად. საქართველო გეოგრაფიულად აკავშირებს ევროპას აზიასთან და აქვს დიდი პოტენციალი შემდგომ განავითაროს სატრანზიტო ფუნქცია და შესაძლებლობები. ლიბერალური ეკონომიკური პოლიტიკით ჩვენ უზრუნველვყოფთ ნაყოფიერ ნიადაგს ეკონომიკური საქმიანობისა და ინვესტიციებისთვის ჩვენს ქვეყანაში. მშვიდობისა და თანმიმდევრული პოლიტიკის წყალობით, ჩვენ მოვახერხეთ ორნიშნა ეკონომიკური ზრდის მიღწევა 2021 და 2022 წლებში. ამ ტენდენციით საქართველო ხდება კიდევ უფრო მიმზიდველი ქვეყანა თანამშრომლობისთვის მისი ყველა მეგობრისა და პარტნიორისთვის.ჩვენი მიზანია გავხდეთ ევროკავშირის სრულუფლებიანი წევრი. ჩვენ შევიტანეთ ოფიციალური განაცხადი და იმედია საქართველო ევროკავშირის კანდიდატის სტატუსს მიმდინარე წლის დეკემბერში მიიღებს. თქვენი მხარდაჭერა ძალზე მნიშვნელოვანია ამ მიზნის მისაღწევად.საერთო ჯამში, ასევე ზოგადი კონტექსტი იძლევა ნაყოფიერ ნიადაგს ბასკეთსა და საქართველოს შორის მეგობრობის შემდგომი განმტკიცებისა და თანამშრომლობის განვითარებისათვის. მე მივიჩნევ ამას, როგორც ჩემს პასუხისმგებლობას, გავაკეთო ყველაფერი ამ პოზიტიური ტენდენციის ხელშეწყობისთვის.ნება მომეცით კიდევ ერთხელ მადლობა გადავუხადო საბინო არანას ფონდს და ყველა ჩვენს ბასკ კოლეგას ჯილდოსთვის, ასევე შესანიშნავი მეგობრობისა და სტუმართმოყვარეობისთვის!” - ირაკლი კობახიძე

23 იანვარი, 2023

„ქართული ოცნების“ თავმჯდომარე ირაკლი კობახიძე სტრასბურგში, ევროპის საბჭოს საპარლამენტო ასამბლეის პრეზიდენტს ტინი კოქსს შეხვდა. ირაკლი კობახიძემ ტინი კოქსს ევროპის საბჭოს საპარლამენტო ასამბლეის პრეზიდენტის პოსტზე მეორე ვადით არჩევა მიულოცა. თავის მხრივ, ტინი კოქსმა ირაკლი კობახიძეს მხარდაჭერისთვის მადლობა გადაუხადა. შეხვედრაზე აღინიშნა, რომ ევროპის საბჭო სრულ მხარდაჭერას უცხადებს საქართველოს 12 პუნქტიანი გეგმის შესრულების პროცესში. ხაზი გაესვა საქართველოში რეფორმების მიმართულებით გაწეულ პროგრესს. საუბარი ასევე შეეხო რეგიონში მიმდინარე პოლიტიკურ პროცესებს. მმართველი პარტიის ხელმძღვანელთან ერთად, შეხვედრას ესწრებოდნენ საქართველოს საპარლამენტო დელეგაციის ხელმძღვანელი ირაკლი ჩიქოვანი და ევროპის საბჭოში საქართველოს ელჩი, თამარ ტალიაშვილი.

23 იანვარი, 2023

„ქართული ოცნების" თავმჯდომარე, ირაკლი კობახიძე სტრასბურგში, ევროპის საბჭოს გენერალურ მდივანს, მარია ბურიჩს შეხვდა. მმართველი პარტიის ხელმძღვანელთან ერთად აღნიშნულ შეხვედრას ესწრებოდნენ დელეგაციის ხელმძღვანელი ირაკლი ჩიქოვანი და ევროპის საბჭოში საქართველოს ელჩი, თამარ ტალიაშვილი. შეხვედრაზე ევროპის საბჭოს გენერალურმა მდივანმა საქართველოს დელეგაციას აქტიური მუშაობისთვის მადლობა გადაუხადა. საუბარი შეეხო ევროპის საბჭოს მიერ საქართველოს მხარდაჭერის მნიშვნელობას. მარია ბურიჩმა ხაზი გაუსვა საქართველოს მნიშვნელოვან პროგრესს რეფორმების მიმართულებით და აღნიშნა, რომ ევროპის საბჭო სრულ მხარდაჭერას უცხადებს საქართველოს 12 პუნქტიანი გეგმის შესრულების პროცესში. შეხვედრაზე ირაკლი კობახიძემ და მარია ბურიჩმა რეგიონში შექმნილი პოლიტიკური ვითარება განიხილეს.

23 იანვარი, 2023

ორიოდე დღის წინ, სი-ენ-ენის ჟურნალისტმა ევროკომისიის პრეზიდენტს, ურსულა ფონ დერ ლაიენს დაუსვა კითხვა, რომელიც საქართველოსთან დაკავშირებულ ყალბ ინფორმაციას ეფუძნებოდა. კერძოდ, ჟურნალისტმა განაცხადა, რომ ვრცელდება ცნობები სხვადასხვა ქვეყნის და განსაკუთრებით, საქართველოს გავლით რუსეთში სანქცირებული საქონლის შეტანის თაობაზე და იკითხა, გადაჭრიდა თუ არა ევროკავშირის სანქციების მომდევნო პაკეტი ამ პრობლემას. სი-ენ-ენი არ არის რიგითი მედიასაშუალება და ამ ფაქტიდან კარგად ჩანს, რამდენად მასშტაბურია კოორდინაცია, რომელიც საქართველოს ეროვნული ინტერესების წინააღმდეგ არის მიმართული. შესაბამისად, სი-ენ-ენის ჟურნალისტის მიერ გაჟღერებული ყალბი ინფორმაცია მყისიერ რეაგირებას საჭიროებს. საქართველო რუსეთში სანქცირებულ პროდუქციას რომ ატარებდეს, 2022 წელს საქართველოდან რუსეთში ექსპორტი არაპროპორციულად უნდა გაზრდილიყო. თუმცა, ვნახოთ, რა ხდება სინამდვილეში: 2022 წელს, 2021 წელთან შედარებით, საქართველოს მთლიანი ექსპორტის ზრდამ 33 პროცენტი შეადგინა, ხოლო იმავე პერიოდში რუსეთში ექსპორტი მხოლოდ 7 პროცენტით გაიზარდა. ანალოგიურ პერიოდში, საქართველოდან ჩინეთში ექსპორტი გაიზარდა 20 პროცენტით, აზერბაიჯანში - 27 პროცენტით, თურქეთში - 35 პროცენტით, აშშ-ში - 36 პროცენტით, ბულგარეთში - 67 პროცენტით, სომხეთში - 129 პროცენტით, ხოლო ყაზახეთში - 148 პროცენტით. რუსეთში ექსპორტის წილი საქართველოს საერთო ექსპორტში 2022 წელს არათუ არ გაზრდილა, არამედ მნიშვნელოვნად შემცირდა, რაც სი-ენ-ენის ჟურნალისტის მიერ გავრცელებული ინფორმაციის სიყალბეს უტყუარად ადასტურებს; აქვე უნდა აღინიშნოს, რომ საქართველოდან შეტანილი საქონელი რუსეთის 2022 წლის საერთო იმპორტის მხოლოდ 0,3 (!) პროცენტს შეადგენს. ამ ფონზე, როდესაც კონკრეტული უცხოური მედიასაშუალებები ამტკიცებენ, რომ რუსეთი საქართველოდან შეტანილი საქონლით ითქვამს სულს, რბილად რომ ვთქვათ, ძალიან დიდი ტყუილია; ისიც უნდა აღინიშნოს, რომ 2022 წელს საქართველოდან რუსეთში გატანილი საქონლის 3/4-ზე მეტი ალკოჰოლურმა და არაალკოჰოლურმა სასმელებმა, სოფლის მეურნეობის პროდუქციამ და ფეროშენადნობებმა შეადგინა; ბოლოს, შეგახსენებთ, რომ ვიდრე ჩვენს ქვეყანას რუსეთთან სავაჭრო ურთიერთობების შენარჩუნების გამო კიცხავენ, ევროკავშირის ქვეყნები რუსეთს იმპორტირებულ საქონელში ყოველდღიურად (!) ასეულობით მილიონ ევროს უხდიან. ამასთან, 2022 წლის თებერვალ-აგვისტოში, 2021 წლის ანალოგიურ პერიოდთან შედარებით, გერმანიაში რუსეთიდან იმპორტი გაიზარდა 33 პროცენტით, პოლონეთში - 24 პროცენტით, იტალიაში - 100 პროცენტით, საფრანგეთში - 84 პროცენტით, ნიდერლანდებში - 51 პროცენტით, ბელგიაში - 78 პროცენტით, უნგრეთში - 132 პროცენტით, საბერძნეთში - 142 პროცენტით, ესპანეთში - 51 პროცენტით, ავსტრიაში - 139 პროცენტით, სლოვაკეთში - 71 პროცენტით, ბულგარეთში - 116 პროცენტით, რუმინეთში - 55 პროცენტით, ჩეხეთში - 31 პროცენტით, სლოვენიაში - 346 პროცენტით, ხორვატიაში - 68 პროცენტით, კვიპროსში - 138 პროცენტით, ხოლო ლუქსემბურგში - 262 პროცენტით. როცა გავლენიანი უცხოური მედიასაშუალებები ქართული სახელმწიფოს წინააღმდეგ მიმართულ ამ მასშტაბის სიცრუეს ავრცელებენ, ეს ცალკე პრობლემაა. თუმცა, ამაზე დიდი პრობლემაა, როდესაც იგივე სიცრუეს ქართული რადიკალური ოპოზიცია და მისი კუთვნილი მედიასაშუალებებიც ტირაჟირებენ. ეს ფაქტი კიდევ ერთხელ ადასტურებს, რომ ამ ადამიანებისთვის საქართველოს ეროვნული ინტერესები არაფერს ნიშნავს და სინამდვილეში, ისინი არა საქართველოს, არამედ მის მიმართ მტრულად განწყობილი ძალის სამსახურში დგანან. ასევე, სამწუხაროა, როდესაც ამ სიცრუის ტირაჟირებაში პრეზიდენტიც აიყოლიეს, რომელმაც ბრალდებებზე „კატეგორიული და ფაქტებით გამყარებული პასუხის“ გაცემა მოითხოვა. ეს არის ჩემი კატეგორიული და ფაქტებით გამყარებული პასუხი ცრუ ბრალდებაზე, რომელიც რუსეთის მიერ ქართული ექსპორტით „სულის მოთქმას“ და სანქციების გვერდის ავლას შეეხება.

11 იანვარი, 2023

„ქართული ოცნების“ თავმჯდომარე, ირაკლი კობახიძე საქართველოში ევროკავშირის ელჩს, პაველ ჰერჩინსკის შეხვდა. „ქართული ოცნების“ ცენტრალურ ოფისში გამართულ შეხვედრაზე მმართველი პარტიის თავმჯდომარემ და ევროკავშირის ელჩმა ისაუბრეს საქართველო-ევროკავშირს შორის სამომავლო თანამშრომლობის გაღრმავებასა და ევროკომისიის 12 რეკომენდაციის შესრულებასთან დაკავშირებით მიმდინარე პროცესებზე. საუბარი ასევე შეეხო საქართველოში არსებულ პოლიტიკურ ვითარებას.

01 იანვარი, 2023

ანგარიში ევროკავშირის 12 პრიორიტეტის შესრულების თაობაზე

21 დეკემბერი, 2022

მმართველი პარტიის ცენტრალურ ოფისში საპარლამენტო უმრავლესობის სხდომა გაიმართასხდომაზე მმართველი გუნდის წევრებმა რამდენიმე მნიშვნელოვანი საკითხი განიხილეს.სახალხო დამცველის კანდიდატებთან დაკავშირებით, ასევე იუსტიციის უმაღლესი საბჭოს წევრობის კანდიდატებთან დაკავშირებით მიღებულია გადაწყვეტილება, რომ გაგრძელდეს მუშაობა. აქედან გამომდინარე, ხვალინდელი კენჭისყრა იქნება ფორმალური და არც ერთ კანდიდატს არ ექნება უმრავლესობის წევრების მხარდაჭერა.„პროცესის ჩაგდება გამოიწვია ოპოზიციის მიერ შერჩევის პროცესში ულტიმატუმის ენით საუბარმა და შესაბამისად, მათ მიერ კანდიდატების შერჩევის სამუშაო პროცესის მიზანმიმართულად შეფერხებამ. ოპონენტებმა არ მოინდომეს არც ერთ კანდიდატთან დაკავშირებით მხარდაჭერის დაფიქსირება, აქედან გამომდინარე, ვერ შევძლებთ ვერც ომბუდსმენის და ვერც იუსტიციის საბჭოს წევრის არჩევას. მმართველი გუნდი საგაზაფხულო სესიისთვის კვლავ შეეცდება, რომ აღმოიფხვრას ეს ხარვეზი და მივაღწიოთ კონსესუსს კანდიდატებთან დაკავშირებით“, - ფრაქცია „ქართული ოცნების“ თავმჯდომარე მამუკა მდინარაძეგარდა ამისა, ხვალ გაიმართება სტატისტიკის ეროვნული სამსახურისა და კომუნიკაციების მარეგულირებელი ეროვნული კომისიის ანგარიშების მოსმენა.

12 დეკემბერი, 2022

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა უმრავლესობის წევრებმა ისაუბრეს საქართველოს პრემიერ-მინისტრ ირაკლი ღარიბაშვილის მიერ მთავრობის დღევანდელ სხდომაზე ინიცირებულ საკითხებზე, რომელთა განხორციელებაში საპარლამენტო უმრავლესობა სრულ მხარდაჭერას უცხადებს საქართველოს მთავრობას და პრემიერ-მინისტრს. სახალხო დამცველის საკითხთან დაკავშირებით, უმრავლესობა ოპოზიციის წარმომადგენლებს საკუთარ პოზიციას ხვალინდელ შეხვედრაზე გააცნობს. სხდომაზე საუბარი შეეხო მიმდინარე სასესიო კვირის პლენარულ სხდომებზე განსახილველ საკითხებს. მიმდინარე კვირაში „მინისტრის საათის“ ფორმატში, დეპუტატები შერიგებისა და სამოქალაქო თანასწორობის საკითხებში სახელმწიფო მინისტრს თეა ახვლედიანს და იუსტიციის მინისტრს რატი ბრეგაძეს მოუსმენენ.

28 ნოემბერი, 2022

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა უმრავლესობის წევრებმა იმსჯელეს „დეოლიგარქიზაციის შესახებ“ კანონპროექტზე. უმრავლესობის გადაწყვეტილებით, კანონპროექტი სამართლებრივი დასკვნისთვის გადაეგზავნება ვენეციის კომისიას. ვენეციის კომისიის დასკვნის მიღებამდე, უმრავლესობა „დეოლიგარქიზაციის შესახებ“ კანონპროექტს მესამე მოსმენით არ განიხილავს. უმრავლესობის წევრებმა მოისმინეს ინფორმაცია ომბუდსმენობის კანდიდატებთან დაკავშირებით ოპოზიციასთან გამართული კონსულტაციების შესახებ. საპარლამენტო უმრავლესობის გადაწყვეტილებით, ოპოზიციასთან კონსულტაციები გაგრძელდება ომბუდსმენობის რვა კანდიდატზე. ესენი არიან: ანა აბაშიძე, გიორგი ბურჯანაძე, ლელა გაფრინდაშვილი, თინათინ ერქვანია, ნუგზარ კოხრეიძე, გიორგი მარიამიძე, ქეთევან ჩაჩავა და იაგო ხვიჩია. უმრავლესობის წევრებმა მიმდინარე სასესიო კვირის პლენარულ სხდომებზე განსახილველ საკითხებზე იმსჯელეს. პირველ დეკემბერს, „მინისტრის საათის“ ფორმატში, პარლამენტი განათლებისა და მეცნიერების მინისტრს, მიხეილ ჩხენკელს მოუსმენს.

14 ნოემბერი, 2022

„ქართული ოცნების" ცენტრალურ ოფისში საპარლამენტო უმრავლესობის სხდომა გაიმართა. უმრავლესობის წევრებმა მიმდინარე სასესიო კვირის პლენარულ სხდომებზე განსახილველ საკითხებზე იმსჯელეს. 15 ნოემბერს დეპუტატები მეორე მოსმენით განიხილავენ „დეოლიგარქიზაციის შესახებ“ კანონპროექტს, ასევე, მეორე მოსმენით „გენდერული თანასწორობის შესახებ“ და „სპეციალური საგამოძიებო სამსახურის შესახებ“ კანონებში ცვლილებას. 16 ნოემბერს, განიხილება ანტიკორუფციული ბიუროს შექმნის საკითხი, რომელიც ევროკომისიის ერთ-ერთი რეკომენდაციაა. გარდა ამისა, კანონმდებლები მოისმენენ სემეკი-ს, ასევე საპენსიო ფონდის 6 თვის ანგარიშს. 17 ნოემბერს განიხილება „საქართველოს 2022 წლის სახელმწიფო ბიუჯეტის შესახებ“ კანონპროექტი, რომელიც 20 ნოემბრამდე, შესაბამისი შენიშვნებით უნდა გადაეგზავნოს საქართველოს მთავრობას. 18 ნოემბერს, პარლამენტი ინტერპელაციის წესით პრემიერ-მინისტრ ირაკლი ღარიბაშვილს, საგარეო საქმეთა მინისტრს ილია დარჩიაშვილს და განათლებისა და მეცნიერების მინისტრს მიხეილ ჩხენკელს მოუსმენს. უმრავლესობის წევრებმა ასევე ისაუბრეს სახალხო დამცველის არჩევასთან დაკავშირებით. ხვალ ფრაქცია „ქართული ოცნების“ თავმჯდომარე მამუკა მდინარაძე, საპარლამენტო პოლიტიკური სუბიექტების ლიდერებს კონსულტაციების დაწყების ინიციატივით მიმართავს.​ უმრავლესობის სხდომაზე, პარლამენტის თავმჯდომარე შალვა პაპუაშვილმა და ფრაქცია „ქართული ოცნების“ ლიდერმა, მამუკა მდინარაძემ იაპონიასა და კორეის რესპუბლიკაში საპარლამენტო დელეგაციის ვიზიტი შეაჯამეს.

17 ოქტომბერი, 2022

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა. უმრავლესობის წევრებმა მოისმინეს პარტიის თავმჯდომარის ირაკლი კობახიძის და პარლამენტის თავმჯდომარის შალვა პაპუაშვილის ანგარიშები გერმანიასა და რუანდაში ვიზიტებთან დაკავშირებით. პარტიის თავმჯდომარე ირაკლი კობახიძემ უმრავლესობის წევრებს გააცნო ინფორმაცია გერმანიის დედაქალაქ ბერლინში, ევროპელი სოციალ-დემოკრატების პარტიის (PES) საერთაშორისო კონგრესის შესახებ, რომელსაც „ქართული ოცნების“ დელეგაცია პარტიის თავმჯდომარის ხელმძღვანელობით დაესწრო. ირაკლი კობახიძემ ხაზი გაუსვა კონგრესზე მიღებულ რეზოლუციას, სადაც ხაზგასმულია, რომ ეს პოლიტიკური ოჯახი მხარს უჭერს საქართველოსთვის კანდიდატის სტატუსის მინიჭებას, რაც მნიშვნელოვანი გზავნილია. პარლამენტის თავმჯდომარემ ისაუბრა რუანდის დედაქალაქ კიგალში საქართველოს საპარლამენტო დელეგაციის ვიზიტზე შალვა პაპუაშვილის ხელმძღვანელობით, რომელმაც მონაწილეობა მიიღო საპარლამენტთაშორისო კავშირის (IPU) 145-ე ასამბლეის მუშაობაში. აღინიშნა, რომ ვიზიტის დროს სხვადასხვა ქვეყნების დელეგაციებთან გამართულ შეხვედრებზე საუბარი შეეხო არაღიარების პოლიტიკას, რაც უმნიშვნელოვანესი ეროვნული ინტერესია. უმრავლესობის წევრებმა მიმდინარე სასესიო კვირის პლენარულ სხდომებზე განსახილველ საკითხებზე იმსჯელეს. 18 ოქტომბერს, დეპუტატები „საქართველოს კონსტიტუციაში ცვლილების შეტანის შესახებ“ კანონპროექტს განიხილავენ. 19 ოქტომბერს, პარლამენტი იურიდიული დახმარების სამსახურისა და აუდიტის სამსახურის 2021 წლის ანგარიშებს მოისმენს. 20 ოქტომბერს, „მინისტრის საათის“ ფორმატში დეპუტატები საგარეო საქმეთა მინისტრს ილია დარჩიაშვილს მოუსმენენ.

14 ოქტომბერი, 2022

„ქართული ოცნების“ თავმჯდომარე ირაკლი კობახიძე გერმანიის სოციალ-დემოკრატიული პარტიის თანათავმჯდომარე ლარს კლინგბაილს შეხვდა. შეხვედრაზე ისაუბრეს გერმანიის როლსა და მხარდაჭერაზე ევროკავშირში საქართველოს ინტეგრაციის პროცესში და ურთიერთთანამშრომლობის გაღრმავებაზე. „ძალიან მეგობრული და პროდუქტიული შეხვედრა შედგა გერმანიის სოციალ-დემოკრატიული პარტიის თავმჯდომარესთან ლარს კლინგბაილთან, ჩვენ გვქონდა საუბარი როგორც პარტიებს შორის თანამშრომლობაზე, ასევე გერმანიის მხარდაჭერის მნიშვნელობაზე. შეხვედრაზე აღინიშნა, რომ გერმანია მხარს უჭერს ჩვენს ინტეგრაციას ევროპულ სტრუქტურებში და მაქსიმუმი გაკეთდება იმისთვის, რომ წარმატებებს მივაღწიოთ ამ გზაზე. ჩვენთვის ძალიან მნიშვნელოვანია პარტიული თანამშრომლობის გაღრმავება ჩვენს პარტიასა და გერმანიის სოციალ-დემოკრატიულ პარტიას შორის, ეს ხელს შეუწყობს ორ ქვეყანას შორის ურთიერთობის შემდგომ გაღრმავებას" - ირაკლი კობახიძე შეხვედრას ესწრებოდნენ „ქართული ოცნების“ დელეგაციის წევრები - პარლამენტის ევროპასთან ინტეგრაციის კომიტეტის თავმჯდომარე მაკა ბოჭორიშვილი, ფრაქცია „ქართული ოცნების” თავმჯდომარის მოადგილე ირაკლი ჩიქოვანი, საქართველოს ელჩი გერმანიაში ლევან იზორია.

14 ოქტომბერი, 2022

14-15 ოქტომბერს „ქართული ოცნების“ დელეგაცია პარტიის თავმჯდომარის, ირაკლი კობახიძის ხელმძღვანელობით, ბერლინში ევროპელი სოციალ-დემოკრატების პარტიის (PES) საერთაშორისო კონგრესში მიიღებს მონაწილეობას. დელეგაციის შემადგენლობაში არიან საქართველოს პარლამენტის ევროპასთან ინტეგრაციის კომიტეტის თავმჯდომარე მაკა ბოჭორიშვილი, ფრაქცია “ქართული ოცნების” თავმჯდომარის მოადგილე ირაკლი ჩიქოვანი და "ქართული ოცნების" ქალთა ორგანიზაციის თავმჯდომარე, აგრარულ საკითხთა კომიტეტისა და პარლამენტის გენდერული თანასწორობის მუდმივმოქმედი საბჭოს თავმჯდომარე ნინო წილოსანი. „ჩვენ პარტნიორებს ვესაუბრებით საქართველოს ევროპულ მომავალზე, ევროპულ პერსპექტივებზე, კანდიდატის სტატუსთან დაკავშირებულ პროცესებზე და რა თქმა უნდა საუბარი გვაქვს იმაზე, რომ გერმანიის როლი და მათი მხარდაჭერა განსაკუთრებით მნიშვნელოვანია ამ პროცესში. ბუნდესტაგის წევრები კარგად არიან ინფორმირებული მიმდინარე პროცესის შესახებ, მათ შორის 12 პუნქტთან დაკავშირებით, თუმცა, ჩვენ ბევრად უფრო ღრმა ინფორმაციას ვაწვდით იმის შესახებ, თუ როგორ წარიმართება ეს პროცესი და როგორ ვხედავთ საქართველოს მიერ კანდიდატის სტატუსის მიღებას. ყრილობაზე არიან წარმოდგენილი ლიდერები პრაქტიკულად ევროპის ყველა ქვეყნიდან, მათ შორის არიან მმართველი პარტიების ლიდერები, პრემიერ-მინისტრები და ბუნებრივია მათი როლი ძალიან მნიშვნელოვანია როგორც ზოგადად ევროპის გაძლიერების, ასევე საქართველოს როლის გამოკვეთის კუთხით საერთო ევროპულ ოჯახში. ამ პლატფორმას ჩვენ მაქსიმალურად გამოვიყენებთ იმისთვის, რომ ჩვენი გზავნილი ჩვენი ეროვნული ინტერესები მაქსიმალურად მივიტანოთ ჩვენს პარტნიორებამდე“ - განაცხადა ირაკლი კობახიძემ.

03 ოქტომბერი, 2022

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა. სხდომაზე, რომელსაც თბილისის საკრებულოს უმრავლესობის წევრები ესწრებოდნენ, მიმდინარე სასესიო კვირის პლენარულ სხდომებზე განსახილველ საკითხებზე იმსჯელეს. 4 ოქტომბრის პლენარულ სხდომაზე კანონმდებლები საქართველოს 2022 წლის სახელმწიფო ბიუჯეტში შესატან ცვლილებებზე იმსჯელებენ. 5 ოქტომბერს, განიხილება საარჩევნო კოდექსში და რეგლამენტში შესატანი ცვლილებები. 6 ოქტომბერს, საპარლამენტო ტრიბუნა „მინისტრის საათის“ ფორმატში ეკონომიკისა და მდგრადი განვითარების მინისტრს, ლევან დავითაშვილს დაეთმობა. 7 ოქტომბერს, პარლამენტი სახალხო დამცველის ანგარიშს მოუსმენს.

01 ოქტომბერი, 2022

ზუსტად 10 წლის წინ, 2012 წლის 1 ოქტომბერს, ქართველმა ხალხმა დაამტკიცა, რომ სახელმწიფო სუვერენიტეტი, დემოკრატია, ადამიანის ძირითადი უფლებები, ღირსება, თავისუფლება, თანასწორობა, სოლიდარობა, ჭეშმარიტი ევროპული ღირებულებები, სამშობლოს სიყვარული და ეკლესიის პატივისცემა მისთვის ყველაზე ფასეული და უზენაესია. ზუსტად 10 წლის წინ, ქართველმა ხალხმა, ბიძინა ივანიშვილის ხელმძღვანელობით, გაიმარჯვა დანაშაულებრივ ავტორიტარულ რეჟიმზე, რომელიც ყველა ზემოხსენებულ ფასეულობას ებრძოდა და ფეხქვეშ თელავდა. დღეს ქართული სახელმწიფო არის სუვერენული, როგორც არასდროს. სწორედ სახელმწიფო სუვერენიტეტის განმტკიცების შედეგია, რომ „ქართული ოცნების“ ხელისუფლება არის პირველი საქართველოს უახლოეს 30-წლიან ისტორიაში, რომლის მმართველობის პირობებში ქვეყანას ომი არ ჰქონია. ქვეყანაში მშვიდობის შენარჩუნება, ეკონომიკის განვითარება და მოსახლეობის კეთილდღეობის ხარისხის ამაღლება, ადამიანის ღირსების, თავისუფლებისა და თანასწორობის მტკიცე დაცვა, სამშობლოსა და ეკლესიის სიძლიერეზე ზრუნვა არის ის უმთავრესი პრინციპები, რომლებსაც „ქართული ოცნების“ საქმიანობა მომავალშიც დაეფუძნება. დღეს საქართველო უდიდესი გამოწვევების წინაშე დგას. თუმცა, ღრმად გვწამს, რომ ქართველი ხალხის თანადგომით, ყველა სირთულეს ღირსეულად დავძლევთ. საქართველოს გამთლიანება და კეთილდღეობის თითოეულ ოჯახამდე მიტანა არის ის ოცნება, რომლის გარშემოც ჩვენი პოლიტიკური მოძრაობა დაფუძნდა. გვჯერა, რომ თითოეული პატრიოტი ქართველის ეს ოცნება ძალიან მალე აუცილებლად ახდება.

19 სექტემბერი, 2022

„ქართული ოცნების" ცენტრალურ ოფისში საპარლამენტო უმრავლესობის სხდომა გაიმართა. უმრავლესობის წევრებმა მიმდინარე სასესიო კვირის პლენარულ სხდომებზე განსახილველ საკითხებზე იმსჯელეს. მიმდინარე სასესიო კვირაში პარლამენტი სახელმწიფო აუდიტის სამსახურის გენერალური აუდიტორის თანამდებობაზე ცოტნე ყავლაშვილის კანდიდატურას უყრის კენჭს, რომელსაც საპარლამენტო უმრავლესობა მხარს დაუჭერს. უმრავლესობა ასევე მხარს დაუჭერს საპარლამენტო ოპოზიციიდან „მოქალაქეების" დეპუტატის ლევან იოსელიანის წინადადებას ომბუდსმენის ღია კენჭისყრით არჩევის შესახებ. მიმდინარე კვირაში „მინისტრის საათის" ფორმატში, პარლამენტი ვიცე-პრემიერს, კულტურის, სპორტისა და ახალგაზრდობის მინისტრ თეა წულუკიანს, ხოლო ინტერპელაციის წესით საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის, ზურაბ აზარაშვილს მოუსმენს. პარლამენტი ასევე აირჩევს „ქართული ოცნების“ მიერ წარდგენილ კომიტეტების თავმჯდომარეებს.

15 სექტემბერი, 2022

„ქართული ოცნების“ თავმჯდომარე ირაკლი კობახიძე და პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე საქართველოში ევროკავშირის ახალ ელჩს პაველ ჰერჩინსკის შეხვდნენ. შეხვედრაზე, რომელიც გაცნობითი ხასიათის იყო, საუბარი შეეხო ევროკავშირსა და საქართველოს შორის სამომავლო თანამშრომლობას. ამასთანავე, მხარეებმა ისაუბრეს ევროკომისიის 12 პუნქტიანი რეკომენდაციის შესრულებასთან დაკავშირებით მიმდინარე პროცესებზე. შეხვედრას ესწრებოდნენ ევროკავშირის წარმომადგენლობის მისიის ხელმძღვანელის მოადგილე, ასუნსიონ სანჩეზ რუისი და ევროკავშირის ელჩის მრჩეველი ჟულიენ კრამპსი.

14 სექტემბერი, 2022

როგორც მოგეხსენებათ, საქართველოს პარლამენტში არის კომიტეტის თავმჯდომარეების 3 ვაკანტური თანამდებობა. დღეს იწურება ვადა, როდესაც  ფრაქცია „ქართულმა ოცნებამ“ უნდა წარადგინოს სამივე ვაკანტურ თანამდებობაზე თავისი ფრაქციის წარმომადგენლებისგან კანდიდატები და ჩვენ გთავაზობთ ჩვენი გუნდის გადაწყვეტილებას. ჩემი ხელმოწერით, საქართველოს პარლამენტს წარედგინება: რეგიონული პოლიტიკისა და თვითმმართველობის კომიტეტის თავმჯდომარედ ბატონი კახი კახიშვილი, სპორტისა და ახალგაზრდულ საქმეთა კომიტეტის თავმჯდომარედ ბატონი ირაკლი მეძმარიაშვილი, ხოლო ჯანმრთელობის დაცვისა და სოციალურ საკითხთა კომიტეტის თავმჯდომარედ ზაზა ლომინაძე. წარმატებებს ვუსურვებ სამივე მათგანს, დარწმუნებული ვარ საქართველოს პარლამენტი მიიღებს გადაწყვეტილებას მათი არჩევის შესახებ, რომელიც შემდეგ სასესიო კვირაში მოხდება.

13 სექტემბერი, 2022

როგორც მოგეხსენებათ, ხელისუფლება აქტიურად მუშაობს ევროკავშირის მიერ დადგენილი 12-პუნქტიანი გეგმის განხორციელებაზე, რომლის ერთ-ერთი პუნქტი „საქართველოს საარჩევნო კოდექსის“ გადასინჯვას შეეხება.შესაბამისი რეფორმის განსახორციელებლად, საქართველოს პარლამენტში შექმნილია სამუშაო ჯგუფი გივი მიქანაძის ხელმძღვანელობით. სამუშაო ჯგუფის მიერ უახლოეს მომავალში შემუშავდება კანონპროექტების პაკეტი, რომელიც, არსებითად, ეუთო/ოდირის რეკომენდაციებს და სამუშაო ჯგუფში პოლიტიკური პარტიებისა და სამოქალაქო საზოგადოების წარმომადგენლების ჩართულობით განხილულ თემებს დაეფუძნება.სამუშაო ჯგუფში წარმოდგენილი წინადადებების ნაწილი საარჩევნო პროცესში ელექტრონული ტექნოლოგიების ფართოდ დანერგვას ეხებოდა. ამასთან დაკავშირებით, „ქართული ოცნების“ პოლიტიკურმა გუნდმა იმსჯელა და მიიღო გადაწყვეტილება 2024 წლიდან ელექტრონული აპარატურის გამოყენებით ამომრჩეველთა რეგისტრაციისა და ხმის მიცემის წესის ფართოდ დანერგვის შესახებ.გასულ წელს, სრულად ელექტრონული აპარატურის გამოყენებით ჩატარდა ხმის მიცემის პროცედურა ქალაქ თბილისის კრწანისის რაიონში. წელს, ელექტრონული აპარატურის გამოყენებით შედგა საკრებულოს შუალედური არჩევნები ბათუმის მუნიციპალიტეტის რვა საარჩევნო უბანზე. თანამედროვე ტექნოლოგიებით ამომრჩეველთა რეგისტრაციისა და ხმის მიცემის წარმატებული გამოცდილება გვაძლევს საშუალებას, ეს ინიციატივა 2024 წლიდან ფართო მასშტაბით დავნერგოთ.კერძოდ, ჩვენი გადაწყვეტილებით, საარჩევნო უბნების უმრავლესობაში, მათ შორის ყველა ქალაქსა და მსხვილ დასახლებულ პუნქტში, რაც ამომრჩეველთა სულ მცირე 70 პროცენტს მოიცავს, ამომრჩეველთა რეგისტრაცია და ხმის მიცემა ელექტრონული აპარატურის გამოყენებით განხორციელდება.ელექტრონული ხმის მიცემა საბოლოოდ გაამყარებს საზოგადოების ნდობას ხმების დათვლის პროცესის მიმართ, აღმოფხვრის საარჩევნო ოქმებში დისბალანსის პრობლემას, სამუდამოდ დაასრულებს სპეკულაციებს ე.წ. საარჩევნო კარუსელებთან დაკავშირებით, უზრუნველყოფს ამომრჩეველთა 70 პროცენტზე მეტის ხმების დათვლასა და შედეგების გამოქვეყნებას კენჭისყრის პროცესის დასრულებიდან რამდენიმე წუთში, ასევე მოხსნის ეგზიტპოლებისა და ხმების პარალელური დათვლის (ე.წ. „პივიტის“) გაყალბებასთან დაკავშირებულ პრობლემებს.შესაბამისად, ჩვენი დღევანდელი გადაწყვეტილება იქნება საარჩევნო რეფორმის ერთ-ერთი უმნიშვნელოვანესი შემადგენელი ნაწილი, რომელიც არჩევნების შედეგების გარშემო მანიპულირების პრობლემას მინიმუმამდე შეამცირებს.ჩვენს ინიციატივას უახლოეს დღეებში მიეცემა კანონპროექტის სახე, რის შემდეგაც, საქართველოს მთავრობასთან, ცესკოსთან და დარგის ექსპერტებთან კონსულტაციების საფუძველზე, გადაიდგმება პრაქტიკული ნაბიჯები საარჩევნო უბნების ხმის მიცემის აპარატურით აღჭურვისათვის.

10 სექტემბერი, 2022

კაჭრეთში, სასტუმრო „ამბასადორში," „ქართული ოცნების’’ საპარლამენტო უმრავლესობის და სამთავრობო გუნდის გასვლითი სამუშაო შეხვედრა გაიმართაშეხვედრაზე განიხილეს მიმდინარე პოლიტიკური საკითხები, მმართველი გუნდის პოლიტიკა მიმდინარე საკითხებთან დაკავშირებით, შეფასდა 2022 წლის განვლილი პერიოდი და დაიგეგმა სამომავლო ნაბიჯები. განსაკუთრებით ხაზი გაესვა 12 პუნქტიანი გეგმის შესრულების პროცესში მთავრობისა და საპარლამენტო უმრავლესობის კოორდინირებული მუშაობის მნიშვნელობას.

05 სექტემბერი, 2022

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა.უმრავლესობის წევრებმა მიმდინარე სასესიო კვირის პლენარულ სხდომებზე განსახილველ საკითხებსა და ქვეყანაში არსებულ პოლიტიკური პროცესებზე იმსჯელეს.

01 სექტემბერი, 2022

როგორც მოგეხსენებათ, რადიკალური ოპოზიციის საბოტაჟის ფონზე, „ქართული ოცნება“ აქტიურად მუშაობს ევროკავშირის მიერ დადგენილი 12 პუნქტის შესრულებაზე. აღნიშნული 12 პუნქტის ნაწილია საქართველოს გენერალური პროკურორის არჩევის წესის გადასინჯვა. ამ დათქმის შესრულების მიზნით, გუშინ საპარლამენტო უმრავლესობამ ოფიციალურად დააინიცირა კონსტიტუციური კანონის პროექტი ზუსტად იმ შინაარსით, რომელიც შარშან შეჯერდა უმრავლესობასა და საპარლამენტო ოპოზიციას შორის გამართული კონსულტაციების საფუძველზე. კანონპროექტის თანახმად, მომდევნო ორი მოწვევის პარლამენტი საქართველოს გენერალურ პროკურორს აირჩევს 3/5-ის უმრავლესობით, 6 წლის ვადით, ხოლო იმ შემთხვევაში, თუ კანდიდატი ხმათა 3/5-ს ვერ მიიღებს, გენერალური პროკურორი აირჩევა ხმათა უმრავლესობით, მაგრამ ერთი წლის ვადით. საპარლამენტო ოპოზიციასთან შეჯერებულ ამ კანონპროექტს ანალოგი არა აქვს მსოფლიოს არცერთ ქვეყანაში. ამას აქვს მარტივი მიზეზი - მისი შინაარსი ეწინააღმდეგება მმართველობის სისტემის ლოგიკას და ელემენტარულ სამართლებრივ პრინციპებს, რაზეც დღეს დიდხანს აღარ შევჩერდებით. გავიხსენებთ მხოლოდ იმას, რომ აღნიშნული მიზეზით, ჩვენი გადაწყვეტილებით, შარშან შესაბამისი საკონსტიტუციო ცვლილებების მიღება შეჩერდა. თუმცა, გამომდინარე იქიდან, რომ ევროკავშირის მიერ დადგენილი 12 პუნქტის შესრულება ჩვენთვის განსაკუთრებული პრიორიტეტია, გამონაკლისის სახით, ერთჯერადად თვალს დავხუჭავთ სამართლებრივ პრინციპებზე და გენერალური პროკურორის არჩევის ახალ წესს ყოველგვარი წინაპირობის გარეშე მივიღებთ. დღეს ასევე გვსურს წარმოგიდგინოთ „ქართული ოცნების“ მაჟორიტარი დეპუტატობის კანდიდატი სენაკის მუნიციპალიტეტის საკრებულოს შუალედურ არჩევნებში. თეკლათისა და ჭალადიდის მაჟორიტარულ საარჩევნო ოლქში ჩვენი კანდიდატი იქნება ბატონი ზაზა ყურაშვილი. ბატონი ზაზა არის ჩვენი პარტიის ერთგული და აქტიური წევრი, რომელიც საკუთარ თემში სარგებლობს მაღალი ავტორიტეტით. დარწმუნებული ვართ, რომ ის აუცილებლად მოიგებს არჩევნებს, რის შემდეგაც ღირსეულად წარმოადგენს ორივე სოფლის ინტერესებს სენაკის საკრებულოში. გარდა ამისა, შეგახსენებთ, რომ შუალედური არჩევნების შემდეგ, სენაკის მუნიციპალიტეტში „ქართული ოცნება“ ჩამოაყალიბებს მყარ უმრავლესობას, რითაც დასრულდება თითქმის ერთწლიანი საბოტაჟი, რომელსაც „ნაციონალური მოძრაობა“ და მისი სატელიტი პარტია - „საქართველოსთვის“ ტანდემში მუნიციპალიტეტის მოსახლეობის ინტერესების წინააღმდეგ ახორციელებდნენ. მოვუწოდებთ ბატონი ზაზა ყურაშვილის მხარდაჭერისკენ თეკლათისა და ჭალადიდის მოსახლეობას.

05 აგვისტო, 2022

„ქართული ოცნების“ თავმჯდომარე ირაკლი კობახიძე, აღმასრულებელი მდივანი მამუკა მდინარაძე და რეგიონული მდივანი დიმიტრი სამხარაძე რუსთავში, პარტიის ქვემო ქართლის ადგილობრივი ორგანიზაციების ხელმძღვანელებს, მუნიციპალიტეტების მერებს და საკრებულოს თავმჯდომარეებს შეხვდნენ. შეხვედრაზე, რომელსაც ასევე ესწრებოდნენ უმრავლესობის წევრები გოგი მეშველიანი, ზაურ დარგალი, ირაკლი შატაკიშვილი, სავალან მირზოევი და ქვემო ქართლის რეგიონის სახელმწიფო რწმუნებული გიორგი დოხტურიშვილი, პარტიის ლიდერებმა შიდა და საგარეო პოლიტიკურ პროცესებზე ისაუბრეს და საშუალოვადიან გეგმებზე იმსჯელეს. ქართული ოცნების ლიდერებმა მთელი ქვეყნის მასშტაბით რეგიონული შეხვედრები ადგილობრივი ორგანიზაციების ხელმძღვანელებთან, მუნიციპალიტეტების მერებთან და საკრებულოს თავმჯდომარეებთან გამართეს.

05 აგვისტო, 2022

როგორც მოგეხსენებათ, ომისა და ღალატის პარტიას, რომელსაც განასახიერებენ ნაციონალური მოძრაობა, მისი სატელიტი პარტიები, მისივე კუთვნილი მედიასაშუალებები, მასთან დაკავშირებული ცალკეული კომერციული სუბიექტები და რამდენიმე ყველაზე მდიდარი „ენჯეო“, მარტის დასაწყისში გაშლილი ჰქონდა სრულიად სამარცხვინო ქსენოფობიური და შოვინისტური კამპანია საქართველოში მყოფი რუსეთის მოქალაქეების წინააღმდეგ. ამ კამპანიით მათ რამდენიმე დღის მანძილზე დააჯერეს მოსახლეობის გარკვეული ნაწილი, რომ რუსები საქართველოში უპრეცედენტოდ დიდი რაოდენობით შემოდიოდნენ, რაც, მათივე მტკიცებით, ქვეყნის სუვერენიტეტისა და უსაფრთხოებისთვის სერიოზულ რისკებს შეიცავდა. თუმცა, მარტიდან ხუთი თვე გავიდა და ყველა დარწმუნდა, რომ რუსების უპრეცედენტო რაოდენობით შემოსვლა ომისა და ღალატის პარტიის მიერ მოგონილი ისეთივე სიცრუე იყო, როგორც მათივე მოგონილი უსაფრთხოების რისკები.რამდენიმე დღეა, ომისა და ღალატის პარტია იგივე შემადგენლობით ცდილობს ააგოროს ქსენოფობიური კამპანიის მეორე ტალღა. ამ შემთხვევაშიც, მათ აქვთ მცდელობა, საზოგადოება დაარწმუნონ, რომ რუსები საქართველოში უპრეცედენტოდ დიდი რაოდენობით არიან შემოსული და რომ ეს ქვეყნისთვის სერიოზულ საფრთხეებს შეიცავს. ამ აღქმის ჩამოყალიბებას ისინი, ტრადიციულად, ფაქტების უხეში გაყალბებით ცდილობენ. მაგალითად, ომისა და ღალატის პარტიის კუთვნილი ერთ-ერთი ტელევიზია რამდენიმე დღის წინ საზოგადოებას არწმუნებდა, რომ საქართველოში მყოფი რუსების რაოდენობა, თითქოს, საქართველოს მოსახლეობის 10 პროცენტს გაუტოლდა. სინამდვილეში, საქართველოში წელს შემოსული რუსეთის მოქალაქეების რაოდენობა სამჯერ ჩამორჩება ქვეყანაში 2019 წელს შემოსული რუსეთის მოქალაქეების რაოდენობას. გარდა ამისა, საზღვრის კვეთის მონაცემების მიხედვით, რუსეთის მოქალაქეთა რაოდენობა, რომლებიც ომის დაწყების, 24 თებერვლის შემდეგ შემოვიდნენ საქართველოში და 31 ივლისის მდგომარეობით საქართველოში იმყოფებიან, 110 ათასზე ნაკლებია, რაც საქართველოს მოსახლეობის 3 პროცენტსაც კი არ შეადგენს. ამასთან, მათი დიდი ნაწილი ეროვნებით ქართველია.განცხადებებზე, რომელთა მიხედვით საქართველოში რუსეთიდან მასობრივად არა ტურისტები, არამედ სამხედროები და სპეცსამსახურების თანამშრომლები შემოდიან, სერიოზულ კომენტარს ვერ გავაკეთებთ.თუკი რამეა ჩვენი ქვეყნისთვის სერიოზული საფრთხის შემცველი, ეს სწორედ ქსენოფობიური და შოვინისტური კამპანიაა. შეგახსენებთ, რომ ამ კამპანიის შედეგად მარტში მძიმე ინციდენტი დაფიქსირდა, როდესაც საქართველოში სამი წლის წინ ჩამოსულ რუსი ეროვნების ახალგაზრდა ქალს თბილისის ცენტრში ქვა ესროლეს. ქსენოფობიური კამპანიის ავტორებსა და გამავრცელებლებს ჭეშმარიტ ქართულ და ევროპულ ფასეულობებთან საერთო არაფერი აქვთ. ქსენოფობია და შოვინიზმი არასოდეს ყოფილა და არც არასდროს იქნება ქართული კულტურის ნაწილი. მოვუწოდებთ ყველას, გაემიჯნონ ანტისახელმწიფოებრივ და დისკრიმინაციულ კამპანიას, რომლის ერთადერთი მიზანი საქართველოს მეორე ფრონტად ქცევაა. აქვე შეგახსენებთ, რომ დღეს რუსეთის მოქალაქეებისთვის ვიზების დაწესებას ითხოვენ ადამიანები, რომლებმაც ნაწილობრივ 2010 წელს, ხოლო სრულად 2012 წლის თებერვალში, რუსეთ-საქართველოს ომის დასრულებიდან 3 წლის შემდეგ, რუსეთის მოქალაქეებისთვის უვიზო მიმოსვლის რეჟიმი შემოიღეს. ყველას კარგად გვახსოვს, 2011 წელს როგორ ამაყობდა მიხეილ სააკაშვილი რუსეთიდან შემოსული ტურისტების მზარდი ნაკადით. იმავე პერიოდს განეკუთვნება ვანო მერაბიშვილის ცნობილი ფრაზა იმის შესახებ, რომ რუსულ ფულს სუნი არ უდიოდა. ყველას კარგად გვახსოვს ომისა და ღალატის პარტიის პროვოკაციული ქმედებები - ომის დაწყებისთანავე ანტისამთავრობო აქციების გამართვა, რუსეთისთვის სანქციების დაწესების მოთხოვნა, უკრაინაში მებრძოლი მოხალისეების გაგზავნის მოთხოვნა და სხვ. ყველას გვახსოვს ომის რიტორიკა ეკა გიგაურის, ნინო ლომჯარიას, დავით უსუფაშვილის, ზურაბ ჭიაბერაშვილის, ვახო სანაიას, მიშა მშვილდაძის, თენგიზ გოგოტიშვილის, გიორგი მარგველაშვილის, უკრაინის ხელისუფლების მაღალჩინოსნების და ნაციონალური მოძრაობის უცხოელი ლობისტების შესრულებით. საბოლოოდ, საზოგადოების ჯანსაღი და მკვეთრი რეაქციის გამო, ადამიანებს, რომლებიც ქვეყანას ომისკენ უბიძგებდნენ, უკან დახევა მოუწიათ და დღეს ისინი თავის მართლების რეჟიმში არიან გადასული. თუმცა, რასაც პირდაპირი ფორმით ვერ მიაღწიეს, ახლა იმის მიღწევას ირიბი გზით, ქსენოფობიური კამპანიით ცდილობენ. მათი გათვლა მარტივია - ქსენოფობიური კამპანიით უნდა გაღვივდეს აგრესია რუსეთის მოქალაქეების მიმართ, რამაც უნდა გამოიწვიოს ესკალაცია და ინციდენტები. ეს ყველაფერი კი, ემსახურება ერთადერთ მიზანს - საქართველო რამენაირად ჩართონ სამხედრო კონფლიქტში.„ქართული ოცნება“ გმობს ქსენოფობიურ კამპანიას, რომელიც უხეშად ეწინააღმდეგება საქართველოს კონსტიტუციას და საერთაშორისო სამართლებრივ აქტებს ადამიანის ძირითადი უფლებებისა და თავისუფლებების სფეროში. საზოგადოებას კიდევ ერთხელ გვინდა შევახსენოთ, რომ სამხედრო კონფლიქტში საქართველოს ჩართვა, რაც სურს ომის პარტიას ნაციონალური მოძრაობისა და მისი პარტნიორების სახით, იქნება უმძიმესი შედეგების მომტანი ჩვენი ქვეყნისთვის და მოსახლეობისთვის. შესაბამისად, ხელისუფლება გააკეთებს ყველაფერს, რათა ქვეყანას ომი თავიდან ააცილოს.

04 აგვისტო, 2022

„ქართული ოცნების“ თავმჯდომარე ირაკლი კობახიძე, აღმასრულებელი მდივანი მამუკა მდინარაძე და რეგიონული მდივანი დიმიტრი სამხარაძე ქუთაისში, პარტიის იმერეთის ადგილობრივი ორგანიზაციების ხელმძღვანელებს, მუნიციპალიტეტების მერებს და საკრებულოს თავმჯდომარეებს შეხვდნენ. შეხვედრაზე, რომელსაც ასევე ესწრებოდნენ უმრავლესობის წევრები პაატა კვიჟინაძე, ზაზა ლომინაძე, ბეჟან წაქაძე, გივი ჭიჭინაძე და სახელმწიფო რწმუნებული იმერეთის მხარეში ზვიად შალამბერიძე, პარტიის ლიდერებმა შიდა და საგარეო პოლიტიკურ პროცესებზე ისაუბრეს და საშუალოვადიან გეგმებზე იმსჯელეს. რეგიონული შეხვედრები უკვე გაიმართა კახეთის, სამეგრელო-ზემო სვანეთის, სამცხე-ჯავახეთის, მცხეთა-მთიანეთის, შიდა ქართლის, რაჭა-ლეჩხუმ-ქვემო სვანეთის, აჭარისა და გურიის ადგილობრივი ორგანიზაციების ხელმძღვანელებთან, მუნიციპალიტეტების მერებთან და საკრებულოს თავმჯდომარეებთან.

03 აგვისტო, 2022

„ქართული ოცნების“ თავმჯდომარე ირაკლი კობახიძე, აღმასრულებელი მდივანი მამუკა მდინარაძე და რეგიონული მდივანი დიმიტრი სამხარაძე ზუგდიდში, პარტიის სამეგრელო-ზემო სვანეთის ადგილობრივი ორგანიზაციების ხელმძღვანელებს, მუნიციპალიტეტების მერებს და საკრებულოს თავმჯდომარეებს შეხვდნენ. შეხვედრაზე, რომელსაც ასევე ესწრებოდნენ უმრავლესობის წევრები ირაკლი ჩიქოვანი, ირაკლი ბერაია, დაჩი ბერაია, ირაკლი ხახუბია, ლევან მგალობლიშვილი, ედიშერ თოლორაია და სამეგრელო-ზემო სვანეთის სახელმწიფო რწმუნებული გიორგი გუგუჩია, პარტიის ლიდერებმა შიდა და საგარეო პოლიტიკურ პროცესებზე ისაუბრეს და საშუალოვადიან გეგმებზე იმსჯელეს. რეგიონული შეხვედრები უკვე გაიმართა კახეთის, სამცხე-ჯავახეთის, მცხეთა-მთიანეთის, შიდა ქართლის, რაჭა-ლეჩხუმ-ქვემო სვანეთის, აჭარისა და გურიის ადგილობრივი ორგანიზაციების ხელმძღვანელებთან, მუნიციპალიტეტების მერებთან და საკრებულოს თავმჯდომარეებთან.

01 აგვისტო, 2022

„ქართული ოცნების“ თავმჯდომარე ირაკლი კობახიძე, აღმასრულებელი მდივანი მამუკა მდინარაძე და რეგიონული მდივანი დიმიტრი სამხარაძე, პარტიის კახეთის რეგიონის ადგილობრივი ორგანიზაციების ხელმძღვანელებს, მუნიციპალიტეტების მერებს და საკრებულოს თავმჯდომარეებს შეხვდნენ.შეხვედრაზე, რომელსაც, ასევე ესწრებოდნენ პარლამენტის უმრავლესობის წევრები, თავით მათიკაშვილი, ირაკლი ქადაგიშვილი, გელა სამხარაული, ნინო იობაშვილი და კახეთის მხარეში სახელმწიფო რწმუნებული ირაკლი შიოშვილი, პარტიის ლიდერებმა შიდა და საგარეო პოლიტიკურ პროცესებზე ისაუბრეს, ასევე საშუალოვადიან გეგმებზე იმსჯელეს.რეგიონული შეხვედრები უკვე გაიმართა სამცხე-ჯავახეთის, მცხეთა-მთიანეთის, შიდა ქართლის, რაჭა-ლეჩხუმ-ქვემო სვანეთის, აჭარისა და გურიის ადგილობრივი ორგანიზაციების ხელმძღვანელებთან, მუნიციპალიტეტების მერებთან და საკრებულოს თავმჯდომარეებთან.

25 ივლისი, 2022

„ქართული ოცნების“ თავმჯდომარე ირაკლი კობახიძე, აღმასრულებელი მდივანი მამუკა მდინარაძე და რეგიონული მდივანი დიმიტრი სამხარაძე მცხეთაში, პარტიის მცხეთა-მთიანეთის და შიდა ქართლის ადგილობრივი ორგანიზაციების ხელმძღვანელებს, მუნიციპალიტეტების მერებს და საკრებულოს თავმჯდომარეებს შეხვდნენ.შეხვედრაზე, რომელსაც ასევე ესწრებოდნენ უმრავლესობის წევრები ირაკლი მეზურნიშვილი, ალუდა ღუდუშაური, ზაალ დუგლაძე, სახელმწიფო რწმუნებული მცხეთა-მთიანეთის მხარეში დავით ნოზაძე, სახელმწიფო რწმუნებულის მოადგილე შიდა ქართლის მხარეში აბელ აბესაძე, მმართველი პარტიის საშუალოვადიან გეგმებზე იმსჯელეს. პარტიის ლიდერებმა შეხვედრის მონაწილეებს მიაწოდეს ინფორმაცია შიდა და საგარეო პოლიტიკურ პროცესებზე.გასულ კვირას შეხვედრები გაიმართა რაჭა-ლეჩხუმ-ქვემო სვანეთის, აჭარისა და გურიის ადგილობრივი ორგანიზაციების ხელმძღვანელებთან, მუნიციპალიტეტების მერებთან და საკრებულოს თავმჯდომარეებთან.

07 ივლისი, 2022

როგორც მოგეხსენებათ, რამდენიმე დღის წინ საზოგადოებას წარვუდგინეთ ევროკავშირის მიერ დადგენილი 12 პუნქტის შესრულების დეტალური გეგმა. ცხადია, ჩვენს მიერ წარდგენილი გეგმა არ მოიცავს არცერთ საკითხს, რომელიც ევროკომისიის 12-პუნქტიან დოკუმენტში არ იყო ნახსენები.მათ შორის, ბუნებრივია, ჩვენი გეგმა არ მოიცავს არც საარჩევნო ბარიერის შემცირების საკითხს 2024 წლის და მისი მომდევნო საპარლამენტო არჩევნებისთვის.დღევანდელი მდგომარეობით, 2024 წლიდან საქართველოში ამოქმედდება სრულად პროპორციული საარჩევნო სისტემა 5%-იანი ბარიერით, რაც ევროკავშირის ქვეყნებში ყველაზე ფართოდ გავრცელებული სისტემაა. ეს სისტემა სრულად შეესაბამება საუკეთესო ევროპულ პრაქტიკას და სამართლებრივ სტანდარტებს. მეტიც, ორპროცენტიანი ან უფრო დაბალი ბარიერი, პოლიტიკური სისტემის სტაბილურობასთან დაკავშირებული რისკების გამო, ევროკავშირის მხოლოდ ორ ქვეყანაში მოქმედებს. აქედან გამომდინარე, ბარიერის დაწევა კანდიდატის სტატუსის მიღების წინაპირობად ევროკავშირის მხრიდან ვერცერთ შემთხვევაში ვერ იქნებოდა წამოყენებული. ასეთ პირობებში, ბარიერის დაწევა რჩება წმინდა პოლიტიკურ საკითხად და ის ჩვენი მხრიდან სწორედ ამ ჭრილში იქნება მომავალშიც განხილული.ბუნებრივია, შედარებით მაღალი ბარიერი სუბიექტურად ხელს აძლევს „ქართულ ოცნებას“, ხოლო შედარებით დაბალი ბარიერი - „ნაციონალურ მოძრაობას“, რაც მარტივი მათემატიკით დასტურდება:მაგალითისათვის, შარშანდელ არჩევნებში 5%-იანი ბარიერი მხოლოდ ორმა პარტიამ გადალახა, საიდანაც „ქართულმა ოცნებამ“ 47%, ხოლო „ნაციონალურმა მოძრაობამ“ 33% მიიღო. ბუნებრივია, ასეთ სხვაობას „ნაციონალური მოძრაობა“ 2024 წლამდე ვერაფრით შეამცირებს;თუმცა, იმავე არჩევნებში ხმების 2%-ზე მეტი „ნაცმოძრაობის“ ორმა სატელიტმა პარტიამაც მიიღო. შესაბამისად, „ქართული ოცნების“ 47%-ის საპირწონედ, „ნაციონალურმა მოძრაობამ“ და მისმა სატელიტებმა ხმების 42% მიიღეს. ბუნებრივია, 5%-იანი სხვაობის აღმოფხვრა „ნაციონალური მოძრაობისთვის“ შედარებით რეალისტური ამოცანაა;ანუ შარშანდელი არჩევნების მაგალითზე მარტივად ჩანს, რომ 5%-პროცენტიანი ბარიერის პირობებში, „ნაციონალურ მოძრაობას“ 2024 წელს წარმატების არავითარი შანსი არ ექნება, 2%-იანი ბარიერის პირობებში კი, მის მიერ ძალაუფლების დაბრუნების შანსი მნიშვნელოვნად იზრდება.როგორც უკვე აღვნიშნეთ, 5%-იანი ბარიერი სრულიად ლეგიტიმური და რაციონალურია. შესაბამისად, შედარებით დაბალი ბარიერის დადგენა, რაც „ნაციონალური მოძრაობისთვის“ გარკვეული ფორის მიცემას ნიშნავს, ჩვენ მხოლოდ იმ შემთხვევაში შეიძლება გვიღირდეს, თუ ამ ნაბიჯით, სანაცვლოდ, ქვეყნისთვის რაიმე ძალზე მნიშვნელოვან სარგებელს მივიღებთ. ასეთი სარგებელი კი, მოცემულ შემთხვევაში, მხოლოდ ერთი რამ - ევროკავშირის წევრობის კანდიდატის სტატუსის მიღება შეიძლება იყოს, რაც საქართველოში პოლარიზაციასაც არსებითად შეამცირებს. როგორც ცნობილია, რაც უფრო მაღალია პოლარიზაციის ხარისხი, მით უფრო მაღალი ბარიერის შენარჩუნებაა მიზანშეწონილი, ხოლო პოლარიზაციის შემცირება ბარიერის დაწევასთან დაკავშირებულ რისკებსაც სერიოზულად ამცირებს. შესაბამისად, კანდიდატის სტატუსის მიღებას, პოლარიზაციის შემცირებასა და დაბალი ბარიერის დაწესების მიზანშეწონილობას შორის პირდაპირი ლოგიკური კავშირი არსებობს.ყოველივე ზემოაღნიშნულის გათვალისწინებით, მივიღეთ შემდეგი გადაწყვეტილება: დეკემბერში ევროკავშირის მიერ საქართველოსთვის კანდიდატის სტატუსის მინიჭებიდან არაუგვიანეს 1 თვისა, საქართველოს პარლამენტი სამივე მოსმენით მიიღებს კონსტიტუციურ კანონს, რომლის თანახმად 2024 წლის და მისი მომდევნო საპარლამენტო არჩევნები სრულად პროპორციული სისტემით და 2%-იანი საარჩევნო ბარიერით ჩატარდება.ამ პოლიტიკურ ვალდებულებას ჩვენ ვიღებთ პარტიის პოლიტიკური საბჭოს და საპარლამენტო უმრავლესობის სახელით ევროპული საბჭოსა და ევროპული კომისიის წინაშე.ღრმად გვწამს, რომ საქართველოს მიერ კანდიდატის სტატუსის მიღება ხელს შეუწყობს ქვეყანაში პოლარიზაციის ხარისხის შემცირებას, რის შემდეგაც სრულად პროპორციული საარჩევნო სისტემა 2%-იანი საარჩევნო ბარიერით 2024 წელს ქვეყნისთვის ოპტიმალურ პოლიტიკურ მოცემულობას შექმნის.დარწმუნებული ვართ, „ნაციონალურ მოძრაობას“ თავისი სატელიტებით 2024 წელს 2%-იანი ბარიერის პირობებშიც პირწმინდად დავამარცხებთ, რაც ჩვენი ქვეყნის მშვიდობიანი, დემოკრატიული და სტაბილური განვითარების აუცილებელი პირობაა.

04 ივლისი, 2022

გუშინ განვითარებულმა მოვლენებმა საბოლოოდ ცხადყო ის, რასაც საზოგადოებას თავიდანვე ვპირდებოდით: ნაციონალურ მოძრაობას და მის სატელიტებს საქართველოში არეულობისა და რევოლუციის მოწყობის არავითარი რესურსი არა აქვთ. საზოგადოებამ დაინახა, რომ რადიკალური ოპოზიციისთვის ევროკავშირის კანდიდატობის თემა მხოლოდ მოგონილი შირმა იყო და სინამდვილეში, ისინი ამ თემის გამოყენებით საკუთარი ვიწრო პოლიტიკური მიზნის მიღწევას - ხელისუფლების გადატრიალებასა და ძალაუფლების ხელახლა ხელში ჩაგდებას ცდილობდნენ.გუშინ რადიკალურმა ოპოზიციამ კიდევ ერთხელ აჩვენა თავისი ნამდვილი ანტისახელმწიფოებრივი ბუნება. გარდა ამისა, გუშინ უკვე საბოლოოდ წაიშალა ყოველგვარი ფორმალური ზღვარიც კი ნაციონალურ მოძრაობასა და საქართველოში მოქმედ ყველაზე მდიდარ ენჯეოებს შორის. გუშინ ცხადი გახდა, რომ ბაკურიანის გეგმა ჩავარდა და მას აღსრულება არ უწერია. ამ გეგმის განხორციელებას ესაჭიროებოდა ერთი მთავარი რამ - ხალხის მხარდაჭერა. ნაციონალური მოძრაობა, მისი ახალგაზრდული რადიკალური ფრთა „სირცხვილია“ და ნაციონალური მოძრაობის ენჯეოსატელიტები კი, ამ მხარდაჭერას ვერასდროს მოიპოვებენ, რადგან მათ მხარეს არ არის სიმართლე. როგორც მოგეხსენებათ, ჩვენ 3 დღის წინ საზოგადოებას წარვუდგინეთ ევროკომისიის მიერ დადგენილი 12 პუნქტის შესრულების დეტალური გეგმა. სამწუხაროდ, ამ გეგმას რადიკალურმა ოპოზიციამ და მასთან დაკავშირებულმა ენჯეოებმა კვლავ დესტრუქციული ქმედებებით უპასუხეს. თუმცა, ჩვენთვის მათი ქმედებები ვერცერთი შემთხვევაში ვერ იქნება გეგმიდან გადახვევის მიზეზი. ქვეყნის ინტერესებიდან გამომდინარე, საქართველოს აწ უკვე ოფიციალურად აღიარებული ევროპული პერსპექტივის გასამყარებლად, „ქართული ოცნება“ ზედმიწევნით შეასრულებს თითოეულ პუნქტს, რისთვისაც ყველა საჭირო ნაბიჯი სათანადო ფორმატში და სათანადო ვადებში გადაიდგმება. ვინც რეალურად არის დაინტერესებული საქართველოს მოსახლეობის 85 პროცენტის ნების რეალიზაციით, ევროკავშირში საქართველოს ინტეგრაციით და ჩვენი ქვეყნის მიერ კანდიდატის სტატუსის მიღებით, ბუნებრივია, ამ გეგმის განხორციელებაში აქტიურად ჩაერთვება.

01 ივლისი, 2022

როგორც მოგეხსენებათ, ევროკავშირმა დაადგინა 12 პუნქტი, როგორც პირობა საქართველოსთვის კანდიდატის სტატუსის მისანიჭებლად. შეგახსენებთ, რომ აღნიშნული პუნქტების უმეტესობა არის ასოცირების დღის წესრიგის შემადგენელი ნაწილი, რომელიც საქართველოსა და ევროკავშირს შორის რამდენიმე თვის წინ შეთანხმდა. მმართველი გუნდი უზრუნველყოფს ევროკავშირის მიერ დადგენილი 12 პუნქტის შესრულებას სათანადო დროში და სათანადო ხარისხით შემდეგი გეგმის შესაბამისად: პუნქტი 1. პოლიტიკური პოლარიზაციის შემცირება დათქმების პირველი პუნქტი უნდა განვიხილოთ როგორც ერთგვარი საფუძველი დანარჩენი 11 პუნქტის ეფექტიანად შესასრულებლად. პოლიტიკური პოლარიზაცია არის ჩვენი ქვეყნის ერთ-ერთი უმთავრესი გამოწვევა, რომლის პირობებში პოლიტიკური დისკუსია, ნაცვლად სახელმწიფოებრივად მნიშვნელოვანი საკითხებისა, საზოგადოებისთვის მეორეხარისხოვან თემებზეა გადატანილი, რომლებსაც სხვადასხვა პოლიტიკური სუბიექტისთვის ვიწროპოლიტიკური დატვირთვა აქვს. ამ მოცემულობის შესაცვლელად, უპირველეს ყოვლისა, მნიშვნელოვანია შემცირდეს რადიკალური დაპირისპირება პოლიტიკურ ძალებს შორის და გამოცხადდეს ერთგვარი მორატორიუმი აგრესიულ რიტორიკაზე. რა თქმა უნდა, ჩვენ სრულად ვაცნობიერებთ საკუთარ პასუხისმგებლობას ამ თვალსაზრისით. ანალოგიურად, ოპოზიციამ მომდევნო 6 თვის განმავლობაში თავი უნდა შეიკავოს იმგვარი რიტორიკისგან, რომელიც ხელისუფლების საშინაო და საგარეო ლეგიტიმაციის არაღიარებას გულისხმობს. იგივე ეხება მედიასაც, რომელიც ეუთო-ოდირის დასკვნის თანახმად, საქართველოში პოლიტიკური პოლარიზაციის ერთ-ერთი უმთავრესი წყაროა, აგრეთვე არასამთავრობო ორგანიზაციებს, რომელთა მნიშვნელოვანი ნაწილი მაპოლარიზებელ კამპანიაში უშუალოდ არის ჩართული. დეპოლარიზაციის ხელშესაწყობად, საქართველოს პარლამენტის ბაზაზე შეიქმნება პოლარიზაციის მონიტორინგის ჯგუფი ყველა საპარლამენტო პარტიის, სამოქალაქო საზოგადოების წარმომადგენლებისა და საერთაშორისო პარტნიორების მონაწილეობით, რომელიც განახორციელებს პერმანენტულ მონიტორინგს და საზოგადოებას წარუდგენს ყოველკვირეულ ანგარიშს პოლარიზაციის თვალსაზრისით ქვეყანაში არსებული მდგომარეობისა და ტენდენციების შესახებ. მონიტორინგის ანგარიშში აისახება რეკომენდაციები პოლიტიკური პარტიების, მედიასაშუალებების, არასამთავრობო ორგანიზაციებისა და პოლიტიკურ პროცესებში ჩართული სხვა სუბიექტების მიმართ. მონიტორინგის ჯგუფის შემადგენლობა და მუშაობის ფორმატი დაზუსტდება საპარლამენტო პოლიტიკურ პარტიებთან და სამოქალაქო სექტორის წარმომადგენლებთან კონსულტაციის საფუძველზე. დეპოლარიზაციის კუთხით, განსაკუთრებული მნიშვნელობა ექნება საერთაშორისო პარტნიორების პოზიციას და მათ სამართლიან და ჯანსაღ დამოკიდებულებას მაპოლარიზებელი ქმედებების მიმართ. პირველი პუნქტის შესრულების კოორდინაციას უზრუნველყოფს საქართველოს პარლამენტის თავმჯდომარე. პუნქტი 2. სახელმწიფო ინსტიტუტების ეფექტიანი ფუნქციონირება, საპარლამენტო ზედამხედველობა, საარჩევნო კანონმდებლობა საქართველოს პარლამენტის საპროცედურო საკითხთა და წესების კომიტეტთან შეიქმნება სამუშაო ჯგუფი ყველა საპარლამენტო პარტიისა და სამოქალაქო სექტორის წარმომადგენლების მონაწილეობით, რომელიც უზრუნველყოფს საპარლამენტო ზედამხედველობის სფეროში პარლამენტის რეგლამენტის აღსრულების ყოვლისმომცველ შეფასებას და მოამზადებს საკანონმდებლო ინიციატივას გამოვლენილი ხარვეზების გამოსასწორებლად. შესაბამისი კანონპროექტი საქართველოს პარლამენტს ინიციატივის წესით წარედგინება არა უგვიანეს 21 სექტემბრისა და მიიღება არა უგვიანეს 1 ნოემბრისა. საქართველოს პარლამენტის იურიდიულ საკითხთა კომიტეტთან შეიქმნება საარჩევნო კოდექსის რევიზიის სამუშაო ჯგუფი, რომელშიც წარმოდგენილი იქნებიან პარლამენტარები ყველა საპარლამენტო პოლიტიკური პარტიიდან, აგრეთვე ცენტრალური საარჩევნო კომისიის, სახელმწიფო აუდიტის სამსახურისა და სამოქალაქო სექტორის წარმომადგენლები. მომზადდება ცვლილებები საქართველოს საარჩევნო კოდექსში, რომელშიც სათანადოდ იქნება ასახული ეუთო-ოდირისა და ვენეციის კომისიის რეკომენდაციები. შესაბამისი კანონპროექტი საქართველოს პარლამენტს ინიციატივის წესით წარედგინება არა უგვიანეს 21 სექტემბრისა და პარლამენტის მიერ მიიღება არა უგვიანეს 13 დეკემბრისა. მეორე მოსმენით მიღებამდე, კანონპროექტი დასკვნისთვის გაეგზავნება ვენეციის კომისიასა და ეუთო-ოდირს. პუნქტი 3. სასამართლო რეფორმა, გენერალური პროკურორის არჩევის წესის ცვლილება და იუსტიციის უმაღლესი საბჭოს არამოსამართლე წევრების არჩევა როგორც მოგეხსენებათ, საქართველოს პარლამენტის იურიდიულ საკითხთა კომიტეტთან უკვე შექმნილია სასამართლო რეფორმის სამუშაო ჯგუფი, რომელშიც ყველა საპარლამენტო პოლიტიკური პარტიაა წარმოდგენილი. აღნიშნული სამუშაო ჯგუფი უახლოეს დღეებში აქტიურად განაახლებს მუშაობას და სასამართლო სისტემაში არსებული მდგომარეობის სიღრმისეული ანალიზის საფუძველზე, მოამზადებს როგორც სასამართლო რეფორმის სტრატეგიასა და სამოქმედო გეგმას, ისე შესაბამისი კანონპროექტების პაკეტს. სასამართლო რეფორმის სტრატეგია და სამოქმედო გეგმა მომზადდება და გამოქვეყნდება 1 ოქტომბრამდე, რის საფუძველზეც საკანონმდებლო ცვლილებები მომზადდება და საქართველოს პარლამენტს ინიციატივის წესით წარედგინება 1 ნოემბრამდე. კანონპროექტი ინიცირებისთანავე დასკვნისთვის გაეგზავნება ვენეციის კომისიასა და ეუთო-ოდირს. პარლამენტში კანონპროექტის განხილვა დაიწყება ვენეციის კომისიიდან და ეუთო-ოდირიდან დასკვნის მიღებისთანავე. კონსტიტუციური კანონის პროექტი გენერალური პროკურორის არჩევის წესის შესახებ საქართველოს პარლამენტში დაინიცირდება 1 სექტემბრამდე, ხოლო პარლამენტის მიერ მიიღება არა უგვიანეს 29 ნოემბრისა. კონსტიტუციური კანონის მიღებას კოორდინაციას გაუწევს პარლამენტის იურიდიულ საკითხთა კომიტეტი. იუსტიციის უმაღლესი საბჭოს არამოსამართლე წევრთა შესარჩევ კონკურსს საქართველოს პარლამენტი გამოაცხადებს არა უგვიანეს 30 სექტემბრისა, ხოლო კენჭისყრა საბჭოს წევრთა ასარჩევად ჩატარდება არა უგვიანეს 15 ნოემბრისა. შეგახსენებთ, რომ საბჭოს წევრთა ასარჩევად საჭიროა 90 პარლამენტის წევრის ხმა. აქედან გამომდინარე, ევროკავშირის დათქმის შესაბამისად მათი არჩევის უზრუნველყოფა როგორც მმართველი გუნდის, ისე ოპოზიციის პასუხისმგებლობაა. პუნქტი 4. ანტიკორუფციული ღონისძიებები საქართველოს პარლამენტის იურიდიულ საკითხთა კომიტეტთან შეიქმნება სამუშაო ჯგუფი, რომელიც მოამზადებს ანტიკორუფციული ფუნქციების კონსოლიდაციის კონცეფციას და წინადადებებს სპეციალური საგამოძიებო სამსახურისა და პერსონალურ მონაცემთა სამსახურის შემდგომი ინსტიტუციური გაძლიერების უზრუნველსაყოფად. სამუშაო ჯგუფის შემადგენლობაში იქნებიან პარლამენტის წევრები ყველა საპარლამენტო პარტიიდან, აგრეთვე მთავრობის ადმინისტრაციის, პროკურატურის, სახელმწიფო უსაფრთხოების სამსახურისა და სამოქალაქო სექტორის წარმომადგენლები. შესაბამისი კანონპროექტები პარლამენტს ინიციატივის წესით წარედგინება არა უგვიანეს 19 ოქტომბრისა, ხოლო პარლამენტის მიერ მიიღება 1 დეკემბრამდე. პუნქტი 5. დეოლიგარქიზაცია საქართველოს პარლამენტის იურიდიულ საკითხთა კომიტეტთან შეიქმნება სამუშაო ჯგუფი, რომლის შემადგენლობაში იქნებიან ყველა საპარლამენტო პარტიისა და სამოქალაქო სექტორის წარმომადგენლები. სამუშაო ჯგუფი იმუშავებს დეოლიგარქიის კანონპროექტზე, რომელიც საქართველოს პარლამენტს ინიციატივის წესით წარედგინება არა უგვიანეს 5 ოქტომბრისა და პარლამენტის მიერ მიიღება არა უგვიანეს 29 ნოემბრისა. პუნქტი 6. ორგანიზებულ დანაშაულთან ბრძოლა და სამართალდამცავი ორგანოების ზედამხედველობა პარლამენტის თავდაცვისა და უშიშროების კომიტეტთან შეიქმნება სამუშაო ჯგუფი, რომლის შემადგენლობაში შევლენ პარლამენტის წევრები ყველა საპარლამენტო პარტიიდან, აგრეთვე პროკურატურის, იუსტიციის უმაღლესი საბჭოს, შინაგან საქმეთა სამინისტროს, იუსტიციის სამინისტროს, სახელმწიფო უსაფრთხოების სამსახურისა და სამოქალაქო სექტორის წარმომადგენლები. სამუშაო ჯგუფი 1 ნოემბრამდე მოამზადებს არსებული მდგომარეობის სიღრმისეულ შეფასებას და შეიმუშავებს წინადადებებს ხარვეზების გამოსწორებისა და ორგანიზებულ დანაშაულთან ბრძოლის შემდგომი გაძლიერების თაობაზე. პუნქტი 7-8. სათანადო მედიაგარემოს უზრუნველყოფა, ჟურნალისტების წინააღმდეგ მიმართული დანაშაულის ეფექტიანი გამოძიება და მოწყვლადი ჯგუფების წინააღმდეგ ჩადენილ ძალადობაზე ეფექტიანი რეაგირება პარლამენტის ადამიანის უფლებების დაცვისა და სამოქალაქო ინტეგრაციის კომიტეტი, საქართველოს პროკურატურასთან და შინაგან საქმეთა სამინისტროსთან თანამშრომლობით, უზრუნველყოფს ინფორმაციის საჯაროობას ყველა შესაბამისი საქმის გამოძიების შესახებ. პუნქტი 9. გენდერული თანასწორობა და ქალთა მიმართ ძალადობა საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის და გენდერული თანასწორობის საბჭო წარმართავენ აქტიურ სამუშაო პროცესს, რათა მომზადდეს საკანონმდებლო წინადადებები გენდერული თანასწორობის ხელშესაწყობად და ქალთა მიმართ ძალადობის წინააღმდეგ კიდევ უფრო ეფექტიანი ბრძოლის უზრუნველსაყოფად. შესაბამისი კანონპროექტების პაკეტი პარლამენტს ინიციატივის წესით წარედგინება არა უგვიანეს 5 ოქტომბრისა, ხოლო პარლამენტის მიერ მიიღება არა უგვიანეს 15 ნოემბრისა. პუნქტი 10. გადაწყვეტილებათა მიღების პროცესში სამოქალაქო საზოგადოების ჩართულობა საქართველოს პარლამენტის თავმჯდომარე კოორდინაციას გაუწევს ევროკავშირის პირობების შესრულებასთან დაკავშირებულ ყველა პროცესში სამოქალაქო საზოგადოების წარმომადგენლების ეფექტიან ჩართულობას. გარდა ამისა, უზრუნველყოფილი იქნება ჩართულობის ეფექტიანი მექანიზმების შენარჩუნება ევროკავშირის პირობებზე მუშაობის დასრულების შემდეგაც. პუნქტი 11. სტრასბურგის სასამართლოს გადაწყვეტილებების პროაქტიული გათვალისწინება ქართული სასამართლოს მიერ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტი, ევროსაბჭოს მინისტრთა კომიტეტის აღსრულების პროცედურების გათვალისწინებით, შესაბამის კანონპროექტს მოამზადებს და პარლამენტს ინიციატივის წესით წარუდგენს 1 სექტემბრამდე. კანონპროექტს პარლამენტი განიხილავს და მიიღებს არა უგვიანეს 18 ოქტომბრისა. პუნქტი 12. სახალხო დამცველის არჩევა საპარლამენტო უმრავლესობა საპარლამენტო ოპოზიციას 1 სექტემბრამდე შესთავაზებს სახალხო დამცველის კანდიდატურების შერჩევის ინკლუზიურ პროცედურას, რომელმაც უნდა უზრუნველყოს სახალხო დამცველის პოზიციაზე იმგვარი პირის წარდგენა, რომელიც იქნება თანაბრად მისაღები უმრავლესობისა და ოპოზიციისთვის და შესაბამისად, მაღალი ლეგიტიმაციით იქნება არჩეული. კენჭისყრა სახალხო დამცველის ასარჩევად შედგება არა უგვიანეს 1 დეკემბრისა. შეგახსენებთ, რომ სახალხო დამცველის არჩევა საჭიროებს სულ მცირე 90 პარლამენტის წევრის მხარდაჭერას. აქედან გამომდინარე, ევროკავშირის დათქმის შესაბამისად მისი არჩევის უზრუნველყოფა თანაბრად არის როგორც მმართველი გუნდის, ისე ოპოზიციის პასუხისმგებლობა.

01 ივლისი, 2022

„ქართული ოცნების“ პოლიტიკურმა საბჭომ ევროკავშირის მიერ დადგენილი 12 პუნქტის შესრულებაზე იმსჯელა

24 ივნისი, 2022

მინდა პარტიის - „ქართული ოცნების“ სახელით გამოვეხმაურო ევროპული საბჭოს გუშინდელ გადაწყვეტილებას, რომლითაც ევროკავშირმა საქართველოს ევროპული პერსპექტივა ოფიციალურად აღიარა. ასოცირების შეთანხმების ხელმოწერის, თავისუფალი ვაჭრობის შეთანხმების ხელმოწერისა და ვიზალიბერალიზაციის მიღების შემდეგ, ამით გადაიდგა მეოთხე, კიდევ ერთი დიდი ნაბიჯი ევროინტეგრაციის გზაზე. როგორც მოგეხსენებათ, ოთხივე შედეგს ქვეყანამ სწორედ „ქართული ოცნების“ ხელისუფლების პირობებში მიაღწია. ასეთივე თანმიმდევრულობით, „ქართული ოცნება“ განაგრძობს მუშაობას, რათა სათანადო ვადებში მივიღოთ ევროკავშირის წევრობის კანდიდატის სტატუსი. მადლობას გადავუხდით ევროპული საბჭოს პრეზიდენტს, შარლ მიშელს და ევროკომისიის ხელმძღვანელს, ურსულა ფონ დერ ლაიენს ამ გადაწყვეტილებისთვის და მხარდამჭერი სიტყვებისთვის ჩვენი ქვეყნის, ქართველი ხალხისა და საქართველოს ხელისუფლების მიმართ. როგორც მოგეხსენებათ, შარლ მიშელმა გუშინდელ დღეს უწოდა ისტორიული მომენტი ევროკავშირ-საქართველოს ურთიერთობებში. მიშელმა აღნიშნა, რომ საქართველოს მომავალი ევროკავშირშია და მან ქართველ ხალს საბჭოს გადაწყვეტილება მიულოცა. ურსულა ფონ დერ ლაიენმა ევროპული საბჭოს გადაწყვეტილებას ისტორიული უწოდა და ეს გადაწყვეტილება საქართველოს პრემიერ-მინისტრს, ირაკლი ღარიბაშვილს პერსონალურადაც მიულოცა. როგორც მან აღნიშნა, ევროპული საბჭოს გადაწყვეტილება გააძლიერებს როგორც საქართველოს, ისე ევროკავშირს. ყველას გვესმის, რომ გუშინდელი გადაწყვეტილება ევროპულმა საბჭომ მთლიანად პოლიტიკური კონტექსტის გათვალისწინებით მიიღო. როგორც ევროპული საბჭოს თავმჯდომარე ქვეყნის, საფრანგეთის პრეზიდენტმა, ემანუელ მაკრონმა აღნიშნა, გადაწყვეტილების განმსაზღვრელი, უპირველეს ყოვლისა, ომისა და ომთან დაკავშირებული უსაფრთხოების ფაქტორი გახდა. კიდევ ერთხელ აღვნიშნავთ, რომ საქართველო ყველა პარამეტრით უსწრებს უკრაინასა და მოლდოვას. თუმცა, როგორც ომის მდგომარეობაში მყოფ უკრაინას, ისე სამხედრო კონფლიქტის ზონის მოსაზღვრე მოლდოვას ესაჭიროებოდათ განსაკუთრებული სოლიდარობის გამოხატვა და მნიშვნელოვანია, რომ ევროკავშირმა შესაბამისად იმოქმედა. კიდევ ერთხელ ვულოცავთ უკრაინასა და მოლდოვას, ევროპული პერსპექტივის აღიარებასთან ერთად, კანდიდატის სტატუსის წინსწრებით მიღებას. საქართველოს მიმართ ევროკავშირის ლიდერების მილოცვებისა და მათი საზეიმო განწყობის ფონზე, სრულიად არაბუნებრივია ოპოზიციის რეაქცია ევროპული საბჭოს გუშინდელ გადაწყვეტილებაზე. ადამიანები, რომლებიც 2008 წელს წაგებულ ომს ზეიმობდნენ, დღეს საქართველოსთვის ევროპული პერსპექტივის ოფიციალურად აღიარებას გლოვობენ. ამას აქვს თავისი კანონზომიერება: რადიკალურ ოპოზიციას უხარია საქართველოს წარუმატებლობა და სწყინს მისი წარმატება, რაც არა მხოლოდ მოვლენებზე მისი რეაქციებით, არამედ ყოველდღიური ქმედებებითაც არის გამოხატული. საზოგადოებაში ნეგატიური განწყობის შესაქმნელად, რადიკალური ოპოზიცია აწარმოებს ფეიკზე დაფუძნებულ კამპანიას იმის შესახებ, რომ, თითქოს, კანდიდატის სტატუსის ამ ეტაპზე არმიღების პირობებში, საქართველომ ფინანსური და სხვა მატერიალური პრივილეგიები დაკარგა. აღნიშნული კამპანია მთლიანად სიცრუეს ეფუძნება. კერძოდ, როგორც კანდიდატი, ისე პოტენციური კანდიდატი და ასოცირებული ქვეყნები ევროკავშირიდან მატერიალურ-ფინანსურ დახმარებას იდენტური პრინციპითა და მოცულობით იღებენ. მაგალითად, 2014-2020 წლებში 5 კანდიდატი ქვეყნის წლიურმა დაფინანსებამ ერთ სულ მოსახლეზე საშუალოდ 34 ევრო შეადგინა, ხოლო იმავე წლებში საქართველოსთვის ევროკავშირის მიერ ერთ სულ მოსახლეზე გაცემული დაფინანსება 39 ევრო იყო. მომდევნო წლებისთვის საქართველოსთვის გათვალისწინებული დაფინანსებაც კანდიდატებისთვის განკუთვნილი დაფინანსების იდენტურია. მოვუწოდებთ ყველას, ნუ შექმნიან ყალბ მოლოდინებს და სიცრუეზე დაფუძნებული კამპანიით, საზოგადოებაში ნეგატიური ემოციური ფონის ხელოვნურად შექმნას ნუ ეცდებიან. დასასრულს, კიდევ ერთხელ გადავუხდით მადლობას ევროკავშირს ევროპული პერსპექტივის ოფიციალურად აღიარებისთვის. „ქართული ოცნება“ უზრუნველყოფს საქართველოს შემდგომ წინსვლას ევროინტეგრაციის გზაზე. მადლობას ვუხდით საქართველოს პრემიერ-მინისტრს, საქართველოს პარლამენტს, საქართველოს მთავრობას, საჯარო მოსამსახურეებს იმ სამუშაოსთვის, რომელიც ევროპული პერსპექტივის მისაღებად იქნა გაწეული. რაც მთავარია, მადლობას ვუხდით ქართველ ხალხს, რომლის პროგრესულობისა და პრაგმატულობის დამსახურებაა ის, რომ საქართველო, ერთი მხრივ, ინარჩუნებს მშვიდობას და ორნიშნა ეკონომიკურ ზრდას და მეორე მხრივ, დგამს ნაბიჯებს ჭეშმარიტად ევროპული სახელმწიფოს მშენებლობისა და ევროკავშირის წევრობისაკენ.

20 ივნისი, 2022

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა უმრავლესობის წევრებმა მიმდინარე სასესიო კვირის პლენარულ სხდომებზე განსახილველ საკითხებზე იმსჯელეს. 21 ივნისს გაკეთდება პოლიტიკური განცხადებები, ასევე განიხილება მიმდინარე კანონპროექტები. 22 ივნისს, პარლამენტის წინაშე ყოველწლიური მოხსენებით წარდგება საქართველოს პრემიერ-მინისტრი ირაკლი ღარიბაშვილი. 23 ივნისს, გაგრძელდება კანონპროექტების განხილვა.

20 ივნისი, 2022

დღეს ჩვენს ქვეყანაში ყველაზე აქტუალურია კითხვა, ვინ ან რა უქმნის საქართველოს ხელოვნურ დაბრკოლებებს ევროინტეგრაციის პროცესში. მაშინ როდესაც, ევროკომისიის დასკვნაში პირველ პუნქტად მითითებულია დეპოლარიზაცია, ჩვენი ოპოზიციის ნაწილი აქციებისკენ მოუწოდებს ხალხს. სხვათა შორის, დეპოლარიზაცია ერთადერთი პუნქტია, რომელიც არც უკრაინის და არც მოლდოვას მიმართ რეკომენდაციებში არანაირი ფორმით არ მოხვედრილა. ამ ფონზე განსაკუთრებულ აქტუალობას იძენს კიდევ ერთი, უფრო კონკრეტული კითხვა: ვინ აკეთებს რუსულ საქმეს ამ ქვეყანაში, ვინ უწყობს ხელს რუსულ პროვოკაციებს, ვის აწყობს არეულობა, ქაოსი და ევროპული ინტეგრაციის შეფერხება... ბოლო დღეების განმავლობაში აქტიურად ვრცელდება ინფორმაცია ელენე ხოშტარიას ოჯახის რუსული შემოსავლების შესახებ, თუმცა ნაციონალური მოძრაობის კუთვნილი, ქართველი ოლიგარქების დაფინანსებული ყველა ტელევიზია ცდილობს დამალოს და მიჩქმალოს ეს ამბავი. თუმცა ეს ჩვენ არ გვიკვირს, რადგან ისინი არა თუ დღეების, არამედ წლების განმავლობაში მალავდნენ, მაგალითად, ევროსაბჭოს საპარლამენტო ასამბლეის ჩანაწერს, რომელსაც ნაციონალურმა მოძრაობამ მხარი დაუჭირა და რომლითაც ქართველ სამხედროებს ომის დაწყება და ცხინვალში მშვიდობიანი მოსახლეობის კასეტური ბომბებით დაბომბვა დააბრალეს. ერთი სიტყვით, ხალხი, რომელიც პროევროპელობას იჩემებს და ანტისაოკუპაციო მოძრაობის ფლაგმანებად გვაჩვენებს თავს, საგულდაგულოდ მალავს რუსეთთან კავშირების თუ რუსული საქმის მამტკიცებელ ინფორმაციებს, თუმცა აქტიურად იგონებს და ავრცელებს ასეთ ამბებს. საზოგადოებას ამ დროისათვის ჯერ კიდევ არ მიუღია პასუხი კითხვაზე, რა მოცულობით და დანიშნულებით იღებდა ხოშტარიების ოჯახი მილიონობით რუსულ რუბლს მთელი ამ წლების განმავლობაში, მათ შორის 2008 წლის რუსული ოკუპაციისა და რუსეთ-უკრაინის მიმდინარე ომის დაწყების შემდეგ. როდესაც ადამიანი საზოგადოებას არწმუნებს, რომ მისთვის ყველაფერი რუსული პრინციპულად მიუღებელია და ამავდროულად რუსულ ფულზე უარს არ ამბობს, ეს სულ მცირე ორმაგი სტანდარტისა და სიყალბის უტყუარი მტკიცებულებაა, თუმცა, ამის მიღმა, ეჭვი მძაფრდება, როდესაც ვიხსენებთ, რომ ელენე ხოშტარია იყო ყველა იმ პროვოკაციის ერთ-ერთი მთავარი სულისჩამდგმელი, რომლითაც გასულ წლებში რუსეთმა იხეირა. მაგალითებისათვის: ყველას გვახსოვს მისი ქმედებები ზუსტად 3 წლის წინ, 20 ივნისს, რამაც საბოლოოდ რუსეთს საქართველოსთან ფრენების ჩაკეტვისა და ქვეყანაზე მძიმე ეკონომიკური დარტყმის მიყენების შესაძლებლობა მისცა. ყველას გვახსოვს ქმედებები 80 წელს გადაცილებული პოზნერის წინააღმდეგ, რამაც ასევე საქართველოს წინააღმდეგ რუსეთის აგრესიული რიტორიკის წისქვილზე დაასხა წყალი. ეჭვებს ამძაფრებს ელენე ხოშტარიას მამის წარსული, რაზეც ზვიად გამსახურდია აქტიურად საუბრობდა. ასევე ის ფაქტი, რომ თავად ხოშტარია მგიმოს კურსდამთავრებული და რუსეთის საერთაშორისო უსაფრთხოების სპეციალისტია. ფაქტობრივი მოცემულობაა, რომ მთელი ამ წლების განმავლობაში, ხოშტარიას ქმედებები სწორედ რუსეთის საერთაშორისო უსაფრთხოების ინტერესებს მოემსახურა, თანაც, ამას აკეთებდა ისეთ ადამიანებთან ერთად, რომლებიც იყვნენ პრორუსი ბიზნესმენის, გულუას პრესსამსახურის წარმომადგენლები, თავის დროზე ჯორჯ ბუშის ქუჩის გახსნის პროტესტის ავტორები თუ რუსულ ინტერესებთან სხვა ფორმით დაკავშირებული პირები. როდესაც ამ ყველაფერს რუსეთის ფედერალური ბიუჯეტიდან და მოსკოვის დიდი თეატრიდან მიღებული, ჰონორარის რაოდენობისათვის შეუსაბამო, მილიონობით რუბლი ემატება, ლოგიკური ჯაჭვი საბოლოოდ იკვრება. ამ ფონზე, მიგვაჩნია, რომ ყველას უნდა გვაინტერესებდეს, ხომ არ აქვს ხოშტარიას რუსულ რუბლებს კავშირი რუსულ ინტერესებთან და დღევანდელ აქციასთანაც, რომელიც პირდაპირ ეწინააღმდეგება ევროკავშირის მოწოდებას დეპოლარიზაციის შესახებ და რომლის ორგანიზატორებიც ცდილობენ ქართველი ხალხის არჩეული ხელისუფლება რუსეთთან გააიგივონ. ალბათ გაღმა შედავების პრინციპით.ამით უნდა დაინტერესდეს ყველა, ვისაც ოდნავ მაინც აწუხებს რუსული რბილი ძალის პრობლემა ჩვენს ქვეყანაში, მათ შორის მედია. თავად ელენე ხოშტარიას მოვუწოდებთ, გაასაჯაროოს სრული ინფორმაცია 2008 წლის აგვისტოს შემდეგ რუსეთიდან მიღებული თითოეული რუბლის შესახებ და ძალიან კარგი იქნება თუ აღნიშნულ თანხებს გადარიცხავს უკრაინის დახმარების ფონდში. რუსეთიდან შემოსავალს საქართველოში მრავალი ადამიანი იღებს და სხვა პირის შემთხვევაში ამას ნამდვილად არ მოვითხოვდით, მაგრამ როდესაც საქმე ეხება ადამიანს, პოლიტიკოსს, რომელიც წლებია საზოგადოებას უმტკიცებს, რომ თითქოს მისთვის ყოველივე რუსული კატეგორიულად მიუღებელია, რომ ის არის პირველი ანტირუსი და ანტიოკუპანტი ამ ქვეყანაში, მას არა აქვს მორალური უფლება რუსული ფინანსები საკუთარი და საკუთარი ოჯახის კეთილდღეობას თუ პოლიტიკურ მიზნებს მოახმაროს. თუ ხოშტარიას დასამალი არაფერი აქვს და საქმე მართლაც მემკვიდრეობით დატოვებულ ჰონორარს ეხება, მაშინ, ბუნებრივია, გადმორიცხვების გასაჯაროება არანაირ პრობლემას წარმოადგენს, ხოლო იმ შემთხვევაში, თუ ხოშტარია და მისი ოჯახი უარს იტყვის რუსეთიდან გადმორიცხული თანხების გასაჯაროებაზე, უკვე უდავო გახდება, რომ ისეთ შემთხვევასთან გვაქვს საქმე, რომლითაც უნდა დაინტერესდნენ საგამოძიებო ორგანოებიც, რათა ქართულმა სახელმწიფომ მაქსიმალურად დააზღვიოს რუსული რბილი ძალის გავლენა საქართველოში მიმდინარე პოლიტიკურ პროცესებზე.

17 ივნისი, 2022

გვინდა გამოვეხმაუროთ ევროპული კომისიის დღევანდელ გადაწყვეტილებას. როგორც მოგეხსენებათ, კომისია ევროპულ საბჭოს უწევს რეკომენდაციას, უკრაინასა და მოლდოვას მთელი რიგი დათქმებით მიანიჭოს ევროკავშირის წევრობის კანდიდატის სტატუსი, ხოლო საქართველოსთვის ოფიციალურად აღიაროს ევროპული პერსპექტივა, რაც ჩვენი ქვეყნისთვის უახლოეს მომავალში კანდიდატის სტატუსის მინიჭების საფუძველი გახდება.ევროპული კომისიის მიერ გამოქვეყნებულ გადაწყვეტილებაში ვკითხულობთ: „საქართველო არის ევროპული სახელმწიფო, რომელიც არის იმ ღირებულებების პატივისცემისა და განმტკიცების ერთგული, რომელსაც ევროკავშირი ეფუძნება. აქედან გამომდინარე, კომისია რეკომენდაციას უწევს საბჭოს, საქართველოს მიანიჭოს პერსპექტივა გახდეს ევროკავშირის წევრი“. გარდა ამისა, დოკუმენტში კონკრეტულად არის ჩამოთვლილი პირობები, რომელთა შესრულებისთანავე საქართველოს კანდიდატის სტატუსი მიენიჭება.კომისიის გადაწყვეტილების საფუძველზე, ევროპული საბჭო უახლოეს მომავალში მიიღებს საბოლოო გადაწყვეტილებას სამივე ქვეყანასთან მიმართებით. თუმცა, გვესმის, რომ ძალიან მაღალი ალბათობით, საბჭოს გადაწყვეტილება კომისიის დასკვნასთან იქნება თანხვედრაში.კიდევ ერთხელ გავიმეორებთ მარტივ ჭეშმარიტებას, რომ ყველა გაზომვადი პარამეტრით, საქართველო წინ უსწრებს როგორც უკრაინას, ისე მოლდოვას - იქნება ეს დემოკრატია, სამართლის უზენაესობა, ადამიანის უფლებების დაცვა და კორუფციასთან ბრძოლა, ევროკავშირთან სავაჭრო-ეკონომიკური თანამშრომლობა თუ ასოცირების შეთანხმებით გათვალისწინებული ვალდებულებების საერთო შესრულება. თუმცა, ისიც გვესმის, რომ ევროპული კომისია და ევროპული საბჭო იღებენ არა ექსპერტულ, არამედ პოლიტიკურ გადაწყვეტილებას. შესაბამისად, არსებულ არაორდინალურ პოლიტიკურ ვითარებაში, ევროპული კომისიის გადაწყვეტილებას აქვს თავისი ლოგიკური პოლიტიკური ახსნა.რუსეთის სამხედრო აგრესიამ და მიმდინარე ომმა უკრაინას უკვე უმძიმესი ჰუმანიტარული და ეკონომიკური ზიანი მიაყენა. ომის შედეგად დაიღუპა 10 ათასობით უკრაინელი სამხედრო და სამოქალაქო პირი, ყოველი მესამე უკრაინელი დევნილად ან ლტოლვილად არის ქცეული, განადგურებულია ქვეყნის ინფრასტრუქტურის დიდი ნაწილი, დანგრეულია ასობით ქალაქი და სოფელი, საერთაშორისო ფინანსური ინსტიტუტები უკრაინული ეკონომიკის 45 პროცენტით ვარდნას პროგნოზირებენ. ამ ფონზე, უკრაინისთვის კანდიდატის სტატუსის მინიჭება არის ერთგვარი მცირედი წახალისება, რაც ჩვენს მეგობარ ქვეყანას ევროკავშირისგან უსათუოდ უნდა მიეღო. ჩვენ დღეს მოვისმინეთ ერთ-ერთი ევროპელი ლიდერის განცხადება იმის შესახებ, რომ ჩვეულებრივ პირობებში უკრაინა კანდიდატის სტატუსს ვერ მიიღებდა და ის სტატუსს სწორედ ომის გამო იღებს.კონფლიქტის ზონასთან გეოგრაფიული სიახლოვიდან გამომდინარე, უკრაინაში მიმდინარე ომმა მძიმე ზიანი მიაყენა ჩვენს მეგობარ მოლდოვასაც. მაშინ, როდესაც მიმდინარე წლის პირველ კვარტალში საქართველოს ეკონომიკურმა ზრდამ 14,5 პროცენტი შეადგინა, მოლდოვის ანალოგიური მაჩვენებელი მხოლოდ 1 პროცენტი იყო. ამასთან, მოლდოვას ნახევარმა მილიონმა უკრაინელმა ლტოლვილმა შეაფარა თავი, რაც 2,5-მილიონიან ქვეყანას, ბუნებრივია, უმძიმეს ტვირთად აწვება, ხოლო ევროკავშირს შესაბამის ტვირთს უშუალოდ უმსუბუქებს. უკრაინაში მიმდინარე ომის მძიმე ეკონომიკური და ჰუმანიტარული გავლენის გათვალისწინებით, მოლდოვასაც უნდა მიეღო წახალისება, რაც მის რთულ მდგომარეობას, მართალია, ეკონომიკურად არა, მაგრამ პოლიტიკურად გარკვეულწილად მაინც შეამსუბუქებს. ნიშანდობლივია, რომ არსებული სირთულეების ფონზე, ევროკავშირმა მოლდოვის სამხედრო-პოლიტიკურ ნეიტრალიტეტსა და დსთ-ში მის წევრობაზეც კი დახუჭა თვალი და ყველაფრის მიუხედავად, მას კანდიდატის სტატუსი მიანიჭა.ვულოცავთ როგორც უკრაინას, ისე მოლდოვას ევროკავშირის წევრობის კანდიდატის სტატუსის მიღებას, რაც ერთ კვირაში საბჭოს გადაწყვეტილებით საბოლოოდ დადასტურდება.რაც შეეხება საქართველოსთან დაკავშირებით მიღებულ გადაწყვეტილებას: ევროკავშირის მიერ ევროპული პერსპექტივის ოფიციალურად აღიარებას საქართველო მრავალი წლის მანძილზე ელოდა. მოხარული ვართ, რომ დღეს ეს პერსპექტივა ევროპულმა კომისიამ ოფიციალურად აღიარა და კანდიდატის სტატუსის მიღებისთვის კონკრეტული გზამკვლევიც შემოგვთავაზა.როგორც ევროპელმა ლიდერებმა წინასწარ პირდაპირ მიგვანიშნეს, საქართველოს კანდიდატის სტატუსის მიღებაში გეოგრაფიულმა მდებარეობამაც შეუშალა ხელი. საზოგადოებას შევახსენებთ, რომ სწორედ გეოგრაფიული ფაქტორის გათვალისწინებით, საქართველომ უკრაინასა და მოლდოვაზე 2 წლით გვიან მიიღო ევროპული სამეზობლო პოლიტიკის სამოქმედო გეგმა. ასევე, საქართველომ უკრაინაზე 4 და მოლდოვაზე 2 წლით გვიან დაიწყო მოლაპარაკებები ვიზალიბერალიზაციის შესახებ, უკრაინაზე 3 და მოლდოვაზე 2 წლით გვიან მიიღო ვიზალიბერალიზაციის სამოქმედო გეგმა და მოლდოვაზე 3 წლით გვიან, მაგრამ უკრაინაზე ადრე მიიღო უვიზო მიმოსვლის რეჟიმი. ანალოგიურად, საქართველომ უკრაინაზე 3 წლით გვიან დაიწყო მოლაპარაკებები ასოცირების შეთანხმების შესახებ, თუმცა, უკრაინაზე 1 წლით ადრე მოაწერა ხელი ასოცირების შეთანხმებას. გამოვთქვამთ იმედს, რომ გეოგრაფიული ფაქტორი მომავალში აღარ გახდება საქართველოსთვის კანდიდატის ან წევრის სტატუსის მინიჭების გაჭიანურების საფუძველი.მიუხედავად იმისა, რომ კანდიდატის სტატუსი ქვეყანას არავითარ ფინანსურ თუ სხვა მატერიალურ პრივილეგიას არ ანიჭებს, აღნიშნული სტატუსის ამ ეტაპზე არმიღება ჩვენთვის, გარკვეულწილად, მაინც , რა თქმა უნდა, გულდასაწყვეტია. თუმცა, გვესმის, რომ საქართველოს, უკრაინისგან და თუნდაც, მოლდოვისგან განსხვავებით, ამ სტატუსის მისაღებად აუცილებელი მსხვერპლი დღეს არ გაუღია. გვესმის, რომ 14 და მით უმეტეს, 30 წლის წინ გაღებულ მსხვერპლსა და დაღვრილ სისხლს და 300 ათას დევნილს დღეს ჩვენი ევროპელი პარტნიორებისთვის, სამწუხაროდ, უკვე აქტუალობა აქვს დაკარგული.დასასრულს, მადლობას ვუხდით საქართველოს მთავრობას, პრემიერ-მინისტრს, საგარეო საქმეთა მინისტრს, მთავრობის სხვა წევრებს, პარლამენტარებს, საჯარო მოსამსახურეებს, ყველას, ვინც თავისი წვლილი შეიტანა განაცხადის მომზადებასა და ევროკავშირის სტრუქტურების წინაშე მის ადვოკატირებაში. ასევე, მადლობას ვუხდით ევროკავშირის თითოეულ წარმომადგენელს, რომელიც საქართველოს საკითხს გულდასმით გაეცნო და ჩვენი ქვეყნის ევროპულ პერსპექტივას მხარი დაუჭირა.დემოკრატიული ინსტიტუტების სიმტკიცე, მშვიდობა და ეკონომიკური განვითარება არის უმთავრესი, რაც საქართველოს ევროკავშირში გაწევრიანების რეალურ შესაძლებლობას შეუნარჩუნებს. აქედან გამომდინარე, დემოკრატიული ინსტიტუტების სიმტკიცის კიდევ უფრო გასამყარებლად, მშვიდობის დასაცავად და ეკონომიკური წინსვლის უზრუნველსაყოფად მმართველი გუნდი ყველაფერს გააკეთებს.

15 ივნისი, 2022

გვინდა, გამოვეხმაუროთ სალომე ზურაბიშვილის გუშინდელ ბრიფინგს. ქალბატონი სალომეს განცხადებებზე გამოხმაურებას საჭიროდ არ ჩავთვლიდით, თუმცა, პატივს ვცემთ საქართველოს პრეზიდენტის კონსტიტუციურ სტატუსს და აქედან გამომდინარე, ძალიან მოკლედ შევეხებით მისი გუშინდელი ბრიფინგის რამდენიმე პასაჟს. დავიწყებთ საერთო შეფასებით და ვიტყვით, რომ, სამწუხაროდ, სალომე ზურაბიშვილის გუშინდელი ბრიფინგი პირდაპირ იყო მიმართული საქართველოს მიერ ევროკავშირის წევრობის კანდიდატის სტატუსის მიღების წინააღმდეგ. ერთი მხრივ, სალომე ზურაბიშვილი ამბობს, რომ რადიკალური ოპოზიცია ბრიუსელში სახელმწიფოს წინააღმდეგ მოქმედებდა და მეორე მხრივ, საჯაროდ თავად იმეორებს იმ სიცრუეს, რაზეც ნაციონალური მოძრაობისა და მისი სატელიტების ანტისახელმწიფოებრივი კამპანიაა აგებული. როდესაც სალომე ზურაბიშვილი კანდიდატის სტატუსის შესახებ გადაწყვეტილების მიღებამდე ერთი კვირით ადრე აცხადებს, რომ შარშან ივლისში საქართველო იყო პირველ ადგილზე, ახლა კი არის ბოლო ადგილზე უკრაინასთან და მოლდოვასთან მიმართებით, ამ განცხადებას მხოლოდ უმძიმესი შეფასება შეიძლება მიეცეს. პრეზიდენტის ეს ე.წ. შეფასება რომ ტყუილია, ამასაც კი არა აქვს ამ შემთხვევაში რაიმე არსებითი მნიშვნელობა. როდესაც სალომე ზურაბიშვილი კანდიდატის სტატუსის შესახებ გადაწყვეტილების მიღებამდე ერთი კვირით ადრე აცხადებს, რომ, ვციტირებ, „არგუმენტები არ დაგვრჩა“ და კანდიდატის სტატუსის მიღების მხოლოდ „მცირე შანსი რჩება“, ეს არის რადიკალური ოპოზიციის ანტისახელმწიფოებრივი რიტორიკის გაგრძელება. რატომ აკეთებს ამას სალომე ზურაბიშვილი და რატომ ჩაჯდა რადიკალური ოპოზიციის მესიჯბოქსში, ამის განსჯას საზოგადოებას მივანდობთ. სალომე ზურაბიშვილმა გუშინ ისაუბრა მმართველი პარტიისა და საქართველოს მთავრობის ე.წ. ანტიევროპულ რიტორიკაზე, რასაც არავითარი საფუძველი არა აქვს. ევროპარლამენტარების ის ნაწილი, რომელიც სააკაშვილისა და გვარამიას განთავისუფლებასა და ბიძინა ივანიშვილის სანქცირებას ითხოვს არაა ევროპა და აქამდე გვეგონა, რომ ანტიევროპულ რიტორიკად მათი კრიტიკის გამოცხადება მხოლოდ ნაციონალურ მოძრაობას შეეძლო. თუმცა, ამ შემთხვევაში, მსგავსი, ადეკვატურობას მოკლებული განცხადება სალომე ზურაბიშვილისგან მოვისმინეთ. ამასთან, საინტერესოა, რომ სალომე ზურაბიშვილმა ევროპარლამენტის რეზოლუცია გუშინ უმწვავესად გააკრიტიკა და აღნიშნა, რომ მასში გვხვდება როგორც ფაქტობრივი უზუსტობები, ისე დაუსაბუთებელი ბრალდებები. გაუგებარია, რატომ უწოდებს სალომე ზურაბიშვილი ჩვენს სამართლიან კრიტიკას ანტიევროპულ რიტორიკას, როდესაც ევროპარლამენტს თავად ასეთ უმძიმეს ბრალდებებს უყენებს. სალომე ზურაბიშვილმა აბსურდი უწოდა მმართველი პარტიის წარმომადგენლების განცხადებებს იმის შესახებ, რომ ბიძინა ივანიშვილის წინააღმდეგ ირიბი სანქციები უკვე მოქმედებს. შეგახსენებთ, რომ ამგვარი განცხადება პირველად არა მმართველმა პარტიამ, არამედ ბიძინა ივანიშვილის ადვოკატმა გააკეთა. როდესაც ადვოკატი აცხადებს, რომ ბიძინა ივანიშვილის წინააღმდეგ ირიბი სანქციები უკვე მოქმედებს და ამ სანქციებით მას ვერავინ შეაშინებს, ეს რას ნიშნავს, საზოგადოებას კარგად ესმის და წესით, სალომე ზურაბიშვილსაც კარგად უნდა ესმოდეს. ამ ფონზე, რატომ ცდილობს ის ირიბი სანქციების თემის დაკნინებას, გაუგებარია და ამაზე მსჯელობაც საზოგადოებისთვის მიგვინდია. კარგია, რომ სალომე ზურაბიშვილმა უკან დაიხია მისი განცხადებიდან, როდესაც სააკაშვილი, გვარამია და ბიძინა ივანიშვილი ერთ სიბრტყეში დააყენა და თქვა, რომ ქვეყანა არც ერთს არ უნდა გადავაყოლოთ, ეს არის ციტატა.  არა გვგონია, რომ სალომე ზურაბიშვილმა საკუთარი განცხადება მისი სამარცხვინო შინაარსის დაგვიანებით გაცნობიერების გამო გადააკეთა. როგორც ჩანს, მან, ნახა რა საზოგადოების განწყობა და უმძიმესი რეაქციები, მიხვდა, რომ ამ განცხადების უკიდურესი უსამართლობა და უმადურობა მის იმიჯს მძიმედ დააზიანებდა და უკან დახევა ამიტომ მოუწია. სალომე ზურაბიშვილმა გუშინ გამოიყენა ნაციონალური მოძრაობისა და მისი სატელიტების კიდევ ერთი მესიჯბოქსი ე.წ. დემოკრატიულ უკუსვლასთან დაკავშირებით. ე.წ. დემოკრატიული უკუსვლის შესახებ განცხადების გამყარება მან რამდენიმე გარემოებით სცადა. შევეხებით თითოეულ მათგანს: 19 აპრილის შეთანხმების ანულირება. სალომე ზურაბიშვილს ერთი სიტყვითაც არ უხსენებია, რომ ამ შეთანხმებას მეორე მხარემ - ნაციონალურმა მოძრაობამ 100 დღის განმავლობაში არ მოაწერა ხელი და მმართველმა პარტიამ ის ანულირებულად მხოლოდ ამის შემდეგ სრულიად სამართლიანად გამოაცხადა. ამ 100 დღის მანძილზე, ჩვენ არ გვახსენდება სალომე ზურაბიშვილის, ენჯეოების თუ საერთაშორისო პარტნიორების არცერთი მკვეთრი თუ თუნდაც ნაკლებად მკვეთრი მოწოდება 19 აპრილის შეთანხმების ხელმოწერის შესახებ. რატომ არ მოუწოდებდა ნაციონალურ მოძრაობას არავინ 19 აპრილის შეთანხმებაზე ხელი მოეწერა, ამის შეფასება საზოგადოებისთვის მიგვინდია; 5 ივლისის ძალადობის არასათანადო გამოძიება. ეს არის მეორე ბრალდება. სტატისტიკას აღარ გავიმეორებთ, თუმცა, საზოგადოებას შევახსენებთ, რომ 5 ივლისის საქმეზე გამოძიება მყისიერად დაიწყო, სათანადოდ წარმიმართა და არაერთი ადამიანი იქნა დაკავებული და დაპატიმრებული. ამ შემთხვევაშიც სალომე ზურაბიშვილმა გაიმეორე იგივე, რასაც აკეთებენ ჩვენი ოპონენტები რადიკალური ოპოზიციიდან და სამართალდამცავ ორგანოებს საქმის არასათანადო გამოძიება ყოველგვარ კონკრეტულ ფაქტზე მითითების გარეშე დააბრალა; მესამე, 75 მილიონის მოცულობის კრედიტზე უარის თქმა. საზოგადოებას შევახსენებთ, რომ ევროკავშირის მიერ გამოსაყოფი 75 მილიონი იყო არა გრანტი, არამედ კრედიტი და ეკონომიკური ზრდის მაღალი ტემპის გამო, საქართველოს მთავრობამ დამატებითი ფინანსური ვალდებულებების აღებაზე სრულიად დასაბუთებულად თქვა უარი. ამასაც რომ თავი დავანებოთ, რა კავშირი აქვს კრედიტზე უარის თქმას ე.წ. დემოკრატიულ უკუსვლასთან, სრულიად გაუგებარია; გენერალური პროკურორის არჩევის წესის ცვლილებაზე უარის თქმა. შემდეგი თემა. შეგახსენებთ, რომ 19 აპრილის შეთანხმებით გათვალისწინებული იყო გენერალური პროკურორის არჩევის უპრეცედენტო, აბსურდული წესის შემოღება. ამასთან დაკავშირებით, ჩვენ პარლამენტში წარმოვადგინეთ უტყუარი არგუმენტები, რაზეც ოპოზიციამ ვერცერთი, ვიმეორებთ - ვერცერთი სამართლებრივი არგუმენტით ვერ გვიპასუხა. შესაბამისად, ე.წ. დემოკრატიულ უკუსვლასთან ამ გარემოებას ვერავითარი კავშირი ვერ ექნება; არჩევნების წინ ფარული ჩანაწერების გავრცელება. კარგი იქნებოდა, სალომე ზურაბიშვილს ისიც ეხსენებინა, რომ ეს ჩანაწერები არჩევნების წინ არა მმართველმა პარტიამ, არამედ ოპოზიციამ გაავრცელა. ჩვენ ნამდვილად გვაინტერესებს, ვინ განახორციელა და შემდეგ, ვინ გაავრცელა ეს ჩანაწერები. აქედან გამომდინარე, პირველ რიგში, სწორედ ჩვენ ვართ დაინტერესებული, ამ საქმეზე გამოძიება სწრაფად და ეფექტიანად წარიმართოს; მოსამართლეთა კონფერენციის მიერ იუსტიციის უმაღლესი საბჭოს წევრების არჩევა. სალომე ზურაბიშვილს შევახსენებთ, რომ საბჭოს წევრები კონფერენციამ, 300-ზე მეტმა მოსამართლემ კანონმდებლობის სრული დაცვით აირჩია და ეს რომ არ გაეკეთებინა, დღეს ქვეყანას ფუნქციონირებადი იუსტიციის საბჭო არ ეყოლებოდა. სწორედ ეს იყო რადიკალური ოპოზიციის ინტერესი და რატომ იზიარებს ამ ინტერესს სალომე ზურაბიშვილი, ჩვენთვის გაუგებარია; ცესკოს წევრების არჩევის წესის ცვლილება. საქართველოს პარლამენტმა შეამსუბუქა ცესკოს წევრების არჩევის უპრეცედენტო და აბსურდული წესი და ის შესაბამისობაში მოიყვანა საერთაშორისო სტანდარტებთან, რაზეც სალომე ზურაბიშვილთან წინასწარი კონსულტაციებიც გავიარეთ. ასეთ პირობებში, აშკარაა, რომ სალომე ზურაბიშვილის შესაბამისი განცხადება მხოლოდ პოლიტიკურადაა მოტივირებული; უზენაესი სასამართლოს 4 მოსამართლის არჩევა. ამ შემთხვევაშიც, კანდიდატების წარდგენა და არჩევა განხორციელდა საქართველოს კანონმდებლობის სრული დაცვით, რომელიც არა მხოლოდ სრულ შესაბამისობაშია ევროპულ სტანდარტებთან, არამედ, სირთულისა და გამჭვირვალობის თვალსაზრისით, ევროკავშირის წევრი ნებისმიერი ქვეყნის კანონმდებლობას უსწრებს. გვესმის, რომ რადიკალურ ოპოზიციას ქონდა პოლიტიკური ინტერესი, უზენაესი სასამართლო სრულად არ დაკომპლექტებულიყო და ფუნქციონირებაში სირთულეები შექმნოდა. თუმცა, რატომ იმეორებს რადიკალური ოპოზიციის მესიჯბოქსს სალომე ზურაბიშვილი, ესეც ჩვენთვის გაუგებარია; სახელმწიფო ინსპექტორის შესახებ კანონში შეტანილი ცვლილებები. საზოგადოებას შევახსენებთ, რომ სამსახური არ გაუქმებულა, არამედ ორ ნაწილად გაიყო, რაც არასამთავრობო ორგანიზაციების რეკომენდაციებს სრულად შეესაბამებოდა. აქედან გამომდინარე, ინსტიტუციურად არათუ არაფერი გაუარესებულა, არამედ, პირიქით, სისტემა, უფრო რაციონალურად მოწესრიგდა. პრეზიდენტს სიტყვაც არ დაუძრავს იმის შესახებ, რომ ორი ასეთი სამსახურის ერთად არსებობის პრეცედენტი მსოფლიოში არ ფიქსირდება. შესაბამისად, კრიტიკა ამ შემთხვევაში სრულად არის საფუძველს მოკლებული; გვარამიას „უდროო“ დაკავება. ამაზე რაიმე სერიოზულ კომენტარს ვერ გავაკეთებთ. როდესაც საქართველოს პრეზიდენტის სტატუსის მქონე პირი პირდაპირ მიანიშნებს, რომ ხელისუფლებას სასამართლოს საქმიანობაში პოლიტიკური ჩარევა უნდა განეხორციელებინა, ეს, რა თქმა უნდა, ვერავითარ კრიტიკას ვერ უძლებს; მიყურადების კანონის მიღება. საზოგადოებას განვუმარტავთ, რომ ამ კანონის მეორე მოსმენით განხილვა გადავდეთ 2 კვირით, რათა ოპოზიციას, ენჯეოებს და საერთაშორისო პარტნიორებს კანონის წინააღმდეგ არგუმენტები წარმოედგინათ. თუმცა, ვერცერთმა მათგანმა ამგვარი არგუმენტები, ვერცერთი არგუმენტი ვერ წარმოადგინა. მეტიც, მეორე მოსმენის დროს, პარლამენტის სხდომაზე ოპოზიციის არცერთი წარმომადგენელი სიტყვითაც კი არ გამოსულა. ასეთ დროს, პარლამენტს სხვა არაფერი დარჩენოდა, თუ არა მიეღო კანონი, რომელიც სრულ შესაბამისობაშია საერთაშორისო სტანდარტებთან. ამგვარად, სალომე ზურაბიშვილმა ვერ წარმოადგინა ვერცერთი არგუმენტი ე.წ. დემოკრატიული უკუსვლის შესახებ ნაციონალური მოძრაობისა და მისი სატელიტების მესიჯის გასამყარებლად. დემოკრატიული უკუსვლა არის ე.წ. აღქმა, რომლის უკანაც არავითარი ფაქტი არ დგას. ფაქტები კი არის ის, რომ მმართველი პარტიის ნაბიჯების წყალობით, დასრულდა ხელოვნური პოლიტიკური კრიზისი, სათანადოდ მუშაობს ყველა სამართალდამცავი სტრუქტურა, სრულად და სათანადოდ არის დაკომპლექტებული უზენაესი სასამართლო და იუსტიციის უმაღლესი საბჭო, საქართველოში დღესაც მოქმედებს გენერალური პროკურორისა და ცესკოს წევრების არჩევის წესი, რომელიც სრულ შესაბამისობაშია საერთაშორისო სტანდარტებთან, ინსტიტუციურად გამართულად ფუნქციონირებს პერსონალურ მონაცემთა დაცვისა და სახელმწიფო ინსპექტორის სამსახურები, კრიმინალები იხდიან სასჯელს, ორნიშნა ტემპით იზრდება საქართველოს ეკონომიკა, ქვეყანაში არის მშვიდობა და სტაბილურობა. ეს არის ის, რაც არ მოსწონთ რადიკალურ ოპოზიციას და მის ლობისტებს, მაგრამ რაც მოგვწონს ჩვენ და რაც მთავარია, მოსწონს საქართველოს მოსახლეობას. რატომ არ მოსწონს ეს სალომე ზურაბიშვილს, ამის ახსნა საზოგადოებისთვის მიგვინდია. რაც შეეხება უკრაინის, სანქციებისა და მეორე ფრონტის თემას: სალომე ზურაბიშვილმა გუშინ ლოიალურად შეაფასა უკრაინის ხელისუფლების წარმომადგენლების განცხადებები იმის შესახებ, რომ საქართველოში უნდა გაიხსნას მეორე ფრონტი და უკრაინელი ქალებისა და ბავშვების გარდა, ქართველი ქალები და ბავშვებიც უნდა იხოცებოდნენ. ეს არის მაგალითად დანილოვის ცნობილი ციტატა. ამასთან, აღნიშნა, რომ უკრაინის ხელისუფლების უმაღლესი წარმომადგენლების ნებისმიერი ასეთი განცხადება უპასუხოდ უნდა დავტოვოთ. სალომე ზურაბიშვილის ამ განცხადებაზე რაიმე კომენტარის გაკეთება საჭიროდ არც მიგვაჩნია; ორიოდე კვირის წინ, საპარლამენტო დებატების დროს, ოპოზიციამ ერთმანეთისგან ვერ გაარჩია სანქციები და სანქციებისთვის გვერდის არავლის მექანიზმები. ის, რაზეც მაშინ ოპოზიციას სამართლიანად დასცინეს, ახლა სამწუხაროდ სალომე ზურაბიშვილმა გაიმეორა; საქართველოს პრეზიდენტმა აღნიშნა, რომ მეორე ფრონტის თემა მოგონილია. როგორც მან განაცხადა, ვციტირებ, „მეორე ფრონტის რისკი, საფრთხე არ არსებობს“. ყველაფერს რომ თავი დავანებოთ, სალომე ზურაბიშვილს შევახსენებთ, რომ საქართველოს ტერიტორიების 20 პროცენტი ოკუპირებულია, ხოლო თბილისიდან 40 კილომეტრში, არა ნატოს, არამედ რუსეთის ჯარი დგას. რუსეთისთვის სანქციები რომ დაგვეწესებინა და უკრაინაში მოხალისეებით სავსე თვითმფრინავი გაგვეშვა, ახლა მეორე ფრონტი უკვე დამდგარი შედეგი იქნებოდა. ვინ ითხოვდა ამ ნაბიჯების გადადგმას, სალომე ზურაბიშვილს შეუძლია კარგად მოიკითხოს. აღარაფერს ვამბობთ რადიკალური ოპოზიციის, მისი კუთვნილი ტელევიზიების, ენჯეოებისა და ცალკეული უცხოელი პარტნიორების რიტორიკაზე, რომელიც ქართულ საზოგადოებაში ამ აზრის მომწიფებას ისახავდა მიზნად. სალომე ზურაბიშვილს გვინდა ვუთხრათ, ვინმეს თუ უნდა საქართველოში მეორე ფრონტის გახსნა, ამას მას არავინ ეტყვის, რადგან საქართველოს კონსტიტუციის მიხედვით, პრეზიდენტს მეორე ფრონტის გახსნის არავითარი ბერკეტი არა აქვს, საბედნიეროდ. ბოლოს, შევეხებით ხვალისთვის დაანონსებული აქციის თემას. ამ აქციის კონტექსტში, საქართველოს პრეზიდენტმა მოგვიწოდა ერთიანობისკენ „ომის პარტიასთან“, როგორც მას თავადვე უწოდა - რადიკალურ ოპოზიციასთან, რომელიც თავადვე სახელმწიფოს საწინააღმდეგო კამპანიაში ამხილა, რაც, რბილად რომ ვთქვათ, არასერიოზულია. ყველამ ძალიან კარგად იცის, მათ შორის ევროპაშიც, რომ ევროინტეგრაციას საქართველოში მოსახლეობის 85 პროცენტი უჭერს მხარს და ამ ფაქტობრივ მოცემულობას ხვალინდელი მოუმზადებელი აქცია მხოლოდ დააკნინებს. გარდა ამისა, ევროკავშირმა გადაწყვეტილება უნდა მიიღოს სამართლიანობის პრინციპით, საქართველოს, უკრაინისა და მოლდოვის მიღწევების შეფასების საფუძველზე. სამართლიანი შეფასების პირობებში კი, საქართველოსთვის კანდიდატის სტატუსის მინიჭებას ალტერნატივა არა აქვს. დაველოდებით ევროკავშირის გადაწყვეტილებას. გვაქვს რწმენა, რომ გაიმარჯვებს სიმართლე და სამართლიანობა, რაც ის ღირებულებებია, რომლებსაც ევროკავშირი შექმნის დღიდან დაეფუძნა.

09 ივნისი, 2022

როგორც მოგეხსენებათ, დღეს ევროპარლამენტმა მიიღო რეზოლუცია საქართველოს საკითხზე. კამპანიამ, რომელიც 2012 წლიდან წარმოებს კრიმინალების დასაცავად და ამ კრიმინალების ხელისუფლებაში დასაბრუნებლად, ევროკავშირის ერთ-ერთ უმაღლეს ინსტიტუტამდე - ევროპარლამენტამდე მიაღწია, რაც ძალიან სამწუხარო და შემაშფოთებელია. უაღრესად შემაშფოთებელია, როდესაც თანამედროვე სამყაროს ერთ-ერთი უმთავრესი სენის, ე.წ. „ფეიკის“ მსხვერპლი ევროკავშირის ასეთი მაღალი რანგის ინსტიტუტიც კი ხდება. პირველ რიგში, შევეხებით არაერთ შედარებით მეორეხარისხოვან ფაქტობრივ უზუსტობასა და ტყუილს, რომელიც კამპანიის მონაწილეებმა ევროპარლამენტის რეზოლუციაში შეაპარეს. მაგალითისათვის, რეზოლუციაში ვკითხულობთ, რომ ხელისუფლება დღემდე უარს ამბობს მიხეილ სააკაშვილის კერძო კლინიკაში გადაყვანაზე, როდესაც სააკაშვილი დღესაც სწორედ კერძო კლინიკაში იმყოფება. ასევე, რეზოლუციაში ვკითხულობთ, რომ ლექსო ლაშქარავა 5 ივლისს მიყენებული დაზიანებების შედეგად გარდაიცვალა, როდესაც გარდაცვალების რეალური მიზეზი საზოგადოებისთვის კარგად არის ცნობილი. 2012 წლიდან დღემდე, საქართველოს პარლამენტის მიერ მიღებულ არცერთ რეზოლუციაში და ოფიციალურ დოკუმენტში არცერთი მსგავსი ტყუილი არ გაპარულა. როდესაც კონკრეტული პირები ახერხებენ, ევროპარლამენტის რეზოლუციაში ესოდენ უხეში ფაქტობრივი უზუსტობები და ტყუილები შეაპარონ, ეს უკიდურესად შემაშფოთებელია. ევროპარლამენტის რეზოლუცია, ძირითადად, აგებულია 5 ივლისის მოვლენების აღწერაზე. როგორც მოგეხსენებათ, საქართველოს ხელისუფლებამ არაერთგზის დაგმო ძალადობა ჟურნალისტებზე, რომელიც იყო სრულიად უპრეცედენტო მოვლენა დამოუკიდებელი საქართველოს 30-წლიან ისტორიაში. 2004-12 წლებში ხელისუფლება ძალადობდა ამ ფორმით ჟურნალისტებზე, თუმცა, რიგითი მოქალქეების მხრიდან ჟურნალისტებზე ძალადობა არც მანამდე და არც მას შემდეგ არ დაფიქსირებულა. სამწუხაროდ, რეზოლუციაში არ არის განმარტებული, რომ გამოძიება დაიწყო 12 სისხლის სამართლის საქმეზე, რის შედეგადაც 31 ადამიანი იქნა დაკავებული ან დაპატიმრებული, რაც, არ გვგონია, რეზოლუციის მხოლოდ ტექნიკური ნაკლოვანება იყოს. 5 ივლისის თემაზე რეზოლუციაში ვკითხულობთ კიდევ ერთ მცდარ ინფორმაციას იმასთან დაკავშირებით, რომ, თითქოს, 5 ივლისის შემდეგ საქართველოში ჟურნალისტებზე თავდასხმებმა უპრეცედენტო მასშტაბებს მიაღწია. სამწუხაროა, როდესაც ევროპარლამენტის მიერ რეზოლუციის მიღებამდე ამგვარი ფაქტების გადამოწმება არ ხდება. მაგალითისათვის, საქართველოს პარლამენტი და მისი აპარატი სრულიად სხვა სტანდარტით მუშაობს. ნებისმიერი დოკუმენტის დამტკიცებამდე, პარლამენტის აპარატი ყველა ფაქტობრივ გარემოებას ამოწმებს და პარლამენტს თავის დასკვნას სათანადო პროფესიული პასუხისმგებლობით წარუდგენს. მსუბუქად ნამდვილად ვერ გამოვეხმაურებით ევროპარლამენტის რეზოლუციის იმ ნაწილს, რომელიც საქართველოს ხელისუფლებას „ჰუმანიტარული მოტივით“ მიხეილ სააკაშვილის საზღვარგარეთ გადაყვანისა და ნიკა გვარამიას განთავისუფლებისკენ მოუწოდებს. განსაკუთრებით შემაშფოთებელია, როდესაც ამგვარ მოწოდებებს ვკითხულობთ რეზოლუციაში, რომელიც მედიის თავისუფლებასა და ადამიანის უფლებებს ეხება. ღმერთმა დაიფაროს საქართველო და ევროკავშირის თითოეული ქვეყანა მედიის თავისუფლებისა და ადამიანის უფლებების იმ სტანდარტისგან, რომელიც 2004-12 წლებში სააკაშვილმა და გვარამიამ დაამკვიდრეს. გამაოგნებელია, როდესაც ევროპარლამენტი მედიის თავისუფლებასთან დაკავშირებულ რეზოლუციაში იმ ადამიანების განთავისუფლებისკენ მოგვიწოდებს, რომლებმაც საქართველოში მედიის თავისუფლება ფეხქვეშ გათელეს, რომლებმაც ყაჩაღურად მიიტაცეს ყველა ეროვნული მაუწყებელი და საქართველოში ნაციონალური მოძრობის სრული მედიამონოპოლია დაამყარეს, რომლებმაც ტელეკომპანია „იმედი“ დაარბიეს და შემდეგ ის მოროდიორულად კანონიერ მფლობელს წაართვეს, რომლებმაც სულ რაღაც ორიოდე წლის წინ ერთ-ერთი ტელეკომპანია 7 მილიონით გაძარცვეს. შეგახსენებთ, რომ სიცრუისა და სიძულვილის ყოველდღიური ტირაჟირებითა და მედიაში დამკვიდრებული ბილწსიტყვაობით, ეს ადამიანები დღემდე ფეხქვეშ თელავენ ყველაფერ ღირებულს, რასაც თავისუფალი მედია, როგორც საზოგადოების ინტერესების სამსახურში მყოფი დემოკრატიული ინსტიტუტი, განასახიერებს.  პარადოქსია, მაგრამ ფაქტია, რომ სააკაშვილის და გვარამიას განთავისუფლებისკენ მოწოდების ფონზე, ევროპარლამენტის რეზოლუცია პოლიტიკიდან გასულ ბიძინა ივანიშვილს ლამის ქართული დემოკრატიის მტრად აცხადებს და მის წინააღმდეგ სანქციების დაწესებას მოითხოვს. რამდენიმე მცირე შედარება: როგორც უკვე აღვნიშნეთ, სააკაშვილისა და გვარამიას დროს მედია ყაჩაღური ფორმით სრულად იქნა მონოპოლიზებული ხელისუფლების მიერ, პრაქტიკულად შეუძლებელი იყო ახალი ტელევიზიის დაფუძნება. 2012 წლიდან, საქართველოში ჩამოყალიბდა პლურალისტური მედიაგარემო. მოქმედებს 14 ეროვნული ტელემაუწყებელი, მათ შორის ნაციონალური მოძრაობის კუთვნილი 3 ტელევიზია, რომელიც სააკაშვილის რეჟიმის მიერ 2004-12 წლებში ხალხისთვის წართმეული, ნაძარცვი ფულით ფინანსდება. ფუნქციონირებს ათეულობით სხვა, მათ შორის ოპოზიციური ტელევიზია თუ უამრავი დამოუკიდებელი მედიასაშუალება. ახალი ტელევიზიის დაფუძნება, პრაქტიკულად, რამდენიმე დღეში არის შესაძლებელი. აღარავინ იჭრება ტელევიზიებში და ჟურნალისტებს აქვთ მოვლენების გაშუქების სრული თავისუფლება. ეს არის მიღწევები, რომლებიც საქართველოს და ქართულ დემოკრატიას ბიძინა ივანიშვილმა სააკაშვილის რეჟიმის დამარცხების შემდეგ მოუტანა; 2012 წლამდე საქართველოს ციხეებში 25 ათასი პატიმარი იყო და წელიწადში საშუალოდ 150 პატიმარი იღუპებოდა. 2012 წლიდან, პატიმრების რაოდენობა ორნახევარჯერ, ხოლო სიკვდილიანობა 12-ჯერ შემცირდა, რაც სააკაშვილის რეჟიმის მიერ დამკვიდრებული წამების, გაუპატიურებისა და არაადამიანური მოპყრობის სისტემური პრაქტიკის აღკვეთის შედეგია. ეს არის მიღწევები, რომლებიც საქართველოს და ქართულ დემოკრატიას ბიძინა ივანიშვილმა სააკაშვილის რეჟიმის დამარცხების შემდეგ მოუტანა; 2012 წლამდე, სასამართლო სააკაშვილის კრიმინალური რეჟიმის ერთ-ერთ უმთავრეს რეპრესიულ ინსტრუმენტად იყო ქცეული. 2012 წლიდან, სასამართლო სისტემაში პირველივე წლებში 6-ჯერ გაიზარდა გამამართლებელი განაჩენების რაოდენობა, 3-ჯერ შემცირდა წინასწარი და ადმინისტრაციული პატიმრობის შეფარდების, ხოლო 2-ჯერ – საგამოძიებო მოქმედებებზე ბრალდების შუამდგომლობის დაკმაყოფილების მაჩვენებელი. 5-ჯერ შემცირდა შეფარდებული ჯარიმის, ხოლო 18-ჯერ – გირაოს თანხის საერთო ოდენობა. პირველივე წლებში, 11-ჯერ შემცირდა სტრასბურგის სასამართლოში საქართველოდან გაგზავნილი სარჩელების რაოდენობა. მხოლოდ ეს სტატისტიკაც საკმარისია იმის მტკიცებულებად, რომ საქართველოს სასამართლო სისტემაში 2012 წლის შემდეგ მდგომარეობა არა მხოლოდ რადიკალურად გაუმჯობესდა, არამედ სააკაშვილისა და ადეიშვილის სასამართლოს ყველა სისტემური პრობლემა აღმოიფხვრა. ეს არის მიღწევები, რომლებიც საქართველოს და ქართულ დემოკრატიას ბიძინა ივანიშვილმა სააკაშვილის რეჟიმის დამარცხების შემდეგ მოუტანა; სააკაშვილმა საქართველოს ტერიტორიების 20 პროცენტი და სტრატეგიული ეკონომიკური ობიექტების დიდი ნაწილი რუსეთს გადასცა. საქართველოში რუსეთის ექსპანსიის პროცესი მხოლოდ 2012 წელს, ბიძინა ივანიშვილის მიერ სააკაშვილის რეჟიმის დამარცხების შემდეგ შეჩერდა. ესეც არის ფუნდამენტური მიღწევა, რომელიც საქართველოს ბიძინა ივანიშვილმა სააკაშვილის რეჟიმის დამარცხების შემდეგ მოუტანა; სწორედ ბიძინა ივანიშვილის მიერ სააკაშვილის რეჟიმის დამარცხების შემდეგ განახლდა საქართველოს ინტეგრაცია დასავლურ სტრუქტურებში: ხელი მოეწერა ასოცირების შეთანხმებასა და თავისუფალი ვაჭრობის შეთანხმებას ევროკავშირთან, მივიღეთ უვიზო მიმოსვლის რეჟიმი, შეიქმნა ნატოს ერთობლივი საწვრთნელი ცენტრი, განხორციელდა უამრავი რეფორმა, რომელთა წყალობითაც დღეს საქართველო წინ უსწრებს უკრაინას, მოლდოვას და ევროკავშირის წევრ თუ წევრობის კანდიდატ არაერთ ქვეყანასაც კი დემოკრატიისა და სამართლის უზენაესობის, კორუფციასთან ბრძოლის, ევროკავშირთან ვაჭრობისა და ეკონომიკური თანამშრომლობის თვალსაზრისით. ეს არის იმ მიღწევების მხოლოდ მცირე ჩამონათვალი, რომელიც ბიძინა ივანიშვილის სახელს უკავშირდება. როდესაც პოლიტიკიდან გასულ ადამიანს ევროპარლამენტის რეზოლუცია პოლიტიკაში ჩართულობას ყოველგვარი არგუმენტისა და მტკიცებულების გარეშე ედავება, ეს ცალკე პრობლემაა. თუმცა, თეორიულად რომც დავუშვათ, რომ ბიძინა ივანიშვილი ჩართულია პოლიტიკაში, გაუგებარია, რას ედავებიან მას ადამიანები, რომლებიც საკუთარ თავს საქართველოს კეთილმოსურნეებს უწოდებენ. ფაქტია და სინამდვილეში მათაც ძალიან კარგად იციან, რომ ბიძინა ივანიშვილის დამსახურებით, საქართველომ 2012 წლის შემდეგ დემოკრატიის, ადამიანის უფლებებისა და მედიის თავისუფლების მიმართულებით მხოლოდ პროგრესი, თანაც ფუნდამენტური პროგრესი განიცადა. ერთადერთი, რასაც ივანიშვილს საქართველოს „კეთილმოსურნე“ შეიძლება ედავებოდეს, ის შეიძლება იყოს, რომ საქართველოს ხელისუფლებამ რუსეთს სანქციები არ დაუწესა და ამით საკუთარი ქვეყანა და ხალხი არ დასაჯა. საქართველოს „კეთილმოსურნეებს“, ალბათ, აღიზიანებთ ის ფაქტი, რომ მთელ მსოფლიოში არსებული უმძიმესი ეკონომიკური პრობლემების ფონზე, საქართველოში შარშანაც და მიმდინარე წლის იანვარ-აპრილშიც 10 პროცენტზე მაღალი ეკონომიკური ზრდა დაფიქსირდა. საქართველოს „კეთილმოსურნეებს“ შეიძლება არ მოსწონთ, რომ საქართველოში კანონი კანონობს და არაჟნის კონტეინერით ქვეყანაში შემოპარული სააკაშვილიც და ტელეკომპანიის 7 მილიონით გამძარცველი გვარამიაც დღეს კუთვნილ ადგილას იმყოფებიან. საქართველოს „კეთილმოსურნეებს“ შეიძლება არ მოსწონთ, რომ საქართველო სრულიად საბედისწერო და ფატალურ ომში არ ჩაერთო და ქვეყანა არავის გაანადგურებინა. თუმცა, რაც არ მოსწონთ კრიმინალების მფარველებს, მოსწონს ქართველ ხალხს - ეს არის მშვიდობა, სამართლის უზენაესობა და ეკონომიკური განვითარება. ვისაც ეს არ მოსწონს, საქართველოს მეგობრად და კეთილმოსურნედ ნამდვილად ვერ იწოდება. რეზოლუციას, რომელიც ქართული დემოკრატიისა და მედიის თავისუფლების მტრების - სააკაშვილისა და გვარამიას განთავისუფლებისკენ მოგვიწოდებს და ბიძინა ივანიშვილს, რომელიც პოლიტიკიდან დღეს სრულად არის დისტანცირებული და რომელმაც ქართველ ხალხს 2012 წელს დემოკრატია, მედიის თავისუფლება და მედიაპლურალიზმი დაუბრუნა, ქართული დემოკრატიის ლამის მთავარ პრობლემად აცხადებს და მის სანქციერებას ითხოვს , არაფერი აქვს საერთო ევროპულ ღირებულებებთან და ასეთ რეზოლუციას, პირდაპირ ვიტყვით, ჩალის ფასი აქვს. იმედი გვაქვს, როდესაც საქართველო, უკრაინა და მოლდოვა გავხდებით ევროკავშირის წევრი, იმ დროისათვის სხვაგვარი ევროპარლამენტი  დაგვხვდება . „ფეიკის“ გავლენისგან დაცული და  ჭეშმარიტი ევროპული ღირებულებების დამცველი ევროპარლამენტი, რომელსაც საკუთარი ობიექტური ინტერესების მიხედვით სუვერენულად მოქმედება შეეძლება. მტკიცებით ვერაფერს ვამტკიცებთ, მაგრამ დღევანდელი რეზოლუცია ამყარებს ცალკეული ექსპერტების მიერ გამოთქმულ ვარაუდს იმასთან დაკავშირებით, რომ ევროკავშირის წევრობის კანდიდატის სტატუსის გახმოვანებულ ვადაზე ადრე მოთხოვნის თემა საქართველოს არაკეთილმოსურნეებმა მოიგონეს, რათა ჩვენი ქვეყნისთვის და ხელისუფლებისთვის ხელოვნური სირთულეები შეექმნათ. ყველას გახსოვთ ოპოზიციის მიერ შექმნილი ხელოვნური აჟიოტაჟი ამ თემის გარშემო, როდესაც მათაც ძალიან კარგად იციან, რომ კანდიდატის სტატუსის მინიჭებას არც საქართველოსთვის და არც უკრაინისა და არც მოლდოვისთვის არავითარი პრაქტიკული შედეგი არა აქვს. ამასთან, ეს აჟიოტაჟი საეჭვოდ დაემთხვა ბაკურიანის შეკრებას, სადაც ცნობილი რევოლუციების ექსპერტი, პიტერ აკერმანი ნაციონალურ მოძრაობას, მის კუთვნილ პარტიებს, ტელევიზიებსა და ენჯეოებს ხელისუფლების გადატრიალებაში ატრენინგებდა. არ გამოვრიცხავთ, კანდადატის სტატუსის გარშემო აჟიოტაჟის შექმნაც ბაკურიანის შეკრებაზე იყოს გადაწყვეტილი. ოპოზიციის გათვლა მარტივია, რაზეც დღემდეც არაერთხელ მივაწოდეთ საზოგადოებას ინფორმაცია. მათი გათვლით, საქართველომ, უკრაინისგან და მოლდოვისგან განსხვავებით, არ უნდა მიიღოს კანდიდატის სტატუსი, რასაც უნდა მოყვეს საზოგადოების ნაწილის, განსაკუთრებით ახალგაზრდების მღელვარება და ნაციონალური მოძრაობის მიერ ხელისუფლების გადატრიალება. ამ ყველაფრის დასასრული კი საქართველოს ომში ჩართვაა, რისთვისაც ასე გულმოდგინედ იღწვიან მთელი ეს თვეები ნაციონალური მოძრაობა და მისი მფარველები. ევროპარლამენტის რეზოლუცია შეიძლება აღქმულ იქნეს როგორც ერთგვარი მინიშნება, რომ საქართველოს, უკრაინისა და მოლდოვისგან განსხვავებით, ევროკავშირის წევრობის კანდიდატის სტატუსი შეიძლება არ მიენიჭოს. ასე თუ მოხდება, ბუნებრივია, ეს იქნება სრულიად ალოგიკური და უსამართლო გადაწყვეტილება, რაზეც საქართველოში მშვიდობით, სამართლის უზენაესობითა და ეკონომიკური წინსვლით დაინტერესებულ ყველა ადამიანს თავისი რეაქცია ექნება. ჩვენ არ გავუსწრებთ მოვლენებს და დაველოდებით 23-24 ივნისს, როდესაც კანდიდატის სტატუსის შესახებ საბოლოო გადაწყვეტილება უნდა იქნეს მიღებული. გადაწყვეტილების შესაბამისად, საზოგადოებას მივაწვდით მეტ ინფორმაციას კანდიდატის სტატუსის გარშემო განვითარებული კულუარული მოვლენებისა და შესაბამისი პირადი საუბრების შესახებ.

06 ივნისი, 2022

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა უმრავლესობის წევრებმა მიმდინარე სასესიო კვირის პლენარულ სხდომებზე განსახილველ საკითხებზე იმსჯელეს. 7 ივნისს, ეროვნული ბანკის საბჭოს წევრად ნათია თურნავას კანდიდატურა განიხილება, რომელსაც საპარლამენტო უმრავლესობა მხარს დაუჭერს. 8 ივნისს, დეპუტატების წინაშე წლიური ანგარიშით წარდგება პარლამენტის თავმჯდომარე შალვა პაპუაშვილი. 9 ივნისს, „მინისტრის საათის“ ფორმატში პარლამენტი თავდაცვის მინისტრს ჯუანშერ ბურჭულაძეს მოუსმენს. სხდომაზე განიხილავენ ასევე ნაციონალური მოძრაობის წევრის ზაალ უდუმაშვილისთვის საკუთარი განცხადების საფუძველზე უფლებამოსილების შეწყვეტის საკითხს. პლენარულ სხდომებზე განიხილება სხვადასხვა კანონპროექტები.

30 მაისი, 2022

როგორც მოგეხსენებათ, რადიკალური ოპოზიცია კვლავაც განაგრძობს საჯაროდ საუბარს იმაზე, რომ საქართველო ევროკავშირის წევრობის კანდიდატის სტატუსს არ იმსახურებს. როგორც ცნობილია, იგივე გზავნილით ესაუბრებიან ისინი უცხოელ კოლეგებსაც. მათი მიზანი და გათვლა მარტივია: ივნისის ბოლოს საქართველომ, მათი გათვლით უკრაინისგან და მოლდოვისგან განსხვავებით, არ უნდა მიიღოს ევროკავშირის წევრობის კანდიდატის სტატუსი, რასაც, მათი გეგმის მიხედვით, მოჰყვება საზოგადოების მღელვარება, ნაციონალური მოძრაობისა და მისი სატელიტების მიერ ხელისუფლების გადატრიალება და ომში საქართველოს ჩართვა. ყველას კარგად მოეხსენება, რომ ევროკავშირს საქართველოსთვის კანდიდატობაზე უარის თქმის არავითარი მიზეზი არა აქვს, მით უმეტეს, იმ შემთხვევაში, თუ კანდიდატის სტატუსს უკრაინასა და მოლდოვას მიანიჭებს. შეგახსენებთ, რომ საქართველომ სწორედ ჩვენი ხელისუფლების პირობებში მიაღწია ყველა ხელშესახებ შედეგს ევროკავშირთან ინტეგრაციის მიმართულებით. სწორედ „ქართული ოცნების“ ხელისუფლების პირობებში, მოვაწერეთ ხელი ასოცირების შეთანხმებასა და თავისუფალი ვაჭრობის შეთანხმებას ევროკავშირთან და მივიღეთ უვიზო მიმოსვლის რეჟიმი. საქართველო ყველა შესაბამისი პარამეტრით წინ უსწრებს ორივე აპლიკანტ ქვეყანას, რასაც ვერავინ უარყოფს. მათ შორის, საქართველოს უკვე შესრულებული აქვს ასოცირების შეთანხმებით გათვალისწინებული ვალდებულებების 45 პროცენტი, რაც უპრეცენდენტო შედეგია. ამ მონაცემებით, საქართველო არა მხოლოდ უკრაინასა და მოლდოვას, არამედ უკვე კანდიდატის სტატუსის მქონე ზოგიერთ ქვეყანასაც კი უსწრებს. გარდა ამისა, კანდიდატის სტატუსის მინიჭებით, ევროკავშირს საქართველოზე არ ეხარჯება არცერთი ევროთი მეტი. როგორც მოგეხსენებათ, კანდიდატის სტატუსი ევროკავშირს საქართველოსთვის არავითარი დამატებითი დაფინანსების გამოყოფის ვალდებულებას არ აკისრებს. ასევე, ევროკავშირი არ იღებს არავითარ ვალდებულებას, კანდიდატი ქვეყანა ევროკავშირში სტატუსის მინიჭებიდან რაიმე კონკრეტულ ვადაში გააწევრიანოს. როგორც მოგეხსენებათ, თურქეთს 23 წლის წინ მიენიჭა კანდიდატის სტატუსი, თუმცა, ევროკავშირში მისი გაწევრიანების საკითხი ამ ეტაპზე საერთოდ არ დგას დღის წესრიგში. ჩრდილოეთ მაკედონიას 17 წლის წინ, მონტენეგროს 12 წლის წინ, სერბეთს 10 წლის წინ, ხოლო ალბანეთს - 8 წლის წინ მიენიჭა კანდიდატის სტატუსი. ამასთან, გაწევრიანებაზე ოფიციალური მოლაპარაკებები მათგან დღეს მხოლოდ სერბეთთან და მონტენეგროსთან წარმოებს. რამდენიმე დღის წინ, საფრანგეთის ევროპულ საქმეთა მინისტრმა უკრაინასთან დაკავშირებით საჯაროდ განაცხადა, რომ ევროკავშირში მის გაწევრიანებას 10-15 წელი მაინც დასჭირდება. იმ პირობებში, როდესაც კანდიდატის სტატუსი ევროკავშირს არც დაფინანსების და არც გაწევრიანების კუთხით არავითარ ვალდებულებას არ აკისრებს, გაუგებარია, რატომ უნდა უთხრას მან საქართველოს სახელმწიფოს და ქართველ ხალხს უარი ამ სტატუსზე, როდესაც ჩვენი ქვეყანა და ხელისუფლება გამორჩეულია გაწევრიანებასთან დაკავშირებული ვალდებულებების შესრულების თვალსაზრისითაც. ევროკავშირის მხრიდან საქართველოსთვის, უკრაინისთვის და მოლდოვისთვის ევროკავშირის წევრობის კანდიდატის სტატუსის მინიჭება, ბუნებრივია, მნიშვნელოვანი პოლიტიკური გზავნილი იქნება ორი თვალსაზრისით: პირველი, ამით, ევროკავშირი გამოხატავს სოლიდარობას სამი ქვეყნის მიმართ, რომლის ტერიტორიები რუსული ოკუპაციის ქვეშაა; და მეორე, კანდიდატის სტატუსის მინიჭებით, ევროკავშირი აცხადებს, რომ არ ეშინია რუსული რეაქციის და პრინციპულ პოზიციას ავლენს სამი ქვეყნის მხარდაჭერის საკითხში. რისთვის შეიძლება უღირდეს ევროკავშირს ამის საპირისპირო გზავნილის გაჟღერება, სრულიად გაუგებარია. ეს არის კიდევ ერთი მიზეზი იმისა, რატომაც ევროკავშირის უარი კანდიდატის სტატუსზე სრულიად ალოგიკური იქნებოდა. ევროკავშირის მხრიდან ეს იქნებოდა ზუსტად ისეთივე ალოგიკური გადაწყვეტილება, როგორიც უკრაინის ხელისუფლების მიერ საქართველოდან ელჩის გაწვევა იყო. საუბარი იმაზე, რომ ევროკავშირმა საქართველოს კანდიდატობაზე უარი ერთი სახელმწიფოზე გადამტერებული და ეკლესიის მაგინებელი კრიმინალის გამო შეიძლება უთხრას, რომელიც 9-წლიანი დანაშაულებრივი რეჟიმის ერთ-ერთი მთავარი შემოქმედი და იდეოლოგი იყო, რომელიც ქართული პოლიტიკის პოლარიზაციაში საკვანძო როლს ასრულებს და რომელმაც ტელეკომპანია „რუსთავი 2“ 7 მილიონით გაძარცვა, უბრალოდ, ღიმილისმომგვრელია და ეს ვერსია სერიოზულ განხილვას არ ექვემდებარება. აქვე იმასაც შეგახსენებთ, რომ უკრაინაში წინა ორ პრეზიდენტზეა აღძრული სისხლის სამართლის საქმე. მოლდოვაში კი, წინა პრეზიდენტზე სისხლის სამართლის საქმე მას შემდეგ აღძრეს, რაც მოლდოვამ ევროკავშირის წევრობის კანდიდატობაზე განაცხადი შეიტანა. ამასთან, მოლდოვის ყოფილი პრეზიდენტი საქმის აღძვრიდან რამდენიმე დღეში დააპატიმრეს კიდეც. ყველამ ძალიან კარგად იცის, რომ სააკაშვილი და გვარამია ბევრად უფრო მძიმე დანაშაულებში არიან მხილებული თუ ბრალდებული, ვიდრე პეტრო პოროშენკო, ვიქტორ იანუკოვიჩი ან იგორ დოდონი. ამის მიუხედავად, „ომის პარტია“ და მისი უცხოელი ლობისტები, რატომღაც, იმედს არ კარგავენ და აქტიურად იბრძვიან იმისათვის, რომ საქართველომ კანდიდატის სტატუსი არ მიიღოს. როგორც უკვე აღვნიშნეთ, რადიკალებისა და მათი უცხოელი ლობისტების გათვლა მარტივია, საქართველომ არ უნდა მიიღოს კანდიდატის სტატუსი, ამას უნდა მოყვეს საზოგადოების მღელვარება, ნაციონალური მოძრაობის მიერ ხელისუფლების გადატრიალება და საქართველოს ომში ჩართვა. საზოგადოებას ვაძლევთ პირობას, რომ ბაკურიანის შეკრების ორგანიზატორებისა და მონაწილეების, ახალი შულავერის კომიტეტის, ომისა და ღალატის პარტიის ეს სცენარი საქართველოში ვერ განხორციელდება და ზუსტად ისევე ჩაიშლება, როგორც მათ ხელისუფლების გადატრიალების ყველა წინა მცდელობა ჩაეშალათ.საქართველო არის სახელმწიფო და მას ჰყავს ხელისუფლება, რომელიც ჩვენს ქვეყანაში არც არეულობას და არც ომს არ დაუშვებს. ყველას, ვისაც საპირისპირო მიზნები აქვს, საზოგადოებისა და ხელისუფლების მხრიდან საკადრისი პასუხი გაეცემა.

23 მაისი, 2022

„ქართული ოცნების" ცენტრალურ ოფისში საპარლამენტო უმრავლესობის სხდომა გაიმართა. უმრავლესობის წევრებმა მიმდინარე კვირის პლენარულ სხდომებზე განსახილველ საკითხებზე იმსჯელეს. 24 მაისს, მიმდინარე კანონპროექტების განხილვასთან ერთად, ოპოზიციის მოთხოვნით გაიმართება დებატები საქართველოს ევროპულ და ევროატლანტიკურ სტრუქტურებში ინტეგრაციის საკითხთან დაკავშირებით. 25 მაისს, მინისტრის საათის ფორმატში, პარლამენტის წინაშე წარდგება რეგიონული განვითარებისა და ინფრასტრუქტურის მინისტრი. 27 მაისს, პარლამენტის წინაშე ინტერპელაციიის წესით მოხსენებით წარდგებიან საქართველოს პრემიერ-მინისტრი, საგარეო საქმეთა, ეკონომიკისა და მდგრადი განვითარების და იუსტიციის მინისტრები.

23 მაისი, 2022

უკრაინაში ომის დაწყების დღიდან, ჩვენ გვესმის რადიკალური ოპოზიციისა და მისი უცხოელი ლობისტების აბსტრაქტული კრიტიკა უკრაინის მიმართ საქართველოს ხელისუფლების პოზიციასთან დაკავშირებით. ისინი გამუდმებით აცხადებენ, რომ ხელისუფლება არ იკავებს სწორ პოზიციას. თუმცა, აბსტრაქტული კრიტიკის მიღმა, ჩვენ არ მოგვისმენია არცერთი არგუმენტი იმასთან დაკავშირებით, თუ კონკრეტულად რაში არ მოსწონთ საქართველოს ხელისუფლების პოზიცია უკრაინაში მიმდინარე ომთან მიმართებით. ერთადერთი კონკრეტული ქმედება, რომელიც ოპოზიციას ხელზე ჰქონდა დახვეული და რომელსაც თითქმის ერთი თვე ატრიალებდნენ, იყო განცხადება იმასთან დაკავშირებით, რომ სანქციები არ მუშაობს და ომს ვერ აჩერებს. თუმცა, ყველას კარგად გახსოვთ, რომ ანალოგიური შინაარსის განცხადებები მოგვიანებით მსოფლიოს მასშტაბით არაერთმა პოლიტიკურმა ლიდერმა გააკეთა. რადიკალური ოპოზიციის ზოგიერთი წარმომადგენელი არ მალავს და ღიად ამბობს, რომ საქართველოს ხელისუფლების მიერ მეორე ფრონტის არგახსნით არის უკმაყოფილო. თუმცა, ბევრია ისეთიც, რომელიც ამ აზრს ღიად არ აფიქსირებს. სანქციებთან დაკავშირებით ჩვენი პოზიცია ნათელია და კიდევ ერთხელ განვმარტავთ. ბუნებრივია, ისეთი სანქციების დაწესებას, რომლებიც რუსეთს ვერავითარ ზიანს ვერ მიაყენებდა, მაგრამ ჩვენს ქვეყანას და ხალხს უმძიმეს ტვირთად დააწვებოდა, არავითარი გამართლება არ ექნებოდა. საკუთარ ქვეყანას და ხალხს ჩვენ სანქციებს ვერ დავუწესებდით. შესაბამისად, სინამდვილეში, ერთადერთი, რაშიც არ გამოვხატეთ სოლიდარობა უკრაინელი ხალხის მიმართ, არის ის, რომ დღეს ქართველი ხალხიც იგივე მდგომარეობაში არ არის ჩავარდნილი. თუ რადიკალურ ოპოზიციას და მის ლობისტებს ის აღიზიანებს, რომ საქართველოში დღეს მშვიდობაა და ქვეყანას წლის პირველ კვარტალში 14,5-პროცენტიანი ეკონომიკური ზრდა ჰქონდა, ამაზეც ღიად უნდა ვისაუბროთ. ჩვენ გვგონია, რომ ყველა, ვინც უკმაყოფილებას გამოხატავს საქართველოს ხელისუფლების პოზიციით უკრაინასთან დაკავშირებით, სინამდვილეში მხოლოდ იმითაა უკმაყოფილო, რომ საქართველო ომში არ ერთვება. თუ რაღაცის თქმა გსურთ და ვერ ბედავთ, ყველანაირად დაგეხმარებით, რომ სათქმელი ღიად გამოხატოთ.ამიტომ, მივმართავთ რადიკალურ ოპოზიციას, საჯაროდ გამოვიდნენ და კონკრეტულად ჩამოწერონ, რა უნდა გაეკეთებინა და რას არ აკეთებს საქართველოს ხელისუფლება უკრაინის მხარდასაჭერად. საჯაროდ დასმულ კითხვებზე ჩვენც საჯაროდ გაგცემთ პასუხს. იგივეს ველით თქვენს მიერ დაქირავებული ლობისტებისგანაც. ჩვენთვის მნიშვნელობა არა აქვს, მათ ფულს უხდით თუ რაიმე სხვა ფორმით ემუშავებით. ვხედავთ, რომ უცხოელებსაც აქვთ უკმაყოფილების განცდა, რაზეც ისინი საჯაროდ თუ ოფიციალურ შეხვედრებზე ხშირად მიგვანიშნებენ. თუმცა, სამწუხაროდ, არგუმენტებს ვერც მათგან ვისმენთ. გვაინტერესებს, რატომ ჰგავს მათი და ნაციონალების რიტორიკა ერთმანეთს. შესაბამისად, კარგი იქნებოდა, მათაც ჩამოეთვალათ, რა უნდა გაგვეკეთებინა და რა არ გავაკეთეთ უკრაინის მხარდასაჭერად. ამ შემთხვევაში, ქართული საზოგადოება უკეთ გაიგებდა, რა არის მათი რეალური სურვილი და განზრახვა. ჩვენ ვიცით ოპონირების ფასი. უშეცდომო არავინაა და შეიძლება ჩვენც რაღაც გამოგვრჩა, რაღაც დავაკელით. მზად ვართ, მოვისმინოთ ნებისმიერი არგუმენტირებული შენიშვნა, ოღონდ არა აბსტრაქტული კრიტიკა ფაქტებისა და არგუმენტების გარეშე. საზოგადოებამ უნდა გაიგოს, რა უნდა ჩვენი ქვეყნისთვის ხელისუფლებას და რა გინდათ თქვენ. ნუ იქნებით იმის იმედად, რომ საზოგადოების გარკვეული ნაწილი, რომელიც მოვლენებს სიღრმისეულად ვერ აანალიზებს ან ემოციებს არის აყოლილი, მძევლად გყავთ აყვანილი. როგორც ხედავთ, ეს მოცემულობა თქვენს პოლიტიკურ წარმატებას მაინც ვერ განაპირობებს. ამიტომ, გთავაზობთ დისკუსიის ნებისმიერ გონივრულ ფორმატს, რომელიც საქმეში ყველაზე ჩაუხედავ ადამიანსაც კი გააგებინებს სიმართლეს. მოდით და არა ცარიელი სიტყვებით, არამედ ფაქტებითა და არგუმენტებით გვესაუბრეთ ჩვენ და ესაუბრეთ საზოგადოებას. გარდა ამისა, მოვუწოდებთ რადიკალურ ოპოზიციას, შეწყვიტონ აგიტაცია საქართველოს მიერ ევროკავშირში კანდიდატის სტატუსის მიღების წინააღმდეგ. ყველამ ძალიან კარგად იცის, რომ საქართველო უკლებლივ ყველა პარამეტრით უსწრებს უკრაინასა და მოლდოვას. შესაბამისად, დარჩენილია მხოლოდ პოლიტიკური გადაწყვეტილების მიღება ევროკავშირის მხრიდან. საქართველოს მიერ ევროკავშირის წევრობის კანდიდატის სტატუსის მიღების წინააღმდეგი შეიძლება იყოს მხოლოდ ის, ვისაც საქართველოში არეულობა და ჩვენი ქვეყნის ომში ჩართვა უნდა. შესაბამისად, მოვუწოდებთ რადიკალურ ოპოზიციას, ერთხელ მაინც გადადონ გვერდზე საკუთარი მანკიერი სუბიექტური პოლიტიკური ზრახვები და შეწყვიტონ აგიტაცია-პროპაგანდა საქართველოს წინააღმდეგ. დასასრულს, კიდევ ერთხელ მოვუწოდებთ რადიკალურ ოპოზიციას და მის ლობისტებს, წერილობით გაასაჯაროონ ფაქტებითა და არგუმენტებით გამყარებული შენიშვნების ჩამონათვალი, რომლებიც მათ უკრაინის საკითხის გარშემო საქართველოს ხელისუფლების პოზიციასთან დაკავშირებით აქვთ. წინააღმდეგ შემთხვევაში, საზოგადოებას უფლება ექნება საბოლოოდ დარწმუნდეს, რომ მათი კრიტიკა ცარიელი დემაგოგიაა და ვიწრო სუბიექტური ინტერესებით არის ნაკარნახევი. შენიშვნების გასაჯაროების შემდეგ, მზად ვართ, გავმართოთ მათთან საჯარო დისკუსია თითოეულ შენიშვნასთან დაკავშირებით.

17 მაისი, 2022

პირველ რიგში, გვინდა აღვნიშნოთ, რომ საერთოდ არ ვგეგმავდით ტელეკომპანია რუსთავი 2-ისთვის ფინანსური ზიანის მიყენების სასამართლო საქმის გარშემო რაიმე საგანგებო განცხადების გაკეთებას. კონკრეტულმა ადამიანებმა ჩაიდინეს კონკრეტული დანაშაული და მათ კანონის შესაბამისად შეეფარდათ სასჯელი სასამართლოს მხრიდან. მხოლოდ ის ფაქტი, რომ გვარამიაც და დამენიაც წინა ხელისუფლების მაღალჩინოსნები არიან და ამჟამად ოპოზიციურ პოლიტიკურ საქმიანობას აწარმოებენ, ვფიქრობთ, არ იძლევა საფუძველს, მედიის წინააღმდეგ ჩადენილ დანაშაულში მათი მხილების ფაქტს პოლიტიკური განცხადებით გამოვეხმაუროთ. იმთავითვე აღვნიშნავთ, რომ გვარამიას და დამენიას მიმართ დამდგარ განაჩენზე არც ახლა ვგეგმავთ საუბარს. ყურადღება გვინდა გავამახვილოთ მხოლოდ იმ ისტერიულ კამპანიაზე, რომელიც, ერთმნიშვნელოვნად, მართლმსაჯულების პოლიტიზების მცდელობად უნდა შეფასდეს. ვიდრე ამ მცდელობას შევაფასებდეთ, მინდა გაგახსენოთ ციტატა 20-ზე მეტი ე.წ. არასამთავრობო ორგანიზაციის განცხადებიდან სასამართლოს გადაწყვეტილებასთან დაკავშირებით: „როგორც სასამართლო პროცესის მიმდინარეობა, ასევე საბოლოოდ მიღებული შედეგი არ შეესაბამება სამართლიანი სასამართლოს მიერ მიღებული გადაწყვეტილების მოთხოვნებს და კიდევ უფრო მყარს ხდის ჩვენს ეჭვებს გადაწყვეტილების მიღების პროცესში ხელისუფლების უხეში ჩარევის შესახებ. ხაზგასმით აღვნიშნავთ, რომ მიღებული გადაწყვეტილება აზიანებს საქართველოს სამომავლო დემოკრატიული განვითარების პერსპექტივას, ზღუდავს მედიის თავისუფლებასა და პლურალისტულ მედია გარემოს და საფრთხეს უქმნის ქვეყნის ევროატლანტიკური ინტეგრაციის პროცესს“. ეს არის ციტატა სასამართლოს არა გუშინდელი განაჩენის, არამედ 2017 წლის გადაწყვეტილების შესახებ. მაშინაც, 5 წლის წინ, ნაციონალური მოძრაობა, მასთან დაკავშირებული ენჯეოები, მაშინდელი პრეზიდენტი, მაშინდელი სახალხო დამცველი და მათი უცხოელი ლობისტები აწარმოებდნენ ისტერიულ, სიცრუეზე და „ფეიკზე“ დაფუძნებულ კამპანიას რუსთავი 2-ის საქმესთან დაკავშირებით. ეს სიცრუე და „ფეიკი“ სტრასბურგის ადამიანის უფლებათა ევროპულმა სასამართლომ 2 წელიწადში ამხილა. მიუხედავად იმისა, რომ ნაციონალურმა მოძრაობამ ხელისუფლებაში ყოფნის პერიოდში რუსთავი 2 სრულიად ყაჩაღურად, მთელი საზოგადოების თვალწინ მიიტაცა, ეს პარტია და მისი პარტნიორები თუ ლობისტები უტიფრად და ურცხვად ამტკიცებდნენ, რომ სასამართლომ ტელეკომპანია კანონიერ მფლობელს უსამართლოდ დაუბრუნა. ანალოგიური უტიფარი და ურცხვი კამპანიის მომსწრეა საზოგადოება, სამწუხაროდ, დღესაც. შეგახსენებთ, რომ ქრონოლოგიურად სწორედ რუსთავი 2-ის საქმეს უკავშირდება კამპანიის დაწყება ქართული მართლმსაჯულების წინააღმდეგაც, რომელიც საბჭოური პროპაგანდის მეთოდების გამოყენებით და იარლიყების „მიწებებით“ დღემდე წარმოებს. გუშინდელი სასამართლო განაჩენის დეტალებზე საერთოდ არ გვსურს საუბარი. ყურადღებას გავამახვილებთ საქმის მხოლოდ ერთ გარემოებაზე. ნაციონალური მოძრაობის ფსევდო-იურისტები განაჩენის „აბსურდულობას“ ამტკიცებენ იმ ფაქტზე მითითებით, რომ გვარამიას ტელეკომპანიის ძარცვა მის მაშინდელ მფლობელებთან შეთანხმებული ჰქონდა. ეს არის სრულიად უსუსური არგუმენტი - როდესაც ტელეკომპანიის უკანონო მფლობელები და გენერალური დირექტორი კანონიერი მფლობელისთვის დასაბრუნებელი ტელეკომპანიის ძარცვაზე თანხმდებიან, ეს გენერალურ დირექტორს პასუხისმგებლობისგან, ბუნებრივია, ვერ გაათავისუფლებს. კიდევ ერთი ციტატა, ახლა უკვე სტრასბურგის სასამართლოს გადაწყვეტილებიდან სანდრო გირგვლიანის საქმეზე: „სასამართლო გაოგნებულია იმ შეთანხმებული ქმედებებით, რომლითაც ხელისუფლების სხვადასხვა შტოები მოქმედებდნენ, რათა ამ საშინელ მკვლელობის საქმეზე მართლმსაჯულება არ აღსრულებულიყო“. ეს ადამიანები უსამართლობის გარშემო კოორდინაციით ადრე ხელისუფლებაში ყოფნის დროს თუ გვაოგნებდნენ, ახლა ისინი ოპოზიციის რიგებიდან გვაოგნებენ. მართლაც გამაოგნებელია შეთანხმებული ქმედებები, რომლითაც ნაციონალური მოძრაობა და მისი სატელიტი პარტიები, მისივე კუთვნილი მედიასაშუალებები, ენჯეოები, სახალხო დამცველები და უცხოელი ლობისტები მოქმედებდნენ და მოქმედებენ, რათა არ აღსრულებულიყო მართლმსაჯულება ნაციონალური მოძრაობის მიერ რუსთავი 2-ის მიტაცების საქმეზე; რათა არ აღსრულდეს მართლმსაჯულება მიხეილ სააკაშვილის მიმართ სანდრო გირგვლიანის, ვალერი გელაშვილის, 7 ნოემბრის, ტელეკომპანია „იმედის“ და კორუფციის საქმეებზე; რათა არ აღსრულდეს მართლმსაჯულება ნიკა გვარამიას მიმართ რუსთავი 2-ის ძარცვის საქმეზე. შეგახსენებთ, რომ 2017 წლის ისტერიული კამპანიის ფონზე, სტრასბურგის სასამართლომ გამოიყენა დროებითი ზომა, რითაც ტელეკომპანია რუსთავი 2-ის კანონიერი მფლობელის საკუთრებაში დაბრუნება 2 წლით შეჩერდა. ამ გადაწყვეტილებამ გვარამიას მისცა შესაძლებლობა, ტელეკომპანია კიდევ რამდენიმე მილიონით გაეძარცვა. ამით, რადიკალურმა ოპოზიციამ, მაშინდელმა პრეზიდენტმა, მაშინდელმა სახალხო დამცველმა, ენჯეოებმა და უცხოელმა ლობისტებმა სტრასბურგის სასამართლო უხერხულ მდგომარეობაში ჩააყენეს. თუმცა, სასამართლოსთვის დღემდე ბოდიში არავის მოუხდია. როგორც უკვე აღვნიშნეთ, 2019 წელს, სტრასბურგის სასამართლომ სრულად დაადასტურა ქართული სასამართლოს გადაწყვეტილების მართლზომიერება, რითაც მან ნაციონალური მოძრაობისა და მისი პარტნიორებისა და ლობისტების მიერ წარმოებული კამპანია გააშიშვლა და ისინი სიცრუეში ამხილა. თუმცა, ამის შემდეგ მათ ბოდიში არ მოუხდიათ უზენაესი სასამართლოს 9 მოსამართლისთვის, აგრეთვე პირველი და მეორე ინსტანციის 4 მოსამართლისთვის, რომლებსაც 2 წლის მანძილზე უმძიმეს შეურაცხყოფას აყენებდნენ. შეგახსენებთ, რომ გვარამიას მხრიდან მოსამართლე თამაზ უთმელიძის სამარცხვინო „ბულინგი“ სტრასბურგის სასამართლომ საგანგებოდ დაგმო. სამწუხაროდ, ნაციონალურ მოძრაობას, მის სატელიტებს, ენჯეოებს, მარგველაშვილს და უცხოელ ლობისტებს 2019 წელს ბოდიში არ მოუხდიათ არც ქართული საზოგადოებისთვის იმის გამო, რომ სრულიად ურცხვი, უტიფარ სიცრუეზე აგებული კამპანია აკადრეს. ახლა კი, ზუსტად იგივე ადამიანები აწარმოებენ ახალ ისტერიულ კამპანიას იმისათვის, რომ რუსთავი 2-ის კანონიერმა მფლობელმა კუთვნილი 7 მილიონი ვერც ახლა დაიბრუნოს. ეს კამპანია ერთმნიშვნელოვნად უნდა შეფასდეს, როგორც სასამართლოზე ზეწოლის მცდელობა, რომელიც პოლიტიკური მოტივით არის ნაკარნახევი. შეგახსენებთ, რომ ჯერ კიდევ წინაა სასამართლო განხილვა სისხლის სამართლის საქმეზე აპელაციისა და კასაციის წესით, აგრეთვე სამოქალაქო დავა, რომლის საფუძველზეც ტელეკომპანია რუსთავი 2-მა უკანონოდ წართმეული 7 მილიონი უნდა დაიბრუნოს. ბუნებრივია, ნებისმიერ პოლიტიკურად მოტივირებულ ისტერიას და მოსამართლეების „ბულინგს“ მათ სამომავლო გადაწყვეტილებებზე გარკვეული გავლენის მოხდენა შეუძლია. შესაბამისად, ამ „ბულინგს“ სათანადო პასუხი უნდა გაეცეს. ყველამ ძალიან კარგად იცის, რა მოვლენები ვითარდებოდა ტელეკომპანია რუსთავი 2-ის გარშემო გასული წლების განმავლობაში. ტელეკომპანია ჯერ კანონიერ მფლობელს წაართვეს, შემდეგ კი, როცა მიხვდნენ, რომ სასამართლო მას უსათუოდ კანონიერ მფლობელს დაუბრუნებდა, გაძარცვეს და სტრასბურგის სასამართლოს გადაწყვეტილების გამოქვეყნების შემდეგ, კანონიერ მფლობელს გაძარცვული უკან „მიუგდეს“. ეს არის ფაქტი, რომლის სამართლებრივი წესით დადასტურება მხოლოდ მათთვის შეიძლება იყოს მიუღებელი, ვისაც ამ საქმის მიმართ მანკიერი სუბიექტური პოლიტიკური ინტერესი აქვს. ეს ადამიანები არიან ბაკურიანის ცნობილი შეხვედრის მონაწილეები, ახალი შულავერის კომიტეტი, „ომისა და ღალატის პარტია“, რომლისთვისაც უსამართლობა, ტელევიზიების მიტაცება და სასამართლოზე ზეწოლა მიღებული პრაქტიკაა. ნაციონალური მოძრაობა, მისი სატელიტი პარტიები, მისი კუთვნილი მედიასაშუალებები, ენჯეოები და უცხოელი ლობისტები ხმაშეწყობილად მოქმედებენ სამართლის უზენაესობის, მართლმსაჯულების, სახელმწიფო ინსტიტუტებისა და მედიასაშუალებების წინააღმდეგ, რათა, სამომავლოდ, პოლიტიკური წარმატების თუნდაც თეორიული შანსი შეინარჩუნონ. ჩვენ ამ ადამიანებს ვერც სამართლის აღსრულების შეჩერების, ვერც ტელეკომპანიების ძარცვისა და ვერც სასამართლოზე ზეწოლის უფლებას ვერ მივცემთ. ბოლოს, უსათუოდ უნდა გამოვეხმაუროთ იმ ადამიანებს, რომლებიც ცდილობენ ტოლობის ნიშანი დასვან გვარამიას არდასჯასა და საქართველოს ევროპულ პერსპექტივას შორის. მათ პასუხად, მკაფიოდ უნდა ითქვას, რომ ევროკავშირი არ არის კორუფცია, ძარცვა და უსამართლობა, არამედ ევროკავშირი სწორედ სამართლის უზენაესობა და კორუფციისგან თავისუფალი საზოგადოებაა. შესაბამისად, სწორედ ნაციონალური მოძრაობა, ენჯეოები, გვარამია და მათი უცხოელი ლობისტები არიან, თავისი არსით, ანტიევროკავშირი. სამართლის უზენაესობის გარეშე კი, ჩვენ ევროპული ოჯახის წევრები ვერც ისე და ვერც ასე ვერ გავხდებით. შესაბამისად, სამართლებრივი სახელმწიფოს პრინციპის დასაცავად, რაც ერთ-ერთი უმთავრესი ევროპული ღირებულებაა, ჩვენი ხელისუფლება ყველაფერს გააკეთებს.

14 მაისი, 2022

დღეს თამარობაა, თამარ მეფის ხსენების დღე. მეფისა, რომლის სახელსაც უკავშირდება ქართული სახელმწიფოსა და ქართული კულტურის ოქროს ხანა და რომელიც ქართულმა ეკლესიამ, სამშობლოსა და სარწმუნოების წინაშე განსაკუთრებული ღვაწლის გამო, წმინდანად შერაცხა. ყველას გილოცავთ ამ ღირსშესანიშნავ დღეს!სიმბოლურია, რომ ჩვენი პარტიის - „ქართული ოცნება - დემოკრატიული საქართველოს“ ქალთა ორგანიზაცია სწორედ ამ დღეს, თამარ მეფის ხსენების დღეს ფუძნდება.საქართველოს მრავალსაუკუნოვან ისტორიაში ქალები ყოველთვის განსაკუთრებულ როლს ასრულებდნენ. მხოლოდ იმის ხსენება რად ღირს, რომ საქართველო ქრისტიანობას სწორედ ქალმა, წმინდა ნინომ აზიარა. სამშობლოსა და სარწმუნოებისთვის თავდადების ყველაზე თავგანწირული მაგალითიც ქალის სახელს, წმინდა ქეთევან დედოფალს უკავშირდება. საუკუნეების მანძილზე, ქალებს საქართველოში შეჰქონდათ უდიდესი წვლილი ჩვენი სახელმწიფოებრიობისა და სარწმუნოების დაცვაში, ჩვენი ქვეყნისა და მისი კულტურის განვითარებაში. ამ თვალსაზრისით, ძალზე მდიდარია ჩვენი უახლესი ისტორიაც.დღესაც, საქართველოს ქალები, განურჩევლად მათი ეროვნებისა, განსაკუთრებულ როლს ასრულებენ ჩვენი ქვეყნის საზოგადოებრივ ცხოვრებაში. გამორჩეულია მათი როლი განათლებისა და მეცნიერების სფეროში, ქალებს უდიდესი წვლილი შეაქვთ ქართული კულტურის განვითარებაში, ისინი მსოფლიოს მასშტაბით ასახელებენ ჩვენს ქვეყანას სპორტულ ასპარეზზე, ქალებს უმნიშვნელოვანესი წვლილი შეაქვთ საზოგადოებრივი ცხოვრების სხვადასხვა სფეროს მართვაში, საჯარო სამსახურში, ქართული ეკონომიკის განვითარებაში.პოლიტიკაში ქალების აქტიურ მონაწილეობას, დამეთანხმებით, განსაკუთრებული მნიშვნელობა ენიჭება. ამისათვის, ჩვენმა პარტიამ გასული წლების განმავლობაში არაერთი მნიშვნელოვანი ნაბიჯი გადადგა. განსაკუთრებული აღნიშვნის ღირსია გენდერული კვოტების შემოღება, რომლის საფუძველზეც როგორც საქართველოს პარლამენტში, ისე მუნიციპალურ საკრებულოებში ქალების წარმომადგენლობა არსებითად გაიზარდა. თუმცა, გვესმის, რომ პოლიტიკურ ცხოვრებაში ქალების კიდევ უფრო აქტიური როლის უზრუნველსაყოფად მეტია გასაკეთებელი.სწორედ ამ მიზანს ემსახურება ჩვენი პარტიის ქალთა ორგანიზაციის დაფუძნებაც. პარტიის ქალი წევრების პროფესიული განვითარებისა და კარიერული ზრდის ხელშეწყობა, პარტიის ქალ წევრებს შორის კომუნიკაციის, თანამშრომლობისა და გამოცდილების ურთიერთგაზიარების ახალი ინსტრუმენტების შექმნა, პარტიის საერთაშორისო ურთიერთობებში პარტიის ქალი წევრების როლის გააქტიურება იქნება ამ ორგანიზაციის უმთავრესი ამოცანები. ამასთან, ცხადია, მმართველი პარტიის ქალთა ორგანიზაციის წარმატებულ მუშაობას შეუძლია მნიშვნელოვანი წვრილი შეიტანოს, ზოგადად, ქვეყანაში ქალების გაძლიერებასა და საზოგადოებრივი ცხოვრების სხვადასხვა სფეროში მათი როლის გააქტიურებაში.გვაქვს ამბიციური გეგმები და ამ გეგმების განხორციელებაში ჩვენი პარტიის ქალთა ორგანიზაციას წარმატებები მინდა ვუსურვო. - ირაკლი კობახიძე დიდი პატივია ჩემთვის თქვენს წინაშე გამოსვლა ამ ძალიან მნიშვნელოვან დღეს.ქართველები სამართლიანად ვამაყობთ ქალების უნიკალური, მე ვიტყოდი, სრულიად განსაკუთრებული როლით ჩვენს ისტორიასა და დღევანდელობაში. იმ წვლილით, რაც მათ მიუძღვით კულტურის, მეცნიერების, განათლების სპორტის, პოლიტიკური ცხოვრებისა და ზოგადად, სახელმწიფოებრიობის განვითარებაში.წმინდა ნინო, ჩვენი განმანათლებელი და დედოფალი ნანა, მეფე თამარი და ქეთევან წამებული, ბარბარე ჯორჯაძე თუ მარო მაყაშვილი, ნონა გაფრინდაშვილი თუ ელისო ვირსალაძე, თუ მრავალი სხვა ძლიერი, დამოუკიდებელი, განათლებული, შემოქმედი, მებრძოლი ქალის სახელი ნებისმიერი ქვეყნის ისტორიას დაამშვენებდა.ამიტომ, ჩვენ სამართლიანად ვამაყობთ იმითაც, რომ თამარის ეპოქა, შემდეგ საქართველოს პირველი რესპუბლიკა იყო მსოფლიოში ერთ-ერთი პირველი, რომელმაც, ბევრ თანამედროვე დასავლურ სახელმწიფოზე ადრე, პოლიტიკური, სამოქალაქო, ეკონომიკური და საოჯახო უფლებების კუთხით სქესთა თანასწორობა დაადგინა და ქალებს საარჩევნო ხმის უფლება მიანიჭა.რა თქმა უნდა, ეს სახელები და ფაქტები, ქალის როლისადმი ჩვენი ტრადიციული დამოკიდებულება არ ნიშნავს, რომ დავივიწყოთ: სასურველი ვითარების მისაღწევად ჯერაც ბევრი შრომაა საჭირო. ქალთა უფლებების, პოლიტიკურ და საზოგადოებრივ ცხოვრებაში მათი მონაწილეობის საკითხები ჯერ კიდევ არ არის საბოლოოდ გადაწყვეტილი, დარეგულირებული არც ჩვენს ქვეყანაში და არც მთელ მსოფლიოში, ყველაზე განვითარებული დემოკრატიების ჩათვლით.თანასწორობის უზრუნველყოფა კვლავაც ყველა ჩვენგანის, თითოეული ქალისა და მამაკაცის საქმეა. ჩვენმა პარტიამ, „ქართულმა ოცნებამ“, რომლის შექმნასა და გამარჯვებაში, აქვე აღვნიშნავ, ქალები ასევე აქტიურად მონაწილეობდნენ, ხელისუფლებაში მოსვლისთანავე დაიწყო სამართლებრივი თუ ინსტიტუციური რეფორმების გატარება ქალთა როლის გაძლიერებისთვის; შემუშავდა და დაიხვეწა კანონმდებლობა ქალთა დისკრიმინაციის აღმოსაფხვრელად, ხარისხიანი ჯანდაცვისა და ღირსეული დასაქმების ხელშეწყობა, კვოტირების მექანიზმის შემოღება ამ ღონისძიებათა მხოლოდ მცირე ჩამონათვალია.დღეს, „ქართული ოცნების“ ქალთა ორგანიზაციის დაფუძნებით, ამ მიმართულებით კიდევ ერთ მნიშვნელოვან ნაბიჯს გადავდგამთ. ჩვენი დედების და დების, ქალიშვილებისა და მეუღლეების ხმათა გაძლიერება, რასაკვირველია, ძალზე სასიხარულო და მისასალმებელი მოვლენაა ჩვენი პარტიისთვის, ზოგადად შიდაპარტიული დემოკრატიისა და თანასწორობის გაძლიერებისათვის. და მე მჯერა, რომ ის მიზნები, რომელთა მიღწევის ამბიციაც ამ ორგანიზაციას აქვს - ქალთა წინაშე მდგარი გამოწვევების დღის წესრიგში მეტად გამოკვეთა და გადაჭრა, ქალთა მონაწილეობის გაძლიერება, გენდერული თანასწორობის უზრუნველყოფა - ასევე კარგია მთლიანად ჩვენი საზოგადოების, ჩვენი ქვეყნის წინსვლისა და განვითარებისთვის.ასე რომ, კიდევ ერთხელ გილოცავთ ამ ღირსშესანიშნავ მოვლენას. პირადად ჩემი და საქართველოს მთავრობის სახელით სრულ თანადგომას გპირდებით და თქვენი, ჩვენი საერთო მიზნის მიღწევას და წარმატებას გისურვებთ! - ირაკლი ღარიბაშვილი განსაკუთრებით მივესალმები აქ შეკრებილ ძლიერ ქალებს, რომლებიც ყოველდღიური საქმიანობით აძლიერებენ ჩვენს გუნდს და ქვეყანას. აქტიურად არიან ჩართულები ქვეყნის პოლიტიკურ ცხოვრებაში და საკუთარი წვლილი შეაქვთ საქართველოს შეუქცევადი დემოკრატიული განვითარების პროცესებში.ეს ღონისძიება მნიშვნელოვანი მოვლენაა თანამედროვე ქართული პოლიტიკის, ჩვენი პარტიისა და ქართულ პოლიტიკაში ქალთა ჩართულობის ისტორიაში.დღეს ფუძნდება „ქართული ოცნების“ ქალთა ორგანიზაცია, რასაც წინ უძღოდა დიდი სამუშაოები და ნაყოფიერი შეხვედრები რეგიონებსა და თბილისში, ჩვენი გუნდის წევრ ქალებთან ერთად.საქართველოს პოლიტიკაში ქალთა ჩართულობას დიდი ისტორია აქვს.შორეულ წარსულს, თამარ მეფესა და რუსუდანს რომ არ გადავწვდე, საქართველო იყო ერთ-ერთი პირველი ქვეყანა მსოფლიოსა და ევროპაში, რომლის 1921 წლის კონსტიტუცია ქალთა და მამაკაცთა საარჩევნო და არა მარტო საარჩევნო, ყველანაირ თანასწორობას უზრუნველყოფდა.სამწუხაროდ, დამოუკიდებლობის დაკარგვიდან დღემდე, ქმედითი და არსებითი ნაბიჯები ამ მიმართულებით აღარ გადადგმულა, თუმცა, „ქართული ოცნება“ არის ის პოლიტიკური გუნდი, რომელმაც მთელი რიგი ცვლილებები განახორციელა ქალთა უფლებრივი მდგომარეობის გაძლიერების მიმართულებით და შესაძლებელი გახადა, მეტი ქალი ჩართულიყო ქვეყნის საკანონმდებლო ცხოვრებაში.ევროკავშირის წევრობა მხოლოდ ეკონომიკურ თუ საკანონმდებლო თავსებადობას არ გულისხმობს, ეს ნიშნავს პროგრესულ ღირებულებებზე დაფუძნებულ პოლიტიკურ კულტურასა და ქალთა სათანადო ჩართულობას პოლიტიკაში.პატრიარქალურ საზოგადოებაში ქალებს ორმაგი ძალისხმევის გაწევა უწევთ. დღემდე ყველაზე განვითარებულ დემოკრატიებშიც კი, იშვიათობაა აუნაზღაურებელი, უხილავი საშინაო შრომის ხილვადობის გაზრდა, სამწუხაროდ, ჯერ კიდევ ბევრგან არსებობს ანაზღაურების კუთხით არსებული დისბალანსი ქალებსა და მამაკაცებს შორის და არაერთი სხვა უთანასწორობა.ამ საკითხების გადაწყვეტა შეუძლებელია, თუკი თავად ქალები არ იქნებიან გადაწყვეტილების მიმღებ პოზიციებზე.დარწმუნებული ვარ, „ქართული ოცნების“ ქალთა ორგანიზაცია ღირსეულად და წარმატებით იმუშავებს ყველა იმ გამოწვევის დასაძლევად, რაც ჩვენს ქვეყანაში დგას ქალების წინაშე.თქვენ, ახალ სტანდარტს დანერგავთ ჩვენი ქვეყნის პოლიტიკურ კულტურაში და აუცილებლად მიაღწევთ დიდ წარმატებას!წარმატებას, რომელიც თითოეულ თქვენგანს ეკუთვნის და რომლის მისაღწევადაც, მეც, პირადად, ყოველთვის გვერდში დაგიდგებით!გამარჯვება ჩვენს ძლიერ ქალებს, გამარჯვება ჩვენს გუნდს! - კახა კალაძე მოგესალმებით თქვენ, ჩვენი პარტიის წევრებს, იმ ქალებს, ვისი წვლილიც ჩვენს სხვადასხვა გამარჯვებაში არის ყველაზე მნიშვნელოვანი. ის გამარჯვებები, რაც ჩვენ ყველამ ერთად მოვიპოვეთ, ამ პარტიამ, არაერთი წლის მანძილზე, არის თქვენი თავდაუზოგავი შრომის შედეგი და მინდა დავიწყო დიდი მადლობით. თქვენ ხართ ის ადამიანები, ვინც მრავალრიცხოვანი ხართ ამ დარბაზში. ამავდროულად, ჩვენ ვიცით და ეს საზოგადოებამაც უნდა იცოდეს, ვინც დღეს გვისმენს, ხართ მცირერიცხოვანი იმიტომ, რომ თქვენ ბრძანდებით დელეგატები, და თქვენ წარმოადგენთ უამრავ ქალს, რომელიც რეგიონებში დარჩა და თქვენ წარმოგგზავნათ დამფუძნებელ ყრილობაზე. მათაც, რასაკვირველია, მთავრობისა და პარტიის სახელით მივესალმები.როდესაც ჩვენ მოვდიოდით ქვეყნის სათავეში, ეს იყო დრო, როცა ქალი პოლიტიკოსის ღირსება და როგორც ასეთი, ქალი პოლიტიკოსი იყო ფეხქვეშ გათელილი სააკაშვილის ბინძური პოლიტიკის წყალობით, და რეალურად, ქალ პოლიტიკოსს არავინ აღიქვამდა სერიოზულად. ის იყო მხოლოდ ქილიკისა და დაცინვის საგანი. ასევე, როდესაც ჩვენ მოვედით ხელისუფლებაში, არ არსებობდა არავითარი სამართლებრივი ნორმა, თუ არ ჩავთვლით ერთ-ორ მოკრძალებულ კანონს, რომელიც უცხოელების ზეწოლის ქვეშ იყო მიღებული წინა ხელისუფლების მიერ და რომელიც უზრუნველყოფდა ჩვენს უფლებებს ოჯახში, ჩვენს უფლებებს სამსახურში და ჩვენს უფლებებს პოლიტიკაში. როდესაც ნაციონალურმა მოძრაობამ მოქალაქეობა ჩამოართვა ბიძინა ივანიშვილს, ის მხოლოდ და მხოლოდ ამის გამო ვერ გახდა ჩვენი პარტიის პირველი თავმჯდომარე და სწორედ მან, კაცმა პოლიტიკოსმა აქცენტი გააკეთა ქალ პოლიტიკოსზე და ეს თავმჯდომარე იყო ქალი თავმჯდომარე, ქალბატონი მანანა კობახიძე. მე ვიტყოდი, სწორედ ასე, ფეხბედნიერად დაიბადა ეს პარტია, ქალი თავმჯდომარისადმი ნდობის საფუძველზე. არავის ეწყინება, მაგრამ ეს მე უნდა ვთქვა და ყველაზე კარგად ვიცი, როგორც მოწმემ, პირველ წელს ჩვენი ხელისუფლებაში ყოფნისა, ერთადერთი მამაკაცი, ვისაც სჯეროდა, რომ ქალებისთვის კვოტა აუცილებელია (რომელიც ხელს უწყობდა, რომ ქალი კანდიდატები ყოფილიყვნენ და პარტიული სია ყოფილიყო დაბალანსებული), ეს გახლავთ სწორედ ბიძინა ივანიშვილი. მე ამას არ ვამბობ იმიტომ, რომ ეს ასე უნდა ითქვას, ეს ნამდვილად ასე იყო. შემდეგ უკვე ამ სულისკვეთებით პარტიამ გააგრძელა და ირაკლი ღარიბაშვილის პრემიერობისას, 2014 წლის წლის 19 ივნისს მე, როგორც იუსტიციის ქალ მინისტრს, მისი დელეგირებით, წილად მხვდა პატივი, თქვენი ყველას სახელით, თქვენი გოგონა შვილების სახელით, ხელი მომეწერა იმ კონვენციისთვის სტრასბურგში, რომელი კონვენციის ხელმომწერიც არ არის დღემდე ზოგიერთი ევროპული ქვეყანაც კი. ეს გახლავთ სტამბოლის კონვენცია. სტამბოლის კონვენციის ხელმოწერის შემდეგ, გაიხსნა ძალიან რთული, 3-წლიანი პერიოდი იმისთვის, რომ იმ მოწვევის პარლამენტს 2017 წელს მისი რატიფიცირება მოეხდინა.ჩვენ, საქართველოს მთავრობამ 24 ძალიან დიდი საკანონმდებლო პაკეტი შევიტანეთ პარლამენტში და შევცვალეთ არაერთი აქტი. სწორედ ასე დავამარცხეთ დუმილი. როდესაც გვჩაგრავენ, როდესაც გვცემენ, როდესაც არის ოჯახში ან ოჯახს მიღმა ძალადობა, დუმილი აღარ არის წესი. ეს სწორედ სტამბოლის კონვენციამ და „ქართული ოცნების“ მიერ გატარებულმა რეფორმებმა მოიტანა. რასაკვირველია, ეს არ არის საკმარისი, ამიტომაც სულ ახლახან, ბატონ ირაკლი კობახიძის ლიდერობით, პარლამენტმა მიიღო კვოტების შესახებ კანონი. ძალიან ხშირად შემოქმედი ქალები მეკითხებიან, როგორც იურისტს, მათ ამჟამინდელ სამინისტროს ხელმძღვანელს, კი მაგრამ რისთვის არის ეს კვოტები საჭირო?! ეს კვოტები, ნორმალურ მდგომარეობაში საჭირო რასაკვირველია, არ არის. მაგრამ ჩვენ ეს კვოტები გვჭირდება და მე, როგორც ქალი წევრი ამ პარტიის, ყველა წევრ იმ დეპუტატს, ვინც ხმა მისცა ამ კანონს, ვუხდი ძალიან დიდ მადლობას. შეიძლება ვიღაცამ გვითხრას, რაში გჭირდებათ კვოტები, თქვენ ხომ უკვე ხართ ვიცე-პრემიერ მინისტრი, თქვენ ხომ უკვე ხართ პარლამენტში, თქვენ ხომ უკვე ხართ საკრებულოში, უკვე ხართ მერი. ჩვენ ეს კვოტები მაინც გვჭირდება. ჩვენ ეს კვოტები გვჭირდება ახალგაზრდა ქალებისთვის, ვინაიდან მაინც პოლიტიკა ქალებისთვის დახურულია. რაც არ უნდა იყოს პარტიაში სულისკვეთება კანონი ყველაზე დიდი გარანტიაა. ამიტომაც ჩვენ, ჩვენმა პარტიამ ქალებს ფართოდ გაგვიღო პოლიტიკის კარები და მე მართლაც არ დავიღლები, რომ ვთქვა მადლობა. ეს კვოტები ჩვენ გვჭირდება და ამ კვოტებს გამოიყენებს ყველა ის ახალგაზრდა ქალი, რომელიც ამ ორგანიზაციაში შემოვა.და ბოლოს, კიდევ ერთხელ მადლობა თქვენ, ჩვენი პარტიის ქალებს, რომლებიც აქ ბრძანდებით, რომლებიც ტელევიზიით გვიცქერთ და გვისმენთ, იმ თავდადებული შრომისთვის. ეს შრომა არ არის უბრალოდ შრომა, ეს არის შრომა ბოროტების წინააღმდეგ, ბრძოლა მშვიდობისათვის, ბრძოლა იმ ბავშვებისათვის, ვინც ჩვენი ადგილი უნდა დაიკავოს, მაგრამ მაინც ყველაზე მნიშვნელოვანი არიან ისინი, ვინც არ ჩანან კადრში, ისინი, ვინც არ ჩანან პარტიაში. ორი კატეგორია მინდა გამოვყო, რის გარეშეც არ მინდა დღეს ეს ტრიბუნა დავტოვო. პირველნი არიან ჩვენი თანამებრძოლი მამაკაცების მეუღლეები. მე მინდა მათ ვუთხრა მადლობა გამძლეობისთვის. მათ ვუთხრა მადლობა მოთმინებისთვის იმიტომ, რომ არ არსებობს წარმატებული კაცი პოლიტიკაში, თუ მის ზურგს უკან არ დგას ღირსეული, მოთმინებით აღვსილი ქალი, რუდუნებით ოჯახს რომ უვლის და თავისი კარიერაც რომ აქვს, ან შვილებს ზრდის. ამიტომაც მადლობა მათ და ბოდიშს ვუხდით მათ ყველა იმ შეურაცხყოფისთვის, რასაც ისინი ჩვენს მაგივრად იღებენ და ასევე, მადლობა მინდა ქალბატონებს გადავუხადო, თითოეულ თქვენ ოჯახის წევრს, თქვენ მეუღლეებს, ჩემს მეუღლეს, ვუთხრა მადლობა იმიტომ, რომ ისინი არიან ის კაცები, ვისაც, როდესაც შეურაცხყოფას გვაყენებენ, უწევთ ამისი მოთმენა, ჩვენი მხარდაჭერა და თუ ჩვენ დღეს ვართ მცირეოდენით მაინც წარმატებულები, ეს პირველ რიგში ამ კაცების დამსახურებაა. მადლობა ყველას. - თეა წულუკიანი დღეს ჩვენ ვაერთიანებთ ქალებს და იქმნება ახალი პოლიტიკური რეალობა, სადაც აუცილებლად გავიზიარებთ ერთმანეთის წარმატებებს და ერთად დავძლევთ იმ გამოწვევებს, რომლებიც ჯერ კიდევ გვაწუხებს.გიყურებთ ამდენ ძლიერ ქალს და მინდა, კიდევ უფრო მეტი ქალი იკავებდეს სოფლებსა და ქალაქებში წარმომადგენლობით და აღმასრულებელ პოზიციებს.დღევანდელი გაერთიანებით ახალ შესაძლებლობას მივცემთ ქალებს და განსაკუთრებით, გოგონებს, იმისთვის, რომ ჩაერთონ საზოგადოებრივ-პოლიტიკურ პროცესებში.წლების წინ მეც ამ გუნდმა მომცა შესაძლებლობა, ვყოფილიყავი აქტიურად პოლიტიკურ ასპარეზზე და ამასთან ერთად, არ ვთქვი უარი ცხოვრებაში ჩემთვის ყველაზე მთავარზე, ოჯახზე, მე შევძელი შემეთავსებინა საყვარელი საქმე ყველაზე ძვირფას, მრავალშვილიან ოჯახზე ზრუნვასთან ერთად, ჩვენი გუნდი თქვენთან ერთად კიდევ ძალიან ბევრი ქალის წარმატების გამზიარებელი და ხელშემწყობი იქნება.მაშ ასე, დღეს ვერთიანდებით ჩვენი ქვეყნის კიდევ უფრო მეტი წარმატებისთვის და ქალების ახალი შესაძლებლობებისთვის პოლიტიკაში. - ნინო ლაცაბიძე ძლიერი ქალები საქართველოს ისტორიაა და საქართველო თანასწორობის ქვეყანაა. მაშინ როდესაც ქალი მეფე, მეოცე საუკუნის დასაწყისში პირველი პარლამენტარი ქალები, მტრის წინააღმდეგ მებრძოლი გმირი და უამრავი წარმატებული ქალი ჩვენი ისტორიის ნაწილია, ქალების გაძლიერებაზე ზრუნვა, რა თქმა უნდა, კიდევ უფრო ლეგიტიმური მიზანია.ადამიანი ყველა სახელმწიფოსთვის ყველაზე დიდი ღირებულებაა და თუ ჩვენი მოსახლეობის 50%-ზე მეტს წარმოადგენენ ქალები და ისინი განსაკუთრებული უნარების, შესაძლებლობების და მონაცემების არიან, ისინი უნდა მონაწილეობდნენ პროცესებში.თქვენ, აქ მსხდომი ქალები და ასიათასობით სხვა ქალი, თქვენ-თქვენი მიმართულებებით წარმატების მაგალითი ხართ, მოტივაცია სხვებისთვის და სახელმწიფოსთვის რეალური შესაძლებლობა, რომ თქვენი ძალა და ენერგია იყოს გამოყენებული.და როდესაც შესაძლებლობის განვითარებას განსაკუთრებული საფუძველი სჭირდება და როდესაც ქალების და კაცების თანაბარი შესაძებლობა კონსტიტუციით არის უზრუნველყოფილი, რატომ არ უნდა გამოვიყენოთ დამატებითი შესაძლებლობები ამ ჩვენი უნარების განსავითარებლად.დღეს ქალთა ორგანიზაციის დაფუძნება კიდევ ერთი დეკლარირება არის ჩვენი მხრიდან, რომ გაცხადებული მიზანი- ქალების გაძლიერების უკვე შიდაპარტიულ სტრატეგიას და პრიორიტეტს წარმოადგენს.ჩვენ ამ ორგანიზაციაში კარებს ვხსნით, რა თქმა უნდა, ყველა ჩვენი ერთგული, ძალიან მშრომელი და ძალიან მაგარი ქალისთვის და ასევე ყველა მხარდამჭერი ქალისთვის , ვინც იზიარებს იმ იდეოლოგიას , რომელსაც ჩვენი პოლიტიკური გუნდი ატარებს.ამ ორგანიზაციის დაფუძნებით ჩვენ ვეუბნებით ყველას, რომ ჩვენს რიგებშივე გავაძლიერებთ ქალებს, რომ მათ წარმატებას შევუწყობთ ხელს და გენდერული თანასწორობა იქნება ჩვენი პოლიტიკური დღის წესრიგის ნაწილი.ქალების პოლიტიკაში მონაწილეობა არ არის მხოლოდ რაოდენობა. ეს უნდა იყოს ქალების ჩართულობა და მათი შინაარსობრივი მონაწილეობა და რაოდენობა უნდა აისახოს სწორედ ამაში.წარმატებები ჩვენ და ჩვენი გაძლიერებით წარმატებები ჩვენს ქვეყანას. - ნინო წილოსანი

09 მაისი, 2022

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა. უმრავლესობის წევრებმა მიმდინარე კვირის პლენარულ სხდომებზე განსახილველ საკითხებზე იმსჯელეს. საუბარი შეეხო ინტერპელაციის წერილს, რომელიც ხვალ გაეგზავნება ეკონომიკისა და მდგრადი განვითარებისა და საგარეო საქმეთა მინისტრებს. ოთხშაბათს, მინისტრის საათის ფორმატში, საქართველოს პარლამენტი ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრს მოუსმენს. უმრავლესობის სხდომაზე განიხილეს ასევე მიმდინარე კანონპროექტები.

21 აპრილი, 2022

დღეს ზუსტად 10 წელი შესრულდა ჩვენი პარტიის - „ქართული ოცნება - დემოკრატიული საქართველოს“ ოფიციალურად დაფუძნებიდან. ზუსტად 10 წლის წინ, 2012 წლის 21 აპრილს, შედგა პარტიის დამფუძნებელი ყრილობა. არსებობის 10 წლის მანძილზე, „ქართულმა ოცნებამ“ ჩვენი ქვეყნის უახლეს ისტორიაში გადამწყვეტი როლი შეასრულა. 2012 წლიდან დღემდე, „ქართულმა ოცნებამ“ ცხრაჯერ მოიპოვა საზოგადოების ნდობის მანდატი, რისთვისაც ქართველ ხალხს კიდევ ერთხელ მადლობას ვუხდით. ამ ნდობის გამართლება ჩვენი უდიდესი პასუხისმგებლობა და ყოველდღიური საზრუნავია. განსაკუთრებულ მადლობას ვუხდით და პარტიის იუბილეს ვულოცავთ ჩვენი პარტიის დამფუძნებლებს, 40 ათასზე მეტ წევრს, ახალგაზრდული ორგანიზაციის ათასობით წევრსა და 100 ათასობით მხარდამჭერს, რომლებიც ერთგულად დგანან ქართული სახელმწიფოს ინტერესების სადარაჯოზე. 2012 წელს, როდესაც ბიძინა ივანიშვილის ხელმძღვანელობით დაფუძნდა ჩვენი პარტია, ქვეყანა იყო უმძიმეს მდგომარეობაში - ავტორიტარული რეჟიმის მიერ ფეხქვეშ იყო გათელილი დემოკრატია და ადამიანის უფლებები; ადამიანების ღირსებისა და სიცოცხლის ხელყოფა, წამება და არაადამიანური მოპყრობა ყოველდღიურ პრაქტიკად იყო ქცეული; დანერგილი იყო სისხლის სამართლის არაადამიანური პოლიტიკა; შეკრების თავისუფლებას ხელისუფლება სისასტიკეს უპირისპირებდა; დანერგილი იყო ე.წ. ელიტური კორუფციისა და ბიზნესის რეკეტის სისტემური პრაქტიკა; სასამართლო, პროკურატურა, შსს და სხვა სამართალდამცავი სტრუქტურები ემსახურებოდა არა სამართალს, არამედ ავტოკრატიას და მისი მთავარი რეპრესიული ინსტრუმენტის ფუნქციას ასრულებდა; არ არსებობდა მედიის თავისუფლება და ყველა წამყვანი მედიასაშუალება არა სიტყვის თავისუფლების, არამედ დიქტატურის სამსახურში იყო ჩაყენებული; ხალხს წართმეული ჰქონდა არჩევანის უფლება; ქვეყანას ჰქონდა სუსტი ეკონომიკა და მოსახლეობის 30 პროცენტი სიღარიბის ზღვარს მიღმა ცხოვრობდა; არ არსებობდა მოსახლეობის სოციალური დაცვის არავითარი ქმედითი მექანიზმი, მათ შორის ჯანდაცვის მომსახურებით უზრუნველყოფის რაიმე ქმედითი სისტემა; 2003 წლიდან 2012 წლამდე საქართველოს მოსახლეობა 225 ათასით შემცირდა; ხელისუფლებამ ქვეყნის ტერიტორიების 20 პროცენტი რუსეთს ჩააბარა, 30 ათასი ადამიანი კი დევნილად აქცია; შეჩერებული იყო საქართველოს წინსვლა დასავლურ სტრუქტურებში ინტეგრაციის მიმართულებით. სწორედ ამ უმძიმეს და ურთულეს ვითარებაში შეძლო „ქართულმა ოცნებამ“ ბიძინა ივანიშვილის ხელმძღვანელობით ქვეყნის განვითარებაში დემოკრატიული გარდატეხის შეტანა. ბიძინა ივანიშვილმა და „ქართულმა ოცნებამ“ ხალხს დაუბრუნეს თავისუფლება და დემოკრატია, რაც ქვეყნის წინსვლისა და განვითარების აუცილებელი პირობაა. აღიკვეთა ადამიანის უფლებების ხელყოფის, ადამიანის ღირსების შელახვის, წამებისა და არაადამიანური მოპყრობის, ბიზნესის რეკეტის სისტემური პრაქტიკა. 2,5-ჯერ შემცირდა პატიმრების რაოდენობა, ხოლო 12-ჯერ მათი სიკვდილიანობის მაჩვენებელი. პირველივე წლებში 11-ჯერ შემცირდა საქართველოდან ადამიანის უფლებათა ევროპულ სასამართლოში გაგზავნილი სარჩელების რაოდენობა. მაღალი ხარისხით არის უზრუნველყოფილი მედიის თავისუფლება და მედიაპლურალიზმი. აღიკვეთა არჩევნების გაყალბების სისტემური პრაქტიკა და არჩევითი ორგანოები მოსახლეობის ნების შესაბამისად ფორმირდება. მაღალი სტანდარტით არის დაცული ეკონომიკური თავისუფლება და საკუთრების უფლება. ქვეყანას აქვს ახალი კონსტიტუცია, რომელიც სრულად შეესაბამება საპარლამენტო დემოკრატიის საუკეთესო ევროპულ პრაქტიკასა და სტანდარტებს. სასამართლო, პროკურატურა და შსს აღარ გამოიყენება რეპრესიულ მექანიზმად, რაც არაერთი ავტორიტეტული საერთაშორისო ორგანიზაციის კვლევებითა და სტატისტიკური მონაცემებით თვალნათლივ დასტურდება. სასამართლო სისტემაში პირველივე წლებში 6-ჯერ გაიზარდა გამამართლებელი განაჩენების რაოდენობა, 3-ჯერ შემცირდა წინასწარი და ადმინისტრაციული პატიმრობის შეფარდების, ხოლო 2-ჯერ - საგამოძიებო მოქმედებებზე ბრალდების შუამდგომლობის დაკმაყოფილების მაჩვენებელი. 5-ჯერ შემცირდა შეფარდებული ჯარიმის, ხოლო 18-ჯერ - გირაოს თანხის საერთო ოდენობა. 2014 და 2020 წლების გლობალური ეკონომიკური კრიზისის მიუხედავად, 2012-21 წლებში საქართველოს ეკონომიკა 27 მილიარდიდან 60 მილიარდამდე გაიზარდა. 8 მილიარდიდან 19,5 მილიარდამდე გაიზარდა სახელმწიფო ბიუჯეტის შემოსულობები. აღიკვეთა ე.წ. ელიტური კორუფცია - ყველა მაღალკვალიფიციური საერთაშორისო ორგანიზაციის კვლევის თანახმად, საქართველო რეგიონში მოწინავე ქვეყანაა კორუფციასთან ბრძოლის თვალსაზრისით. 3-ჯერ გაიზარდა საგზაო ინფრასტრუქტურის მშენებლობის ტემპი. 10-ჯერ გაიზარდა წყალმომარაგების სამუშაოების მოცულობა. განხორციელდა 300 ათასზე მეტი აბონენტის გაზიფიცირება. ამოქმედდა მეწარმეობისა და სოფლის მეურნეობის მხარდაჭერის უპრეცედენტო პროგრამები. მსოფლიო ბანკის მონაცემების თანახმად, 350 ათასმა მოქალაქემ დაძლია სიღარიბე, შეჩერდა საქართველოს მოსახლეობის კლება. ამოქმედდა საყოველთაო ჯანდაცვის სისტემა და მოსახლეობის სოციალური დაცვის სხვა ქმედითი მექანიზმები. 3-ჯერ გაიზარდა ჯანმრთელობისა და სოციალური დაცვის სამინისტროს ბიუჯეტი. ასევე, გასამმაგდა განათლების, კულტურისა და სპორტის დაფინანსება. „ქართული ოცნების“ ხელისუფლება არის პირველი ქართული ხელისუფლება, რომლის დროსაც ქვეყანას ომი არ ჰქონია. პრაგმატული საგარეო პოლიტიკით, სერიოზული უსაფრთხოების გამოწვევების მიუხედავად, „ქართულმა ოცნებამ“ განამტკიცა მშვიდობა და თვისებრივად აამაღლა ქვეყნის სტაბილურობისა და უსაფრთხოების ხარისხი. საქართველომ მიაღწია უპრეცედენტო წინსვლას დასავლურ სტრუქტურებში ინტეგრაციის გზაზე. თვისებრივად გაიზარდა ნატოს სტანდარტებთან თავსებადობის ხარისხი, ხელი მოვაწერეთ ასოცირების შეთანხმებასა და თავისუფალი ვაჭრობის შეთანხმებას ევროკავშირთან, მივიღეთ ევროკავშირში უვიზო მიმოსვლის რეჟიმი საქართველოს მოქალაქეებისთვის. ევროკავშირის მიმართულებით ჩვენი თანმიმდევრული წინსვლის ლოგიკური გაგრძელებაა ოფიციალური განაცხადის წარდგენა ევროკავშირის წევრობის კანდიდატის სტატუსის მისაღებად. ეს არის არასრული ჩამონათვალი იმ შედეგებისა, რომელიც ჩვენმა პარტიამ - „ქართულმა ოცნებამ“ საქართველოს 2012 წლის შემდეგ მოუტანა. ბუნებრივია, მიღწევებთან ერთად, იყო არაერთი შეცდომა და ხარვეზი. თუმცა, რაც ყველაზე მთავარია, „ქართულ ოცნებას“ არასოდეს გადაუხვევია უმთავრესი პრინციპებიდან, რომლებიც ჩვენს პოლიტიკურ საქმიანობას უდევს საფუძვლად. ესენია - ღირსება, თავისუფლება და სოლიდარობა, პატრიოტიზმი და ეკლესიის პატივისცემა, სახელმწიფო სუვერენიტეტისა და ტერიტორიული მთლიანობის დაცვა. მადლობას ვუხდით ბიძინა ივანიშვილს, რომელმაც სწორედ ამ პრინციპებზე დააფუძნა ჩვენი პოლიტიკური მოძრაობა და ამით შექმნა მყარი საფუძველი ქვეყნის დემოკრატიული გარდატეხისა და საქართველოს ღირსეული განვითარებისათვის. ქართული ოცნება ჩვენთვის ორ უმთავრეს მიზანშია გამოხატული: პირველი - ეს არის ერთიანი საქართველო, საქართველო, რომელიც მშვიდობიანი გზით იბრუნებს არა მხოლოდ აფხაზეთსა და ცხინვალის რეგიონს, არამედ ჩვენს აფხაზ და ოს ძმებსა და დებსაც. ეს არის საქართველო, სადაც ადამიანებს აერთიანებს ერთმანეთისადმი სიყვარული. ღრმად გვწამს, რომ ჩვენი ოცნება ერთიან საქართველოზე აუცილებლად ახდება; მეორე - ეს არის საქართველო კეთილდღეობის ევროპული ხარისხით, საქართველო, სადაც არცერთი ადამიანი არ ცხოვრობს სიღარიბეში და ყველა ოჯახი ცხოვრების ღირსეული პირობებით არის უზრუნველყოფილი. დღეს, საქართველოში დემოკრატიის განვითარების ხარისხი ეკონომიკის განვითარების ხარისხს მნიშვნელოვნად უსწრებს წინ, ასეთ დროს კი, საზოგადოების აღქმაში დემოკრატიასაც ნაკლები ფასი აქვს. საერთაშორისო სავალუტო ფონდის კვლევის თანახმად, საქართველო ეკონომიკური ზრდის ტემპით 2021-27 წლებში მსოფლიოში მესამე, ევრაზიის კონტინენტზე კი - პირველი ქვეყანა იქნება. 2027 წლისთვის, საქართველოს ეკონომიკა ერთ სულ მოსახლეზე 9,200 დოლარამდე გაიზრდება, ხოლო 2030 წლისთვის, იმავე ტენდენციით, 12,500 დოლარს გადააჭარბებს, რითაც საქართველო მაღალშემოსავლიანი ქვეყნების რიგში გადაინაცვლებს. აქედან ჩანს, რომ პარტიის დამფუძნებლის, ბიძინა ივანიშვილის მინიშნება 2030 წელზე კონკრეტულ გათვლებზე იყო დაფუძნებული და ამ გათვლებს მყარი რაციონალური საფუძველი ჰქონდა. საქართველო აუცილებლად გახდება ერთიანი, ეკონომიკურად ძლიერი, ეროვნულ ტრადიციებსა და ქრისტიანულ ფასეულობებზე დაფუძნებული, ევროპული სახელმწიფო. ეს არის ის, რაზეც ოცნებობდნენ ილია ჭავჭავაძე, დიმიტრი ყიფიანი, ვაჟა-ფშაველა, ნიკო ნიკოლაძე და სხვა დიდი ქართველი საზოგადო მოღვაწეები. ამაზე ოცნებობდნენ ჩვენი გმირები, რომლებმაც საქართველოს ყველაზე ძვირფასი, სიცოცხლე შესწირეს. ამაზე ოცნებობს თითოეული ქართველი, რომლისთვისაც სიტყვა სამშობლო ძვირფასი და ღირებულია. გვჯერა, რომ ქართული ოცნება ერთიან და ძლიერ საქართველოზე აუცილებლად ახდება! საზოგადოების მხარდამხარ, ამ ოცნების ასახდენად ჩვენი პარტიის ერთ მუშტად შეკრული გუნდი ძალისხმევას არ დაიშურებს, გააგრძელებს ბრძოლასა და შრომას ჩვენი ქვეყნისა და ხალხის საკეთილდღეოდ!

11 აპრილი, 2022

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა. სხდომაზე უკრაინაში საპარლამენტო უმრავლესობის წარმომადგენელთა ვიზიტთან დაკავშირებით იმსჯელეს. საუბარი შეეხო მიმდინარე სასესიო კვირის პლენარულ სხდომებზე განსახილველ საკითხებს.

11 აპრილი, 2022

როგორც მოგეხსენებათ, დღეს საქართველოს ხელისუფლებამ ევროკავშირისგან მიიღო დაჩქარებული წესით შედგენილი კითხვარი. ეს ფაქტი არის კიდევ ერთი დადასტურება იმისა, რომ ჩვენს ქვეყანას აქვს ძალზე მკაფიო პერსპექტივა, დაჩქარებული წესით მიიღოს ევროკავშირის წევრობის კანდიდატის სტატუსი.მადლობას ვუხდით ევროკავშირს ამ ძალისხმევისთვის და მხარდაჭერისთვის, რომელიც რეგიონში შექმნილი ურთულესი ვითარების ფონზე ჩვენი ქვეყნისთვის განსაკუთრებულ დატვირთვას იძენს.საქართველოს ხელისუფლება, საქართველოს პრემიერ-მინისტრის, ირაკლი ღარიბაშვილის ხელმძღვანელობით, უზრუნველყოფს კითხვარის სათანადოდ და შესაბამის ვადებში შევსებას და ევროკავშირისთვის წარდგენას.ყველას ვალია, სახელმწიფოებრივი პასუხისმგებლობით მოეკიდოს ამ უმნიშვნელოვანეს საკითხს და საქართველოს მიერ ევროკავშირის წევრობის კანდიდატის სტატუსის მიღებას ხელოვნური დაბრკოლებები არ შეუქმნას.საქართველოს წინსვლა ევროკავშირისკენ არის ქართველი ხალხის ევროპული ოჯახისკენ სწრაფვის, ურყევი ნებისა და არჩევანის ლოგიკური შედეგი. საქართველოს წინსვლა ევროკავშირისკენ ასევე არის „ქართული ოცნების თანმიმდევრული პოლიტიკის ლოგიკური შედეგი. ამ მიზნის მისაღწევად ქართველმა ხალხმა გასული რამდენიმე ათწლეულების მანძილზე უდიდესი მსხვერპლი გაიღო.დარწმუნებული ვართ, საქართველო აუცილებლად გახდება ევროკავშირის წევრი. ამისათვის აუცილებელი პირობაა, საქართველომ შეინარჩუნოს მშვიდობა, გააძლიეროს დემოკრატიული სისტემა, უზრუნველყოს სწრაფი ეკონომიკური ზრდა და აამაღლოს კეთილდღეობის ხარისხი ქვეყანაში. ამისათვის გატარდება ეფექტიანი რეფორმები, რომლებიც განამტკიცებს ჩვენს კონსტიტუციურ სისტემას და ქართულ ეკონომიკას ევროპულ სტანდარტებს მაქსიმალურად სწრაფად დაუახლოებს.ამ ამოცანების შესრულებისკენ საქართველოს ხელისუფლების ძალისხმევა სრულად იქნება მიმართული.

11 აპრილი, 2022

„ქართული ოცნების“ ხელისუფლების ძალისხმევის და ქართველი ხალხის ევროპულ ოჯახში გაწევრების მტკიცე და ურყევი სურვილის შედეგად, ევროკავშირის წევრობაზე განაცხადის გაკეთების შემდეგ, საქართველო წარმატებას აღწევს ევროინტეგრაციის პროცესში, რაც ევროკავშირის მხრიდან გაწევრიანების კითხვარის გადმოცემაში გამოიხატება. დღეს ევროკომისარმა ევროპული სამეზობლო პოლიტიკისა და გაფართოების საკითხებში ბატონმა ოლივერ ვარჰეიმ საქართველოს ოფიციალურად გადმოსცა ევროკომისიის კითხვარი, რითაც ჩვენი ქვეყნისთვის კიდევ ერთი ახალი ეტაპი დაიწყო ევროკავშირთან ურთიერთობებში. ხელისუფლებამ მნიშვნელოვან პროგრესს მიაღწია იმისათვის, რომ საქართველოს ევროპული არჩევანი შეუქცევადი გამხდარიყო: 2014 წელს ხელი მოვაწერეთ ევროკავშირთან ასოცირების შეთანხმებას, ღრმა და ყოვლისმომცველი თავისუფალი ვაჭრობის კომპონენტით; ამ ხელშეკრულების საფუძველზე საქართველოს ხელისუფლებამ მნიშნველოვან შედეგებს მიაღწია ევროკავშირთან საქართველოს პოლიტიკური ასოცირების და ეკონომიკური ინტეგრაციის გზაზე; 2017 წელს ამოქმედდა ევროკავშირთან უვიზო მიმოსვლის რეჟიმი. ამ წარმატებას წინ უძღოდა რეფორმების კომპლექსური პროცესი, რაც მიზნად ისახავდა ქვეყანაში ადამიანის უფლებების დაცვის უფრო მაღალი სტანდარტების უზრუნველყოფას და დემოკრატიის კონსოლიდაციას. საქართველოს ევროკავშირში წევრობას მხარს უჭერს საქართველოს მოსახლეობის 80%-ზე მეტი, რაც ნათელი დასტურია იმისა, რომ ეს არის ის საკითხი, რომელის ირგვლივ ყველა უნდა გაერთიანდეს და უნდა გავაკეთოთ ყველაფერი, რომ ქვეყანამ წარმატებით გააგრძელოს გზა ევროკავშირის წევრობისკენ. რაც შეეხება კითხვარის ფორმას და შინაარსს, მისი შევსებით ერთგვარად მოხდება საქართველოს პოლიტიკური, ეკონომიკური და საკანონმდებლო მზაობის შეჯამება, რაც ევროკომისიას დაეხმარება მოამზადოს საბოლოო შეფასება, რომელსაც წარუდგენს ევროკაშირის საბჭოს . ევროკომისია შეფასების მომზადებისას, რა თქმა უნდა, იხელმძღვანელებს სხვა წყაროებითაც, როგორიცაა საერთაშორისო შეფასების ანგარიშები, ასოცირების შეთანხმების შესრულების ყოველწლიური შეფასების ანგარიშები და ა.შ. საბოლოო შედეგი დამოკიდებული იქნება, ევროკავშირთან ინტეგრაციის ფარგლებში მიღწეულ საკანონმდებლო და ინსტიტუციური დაახლოების ხარისხზე და რა თქმა უნდა, იმ პოლიტიკურ გადაწყვეტილებაზე, რომელსაც მიიღებენ ევროკავშირის წევრი ქვეყნები ერთსულოვნად. ის რომ საქართველო, დანარჩენ ასოცირებულ ქვეყნებთან ერთად, უპრეცედენტოდ მოკლე ვადაში იღებს გაწევრიანების კითხვარს, არის ჩვენი ევროპელი პარტნიორების მხრიდან საქართველოს ევროკაშირში ინტეგრაციის პროცესის მხარდაჭერის ნათელი დასტური და ქვეყნის მიერ გატარებული წარმატებული რეფორმების აღიარება. ქართული მხარე შეეცდება მაქსიმალურად მოკლე დროში დაუბრონოს შევსებული კითხვარი ევროკავშირის მხარეს. დღეს ქართული სახელმწიფოსა და მისი მმართველი გუნდის ერთმანეთისგან გასამიჯნად და ვიწრო პოლიტიკური მიზნების მისაღწევად, ქვეყნის დაზიანების ნებისმიერი მცდელობა არის მავნებლობა და ქვეყნის მტრობა! ქართული სახელმწიფოს წარმატების ფონზე, ოპოზიციის დესტრუქციული ნაწილი კვლავ აგრძელებს ანტისახელმწიფოებრივი განცხადებებით და ქმედებებით ქვეყნის ეროვნული ინტერესების დაზიანების მცდელობას. მათთვის მთავარია, „ქართულ ოცნებას“ რაიმე წარმატება არ მიეწეროს და ყველაფერს აკეთებენ, იმისათვის რომ სახელმწიფოს სწორედ ის წარმატება დააკნინონ, რაზეც დგას ჩვენი ევროკავშირში გაწევრიანების მომავალი. ეს კი ნიშნავს იმას, რომ ისინი ანტიდასავლურ და ანტიქართულ ინტერესებს ემსახურებიან. ჩვენს კოლეგებს მოვუწოდებთ, რომ წარსულში სავიზო რეჟიმის ლიბერალიზაციის პროცესის დისკრედიტაციის მცდელობის მსგავსად, ქვეყანას ოპოზიციაში ნუ ჩაუდგებიან. დღეს, საქართველოს, მათ შორის პოლიტიკურ სპექტრს სჭირდება ერთიანობა. არჩევანი კი მარტივია, ან ქართული სახელმწიფოს და საქართველოს ევროპული მომავლის მხარეს ხარ, ან საკუთარი ქვეყნისა და ხალხის ოპოზიციაში

09 აპრილი, 2022

პარტია „ქართული ოცნებისა" და საპარლამენტო უმრავლესობის ლიდერებმა, პარლამენტის კომიტეტების თავმჯდომარეებთან და მთავრობის წევრებთან ერთად თელავში სამუშაო შეხვედრა გამართეს. შეხვედრაზე მმართველმა გუნდმა პოლიტიკურ პროცესებზე, ქვეყანაში მიმდინარე და დაგეგმილ პროექტებზე იმსჯელა. მთავრობასა და საპარლამენტო გუნდს შორის კოორდინაციის გაღრმავებისა და ეფექტურობის მიზნით, შეიქმნება თემატური სამუშაო ჯგუფები. საპარლამენტო გუნდისა და მთავრობის წევრთა შეხვედრები ინტენსიურად გაიმართება.

06 აპრილი, 2022

მოგესალმებით, სამწუხაროდ, რუსეთის მიერ უკრაინაში წარმოებული ომის პარალელურად ჩვენი ქვეყნის, საქართველოს წინააღმდეგ აქამდე არნახული და გაუგონარი ჰიბრიდული ომი მიმდინარებს! აქვე ყველასთვის აშკარაა, რომ დღეს, უკრაინის ხელისუფლებაში, სხვადასხვა პოზიციებზე მყოფი რადიკალური ქართული ოპოზიციის, იგივე ომის პარტიის წარმომადგენლები და მათი კოლეგები საქართველოს წინააღმდეგ ღია, დაუფარავ ჰიბრიდულ ომს აწარმოებენ. ამ ომში ჩართულია მთელი მათი რესურსი და მათ მიერ გავრცელებული დეზინფორმაციის, ფეიკნიუსებისა და პროვოკაციების ხარისხი უკვე ყოველგვარ წითელ ხაზებს გასცდა! საქართველოს წინააღმდეგ წარმოებული ჰიბრიდული ომის ფარგლებში, როგორც ომის პარტიის, ასევე უკრაინის ხელისუფლების წარმომადგენლები ძალიან ხშირად იმეორებენ ფრაზას ,,საქართველო არაფერს აკეთებს უკრაინის მხარდასაჭერად’’ მაშინ, როდესაც ყველა საერთაშორისო პლატფორმაზე, ყველა პრინციპულ საკითხთან დაკავშირებით, საქართველოს ჰქონდა მკაფიო, პრინციპული პოზიცია! ასე იყო ევროსაბჭოში, სადაც საქართველომ რუსეთისთვის წევრობის სტატუსის შეჩერებას დაუჭირა მხარი; გაეროში - სადაც საქართველო შესაბამისი რეზოლუციის თანასპონსორი იყო; პრინციპული პოზიცია გვქონდა ეუთოში, ჰააგის სასამართლოსთან მიმართებით და ყველგან, სადაც უკრაინას ჩვენი პოლიტიკური მხარდაჭერა დასჭირდა და სჭირდება. აღარაფერს ვამბობთ ასობით ტონა ჰუმანიტარულ ტვირთზე. ჩვენ ყველგან უკრაინის და უკრაინელი ხალხის გვერდით ვდგავართ! ამ ფონზე, საქართველოს წინააღმდეგ წარმოებული ჰიბრიდული ომის ფარგლებში, ჩვენ მოვისმინეთ კიდევ ერთი, ამჯერად სრულიად გაუგონარი განცხადება, რომელიც შეურაცხმყოფელია როგორც ჩვენი ქვეყნის, ასევე საქართველოს თითოეული მოქალაქისთვის, რასაც დღეს სამწუხაროდ უკრაინის ხელისუფლების მხრიდან დაემატა მტკიცებულებების მოთხოვნა იმასთან დაკავშირებით, რაც არათუ მხოლოდ ბუნებაში არ არსებობს და აბსურდია, არამედ მსგავსი სიბინძურე ფიქრადაც არავის გაუვლია ჩვენი მხრიდან! მტკიცებულებები მოთხოვო მას, ვისაც წარმოუდგენელი განზრახვა და დანაშაული დააბრალე, სპეციალურად საქართველოს წინააღმდეგ გამოგონილი ნოუ-ჰაუა ამ სფეროში. გასაგებია, რომ ამგვარი განცხადებების უკან, საქართველოში ომის პარტიის, ოპოზიციის და უკრაინაში ხელისუფლებში მყოფი ცალკეული ადამიანები დგანან, მათ შორის უკრაინის უსაფრთხოების სისტემაში უკანასკნელ პერიოდში დანიშნული პირი, თუმცა ეს ის შემთხვევაა, როდესაც კატეგორიულად მოვითხოვოთ, რომ უკრაინის შესაბამისმა სამსახურებმა წარმოადგინონ რაიმე სახის მტკიცებულება საქართველოსთვის წაყენებული ამაზრზენი ბრალდების შესახებ ან საჯაროდ, იმავე წყაროებით და ფორმით უარყონ საკუთარი აბსურდული განცხადებები მეგობარი და პარტნიორი ქვეყნის - საქართველოს მიმართ. სრულიად გამაოგნებელია, რომ ამ ყველაფერზე საუბარი გვიწევს რუსეთის მიერ უკრაინაში წარმოებული ღია აგრესიის, ომის და იმ უკიდურესად შემაშფოთებელი კადრების ფონზე, რასაც ჩვენ ბოლო დღეებში და ზოგადად, ომის დაწყების დღიდან ვხედავთ. ასევე გამაოგნებელია, რომ ღია კონფრონტაციაში შემოდიან ქვეყანასთან, რომლის 20% იმავე სახელმწიფოს, რუსეთის მიერ არის ოკუპირებული, რომელიც დღეს უკრაინის ტერიტორიაზე და მის წინააღმდეგ ომს აწარმოებს. ამავე დროს არსებობს უამრავი ქვეყანა, რომლის მიმართაც ერთი საყვედურიც კი არ დაცდენიათ იმის მიუხედავთ, რომ ეს ქვეყნები არათუ სანქციებს უერთდებიან, არამედ საქართველოსგან განსხვავებით, არც ერთ საერთაშორისო პლატფორმაზე არ გამოხატავენ თავიანთ მხარდაჭერას უკრაინის მიმართ. უკვე აშკარად ჩანს და ლოგიკურია, რომ უახლოეს დღეებში ვიხილავთ საქართველოს წინააღმდეგ მიმართული დეზინფორმაციის კამპანიის, და პროვოკაციების ახალ ტალღას, რაც საქართველოში მღელვარების გამოწვევის და ასევე, მეორე ფრონტის გახსნაზე იქნება ორიენტირებული. ამისთვის უკვე მზადდება ნიადაგი და ჩვენი ქვეყნის წინააღმდეგ მეგობარი უკრაინის ხელისუფლების მხრიდან გაკეთებული განცხადებებიც, როგორც ჩანს, ამ კამპანიის ნაწილია. ამიტომაც, მივმართავთ ყველას, ვინც ამ კამპანიაში რაიმე ფორმით არის ჩართული, განსაკუთრებით ომის პარტიას და მის წარმომადგენლებს, შეწყვიტეთ ჰიბრიდული ომი საკუთარი ქვეყნის წინააღმდეგ და ნუ ცდილობთ საქართველოს ომში ჩათრევას. საქართველოს ხელისუფლება მოქმედებს საქართველოს და ქართველი ხალხის ეროვნული ინტერესებიდან გამომდინარე. საქართველოს წინააღმდეგ მიმართული ჰიბრიდული ომის წარმომადგენლები თავიანთ მიზანს ვერ მიაღწევენ. ჩვენი თანმიმდევრული ნაბიჯები არის გარანტი, რომ ქვეყანა განაგრძობს მშვიდობიან და სტაბილურ განვითარებას. აქვე, მიუხედავად ყველაფრისა, საქართველო არასდროს შეწყვეტს უკრაინის და უკრაინელი ხალხის მხარდაჭერას ყველა საერთაშორისო პოლიტიკურ პლატფორმაზე.

04 აპრილი, 2022

როგორც მოგეხსენებათ, შაბათს შედგა პარლამენტის მაჟორიტარი დეპუტატის არჩევნები ქალაქ რუსთავსა და გარდაბნის მუნიციპალიტეტის ისტორიულ სოფლებში და საკრებულოს მაჟორიტარი დეპუტატის არჩევნები ქალაქ ბათუმში. რუსთავსა და გარდაბანში, დაბალი კონკურენციის მიუხედავად, დაფიქსირდა მაღალი აქტივობა, რისთვისაც ამომრჩეველს მადლობას ვუხდით. ჩვენმა კანდიდატმა, ირაკლი შატაკიშვილმა მიიღო 34 ათასზე მეტი ხმა, ამომრჩეველთა ხმების 90,1 პროცენტი. ირაკლი შატაკიშვილს ვულოცავთ დამაჯერებელ გამარჯვებას. ირაკლი არის მაღალკვალიფიციური იურისტი, ნამდვილი პროფესიონალი და მოხარული ვართ, რომ ის მნიშვნელოვნად გააძლიერებს საპარლამენტო უმრავლესობას. როგორც მოგეხსენებათ, ბათუმის არჩევნებში მონაწილეობდა ორი კანდიდატი - ჩვენი კანდიდატი, რამაზ ჯინჭარაძე და ნაციონალური მოძრაობის კანდიდატი. ჩვენმა კანდიდატმა მიიღო ამომრჩეველთა ხმების 69 პროცენტი და დამაჯერებელი გამარჯვება მოიპოვა. მადლობას ვუხდით ბათუმელ ამომრჩეველს გამოცხადებული ნდობისთვის, ბატონ რამაზს კი ბათუმის საკრებულოში წარმატებულ საქმიანობას ვუსურვებთ. შეგახსენებთ, რომ ბათუმის არჩევნებში გამარჯვებით, „ქართულმა ოცნებამ“ მიიღო მანდატების უმრავლესობა ბათუმის საკრებულოში, რაც იყო აუცილებელი პირობა იმისათვის, რომ ქალაქის განვითარებისთვის მნიშვნელოვანი გადაწყვეტილებები შეფერხების გარეშე იქნეს მიღებული. მოგეხსენებათ, 2021 წლის თვითმმართველობის არჩევნების შემდეგ, ჩვენმა პარტიამ უმრავლესობა ვერ მიიღო 64-დან 8 საკრებულოში. აღნიშნული 8 საკრებულოდან 3 საკრებულოში ჩვენ უკვე შევძელით უმრავლესობის ფორმირება. დამატებით, მინიმუმ კიდევ ერთ საკრებულოში ახლო მომავალში შევძლებთ უმრავლესობის ჩამოყალიბებას. შესაბამისად, მინიმუმამდე შემცირდება ნაციონალური მოძრაობისა და მისი პარტნიორი პარტიის რესურსი, თუნდაც მინიმალური შეფერხება შეუქმნან მუნიციპალიტეტების საქმიანობას და მოსახლეობისთვის მნიშვნელოვანი პროექტების განხორციელებისას. ძლიერი მხარდაჭერა, რომელიც მოსახლეობამ „ქართულ ოცნებას“ ამ არჩევნებში კიდევ ერთხელ გამოუცხადა, ადასტურებს, რომ საზოგადოება მხარს უჭერს და აფასებს ხელისუფლების კურსს და გადაწყვეტილებებს, რომლებიც, მათ შორის, რეგიონში მიმდინარე უმძიმეს პროცესებს უკავშირდება. საზოგადოებამ კიდევ ერთხელ გამოუცხადა უნდობლობა „ომის პარტიას“ და მის განზრახვას, პროვოკაციების გზით, საქართველო სამხედო კონფლიქტში ჩაითრიონ. ამ არჩევნებმა კიდევ ერთხელ დაადასტურა, რომ საქართველოში სიცრუე, სიყალბე, ღალატი, „ომის პარტია“, მეხუთე კოლონა ვერასოდეს გაიმარჯვებს და ყოველთვის მძიმედ დამარცხდება. „ქართული ოცნების“ ხელმძღვანელობით, საქართველო განაგრძობს მშვიდობიან და სტაბილურ განვითარებას. კიდევ ერთხელ ვუცხადებთ მადლობას ამომრჩეველს მხარდაჭერისთვის. მაქსიმუმს გავაკეთებთ, რომ რუსთაველების, გარდაბნელების, ბათუმელებისა და მთლიანად, ქართული საზოგადოების მიერ არაერთგზის გამოცხადებული და დადასტურებული ნდობა გავამართლოთ.

01 აპრილი, 2022

როგორც მოგეხსენებათ ხვალ ქალაქ რუსთავში და გარდაბნის მუნიციპალიტეტის ისტორიულ სოფლებში იმართება საქართველოს პარლამენტის მაჟორიტარი დეპუტატის არჩევნები, რომელშიც მონაწილეობას იღებს ჩვენი კანდიდატი, ღირსეული და პროფესიონალი ადამიანი ირაკლი შატაკიშვილი. რუსთაველ და გარდაბნელ ამომრჩეველს მოვუწოდებთ მაქსიმალური აქტიურობისკენ, ჩვენს კანდიდატს კი გამარჯვებას ვუსურვებთ. ასევე, ხვალ ბათუმში იმართება საკრებულოს მაჟორიტარი დეპუტატის არჩევნები, რომელშიც მონაწილეობას იღებს მხოლოდ ორი კანდიდატი - ჩვენი კანდიდატი, რამაზ ჯინჭარაძე და ნაციონალური მოძრაობის კანდიდატი.ამ არჩევნებს აქვს სერიოზული დატვირთვა ბათუმისთვის. სწორედ ამ არჩევნებზეა დამოკიდებული ბათუმის საკრებულოში მყარი უმრავლესობის ჩამოყალიბება, რაც არის აუცილებელი პირობა იმისათვის, რომ ნაციონალურ მოძრაობას არ ქონდეს თუნდაც მინიმალური შანსი, დაბრკოლებები შეუქმნას ბათუმის განვითარებას და ქალაქისთვის მნიშვნელოვანი გადაწყვეტილების მიღებას.ამ არჩევნებში ჩვენ წარვადგინეთ ღირსეული ბათუმელი კაცი, რამაზ ჯინჭარაძე, რომელიც აჭარის ავტონომიური რესპუბლიკის ჯანდაცვის მინისტრის პირველი მოადგილის თანამდებობაზე წლების მანძილზე ღირსეულად ემსახურებოდა აჭარას და რეგიონის მოსახლეობას.ყველა კვლევა ადასტურებს, რომ ჩვენს კანდიდატს აქვს დიდი უპირატესობა „ომის პარტიის“ ანუ ნაციონალური მოძრაობის კანდიდატთან შედარებით. კერძოდ, წინასწარი მონაცემების მიხედვით, ჩვენი კანდიდატი საარჩევნო ოლქში, სადაც დაახლოებით 10 ათასი ამომრჩეველი იღებს ხოლმე არჩევნებში მონაწილეობას, რამაზ ჯინჭარაძე სულ მცირე ათასი ხმით იგებს არჩევნებს. ბუნებრივია, წინასაარჩევნო მონაცემები ნაციონალურ მოძრაობასაც აქვს და მათაც იციან, რომ არჩევნები მათი კანდიდატის მარცხით დამთავრდება და ამის გამო, მათ გადაწყვიტეს, ამ არჩევნებზეც ნაცად ხერხს მიმართონ და მის მშვიდ გარემოში ჩატარებას მაქსიმალური სირთულეები შეუქმნან. ამაზე მიანიშნებს მათ მიერ გასული დღეების განმავლობაში სიებთან დაკავშირებით შექმნილი ყალბი აჟიოტაჟი და თუნდაც, ის ფაქტი, რომ მათ ბათუმში მიავლინეს ყველაზე სტაჟიანი პროვოკატორები, რომელთა პოლიტიკურ შოუებსაც ხვალ, სავარაუდოდ, ტელეეკრანებიდან ვიხილავთ.მოვუწოდებთ ნაციონალურ მოძრაობას, ხელი არ შეუშალონ არჩევნების მშვიდ ვითარებაში ჩატარებას და ამომრჩეველს მისცენ საკუთარი არჩევანის მშვიდ გარემოში გაკეთების შესაძლებლობა. ასევე მოვუწოდებთ სამართალდამცავ ორგანოებს, ყველა სამართალდარღვევას, რომელიც ამომრჩევლის ნების თავისუფალი გამოვლენის წინააღმდეგ იქნება მიმართული, კანონის მთელი სიმკაცრით გასცენ პასუხი.

30 მარტი, 2022

საქართველოს პარლამენტის თავმჯდომარე შალვა პაპუაშვილი,  ევროპის პარლამენტში სოციალისტებისა და დემოკრატების პროგრესული ალიანსის ჯგუფის პრეზიდენტ ირაქსე გარსია პერეზს შეხვდა. შეხვედრაზე ხაზი გაესვა პოლიტიკური პარტია „ქართულ ოცნებასა“ და სოციალისტებისა და დემოკრატების პროგრესული ალიანსის ჯგუფს შორის არსებულ განსაკუთრებით მტკიცე კავშირებსა და საერთო ევროპული ღირებულებების მხარდაჭერას.მხარეებმა ისაუბრეს საქართველოს განაცხადზე ევროკავშირის წევრობაზე, საქართველოში განხორციელებულ და დაგეგმილ რეფორმებსა და რუსულ აგრესიაზე უკრაინაში. სოციალისტებისა და დემოკრატების ჯგუფის პრეზიდენტმა გამოხატა მხარდაჭერა საქართველოს ევროპული მისწრაფებებისადმი.

28 მარტი, 2022

• სამწუხაროდ ბევრი სპეკულაცია მოჰყვა საკონსტიტუციო სასამართლოსთან დაკავშირებულ ნორმებს, თითქოს ეს ცვლილება შეეხება კომპეტენციების გამიჯვნის ნაწილში გარკვეულ საკითხებს. ეს არ არის სწორი ინფორმაცია, ნორმაში ცვლილება შეეხება იმას, რომ საკონსტიტუციო სასამართლოს ჰქონდეს საშუალება კომპეტენციების გამიჯვნის შესახებ იმსჯელოს, მიიღოს გადაწყვეტილება და ამ ქვეყანაში ერთხელ და სამუდამოდ ყველამ იცოდეს თავისი კომპეტენციის ფარგლები. • ერთ-ერთმა არასამთავრობო ორგანიზაციამ მოგვმართა მმართველ გუნდს, ის მოგვიწოდებს აღარ მივმართოთ სასამართლოს სარჩელებით, რაც წარმოუდგენელი და უპრეცედენტო მოვლენაა. მათი ლოგიკით, ვისაც რა მოუნდება შეუძლია დააბრალოს მმართველ გუნდს და მის წარმომადგენელს და მმართველი გუნდის წარმომადგენლებმა სარჩელიც კი არ უნდა შეიტანონ თავისი უფლებების დასაცავად. ეს არასამთავრობო ორგანიზაცია ამბობს, რომ ეს ქმედება არის კოორდინირებული, ანუ, სასამართლოში შედის სარჩელები იმასთან დაკავშირებით, რომ მმართველი გუნდის წარმომადგენელს ვიღაცამ ტყუილი დააბრალა. ვპირდები, რომ ნებისმიერი არასამთავრობო ორგანიზაციის წარმომადგენელი იქნება, რომელიც გადაწყვეტს რომ ნაცმოძრაობას ამგვარად დაუჭიროს მხარი თუ, თავად პოლიტიკოსი ნაცმოძრაობიდან, ეს ქმედებები და მსგავსი საკითხები კიდევ უფრო კოორდინირებული იქნება. ჩვენ მათ ნებისმიერ დაბრალებაზე, სამწუხაროდ ვერ მოვიცლით და ვერ მოვახდენთ რეაგირებას, მაგრამ სარჩელები კიდევ უფრო მეტი შევა იმ ტყუილებთან დაკავშირებით, რასაც ისინი ყოველდღიურად კადრულობენ. ნურავის ექნება იმის ილუზია, რომ ყველა მათი ტყუილი უბრალოდ გატარდება. • სამწუხაროდ კოორდინირებული მცდელობა, რომ ეს ქვეყანა ომში ჩაითრიონ გრძელდება, რასაც ჩვენ მთელი წინა პერიოდის განმავლობაში ვსაუბრობდით, ეს დადასტურდა სამწუხაროდ უკრაინის უშიშროების საბჭოს თავმჯდომარის გუშინდელი განცხადებით. დღეს ნაცმოძრაობის ბელადმა სასამართლო პროცესზე კიდევ ერთხელ დაადასტურა ეს, მან თქვა - მე აქ იმიტომ ჩამოვედი, რომ ვიცოდი ეს მომენტი დგებოდა და ეს მომენტი დადგა. ამაზე მოუწევს პასუხის გაცემა მისი პარტიის თითქმის ყველა წარმომადგენელს დარწმუნებული ვარ და ამას ვერსად გაექცევიან. • ეს ქვეყანა და მისი ხელისუფლება  ყველანაირად შეეცდება, რომ იყოს მშვიდობა. ჩვენს ოკუპირებულ ტერიტორიებზე მცხოვრებ ჩვენს მოქალაქეებს, ჩვენს დებს და ძმებს, აფხაზებს და ოსებს მივმართავთ, არანირი საშიშროება იმასთან დაკავშირებით, რომ საომარი მოქმედებების შესახებ იფიქროს საქართველოს ხელისუფლებამ, დეოკუპაციისთვის არ არსებობს და თუ ვინმე მიზანმიმართულად ასეთ პროვოკაციულ ინფორმაციას ავრცელებს, ეს არის მხოლოდ იმ ნარატივის გაგრძელება, რაც ნაცმოძრაობას და მის სხვა დანაყოფებს აქვთ ამ პერიოდში და რასაც ისინი ცდილობენ უკრაინაში რუსეთის წარმოებული ღია აგრესიის კვალდაკვალ და პარალელურად.

28 მარტი, 2022

როგორც მოგეხსენებათ, რამდენიმე დღის წინ შედგა „ომის პარტიის“ - ნაციონალური მოძრაობის მორიგი ვიზიტი უკრაინაში. როგორც გაირკვა, ვიზიტმა „წარმატებით“ ჩაიარა, რადგან მისი დასრულებისთანავე, უკრაინის ხელისუფლების უმაღლესი თანამდებობის პირებმა ღიად დაიწყეს საუბარი საქართველოში მეორე ფრონტის გახსნისა და უკრაინაში მიმდინარე ომის საქართველოში გადმოტანის მიზანშეწონილობაზე. უკრაინის უშიშროების საბჭოს მდივნის, ალექსეი დანილოვის განცხადება ამის ყველაზე მკაფიო მაგალითი იყო.ჩვენ საზოგადოებას არაერთგზის გავუზიარეთ ინფორმაცია იმასთან დაკავშირებით, რომ ნაციონალური მოძრაობის მიერ მოწყობილი ყველა პროვოკაციის უმთავრესი მიზანი უკრაინაში მიმდინარე სამხედრო კონფლიქტში საქართველოს ჩათრევა და საქართველოში მეორე ფრონტის გახსნა გახლდათ.სწორედ ამ მიზანს ემსახურებოდა და ემსახურება მუდმივი მოწოდებები რუსეთისთვის ეკონომიკური სანქციების დაწესების შესახებ; ამავე მიზანს ემსახურებოდა უმძიმესი პროვოკაციული მცდელობა, საქართველოს მთავრობის ნებართვით უკრაინაში გაგზავნილიყო მოხალისე მებრძოლებით სავსე თვითმფრინავი; ამავე მიზანს ემსახურებოდა დისკრიმინაციული პროპაგანდა რუსი ეროვნების მოქალაქეების წინააღმდეგ, მოწოდებები ხელისუფლების მიერ იარაღის შეძენისკენ (ყველას გახსოვთ, მაგალითად, გიორგი მარგველაშვილის განცხადებები ამასთან დაკავშირებით), სამხედრო სტატუსის შესახებ თემის სპეკულაციური წამოწევა, მოწოდებები ხელისუფლების მიერ უხეში რიტორიკის გამოყენებისკენ და ა.შ. საქართველოდან უკრაინის ელჩის გაწვევაც იყო „ომის პარტიის“ მიერ ორგანიზებული პოლიტიკური ზეწოლის აქტი, რომელიც საზოგადოებაში მღელვარების გამოწვევასა და საქართველოს ხელისუფლების პოლიტიკის ცვლილებას ისახავდა მიზნად. როგორც საზოგადოებას მოეხსენება, საქართველოს ხელისუფლებამ „ომის პარტიის“ ყველა ამ პროვოკაციას სათანადოდ უპასუხა და ქვეყანაში ვითარების ესკალაცია არ დაუშვა.საქართველოში სამხედრო კონფლიქტის გადმოტანის მიზანს ემსახურება, აგრეთვე, „ომის პარტიის“ პირდაპირი თუ ირიბი საუბრები ე.წ. შესაძლებლობის ფანჯარაზე და მოწოდებები ომის გზით ტერიტორიული მთლიანობის აღდგენისკენ. აღნიშნულთან დაკავშირებით, ხაზგასმით გვინდა განვაცხადოთ, რომ საქართველოს ხელისუფლება რჩება მშვიდობიანი დეოკუპაციის პოლიტიკის ერთგული და წინ აღუდგება ყველა პროვოკაციას, რომელიც ჩვენს აფხაზ და ოს ძმებთან და დებთან ახალი სამხედრო დაპირისპირების ესკალაციას ისახავს მიზნად. ყველას კარგად გვესმის, რომ ნებისმიერი ომი აფხაზეთსა და ცხინვალში იქნება არა მხოლოდ ომი ქართველებსა და რუსეთის საოკუპაციო ძალებს შორის, არამედ, ასევე, ომი ქართველებსა და აფხაზებს, ქართველებსა და ოსებს შორის. ახალი ძმათამკვლელი ომი იქნება უდიდესი, უპატიებელი დანაშაული ჩვენი ქვეყნის ისტორიის წინაშე, რასაც ჩვენ აღარ დავუშვებთ. თუ არსებული მძიმე ვითარება ქმნის რაიმე შესაძლებლობის ფანჯარას ამ თვალსაზრისით, ეს არის შესაძლებლობა, ოკუპირებულ ტერიტორიებზე მცხოვრებ ადამიანებს გავუწოდოთ დახმარების ხელი გამწვავებულ სოციალურ პრობლემებთან გასამკლავებლად.კიდევ ერთხელ ვაცხადებთ, რომ საქართველოს ხელისუფლება იმოქმედებს საქართველოს სახელმწიფო ინტერესების შესაბამისად, სათანადო პასუხს გასცემს „ომის პარტიის“ ყველა პროვოკაციას და არ დაუშვებს საქართველოს ჩათრევას სამხედრო კონფლიქტში. ეს არის ჩვენი პასუხისმგებლობა ჩვენი ქვეყნისა და ჩვენი მოსახლეობის წინაშე.

22 მარტი, 2022

პირველ რიგში, კიდევ ერთხელ, ჩვენი სოლიდარობა უკრაინას და უკრაინელ ხალხს. საქართველო განაგრძობს მხარდაჭერას უკრაინის მიმართ ყველა საერთაშორისო პოლიტიკურ პლატფორმაზე. ასევე გრძელდება ჰუმანიტარული დახმარების გაწევა. უკრაინაში რუსეთის მიერ წარმოებული ღია აგრესიისა და საომარი ქმედებების პარალელურად, საქართველოში ომის პარტია და მისი დანაყოფები აგრძელებენ საინფორმაციო, ჰიბრიდულ ომს საქართველოს წინააღმდეგ. საქართველო კვლავ ერთადერთი ქვეყანაა მსოფლიოში, სადაც ოპოზიციის მნიშვნელოვანი ნაწილი რუსეთის მიერ წარმოებული ომის პარალელურად თავის ქვეყანაში ჰიბრიდული ომის წარმოებით ებრძვის საკუთარ ქვეყანას და მის ხელისუფლებას. ალბათ ყველას გახსოვთ ცრუ ინფორმაციების კასკადი და ომში ჩართვის რეგულარული მცდელობები მათი მხრიდან, რასაც ბოლო დღეებში ახალი, ჰაერიდან მოტანილი ტყუილები დაემატა. მაგალითად: საქართველოს პარლამენტის განათლების კომიტეტს დააბრალეს, თითქოს საჯარო სკოლებში და უმაღლეს სასწავლებლებში რუსული სექტორის აღდგენა ხდება, ასევე მოიგონეს თითქოს ბათუმში იხსნება რუსული სკოლა, თითქოს პარლამენტში განსახილველად შედის მოქალაქეობის შესახებ კანონში ცვლილებები, რაც მათივე შექმნილი ფეიკის მიხედვით საზღვარზე რუსეთის მოქალაქეების უკონტროლო შემოდინებას უკავშირდება; თქვეს რომ საქართველოს საჰაერო სივრცე რუსულმა სამხედრო თვითმფრინავმა გადაკვეთა; საუბრობდნენ ჩეჩნეთ-საქართველოს დამაკავშირებელი ახალი გზის მშენებლობის სასწრაფო წესით დაწყებაზე და ა.შ. ეს არის მათი მავნებლობების მხოლოდ მცირე ჩამონათვალი. ყველა მათგანი აბსოლუტურად საზოგადოებაში მღელვარების გამოსაწვევად შექმნილი მათივე მოგონილი ამბავია. ამის პარალელურად აყენებენ სხვადასხვა ინიციატივებს, რომლებიც, თან პროპაგანდისტულ თუ პოპულისტურ მიზნებს ემსახურება, პარალელურ რეჟიმში კი პირდაპირ ან ირიბად უკავშირდება ომის პარტიის მიერ წარმოებულ დეზინფორმაციულ კამპანიას, ჰიბრიდულ ომს და საქართველოს ომში ჩათრევის მიზანს. ამასთან ერთად, ბოლო დღეებში დაიწყეს ისეთი თემების აქტუალიზაცია, რომლებიც, ამ ვითარებაში, ცალკე აღებულიც, წარმოადგენს საქართველოს სახელმწიფოს მტრობას. ერთ-ერთი ასეთი თემა 17 მარტს, თავის სასამართლო პროცესზე ახსენა ომის პარტიის ლიდერმა სააკაშვილმა, რის შემდეგაც მათ თავიანთ მედიასაშუალებებში შიდაპროპაგანდა და თანამშრომლების დარწმუნებაც კი დასჭირდათ, რომ თემის აქტუალიზაცია მოეხდინათ და საკითხის წამოწევა დღეს, სააკაშვილის განცხადებიდან მხოლოდ მეხუთე დღეს გაბედეს. ცალსახად უნდა ითქვას, ამ ვითარებაში, მსგავსი თემების აქტუალიზაცია არის არა მხოლოდ მტრის წისქვილზე წყლის დასხმა, არამედ პირდაპირ საქართველოს მტრობა. შესაბამისად, ომის პარტიის მოღალატეობრივი და ანტისახელმწიფოებრივი ქმედებებიდან გამომდინარე მივიღეთ გადაწყვეტილება, რომ არ განვიხილოთ ომის პარტიის, ასევე მისი დანაყოფების არც ერთი ინიციატივა. წარმოუდგენელია შეხვიდე იმ ხალხის მიერ ინიცირებული საკითხების შინაარსის განხილვაში, რომლებიც ჰიბრიდულ, საინფორმაციო ომს აწარმოებენ საკუთარი ქვეყნის წინააღმდეგ. მათი მიზანია საქართველო ჩაითრიონ ომში, გაზარდონ სამომავლო რისკები ან, როგორც მინიმუმ, უკიდურესი, გამოუსწორებელი ზიანი მიაყენონ ქვეყნის იმიჯს, მის ეროვნულ და ეკონომიკურ ინტერესებს, ამით კი თავად რამენაირად ისარგებლონ. ამიტომ ჩვენ, საგარეო პოლიტიკასთან დაკავშირებულ მათ არც ერთ ინიციატივას არ განვიხილავთ. ეს გადაწყვეტილება დღევანდელ სიტუაციაში სასიცოცხლოდ მნიშვნელოვანია საქართველოში მშვიდობის უზრუნველყოფის და ქვეყნის ეროვნული ინტერესებიდან გამომდინარე! ამისათვის ჩვენ ყველაფერს გავაკეთებთ.

16 მარტი, 2022

პირველ რიგში, კიდევ ერთხელ გამოვხატავთ სოლიდარობას რუსეთის სამხედრო აგრესიის წინააღმდეგ მებრძოლი უკრაინის სახელმწიფოსა და უკრაინელი ხალხის მიმართ.გვინდა კიდევ ერთხელ დავაფიქსიროთ ჩვენი პოზიცია სანქციებთან დაკავშირებით. როგორც ცნობილია, „ომის პარტია“ ნაციონალური მოძრაობის სახით, ღიად ვერ ბედავს საუბარს სანქციების დაწესებისა და საქართველოს სამხედრო კონფლიქტში ჩართვის სურვილის შესახებ. თუმცა, ყველა მათი პროვოკაცია სწორედ ამისკენ არის მიმართული. მათი აშკარა მიზანია, ხელისუფლებამ მიიღოს ქართული სახელმწიფოსა და ქართველი ხალხისთვის უკიდურესად საზიანო გადაწყვეტილებები, დააწესოს ეკონომიკური სანქციები და ქვეყანა ჩართოს ომში, რაც საქართველოსთვის და ქვეყნის მოსახლეობისთვის უმძიმესი შედეგების მომტანი იქნება.აღსანიშნავია, რომ ბოლო რამდენიმე დღის განმავლობაში, სანქციების მიმართულებით ნაციონალური მოძრაობის პროვოკაციულ კამპანიაში მათი უცხოელი ლობისტებიც აქტიურად ჩაერთვნენ. ამ დღეების განმავლობაში, ნაციონალური მოძრაობის კუთვნილმა ტელევიზიებმა გააშუქეს ასეთი ლობისტების რამდენიმე განცხადება, რომლებითაც ისინი საქართველოს ხელისუფლებას სანქციებზე მიერთებისკენ მოუწოდებდნენ. ამასთან დაკავშირებით, გვინდა შეგახსენოთ, რომ 2008 წლის რუსეთ-საქართველოს ომის შემდეგ, რუსეთისთვის სანქციები არ დაუწესებია მსოფლიოს არცერთ სახელმწიფოს, მიუხედავად იმისა, რომ ამ ომის შედეგად, რუსეთმა განახორციელა საქართველოს ტერიტორიის 20 პროცენტის ოკუპაცია, დაიღუპა ასეულობით სამხედრო და სამოქალაქო პირი, დევნილად იქცა ჩვენი ქვეყნის 30 ათასი მოქალაქე, რუსეთმა დაბომბა ქართული ქალაქები, სრულად გაანადგურა ასეულობით ქართული სოფელი, ქართული ეკლესიები და კულტურული მემკვიდრეობის სხვა ძეგლები. ამ ყველაფრის მიუხედავად, 2008 წლის ომის შემდეგ, რუსეთისთვის სანქციები არ დაუწესებია არც საქართველოს მაშინდელ ხელისუფლებას. მეტიც, საქართველოს ხელისუფლებამ, ნაციონალური მოძრაობის მმართველობის პერიოდში, 2010 წელს ნაწილობრივ, ხოლო 2012 წელს სრულად შემოიღო უვიზო მიმოსვლის რეჟიმი რუსეთის მოქალაქეებისთვის. 2012 წლის შემდეგ, ჩვენი ხელისუფლების პირობებში, რუსეთთან გაფართოვდა სავაჭრო-ეკონომიკური ურთიერთობები. წინა თუ მოქმედი ხელისუფლების არც ერთ ამ გადაწყვეტილებასთან დაკავშირებით არავის, ვიმეორებთ - არავის არავითარი კრიტიკული შენიშვნა არ გამოუთქვამს.ყველასთვის ცხადი იყო, რომ ხელისუფლების ნაბიჯები მხოლოდ და მხოლოდ საკუთარი ქვეყნისა და მოსახლეობის, მათ შორის რუსეთსა და ოკუპირებულ ტერიტორიებზე მცხოვრები ასი ათასობით ჩვენი მოქალაქის ინტერესების დაცვას ემსახურებოდა.უკრაინელი ხალხის მიმართ ჩვენი განსაკუთრებული დამოკიდებულებიდან გამომდინარე, ბუნებრივია, ჩვენი სოლიდარობა უკრაინის მიმართ განსაკუთრებულია. თუმცა, გაუგებარია, როგორ შეიძლება მოგვთხოვონ სანქციების დაწესება უკრაინაში მიმდინარე რუსული სამხედრო აგრესიის გამო, როდესაც ეს საქართველოს ხელისუფლებას საკუთარი ქვეყნის ოკუპაციის შემდეგაც კი არ გაუკეთებია.კიდევ ერთხელ მოვუწოდებთ „ომის პარტიას“ ნაციონალური მოძრაობის სახით, თუ სანქციების დაწესებას ემხრობიან, კეთილი ინებონ და ფარული აგიტაციის, პროვოკაციების მოწყობისა და უცხოელი ლობისტების დაქირავების ნაცვლად, ღიად ისაუბრონ ამაზე.კიდევ ერთხელ აღვნიშნავთ, რომ ეკონომიკური სანქციების დაწესებით, საქართველოს ხელისუფლება ვერავითარ ზიანს ვერ მიაყენებს რუსეთს, საკუთარ ქვეყანასა და მოსახლეობას კი უმძიმესი დარტყმის ქვეშ დააყენებს.აქედან გამომდინარე, კიდევ ერთხელ ხაზგასმით ვაცხადებთ, რომ ჩვენი პოზიცია სანქციების დაწესებასთან დაკავშირებით არის უცვლელი და ამ პოზიციას ვერავითარი პროვოკაციების, ფარული კამპანიების თუ უცხოელი ლობისტების მეშვეობით ვერავინ შეგვაცვლევინებს.ვიმეორებთ, რომ საქართველო არ შეუერთდება რუსეთისთვის დაწესებულ სანქციებს. უკრაინის პოლიტიკური და ჰუმანიტარული მხარდაჭერის პარალელურად, საქართველოს ხელისუფლება უკომპრომისოდ და პრინციპულად დგას და იდგება ქართული სახელმწიფოს და ქართველი ხალხის ინტერესების სადარაჯოზე.

15 მარტი, 2022

პარტია „ქართული ოცნება - დემოკრატიული საქართველოს“ ცენტრალურ ოფისში პოლიტიკური საბჭოს სხდომა გაიმართა

15 მარტი, 2022

კონსტიტუციის პატივისცემა და მის შესაბამისად მოქმედება ყველა კონსტიტუციური ორგანოს უპირველესი ვალია. განსაკუთრებით ეს ეხება საქართველოს პრეზიდენტს, რომელსაც კონსტიტუციის დაცვის ვალდებულებას თავად კონსტიტუცია პირდაპირი ტექსტით აკისრებს. სამწუხაროდ, ამ თვალსაზრისით, აშკარად იკვეთება უარყოფითი ტენდენცია და ჩვენი ვალია, ამ ტენდენციაზე იმთავითვე მოვახდინოთ პოლიტიკური რეაგირება, რათა მან კონსტიტუციური სისტემის ფუნქციონირებას რაიმე ჭარბი სირთულე არ შეუქმნას. ვიდრე დეტალებზე ვისაუბრებთ, პირველ რიგში, საქართველოს პრეზიდენტს გვინდა მოვუწოდოთ, გაეცნოს საქართველოს კონსტიტუციას და განსაკუთრებით, სამი მთავარი კონსტიტუციური ორგანოს - პარლამენტის, მთავრობისა და პრეზიდენტის კონსტიტუციურ უფლებამოსილებებს. გუშინდელ გამოსვლაში საქართველოს პრეზიდენტმა შემოგვთავაზა მთელი რიგი ახალი თამაშის წესები, რომლებიც სახელმწიფო სისტემის ფუნქციონირებას უკავშირდება. აშკარაა, რომ მისი სურვილია კონსტიტუციის მიღმა იმოქმედოს. თუმცა, პრეზიდენტს გვინდა შევახსენოთ, რომ სახელმწიფო სისტემის თამაშის წესებს არა პრეზიდენტი, არამედ კონსტიტუცია განსაზღვრავს, ხოლო პრეზიდენტს კონსტიტუციის გადაწერის შესაძლებლობას ვერავინ მისცემს. როგორც ცნობილია, საქართველოს კონსტიტუციის მოქმედი რედაქცია საგარეო პოლიტიკის განხორციელების ექსკლუზიურ უფლებამოსილებას საქართველოს მთავრობას ანიჭებს. საპარლამენტო რესპუბლიკის პრინციპების შესაბამისად, საგარეო პოლიტიკის განხორციელებაში ჩართვა საქართველოს პრეზიდენტს მხოლოდ გამონაკლის შემთხვევებში, საქართველოს მთავრობის საგანგებო თანხმობით შეუძლია. აქვე დამატებით უნდა აღინიშნოს, რომ საქართველოს პრეზიდენტს არ ექვემდებარება საგარეო პოლიტიკის განხორციელებასთან დაკავშირებული არცერთი სახელმწიფო უწყება, რაც მის მიერ ამ უფლებამოსილების განხორციელებაში ეფექტიან ჩართვას შეუძლებელსაც კი ხდის. როგორც უკვე აღინიშნა, ეს თავისებურებები საპარლამენტო რესპუბლიკის პრინციპებიდან გამომდინარეობს. სწორედ საგარეო პოლიტიკის განხორციელების ერთ-ერთი უმნიშვნელოვანესი ინსტრუმენტია ელჩებისა და სხვა დიპლომატიური წარმომადგენლების დანიშვნა. შესაბამისი აქტი პრეზიდენტისა და პრემიერ-მინისტრის თანახელმოწერით გამოიცემა, ამგვარ აქტზე კი, კონსტიტუციის თანახმად, პოლიტიკური პასუხისმგებლობა მხოლოდ მთავრობას ეკისრება. ეს ნიშნავს, რომ ელჩის განწესების მატერიალურ უფლებამოსილებას კონსტიტუცია მთავრობას ანიჭებს, პრეზიდენტს კი ამ სფეროში მხოლოდ სამართლებრივი და ცერემონიული უფლებამოსილება აქვს მინიჭებული. ამასთან, თანახელმოწერის დათქმაც რომ არ იყოს დადგენილი, ყველა საპარლამენტო რესპუბლიკაში ელჩის დანიშვნის უფლებამოსილება სწორედ ამ სახით განიმარტება - პრეზიდენტი ელჩებს ფორმალურად ნიშნავს, მათ შერჩევაზე კი, პოლიტიკურ-პრაქტიკული თვალსაზრისით, მთავრობაა პასუხისმგებელი. გასული ერთი წლის განმავლობაში, იყო არაერთი შემთხვევა, როდესაც პრეზიდენტმა მთავრობის მიერ წარდგენილი ელჩის თუ დიპლომატიური წარმომადგენლის დანიშვნაზე უარი განაცხადა, რაც საქართველოს კონსტიტუციას უხეშად ეწინააღმდეგება. გასული თვეების განმავლობაში შედგა არაერთი შეხვედრა მთავრობის წარმომადგენლებსა და პრეზიდენტს შორის, სადაც პრეზიდენტს არაერთგზის ნათლად განემარტა საქართველოს კონსტიტუციის შინაარსი, თუმცა, სამწუხაროდ, უშედეგოდ. ამ პირობებში, საქართველოს მთავრობა იძულებული ხდება, უახლოეს მომავალში მიმართოს საკონსტიტუციო სასამართლოს კომპეტენციების შესახებ დავის პროცედურის ფარგლებში და საქართველოს პრეზიდენტის მხრიდან კონსტიტუციის დარღვევის დადასტურება მოითხოვოს. საგარეო პოლიტიკის განხორციელების სფეროში საქართველოს მთავრობის ექსკლუზიური უფლებამოსილების შესაბამისად, საერთაშორისო მოლაპარაკებების წარმოებისა და წარმომადგენლობითი უფლებამოსილების განხორციელების კუთხითაც, საქართველოს კონსტიტუცია პრიორიტეტს მთავრობას ანიჭებს. კონსტიტუციის თანახმად, საქართველოს პრეზიდენტს მხოლოდ მთავრობის თანხმობის შემთხვევაში შეუძლია საერთაშორისო მოლაპარაკებების წარმოება და წარმომადგენლობითი უფლებამოსილებების განხორციელება. ამ კონსტიტუციური დათქმის დარღვევით, საქართველოს მთავრობის თანხმობის გარეშე, საქართველოს პრეზიდენტმა, როგორც ეს მან გუშინდელ სხდომაზე თავადაც აღიარა, განახორციელა რამდენიმე ვიზიტი სხვადასხვა ქვეყანაში. აქვე უნდა აღინიშნოს, რომ აღნიშნული ვიზიტები პრეზიდენტმა მთავრობასთან ყოველგვარი წინასწარი კონსულტაციის გარეშე დაგეგმა და მთავრობას ვიზიტების შესახებ მხოლოდ ამის შემდეგ აცნობა, რაც ადასტურებს, რომ პრეზიდენტმა კონსტიტუცია წინასწარი განზრახვით დაარღვია. ჩვენ გავუფრთხილდით პრეზიდენტის ინსტიტუტს და ეს ფაქტი არ გავასაჯაროეთ, თუმცა, ახლა, როდესაც პრეზიდენტმა ის თავად გაასაჯაროა, მასზე პოლიტიკური რეაგირება აუცილებლად მიგვაჩნია. საინტერესოა, რომ გუშინდელ გამოსვლაში პრეზიდენტს მისი ევროპული ვიზიტების შესახებ ერთი სიტყვაც არ უთქვამს, როცა 5 მარტს საგანგებო სხდომის მოწვევას სწორედ ვიზიტის შესახებ სასწრაფო მოხსენების წარდგენის აუცილებლობით ხსნიდა. ეს ფაქტი იმასაც ცხადყოფს, რომ პრეზიდენტი ევროპიდან რაიმე ხელშესახები შედეგის გარეშე დაბრუნდა. სრულიად გაუგებარი იყო პრეზიდენტის გუშინდელი განცხადებები სახელმწიფო უსაფრთხოების საბჭოს შესახებ. უსაფრთხოების საბჭო არის პრემიერ-მინისტრის სათათბირო სამთავრობო ორგანო, რომელიც საქართველოს მთავრობის მიერ უსაფრთხოების სახელმწიფო პოლიტიკის ეფექტიანი განხორციელებისთვის იქმნება. ამ სამთავრობო ორგანოში არასამთავრობო სუბიექტების, პრეზიდენტისა და ოპოზიციის წარმომადგენლების შეყვანა სისტემის ლოგიკასა და ორგანოს არსს პირდაპირ ეწინააღმდეგება. ამ შემთხვევაშიც, აშკარაა, რომ საქართველოს პრეზიდენტი ან საქართველოს კონსტიტუციას ვერ კითხულობს და დღემდე მის არსში ვერ გაერკვა, ან ის ამ შემთხვევაშიც კონსტიტუციის თავისებურად გადაწერას ცდილობს. მთავარსარდლის სტატუსზე მითითებაც იმ პირობებში, როდესაც საპარლამენტო რესპუბლიკაში ეს სტატუსი მხოლოდ ცერემონიული დატვირთვის მატარებელია, იმაზე მეტყველებს, რომ პრეზიდენტი კონსტიტუციას სწორად ვერ ან არ კითხულობს. უნდა აღინიშნოს, რომ საქართველოს საპარლამენტო რესპუბლიკაში უსაფრთხოების პოლიტიკის განხორციელებაზე პასუხისმგებელი მთავარი ორგანო საქართველოს მთავრობაა. მთავრობის სხდომებთან ერთად, პრემიერ-მინისტრთან რეგულარულად იმართება ოპერატიული თათბირები უსაფრთხოების საკითხების განსახილველად. სწორედ ერთ-ერთ ასეთ თათბირზე იქნა მოწვეული პრეზიდენტის ადმინისტრაციის წარმომადგენელი, რომელსაც მიეცა განმარტებები პრეზიდენტის ვიზიტის მიზანშეუწონლობის შესახებ, რაც პრეზიდენტმა არ გაითვალისწინა. უკანასკნელ პერიოდში, პრეზიდენტის მიერ კონსტიტუციისა და კანონმდებლობის დარღვევის ორი უხეში პრეცედენტი დაფიქსირდა პარლამენტის მიმართაც. კერძოდ, თავდაპირველად, პრეზიდენტმა პარლამენტში მისი მისვლის თარიღი პარლამენტთან შეთანხმების გარეშე გამოაცხადა, ხოლო, მოგვიანებით, პარლამენტთან შეთანხმების გარეშე სხდომათა დარბაზის მთავარ სივრცეში შეიყვანა უკრაინის ელჩის მოვალეობის შემსრულებელი, რისი უფლებაც, კონსტიტუციისა და პარლამენტის რეგლამენტის თანახმად, მხოლოდ პარლამენტის თავმჯდომარეს აქვს. როგორც ჩანს, პრეზიდენტი კარგად ხვდებოდა უხერხულობას, რომელსაც უკრაინის ხელისუფლების მიერ ელჩის გაწვევის პირობებში, ამგვარი აქტი უკავშირდებოდა და პარლამენტის თავმჯდომარეს საკუთარი განზრახვა ამ მიზეზით დაუმალა. უკრაინელი ხალხის მიმართ პატივისცემისა და სოლიდარობის გათვალისწინებით, ჩვენ ყველაფერი გავაკეთეთ, რომ ელჩის მოვალეობის შემსრულებლისთვის პრეზიდენტის მიერ შექმნილი უხერხულობა აგვერიდებინა და პარლამენტის სხდომაზე მის მიმართ პატივისცემა და მხარდაჭერა სათანადოდ გამოვხატეთ. გუშინ ჩვენ ასევე მოვისმინეთ საქართველოს პრეზიდენტის რამდენიმე გაუგებარი განცხადება მიმდინარე პროცესებთან დაკავშირებით. მათ შორის ერთ-ერთი „გამორჩეული“ იყო შემდეგი ფრაზა - „ხელისუფლება სცოდავს, როცა ვერ ბედავს გამოხატოს ის, რასაც ჩვენი ისტორია და ღირსება გვკარნახობს“. ამასთან, ამგვარი შეურაცხმყოფელი ფრაზის მიღმა, მას არ დაუკონკრეტებია, თუ რას გულისხმობს ხელისუფლების გაუბედავ და უღირს მოქმედებაში. შეგახსენებთ, რომ ჩვენმა ხელისუფლებამ მკაფიო პოზიცია გამოხატა ყველა საერთაშორისო ფორუმზე, ყველა პოლიტიკური გადაწყვეტილების მიღებისას, რომელიც უკრაინის სუვერენიტეტისა და ტერიტორიული მთლიანობის მხარდაჭერასა და რუსული აგრესიის მიმართ რეაგირებას უკავშირდებოდა - იქნებოდა ეს ევროსაბჭოში რუსეთისთვის წევრის სტატუსის შეჩერება, გაეროს რეზოლუციის თანასპონსორობა, ჰააგაში შეტანილი საჩივრის თანაავტორობა თუ სხვა. თუ პრეზიდენტი გულისხმობს იმას, რომ საქართველო სანქციებს უნდა მიერთებოდა და ომში უნდა ჩართულიყო, კეთილი ინებოს, თავად გამოიჩინოს გამბედაობა და ეს ღიად თქვას. იმედი გვაქვს, ის არ იმეორებს რადიკალური ოპოზიციის ტაქტიკას, რომელიც სანქციებსა და ომზე ღიად ვერ საუბრობს, თუმცა, ყველა პროვოკაციით ცდილობს, ხელისუფლებას სწორედ აქეთკენ უბიძგოს. არანაკლებ გაუგებარი იყო პრეზიდენტის განცხადება ევროინტეგრაციის მინისტრად ოპოზიციური პარტიის წარმომადგენლის დანიშვნის შესახებ. პირველ რიგში, პრეზიდენტს უნდა ესმოდეს, რომ ოპოზიციონერი პოლიტიკოსი როგორც კი ხდება მინისტრი, პოლიტიკის ელემენტარული კანონების თანახმად, ის აღარ არის ოპოზიციონერი პოლიტიკოსი და ხდება მმართველი კოალიციის წარმომადგენელი. საზოგადოების ყურადღებას აღარ შევაჩერებთ იმაზე, თუ როგორია ეს ოპოზიცია, რომელზეც პრეზიდენტი საუბრობს. გაუგებარია, როგორ ასაბუთებს პრეზიდენტი ევროინტეგრაციის მინისტრის პოსტზე ოპოზიციონერის დანიშვნის მიზანშეწონილობას, როცა გუშინ თავადვე აღნიშნა დიდი ხნის წინ ცნობილი ფაქტი, რომ ოპოზიცია „დადის და (სახელმწიფოს) ძირს უთხრის“. რა სარგებელი უნდა ჰქონდეს ძირგამომთხრელის დანიშვნას ევროინტეგრაციის მინისტრად, საზოგადოებას თავადაც შეუძლია განსაჯოს. გარდა ამისა, პრეზიდენტის ეს განცხადება აშკარად ემსახურებოდა საზოგადოებაში ჭარბი მოლოდინის გაჩენას ევროინტეგრაციის ტემპებთან დაკავშირებით. ევროპელი პოლიტიკოსების - ბორელის, მაკრონის, შოლცის და სხვების სიტყვები ცხადყოფს, რომ ევროკავშირის წევრობამდე საქართველოს, ისევე, როგორც უკრაინასა და მოლდოვას, სამწუხაროდ, არცთუ მოკლე გზა აქვს გასავლელი. გასატარებელია არაერთი რეფორმა, რასაც არაერთი წელი დასჭირდება. ამ თვალსაზრისით, ხელისუფლებას დღემდე ძალისხმევა არ დაუკლია და არც მომავალში დააკლებს. ამ პირობებში, გაუგებარია, რა საჭიროა ღია კარის მტვრევა, რაც რადიკალური ოპოზიციის ცნობილი ხელწერაა. როგორც გავარკვიეთ, ევროინტეგრაციის მინისტრად ოპოზიციონერის დანიშვნა იყო პრეზიდენტის გუშინდელი გამოსვლის ძირითადი სათქმელი, რაც, თავისთავად, მრავლისმთქმელია. საქართველოს პრეზიდენტის კონსტიტუციის საწინააღმდეგო ქმედებები და საფუძველს მოკლებული განცხადებები განსაკუთრებული საფრთხის შემცველია იმ დროს, როდესაც რუსეთ-უკრაინის ომის პირობებში, მსოფლიო და საქართველო უსაფრთხოების განსაკუთრებული გამოწვევების წინაშე დგას. დასასრულს, კიდევ ერთხელ მოვუწოდებთ საქართველოს პრეზიდენტს, ყურადღებით გაეცნოს საქართველოს კონსტიტუციას და კარგად გაიაზროს საპარლამენტო რესპუბლიკის არსი, რომლის დამკვიდრებაში მას, როგორც საქართველოს პარლამენტის წევრს, 2017 წელს უშუალო მონაწილეობა აქვს მიღებული. ასეთ შემთხვევაში, ის მომავალში მაინც იქნება დაზღვეული შეცდომებისა და გადაცდომებისგან და მისი სამომავლო ქმედებები და განცხადებები ამდენ კითხვას აღარ დატოვებს. საქართველოს პრეზიდენტმა პირველ რიგში უნდა სცეს პატივი საქართველოს კონსტიტუციას და პრეზიდენტის კონსტიტუციურ პასუხისმგებლობასა და ვალდებულებებს.

13 მარტი, 2022

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა. უმრავლესობის წევრებმა მომავალ სასესიო კვირაში განსახილველ საკითხებზე იმსჯელეს. საუბარი შეეხო უკრაინის გარშემო მიმდინარე მოვლენებს, საქართველოს პრეზიდენტ სალომე ზურაბიშვილის ყოველწლიურ მოხსენებას საქართველოს პარლამენტის წინაშე, რომელიც 14 მარტს გაიმართება, 17 მარტს, „მინისტრის საათის“ ფორმატში შინაგან საქმეთა მინისტრ ვახტანგ გომელაურის მოსმენას, ასევე მიმდინარე საკითხებს.

11 მარტი, 2022

პირველ რიგში, კიდევ ერთხელ მსურს გამოვხატო სოლიდარობა უკრაინის სახელმწიფოსა და უკრაინელი ხალხის მიმართ. აუცილებლად უნდა გამოვეხმაუროთ რადიკალური ოპოზიციის მოღალატეობრივ ქმედებებსა და კამპანიას, რომელიც განსაკუთრებით ბოლო რამდენიმე დღის განმავლობაში კიდევ უფრო გააქტიურდა. შეგახსენებთ, რომ დღეს საქართველო არის მსოფლიოში ერთადერთი ქვეყანა, სადაც ოპოზიცია რუსეთის მიერ უკრაინაში წარმოებულ ომს იყენებს საბაბად საპროტესტო აქციებისთვის და შიდა და საგარეო ასპარეზზე ქვეყნისათვის დამაზიანებელი კამპანიის წარმოებისთვის. დეტალებს რომც არ ჩავუღრმავდეთ, უკვე ეს ფაქტი კიდევ ერთხელ ნათლად ადასტურებს რადიკალური ოპოზიციის მოღალატეობრივ და ანტისახელმწიფოებრივ ბუნებას. სწორედ ამგვარი მოღალატეობრივი სულისკვეთებითა და ქმედებებით ჩააბარეს მათ 2008 წელს ქვეყნის ტერიტორიების 20 პროცენტი რუსეთს, ხოლო მოგვიანებით ევროსაბჭოს რეზოლუციის მხარდაჭერით რუსეთ-საქართველოს ომის დაწყებაში ქართული ჯარი დაადანაშაულეს, ახლა კი, როგორც ჩანს, ესეც არ ყოფნით და საქართველოს მდგომარეობის კიდევ უფრო მეტად, მაქსიმალურად დამძიმება სურთ. რადიკალური ოპოზიციის მოღალატეობრივი კამპანიის ერთ-ერთი ყველაზე თვალსაჩინო მაგალითი იყო ხატია დეკანოიძის მდარე სიცრუით გაჯერებული გამოსვლა ერთ-ერთ უკრაინულ ტელეარხზე, სადაც ის საქართველოს მოქმედი ხელისუფლების პრორუსულ ხელისუფლებად წარმოჩენას ცდილობდა, საქართველოს რუსეთის სასარგებლო პოლიტიკის წარმოებაში ადანაშაულებდა და მეტიც, საქართველოს უკრაინელების მკვლელობის მხარდაჭერაში დასდო ბრალი. ასევე სამარცხვინო და მოღალატეობრივი იყო ნაციონალური მოძრაობის კუთვნილი ტელევიზიის - „მთავარი არხის“ წარმომადგენლის გუშინდელი გამოსვლა ნედ პრაისის პრესკონფერენციაზე, რომელიც ასევე სიცრუეზე იყო აგებული და საქართველოს სახელმწიფოს და ხელისუფლების იმიჯის დაზიანებას ისახავდა მიზნად. აშკარაა, რომ რადიკალურ ოპოზიციას, მეხუთე კოლონას ნაციონალური მოძრაობის სახით, ამოძრავებს ერთადერთი მიზანი, ერთი მხრივ, სანქციების დაწესებით დაამძიმოს საქართველოს მოსახლეობის ეკონომიკური და სოციალური მდგომარეობა და მეორე მხრივ, საქართველო რამენაირად ჩართოს ომში. როგორც ცნობილია, ამ მიზნის გამჟღავნებას ისინი საჯაროდ ვერ ბედავენ, თუმცა, დავით უსუფაშვილს გუშინ წამოცდა ის, რაც არის რადიკალური ოპოზიციის მთავარი ამოცანა. კერძოდ, მან გუშინ, პრაქტიკულად, განაცხადა, რომ საქართველოს ხელისუფლება უნდა ჩაერთოს ომში რუსეთთან. კიდევ ერთხელ ხაზგასმით ვაცხადებთ, რომ საქართველოს ხელისუფლება იდგება ჩვენი სახელმწიფოს და ხალხის ინტერესების სადარაჯოზე და არ დაუშვებს არც ომში ქვეყნის ჩართვას და არც ჩვენი მოსახლეობის ეკონომიკური ინტერესებისთვის გაუმართლებელი, გამოუსწორებელი ზიანის მიყენებას. საზოგადოებას მოვუწოდებთ, სათანადოდ შეაფასოს რადიკალური ოპოზიციისა და მისი კუთვნილი ტელევიზიების მოღალატეობრივი და ანტისახელმწიფოებრივი კამპანია და გამოიჩინოს მაქსიმალური განსაკუთრებული სიფრთხილე მათი პროვოკაციების მიმართ.

09 მარტი, 2022

როგორც იცით, უკრაინაში რუსეთის ღია აგრესიის და წარმოებული საომარი მოქმედებების კვალდაკვალ, საქართველოში რადიკალურ ოპოზიციას გაჩაღებული აქვს მძლავრი საინფორმაციო ომი საქართველოს ხელისუფლების და საკუთარი ქვეყნის წინააღმდეგ. მსგავსი პრეცედენტი დღეს არ ფიქსირდება მსოფლიოს არც ერთ ქვეყანაში მიუხედავად იმისა, შეუერთდა თუ არა ესა თუ ის ქვეყანა სანქციებს, აგზავნის თუ არა მთავრობის ოფიციალური თანხმობით მოხალისეებს და ა. შ. საინფორმაციო ომში ჩართულია რადიკალური ოპოზიციის აბსოლუტურად ყველა საინფორმაციო საშუალება და პარტიული აქტივი მთლიანი რესურსით, რომლებიც თავიანთ მავნებლურ კამპანიას რამდენიმე მიმართულებით აწარმოებენ. მაგალითად: 1. ვნახეთ, რომ აბსოლუტურად უსაფუძვლო და შეგნებულად შექმნილი აღმოჩნდა აჟიოტაჟი იმის შესახებ, რომ თითქოს საქართველოში რუსეთის მოქალაქეების განსაკუთრებული მიგრაცია შეინიშნება. რაც შეეხება კონკრეტული მოქალაქეების შემოშვება-არშემოშვების საკითხს, რაზეც პერიოდულად გარკვეულ კონკრეტულ ნეგატიურ კამპანიებს ვაწყდებით-ხოლმე საინფორმაციო სივრცეში:როგორც ჩვენი მხრიდან უკვე გახმოვანდა, სხვა ქვეყნის მოქალაქის საქართველოში შემოსვლის დროს შესაბამისი უწყებები, აზღვევენ ყოველგვარ თეორიულ რისკსაც კი და შემოშვების შესახებ ყველა კონკრეტულ შემთხვევაში, თავისი კომპეტენციის შესაბამისად, იღებენ ინდივიდუალურ გადაწყვეტილებას. 2. რადიკალური ოპოზიციის ყველა სპიკერს და პარტაქტივის თითოეულ წარმომადგენელს დავალებული აქვს, რომ ნებისმიერი შესაძლებლობისას, რაც შეიძლება მეტჯერ გაიმეორონ, რომ საქართველოს ჰყავს რუსული ხელისუფლება. კამპანია წარმოებს როგორც ქვეყნის, ასევე, რაც კიდევ უფრო ქვეყნისთვის უკიდურესად დამაზიანებელი და ამორალურია, საქართველოს ფარგლებს გარეთ. როგორც ჩანს, მათ მართლაც ჰყავთ დაქირავებული ლობისტები ამ მიზნის მისაღწევად და გავრცელებული ინფორმაციაც ამასვე ადასტურებს. 3. უკვე რამდენიმე დღეა მიდის კამპანია იმის შესახებ, რომ თითქოს ომის დროს რუსეთთან წარმოებს მოლაპარაკებები კონკრეტულ ახალ საკითხებზე სავაჭრო სფეროში, რაც ასევე მდარე ფეიკია. რეალურად რძის ნაწარმთან დაკავშირებით მიმდინარე სავაჭრო მოლაპარაკებების ფარგლებში კერძო კომპანიების მიმართვა გაგზავნილი იყო 2020 წელს და პასუხი ამ მიმართვაზე რუსეთის შესაბამისმა სამსახურმა "რატომღაც" ოთხი დღის წინ გამოაგზავნა. 4. ბოლო დღეებში სოციალურ ქსელებში და ინტერნეტსაიტებზე გამოჩნდა დასპონსორებული გვერდები და ვიდეორგოლები, რომლებიც ომის შესახებ პირდაპირ მოწოდებას ეხება. ქვეყნის ფარგლებს გარედან გავრცელებული ამ ვიდეოეორგოლების პათოსს ირიბად და ხანდახან პირდაპირი მინიშნებებითაც კი რადიკალური ოპოზიციის აქტივი და მათი ლიდერები ამძაფრებენ ვითომდა მორალურ, ეროვნულ, ვაჟკაცურ ემოციებზე მითითებით და ამგვარად ცდილობენ შეფუთონ მათი მხრიდან ომის პროპაგანდა. 5. დაფიქსირდა ცრუ ინფორმაციებიც იმის შესახებ, რომ თითქოს ხდება ქართული სამხედრო ძალების ცალკეული დანაყოფების დისლოკაციის ადგილის შეცვლა, გადაადგილება და ა.შ. თუმცა ამ ფეიკის მხარდაჭერას ისეთივე ღია ფორმებით, როგორსაც წინა შემთხვევებში, ვერ ბედავენ. 6. გარდა იმისა, რომ საინფორმაციო ომის შემადგენელ ელემენტებად რამდენიმე მიმართულების კამპანია აქვთ გაშლილი ქვეყნის შიგნით და გარეთ, ალბათ შეამჩნევდით, რომ განსაკუთრებულ ყურადღებას უთმობენ ეთნიკური ნიშნით დისკრიმინაციის კამპანიას. მათ მიაჩნიათ, რომ არსებულ ემოციურ ფონზე ამისი გატანა მარტივად შესაძლებელია და აორგანიზებენ სხვადასხვა აქტივობებს, რომლითაც ისინი დისკრიმინაციის, ჩაგვრის და სხვა სახით ზემოქმედების გამართლებას ცდილობენ. თავის მხრივ დისკრიმინაციის ეს კამპანია, გარდა იმისა, რომ აბსოლუტურ სიბნელეს და შუასაუკუნეების მიდგომას წარმოადგენს, უდიდესი რისკის ქვეშ აყენებს რუსეთში და საქართველოს ოკუპირებულ ტერიტორიებზე მცხოვრებ ასიათასობით მოქალაქეს და შეიცავს პროვოკაციის მომეტებულ რისკს საქართველოს ომში ჩათრევის უკვე კარგად გაშიფრულ ინტერესთან მიმართებით. უნდა აღინიშნოს ისიც, რომ ამ და სხვა კამპანიების პარალელურად, სამწუხაროდ, ოკუპანტთან ომში მყოფი უკრაინის ხელისუფლების ცალკეული წარმომადგენლები საკმაოდ ხშირად იცლიან ე. წ. "ლაივვიდეოების" ჩასაწერად და განცხადებების გასაკეთებლად საქართველოს ხელისუფლების წინააღმდეგ, რისი მიზეზების შესახებ ერთხელ უკვე ვისაუბრეთ. მოცემულ სიტუაციაში დეტალებზე აღარ შევჩერდებით და ნამდვილად არ შევალთ დისკუსიაში. პირიქით, ჩვენ გავაგრძელებთ უკრაინის და უკრაინელი ხალხის როგორც პოლიტიკურ მხარდაჭერას აბსოლუტურად ყველა საერთაშორისო პლატფორმაზე, ასევე ჰუმანიტარულ მხარდაჭერას. ერთი მხრივ რუსეთი აწარმოებს ღია აგრესიას და ომს უკრაინის ტერიტორიაზე, არღვევს აბსოლუტურად ყველა საერთაშორისო ნორმას, იხოცებიან ადამიანები და საქართველოც, რომლის ტერიტორიების 20%-მდე ოკუპირებულია იმავე სახელმწიფოს მიერ, დგას უდიდესი გამოწვევის წინაშე. მეორე მხრივ ჩვენმა ქვეყანამ სულ რამდენიმე დღის წინ შეიტანა განაცხადი ევროკავშირის წევრობაზე კანდიდატის სტატუსის მისანიჭებლად. ამ ფონზე მსგავსი მასშტაბის საინფორმაციო ომის წარმოება ქვეყნის შიგნით და გარეთ, დიდი რაოდენობის თანხების ხარჯვა და კამპანიის ლობირება საკუთარი ქვეყნის და ხელისუფლების წინააღმდეგ, არის ქვეყნის და მისი ევროპული მომავლის წინააღმდეგ ბრძოლის უპრეცედენტო მაგალითი. საქართველოს ხელისუფლება ბუნებრივია ყველაფერს აკეთებს იმისათვის, რომ საქართველოში არ დაუშვას ომი, რომელმაც შესაძლოა კატასტროფამდე მიიყვანოს ჩვენი ქვეყანა და ხალხი. საზოგადოებას მოვუწოდებთ, რაც არ უნდა რთული იყოს, სიმშვიდით შეხვდნენ რადიკალური ოპოზიციის, იგივე მეხუთე კოლონის მიერ წარმოებულ მტრულ და მავნებლურ კამპანიას, ნუ წამოეგებიან მათ ყოველდღიურ, ძირითადად ფეიკებზე აგებულ პროვოკაციებს და საინფორმაციო, ჰიბრიდულ ომს. ახლა მთავარია ვიაროთ სწორი მიმართულებით და მართლები ვიყოთ არა რომელიმე რევანშისტული პარტიის მიერ შექმნილ საომარ ნარატივთან, არამედ ჩვენი შვილების მომავლის, ჩვენი სამშობლოს, მისი უსაფრხოების და ეროვნული ინტერესების წინაშე, რისთვისაც აბსოლუტურად ყველაფერს ვაკეთებთ და გავაკეთებთ.

07 მარტი, 2022

პირველ რიგში, კიდევ ერთხელ გამოვხატავთ სოლიდარობას უკრაინისა და უკრაინელი ხალხის მიმართ. უკრაინის მიმართ ჩვენი განსაკუთრებული დამოკიდებულებისა და შესაბამისი პოლიტიკური და ჰუმანიტარული მხარდაჭერის ფონზე, ჩვენთვის მით უფრო სამწუხაროა უკრაინის ხელისუფლების წარმომადგენლების ცალკეული უარყოფითი განცხადებები, რომლებიც საქართველოს მიმართ კეთდება.გუშინ მოვისმინეთ მორიგი ამგვარი განცხადებები უკრაინის პარლამენტის თავმჯდომარის და საგარეო საქმეთა მინისტრის პირველი მოადგილის მხრიდან, რომლებიც, რაც არ უნდა გასაკვირი იყოს, ამ შემთხვევაში, რძის პროდუქტების თემას უკავშირდებოდა. ჩვენ ძალიან კარგად გვესმის განსაკუთრებული ემოციური ფონი, რომლის პირობებშიც უწევთ უკრაინის ხელისუფლების წარმომადგენლებს მუშაობა. ასეთ დროს, საკითხების უტრირების ალბათობა, ბუნებრივია, იზრდება. თუმცა, მიუხედავად ამისა, ჩვენი ვალია, განცხადებები, რომლებიც ქმნის არაობიექტურ აღქმას და აზიანებს ჩვენი სახელმწიფოს ინტერესებს, რეაგირების გარეშე არ დავტოვოთ, მით უმეტეს იმ პირობებში, როდესაც რადიკალური ოპოზიცია რუსეთის მიერ უკრაინაში წარმოებული ომის პარალელურად, საქართველოში აწარმოებს ეროვნული ინტერესების საწინააღმდეგო კამპანიას საქართველოს სახელმწიფოსა და მისი ხელისუფლების წინააღმდეგ. რაც შეეხება კონკრეტულად იმ საკითხის არსს, რომელიც გახდა ჩვენი უკრაინელი კოლეგების განცხადების მიზეზი:როგორც დღეს ეკონომიკის მინისტრმაც განმარტა, მოთხოვნა რძის პროდუქტებზე ბაზრის გახსნასთან დაკავშირებით რუსეთში გაიგზავნა 2020 წელს ქართული კერძო კომპანიებისგან. შესაბამისად, ამ განაცხადს ვერც რუსეთ-უკრაინის ომთან და ვერც დასავლური სანქციების გვერდის ავლის მცდელობასთან ვერანაირი კავშირი ვერ ექნებოდა. გარდა ამისა, ვინც საკითხში ერკვევა, ყველასთვის ცხადია, რომ შესაბამისი გადაწყვეტილება რუსეთში ქართული რძის პროდუქტების ვერავითარ ჭარბ ექსპორტს ვერ განაპირობებს. ადგილობრივი მწარმოებლები დღეს სრულად ადგილობრივი მოთხოვნის დაკმაყოფილებასაც კი ვერ ახერხებენ. ამ გარემოებების შესახებ ამომწურავი განმარტებები გააკეთეს როგორც სურსათის ეროვნულმა სააგენტომ, ისე რძის პროდუქტების მწარმოებელთა ასოციაციამ. ეს ფაქტები ცხადად ადასტურებს, რომ სახეზეა უტრირების აშკარა მცდელობა, რის უკანაც პოლიტიკური ინტერესი იკვეთება. ყველასთვის ცნობილია, რომ საქართველო მთელი ამ წლების განმავლობაში ინარჩუნებდა სავაჭრო ურთიერთობებს რუსეთთან, ისევე, როგორც უკრაინა, რომლისთვისაც რუსეთი ომის დაწყების დღემდე მთავარ სავაჭრო პარტნიორად რჩებოდა. საქართველომ, ისევე, როგორც ჩვენი სამეზობლოს ყველა ქვეყანამ - მათ შორის თურქეთმა, სომხეთმა, აზერბაიჯანმა და მოლდოვამ - განაცხადა, რომ ეკონომიკურ სანქციებს ვერ შეუერთდება. ამის მიზეზებიც მკაფიოდ იქნა განმარტებული: რაციონალიზმს არის მოკლებული იმგვარი სანქციების დაწესება, რომლებიც რუსეთს ვერაფერს ავნებს, საქართველოს მოსახლეობას კი უმძიმეს ეკონომიკურ და სოციალურ პრობლემებს შეუქმნის. სანქციებით ჩვენ ვერ დავსჯით საკუთარ მოსახლეობას. გამოკვეთილია ერთადერთი ძალა, ვის ინტერესებშიც ეს შედის და ეს არის ნაციონალური მოძრაობა, რომლის ერთადერთი მიზანი საქართველოში ვითარების დამძიმება და სამხედრო კონფლიქტში ქვეყნის უშუალო ჩართვაა. გასაკვირი არ არის, რომ პირველი, ვინც ჩვენი უკრაინელი კოლეგების განცხადებებს გამოეხმაურა, სწორედ ნაციონალური მოძრაობა იყო. აქვე ჩნდება კითხვებიც იმასთან დაკავშირებით, თუ ვინ იყო ამ განცხადებების რეალური ინიციატორი - უკრაინის ხელისუფლების წარმომადგენლები თუ ნაციონალური მოძრაობის.სინამდვილეში, მათ, იგივე მეხუთე კოლონას საქართველოში, არ ადარდებთ უკრაინის და უკრაინელი ხალხის ბედი. ერთადერთი, რაც მათ ინტერესებშია, საქართველოსთვის და ჩვენი ქვეყნის მოსახლეობისთვის მაქსიმალური ზიანის მიყენებაა. მათ სურთ საქართველოში 2008 წლის სცენარის გამეორება, როდესაც რუსეთს ჩააბარეს ჩვენი ქვეყნის ტერიტორიების 20 პროცენტი და მოგვიანებით, ევროსაბჭოს რეზოლუციის მხარდაჭერით, ომის დაწყებაში საკუთარი ქვეყანა და სამხედრო ძალები დაადანაშაულეს. კიდევ ერთხელ ხაზგასმით ვიმეორებთ, რომ ჩვენ მათ არ მივცემთ საქართველოს ომში ჩათრევის შესაძლებლობას.გარდა ამისა, კიდევ ერთხელ ვაცხადებთ, რომ როგორი განცხადებებიც არ უნდა აკეთონ უკრაინის ხელისუფლების წარმომადგენლებმა, ეს ვერ გახდება ჩვენი მხრიდან უკრაინის მიმართ პოლიტიკური და ჰუმანიტარული მხარდაჭერის თუნდაც ოდნავ შესუსტების მიზეზი. საქართველო აკეთებს და გააკეთებს მაქსიმუმს უკრაინისთვის პოლიტიკური და ჰუმანიტარული მხარდაჭერის გამოსახატად და ამავდროულად, საქართველოში მშვიდობის და მოსახლეობის უსაფრთხოების უზრუნველსაყოფად.

04 მარტი, 2022

ალბათ, უკვე ყველასთვის ნათელია, რომ საქართველოში მოქმედებს ომის პარტია, რომლის ერთადერთი მიზანია, რამენაირად საქართველო ჩართოს სამხედრო კონფლიქტში. სწორედ ამ მიზანს ემსახურება ფარული კამპანია, რომელიც სანქციებთან და მოხალისეების გაგზავნასთან დაკავშირებით საქართველოს ხელისუფლების გადაწყვეტილებების წინააღმდეგ წარმოებს. საზოგადოებას კიდევ ერთხელ გვინდა შევახსენოთ, რომ სამხედრო კონფლიქტში საქართველოს ჩართვა, რაც სურს ომის პარტიას ნაციონალური მოძრაობის სახით, იქნება უმძიმესი შედეგების მომტანი ჩვენი ქვეყნისთვის და მოსახლეობისთვის. შესაბამისად, ხელისუფლება გააკეთებს ყველაფერს, რათა ქვეყანას და ქართველ ხალხს ომი და მისი გამოუსწორებელი შედეგები აარიდოს. ომის პარტიის განზრახვის მორიგი გამოვლინებაა ახალი კამპანია, რომელიც მათ საქართველოში მყოფი რუსი ეროვნების მოქალაქეების წინააღმდეგ წამოიწყეს.განსაკუთრებით შემაშფოთებელია ის გარემოება, რომ ამ კამპანიაში, რომელიც დისკრიმინაციისა და შოვინიზმის ძალზე უხეში გამოვლინებაა, ჩართული არიან ნაციონალურ მოძრაობასთან დაკავშირებული ე.წ. არასამთავრობო ორგანიზაციებიც, რომელთა ერთ-ერთი უმთავრესი მისია სწორედ რომ დისკრიმინაციის ყველა ფორმის აღკვეთა და ეთნიკური შუღლის გაღვივების პრევენცია უნდა იყოს. აქვე აღვნიშნავთ, რომ წარმოებული კამპანია უხეშად არღვევს საქართველოს კონსტიტუციის მე-11 მუხლს, რომელიც ეთნიკური ნიშნით დისკრიმინაციას ყოველგვარი დათქმის გარეშე კრძალავს. უკრაინაში რუსეთის მიერ დაწყებულ ომს არავითარი გამართლება არ აქვს. დამოუკიდებელი სახელმწიფოს სუვერენიტეტისა და ტერიტორიული მთლიანობის ხელყოფა დაუშვებელია და ჩვენ ამ უმძიმეს აქტს კიდევ ერთხელ ვგმობთ. თუმცა, ამ ქმედებისთვის უდანაშაულო მოქალაქეების დასჯა ასევე სრულიად დაუშვებელი და კატეგორიულად მიუღებელია. შეგახსენებთ, რომ ნაწილობრივ 2010 წელს, ხოლო სრულად 2012 წლის თებერვალში, რუსეთ-საქართველოს ომის დასრულებიდან 3 წლის შემდეგ, სწორედ ნაციონალური მოძრაობის ხელისუფლებამ შემოიღო რუსეთის მოქალაქეებისთვის უვიზო მიმოსვლის რეჟიმი. დღეს იგივე პოლიტიკური ძალა აგორებს კამპანიას საქართველოში რუსი ეროვნების მოქალაქეებისთვის დისკრიმინაციული შეზღუდვების შემოღების შესახებ. ეს ორმაგი სტანდარტიც ნათლად მიანიშნებს, თუ რა რეალური განზრახვა დგას ამ კამპანიის უკან. დღეის მდგომარეობით, საქართველო არის ერთადერთი ქვეყანა, სადაც წამოწყებულია ამ მასშტაბის კამპანია რუსი ეროვნების მოქალაქეების ეთნიკური ნიშნით დისკრიმინაციის შესახებ. ეთნიკური ნიშნით ადამიანების დისკრიმინაცია არის გაუგონარი მოვლენა ცივილიზებული სამყაროსთვის. ამგვარი მიდგომით ჩვენ ვერ გავხდებით ევროკავშირის წევრი. გარდა ამისა, ეს არ არის ქართული კულტურის ნაწილი. შესაბამისად, ძალზე ლოგიკურია, რომ დისკრიმინაციული კამპანიის ავტორები სწორედ ის ადამიანები არიან, რომლებიც გამსჭვალული არიან საერთო ზიზღით ქართული კულტურისა და ზოგადად, ქართველობის მიმართ და მათი კამპანიის უკან კონკრეტული ანტისახელმწიფოებრივი მიზნები დგას. ამჟამად, უკვე ფიქსირდება შემთხვევები, როდესაც კერძო კომპანიები რუსი ეროვნების მოქალაქეებს მომსახურებაზე უარს ეუბნებიან, ან მომსახურების მისაღებად დისკრიმინაციულ დათქმებს უწესებენ. არის სერიოზული საფრთხე იმისა, რომ ამგვარმა მიდგომამ უფრო ფართო ტენდენციაც შეიძინოს და რუსი ეროვნების მოქალაქეების ფიზიკურ შეურაცხყოფაშიც გადაიზარდოს. მოვუწოდებთ სამართალდამცავ ორგანოებს, მიიღონ ყველა ზომა ყოველგვარი ფიზიკური დაპირისპირებისა და ეთნიკური შუღლის გაღვივების მცდელობის პრევენციისა და აღკვეთისათვის. ამგვარი ქმედების ყველა ჩამდენი კანონის მთელი სიმკაცრით უნდა დაისაჯოს. აქვე მკაფიოდ უნდა აღინიშნოს, რომ საქართველოში უცხო ქვეყნის მოქალაქეების ჭარბი რაოდენობით შემოსვლასთან დაკავშირებულ ყველა შესაძლო რისკს, რაზეც ყურადღებას ამახვილებს საზოგადოების ის ნაწილი, რომელიც გულწრფელად ღელავს ამ თემაზე, სრულად დააზღვევს საქართველოს ხელისუფლება. აქვე გვინდა შეგახსენოთ, რომ რუსეთში ცხოვრობს 800 ათასამდე ქართველი, ასევე ოკუპირებულ ტერიტორიებზე ცხოვრობს 10 ათასობით ქართველი, რომელთა დიდი ნაწილი საქართველოს მოქალაქეა. ყველასთვის ცხადი უნდა იყოს, რომ დისკრიმინაციული მიდგომა საქართველოში მყოფი რუსი ეროვნების მოქალაქეების მიმართ 100 ათასობით ქართველს უქმნის უშუალო საფრთხეს. თუმცა, კამპანიის ავტორები ამ ფაქტსაც არაფრად აგდებენ და მეტიც, გამორიცხული არაა, ამ პრობლემის შექმნა მათი განზრახვის შემადგენელი ნაწილიც იყოს. საქართველოს პარლამენტმა უკვე დაიწყო მუშაობა კანონპროექტის გამკაცრებაზე, რომელიც ეთნიკური ნიშნით დისკრიმინაციისა და ეთნიკური შუღლის გაღვივების წინააღმდეგ იქნება მიმართული. აშკარაა, რომ დისკრიმინაციული კამპანია რუსი ეროვნების მოქალაქეების წინააღმდეგ ომის პარტიის, ნაციონალური მოძრაობის მიერ განიხილება როგორც ერთგვარი ბოლო შანსი, საქართველო ჩათრეულ იქნას სამხედრო კონფლიქტში, რასაც ხელისუფლება არ დაუშვებს. საქართველო ღიაა ნებისმიერი ადამიანისთვის, ნებისმიერი ქვეყნის მოქალაქისთვის, განურჩევლად ეთნიკური კუთვნილებისა და პასუხისმგებელია მათ მიმართ არადისკრიმინაციული მოდგომის უზრუნველყოფასა და მათი უსაფრთხოების დაცვაზე. საქართველოს ხელისუფლება იმოქმედებს ამ პასუხისმგებლობის შესაბამისად.დასასრულს, საქართველოს ხელისუფლება ყველაფერს გააკეთებს საქართველოსთვის ომის თავიდან ასარიდებლად, ქვეყანაში მშვიდობისა და უსაფრთხოების დასაცავად და ყველა მიმართულებით სახელმწიფოებრივი რისკების დასაზღვევად.

02 მარტი, 2022

პირველ რიგში, კიდევ ერთხელ გამოვხატავთ სოლიდარობას ჩვენი მეგობარი უკრაინელი ხალხის მიმართ და კიდევ ერთხელ ვადასტურებთ უკრაინის სუვერენიტეტისა და ტერიტორიული მთლიანობის ურყევ მხარდაჭერას. ამასთან, კიდევ ერთხელ გვსურს გამოვეხმაუროთ უკრაინის ხელისუფლების გადაწყვეტილებას საქართველოდან ელჩის გაწვევის შესახებ. ეს გადაწყვეტილება არის, გაუმართლებელთან ერთად, სრულიად ალოგიკური მრავალი მიზეზის გამო. კერძოდ, როგორც ყველას მოგეხსენებათ, საქართველომ ქმედითი ნაბიჯებით გამოხატა პოლიტიკური მხარდაჭერა უკრაინის მიმართ ყველა შესაბამის პლატფორმაზე - ევროსაბჭოში, გაეროში, ეუთოში. უკრაინას არ გაუწვევია ელჩები იმ ქვეყნებიდანაც კი, რომლებმაც აღნიშნულ საერთაშორისო ორგანიზაციებში რუსეთის სასარგებლო პოზიცია დააფიქსირეს. მაგალითად, უკრაინას არ გაუწვევია ელჩი ქვეყნებიდან, რომლებმაც რუსეთისთვის ევროსაბჭოს წევრის სტატუსის შეჩერებას არ დაუჭირეს მხარი ან გაეროს რეზოლუციის თანასპონსორობაზე თქვეს უარი. თუ ელჩის გაწვევის მიზეზი სანქციების არდაწესება იყო, შეგახსენებთ, რომ სანქციების დაწესებაზე უარი თქვა არაერთმა ქვეყანამ, მათ შორის მოლდოვამ, თურქეთმა, სომხეთმა, აზერბაიჯანმა, ისრაელმა და სხვ. თუმცა, უკრაინის ხელისუფლებას ელჩი არცერთი ამ ქვეყნიდან არ გაუწვევია. თუ ელჩის გაწვევის მიზეზი საქართველოს მთავრობის მონაწილეობით უკრაინაში მოხალისეების არგაგზავნა იყო, შეგახსენებთ, რომ შესაბამისი გადაწყვეტილება არაერთმა ქვეყანამ მიიღო, მათ შორის დიდმა ბრიტანეთმა, პოლონეთმა და სხვ. თუმცა, არც ეს გადაწყვეტილება გამხდარა შესაბამისი ქვეყნებიდან უკრაინის ხელისუფლების მიერ ელჩის გაწვევის მიზეზი. ალოგიკურობის კულმინაციაა ის ფაქტი, რომ უკრაინის ხელისუფლებას ელჩი დღემდე არ გაუწვევია ბელარუსიდანაც კი, როდესაც რუსეთი აღნიშნული ქვეყნის ტერიტორიას სამხედრო ინტერვენციისთვის იყენებს. აშკარაა ორმაგი სტანდარტი, რომელსაც, ბუნებრივია, თავისი ახსნა უნდა ჰქონდეს. ისიც ალოგიკურია, რომ ომში ჩართული ქვეყნის ხელისუფლების ლიდერებს ერთ-ერთ მთავარ საზრუნავად საქართველოსთან ურთიერთობის გაფუჭება შეიძლება ესახებოდეთ. როგორც გუშინაც განვაცხადეთ, აშკარაა კოორდინირებული მცდელობა, საქართველო ჩათრეულ იქნას სამხედრო კონფლიქტში, რასაც ჩვენ არ დავუშვებთ. აღნიშნული მცდელობის კოორდინაცია საქართველოდან ხორციელდება ნაციონალური მოძრაობის მიერ, რომელსაც, როგორც ყველასთვის ცნობილია, მრავლად ჰყავს თავისი წარმომადგენლები უკრაინის ხელისუფლებაში, მათ შორის პრეზიდენტის უშუალო გარემოცვაშიც. დავით არახამია, პრეზიდენტის ნდობით აღჭურვილი პირი, როგორც მიხეილ სააკაშვილმა გუშინ თავადაც აღნიშნა, მისი „დაფრთიანებულია“. უკრაინის ხელისუფლებაში დღემდე საკმაოდ მაღალ პოზიციებს იკავებენ ყოფილი გენპროკურორი ზურაბ ადეიშვილი და სხვა ქართველი კრიმინალები. თავად მიხეილ სააკაშვილიც დღემდე რჩება რეფორმების საბჭოს ფორმალურ ხელმძღვანელად. ასეთ პირობებში, მათ უკრაინის ხელისუფლების გადაწყვეტილებებზე გავლენის მოხდენა, ბუნებრივია, მარტივად შეუძლიათ. სამწუხაროა, რომ ამგვარი ქმედებებით ეს ადამიანები დამატებით პრობლემებს უქმნიან ისედაც უმძიმეს მდგომარეობაში მყოფ უკრაინას და მის ხელისუფლებას.ამასთან, უნდა აღინიშნოს, რომ ნაციონალური მოძრაობის წარმომადგენლები საჯაროდ ვერ ბედავენ და გაურბიან პოზიციის დაფიქსირებას იმასთან დაკავშირებით, უნდა ჩაერთოს თუ არა საქართველო სამხედრო კონფლიქტში ან უნდა დააწესოს თუ არა საქართველომ სანქციები. ქვეყნის ომში და სანქციებში ჩათრევის ფარული მცდელობების ნაცვლად, მათ ურჩევნიათ საჯაროდ დააფიქსირონ საკუთარი პოზიცია აღნიშნულ საკითხებზე. ომსა და სანქციებში ქვეყნის ჩათრევის ფარული მცდელობით, ეს ადამიანები კიდევ ერთხელ ამტკიცებენ, რომ როგორც 2008 წელს, ისე ახლაც ისინი მტრობენ და ღალატობენ ქვეყანას და ეს არის მათი ქმედებების ერთადერთი მოტივაცია. საქართველოს ხელისუფლება არავითარ შემთხვევაში არ აყვება მოღალატეების სცენარს და არ ჩართავს ქვეყანას სამხედრო კონფლიქტში, რომელიც ქვეყნისთვის უმძიმესი შედეგების მომტანი შეიძლება გახდეს, ასევე არ დააწესებს სანქციებს, რომლებიც რუსეთს ჩვენი მხრიდან ვერავითარ პრობლემას ვერ შეუქმნის, მაგრამ ჩვენს მოსახლეობას ეკონომიკურ და სოციალურ მდგომარეობას უკიდურესად დაუმძიმებს. ხაზგასმით აღვნიშნავთ, რომ უკრაინის ხელისუფლების გადაწყვეტილების მიუხედავად, საქართველო განაგრძობს უკრაინელი ხალხის და უკრაინის სახელმწიფოს პოლიტიკურ და ჰუმანიტარულ მხარდაჭერას. ჩვენი პოზიცია უკრაინის პოლიტიკურ მხარდაჭერასთან დაკავშირებით იქნება ურყევი. საქართველო მაქსიმუმს გააკეთებს უკრაინელი ხალხისთვის საჭირო ჰუმანიტარული დახმარების გასაწევად. ჩვენთვის უკრაინა არის არა მიხეილ სააკაშვილი, ზურაბ ადეიშვილი, გია ლორთქიფანიძე ან დავით არახამია, არამედ, პირველ რიგში, უკრაინელი ხალხი, რომელიც იმსახურებს სუვერენიტეტს, ტერიტორიულ მთლიანობას, დამოუკიდებლობასა და თავისუფლებას. ამ პრინციპების დასაცავად, საქართველო, თავისი შესაძლებლობის ფარგლებში, მაქსიმუმს აკეთებს და გააკეთებს. ოპოზიციას, რომელიც ირონიულად აფასებდა ჩვენს ამბიციურ საპროგრამო გეგმას 2024 წელს ევროკავშირის წევრობაზე განაცხადის შეტანისა და ევროკავშირის წევრობის კანდიდატის სტატუსის მიღების თაობაზე, დღეს აქვს შექმნილი ხელოვნური აჟიოტაჟი ამ საკითხის გარშემო. ამ აჟიოტაჟსაც აქვს ერთადერთი მიზანი, აღნიშნული განაცხადი სანქციების დაწესებასა და შეიარაღებულ კონფლიქტში საქართველოს ჩართვას დაუკავშირონ. კიდევ ერთხელ ხაზგასმით აღვნიშნავთ, რომ როგორც სანქციების დაწესება, ისე სამხედრო კონფლიქტში საქართველოს რაიმე ფორმით ჩართვა იქნება უმძიმესი შედეგის მომტანი ჩვენი ქვეყნისთვის და საქართველოს მოსახლეობისთვის. ევროკავშირში წევრობის კანდიდატის სტატუსის მიღების დაკავშირება სანქციებთან ან ქვეყნის საომარ მოქმედებებში ჩართვასთან ჩვენთვის კატეგორიულად მიუღებელია. პირიქით, ეკონომიკურად სუსტი და მოწყვლადი ქვეყანა ევროკავშირში არავის ჭირდება. სანქციებითა და ომით დამძიმებულ ქვეყანას ევროკავშირში გაწევრიანების პერსპექტივა სრულად გაუქრებოდა. 2024 წელს, როგორც ეს „ქართული ოცნების“ საარჩევნო პროგრამით იყო გათვალისწინებული, ძლიერი, ახალი რეფორმებით ზურგგამაგრებული განაცხადის შეტანას ექნებოდა მრავალი უპირატესობა განაცხადის ნაჩქარევ შეტანასთან შედარებით. თუმცა, საერთო პოლიტიკური კონტექსტისა და ახალი რეალობის გათვალისწინებით, პარტიის პოლიტიკური საბჭოს წევრებთან და პირველ რიგში, პრემიერ-მინისტრთან კონსულტაციების საფუძველზე, „ქართული ოცნების“ პოლიტიკურმა გუნდმა მიიღო პოლიტიკური გადაწყვეტილება, განაცხადი ევროკავშირის წევრობის კანდიდატის სტატუსის მისაღებად დაუყოვნებლივ წარადგინოს. საქართველოს მთავრობა პრემიერ-მინისტრ ირაკლი ღარიბაშვილის ხელმძღვანელობით დაჩქარებული წესით უკვე ამზადებს განაცხადს ევროკავშირის წევრობის კანდიდატის სტატუსის მისაღებად, რომელიც ევროკავშირის სტრუქტურებს საქართველოს ხელისუფლების სახელით ხვალ ოფიციალურად წარედგინება.მოვუწოდებთ ევროკავშირის სტრუქტურებს, საგანგებო რეჟიმში განიხილონ ჩვენი განაცხადი და მიიღონ გადაწყვეტილება საქართველოსთვის ევროკავშირის წევრობის კანდიდატის სტატუსის მინიჭების შესახებ. ჩვენი ოცნება და პოლიტიკური მიზანია, საქართველო გახდეს ეკონომიკურად ძლიერი და უსაფრთხო ევროპული ქვეყანა. სწორედ ამ მიზანს ემსახურება ჩვენი ხელისუფლების თითოეული ნაბიჯი, მათ შორის ჩვენი დღევანდელი გადაწყვეტილებაც. გასული წლების განმავლობაში, ჩვენს ხელისუფლებას ჰქონდა არაერთი შთამბეჭდავი მიღწევა ევროკავშირთან ინტეგრაციის გზაზე. ხელი მოვაწერეთ ასოცირების შეთანხმებასა და თავისუფალი ვაჭრობის შეთანხმებას ევროკავშირთან, მივიღეთ უვიზო მიმოსვლის რეჟიმი. ევროკავშირში ინტეგრაცია კონსტიტუციურ ამოცანად განვსაზღვრეთ. განვახორციელეთ მრავალი რეფორმა, რომელმაც ქვეყანა ევროკავშირის სტანდარტებს დაუახლოვა. 2024 წლამდე ევროკავშირში გაწევრიანებაზე განაცხადის წარდგენა „ქართულმა ოცნებამ“ 2020 წელს საარჩევნო პროგრამის მთავარ მიზნად გამოაცხადა. ამ ძალისხმევის ლოგიკური გაგრძელებაა ჩვენი დღევანდელი გადაწყვეტილება განაცხადის დაუყოვნებლივ წარდგენისა და კანდიდატის სტატუსის მიღების შესახებ. გასულ წელს საქართველოს ჰქონდა ორნიშნა ეკონომიკური ზრდა, რომელმაც 10,6 პროცენტი შეადგინა. მიმდინარე წლის იანვარი 18-პროცენტიანი ეკონომიკური ზრდით დავხურეთ. ჩვენი ხელისუფლება მყარად იცავს სახელმწიფოს ინტერესებს უსაფრთხოების თვალსაზრისით. ეს არის გზა, რომელმაც ჩვენი ქვეყანა სიღარიბის დაძლევამდე, ჩვენი მოსახლეობის კეთილდღეობისა და უსაფრთხოების ხარისხის თვისებრივ ამაღლებამდე და დეოკუპაციამდე უნდა მიიყვანოს. „ქართული ოცნების“ ხელისუფლების თითოეული ნაბიჯი მომავალშიც გამსჭვალული იქნება ამ მიზნით და პასუხისმგებლობით ჩვენი ქვეყნისა და მოსახლეობის წინაშე.

28 თებერვალი, 2022

დღეს გაიმართა უმრავლესობის სხდომა, სადაც დეტალურად ვისაუბრეთ უკრაინაში რუსეთის შეჭრასა და მის მიერ განხორციელებულ სამხედრო აგრესიაზე, ჩვენს ქვეყანაში არსებულ ვითარებასა და რეგიონის წინაშე არსებულ სერიოზულ რისკებზე. ჩვენ, ასევე განვიხილეთ აგორებული ხელოვნური აჟიოტაჟი და ის თავდასხმები, რომელიც საქართველოს მთავრობის და მისი ხელმძღვანელის მიმართ ხორციელდება. სამწუხაროდ, იმ ურთულეს ვითარებაში, როდესაც უკრაინაში რუსეთის ღია აგრესია და ინტენსიური საბრძოლო მოქმედებები მიმდინარეობს, საქართველოში აღმოჩნდა ხალხი, რომელიც ამ ომით სარგებლობს და თავისი გეგმებისთვის იცლის. საპარლამენტო უმრავლესობა აბსოლუტურად იზიარებს საქართველოს მთავრობის პოლიტიკას, ჩვენს ქვეყანაში მშვიდობის უზრუნველყოფის შესახებ და ამის კვალდაკვალ, მკაფიოდ დავაფიქსიროთ სოლიდარობა უკრაინელი ხალხის მიმართ, გამოვხატოთ ქმედითი პოლიტიკური და ჰუმანიტარული მხარდაჭერა. ამ ფონზე, საზოგადოებამ ყველაზე უკეთ იცის, რას ემსახურება რადიკალური ოპოზიციის გეგმა, რაც ნაციონალური მოძრაობიდან გამოჟონილმა ინფორმაციამ კიდევ ერთხელ ნათლად დაადასტურა. სამწუხაროდ მათი მიზანი არა უკრაინის მხარდაჭერა, არამედ რუსეთის მიერ წამოწყებული ომით სარგებლობა და საქართველოში სიტუაციის არევაა. ნიშანდობლივია, რომ ამ მოღალატეობრივი მოქმედებების ავტორია ის პოლიტიკური ორგანიზაცია, რომელმაც საქართველო და ქართველი სამხედროები ომის დაწყებაში, ცხინვალის კასეტური ბომბებით დაბომბვაში დაადანაშაულა 2008 წლის აგვისტოს ომიდან ორ თვეში და ამ საკითხთან დაკავშირებით დღემდე არც ერთი მათგანისგან კონკრეტული პასუხი არ მიგვიღია. კიდევ ერთხელ, ხაზგასმით ვამბობ, საქართველო მეგობარი უკრაინის მიმართ ქმედით ჰუმანიტარულ დახმარებას და მკვეთრ პოლიტიკურ პოზიციებს აფიქსირებს. ყველა საერთაშორისო პლატფორმაზე, მათ შორის გაეროში, ეუთოსა და ევროპის საბჭოში უკრაინის სუვერენიტეტის და ტერიტორიული მთლიანობისადმი მხარდაჭერას მკაფიოდ და ურყევად გამოვხატავთ. გარდა ამისა, ჩვენს დიპლომატიურ მისიებს უკრაინაში არა ერთი ქვეყნისგან განსხვავებით, ერთი წუთითაც არ დაუტოვებიათ უკრაინის ტერიტორია და მათი სამუშაო ადგილები. გახსოვთ ალბათ, ამასთან დაკავშირებითაც იყო სამწუხაროდ ორდღიანი ნეგატიური პიარი, თითქოს ჩვენი დიპლომატიური მისიის წარმომადგენლებმა მიატოვეს, უკრაინა და ჩვენი ხალხი მათგან დახმარებას ვერ იღებდა და მას შემდეგ, რაც ნახეს, რომ არც ერთი წუთით, არა თუ უკრაინა, თავიანთი სამუშაო ადგილები არ მიუტოვებიათ და თავის საქმეს აკეთებდნენ, ამის შემდეგ დაუწყეს მხოლოდ მადლობის გადახდა და ქება. ამ სამწუხარო რეალობაში ვართ, გამოწვევები არის ბევრი, დიდი და ჩვენ გვიწევს გადაჭარბების გარეშე ვიტყვი, ბეწვის ხიდზე სიარული და ამ დროს, შიდა ხელოვნური ტურბულენტობები ემსახურება ერთადერთი - ჩრდილოელი მეზობლის, ამ შემთხვევაში უკრაინაში ღია აგრესიის ავტორის ინტერესებს. ეს არის ძალიან სამწუხარო. ჩვენ, კიდევ ერთხელ, ვაფიქსირებთ მკაფიო მხარდაჭერას ყველა საერთაშორისო პლატფორმიდან, ეს იქნება გაერო, ეუთო, ევროპის საბჭო და იცით შესაბამისი დოკუმენტები, მხარდაჭერა, ხელმოწერები, რაშიც სხვათა შორის იმ ადამიანებმა, ვინც ამ ე.წ. ტურბულენტობას უზრუნველყოფს, მონაწილეობა არ მიიღეს. ასევე იცით, რომ ჰუმანიტარულ დახმარებას ვუწევთ ჩვენს უკრაინელ მეგობრებს და ამ ფონზე შიდა დაპირისპირება არის მხოლოდ და მხოლოდ დამაზიანებელი ორი ქვეყნის ურთიერთობისთვის, საქართველოში არსებული სიტუაციისთვის და იმ რისკების გაღრმავებას ემსახურება მხოლოდ, რა რისკებიც წინაშეც ამ შემთხვევაში ცივილური სამყარო დგას.

20 თებერვალი, 2022

„ქართული ოცნების“ თავმჯდომარე ირაკლი კობახიძე, პარლამენტის თავმჯდომარე შალვა პაპუაშვილი, საპარლამენტო უმრავლესობის წევრები მაკა ბოჭორიშვილი, რიმა ბერაძე, ნინო წილოსანი, მაია მენაღარიშვილი და ეკა სეფაშვილი ამბროლაურში, პარტიის რაჭა-ლეჩხუმ-ქვემო სვანეთის ადგილობრივი ორგანიზაციების წევრ ქალებს შეხვდნენ. ამბროლაურის, ონის, ცაგერისა და ლენტეხის ადგილობრივ ორგანიზაციებთან შეხვედრაზე შეჯერდა პოზიციები ქალთა ორგანიზაციის დაფუძნების ვადებსა და დამფუძნებელი ყრილობის ჩატარებასთან დაკავშირებით. შეხვედრას ესწრებოდნენ სახელმწიფო რწმუნებული რაჭა-ლეჩხუმ-ქვემო სვანეთის მხარეში პარმენ მარგველიძე, მუნიციპალიტეტების მერები და საკრებულოს თავმჯდომარეები. რაჭით დასრულდა ქალთა ორგანიზაციის დაფუძნებასთან დაკავშირებული შეხვედრები რეგიონებში. შეხვედრების დასრულების შემდეგ დაიწყება მზადება ქალთა ორგანიზაციის ყრილობისთვის, რომელიც სავარაუდოდ, ერთი თვის შემდეგ, თბილისში ჩატარდება. ერთი კვირის განმავლობაში „ქართული ოცნების“ თავმჯდომარე და უმრავლესობის წევრები მცხეთა-მთიანეთის, ქვემო ქართლის, შიდა ქართლის, სამცხე-ჯავახეთის, კახეთის, იმერეთის, გურიის, აჭარის, სამეგრელო-ზემო სვანეთისა და რაჭა-ლეჩხუმ- ქვემო სვანეთის პარტიის ადგილობრივი ორგანიზაციების წევრ ქალებს შეხვდნენ.

19 თებერვალი, 2022

„ქართული ოცნების“ თავმჯდომარე ირაკლი კობახიძე, საპარლამენტო უმრავლესობის წევრებთან ერთად ზუგდიდში, პარტიის სამეგრელო-ზემო სვანეთის ადგილობრივი ორგანიზაციების წევრ ქალებს შეხვდა. ზუგდიდის, ფოთის, აბაშის, მარტვილის, სენაკის, ჩხოროწყუს, წალენჯიხის, ხობის, მესტიის ადგილობრივ ორგანიზაციებთან შეხვედრაზე ისაუბრეს ქალთა ორგანიზაციის დაფუძნების ვადებზე. შეჯერდა პოზიციები დამფუძნებელი ყრილობის ჩატარებასთან დაკავშირებით. შეხვედრას ესწრებოდნენ საპარლამენტო უმრავლესობის წევრები მაკა ბოჭორიშვილი, რიმა ბერაძე, ნინო წილოსანი, მაია მენაღარიშვილი, ქეთი დუმბაძე, ეკა სეფაშვილი, ირაკლი ჩიქოვანი, ირაკლი ხახუბია, ირაკლი (დაჩი) ბერაია, ლევან მგალობლიშვილი, სახელმწიფო რწმუნებული სამეგრელო-ზემო სვანეთის მხარეში გიორგი გუგუჩია, „ქართული ოცნებიდან“ მუნიციპალიტეტების მერები და საკრებულოს თავმჯდომარეები. 20 თებერვალს შეხვედრა გაიმართება ამბროლაურში. შეხვედრები უკვე გაიმართა მცხეთა-მთიანეთის, ქვემო ქართლის, შიდა ქართლის, სამცხე-ჯავახეთის, კახეთის, იმერეთის, გურიისა და აჭარის ორგანიზაციებთან.

19 თებერვალი, 2022

„ქართული ოცნების“ თავმჯდომარე ირაკლი კობახიძე, საპარლამენტო უმრავლესობის წევრებთან ერთად ბათუმში, პარტიის აჭარის ადგილობრივი ორგანიზაციების წევრ ქალებს შეხვდა. ბათუმის, ქობულეთის, ხელვაჩაურის, შუახევის, ქედის და ხულოს ადგილობრივ ორგანიზაციებთან შეხვედრაზე ისაუბრეს ქალთა ორგანიზაციის დაფუძნების ვადებზე. შეჯერდა პოზიციები დამფუძნებელი ყრილობის ჩატარებასთან დაკავშირებით. შეხვედრას ესწრებოდნენ საპარლამენტო უმრავლესობის წევრები მაკა ბოჭორიშვილი, რიმა ბერაძე, ნინო წილოსანი, მაია მენაღარიშვილი, ქეთი დუმბაძე, ეკა სეფაშვილი, ზაალ მიქელაძე, აჭარის მთავრობის თავმჯდომარე თორნიკე რიჟვაძე, აჭარის უმაღლესი საბჭოს თავმჯდომარე დავით გაბაიძე, ბათუმის გონიო-კვარიათის საარჩევნო ოლქში მაჟორიტარი დეპუტატობის კანდიდატი რამაზ ჯინჭარაძე, მუნიციპალიტეტების მერები და საკრებულოს თავმჯდომარეები. დღესვე შეხვედრა გაიმართება ზუგდიდში.

18 თებერვალი, 2022

„ქართული ოცნების“ თავმჯდომარე ირაკლი კობახიძე, საპარლამენტო უმრავლესობის წევრებთან ერთად ოზურგეთში, პარტიის გურიის რეგიონის ადგილობრივი ორგანიზაციების წევრ ქალებს შეხვდა. ოზურგეთის, ლანჩხუთისა და ჩოხატაურის ადგილობრივ ორგანიზაციებთან შეხვედრაზე ისაუბრეს ქალთა ორგანიზაციის დაფუძნების ვადებზე. შეჯერდა პოზიციები დამფუძნებელი ყრილობის ჩატარებასთან დაკავშირებით. შეხვედრას ესწრებოდნენ საპარლამენტო უმრავლესობის წევრები მაკა ბოჭორიშვილი, რიმა ბერაძე, ნინო წილოსანი, მაია მენაღარიშვილი, ქეთი დუმბაძე, ბაია კვიციანი, ეკა სეფაშვილი, ვასილ ჩიგოგიძე, სახელმწიფო რწმუნებული გურიის მხარეში გიორგი ურუშაძე, ოზურგეთის მერი ავთანდილ თალაკვაძე, საკრებულოს თავმჯდომარე დავით დარჩია, ლანჩხუთის მერი ალექსანდრე სარიშვილი, საკრებულოს თავმჯდომარე ბესიკ ტაბიძე, ჩოხატაურის მერი დავით შარაშიძე. 19-20 თებერვალს შეხვედრები გაიმართება ბათუმში, ზუგდიდსა და ამბროლაურში. შეხვედრები უკვე გაიმართა მცხეთა-მთიანეთის, ქვემო ქართლის, შიდა ქართლის, სამცხე-ჯავახეთის, კახეთისა და იმერეთის მხარეში.

18 თებერვალი, 2022

„ქართული ოცნების“ ქალთა ორგანიზაციის დაფუძნებასთან დაკავშირებით, მმართველი პარტიის თავმჯდომარე ირაკლი კობახიძე, საპარლამენტო უმრავლესობის წევრებთან ერთად ქუთაისში, პარტიის იმერეთის რეგიონის ადგილობრივი ორგანიზაციების წევრ ქალებს შეხვდა. ქუთაისს, ბაღდათის, ვანის, ზესტაფონის, თერჯოლის, სამტრედიის, საჩხერის, ტყიბულის, ხარაგაულის, ხონის, წყალტუბოსა და ჭიათურის ადგილობრივ ორგანიზაციებთან შეხვედრაზე ქალთა ორგანიზაციის დამფუძნებელი ყრილობის ჩატარებასთან დაკავშირებით პოზიციები შეჯერდა. შეხვედრას ესწრებოდნენ საპარლამენტო უმრავლესობის წევრები მაკა ბოჭორიშვილი, რიმა ბერაძე, ნინო წილოსანი, ეკა სეფაშვილი, მაია მენაღარიშვილი, ქეთი დუმბაძე, ბაია კვიციანი, ლევან მგალობლიშვილი, ზაზა ლომინაძე, ბეჟან წაქაძე, გივი ჭიჭინაძე, სახელმწიფო რწმუნებული იმერეთის მხარეში ზვიად შალამბერიძე, ქუთაისის მერი იოსებ ხახალეიშვილი, საკრებულოს თავმჯდომარე ირაკლი შენგელია, იმერეთის რეგიონის მუნიციპალიტების მერები და საკრებულოს თავმჯდომარეები. დღესვე შეხვედრა გაიმართება ოზურგეთში. „ქართული ოცნების“ ადგილობრივი ორგანიზაციების წევრ ქალებთან შეხვედრები უკვე გაიმართა მცხეთა-მთიანეთის, ქვემო ქართლის, შიდა ქართლის, სამცხე-ჯავახეთის და კახეთის მხარეში.

17 თებერვალი, 2022

„ქართული ოცნების“ ქალთა ორგანიზაციის დაფუძნებასთან დაკავშირებით, მმართველი პარტიის თავმჯდომარე ირაკლი კობახიძე, საპარლამენტო უმრავლესობის წევრებთან ერთად რეგიონებში შეხვედრებს განაგრძობს. მორიგი შეხვედრა დღეს რუსთავში გაიმართა, რუსთავის, გარდაბნის, მარნეულის, ბოლნისის, დმანისის, წალკის და თეთრიწყაროს ადგილობრივი ორგანიზაციების წევრ ქალებთან. შეხვედრაზე ქალთა ორგანიზაციის დამფუძნებელი ყრილობის ჩატარებასთან დაკავშირებით პოზიციები შეჯერდა. შეხვედრას ესწრებოდნენ საპარლამენტო უმრავლესობის წევრები ნინო წილოსანი, თამარ ტალიაშვილი, ხატია წილოსანი, ლექსო დალაქიშვილი, ზაურ დარგალი, გოგი მეშველიანი, სავალან მირზოევი, ალექსანდრე ტაბატაძე, გოდერძი ჩანქსელიანი, რუსთავის მერი ნინო ლაცაბიძე, დმანისის მერი კობა მურადაშვილი, ბოლნისის მერი დავით შერაზადიშვილი, თეთრიწყაროს მერი გიორგი წიკლაური, წალკის მერი ილია საბაძე, გარდაბნის მერი დავით კარგარეთელი, სახელმწიფო რწმუნებული ქვემო ქართლის მხარეში გიორგი დოხტურიშვილი. „ქართული ოცნების“ ადგილობრივი ორგანიზაციების წევრ ქალებთან შეხვედრები უკვე გაიმართა მცხეთა-მთიანეთის, შიდა ქართლის, სამცხე-ჯავახეთის და კახეთის მხარეში. 18-20 თებერვალს დაგეგმილია შეხვედრები ქუთაისში, ოზურგეთში, ზუგდიდში, ბათუმსა და ამბროლაურში.

14 თებერვალი, 2022

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა. უმრავლესობის წევრებმა იმსჯელეს პარლამენტში განსახილველ საკითხებზე და მიიღეს შემდეგი გადაწყვეტილებები: საპარლამენტო უმრავლესობა ცესკოს თავმჯდომარის პოსტზე მხარს დაუჭერს გიორგი კალანდარიშვილს, ხოლო ცესკოს წევრის პოზიციებზე - გია ცაცაშვილსა და მაია ზარიძეს; საგამოძიებო უწყების ხელმძღვანელად საპარლამენტო უმრავლესობა მხარს დაუჭერს კარლო კაციტაძის კანდიდატურას; პერსონალურ მონაცემთა დაცვის ინსპექტორის თანამდებობაზე უმრავლესობა მხარს დაუჭერს ლელა ჯანაშვილის კანდიდატურას; საპარლამენტო უმრავლესობა მხარს დაუჭერს შალვა ნათელაშვილის, ელენე ხოშტარიას და ბადრი ჯაფარიძის სადეპუტატო უფლებამოსილების შეწყვეტას. სხდომაზე პარლამენტის თავმჯდომარემ უმრავლესობას გააცნო ინფორმაცია დიდ ბრიტანეთში გამართული ვიზიტის შესახებ. განიხილულ იქნა პრემიერ-მინისტრის გადაწყვეტილება დასაქმების პროგრამასთან დაკავშირებით. საუბარი შეეხო უკრაინის გარშემო მიმდინარე მოვლენებს, პარტიის ქალთა ორგანიზაციის დაფუძნებას და 2 აპრილს რუსთავსა და ბათუმში გასამართ შუალედურ არჩევნებს.

14 თებერვალი, 2022

„ქართული ოცნების“ თავმჯდომარე ირაკლი კობახიძე, პარლამენტის თავმჯდომარის პირველი მოადგილე გიორგი ვოლსკი, საპარლამენტო უმრავლესობის წევრები ნინო წილოსანი, ირმა ზავრადაშვილი, ირაკლი ქადაგიშვილი, დავით სონღულაშვილი და გელა სამხარაული, კახეთის მხარეში პარტიის ადგილობრივი ორგანიზაციების წევრ ქალებს შეხვდნენ. თელავში გამართულ შეხვედრაზე, რომელსაც ესწრებოდნენ „ქართული ოცნების“ თელავის, სიღნაღის, საგარეჯოს, ლაგოდეხის, გურჯაანის, ყვარლის, დედოფლისწყაროს და ახმეტის ადგილობრივი ორგანიზაციების წევრები, შეჯერდა პოზიციები ქალთა ორგანიზაციის დამფუძნებელი ყრილობის ჩატარებასთან დაკავშირებით. შეხვედრას ესწრებოდა სახელმწიფო რწმუნებული კახეთის მხარეში ირაკლი შიოშვილი. გუშინ შეხვედრები გაიმართა მცხეთაში, გორსა და ბორჯომში, მცხეთა-მთიანეთის, შიდა ქართლის და სამცხე-ჯავახეთის მხარეში პარტიის ადგილობრივი ორგანიზაციების წევრ ქალებთან. „ქართული ოცნების“ ქალთა ორგანიზაციის დაფუძნებასთან დაკავშირებით შეხვედრები გაგრძელდება.

13 თებერვალი, 2022

„ქართული ოცნების“ თავმჯდომარე ირაკლი კობახიძე, საპარლამენტო უმრავლესობის წევრები ნინო წილოსანი, ირმა ზავრადაშვილი, ანტონ ობოლაშვილი, სამველ მანუკიანი, სუმბატ კიურეღიანი, ეკონომიკის მინისტრის მოადგილე მარიამ ქვრივიშვილი და ნინოწმინდის მუნიციპალიტეტის მერი ანივარდ მოსოიანი სამცხე-ჯავახეთის მხარეში პარტიის ადგილობრივი ორგანიზაციების წევრ ქალებს შეხვდნენ. ბორჯომში გამართულ შეხვედრაზე, რომელსაც ესწრებოდნენ ბორჯომის, ახალციხის, ადიგენის, ასპინძის, ნინოწმინდის და ახალქალაქის ადგილობრივი ორგანიზაციების წარმომადგენლები, ისაუბრეს ქალთა ორგანიზაციის დაფუძნების ვადებზე. შეჯერდა პოზიციები დამფუძნებელი ყრილობის ჩატარებასთან დაკავშირებით. შეხვედრას ესწრებოდა სახელმწიფო რწმუნებული სამცხე-ჯავახეთის მხარეში ბესიკ ამირანაშვილი. დღეს შეხვედრები გაიმართა ასევე მცხეთასა და გორში, მცხეთა-მთიანეთისა და შიდა ქართლის მხარეში პარტიის ადგილობრივი ორგანიზაციების წევრ ქალებთან. „ქართული ოცნების“ ქალთა ორგანიზაციის დაფუძნებასთან დაკავშირებით შეხვედრები გაგრძელდება.

13 თებერვალი, 2022

„ქართული ოცნების“ თავმჯდომარე ირაკლი კობახიძე, საპარლამენტო უმრავლესობის წევრები ნინო წილოსანი, ირმა ზავრადაშვილი, ირაკლი მეზურნიშვილი, ზაალ დუგლაძე, ეკონომიკის მინისტრის მოადგილე მარიამ ქვრივიშვილი, შიდა ქართლში პარტიის ადგილობრივი ორგანიზაციების წევრ ქალებს შეხვდნენ. გორში გამართულ შეხვედრაზე, რომელსაც ესწრებოდნენ გორის, კასპის, ქარელისა და ხაშურის ადგილობრივი ორგანიზაციების წარმომადგენლები, ისაუბრეს ქალთა ორგანიზაციის დაფუძნების ვადებზე. შეჯერდა პოზიციები დამფუძნებელი ყრილობის ჩატარებასთან დაკავშირებით. პირველი შეხვედრა დღეს მცხეთაში გაიმართა, მცხეთა-მთიანეთის მხარეში პარტიის ადგილობრივი ორგანიზაციების წარმომადგენელთა მონაწილეობით. დღესვე ირაკლი კობახიძე და მმართველი პარტიის წევრები ბორჯომში, სამცხე-ჯავახეთის მხარის ადგილობრივ ორგანიზაციებს შეხვდებიან.

13 თებერვალი, 2022

„ქართული ოცნების“ ქალთა ორგანიზაციის დაფუძნებასთან დაკავშირებით, მმართველი პარტიის თავმჯდომარე ირაკლი კობახიძე რეგიონებში შეხვედრებს მართავს. პირველი შეხვედრა დღეს მცხეთაში გაიმართა. „ქართული ოცნების“ თავმჯდომარე ირაკლი კობახიძე, საპარლამენტო უმრავლესობის წევრები ნინო წილოსანი, ირმა ზავრადაშვილი, დიმიტრი ხუნდაძე, ეკონომიკის მინისტრის მოადგილე მარიამ ქვრივიშვილი მცხეთის ადგილობრივი ორგანიზაციის წევრ ქალებს შეხვდნენ. შეხვედრაზე ისაუბრეს ქალთა ორგანიზაციის დაფუძნების  ვადებზე, შეჯერდა პოზიციები დამფუძნებელი ყრილობის ჩატარებასთან დაკავშირებით. შეხვედრას ესწრებოდა სახელმწიფო რწმუნებული მცხეთა-მთიანეთის მხარეში დავით ნოზაძე. დღესვე შეხვედრები გაიმართება გორსა და ბორჯომში.

13 თებერვალი, 2022

გვინდა გაგიზიაროთ ინფორმაცია პარტიაში დაგეგმილი სტრუქტურული სიახლის შესახებ. პარტიის პოლიტიკური საბჭოს გადაწყვეტილებით, ფუძნდება პარტიის ქალთა ორგანიზაცია. როგორც მოგეხსენებათ, პოლიტიკურ პარტიასთან ქალთა ორგანიზაციის არსებობა ფართოდ დამკვიდრებული ევროპული პრაქტიკაა. ქალთა ორგანიზაცია იქმნება პარტიულ-პოლიტიკურ პროცესებში ქალების როლისა და ჩართულობის მაქსიმალური გააქტიურების უზრუნველსაყოფად. სხვადასხვა გარემოების გამო, ადგილობრივი თვითმმართველობის არჩევნებში ჩვენმა პარტიამ შეძლო 64 მერობის კანდიდატიდან მხოლოდ 3 ქალი კანდიდატის წარდგენა, ხოლო საკრებულოს წევრობის კანდიდატები, არსებითად, მხოლოდ ჩვენს მიერ შემოღებული საარჩევნო კვოტის ფარგლებში წარვადგინეთ. ალბათ, ყველა დაგვეთანხმებით, რომ ამგვარი მოცემულობა არ შეესაბამება ჩვენს საზოგადოებაში არსებულ ობიექტურ სურათს და ქალები მაღალ თანამდებობებზე ბევრად უფრო ფართო წარმომადგენლობას იმსახურებენ. ქალთა ორგანიზაციის დაფუძნება ხელს შეუწყობს ჩვენი გუნდის ქალი წევრების კარიერულ ზრდას და მათ გაუხსნის გზას მეტი წარმატებისკენ როგორც პარტიულ სტრუქტურებში, ისე საჯარო სამსახურში. ქალთა ორგანიზაცია უზრუნველყოფს ჩვენი პარტიის ქალი წევრების პროფესიულ განვითარებას, ხელს შეუწყობს უფრო მჭიდრო თანამშრომლობასა და კომუნიკაციას სხვადასხვა ქალაქისა და რეგიონის წარმომადგენელ ქალ პარტიის წევრებს შორის. ქალთა ორგანიზაციის დასაფუძნებლად, მომავალი კვირის ბოლომდე გაიმართება საორგანიზაციო შეხვედრები საქართველოს ყველა რეგიონში. უახლოეს მომავალში გაიმართება „ქართული ოცნების“ ქალთა ორგანიზაციის დამფუძნებელი ეროვნული კონფერენცია, რომელიც აირჩევს ორგანიზაციის გამგეობას და საქალაქო და რეგიონული ორგანიზაციების ხელმძღვანელებს. მოგვიანებით, გაიმართება ქალთა ორგანიზაციის 11 საქალაქო და რეგიონული კონფერენცია, რომელიც აირჩევს საქალაქო და რეგიონული ორგანიზაციების ბიუროებს. მიგვაჩნია, რომ მმართველი პარტიის ქალთა ორგანიზაციის დაფუძნება ხელს შეუწყობს ქალების როლის გააქტიურებას არა მხოლოდ პარტიულ და პოლიტიკურ ცხოვრებაში, არამედ შექმნის ახალ შესაძლებლობებს საზოგადოებაში ქალების უფლებების დაცვისა და ინტერესების რეალიზებისათვის.

12 თებერვალი, 2022

„ქართული ოცნების“ თავმჯდომარე ირაკლი კობახიძემ და პარტიის აღმასრულებელმა მდივანმა მამუკა მდინარაძემ რუსთავისა და გარდაბნის ათ თემში პარლამენტის მაჟორიტარი დეპუტატობის კანდიდატის, ირაკლი შატაკიშვილის საარჩევნო შტაბი გახსნეს და რუსთაველებს დეპუტატობის კანდიდატი წარუდგინეს ჩვენთვის პრინციპულად მნიშვნელოვანია რუსთავში და გარდაბნის ისტორიულ სოფლებში ამ არჩევნების მოგება. გვყავს ღირსეული კანდიდატი, ირაკლი შატაკიშვილი, რომელიც არის პროფესიონალი, ძალიან კარგი იურისტი. ძალიან დიდ წარმატებებს მიაღწია პროფესიულ საქმიანობაში. დარწმუნებული ვარ, ის იქნება ძალიან ღირსეული პარლამენტის წევრი, რომელიც იზრუნებს რუსთავზე და გარდაბნის ისტორიულ სოფლებზე უკვე საპარლამენტო ფორმატში – ირაკლი კობახიძე რუსთავი და გარდაბანი იმსახურებს და ყოველთვის იმსახურებდა ღირსეულ კანდიდატს. ბევრი ადამიანის შესახებ გვქონდა დადებითი რეკომენდაციები, ძალიან ბევრი ადამიანი განიხილებოდა, მაგრამ ჩვენ ამოვარჩიეთ მართლა საუკეთესო. ირაკლი შატაკიშვილმა უკვე დაამტკიცა გუნდში, რომ შეუძლია აიღოს პასუსიხმგებლობა კონკრეტულ თემებზე და ამ პასუხისმგებლობიდან გამომდინარე, იმოქმედოს სწორად და  ბევრი საკითხი გადაწყვიტოს - მამუკა მდინარაძე კანდიდატის წარდგენას რუსთავის მერი ნინო ლაცაბიძე, საპარლამენტო უმრავლესობის წევრი ლექსო დალაქიშვილი და სახელმწიფო რწმუნებული ქვემო ქართლის მხარეში გიორგი დოხტურიშვილი ესწრებოდნენ

10 თებერვალი, 2022

ნამდვილად რთული იყო წარმოდგენა, რომ მოგვიწევდა ისეთ საკითხზე საუბარი, რასთან დაკავშირებითაც დღეს მოგიწვიეთ, თუმცა, ფაქტია, 21-ე საუკუნის საქართველოში წარმოუდგენლად კომიკური შემთხვევა მოხდა, რომელიც უპრეცედენტოა ცივილიზებული სამყაროს როგორც პოლიტიკის, ისე სამართლის ისტორიაში. საუბარი მაქვს სენაკის მუნიციპალიტეტის საკრებულოში გუშინ მომხდარ ამბავზე, რომელიც იმდენად დაუჯერებელია, ვინმემ შეიძლება იფიქროს, რომ ხუმრობაა. სენაკის მუნიციპალიტეტის საკრებულოში, რომლის შემადგენლობაში 33 დეპუტატია, „ნაციონალურმა მოძრაობამ“ და მასთან შეზრდილმა გახარიას პარტიამ მიიჩნიეს, რომ კანონით გათვალისწინებული  შესაბამისი გადაწყვეტილებები, მაგალითად საკრებულოს სხდომის გახსნა - არა ხმათა უმრავლესობით, ანუ 17 დეპუტატით, არამედ საკრებულოს 16 დეპუტატის მონაწილეობითაც შეიძლება. ანუ მათი დათვლითა და არითმეტიკით 16   33-ის ნახევარზე მეტია. აქვე შეგახსენებთ, რომ საკრებულოს სხდომის ჩატარების კანონით დადგენილი პირობა ასეთია:  სხდომა უფლებმოსილია, თუ მას ესწრება საკრებულოს სრული შემადგენლობის ნახევარზე მეტი. სენაკის შემთხვევაში 33-ის ნახევარზე მეტი, ანუ მიმიმუმ 17 წევრი. ამის მიუხედავად, უკვე კოალიციაში მყოფმა ამ ორმა პარტიამ კვორუმის გარეშე დაიწყეს არარსებული სხდომა და მიიღეს ე. წ. „გადაწყვეტილებები“:   „გადააყენეს“ სამანდატო კომისიის თავმჯდომარე და მის ნაცვლად „დანიშნეს“ „ნაციონალური მოძრაობის“ წევრი, რომელსაც მხარი გახარიას პარტიის წევრებმაც დაუჭირეს (აქამდე ნაც. მოძრაობის წევრები უჭერდნენ მხარს, ახლა უკვე პირიქით, გახარიას პარტიის წევრებმა დაუჭირეს სააკაშვილის პარტიის წარმომადგენელს მხარი); ასე შეწყობილად მუშაობენ უკვე. ამავე ე. წ. სხდომაზე ცნობად მიიღეს საკრებულოს ახალი წევრის უფლებამოსილების ცნობის საკითხიც. ერთი სიტყვით, კვორუმის გარეშე გახსნილ ე. წ. „სხდომა“ ჩვეულებრივ რეჟიმში წარმართეს. ეს იგივეა, რაც პარლამენტის სხდომის გახსნა 76 დეპუტატის დასწრების გარეშე, 74 ან 75 დეპუტატით, ან მაგალითად ორგანული კანონების მიღება ამდენივე ხმით. ცივილიზებული სამყაროს მიერ აღიარებულ ამ მსოფლიო პრაქტიკას და კანონმდებლობას არ აღიარებენ სააკააშვილის და გახარიას პარტიის წევრები და მათი ქმედებების ლოგიკით, სენაკში 16 უდრის 33-ის ნახევარზე მეტს ან 16 უდრის ან მეტია 17-ზე! სააკაშვილი-გახარიას პარტიების ერთობლივი საქმიანობა უკვე ჩვეულებრივი ამბავია, მაგრამ გულწრფელ გაკვირვებას იწვევს ის ფაქტი, რომ ამ ორ, ერთ ორგანიზმად ქცეულ პარტიაში ერთი ადამიანიც კი არ აღმოჩნდა, რომელიც იტყოდა, რომ წარმოუდგენელი სიგიჟეა ოცდაცამეტდეპუტატიან საკრებულოში სხდომის გახსნა და ჩატარება მოინდომო 16 დეპუტატით და ამით წახვიდე არა მხოლოდ არითმეტიკის, კანონების თუ კონსტიტუციის წინაღმდეგ, არამედ მოინდომო ისეთი პრეცედენტის შექმნა, რომელიც ჯერ მსოფლიო პრაქტიკაში არ დაფიქსირებულა.

09 თებერვალი, 2022

პარლამენტის თავმჯდომარე შალვა პაპუაშვილი გაერთიანებული სამეფოს პარლამენტის თემთა პალატის საგარეო ურთიერთობათა კომიტეტის თავმჯდომარეს შეხვდა.   შეხვედრაზე ისაუბრეს საქართველოს საგარეო-პოლიტიკურ პრიორიტეტებზე.   აგრეთვე, პარლამენტის თავმჯდომარემ აღნიშნა, რომ საქართველომ დიდ პროგრესს მიაღწია ევროატლანტიკური ინტეგრაციის გზაზე და მნიშვნელოვანია გაწევრიანების საკითხთან დაკავშირებით პოლიტიკური გადაწყვეტილების მიღება.   შალვა პაპუაშვილმა ხაზი გაუსვა რუსეთის დესტრუქციულ ქმედებებს საქართველოსა და ფართო რეგიონში და იმედი გამოთქვა, რომ გაერთიანებული სამეფო გააგრძელებს საერთაშორისო მხარდაჭერის კონსოლიდაციას საქართველოსთან დაკავშირებულ საკითხებზე.   ტომ ტუგენჰატმა გამოხატა მტკიცე მხარდაჭერა საქართველოს სუვერენიტეტისა და ტერიტორიული მთლიანობის მიმართ.   შეხვედრა შედგა შალვა პაპუაშვილისა და მისი თანმხლები დელეგაციის გაერთიანებულ სამეფოში ოფიციალური ვიზიტის ფარგლებში.   საპარლამენტო დელეგაციის შემადგენლობაში დეპუტატები: ნიკოლოზ სამხარაძე, ნინო წილოსანი, გიორგი ხელაშვილი და თეონა აქუბარდია, ასევე, პარლამენტის თავმჯდომარის კაბინეტის უფროსი, ლევან მახაშვილი შედიან.

09 თებერვალი, 2022

პარლამენტის თავმჯდომარე შალვა პაპუაშვილი გაერთიანებული სამეფოს პარლამენტის ლორდთა პალატის თავმჯდომარეს, ჯონ მაკფოლს შეხვდა. შეხვედრაზე ისაუბრეს საქართველოსა და გაერთიანებულ სამეფოს შორის არსებულ მრავალწლიან მეგობრობასა და ნაყოფიერ თანამშრომლობაზე. ხაზი გაესვა საპარლამენტო კავშირების განმტკიცების მნიშვნელობას. შალვა პაპუაშვილმა მადლიერება გამოხატა გაერთიანებული სამეფოს მიერ საქართველოს სახელმწიფო ინსტიტუტებისა და დემოკრატიულ განვითარებაში შეტანილი წვლილისთვის. შალვა პაპუაშვილმა მისი, როგორც პარლამენტის თავმჯდომარის გეგმებსა და პრიორიტეტებზე ისაუბრა და ლორდთა პალატის თავმჯდომარეს საქართველოს საპარლამენტო ცხოვრების მნიშვნელოვანი მოვლენები გააცნო.ჯონ მაკფოლმა დააფიქსირა სრული მხარდაჭერა საქართველოს სუვერენიტეტისა და ტერიტორიული მთლიანობის მიმართ და გამოხატა მზაობა, საქართველოსა და გაერთიანებული სამეფოს სტრატეგიული პარტნიორობის გაღრმავებისთვის. შეხვედრა შედგა შალვა პაპუაშვილისა და მისი თანმხლები დელეგაციის გაერთიანებულ სამეფოში ოფიციალური ვიზიტის ფარგლებში. საპარლამენტო დელეგაციის შემადგენლობაში დეპუტატები: ნიკოლოზ სამხარაძე, ნინო წილოსანი, გიორგი ხელაშვილი და თეონა აქუბარდია, ასევე, პარლამენტის თავმჯდომარის კაბინეტის უფროსი, ლევან მახაშვილი შედიან.

09 თებერვალი, 2022

პარლამენტის თავმჯდომარე შალვა პაპუაშვილი გაერთიანებული სამეფოს პარლამენტის თემთა პალატის თავმჯდომარეს, ლინდსი ჰოილს შეხვდა. პარლამენტის თავმჯდომარემ ხაზი გაუსვა ორ ქვეყანას შორის არსებულ მტკიცე მეგობრობას, სტრატეგიულ პარტნიორობასა და აქტიურ ორმხრივ დიალოგს. შეხვედრაზე განიხილეს საქართველოსა და დიდ ბრიტანეთს შორის თანამშრომლობა საპარლამენტო, ეკონომიკის  და სხვა მიმართულებებით. აღინიშნა, რომ რუსეთის დესტრუქციული პოლიტიკისა და მისგან მომდინარე საფრთხეების გათვალისწინებით, მნიშვნელოვანია უსაფრთხოების სექტორში თანამშრომლობის გაღრმავება. ამასთანავე, შალვა პაპუაშვილმა ისაუბრა საქართველოს მიერ ევროატლანტიკური ინტეგრაციის გზაზე მიღწეულ პროგრესზე და მადლიერება გამოხატა დიდი ბრიტანეთის მიერ ნატო-საქართველოს არსებითი პაკეტის (SNGP) მხარდაჭერისთვის. ლინდსი ჰოილმა დაადასტურა მხარდაჭერა საქართველოს სუვერენიტეტისა და ტერიტორიული მთლიანობის და, აგრეთვე, ევროატლანტიკური ინტეგრაციის მიმართ. შეხვედრა შედგა შალვა პაპუაშვილისა და მისი თანმხლები დელეგაციის გაერთიანებულ სამეფოში ოფიციალური ვიზიტის ფარგლებში. საპარლამენტო დელეგაციის შემადგენლობაში დეპუტატები: ნიკოლოზ სამხარაძე, ნინო წილოსანი, გიორგი ხელაშვილი და თეონა აქუბარდია, ასევე, პარლამენტის თავმჯდომარის კაბინეტის უფროსი, ლევან მახაშვილი შედიან.

02 თებერვალი, 2022

„ქართული ოცნების“ ცენტრალურ ოფისში პარტიის პოლიტიკური საბჭოს სხდომა გაიმართა. სხდომაზე 2 აპრილს, რუსთავი-გარდაბნის საარჩევნო ოლქში პარლამენტის მაჟორიტარი დეპუტატისა და ბათუმის გონიო-კვარიათის მაჟორიტარულ საარჩევნო ოლქში საკრებულოს მაჟორიტარი დეპუტატის შუალედური არჩევნების შესახებ იმსჯელეს. პოლიტიკური საბჭოს გადაწყვეტილებით, ქალაქ რუსთავსა და გარდაბნის მუნიციპალიტეტის სოფლებში მაჟორიტარი დეპუტატობის კანდიდატად ირაკლი შატაკიშვილი, ხოლო ბათუმის საკრებულოს მაჟორიტარი დეპუტატობის კანდიდატი რამაზ ჯინჭარაძე დასახელდნენ.

02 თებერვალი, 2022

როგორც მოგეხსენებათ, ცენტრალური საარჩევნო კომისიის გადაწყვეტილებით, გუშინ დაინიშნა პარლამენტის მაჟორიტარი დეპუტატის არჩევნები რუსთავი-გარდაბნის საარჩევნო ოლქში და საკრებულოს მაჟორიტარი დეპუტატის არჩევნები ბათუმის გონიო-კვარიათის მაჟორიტარულ საარჩევნო ოლქში. არჩევნები ჩატარდება ზუსტად 2 თვეში, ამა წლის 2 აპრილს. დღეს გაიმართა პარტიის პოლიტიკური საბჭოს სხდომა, სადაც მიღებულ იქნა გადაწყვეტილება აღნიშნული ორი არჩევნებისათვის „ქართული ოცნების“ კანდიდატების დასახელების შესახებ. ქალაქ რუსთავსა და გარდაბნის მუნიციპალიტეტის სოფლებში ჩვენი კანდიდატი იქნება ირაკლი შატაკიშვილი. ირაკლი გახლავთ მაღალკვალიფიციური იურისტი. მას იურიდიული განათლება მიღებული აქვს საქართველოს ტექნიკურ უნივერსიტეტში, აგრეთვე გერმანიაში, ქალაქ ნიურნბერგში. სხვადასხვა დროს, ის მუშაობდა იურისტად ქართულ და გერმანულ კერძო კომპანიებში და საქართველოს პროკურატურაში. ირაკლი შატაკიშვილს ჰყავს მეუღლე და ორი შვილი. ბათუმის საკრებულოს არჩევნებში ჩვენი მაჟორიტარი დეპუტატობის კანდიდატი გახლავთ რამაზ ჯინჭარაძე. რამაზ ჯინჭარაძეს აქვს საჯარო სამსახურში მუშაობის ძალზე მდიდარი, მრავალწლიანი გამოცდილება. ამჟამად, რამაზ ჯინჭარაძე იკავებს აჭარის ავტონომიური რესპუბლიკის ჯანმრთელობისა და სოციალური დაცვის მინისტრის პირველი მოადგილის თანამდებობას. რამაზ ჯინჭარაძეს ჰყავს მეუღლე და ერთი შვილი. ჩვენთვის პრინციპულად მნიშვნელოვანია ორივე არჩევნების მოგება. რუსთავი-გარდაბნის ოლქში არჩევნების მოგება მნიშვნელოვნად გააძლიერებს საპარლამენტო უმრავლესობის რიგებს. რაც შეეხება ბათუმის არჩევნებს, მასზე დამოკიდებულია ბათუმის საკრებულოში მყარი უმრავლესობის ჩამოყალიბება, რაც აუცილებელია ქალაქის შეუფერხებელი განვითარებისათვის. წარმატებებს ვუსურვებ ირაკლი შატაკიშვილს და რამაზ ჯინჭარაძეს არჩევნებში.

31 იანვარი, 2022

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა, რომელზეც მიმდინარე სასესიო კვირის პლენარულ სხდომებზე განსახილველ საკითხებზე იმსჯელეს. უმრავლესობის წევრები გაეცნენ ინფორმაციას სამეგრელოს რეგიონში პარტიის ლიდერების შეხვედრების შესახებ. განიხილეს ასევე საორგანიზაციო საკითხები.

30 იანვარი, 2022

„ქართული ოცნების" ლიდერები სამეგრელოს რეგიონული ორგანიზაციის წარმომადგენლებს შეხვდნენ.მმართველი პარტიის თავმჯდომარე ირაკლი კობახიძე, აღმასრულებელი მდივანი მამუკა მდინარაძე და რეგიონული მდივანი დიმიტრი სამხარაძე სამეგრელოს რეგიონული ორგანიზაციის წარმომადგენლებს შეხვდნენ. ზუგდიდში, „ქართული ოცნების“ რეგიონულ ოფისში გამართულ შეხვედრებზე ადგილზე არსებულ პოლიტიკურ ვითარებაზე იმსჯელეს. განისაზღვრა პარტიის სამომავლო გადაწყვეტილებები. შეხვედრებს ესწრებოდნენ პარლამენტის რეგიონული პოლიტიკისა და თვითმმართველობის კომიტეტის თავმჯდომარე სოზარ სუბარი, ზუგდიდის მაჟორიტარი დეპუტატი ირაკლი ჩიქოვანი, ფოთის, სენაკისა და ხობის მაჟორიტარი დეპუტატი ირაკლი ხახუბია, სახელმწიფო რწმუნებული სამეგრელო-ზემო სვანეთის მხარეში გიორგი გუგუჩია, მუნიციპალიტეტების საკრებულოების წევრები, პარტიის რეგიონული ორგანიზაციების თავმჯდომარეები და აქტივი.

20 იანვარი, 2022

დღეს, წალენჯიხის საკრებულოში ნაციონალური მოძრაობისა და გახარიას პარტიის კოალიციამ, 14 ხმით საკრებულოს თავმჯდომარედ გახარიას პარტიის წარმომადგენელი, კორნელი სალია აირჩია. ჩვენ აქამდეც არაერთხელ გვითქვამს, რომ ნაციონალურ მოძრაობას და გახარიას პარტიას ერთმანეთთან დეფაქტო კოალიცია ჰქონდათ გაფორმებული. დღევანდელი გადაწყვეტილებით კიდევ ერთხელ გამყარდა ის, რასაც თვეების განმავლობაში ვამბობდით - გახარიას პარტია და „ნაციონალური მოძრაობა“ შეთანხმებულად მოქმედებდნენ ხელისუფლების წინააღმდეგ. ეს ორი პარტია რეალურად ერთი დესტრუქციული, საკუთარი ვიწროპარტიული ინტერესების გამტარებელი სუბიექტია. ჩვენ აქამდეც ნათლად ვხედავდით, თუ როგორ უწყობდა ხელს გახარია ჯერ პრემიერ-მინისტრის თანამდებობიდან გადადგომით, შემდეგ კი მისი პარტიის ქმედებებით „ნაციონალურ მოძრაობას“ და მათ დესტრუქციულ დღის წესრიგს, თუმცა ადგილობრივი თვითმმართველობის არჩევნების შემდეგ, საკრებულოებში განვითარებულმა მოვლენებმა და მათმა კოორდინირებულმა მოქმედებამ საბოლოოდ გამოააშკარავა და გააფორმა ისინი ერთ პოლიტიკურ წარმონაქმნად. დღეს უკვე მინიმალური კითხვის ნიშანიც ვეღარავის ექნება, რომ გახარია და მისი პარტია სააკაშვილისა და „ნაციონალური მოძრაობის“ ინტერესების გამტარებელია. ეს ორი პარტია ერთად ცდილობს, დააზიანონ სახელმწიფო, ადგილობრივ მუნიციპალიტეტებში ხელოვნურად შექმნან კრიზისი და იმოქმედონ საზოგადოების და ადგილობრივი მოსახლეობის ინტერესების საწინააღმდეგოდ. ახლა უკვე საბოლოოდ გაივლო ხაზი და საზოგადოებისთვის გაცხადდა, რომ პარტია „საქართველოსთვის“ დამოუკიდებელი პოლიტიკური სუბიექტი არ არის. გახარიას პარტია „ნაციონალური მოძრაობის“ არა უბრალოდ მოკავშირე, არამედ მისი გაგრძელებაა.

29 დეკემბერი, 2021

მოგესალმებით ბატონო თავმჯდომარე, მოგესალმებით პარლამენტის წევრებო, მივესალმები ჩვენი ქვეყნის თითოეულ მოქალაქეს. პირველ რიგში, მინდა მადლობა გადავუხადო საპარლამენტო უმრავლესობას პარლამენტის თავმჯდომარის თანამდებობაზე წარდგენისთვის და გამოცხადებული ნდობისთვის. ეს არის უდიდესი პატივი და პასუხისმგებლობა საზოგადოებისა და ჩვენი პოლიტიკური გუნდის წინაშე. შესაბამისად, ამ თანამდებობაზე გავაკეთებ ყველაფერს, რომ ჩვენს ქვეყანას და ხალხს ღირსეულად ვემსახურო. დიდი მადლობა კახა კუჭავას, რომელიც, პოლიტიკურად ურთულეს დროს, ღირსეულად უძღვებოდა პარლამენტს და შეძლო საპარლამენტო ცხოვრების კონსოლიდაცია. ეს წელი, დამოუკიდებლობის შემდეგ, იყო ერთ-ერთი ურთულესი ჩვენი ქვეყნისთვის. საზოგადოება ერთდროულად იდგა ოკუპაციის, პანდემიის, ეკონომიკური გამოწვევებისა და თავსმოხვეული პოლარიზაციის წინაშე. მიუხედავად ამ ურთულესი გამოწვევებისა, ჩვენი გუნდის ხელმძღვანელობით შევინარჩუნეთ მშვიდობა, უკან დახევის გარეშე გადავლახეთ პანდემიის რამდენიმე მძიმე ტალღა ქვეყნის ეკონომიკა დავუბრუნეთ პანდემიამდე მდგომარეობას ადგილობრივი თვითმმართველობის არჩევნების სათანადო ჩატარებით შევქმენით მყარი საფუძველი ქვეყნის პოლიტიკური სტაბილურობისთვის ყველა ამ გამოწვევასთან გამკლავებაში ქართველი ხალხის და ხელისუფლების მოკავშირეები იყვნენ ჩვენი ექიმები, ჩვენი პოლიციელები, ჩვენი ჯარისკაცები, ჩვენი პედაგოგები. დიდი მადლობა მათ და ყველა იმ ადამიანს, ვინც გვერდით ედგა სახელმწიფოს ამ ურთულეს პერიოდში. პარლამენტი არის ის ინსტიტუცია, რომელშიც ყველაზე მეტად არის გამოხატული ხალხის, როგორც ხელისუფლების წყაროს, ძალა. ამიტომ, როგორც პარლამენტის თავმჯდომარე, ვიდგები საპარლამენტო სუვერენიტეტის სადარაჯოზე. რა თქმა უნდა, მე ვარ „ქართული ოცნების“ გუნდის წევრი, და ამით, ქართველი ხალხის უმრავლესობის ნების გამტარებელი. თუმცა, როგორც პარლამენტის თავმჯდომარე, ვიქნები ხალხის მიერ არჩეული ოპოზიციის ჩართულობის და თანამონაწილეობის გარანტი. მით უფრო, რომ ამ პარლამენტში, არსებული დაპირსპირების მიუხედავად, ჩვენ გვაქვს ოპოზიციასთან თანამშრომლობის კარგი გამოცდილება, რაც წარმატებულ საარჩევნო რეფორმას უკავშირდება. ამის ფონზე, ოპოზიციის ნაწილის მხრიდან საპარლამენტო საქმიანობის ბოიკოტი განსაკუთრებით გულდასაწყვეტია, მით უფრო, იმ პირობებში, როდესაც ჩვენი გუნდის მიერ კონსტიტუციის და პარლამენტის რეგლამენტის რეფორმის შედეგად, საქართველოს პარლამენტმა, ქართულ პოლიტიკაში, ცენტრალური ადგილი დაიკავა. ახალი დემოკრატიული სტანდარტებით, მრავალპარტიულ პარლამენტს აქვს აღმასრულებელ ხელისფლებაზე ზედამხედველობის მძლავრი ბერკეტები. უპრეცედენტოდ გაზრდილია საპარლამენტო ოპოზიციის როლი. ეს ყველაფერი კი ქმნის განსაკუთრებულ პირობებს საქმიანი საპარლამენტო დისკუსიისთვის. ჩვენი მთავარი საგარეო-პოლიტიკური პრიორიტეტია ნატოსა და ევროკავშირში ინტეგრაცია. როგორც მოგეხსენებათ, ჩვენს პოლიტიკურ გუნდს აქვს ამბიციური ამოცანა 2024 წელს წარადგინოს განაცხადი ევროკავშირის წევრობაზე. სწორედ ამიტომ, მომდევნო სამი წელი იქნება პერიოდი, როდესაც ჩვენ წინ გველის საკანონმდებლო რეფორმებით დატვირთული დღის წესრიგი, რომელმაც გარდამტეხი როლი უნდა შეასრულოს ევროკავშირთან ჩვენი ქვეყნის საკანონმდებლო და ინსტიტუციური დაახლოებაში, და ახალ ნიშნულზე მიიყვანოს ქვეყნის დემოკრატიული განვითარება. ჩვენი ეროვნული ამოცანაა ქვეყნის გამთლიანება და ჩვენი აფხაზი და ოსი დების და ძმების დაბრუნება. და ეს პარლამენტიც სრულფასოვანი იქნება მხოლოდ მაშინ, როდესაც ამ დარბაზში ჩვენთან ერთად აფხაზეთიდან და ცხინვალის რეგიონიდან არჩეული წარმომადგენლები ისხდებიან. ეს ის ამოცანაა, რომელიც თითოეულ ჩვენგანს უნდა აერთიანებდეს. ჩვენ გვაქვს გამორჩეული ქვეყანა, ღირსეული ხალხით, უნიკალური ისტორიით, მდიდარი კულტურით და სულიერების სადარაჯოზე მდგომი ეკლესიით. ეს ქვეყანა და ეს ხალხი იმსახურებს ერთიანობას, კეთილდღეობას, წინსვლას და განვითარებას; და სწორედ ამიტომ, ჩვენი განსაკუთრებული ვალია, ჩვენი ფიქრი და საქმე მივუძღვნათ ამ მიზანს. ეს იქნება ჩემი, როგორც პარლამენტის თავმჯდომარის, მთავარი ამოცანა. ღმერთი იყოს ჩვენი მფარველი!

24 დეკემბერი, 2021

დღეს გაიმართა პარტიის პოლიტიკური საბჭოს სხდომა, სადაც, არსებითად, განხილულ იქნა რამდენიმე მნიშვნელოვანი საკადრო საკითხი. პირველ რიგში, გაცნობებთ, რომ პარლამენტის თავმჯდომარემ, კახა კუჭავამ მიიღო გადაწყვეტილება თანამდებობის დატოვების შესახებ. გადაწყვეტილების მიზეზს კახა თავად განმარტავს. ჩვენი მხრივ, მე „ქართული ოცნების’’ პოლიტიკური გუნდის სახელით, კახას ვუხდით დიდ მადლობას პარლამენტის თავმჯდომარის პოსტზე ძალიან რთულ პერიოდში ღირსეული საქმიანობისთვის. კახას გადაწყვეტილება მთელი გუნდისთვის, რა თქმა უნდა, გულდასაწყვეტია, თუმცა, მას პატივს ვცემთ. შესაბამისად, აღნიშნული გადაწყვეტილება დღეს პოლიტსაბჭომ ცნობად მიიღო. ბუნებრივია, კახა რჩება ჩვენი პოლიტიკური გუნდის ერთ-ერთ ლიდერად და პარტიის პოლიტსაბჭოს წევრად და ის იმუშავებს ძალიან მნიშვნელოვან სახელმწიფოებრივ პროექტზე, რის შესახებაც მოგვიანებით გაგიზიარებთ დეტალურ ინფორმაციას. პარტიის პოლიტიკური საბჭოს და საპარლამენტო უმრავლესობის გადაწყვეტილებით, საქართველოს პარლამენტის თავმჯდომარის თანამდებობაზე პარლამენტს წარედგინება შალვა პაპუაშვილის კანდიდატურა. შალვას განსაკუთრებული წარდგენა ბუნებრივია არ სჭირდება. შეგახსენებთ, რომ ის არის სამართლის დოქტორი, სადოქტორო დისერტაცია დაცული აქვს გერმანიაში, ზაარლანდის უნივერსიტეტში. შალვა წლების მანძილზე მუშაობდა საერთაშორისო ორგანიზაციებში, აგრეთვე უნივერსიტეტებში პროფესორის თანამდებობაზე. დღემდე შალვა იყო განათლებისა და მეცნიერების კომიტეტის წარმატებული თავმჯდომარე და აქტიურად იყო ჩართული მნიშვნელოვან პოლიტიკურ პროცესებში, მათ შორის, შარშან მისი ხელმძღვანელობით განხორციელდა წარმატებული საარჩევნო რეფორმა. შალვა პარტიაში იკავებდა სტრატეგიული კომუნიკაციის მდივნის თანამდებობას და მნიშვნელოვანი წვლილი შეიტანა პარტიის შესაბამისი ფუნქციის გაძლიერებაში, მათ შორის ჩვენი პარტიის საარჩევნო წარმატებაში. წარმატებებს ვუსურვებ შალვას პარლამენტის თავმჯდომარის თანამდებობაზე. აგრეთვე, გაცნობებთ, რომ პარტიის პოლიტიკური საბჭოს და საპარლამენტო უმრავლესობის გადაწყვეტილებით, პარლამენტის განათლებისა და მეცნიერების კომიტეტის თავმჯდომარის თანამდებობაზე პარლამენტს წარედგინება გიორგი ამილახვარის კანდიდატურა. გიორგის დღემდე ეკავა ამ კომიტეტის თავმჯდომარის პირველი მოადგილის თანამდებობა და მას აქვს განათლებისა და მეცნიერების სფეროში საქმიანობის ძალიან ფართო გამოცდილება. შესაბამისად. ჩვენი აზრით ის არის უალტერნატივო კანდიდატურა ამ თანამდებობაზე, ამ თანამდებობაზე წარმატებას ვუსურვებ გიორგის. ბოლოს, გაცნობებთ, რომ პარტიის პოლიტიკურმა საბჭომ მიიღო გადაწყვეტილება პოლიტსაბჭოს შემადგენლობის გაძლიერების შესახებ. კერძოდ, პოლიტსაბჭოს შემადგენლობას დაემატება ჩვენი პოლიტიკური გუნდის ორი წევრი: - პარლამენტის იურიდიულ საკითხთა კომიტეტის თავმჯდომარე, ანრი ოხანაშვილი და - „ქართული ოცნების“ საპარლამენტო ფრაქციის თავმჯდომარის მოადგილე და ზუგდიდის მაჟორიტარი დეპუტატი, ირაკლი ჩიქოვანი. წარმატებებს ვუსურვებ ანრის და ირაკლის!

23 დეკემბერი, 2021

გვსურს გამოვეხმაუროთ დღეს, ჩხოროწყუს საკრებულოში მომხდარ ფაქტს. მოგეხსენებათ, ჩვენ მთელი წინასაარჩევნო პერიოდის განმავლობაში ვამბობდით, რომ გიორგი გახარიას პარტია „საქართველოსთვის“ და „ნაციონალური მოძრაობა“ საერთო თამაშს თამაშობდნენ, საკუთარი ქმედებებით კი გიორგი გახარია სწორედ „ნაციონალური მოძრაობის“ წისქვილზე ასხამდა წყალს. დღეს, ჩხოროწყუს საკრებულოში მომხდარი ფაქტით, როდესაც გახარიას პარტიის წარმომადგენელი ჩხოროწყუს საკრებულოს თავმჯდომარედ სწორედ „ნაციონალური მოძრაობის“ მხარდაჭერით აირჩიეს, უკვე ოფიციალურად გაფორმდა პარტია „საქართველოსთვის“ და „ნაციონალური მოძრაობის“ კოალიცია. ამასთანავე, მომხდარი კიდევ ერთხელ ააშკარავებს ტყუილს, თითქოს გახარიას პარტია „ნაციონალურ მოძრაობასთან“ თანამშრომლობას და კოალიციას გამორიცხავდა. ეს იყო მტკნარი სიცრუე, რაც დღეს უკვე ყველასთვის აშკარა გახდა. რეალურად, მთელი ეს თვეები, ეს ორი ძალა საკუთარი ალიანსის ოფიციალურად გაფორმებისთვის ემზადებოდა, დღეს კი, „ნაციონალური მოძრაობის“ სრული მხარდაჭერით, გახარიას პარტიის წარმომადგენელი ჩხოროწყუს საკრებულოს თავმჯდომარედ აირჩიეს. ეს არის მათი კოალიციის პირველი ოფიციალური პრეცედენტი და ბუნებრივია, მოსალოდნელია, რომ ამის შემდეგ, სხვა მუნიციპალიტეტებში, სადაც ამის საშუალება აქვთ, მსგავსი ალიანსის შექმნის მცდელობები კიდევ ექნებათ. დადასტურდა, რომ აღნიშნული პარტიები ერთი ძალის ორი სხვადასხვა განშტოებაა და ისინი, უკვე რადიკალებისა და მოღალატეების გაერთიანებით, შეეცდებიან რამდენიმე მუნიციპალიტეტში განვითარების შეფერხებას.

18 დეკემბერი, 2021

საქმეზე პარლამენტში არცერთი მათგანი არ შემოდის, აქციებს აანონსებენ, ყოველდღიურად მათი ტელევიზიები ათასგვარ სიბინძურეს აბრალებენ უამრავ ადამიანს და ამ ფონზე შერიგებაზე როცა ლაპარაკობენ, ეს არის მათი მხრიდან მხოლოდ პიარული სვლა, რომელიც ემსახურება ერთადერთს, რომ თითქოს ისინი არიან ძალიან დიდსულოვნები და აქეთ ვდგავართ ისინი, ვისაც თურმე ეროვნული შერიგება არ გვდომებია. ისეთი მესიჯი დააჰედლაინეს - როგორ ეროვნული შერიგების წინააღმდეგი ხართ თქვენ? მაგრამ შეგნებულად ვიმეორებ: დიდსულოვნების მანტიამოსხმულ ბოროტებასთან შერიგებას არ ვაპირებთ და ამ ბოროტებას წარმოადგენენ „ნაციონალური მოძრაობის“ ლიდერები, შეიძლება ყველა არა და ზოგიერთს შეიძლება გულში ან ტვინში გაკრა რაღაც კეთილშობილურმა იდეამ, მოინანია რაღაც დანაშაული. მოინანიონ, დანაშაულს თავის სახელი დაარქვან და მერე ვილაპარაკოთ არა შერიგებაზე, არამედ კონსტრუქციულობაზე და იმაზე, როგორ გავაგრძელოთ საქმის კეთება ხალხის საკეთილდღეოდ - მამუკა მდინარაძე.

29 ნოემბერი, 2021

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა. უმრავლესობის წევრებმა მიმდინარე სასესიო კვირაში განსახილველ საკითხებზე იმსჯელეს, რომელთა შორისაა, 2021 წლის ბიუჯეტში შესატანი ცვლილებები და მოსამართლეების არჩევა. „მინისტრის საათის“ ფორმატში პარლამენტი განათლებისა და მეცნიერების მინისტრს და კულტურის, სპორტისა და ახალგაზრდობის მინისტრს მოუსმენს.

26 ნოემბერი, 2021

დღეს დილიდან მთელი საზოგადოება დესტრუქციული ოპოზიციის კიდევ ერთ სპექტაკლს ვუყურებთ, რაც, კიდევ ერთხელ გვარწმუნებს, რომ ჩვენი პოლიტიკური გადაწყვეტილება, რომ საქართველოს კონკრეტულ მუნიციპალიტეტებში მომავალი წლის ბიუჯეტი 2017 წლის მოწვევის საკრებულოს შემადგენლობებს დაემტკიცებინა, შექმნილ ვითარებაში ყველაზე სწორი, განვითარებაზე ორიენტირებული გადაწყვეტილება იყო. ჩვენ გამოვიყენეთ ის შესაძლებლობა, რომელსაც გვაძლევს საქართველოს კონსტიტუცია და კანონმდებლობა, რათა ოპოზიციაში მყოფ რადიკალურ ძალებს, რომლებიც მუდმივად არეულობის შექმნაზე არიან მომართული, მუნიციპალიტეტების ბიუჯეტის ჩაგდების, შესაბამისად, ადგილობრივი ორგანოების სამსახურების მუშაობის, ინფრასტრუქტურული პროექტების შეჩერების, ჯამში კი, ჩვენი ქალაქებისა და სოფლების განვითარების შეჩერების შესაძლებლობა არ მისცემოდათ. დღეს ოპოზიციას არანაირი ხელჩასაჭიდი არ აქვს და მათი მთავარი მესიჯბოქსი „ფეიკზე“ გადის. ისინი 2017 წლის მოწვევის საკრებულოს ვადაგასულს უწოდებენ, თუმცა, თავადვე ამბობენ, რომ საკრებულოს ძველ შემადგენლობას უფლებამოსილებას ვადა მაშინ გასდის, როდესაც ახლადარჩეული წარმომადგენლობითი ორგანოს პირველი სხდომა გაიხსნება, რაც, როგორც უკვე აღვნიშნე, ჯერ არ მომხდარა! ამ ადამიანების დღევანდელი მოქმედებით დასტურდება, რომ ყველგან, სადაც ამის შესაძლებლობა ჰქონდათ, პრობლემების შექმნას აპირებდნენ, რათა არ დამტკიცებულიყო ბიუჯეტი, გაჩერებულიყო მუნიციპალიტეტების განვითარებისთვის უმნიშვნელოვანესი პროექტების განხორციელება და საზოგადოების წინაშე არსებული გამოწვევების დაძლევის გზაზე, მნიშვნელოვანი ბარიერები შეექმნათ. იქ, სადაც არის საზოგადოებრივი ინტერესი, არჩევანი განვითარებასა და სტაგნაციას შორის, ყოველთვის მოსახლეობის მხარეს დავდგებით და ყველა ლეგალურ შესაძლებლობას გამოვიყენებთ, რათა ამ ძალებმა საკუთარ მიზნებს მოსახლეობის კეთილდღეობის დაზიანების ფასად ვერ მიღწიონ! დღეს გამართული ცირკი, სპეციფიური სუნის მქონე ხსნარის სხდომათა დარბაზში დასხმა და მათ მიერ გამოყენებული სხვა მეთოდები, კარგად უჩვენებს ამ ხალხის რეალურ სახეს. მიუხედავად ამისა, მინდა ვუთხრა, თითოეულ მათგანს, რომ როგორ იაფფასიან მეთოდებსაც არ უნდა მიმართონ, საქმის კეთებაში, მოსახლეობის პრობლემების მოგვარებაზე ზრუნვაში ხელს ვერ შეგვიშლიან!

15 ნოემბერი, 2021

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა. უმრავლესობის წევრებმა მიმდინარე პოლიტიკურ საკითხებზე იმსჯელეს. საუბარი შეეხო მიმდინარე სასესიო კვირაში განსახილველ საკითხებს, რომელთა შორისაა 2022 წლის სახელმწიფო ბიუჯეტის პროექტი, ორი დეპუტატის უფლებამოსილების შეწყვეტა, „მინისტრის საათის“ ფორმატში საგარეო საქმეთა მინისტრისა და შერიგებისა და სამოქალაქო თანასწორობის საკითხებში სახელმწიფო მინისტრის მოსმენა და თვითმმართველობის კოდექსში შესატანი ცვლილებები.

15 ნოემბერი, 2021

„ქართული ოცნების“ ცენტრალურ ოფისში პარტიის პოლიტიკური საბჭოს სხდომა გაიმართა. პოლიტსაბჭოს წევრებმა მიმდინარე საკითხებზე იმსჯელეს.

13 ნოემბერი, 2021

ქართული პოლიტიკური სისტემის ერთ-ერთი უმთავრესი პრობლემაა მართლმსაჯულების პოლიტიზების გამუდმებული მცდელობა, რომელშიც ოპოზიციის რადიკალურ ნაწილთან და მასთან დაკავშირებულ პარტიულ მედიასაშუალებებთან თუ არასამთავრობო ორგანიზაციებთან ერთად, სამწუხაროდ, ჩართული არიან რადიკალური ოპოზიციის უცხოელი ლობისტებიც, რომელთა ნაწილი პოლიტიკური სტატუსის მატარებელია. მართლმსაჯულების პოლიტიზების ყველაზე ნათელი გამოხატულება იყო მათი ძალისხმევის შედეგად 2020-21 წლებში სამი დამნაშავის - გიგი უგულავას, ნიკანორ მელიას და გიორგი რურუას განთავისუფლება. ყველა ხედავს, რომ დღეს ეს დამნაშავეები, მთავარ დამნაშავე მიხეილ სააკაშვილთან ერთად, ყველაზე აქტიურ როლს ასრულებენ პოლარიზაციაში, რომელიც ზიანს აყენებს ქართული სახელმწიფოს და საზოგადოების ინტერესებს. ამ ყველაფერზე პირდაპირი პასუხისმგებლობა, რადიკალურ ოპოზიციასთან ერთად, ბუნებრივია, ყველა იმ პირსაც ეკისრება, რომელიც კრიმინალების განთავისუფლებას აქტიურად ითხოვდა. ჩვენი უცხოელი პარტნიორების უდიდესი უმრავლესობა სათანადოდ აფასებს საქართველოში მიმდინარე მოვლენებს და აქვს ობიექტური დამოკიდებულება, ერთი მხრივ, საქართველოს სახელმწიფოებრიობისა და ქვეყნის ხელისუფლების, ხოლო, მეორე მხრივ, მიხეილ სააკაშვილისა და ნაციონალური მოძრაობის მიმართ. მათი უმრავლესობა აღიარებს, რომ მიხეილ სააკაშვილი სამართლიანად იხდის მისთვის შეფარდებულ სასჯელს. ხშირად მოგვისმენია გულწრფელი კრიტიკა და შენიშვნები მეგობრების მხრიდან. ამგვარი კრიტიკა ჩვენთვის ძალზე ღირებულია და ვაფასებთ. ჩვენს მიერ მიწოდებული ინფორმაციის საფუძველზე, ჩვენს პარტნიორებს, საქართველოს ნამდვილ მეგობრებს, ხშირად შეუცვლიათ თავდაპირველი პოზიცია, რაც მათ გულწრფელობას ადასტურებს. თუმცა, არიან მცირერიცხოვანი უცხოელი პოლიტიკოსები, რომლებიც ჯიუტად არ ცვლიან პოზიციას და ნაციონალური მოძრაობის ლობისტობას ყოველგვარი არგუმენტაციის გარეშე სწორხაზოვნად განაგრძობენ. რადგან სააკაშვილის საკითხი, ამ თვალსაზრისით, დღეს ყველაზე აქტუალურია, ამ თემას შედარებით დეტალურად შევეხები. კერძოდ, პასუხი უნდა გაეცეს რამდენიმე მარტივ შეკითხვას: ▪ როდესაც უმაღლესი სახელმწიფო თანამდებობის პირი პარლამენტის წევრს უმძიმესი ფორმით ფიზიკურად უსწორდება და ახალგაზრდა კაცის მკვლელებს საკუთარი ძალაუფლების ბოროტად გამოყენების გზით მფარველობს, უნდა მოიხადოს თუ არა მან ამ ქმედებებისთვის სასჯელი (ასეთია ორი ოფიციალური ბრალი, რომლის საფუძველზეც სააკაშვილს 6 წლით თავისუფლების აღკვეთა შეეფარდა; ორივე საქმის შესახებ საქართველოში ყველამ ყველაფერი იცის; ამასთან, გირგვლიანის საქმეში სააკაშვილის ბრალეულობა სტრასბურგის სასამართლომაც დაადასტურა)? ამ კითხვაზე პასუხი მარტივია: თუ საქართველო სახელმწიფოა და სამართლის უზენაესობა მისთვის ღირებულია - კი ▪ როდესაც ამ დანაშაულთა გამო მსჯავრდებული პირი საქართველოს საზღვარს უკანონოდ ჰკვეთს, უნდა მოხდეს თუ არა მისი მყისიერი დაპატიმრება? პასუხი ამ კითხვაზეც მარტივია: თუ საქართველო სახელმწიფოა და სამართლის უზენაესობა მისთვის ღირებულია - კი ▪ როდესაც მსჯავრდებული ყოველგვარი საფუძვლის გარეშე შიმშილობას იწყებს და განთავისუფლებას ითხოვს, უნდა დაუკმაყოფილდეს თუ არა მას მოთხოვნა? პასუხი აქაც მარტივია: თუ საქართველო სახელმწიფოა და სამართლის უზენაესობა მისთვის ღირებულია - არა ▪ როდესაც მსჯავრდებული სამოქალაქო კლინიკაში გადაყვანას იმისათვის ითხოვს, რომ ციხიდან გავიდეს და თანამზრახველებს მისი განთავისუფლების შანსი მიეცეთ, უნდა დაჰყვეს თუ არა ხელისუფლება მოთხოვნას? პასუხი მარტივია: თუ საქართველო სახელმწიფოა - არა ▪ როდესაც მსჯავრდებული უარს აცხადებს სასჯელაღსრულების ერთი დაწესებულებიდან მეორე, კლინიკით აღჭურვილ დაწესებულებაში გადაყვანაზე, უნდა გამოიყენოს თუ არა სახელმწიფომ იძულების პროპორციული ზომები მსჯავრდებულის გადასაყვანად? პასუხი ამ შემთხვევაშიც მარტივია: თუ საქართველო სახელმწიფოა - კი ▪ ბოლოს, როდესაც მსჯავრდებულის თანამზრახველები კატეგორიულად ითხოვენ მისი გადაყვანის ამსახველი კადრების გასაჯაროებას, მიუხედავად იმისა, რომ თავადვე იციან, რომ ეს კადრები არ იქნება სასიამოვნო სანახავი და როდესაც კადრების არგასაჯაროებაზე უამრავ სიცრუესა და სპეკულაციას აგებენ, უნდა გაუზიაროს თუ არა სახელმწიფომ საზოგადოებას სრული ინფორმაცია სიმართლის შესახებ? პასუხი ამ კითხვაზეც მარტივია - თუ საქართველო სახელმწიფოა, რომელიც აცნობიერებს საკუთარ პასუხისმგებლობას იმაზე, რომ საზოგადოება არავის უნდა შეაყვანინოს შეცდომაში - კი ასე რომ, ყველაფერი დღესავით ნათელია, თუ საქართველო სახელმწიფოა, მიხეილ სააკაშვილმა სრულად უნდა მოიხადოს კუთვნილი სასჯელი და მისი უსაფუძვლო მოთხოვნების გამო, ხელისუფლებამ ექიმების, პაციენტების თუ სამართალდამცავი ორგანოების წარმომადგენლების უსაფრთხოება არასაჭირო რისკის ქვეშ არ უნდა დააყენოს. სადაც არ არის სამართლიანობა, იქ არ არის მშვიდობა - საქართველოში მიმდინარე პოლიტიკური პროცესები ამ მარტივი ჭეშმარიტების საუკეთესო დასტურია. სადაც არ აღსრულდა სამართალი დამნაშავის მიმართ, პირდაპირი საფრთხე შეექმნა მშვიდობას და სტაბილურობას, რაც ქვეყნის შეუფერხებელი განვითარების აუცილებელი პირობაა. „ქართული ოცნება“ ამას აღარასოდეს დაუშვებს! სამართალი აღსრულდება ყველა იმ პირის მიმართ, რომელსაც დანაშაული აქვს ჩადენილი! ერთ-ერთმა ევროპარლამენტარმა, რომელიც ნაციონალური მოძრაობის დიდი ხნის ლობისტია და ამ პოლიტიკურ ძალას იმ პერიოდშიც ლობირებდა, როდესაც სააკაშვილის რეჟიმი ადამიანებს კლავდა, აუპატიურებდა, ბიზნესს აყაჩაღებდა, დამოუკიდებელ მედიასაშუალებებს იტაცებდა და ქვეყნის ტერიტორიებს რუსეთს აბარებდა, მიხეილ სააკაშვილს პოლიტპატიმარი უწოდა. ასეთ ადამიანებს გვინდა დავუსვათ მარტივი კითხვა - ცნობენ თუ არა ისინი საქართველოს სახელმწიფოდ? და თუ ცნობენ - მიაჩნიათ თუ არა, რომ სამართლისა და კანონის უზენაესობა სახელმწიფოს აუცილებელი ატრიბუტია? 2012 წლიდან, საქართველოში მართლმსაჯულებამ და ზოგადად, სამართალდამცავმა სისტემამ ფუნდამენტური წინსვლა განიცადა. ამას ცხადყოფს როგორც ელემენტარული სტატისტიკა, ისე მაღალი რეპუტაციის მქონე საერთაშორისო ინსტიტუტების შეფასებები, მათ შორის Heritage Foundation-ის, „მსოფლიოს მართლმსაჯულების პროექტის“, „მსოფლიო ეკონომიკური ფორუმის“, მსოფლიო ბანკის რეიტინგები და სხვ. აღნიშნული რეიტინგები ადასტურებს, რომ საქართველო მართლმსაჯულების დამოუკიდებლობისა და ეფექტიანობის თვალსაზრისით, რეგიონში გამოკვეთილი ლიდერია და ათამდე ევროკავშირის წევრ სახელმწიფოსაც კი უსწრებს. სასამართლო სისტემა, რომელიც სააკაშვილის რეჟიმის რეპრესიული მანქანის ერთ-ერთი უმთავრესი ელემენტი იყო და რომელმაც 2004-12 წლებში უამრავი ადამიანის ღირსება, სიცოცხლე, ჯანმრთელობა და საკუთრება ხელყო, 2012 წლიდან რადიკალურად და თვისებრივად გარდაიქმნა და სამართლის სამსახურში ჩადგა. ამ ფონზე, ქართული მართლმსაჯულების დისკრედიტაციის ყველა მცდელობის უკან იკითხება ერთადერთი მიზანი - ეს არის კრიმინალების მფარველობა და მათთვის სასჯელის არიდება იმ დანაშაულებისთვის, რომლებიც წარსულში აქვთ ჩადენილი ან მომავალში აქვთ ჩასადენი. ამ მცდელობის მიმართ, რომლის უკანაც იგივე პარტიები, მედიასაშუალებები, არასამთავრობო ორგანიზაციები და უცხოელი ლობისტები დგანან, ბუნებრივია, ჩვენ ლოიალური ვერ ვიქნებით. ყოველივე ზემოაღნიშნულის გათვალისწინებით, საკითხი დგას მარტივად - ან ეს ადამიანები აღიარებენ, რომ საქართველო არის სახელმწიფო და სახელმწიფოში კანონი უნდა კანონობდეს, ან ჩვენ მოგვიწევს მათ ვუწოდოთ კრიმინალების მფარველები. მათ უნდა აჩვენონ, რომ არიან საქართველოს მეგობრები და არა სააკაშვილისა და მისი კრიმინალი თანაგუნდელების მეგობრები. თუ არ აღსრულდება სამართალი დამნაშავეთა მიმართ, განსაკუთრებით იმ კრიმინალების მიმართ, რომლებსაც დღესაც ძალაუფლების დაბრუნების ამბიცია ამოძრავებთ, საქართველო ვერასოდეს გამოვა პოლარიზაციის ჩაკეტილი წრიდან, ამას კი „ქართული ოცნება“ ვერ და არ დაუშვებს. მომავალში, როდესაც ჩვენი უცხოელი პარტნიორების ნაბიჯებს შევაფასებთ, ჩვენთვის სახელმძღვანელო სწორედ ამ წერილში ასახული მთავარი პრინციპი იქნება - ქართული სახელმწიფო ვერ ითანამშრომლებს იმ ადამიანებთან, რომლებიც კრიმინალების სასარგებლოდ პოლიტიკური მიკერძოების გამო, ამ სახელმწიფოს სახელმწიფოდ არ ცნობენ.

12 ნოემბერი, 2021

სამწუხაროდ, ნაციონალური მოძრაობა და მისი პარტნიორი ჯგუფები, ყოველგვარ სამართლებრივ და პოლიტიკურ ლოგიკას მოკლებული მოთხოვნების საფუძველზე, პროტესტის სახელით აგრძელებენ არეულობის შექმნის, ინსტიტუტების დისკრედიტაციის მცდელობებს და სახელმწიფოზე თავდასხმებს.  ამჯერად, როგორც საზოგადოება საკუთარი თვალით ბოლო დღეების განმავლობაში ხედავს, ოპოზიცია ყველაზე ამაზრზენ მეთოდებზე აგებს დისკრედიტაციის კამპანიას და ცდილობს, საკუთარ მიზნებს ჩვენი სამართალდამცავების - იმ ადამიანების ლანძღვისა და შეურაცხყოფის მიყენების მცდელობების საფუძველზე მიაღწიოს, რომლებიც მზად არიან, ქვეყნისა და საზოგადოების დაცულობა ნებისმიერ დროს უზრუნველყონ. მეორე მხრივ, ნამდვილად პოლიტიკური თავხედობის პიკია, როდესაც ადამიანები, რომლებიც ხელისუფლებაში ყოფნის დროს ჩვენი მოქალაქეების ჩაგვრისა და ქართველი პოლიციელის მუნდირის ფეხქვეშ გათელვის მეტს არაფერს აკეთებდნენ, დღეს ცდილობენ შეურაცხყოფა მიაყენონ იმ პოლიციელებს, რომლებიც 24 საათის მანძილზე უზრუნველყოფენ ჩვენი მოქალაქეების უსაფრთხოებას, თავისუფლებას, იცავენ საზოგადოებრივ წესრიგს და მზად არიან, საკუთარი ჯანმრთელობა და სიცოცხლეც კი დადონ სასწორზე სახელმწიფოს სამსახურისთვის და მოქალაქეების უსაფრთხოების დაცვისთვის. დღეს, ქართული პოლიცია დგას სახელმწიფოს სამსახურში, ზრუნავს საქართველოს მოქალაქეებისა და ამ ქვეყნის სტუმრების საუკეთესო ინტერესების დაცვაზე, შესაბამისად, ბუნებრივია, რომ ჩვენმა სამართალდამცავმა უწყებებმა, მოახერხეს და წინა რეჟიმის პირობებში, პოლიციის მიმართ საზოგადოებაში არსებული უნდობლობისა და შიშის ნაცვლად, დღეს ხალხის ნდობა და პატივისცემა მოეპოვებინათ. სწორედ ამიტომ, რამდენიც არ უნდა სცადონ დესტრუქციულმა ძალებმა, ქართველი ხალხის თვალში სამართალდამცავი უწყებების დისკრედიტაციას ვერ შეძლებენ!  ასევე, მინდა მადლობა გადავუხადო საქართველოს სამართალდამცავ უწყებებს, თითოეულ პოლიციელს, უსაფრთხოების სამსახურის თუ სხვასამართალხამცავი უწყების წარმომადგენელს მოთმინებისთვის, მათი დაუღალავი შრომისთვის და კიდევ ერთხელ მკაფიოდ განვაცხადო, რომ ხელისუფლება აუცილებლად უზრუნველყოფს საზოგადოებრივ უსაფრთხოებას და კანონის დარღვევის ნებისმიერ მცდელობას, კანონისვე ფარგლებში, უმკაცრესი რეაგირება მოჰყვება.

09 ნოემბერი, 2021

30 ოქტომბერს დასრულდა ადგილობრივი თვითმმართველობის არჩევნები და არჩევნებთან ერთად, დასრულდა რადიკალური ოპოზიციის ამბიციაც, დაებრუნებინა ძალაუფლება და აღედგინა ძალადობასა და სიცრუეზე დაფუძნებული რეჟიმი საქართველოში. „ქართული ოცნება“ არის ღირსების, თავისუფლებისა და მშვიდობის გარანტი ამ ქვეყანაში და არავის მივცემთ მისი წარსულში დაბრუნების შესაძლებლობას. გასული დღეების განმავლობაში, ჩვენ ვიხილეთ რადიკალების წარუმატებლობისთვის განწირული მცდელობა, კიდევ ერთხელ აერიათ ქვეყანა არჩევნების დასრულების შემდეგაც კი. საზოგადოებას ვაძლევთ მკაფიო პირობას, რომ ვერცერთ ამგვარ მცდელობას წარმატება ვერ ექნება. კანონის დარღვევის შემთხვევაში, ისინი კანონის შესაბამისად მიიღებენ უმკაცრეს პასუხს. ჩიხში შესული რადიკალების რიგებში დღემდე არ წყდება საუბრები რადიკალურ ნაბიჯებზე, მათ შორის, საკუთარი თანაგუნდელების მკვლელობაზე, რაზეც რამდენიმე დღის წინ სახელმწიფო უსაფრთხოების სამსახურმაც გაავრცელა ინფორმაცია. ამასთან, განსაკუთრებული ყურადღება გვინდა გავამახვილოთ ჩვენთვის მოწოდებულ ინფორმაციაზე, რომლის თანახმად გუშინ ერთ-ერთ თათბირზე განხილულ იქნა ელენე ხოშტარიას მოწამვლის სცენარიც. კიდევ ერთხელ მოვუწოდებთ ყველას სიფრთხილისკენ. რადიკალებს კი ვაფრთხილებთ, რომ ნებისმიერი დანაშაულის ჩადენის მცდელობა კანონის შესაბამისად უმკაცრესად დაისჯება. განსაკუთრებულ მადლობას ვუხდი სამართალდამცავებს, გმირ პოლიციელებს გასული დღეების განმავლობაში გამოვლენილი ღირსებისა და მოთმინებისთვის. არ არის ადვილი სკამებს დახარბებული სამარცხვინო ავანტურისტებისგან - მელიებისგან, ხაბეიშვილებისგან, უგულავებისგან - შეურაცხყოფის მოსმენა. მადლობა პოლიციელებს, რომლებმაც თავიანთი სამსახურებრივი მოვალეობა ღირსებით შეასრულეს და სახელმწიფო დაიცვეს. მადლობას გადავუხდი სამართალდამცავ უწყებებს სააკაშვილის გლდანის კლინიკაში გადაყვანის სათანადოდ დაგეგმვისა და აღსრულებისთვის.რადიკალების გუშინდელი დესტრუქციული ქმედებებით ნათლად გამოჩნდა, რატომ ითხოვდნენ ისინი სააკაშვილის სამოქალაქო კლინიკაში გადაყვანას. მიზეზი ერთადერთი იყო - სამოქალაქო კლინიკასთან ბევრად უფრო მარტივია იმ რადიკალური გეგმების აღსრულება, რომლის მიხედვითაც ისინი გუშინ მოქმედებდნენ. ბუნებრივია, სახელმწიფო ვერ დაუშვებს, რადიკალების ახირების გამო, სამედიცინო პერსონალის, პაციენტებისა და სამართალდამცავების უსაფრთხოებასა და სიმშვიდეს არასაჭირო პრობლემები შეექმნას. ჩვენი საერთაშორისო პარტნიორები ხშირად საუბრობენ პოლარიზაციაზე, როგორც ქვეყნის პოლიტიკური სისტემის მთავარ პრობლემაზე. საუბარი არის ორმხრივ პოლარიზაციაზე, მაშინ, როდესაც, რეალურად, პოლარიზაციის წყარო ყოველთვის რადიკალები არიან, „ქართულ ოცნებას“ კი, როგორც სახელმწიფოებრივად მოაზროვნე პოლიტიკურ ძალას, ყოველთვის მოპასუხის როლში უწევს ხოლმე ყოფნა. დღეს ყველა ხედავს, რომ პოლარიზაციის მცდელობას ჰყავს მხოლოდ ერთი მხარე - ეს არის რადიკალური ოპოზიცია. შესაბამისად, მოვუწოდებთ ყველას, ყველაფერს დაარქვან თავისი სახელი, რაც რადიკალების უსუსურ მცდელობას, არიონ ქვეყანა, კიდევ უფრო სწრაფად დაუსვამს საბოლოო წერტილს. დღეს, როდესაც არჩევნები დასრულდა და 2024 წლამდე არავითარი არჩევნები აღარ იქნება, ქვეყანას სჭირდება დღის წესრიგის შეცვლა. ახალი დღის წესრიგი უნდა იყოს ეკონომიკური განვითარების, ადამიანების დასაქმების, უკეთესი სოციალური დაცვის, უკეთესი განათლებისა და ჯანდაცვის სისტემების, ქვეყნის გაძლიერებული საგარეო პოზიციების დღის წესრიგი. ამ ფონზე, რადიკალური ოპოზიცია ცდილობს, ქვეყანა დატოვოს საზოგადოებისთვის მომაბეზრებელი პოლიტიკური კინკლაობისა და ქაოსის იმიტაციის დღის წესრიგში, რასაც ჩვენ ვერ და არ დავუშვებთ. საზოგადოებისთვის უკვე კარგად არის ცნობილი რადიკალების კუთვნილი მედიასაშუალებების სტრატეგია - ისინი პერიოდულად ხელოვნურად ქმნიან გარკვეულ თემებსა და კლიშეებს და ცდილობენ, საზოგადოება ამ თემებისა და კლიშეების გავლენის ქვეშ აცხოვრონ. ამგვარი თემა და კლიშე თავის დროზე იყო „უნიათო ხელისუფლება“, რომელიც მხოლოდ მას შემდეგ მოხსნეს დღის წესრიგიდან, რაც „ქართულმა ოცნებამ“ წინა ხელისუფლებაზე სამჯერ მეტი გზა დააგო, სამჯერ მეტი გაზი გაიყვანა, სამჯერ მეტი ბაღი და სკოლა ააშენა, სამჯერ მეტ ადამიანს გაუწია ჯანდაცვის მომსახურება და ა.შ. ასეთივე თემა იყო ქვეყანაში „კრიმინალის თარეში“, ვიდრე არ გაირკვა, რომ ჩვენი ხელისუფლების პირობებში, მაგალითად, მკვლელობის მაჩვენებელი ორჯერ შემცირდა. დღეს რადიკალების კუთვნილი პარტიული ტელევიზიები ცდილობენ, საზოგადოებას ამგვარ თემად სააკაშვილი და მისი პატიმრობა მოახვიონ თავს. ჩვენ რადიკალების ამ დღის წესრიგს ვერავითარ შემთხვევაში ვერ გავყვებით. მიხეილ სააკაშვილი არის ერთ-ერთი პატიმარი. მეტიც, სააკაშვილი არის პატიმარი, რომელსაც სხვა პატიმრებზე ბევრად უფრო მძიმე დანაშაულები აქვს ჩადენილი საკუთარი ქვეყნის, ხალხისა და ცალკეული მოქალაქეების წინაშე - ეს არის შეგახსენებთ, ადამიანების წამება, არაადამიანური მოპყრობა, ღირსების შელახვა, მკვლელობა, ბიზნესის რეკეტი, ქვეყნის ტერიტორიების 20 პროცენტის ჩაბარება და მრავალი სხვა. შესაბამისად, სახელმწიფო მას მოეპყრობა ადამიანის უფლებების სტანდარტების შესაბამისად, მაგრამ არა უმეტეს. ყველა ძალიან მალე შეეგუება, რომ მიხეილ სააკაშვილს ბოლომდე მოუწევს სასჯელის მოხდა საქართველოს კანონმდებლობის შესაბამისად. კიდევ ერთხელ გავიმეორებ, რომ ქვეყანას სჭირდება ახალი, განვითარებაზე ორიენტირებული დღის წესრიგი და ჩვენ ამ დღის წესრიგს აუცილებლად შევქმნით.

31 ოქტომბერი, 2021

უპირველეს ყოვლისა, მინდა მადლობა გადავუხადო ეუთო/ოდირს, ევროპარლამენტს და მათი სახით ყველა საერთაშორისო და ადგილობრივ დამკვირვებელს იმ საქმისთვის, რომელიც მათ გაწიეს თვითმმართველობის არჩევნების დროს. ჩვენთვის მნიშვნელოვანია, რომ მათი მონაწილეობა უზრუნველყოფდა, მათ შორის იმ პოლარიზებულ გარემოში, რომელზეც მათაც ისაუბრეს, ობიექტური შეფასების არსებობის შესაძლებლობას. ეუთო/ოდირის, ისევე, როგორც ევროპარლამენტარების დასკვნა იყო უაღრესად პოზიტიური, რაც შეეხება თვითმართველობის არჩევნებს ზოგადად, განსაკუთრებით კი მის მეორე ტურს, ჩვენ მოვისმინეთ მათი შეფასებები, რომ ეს იყო კარგად ადმინისტრირებული და კონკურენტულ გარემოში ჩატარებული არჩევნები, როდესაც კანდიდატებს შეეძლოთ თავისუფლად კამპანიის წარმოება, ადმინისტრირება იყო ძალიან გამართული, ვნახეთ შექების სიტყვები საარჩევნო ადმინისტრაციის და ცესკოს, ისევე როგორც რეფორმირებული კანონმდებლობის მიმართ. ხმის მიცემის პროცედურასთან და დათვლასთან დაკავშირებით იყო ძალიან პოზიტიური შეფასებები. ასევე მნიშვნელოვნად პოზიტიურად იქნა შეფასებული საარჩევნო რეფორმის შედეგად შემოღებული ხელახალი დათვლის მექანიზმი. აღინიშნა, რომ ამან და განსაკუთრებით იმ გარემოებამ, რომ უბნების ხელახალმა გადათვლამ და თქვენ იცით, რომ თითქმის 22% საბოლოო ჯამში იქნა გადათვლილი, დაადასტურა არჩევნების შედეგები. აქედან გამომდინარე, ეს იყო ძალიან პოზიტიური მექანიზმი. ასევე ხაზი გაესვა სიების გამართულობას და ცენტრალური საარჩევნო კომისიის პროფესიონალიზმს. მნიშვნელოვანია ასევე ის ნეგატიური საკითხები, რაზეც იყო საუბარი. კერძოდ, ჩვენმა პარტნიორებმაც აღნიშნეს პოლარიზაციის პრობლემატიკა, რომელზეც დიდი ხანია ვსაუბრობთ, რომ პოლარიზაცია სამწუხაროდ ავნებს ქართულ დემოკრატიას და მნიშვნელოვანია, რომ პოლარიზაციის ხარისხი შემცირდეს, ნეგატიური რიტორიკა, რომლითაც გამოირჩეოდნენ ამ შემთხვევაში განსაკუთრებით ოპოზიციის წარმომადგენლები. საუბარი იყო ასევე ორ მნიშვნელოვან საკითხზე, რომელზეც ჩვენ ასევე ვსაუბრობთ. ერთი, ეს არის და ჩვენ გვქონდა ამაზე კვლევაც და პრეზენტაციაც, რომ დამკვირვებლების დიდი რაოდენობა იყო პირდაპირ მიკერძოებული და წარმოადგენდა ოპოზიციურ პარტიებს. იცით, რომ 30 000 დამკვირვებლიდან პირდაპირ იდენტიფიცირება გავაკეთეთ, რომ დაახლოებით 8 000 დამკვირვებელი წარმოადგენდა იმ 20-ზე მეტ ადგილობრივ ორგანიზაციას, რომელიც პირდაპირ დაკავშირებული იყო „ნაციონალურ მოძრაობასთან“. გახსოვთ პლატფორმა 2020, ორგანიზაცია „სირცხვილია“ და ა.შ. რომელიც პირდაპირ დაკავშირებული არიან „ნაციონალურ მოძრაობასთან“. ამასაც ხაზი გაუსვა ეუთო/ოდირმა. სამწუხაროდ, ჩვენი არასამთავრობო სექტორისთვის არ არის კარგი, როდესაც ეუთო/ოდირის ანგარიშში ხდება ასეთი საკითხის ასახვა, როდესაც დამკვირვებლები იქცეოდნენ ისე, როგორც პარტიის წარმომადგენლები და ვფიქრობ, რომ არასამთავრობო სექტორმა ამ საკითხზე შიგნით უნდა იმუშაოს. მეორე საკითხი, რომელზეც ჩვენ ხშირად ვსაუბრობთ, ეს გახლავთ ტელევიზიების მიკერძოებულობა. ეუთო/ოდირმა კიდევ უფრო დაამძიმა საკუთარი შეფასება, ვიდრე ეს იყო წინა შუალედურ ანგარიშში, რომელიც პირველი ტურის შემდეგ გამოქვეყნდა და პირდაპირ თქვა, რომ ზოგი ტელევიზია თავისი მიკერძოებით იქცეოდა როგორც ღია პარტიული აქტივისტი, ან ეს იყო ღია პარტიული აქტივიზმი. ასევე, მნიშვნელოვანია, რომ აქედან გამომდინარე, ამ არჩევნების შემდეგ, უნდა შევხედოთ ჩვენს კიდევ უფრო დემოკრატიულ განვითარებას ყველა მის ასპექტში. ეს შეეხება, როგორც საარჩევნო სისტემას, ისე მედიას, არასამთავრობო სექტორს. ყველამ გულდასმით და ყურადღებით უნდა მიიღოს ეს ანგარიში და შესაბამისი დასკვნები გამოიტანოს. მნიშვნელოვანია ერთი გარემოება - ობიექტური საერთაშორისო დამკვირვებლების მოსაზრებების გაცნობამდე, ნაციონალურმა მოძრაობამ ერთი საათით ადრე დააანონსა, რომ ისინი კვლავ აპირებენ აქციების მოწყობას. ესეც, კიდევ ერთხელ აჩვენებს, სწორედ იმას, რაზეც ეუთო/ოდირიც საუბრობს, რომ პოლარიზაცია, სხვისი აზრის მიუღებლობა და ზოგადად, ობიექტური ჭეშმარიტების აღიარების შეუძლებლობა, რომელიც ახასიათებს ნაციონალურ მოძრაობას, ვნებს საერთო ჯამში, ჯანსაღ პოლიტიკურ პროცესს. არც კი დაელოდნენ სადამკვირვებლო მისიების შეფასებას, თავისი აღქმებით, დამოკიდებულებით, თავისი სურვილებით ხელმძღვანელობენ და დღეს დაანონსეს აქცია. კიდევ ერთხელ, მადლობა მინდა გადავუხადო საერთაშორისო სადამკვირვებლო მისიებს მათი პოზიტიური შეფასებისთვის, რომელიც შეეხება არჩევნებს ზოგადად და განსაკუთრებით, არჩევნების მეორე ტურს. ამ მანდატით გაძლიერებული, ჩვენი შედეგები არის უაღრესად კარგი. თქვენ ნახეთ, რომ ქართულმა ოცნებამ დამაჯერებლად გაიმარჯვა 64-დან 63 მუნიციპალიტეტში. ერთი წლის განმავლობაში ჩვენ უკვე მესამედ მივიღეთ ხალხისგან ნდობის მანდატი, ჩვენ მოვიგეთ საპარლამენტო და თვითმმართველობის არჩევნები, მოვიგეთ ოპოზიციის მიერ გამოცხადებული რეფერენდუმი და ასევე, თვითმმართველობის მეორე ტურის ღირებულებითი არჩევანი. ჩვენმა საზოგადოებამ უყურა იმ ერთ წლიან ხელოვნურ დაძაბულობას, რომელსაც ოპოზიცია ქმნიდა, შეაფასა მათი და ჩვენი ქმედებები და გამოიტანა თავისი ვერდიქტი. ამ ნდობას ჩვენ ვიღებთ, როგორც ცენტრალურ და ადგილობრივ დონეზე ჩვენს მიერ გამოცხადებული პოლიტიკის მოწონებას და წინასაარჩევნოდ წარდგენილი ჩვენი პროგრამების განხორციელების მანდატს. საზოგადოებამ გააკეთა მკაფიო არჩევანი და ეს არჩევანი ყველამ უნდა მიიღოს.

31 ოქტომბერი, 2021

პარტიის სახელით, მინდა შევაჯამო ადგილობრივი თვითმმართველობის არჩევნების შედეგები შედეგების შეჯამებამდე, როგორც „ქართული ოცნების“ თავმჯდომარე და საარჩევნო შტაბის უფროსი, მადლობას გადავუხდი თითოეულ ამომრჩეველს, რომელმაც გუშინ გამოავლინა მაღალი სამოქალაქო პასუხისმგებლობა და დააფიქსირა საკუთარი არჩევანი რა თქმა უნდა, განსაკუთრებულ მადლობას ვუხდი ჩვენს ამომრჩეველს. ჩვენ ერთად მივიყვანეთ ბოლომდე გამარჯვება, რომელიც უზრუნველყოფს ჩვენი ქვეყნის მშვიდობიან განვითარებას, რაც არის ეკონომიკური წინსვლისა და ჩვენი მოქალაქეების კეთილდღეობის ხარისხის ამაღლების აუცილებელი პირობა. შესაბამისად, გუშინ გაიმარჯვა არა მხოლოდ იმ ამომრჩეველმა, რომელმაც მხარი დაუჭირა ჩვენს კანდიდატებს, არამედ საქართველოს თითოეულმა მოქალაქემ. ამ არჩევნებმა კიდევ ერთხელ დაადასტურა „ქართული ოცნების“ მყარი ლეგიტიმაცია, რომელიც ჩვენ გვაკისრებს უდიდეს პასუხისმგებლობას, მომდევნო წლების განმავლობაში მაქსიმუმი გავაკეთოთ ნდობის გასამართლებლად, დაწყებული საქმეების ბოლომდე მისაყვანად და ახალი ინიციატივების წამოსაწყებად. ამავდროულად, ჩვენ ვალდებული ვართ, ყურად ვიღოთ იმ მოქალაქეების პრეტენზიებიც, რომლებმაც მხარი არ დაუჭირეს ჩვენს პარტიას. ბუნებრივია, ამგვარი პრეტენზიები ჩვენს მიმართ ჩვენს მხარდამჭერებსაც აქვთ. ჩვენ მაქსიმუმს გავაკეთებთ იმისათვის, რომ გამოვასწოროთ ის ხარვეზები, რომლებსაც ჩვენი მოქალაქეები ხედავენ და კიდევ უფრო გავაძლიეროთ ის, რაც ხალხს „ქართული ოცნების“ მმართველობაში მოსწონს. მომდევნო წლების განმავლობაში, გაკეთდება ყველაფერი იმისათვის, რომ მმართველობა საქართველოში მაქსიმალურად ეფექტიანი გახდეს. რაც შეეხება შედეგების შეჯამებას: - „ქართულმა ოცნებამ“ მერის არჩევნები მოიგო 64-დან 63 მუნიციპალიტეტში, რითაც ჩვენ გავაუმჯობესეთ 2017 წლის ადგილობრივი თვითმმართველობის არჩევნების შედეგი; - ჩვენ პარტიას მყარი უმრავლესობა აქვს თითქმის ყველა მუნიციპალურ საკრებულოში. რამდენიმე საკრებულოში, სადაც „ქართულ ოცნებას“ ერთპარტიული უმრავლესობა არა აქვს, უმრავლესობა საკრებულოს წევრებთან მოლაპარაკებების საფუძველზე ჩამოყალიბდება. ამ საკითხზე მუშაობა უკვე დაწყებულია წარმატებით; - ჩვენ მოვიგეთ ე.წ. რეფერენდუმი, რომელსაც ჩვენი ოპონენტები ე.წ. 43-პროცენტიან ბარიერს უკავშირებდნენ. როგორც მოგეხსენებათ, „ქართულმა ოცნებამ“ არჩევნების პირველ ტურში ხმების 47% მიიღო; - გარდა ამისა, ჩვენ მოვიგეთ ე.წ. რეფერენდუმის მეორე ტურიც, სადაც ამომრჩეველთა ხმების 55% მივიღეთ. მთლიანობაში, „ქართულმა ოცნებამ“ ეს არჩევნები მოიგო მის ყველა ასპექტში. ჩვენ, პრაქტიკულად, გავიმეორეთ შარშანდელი საპარლამენტო არჩევნების შედეგი, და ეს შევძელით ძალიან რთული პროცესების ფონზე, რომელიც გასული ერთი წლის მანძილზე გამოვიარეთ. შეგახსენებთ, რომ ჩვენთვის ეს იყო პირველი არჩევნები, რომელიც ბიძინა ივანიშვილის პოლიტიკიდან გასვლის შემდეგ ჩავატარეთ. ასეთი მასშტაბის დანაკლისის შევსება მხოლოდ გუნდის ერთიანობით იყო შესაძლებელი და ჩვენ სწორედ ეს შევძელით - დღეს „ქართული ოცნება“ არის სახელმწიფოებრივად მოაზროვნე ლიდერების გუნდი, რომელიც ყველა გამოწვევას ერთიანობით უპირისპირდება. სწორედ ეს ერთიანობა გახდა ჩვენი შთამბეჭდავი გამარჯვების ერთ-ერთი მთავარი საფუძველი. გარდა ამისა, შეგახსენებთ, რომ ადგილობრივი თვითმმართველობის არჩევნებს წინ უძღოდა სახელმწიფო ინსტიტუტების საბოტაჟი, ექვსთვიანი ხელოვნური კრიზისი, ორი დამნაშავის გათავისუფლება. ამ მოვლენებმა, ბუნებრივია, არჩევნების წინ, დამატებითი სირთულეები შეგვიქმნა. თუმცა, სათანადოდ გააზრებული ნაბიჯებით, ჩვენ ამ სირთულეების დაძლევაც წარმატებით შევძელით. ჩვენს მიერ მოპოვებული გამარჯვება არის ჩვენი პარტიის თითოეული წევრისა და მხარდამჭერის დამსახურება. მადლობას ვუხდი პარტიის 40 ათასზე მეტ წევრს ერთგულებისა და თავდადებისთვის, რომლის გარეშეც ეს შედეგი ვერ დადგებოდა. მადლობას ვუხდი ცენტრალური და ადგილობრივი საარჩევნო შტაბების თითოეულ წევრს, შტაბების ხელმძღვანელებს, ზონისა და უბნის უფროსებს, აგიტატორებს. განსაკუთრებულ მადლობას ვუხდი პარტიის ახალგაზრდულ ორგანიზაციას. რა თქმა უნდა, განსაკუთრებულ მადლობას გადავუხდი ჩვენი საარჩევნო კამპანიის ლიდერს, პრემიერ ირაკლი ღარიბაშვილს, რომელმაც ამ გამარჯვებაში განსაკუთრებული როლი შეასრულა. კიდევ ერთხელ მივულოცავ გამარჯვებას და მადლობას გადავუხდი კახა კალაძეს, რომელიც იყო არა მხოლოდ ჩვენი მთავარი საარჩევნო კანდიდატი, არამედ კამპანიის ლიდერი დედაქალაქში და საერთო გამარჯვების ერთ-ერთი მთავარი სულისჩამდგმელი. მადლობას ვუხდი პარლამენტის თავმჯდომარეს, კახა კუჭავას საარჩევნო კამპანიაში აქტიური ჩართულობისთვის. მადლობას გადავუხდი პარტიის აღმასრულებელ მდივანს, მამუკა მდინარაძეს შტაბის წარმატებულ მენეჯმენტში შეტანილი განსაკუთრებული წვლილისთვის. მადლობას ვუხდი პარტიის საზოგადოებასთან ურთიერთობის მდივანს, შალვა პაპუაშვილს საზოგადოებასთან მწყობრი კომუნიკაციის უზრუნველყოფისათვის. ასევე, მადლობა მინდა გადავუხადო პარტიის რეგიონულ მდივანს, დიმიტრი სამხარაძეს, რომელმაც განსაკუთრებული როლი შეასრულა საარჩევნო შტაბების გამართულ ფუნქციონირებასა და ზოგადად, ჩვენი პარტიის დამაჯერებელ გამარჯვებაში. მადლობას ვუხდი პარტიის პოლიტიკური საბჭოს, სამთავრობო გუნდის, საპარლამენტო უმრავლესობის თითოეულ წევრს საარჩევნო კამპანიაში აქტიური ჩართულობისთვის და გამარჯვებაში შეტანილი უმნიშვნელოვანესი წვლილისთვის. ვულოცავ ყველა არჩეულ მერს და საკრებულოს წევრს მიღებულ მანდატს და ვუსურვებ წარმატებებს თავიანთ საქმიანობაში მომდევნო 4 წლის განმავლობაში. მადლობა მინდა, ასევე, გადავუხადო საარჩევნო ადმინისტრაციას საარჩევნო პროცესებისა და პროცედურების მაღალ დონეზე წარმართვისათვის. ასევე, მადლობას ვუხდი სამართალდამცავ სტრუქტურებს არჩევნების უსაფრთხო და მშვიდობიან გარემოში ჩატარების უზრუნველყოფისათვის. დასასრულს, კიდევ ერთხელ აღვნიშნავ, რომ ჩვენი ღრმა რწმენით, ეს გამარჯვება არის ჩვენი ქვეყნის, მისი თითოეული მოქალაქის გამარჯვება. გუშინ საბოლოოდ გაიმარჯვა ღირსებამ, თავისუფლებამ, მშვიდობამ და განვითარებამ ჩვენს ქვეყანაში. მომდევნო წლების მანძილზე, ყველაფერს გავაკეთებთ გამოცხადებული ნდობის გასამართლებლად, ჩვენი ქვეყნის წინსვლისა და ხალხის კეთილდღეობისათვის.

31 ოქტომბერი, 2021

არჩევნები დასრულდა, დასრულდა ჩვენი ქვეყნის, ჩვენი დედაქალაქის, თითოეული თბილისელისა და საქართველოს მოქალაქის გამარჯვებით. ყველას გილოცავთ და გიხდით მადლობას. პირველ რიგში, მადლობას ვუხდი თითოეულ ჩემს თანამებრძოლს, ვინც უშუალოდ იყო ჩართული საარჩევნო პროცესში და დაუღალავად იშრომა იმისთვის, რომ არა მხოლოდ მე, ან ჩვენს პოლიტიკურ პარტიას, არამედ სამართლიანობას, მშვიდობას, სტაბილურობასა და განვითარებას გაემარჯვა. რა თქმა უნდა, უდიდეს მადლიერებას გამოვხატავ ყველა იმ მოქალაქის მიმართ, რომელმაც დააფიქსირა საკუთარი პოლიტიკური პოზიცია და მხარი დაუჭირა ჩვენს პოლიტიკურ გუნდს. მინდა მივმართო ჩემს თბილისელებს - ერთხელ უკვე ვთქვი და კიდევ გავიმეორებ, ჩემთვის არ არსებობს ორი თბილისი. მე ამირჩია ამ ქალაქის უმრავლესობამ და ყველგან და ყოველთვის ვიქნები თბილისში მაცხოვრებელი უკლებლივ ყველა ადამიანის მერი, თითოეული თბილისელის, თითოეული მოქალაქის, ჩვენი დედაქალაქისა და ქვეყნის ინტერესების დამცველი. ეს ასეა, ასე იყო და რა თქმა უნდა, ყოველთვის ასე იქნება. ამ არჩევნებით, მჯერა, ჩვენ საბოლოოდ დავასრულებთ ქართულ პოლიტიკაში დესტრუქციას, ერთმანეთისა და ქვეყნის მტრობაში გადაზრდილ დაპირისპირებას, ზიზღს, ბოღმას და რევანშის წადილს.ჩვენს ქვეყანას არ აქვს და არ უნდა ქონდეს ამაში დასაკარგი დრო.ჩვენ, ახალი ენერგიით და ახალი, მომავალზე კიდევ უფრო მეტად ორიენტირებული მიზნებით და მიდგომებით წარვსდგებით საზოგადოების წინაშე და ახალი ენერგიით შევუდგებით ამ ქალაქისა და ქვეყნის საქმის კეთებას. ამ მიზნების მისაღწევად კი, ჩვენ თითოეული თქვენგანის თანადგომა, ენერგია და გამოცდილება გვჭირდება. ჩვენ, ყველა თბილისელი, საქართველოს ყველა მოქალაქე განსხვავებული შეხედულებების მიუხედავად, უნდა გავერთიანდეთ ჩვენი ქვეყნისა და ქალაქის უკეთესი მომავლის საშენებლად. მე ამ საქმისთვის ყველაფერს გავაკეთებ და ამ საქმეში თითოეული თქვენგანის გვერდში დგომის იმედი მაქვს, რადგან ერთად შეუძლებელს შევძლებთ. ჩვენ თუ ერთად ვიდგებით, ჩვენი ქალაქი იქნება ყველაზე ლამაზი, მოწესრიგებული, მწვანე, ჯანსაღი, კეთილდღეობითა და სიცოცხლით სავსე, მე ამას ვპირდები თბილისელებს. ჩვენ, ჩვენი ერთიანობით, შეგვიძლია შევქმნათ გაერთიანებული და ერთიანი საქართველო, ეკონომიკურად ძლიერი, განვითარებული სახელმწიფო, სადაც ადამიანები ბედნიერად და ერთმანეთის სიყვარულით იცხოვრებენ.ჩვენ ეს შეგვიძლია და ამას ყოველგვარი მტრობის გამორიცხვით, ერთმანეთის სიყვარულითა და პატივისცემით შევძლებთ.ერთად ყოველთვის გავიმარჯვებთ, გავიმარჯვებთ არა ერთმანეთზე, არამედ ჩვენი ქვეყნისთვის და ჩვენი ხალხისთვის.

31 ოქტომბერი, 2021

გვინდა გაგაცნოთ შემოსული ოქმების მონაცემები, პრაქტიკულად არსებითად არის უკვე დათვლილი მონაცემები ოლქების უმრავლესობაში და კიდევ ერთხელ გავიმეორებ, რომ გაცნობთ ოქმების ოფიციალურ მონაცემებს. რაც შეეხება თბილისს, თბილისში უკვე დათვლილია 645 უბანი, ანუ დაახლოებით 100 უბანია მხოლოდ დარჩენილი და ამ ეტაპზე შედეგი არის - კახი კალაძე 55,6%, რაც უკვე ნიშნავს იმას, რომ მინიმუმ რამდენიმე ათეული ათასი ხმით აქვს მოგებული კახა კალაძეს, უპირატესობა არის ძალიან დიდი. თელავი - 42 უბანია დათვლილი, თითქმის სრულდება, უკვე დათვლა 57,6%, თელავშიც უკვე დამაჯერებელი გამარჯვება აქვს მოპოვებული ლევან ანდრიაშვილს. თიანეთი - დათვლილია 12 უბანი, აქაც მონაცემები პრაქტიკულად აღარ შეიცვლება 59%-ზე მეტი აქვს 59,1% ჩვენს კანდიდატს. რუსთავი - 50 უბანია დათვლილი, დაახლოებით უბნების 2/3 და შედეგი არის 53,6%, აქაც გამორიცხულია პრაქტიკულად რაიმე არსებითი ცვლილებები შედეგებში. ქარელი - 30 უბანია დათვლილი, თითქმის დასრულებულია დათვლა 58,4%, ხაშურში ანალოგიურად 45 უბანია დათვლილი და 59%-ია ჩვენი კანდიდატის ხმები. ცაგერი - 38 უბანი, აქაც დათვლა თითქმის დასრულებულია, 64,3%. ბაღდათში დასრულებულია, ასევე ხმების დათვლა 31 უბანი 60,6%. წყალტუბო 48 უბანია დათვლილი 58% აქაც რაიმე ცვლილება გამორიცხულია, გამარჯვებულია ჩვენი კანდიდატი. ქუთაისი - ორი უბანია დარჩენილი, 122 უბანია დათვლილი შედეგი გახლავთ 51,8%. ანუ იოსებ ხახალეიშვილიც გამარჯვებულია ქუთაისში.ოზურგეთი - 55 უბანია დათვლილი, შედეგი 56,03 %-ი ანუ, შეიძლება თამამად ითქვას, რომ ავთანდილ თალაკვაძეც გამარჯვებულია. სენაკი - 15 უბანია დათვლილი 56,03 % აქვს ჩვენს კანდიდატს ანუ, აქაც გაიმარჯვა ჩვენმა კანდიდატმა. მარტვილი - ანალოგიურად 35 უბანია დათვლილი, თითქმის სრულდება, 52,9%, აქაც შედეგი არის გადაწყვეტილი. ხობი - 32 უბანია დათვლილი 57,4%, ჩვენი კანდიდატი აქაც დამაჯერებლად იგებს არჩევნებს, პრაქტიკულად უკვე მოგებული აქვს. ზუგდიდი - 96 უბანია დათვლილი, დარჩენილია 12 უბანი, შედეგი არის 52,1 %, პრაქტიკულად აქაც შეუძლებელია რაიმე ცვლილება, გამარჯვებულია მამუკა წოწერია. წალენჯიხაში გვაქვს 18 უბანი დათვლილი 12-ია დარჩენილი, შედეგი არის ამ ეტაპზე 50,7%.ჩხოროწყუ - 22 უბანია დათვლილი, 53,6%, აქაც რაიმე არსებითი ცვლილება გამორიცხულია. ფოთი - 33 უბანია დათვლილი, 57,3%, ანუ, შეიძლება ითქვას, გამარჯვებულია ბექა ვაჭარაძე.ბათუმში - 62 უბანია დათვლილი, ანუ 2/3, 52,2%, აქაც რაიმე ცვლილება გამორიცხულია, ანუ ამ შემთხვევაშიც არჩილ ჩიქოვანმა შეიძლება ითქვას გაიმარჯვა ბათუმის მუნიციპალიტეტში.ხელვაჩაურში 46 უბანია დათვლილი, 55,8%-ი. თქვენ ხედავთ, რომ „ქართული ოცნების“ გამარჯვება არის დამაჯერებელი და კიდევ ერთხელ მადლობას გადავუხდით ამომრჩეველს გამოცხადებული ნდობისთვის. ჩვენ გამოგვიცხადეს ე.წ. რეფერენდუმი, სადაც მოვიგეთ, ავიღეთ 47%, შემდეგ გამოგვიცხადეს ე.წ. რეფერენდუმის მეორე ტური, სადაც ავიღეთ ბევრად უფრო მეტი, დაახლოებით 55 % , წაგებულები არიან როგორც რეფერენდუმის პირველ ტურში, ასევე მეორე ტურში, წააგეს ყველაფერი.

30 ოქტომბერი, 2021

პირველ რიგში, კიდევ ერთხელ გადავუხდით ამომრჩეველს მადლობას აქტიურობისთვის. საარჩევნო ოლქების უმრავლესობაში ფიქსირდება მაღალი აქტივობა. თუმცა, აუცილებელია კიდევ უფრო მეტი აქტიურობა, რათა არცერთ მუნიციპალიტეტში არ დავუშვათ იმ პოლიტიკური ძალის გამარჯვება, რომელსაც ერთადერთ მიზნად ქვეყანაში არეულობის კერების შექმნა აქვს დასახული.არსებული მონაცემებით, უკვე თამამად შეგვიძლია ვთქვათ, რომ ჩვენი კანდიდატები მყარად იგებენ არჩევნებს 20-დან 18 მუნიციპალიტეტში. ნაცმოძრაობის კანდიდატები ორ მუნიციპალიტეტში არიან ახლოს 50-პროცენტიან ზღვართან. შესაბამისად, კიდევ ერთხელ გავიმეორებ, რომ საჭიროა ამომრჩევლის მაქსიმალური აქტიურობა, რათა ბოროტებამ არცერთ მუნიციპალიტეტში არ გაიმარჯვოს.საარჩევნო უბნების დახურვამდე რჩება 4 საათი. შეგახსენებთ, რომ 2024 წლამდე საქართველოში აღარ ჩატარდება არავითარი არჩევნები. ყველა ამომრჩეველს, რომელიც ჯერ არ მისულა საარჩევნო უბანზე და რომელსაც ჯერ არ გაუკეთებია არჩევანი, მოგიწოდებთ და გთხოვთ, გამოიყენოთ ეს შანსი, რათა თქვენი წვლილი შეიტანოთ საქართველოში პოლარიზაციის, ბოროტების, სიძულვილისა და სიცრუის დამარცხებაში.ნაცმოძრაობისა და მისი კუთვნილი მედიასაშუალებების წარმომადგენლებს მოვუწოდებთ, თავი შეიკავონ პროვოკაციული ქმედებებისგან, ნე ეცდებიან დაატრიალონ ქარიშხალი ჭიქაში, აქტივისტებს მისცენ მუშაობის, ხოლო ამომრჩეველს არჩევანის მშვიდ გარემოში გაკეთების საშუალება.საბოლოო გამარჯვებამდე რჩება 4 საათი. მოდით არჩევნებზე და 8 საათზე ერთად ვიზეიმოთ ჩვენი საერთო გამარჯვება, ჩვენი ქვეყნის საერთო გამარჯვება.

30 ოქტომბერი, 2021

დღეს არის მნიშვნელოვანი დღე ჩვენი ქვეყნისთვის და განსაკუთრებით, 20 მუნიციპალიტეტისთვის, სადაც ტარდება არჩევნების მეორე ტური.12 საათის მონაცემებით, მუნიციპალიტეტების უმრავლესობაში ფიქსირდება მაღალი აქტივობა. თბილისში, რუსთავში, ბათუმში, ქუთაისში, ზუგდიდსა და თელავში მეორე ტურის აქტივობამ პირველი ტურის აქტივობასაც კი გადააჭარბა, რაც უპრეცედენტო მოვლენაა. მადლობა ვუხდით ამომრჩევლებს აქტიურობისა და მაღალი სამოქალაქო პასუხისმგებლობის გამოვლენისთვის.თუმცა, საჭიროა კიდევ უფრო მეტი აქტიურობა, რათა იმ ძალებს, რომლებიც ქვეყანას არეულობით ემუქრებიან, არცერთ მუნიციპალიტეტში გამარჯვების მცირეოდენი შანსიც კი არ დავუტოვოთ.დღეს ამომრჩეველი არჩევანს აკეთებს არეულობის მუქარასა და მშვიდობას შორის. ჩვენს ქვეყანას და ხალხს სჭირდება მშვიდობა და სტაბილურობა, რაც ქვეყნის ეკონომიკური განვითარებისა და კეთილდღეობის აუცილებელი პირობაა. დარწმუნებული ვართ, მოქალაქეები ოცივე მუნიციპალიტეტში, სწორედ ამ არჩევანს გააკეთებენ.კიდევ ერთხელ მოვუწოდებთ ამომრჩეველს მაქსიმალური აქტიურობისკენ.თითოეული ხმა გადამწყვეტია, თითოეული ხმა განსაზღვრავს ქვეყნისა და თითოეული მუნიციპალიტეტის სამომავლო განვითარებას.

30 ოქტომბერი, 2021

დღეს, ძალიან მნიშვნელოვანი დღეა. ვიცით, რომ არჩევნების მეორე ტური იმართება და მინდა, კიდევ ერთხელ მივმართო ყველა ჩვენს მხარდამჭერს, რომ ვიაქტიუროთ. 10 საათის მონაცემებით ძალიან მაღალია აქტიურობა წინა ტურთან შედარებით, მაგალითად თბილისში 5% არის აქტივობა გაზრდილი, რაც ძალიან კარგია, თუმცა კიდევ ერთხელ მინდა მივმართო და მოუწოდო ჩეს მხარდამჭერებს, რომ ვიაქტიუროთ მეგობრებო, თითოეული თქვენი ხმა, თითოეული თქვენგანის როლი არის ძალიან მნიშვნელოვანი იმისთვის, რომ შევძლოთ ამ ქალაქის განვითარება, იმ პროექტების განხორციელება, რომელიც სასიცოცხლოდ მნიშვნელოვანია თბილისისთვის. თქვენ ხედავთ, ბოლო წლების განმავლობაში, თუ რამდენი კარგი სამუშაო იქნა ჩატარებული დედაქალაქის მასშტაბით. რა თქმა უნდა, ყველაფერი უნდა გავაკეთოთ იმისთვის, რომ მომდევნო წლების განმავლობაში, ვერავინ და ვერაფერმა შეაჩეროს ქალაქის აღმშენებლობა, განვითარება და იმ პროექტების განხორციელება, რომლებიც დედაქალაქისთვის სასიცოცხლოთ მნიშვნელოვანია. კიდევ ერთხელ მინდა ვთხოვო და მოვუწოდო ჩვენს მხარდამჭერებს მაქსიმალური აქტიურობა, რომ დავაფიქსიროთ ჩვენი მოსაზრება და მხარი დავუჭიროთ ამ ქალაქის განვითარებას და აღმშენებლობას.

29 ოქტომბერი, 2021

პირველ რიგში, მინდა გამოვეხმაურო სახელმწიფო უსაფრთხოების სამსახურის მიერ გავრცელებულ ინფორმაციას. ამ ინფორმაციამ კიდევ ერთხელ დაადასტურა, რომ ნაციონალური მოძრაობა არის ბოროტება, ეს არის რევანშისტული პოლიტიკური ძალა, რომლის ერთადერთი მიზანია, შექმნას არეულობა და ქაოსი ჩვენს ქვეყანაში. სახელმწიფო და ხელისუფლება დგას მოწოდების სიმაღლეზე და არავის მისცემს ამგვარი მიზნების განხორციელების საშუალებას. მადლობა სახელმწიფო უსაფრთხოების სამსახურს და მის თითოეულ შესაბამის თანამშრომელს ამ გეგმის დროულად გამოვლენისა და დროული რეაგირებისათვის. არავინ, ვინც მიზნად ისახავს საქართველოს უსაფრთხოებასა და სტაბილურობაზე შეტევის მიტანას, არ დარჩება დაუსჯელი. კანონის წინაშე და კანონის შესაბამისად, ყველა უმკაცრესად აგებს პასუხს. სახელმწიფო უსაფრთხოების სამსახურის მიერ გავრცელებული ინფორმაციით, კიდევ ერთხელ მოეფინა ნათელი მიხეილ სააკაშვილის შიმშილობის იმიტირებული ქრონიკის ნამდვილ მიზანს. დაგეგმილი იყო ჯანმრთელობის მდგომარეობის გაუარესების სიმულირება, რათა უწყება იძულებული გამხდარიყო, მოეხდინათ სააკაშვილის სხვა ლოკაციაზე გადაადგილება, რასაც ნაციონალური მოძრაობისთვის მძიმე პროვოკაციის მოწყობის შანსი უნდა მიეცა. რა თქმა უნდა, ნებისმიერ ასეთ მცდელობასაც სახელმწიფო სათანადო რეაგირებას დაუპირისპირებდა. დღეს ყველამ დაინახა, რომ სააკაშვილის იმიტირებული შიმშილობა ისეთივე წარუმატებლობისთვისაა განწირული, როგორც მისი ქურდული შემოპარვა საქართველოში. ასევე, აუცილებლად უნდა გამოვეხმაუროთ ნაციონალური მოძრაობის პარტიული ტელევიზიის - „მთავარის“ მიერ სოციოლოგიური კვლევის შედეგების გაყალბებას, რამაც კიდევ ერთხელ ცხადყო, რომ წინა კვლევებისა და ეგზიტპოლების მცდარი მონაცემები არა არაკომპეტენტურობის, არამედ უხეში გაყალბების შედეგი იყო. ადამიანები, რომლებიც ხელისუფლებაში ყოფნის დროს აყალბებდნენ არჩევნებს, ახლა კვლევებისა და ეგზიტპოლების გაყალბებით ცდილობენ საკუთარი დესტრუქციული მიზნების განხორციელებას. დიდი შეცდომა იქნება, თუ ამ სამ ინფორმაციას ერთმანეთისგან დამოუკიდებლად განვიხილავთ. ბუნებრივია, სააკაშვილის იმიტირებული შიმშილობით, სოციოლოგიური კვლევების გაყალბებითა და არეულობის გეგმების შედგენით იკვრება წრე, რომელიც ნაციონალური მოძრაობის ბოროტ ბუნებასა და მის რევოლუციურ და დესტრუქციულ გეგმებს კიდევ ერთხელ ადასტურებს. მინდა, ასევე, გამოვეხმაურო, კიდევ ერთ საკითხს, გახარიას პარტიის ბათუმის ორგანიზაციის ხელმძღვანელისა და ბათუმის საკრებულოს ახლად არჩეული წევრის, ირაკლი თავდგირიძის მიერ ამ პარტიის დატოვებას და ნაციონალური მოძრაობის დღის წესრიგისგან ღიად გამიჯვნას. დღეს ყველა, ვინც სათანადოდ აფასებს მოვლენებს, ხედავს, რომ საზოგადოებას აქვს მკაფიო არჩევანი დესტრუქციასა და მშვიდობას შორის. ასეთ დროს, პოზიციის არდაკავება, სახლში დარჩენა და არჩევანის არგაკეთება დესტრუქციისთვის შანსის მიცემას ნიშნავს. შესაბამისად, მივესალმებით ირაკლი თავდგირიძის პრინციპულ გადაწყვეტილებას ნაციონალური მოძრაობის დღის წესრიგისგან საჯაროდ გამიჯვნასთან დაკავშირებით. ამ ქვეყანას ჭირდება არა ქაოსი და არეულობა, არამედ მშვიდობა, სტაბილურობა და განვითარება.სწორედ ამიტომ, ყველას მოგიწოდებთ, ხვალ მოდით არჩევნებზე და 2 ოქტომბრის გამარჯვება ერთად მივიყვანოთ ბოლომდე.მოვუწოდებთ ნაციონალური მოძრაობის წარმომადგენლებს, ხვალ, კენჭისყრის დღეს, არ გაბედონ პროვოკაციების მოწყობა და ამომრჩეველს მისცენ მშვიდ გარემოში ხმის მიცემის შესაძლებლობა. ასევე, მოვუწოდებთ ჩვენს მხარდამჭერებს, სიმშვიდით შეხვდნენ ნებისმიერ შესაძლო პროვოკაციას. ამასთან, მოვუწოდებ მხარდამჭერებს, ნებისმიერი პროვოკაცია გადაიღონ, გამოგვიგზავნონ და/ან სოციალურ ქსელში ატვირთონ. გვჯერა, ხვალ ჩვენი მოქალაქეები საბოლოოდ ეტყვიან უარს ბოროტებას, ძალადობასა და სიცრუეს და მხარს დაუჭერენ განვითარებას, მშვიდობასა და სტაბილურობას, რაც ქვეყნის ეკონომიკური წინსვლის, ადამიანების დასაქმებისა და სოციალური მდგომარეობის გაუმჯობესების აუცილებელი პირობაა.არჩევნების მეორე დღიდან, მომდევნო წლების განმავლობაში, ჩვენი ძალისხმევა თავიდან ბოლომდე ამ მიზნისკენ იქნება მიმართული.კიდევ ერთხელ მოგიწოდებთ, მოდით არჩევნებზე!კიდევ ერთხელ უარი უთხარით ნაციონალურ მოძრაობას, ბოროტებას, არეულობას, სიცრუეს !აირჩიეთ მშვიდობა და განვითარება! აირჩიეთ ჩვენი კანდიდატები თბილისში, ბათუმში, ქუთაისში, რუსთავში, ფოთში, ზუგდიდში, თელავში, ოზურგეთში, წალენჯიხაში, ჩხოროწყუში, მარტვილში, სენაკში, ხობში, წყალტუბოში, ბაღდათში, ცაგერში, ხელვაჩაურში, თიანეთში, ქარელსა და ხაშურში.ჩვენი ერთიანობით, 2 ოქტომბრის გამარჯვება ხვალ უნდა მივიყვანოთ ბოლომდე!

29 ოქტომბერი, 2021

გუშინ საზოგადოებას გავაცანით ის ფაქტი, რომელიც აღმოვაჩინეთ წინასაარჩევნო კვლევების გაყალბებასთან დაკავშირებით, ტელეკომპანია „მთავარისა“ და კომპანია IPSOS-ის მხრიდან, რომელიც უკავშირდებოდა 2 დღის წინ ტელეკომპანია „მთავარის“ მიერ გამოქვეყნებულ კვლევას რამდენიმე მუნიციპალიტეტში.ზუგდიდში განსხვავებულმა მონაცემებმა გაყიდა ის ფაქტი, რომ ეს გაყალბების კვალი ბოლომდე ვერ იქნა წაშლილი და სწორედ ამან მოგვცა მინიშნება იმაზე, რომ აქ გაყალბებას ჰქონდა ადგილი. დღეს ნახეთ გამოხმაურება ტელეკომპანია „მთავარის“ გენერალური დირექტორის მხრიდან, რომელიც ახლა ცდილობს ეს გადააბრალოს კომპანია IPSOS-ს. სინამდვილეში საქმე გახლავთ შემდეგში - ეს არ არის ერთმანეთისგან გამიჯნული 2 კომპანია, ეს ხდება სისტემატურად იმ პერიოდიდან, როდესაც IPSOS იმყოფება საქართველოში და აწარმოებს წინასაარჩევნო კვლებს „მთავარი“ არხისთვის. სახეზე გვაქვს ეს გაყალბება ყოველ ჯერზე, შესაბამისად, ეს არის შეთანხმებული მოქმედება და ეს გადაბრალება კიდევ უფრო მეტი სკანდალია, როდესაც ახლა ცდილობს „ მთავარი“ არხი ეს IPSOS-ს გადააბრალოს. სინამდვილეში, ჩვენ თუ შევხედავთ რიცხვებს, თუნდაც 2020 წლის საპარლამენტო არჩევნებიდან, როდესაც ჰქონდა წინასაარჩევნო კვლევა, ასევე IPSOS-ის მიერ ჩატარებული და „მთავარი“ არხის მიერ გაჟღერებული, რომელიც ჩატარდა არჩევნებამდე 2 კვირით ადრე, „ქართულ ოცნებას“ უნდა მიეღო 38%, მაშინ როცა რეალურად „ქართულმა ოცნებამ“ მიიღო 48.2 %. ანუ, IPSOS-მა და „მთავარმა არხმა“ 10.2%-ით ნაკლები დაუწერეს კვლევაში. ასევე, ეგზიტპოლი ჩატარდა შარშან საპარლამენტო არჩევნებისას. ამ ეგზიტპოლის მიხედვით „ქართულ ოცნებას“ IPSOS -ის და „მთავარის’’ მონაცემებით ჰქონდა 41 % , მაშინ როდესაც, „ქართულმა ოცნებამ“ მიიღო 48,2 % ანუ, აქაც 7,2 % იყო მანიპულაცია IPSOS -ის და მთავარი არხის მხრიდან და ახლაც თვითმმართველობის არჩევნების წინ, როდესაც იყო კვლევა, ამ კვლევამ აჩვენა, რომ IPSOS -ის და „მთავარი“ არხის მხრიდან „ქართული ოცნების“ რეიტინგი 35% იყო, მაშინ როდესაც რეალურად „ქართულმა ოცნებამ“ მიიღო 46,7% ანუ, 11,7% ნაკლები დაუწერეს IPSOS -მა და „მთავარმა არხმა“. ეს კიდევ ერთხელ ადასტურებს, რომ ეს გამონაკლისი არ არის და ამაზე ვსაუბრობდით გუშინ, ჩვენ აქამდეც ამას ვამბობდით, რომ ხდებოდა კვლევების მანიპულირება, თუმცა ამის მტკიცება შეგვეძლო მხოლოდ ირიბად, იმ კვლევის შედეგებისა და არჩევნების შედეგების შედარებით და რა თქმა უნდა, როდესაც არის საშუალოდ 10% სხვაობა, ეს სხვა არაფერია, თუ არა მანიპულაცია. აქედან გამომდინარე ვსაუბრობდით ამაზე, თუმცა გუშინ ჩვენ მოგვეცა შესაძლებლობა პირდაპირ ფაქტები გვენახა, ვინაიდან აღმოჩნდა, რომ მანიპულაციის კვალი წაშლილი არ იყოს, შესაბამისად ეს გადაბრალებები ზედმეტია. გარდა ამისა, დამატებით იცით, რომ IPSOS თავად კვლევებს არ ატარებს და კვლევას ადგილზე ატარებს ადგილობრივი კომპანია, ამ ჯგუფში შედის არა მხოლოდ IPSOS და „მთავარი არხი“, არამედ ადგილობრივი საკონსულტაციო კომპანია BCG. ამაზე ჩვენ არა ერთხელ გვითქვამს, ეს არის კვლევითი ორგანიზაცია, რომელიც დაკავშირებულია ლევან თარხნიშვილთან. ის „ევროპული საქართველოს“ ერთ-ერთი ლიდერია და 2008 წელს, როდესაც ჩატარდა საპარლამენტო არჩევნები ცესკოს თავმჯდომარე იყო. როდესაც ნაკლებობაზე ვსაუბრობდით, ჩვენ გაჩვენებდით, რომ ბიულეტენების ნაკლებობა დისბალანსიან ოქმებში 2020 თუ 2021 წლის არჩევნებში შედიოდა იმ საშუალო ზღვარში, რომელიც როგორც წესი ფიქსირდება არჩევნების დროს და გამონაკლისი გახლავთ სწორედ 2008 წელი, სადაც ნაკლებობა გახლდათ 1% და ეს სწორედ ის წელია, როდესაც ლევან თარხნიშვილი გახლდათ ცესკოს თავმჯდომარე. იცით, რომ ამ არჩევნებთან დაკავშირებით ყველა შეთანხმებულია, რომ იქ მოხდა დიდი მანიპულაცია და გაყალბება. შესაბამისად, როდესაც საქმე გვაქვს კომპანიასთან, რომელიც ატარებს ველს, რომელსაც აქვს ასეთი რეპუტაციული ზიანი მიღებული და მასთან დაკავშირებული არიან ადამიანები, რომელებიც არჩევნების გაყალბებაში იღებდნენ მონაწილეობას, საქმე, როცა გვაქვს ტელეკომპანია „მთავართან“ და IPSOS-თან, რომელიც, როგორც გაჩვენეთ, ბოლო ორი არჩევნების განმავლობაში აჩვენებს ეს მონაცემები, რომ საშუალოდ 10% სხვაობა იყო რეალურ მონაცემებსა და კვლევებს შორის. აქ უკვე ზედმეტია ერთმანეთზე გადაბრალება და საქმე გვაქვს აშკარა მანიპულაციასთან.

28 ოქტომბერი, 2021

გვინდა საზოგადოებას ვაცნობოთ ერთ-ერთი სკანდალის შესახებ, რომელშიც გაეხვა „ნაციონალური მოძრაობა“, „მთავარი არხი“ და კომპანია IPSOS-ი. როგორც იცით, გუშინ ,,მთავარ არხზე“ გამოქვეყნდა IPSOS-ის კვლევის შედეგები. ეს შედეგები ასევე დაიდო IPSOS-ის ვებ-გვერდზე. ჩვენ ხშირად ვსაუბრობდით და ამას ფაქტებიც ადასტურებს, რომ ეს კვლევები იყო მანიპულირებული, ვინაიდან ყოველთვის დიდი აცდენა იყო, თუმცა ამ შემთხვევაში, ჩვენ პირდაპირ ვნახეთ, თუ როგორ ვერ დაიმალა ამ მანიპულაციის კვალი. ვებ-გვერდზე გამოქვეყნებულ ინფორმაციაში ნახავთ, რომ ნაცვლად იმ მონაცემებისა, რომელიც გუშინ გამოქვეყნდა „მთავარ არხზე“, სადაც ზუგდიდში, ანზორ მელიასთან დაკავშირებით გამოქვეყნდა 54,7 %, ხოლო მამუკა წოწერიასთან დაკავშირებით 45,3 %, ამ დოკუმენტში, რომელშიც დევს IPSOS-ის ვებგვერდზე, წერია 51% მამუკა წოწერიას შემთხვევაში და 49% - ანზორ მელიას შემთხვევაში. საინტერესოა, რომ სხვა მონაცემები თითქოს იგივეა, მაგრამ როგორც ჩანს თავად ეს დოკუმენტი მანიპულირებული იყო და შიგნით ჩარჩა ძველი მონაცემი, რომელიც ნამდვილ მონაცემს შეეფერება. ეს კიდევ ერთხელ ადასტურებს, თუ როგორ ხდება წინასაარჩევნო კვლევებით მანიპულირება ამ შემთხვევაში, როგორც ჩანს ეს მანიპულაცია დოკუმენტში ბოლომდე ვერ წაიშალა და დარჩა კვალი, რომ თითქმის 5-6% -ია მანიპულაცია ზუგდიდში და მაშინ, როდესაც რეალური შედეგის მიხედვით იგებს „ქართული ოცნება“ და მამუკა წოწერია, გადაკეთებული და მანიპულირებული შედეგით გაცხადდა ისე, თითქოს არჩევნებს იგებს ანზორ მელია. შეგახსენებთ, რომ ეს, როგორც მტკიცებულება დევს ვებგვერდზე და შეგიძლიათ ახლაც ნახოთ. ჩვენ გვაქვს გამოცდილება ამ კვლევებთან დაკავშირებით. იცით, რომ შარშან, საპარლამენტო არჩევნების წინ გამოქვეყნებულ ბოლო კვლევებში „ქართულ ოცნებას“ IPSOS-ის კვლევის შედეგად უნდა ჰქონოდა 38% მაშინ, როდესაც „ქართულმა ოცნებამ“ რეალურად მიიღო 48% და ახლა, ადგილობრივი თვითმმართველობის არჩევნების წინ IPSOS-ის კვლევის შედეგად „ქართულ ოცნებას“ ჰქონდა 35% მაშინ, როდესაც „ქართულმა ოცნებამ“ მიიღო 47%. ეს კიდევ ერთხელ ადასტურებს, წინასაარჩევნო კვლევების მანიპულაციის ფაქტს ამ შემთხვევაში IPSOS-ის მხრიდან ისევე, როგორც „მთავარი არხის“ და „ერთიანი ნაციონალური მოძრაობის’’ მხრიდან.

28 ოქტომბერი, 2021

  2021 წლის ადგილობრივი თვითმმართველობის არჩევნებში გამარჯვებული 44 მუნიციპალიტეტის მერი, რომელიც „ქართულ ოცნებას“ წარმოადგენს, 27 ოქტომბრიდან უფლებამოსილების შესრულებას შეუდგა. 1. გარდაბანი - დავით კარგარეთელი 2. მარნეული - კენან ომაროვი 3. ბოლნისი - დავით შერაზადიშვილი 4. დმანისი - კობა მურადაშვილი 5. წალკა - ილია საბაძე 6. თეთრიწყარო - გიორგი წიკლაური 7. ახმეტა - ალექსი ფიცხელაური 8. ყვარელი - გივი ზაუტაშვილი 9. ლაგოდეხი - ჯონდო მდივნიშვილი 10. გურჯაანი - ზურაბ უტიაშვილი 11. საგარეჯო - ავთანდილ გულიკაშვილი 12. სიღნაღი - მალხაზ ბეგიაშვილი 13. დედოფლისწყარო - ნიკოლოზ ჯანიაშვილი 14. გორი - ვლადიმერ ხინჩეგაშვილი 15. კასპი -ვახტანგ მაისურაძე 16. ახალციხე - ირაკლი ლაზარაშვილი 17. ასპინძა - როსტომ მაგრაქველიძე 18. ბორჯომი - ოთარ არბოლიშვილი 19. ადიგენი - გოჩა ქიმაძე 20. ახალქალაქი - მელქონ მაკარიანი 21. ნინოწმინდა - ანივარდ მოსოიანი 22. მცხეთა - დიმიტრი ზურაბიშვილი 23. დუშეთი - მანანა ნარიმანიძე 24. ყაზბეგი - ბაკურ ავსაჯანიშვილი 25. ჭიათურა - გივი მოდებაძე 26. საჩხერე - ლევან ივანაშვილი 27. სამტრედია - დავით ბახტაძე 28. თერჯოლა - ლაშა გოგიაშვილი 29. ტყიბული - დავით ჩერქეზიშვილი 30. ვანი - ალექსანდრე გოგორიშვილი 31. ხარაგაული - კობა ლურსმანაშვილი 32. ხონი - ლადო ჯურხაძე 33. ზესტაფონი - ვასილ გველესიანი 34. ამბროლაური - ზვიად მხეიძე 35. ონი - სერგო ხიდეშელი 36. ლენტეხი - გია ონიანი 37. აბაშა - გიგა გაბელაია 38. მესტია - კაპიტონ ჟორჟოლიანი 39. ლანჩხუთი - ალექსანდრე სარიშვილი 40. ჩოხატაური - დავით შარაშიძე 41. ქობულეთი - ლევან ზოიძე 42. ქედა - როლანდ ბერიძე 43. შუახევი - ომარ ტაკიძე 44. ხულო - ვახტანგ ბერიძე

28 ოქტომბერი, 2021

პირველ რიგში, მინდა პარტიის სახელით მადლობა გადავუხადო თავისუფლების მოედანზე შეკრებილ 10 ათასობით ჩვენს თანამოქალაქეს, ჩვენს მხარდამჭერებს შეკრებისთვის და ძალიან ძლიერი მუხტისთვის, რომელმაც გუშინ თავისუფლების იდეის გარშემო გაგვაერთიანა.გუშინ ყველამ კიდევ ერთხელ დაინახა, სად არის ხალხის ნამდვილი ძალა. ყველამ დაინახა, რომ ქართული საზოგადოება არის ჭეშმარიტად ევროპული საზოგადოება, რომელიც სიცოცხლის ფასადაც არ დათმობს ღირსებას, თავისუფლებას, მშვიდობას და საკუთარი სამშობლოს კეთილდღეობას.სწორედ ამ ღირებულებებმა გაგვაერთიანა ჩვენ 2012 წლის 29 სექტემბერს თავისუფლების მოედანზე, როდესაც ხალხმა ბიძინა ივანიშვილის ხელმძღვანელობით თავისი ძალა აჩვენა ძალადობასა და სიცრუეზე დაფუძნებულ დანაშაულებრივ რეჟიმს.გუშინ თავისუფლების მოედანზე ამ ღირებულებებმა კიდევ ერთხელ გააერთიანა ხალხი, რომელმაც ყველას მკაფიოდ დაანახა, რომ არ დაუშვებს ხელისუფლებაში საკუთარ სახელმწიფოზე, ეკლესიასა და ხალხზე მოძალადე ადამიანების დაბრუნებას.აქციაზე დასასწრებად უამრავმა ადამიანმა შორი გზა გამოიარა. მადლობა შეკრების თითოეულ მონაწილეს ამ ძალისხმევისთვის, რომელიც აუცილებლად ჩვენი საერთო გამარჯვებით, ჩვენი ქვეყნის საერთო გამარჯვებით დაგვირგვინდება.აქვე, არ შეგვიძლია ძალიან მოკლედ არ გამოვეხმაუროთ პოლიტიკური ოპონენტების სასოწარკვეთილ რიტორიკას გუშინდელ აქციასთან დაკავშირებით. ეს სასოწარკვეთა ზედმიწევნით ცხადჰყოფს ჩვენი აქციის წარმატებას. თავისუფლების მოედანზე შეკრებილი 10 ათასობით ადამიანისთვის იმის წოდება, რისი გამეორებაც კი ჩემთვის სრულიად მიუღებელია, ნათლად ცხადჰყოფს ღირებულებით სხვაობას ჩვენსა და მათ შორის. ხელისუფლებაში ყოფნის დროს, ეს ადამიანები ხალხზე ძალადობდნენ ფიზიკურად. ახლა კი, როდესაც მათ ამის შესაძლებლობა აღარ აქვთ, ფიზიკური ძალადობა მათ სიტყვით ძალადობით ჩაანაცვლეს. ნათელია, ამ ადამიანებს ძალაუფლების დაბრუნების შესაძლებლობა რომ მიეცეთ, სიტყვით ძალადობას ისინი კვლავ ფიზიკურ ძალადობად აქცევენ. სწორედ ეს არ დაუშვა ქართველმა ხალხმა 2 ოქტომბერს, როდესაც მკაცრი უარი უთხრა მოძალადეებს მათივე გამოცხადებულ ე.წ. რეფერენდუმზე.მოძალადეების გამარჯვება დაუშვებელია როგორც ქვეყნის მასშტაბით, ასევე ნებისმიერ მუნიციპალიტეტში, რათა თუნდაც ერთ ქალაქსა თუ რაიონში ავანტურისტების დესტრუქციული ზრახვების გამო არ დაზარალდეს ადგილობრივი მოსახლეობა.ჩვენ დარწმუნებული ვართ, რომ 2 ოქტომბრის გამარჯვებას 30 ოქტომბერს მივიყვანთ ბოლომდე.ჩვენი მიზანია, არჩევნები მოვიგოთ ოცივე მუნიციპალიტეტში, რათა 30 ოქტომბრიდან ახალი ენერგიით განვაგრძოთ ზრუნვა ჩვენი ქვეყნისა და თითოეული მუნიციპალიტეტის განვითარებაზე.

27 ოქტომბერი, 2021

მოგესალმებით! ყველას ძალიან დიდი მადლობა დღეს მობრძანებისთვის. ძალიან ამაღელვებელია ამხელა მხარდაჭერა, ძალიან სასიამოვნოა თქვენი აქ ყოფნა და პირველ რიგში, დიდი მადლობა იმისთვის, რომ აქ ხართ, დიდი მადლობა იმ გამარჯვებისთვის, რომელიც ჩვენ ვიზეიმეთ! გამარჯვება, რომელიც აუცილებელი იყო ჩვენი ქვეყნისთვის, რათა ჩვენმა ქვეყანამ გააგრძელოს თავისუფალი, მშვიდობიანი განვითარება, რათა ჩვენმა ქვეყანამ და ჩვენმა მომავალმა თაობებმა შეძლონ ევროპულ ოჯახში ცხოვრება. ძალიან მნიშვნელოვანია დღევანდელი შეკრება. ადამიანები, რომლებიც 2012 წლიდან მოყოლებული, ჩვენ აქ ერთად ვზეიმობდით გამარჯვებას, ბიძინა ივანიშვილის თაოსნობით, რამაც მოგვცა საშუალება, რომ ჩვენი ქვეყანა დაგვეყენებინა განვითარების გზაზე.ბატონებო, დიდი მადლობა კიდევ ერთხელ მობრძანებისთვის, დიდი მადლობა იმ მხარდაჭერისთვის, რომელსაც ჩვენ ვგრძნობთ.რა თქმა უნდა, არ იქნებოდა არც 2012 და არც ერთი სხვა გამარჯვება, რომ არა თქვენი მხარდაჭერა.

27 ოქტომბერი, 2021

მოგესალმებით ჩემო ძვირფასებო! მივესალმები სრულიად საქართველოს!მადლობა მობრძანებისთვის და ჩვენი პოლიტიკური გუნდის, „ქართული ოცნება - დემოკრატიული საქართველოს“ მხარდაჭერისთვის, ნდობისთვის. ჩვენ ვალდებულები ვართ გავამართლოთ ეს ნდობა და ღირსეულად ვატაროთ პასუხისმგებლობის ტვირთი.დღეს ჩვენ შევიკრიბეთ იმისთვის, რომ კიდევ ერთხელ შევიტანოთ სიცხადე, როგორი გვინდა იყოს ჩვენი ქვეყნის მომავალი, ვბრუნდებით წარსულში, რომელიც დღემდე მძიმედ ახსოვს ჩვენს ხალხს, თუ მივიწევთ წინ, ქვეყნის შენებისკენ და განვითარებისკენ. ყოველთვის მჯეროდა და მჯერა, რომ თითოეულ ჩვენგანს თავის წვლილი შეაქვს საქართველოს მომავლისთვის, მიუხედავად იმისა, თუ რა პროფესიას წარმოვადგენთ, დღეს ჩვენ ყველა ამ ქვეყნის ჯარისკაცები ვართ, რომლებიც ერთად ვიბრძვით ჩვენი ქვეყნის გამარჯვებისთვის.მე ერთ ჩვეულებრივ ოჯახში გავიზარდე, პატივისცემის, სიყვარულის, მიტევების, ჩვენი ისტორისა და კულტურის საწყისებზე და ყველაზე მთავარი, რაც ვისწავლე, არის ის, რომ რასაც არ უნდა ვაკეთებდეთ, უნდა ვაკეთებდეთ გულით, ვიყოთ მართლები საკუთარ თავთან და საკუთარ ხალხთან, ვაკეთოთ ის, რაც ჩვენ ქვეყანას და მომავალს წაადგება. ჩვენ მოვიარეთ მთელი საქართველო, ყველა რეგიონი, ყველა მუნიციპალიტეტი. უნიკალური, გამორჩეული, განუსაზღვრელი შესაძლებლობის მქონე სამშობლო გვაქვს. სწორედ, თითოეული მუნიციპალიტეტის არსებული შესაძლებლობების გამოყენებისთვის და ახლის შექმნისთვის უმნიშვნელოვანესია ადგილობრივი თვითმმართველობის არჩევნები. საქართველო ვერ იქნება ძლიერი, თუ არ იქნება ძლიერი თბილისი და ძლიერი რეგიონები. ძალიან ბევრი რამ გაკეთდა იმისათვის, რომ თითოეულმა დაინტერესებულმა ადამიანმა მონაწილეობა მიიღოს გადაწყვეტილების მიღების პროცესში. ეს არის ის მიდგომა, რაც ძალიან სჭირდება რეგიონების განვითარებას. განსაკუთრებით მინდა მივმართო ახალგაზრდებს, ჩვენი ქვეყნის მომავალს – მათი ინტელექტი, ახალგაზრდული ენერგია, ჟინი და მოტივაცია გამოიყენონ ქვეყნის საკეთილდღეოდ და მაქსიმალურად ჩაერთონ გადაწყვეტილებების მიღების პროცესში. ჩვენი მხრივ გპირდებით, რომ თქვენთან ერთად გავაგრძელებთ ძლიერი, ევროპული სახელმწიფოს მშენებლობას, სადაც ყველას ექნება საკუთარი შესაძლებლობების გამოყენების საშუალება. ჩვენი გუნდის მთავარი საზრუნავი და ღირებულება ყოველთვის იყო ადამიანი და გავაკეთებთ მაქსიმუმს იმისათვის, რომ თითოეულმა ადამიანმა სწორედ ჩვენს ქვეყანაში შეძლოს საკუთარი თავის რეალიზება, თანაბარი შესაძლებლობების პირობებში და მათი შრომა გახდეს დაფასებული.დღეს ჩვენ გვაქვს ევროპული ტიპის საპარლამენტო რესპუბლიკა. პარლამენტი, თავის მხრივ, ყოველთვის იქნება როგორც მთავრობის, ასევე ადგილობრივი თვითმმართველობის გვერდით, რათა ხელი შევუწყოთ ქვეყნის ეკონომიკურ აღმავლობას და განვითარებას. „ქართული ოცნების“ პოლიტიკა იზიარებს ჩვენი ხალხის ისტორიულ არჩევანს და ეს არის ევროპულ და ევროატლანტიკურ სტრუქტურებში ინტეგრაციის პოლიტიკა. ევროინტეგრაცია არ არის მხოლოდ ჩვენი პოლიტიკური არჩევანი, ეს ისტორიული არჩევანია და ჩვენი თვითმყოფადობის შენარჩუნების საუკეთესო გზა. „ქართული ოცნების“ ხელისუფლებამ შეძლო ახალ დონეზე აეყვანა ევროკავშირთან, ამერიკის შეერთებულ შტატებსა და ნატოსთან სტრატეგიული პარტნიორობა. დღეს ეს ურთიერთობები უმაღლეს ისტორიულ ნიშნულზეა. ჩვენი მიზანია დავუბრუნდეთ ევროპულ ოჯახს და ჩვენ ამ მიზანს აუცილებლად მივაღწევთ. დღეს, ისე როგორც არასდროს გვჭირდება გამარჯვებები. ჩვენ უნდა გვჯეროდეს ჩვენი ქვეყნის გამარჯვების და წარმატების.გამარჯვებაა, როცა თითოეული ოჯახი იქნება ძლიერი. ჩვენ უნდა გავიმარჯვოთ სიღარიბეზე, გამოწვევებზე, რომელიც სამწუხაროდ განუყოფელი ნაწილია ჩვენი ცხოვრების და აუცილებელია რომ მათთან გამკლავება იყოს ბრძოლის მთავარი მიზანი. შემდეგი სამი წელი ქვეყანაში უნდა დაეთმოს მხოლოდ და მხოლოდ წინსვლას, რეფორმებს - დაწყებული რეფორმების დასრულებას და ახალი რეფორმების დაწყებას. რა თქმა უნდა, მთავარ გამოწვევად ჯერ კიდევ რჩება ოკუპაცია. მე მინდა მივესალმო ჩვენს აფხაზ და ოს ძმებს და დებს და დავპირდე, რომ ყველაფერს გავაკეთებთ იმისათვის, რომ ერთად, გამთლიანებულ და მშვიდობიან საქართველოში ვიცხოვროთ. საქართველო მოწინავე ქვეყანაა რეგიონში, თუმცა ეს საკმარისი არ არის. ჩვენ უნდა დავამტკიცოთ, რომ ერთ-ერთი საუკეთესო, გამორჩეული ქვეყანა ვართ და ამას ჩვენ შევძლებთ შრომითა და საყოველთაო ეროვნული ერთიანობით. მე მჯერა, რომ ჩვენ, ყველას გვინდა ვიხილოთ გაერთიანებული, ძლიერი, მიზანდასახული, შეუპოვარი და რაც მთავარია გამარჯვებული საქართველო და ეს შეუძლებელია, თუ არ ვიდგებით ერთად! ერთად უნდა ავაშენოთ ეს ქვეყანა იმ წინაპრებისა და გმირების სახელით, რომლებმაც თავი შესწირეს საქართველოს დამოუკიდებელობისთის და ერთიანობისთის ბრძოლას. ჩემთვის არსებობს ერთადერთი, მსოფლიოში გამორჩეული ისტორიის, კულტურის, რწმენისა და ევროპული მომავლის მქონე, ძლიერი და გაერთიანებული საქართველო. მაშინაც, როცა მივიღე გადაწყვეტილება ჩვენს დიდ გუნდთან ერთად დამეწყო პოლიტიკური საქმიანობა ვთვლიდი და დღესაც დარწმუნებული ვარ, რომ „ქართული ოცნება“ უალტერნატივო პოლიტიკური ძალაა. მოგიწოდებთ ყველას, მივიდეთ არჩევნებზე და გავაკეთოთ ჩვენი ქვეყნისთვის სასიკეთო არჩევანი. დარწმუნებული ვარ, რომ ქართველი ხალხის უდიდესი უმრავლესობა არჩევანს გააკეთებს პროგრესის, სტაბილურობის, ადამიანის თავისუფლებისა და ღირსების სასარგებლოდ. მე მჯერა, რომ 30 ოქტომბერი „ქართული ოცნების“, ქართული სახელმწიფოს გამარჯვებით დასრულდება და ეს გამარჯვება იქნება გარანტი განვითარების, სტაბილურობისა და სიმშვიდის. ჩემი ოცნებაა, რომ ჩემმა სამმა შვილმა და თქვენმა შვილებმა იცხოვროს ევროპულ, დემოკრატიულ, უსაფრთხო და ერთიან საქართველოში და ეს ოცნება აუცილებლად ახდება. ერთად მივიყვანოთ გამარჯვება ბოლომდე!

27 ოქტომბერი, 2021

ძვირფასო თანამებრძოლებო, მოგესალმებით, მადლობა, პირველ რიგში, ნდობისთვის, ამდენწლიანი მხარდაჭერისთვის, გამძლეობისთვის. მე მინდა დავიწყო და ჩემი დღევანდელი გამოსვლა მივუძღვნა ჩემზე უფროს თაობებს და ჩემზე უმცროსებს, ახალგაზრდებს. ჩვენ, ვინც ვართ დღეს აქ, ხელისუფლებაში ზოგმა გადაიარა 40 წელი, ზოგმა 50 წელიწადსაც მივუკაკუნეთ. ეს ნიშნავს იმას, რომ ჩვენ ვინმემ კი არ გვიამბო, როგორ მოიპოვა ამ ქვეყანამ დამოუკიდებლობა, ჩვენ ეს ვნახეთ ჩვენი თვალით, როდესაც ვიყავით ბავშვები და ახალგაზრდები. ჩვენ ვნახეთ, რომ ჩვენმა უფროსმა თაობებმა დიდი გასაჭირი გამოიარეს, ბევრი ბრძოლა გადაიხადეს. ეს ის დრო იყო, როდესაც ჩვენს ქვეყანას არ ჰქონდა თავისი დამოუკიდებელი სახელმწიფოს დროშა, ჰიმნი, არ ჰყავდა ჯარი და გვარდია, არ ჰყავდა თავისი დამოუკიდებელი სახელმწიფოს პოლიცია, სამაშველო სამსახური. ისინი იბრძოდნენ სუვერენიტეტისთვის, მათ შემოგვინახეს რწმენა, რომელსაც დღეს ებრძვის ბოროტი ძალა. მათ შემოგვინახეს ენა, შემოგვინახეს კულტურა და შემოგვინახეს ჩვენი სამშობლო. ჩვენი თაობა და ასაკი ასევე ნიშნას იმას, რომ ჩვენ ჩვენი თვალით ვნახეთ სისხლი, ჩვენი თაობის, ჩვენი ასაკის გოგო-ბიჭების დაღვრილი სისხლი, აი, აქ, რუსთაველზე, ასევე, ქვეყნის სხვადასხვა ადგილას ომებსა და ბრძოლებში დაღვრილი სისხლი. ასეთი ბავშვობიდან და ახალგაზრდობიდან მოვდივართ ისინი, ვინც ვართ დღეს ხელისუფლებაში. მადლობა წინა თაობებს, ვინც მოგვიყვანა დღემდე იმისთვის, რომ დღეს ჩვენ აქ, თავისუფლების მოედანზე, ერთად ვმდგარიყავით. მე მინდა შევახსენო ყველას, როგორც ჩემი თაობის წარმომადგენელმა, რომ დღეს ჩვენ, „ქართულ ოცნებას“, ხელისუფლება დემოკრატიული წესით გვაქვს მოპოვებული. სააკაშვილო, გამოიხედე ციხის საკნიდან! ნახე, რამდენი თავისუფალი ქართველია აქ, რომელსაც ახსოვს შენი მოძალადეობრივი რეჟიმი, რომელსაც არ უნდიხარ! დღეს ჩვენ კვლავ ვიბრძვით მის წინააღმდეგ. ხომ ბევრს გეგონათ ჩვენო მხარდამჭერებო, რომ თუ ეს დიდი ბოროტება ჩაჯდებოდა ციხეში, ბრძოლაც დამთავრდებოდა, არა, უკეთესი საქართველოსთვის ბრძოლა ასე მარტივად არ მთავრდება. ასე ცხოვრობდა ყველა ამ მიწაზე ჩვენამდე და ჩვენც წინ გვაქვს კიდევ ახალი და ბევრი ბრძოლები. მე სახლში ერთ პატარა გოგოს ვზრდი, ქართველ გოგოს, რომელიც არის მეგრელი პატარა გოგო. რომ არა ბედის უკუღმართობა - მასავით პატარა გოგოები და ბიჭები უკვე საუბედუროდ არის ასეულობით ათასობით ქვეყანაში დევნილი საკუთარი სოხუმიდან, საკუთარი ქალაქიდან, რომ არა ეს უბედურებები, ეს ბავშვები არა თბილისში, არამედ აფხაზეთში, სამაჩაბლოში უნდა დაბადებულიყვნენ. შაბათს მე მოვუწოდებ ყველა დედას, არჩევნებზე მივიდეთ. ქართველ დედებს არ გვეკადრება, რომ ამ ბავშვებს დაუტოვოთ ჩვენი საბრძოლველი ბრძოლები. შაბათს ერთ მხარეს დევს ბოროტება, რომელმაც ჩვენი შვილები ჩახოცა, ისეთ გაუაზრებელ ომში, რომ შემდეგ მიწასაც არ მიაბარა. შაბათს ერთ მხარეს დევს ის ფარისევლური ძალა, რომელიც ზეიმობდა ტერიტორიების დაკარგვას, ისედაც ერთი ბეწო საქართველოსი. მეორე მხარეს ვართ ჩვენ, დიახ ჩვენ. ჩვენ ვართ ის ხელისუფლება, რომელმაც თუნდაც ერთი მაგალითი კმარა, რომ ეს ძალა დავახასიათოთ „ქართული ოცნების“ ხელისუფლება. ჩვენმა ხელისუფლებამ, მსოფლიოში ყველაზე მაღალი რეპუტაციის მქონე ტრიბუნალიდან, სტრასბურგიდან სახლში ჩამოუტანა ჩვენს შვილებს ვერდიქტი, სასამრთლო ვერდიქტი, არა პოლიტიკური განცხადება, არა პოლიტიკური პრანჭიაობა, არამედ ვერდიქტი, რომელშიც წერია, რომ ქართველები, აფხაზები, ოსები ძმები არიან და რომ ომი არის ცუდი. რომ დევნილები უნდა დავბრუნდეთ, რომ ჩვენი შვილები უნდა დაბრუნდნენ რომ ჩვენი შვილები უნდა დაბრუნდნენ თავიანთ თანატოლებთან, ამისათვის ჩვენ უნდა ვიბრძოლოთ. რა კავშირი აქვს ამას შაბათის არჩევნებთან? კავშირი არის მარტივი. იმიტომ რომ ერთ მხარეს არის სიყალბე, ქართველთმოძულეობა, ადამიანთმოძულეობა, ფსევდოევროპელობა და მეორე მხარეს არის გულწრფელი ძალა. სია, თუ რა ვაკეთეთ არის გრძელი, ამისათვის მე დღეს დრო არ მეყოფა, მაგრამ ჩვენ დღეს გვყავს დამოუკიდებელი სასამართლო აღმასრულებელი ხელისუფლებისგან, რომლის წინაშე ჩივილსაც თქვენ აზრიანად მიიჩნევთ, ჩვენ დღეს გვაქვს საპატიმრო, სადაც პატიმარს ციხის ინსპექტორის არ ეშინია, დღეს ჩვენ გვყავს პრემიერ-მინისტრი, რომელიც აქ ბრძანდება და რომელიც არის ის, ვინც ხელი მოაწერა ევროკავშირთან ასოცირების შეთანხმებას არა თავისთვის, არა ჩემთვის და ჩემნაირებისთვის, არამედ თქვენთვის, ახალგაზრდებისთვის. ჩვენ ვართ ის ხელისუფლება, რომელმაც გახსნა საზღვრები ევროკავშირთან და ნატოსა და ევროკავშირის კარზე კაკუნი, რომელიც მატყუარა სააკაშვილმა კი არ დაიწყო, ეს დაიწყო იმ დიდმა ჯგუფმა ქართველი დიპლომატების, რომელთაგან ზოგი გარდაცვლილია, ზოგი დღეს ასაკშია. აი ეს კაკუნი, ჩვენ ამ პროცესის შედეგი დავაყენეთ და არ დარჩა უბრალოდ კაკუნად. წინ გრძელი გზაა ევროპაში იმ კუთვნილი ადგილის დამკვიდრებამდე, რაც ჩვენ შვილებს ნამდვილად ეკუთვნით.რა იქნება მომავალში? მომავალში ჩვენ ყველაფერს გავაკეთებთ იმისთვის, რომ ყველაზე ორ დიდ მტერს ვებრძოლოთ, რომელიც ყველაზე ძნელი დასამარცხებელია. ეს არის მიმდინარე ოკუპაცია და ეს არის სიღარიბე. ეს არის ის ორი რეალური მტერი, რომელიც დღეს ჰყავს ჩვენს ქვეყანას. სამი წლის მანძილზე აღარ იქნება არჩევნები, მაგრამ არჩევნები ერთ დღეს ნამდვილად იქნება კონსტიტუციურ ვადებში. ჩვენი ხელისუფლების ვალია, რომ ხელისუფლება გადააბაროს არა ლეშიჭამიებს, არა ქართველთმოძულეებს, არა იმათ, ვინც ბნელი წარსულის მოციქულები არიან და ახლა საკნებიდან იჭყიტებიან, არა იმათ, ვინც ებრძვის ილია მეორეს, არა იმათ, ვინც ებრძვის სიწმინდეს, ხატს და ჯვარს, არა იმათ, ვისაც უნდა საკუთარი ფეხის ქვეშ დამონებული ქართველი, არამედ ახალ თაობებს, იმ ბავშვებს, რომლებიც დღეს შემოგვყურებენ და რომელთა მომავლისთვისაც ჩვენ ვდგავართ მაგრად, ვდგავართ მყარად და შაბათს გავიმარჯვებთ დამაჯერებლად.მადლობა ყველას, ყველანი მივდივართ შაბათს არჩევნებზე, ვიმარჯვებთ და ვაგრძელებთ შრომას. ის, რაც მე ჩამოვთვალე, ის, რასაც სხვები ჩამოთვლიან, ის სირთულეები, რაც ყველას ოჯახში ტრიალებს, რა თქმა უნდა, მოსაგვარებელია, ეს ჩვენი თაობის მძიმე ხვედრია, მაგრამ ეს ის ხვედრია, რომელიც რჩეულთა ხვედრია, ჩვენ ჩვენი შრომით შევძლებთ იმას, რომ ჩვენს ბავშვებს, ახალგაზრდებს უკეთეს საქართველოს გადავაბარებთ. ღმერთი გფარავდეთ! წინ გამარჯვებისკენ!

27 ოქტომბერი, 2021

მოგესალმებით, მეგობრებო, თანამებრძოლებო, მხარდამჭერებო, მოგესალმებით ჩვენს მოქალაქეებს,მოგესალმებით თავისუფლების მოედანზე შეკრებილ ათი ათასობით ადამიანს, რომლებიც აქ თავისუფლების იდეამ კიდევ ერთხელ შეგკრიბათ.2012 წელს, აქ, ამ მოედანზე შეკრებილმა ადამიანებმა, თავიანთი ერთიანობით, საფუძველი ჩაუყარეს ახალ სახელმწიფოებრივ წესრიგს, რომელიც დღემდე ადამიანის ღირსების, სახელმწიფოსა და ეკლესიის პატივისცემის, ჰუმანურობისა და თავისუფლების იდეების კარნახით მოქმედებს. მადლობა ჩვენი პარტიის დამფუძნებელს, ბიძინა ივანიშვილს, რომელიც 10 წლის წინ სათავეში ჩაუდგა ამ ბრძოლას თავისუფლებისთვის და ქართველ ხალხთან, ქართულ საზოგადოებასთან ერთად, დაამარცხა სიძულვილსა და სიცრუეზე აგებული დანაშაულებრივი რეჟიმი. ჩვენი პარტია - „ქართული ოცნება“ დღემდე ამ იდეების ერთგულია და მომართულია უზრუნველყოს ჩვენი ქვეყნის სწრაფი წინსვლა და განვითარება.ყველას მინდა მოგილოცოთ 2 ოქტომბრის გამარჯვება, რომელშიც თითოეული თქვენგანის წვლილი განსაკუთრებულია.30 ოქტომბერს ეს გამარჯვება ბოლომდე უნდა მივიყვანოთ. ბრძოლა ღირსებისთვის, თავისუფლებისთვის, მშვიდობისა და წინსვლისთვის გრძელდება.ჩვენ გვაქვს ჩვენი ქართული ოცნება. ეს არის ოცნება ერთიან საქართველოზე.ჩვენი ოცნებაა გაერთიანებული საქართველო - აფხაზეთისა და ცხინვალის, ჩვენი აფხაზი და ოსი ძმების და დების დაბრუნება. ჩვენი ოცნებაა ეროვნული ერთიანობა, სადაც ადამიანებს არ ყოფს სიძულვილი, არამედ აერთიანებს სიყვარული ერთმანეთისადმი, სამშობლოსადმი, ეროვნული ღირებულებებისადმი.ჩვენი ოცნებაა საქართველო ძლიერი ქალაქებით, ძლიერი სოფლებით, ძლიერი ოჯახებით.ჩვენი ოცნებაა, გავხდეთ ევროპული ოჯახის სრულუფლებიანი წევრი.ამ ოცნებითა და მიზნებით შეიქმნა ჩვენი პარტია 2012 წელს და სწორედ ეს ოცნება და მიზნები, სამშობლოს სიყვარული და ეროვნული ფასეულობების ერთგულება მოგვცემს ძალას, დაწყებული საქმე ბოლომდე მივიყვანოთ.სადაც არ არის სამართლიანობა და მშვიდობა, იქ არ არის წინსვლა და განვითარება. ჩვენ 30 ოქტომბერს გვიპირისპირდება არა ჯანსაღი პოლიტიკური ოპონენტი, არამედ რადიკალური ანტისახელმწიფოებრივი და ანტისაეკლესიო დაჯგუფება, რომელიც უკვე 18 წელია, არის მუდმივი საფრთხე ქართული სახელმწიფოსთვის და დემოკრატიისთვის. 30 ოქტომბერს ტარდება ბოლო არჩევნები 2024 წლამდე, დანაშაულებრივი დაჯგუფების ლიდერი კი ციხეში იხდის დამსახურებულ სასჯელს. არჩევნებში გამარჯვება და სააკაშვილის ციხეში ყოფნა ეს არის ორი ფაქტორი, რომელიც გვაძლევს უნიკალურ შესაძლებლობას, ეს არის უნიკალური შესაძლებლობა, საბოლოოდ დავამთავროთ ჩვენს ქვეყანაში პოლარიზაცია და ქვეყანა განვითარების სრულიად სხვა ეტაპზე გადავიყვანოთ. ამისთვის კი აუცილებელია, 2 ოქტომბრის გამარჯვება 30 ოქტომბერს ბოლომდე მივიყვანოთ. 30 ოქტომბერს ჩვენ კიდევ ერთხელ უნდა გავაკეთოთ სწორი არჩევანი უსამშობლობასა და ქვეყნის სიყვარულს შორის, ძალადობასა და თავისუფლებას შორის, სიცრუესა და სიმართლეს შორის, სიძულვილსა და სიყვარულს შორის, არეულობასა და მშვიდობას შორის. 30 ოქტომბერს ერთხელ კიდევ უნდა გავაკეთოთ არჩევანი წინსვლის, საქართველოს ღირსეული მომავლის სასარგებლოდ. გამარჯვება მივიყვანოთ ბოლომდე!

27 ოქტომბერი, 2021

საქართველოს პრემიერ-მინისტრ ირაკლი ღარიბაშვილი სიტყვით გამოსვლა „ქართული ოცნების“ შემაჯამებელ შეკრებაზე მოგესალმებით, ჩემო თანამოქალაქენო, ჩემო თანამებრძოლებო, ჩემო მეგობრებო. მივესალმები ჩვენს ღირსეულ, ამაყ, თავისუფლების მოყვარულ და დაუმარცხებელ ქართველ ხალხს, მივესალმები სრულიად საქართველოს! ჩემთვის დიდი პატივია, ძვირფასებო, ათიათასობით საქართველოს მოქალაქის, ამდენი გულანთებული, პატრიოტი ადამიანის წინაშე სიტყვით გამოსვლა. პირველ რიგში, მე მინდა გულწრფელი მადლობით დავიწყო ჩემი გამოსვლა. დიდი მადლობა თქვენი ერთგულებისთვის, თქვენი ნდობისთვის, თავდადებისთვის, თქვენი სიმტკიცისთვის, თქვენი ბრძოლისთვის, მადლობა დღეს აქ მობრძანებისთვის, დიდი მადლობა ყველას! დღეს, აქ, თავისუფლების მოედანზე შევიკრიბეთ თავისუფლებისთვის მებრძოლი ადამიანები, ადამიანები, რომლებმაც 2012 წელს, სწორედ აქ, ამ ადგილზე ვაჩვენეთ ქართველი ხალხის ძალა და სიბრძნე, ქართველი ხალხის მტკიცე სურვილი, იცხოვრონ თავისუფალ, სამართლიან, დემოკრატიულ, მშვიდობიან და ძლიერ სახელმწიფოში, სახელმწიფოში, სადაც დაცულია ადამიანის ფუნდამენტური უფლებები, ადამიანის ღირსება და თავისუფლება, სადაც ადამიანი და მისი სიცოცხლე უმთავრესი ღირებულებაა. 2012 წელს, ჩვენი პარტიის დამფუძნებლის, ბიძინა ივანიშვილის ლიდერობით, ამ ქვეყნის რიგითმა ჯარისკაცებმა მშვიდობიანი აქციით განვაიარაღეთ ავტორიტარული, ხალხის მჩაგვრელი რეჟიმი და ხელისუფლებას ჩამოვაშორეთ მკვლელების, ჯალათებისა და მოღალატეების პარტია, ანტისახელმწიფოებრივი, ანტიეროვნული და ანტიეკლესიური ძალა. ჩვენ დავაფუძნეთ ის ღირებულებები და ფასეულობები, ჩემო ძვირფასებო, რომლითაც ქვეყანა დღემდე იმართება. ჩვენ ვართ ხელისუფლება, რომელმაც დამოუკიდებელი საქართველოს ისტორიაში ყველაზე ხანგრძლივად შეძლო მშვიდობისა და სტაბილურობის უზრუნველყოფა, ჩვენ საფუძველი ჩავუყარეთ ფუნდამენტურ რეფორმებს, ჯანდაცვის, განათლების, ინფრასტრუქტურის, სოფლის მეურნეობისა და ეკონომიკის მიმართულებით, პროგრესი და წინსვლა ხელშესახებია ყველა სფეროში, საშინაო თუ საგარეო ფლანგზე, ყველა მიმართულებით, სახელმწიფო მოქალაქეს გვერდში დაუდგა, გავათავისუფლეთ დატერორებული ბიზნესი და მედია. რაც მთავარია, ხელისუფლება ხალხის სამსახურში ჩადგა და მოქალაქეზე ორიენტირებული გახდა. ხელისუფლება ხალხის ნაწილად იქცა, რომელიც უსმენს და გრძნობს მოქალაქეების მაჯისცემას და რაც მთავარია, ხელისუფლება ემსახურება ხალხს. დღეს, ჩემო ძვირფასებო, აღარავის უნდა მხოლოდ წარსულზე საუბარი, რადგანაც წინ უამრავი საქმე გვაქვს გასაკეთებელი, საქართველოს და ჩვენი ხალხის წინაშე მრავალი პრობლემა და გამოწვევაა. ვებრძვით პანდემიას, ვიმყოფებით ძალიან რთულ გეოპოლიტიკურ ვითარებაში, ტერიტორიების 20% სააკაშვილის გაუაზრებელი თუ მოღალატეობრივი პოლიტიკის შედეგად დროებით ოკუპირებულია,ეკონომიკა ჯერ კიდევ არ არის განვითარების იმ დონეზე, როგორც დემოკრატიაა, ჯერ კიდევ ბევრ ადამიანს სჭირდება დახმარება, დიდ გამოწვევად რჩება უმუშევრობა და სიღარიბე. დიახ, ჩვენ მომავალზე უნდა ავიღოთ სწორება, თუმცა, წარსულის გახსენება და შეხსენება ძალიან მნიშვნელოვანია.ისტორია ყველაზე კარგი მასწავლებელია და უნდა გვახსოვდეს საიდან მოვდივართ, რა გზა გამოვიარეთ და რომ აღარ უნდა დავუშვათ, აღარ უნდა გავიმეოროთ წარსულის შეცდომები, გამოუსწორებელი შეცდომები, სამოქალაქო ომი, ტერიტორიების დაკარგვა, ქვეყანაში კრიმინალური ბანდების თარეში, დიქტატორი სააკაშვილის მჩაგვრელი რეჟიმის მმართველობა...ჩვენ ეტაპობრივად, ნაბიჯ-ნაბიჯ აღვადგინეთ სამართლიანობა, დავაკავეთ მჩაგვრელი და მოძალადე რეჟიმის მთავარი შემოქმედები, ახალაია,  მერაბიშვილი, უგულავა, ციხის ჯალათები, მწამებლები და მკვლელები... სააკაშვილის ერთ-ერთი მთავარი ჯალათი, მეგის ქარდავა, რამდენიმე კვირის წინ ჩამოვიყვანეთ უკრაინიდან საქართველოში, 1 ოქტომბერს კი თავად ამ სისხლიანი და მოძალადე რეჟიმის მთავარ შემოქმედს, საკუთარი ქვეყნის მოქალაქეობაზე უარის მთქმელ, ქვეყნის მოღალატე და ხალხის მჩაგვრელ, საქართველოდან გაქცეულ და ახლახანს ლაჩრულად, ქურდულად შემოპარულ მიხეილ სააკაშვილს კუთვნილი ადგილი დიდი ხნით მივუჩინეთ ციხეში.ადრე თუ გვიან, ძვირფასებო, სამართალი ყველასთან მივა და ჩვენ არავის ვაპატიებთ ჩვენი ხალხის ჩაგვრას,არავის ვაპატიებთ ჩვენი ტერიტორიების დაკარგვას,არავის ვაპატიებთ ჩვენი მიწის გაყიდვას,არავის ვაპატიებთ ჩვენი პატრიარქის, სასულიერო პირებისა და ქართული სახელმწიფოს ფუნდამენტის, მართლმადიდებლური ეკლესიის ლანძღვასა და შეურაცხყოფას.არ შემიძლია არ გავიხსენო ჩვენი პარტიის დამფუძნებლის, ბიძინა ივანიშვილის სიტყვები, რომ საქართველოს დასაკარგი და მოსაკვეთი არავინ ჰყავს. როგორი დანაშაულებიც არ უნდა ჰქონდეთ ჩადენილი კონკრეტულ პირებს, ჩვენ მათ მოვექცევით არა ისე, როგორც თავად იმსახურებენ, არამედ როგორც ამას ჩვენი ქვეყანა და თქვენ, ხალხი იმსახურებს. ჩვენ არ მოვექეცით და არ მოვექცევით მათ ისე, როგორც მტრებს, როგორც თავად ექცეოდნენ წლების განმავლობაში ჩვენს ხალხს, ჩვენ მათ ჩვენი ღირსებით, მაგრამ მკაცრად და სამართლიანად ვაგებინებთ პასუხს. დაე, ყველამ იცოდეს და კარგად გაიგოს, რომ ჩვენ ვართ დამოუკიდებელი, სუვერენული და სამართლებრივი სახელმწიფო, სადაც კანონის უზენაესობა უმთავრესია და მართლმსაჯულება ყველასთვის თანაბრად განხორციელდება. ჩვენ დღეს, აქ შეკრებით ჩვენ მთელ მსოფლიოს ვაჩვენეთ ქართველი ხალხის არჩევანი, ქართველი ხალხის, თქვენი ძალა, ძალა, რომელიც დაამარცხებს ნებისმიერ ბოროტებას, ძალა, რომელიც დაასრულებს დესტაბილიზაციას, დაასრულებს ბოროტი ძალების რევანშს და ქვეყნის გრძელვადიან, სტაბილურ და მშვიდობიან განვითარებას უზრუნველყოფს. რამდენიმე დღეში, ჩვენ კიდევ ერთხელ უნდა გავაკეთოთ რჩევანი. არა უბრალოდ არჩევანი ერთ და მეორე პოლიტიკურ პარტიას შორის, არამედ არჩევანი სამართლიანობასა და უსამართლობას, სიკეთესა და ბოროტებას, შორის, მშვიდობასა და ქაოსს, ზრუნვასა და ჩაგვრას, განვითარებასა და რეგრესს, საბოლოო ჯამში ჩვენი ქვეყნის მომავალსა და წარსულში დაბრუნებას შორის.ეს არის ცივილიზაციური არჩევანი, ეს იქნება ჩვენი ხალხის არჩევანი, რომელიც კიდევ ერთხელ გაარკვევს, თუ რა სურს ჩვენს დიდებულ ხალხს, სურს, რომ დარჩენილი 20 მუნიციპალიტეტების მართვის სადავეები ანტიეკლესიურმა და ანტიეროვნულმა ძალებმა, მკვლელებმა და მწამებლებმა აიღონ და რეგიონებში შეიტანონ მუდმივი საბოტაჟი, ბოიკოტი, ქაოსი და არეულობა - თუ ჰუმანური, ნამდვილად დემოკრატიული, ევროპული და ეროვნული ღირებულებების მქონე პატრიოტმა ხელისუფლებამ, რომელსაც აქვს რეალური ხედვა და რესურსი, ჩვენი ხალხის უმრავლესობის ნდობა, ერთხელ და სამუდამოდ უზრუნველყოს ქვეყნის სტაბილური და მშვიდობიანი განვითარება?! აი ამ კითხვაზე ჩვენ უნდა გავცეთ პასუხი 30 ოქტომბერს. რამდენიმე დღეში მაქსიმალური მობილიზაციით კიდევ ერთხელ უნდა დავირაზმოთ, რათა 2 ოქტომბრის ტრიუმფალური გამარჯვება ბოლომდე მივიყვანოთ ! ჩვენ საარჩევნო კამპანიის განმავლობაში, მოგეხსენებათ, რომ მოვიარეთ მთელი საქართველო, უშუალოდ შევხვდით მოსახლეობას და მათი პრობლემები და გამოწვევები მოვისმინეთ, ხალხს სჭირდება მშვიდობა, სტაბილურობა, სამუშაო ადგილები, კეთილდღეობა და არა ეს არეულობა, ქაოსი, დესტაბილიზაცია, ბოიკოტი და რევანში! ჩვენ ერთად, ერთობლივი ძალისხმევით, ყველა პრობლემის დაძლევას შევძლებთ! მე დარწმუნებული ვარ და მტკიცედ მჯერა, მომდევნო წლები იქნება აღმშენებლობის, მშვიდობისა და სტაბილურობის წლები! გაერთიანების წლები!ჩემი დიდი სურვილია, დავასრულოთ დაპირისპირება და გავერთიანდეთ! გავერთიანდეთ ისევე, როგორც ამას ჩვენი ეროვნული განძი და კულტურის სიამაყე, ჩვენი წინაპრების შექმნილი ქართული პოლიფონია გვასწავლის, ჩვენი მრავალჟამიერი გვასწავლის, სადაც განსხვავებული ხმები ერთიან ჰარმონიას ქმნიან. ჩვენ ერთად აუცილებლად გავიმარჯვებთ, თბილისი გაიმარჯვებს!ზუგდიდი გაიმარჯვებს! ქუთაისი გაიმარჯვებს! ბათუმი გაიმარჯვებს!ოზურგეთი გაიმარჯვებს! რუსთავი გაიმარჯვებს! ფოთი გაიმარჯვებს!თელავი გაიმარჯვებს! თიანეთი გაიმარჯვებს! ქარელი გაიმარჯვებს!ხაშური გაიმარჯვებს! ცაგერი გაიმარჯვებს! ბაღდათი გაიმარჯვებს !  წყალტუბო, სენაკი გაიმარჯვებს! მარტვილი გაიმარჯვებს!  ხობი გაიმარჯვებს! წალენჯიხა გაიმარჯვებს! ჩხოროწყუ გაიმარჯვებს !ხელვაჩაური გაიმარჯვებს და საქართველო გაიმარჯვებს!ღმერთი იყოს ჩვენი მფარველი!

27 ოქტომბერი, 2021

პირველ რიგში, კიდევ ერთხელ მინდა მივმართო ყველას, ვისთვისაც მნიშვნელოვანია ქვეყნის მშვიდობიანი განვითარება და სტაბილურობა, ეროვნულ ღირებულებებზე დაფუძნებული ევროპული მომავალი, ვისაც უნდა, რომ იცხოვროს ისეთ ქვეყანაში, სადაც ადამიანის უფლებების უზენაესობა აღიარებულია, შემოგვიერთდით ჩვენი პოლიტიკური გუნდის საარჩევნო კამპანიის დასკვნით ღონისძიებაზე, რომელიც იქნება ბოლო წლების განმავლობაში ერთ-ერთი ყველაზე მასშტაბური შეკრება. დღეს ქართული საზოგადოება კიდევ ერთხელ უჩვენებს ყველას, რომ ღირებულებით არჩევანს სიკეთის, ჰუმანურობისა და პროგრესის სასარგებლოდ აკეთებს და ბოროტებას, ძალადობასა და რეგრესს მკაფიო უარს ეუბნება! ამავდროულად, მინდა მადლობა გადავუხადო იმ ათობით ათას ადამიანს, რომელიც დღეს თავისუფლების მოედანზე ქართული ოცნების საარჩევნო კამპანიის შემაჯამებელ ღონისძიებას უერთდება და ღირებულებით არჩევანში საკუთარ მყარ პოზიციას აფიქსირებს. ასევე, მადლობას ვუხდით ძალიან ბევრ ჩვენს მხარდამჭერს, რომლებსაც დიდი სურვილი ჰქონდა დღეს ჩვენს გვერდით ფიზიკურად ყოფილიყო, თუმცა, კონკრეტული მიზეზების გამო ისინი შეკრებაზე მოსვლას ვერ ახერხებენ, მაგრამ სოციალური ქსელებისა და მედიის საშუალებით თვალს გვადევნებენ და, რაც მთავარია, ჩვენი შეკრების სულისკვეთებას თავიდან ბოლომდე იზიარებენ. კარგად გვესმის, რომ ხალხმრავალმა, ბოლო წლების ერთ-ერთმა ყველაზე მასშტაბურმა შეკრებამ, შესაძლოა, ჩვენი მოქალაქეებისთვის გადაადგილების პროცესში გარკვეული დისკომფორტი შექმნას, თუმცა, მადლობას ვუხდით ქართულ საზოგადოებას, რომელმაც ზუსტად იცის, რომ, როდესაც საქმე ქვეყნის მომავალს ეხება, ყველაზე მნიშვნელოვანი სწორედ ეს საკითხია. რაც შეეხება უშუალოდ შეკრებას, მოსალოდნელია, რომ მთელი რიგი პარტიული აქტივისტებისა და სამწუხაროდ, მედიების მხრიდან ტრადიციულად იქნება მცირე პროვოკაციები, ეცდებიან შექმნან დაძაბულობის ფონი, თუმცა ყველა ჩვენს მხარდამჭერს გთხოვთ და მოგიწოდებთ, ნუ აყვებით ამ მდარე პროვოკაციას. დარწმუნებული ვარ, ისინი ვერ შეძლებენ ჩვენი შეკრებისთვის ჩრდილის მიყენებასა და მათთვის სასურველი სურათის შექმნას. ბოლოს, კიდევ ერთხელ მინდა მოვუწოდო ყველას, ვისთვისაც მნიშვნელოვანია წლების მანძილზე ბრძოლით მოპოვებული თავისუფლების დაცვა, განვითარება თუ სამართლიანობა, შემოგვიერთდით და ყველას ერთად ვუჩვენოთ სად, რომელი ღირებულებების მხარეს დგას ჩვენი ქვეყანა და ქართული საზოგადოება! გამარჯვება მივიყვანოთ ბოლომდე!

26 ოქტომბერი, 2021

როგორც საზოგადოებამ იცის, რამდენიმე დღის წინ საარჩევნო ადმინისტრაციამ შეაჯამა 2 ოქტომბრის არჩევნების შედეგები. ამ შედეგების მიხედვით 64-დან 44 მუნიციპალიტეტში მერად არჩეულია ქართული ოცნების კანდიდატი, მეორე ტურებში გავიდა ყველა ჩვენი კანდიდატი, ქვეყნის მასშტაბით მოვიპოვეთ საკრებულოს მანდატების 65% და გავიმარჯვეთ ოპოზიციის მიერ გამოცხადებულ ხალხის ნდობის ე.წ. რეფერენდუმში.საერთაშორისო დამკვირვებლებმა არჩევნების დღე, ხმის მიცემის და დათვლის პროცესი შეაფასეს როგორც კარგად ორგანიზებული და ამაში ცესკოს როლი განსაკუთრებით აღნიშნეს. დღეს გვინდა, წინა არჩევნებთან შედარების ჭრილში, წარმოგიდგინოთ 2021 წლის ადგილობრივი თვითმმართველობის არჩევნების ზოგიერთი სტატისტიკური მონაცემი.  ეს მონაცემები კიდევ ერთხელ ადასტურებს, თუ რამდენად ყალბი იყო ოპოზიციის მიერ 2020 წლის საპარლამენტო არჩევნების შემდეგ აგორებული ე.წ. „გაყალბებული არჩევნების“ კამპანია. პარლამენტის ექვსთვიანი საბოტაჟის პირობებში, რომელიც ფასილიტაციის და მედიაციის ფონზე მიდიოდა, ისინი რიცხვების მანიპულირებით და დასკვნების ფაბრიკაციით პირდაპირ ატყუებდნენ, როგორც ქართულ საზოგადოებას, ისე ჩვენს უცხოელ პარტნიორებს.  ჩვენ ვნახეთ, რომ წელსაც იყო იგივე მცდელობა. წელსაც ვიხილეთ ოპოზიცია, რომელიც აფრიალებდა ე.წ. გაყალბებულ ბიულეტენებს და ოქმებს, ქვეყნის მტრად და თავდასხმის ობიექტად აცხადებდა საარჩევნო ადმინისტრაციის წარმომადგენლებს. მაგრამ წელს საარჩევნო სტატისტიკით მანიპულაციის მათი მცდელობა თავიდანვე ჩაიშალა. გადამწყვეტი როლი ამაში საარჩევნო რეფორმისას ჩვენი ინიციატივით ჩადებული უბნების 10% გადათვლის მექანიზმმა შეასრულა, რაც სტატისტიკურად იმდენად დიდი და რეპრეზენტატული ოდენობაა, რომ ყოველგვარ სპეკულაციას წერტილი დაუსვა. ასევე განსაკუთრებით აღსანიშნავია ცესკოს აქტიური საკომუნიკაციო სტრატეგიის ფარგლებში ოპოზიციის ნებისმიერ დეზინფორმაციაზე მყისიერი რეაგირება. 2 ოქტომბრის არჩევნებამდე ჩვენ ვაცხადებდით, რომ ოპოზიცია არა 2 ოქტომბრისთვის და არჩევნებისთვის, არამედ 3 ოქტომბრისთვის და არეულობისთვის ემზადებოდა. ეს ჩვენი ვარაუდი გამართლდა. ჩვენ ვნახეთ, თუ რა იყო ოპოზიციის რეალური გეგმა და ამ გეგმას ერქვა მიხეილ სააკაშვილის ჩამოსვლა და მისი თაოსნობით ქვეყანაში დაპირისპირების და არეულობის მოწყობა. თუმცა, შესაბამისი სამსახურების მიერ მიხეილ სააკაშვილის დაკავებამ ეს გეგმა ჩაშალა. დღესაც, თუკი მათ კამპანიას მოვაცილებთ სრულად პოპულისტურ სატყუარებს, რომლებსაც არჩევნებამდე ერთი კვირით ადრე ყალბი გაერთიანების დაანონსებით და ყალბი დაპირებების სახით გასცემენ, დავინახავთ, რომ მათი მთავარი გეგმა კვლავ მიხეილ სააკაშვილს უკავშირდება. დღესაც, მათი გეგმა არის არა 30 ოქტომბრის მეორე ტურისთვის მზადება, არამედ, მიხეილ სააკაშვილის ფიზიკური მდგომარეობით სპეკულირება. ამიტომ მოსალოდნელია რომ არჩევნებამდე დარჩენილი დღეების განმავლობაში და არჩევნების დღეს მაქსიმალურად ეცდებიან ამ თემით საზოგადოების დაზაფვრას და სხვადასხვა სახის პროვოკაციების მოწყობას. თუმცა, ისევე როგორც 2 ოქტომბერს, ამ ჯერზეც ჩვენ, ქართველ ხალხთან ერთად, მათ ამ გეგმების განხორციელების შესაძლებლობას არ მივცემთ.ქართველ ხალს არ უნდა ქაოსი, რადიკალური პოლიტიკური დღის წესრიგი და წარსულში დაბრუნება, არამედ მშვიდობიანი, პროგრესზე ორიენტირებული და ეროვნულ ღირებულებებზე დაფუძნებული განვითარება.  ამიტომ მოვუწოდებ ყველას ვისთვისაც მნიშვნელოვანია ეროვნული ღირებულებები, ღირსება, თავისუფლება, მშვიდობა და განვითარება შევიკრიბოთ ხვალ 27 ოქტომბერს 17:00 სთ-ზე თავისუფლების მოედანზე და გამარჯვება მივიყვანოთ ბოლომდე.

25 ოქტომბერი, 2021

დასრულდა საქართველოს პრემიერ მინისტრის ირაკლი ღარიბაშვილის და „ქართული ოცნების“ თავმჯდომარის ირაკლი კობახიძის შეხვედრები რეგიონების იმ მუნიციპალიტეტებში, სადაც 30 ოქტომბერს ადგილობრივი თვითმმართველობის არჩევნების მეორე ტური ჩატარდება. ბოლო შეხვედრა ხაშურში გაიმართა, სადაც პრემიერ-მინისტრი და მმართველი პარტიის თავმჯდომარე მუნიციპალიტეტის მერობის კანდიდატს თენგიზ ჩიტიაშვილს, საარჩევნო შტაბის ხელმძღვანელს და მხარდამჭერებს შეხვდნენ.  შეხვედრას ესწრებოდნენ საპარლამენტო უმრავლესობის წევრი, ხაშურის მაჟორიტარი დეპუტატი ზაალ დუგლაძე, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი და სახელმწიფო რწმუნებული შიდა ქართლის მხარეში ვალერიან მჭედლიძე. პრემიერ-მინისტრმა და „ქართული ოცნების“ თავმჯდომარემ მეორე ტურის წინასაარჩევნო შეხვედრები აჭარის, სამეგრელოს, რაჭა-ლეჩხუმ-ქვემო სვანეთის, იმერეთის, ქვემო ქართლის, კახეთის, მცხეთა-მთიანეთისა და შიდა ქართლის რეგიონების 20 მუნიციპალიტეტში გამართეს.

25 ოქტომბერი, 2021

საქართველოს პრემიერ-მინისტრი ირაკლი ღარიბაშვილი და „ქართული ოცნების“ თავმჯდომარე ირაკლი კობახიძე ქარელის მუნიციპალიტეტის მერობის კანდიდატს ზაზა გულიაშვილს, საარჩევნო შტაბის ხელმძღვანელს და მხარდამჭერებს შეხვდნენ. შეხვედრას ესწრებოდნენ საპარლამენტო უმრავლესობის წევრი, ხაშურის მაჟორიტარი დეპუტატი ზაალ დუგლაძე,  მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი და სახელმწიფო რწმუნებული შიდა ქართლის მხარეში ვალერიან მჭედლიძე.  დღესვე შეხვედრა გაიმართება ხაშურში.

25 ოქტომბერი, 2021

როგორც მოგეხსენებათ, არჩევნებამდე რჩება რამდენიმე დღე. გასული დღეების განმავლობაში პრემიერ-მინისტრთან ერთად მოვიარე მუნიციპალიტეტები, სადაც ტარდება არჩევნების მეორე ტური. განწყობა არის საბრძოლო და ყველაფერი გაკეთდება იმისათვის, რომ ჩვენმა კანდიდატებმა ოცივე მუნიციპალიტეტში დამსახურებული გამარჯვება მოიპოვონ.ჩვენი პარტიის ყველა წევრს, მხარდამჭერს, მოქალაქეებს მოვუწოდებთ მაქსიმალური ყურადღებისა და მობილიზაციისკენ, რათა 2 ოქტომბრის გამარჯვება მივიყვანოთ ბოლომდე.ამასთან, გაცნობებთ, რომ ზეგ, 27 ოქტომბერს, 17 საათზე გაიმართება ჩვენი პარტიის მხარდამჭერების შემაჯამებელი საარჩევნო შეკრება. ათეულობით ათასი ჩვენი ქვეყნის მოქალაქე შეიკრიბება იმისათვის, რომ კიდევ ერთხელ ვაჩვენოთ, თუ როგორია ქართველი ხალხის ძალა, რომელიც იბრძვის ბოროტების საბოლოოდ დასამარცხებლად, ღირსებისა და თავისუფლების დასაცავად, ჩვენი ქვეყნის წინსვლისა და განვითარებისთვის.2 ოქტომბერს ჩვენ ნდობა გამოგვიცხადა ამომრჩევლის 47 პროცენტმა, პრაქტიკულად ყოველმა მეორე ამომრჩეველმა, რაც გვაძლევს ახალ სტიმულს და გვაკისრებს პასუხისმგებლობას, შემდეგი სამი წლის განმავლობაში ვიზრუნოთ ჩვენი ქვეყნისა და ხალხის კეთილდღეობისათვის.ეს გამარჯვება 30 ოქტომბერს ბოლომდეა მისაყვანი. ყველა, ვისთვისაც ძვირფასია ჩვენი ქვეყნის მომავალი, მშვიდობა, სტაბილურობა და განვითარება, ოთხშაბათს, 27 ოქტომბერს გელოდებით თავისუფლების მოედანზე.

24 ოქტომბერი, 2021

საქართველოს პრემიერ-მინისტრი ირაკლი ღარიბაშვილი და „ქართული ოცნების“ თავმჯდომარე ირაკლი კობახიძე თელავში, მუნიციპალიტეტის მერობის კანდიდატს ლევან ანდრიაშვილს, საარჩევნო შტაბის ხელმძღვანელს და მხარდამჭერებს შეხვდნენ. შეხვედრას ესწრებოდნენ „ქართული ოცნების“ რეგიონული მდივანი დიმიტრი სამხარაძე, პარლამენტის მაჟორიტარი დეპუტატები, უმრავლესობის წევრები ირაკლი ქადაგიშვილი, დავით სონღულაშვილი, დავით მათიკაშვილი, გელა სამხარაული, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი, სახელმწიფო რწმუნებული კახეთის მხარეში ირაკლი შიოშვილი, „ქართული ოცნების“ რეგიონული ორგანიზაციის თავმჯდომარე, საარჩევნო შტაბის ხელმძღვანელი პლატონ კალმახელიძე. თელავის გარდა დღეს შეხვედრა გაიმართა თიანეთში. დაგეგმილია შეხვედრები შიდა ქართლის რეგიონში. პრემიერ-მინისტრი და „ქართული ოცნების“ თავმჯდომარე იმ მუნიციპალიტეტებს ეწვევიან, სადაც 30 ოქტომბერს ადგილობრივი თვითმმართველობის არჩევნების მეორე ტური გაიმართება.

24 ოქტომბერი, 2021

გრძელდება საქართველოს პრემიერ-მინისტრ ირაკლი ღარიბაშვილის და „ქართული ოცნების“ თავმჯდომარის ირაკლი კობახიძის შეხვედრები იმ მუნიციპალიტეტებში, სადაც 30 ოქტომბერს ადგილობრივი თვითმმართველობის არჩევნების მეორე ტური გაიმართება.  დღეს შეხვედრა გაიმართა თიანეთში. პრემიერ-მინისტრი და მმართველი პარტიის თავმჯდომარე მუნიციპალიტეტის მერობის კანდიდატს ლევან წიკლაურს, საარჩევნო შტაბის ხელმძღვანელს და მხარდამჭერებს შეხვდნენ.  შეხვედრას ესწრებოდნენ მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი, სახელმწიფო რწმუნებული მცხეთა-მთიანეთის მხარეში დავით ნოზაძე და საკრებულოს მოქმედი თავმჯდომარე სოსო მამულაშვილი. დღესვე შეხვედრა გაიმართება თელავში.

23 ოქტომბერი, 2021

რაჭა-ლეჩხუმ-ქვემო სვანეთისა და იმერეთის რეგიონებში დასრულდა საქართველოს პრემიერ-მინისტრ ირაკლი ღარიბაშვილის და „ქართული ოცნების“ თავმჯდომარის ირაკლი კობახიძის შეხვედრები მუნიციპალიტეტების მერობის კანდიდატებთან, საარჩევნო შტაბების ხელმძღვანელებთან და მხარდამჭერებთან. დღეს ბოლო შეხვედრა ბაღდათში გაიმართა, სადაც პრემიერ-მინისტრი და მმართველი პარტიის თავმჯდომარე მუნიციპალიტეტის მერობის კანდიდატს კახა ენუქიძეს, საარჩევნოო შტაბის ხელმძღვანელს და მხარდამჭერებს შეხვდნენ.  შეხვედრას ესწრებოდნენ პარლამენტის მაჟორიტარი დეპუტატები ზაზა ლომინაძე, გივი ჭიჭინაძე, ბეჟან წაქაძე, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი, სახელმწიფო რწმუნებული იმერეთის მხარეში ზვიად შალამბერიძე. ბაღდათის გარდა, დღეს შეხვედრები გაიმართა ცაგერში, წყალტუბოსა და ქუთაისში. დაგეგმილია შეხვედრები მცხეთა-მთიანეთის, კახეთისა და შიდა ქართლის რეგიონებში. პრემიერ-მინისტრი და „ქართული ოცნების“ თავმჯდომარე იმ მუნიციპალიტეტებს ეწვევიან, სადაც 30 ოქტომბერს ადგილობრივი თვითმმართველობის არჩევნების მეორე ტური გაიმართება.

23 ოქტომბერი, 2021

საქართველოს პრემიერ-მინისტრი ირაკლი ღარიბაშვილი და „ქართული ოცნების“ თავმჯდომარე ირაკლი კობახიძე ქუთაისის მუნიციპალიტეტის მერობის კანდიდატს იოსებ ხახალეიშვილს, საარჩევნო შტაბის ხელმძღვანელს და მხარდამჭერებს შეხვდნენ. შეხვედრას ესწრებოდნენ „ქართული ოცნების“ რეგიონული მდივანი დიმიტრი სამხარაძე, პარლამენტის მაჟორიტარი დეპუტატები ზაზა ლომინაძე, გივი ჭიჭინაძე, ბეჟან წაქაძე, უმრავლესობის წევრები ხატია წილოსანი, დავით კაჭარავა, ვიქტორ სანიკიძე, ეკონომიკისა და მდგრადი განვითარების მინისტრის მოადგილე მარიამ ქვრივიშვილი, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი, სახელმწიფო რწმუნებული იმერეთის მხარეში ზვიად შალამბერიძე. მომდევნო შეხვედრა ბაღდათში გაიმართება.

23 ოქტომბერი, 2021

საქართველოს პრემიერ-მინისტრი ირაკლი ღარიბაშვილი და „ქართული ოცნების“ თავმჯდომარე ირაკლი კობახიძე წყალტუბოს მუნიციპალიტეტის მერობის კანდიდატს გენადი ბალანჩივაძეს, საარჩევნო შტაბის ხელმძღვანელს და მხარდამჭერებს შეხვდნენ. შეხვედრას ესწრებოდნენ პარლამენტის მაჟორიტარი დეპუტატები ზაზა ლომინაძე, გივი ჭიჭინაძე, ბეჟან წაქაძე, უმრავლესობის წევრი ვიქტორ სანიკიძე, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი და სახელმწიფო რწმუნებული იმერეთის მხარეში ზვიად შალამბერიძე. დღესვე შეხვედრები გაიმართება ქუთაისსა და ბაღდათში.

23 ოქტომბერი, 2021

გრძელდება საქართველოს პრემიერ-მინისტრ ირაკლი ღარიბაშვილის და „ქართული ოცნების“ თავმჯდომარის ირაკლი კობახიძის შეხვედრები იმ მუნიციპალიტეტებში, სადაც 30 ოქტომბერს ადგილობრივი თვითმმართველობის არჩევნების მეორე ტური გაიმართება. ირაკლი ღარიბაშვილი და ირაკლი კობახიძე რაჭა-ლეჩხუმ-ქვემო სვანეთში, ცაგერის მუნიციპალიტეტის მერობის კანდიდატს გიორგი ნემსაძეს, საარჩევნო შტაბის ხელმძღვანელს და მხარდამჭერებს შეხვდნენ. შეხვედრას ესწრებოდნენ საპარლამენტო უმრავლესობის წევრი, მაჟორიტარი დეპუტატი გოჩა ენუქიძე, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი და სახელმწიფო რწმუნებული რაჭა-ლეჩხუმ-ქვემო სვანეთის მხარეში პარმენ მარგველიძე. დღესვე შეხვედრები გაიმართება წყალტუბოში, ქუთაისსა და ბაღდათში.

22 ოქტომბერი, 2021

საქართველოს პრემიერ-მინისტრი ირაკლი ღარიბაშვილი და „ქართული ოცნების“ თავმჯდომარე ირაკლი კობახიძე ფოთში, მუნიციპალიტეტის მერობის კანდიდატს ბექა ვაჭარაძეს, საარჩევნო შტაბის ხელმძღვანელს და მხარდამჭერებს შეხვდნენ. შეხვედრას ესწრებოდნენ ხობის მაჟორიტარი დეპუტატი ირაკლი ხახუბია, უმრავლესობის წევრი გია ბენაშვილი, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი და სახელმწიფო რწმუნებული სამეგრელო-ზემო სვანეთის მხარეში გიორგი გუგუჩია. ამით დასრულდა შეხვედრები სამეგრელოს რეგიონის იმ მუნიციპალიტეტებში, სადაც 30 ოქტომბერს ადგილობრივი თვითმმართველობის არჩევნების მეორე ტური გაიმართება. პრემიერ-მინისტრი და მმართველი პარტიის თავმჯდომარე მარტვილის, ჩხოროწყუს, წალენჯიხის, ზუგდიდის, ხობის, სენაკის და ფოთის მერობის კანდიდატებს, საარჩევნო შტაბების ხელმძღვანელებს და მხარდამჭერებს შეხვდნენ.

22 ოქტომბერი, 2021

გრძელდება საქართველოს პრემიერ-მინისტრ ირაკლი ღარიბაშვილის და „ქართული ოცნების“ თავმჯდომარის ირაკლი კობახიძის შეხვედრები სამეგრელოს რეგიონში. სენაკში, პრემიერ-მინისტრი და მმართველი პარტიის თავმჯდომარე მუნიციპალიტეტის მერობის კანდიდატს ვახტანგ გადელიას, საარჩევნო შტაბის ხელმძღვანელს და მხარდამჭერებს შეხვდნენ. ​ შეხვედრას ესწრებოდნენ ხობის მაჟორიტარი დეპუტატი ირაკლი ხახუბია, უმრავლესობის წევრები ირაკლი ბერაია, დაჩი ბერაია, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი და სახელმწიფო რწმუნებული სამეგრელო-ზემო სვანეთის მხარეში გიორგი გუგუჩია. სენაკის შემდეგ, შეხვედრა გაიმართება ფოთში.

22 ოქტომბერი, 2021

გვსურს, საზოგადოების ყურადღება კვლავაც გავამახვილოთ კონკრეტულ პოლიტიკურ სუბიექტებთან აფილირებულ ადგილობრივი სადამკვირვებლო ორგანიზაციების საქმიანობაზე. შეგახსენებთ, რომ აღნიშნულთან დაკავშირებით, ჩვენ საზოგადოებას ბრიფინგი წარვუდგინეთ ინფორმაცია პირველი ტურის წინ, კერძოდ, 9 და 29 სექტემბერს, რომლის საფუძველზე საჯარო წყაროებით მხილებულ იქნა 20 ადგილობრივი ორგანიზაცია, რომლებიც დარეგისტრირდა ცესკოს მიერ. ამ ორგანიზაციათაგან 15 აფილირებული არის ერთიან ნაციონალურ მოძრაობასთან, 3 - ევროპულ საქართველოსთან, ხოლო 2 - პარტია „საქართველოსთვის“. აღნიშნული ბრიფინგების შემდეგ, რიგმა ე.წ. არასამთავრობო ორგანიზაციებმა, პირდაპირ ეთერში განაცხადეს, რომ ეს იყო ქართული ოცნების მხრიდან მათი დისკრედიტაცია და ზეწოლა სამოქალაქო საზოგადოებაზე. ერთ-ერთი, ვინც მსგავსი განცხადებებით გამოირჩეოდა, გახლდათ ბ-ნ ვასილ ურუშაძე, პლატფორმა 20/20-ის ხელმძღვანელი. ორიოდე დღის წინ, კი მთელი საზოგადოება გახდა მოწმე, როგორ წარადგინა ვასილ ურუშაძე ნიკანორ მელიამ თავის გუნდის წევრად და თბილისის მერიაში ერთ-ერთი მნიშვნელოვანი სამსახურის ხელმძღვანელობის კანდიდატად. ამით დადასტურდა, რომ ბ-ნ ურუშაძე და პლატფორმა 20/20, რომელიც როგორც 2020, ასევე 2021 წლებში გამოირჩეოდა არჩევნების მადესკრიდიტირებელი კამპანიის წარმოებით და ისინი არიან პირდაპირ დაკავშირებული ერთიან ნაციონალურ მოძრაობასთან. ჩვენ არაერთხელ საჯაროდ მოვითხოვეთ, რომ ჩვენ მიერ პოლიტიკურ სუბიექტებთან აფილირებულ ე.წ. არასამთავრობო ორგანიზაციებს განეხორციელებინათ დაფინანსების წყაროს იდენტიფიცირება, რაც დღემდე მათ არ განუხორციელებიათ. გამომდინარე იქიდან, რომ ბ-ნ ურუშაძე ოფიციალურად დასახელდა ოპოზიციური პარტიების გუნდის წევრად, მოვითხოვთ პლატფორმა 20/20-მა საჯაროდ წარმოადგინოს დაფინანსების წყარო, რომლითაც მათ განახორციელეს არჩევნებზე მონიტორინგი და პროექტი „ხმის მცველი“. იმის გათვალისწინებით, რომ დადასტურდა პლატფორმა 20/20-ის კავშირი ერთიან ნაციონალურ მოძრაობასთან, შესაძლოა მათი საქმიანობა განხილული იყოს, როგორც უკანონო შემოწირულობა. შესაბამისად, მოვუწოდებთ ადგილობრივ და საერთაშორისო ორგანიზაციებს, დაინტერესდნენ აღნიშნული ფაქტით.

22 ოქტომბერი, 2021

საქართველოს პრემიერ-მინისტრი ირაკლი ღარიბაშვილი და „ქართული ოცნების“ თავმჯდომარე ირაკლი კობახიძე ხობში, მუნიციპალიტეტის მერობის კანდიდატს დავით ბუკიას, საარჩევნო შტაბის ხელმძღვანელს და მხარდამჭერებს შეხვდნენ. ​ შეხვედრას ესწრებოდნენ ხობის მაჟორიტარი დეპუტატი ირაკლი ხახუბია, უმრავლესობის წევრი დაჩი ბერაია, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი და სახელმწიფო რწმუნებული სამეგრელო-ზემო სვანეთის მხარეში გიორგი გუგუჩია. დღესვე შეხვედრები გაიმართება სენაკსა და ფოთში.

21 ოქტომბერი, 2021

საქართველოს პრემიერ-მინისტრ ირაკლი ღარიბაშვილი და „ქართული ოცნების“ თავმჯდომარე ირაკლი კობახიძე ზუგდიდში, მუნიციპალიტეტის მერობის კანდიდატს მამუკა წოწერიას, შტაბის ხელმძღვანელს და მხარდამჭერებს შეხვდნენ. შეხვედრას ესწრებოდნენ ზუგდიდის მაჟორიტარი დეპუტატი ირაკლი ჩიქოვანი, უმრავლესობის წევრი სოზარ სუბარი, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი და სახელმწიფო რწმუნებული სამეგრელო-ზემო სვანეთის მხარეში გიორგი გუგუჩია. ზუგდიდის გარდა, პრემიერ-მინისტრი და მმართველი პარტიის თავმჯდომარე დღეს მარტვილის, ჩხოროწყუსა და წალენჯიხის მუნიციპალიტეტების მერობის კანდიდატებს, შტაბების ხელმძღვანელებს და მხარდამჭერებს შეხვდნენ. შეხვედრები გაიმართა იმ მუნიციპალიტეტებში, სადაც 30 ოქტომბერს ადგილობრივი თვითმმართველობის არჩევნების მეორე ტური ჩატარდება. 22 ოქტომბერს შეხვედრები გაიმართება ხობში, სენაკსა და ფოთში.

21 ოქტომბერი, 2021

გრძელდება საქართველოს პრემიერ-მინისტრ ირაკლი ღარიბაშვილისა და „ქართული ოცნების“ თავმჯდომარის ირაკლი კობახიძის შეხვედრები სამეგრელოს რეგიონში. პრემიერ-მინისტრი და მმართველი პარტიის თავმჯდომარე წალენჯიხაში, მერობის კანდიდატს გოგა გულორდავას, საარჩევნო შტაბის ხელმძღვანელს და მხარდამჭერებს შეხვდნენ. შეხვედრას ესწრებოდნენ მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი და სახელმწიფო რწმუნებული სამეგრელო-ზემო სვანეთის მხარეში გიორგი გუგუჩია. დღესვე შეხვედრა გაიმართება ზუგდიდში.

21 ოქტომბერი, 2021

საქართველოს პრემიერ-მინისტრ ირაკლი ღარიბაშვილის და „ქართული ოცნების“ თავმჯდომარის ირაკლი კობახიძის შეხვედრები სამეგრელოს რეგიონში გრძელდება. რიგით მეორე შეხვედრა ჩხოროწყუში, მუნიციპალიტეტის მერობის კანდიდატ დათო გოგუასთან, საარჩევნო შტაბის ხელმძღვანელთან და მხარდამჭერებთან გაიმართა. შეხვედრას ესწრებოდნენ მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი, სახელმწიფო რწმუნებული სამეგრელო-ზემო სვანეთის მხარეში გიორგი გუგუჩია და ჩხოროწყუს საკრებულოს მოქმედი თავმჯდომარე კობა ჯიქია. დღესვე შეხვედრები გაიმართება, წალენჯიხასა და ზუგდიდში.

21 ოქტომბერი, 2021

საქართველოს პრემიერ-მინისტრი ირაკლი ღარიბაშვილი და „ქართული ოცნების“ თავმჯდომარე ირაკლი კობახიძე მარტვილში, მუნიციპალიტეტის მერობის კანდიდატს თორნიკე ჯანაშიას, საარჩევნო შტაბის ხელმძღვანელს და მხარდამჭერებს შეხვდნენ. შეხვედრას ესწრებოდნენ მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი, სახელმწიფო რწმუნებული სამეგრელო-ზემო სვანეთის მხარეში გიორგი გუგუჩია და მარტვილის მოქმედი მერი ალექსანდრე გრიგალავა. დღესვე შეხვედრები გაიმართება ჩხოროწყუში, წალენჯიხასა და ზუგდიდში.ირაკლი ღარიბაშვილი და ირაკლი კობახიძე 21-22 ოქტომბერს სამეგრელოს რეგიონში იმ მუნიციპალიტეტებს ეწვევიან, სადაც 30 ოქტომბერს ადგილობრივი თვითმმართველობის არჩევნების მეორე ტური გაიმართება.

20 ოქტომბერი, 2021

საქართველოს პრემიერ-მინისტრი ირაკლი ღარიბაშვილი და „ქართული ოცნების“ თავმჯდომარე ირაკლი კობახიძე რუსთავის მერობის კანდიდატს ნინო ლაცაბიძეს, საარჩევნო შტაბის ხელმძღვანელს და მხარდამჭერებს შეხვდნენ. რუსთავის ცენტრალურ საარჩევნო შტაბში გამართულ შეხვედრას ესწრებოდნენ „ქართული ოცნების“ რეგიონული მდივანი დიმიტრი სამხარაძე, საპარლამენტო უმრავლესობის წევრი ლექსო დალაქიშვილი, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი და სახელმწიფო რწმუნებული ქვემო ქართლის მხარეში შოთა რეხვიაშვილი. პრემიერ-მინისტრისა და მმართველი პარტიის თავმჯდომარის შეხვედრები იმ მუნიციპალიტეტებში, სადაც 30 ოქტომბერს ადგილობრივი თვითმმართველობის არჩევნების მეორე ტური გაიმართება, მიმდინარე კვირაში გაგრძელდება. შეხვედრები უკვე გაიმართა ოზურგეთში, ბათუმსა და ხელვაჩაურში.

19 ოქტომბერი, 2021

საქართველოს პრემიერ-მინისტრი ირაკლი ღარიბაშვილი და „ქართული ოცნების“ თავმჯდომარე ირაკლი კობახიძე ოზურგეთში, მერობის კანდიდატს ავთანდილ თალაკვაძეს და საარჩევნო შტაბების ხელმძღვანელებს შეხვდნენ. შეხვედრას ესწრებოდნენ „ქართული ოცნების“ რეგიონული მდივანი დიმიტრი სამხარაძე, კულტურის, სპორტისა და ახალგაზრდობის მინისტრი თეა წულუკიანი, პარლამენტის თავმჯდომარის მოადგილე არჩილ თალაკვაძე, ოზურგეთის, ლანჩხუთისა და ჩოხატაურის მაჟორიტარი დეპუტატი ვასილ ჩიგოგიძე, უმრავლესობის წევრი ნინო წილოსანი, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი, სახელმწიფო რწმუნებული გურიის მხარეში გიორგი ურუშაძე. ოზურგეთის გარდა, დღეს შეხვედრები გაიმართა ბათუმსა და ხელვაჩაურში.რეგიონებში წინასაარჩევნო შეხვედრები მიმდინარე კვირაში გაგრძელდება.

19 ოქტომბერი, 2021

გრძელდება საქართველოს პრემიერ-მინისტრ ირაკლი ღარიბაშვილის და „ქართული ოცნების“ თავმჯდომარის ირაკლი კობახიძის შეხვედრები რეგიონების მუნიციპალიტეტების მერობის კანდიდატებთან და საარჩევნო შტაბების ხელმძღვანელებთან. რიგით მეორე შეხვედრა ბათუმში გაიმართა. შეხვედრას ესწრებოდნენ „ქართული ოცნების“ რეგიონული მდივანი დიმიტრი სამხარაძე, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი, აჭარის მთავრობის თავმჯდომარე თორნიკე რიჟვაძე და ბათუმის მერობის კანდიდატი არჩილ ჩიქოვანი. ბათუმისა და ხელვაჩაურის შემდეგ, დღესვე შეხვედრა გაიმართება ოზურგეთში.

19 ოქტომბერი, 2021

საქართველოს პრემიერ-მინისტრი ირაკლი ღარიბაშვილი და „ქართული ოცნების“ თავმჯდომარე ირაკლი კობახიძე რეგიონების მუნიციპალიტეტების მერობის კანდიდატებთან და საარჩევნო შტაბების ხელმძღვანელებთან შეხვედრებს მართავენ. პირველი შეხვედრა ხელვაჩაურში გაიმართა. შეხვედრას ასევე ესწრებოდნენ „ქართული ოცნების“ რეგიონული მდივანი დიმიტრი სამხარაძე, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი, აჭარის მთავრობის თავმჯდომარე თორნიკე რიჟვაძე და ხელვაჩაურის მერობის კანდიდატი ზაზა დიასამიძე. დღესვე შეხვედრები გაიმართება ბათუმსა და ოზურგეთში.

18 ოქტომბერი, 2021

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართა. უმრავლესობის წევრებმა ადგილობრივი თვითმმართველობის არჩევნების მეორე ტურთან დაკავშირებულ საკითხებზე იმსჯელეს.

18 ოქტომბერი, 2021

მოგესალმებით მეგობრებო! მივესალმები ჩემს თბილისს, ჩემს თანაქალაქელებს! პირველ რიგში, კიდევ ერთხელ გიხდით მადლობას თითოეულ ამომრჩეველს. გასული ორი თვის განმავლობაში, თბილისელებს ჩაგაბარეთ დეტალური ანგარიში იმის შესახებ, თუ რა გავაკეთე ქალაქისთვის წინა 4 წლის მანძილზე და რას ვგეგმავ შემდეგი 4 წლისათვის. ამ დროის განმავლობაში, უპრეცედენტო აგრესიის, სიძულვილისა და სიცრუის კამპანიის ობიექტი გავხდით მე, ჩემი მეუღლე, მშობლები და რაც, ალბათ, ყველაზე მძიმეა, ჩემი მცირეწლოვანი შვილებიც კი. მიუხედავად ამისა, გადავწყვიტე, ბოლომდე წარმემართა ევროპული სტილის, მომავალზე ორიენტირებული საარჩევნო კამპანია, რომელიც მიმართული იქნებოდა არა ოპონენტების ნაკლოვანებებისა და მანკიერებების წარმოჩენისკენ, არამედ თბილისელებისთვის ქალაქის განვითარების ყველაზე დახვეწილი და კარგად გააზრებული გეგმის შეთავაზებისკენ. თბილისელებს შევთავაზეთ კიდეც დეტალური საარჩევნო პროგრამა და არაერთი მასშტაბური პროექტი, რომელიც, მჯერა, თბილისს კიდევ უფრო განვითარებულ, ევროპულ, ლამაზ, მწვანე და მიმზიდველ ქალაქად აქცევს, შეიტანს მეტ სიცოცხლეს თბილისის ყველა უბანში. სამწუხაროდ, არცერთი ჩემი ოპონენტისგან საზოგადოებას არ მოუსმენია ერთი ფასეული წინადადებაც კი თბილისის განვითარების შესახებ. ამის ნაცვლად, მთელი მათი კამპანია ხელისუფლების გადატრიალებაზე, არეულობის შექმნასა და ე.წ. რეფერენდუმზე იყო აგებული. მეორე ადგილზე გასულ კანდიდატს კი, დღემდე ქვეყნისა და ქალაქისთვის არასდროს არაფერი გაუკეთებია, გარდა იმისა, რომ კერძო კომპანიებს აკოტრებდა, სახელმწიფო შენობებში შეჭრას ცდილობდა და გამუდმებით ხულიგნურ პროვოკაციებს აწყობდა. მეგობრებო, მყარ მომავალს მყარი ფუნდამენტი განაპირობებს, რომელიც წარსულის სწორ ანალიზს ეფუძნება. პოლიტიკურ ძალას, რომელიც დღეს მეორე ტურში გვიპირისპირდება, თბილისმა განაჩენი დიდი ხნის წინ გამოუტანა. თუმცა, სამწუხაროდ, დღესაც გვიწევს, კიდევ ერთხელ შევახსენოთ ყველას, როგორ ხდებოდა მოქალაქეების ღირსების შელახვა, ძალადობა, ტერორი, საკუთრების ხელყოფა, უდანაშაულო ახალგაზრდების მკვლელობა, სიტყვის თავისუფლების ფეხქვეშ გათელვა, მედიის დარბევა, ცინიზმი, ტყუილი, რეკეტი... ეს ჩვენი ქვეყნის და ჩვენი ქალაქის ის ბნელი წარსულია, რომელსაც არასდროს, არასდროს დავუბრუნდებით, თუმცა, არც უნდა დავივიწყოთ, რომ ვიცოდეთ, რა გზა გამოვიარეთ და რა შეცდომები დავუშვით. 2 ოქტომბრის გამარჯვება მისაყვანია ბოლომდე! თითოეული ამომრჩევლის ხმა კი, ამ საქმეში გადამწყვეტია. ჩემი თხოვნა და მოწოდებაა თითოეული მოქალაქის მიმართ 20-ივე მუნიციპალიტეტში, სადაც ტარდება მეორე ტური, მოდით არჩევნებზე და ერთხელ და სამუდამოდ დავამთავროთ ბოლშევიზმი, ბოროტება, სიძულვილი და სიცრუე, რასაც განასახიერებს ნაციონალური მოძრაობა ამ ქვეყანაში! შენ, ვისაც გახსოვს ბნელი წარსული და უარს ამბობ მასზე, შენ, ვინც ფიქრობ მომავალზე და ზუსტად იცი, როგორ ქალაქში გინდა იცხოვრო, აუცილებლად უნდა მოხვიდე 30 ოქტომბერს არჩევნებზე. თბილისს და საქართველოს არ ჭირდება რევანში და ქაოსი, არამედ ჭირდება პროგრესი და მშვიდობა. მჯერა, 30 ოქტომბერს გაიმარჯვებს პროგრესი და სტაბილურობა რევანშსა და ქაოსზე! 30 ოქტომბერს გაიმარჯვებს თბილისი და გაიმარჯვებს საქართველო! გამარჯვება მივიყვანოთ ბოლომდე!

08 ოქტომბერი, 2021

უპირველეს ყოვლისა გვინდა გამოვეხმაუროთ ბათუმის ერთ-ერთი საცხოვრებელი კორპუსის ნაწილის ჩამონგრევის ფაქტს. ამ მომენტისთვის, საქართველოს და აჭარის ავტონომიური რესპუბლიკის მთავრობების პრიორიტეტს ნანგრევებში მოყოლილი მოქალაქეების გამოყვანის უზრუნველყოფა წარმოადგენს. იცით, რომ ჩვენმა მაშველებმა უკვე შეძლეს რამდენიმე ადამიანის ნანგრევებიდან გამოყვანა და ჩვენ ახლა ვალდებული ვართ სწორედ ამ ამოცანაზე ვკონცენტრირდეთ. ამ კონტექსტში, მინდა ყველას მოვუწოდო, ნუ აქცევენ ნებისმიერ ტრაგედიას საკუთარი პოლიტიკური დღის წესრიგის თემად, იქონიონ უფრო მეტი თანაგრძნობა მოქალაქეების მიმართ და უგულშემატკივრონ ჩვენი მაშველების მიერ სამაშველო ღონისძიების წარმატებით დასრულებას. სამაშველო ღონისძიების დასრულების შემდეგ, რა თქმა უნდა, ჩვენ მოველით, რომ უმოკლეს ვადებში დადგინდება ამ შემთხვევის მიზეზები. რაც შეეხება ბრიფინგის მეორე თემას. როგორც იცით, ჩვენი საჩივრის საფუძველზე, ზუგდიდის მე-11 მაჟორიტარულ ოლქში ბათილი ბიულეტენების გადათვლის შემდეგ, „ქართული ოცნების“ მაჟორიტარობის კანდიდატს 13 ხმა დაემატა, „ნაციონალური მოძრაობის“ კანდიდატს 1, ხოლო პარტიას „საქართველოსთვის“ - 2 ხმა. საბოლოოდ, „ქართული ოცნების“ კანდიდატს მხარი დაუჭირა 1193 ამომრჩეველმა, ენმ-ის კანდიდატმა - 1183, პარტია „საქართველოსთვის“ კანდიდატმა კი 507 ხმა მიიღო. ბათილი ბიულეტენების გახსნამდე „ქართული ოცნების“ კანდიდატს, „ნაციონალური მოძრაობის“ კანდიდატი 2 ხმით უსწრებდა. ჩვენი გუნდის მაჟორიტარობის კანდიდატი სოსო გოგოხია ამტკიცებდა, რომ ბათილად იყო ცნობილი ისეთი ბიულეტენები, სადაც ამომრჩეველმა ნება დააფიქსირა, ამიტომაც ჩვენ უბნების ხელახალი გადათვლა მოვითხოვეთ. უბნების გადათვლით დადასტურდა, რომ ჩვენი კანდიდატის მოთხოვნა იყო საფუძვლიანი. გარდა ამისა, საზოგადოების ყურადღებას გავამახვილებთ კიდევ ერთ ფაქტზე, რომელიც, სავარაუდოდ, დანაშაულის ნიშნებს შეიცავს. უბნის ტერიტორიაზე მყოფი პირის მიერ გადაღებულ ვიდეოში ჩანს და ეს ვიდეო თქვენ გადმოგეცემათ, რომ ადგილობრივი თვითმმართველობის არჩევნების დღეს, ზუგდიდის #67 საარჩევნო ოლქის #8 საარჩევნო უბანზე შედეგების დათვლის პროცესში, ფიქსირდება ბიულეტენების მოპარვის სავარაუდო ფაქტი. ვიდეოზე ჩანს სოფიკო ჩვამანია - „ნაციონალური მოძრაობის“ წარმომადგენელი და ამავე უბანზე საარჩევნო კომისიის წევრი, რომელიც სავარაუდოდ იპარავს ბიულეტინებს. ამიტომ, მივმართავთ სამართალდამცავ ორგანოებს, დაიწყონ გამოძიება და ყველა კითხვაზე დეტალური პასუხი იქნას გაცემული. რაც შეეხება „ნაციონალური მოძრაობის“ ლიდერების ქმედებებს, რომელსაც ახლა ვაკვირდებით დღის განმავლობაში და მათ განცხადებებს, ჩვენ ვიხილეთ, როგორ ჩაშალეს მათ საოლქო საარჩევნო კომისიის საქმიანობა და საარჩევნო კომისიის ბრიფინგი . მოვისმინეთ მათი ბრალდებები, რომ თითქოს გადათვლა „ზონდერების მიერ ქურდულად მოხდა“. საზოგადოებას ვაცნობებთ, რომ უბნების გადათვლის პროცესს ზუგდიდის საოლქო საარჩევნო კომისიის სრული შემადგენლობა ესწრებოდა. აქედან, გადათვლის შედეგებს მხარი დაუჭირა კომისიის 13 წევრმა, მათ შორის ოპოზიციის წარმომადგენლებმა, გარდა „ნაციონალური მოძრაობის“, „ევროპული საქართველოს“ და „ლელოს“ წარმომადგენლებისა, რომელიც, კიდევ ერთხელ ხაზგასმით აღვნიშნავთ, სრულად ესწრებოდნენ გადათვლის პროცესს. ეს სამი პარტია, რომ ზოგადად ერთნაირად იქცევა და ერთი პოლიტიკური გუნდია, სხვა დროსაც არაერთხელ დამტკიცდა და მათი ეს ქცევა და მათ შორის ამ კომისიაზე არ დათანხმება გადათვლის შედეგებისადმი, ეს გასაკვირი არ არის. გადათვლას, ასევე, ესწრებოდნენ არასამთავრობო ორგანიზაციების წარმომადგენლები, მათ შორის, ახალგაზრდა იურისტთა ასოციაციის, საერთაშორისო გამჭვირვალობის და სამართლიანი არჩევნების დამკვირვებლები. რაც შეეხება „ნაციონალური მოძრაობის“ წევრების ქმედებებს საოლქო საარჩევნო კომისიაში. ეს არის პირდაპირი ძალადობრივი ჩარევა საარჩევნო ადმინისტრაციის საქმიანობაში და ზეწოლა ადმინისტრაციის თანამშრომლებზე. მოვუწოდებთ სამართალდამცავ ორგანოებს ასეთ ფაქტებზე ჰქონდეთ უმკაცრესი რეაგირება, რათა საფრთხე არ შეექმნას ჩვენი მოქალაქეების მიერ 2 ოქტომბერს გამოხატული ნების დაცულობას. ჩვენ წერილობით მივმართეთ და ახლა საჯაროდაც მივმართავთ ეუთო/ოდირის გრძელვადიან დამკვირვებლებს, რომლებიც ქვეყანაში ჯერ კიდევ იმყოფებიან და ადგილობრივ სადამკვირვებლო ორგანიზაციებს კომუნიკაცია იქონიონ „ნაციონალურ მოძრაობასთან“, რათა მათ შეწყვიტონ საარჩევნო პროცესის ჩაშლის მცდელობები. „ნაციონალური მოძრაობის“ ეს საქციელი კიდევ ერთხელ გვაჩვენებს რამდენად ფარისევლურები არიან ისინი. გუშინ ამტკიცებდნენ რომ ერთი ადამიანის ხმაც კი მათთვის მნიშვნელოვანი და გადამწყვეტია, და დღეს, როცა ამ ერთი ადამიანის ხმა მათ წინააღმდეგ არის გადამწყვეტი, ეს ადამიანი და ეს ხმა მათთვის არაფერია. ამომრჩეველი მათ თვალში მხოლოდ მათი ამომრჩეველია. საზოგადოებას კიდევ ერთხელ შევახსენებთ, რომ საარჩევნო რეფორმის შედეგად შემოღებულ იქნა უბნების 10%-ის შემთხვევით შერჩევა და გადათვლა. სტატისტიკურად ეს ნიშნავს, რომ სურათი რომელსაც აჩვენებს უბნების 10% არის განზოგადებადი უბნების 100-ვე პროცენტზე და ამ მხრივ საერთო სურათს ქმნის. ამ პრინციპით 3600 უბნიდან საარჩევნო ადმინისტრაციამ გადაითვალა 360 უბანი და დადგინდა, რომ ცვლილებები შეეხო სულ 130-მდე ხმას, ანუ ხმების დაახლოებით 0,07%-ს.

04 ოქტომბერი, 2021

დღეს შევაჯამეთ მუნიციპალიტეტების საკრებულოების არჩევნების შედეგები პარტიების მიერ მიღებული მანდატების მიხედვით და გვსურს გაგაცნოთ აღნიშნული მონაცემები. როგორც მოგეხსენებათ, ქვეყნის მასშტაბით, მუნიციპალიტეტების საკრებულოებში პროპორციული და მაჟორიტარული წესით გასანაწილებელი იყო 2068 მანდატი.აღნიშნული მანდატები პოლიტიკურ პარტიებს შორის შემდეგი სახით განაწილდა: ქართული ოცნება 1331 ნაციონალური მოძრაობა 502 საქართველოსთვის 109 ლელო 27 ევროპული საქართველო 18 მესამე ძალა 8 მეჭიაური ერთიანი საქართველოსთვის 6 პატრიოტთა ალიანსი 5 ევროპელი სოციალისტები 4 ლეიბორისტული პარტია 3 სახალხო პარტია 3 პროგრესი და თავისუფლება 2 ანა დოლიძე ხალხისთვის 2 მოქალაქეები 1 გირჩი 1 გირჩი - მეტი თავისუფლება 1 დამოუკიდებელი დეპუტატები 2 მთლიანობაში, „ქართულმა ოცნებამ“ საკრებულოებში უკვე მოიპოვა მანდატების 66 პროცენტი. ჩვენი გათვლით, მეორე ტურის შემდეგ, აღნიშნული მაჩვენებელი 68 პროცენტამდეც გაიზრდება. ნაციონალურმა მოძრაობამ საკრებულოებში მიიღო მანდატების 25 პროცენტი, ხოლო ყველა სხვა პარტიამ ერთად - მანდატების 9 პროცენტი. ასეთია საერთო სურათი მთელი ქვეყნის მასშტაბით. „ქართული ოცნება“ ერთპარტიულად ქმნის მყარ უმრავლესობას თითქმის ყველა მუნიციპალურ საკრებულოში. გამონაკლისია რამდენიმე საკრებულო. თუმცა, საბოლოოდ, მყარი უმრავლესობის შექმნა ამ საკრებულოებშიც არ გაგვიჭირდება. ჩვენს მიერ წარმოდგენილი ციფრები კიდევ ერთხელ ცხადყოფს „ქართული ოცნების“ შთამბეჭდავ გამარჯვებას მთელი ქვეყნის მასშტაბით.კიდევ ერთხელ შეგახსენებთ, რომ ჩვენმა მერობის კანდიდატებმა არჩევნები პირველივე ტურში მოიგეს 44 მუნიციპალიტეტში, ხოლო მეორე ტური მხოლოდ 20 მუნიციპალიტეტში ჩატარდება. კიდევ ერთხელ აღვნიშნავთ, რომ 20-ვე მუნიციპალიტეტში ჩვენი კანდიდატების გამარჯვებაში დარწმუნებული ვართ. შესაბამისად, ჩვენ გავაუმჯობესებთ 2017 წლის ადგილობრივი თვითმმართველობის არჩევნების შედეგსაც კი, სადაც მაშინ ორ მუნიციპალიტეტში წავაგეთ მერის არჩევნები. როგორც მოგეხსენებათ, ადგილობრივი თვითმმართველობის არჩევნებთან ერთად, ჩვენ მოვიგეთ რადიკალური ოპოზიციის მიერ გამოცხადებული ე.წ. რეფერენდუმიც.ქართველი ამომრჩევლის 47 პროცენტმა კიდევ ერთხელ დაადასტურა მყარი ნდობა „ქართული ოცნების“ მიმართ. პოლარიზაციისა და ღალატის პირობებში ესოდენ მყარი ლეგიტიმაციის მიღება ცხადყოფს ქართველი ამომრჩევლის ნებას, გაგრძელდეს განვითარება და შენარჩუნდეს მშვიდობა და სტაბილურობა ჩვენს ქვეყანაში.ქართველმა ხალხმა მყარი უარი უთხრა მოძალადეებსა და მოღალატეებს და ქვეყნის შეუქცევად განვითარებას დაუჭირა მხარი. 30 ოქტომბერს ეს რეფერენდუმი ბოლომდეა მისაყვანი. მას შემდეგ, რაც მეორე ტურშიც კიდევ ერთხელ გავიმარჯვებთ, მომდევნო 3 წლის მანძილზე ჩვენ მოგვეცემა ქვეყანაზე მშვიდად ზრუნვის შესაძლებლობა, რასაც მაქსიმალურად პროდუქტიულად გამოვიყენებთ. ნაციონალური მოძრაობა მოშლილია მისი კრიმინალი ლიდერი კი ციხეში იხდის დამსახურებულ სასჯელს. ეს მოცემულობა იძლევა შესანიშნავ შესაძლებლობას 2024 წლამდე ქართული პოლიტიკური სპექტრის თვისებრივი გაჯანსაღებისათვის. დასასრულს, კიდევ ერთხელ ვუხდით მადლობას ამომრჩეველს გამოცხადებული ნდობისთვის.ამ ნდობის გასამართლებლად მაქსიმუმ გავაკეთებთ.

03 ოქტომბერი, 2021

იცით, რომ თითქმის უკვე დასრულდა გუშინდელი არჩევნების შეჯამება. დღეს ჩვენ მოვისმინეთ, მათ შორის, საერთაშორისო მისიების შეფასება გუშინდელი არჩევნების. დღეს მათ პირდაპირ ეთერში გამართეს პრეს-კონფერენცია, ეუთო/ოდირის მისიის, ევროსაბჭოს მისიის და ევროპარლამენტარების მონაწილეობით და ჩვენ ვნახეთ, რამდენად კარგად შეაფასეს მათ ეს არჩევნები, ჩვენ ეუთო/ოდირის მხრიდან მოვისმინეთ, რომ ეს იყო თავისუფალი და კონკურენტულ გარემოში ჩატარებული არჩევნები, ჩვენ მოვისმინეთ ევროპარლამენტარების მხრიდან, რომ ისინი ულოცავენ საქართველოს, არჩევნები იყო მომწიფებულ და მშვიდ საარჩევნო პროცესში ჩატარებული და ეს იქნება მნიშვნელოვანი წვლილი ევროკავშირისკენ მიმავალ გზაზე საქართველოსთვის. რა თქმა უნდა, ეს შეფასებები ჩვენთვის მნიშვნელოვანია, ამით ჩანს რამდენიმე რამ: საარჩევნო რეფორმა, რომელიც გატარდა და ჩემთვის განსაკუთრებით სასიხარულოა, რომ ხაზგასმითაც შეფასდა, სამართლებრივი ჩარჩო, რომელიც არსებობს როგორც წარმატებული და დადებითი, ამას გარდა, მათ ხაზგასმით აღნიშნეს, რომ არსებობს აბსოლუტური ნდობა სიების მიმართ, ის რომ კამპანია იყო თავად კონკურენტუნარიანი, ის, რომ არჩევნების დღე ჩატარდა ორგანიზებულად, გამჭვირვალედ და მშვიდ გარემოში, ის, რომ ხმის მიცემის პროცედურა იყო გამართული, ის, რომ დათვლის პროცესი იყო შეფასებული, როგორც გამჭირვალე და ასევე ის, რომ საერთო ჯამში, საარჩევნო ადმინისტრაციამ პროცესის ტექნიკური ნაწილი ეფექტიანად მართა. ეს კიდევ ერთხელ უსვამს ხაზს როგორც საარჩევნო რეფორმის, ისე საარჩევნო ადმინისტრაციის დაკომპლექტების წარმატებულობას. ისევე, როგორც ამ მისიებმა პირდაპირ მიულოცეს საუბნო საარჩევნო კომისიებს და დააფასეს მათი შრომა გუშინდელი განსაკუთრებით პანდემიის პირობებში, მინდა კიდევ ერთხელ ვისარგებლო ამ შესაძლებლობით და საუბნო, საოლქო, ცენტრალური საარჩევნო კომისიის წევრებს მადლობა გადავუხადო გუშინდელი გაწეული სამუშაოსთვის, პანდემიის პირობებში, იმ სტრესულ გარემოში, რომელიც გუშინ ჩვენ გვქონდა, სამწუხაროდ, ჩვენი ოპოზიციის მხრიდან, რომ ასე წარმატებით გაართვეს თავი ამ არჩევნებს და ჩვენ უკვე ფაქტობრივად ყველა შედეგი შეგვიძლია ვნახოთ. რა თქმა უნდა, იყო გარკვეული კრიტიკული მოსაზრებებიც გამოთქმული, განსაკუთრებით, ეს შეეხებოდა საარჩევნო გარემოს იმ კუთხით, რომ ეს იყო ხელიდან გაშვებული შესაძლებლობა ადგილობრივი დემოკრატიისთვის, ასე შეაფასეს მათ, ვინაიდან რეფერენდუმზე საუბარმა გადაფარა ადგილობრივ საჭიროებებზე საუბარი და რასაც ჩვენ არაერთხელ აღვნიშნავდით, ჩვენი კამპანია, რომელიც სრულად იყო აწყობილი ადგილობრივ თვითმმართველობის არჩევნებზე, სამწუხაროდ ჩვენი ოპონენტებს ეს კამპანია გადაყავდა ეგრეთწოდებული რეფერენდუმის სივრცეში. გარდა ამისა ხაზი გაესვა მედია გარემოს და აქაც, მე მოხარული ვარ, რომ ჩვენი კვლევები მათ შორის, რომელიც გვქონდა მედია გარემოსთან და სოციალურ მედიასთან დაკავშირებით აისახა ამ განცხადებაში და ხაზი გაესვა, რომ ერთის მხრივ, მართალია არსებობს კონკურენტული მედია გარემო, რაც კარგია, მაგრამ ამავე დროს ეს მედია გარემო არის მკვეთრად პოლარიზებული, რაც საერთო ჯამში იწვევს შერჩევით გაშუქებას, საბოლოო ჯამში კი, შედეგად მოაქვს ის, რომ ამცირებს მოსახლეობის მხრიდან ინფორმირებული არჩევანის გაკეთებას. აგრესიული რიტორიკა, რომელიც სოციალურ მედიაში იყო და რომელიც ჩვენმა კვლევამაც აჩვენა, ესეც იქნა აღნიშნული. საბოლოო ჯამში, გასახარია, რომ ევროსაბჭოს, ეუთოსა და ევროპარლამენტის წარმომადგენლების მხრიდან გაკეთებულია განცხადებები, რომ მოელიან, პოლიტიკური კრიზის დასრულდება და ახლა უკვე პოლიტიკური ორგანიზაციები და პარტიები ერთმანეთთან თანამშრომლობას გააგრძელებენ. კიდევ ერთხელ, მინდა მადლობა გადავუხადო ჩვენს თანამოქალაქეებს, უპირველეს ყოვლისა იმ მაღალი აქტივობისთვის, რომელიც მათ გამოიჩინეს გუშინდელ არჩევნებზე. მიუხედავად იმისა, რომ ადგილობრივი თვითმართველობის არჩევნები იყო, გამოირჩეოდა მაღალი აქტივობით, ფაქტიურად გაიმეორა 2016 წლის საპარლამენტო არჩევნების აქტივობა. მინდა, მადლობა გადავუხადო ჩვენს მხარდამჭერებს, რომლებმაც კიდევ ერთხელ მოგვცეს ნდობის მაღალი მანდატი. გარდა ამისა, მინდა მოვუწოდო ყველა პარტიას, ახლა დროა ყველამ მიიღოს ის არჩევანი, რომელიც გააკეთეს ჩვენმა მოქალაქეებმა. ის პოლიტიკური წონა, რომელიც გადაანაწილეს ჩვენმა მოქალაქეებმა ჩანს ადგილობრივ დონეზე. აქედან გამომდინარე, ამ წონის და ამ მანდატის გათვალისწინებით, მოემსახურონ ჩვენს მოქალაქეებს.

03 ოქტომბერი, 2021

მოგესალმებით ყველას! პირველ რიგში, მინდა მადლობით დავიწყო, მადლობა გადავუხადო ყველა იმ თბილისელს, ვინც მოვიდა არჩევნებზე და დააფიქსირა თავისი მოქალაქეობრივი ვალი. განსაკუთრებული მადლობა ჩემს მხარდამჭერებს, თანაგუნდელებს, ყველა იმ ადამიანს, ვინც ამ საარჩევნო პროცესში პირველივე დღიდან იყო ჩართული. ძალიან ვაფასებ იმ ნდობას, რომელსაც გამოხატავთ ჩემს მიმართ. ჩვენ მთელი საქართველოს მასშტაბით მოვიპოვეთ დამაჯერებელი გამარჯვება, რაც ძალიან მნიშვნელოვანია. დაიდო 48 პროცენტიანი შედეგი. ასევე, ხაზი მინდა გავუსვა იმას, რომ თბილისის საკრებულოში 29 დეპუტატის მანდატი მოვიპოვეთ. თუმცა ამომრჩეველთა გადაწყვეტილებით, თბილისის მერის ასარჩევად მეორე ტური დაინიშნება, რადგან პირველი ადგილის დაკავების მიუხედავად, 50%-იანი ბარიერის გადალახვა ვერ მოხერხდა. დღეს, არ დავიწყებ იმ მიზეზების ჩამოთვლას რამ გამოიწვია ეს შედეგი - პოლიტიკური პროცესების დაძაბვამ, სხვადასხვა კანდიდატების მხრიდან ხმების გაყოფამ თუ სხვამ. ვიტყვი ერთს, მე პატივს ვცემ ამომრჩეველთა ნებას და ნებისმიერ გადაწყვეტილებას, რომელსაც თბილისელები საარჩევნო ყუთთან მიიღებენ. შეიძლება მეც რაღაც დავაკელი ამ პროცესს, შეიძლება მუშაობის პროცესშიც ყველა აქტუალურ საკითხზე შესაბამისი ყურადღება ვერ გავამახვილეთ. ამისთვის ბოდიში. მზად ვარ, მივიღო მონაწილეობა მეორე ტურში და დარწმუნებული ვარ, თბილისელების მხარდაჭერითა და თანადგომით, ჩვენ შევძლებთ გამარჯვებას. ძალიან ბევრი მნიშვნელოვანი პროექტი გვაქვს განსახორციელებელი, რომელიც დღეს სასიცოცხლოდ სჭირდება ჩვენს დედაქალაქს. ამიტომ დარწმუნებული ვარ, რომ თბილისი და ჩვენ ყველა გავიმარჯვებთ!

03 ოქტომბერი, 2021

კიდევ ერთხელ მივულოცავ ყველას „ქართული ოცნების“ დამაჯერებელ გამარჯვებას. როგორც უკვე მოგეხსენებათ, ცენტრალურმა საარჩევნო კომისიამ გამოაქვეყნა არჩევნების შედეგები, რომლის თანახმად „ქართულმა ოცნებამ“ დიდი უპირატესობით გაიმარჯვა ქვეყნის მასშტაბით. შეგახსენებთ, 2 775 საარჩევნო უბნის მონაცემებს: ქართული ოცნება - 47,83% ნაციონალური მოძრაობა - 30,69% საქართველოსთვის - 7,48% ლელო - 2,62% ევროპული საქართველო - 1,75% პატრიოტთა ალიანსი - 1,43% მესამე ძალა - 1,31% გირჩი - მეტი თავისუფლება - 1,22% ყველა სხვა პარტიამ ამომრჩეველთა ხმების 1 პროცენტზე ნაკლები მიიღო. გამომდინარე იქიდან, რომ საარჩევნო უბნების სამი მეოთხედი უკვე დათვლილია, ბუნებრივია, ეს მონაცემები არსებითად აღარ შეიცვლება. „ქართული ოცნების“ მერობის კანდიდატებმა არჩევნები პირველივე ტურში მოიგეს 64-დან 44 საარჩევნო ოლქში. მეორე ტური ჩატარდება მხოლოდ 20 მუნიციპალიტეტში. ჩვენთვის განსაკუთრებით საწყენია, რომ მეორე ტურის ჩატარება საჭირო გახდა თბილისშიც. თუმცა, ბუნებრივია, ეჭვი არავის გვეპარება, რომ კახა კალაძე საბოლოოდ მოიგებს ამ არჩევნებს. ძალიან მნიშვნელოვანია, რომ კახა კალაძეს ეყოლება მყარი უმრავლესობა თბილისის საკრებულოში მომდევნო 4 წლის განმავლობაშიც. კერძოდ, ცესკოს წინასწარი მონაცემების თანახმად, „ქართული ოცნება“ თბილისის საკრებულოში სულ მცირე 29 წევრით იქნება წარმოდგენილი. როგორც მოგეხსენებათ, 26 წევრი სჭირდება უმრავლესობას თბილისის საკრებულოში. კიდევ ერთხელ აღვნიშნავთ, რომ „ქართული ოცნების“ გუშინდელი დამაჯერებელი გამარჯვება იყო საქართველოში მშვიდობის, სტაბილურობისა და განვითარების გამარჯვება. ქართულმა საზოგადოებამ რევანშს მოწყურებულ, სიცრუესა და სიძულვილზე აგებულ რადიკალურ პოლიტიკურ ძალებს გასცა საკადრისი პასუხი. საზოგადოებას ვპირდებით, რომ ჩვენი ყველა მერობის კანდიდატი გაიმარჯვებს 30 ოქტომბერს არჩევნების მეორე ტურში. კიდევ ერთხელ ვულოცავთ საზოგადოებას ჩვენს საერთო გამარჯვებას.

03 ოქტომბერი, 2021

გვინდა გაგაცნოთ არჩევნების პირველადი შედეგები საარჩევნო ოქმების მიხედვით. საუბარია ოფიციალურ ოქმებზე, რომელსაც ჩვენ ვიღებთ საარჩევნო უბნებიდან. როგორც დღეს დავაანონსეთ, ეს მონაცემები განთავსებულია შესაბამის ვებ-პორტალზე elections2021.ge, რომლის ნახვა შეუძლია ნებისმიერ მოქალაქეს, ნებისმიერ თქვენგანს და ამ ვებ-პორტალზე დაახლოებით 10 წუთიანი ინტერევალებით განახლდება მუდმივად ინფორმაცია უახლოეს საათებში, საბოლოო ჯამში, 2-3 საათში თითქმის სრულად იქნება წარმოდგენილი ინფორმაცია არჩევნების შედეგების თაობაზე. ამ ეტაპზე ჯერ არის წარმოდგენილი თბილისის შედეგები გამომდინარე იქიდან, რომ ქალაქებში უფრო მეტი დრო სჭირდება შედეგების დათვლას.რაც შეეხება ამ ეტაპისთვის არსებულ მონაცემებს. დათვლილი 544 უბანი, 3743 უბნიდან, ეს არის საარჩევნო უბნების 14.53%, მთლიანობაში დათვლილია დაახლოებით 139 ათასი ხმა, შედეგები ამ ეტაპზე შემდეგია: „ქართული ოცნება“ 52.54%, „ნაციონალური მოძრაობა“ 29.45%, პარტია „საქართველოსთვის“ 5.71%. სხვა პარტიებს აქვთ უფრო დაბალი შედეგები.ჩვენი მოლოდინია, ყველაფრის გათვალისწინებით ანალიზის გათვალისწინებით, რომ საბოლოო შედეგები დაემთხვევა დაახლოებით „ტელე-იმედის“ და „გორბის“ მიერ გამოქვეყნებული ეგზიტპოლის შედეგებს, როგორც მოგეხსენებათ 47,6% იყო მათ მეირ გამოცხადებული ეგზიტპოლის შედეგები. ეს არის ჩვენი საბოლოო მოლოდინი. კიდევ ერთხელ გავიმეორებ, რომ აღნიშნულ ვებგვერდზე www.elections2021.ge ნებისმიერ მოქალაქეს შეეძლება მუდმივად განახლებული ინფორმაციის მიღება.

02 ოქტომბერი, 2021

3 საათის მონაცემებით, არჩევნებში მონაწილეობა მიიღო მილიონ 160 ათასმა ამომრჩეველმა. როგორც არაერთხელ აღვნიშნეთ, აქტივობა არის საკმაოდ მაღალი ადგილობრივი თვითმმართველობის არჩევნებისთვის. საარჩევნო პროცედურები კვლავაც წარიმართება კანონმდებლობის დაცვით. მოხარული ვართ, რომ არ ფიქსირდება რაიმე არსებითი დარღვევა, რისთვისაც მადლობას ვუხდით საარჩევნო პროცესში ჩართულ ყველა პირს. კიდევ ერთხელ გავუსვამთ ხაზს არჩევნების მშვიდ გარემოში ჩატარების მნიშვნელობას. მოვუწოდებთ ყველა პოლიტიკურ პარტიას და მოქალაქეს, საარჩევნო ადმინისტრაციას მისცენ პროცედურების მშვიდად წარმართვის, ხოლო ამომრჩეველს - ხმის მშვიდ გარემოში მიცემის შესაძლებლობა. კენჭისყრის დასრულებამდე 4 საათზე ნაკლები დარჩა. ამიტომაც, მნიშვნელოვანია ამომრჩევლის მაქსიმალური აქტიურობა, რათა თითოეული თქვენგანის ხმა აისახოს ჩვენი ქვეყნის საერთო გამარჯვებაში.

02 ოქტომბერი, 2021

ამ დროისთვის შეგვიძლია ვთქვათ რომ არჩევნები მიმდინარეობს ძალიან მშვიდ ვითარებაში. ჩვენ მიერ დაფიქსირდა სულ 5 ინციდენტი, 5 უბანზე უფრო სწორად, ინციდენტი. ხუთივე შემთხვევაში ეს იყო შელაპარაკება, რაიმე ძალადობას ადგილი არ ჰქონია, 3 743 უბნიდან, 0.13% არის ეს 5 უბანი. საინტერესოა, რომ აქ გვქონდა შემთხვევები, სადაც იყო ქალბატონი ანა წითლიძე, ქალბატონი ელენე ხოშტარია და გიორგი მუმლაძე, რომელიც გახლავთ „ნაციონალური მოძრაობის“ მარნეულის შტაბის უფროსი. ხუთივე შემთხვევაში თითქმის, ეს ადამიანები ფიგურირებდნენ. რაც შეეხება დარღვევებს, რომელიც ჩვენ დავაფიქსირეთ, ქობულეთში, მე-9 საარჩევნო უბანზე „ნაციონალური მოძრაობის“ სიის მესამე ნომერი, ილონა ანანიძე იმყოფება უბნის ტერიტორიაზე და არ ტოვებს უბნის ტერიტორიას, რაც დარღვევა არის. ასევე სარფში, 27-ე საარჩევნო უბანი, „ნაციონალური მოძრაობის“ კანდიდატი უბნიდან უხმობს ერთ-ერთ არასამთავრობო ორგანიზაციის დამკვირვებელს, რაც მიანიშნებს მათ კავშირზე ამ არასამთავრობო ორგანიზაციასთან, ეს დარღვევას არ წარმოადგენს თუმცა კიდევ ერთხელ ადასტურებს ჩვენს კვლევას, როდესაც ვამბობთ რომ ზოგიერთი არასამთავრობო ორგანიზაციის საფარქვეშ არის პოლიტიკური ორგანიზაცია სინამდვილეში წარმოდგენილი. დედოფლისწყაროში სოფელ არბოშიკში, ნაკადის მომწესრიგებელი ამომრჩეველს მეხუთე ნომრის შემოხაზვას სთხოვდა, რაც დარღვევას წარმოადგენს. ლანჩხუთში, მე-14 საარჩევნო უბანზე დარღვეულია პლაკატის საარჩევნო უბანთან გაკვრის და აგიტაციის წესი, ასევე ლანჩხუთში, მე-9 საარჩევნო უბანთან პარტია „საქართველოსთვის“ მაჟორიტარობის კანდიდატის მამა, რომელიც ყოფილი პოლიციელია, საარჩევნო უბანთან დგას და აკონტროლებს მიმსვლელებს და ამომრჩევლებს დას და აკონტროლებს მიმსვლელებს და ამომრჩევლებს. თბილისში ვაკეში 66 - ე საარჩევნო უბანში ნაციონალური მოძრაობის კოორდინატორები 100 მ რადიუსის დარღვევით, მანქანით გაჩერებული არიან და იქიდან აკონტროლებენ ამომრჩევლებს. ლანჩხუთში, მე-9 საარჩევნო უბანში დარღვეულია პარტია ,,საქართველოს’’ მიერ, საარჩევნო უბანთან პლაკატების გაკვრის და აგიტაციის წესი. საერთო ჯამში, წინა ბრიფინგის და ამ ბრიფინგის ჩათლით გვაქვს 100 მეტრიანი რადიუსში ამომრჩეველთა აღრიცხვის 4 შემთხვევა ოპოზიციის მხრიდან, 100 მეტრიან რადიუსში შეკრების პრინციპის დარღვევის 4 შემთხევა, უკანონო აგიტაციის 4 შემთხვევა და 2 სხვა სახის დარღვევა. ასევე მნიშვნელოვანი არის ის მცდარი ინფორმაციები, რომელიც ვრცელდება მედიის საშუალებებით, ან სოციალური მედიის საშუალებით. სულ ახლახან ცეესკომ გამართა ბრიფინგი ქუთაისი 124-ე უბანთან დაკავშირებით, სადაც ჩვენ ვნახეთ, რომ სოციალური ქსელში აწეული იყო მთელი კამპანია, ინფორმაცია ოქმის წინასწარ შევსებასთან დაკავშირებთ, სინამდვილეში მოხდა შეცდომა, უბანზე მდივანს მოუვიდა შეცდომა და საკონტროლო ოქმი შეავსო, ეგონა საკონტროლო ოქმი და შევასო სინამდვილეში ნამდვილი ოქმი, იცით, რომ ცესკომაც განაცხადა, რომ ხელმოწერებიც იყო რამდენიმე პარტიის წარმომადგენლის, ანუ აქ რაიმე ბოროტ განზრახვას არ ქონია ადგილი, იყო შეცდომა და ეს შეცდომა, რა თქმა უნდა ჩასწორდება. ასევე, დედოფლისწყაროში ნაციონალური მოძრაობის განცხადებით ერთ-ერთ უბანზე იყო დაულუქავი ყუთი და ამის გამო თითქოს იქ უნდა შეწყდეს კენჭისყრა, სინამდვილეში ყუთი იყო დალუქული, პატარა ლუქით და ის მოხდა კომისიის ყველა წევრის მონაწილეობით, შემდეგ როდესაც შეამოწმეს ღია არ იყო ის ყუთი, როდესაც შეამჩნიეს ეს, კომისიის ყველა წევრის მონაწილეობით მოხდა ამ ყუთის გადალუქვა, ასე რომ აქაც რაიმე დიდი დარღვევა არ არის. და ბოლოს, ლაგოდეხში მე-19 უბანთან დაკავშირებით რადიო „თავისუფლება“ აქვეყნებს ინფორმაციას, რომ 2-2 ადამიანი აძლევს ხმას, ეს ფაქტია მართალია სიმართლეა, თუმცა მანიპულაციურია იმ კუთხით, რომ აქ რაიმე დარღვევას ადგილი არ ქონია. ამომრჩეველს ქონდა პრობლემა მხედველობასთან დაკავშირებით. იყო ორი შემთხვევა. ორივე შემთხვევაში იმის გამო რომ თვითონ ამომრჩეველს ქონდა პრობლემა, კომისიამ დაუშვა რომ მასთან ერთად კაბინაში შესულიყო მისი დამხმარე. ეს არის ამ მდგომარეობით ჩვენს მიერ დაფიქსირებული დარღევები. მე კიდევ ერთხელ მინდა მოვუწოდო ჩვენს ამომრჩეველს რომ იყვნენ აქტიურები. გვაქვს საკმაოდ კარგი აქტივობა. ის მონაცემები, რაც ჩვენ გვაქვს, აჩვენებს რომ „ქართული ოცნება“ ახლა უკვე მერვეჯერ დამაჯერებლად გაიმარჯვებს. თუმცა, ამისთვის საჭიროა ყველა ახლა გააქტიურდეს, ვინაიდან როგორც ვიცით დღის მეორე ნახევარი არის სწორედ ის მომენტი, როდესაც ჩვენი ოპონენტებიც საკუთარი ამომრჩევლების მობილიზებას დაიწყებენ ძალიან აქტიურად და ჩვენ ამას ვხედავთ სხვადასხვა უბნებში, განსაკუთრებით თბილისში შეიმჩნევა, რომ აქტიურად ხდება მობილიზება საკუთარი ამომრჩევლების. გაჩვენეთ კიდეც, რომ მათი კოორდინატორები უბანთან გარშემო არიან, ასე რომ, მოვუწოდებ ჩვენს ამომრჩევლებს, დღეს არის მათი დღე, უნდა თქვან სიტყვა იმასთან დაკავშირებით, თუ ვინ უნდა იყოს მუნიციპალიტეტებში ხელისუფლებაში.

02 ოქტომბერი, 2021

როგორც მთელი დღის განმავლობაში ჩვენი კოლეგები ატარებენ ბრიფინგს და აუწყებენ საზოგადოებას, არჩევნები ძირითადად, განსაკუთრებით იქ სადაც პროვოკაციები და დადგმული სპექტაკლები არ არის, მიმდინარეობს მშვიდ ვითარებაში, საკმაოდ ნორმალური აქტივობაა, რასთან დაკავშირებითაც კიდევ ერთხელ მოვუწოდებთ ჩვენს მომხრეებს, მხარდამჭერებს მაქსიმალური აქტიურობისკენ, რა შემთხვევაშიც უკვე თამამად შეგვიძლია, რომ ვთქვათ გაფორმდება „ქართული ოცნების“ გამარჯვება, დამაჯერებელი გამარჯვება, რომელიც აბსოლუტურად მოსალოდნელია იმ მონაცემებიდან გამომდინარე, რაც ამ წუთისათვის ჩვენი შტაბებიდან შემოდის.  არის ცალკეული დარღვევები, ოღონდ მისი ავტორები, როგორც ზოგიერთი მაუწყებელი ამცნობს საზოგადოებას აბსოლუტურად განსხვავებული პირები არიან. დაფიქსირდა რამდენიმე დარღვევა „ნაციონალური მოძრაობის“ მხრიდან ამის აღრიცხვა მიდის, თუმცა არ მიდის ჩვენი მხრიდან რაღაც პროვოკაციების მოწყობა და ვინმეზე დაბრალება დარღვევების. მინდა განსაკუთრებით ხაზგასმით აღვნიშნო თქვენთვის ჟურნალისტების გასაგონად და ნებისმიერი იმ ადამიანის გასაგონად, ვისაც შეიძლება ამის შესახებ გულწრფელად ინფორმაცია არ ქონდეს. დადგენილია იმ უპრეცენდენტო საარჩევნო რეფორმის ფარგლებში, შესაბამისი სპეციალური ნორმა, რომლის მიხედვითაც 100 მეტრის რადიუსში აკრძალულია ყველანაირი აგიტაცია, ამომრჩევლის აღრიცხვა და ასე შემდეგ, ეს უნდა დაიცვას ყველამ ეს ჩვენი მხარდამჭერი იქნება, ჩვენი წარმომადგენელი თუ სხვა  ნებისმიერი პარტიის წარმომადგენელი 100 მეტრის რადიუსი დაიცვან მკაცრად, მაგრამ 100 მეტრის რადიუსის გარეთ, მათ შეუძლიათ ჩაატარონ, ნებისმიერი რა თქმა უნდა კანონიერი, ნებისმიერი  მოქმედება.თქვენ წარმოიდგინეთ აგიტაციაც კი რომ გასწიონ, სულ რომ მაისურებით იყვნენ 100 მეტრის, ვთქვათ პარტიული მაისურებით, რადიუსის გარეთ ეს დარღვევა არ არის, ამას ვამბობ რატომ, ერთი მთავარი მიზეზის  გამო, გარკვეული  ტელეკომპანიების  წარმომადგენლები, ასევე პარტაქტივისტები, არ აქვს ამას მნიშვნელობა ვინ და როგორ, ვისია და ვის წარმოადგენს, 100 მეტრის რადიუსის გარეთ, აფიქსირებენ თითქოს ვიღაც სიით ზის, ვიღაც აღრიცხვას აწარმოებს, ვიღაცა მოუწოდებს მოსვლისკენ თავის აქტივისტებს, ეს არ არის დარღვევა ცალსახად, ოღონდ მკაცრად უნდა იყოს დაცული 100 მეტრიანი რადიუსი.  ჩვენ, სამწუხაროდ ვხედავთ, ზოგიერთი ტელეკომპანიის მხრიდან, რომ 100 მეტრიანი რადიუსის გარეთ მაგრამ,  100 მეტრის რადიუსის გარეთ, მათ შეუძლიათ ჩაატარონ ნებისმიერი, რა თქმა უნდა კანონიერი,   ნებისმიერი მოქმედება. თქვენ წარმოიდგინეთ, აგიტაციაც კი რომ გასწიონ, სულ რომ მაისურებით იყვნენ, ვთქვათ პარტიული მაისურებით, 100 მეტრის რადიუსის გარეთ ეს დარღვევა არ არის. ამას ვამბობ  რატომ?  ერთი მთავარი მიზეზის გამო, გარკვეული ტელეკომპანიების  წარმომადგენლები, ასევე პარტაქტივისტები არა აქვს მნიშვნელობა ვინ და როგორ, ვისია და ვის წარმოადგენს, 100 მეტრის  რადიუსის გარეთ აფიქსირებენ თითქოს ვიღაცის აღრიცხვას აწარმოებენ, ვიღაცა მოუწოდებს მოსვლისკენ თავის აქტივისტებს, ეს არ არის დარღვევა ცალსახად, ოღონდ მკაცრად უნდა იყოს დაცული 100 მეტრიანი რადიუსი. ჩვენ სამწუხაროდ ვხედავთ ზოგიერთი ტელეკომპანიის მხრიდან, 100 მეტრიანი რადიუსის გარეთ, ისინი მიდიან კონკრეტულ ავტომანქანებთან, აფიქსირებენ იქ ადამიანებს, რომლებიც სხედან ავტომანქანებში, დასდევენ გამვლელებს  და ეუბნებიან, რომ იქ ჰყოფნის უფლება არა აქვთ და არ გააჩნიათ, ეს არის ცალსახად არასწორი ინფორმაცია. იქიდან  გამომდინარე, რომ 100 მეტრის რადიუსის გარეთ და ბევრჯერ მომიწია ამ ტერმინის გამეორება არანაირი დარღვევა არ არის. თუნდაც მოწოდება, თუნდაც აგიტაცია და ა.შ. მთავარია, ეს დისტანცია იყოს დაცული.

02 ოქტომბერი, 2021

დღეს არის მნიშვნელოვანი დღე თითოეული ჩვენგანისთვის, საქართველოს თითოეული მოქალაქისთვის, თითოეული თბილისელისთვის.დღეს თბილისელები მიიღებენ გადაწყვეტილებას იმასთან დაკავშირებით, თუ როგორ ქალაქში სურთ ცხოვრება.ორი თვის მანძილზე, ჩვენ თბილისელებს ვაცნობდით ჩვენს ხედვას და გეგმებს იმის შესახებ, თუ რა გაკეთდება თბილისში მომდევნო 4 წლის განმავლობაში, როგორ გალამაზდება ჩვენი ქალაქი, როგორ შევიტანთ მეტ სიცოცხლეს თბილისის ყველა უბანში და ზოგადად როგორ წარმოგვიდგენია დედაქალაქი მომდევნო 4 წლის განმავლობაში ყველა უბნის მიხედვით, ყველა ქუჩის მიხედვით თუ რა პროექტები იქნება განხორცილებული. დარწმუნებული ვართ, ჩვენს მიერ 4 წლის მანძილზე გაკეთებული და შემდეგი 4 წლის მანძილზე გასაკეთებელი საქმეები გახდება თბილისში ჩვენი გუნდის გამარჯვების ძალიან მყარი საფუძველი. ამასთან ერთად, კიდევ ერთხელ შეგახსენებთ, რომ ამ არჩევნებს აქვს სერიოზული პოლიტიკური დატვირთვა. გვესმის, რომ გუშინდელი მოვლენების შემდეგ, ნაციონალური მოძრაობა და მისი სატელიტები ჩამოშლილი არიან. თუმცა, ამან არ უნდა მოგვცეს მოდუნების საშუალება. დღეს, ჩვენი მაქსიმალური აქტიურობით შეგვიძლია საბოლოოდ დავასრულოთ პოლარიზაცია, სიძულვილი და აგრესია ქართულ პოლიტიკასა და საზოგადოებაში.150 ათასზე მეტმა თბილისელმა უკვე გააკეთა არჩევანი. მადლობას ვუხდი თითოეულ მათგანს მაღალი სამოქალაქო პასუხისმგებლობის გამოვლენისთვის.ამასთან, საჭიროა კიდევ უფრო მეტი აქტიურობა, რათა არჩევნები დასრულდეს იმ შედეგით, რომელიც ყველაზე მეტად სჭირდება ჩვენი ქვეყნისა და დედაქალაქის განვითარებას და აღმშენებლობას.

02 ოქტომბერი, 2021

საარჩევნო პროცესი მიმდინარეობს მშვიდ გარემოში, მადლობა მინდა გადავუხადო საქართველოს მოქალაქეებს აქტიურობისთვის, იცით რომ უკვე გამოცხადდა 10 საათისთვის  მოქალაქეების აქტივობა და საკმაოდ დამაკმაყოფილებელი რიცხვები გვაქვს. ყველას მოგიწოდებთ კიდევ ერთხელ ჩვენს პლათფორმაზე elections2021.ge შეხვიდეთ, სადაც როგორც აქტივობასთან, ისე ინციდენტთან დაკავშირებით ნახავთ ინფორმაციას. ზოგადი შეფასების სახით მინდა გითხრათ, რომ რასაც ჩვენ ვაკვირდებით არის ერთი ტენდენცია, რაც გამოიკვეთა, რომ განსაკუთრებით მედიის მხრიდან აჟიოტაჟის გამოწვევა უბნებთან. ვხედავთ სხვადასხვა მედიასაშუალებებს, როგორ დასდევენ სხვადასხვა მოქალაქეებს უბნებთან, უბნისგან მოცილებით. ორი საკითხია აქ მნიშვნელოვანი. პირველი, იცით რომ საარჩევნო რეფორმის შედეგად შემოღებულ იქნა 100 მეტრიანი შეზღუდვის რადიუსი, აქედან გამომდინარე მედიის წარმომადგენლებს მინდა ვთხოვო, 100 მეტრის მიღმა არ შეაწუხონ მოქალაქეები, იქნებიან ეს პარტიული აქტივისტები, ამომრჩევლები, უბრალო მოქალაქეები. არსებობს 100 მეტრიანი რადიუსი და ყველამ როგორც მოქალაქეებმა, ისე მედიამ უნდა ვცეთ ამ რადიუსს პატივი. 100 მეტრის იქით ყველას აქვს უფლება, მათ შორის შესაძლებლობა არის, რომ მოახდინონ ამომრჩევლების მობილიზება. ამიტომ, კიდევ ერთხელ ყველას მოვუწოდებ, მედიის წარმომადგენლებს 100 მეტრის მიღმა ნუ შეაწუხებენ მოქალაქეებს. მეორე საკითხი, რაც შეეხება უკვე ასი მეტრის შიგნით და განსაკუთრებით უბნების მიმდებარედ, ჩვენ ვხედავთ გარკვეულ აჟიოტაჟს, სხვადასხვა მედიის წარმომადგენლების მხრიდან, გარკვეულ შემთხვევებში ეს შეიძლება გაგებულ იქნას როგორც აგიტაცია, გარკვეული პარტიის საწინააღმდეგოდ ან სასარგებლოდ, ამიტომაც, კიდევ ერთხელ, აქაც მოვუწოდებ მედიასაშუალებებს, იყვნენ მაქსიმალურად ნეიტრალური ინფორმაციის გაშუქების დროს, რათა არ იყოს ეს აღქმული, როგორც აგიტაცია რომელიმე პარტიის სასარგებლოდ ან საწინააღმდეგოდ. რაც შეეხება ჩვენს მონაცემებს და ჩვენი პორტალიდან მონაცემებს, ამ დროისთვის დაფიქსირდა ორი ინციდენტი, ერთი ფოთში და მეორე ზუგდიდში, ორივე ამოწურულია. ჩვენ ინციდენტების სახით ვაფიქსირებთ ძალადობის ან არეულობის ინციდენტებს, როდესაც მეტ-ნაკლებად ხმაური არის ხოლმე. ამჟამად არის მარნეულში ინციდენტი, სადაც „ნაციონალური მოძრაობის“ შტაბის ხელმძღვანელი პროვოკაციულად მიეჭრა ზაურ დარგალს და იქ არის ინციდენტი, მაგრამ ვფიქრობ რომ ესეც მალე ამოიწურება. რაც შეეხება სხვადასხვა დარღვევას, რომელიც ჩვენ დავაფიქსირეთ, თბილისში, ნაძალადევის რაიონში, 32-ე უბანზე საარჩევნო ყუთის ზედამხედველს დემონსტრაციულად ტელეფონზე ჰქონდა მიხეილ სააკაშვილის სურათი და ედო მაშინ, როდესაც ამომრჩევლები აძლევდნენ ხმას, რაც შეიძლება ჩაითვალოს როგორც აგიტაცია. ქობულეთში, მე-6 საარჩევნო უბანზე „ნაციონალური მოძრაობის“ ქობულეთის მაჟორიტარობის კანდიდატი რამაზ გოხიძე დგას უბანზე დისტანციის დარღვევით. ბათუმში, მე-60 საარჩევნო უბანი „ნაციონალური მოძრაობის“ კოორდინატორი უბანთან სიებით ამომრჩეველს აღრიცხავს. დაფიქსირებულია როგორც ეს ადამიანი, ისე მანქანა და მანქანის ნომერი. ჩოხატაურში, ხევის 34-ე საარჩევნო უბანში, 30 მეტრის რადიუსში იმყოფებოდა „ნაციონალური  მოძრაობის“ მაჟორიტარობის კანდიდატი ჯემალ ბერიძე. წეროვანში, მე-40  უბანზე „ნაციონალური მოძრაობის„ აქტივისტი გია ჩიტიშვილი არღვევს 100 მეტრიანი რადიუსის   განაწესს. ბათუმში, 64-ე უბანზე, „ნაციონალური მოძრაობის“ აქტივისტები სიებით ამომრჩეველს აღრიცხავენ. ესეც გახლავთ დარღევა უბანთან ახლოს. ბათუმში, მე-60 უბანზე, „ნაციონალური  მოძრაობის“ აქტივისტი სიებით ამომრჩეველს აღრიცხავს. თბილისში, ისანში, 39-ე და 45-ე უბანზე, „ევროპული საქართველოს“ კანდიდატის დაბრენდილი მანქანებით მოძრაობენ, ჩერდებიან უბანთან, რაც ასევე შეიძლება ჩაითვალოს როგორც აგიტაცია.გარდა ამისა, ჩვენ შემოგვივიდა ინფორმაცია, რომ ლანჩხუთში ხიდმაღალას 21-ე უბანზე ავთანდილ მანჯგალაძე აცხადებს, რომ მან გამოიტანა ორი ბიულეტინი ჩვენ ვცდილობთ, რომ დავადგინოთ შეეფერება ეს თუ არა სინამდვილეს. ამას გარდა, ქალბატონმა ანი წითლიძემ ჩაატარა ბრიფინგი, როგორც იცით, სადაც ის საუბრობდა კერძო კომპანია „ვეგასის" წარმომადგენლებს, რომ თითქოს  და დავალებული აქვთ გარკვეული კარუსელის მომზადება და ა.შ. კატეგორიულად ვაცხადებთ, არანაირი კავშირი ამ ადამიანებს და საარჩევნო დღესთან და ჩვენთან არ აქვთ. აქედან გამდინარე რაიმე სახით ჩართული და მითუმეტეს კარუსელთან, რომელიც მთელმა საქართველომ იცის, რომ ზღაპარია საერთოდ ამაზე საუბარი, როგორც წინა არჩევნებზე ცდილობდნენ ამის დამტკიცებას და ყველა დარწმუნდა რომ ეს იყო აბსოლუტური ფალსიფიკაცია ასეთი ტყუილების გავრცელება, ასე რომ, ესეც კატეგორიულად გვინდა უარყოთ. ასე რომ, ეს არის ამ მომენტისთვის ჩვენს მიერ დაფიქსირებული დარღვევები და ჩვენ დროდადრო მოგაწოდებთ დამატებით ინფორმაციას.

02 ოქტომბერი, 2021

პირველ რიგში, კიდევ ერთხელ გვინდა ხაზი გაუსვათ დღევანდელი დღის მნიშვნელობას. ქართველი ამომრჩეველი იღებს გადაწყვეტილებას იმის შესახებ, თუ როგორ სურს მისი მუნიციპალიტეტის, ქალაქის, სოფელის განვითარება. თითოეული ამომრჩევლის ხმა მნიშვნელოვანია იმისთვის, რომ აირჩნენ ღირსეული მერები და გაგრძელდეს თითოეული მუნიციპალიტეტის განვითარება. საარჩევნო პროცედურები წარიმართება კანონმდებლობის დაცვით, რაიმე არსებითი ხარვეზების გარეშე. მნიშვნელოვანია შევინარჩუნოთ მშვიდი საარჩევნო გარემო. კიდევ ერთხელ მოვუწოდებთ საარჩევნო პროცესში ჩართულ ყველა პირს შეინარჩუნონ მაქსიმალური სიმშვიდე და მოთმინებით შეხვდნენ ყველა შესაძლო პროვოკაციას. მოვუწოდებთ შესაბამის მედიასაშუალებებს ნუ შეეცდებიან შექმნან ხელოვნური აჟიოტაჟი და ყალბი აღქმები საარჩევნო გარემოს შესახებ. ათი საათის მონაცემებით არჩევნებში მონაწილეობა მიიღო 259 000-ზე მეტმა ამომრჩეველმა, რაც არის საკმაოდ მაღალი მაჩვენებელი ადგილობრივი თვითმმართველობის არჩევნებისთვის, თუმცა საჭიროა კიდევ უფრო მეტი აქტიურობა, რათა თითოეული ამომრჩევლის ხმა აისახოს საბოლოო შედეგებში.ამომრჩეველს შევახსენებთ, რომ დღეს ამოქმედდა ვებ-გვერდი elections2021.ge, სადაც შეგიძლიათ მიიღოთ ინფორმაცია ამომრჩევლის აქტივობის, აქტივობის პროგნოზისა და არჩევნებთან დაკავშირებული სხვა საინტერესო დეტალების შესახებ.კიდევ ერთხელ მოვუწოდებთ ამომრჩეველს მაქსიმალური აქტიურობისკენ, დარწმუნებული ვართ თქვენი მხარდაჭერით „ქართული ოცნება“ და ჩვენი კანდიდატები დამაჯერებლად გაიმარჯვებენ .

02 ოქტომბერი, 2021

დღეს არის მნიშვნელოვანი დღე ჩვენი ქვეყნისთვის, დღე, რომელიც განსაზღვრავს თითოეული მუნიციპალიტეტის განვითარებას მომდევნო 4 წლის განმავლობაში.თითოეული ამომრჩევლის ხმა მნიშვნელოვანია იმისათვის, რომ 64-ვე მუნიციპალიტეტში აირჩნენ ყველაზე ღირსეული კანდიდატები მერებად და საკრებულოს წევრებად.შესაბამისად, ამომრჩეველს მოვუწოდებთ მაქსიმალური აქტიურობისკენ.დღეს დილის 8 საათზე საარჩევნო უბნები კანონმდებლობის შესაბამისად გაიხსნა და საარჩევნო პროცედურები რაიმე არსებითი ხარვეზის გარეშე წარიმართა, რისთვისაც საარჩევნო ადმინისტრაციის თითოეულ წევრს მადლობას ვუხდით.დღეს განსაკუთრებით მნიშვნელოვანია, ამომრჩეველს მშვიდ გარემოში მიეცეს ხმის მიცემის შესაძლებლობა. ბუნებრივია, მოსალოდნელია პროვოკაციები. მოვუწოდებთ საარჩევნო პროცესში ჩართულ ყველა პირს, მათ შორის, განსაკუთრებით, ჩვენი პარტიის წევრებსა და მხარდამჭერებს, ნებისმიერ პროვოკაციას მაქსიმალური სიმშვიდითა და მოთმინებით შეხვდნენ. ნუ მივცემთ პროვოკატორებს მიზნის მიღწევის შესაძლებლობას.ასევე, მოვუწოდებთ ნაციონალური მოძრაობის კუთვნილ ტელევიზიებს, მათ მიერ დამკვიდრებული ტრადიციის წინააღმდეგ, ნუ შეეცდებიან ხელოვნური აჟიოტაჟით შექმნან ყალბი აღქმები საარჩევნო გარემოსთან დაკავშირებით.კიდევ ერთხელ მოვუწოდებთ ამომრჩევლებს აქტიურობისკენ.დარწმუნებული ვართ, რადიკალურ პოლიტიკურ ძალებს ქართული საზოგადოება სათანადო პასუხს გასცემს და „ქართული ოცნება“ დამაჯერებლად გაიმარჯვებს ამ არჩევნებში.

01 ოქტომბერი, 2021

ვიდრე ბრიფინგის მთავარ თემას შევეხებით, მინდა გამოვეხმაურო მიხეილ სააკაშვილის დაკავებას. სიმბოლურია, რომ ეს მოხდა ზუსტად 9 წლის თავზე იმ მომენტიდან, როდესაც ბიძინა ივანიშვილმა ქართულ საზოგადოებას საქართველოში თავისუფლების და დემოკრატიის გამარჯვება მიულოცა. ეს არის იმ საქმის დაგვირგვინება, რომელიც ბიძინა ივანიშვილმა, ზუსტად 10 წლის წინ დაიწყო. მივულოცავ, პრემიერ მინისტრს ამ ოპერაციის წარმატებით ჩატარებას და მადლობას გადავუხდი სამართალდამცავ სტრუქტურებს, შინაგან საქმეთა სამინისტროს და სახელმწიფო უსაფრთხოების სამსახურს ამ ოპერაციის წარმატებით ჩატარებისთვის.დღეს სრულდება წინასაარჩევნო კამპანია და გვსურს, კიდევ ერთხელ შევაჯამოთ განვლილი ორი თვე. როგორც ყველას მოგეხსენებათ, არჩევნები წარიმართა უპრეცედენტოდ მშვიდ და მშვიდობიან გარემოში. მიუხედავად რამდენიმე მძიმე პროვოკაციისა, რომელიც ნაციონალურმა მოძრაობამ არჩევნებამდე ბოლო ათი დღის განმავლობაში მოაწყო, მათ ვერ შეძლეს საარჩევნო გარემოს ხელოვნურად გაუარესება. სამწუხაროდ, ერთი პროვოკაცია დასრულდა მძიმე ინციდენტით და როგორც მოგეხსენებათ, ამ შემთხვევაშიც სამართალდამცავმა ორგანოებმა განახორციელეს მყისიერი რეაგირება. მადლობას ვუხდით ჩვენს აქტივისტებსა და მხარდამჭერებს მოთმინებისა და პროვოკაციებზე მშვიდი რეაგირებისათვის.დღემდე გამოქვეყნდა საერთაშორისო და ადგილობრივი ორგანიზაციების წინასწარი ანგარიშები, რომლებიც ადასტურებს, რომ წინასაარჩევნო პერიოდში არ დადასტურებულა რაიმე საარჩევნო დარღვევა, რომელსაც არჩევნების საბოლოო შედეგებზე თუნდაც უმნიშვნელო გავლენა შეიძლებოდა მოეხდინა.მადლობა გვინდა გადავუხადოთ ჩვენი ადგილობრივი საარჩევნო შტაბების ხელმძღვანელებს, მერობისა და საკრებულოს წევრობის კანდიდატებს, ჩვენი პარტიის ათი ათასობით წევრსა და მხარდამჭერს, რომლებიც გასული ორი თვის მანძილზე ყველაფერს აკეთებდნენ თავისუფალ და სამართლიან არჩევნებში „ქართული ოცნების“ ზედიზედ მერვე დამაჯერებელი გამარჯვების უზრუნველსაყოფად. მადლობას ვუხდით სამართალდამცავ ორგანოებს, საარჩევნო ადმინისტრაციას და ყველა კონსტრუქციულ ოპოზიციურ პარტიას ჯანსაღი წინასაარჩევნო გარემოს უზრუნველყოფაში შეტანილი წვლილისთვის.გასული ორი თვის მანძილზე, „ქართული ოცნება“ იყო ერთადერთი პოლიტიკური ძალა, რომელიც დედაქალაქსა და რეგიონებში, თითოეულ მუნიციპალიტეტში, სოფელ-სოფელ, ქალაქ-ქალაქ და უბან-უბან ხვდებოდა მოქალაქეებს და ესაუბრებოდა საარჩევნო პროგრამაზე, იმაზე, თუ როგორ ხედავს თითოეული ქალაქისა და სოფლის განვითარებას, მოსახლეობის წინაშე არსებული პრობლემების გადაწყვეტას.ჩვენგან განსხვავებით, რადიკალური ოპოზიცია საუბრობდა გაუგებარ რეფერენდუმზე, გაუგებარი გზავნილებით, რომლებიც სრულიად უინტერესოა საზოგადოებისთვის. დარწმუნებული ვართ, მოქალაქეების მიმართ ეს დამოკიდებულება არჩევნების შედეგებზე მკაფიოდ აისახება.ადგილობრივი თვითმმართველობის არჩევნებზე წყდება ადგილობრივი ხელისუფლების საკითხი. თუმცა, ბუნებრივია, ამ არჩევნებს აქვს სერიოზული პოლიტიკური დატვირთვაც. ხვალ ტარდება ბოლო არჩევნები 2024 წლამდე. შესაბამისად, მას შემდეგ, რაც დასრულდება 2 ოქტომბრის არჩევნები, ქვეყანას მიეცემა მშვიდი და სტაბილური განვითარების, ეკონომიკური წინსვლის, სიღარიბის დაძლევის, ჩვენი ქვეყნის საგარეო პოზიციების შემდგომი გაძლიერების შესაძლებლობა. ამისათვის კი, ხვალ მნიშვნელოვანია ქართული საზოგადოების სრული მობილიზაცია იმ პოლიტიკური ძალების წინააღმდეგ, რომლებიც, უკვე წლებია, ქვეყანას მძიმე წარსულისკენ ექაჩებიან. უნდოდათ რეფერენდუმი? ადგილობრივი თვითმმართველობის არჩევნებთან ერთად, მიიღებენ რეფერენდუმსაც და ეს იქნება ნაციონალური მოძრაობისა და მისი სატელიტების, მოძალადეებისა და მოღალატეების დამთავრების რეფერენდუმი.ეს ჭირდება ქართულ დემოკრატიას, ეს ჭირდება ქართული სახელმწიფოსა და ეკლესიის სიძლიერეს. რადიკალური ანტისახელმწიფოებრივი და ანტისაეკლესიო დაჯგუფებების ადგილი ქართულ დემოკრატიაში არ არის. ამ ძალებს ქართული საზოგადოებისგან ხვალ საკადრისი პასუხი უნდა გაეცეს. როგორც ყველა სანდო სოციოლოგიური კვლევა ადასტურებს, „ქართული ოცნება“ ადგილობრივი თვითმმართველობის არჩევნებს დამაჯერებლად იგებს; ჩვენი მერობის კანდიდატები მუნიციპალიტეტების უდიდეს უმრავლესობაში პირველივე ტურში იგებენ არჩევნებს. ამასთან, არჩევნების საბოლოო შედეგი, რა თქმა უნდა, ამომრჩევლის ნებასა და აქტიურობაზეა დამოკიდებული. შესაბამისად, გვინდა კიდევ ერთხელ მოვუწოდოთ მოქალაქეებს მაქსიმალური აქტიურობისკენ.დარწმუნებული ვართ, რომ ხვალ გაიმარჯვებს „განვითარება ყველა რეგიონს“ და „მეტი სიცოცხლე თბილისის ყველა უბანში“. საქართველოს წინსვლასა და განვითარებას, მშვიდობასა და სტაბილურობას ალტერნატივა არ აქვს!

01 ოქტომბერი, 2021

მოგესალმებით ბუენოს-აირესიდან. დღეს 1 ოქტომბერია, ცხრა წელი შესრულდა „ქართული ოცნების“ ისტორიული გამარჯვებიდან და სიმბოლურია, რომ სწორედ დღეს წერტილი დაესვა „ ნაციონალურ მოძრაობას“, როგორც პოლიტიკურ ძალას. „ ქართული ოცნების“ მორიგ დამაჯერებელ გამარჯვებამდე დარჩენილია ერთი დღე. ხვალ ჩვენი ქვეყნის მოსახლეობა საკუთარ მუნიციპალიტეტებში მერებს და საკრებულოს წევრებს აირჩევს. ამ არჩევნებზე ქვეყანა რეფორმირებული საარჩევნო კანონმდებლობით და საარჩევნო ადმინისტრაციით გადის. პარლამენტის მიერ გატარებული რეფორმების შედეგად:- საარჩევნო კომისიების პარტიული წევრების ნაწილი გამრავალფეროვნდა და მასში ახლა 9 პარტია თანაბრად არის წარმოდგენილი, რაც უზრუნველყოფს კომისიებში პარტიების ურთიერთკონტროლს - საუბნო საარჩევნო კომისიის 29 000 პროფესიული წევრიდან 99.9 % არჩეულ იქნა ოპოზიციის მონაწილეობით, რაც ადასტურებს საარჩევნო კომისიის მიმართ მრავალპარტიულ ნდობას.- დაწესდა უბნებთან 100 მეტრიანი პერიმეტრი სადაც აკრძალულია მოქალაქეთა შეკრება, რაც უზრუნველყოფს მშვიდ საარჩევნო გარემოს- მოხდება უბნების 10%-ის შემთხვევით შერჩევა და გადათვლა, რაც დათვლის შედეგების კონტროლთან ერთად, უზრუნველყოფს დარღევების პრევენციას.- განხორციელდება ბიულეტენების დათვლის ვიდეოფიქსაცია და ვიდეო-ფაილების ინტერნეტში ღია წვდომისთვის ატვირთვა, რაც ნებისმიერ მოქალაქეს მისცემს ნებისმიერი უბნის ვიდეოჩანაწერის მეშვეობით გადათვლის შესაძლებლობას.- თბილისში, კრწანისის რაიონში, პილოტირებას გაივლის ბიულეტენების ელექტრონული მთვლელები, რაც სამომავლოდ, ელექტრონულ არჩევნებზე გადასვლის მნიშვნელოვანი ეტაპია.- და კიდევ ბევრი სხვა ცვლილება, რომელიც არავის მისცემს ამ არჩევნების შედეგების დისკრედიტირების შანსს.დღეს, ჩვენ გვსურს, კიდევ ერთი სიახლე წარმოგიდგინოთ, რომელსაც პარტია „ქართული ოცნება“ ამ არჩევნებზე მოსახლეობას შესთავაზებს და ამ სახით ის უპრეცედენტო იქნება. ვფიქრობთ, მნიშვნელოვანია, რომ არჩევნები და თავად არჩევნების დღე, როგორც დემოკრატიის ყველაზე ფუძემდებლური მომენტი, უნდა იყოს მოქალაქეების განსაკუთრებული ყურადღების ქვეშ. სწორედ ამიტომ ჩვენ შევქმენით - „საარჩევნო პორტალი 2021“ - სპეციალური სივრცე ინტერნეტში, სადაც მოქალაქეებს არჩევნების დღესთან დაკავშირებით მნიშვნელოვანი ინფორმაციის მიღება შეეძლებათ. პორტალი უკვე განთავსებულია მისამართზე elections2021.ge

30 სექტემბერი, 2021

„ქართული ოცნების“ თავმჯდომარე ირაკლი კობახიძე და პარტიის საზოგადოებასთან ურთიერთობის მდივანი შალვა პაპუაშვილი NDI-ის და IRI-ის სადამკვირვებლო მისიების ხელმძღვანელებს შეხვდნენ. შეხვედრაზე წინასაარჩევნო გარემოზე, 2 ოქტომბერს არჩევნებზე დაკვირვების და ჩასატარებელ კენჭისყრის პროცესზე ისაუბრეს.

30 სექტემბერი, 2021

როგორც მოგეხსენებათ, არჩევნებამდე დარჩა 2 დღე. ყველა ხედავთ, რომ წინასაარჩევნო კამპანია წარიმართა უპრეცედენტოდ მშვიდ გარემოში. არ დაფიქსირებულა რაიმე არსებითი დარღვევები, რომელსაც არჩევნების შედეგებზე თუნდაც უმნიშვნელო გავლენა შეიძლებოდა მოეხდინა. გასული დღეების განმავლობაში განხორციელებული არაერთი პროვოკაციის მიუხედავად, ნაციონალურმა მოძრაობამ ვერ შეძლო საარჩევნო გარემოს ხელოვნურად გაუარესება. განსაკუთრებულ მადლობას ვუხდით პარტიის იმ წევრებსა და მხარდამჭერებს, რომლებმაც პროვოკაციებსა და შეურაცხყოფას მშვიდი რეაგირებით უპასუხეს.განსაკუთრებულ ყურადღებას საჭიროებს კენჭისყრის დღე, როდესაც რადიკალური ოპოზიციის მხრიდან პროვოკაციები და დესტრუქციული ქმედებები ყველაზე მეტად არის მოსალოდნელი. დესტრუქციული გეგმების შესახებ მრავლად შემოდის გამოჟონილი ინფორმაცია ნაციონალური მოძრაობის ოფისებიდან. ყურადღებას გავამახვილებთ მხოლოდ ძირითად მოსალოდნელ პროვოკაციებსა და დესტრუქციულ ქმედებებზე: 2020 წლის არჩევნების ანალოგიურად, ამ შემთხვევაშიც გეგმავენ საარჩევნო ადმინისტრაციაში ჭარბი რაოდენობით საჩივრების შეტანას. აღნიშნულის მიზანია, ერთი მხრივ, ხელოვნურად გაიზარდოს საჩივრების სტატისტიკა, ხოლო, მეორე მხრივ, ხელოვნური დაბრკოლება შეექმნას კომისიების საქმიანობას. აქვე შეგახსენებთ, რომ საჩივრების ელექტრონული პლატფორმის შემოღებასთან ერთად, საარჩევნო კომისიებში საჩივრების შეტანა არსებითად გამარტივდა; ცალკეულ უბნებზე იგეგმება საარჩევნო ინვენტარისა და დოკუმენტაციის (საარჩევნო სიების, ბეჭდების და ა.შ.) მოპარვა; ისევე, როგორც ყველა წინა არჩევნებზე, ამ შემთხვევაშიც, ხელმოწერების მანიპულირებისა და საარჩევნო ბიულეტენების უბნიდან გამოტანის გზით, გეგმავენ დისბალანსების ხელოვნურად გამოწვევას; იგეგმება საარჩევნო უბნებზე ხელოვნური რიგების შექმნა ამომრჩევლის აქტივობის შესამცირებლად. ასევე, რადიკალური ოპოზიციის მიერ დანიშნულ კომისიის წევრებს მასობრივად აძლევენ დავალებას, ხელი არ მოაწერონ საარჩევნო უბნების ოქმებს იმ შემთხვევაშიც კი, თუ უბანზე არცერთი საარჩევნო დარღვევა არ დაფიქსირდება. ამგვარი უკანონო დავალების გამცემებიც და შემსრულებლებიც კანონის წინაშე აგებენ პასუხს, ბუნებრივია. გარდა ამისა, გვაქვს ინფორმაცია, რომ ნაციონალური მოძრაობის შტაბის უფროსების მიერ გაიცემა საარჩევნო უბნების ჩაშლის დავალებები. მაგალითად, გვაქვს ინფორმაცია, რომ ნაციონალური მოძრაობის ბათუმის მერობის კანდიდატმა, გიორგი კირთაძემ პირადად ჩაატარა შეხვედრა ნაციონალური მოძრაობის მიერ დანიშნულ საარჩევნო კომისიის წევრებთან და დაავალა 20-ზე მეტი საარჩევნო უბნის ჩაშლა (აღნიშნული საარჩევნო უბნების ნომრებია: 32, 34, 36, 38, 40, 42, 11, 15, 17, 19, 23, 21, 61, 62, 64, 71, 72, 20, 28, 27, 102 და 103). ყველას შევახსენებთ, რომ საარჩევნო უბნის ხელოვნურად ჩაშლა არის სისხლის სამართლის დანაშაული და ამგვარი ქმედებებისთვის ყველა უმკაცრესად აგებს პასუხს. ბუნებრივია, არჩევნების დღის მთავარ გამოწვევად რჩება პროვოკაციები, რაც „ნაციონალური მოძრაობის“ ხელწერაა. იგეგმება საარჩევნო კომისიის წევრების, წარმომადგენლებისა და დამკვირვებლების სიტყიერი შეურაცხყოფა ფიზიკური დაპირისპირების პროვოცირების მიზნით. ამგვარი პროვოკაციების პილოტირება გასულ დღეებში უკვე განახორციელა ნაციონალურმა მოძრაობამ ზვიად კუპრავას შესრულებით. ვაფრთხილებთ რადიკალურ ოპოზიციას, რომ ამგვარი ქმედებები არ დარჩება დაუსჯელი და ყველა სამართალდამრღვევი უმკაცრესად აგებს პასუხს. „ქართული ოცნება“ სრულად იაზრებს პასუხისმგებლობას, რომელიც მას თავისუფალი, სამართლიანი და მშვიდობიანი არჩევნების უზრუნველყოფის თვალსაზრისით ეკისრება. შესაბამისად, ჩვენ გავაკეთებთ ყველაფერს, რათა ამომრჩეველს თავისუფალ და მშვიდ გარემოში ხმის მიცემის საშუალება მიეცეს.დიდი მადლობა. 2 ოქტომბერს ყველას მოგიწოდებთ მაქსიმალური აქტიურობისკენ.

30 სექტემბერი, 2021

გვსურს საზოგადოებას წარვუდგინოთ ინფორმაცია მოახლოებულ მუნიციპალიტეტის ორგანოთა არჩევნების ადგილობრივი ორგანიზაციების მიერ მონიტორინგის განხორციელებასთან დაკავშირებით. ჩვენი ქვეყნის მოსახლეობა დარწმუნდა, რომ ოპოზიციას არ აქვს ხედვა და შესაბამისად, ვერაფერს ვერ სთავაზობს ჩვენს ამომრჩეველს შემდეგი 4 წლის განვითარებასთან დაკავშირებით. „ქართული ოცნების“ გუნდმა ყველა ქალაქსა და მუნიციპალიტეტში ჩაატარა აქტიური წინასაარჩევნო კამპანია და მოსახლეობის წინაშე წარსდგა, როგორც გასული 4 წლის მანძილზე განხორციელებული პროექტების კონკრეტული შედეგებით, ასევე გააცნო ის მნიშვნელოვანი გეგმები, რომელიც თითოეული მოქალაქის კეთილდღეობაზეა ორიენტირებული და რამაც თითოეულ ჩვენს თანამოქალაქეს შემდეგი წლების განმავლობაში მეტი სიკეთე უნდა მოუტანოს. მიუხედავად ჩვენს მიერ ჩატარებული არაერთი ბრიფინგისა თუ გაკეთებული განცხადებისა, ოპოზიციის რადიკალური ფრთა ორიენტირებულია არა 2, არამედ 3 ოქტომბერზე, დესტრუქციასა და არეულობებზე. ამ მხრივ აქტიურად არიან ჩართული პროცესში რადიკალური ოპოზიციის პარტიული ტელევიზიები, ხოლო მათთან აფილირებული არასამთავრობო ორგანიზაციები ცდილობენ ცესკოს დისკრედიტაციას წინასაარჩევნოდ და ემზადებიან არჩევნების დღეს სუბიექტური მონიტორინგის განსახორციელებლად. სამიოდე კვირის წინ საზოგადოებას წარვუდგინეთ შუალედური ანგარიში იმ ადგილობრივი სადამკვირვებლო ორგანიზაციების შესახებ, რომლებიც ცესკოში დარეგისტრირდნენ 2 ოქტომბრის არჩევნებზე დასაკვირვებლად და რომლებიც საჯარო წყაროებით მტკიცდება, რომ არიან პირდაპირ კავშირში კონკრეტულ პოლიტიკურ სუბიექტებთან. ჩვენ საჯაროდ მოვუწოდეთ მათ, წარმოედგინათ საზოგადოებისთვის ინფორმაცია, თუ ვის მიერ და რა წყაროებით ხდება ამ ორგანიზაციების დაფინანსება; არ გვიკვირს, რომ მათ ეს არ გააკეთეს, რაც ამყარებს განცდას იმის თაობაზე, რომ ისინი ფინანსდებიან მათთან დაკავშირებული ოპოზიციური პარტიების მიერ.დღეს წარმოგიდგენთ მოკლე შემაჯამებელ ანგარიშს ცესკოში რეგისტრირებულ ადგილობრივ სადამკვირვებლო ორგანიზაციების შესახებ, რომლებმაც უნდა განახორციელონ დაკვირვება 2 ოქტომბრის არჩევნებზე. 30 სექტემბრის მდგომარეობით ცესკოს მიერ სულ დარეგისტრირდა 88 ადგილობრივი სადამკვირვებლო ორგანიზაცია, რომლისგანაც არჩევნების მონიტორინგის წინა წლების გამოცდილება არ აქვს 16-ს. შესწავლილი საჯარო წყაროების საფუძველზე დადგინდა, რომ ამ 88 ორგანიზაციიდან 20 ორგანიზაცია, ანუ ფაქტობრივად ყოველი მეოთხე ორგანიზაცია აფილირებულია კონკრეტულ პარტიებთან; მათგან 15 აფილირებულია „ერთიან ნაციონალურ მოძრაობასთან“, 3 ევროპულ საქართველოსთან, ხოლო 2 პარტია საქართველოსთვის. საყურადღებოა, რომ 88 ადგილობრივ ორგანიზაციას 2 ოქტომბრის არჩევნებზე ჯამში ეყოლება 31170 დამკვირვებელი, რომელთაგან 8482 დამკვირვებელი მოდის პარტიებთან კავშირში მყოფ ჩვენს მიერ ხსენებულ 20 ორგანიზაციის წილად, რაც დამკვირვებელთა საერთო რაოდენობის 27%-ია. სხვა სიტყვებით რომ ვთქვათ, 2 ოქტომბრის არჩევნებზე ადგილობრივი სადამკვირვებლო ორგანიზაციების ყოველი მეოთხე დამკვირვებელი იქნება ის ადამიანი, რომელიც წარმოადგენს ორგანიზაციას, რაც აფილირებულია არის კონკრეტულ ოპოზიციურ პარტიასთან. ცხადზე ცხადია, რომ ამ ორგანიზაციების მიერ წარმოებული სადამკვირვებლო მისია ვერ იქნება ობიექტური. ანალიზი და დასკვნა ამის თაობაზე ჩვენი საზოგადოებისთვის მიგვინდია. აქვე გვსურს ხაზგასმით ავღნიშნოთ, რომ წარმოდგენილი ორგანიზაციების იდენტფიცირება კონკრეტულ პოლიტიკურ სუბიეტქებთან განხორციელდა საჯარო წყაროებზე დაყრდნობით. არ გამოვრიცხავთ, რომ დარჩენილ ორგანიზაციათა შორის შენიღბულად კიდევ არიან ისეთი ორგანიზაციები, რომლებიც აფილირებული არიან კონკრეტულ პოლიტიკურ სუბიექტებთან. ჩვენ კიდევ ერთხელ მოვუწოდებთ აღნიშნულ ორგანიზაციებს გასააჯაროონ დაფინანსების წყარო. აქვე გეტყვით, რომ დღესვე, აღიშნული ინფორმაცია შესაბამისი ანალიზითა და თანდართული კატალოგით მიეწოდება საერთაშორისო სადამკვირვებლო მისიებსა და საქართველოში აკრედიტირებულ დიპლომატიურ წარმომადგენლობებს.

29 სექტემბერი, 2021

დღეს გვსურს საზოგადოებას გავაცნოთ პარტიის სოციოლოგიური ჯგუფის მიერ თბილისში ჩატარებული მორიგი კვლევის შედეგები სოციოლოგიური კვლევის საველე სამუშაოები ჩატარდა 21-27 სექტემბერს. კვლევის ფარგლებში, გამოიკითხა 4505 რესპონდენტი. ცდომილების ზღვარი გახლავთ 2 %. პირველ რიგში, წარმოგიდგენთ პარტიული რეიტინგების შეწონილ მონაცემებს. კითხვაზე, „ხვალ რომ თბილისის საკრებულოს არჩევნები ტარდებოდეს, რომელ პოლიტიკურ პარტიას მისცემდით ხმას“, პასუხები შემდეგი სახით განაწილდა:   ქართული ოცნება 51,4 ნაციონალური მოძრაობა 25,9 საქართველოსთვის 5,6 ლელო 3,4 გირჩი - მეტი თავისუფლება 3,3 პატრიოტთა ალიანსი 2,6 მოქალაქეები 2,1 მესამე ძალა 1,7 ლეიბორისტული პარტია 1,1 ევროპული საქართველო 0,8 გირჩი 0,3 სხვა პარტიები 1,8       წარმოგიდგენთ თბილისის მერობის კანდიდატების შეწონილ რეიტინგებს. კითხვაზე, „ხვალ რომ თბილისის მერის არჩევნები ტარდებოდეს, რომელ კანდიდატს მისცემდით ხმას“, პასუხები შემდეგი სახით განაწილდა: კახა კალაძე (ქართული ოცნება) 56,9 ნიკანორ მელია (ნაციონალური მოძრაობა) 27,9 გიორგი გახარია (საქართველოსთვის) 6,6 ანა ბიბილაშვილი (ლელო) 2,8 გიორგი ლომია (პატრიოტთა ალიანსი) 1,9 ანა დოლიძე (ხალხისთვის) 1,6 მიხეილ ქუმსიშვილი (ლეიბორისტული პარტია) 0,7 თამარ კეკენაძე (მესამე ძალა) 0,5 სხვა კანდიდატები 1,1   როგორც ხედავთ, კახა კალაძეს აქვს ძალიან მყარი შესაძლებლობა, არჩევნები პირველივე ტურში დიდი უპირატესობით მოიგოს. ასევე, ლიდერობს თბილისის საკრებულოში „ქართული ოცნების“  მაჟორიტარობის ყველა კანდიდატი: მთაწმინდა   ზურაბ აბაშიძე (ქართული ოცნება) 53,2 თენგო კირთაძე (ე.წ. გაერთიანებული ოპოზიცია) 31,9 ვახტანგ (ვატო) გვაზავა (საქართველოსთვის) 5,7 საბა ბუაძე (ლელო) 6,1 სხვა კანდიდატები 3,1             ვაკე   გიორგი ტყემალაძე (ქართული ოცნება) 53,5 ბათუ ქუთელია (ე.წ. გაერთიანებული ოპოზიცია) 28,8 მედეა მეტრეველი (ლელო) 8,9 მერაბ მაჭავარიანი (საქართველოსთვის) 5,2 სხვა კანდიდატს 3,6                 საბურთალო   ავთანდილ ცინცაძე (ქართული ოცნება) 57,6 ბორისი ყურუა (ე.წ. გაერთიანებული ოპოზიცია) 23,7 მიხეილ ნაბიჯაშვილი (საქართველოსთვის) 6,8 ვახტანგ (ვატო) სურგულაძე (ლელო) 4,1 სხვა კანდიდატები 7,8             დიდუბე   გივი ჩხარტიშვილი (ქართული ოცნება) 53,9 ნიკა მოსიაშვილი (ე.წ. გაერთიანებული ოპოზიცია) 29,1 გიორგი ქაჯაია (საქართველოსთვის) 8,7 დიმიტრი აბაშიძე (ლელო) 4,4 სხვა კანდიდატები 3,9 ნაძალადევი   ირაკლი ხელაძე (ქართული ოცნება) 58,7 ბადრი გრიგალაშვილი (ე.წ. გაერთიანებული ოპოზიცია) 28,3 გალაქტიონ ღუდუშაური (საქართველოსთვის) 8,2 სხვა კანდიდატები 4,8                 გლდანი   კონსტანტინე ზარნაძე (ქართული ოცნება) 49,2 ელენე ხოშტარია (ე.წ. გაერთიანებული ოპოზიცია) 35,1 ნათია მეზვრიშვილი (საქართველოსთვის) 7,1 თამარ ადამია (ლელო) 4,1 სხვა კანდიდატები 4,5             ჩუღურეთი   ზურაბ ჩიკვილაძე (ქართული ოცნება) 54,1 გიორგი ნონიაშვილი (ე.წ. გაერთიანებული ოპოზიცია) 31,2 რუსუდან თევზაძე (საქართველოსთვის) 9,1 კახაბერ ჟღენტი (ლელო) 3,5 სხვა კანდიდატები 2,1             კრწანისი   ლევან ჯაფარიძე (ქართული ოცნება) 60,9 თამაზ ახობაძე (ე.წ. გაერთიანებული ოპოზიცია) 23.1 ზურაბ რეხვიაშვილი (საქართველოსთვის) 6,1 თაზო დათუნაშვილი (ლელო) 5,1 სხვა კანდიდატები 4,8       ისანი   კახაბერ ლაბუჩიძე (ქართული ოცნება) 58,1 ბესო დონაძე (ე.წ. გაერთიანებული ოპოზიცია) 29,5 დავით გოგიძე (საქართველოსთვის) 6,5 ლანა გალდავა (ლელო) 2,8 სხვა კანდიდატები 3,1             სამგორი   რევაზ სოხაძე (ქართული ოცნება) 53,9 დავით ჟღენტი (ე.წ. გაერთიანებული ოპოზიცია) 31,8 კახაბერ ქემოკლიძე (საქართველოსთვის) 6,4 გულიკო ზუმბაძე (ლელო) 3,1 სხვა კანდიდატები 4,8       კვლევის მონაცემებით, თბილისის საკრებულოს წევრთა 50 მანდატი პარტიებს შორის შემდეგი სახით განაწილდებოდა:       ქართული ოცნება 32   ნაციონალური მოძრაობა 11   საქართველოსთვის 2   ლელო 2   გირჩი - მეტი თავისუფლება 2   პატრიოტთა ალიანსი 1         შესაბამისად, თუ არჩევნები ამ შედეგებით დასრულდება, „ქართული ოცნებისა“ და კახა კალაძის გუნდი თბილისის საკრებულოში, მაჟორიტარების ჩათვლით, მყარ უმრავლესობას მოიპოვებს. ჩვენ დარწმუნებული ვართ რომ 2 ოქტომბერს ჩვენი დედაქალაქის ამომრჩევლების მხარდაჭერით კახა კალაძე პირველივე ტურში დამაჯერებლად გაიმარჯვებს, გაიმარჯვებს მისი საკრებულოს გუნდიც და შესაბამისად გაიმარჯვებს თბილისიც!

29 სექტემბერი, 2021

გუშინ, ტელეკომპანია „იმედმა” გამოაქვეყნა საერთაშორისო კვლევითი ორგანიზაცია „გორბის” მიერ შესრულებული საზოგადოებრივი აზრის კვლევა. ამ კვლევამ კიდევ ერთხელ დაადასტურა ის პროგნოზები, რაც პარტიის სოციოლოგიური ჯგუფის მიერ ჩატარებული კვლევებით იკვეთებოდა. ფაქტია, „ქართული ოცნება” საქართველოს მასშტაბით, თითქმის ყველა საარჩევნო ოლქში პირველივე ტურში იმარჯვებს. ასევე, ძალიან დამაჯერებლად იმარჯვებს კახა კალაძე. ამ კვლევამ, კიდევ ერთხელ დაგვანახა ის განწყობა, რომელიც საზოგადოებაში არსებობს. კერძოდ ის, რომ გასული ოთხი წლის განმავლობაში „ქართული ოცნების“ გუნდმა ყველა მუნიციპალიტეტში შეძლო ხელშესახები წინსვლის მიღწევა. მოსახლეობა ხედავს რამდენად გაუმჯობესდა ინფრასტრუქტურა, გზები, წყალმომარაგება, ბუნებრივი აირის მიწოდება, საგანმანათლებლო ინფრასტრუქტურა, სოციალურ საჭიროებებზე რეაგირების სისტემები. ამავე დროს, ეს მხარდაჭერა მიუთითებს, რომ ჩვენმა მერობის და საკრებულოს წევრობის კანდიდატებმა სწორად შეძლეს მუნიციპალიტეტების მიხედვით ჩვენი მოსახლეობის კონკრეტული საჭიროებების გაანალიზება და მათი ასახვა საარჩევნო პროგრამებში. აღსანიშნავია, რომ ყველა კვლევით „ქართული ოცნების“ ხელისუფლების პირობებში ადგილობრივი ხელისუფლება გახდა ყველაზე მაღალი ნდობის მქონე საჯარო ინსტიტუტი, რაც, რა თქმა უნდა, ასევე აისახება ჩვენი კანდიდატების რეიტინგებში.ამიტომ, ბუნებრივია, რომ ჩვენი მოსახლეობა სწორად ხვდება, რომ „ქართული ოცნება“ არის ერთადერთი, საქმეზე და მოსახლეობის საჭიროებებზე ორიენტირებული პოლიტიკური ძალა, ენდობა ჩვენს გუნდს და მზად არის, ადგილობრივი თვითმმართველობის არჩევნებზე კვლავაც დაუჭიროს მას მხარი. ამ ფონზე კიდევ უფრო გასაგები ხდება ოპოზიციის და მათი ტელევიზიების მიერ რეალური სურათის დამახინჯების სასოწარკვეთილი მცდელობა კვლევების მანიპულირების და დეზინფორმაციით გაჯერებული სიუჟეტების მეშვეობით. ამის საუკეთესო მაგალითი იყო IPSOS-ის კვლევა, როცა პირდაპირ ეთერში ვიხილეთ, როგორ მოაქცია ჩიხში ელემენტარულმა კითხვებმა დამკვეთიც და შემსრულებელიც. რა თქმა უნდა, მოსახლეობისთვის გონების არევის ამგვარ სასოწარკვეთილ მცდელობებს წარმატების შანსი არ აქვს. ქართველი ხალხი, 2 ოქტომბერს, უკვე მერვედ გააკეთებს სწორ არჩევანს და მხარს დაუჭერს „ქართულ ოცნებას“ და მის კანდიდატებს.კიდევ ერთხელ გვსურს მადლობა გადავუხადოთ ჩვენს მხარდამჭერებს და მოვუწოდოთ მათ აქტიურობისკენ. 2 ოქტომბერს ჩვენ კვლავ ერთად გავიმარჯვებთ.

26 სექტემბერი, 2021

„ქართული ოცნების“ ლიდერები რეგიონების მუნიციპალიტეტების მერობის კანდიდატებთან და საარჩევნო შტაბების ხელმძღვანელებთან შეხვედრებს განაგრძობენ. „ქართული ოცნების“ თავმჯდომარე ირაკლი კობახიძე, რეგიონული მდივანი დიმიტრი სამხარაძე, უმრავლესობის წევრები ირაკლი მეზურნიშვილი და ზაალ დუგლაძე, შიდა ქართლის მუნიციპალიტეტების მერობის კანდიდატებს და საარჩევნო შტაბების ხელმძღვანელებს შეხვდნენ. გორში, „ქართული ოცნების“ ცენტრალურ შტაბში გამართულ შეხვედრაზე, რომელსაც მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი და სახელმწიფო რწმუნებული შიდა ქართლის მხარეში ვალერიან მჭედლიძე ესწრებოდნენ, ადგილობრივი თვითმმართველობის არჩევნებთან დაკავშირებულ საკითხებზე იმსჯელეს. შეხვედრა უკვე გაიმართა მცხეთაში. „ქართული ოცნების“ ლიდერები დღესვე შეხვედრას გამართავენ ახალციხეში.

26 სექტემბერი, 2021

„ქართული ოცნების“ თავმჯდომარე ირაკლი კობახიძე, რეგიონული მდივანი დიმიტრი სამხარაძე და საპარლამენტო უმრავლესობის წევრი დიმიტრი ხუნდაძე მცხეთა-მთიანეთის მუნიციპალიტეტების მერობის კანდიდატებს და საარჩევნო შტაბების ხელმძღვანელებს შეხვდნენ. მცხეთაში, „ქართული ოცნების“ ცენტრალურ შტაბში გამართულ შეხვედრაზე ადგილობრივი თვითმმართველობის არჩევნებთან დაკავშირებულ საკითხებზე იმსჯელეს. დღესვე, „ქართული ოცნების“ ლიდერები შეხვედრებს გამართავენ გორსა და ახალციხეში.

25 სექტემბერი, 2021

რამდენიმე დღის წინ, საზოგადოებას მივაწოდეთ ინფორმაცია ნაციონალური მოძრაობის მიერ წინასაარჩევნოდ დაგეგმილი დესტრუქციული და პროვოკაციული ქმედებების შესახებ. როგორც ხედავთ, უკვე რამდენიმე დღეა, ნაციონალური მოძრაობის წარმომადგენლები, სხვადასხვა რეგიონებში, ახორციელებენ პროვოკაციულ ქმედებებს, რათა ხელოვნურად გააუარესონ უპრეცედენტოდ მშვიდობიანი და მშვიდი საარჩევნო გარემო. ამის პირველი მაგალითი გახლდათ მაშინ, როდესაც მთავარი არხის წარმომადგენელი შეიჭრა „ქართული ოცნების“ ქარელის შტაბში და ჩვენი მერობის კანდიდატს მიაყენა უხეში შეურაცხყოფა. აღნიშნულ ფაქტს მოჰყვა პროვოკაციები ბათუმში, ხელვაჩაურში და მათ შორის, არასრულწლოვანი ბავშვის გამოყენებითაც, რაც რეალურად მიანიშნებს ნაციონალური მოძრაობის ღირებულებებზე და ნათლად მეტყველებს, თუ რა მიზნები აქვთ მათ. მადლობა მინდა გადავუხადო ყველა იმ აქტივისტს, რომელიც იჩენს მოთმინებას, არ ჰყვება პროვოკაციას და აგრძელებს საარჩევნო კამპანიის წარმოებას, რომელიც მიმართულია ჩვენი მოქალაქეების ღირსეული უკეთესი მომავლისთვის. სამწუხაროდ, მძიმე ინციდენტით დასრულდა მათი პროვოკაცია ასევე დმანისში, სადაც ნაციონალური მოძრაობის ერთ-ერთმა მხარდამჭერმა მძიმე დაზიანება მიიღო. მადლობას ვუხდით შინაგან საქმეთა სამინისტროს მყისიერი რეაგირებისთვის. გუშინწინ დესტრუქციული ქმედებების ეს ჯაჭვი გააგრძელა ნაციონალური მოძრაობის ფორმალურმა თავმჯდომარემ ნიკანორ მელიამ, რომელმაც პროვოკაცია ევროკავშირის ოფისის წინ მოაწყო. სამწუხაროდ, ამ პროვოკაციას არ მოჰყვა სათანადო შეფასება, რაც შესაძლებელია ნაციონალური მოძრობის მხრიდან მწვანე შუქად იქნეს შეფასებული. ჩვენი ვარაუდი გამართლდა და დღეს, ნაციონალურმა მოძრაობამ მოაწყო მორიგი პროვოკაცია კასპში, სადაც ნაციონალური მოძრაობის მერობის კანდიდატი პარტიის რამდენიმე აქტივისტთან ერთად მივიდა „ქართული ოცნების“ კასპის პარტიულ შტაბთან და დესტრუქციული ქმედებებით ცდილობდა ჩვენი მხარდამჭერების პროვოცირებას. ასევე, არსებობს ინფორმაცია, რომ ნაციონალური მოძრაობა აპირებს, ანალოგიური ქმედებები განახორციელოს სხვადასხვა მუნიციპალიტეტში, „ქართული ოცნების“ აქტივისტების და შტაბის წევრების პროვოცირების მიზნით. მოვუწოდებთ ნაციონალურ მოძრაობას, უარი თქვან პროვოკაციებზე და საარჩევნო გარემოს ხელოვნური გაუარესების ყოველდღიურ მცდელობაზე. მივმართავ ყველას, როგორც „ქართული ოცნების“ მხარდამჭერებს, ისე საქართველოს ნებისმიერ მოქალაქეს - პირველ რიგში ჩვენ უნდა ვიზრუნოთ მშვიდობიან საარჩევნო გარემოზე სადაც საშუალება გვექნება გავაკეთოთ თავისუფალი, მშვიდი არჩევანი. ამისთვის აუცილებელია ყველამ დაიცვას ის კანონები და წესები, რომელიც ჩვენს ქვეყანაში არსებობს. რა თქმა უნდა, ძალიან მნიშვნელოვანია ამ ყველაფერში ჩვენი საერთაშორისო პარტნიორების მოწოდება, ვინაიდან სამწუხაროდ, ნაციონალურმა მოძრაობამ უკვე დიდი ხანია დაკარგა იმის შესაძლებლობა, მოუსმინოს და გაიგოს, რა სჭირდება ქართველ ხალხს და ქართველ საზოგადოებას. კიდევ ერთხელ მივმართავ პარტიის წევრებს და მხარდამჭერებს, კანდიდატებს, ყველა იმ ადამიანს, ვინც ჩართულია საარჩევნო პროცესში „ქართული ოცნების“ მხრიდან, გამოიჩინონ მაქსიმალური თავშეკავება და გააკეთონ აბსოლუტურად ყველაფერი იმისთვის, რომ ნებისმიერ პროვოკაციას მოჰყვეს მშვიდი რეაქცია, არ წამოვეგოთ ამ პროვოკაციაზე, იმიტომ რომ ყველას გვჭირდება მაქსიმალური პასუხისმგებლობა და ეს პასუხისმგებლობა, რა თქმა უნდა, პოლიტიკურ პარტიებთან ერთად მთლიანად საზოგადოებამაც უნდა ავიღოთ, რომ ამ ქვეყანაში უნდა ჩავატაროთ მშვიდი არჩევნები, რომელიც ორიენტირებული იქნება იმაზე, ვინ უკეთ შეძლებს იმ პრობლემების მოგვარებას, რომელიც გააჩნია ჩვენს მოქალაქეებს სხვადასხვა მუნიციპალიტეტებში.

24 სექტემბერი, 2021

„ქართული ოცნების“ თავმჯდომარე, ირაკლი კობახიძე, პარტიის საზოგადოებასთან ურთიერთობის მდივანი შალვა პაპუაშვილი და რეგიონული მდივანი, დიმიტრი სამხარაძე ქვემო ქართლის მუნიციპალიტეტების მერობის კანდიდატებს და საარჩევნო შტაბების ხელმძღვანელებს შეხვდნენ. „ქართული ოცნების“ რუსთავის ცენტრალურ შტაბში გამართულ შეხვედრაზე ადგილობრივი თვითმმართველობის არჩევნებთან დაკავშირებულ საკითხებზე იმსჯელეს. დღესვე შეხვედრა გაიმართება თელავში, სადაც მმართველი პარტიის ლიდერები კახეთის მუნიციპალიტეტების მერობის კანდიდატებს და შტაბების ხელმძღვანელებს შეხვდებიან.  მიმდინარე კვირას „ქართული ოცნების“ ლიდერები დასავლეთ საქართველოში მუნიციპალიტეტების მერობის კანდიდატებს და ადგილობრივი შტაბების ხელმძღვანელებს შეხვდნენ.

24 სექტემბერი, 2021

მსურს საზოგადოებას გავაცნო საგარეო ურთიერთობათა და ევროპასთან ინტეგრაციის კომიტეტების ხელმძღვანელობის სტრასბურგსა და ბრიუსელში წარმატებული ვიზიტის შედეგები. ამ ძალზედ ნაყოფიერი სამუშაო ვიზიტის მსვლელობისას კიდევ ერთხელ დავრწმუნდით, რომ საქართველო არის ევროკავშირისთვის პრიორიტეტული ქვეყანა და მნიშვნელოვანი პარტნიორი, აქედან გამომდინარე ჩვენი ურთიერთობები მომავალში კიდევ უფრო მეტად გამყარდება და ხარისხობრივად ახალ საფეხურზე გადავა. ვიზიტის ფარგლებში გაიმართა 30-ზე მეტი შეხვედრა  ევროპარლამენტარებთან, ევროკავშირის საგარეო ქმედებათა სამსახურის მაღალჩინოსნებთან, ევროკავშირის წევრი ქვეყნების მუდმივ წარმომადგენლებთან ბრიუსელში,  ევროკომისიის სამეზობლოსა და იუსტიციის დირექტორატების ხელმძღვანელობასთან. საუბრების მთავარი თემები იყო საქართველო-ევროკავშირის ურთიერთობების დინამიკა, რეგიონული უსაფრთხოების საკითხები მათ შორის ავღანეთიდან ნატო-ს გამოსვლის შემდეგ, მოახლოებული ადგილობრივი არჩევნები და რეფორმების დღის წესრიგი. აღსანიშნავია, რომ ამ საკმაოდ ხანგრძლივ შეხვედრებზე დეტალურად იქნა განხილული თითოეული საკითხი, რომელიც ორმხრივ ურთიერთობებს ეხება, მათ შორის პრობლემური საკითხებიც. ყველა შეხვედრაზე ხაზგასმით იყო აღნიშნული, რომ საქართველო არის ლიდერი ქვეყანა რეფორმების კუთხით აღმოსავლეთ პარტნიორობის ქვეყნებს შორის და აქედან გამომდინარე, საქართველოს მიმართ მოლოდინებიც და მოთხოვნებიც უფრო მეტია ვიდრე სხვა ქვეყნების მიმართ. უსაფრთხოების კონტექსტში საუბარი იყო შავი ზღვის რეგიონში ევროკავშირის უფრო მეტი ჩართულობის გეგმებზე, რითაც უნდა დაბალანსდეს რუსეთის მზარდი აგრესია, ასევე საქართველოს უფრო მეტ დაკავშირებაზე ევროკავშირთან ინფრასტრუქტურის, ენერგეტიკის და კომუნიკაციების კუთხით, რამაც ხელი უნდა შეუწყოს ჩვენი ქვეყნის ენერგეტიკულ და ციფრულ უსაფრთხოებას. წელს დეკემბერში იმართება აღმოსავლეთ პარტნიორობის სამიტი, რომელზეც მნიშვნელოვანი გადაწყვეტილებები უნდა იქნას მიღებული ჩვენი ქვეყნის ევროკავშირთან ინტეგრაციის კუთხით და შესაბამისად, მსჯელობა შეეხო საქართველოს მოქალაქეებისთვის, განსაკუთრებით კი ახალგაზრდებისთვის უფრო მეტი პრაქტიკული სარგებლის მიღების შესაძლებლობებს როგორც განათლების, ასევე დასაქმების მიმართულებით. ევროპელ კოლეგებს გავაცანით ჩვენი სტრატეგია ადგილობრივ არჩევნებთან დაკავშირებით და ვესაუბრეთ წინასაარჩევნო კამპანიის მსვლელობაზე . პარლამენტის მიერ ოდირის რეკომენდაციებზე დაყრდნობით განხორციელებული საარჩევნო რეფორმა ცალსახად წარმატებულ ნაბიჯად იყო შეფასებული და თითოეულ შეხვედრაზე გამოითქვა იმედი, რომ საქართველო მშვიდად ჩაატარებს ამ არჩევნებს, რომლის შედეგებსაც შემდეგ აღიარებს ყველა პოლიტიკური ძალა და  ქვეყანა გააგრძელებს იმ რეფორმების განხორციელებას, რომელიც ასოცირების ხელშეკრულებით არის გათვალისწინებული, რათა 2024 წელს გასაკეთებელი წევრობის ოფიციალური განაცხადისთვის ქვეყანა იყოს მზად. ამისთვის კი საჭიროა, რომ ევროკავშირ-საქართველოს მომდევნო წლების სამოქმედო გეგმა მალე დამტკიცდეს. იუსტიციის დირექტორატში საუბრისას წარმატებულად შეფასდა სასამართლო რეფორმის წინა ოთხი ტალღა და ასევე  საუბარი გვქონდა უზენაესი სასამართლოს მოსამართლეების არჩევის წესზე. ჩვენ ევროპელ კოლეგებს მივაწოდეთ ინფორმაცია იმის შესახებ, რომ საქართველომ კანონმდებლობაში უკვე ასახა ვენეციის კომისიის ძირითადი რეკომენდაციები და მზად არის მომავალშიც გააგრძელოს თანამშრომლობა ევროკავშირის ექსპერტებთან იმისათვის რომ რეფორმა გაგრძელდეს საუკეთესო ევროპული პრაქტიკისა და გამოცდილების გათვალისწინებით. გვსურს დავადასტუროთ, რომ „ქართული ოცნების“ ხელმძღვანელობით საქართველო არის და იქნება საერთაშორისოდ აღიარებული საუკეთესო რეგიონული პარტნიორი, როგორც ევროკავშირისათვის ასევე დასავლეთისათვის. ჩვენი  ინტეგრაცია ევროკავშირსა და ნატოში არის შეუქცევადი და აუცილებლად განხორციელდება სტაბილური და მშვიდობიანი განვითარების პირობებში. ჩვენი ხელისუფლება ყველაფერს აკეთებს რეგიონში მშვიდობის და უსაფრთხოებისთვის. ბოლო ხანებში საქართველოს მიერ გადადგმულმა სამშვიდობო ნაბიჯებმა, მათ შორის რეგიონულ ჭრილში ფართო საერთაშოროსო აღიარება მოიპოვა, რაშიც ამ ვიზიტმა კიდევ ერთხელ დაგვარწმუნა.

23 სექტემბერი, 2021

მოგესალმებით, ვისმენდი თქვენს შეკითხვებს, და ხაზგასმით, მთელი პასუხისმგებლობით შემიძლია დაგიდასტუროთ, ისევე როგორც მაგალითად ხელვაჩაურში რამდენიმე დღის წინ, ისევე როგორც ქუთაისში, ჩვენთან რომ სცადეს მძიმე პროვოკაცია, ასევე ვუერთდები ირაკლი კობახიძის მოწოდებას მომხდართან დაკავშირებით და ამას მხოლოდ საჯაროდ არ ვაკეთებ, პირადად ვისთანაც კი შემეძლო და ჩვენ შეგვეძლო, ყველას მოვუწოდეთ, რომ დაიშალონ და იმედია, ასეც მოიქცევიან, რადგან მხოლოდ და მხოლოდ „ნაცმოძრაობისა“ და პროვოკატორი, კრიმინალი მელიას წისქვილზე დაასხამს ახლა წყალს მასთან რაიმე დაპირისპირება. არ დაგიმალავთ, მეკამათებოდნენ კიდეც და მეუბნებოდნენ, რომ მხოლოდ სიტყვიერად ეტყვიან ისინი მელიას იმას, რასაც იმსახურებს, მაგრამ ამას მოჰყვება მძიმე პროვოკაცია ისევ პროვოკატორის მხრიდან, ამიტომ იმედი მაქვს, ჩვენს ამ მოწოდებას გაიზიარებენ. კიდევ ერთხელ სატელევიზიო ეთერებიდანაც მივმართავ ნებისმიერ ადამიანს, ვისაც ასეთი მძაფრი რეაქცია აქვს მათ პროვოკაციებზე, სასწრაფოდ დაიშალონ. ამით არ მივცემთ პროვოკატორებს საშუალებას, რომ კიდევ რაღაც არეულობისა და ქაოსის ფონი შექმნან. რაც შეეხება დანარჩენს, დმანისთან დაკავშირებით, კიდევ ერთხელ ხაზგასმით ვიმეორებ და დაბეჯითებით, არავის უთქვამს ჩვენი მხრიდან, რასაც ტირაჟირებენ „ნაცმოძრაობის“ მედიასაშუალებები, რომ თვითონ დაიჭრა თავი, ამ ბინძური ტყუილით ცდილობდა პროვოკაციის მოწყობას და ამ პროვოკაციის გამართლებას ნიკა მელია. პირიქით, მე გუშინ ვთქვი ერთ-ერთ ინტერვიუში და შეგიძლიათ კადრები ნახოთ, სადაც ვამბობ, ეს იყო რაჭაში, რომ ძალიან მძიმედ და ძალიან ძვირად დაუჯდება „ნაცმოძრაობას“, თუ მართლაც აღმოჩნდება, რომ ისინი პროვოკაციას აწყობდნენ და ეს მიმართული იყო ფსიქიური პრობლემების მქონე ადამიანის მიმართ, რა ინფორმაციაც ამ წუთას მაქვს. საუბარია იმ ადამიანზე, რომელმაც ჩაიდინა სისხლის სამართლის დანაშაულის შემცველი ქმედება დმანისში, ფსიქიურ მძიმე დაავადებაზე და როგორც მეუბნებიან, არ გადამიმოწმებია ჯერჯერობით, ამბობენ, რომ ამასთან დაკავშირებით იქნება გარკვეული ცნობები, საუბარია ამ ადამიანის მკურნალობის დოკუმენტებზეც კი. რამდენიმე წუთის წინ მიღებულ ინფორმაციას გაწვდით და როგორც გვეუბნებიან, ასევე ეს კარგად იცოდა ყველა ადამიანმა ვინც იმ სოფელში ცხოვრობს, რომ ეს ახალგაზრდა მამაკაცი იყო მძიმე ფსიქიური პრობლემებით და სწორედ მის მიმართ იყო უმძიმესი შეურაცხყოფები. ყველგან სცადეს. ნახეთ ხომ კასკადი ამ შეურაცხყოფების და ბოლოს, არსად რომ არ გამოუვიდათ, იმიტომ რომ მკაცრი დავალება და თხოვნა გვაქვს ჩვენს აქტივში ჩაშლილი, რომ არ წამოეგონ არავის პროვოკაციას, ბოლოს მიადგნენ ისეთ ადამიანს, რომლისგანაც იყო ყველაზე მოსალოდნელი ასეთ პროვოკაციაზე წამოგება. უმძიმესია, მორალურად, როდესაც კადრულობ და მიადგები იმ ადამიანს, რომელსაც აქვს ფსიქიური პრობლემები, ფსიქოლოგიური პრობლემები და იცი რომ ეს ადამიანი ამასთან დაკავშირებით მკურნალობდა. ეს უფრო მეტი ამორალურობაა თუ სხვა დანარჩენი, რასაც ვუყურებთ, ეს უკვე საზოგადოების განსასჯელია.

23 სექტემბერი, 2021

მინდა, ძალიან მოკლე კომენტარი გავაკეთო ნიკანორ მელიას დღევანდელ პროვოკაციასთან დაკავშირებით. ჩვენ გასული დღეების განმავლობაში ყოველდღიურად ვსაუბრობდით იმაზე, რომ „ნაციონალური მოძრაობის“ ოფისებში იგეგმებოდა მძიმე პროვოკაციები წინასაარჩევნო გარემოს ხელოვნურად გასაუარესებლად.ამის მაგალითები ვიხილეთ ქარელში, დმანისში, ბათუმსა და ხელვაჩაურში გასული რამდენიმე დღის განმავლობაში.დღევანდელი ფაქტი ნათლად ადასტურებს, რომ რაც მოხდა აღნიშნულ 4 მუნიციპალიტეტში, არ იყო სპონტანური პროვოკაციები და მათ უკან „ნაციონალური მოძრაობის“ გეგმა იდგა.ამის მორიგი მაგალითი ვიხილეთ დღეს ნიკანორ მელიას შესრულებით, რომელიც არის უინტელექტო ხულიგანი და პროვოკატორი და რომელიც თავის პოლიტიკურ შანსს მხოლოდ პროვოკაციებში ხედავს.სიმბოლურია, რომ ნიკანორ მელიამ პროვოკაცია განახორციელა ევროკავშირის ოფისის წინ, ევროკავშირის ელჩებთან შეხვედრამდე. ეს იყო დემონსტრაციული განაცხადი, რომ მელია არაფრად აგდებს ჩვენი დასავლელი პარტნიორების მოწოდებებს და სრულიად შეგნებულად პოლარიზაციას მათი ოფისის წინ აღვივებს.დღევანდელი პროვოკაციაც ადასტურებს, რომ ძალზე რთულია ასეთ პროვოკაციებს პასუხი არ გასცე. ჩემთვისაც რთული იყო დღევანდელი პროვოკაციისა და შეურაცხყოფის მოთმენა, მით უმეტეს, კრიმინალის მხრიდან. საზოგადოებას ბოდიშს ვუხდი სიტყვებისთვის, რომელიც დღეს ჩემგან მოისმინა.ამ ფონზე, კიდევ ერთხელ მინდა მოვუწოდო თითოეულ ჩვენს მხარდამჭერს, ჩვენი პარტიის წევრებსა და აქტივისტებს, მოთმინებით მიუდგნენ ნებისმიერ ასეთ პროვოკაციას.ჩვენ უნდა უზრუნველვყოთ მშვიდი და მშვიდობიანი საარჩევნო გარემო.2 ოქტომბერს „ქართული ოცნება“ დამაჯერებლად გაიმარჯვებს თვითმმართველობის არჩევნებში, რის შემდეგაც, კრიმინალები საბოლოოდ ჩამოშორდებიან პოლიტიკას.

23 სექტემბერი, 2021

დღეს გვსურს საზოგადოებას გავაცნოთ პარტიის სოციოლოგიური ჯგუფის მიერ თბილისში ჩატარებული მორიგი კვლევის შედეგები. სოციოლოგიური კვლევის საველე სამუშაოები ჩატარდა 16-20 სექტემბერს. კვლევის ფარგლებში, გამოიკითხა 2792 რესპონდენტი. ცდომილების ზღვარი გახლავთ 3 %. პირველ რიგში, წარმოგიდგენთ პარტიული რეიტინგების შეწონილ მონაცემებს. კითხვაზე, „ხვალ რომ თბილისის საკრებულოს არჩევნები ტარდებოდეს, რომელ პოლიტიკურ პარტიას მისცემდით ხმას“, პასუხები შემდეგი სახით განაწილდა: ქართული ოცნება 50,9 ნაციონალური მოძრაობა 25,2 საქართველოსთვის 5,7 გირჩი - მეტი თავისუფლება 3,4 პატრიოტთა ალიანსი 3,1 ლელო 2,9 მოქალაქეები 2,6 მესამე ძალა 1,7 ევროპული საქართველო 1,1 ლეიბორისტული პარტია 0,9 გირჩი 0,4 სხვა პარტიები 2,1       წარმოგიდგენთ თბილისის მერობის კანდიდატების შეწონილ რეიტინგებს. კითხვაზე, „ხვალ რომ თბილისის მერის არჩევნები ტარდებოდეს, რომელ კანდიდატს მისცემდით ხმას“, პასუხები შემდეგი სახით განაწილდა: კახა კალაძე (ქართული ოცნება) 57,9 ნიკანორ მელია (ნაციონალური მოძრაობა) 27,8 გიორგი გახარია (საქართველოსთვის) 5,3 ანა ბიბილაშვილი (ლელო) 2,5 გიორგი ლომია (პატრიოტთა ალიანსი) 2,1 ანა დოლიძე (ხალხისთვის) 1,6 თამარ კეკენაძე (მესამე ძალა) 0,6 მიხეილ ქუმსიშვილი (ლეიბორისტული პარტია) 0,5 სხვა კანდიდატები 1,7   როგორც ხედავთ, კახა კალაძეს აქვს ძალიან მყარი შესაძლებლობა, არჩევნები პირველივე ტურში დიდი უპირატესობით მოიგოს. ასევე, ლიდერობს თბილისის საკრებულოში „ქართული ოცნების“  მაჟორიტარობის ყველა კანდიდატი:   მთაწმინდა   ზურაბ აბაშიძე (ქართული ოცნება) 55,6 თენგო კირთაძე (ე.წ. გაერთიანებული ოპოზიცია) 24,8 ვახტანგ (ვატო) გვაზავა (საქართველოსთვის) 9,3 საბა ბუაძე (ლელო) 6,1 სხვა კანდიდატები 4,2                 ვაკე   გიორგი ტყემალაძე (ქართული ოცნება) 57,3 ბათუ ქუთელია (ე.წ. გაერთიანებული ოპოზიცია) 25,9 მედეა მეტრეველი (ლელო) 6,6 მერაბ მაჭავარიანი (საქართველოსთვის) 6,4 სხვა კანდიდატს 3,8                 საბურთალო   ავთანდილ ცინცაძე (ქართული ოცნება) 59,8 ბორისი ყურუა (ე.წ. გაერთიანებული ოპოზიცია) 21,5 ვახტანგ (ვატო) სურგულაძე (ლელო) 7,5 მიხეილ ნაბიჯაშვილი (საქართველოსთვის) 4,5 სხვა კანდიდატები 6,7                 დიდუბე   გივი ჩხარტიშვილი (ქართული ოცნება) 52,8 ნიკა მოსიაშვილი (ე.წ. გაერთიანებული ოპოზიცია) 31,6 გიორგი ქაჯაია (საქართველოსთვის) 7,9 დიმიტრი აბაშიძე (ლელო) 2,1 სხვა კანდიდატები 5,6                 ნაძალადევი   ირაკლი ხელაძე (ქართული ოცნება) 59,5 ბადრი გრიგალაშვილი (ე.წ. გაერთიანებული ოპოზიცია) 26,2 გალაქტიონ ღუდუშაური (საქართველოსთვის) 6,2 ნიკოლოზ ჩერქეზიშვილი (ლელო) 2,9 სხვა კანდიდატები 5,2                 გლდანი   კონსტანტინე ზარნაძე (ქართული ოცნება) 51,2 ელენე ხოშტარია (ე.წ. გაერთიანებული ოპოზიცია) 32,4 ნათია მეზვრიშვილი (საქართველოსთვის) 6,7 თამარ ადამია (ლელო) 3,4 ნანა ტოხვაძე (მესამე ძალა) 1,4 სხვა კანდიდატები 4,9             ჩუღურეთი   ზურაბ ჩიკვილაძე (ქართული ოცნება) 59,8 გიორგი ნონიაშვილი (ე.წ. გაერთიანებული ოპოზიცია) 27,5 რუსუდან თევზაძე (საქართველოსთვის) 5,6 კახაბერ ჟღენტი (ლელო) 5,3 სხვა კანდიდატები 1,8             კრწანისი   ლევან ჯაფარიძე (ქართული ოცნება) 57,8 თამაზ ახობაძე (ე.წ. გაერთიანებული ოპოზიცია) 26,3 ზურაბ რეხვიაშვილი (საქართველოსთვის) 7,4 თაზო დათუნაშვილი (ლელო) 2,4 სხვა კანდიდატები 6,1             ისანი   კახაბერ ლაბუჩიძე (ქართული ოცნება) 58,6 ბესო დონაძე (ე.წ. გაერთიანებული ოპოზიცია) 30,8 დავით გოგიძე (საქართველოსთვის) 5,5 ლანა გალდავა (ლელო) 1,7 სხვა კანდიდატები 3,4             სამგორი   რევაზ სოხაძე (ქართული ოცნება) 53,9 დავით ჟღენტი (ე.წ. გაერთიანებული ოპოზიცია) 31,2 კახაბერ ქემოკლიძე (საქართველოსთვის) 7,6 ვახტანგ იაშვილი (მესამე ძალა) 2,4 სხვა კანდიდატები 4,9       კვლევის მონაცემებით, თბილისის საკრებულოს წევრთა 50 მანდატი პარტიებს შორის შემდეგი სახით განაწილდებოდა:       ქართული ოცნება 32   ნაციონალური მოძრაობა 11   საქართველოსთვის 2   გირჩი - მეტი თავისუფლება 2   პატრიოტთა ალიანსი 1   ლელო 1   მოქალაქეები 1         შესაბამისად, თუ არჩევნები ამ შედეგებით დასრულდება, „ქართული ოცნებისა“ და კახა კალაძის გუნდი თბილისის საკრებულოში, მაჟორიტარების ჩათვლით, მყარ უმრავლესობას მოიპოვებს. ჩვენ დარწმუნებული ვართ რომ 2 ოქტომბერს ჩვენი დედაქალაქის ამომრჩევლების მხარდაჭერით კახა კალაძე პირველივე ტურში დამაჯერებლად გაიმარჯვებს, გაიმარჯვებს მისი საკრებულოს გუნდიც და შესაბამისად გაიმარჯვებს თბილისიც!

22 სექტემბერი, 2021

„ქართული ოცნების“ თავმჯდომარე, ირაკლი კობახიძე, აღმასრულებელი მდივანი, მამუკა მდინარაძე და რეგიონული მდივანი, დიმიტრი სამხარაძე ამბროლაურში რაჭა-ლეჩხუმსა და ქვემო სვანეთში მუნიციპალიტეტების მერობის კანდიდატებს და საარჩევნო შტაბების ხელმძღვანელებს შეხვდნენ. შეხვედრაზე ადგილობრივი თვითმმართველობის არჩევნებთან დაკავშირებულ საკითხებზე იმსჯელეს. ამბროლაურში შეხვედრით დასრულდა „ქართული ოცნების“ ლიდერების შეხვედრები დასავლეთ საქართველოში მუნიციპალიტეტების მერობის კანდიდატებთან და ადგილობრივი შტაბების ხელმძღვანელებთან. სამი დღის განმავლობაში შეხვედრები გაიმართა ქუთაისში, ზუგდიდში, ოზურგეთში, ბათუმსა და ამბროლაურში.

22 სექტემბერი, 2021

„ქართული ოცნების“ სოციალური მედიის მონიტორინგის ჯგუფი აწარმოებს 2021 წლის ადგილობრივი თვითმმართველობის არჩევნების წინასაარჩევნო პერიოდში სოციალური მედიის მონიტორინგს.  მონიტორინგის ობიექტს წარმოადგენენ სოციალურ მედიაში არსებული პარტია „ქართული ოცნების“ და ხელისუფლების მადისკრედიტირებელი არაავთენტური რესურსები. ანგარიშში ძირითადი ყურადღება ეთმობა იმ გვერდებს, რომლებიც თავისი ქცევიდან გამომდინარე, სიძულვილის და ზიზღის ენის გამოყენებით და დეზინფორმაციის გავრცელებით, ახდენენ „ქართული ოცნების“ და მიმდინარე პოლიტიკურ პროცესების დისკრედიტაციას, ცდილობენ  ამომრჩეველთა განწყობებზე ზემოქმედებას და ხელს უწყობენ საზოგადოების პოლარიზებას. იგივე სახის კვლევა 2020 წლის საპარლამენტო არჩევნებამდეც ჩატარდა, რის შედეგადაც გამოვლენილი არაავთენტური გვერდების შესახებ ეცნობა ფეისბუკის ადმინისტრაციას. ისევე, როგორც 2020 წელს ამჯერადაც, მთლიანი კვლევა რომელიც თითქმის 150 გვერდს მოიცავს გაეგზავნება ფეისბუკის ადმინისტრაციას, ისევე როგორც ადგილობრივ და საერთაშორისო სადამკვირვებლო მისიებს. მონიტორინგის პროცესის შედეგად გამოიკვეთა შემდეგი მიგნებები: · სოციალურ მედიაში ყალბი გვერდების და ოპოზიციური პარტიების ოფიციალური სპიკერების აქტიურობა, ხშირ შემთხვევაში, შინაარსობრივად იდენტურია და კოორდინირებული ქცევით გამოირჩევა. · ხელისუფლების წარმომადგენლების პოსტებზე, მათი დისკრედიტაციის მიზნით, ხშირია ტროლების და ბოტების მობილიზების შემთხვევები. პირველადი დაკვირვების შედეგად აღმოჩენილია 1200-ზე მეტი არაავთენტური ტიპის ანგარიში. · ოპოზიციური პარტიების ოფიციალური სპიკერების, მათთან აფილირებული ავთენტური და ყალბი რესურსების მადისკრედიტირებელი და ზიზღის ენის შემცველ ქცევას, ძირითადად სამი მიმართულება აქვს: • „ქართული ოცნების“ წარმომადგენლების დისკრედიტაცია, რაც მიზნად ისახავს ამომრჩევლების განწყობაზე ზემოქმედებას. • ეკლესიის და პატრიარქის დისკრედიტაცია. • კოვიდ 19-ის პანდემიის თემით მანიპულირება.

21 სექტემბერი, 2021

„ქართული ოცნების“ ლიდერები აჭარაში მერობის კანდიდატებს და შტაბების ხელმძღვანელებს შეხვდნენ „ქართული ოცნების“ თავმჯდომარე ირაკლი კობახიძე, აღმასრულებელი მდივანი მამუკა მდინარაძე და რეგიონული მდივანი დიმიტრი სამხარაძე დასავლეთ საქართველოში პარტიულ შეხვედრებს განაგრძობენ. მმართველი პარტიის ლიდერები დღეს ბათუმში, აჭარის მუნიციპალიტეტების მერობის კანდიდატებს და საარჩევნო შტაბების ხელმძღვანელებს შეხვდნენ. სამუშაო შეხვედრაზე, რომელსაც აჭარის მთავრობის თავმჯდომარე, „ქართული ოცნების“ აჭარის რეგიონული ორგანიზაციის ხელმძღვანელი თორნიკე რიჟვაძე ესწრებოდა, ადგილობრივი თვითმმართველობის არჩევნებთან დაკავშირებულ საკითხებზე იმსჯელეს. ორი დღის განმავლობაში შეხვედრები გაიმართა ოზურგეთში, ზუგდიდსა და ქუთაისში. „ქართული ოცნების“ ლიდერები შეხვედრას გამართავენ ასევე ამბროლაურში.

21 სექტემბერი, 2021

„ქართული ოცნების" თავმჯდომარე ირაკლი კობახიძე, აღმასრულებელი მდივანი მამუკა მდინარაძე და რეგიონული მდივანი დიმიტრი სამხარაძე დასავლეთ საქართველოში პარტიულ შეხვედრებს განაგრძობენ. პარტიის ლიდერები დღეს ოზურგეთში, გურიის რეგიონში მერობის კანდიდატებს და საარჩევნო შტაბების ხელმძღვანელებს შეხვდნენ. შეხვედრაზე მოახლოებულ თვითმმართველობის არჩევნებთან დაკავშირებულ საკითხებზე იმსჯელეს. შეხვედრები უკვე გაიმართა ქუთაისსა და ზუგდიდში. „ქართული ოცნების“ ლიდერები შეხვედრებს გამართავენ ასევე ბათუმსა და ამბროლაურში.

20 სექტემბერი, 2021

„ქართული ოცნების" თავმჯდომარე, ირაკლი კობახიძე, აღმასრულებელი მდივანი, მამუკა მდინარაძე და რეგიონული მდივანი, დიმიტრი სამხარაძე დასავლეთ საქართველოში პარტიულ შეხვედრებს მართავენ. პირველი თათბირი ქუთაისში ჩატარდა. პარტიის ხელმძღვანელებმა იმერეთში მერობის კანდიდატებთან და შტაბის უფროსებთან მოახლოებულ თვითმმართველობის არჩევნებზე იმსჯელეს. მომდევნო შეხვედრები ჩატარდება ზუგდიდში, ოზურგრთში, ბათუმსა და ამბროლაურში.

20 სექტემბერი, 2021

დღეს გვსურს საზოგადოებას გავაცნოთ პარტიის სოციოლოგიური ჯგუფის მიერ ბათუმში ჩატარებული კვლევის შედეგები. სოციოლოგიური კვლევის საველე სამუშაოები ჩატარდა 13-17 სექტემბერის პერიოდში. კვლევის ფარგლებში, გამოიკითხა 2690 რესპონდენტი, საიდანაც ფავორიტი პარტია გამოკითხულთა 87,9 % დაასახელა. ცდომილების ზღვარი შეადგენს 3 %. პირველ რიგში, წარმოგიდგენთ პარტიული რეიტინგების შეწონილ მონაცემებს. კითხვაზე, „ხვალ რომ ბათუმის საკრებულოს არჩევნები ტარდებოდეს, რომელ პოლიტიკურ პარტიას მისცემდით ხმას“, პასუხები შემდეგი სახით განაწილდა:   ქართული ოცნება 49,2% ნაციონალური მოძრაობა 29,8% საქართველოსთვის 4,1% გირჩი - მეტი თავისუფლება 2,8% ლელო 2,1% პატრიოტთა ალიანსი 1,9% მესამე ძალა 1,2% მოქალაქეები 1,2% ლეიბორისტული პარტია 1,1% ევროპული საქართველო 1,1% გირჩი 0,6% სხვა პარტიები 4,9%   რეიტინგების გათვალისწინებით, „ქართული ოცნების“ შვიდივე მაჟორიტარი დეპუტატობის კანდიდატი დამაჯერებლად იგებს არჩევნებს. შესაბამისად, ბათუმის საკრებულოს არჩევნები ამ შედეგებით რომ დასრულდეს, საკრებულოს წევრთა მანდატები პარტიებს შორის შემდეგი სახით განაწილდებოდა: ქართული ოცნება 24 ნაციონალური მოძრაობა 10 საქართველოსთვის 1   წარმოგიდგენთ ბათუმის მერობის კანდიდატების შეწონილ რეიტინგებს. კითხვაზე, „ხვალ რომ ბათუმის მერის არჩევნები ტარდებოდეს, რომელ კანდიდატს მისცემდით ხმას“, პასუხები შემდეგი სახით განაწილდა: არჩილ ჩიქოვანი (ქართული ოცნება) 54.1% გიორგი კირთაძე (ნაციონალური მოძრაობა) 30.6% ირაკლი მიქელაძე (საქართველოსთვის) 4.6% გიორგი ფუტკარაძე (გირჩი - მეტი თავისუფლება) 2.1% ბონდო გუგულაძე (პატრიოტთა ალიანსი) 1.9% კახაბერ ცისკარიძე (დამოუკიდებელი კანდიდატი) 1.2% სხვა კანდიდატები 5.5%   როგორც ხედავთ, „ქართული ოცნების“ მერობის კანდიდატს აქვს ძალიან მყარი შესაძლებლობა, არჩევნები პირველივე ტურში დიდი უპირატესობით მოიგოს. რა თქმა უნდა, ყველაფერი 2 ოქტომბერს ბათუმელი ამომრჩევლის აქტიურობაზე იქნება დამოკიდებული. არჩილ ჩიქოვანს და საკრებულოს წევრობის კანდიდატებს ვუსურვებთ გამარჯვებას.

19 სექტემბერი, 2021

როგორც ცნობილია, ერთ-ერთმა არასამთავრობო ორგანიზაციამ, „ახალგაზრდა იურისტთა ასოციაციამ“, შეიტანა კონსტიტუციური სარჩელი იმ მაჟორიტარული საარჩევნო სისტემის არაკონსტიტუციურად ცნობის მოთხოვნით, რომლის საფუძველზეც 2 კვირაში მუნიციპალური არჩევნები ტარდება.ყველას გვახსოვს, რომ რევოლუციური სცენარის ხელშეწყობის მიზნით, 2016 წელს ანალოგიური სარჩელი საკონსტიტუციო სასამართლოში „ნაციონალურმა მოძრაობამ“ თავისი სახელით შეიტანა. მაშინ „ნაციონალური მოძრაობის“ ძალისხმევა წარუმატებელი აღმოჩნდა. საკონსტიტუციო სასამართლომ „ნაციონალური მოძრაობის“ აბსურდული სარჩელი არ დააკმაყოფილა და რევოლუციური სცენარიც ჩაიშალა.შემაშფოთებელია, რომ ის, რაც „ნაციონალურმა მოძრაობამ“ 5 წლის წინ ღიად, თავისი სახელით განახორციელა, ახლა არასამთავრობო ორგანიზაციის სახელით კეთდება. შემაშფოთებელია, რომ არჩევნებამდე 2 კვირით ადრე, ახალი აბსურდული სარჩელით არჩევნებისთვის პრობლემის შექმნას გეგმავს ორგანიზაცია, რომელიც არასამთავრობო ორგანიზაციის სტატუსს ატარებს. როდესაც სამი თვის წინ, ფართო პოლიტიკური კონსენსუსის საფუძველზე მიღებულ კანონზე არც კანონის მიღების პროცესში და არც მისი მიღებიდან სამი თვის განმავლობაში არაფერს ამბობ და შემდეგ ამ კანონს ყველაზე აქტიურ წინასაარჩევნო ფაზაში, არჩევნებამდე ორი კვირით ადრე აპროტესტებ, ეს ფაქტი სარჩელის უკან მდგარ უაღრესად მანკიერ პოლიტიკურ მოტივზე, ბუნებრივია, თავისთავად მეტყველებს. სარჩელის აბსურდულობაზე დღეს დიდხანს არ ვისაუბრებ. მუნიციპალური საარჩევნო სისტემის ეჭვქვეშ დაყენება იმ საბაბით, რომ მაჟორიტარული საარჩევნო ოლქები ზედმიწევნით გათანაბრებული არ არის, სრული ნონსენსია. ამაში დასარწმუნებლად დემოკრატიული ქვეყნების პრაქტიკის ზედაპირული გაცნობაც კი იქნებოდა საკმარისი. თუმცა, როგორც ჩანს, ახალგაზრდა იურისტთა ასოციაცია ამ პრაქტიკით ვერ, ან რაც უფრო სავარაუდოა, არ დაინტერესდა.ამგვარი მოვლენები კიდევ ერთხელ ცხადყოფს, რომ ნაციონალურ მოძრაობას 2 ოქტომბრის არჩევნებში რაიმე წარმატების მიღწევის ყოველგვარი იმედი გადაწურული აქვს. ამ ფონზე, ისინი ერთადერთ გამოსავალს ხელოვნური პრობლემების შექმნასა და ვითარების არევაში ხედავენ. თუმცა, მათი ეს მცდელობებიც წარუმატებლობისთვის არის განწირული.სამწუხაროა, რომ იმ ჯგუფების ამგვარი ქმედებები, რომლებიც არასამთავრობო ორგანიზაციის სტატუსს ატარებენ, ჩრდილს აყენებს არასამთავრობო ორგანიზაციის ინსტიტუტს, რომელიც მათივე კვლევებით, ქართულ საზოგადოებაში ისედაც ყველაზე დაბალი ნდობით სარგებლობს. არეულობის სცენარის ხელშემწყობი ამგვარი ქმედებები კიდევ უფრო აღრმავებს საზოგადოების უნდობლობას ენჯეოების მიმართ და მათ ნებისმიერ სიტყვას უკარგავს ფასს.

17 სექტემბერი, 2021

მოგესალმებით, გვინდა წარმოგიდგინოთ ინფორმაცია ადგილობრივი სადამკვირვებლო ორგანიზაციების მიერ მომზადებული 2021 წლის ადგილობრივი თვითმმართველობის არჩევნების შუალედურ ანგარიშებში ასახული ფაქტების შესახებ, რომელიც დაკავშირებულია წინა საარჩევნო პროცესის მიმდინარეობასთან. ამას გარდა, დღეს საუბარი გვექნება ჩვენს მიერ გამოვლენილ დარღვევებზე, რომლებიც მიმართულია პარტია „ქართული ოცნების“ წინააღმდეგ. რაც შეეხება ადგილობრივი სადამკვირვებლო ორგანიზაციების შუალედურ ანგარიშებს. ჩვენი გუნდის მიერ გაანალიზდა სამი ორგანიზაციის ,,საერთაშორისო გამჭვირვალობა საქართველოს“, ,,საქართველოს ახალგაზრდა იურისტთა ასოციაციის“  და „სამართლიანი არჩევნებისა“ მიერ მომზადებული შუალედური ანგარიშები, რის შედეგადაც გამოიკვეთა შემდეგი ძირითადი მიგნებები: სამივე შუალედურ ანგარიშში, რომელიც უნდა მოიცავდეს წინასაარჩევნო კამპანიის მიმდინარეობის პროცესში გამოვლენილ ფაქტებს, მოყვანილია ისეთი შემთხვევები, რომლებიც მოხდა საარჩევნო კამპანიის დაწყებამდე, ანუ 2021 წლის 3 აგვისტომდე. მაგ. საია-ს ანგარიშ იწყება 1 მაისიდან, ხოლო საერთაშორისო გამჭვირვალობის და ისფედ-ის ანგარიშები - 1 ივნისიდან, ანუ საარჩევნო კამპანიის დაწყებამდე 2-3 თვით ადრე. ამ პერიოდში საარჩევნო კანონმდებლობის დარღვევაზე საუბარი, რა თქმა უნდა, ზედმეტია. სწორედ ამიტომ, ორგანიზაციები, ნაცვლად საარჩევნო კამპანიის წესების დარღვევისა, საუბრობენ ისეთი ახალი ტერმინებით, როგორიცაა მაგ. ,,ამომრჩეველთა გულის მოსაგებად განხორციელებული აქტივობა“ და შემთხვევებს მის დარღვევად აფასებენ. ამ ლოგიკით, არასაარჩევნო პერიოდში, მთავრობის ნებისმიერი საქმიანობა შეიძლება შეფასდეს როგორც ამომრჩევლის გულის მოგება, რაც ცალსახად არასწორია და იწვევს საზოგადოებაში არასწორი აღქმების ჩამოყალიბებას, თითქოს რაიმე დარღვევასთან გვაქვს საქმე. ამიტომ, მოვუწოდებთ ამ ორგანიზაციებს, საზოგადოებისთვის გამჭვირვალედ აღნიშნონ მათ ანგარიშებში, რომ საარჩევნო კამპანია დაიწყო 3 აგვისტოს და მანამდე მოყვანილი შემთხვევები ვერ იქნება საარჩევნო კამპანიის წარმოების წესების დარღევა. სამივე ანგარიშში ზოგად ტენდენციას წარმოადგენს, რომ ხშირად ხდება მითითება, რომ „გამოვლენილი დარღვევები, თავისთავად, კანონდარღვევა არ არის, თუმცა ცუდი პრაქტიკაა და ზიანს აყენებს ჯანსაღი წინასაარჩევნო გარემოს შექმნას“. ამგვარი განცხადებები, საზოგადოებისთვის ბუნდოვანს ხდის კონკრეტულმა პოლიტიკურმა სუბიექტმა ჩაიდინა კანონდარღვევა, თუ მისი ქმედება უბრალოდ არ შეესაბამება კონკრეტული ორგანიზაციის მიერ დადგენილ შიდა სტანდარტს. უნდა აღინიშნოს, რომ სულ ორი თვის წინ, მათ შორის არასამთავრობო ორგანიზაციების მონაწილეობით, ჩატარდა საარჩევნო კანონმდებლობის ფუნდამენტური რეფორმა, რომელიც პარლამენტის მიერ თითქმის სრული კონსენსუსით იქნა მიღებული. ამ რეფორმის პროცესში ყველა საკითხი, რაც უნდა ყოფილიყო აკრძალული კანონმდებლობით, აიკრძალა კანონმდებლობით. შესაბამისად, რეფორმიდან ორი თვის თავზე სადამკვირვებლო ორგანიზაციების მხრიდან კიდევ დამატებითი კრიტერიუმებით პარტიების აქტივობების შეფასება და ამის ისე წარმოჩენა, თითქოს ისინი კანონდარღვევას წარმოადგენენ, ჩვენი შეფასებით, არ პასუხობს კეთილსინდისიერი დაკვირვების სტანდარტს. ამიტომ, მოვუწოდებთ ამ ორგანიზაციებს, იმ შემთხვევაში, თუ ისინი გადაწყვეტენ დამატებითი კრიტერიუმებით შეაფასონ პოლიტიკური სუბიექტების ქმედებები, გააკეთონ ეს გამჭვირვალედ და საზოგადოებისთვის აღქმადი გახადონ, მათი დასკვნის რომელი ნაწილი შეეხება საარჩევნო კანონმდებლობის შესაძლო დარღვევებს და რომელი ნაწილი არის მათი ორგანიზაციის მიერ დადგენილი სტანდარტის. ეს განსაკუთრებით შეეხება კანონმდებლობის დარღვევების და ორგანიზაციის შიდა სტანდარტის დარღვევების ერთ სტატისტიკაში გაერთიანებას, რაც წარმოშობს ცრუ აღქმას დარღევების რაოდენობასა და სიმძიმესთან დაკავშირებით. ასევე იკვეთება ტენდენცია, რომ ანგარიშებში აღწერილია ისეთი შემთხვევები, რომლებიც ემყარება მხოლოდ დაინტერესებული მხარის ან მესამე პირის მიერ მოყოლილ ამბავს და სუბიექტურ აღქმებს, ისე რომ არ იკვეთება რაიმე ირიბი მტკიცებულებაც კი. ამიტომ, მოვუწოდებთ ამ ორგანიზაციებს, იხელმძღვანელონ მტკიცების მინიმალური სტანდარტით მაინც, რომ მათი ანგარიშები უნებლიედ არ გახდეს დეზინფორმაციის გავრცელების ინსტრუმენტი. მნიშნველოვანია ასევე, რომ ორგანიზაციებმა მათი ანგარიშებიდან ამოიღონ ის შემთხვევები, რომლებიც უკვე დადგინდა, რომ დარღვევას არ წარმოადგენენ, რაც ჩვენი დაკვირვებით, ჯერ-ჯერობით არ ხდება. გარდა ამისა, კიდევ ერთხელ გვინდა საზოგადოების ყურადღება მივაპყროთ ორგანიზაცია „სირცხვილიას“ და „საზოგადოებრივი ინიციატივების ასოციაციის“ მიერ შექმნილ ე.წ. „სამოქალაქო საარჩევნო კომისიას“, რომლის კავშირი „ნაციონალურ მოძრაობასთან“ ჩვენს 9 სექტემბრის ბრიფინგზე დოკუმენტურად დავადასტურეთ. ნიშანდობლივია ასევე, რომ ამ ინიციატივის დაფინანსების წყარო დაფარულია. აშკარაა, რომ ეს ორგანიზაციები სრულად არიან მომართული არჩევნების დისკრედიტირებისკენ და „ნაციონალური მოძრაობისთვის“ არჩევნების საბოტაჟისთვის საფუძვლის მომზადებისკენ. ამიტომ, მივმართავთ ადგილობრივ და საერთაშორისო სადამკვირვებლო მისიებს, განსაკუთრებული დაინტერესება გამოიჩინონ დაინტერესდნენ ამ ორგანიზაციების დაფინანსების წყაროების და საქმიანობის მიზნების მიმართ. რაც შეეხება ჩვენს მიერ გამოვლენილ დარღვევებს: ჩვენი გუნდი სისტემატურად აწვდის ინფორმაციას ადგილობრივ და საერთაშორისო სადამკვირვებლო მისიებს იმ დარღვევების შესახებ, რომლებიც მიმართულია „ქართული ოცნების“ და კონკურენტული საარჩევნო გარემოს წინააღმდეგ. 2021 წლის 1 სექტემბრიდან დღემდე ჩვენ მიერ გამოვლენილია 13 დარღვევა, აქედან 7 უკავშირდება „ქართული ოცნების“ საარჩევნო ატრიბუტიკის დაზიანებას, 2 არის სავარაუდო მოსყიდვის ფაქტი, 2 ადმინისტრაციული რესურსის გამოყენება, 1 მუქარა, 1 ნაციონალური მოძრაობის მიერ დანიშნული ცესკოს წევრის წინასაარჩევნო აგიტაციაში მონაწილეობა. ხაზს ვუსვამთ, რომ არჩევნების სამართლიანად ჩატარებისთვის მნიშვნელოვანია, რომ წინასაარჩევნო პერიოდში თანაბრად მოხდეს ყველა პოლიტიკური ძალის საქმიანობაზე დაკვირვება, ხოლო ანგარიშში მოყვანილი შემთხვევები ეფუძნებოდეს ფაქტებს და არა მხოლოდ მონაყოლს ან აღქმებს. ეს განსაკუთრებით მნიშვნელოვანია იმ კონტექსტში, რომ საერთაშორისო სადამკვირვებლო მისიები, სხვა წყაროებთან ერთად, ხშირად ეყრდნობიან, ადგილობრივი სადამკვირვებლო ორგანიზაციების ანგარიშებს. ჩვენი პოლიტიკური გუნდი მუდმივ რეჟიმში გააგრძელებს საზოგადოების და საერთაშორისო პარტნიორების ინფორმირებას წინასაარჩევნო პროცესებთან დაკავშრებით, რათა ხელი შევუწყოთ ადგილობრივი თვითმართველობის არჩევნების დემოკრატიული და საერთაშორისო სტანდარტების შესაბამისად ჩატარებას.

15 სექტემბერი, 2021

კიდევ ერთი ამორალური ტყუილი ნაცმოძრაობის ერთ-ერთი ლიდერის ნიკა გვარამიას შესრულებით. ჩვენ ყველამ ერთად ვიხილეთ, თუ როგორ მოყვა მან ამბავი, თითქოს „ქართული ოცნების“ ქარელის შტაბის წარმომადგენლებმა მისი თანამშრომელი, ოპერატორი მეორე სართულიდან გადმოაგდეს. ვციტირებ - მან ასე განაცხადა, რომ თითქოს მისი ოპერატორი მეორე სართულიდან გადმოაგდეს. რა ხდება სინამდვილეში - ბექა ყორშია და მისი ოპერატორი მივიდნენ ქარელის შტაბში. ბექა ყორშია, ალბათ არავის გაგიკვირდებათ, ცდილობდა პროვოკაციის მოწყობას, მათი მოგონილი სიუჟეტების მიხედვით და გაგრძელებად კითხულობდა “ჩლიქოსანს”, მძიმე შეურაცხყოფას აყენებდა შტაბის წარმომდგენლებს. საუბარია, რომ ასე მოიხსენიებდა ჩვენი მერობის კანდიდატს და მას შემდეგ, რაც გამოაძევეს შტაბიდან და მართლაც იყო იქ გარკვეული სიტყვიერი კამათი და დაპირისპირება ჩვენი შტაბის წარმომადგენლებსა და ჟურნალისტს შორის, უკანა სვლით, მთავარი არხის ოპერატორი ტოვებდა ტერიტორიას, რა დროსაც, არის იქ ე.წ. ტერასაზე, კიბის ბაქანზე დაბალი მოაჯირი, წამოედო ამ მოაჯირს, გადავარდა და დაეცა კიბის ზედა საფეხურებზე, ანუ ეს არ იყო ვარდნა მაღალი სიმაღლიდან. თუმცა, ამას მნიშვნელობა არ აქვს, იმედია ყველაფერი კარგად იქნება, როგორც გვეუბნებიან, პირველადი მონაცემებით, რაიმე სერიოზული დაზიანება საბედნიეროდ ოპერატორს არ აქვს, თუმცა, მთელი პასუხისმგებლობით ვაცხადებ და იმისთვის, რომ დამეზუსტებინა ეს ინფორმაცია, მე პირადად ოთხჯერ ვესაუბრე ჩვენი შტაბის წარმომადგენლებს ქარელში, არანაირი ფიზიკურ შეხება ოპერატორსა და ჩვენი შტაბის წარმომადგენლებს შორის არ ყოფილა. მთელი პასუხისმგებლებით შეგვიძლია ვთქვათ, რომ ნიკა გვარიამ მოიტყუა, იცრუა - არათუ მეორე სართულიდან გადმოგდება, არამედ საერთოდ, ფიზიკური შეხებაც არ ყოფილა და არც მეორე სართულიდან ყოფილა ვარდნა. სამართალდამცავები ამ თემას დეტალურად გამოიძიებენ. ჩვენი შტაბის წევრებისგან ვიცით, რომ ჩართული იყო ოპერატორის კამერა და გადაღებული იქნება ის მომენტი, როდესაც ის კიბის საფეხურებზე დაეცა. როდესაც მთავარი არხის ეს კადრები გავრცელდება, კიდევ უფრო ნათელი გახდება, რამდენად სწორია ჩემს მიერ მოწოდებული ინფორმაცია და რამდენად ამორალური ტყუილია ნიკა გვარამიას მოწოდებული ინფორმაცია. ეს არის ძალიან ბინძური სპეკულაცია იმასთან დაკავშირებით, თუ როგორ ცდილობენ ნებისმიერი მათ მიერ პროვოცირებული ინციდენტიდან, თუ შემთხვევიდან გამოიყვანონ, ამორალური ტყუილი და ეს აკადრონ ჩვენს საზოგადოებას.

15 სექტემბერი, 2021

როგორც ყველა ვხედავთ, წინასაარჩევნო გარემო ადგილობრივი თვითმმართველობის არჩევნების წინ არის უპრეცედენტოდ მშვიდობიანი და მშვიდი, არ დაფიქსირებულა რაიმე სერიოზული საარჩევნო დარღვევა და არც ერთი მსუბუქი ძალადობრივი ინცინდენტიც კი. რა თქმა უნდა, ეს აშფოთებს იმ პოლიტიკურ პარტიასა და მის კუთვნილ ტელევიზიებს, რომლებიც სასიცოცხლოდ არიან დაინტერესებული არჩევნებისთვის ჩრდილის მიყენებითა და წინასაარჩევნო გარემოს გაუარესებით. სწორედ ამ შეშფოთების გამოძახილი იყო აღნიშნული ტელევიზიების მიერ იმ ტყუილ-მართალი ინფორმაციის გავრცელება, რომელიც წინასაარჩევნო ემოციური ფონის გაუარესებას ემსახურებოდა. თუმცა, როგორც ხედავთ, მათ საკუთარ მიზანს ვერ მიაღწიეს. მეტიც, ამ ფაქტმა კიდევ ერთხელ შეახსენა საზოგადოებას, რომ ეს ადამიანები არიან რადიკალური ანტისახელმწიფოებრივი და ანტისაეკლესიო დაჯგუფების წარმომადგენლები, რომელთა მიზანი ჩვენი ეროვნული იდენტობის ორი უმთავრესი საყრდენის - სახელმწიფოსა და ეკლესიის შერყევაა. ამ ფონზე, განსაკუთრებულ ყურადღებას იმსახურებს საუბრები მძიმე პროვოკაციაზე, რომელიც რადიკალურ ოპოზიციაში უკანასკნელ პერიოდში სულ უფრო აქტიურად წარიმართება.„საჭიროა მსხვერპლი“, „გვჭირდება ლექსო ლაშქარავა კვადრატში“ - ეს არის ფრაზები ნაციონალური მოძრაობისა და მისი ახალგაზრდული ფრთის, მათ შორის „სირცხვილიას“ წევრების საუბრებიდან და ჩატებიდან, რის შესახებაც ინფორმაცია ყოველდღიურად ჟონავს ნაციონალური მოძრაობის ოფისებიდან.გვაქვს ინფორმაცია, რომ შედგა საუბარი ნაციონალური მოძრაობის წარმომადგენლებს შორის იმის შესახებ, რომ პარტიისა და პარტიული ტელევიზიების შენახვა ყოველწლიურად ათეულობით მილიონი დოლარი უჯდებათ, როცა, ვციტირებთ - „ამის მეათედ თანხად შეიძლება კილერის აყვანა და ვინმე მათიანის გაგორება“.ასევე, „სირცხვილიას“ ერთ-ერთ წარმომადგენელს ნაციონალური მოძრაობის ლიდერებმა თხოვეს რამდენიმე ჩატში ამ იდეის დატესტვა. ყველამ ვიცით რა ღირებულებების მატარებელი არიან ამ პოლიტიკური ძალის წარმომადგენლები. აქედან გამომდინარე, ყველაზე მძიმე პროვოკაციაზე წასვლაც კი მათგან არავის გაუკვირდება. რადიკალური ოპოზიცია პრაქტიკულად არ ატარებს წინასაარჩევნო კამპანიას, არ აქვს საარჩევნო პროგრამები, არ ხვდება და არ ესაუბრება ხალხს. აშკარაა, რომ მათი საარჩევნო სტრატეგია, თავიდან ბოლომდე, პოლიტიკური პროცესების ხელოვნურ პოლარიზაციაზე, ყალბი ინფორმაციის გავრცელებაზე, სიცრუესა და პროვოკაციებზე იქნება აგებული. მოვუწოდებთ ნაციონალური მოძრაობის ლიდერებს, არ გაბედონ პროვოკაციების მოწყობა ქვეყანაში მშვიდი წინასაარჩევნო გარემოს დასამძიმებლად. ასევე, მოვუწოდებთ სამართალდამცავ ორგანოებს, მაქსიმალურად იზრუნონ წინასაარჩევნო პროვოკაციების პრევენციაზე.

14 სექტემბერი, 2021

რომელი ხელისუფალი გახსენდებათ, ვინც 30 წლის განმავლობაში, უახლესი ისტორიის განმავლობაში, შეძლო გრძელვადიანი, უწყვეტი მშვიდობის და სტაბილურობის მოტანა ქვეყნისათვის და ჩვენი ხალხისთვის - არც ერთი, მეგობრებო. ეს არის „ქართული ოცნება“ და რა თქმა უნდა, ეს არის პირადად ბატონი ბიძინა ივანიშვილის და ჩვენი ხელისუფლების დამსახურება. ქვეყანაში დაისადგურა გრძელვადიანმა მშვიდობამ და ჩვენ ყველამ და მით უმეტეს გორელებმა, კარგად ვიცით მშვიდობის ფასი, იმიტომ, რომ ვიცით ომის ფასი. გორში ვართ და არ შეიძლება არ გავიხსენოთ ის მძიმე დღეები. გორი ჩემი დედულეთია, მე მთელი ბავშვობა აქ გავატარე. ლიახვის ხეობაში და სოფელ დიცში. მე კარგად ვიცი, თუ როგორ დაიჩაგრა ჩვენი ძვირფასი ხალხი და განსაკუთრებით, ომის პერიოდში და ომის შემდეგაც. დავკარგეთ ასეულობით სოფელი, ჩვენი ძირძველი, ისტორიული ტერიტორიები, რომელიც ჩვენმა წინაპრებმა თავიანთი ბრძოლით მოგვიტანეს და შემოგვინახეს. ამ დროს, უპასუხისმგებლო მთავრობამ, სააკაშვილის მეთაურობით, მისი სიტყვების ციტირება რომ მოვახდინო, ამ სოფლებს უწოდა „ქვების გროვა“. - ირაკლი ღარიბაშვილი თუ არა გორში, სად შეგვიძლია ვისაუბროთ ჩემპიონებზე, შედეგებზე და წარმატებებზე. ჩვენ აქ ნამდვილად გვყავს გამორჩეული ქართველები, რომლებმაც თავიანთი წარმატებებით და გამარჯვებებით არაერთი სიხარული მოგვიტანეს თითოეულ ქართველს. ლადოს მთელი საქართველო გულშემატკივრობდა და მისი ოლიმპიური ჩემპიონობა, აღარ ჩამოვთვლი სხვა წარმატებებს, რა თქმა უნდა არის ის მნიშნელოვანი გამარჯვებები, რომელიც სჭირდება ჩვენს ხვალინდელ დღეს, ჩვენს მომავალს. დარწმუნებული ვარ, მას კიდევ ერთი დამაჯერებელი გამარჯვება ელოდება 2 ოქტომბერს, რომელსაც თქვენთან ერთად, თქვენი მხარდაჭერით მიაღწევს. არ დაგვავიწყდეს, რომ მთავარი გამარჯვება იქნება ოთხი წლის თავზე, როდესაც ლადო წარსდგება თქვენს წინაშე იმ შედეგებით და წარმატებით, რომელსაც მოუტანს თავის მშობლიურ მუნიციპალიტეტს. - კახა კუჭავა ჩვენ წელს გორის 10 სოფელში დავასრულეთ წყალმომარაგების პროექტი და გამყოფ ხაზთან მცხოვრებ 14 000 მოსახლეს მიეწოდება წყალი 24 საათის განმავლობაში. 2022 წელს გორის ყველა მცხოვრები ისარგებლებს 24 საათიანი წყალმომარაგებით. - ირაკლი ქარსელაძე სოფლის მეურნეობას და სოფლის მეურნეობის დარგს, მხოლოდ გორის მუნიციპალიტეტში შეღავათიანი აგროკრედიტის ფარგლებში 400 მილიონიანი პორტფელია ბოლო რამდენიმე წლის განმავლობაში გაცემული. ეს იმ დროს, როდესაც მთელი საქართველოს დაკრედიტება იყო მაქსიმუმ 50 მლნ ლარი. ამის შემდეგ სოფლის მეურნეობა პრიორიტეტად გამოვაცხადეთ, დავიწყეთ სოფლის მეურნეობის დაფინანსება და მხოლოდ საბანკო დაფინანსება 2 მლნ ლარს აღემატებოდა, რამდენიმე მილიონი ლარის სახელმწიფო თანადაფინანსება იყო გამოყოფილი სოფლის მეურნეობის განსავითარებლად. გორში არ შეიძლება არ ვისაუბროთ სოფლის მეურნეობის ყველაზე პრიორიტეტულ დარგზე, საქართველოს სოფლის მეურნეობა მრავალფეროვნებით გამოირჩევა, მაგრამ მნიშვნელოვანია აღინიშნოს, რომ ყველაზე დიდი პოტენციალი საქართველოს აქვს მეხილეობაში. საქართველო იყო მეხილეობაში წარმატებული ქვეყანა, სამწუხაროდ, 90-იან წლებში ეს წარმატებული პოზიციები დავთმეთ, ქვეყანა განადგურდა, 2000-იან წლებში საერთოდ იგნორირებული იყო სოფლის მეურნეობა და მხოლოდ 2012 წლიდან დავიწყეთ გეგმაზომიერად სოფლის მეურნეობის იმგვარად აღდგენა, რომ ის იყოს კონკურენტუნარიანი და სიკეთის მომტანი თითოეული ჩვენი ფერმერისთვის და სოფლად მცხოვრები მოქალაქისთვის. მხოლოდ გორის მუნიციპალიტეტში გაშენდა თანამედროვე, ინტენსიური ბაღები რამდენიმე ათას ჰა-ზე. გორი არის კარგი მაგალითის მიმცემი მთელი საქართველოსთვის, თუ როგორ შეიძლება თანამედროვე ინტენსიური ან ნახევრად ინტენსიური, ახალი, მაღალი პროდუქტიულობის ბაღები გაშენდეს მეხილეობის სხვადასხვა მიმართულებით, ეს იქნება ვაშლის, მსხლის, ბლის, კაკლოვანი, თესლოვანი კურკოვანი, თუ ნებისმიერი მეხილეობის მიმართულებით და ყველაზე მეტი კომპეტენციაც, მოკრძალების გარეშე უნდა ითქვას, გორში მცხოვრებ ფერმერებს გააჩნიათ. - ლევან დავითაშვილი კარგად ვხედავ, რომ განვლილი წლების განმავლობაში ჩვენს მუნიციპალიტეტში ბევრი რამ გაკეთდა, თუმცა ყოველდღიური შეხება მაქვს გორელებთან და ზუსტად ვიცი, როგორ უნდა გადავდგათ ის გარდამტეხი ნაბიჯები, რომლებიც ჩვენს ქალაქს განვითარების ახალ ეტაპზე გადაიყვანს. ბუნებრივია, იქნება სირთულეებიც, თუმცა, ჩემი სპორტული კარიერა სწორედ იმით იყო გამორჩეული, რომ სირთულეებში შესაძლებლობას ვხედავდი და მათ დასაძლევად ბოლომდე ვიხარჯებოდი. ასე ვაპირებ პოლიტიკაშიც და მჯერა, ახალგაზრდა, პროფესიონალებით დაკომპლექტებულ გუნდთან ერთად, გამოცდილი ადამიანების რჩევების გათვალისწინებითა და საზოგადოების აქტიური ჩართულობით, წარმატების ახალ, გამორჩეულ ისტორიას დავწერთ. ჩემო გორელებო, თქვენს სიყვარულს ყოველი ფეხის ნაბიჯზე ვგრძნობ და თავს ვალდებულად მივიჩნევ, რომ მაქსიმალურად გულწრფელი ვიყო და იმედები არ გაგიცრუოთ. როგორც მთელი ცხოვრება, ახლაც დარწმუნებული ვარ თქვენს მხარდაჭერაში და მჯერა, ჩემს გამარჯვებას ჩვენი საყვარელი გორის გამარჯვებად ვაქცევთ. ერთად აუცილებლად გავიმარჯვებთ. - ვლადიმერ ხინჩეგაშვილი  #განვითარებაყველარეგიონს

14 სექტემბერი, 2021

მშვიდობა და სტაბილურობა არის მთავარი მონაპოვარი და თავისუფლება ზოგადად ჩვენი მოქალაქეების, რაც პირველმა ოქტომბერმა მოიტანა და განვითარება ყველა მიმართულებით - ავიღოთ ინფრასტრუქტურა, გზების, ხიდების მშენებლობა, უამრავი პროექტი, წყალგაყვანილობის პროექტები, ირიგაციის, სამელიორაციო სისტემების აღდგენის პროექტები, სოფლის მეურნეობის პროგრამები და პროექტები, რომელიც ძალიან წარმატებულად მუშაობს. ძალიან ბევრმა ადამიანმა ისარგებლა სახელმწიფო პროგრამებით, ათასობით ჰექტრობით მიწები გაშენდა, გავაშენეთ მრავალწლოვანი კულტურები, ხეხილი, ბაღები და უამრავი საწარმო და მათ შორის გადამამუშავებელი საწარმოები დაფინანსდა მთელი ქვეყნის მასშტაბით და ქარელი ამ მხრივ გამორჩეულია. 2 მილიარდზე მეტია დახარჯული ბოლო წლების განმავლობაში სოფლის მეურნეობის მიმართულებით. - ირაკლი ღარიბაშვილი საქართველოს მასშტაბით ბევრი ინფრასტრუქტურული პროექტი განხორციელდა. ჩვენ მოვიარეთ მთელი საქართველო და სასიამოვნოა იმის ნახვა, თუ რამდენად მასშტაბური პროექტები ხორციელდება, იქნება ეს გზები თუ წყალმომარაგება. ზოგ ისეთ სოფელშიც, სადაც ათწლეულების განმავლობაში ეს საკითხები მოგვარებული არ იყო. ვნახეთ ახალი აშენებული და რეაბილიტირებული ამბულატორიები, აშენდა სკოლები და არსებულის რეაბილიტაცია მოხდა. არ შემიძლია არ ვახსენო მოხისში ერთ-ერთი სკოლის რეაბილიტაციის საკითხი. ჩემთან მოვიდა ინფორმაცია, მოვიკითხე, საკმაოდ სავალალო მდგომარეობაშია და ვიცი, რომ უკვე შესაბამის პროგრამაშია და მომავალ წელს რეაბილიტირებული იქნება. საკმაოდ მნიშნელოვანია რომ ზამთრის წინ მოხდეს თუნდაც იმ მინიმალური პირობების უზრუნველყოფა, რომელიც ბავშვებს სჭირდებათ. ეს არის ის გადაწყვეტილებები, რასაც მოსახლეობა ელოდება ახალი მერისგან და საკრებულოსგან. - კახა კუჭავა ქარელი გამორჩეული მუნიციპალიტეტია. ავტომაგისტრალის გარშემო ვხედავთ ყოველდღიურად და ყოველწლიურად უფრო მეტ ათვისებულ სამეურნეო მიწას, დამუშავებულ სავარგულებს, გაშენებულ ბაღებს და წარმატების მაგალითებს, რომელიც სხვადასხვა მუნიციპალიტეტისთვის გადამდებია და მე, უშუალოდ მონაწილე ვარ ამ პროცესის, თითოეულ თქვენგანთან მაქვს ხშირი კომუნიკაცია, შეხვედრები და მათ შორის, მუნიციპალიტეტებში ფერმერები კითხულობენ, თუ როგორი წარმატებულია ქარელში სოფლის მეურნეობის მიმართულებები. ქარელი გამოირჩევა მაღალი ღირებულების კულტურების წარმოებით. აქ არის მეხილეობის დიდი ტრადიციები, აქ არის ტრადიციები ბოსტნეული კულტურების წარმოების და იმგვარი წარმოების, როგორიც გვინდა მთელ ქვეყანაში იყოს. ეს არის თანამედროვე ეკოლოგიური მიდგომები, სადაც წყლის რესურსების მაქსიმალურად მოფრთხილება ხდება, მიზნობრივად გამოყენება და საბოლოოდ, მეტი შედეგის მიღება ხდება პროდუქტიულობის ზრდის პირობებში. - ლევან დავითაშვილი კარგად ვაცნობიერებ, რამხელა პასუხისმგებლობაა ამ პოზიციაზე ყოფნა, რადგან უფლება არ მაქვს პატიოსნად და მუხლჩაუხრელად არ ვემსახურო ქარელის მუნიციპალიტეტში მცხოვრებ სამართლიან, პატრიოტ და საკუთარ მხარეზე შეყვარებულ, მშრომელ ადამიანებს, რომელთაგანაც წლების განმავლობაში უამრავი რამ ვისწავლე! დამეთანხმებით, ერთი შეხედვითაც ნათლად ჩანს, რომ ქარელი დღეს ბევრად განსხვავებულია, კომფორტული და განვითარებულია, ვიდრე ხელისუფლებაში „ქართული ოცნების“ მოსვლამდე იყო. - ზაზა გულიაშვილი #განვითარებაყველარეგიონს

14 სექტემბერი, 2021

ადგილობრივი წარმოების მხრივ ჩვენს მიერ გადადგმული ნაბიჯები აღვნიშნოთ: პროგრამები, როგორიცაა „აწარმოე საქართველოში“,  „დანერგე მომავალი“ „შეღავათიანი აგროკრედიტი“, თუნდაც შიდა ქართლის რეგიონში 360 მილიონი ლარის შეღავათიანი აგროკრედიტი გაიცა. აქედან 50 მილიონი ლარის თანაინვესტირება ჩვენ განვახორციელეთ, ათეულობით ახალი საწარმო დაფინანსდა, შემნახველი საწარმოები იქნება ეს, თუ გადამამუშავებელი საწარმოები. ნებისმიერ სფეროში, განათლების სფერო რომ ავიღოთ, 175 ახალი სკოლა ავაშენეთ, 250 სკოლის რეაბილიტაცია ჩავატარეთ. ახლა 800 სკოლის რეაბილიტაციას ვიწყებთ თანამედროვე, ევროპული სტანდარტების მიხედვით. ვაშენებთ პროფესიულ სასწავლებლებს ყველა რეგიონში და ყველა მუნიციპალიტეტში. დევნილების მიმართულებით, გვაქვს, რა თქმა უნდა, ძალიან დიდი პროგრესი. ჩვენს დაჩაგრულ ხალხს, დევნილებს ვეხმარებით, რომ ღირსეული საცხოვრებელი პირობები შევუქმნათ. ათასობით ადამიანს დაუკანონდა ფართები და საცხოვრებელი ბინები საკუთრებაში. ყველა მიმართულებით გვაქვს პროგრესი. - ირაკლი ღარიბაშვილი რამდენიმე წლის წინ, ერთ-ერთ მაღალმთიან რეგიონში პროექტს ვაკეთებდით, სადაც ელექტროენერგია არ იყო და  ვიპოვეთ გამოსავალი, რომ იქ არსებულ  მდინარეზე დაგვედგა წისქვილი, რომელიც ელექტროენერგიას გამოიმუშავებდა და ვერსად ვერ შევძელით ამის გაკეთება. ბოლოს მირჩიეს ხაშურში ჩამოსვლა.  მართლაც გაკვირვებული ვიყავი, რამდენი პატარა ოჯახური სახელოსნო იყო ამ ქალაქში, რომლებიც მართლაც ხარისხიან პროდუქტს ქმნიდნენ და არამხოლოდ ეს პატარა წისქვილი, რომელმაც აბსოლუტურად სხვა რეალობის წინაშე  დაგვაყენა. მას შემდეგ რაც  ელექტროენერგია მივიღეთ, ბევრი სხვა პროდუქცია იყო, რასაც აქ ვუკვეთავდით, გამათბობლებით დაწყებული, რომელიც დღესაც გამართულად მუშაობს და ვთვლი, რომ საკმაოდ ხარისხიანია. - კახა კუჭავა წლევადნელი წელი ხაშურისთვის ისტორიულია, უკვე მიმდინარეობს ტენდერები სამშენებლო სამუშაოებზე, რომლის შედეგადაც ხაშურს ექნება 24-საათიანი წყალმომარაგება და თანამედროვე წყალარინება. აშენდება 209 კმ ქსელი და მაგისტრალი, 2 სათავე ნაგებობა, 3 რეზერვუარი და  გამწმენდი ნაგებობა ენერგოეფექტურობის კომპონენტის ჩათვლით, რაც ჯამში, დაახლოებით, 266 მილიონი ლარის ღირებულებისაა. მისი დასრულების შემდეგ ხაშურს წყალმომარაგების პრობლემა აღარ ექნება. მასშტაბურ პროექტზე სამუშაოები მომავალ წელს უკვე დაიწყება და  2025 წლის ბოლოსთვის დასრულდება და ხაშურიც დანარჩენ 47 ქალაქთან ერთად უკვე სრულად 24-საათიანი წყალმომარაგებით იქნება უზრუნველყოფილი. - ირაკლი ქარსელაძე ხაშურში დავიბადე და გავიზარდე, აქ გავატარე ჩემი ცხოვრების დიდი ნაწილი და სწორედ ჩემი კუთხისა და ხალხის სიყვარულმა გამაბედინა მიმეღო ეს მნიშვნელოვანი გადაწყვეტილება. დიდი პასუხისმგებლობაა, იბრძოლო იმ ქალაქის მერობისთვის, სადაც ჩემთვის ყველაზე ძვირფასი  ადამიანების საფლავებია! ჩვენ ჯერ კიდევ ბევრი გამოწვევის წინაშე ვდგავართ. ბევრი პრობლემაა, მათ შორის ყველაზე მნიშვნელოვანი არის წყალმომარაგების სისტემის გაუმჯობესება. როგორც უკვე ითქვამ სულ ცოტა ხანში დაიწყება საუკუნის პროექტი, რომლის შედეგადაც, ჩვენი მოსახლეობა 24-საათიანი წყალმომარაგებით იქნება უზრუნველყოფილი. - თენგიზ ჩიტიაშვილი #განვითარებაყველარეგიონს

14 სექტემბერი, 2021

გუშინ საზოგადოებას წარვუდგინეთ ჩვენი პოზიცია იმ ანტისახელმწიფოებრივი და ანტისაეკლესიო კამპანიის შესახებ, რომელსაც კონკრეტული პოლიტიკური ძალა და მისი კუთვნილი ტელეკომპანიები საქართველოში უკვე წლებია აწარმოებენ.ამ კამპანიის მორიგი გამოხატულება იყო ის გარყვნილება, რომელიც გუშინ აღნიშნული ტელეკომპანიების ეთერში ვიხილეთ და ეს სამწუხაროდ ახლაც გრძელდება. ამასთან, გვაქვს ინფორმაცია, რომ ნაციონალური მოძრაობის კუთვნილი პარტიული ტელეკომპანიების მიერ გუშინდელი დღიდან აგორებული ბოლშევიკური კამპანია ემსახურება ფონის შემზადებას პირადი ცხოვრების ამსახველი გარკვეული ჩანაწერების თუ მათი ფაბრიკაციის გავრცელებისთვის, რომლის ინტერნეტში ატვირთვა, ჩვენი ინფორმაციით, მომდევნო დღეებში, ნაციონალური მოძრაობის მიერ, ქვეყნის ფარგლებს გარეთ იგეგმება. ჩვენი ინფორმაციით, აღნიშნული ჩანაწერები უკავშირდება საჯარო პირებს და მიზნად ისახავს წინასაარჩევნოდ საზოგადოებაში მღელვარების გამოწვევას. ჩანაწერის შინაარსიდან გამომდინარე, რაც ჩვენთვის ცნობილია, მხოლოდ ბოლშევიკური აზროვნების მქონე ადამიანებს შეიძლება თავში აზრად მოუვიდეთ მათი გავრცელება.კატეგორიულად ვაფრთხილებთ ყველას, თავი შეიკავონ აღნიშნული ქმედებისგან. ამასთან, დარწმუნებულნი ვართ, რომ თუ ისინი ამგვარ სიბინძურეს იკადრებენ და აღნიშნულ ჩანაწერებს გაავრცელებენ, საზოგადოების მღელვარების და რისხვის ობიექტი სწორედ ნაციონალური მოძრაობა და მისი თანამზრახველები გახდებიან.სამართალდამცავ ორგანოებს მოვუწოდებთ, მიიღონ ყველა ზომა ამ საქმის ჯეროვნად გამოსაძიებლად და საზოგადოებისთვის სრული ინფორმაციის მისაწოდებლად. გარდა ამისა, მინდა დავამატო, რომ ორი დღის განმავლობაში ამ კამპანიის ფარგლებში მიდის მსგავსი ქმედებები. მაგალითად, გუშინდელი ბრიფინგის შემდეგ მთელი დღე, გუშინ საღამოს და დღეს მთელი დღის განმავლობაში მიდის კამპანია იმის შესახებ, თითქოს პირადად მე ვისაუბრე მხოლოდ და მხოლოდ 2012 წლამდე ჩანაწერებზე და თითქოს არ გამიმახვილებია ყურადღება ამის შემდეგ ჩანაწერების შესაძლო არსებობაზე. პატივცემული ჟურნალისტების კითხვების საპასუხოდ, ორჯერ გავიმეორე იმ შესაძლებლობის შესახებ, რომლის მიხედვითაც, თუ ასეთი ვინმემ ჩაიწერა, გაავრცელა, დაამონტაჟა, მისი ფაბრიკაცია გაავრცელა და. ა.შ,, ამის შესახებ მალე იქნება გარკვეული, ცნობილი და ისიც ვუთხარი ერთერთი ტელეარხის ჟურნალისტს, რომ ეს მათ ძალიან არ მოეწონებათ. დავაკონკრეტებ, იმიტომ, რომ ჩვენი ინფორმაციით და ვარაუდით, ეს სწორედ მათი თანამზრახველების მიერ შეიძლება იყოს გაკეთებული. როდესაც საუბრობენ იმაზე, რომ მართლაც არის რაღაც ინფორმაცია, ტყუილი და მართალი ერთმანეთში ერევა, ჩვენ გვახსოვს, რამდენიმე კვირის წინ მთავარი არხის ხელმძღვანელის მიერ გამოქვეყნებული ცნობები, სადაც ასე იყო ტყუილი და მართალი ერთმანეთში არეული. იყო ერთი რეალობასთან მიახლოებული ინფორმაცია, შემდეგ მისი ფაბრიკაცია და ამის შემდეგ, როგორც კი ცოტა რეალურ ინფორმაციას გაახმოვანებენ და გაასაჯაროებენ, შეუძლიათ ათი ტყუილი დაამატონ იმისათვის, რომ ამ დანარჩენ ტყუილებს სანდოობა შესძინონ ხოლმე. სწორედ ეს არის ფაბრიკაცია, სწორედ ეს არის სახელმწიფოს და ეკლესიის წინააღმდეგ მიმართული ქმედებები. დავამატებ მხოლოდ ერთს - ნაცზე მეტი ნაცობა ნაცობაზე უარესია, ეს ჩემი სუბიექტური აზრია. სამწუხაროდ, ტელეკომპანია ტვ პირველი, „პერვი კანალი“ უარესს აკეთებს ამ დღეების განმავლობაში, ვიდრე მთავარი არხი. წარმოიდგინეთ, რა დონეზე გავიდნენ. მაგალითად, ისინი პირადად ჩემს გუშინდელ კომენტარში მალავენ იმ ნახევარს, რომლის მიხედვითაც მე შესაძლებლობა არ გამოვრიცხე სხვა ჩანაწერებისა, ვიდრე საუბარი იყო 2012 წლამდე ჩანაწერებზე. გულწრფელად აღშფოთებული და მართალი ადამიანები ასე არ იქცევიან.

14 სექტემბერი, 2021

კასპის მუნიციპალიტეტში ძალიან ბევრი პროექტი განხორციელდა ბოლო 8 წლის განმავლობაში, იქნებოდა ეს გზებისა და ინფრასტრუქტურის მოწესრიგება, წყალგაყვანილობა, მელიორაციის მასშტაბური სამუშაოები, გაზიფიცირება - ათეულობით სოფელს მივუყვანეთ გაზი. ძალიან ბევრი საწარმო დაფინანსდა, როგორც ახალი საწარმოები, ასევე ბევრი მოქმედი საწარმო გადაიარაღდა და ახალი სამუშაო ადგილები შეიქმნა. ჩვენ კარგად ვიცით, რომ ეს საკმარისი არ არის, საჭიროა მასშტაბების გაზრდა და მთელი ქვეყნის მასშტაბით გაათმაგებული ენერგიით და მოტივაციით სამუშაოების ჩატარება. სწორედ ამ მიზნით, ჩვენ გვაქვს კარგად გააზრებული გეგმა და ხედვები, რომელიც სწორედ ამ გამოწვევებს ეხმაურება და მორგებულია თითოეულ რეგიონზე, მუნიციპალიტეტზე. ჩვენს ქვეყანას აქვს უზარმაზარი პოტენციალი, რომელიც ჯერ კიდევ არ არის ათვისებული. მთავარი ამოცანა უნდა იყოს ამ რესურსების მაქსიმალურად გონივრულად ათვისება და გამოყენება. - ირაკლი ღარიბაშვილი როდესაც კასპზე  და აქ  განხორციელებულ პროექტებზე ვსაუბრობთ, პირველ რიგში მახსენდება ჩემი კოლეგა და მეგობარი, ირაკლი მეზურნიშვილი, რომელთან ერთად, ჯერ კიდევ 2016 წლიდან არაერთ  ღონისძიებას დავასწარი - ახალი ობიექტების გახსნა,  გარემოს დაცვითი ღონისძიებები. ტექნო-პარკი სწორედ მისი ძალისხმევით დაარსდა კასპში და რა თქმა უნდა, პროფესიული სასწავლებელი, რომელიც შიდა ქართლში ასევე ერთ-ერთი გამორჩეულია. რეაბილიტაცია ჩაუტარდა მოედანს, რომელზეც სხვადასხვა თაობის წარმომადგენელი ვარჯიშობს და აუცილებელია რეგიონის განვითარებისთვის. ასევე, ბევრი სხვა მიმართულება - სკოლების რეაბილიტაცია თუ ახალი ამბულატორიები, ინფრასტრუქტურული პროექტები. - კახა კუჭავა ჩვენმა გუნდმა, ჩვენმა პოლიტიკურმა ძალამ მთელ საქართველოს, მათ შორის, კასპის მუნიციპალიტეტს მოუტანა მშვიდობიანი განვითარების შესაძლებლობა, ახალი ასპარეზი ნიჭიერ ადამიანებს, რომ მათ თავიანთი სამეწარმეო უნარები განავითარონ. ეს არის მთავარი ღირებულება და დანარჩენი, რა თქმა უნდა, ერთობლივი ძალისხმევით ყველაფერი განხორციელდება ისე, როგორც სჭირდება ჩვენს ხალხს და თქვენს რეგიონს. კასპის მუნიციპალიტეტი, მთლიანად შიდა ქართლი მდიდარია თავისი სამეწარმეო ინდუსტრიული ტრადიციებით. გარდა ამისა, რეგიონში განვითარდა სხვა ტიპის წარმოება, მათ შორის ქაღალდის, ავეჯის, სხვადასხვა საშენი მასალის, პლასტმასის და ბევრი სხვა პროდუქციის წარმოება, რაც საბოლოო ჯამში, მოგვიტანს სიღარიბის დაძლევას, დამოუკიდებელ სტაბილურ შემოსავალს და ახალ სამუშაო ადგილებს. - ნათია თურნავა სასწაული  ემოციაა,  როდესაც  კასპს  ჰყავს  თავისი  საფეხბურთო  კლუბი, რომელიც საქართველოს  ეროვნული  ლიგის,  რეგიონული  ლიგის  წარმომადგენელია. თქვენ  ვერ  წარმოიდგენთ, რამხელა  ემოციაა, როდესაც  სტადიონი  ივსება კასპში  და  როდესაც  გოლი  გადის,  კასპის  გუნდი  იტანს  ამ  გოლს, ეს  არის  საოცარი  ემოციები  და  ეს  ბედნიერება. რამხელა  ემოციაა,  როდესაც  ჩვენ  ვსაუბრობთ  პროფესიულ  კოლეჯზე  და  სულ რაღაც  ერთ  თვეში,  დაახლოებით  200-ზე  მეტი  ბენეფიციარი  უკვე  ვიცით,  რომ  იქნება  ჩარიცხული  სხვადასხვა  ვიწრო  სპეციალობების  მიმართულებით. არის დუალური სისტემა, კომპანიები  არიან  ჩართულნი, რათა  მოხდეს  მათი  შემდგომი  დასაქმება  და  ეს  არის  მართლაც  უფრო  მეტი  კეთილდღეობა   ჩვენს  ოჯახებში. - ირაკლი  მეზურნიშვილი  მოგეხსენებათ, ჩვენი რეგიონი მდიდარია სოფლის მეურნეობის კუთხით, შესაბამისად ხელი უნდა შევუწყოთ ფერმერული მეურნეობის განვითარებას. ასევე კასპის მუნიციპალიტეტში უამრავი ისტორიული თუ კულტურული მნიშვნელობის ძეგლია, რომელიც ტურისტების დიდ ინტერესს იწვევს. იმ პოტენციალის გათვალისწინებით, რაც ჩვენს მუნიციპალიტეტს გააჩნია, კიდევ უფრო მეტად არის შესაძლებელი ტურიზმის სფეროს გაძლიერება და განვითარება, რაც ადგილობრივი მოსახლეობის დასაქმებას შეუწყობს ხელს. პრიორიტეტი იქნება ახალგაზრდების დასაქმება, განათლება, ჯანსაღი ცხოვრების წესზე ზრუნვა. - ვახტანგ მაისურაძე #განვითარებაყველარეგიონს

13 სექტემბერი, 2021

პარტიის სოციოლოგიური კვლევის ჯგუფმა ჩაატარა წინასაარჩევნო სოციოლოგიური კვლევა ქალაქ რუსთავში. გამოიკითხა 1405 რესპონდენტი, კვლევის ცდომილების მაქსიმალური ზღვარი შეადგენს 3 პროცენტს. კითხვაზე - „ხვალ რომ რუსთავის საკრებულოს არჩევნები ტარდებოდეს, რომელ პოლიტიკურ პარტიას მისცემდით ხმას“ პასუხები შემდეგი სახით განაწილდა:   ქართული ოცნება 49,7% ნაციონალური მოძრაობა 33,6% პატრიოტთა ალიანსი 3,5% საქართველოსთვის 3,3% გირჩი - მეტი თავისუფლება 2,7% ლელო 1,8% ლეიბორისტული პარტია 1,2% სხვა პარტიები < 1%-ზე 4,2%   რეიტინგების გათვალისწინებით, „ქართული ოცნების“ შვიდივე მაჟორიტარი დეპუტატობის კანდიდატი დამაჯერებლად იგებს არჩევნებს. შესაბამისად, რუსთავის საკრებულოს არჩევნები ამ შედეგებით რომ დასრულდეს, საკრებულოს წევრთა მანდატები პარტიებს შორის შემდეგი სახით განაწილდებოდა:   ქართული ოცნება 23 ნაციონალური მოძრაობა 10 პატრიოტთა ალიანსი 1 საქართველოსთვის 1   კითხვაზე - „ხვალ რომ რუსთავის მერის არჩევნები ტარდებოდეს, რომელ კანდიდატს მისცემდით ხმას“ პასუხები შემდეგი სახით განაწილდა:   ნინო ლაცაბიძე (ქართული ოცნება) 53,5% დავით კირკიტაძე (ნაციონალური მოძრაობა) 36,8% ბექა ლილუაშვილი (საქართველოსთვის) 3,6% თორნიკე არევაძე (პატრიოტთა ალიანსი) 2,6% სხვა კანდიდატები 3,5%   როგორც ხედავთ, ჩვენს კანდიდატს აქვს ძალიან კარგი შესაძლებლობა, არჩევნები პირველივე ტურში მოიგოს. რა თქმა უნდა, ყველაფერი 2 ოქტომბერს რუსთაველი ამომრჩევლის აქტიურობაზე იქნება დამოკიდებული. ნინო ლაცაბიძეს და საკრებულოს წევრობის კანდიდატებს ვუსურვებთ გამარჯვებას.

12 სექტემბერი, 2021

ჩვენ ერთად ძალიან დიდი გზა გამოვიარეთ, ძალიან ბევრი გამარჯვება მოვიპოვეთ - 7 გამარჯვება 7 არჩევნებში არის ჩვენს ანგარიშზე და ახლა ჩვენ ვემზადებით, რომ მე-8 ძლიერი გამარჯვება მოვიპოვოთ 2 ოქტომბერს და კიდევ ერთხელ გაიმარჯვოს ქალბატონმა ანივარდ მოსოიანმა. თქვენ გყავთ გამორჩეული მერი და ქალბატონი ანივარდი არ არის მხოლოდ გამორჩეული მერი  ნინოწმინდაში და ამ რეგიონში, შეიძლება ითქვას, რომ მისი ეფექტურობით, მუშაობის უნარებით, მთელი ქვეყნის მასშტაბით არის გამორჩეული, მოწესრიგებული ქალბატონი და  მერი, ძალიან ძლიერი მმართველი. მე მჯერა, რომ ნინოწმინდა მხარს დაუჭერს ქალბატონ ანივარდს, იმიტომ რომ მას ალტერნატივა არ ჰყავს, იგი გაიმარჯვებს ძლიერად და გააგრძელებს თქვენს მსახურებას. - ირაკლი ღარიბაშვილი როდესაც ვსაუბრობთ ამ მუნიციპალიტეტზე, ერთ-ერთი პირველი გვახსენდება ულამაზესი ფარავნის ტბა. მახსოვს  საკმაოდ რთული იყო მისვლა გზების გამო, რომელიც ფაქტიურად არ არსებობდა და დღეს ეს პრობლემა მოგვარებულია. წალკიდან  შეიძლება გადმოსვლა და იკვრება  წრე, რომელიც კიდევ უფრო ბევრ სტუმარს მოიყვანს ნინოწმინდაში. - კახა კუჭავა მხოლოდ ერთი შეხედვაც კმარა, რომ დავინახოთ, თუ რამხელა პროგრესს მიაღწია ჩვენმა მუნიციპალიტეტმა ხელისუფლებაში „ქართული ოცნების“ მოსვლის შემდეგ. თუნდაც ავიღოთ ბოლო 4 წელი, როდესაც მე ვიმუშავე თქვენთან ერთად და რამდენი წარმატებული პროექტი ერთად განვახორციელეთ, თითოეული ამ წარმატების უკან დგახართ თქვენ, ჩემო ნინოწმინდელებო, მადლობა ამისთვის. მე და ჩემს გუნდს გვაქვს კონკრეტული ხედვა, თუ როგორ უნდა გახდეს ნინოწმინდა უფრო ეფექტური, განვითარებული და წარმატებული. ამ მიმართულებით ჩვენი ერთ-ერთი მთავარი გამოწვევა ახალგაზრდების ხელშეწყობაა, მათ განვითარებაზე, განათლებასა და დასაქმებაზე ზრუნვაა. მწამს, რომ ნინოწმინდა გახდება ქალაქი, სადაც ახალგაზრდებს ყველა სფეროში ექნებათ წარმატების მიღწევის საშუალება; ქალაქი, რომელშიც ხანში შესული მოქალაქეების ყოველდღიურობა ნაკლებ სირთულესთან იქნება დაკავშირებული; სადაც საკმარისი სამუშაო ადგილები იქნება ჩვენი მოქალაქეებისთვის და მათ არათუ სხვა ქვეყნებში, საქართველოს სხვა ქალაქსა თუ რაიონშიც კი აღარ დასჭირდებათ სამუშაოდ წასვლა. - ანივარდ მოსოიანი #განვითარებაყველარეგიონს

12 სექტემბერი, 2021

ჩვენი ხელისუფლებაში მოსვლიდან 9 წელი გადის და ამ პერიოდის განმავლობაში ძალიან ბევრი პროექტი განვახორციელეთ მთელს ქვეყანაში, ამ რეგიონში, ახალქალაქში, იქნება ეს გზები, წყალმომარაგებისა და გაზიფიცირების პროექტები, სკოლებისა და ბაღების მშენებლობა-რეაბილიტაცია-აღდგენა, საავადმყოფოებისა და ამბულატორიების მშენებლობა და აღჭურვა, სოფლის მეურნეობის პროგრამები, პროგრამა „აწარმოე საქართველოში“, „დანერგე მომავალი“ და ა.შ. უნდა აღინიშნოს ადგილობრივი წარმოების მიმართულებით ჩვენს მიერ გადადგმული ნაბიჯები, რომელმაც ბევრი სამუშაო ადგილი შექმნა მთელი ქვეყნის მასშტაბით. ჩვენ ვაპირებთ, კიდევ უფრო მეტი გავაკეთოთ თქვენთვის, ხალხისთვის. ვიცი, რომ ჯერ კიდევ დიდი გამოწვევაა ჩვენს ქვეყანაში უმუშევრობა და სიღარიბე და ამ მიზნით ჩვენ კიდევ უფრო მეტ პროექტს განვახორციელებთ. 2,5 მილაირდი ჩაიდება ადგილობრივი წარმოების მიმართულებით, სოფლის მეურნეობაში 7 მილიარდი ლარის ინვესტიციას ვგეგმავთ მომდევნო წლების განმავლობაში. ვიცი, როგორი მშრომელი ხალხი ცხოვრობს ახალქალაქში, ერთგული, პატრიოტი ხალხი, რომლებიც საკუთარი შრომით ქმნიან დოვლათს, აძლიერებენ საკუთარ ოჯახებს და აძლიერებენ ჩვენს სამშობლოს. - ირაკლი ღარიბაშვილი როდესაც ვსაუბრობთ ახალქალაქზე, პირველ რიგში გვახსენდება სოფლის მეურნეობა. რამოდენიმე სოფელი მაქვს მოვლილი და ყოველთვის გაკვირვებული ვიყავი ადგილობრივების შრომისმოყვარეობით, თუ როგორ ქმნიან სარგებელს ოჯახისთვის, მთელი კუთხისთვის და რა თქმა უნდა, მთელი საქართველოსთვის. არის სხვა მიმართულებებიც, რომლებზეც აუცილებლად უნდა ვიფიქროთ. როდესაც ვსაუბრობთ სახელმწიფო გრანტებზე და პროგრამებზე  სოფლის მეურნეობის კუთხით, ვიცით რომ ბევრი იყენებს ამ შესაძლებლობას. თუმცა მთლიანად სამცხე-ჯავახეთის მხარეს თუ ავიღებთ, არა მხოლოდ სოფლის  მეურნეობით, არამედ  გამოირჩევა უნიკალური ადგილებით. - კახა კუჭავა ზუსტად ვიცი, რომ პროგრესის კვალდაკვალ, ჩვენს წინაშე კვლავ არაერთი გამოწვევაა. მიუხედავად ამისა, გვაქვს მკაფიო ხედვა, თუ როგორ უნდა დავძლიოთ ისინი. ჩვენს მუნიციპალიტეტს გამოცდილი, პროფესიონალი, ენერგიული, საქმეზე ორიენტირებული ადამიანები სჭირდება, ამიტომაც, „ქართულ ოცნებას“, ჩვენს პოლიტიკურ გუნდს, ალტერნატივა არ აქვს. - მელქონ მაკარიანი #განვითარებაყველარეგიონს

12 სექტემბერი, 2021

ჩვენ ახლა ვგეგმავთ ძალიან მასშტაბური პროექტების დაწყებას. თითოეულ რეგიონზე არის მორგებული ყველა ის პროექტი, რომელიც ახლა მუშავდება. მაგალითად, სოფლის მეურნეობის მიმართულებით ვგეგმავთ 7 მილიარდი ლარის ინვესტირებას სოფლის მეურნეობის მიმართულებით. ჩვენი გეგმის მიხედვით, არც ერთი გოჯი მიწა არ უნდა დარჩეს დაუმუშავებელი. ჩვენ თანმიმდევრულად უნდა ავითვისოთ ის რესურსი, რომელიც ჩვენს უნიკალურ ქვეყანას გააჩნია, იქნება ეს სოფლის მეურნეობა, მრავალწლოვანი კულტურების გაშენება, მეცხოველეობის განვითარება, უამრავი სხვა, რომელიც ამ რეგიონს გააძლიერებს, ფეხზე დააყენებს სოფელს და სოფლის მოსახლეობას. - ირაკლი ღარიბაშვილი ძლიერი საქართველო ნიშნავს ძლიერ რეგიონებს, ძლიერ სოფლებს, ძლიერ ოჯახებს, სწორედ  ამას ემსახურება ის  მოკლევადიანი თუ გრძელვადიანი გეგმები, რომელიც დასახული გვაქვს. როდესაც ვააუბრობთ ამა თუ იმ რეგიონის პოტენციალზე, ასპინძის შემთხვევაში, პირველ რიგში,  გვახსენდება ტურიზმი, რადგან ერთ-ერთი  მნიშვნელოვანი ცენტრია და  ყოველთვის ვცდილობ, უცხოელ სტუმრებს, რომლებიც ჩვენთან ჩამოდიან, ვაჩვენო აქაურობა, რადგან ეს დაუვიწყარი შთაბეჭდილებაა. - კახა კუჭავა როსტომი არის ჩემი მეგობარი. ჩვენ ძალიან ხშირად ვსაუბრობთ ხოლმე ასპინძის განვითარებაზე და მას არაერთხელ გამოუთქვამს თავისი ხედვები, თავისი გეგმები. დარწმუნებული ვარ, თავისი გეგმებით, თავისი ხედვებით, ის ყველაფერს გააკეთებს რომ თითოეული ასპინძელისთვის იყოს განვითარების მეტი საშუალება და მისი ხედვებით, დარწმუნებული ვარ, რომ ხვალინდელი ასპინძა იქნება ბევრად უფრო უკეთესი. რა თქმა უნდა, მე მხარს ვუჭერ ბატონ როსტომს. დარწმუნებული ვარ, ჩვენ დამაჯერებლად გავიმარჯვებთ და მომავალი 4 წლის ფარგლებში როსტომი იქნება ასპინძის წარმატებული მერი. - ანტონ ობოლაშვილი რა თქმა უნდა, წინ კიდევ ბევრი გამოწვევაა, თუმცა ახლა გვაქვს შესაძლებლობა, რომ ჩვენი მუნიციპალიტეტის განვითარება ახალ ეტაპზე გადავიყვანოთ და სწრაფი წინსვლით ვიფიქროთ ჩვენს უკეთეს განვითარებაზე. მერწმუნეთ, ზუსტად ვიცი, როგორ უნდა გავაგრძელოთ არსებული კურსი, განვახორციელოთ ის გეგმები, რომლებიც ასპინძას უფრო კომფორტულ, ინფრასტრუქტურულად გამართულ და ეკონომიკურად ძლიერ მუნიციპალიტეტად აქცევს. ჩემთვის საქმის კეთების მთავარი მოტივაცია ის დიდი თანადგომაა, რასაც თქვენგან ყოველ ფეხის ნაბიჯზე ვგრძნობ. რომ არა თქვენი მხარდაჭერა და პროფესიონალებით დაკომპლექტებული გუნდი, ჩვენი მუნიციპალიტეტის წინაშე არსებული გამოწვევების უმეტესობის დაძლევა შეუძლებელი იქნებოდა. აქვე, გპირდებით, მუნიციპალიტეტის განვითარებისათვის საჭირო თითოეულ ნაბიჯს მომავალშიც თქვენთან უშუალო კომუნიკაციის შემდეგ გადავდგამთ და მის მიერ მიღებულ შედეგებს ერთად გავითვალისწინებთ და ერთად გავაგრძელებთ! - როსტომ მაგრაქველიძე #განვითარებაყველარეგიონს

11 სექტემბერი, 2021

ჩვენ ვარჩევთ მერებს დიდი ყურადღებით და მთავარი დავალება, რაც აქვთ მიცემული მერებს და კანდიდატებს, არის ის, რომ ჩვენს ძვირფას მოსახლეობას მაქსიმალურად გვერდში დაუდგნენ, რომ ადგილზე ყველას შეხვდნენ, მოუსმინონ და ადგილზე გადაუწყვიტონ ყველა ის პრობლემა, რომელიც მათ წინაშეა. პრობლემა ძალიან ბევრია. იმის მიუხედავად, რომ ძალიან ბევრი საქმე გაკეთდა ბოლო 8 წლის განმავლობაში, ძალიან ბევრი პროექტი დავაფინანსეთ, ბევრი გზა დავაგეთ, გაზიფიცირების სამუშაოები ჩავატარეთ, წყლის პრობლემები მოვაგვარეთ ბევრ მუნიციპალიტეტში, გამოწვევები ჯერ კიდევ ბევრია და ეს არის უმუშევრობა. დასაქმების პრობლემა არის ყველგან, მთელს ქვეყანაში და ეს პრობლემა არ დაწყებულა გუშინ. ეს არის სწორედ იმ უგუნური პოლიტიკის შედეგი, რომელიც დაწყებული 90-იანი წლებიდან, გაგრძელდა 2012 წლამდე და ჩვენ გვერგო ძალიან მძიმე მემკვიდრეობა. მემკვიდრეობა, რომელიც ძალიან მძიმე იყო და პრობლემები იყო ყველა მიმართულებით. - ირაკლი ღარიბაშვილი სამცხე-ჯავახეთი უნიკალურია თავისი ისტორიით, ხალხით, კულტურით, ტრადიციებით, ბუნებით. ადიგენი, რა თქმა უნდა, გამორჩეული მუნიციპალიტეტია. გამორჩეულია უნიკალური ზარზმის მონასტრით, რომელზეც ბავშვობაში ბევრი წაგვიკითხავს და ისტორიაში გვისწავლია. ვისურვებდი, რაც შეიძლება მეტმა ადამიანმა მოინახულოს ეს ულამაზესი ადგილები. მსოფლიოში სახელგანთქმული უნიკალური კურორტი, აბასთუმანი, დარწმუნებული ვარ, მალე დაიმსახურებს ერთ-ერთი ყველაზე ეკოლოგიურად სუფთა და ამავე დროს, ე.წ. მწვანე კურორტის სტატუსს. პოტენციალი ძალიან დიდია და არა მხოლოდ ტურიზმის კუთხით. - კახა კუჭავა ჩვენი კურორტი აბასთუმანი, მსოფლიო დონის კურორტი, რომელიც სულ მალე, შეიძლება ითქვას, მწვანეში ჩაფლული მარგალიტივით გამოჩნდება. დიახ, ხელისუფლების დახმარებაა, როდესაც ჩვენ უმოკლეს დროში ზეკარის უღელტეხილით დავუკავშირდებით დასავლეთ საქართველოს და ტურიზმის აღორძინების ერთ-ერთი პირობა იქნება ეს. აქ გვაქვს გოდერძის უღელტეხილი, შეიძლება ითქვას, საუკუნის ოცნება, ჩვენ ადიგენლები ვოცნებობდით იმაზე, რომ გოდერძის უღელტეხილი გახსნილიყო. იცით, იქ კურორტის მდგომარეობა როგორია. აუცილებლად იქნება ადიგენი გამოსული იმ ჩიხური მდგომარეობიდან, რომელიც ყოველთვის ქონდა და რომელიც გვადარდებდა. - გოჩა ქიმაძე #განვითარებაყველარეგიონს

11 სექტემბერი, 2021

ის პოტენციალი, რომელიც ახალციხეს გააჩნია, ბოლომდე უნდა იყოს ათვისებული და გამოყენებული. ამ ულამაზეს მხარეს, რომელიც ცნობილია ძალიან მნიშვნელოვანი ძეგლებით, უზარმაზარი პოტენციალი აქვს ტურიზმის მიმართულებით. ჩემი დავალებით, ვმუშაობთ, რომ თითოეულ მუნიციპალიტეტში შეიქმნას ახალი ტურისტული ლოკაციები, ტურისტული ცენტრები, რათა კიდევ უფრო მეტი დამსვენებელი ჩავიდეს ყველა მუნიციპალიტეტში, ყველა რეგიონში. - ირაკლი ღარიბაშვილი ახალციხე განსხვავებულია ყველა სხვა რეგიონისგან თავისი ლანდშაფტით, განსხვავებული და უნიკალური. მხარე, რომელიც გამოირჩეოდა სიმამაცით, კულტურული მემკვიდრეობის და ჩვენი ტრადიციების დაცვით. ახალციხე წარმოდგენილია როგორც გული ამ მხარის, რადგან აქედან მიდის ყველა იმ მნიშვნელოვანი ტურისტული ადგილების სანახავად, რომლითაც ეს მხარე მდიდარია. - კახა კუჭავა ბევრი კარგი პროექტი გაკეთდა, ბევრი კარგი პროექტი არის მიმდინარე და მე დარწმუნებული ვარ, რომ ყველა ამგვარ პროექტს სჭირდება ღირსეული გაგრძელება და კანდიდატი, რომელიც არის წარმოდგენილი ჩვენს ახალციხეში, არის ნამდვილად ღირსეული ადამიანი, ის არის კეთილსინდისიერი და ერთგული ადამიანი. მე მას ბავშვობიდან ვიცნობ და ყოველთვის ხასიათდებოდა თავისი წესიერებით. - ანტონ ობოლაშვილი მე და ჩემმა გუნდმა ზუსტად ვიცით, როგორ უნდა გაგრძელდეს პროგრესი და მჯერა, რომ ცენტრალურ ხელისუფლებასთან აქტიური თანამშრომლობით, ახალციხელების უშუალო ჩართულობით, დასახულ მიზანს აუცილებლად მივაღწევთ. დარწმუნებული ვარ, ოთხი წლის შემდეგ, გვექნება შესაძლებლობა გალამაზებული და გამწვანებული ახალციხის, წყლით მომარაგებული და გაზიფიცირებული მუნიციპალიტეტის, ახალი სპორტული მოედნების, კომფორტული საზოგადოებრივი ტრანსპორტის, მეტი განვითარებისა და კეთილდღეობის შესახებ ვისაუბრებთ. მე ამ გამოწვევისთვის მზად ვარ! ერთად აუცილებლად გავიმარჯვებთ და ახალციხის წარმატების ერთერთ საუკეთესო, თვალსაჩინო მაგალითს შევქმნით! - ირაკლი ლაზარაშვილი #განვითარებაყველარეგიონს

11 სექტემბერი, 2021

ბორჯომს აქვს უზარმაზარი, უნიკალური პოტენციალი, რომ გარდაიქმნას ერთ-ერთ გამორჩეულ საკურორტო ადგილად მთელს მსოფლიოში. ჩვენ ასევე დავიწყეთ „განახლებული რეგიონების“ პროგრამა, რაც გულისხმობს ეტაპობრივად ყველა ქალაქში, ყველა მუნიციპალიტეტში თანამედროვე, ევროპული ტიპის ცენტრების მოწყობას. რეალურად, ჩვენ ყველა ქალაქი და მუნიციპალიტეტი უნდა გარდავქმნათ ევროპული ტიპის ქალაქებად, რაც საბოლოო ჯამში ჩვენი ქვეყნის გარდაქმნას გამოიწვევს და ვაქცევთ რეალურად ევროპულ სახელმწიფოდ. წელს ვხარჯავთ 500 მილიონს ამ მიმართულებით, ძალიან ბევრი ახალი პროგრამა და პროექტი დაფინანსდება მომდევნო წლებშიც და ამ მიმართულებით გავაგრძელებთ მუშაობას აქტიურად. - ირაკლი ღარიბაშვილი ბორჯომზე საუბრისას ნამდვილად შეგვიძლია ვისაუბროთ იმ პოტენციალზე, რომელიც დამატებით შეიძლება იქნეს ათვისებული - ეს არ არის მხოლოდ ქალაქი ბორჯომი, ჩვენ ვსაუბრობთ მთლიანად მუნიციპალიტეტზე. ბევრი ღირსშესანიშნავი ადგილი თუ პატარა სოფელია, რომელთაც შესაძლებლობა აქვთ დაიმკვიდრონ თავი არამხოლოდ ტურისტული, არამედ სხვადასხვა მიმართულებით. პირველ რიგში, ბაკურიანზე შევჩერდები. მოგეხსენებათ, 2023 წელს და შემდეგ, 2025 წელს ორი დიდი, მსოფლიო მასშტაბის ღონისძიება ჩატარდება, რომელიც საშუალებას მოგვცემს მთელ მსოფლიოს კიდევ ერთხელ გავაცნოთ ეს უნიკალური მხარე. მსოფლიო ჩემპიონატი და ასევე ევროპის ოლიმპიური ახალგაზრდული ჩემპიონატი, რომლებიც პირველ რიგში გულისხმობს დიდ ინფრასტრუქტურულ სამუშაოებს. - კახა კუჭავა ბორჯომში მალე დასრულდება ისტორიული კავალერიის შენობა, რომელიც იქნება ახალი ტურისტული მიზიდულობის ცენტრი ბორჯომელებისთვის, მისი სტუმრებისთვის და შეასრულებს კუკლტურული ცენტრისა და მუზეუმის ფუნქციას. ჩვენი თანმიმდევრულობა აქაც კარგად ჩანს, გამომდინარე იქიდან, რომ პრემიერ-მინისტრის მიერ ინიცირებული „განახლებული რეგიონების“ პროგრამის ფარგლებში, კოსტავას პარკის რეაბილიტაციაც თვითმმართველობისა და მოსახლეობის თხოვნით დავიწყეთ. შემდეგი სეზონისთვის ეს პარკი იქნება აბსოლუტურად განახლებული ძველი და ახალი, თანამედროვე სივრცეებით, საბავშვო და დასასვენებელი სივრცებით, რაც აუცილებლად ახალ შესაძლებლობებს გააჩენს ბორჯომისთვის. - ირაკლი ქარსელაძე 2017 წლიდან დღემდე, საკრებულოს წევრი ვარ. ვიკავებდი სხვადასხვა თანამდებობებს და ვიცი, რომ 4 წლის განმავლობაში ბევრი რამ არის საკეთებელი. 4 წლის განმავლობაში გავაირეთ ის გზა და ვაკეთეთ უამრავი გასაკეთებელი საქმე. წინ ბევრი გამოწვევაა. მთელი ეს დრო საკუთარი თვალით ვხედავდი, როგორ ვითარდებოდა მუნიციპალიტეტი და შემიძლია დაგარწმუნოთ, რომ ჩემი მერად არჩევის შემთხვევაში, აქტიურად გაგრძელდება ჩვენი მუნიციპალიტეტის განვითარებაზე ზრუნვა, მიმდინარე და დაგეგმილი პროექტების განხორციელება. მე და ჩემს გუნდს ცენტრალური ხელისუფლების მხარდაჭერით, „ქართული ოცნების“ ძლიერი გუნდის თანადგომით, გვაქვს რეალური მიზნები და მიზნების განსახორციელებელი რესურსები, რათა მომდევნო წლის განამვლობაში მოვაწყოთ თანამედროვე სპორტული ინფრასტრუქტურა, შევქმნათ ახალი, კომფორტული ტურისტული ლოკაციები, კიდევ უფრო განვავითაროთ სამთო–სათხილამურო სპორტი. გპირდებით, ჩვენს სოფლებში მოვაწყობთ თანამედროვე ინფრასტრუქტურას და მაქსიმალურად ავითვისებთ იმ უდიდეს რეკრეაციულ და სამედიცინო ტურისტულ პოტენციალს, რომელიც მეტ სამუშაო ადგილებს შექმნის, ადგილობრივებისათვის მეტ შემოსავალს შემოიტანს მუნიციპალიტეტში. - ოთარ არბოლიშვილი #განვითარებაყველარეგიონს

11 სექტემბერი, 2021

რაც შეეხება მცხეთას, მცხეთის მუნიციპალიტეტში ძალიან ბევრი პროექტი განვახორციელეთ, იქნებოდა ეს სკოლების მშენებლობა, ბაღების მშენებლობა, გზების მოწყობა, სპორტული კომპლექსის მშენებლობა, საცურაო აუზი და ა.შ., მაგრამ მე ვიცი, რომ ეს არ არის საკმარისი. კიდევ მეტი, უფრო მეტი ამბიციური გეგმები უნდა განვახორციელოთ.ვიცი, რომ დღეს ჯერ კიდევ გამოწვევად რჩება მორატორიუმი მცხეთის ტერიტორიაზე. ჩვენ ამ მიმართულებით ვმუშაობთ. კიდევ უფრო მეტად გავააქტიურებთ მუშაობას და ძალიან მალე იქნება მიღებული გადაწყვეტილება. - ირაკლი ღარიბაშვილი მცხეთაში ძალიან ბევრი ინფრასტრუქტურული პროექტი განხორციელდა. არ შეიძლება ამას უბრალოდ არ ვხედავდეთ. დღეს მცხეთა სულ სხვა სახით არის წარმოდგენილი. როდესაც მცხეთის მუნიციპალიტეტზე ვსაუბრობთ, უნდა ვისაუბროთ სოფლის მეურნეობაზე. სანამ მცხეთაში მოვიდოდით, ვიყავით ჯიღაურას მეურნეობაში, რომელიც უნიკალურია და რა თქმა უნდა, ამისთვის უდიდესი მადლობა ფონდ „ქართუს“ და ბიძინა ივანიშვილს პირადად, რომელმაც შეძლო უნიკალური, 600-ზე მეტი ყურძნის ჯიშის აღდგენა, რითაც დღეს მდიდრები ვართ და ვცდილობთ მაქსიმალურად განვავითაროთ მეღვინეობა. - კახა კუჭავა ემოციური და ყველაზე მეტად ამაღელვებელია თქვენს წინაშე გამოსვლა მცხეთაში და ნებისმიერი ჩვენი პირობა, დაპირება ან გეგმა, განსაკუთრებით სხვა პასუხიმგებლობებს ატარებს, რადგან ჩვენ უფრო მეტად პასუხსმგებლიანი და გულწრფელები უნდა ვიყოთ, როცა აქ, თვენს წინაშე წარვსდგებით ჩვენი გეგმებით. ადგილობრივი არჩევნები, ისევე როგორც ნებისმიერი არჩევნები, ძალიან მნიშვნელოვანია ჩვენი ქვეყნის განვითრებისთვის. ადგილობრივი არჩევნები და ადგილობრივ დონეზე, მუნიციპალიტეტის დონეზე მიღებული გადაწყვეტილებები, ძალიან დიდ როლს ასრულებს, რადგან ჩვენი პოლიტიკა შესრულდება ეფექტიანად იმ შემთხვევაში, თუ გვეყოლება სწორი პარტნიორები რეგიონში, ღირსეული ადამიანები მუნიციპალიტეტში. მუნიციპალიტეტის ხელმძღვანელები, რომელებიც ერთი მხვრივ, თქვენ ინტერესებს ბოლომდე დაიცავენ და მეორე მხრივ, თქვენამდე მოიტანენ სახელმწიფოს პოლიტიკის იმ პრიორიტეტებს, რომლებიც განსაზღვრულია ქვეყნის დონეზე. ჩვენი პრიორიტეტები მარტივია. ქართული ოცნების პრიორიტეტი არის ქართველი ადამიანი, საქართველოს მოქალაქე, ქართველებზე ზრუნვა და თქვენი ინტერესების გათვალისწინება. - ლევან დავითაშვილი ღირებულებას და უფლებას - სიცოცხლის უფლებას და სწორედ ჩვენი სავიზიტო ბარათი დღემდე არის მოსახლეობის ჯანმრთელობაზე ზრუნვა. იმ ურთულეს გამოწვევაში, რა გამოწვევის წინაშეც მსოფლიო დგას და ეს სირთულე ჩვენს კარსაც არის მომდგარი, ჩვენ შევძელით, რომ არცერთი პაციენტი, რომელსაც სჭირდებოდა სტაციონარული მომსახურება, ამის გარეშე დარჩენილიყო. იმ პერიოდშიც კი, როდესაც პიკური იყო სტაციონარიზაცია, ეს იყო რამოდენიმე დღის წინ, როცა 8000 -ს მიაღწია სტაციონარში პაციენტების რიცხვმა და ეს არის შესაძლებლობის ზედა ზღვარი, ჩვენ ამ პერიოდშიც შევძელით რომ არცერთი მოქალაქე ექიმის მედპერსონალის მეთვალყურეობის გარეშე არ დარჩენილიყო. მცხეთის მუნიციპალიტეტი ამ გამოწვევის წინაშე გაამორჩეულად მომზადებული აღმოჩნდა. არ გაჩერებულა არცერთი დღე გეგმიური ოპერაციები, სასწრაფო გადაუდებელი მომსახურება, არ გაჩერებულა პირველადი ჯანდაცვის ცენტრი და ასევე ათეულში შემავალი ერთერთი მძლავრი კოვიდ ცენტრი, მცხეთის სამედიცინო ცენტრი, რომელიც მანამდე პრაქტიკულად აღარ არსებობდა, იმიტომ რომ ეს იყო დანგრეული შენობა, ჩვენ ის აღვადგინეთ და დრეს იქ 150-მდე პაციენტი გადის მკურნალობას. მიჭირს წარმოდგენა, რომ არა ეს კლინიკა რა გამოწვევის წინაშე დავდგებოდით და ალბათ შესძლოს მსხვერპლიც მეტი იქნებოდა. - დიმიტრი ხუნდაძე მცხეთის მუნიციპალიტეტში დავიბადე და გავიზარდე, თქვენს გვერდით, უბრალო და მშრომელი ხალხის ოჯახში, ვიცნობ ქალაქის და თითოეული სოფლის მოსახლეობას, ვიცი თქვენი პრობლემებიც და სურვილებიც, ტკივილიც და სიხარულიც. ჩემი ცხოვრების კრედო უცვლელია, პროფესიონალიზმი, სამართლიანობა, გუნდურობა, ოჯახისადმი პატივისცემა და ღირსება. ამ პრინციპებს დღეს კიდევ ერთს დავამატებდი, განსაკუთრებული მზრუნველობა თქვენს მიმართ და გპირდებით, რომ ჩემი არჩევის შემთხვევაში, თითოეული თქვენგანის ოჯახზე არა მხოლოდ სიტყვით, არამედ საქმით, მზრუნველი მერი ვიქნები. - დიმიტრი ზურაბიშვილი #განვითარებაყველარეგიონს

10 სექტემბერი, 2021

მე დღეს მოვინახულე ქვეშეთი-კობის მშენებარე გზა და ის უნიკალური გვირაბი, რომელიც შენდება. ეს არის 9-კილომეტრიანი უნიკალური გვირაბი. კომუნისტების დროს ყველაზე დიდი გვირაბი რაც აშენებულა ქვეყანაში ეს არის დაახლოებით 1800 მეტრამდე გვირაბი, რომელიც რიკოთზე მდებარეობს. 1 700 მეტრიანი ახალი გვირაბი ავაშენეთ დარიალის ხეობაში, ახლა 9-კილომეტრიანი ახალი გვირაბი შენდება და გადაადგილება იქნება ძალიან კომფორტული და ძალიან შემცირდება ზოგადად ეს დრო. სულ რაღაც საათ-ნახევარში თბილისიდან ყაზბეგში შეგვეძლება ჩასვლა მას შემდეგ, რაც დავასრულებთ ჩვენ ასევე ნატახტარი-ჟინვალის გზის მშენებლობას. გუდაური განვითარდება და ზოგადად, გუდაურში დამსვენებელს, არა მხოლოდ ჩვენს მოქალაქეს, არამედ ტურისტებს, ერთ საათში შეეძლებათ ჩასვლა. ეს ყველაფერი შენდება და კეთდება იმისთვის, რომ ჩვენს მოქალაქეებს მეტი კეთილდღეობა, მეტი კომფორტი ჰქონდეთ. - ირაკლი ღარიბაშვილი არ შეიძლება არ ვახსენოთ ბაზალეთის ტბა, რომელსაც ძალიან ბევრი ადამიანი სტუმრობს. აშენდა სასტუმროები, ჩანს რამდენად წარმოდგენილია სხვა ბიზნესი, თუმცა, მე ნამდვილად მაკლია გეგმა, რომელიც აუცილებელია ჰქონდეს ბაზალეთს, თუ როგორ უნდა განვითარდეს იგი, ვინაიდან პოტენციალი გაცილებით დიდია. ზუსტად ეს არის ალბათ, რისი გაკეთებაც აქვს დაგეგმილი მომავალ მერს. - კახა კუჭავა ახლა იმ პარკში ვიმყოფებით, რომლის რეაბილიტაციაც ინფრასტრუქტურის სამინისტროს მუნიციპალური განვითარების ფონდმა წარმატებით დაასრულა. ასევე, ჩვენს უკან არის ქუჩა, რომლის მიმდებარე შენობების რეაბილიტაციაც, პირველი ეტაპის სამუშაოების ფარგლებში, მუნიციპალური განვითარების ფონდმა შეასრულა. აქვე სამობილიზაციო სამუშაოები დაწყებულია პროგრამა „განახლებული რეგიონების“ ფარგლებში დაფინანსებულ პროექტზე და ამ ძალისხმევის შედეგად, ჩვენ მივიღებთ დუშეთის სრულად განახლებულ ცენტრალურ უბანს. რა თქმა უნდა, ამას შემდგომში მრავალი სხვა უბანიც მოყვება, მაგრამ ეს არის ის მნიშვნელოვანი წამოწყება, რომლითაც დუშეთი სულ უფრო პოპულარული გახდება ტურისტებისათვის. - ირაკლი ქარსელაძემოგეხსენებათ, მე დუშელი ვარ, ეს ჩემთვის ყველაზე საამაყოა, აქ დავიბადე და გავიზარდე და ზუსტად ვიცი თოთოეული პრობლემა, რაც შეიძლება ჩემი მუნიციპალიტეტის მკვიდრს აწუხებს. ძალიან ბევრი რამ გვაქვს გაკეთებული, მაგრამ კიდევ ბევრი გვაქვს გასაკეთებელი, სწორედ თქვენი, ხელისუფლების გვერდში დგომით, იმედი მაქვს, რომ ყველა ის პრობლემები ერთხელ და სამუდამოდ წარსულს ჩაბარდება და ჩვენ აღარ გვექნება ამდენი დაუსრულებელი ინფრასტრუქტურა, ყველაფერი იქნება მოწესრიგებული და ჩვენი დუშეთი იქნება, ყველაზე ევროპული ქალაქი. ეს არის ჩემი ბავშვობის ოცნება, ჩვენ ვიყოთ პატარა, ევროპული ქალაქის მკვიდრნი.- მანანა ნარიმანიძე#განვითარებაყველარეგიონს

10 სექტემბერი, 2021

თიანეთს აქვს ამის ძალიან დიდი პოტენციალი - ტურიზმის, სოფლის მეურნეობის განვითარების. 2 მილიარდ 500 მილიონი ლარის ინვესტიციას ვგეგმავთ ადგილობრივი წარმოების განვითარების მიმართულებით მომდევნო 3 წლის განმავლობაში. სახელმწიფო და კერძო სექტორი ჯამში, ერთად ამ ძალიან სერიოზული, სოლიდური თანხის ინვესტიციას მოვახდენთ და ჯამში 100 ათასი მინიმუმ ახალი სამუშაო ადგილი შეიქმნება. ასევე, 1000-ზე მეტი, 1300-მდე ახალი საწარმოს დაფინანსება იგეგმება ამ პროგრამის ფარგლებში და ეს გადანაწილდება ყველა რეგიონის და ყველა მუნიციპალიტეტის მიხედვით ისე, რომ ერთ ადგილას არ იყოს თავმოყრილი ეს სიკეთე, თანაბრად გადანაწილდეს მთელს ქვეყანაზე. - ირაკლი ღარიბაშვილი აღსანიშნავია ინფრასტრუქტურული პროექტები - გზები, რომლის მასშტაბით შეგვიძლია ვიამაყოთ, სკოლების რეაბილიტაცია, საბავშვო ბაღების მშენებლობა, სპორტული მოედნები. ცენტრალურ პარკში დაგეგმილია სულ ახალი სპორტული მოედნის მშენებლობა, რომელიც მალე დასრულდება. ეს არის ის, რაზეც უნდა ზრუნავდეს ადგილობრივი თვითმმართველობა ცენტრალური ხელისუფლების მხარდაჭერით. - კახა კუჭავა ბოლო წლების განმავლობაში ჩვენმა პოლიტიკურმა გუნდმა თიანეთში არაერთი მნიშვნელოვანი პროექტი განახორციელა, რის შედეგადაც, მრავალი ადამიანის ყოველდღიურობა გაუმჯობესდა და აქ ცხოვრება და ბიზნესის კეთება უფრო კომფორტული გახდა. თუმცა ჯერ კიდევ ბევრი პრობლემა გვაქვს მოსაგვარებელი, რათა თიანეთი ეკონომიკურად ძლიერი და ინფრასტრუქტურულად სრულად მოწესრიგებული მუნიციპალიტეტი გახდეს. ჩემს მშობლიურ მხარეს კარგად ვიცნობ და ისიც ვიცი, „ქართული ოცნების“ ძლიერი გუნდის მხარდაჭერით, ცენტრალურ ხელისუფლებასთან აქტიური კოორდინაციით, როგორ გადავჭრა ჩემი ხალხის წინაშე არსებული პრობლემები და გამოწვევები. ამ გზაზე, რა თქმა უნდა, თქვენი მხარდაჭერის დიდი იმედი მაქვს, რათა განვავითაროთ და ავაღორძინოთ სოფელი. სოფლის განვითარების სახელმწიფო თუ სხვა საგრანტო პროგრამები კი ყველასთვის ხელმისაწვდომი გავხადოთ. უნდა შევძლოთ სასმელი წყლის სათავე ნაგებობების, ქსელის მოწყობა და რეაბილიტაცია, რითაც საბოლოოდ მოგვარდება ჩვენი რაიონის სოფლებსა და დაბაში წყალმომარაგების პრობლემები. უნდა განვახორციელოთ რაც შეიძლება მეტი ინფრასტრუქტურული პროექტები, მოვაწყოთ როგორც ცენტრალური საავტომობილო, ისე სოფლის შიდა გზები და გარე განათებები. ასევე, მოვაწყოთ ხიდები, სახიდე გადასასვლელები და მდინარეების ნაპირსამაგრები. აქტიურად წარვმართოთ რაიონის სოფლების გაზიფიკაციისა და ინტერნეტიზაციის პროცესი, ხელი შევუწყოთ მცირე ბიზნესის განვითარებას და შევქმნათ რაც შეიძლება მეტი სამუშაო ადგილი. - ლევან წიკლაური #განვითარებაყველარეგიონს

10 სექტემბერი, 2021

ჩვენ ახლახან ვიმყოფებოდით ქვეშეთი-კობის გვირაბის მშენებლობის დასათვალიერებლად, დაიწყო მართლაც საუკუნის პროექტი. ეს არის უნიკალური პროექტი, რომელიც იქნება გამორჩეული მთელს რეგიონში. თუნდაც ეს გვირაბი, იქნება 9 კმ-იანი, 15 მეტრი დიამეტრის გვირაბი, რომელიც უნიკალურია მთელს რეგიონში. ეს პროექტი არა მხოლოდ ყაზბეგელებისთვის არის მნიშვნელოვანი, არამედ მთელი ქვეყნისა და რეგიონისთვის. ვიცი, რომ ზამთარში 100 დღის განმავლობაში იკეტება გზა და დღეში 3-4 ათასი ავტომანქანის გადაადგილება ხორიელდება, რაც დაკავშირებულია საცობებთან და ა.შ. თუნდაც ეს ერთი კონკრეტული პროექტი რომ განვიხილოთ და ჩვენი მთავრობის პოლიტიკა რომ კიდევ ერთხელ შევაფასოთ, ის, რა თქმა უნდა, განტვირთავს გზებზე არსებულ მძიმე მოძრაობას, აღარასოდეს ჩაიკეტება ეს გზა და რაც მთავარია, მას შემდეგ, რაც დასრულდება ნატახტარის მონაკვეთი, დაახლოებით 1,5 საათში ჩამოვალთ თბილისიდან ყაზბეგში. - ირაკლი ღარიბაშვილი ჩვენ გვჭირდება ძლიერი საქართველო. ვიბრძვით გაერთიანებული ძლიერი საქართველოსთვის და ამას სჭირდება ძლიერი რეგიონები. თითოეული კუთხე, რომელსაც აქვს პოტენციალი, უნდა იქნას ბოლომდე ათვისებული და ახალი შესაძლებლობები გაჩენილი. ზუსტად ამისათვის, ძალიან მნიშნელოვანი და აუცილებელია ძლიერი მერი და ძლიერი გუნდი საკრებულოში. დარწმუნებული ვარ, კანდიდატი, რომელზეც არჩევანი „ქართულმა ოცნებამ“ გააკეთა, ბრწყინვალედ იცნობს აქაურობას, თითოეულ თქვენგანს და იგი ახალ ამპლუაში ბოლომდე დაუთმობს თავს იმას, რითაც მთელი გუნდი იამაყებს ოთხი წლის შემდეგ. - კახა კუჭავა ქვეშეთი-კობის 23-კილომეტრიანი გზისა და 9-კილომეტრიანი გვირაბის მშენებლობის დასრულების შემდეგ, მეტეოროლოგიური პირობების გამო აღარ ჩაიკეტება აღარცერთი გზა. ახალი გვირაბისა და გზის ამოქმედების შემდეგ, 10 სოფლის მოსახლეობას, კლიმატური პირობების გამო წარმოქმნილი არაერთი შეზღუდვა მოეხსნება და გარდა ამისა, შიდა გზების ქსელი მოეწყობა. ის 10 სოფელი, რომელიც ამ გზაზე მდებარეობს და რომელსაც ზამთარში სწორედ კლიმატური და მეტეოროლოგიური პირობების გამო ფიზიკური წვდომა არ ჰქონდა წამალზე, სამედიცინო მომსახურებაზე, განათლებაზე, მათ ეს გამოწვევა და პრობლემა საერთოდ მოეხსნებათ. მოეწყობა შიდა გზების ქსელი, რომლის პროექტის დამუშავება უკვე მიმდინარეობს. მშენებლობის დასრულების შემდეგ, თბილისიდან ყაზბეგში ჩასვლა 1,5 საათში იქნება შესაძლებელი. - ირაკლი ქარსელაძე მჯერა, რომ სწორედ მოსახლეობის აქტიური ჩართულობით შეძლებთ გადავლახოთ ნებისმიერი დაბრკოლება და ვიცხოვროთ განვითარებულ ყაზბეგში, რომელიც საუკეთესო იქნება როგორც ადგილობრივებისათვის, ასევე ტურისტული თვალსაზრისით. თქვენი მხარდაჭერის შემთხვევაში, მზად ვარ, ჩემი დაგროვილი ცოდნა და გამოცდილება ახლა უკვე როგორც მერმა, ისე მოვახმარო ჩემს ხალხს. გპირდებით, რომ ცენტრალურ ხელისუფლებასთან კოორდინაციით, თქვენი მაქსიმალური ჩართულობით, დასახულ მიზანს აუცილებლად მივაღწევთ და მომავალი 4 წლის განმავლობაში ჩვენი მუნიციპალიტეტი ბევრად უფრო განვითარებული და წარმატებული იქნება! - ბაკურ ავსაჯანიშვილი #განვითარებაყველარეგიონს

10 სექტემბერი, 2021

დღეს გვსურს საზოგადოებას გავაცნოთ პარტიის სოციოლოგიური ჯგუფის მიერ თბილისში ჩატარებული მორიგი კვლევის შედეგები. სოციოლოგიური კვლევის საველე სამუშაოები ჩატარდა 4-8 სექტემბერს. კვლევის ფარგლებში, გამოიკითხა 2975 რესპონდენტი, საიდანაც ფავორიტი პარტია გამოკითხულთა 83,8% პროცენტმა დაასახელა. ცდომილების ზღვარი არის 3 პროცენტი. პირველ რიგში, წარმოგიდგენთ პარტიული რეიტინგების შეწონილ მონაცემებს. კითხვაზე, „ხვალ რომ ადგილობრივი თვითმმართველობის  არჩევნები იყოს, რომელ პოლიტიკურ პარტიას მისცემდით ხმას“, პასუხები შემდეგი სახით განაწილდა: ქართული ოცნება 48,6 ნაციონალური მოძრაობა 27,1 საქართველოსთვის 5,8 გირჩი - მეტი თავისუფლება 3,4 მოქალაქეები 2,6 პატრიოტთა ალიანსი 2,4 მესამე ძალა 2,3 ლელო 2,3 ლეიბორისტული პარტია 1,2 გირჩი 1,1 ევროპული საქართველო 1,1 სხვა პარტიები 2,1     წარმოგიდგენთ თბილისის მერობის კანდიდატების შეწონილ რეიტინგებს. კითხვაზე, „ხვალ რომ თბილისის მერის არჩევნები ტარდებოდეს, რომელ კანდიდატს მისცემდით ხმას“, პასუხები შემდეგი სახით განაწილდა:  კახა კალაძე (ქართული ოცნება) 56.1 ნიკანორ მელია (ნაციონალური მოძრაობა) 28.3 გიორგი გახარია (საქართველოსთვის) 6.2 ანა დოლიძე (ხალხისთვის) 2.2 ანა ბიბილაშვილი (ლელო) 1.9 გიორგი ლომია (პატრიოტთა ალიანსი) 1.3 თამარ კეკენაძე (მესამე ძალა) 0.9 მიხეილ ქუმსიშვილი (ლეიბორისტული პარტია) 0.7 სხვა კანდიდატები 2.4 ეს არის პირველი კვლევა მას შემდეგ, რაც დასრულდა ცესკოში კანდიდატების რეგისტრაცია და პარტიის სოციოლოგიურ ჯგუფს შესაძლებლობა ჰქონდა არჩევნებზე რეგისტრირებული ყველა პოლიტიკური სუბიექტისა თუ კანდიდატის შესახებ მიეღო სრულფასოვანი ინფორმაცია. ხედავთ, რომ კახა კალაძე ამ მონაცემებითაც არჩევნებს პირველ ტურში დამაჯერებლად იგებს. ასევე, ლიდერობს თბილისის საკრებულოში „ქართული ოცნების“  მაჟორიტარობის ყველა კანდიდატი:  მთაწმინდა   ზურაბ აბაშიძე (ქართული ოცნება) 51.3 თენგო კირთაძე (ე.წ. გაერთიანებული ოპოზიცია) 29.2 ვახტანგ (ვატო) გვაზავა (საქართველოსთვის) 7.8 საბა ბუაძე (ლელო) 4.9 სხვა კანდიდატები 6.8                 ვაკე   გიორგი ტყემალაძე (ქართული ოცნება) 54.3 ბათუ ქუთელია (ე.წ. გაერთიანებული ოპოზიცია) 24.4 მერაბ მაჭავარიანი (საქართველოსთვის) 9.2 მედეა მეტრეველი (ლელო) 3.1 პაატა ჩიქოვანი (მესამე ძალა) 2.5 სხვა კანდიდატს 6.5                 საბურთალო   ავთანდილ ცინცაძე (ქართული ოცნება) 57.6 ბორისი ყურუა (ე.წ. გაერთიანებული ოპოზიცია) 22.6 მიხეილ ნაბიჯაშვილი (საქართველოსთვის) 8.5 ვახტანგ (ვატო) სურგულაძე (ლელო) 3.2 ვახტანგ (ვატო) შაქარიშვილი (დამოუკიდებელი კანდიდატი) 2.6 სხვა კანდიდატები 5.5                 დიდუბე   გივი ჩხარტიშვილი (ქართული ოცნება) 51.7 ნიკა მოსიაშვილი (ე.წ. გაერთიანებული ოპოზიცია) 29.4 გიორგი ქაჯაია (საქართველოსთვის) 7.7 დიმიტრი აბაშიძე (ლელო) 4.6 სხვა კანდიდატები 6.6                 ნაძალადევი   ირაკლი ხელაძე (ქართული ოცნება) 51.6 ბადრი გრიგალაშვილი (ე.წ. გაერთიანებული ოპოზიცია) 34.7 გალაქტიონ ღუდუშაური (საქართველოსთვის) 5.8 ნიკოლოზ ჩერქეზიშვილი (ლელო) 2.3 ზაზა კორთხონჯია (მესამე ძალა) 2.3 სხვა კანდიდატები 3.3                 გლდანი   კონსტანტინე ზარნაძე (ქართული ოცნება) 44.4 ელენე ხოშტარია (ე.წ. გაერთიანებული ოპოზიცია) 36.1 ნათია მეზვრიშვილი (საქართველოსთვის) 8.6 ნანა ტოხვაძე (მესამე ძალა) 4.1 თამარ ადამიაძე (ლელო) 2.4 სხვა კანდიდატები 4.4             ჩუღურეთი   ზურაბ ჩიკვილაძე (ქართული ოცნება) 57.2 გიორგი ნონიაშვილი (ე.წ. გაერთიანებული ოპოზიცია) 21.8 რუსუდან თევზაძე (საქართველოსთვის) 9.2 კახაბერ ჟღენტი (ლელო) 5.1 სხვა კანდიდატები 6.7             კრწანისი   ლევან ჯაფარიძე (ქართული ოცნება) 56.1 თამაზ ახობაძე (ე.წ. გაერთიანებული ოპოზიცია) 23.8 ზურაბ რეხვიაშვილი (საქართველოსთვის) 9.3 თაზო დათუნაშვილი (ლელო) 3.3 სხვა კანდიდატები 7.5             ისანი   კახაბერ ლაბუჩიძე (ქართული ოცნება) 52.8 ბესო დონაძე (ე.წ. გაერთიანებული ოპოზიცია) 32.7 დავით გოგიძე (საქართველოსთვის) 6.9 ლანა გალდავა (ლელო) 3.5 სხვა კანდიდატები 4.1             სამგორი   რევაზ სოხაძე (ქართული ოცნება) 52.5 დავით ჟღენტი (ე.წ. გაერთიანებული ოპოზიცია) 36.4 კახაბერ ქემოკლიძე (საქართველოსთვის) 5.1 ვახტანგ იაშვილი (მესამე ძალა) 2.4 სხვა კანდიდატები 3.6     კვლევის მონაცემებით, თბილისის საკრებულოში მანდატები პარტიებს შორის შემდეგი სახით გადანაწილდებოდა:       ქართული ოცნება 32   ნაციონალური მოძრაობა 12   საქართველოსთვის 3   გირჩი - მეტი თავისუფლება 2   მოქალაქეები 1         შესაბამისად, თუ არჩევნები ამ შედეგებით დასრულდება, „ქართული ოცნებისა“ და კახა კალაძის გუნდი თბილისის საკრებულოში, მაჟორიტარების ჩათვლით, მყარ უმრავლესობას მოიპოვებს. კვლევებით გამოვლენილი მონაცემები ცალსახად მეტყველებს იმაზე, რომ  „ქართული ოცნება“ მომავალ თვითმმართველობის არჩევნებშიც უპირობო ლიდერია. ამისთვის, პირველ რიგში დიდი მადლობა მინდა გადავუხადო თითოეულ ჩვენს მხარდამჭერს, თითოეულ თბილისელს, ქართულ საზოგადოებას. რა თქმა უნდა ჩვენ მათ იმედებს აუცილებლად გავამართლებთ მასშტაბური პროექტებით და ყველა რაიონის თუ უბნის დონეზე გაკეთებული საქმეებით.

09 სექტემბერი, 2021

მოგეხსენებათ, რომ არჩევნებამდე 3 კვირაზე ოდნავ მეტი დრო რჩება და ოპოზიციური პარტიები, განსაკუთრებით კი რადიკალური ოპოზიცია არ აწარმოებს წინასაარჩევნო აქტიურ კამპანიას, რაც ამყარებს იმის განცდას, რომ ისინი არა 2 ოქტომბრისთვის, არჩევნებისთის, არამედ 3 ოქტომბრის დესტრუქციისთვის ემზადებიან. ამ მხრივ სხვადასხვა მექანიზმები აქვთ ჩართული და მრავალი მიმართულებით აწარმოებენ აქტიურ პროვოკაციულ საქმიანობას.ჩვენ, როგორც პასუხისმგებლიანი ხელისუფლება, მიზანშეწონილად მივიჩნევთ, რომ საზოგადოება დეტალურად იყოს ინფორმირებული რადიკალური ოპოზიციის ქვეყნისთვის დამაზიანებელი საქმიანობისა და გეგმების შესახებ, რომლითაც მათ სურთ შეამზადონ სიტუაცია და შექმნან ფონი, ვითომდა 2 ოქტომბრის არჩევნების გაყალბებასთან დაკავშირებით.აღსანიშნავია, რომ ბოლო წლების განმავლობაში ჩატარებული არჩევნებიდან მიღებული გამოცდილება ნათელს ხდის, რომ არჩევნების ნეიტრალურ არასამთავრობო ორგანიზაციებთან ერთად, აკვირდებიან ისეთი არასამთავრობო ორგანიზაციებიც, რომლებიც პირდაპირ აფილირებული არიან სხვადასხვა პოლიტიკურ სუბიექტებთან. ხშირ შემთხვევაში, მსგავსი სადამკვირვებლო ორგანიზაციების წარმომადგენლების ძირითად მიზანს საარჩევნო უბნებზე საარჩევნო პროცესის კანონმდებლობის შესაბამისად მიმდინარეობისთვის ხელის შეშლა და პროვოკაციული მოქმედებების განხორციელება წარმოადგენს, რათა როგორც საერთაშორისო პარტნიორებსა და მოკავშირეებს, ისე ჩვენს საზოგადოებას წინასწარ შეექმნას აღქმა ქვეყანაში საარჩევნო პროცესის ვითომდაც „კანონდარღვევით“ მიმდინარეობასთან დაკავშირებით. ოპოზიციური პარტიებისთვის არასასურველი შედეგის დადგომის შემთხვევაში, მათი უმრავლესობის მხრიდან ადგილი აქვს აღნიშნული „აღქმების“ გამოყენებას, ჩატარებული არჩევნების „გაყალბებულად“ წარმოჩენასა და საერთაშორისო საზოგადოებისა და ქართველი ამომრჩევლის შეცდომაში შეყვანის მცდელობას, რისი ნათელი გამოხატულებაც იყო 2020 წლის საპარლამენტო არჩევნების დღესა და შემდგომ პერიოდში განვითარებული დესტრუქციული მოვლენები.შეგახსენებთ, რომ ჯერ კიდევ 2020 წლის საპარლამენტო არჩევნებამდე რამდენიმე დღით ადრე ჩვენ საზოგადოებას და დასავლელ პარტნიორებს წარვუდგინეთ ინფორმაცია და ვამხილეთ ის ადგილობრივი სადამკვირვებლო ორგანიზაციები, რომლებიც პირდაპირ კავშირში იყვნენ კონკრეტულ ოპოზიციურ პოლიტიკურ სუბიექტებთან (ძირითადად ესენი იყვნენ ერთიანი ნაციონალური მოძრაობა, ევროპული საქართველო და სტრატეგია აღმაშენებელი). ცესკოს მიერ, მაშინ რეგისტრირებული 120 ადგილობრივი სადამკვირვებლო ორგანიზაციიდან 32 საჯარო წყაროებით იყო მხილებული, როგორც აფილირებული აღნიშნულ ოპოზიციურ პარტიებთან.წელსაც ჩვენ განვახორციელეთ ცესკოს მიერ რეგისტრირებული ადგილობრივი სადამკვირვებლო ორგანიზაციების შესწავლა, რის შედეგადაც, 8 სექტემბრის მდგომარეობით, რეგისტრირებულ ადგილობრივ სადამკვირვებლო ორგანიზაციებთან დაკავშირებით წარმოგიდგენთ დღეს ანგარიშს. აქვე ავღნიშნავთ, რომ ყველა მოპოვებული ინფორმაცია და მტკიცებულება წარმოადგენს საჯარო წყაროებით ხელმისაწვდომ ინფორმაციას.

05 სექტემბერი, 2021

ჩვენი მთავარი ამოცანა უნდა იყოს, რომ განვითარება შევიტანოთ ყველა რეგიონში, ყველა ქალაქსა და მუნიციპალიტეტში. ჩვენ ამ წლების განმავლობაში ძალიან ბევრი პროექტი განვახორციელეთ ამ ულამაზეს რეგიონში. 3 ათასზე მეტი ინფრასტრუქტურული პროექტი და დაახლოებით 300 მილიონზე მეტი დაიხარჯა ამ ულამაზეს მხარეში. ამბროლაურის მუნიციპალიტეტში დაახლოებით 60 მილიონი დაიხარჯა მხოლოდ შიდა გზების მოსაწყობად. მიმდინარეობს აქტიური სამუშაოები გაზიფიცირების კუთხით, ასევე ვმუშაობთ წყალმომარაგების სისტემების გაუმჯობესებაზე. ჩვენი ამოცანაა, 2025 წელს ყველა მუნიციპალიტეტსა და ქალაქში იყოს 24-საათიანი ხარისხიანი წყალი. - ირაკლი ღარიბაშვილი ამბროლაური და ის ულამაზესი სოფლები, რომელიც მის გარშემოა, გამოირჩევა ბევრი ღირშესანიშნაობით. ცნობილი „ხვანჭკარა“ და ყიფიანის ვენახები - გემო, რომელიც ერთხელ მაინც უნდა დააგემოვნოს ყველამ, ვისაც ღვინო და ვაზი უყვარს. ამბროლაურში სულ სამი მოძველებული ღვინის ქარხანა იყო. დღეს გვიხარია, როდესაც ვხედავთ, რომ არა თუ ქარხნების რაოდენობა იზრდება, იზრდება პატარა მეღვინეობები, რომელიც კიდევ უფრო პოპულარული ხდება და პოპულარულს ხდის ამ კუთხის ვაზს, ღვინოს. - კახა კუჭავა   როდესაც ვსაუბრობთ რაჭაზე, ორიოდე სიტყვით ვიტყვი მის ბუნებრივ პოტენციალზე. რაჭა არის უმდიდრესი თავისი ტყის რესურსებით და ჩვენ, ვიწყებთ რაჭის ტყის სწორად მართვას. ჩვენ, მივიღეთ ტყის ახალი კოდექსი, რომელიც გულისხმობს ტყის მეურნეობების აღდგენას იმგვარად, როგორც ადრე იყო, ოღონდ მდგრადი მართვის პირობებში, ჩვენ უნდა შევინარჩნოთ უნდა ეკოლოგიური მდგომარეობა, გავუფრთხილდეთ ჩვენს ტყეებს, გადავცეთ მომავალ თაობას და ასევე, მივიღოთ მაქსიმალური სარგებელი ტყის რესურსებიდან. შესაბამისად, მიმდინარე წელს, უკვე დავიწყებთ ახალი სატყეო მეურნეობების შექმნას, საქმიანი ეზოების ჩამოყალიბებას, ახალი კომპანიების ხელშეწყობას, რომელიც იმუშავებს გრძელვადიანად და სტაბილურად, მერქნული რესურსის სწორად მოპოვების კუთხით ისე, რომ მეტი ეკონომიკა შეიქმნას რაჭაში. ჩვენს ტყეებს, ბუნებრივ ტყეებს, განახლების საკმაოდ მაღალი პოტენციალი გააჩნია. რაჭას ამის ყველაზე დიდი პოტენციალი აქვს და ეს პოტენციალი, სწორად უნდა გამოიყენოს რაჭველმა მოსახლეობამ იმისთვის, რომ მეტი ეკონომიკა შეიქმნას. დარწმუნებული ვარ, რომ ის დინამიკა და მუხტი, რაც რაჭაში არსებობს გაგრძელდება და ჩვენც ამ ყველაფერს გავაკეთებთ. რაჭა, ასევე ცნობილია თლუღის სოჭით. რაჭული სოჭი განსაკუთრებულად ლამაზია და ამშვენებს თითქმის ყველა ევროპულ ოჯახს შობასა თუ ახალ წელზე. სამწუხაროა, რომ ეს რესურსი გადის საქართველოდან და დამატებითი ღირებულება არ იქმნება. არის უწმინდესობის კურთხევაც, რომ აქვე, საქართველოში ვაწარმოოთ ნერგები და საქართველომ შექმნას დამატებითი პოტენციალი. სამწუხაროდ, ეს წლების წინ შეიძლება დაწყებულიყო, მაგრამ ლიცენზიები, რომელიც დღესაც მოქმედებს, წლების წინ, ჩვენს ხელისუფლებამდეა გაცემული და მოგვიწევს გადახედვა იმ პოლიტიკის, რომელიც ამ მიმართულებით არსებობდა. მომავალ წელს, ჩვენ უკვე ზუსტად გვექნება შესწავლილი რესურსები. ბოლო 2-3 წლის განმავლობაში, მიდიოდა დეტალური შესწავლა ბუნებრივი რესურსების იმისთვის, რომ სწორად განვკარგოთ და აქვე შევქმნათ დამატებითი ღირებულება, აქ ჩამოყალიბდეს სანერგე მეურნეობები, მეტი ადამიანი დასაქმდეს და რა თქმა უნდა, მისი სახელი კიდევ უფრო შორს გავიტანოთ. - ლევან დავითაშვილი ჩვენ კვლავ დიდი გამოწვევის წინაშე ვდგევართ, მაგრამ ერთადერთი ძალა, ვისაც ძალუძს ამ გამოწვევების გამკლავება და დამარცხება, ეს არის „ქართული ოცნება“, ყველაზე ხალხთმოყვარე, ყველაზე მართალი და ყველაზე ძლიერი ძალა ჩვენს ქვეყანაში. მე აქ დავიბადე და გავიზარდე, არასდროს მიმიტოვებია ჩემი მშობლიური კუთხე. არ მეგულება დედამიწის ზურგზე ადგილი, რომელიც ამბროლაურს ჯობდეს, ამიტომ მე, როგორც ამბროლაურელი, თქვენთან ერთად, ჩვენ აუცილებლად სასიკეთოდ შევცვლით ჩვენი მუნიციპალიტეტის მომავალს, ჩვენ აუცილებლად გავიმარჯვებთ და გავაკეთებთ ყველაფერს გასაკეთებელს, რაც ჩვენს ამბროლაურს და ამბროლაურელებს სჭირდება, ვიბრძოლებთ ბოლომდე. - ზვიად მხეიძე

05 სექტემბერი, 2021

გვაქვს გეგმები, თუ როგორ განვავითაროთ ადგილობრივი წარმოება. ბუნებრივია, ლენტეხს აქვს უნიკალური ბუნება  და რესურსი, პოტენციალი აუცილებლად უნდა იქნას ბოლომდე გამოყენებული ტურიზმის მიმართულებით ვგეგმავთ, ყველა მუნიციპალიტეტში არსებული, როგორც ძველი ასევე ახალი ტურისტული პოტენციალი იქნას სრულად შესწავლილი და აღდგენილი, ყველა ის ტურისტული კერები, ცენტრები, რომელიც  მანამდე იყო, თუნდაც კომუნისტების დროს, უნდა აღვადგინოთ,  მოვუაროთ გავალამაზოთ და კიდევ უფრო  მეტი გავაკეთოთ, ახალი ტურისტული ცენტრები შევქმნათ იმისთვის, რომ ბოლომდე, სრულად იყოს ათვისებული ის რესურსი და პოტენციალი, რომელიც ჩვენს ულამაზეს, უნიკალურ ქვეყანას გააჩნია. - ირაკლი ღარიბაშვილი როდესაც ვსაუბრობთ ლენტეხზე, რატომღაც ყოველთვის გზის ბოლოდ აღიქმებოდა ხოლმე იგი და ეს ბუნებრივია, თუმცა ეს არის დროებითი. ვიცით, რომ დასრულდება მალე გზა, რომელიც უშგულთან და შემდეგ მესტიასთან მიაერთებს ამ მონაკვეთს და კიდევ მეტ პოტენციალს და შესაძლებლობას გააჩენს ლენტეხისთვის არა მხოლოდ ტურიზმის, არამედ სხვადასხვა მიმართულებებით, რათა გაჩნდეს ბევრი ახალი საინფორმაციო, ტურისტული ცენტრი და მეტი სარგებელი მიიღოთ. მეტი ჩართულობა და დასაქმება, ეს არის რაც სჭირდება თითოეულ რეგიონს. - კახა კუჭავა საუბარია გზაზე, რომელიც ზემო და ქვემო სვანეთს აკავშირებს და მეც მინდა ამაზე ორიოდე სიტყვა ვთქვა. ეს არის ძალიან მნიშვნელოვანი კომუნიკაციისთვის ამ ორი მუნიციპალიტეტისთვის, მაგრამ აქ მთავარია, რომ ეს მოიყვანს ტურისტს. თქვენ ყველამ კარგად იცით, რა ხდება მესტიაში, როგორი დიდი ნაკადია ტურისტების და ეს ტურისტები, მათი უდიდესი უმრავლესობა, მოხვდება მესტიაში. რა თქმა უნდა, ძალიან ლამაზია სვანეთი, მესტია, მაგრამ არანაკლებ ლამაზია ლენტეხი, განსხვავებული სილამაზე აქვთ და ზუსტად ეს დააინტერესებთ იმ ტურისტებს. ტურისტის ბუნებაშიც ეს არის რომ მოკლე დროში რაც შეიძლება მეტი ნახოს. - გოჩა ენუქიძე დღეს ჩემთვის ძალიან მნიშვნელოვანი დღეა, რადგანაც შეიკრა ისეთი გუნდი, რომელმაც ახალი შემართებით უნდა დავსახოთ ახალი მიზნები. თქვენი გვერდით დგომით ჩვენ გვაქვს დიდი გვერდში დგომა პარტია „ქართული ოცნებიდან“, რომელიც ლენტეხში აუცილებლად განავითარებს ყველა იმ მიმართულებას, რომელი საკითხებიც დაისვა, ეს იყო ტურისტული მიმართულება, თუ ეს არის მცირე და კერძო სამეწარმეო საქმიანობები. და მე დარწმუნებული ვარ, ამას ერთად შევძლებთ, დავსახავთ ახალ მიზნებს, მე ვიდგები თითოეული ლენტეხელის გვერდით, თითოეული ოჯახის გვერდით. გავიზიარებ მათ ჭირს და ლხინს და აუცილებლად ყველა ახალგაზრდის წამოწყებულ პროექტს, რომელიც ინოვაცია იქნება ჩვენთვის და რომელიც პერსპექტიული იქნება ჩვენი რაიონისთვის. თქვენი გვერდით დგომით დავუჭერ მხარს.  - გია ონიანი #განვითარებაყველარეგიონს

05 სექტემბერი, 2021

მოგეხსენებათ, ჩვენ აქტიურ საარჩევნო კამპანიას ვაგრძელებთ და დღეს წარმოგიდგენთ მერობის კანდიდატს, ჩვენთვის საამაყო სპორტსმენს, გიორგი ნემსაძეს. კაცი, რომელმაც თავისი შრომით მიაღწია წარმატებას და საამაყოა ჩვენთვის ყველასთვის და კაცი, რომელმაც გადაწყვიტა, რომ დაუბრუნდეს თავის მშობლიურ ცაგერს და მოემსახუროს ცაგერს და მის მოსახლეობას. მადლობა გიორგის ამ პატრიოტიზმისთვის და ჩვენი ქვეყნის და ჩვენი ხალხის სიყვარულისთვის. - ირაკლი ღარიბაშვილი რამდენჯერაც არ უნდა ჩამოვიდე ულამაზეს ცაგერში, ყოველთვის იგრძნობა განსაკუთრებული სითბო და სტუმარ-მასპინლობა. უნიკალური და გამორჩეულია თავისი ისტორიული ძეგლებით. ხვამლის მთა, დღემდე რჩება ყველასთვის ამოუცნობ სილამაზედ და საიდუმლოდ. ბევრი ტურისტი და ბევრი დაინტერესებული ადამიანი, მთაში სიარულის მოყვარულები დადიან და ცდილობენ, რაც შეიძლება მეტი დრო გაატარონ ამ ადგილებში, ულამაზესი ხეებით და მღვიმეებით. როდესაც ვსაუბრობთ მთაში სიარულის სიყვარულზე, არ შეიძლება არ ვახსენოთ ულამაზესი სოფელი ლაილაში, რომელიც ამ ბოლო დროს გახდა პოპულარული. ბევრმა გადაიღო იქ სურათი, იმ ულამაზესი ხედებიდან, რომელიც იქ იშლება, თუმცა ბევრმა არ იცის, თუ რა დიდი მნიშნელობა ჰქონდა ლაილაშს ისტორიულად. ერთ-ერთი ყველაზე მეტად ეთნიკურად მრავალფეროვანი სოფელი, ძალიან მდიდარი, განვითარებული ვაჭრობით, რომელსაც ვთვლი, რომ კიდევ მეტი ტურისტის მოზიდვის შესაძლებლობა აქვს. - კახა კუჭავა ლაილაშში სკოლა ავაშენეთ, რომელსაც 800 000 ლარი მოხმარდა და რომელსაც ლაბორატორია, კვების ბლოკი, გათბობისა და ვენტილაციის სისტემებიც აქვს. სკოლა ადაპტირებულია სპეციალური საჭიროებების მქონე ბავშვებისათვის. საირმის და ცაგერის სკოლის რეაბილიტაცია მიმდინარეობს. ხვამლის მთამდე მისასვლელი გზის რეაბილიტაციის შემდეგ, ახალი სიცოცხლე და შესაძლებლობები გაჩნდა მიმდებარე სოფლების მოსახლეობისათვის. თითქმის უკვე დასრულებულია ჩქუმი-ქულბაქის გზა, თუმცა სამუშაოების წარმოებისას ადგილობრივი მოსახლეობის მოთხოვნების გათვალისწინებით ემატება სამუშაო. ლაილაში-თაბორის გზა კი, რომელიც მიმდინარე წელს უნდა დასრულებული, კონტრაქტორის გამო შეჩერდა და მალე კვლავ თავიდან გამოცხადდება ტენდერი. - ირაკლი ქარსელაძე ცაგერის მერობა ჩემთვის სრულიად ახალი გამოწვევაა და მზად ვარ გაათმაგებული ენერგიით, პროფესიონალ გუნდთან და ადგილობრივ მოსახლეობასთან ერთად გადავდგათ გარდამტეხი ნაბიჯები, რომ ჩვენი მუნიციპალიტეტი მიმზიდველად და გამორჩეულად ვაქციოთ. და კიდევ, ჩემთვის ძალიან დიდი პატივია ვემსახურო იმ კუთხეს, სადაც დაიბადნენ და გაიზარდნენ გამოჩენილი ადამიანები, რომლებიც იყვნენ ჩვენი კუთხისა და სამშობლოს ღირსეული მამულიშვილები. მაგალითად: ლადო ასათიანი, მარშალი არჩილ გელოვანი, მერაბ მამარდაშვილი, ჯანსუღ ჩარკვიანი, კახი ასათიანი და სხვანი. საბედნიეროდ, ბევრი ჰყავს ჩვენს კუთხეს ასეთი მამულიშვილები. თქვენი მხარდაჭერის იმედი მაქვს და მერწმუნეთ, ერთად აუცილებლად გავიმარჯვებთ. - გიორგი ნემსაძე #განვითარებაყველარეგიონს

05 სექტემბერი, 2021

ჩვენ ვაგრძელებთ აქტიურ საარჩევნო კამპანიას და დღეს წარმოგიდგენთ ონის მერობის კანდიდატს. ჩვენ მერობის კანდიდატი ყველა მუნიციპალიტეტში, ყველა ქალაქში ძალიან ფრთხილად შევარჩიეთ. თქვენს მიერ არჩეული მერი უნდა მოემსახუროს ჩვენს ხალხს. ონის მერი, რა თქმა უნდა, იქნება თქვენს სამსახურში და 24 საათის განმავლობაში მოგემსახურებათ თქვენ. ასეთი კაცია ჩვენი სერგო ხიდეშელი. ახალგაზრდა, ენერგიული, დიდი გამოცდილებით, მიუხედავად მისი ასაკისა, უნარიანი და მართლაც ძალიან წესიერი კაცი, რომელიც მოემსახურება ონს და ონელებს. - ირაკლი ღარიბაშვილი დარწმუნებული ვარ, პროექტები, რომელსაც ვახორციელებთ - 51-კილომეტრიანი გზა, ძალიან მალე დასრულდება და აბსოლუტურად სხვა სიცოცხლეს შესძენს ამ რეგიონს და არა მხოლოდ ამ რეგიონს, იმერეთსაც. აქ ჩამოსასვლელად. 5-6 საათის ნაცვლად დაგჭირდება მხოლოდ 3 საათი - ეს უდიდესი შეღავათია და ეს გზა გასნის პოტენციალს ლეჩხუმისკენ და ქვემო სანეთისკენ, ლენტეხისკენ. ეს არის ის შესაძლებლობები, რომელიც უნდა გამოვიყენოთ ყველამ ერთად. ამიტომ, უმნივშნელოვანესია გყავდეთ ძლიერი თვითმმართველობა, რომელსაც ზურგს უმაგრებს ძლიერი ცენტრალური ხელისუფლება და მმართველი პარტია, რომელსაც აქვს გეგმები განახლებული რეგიონების სახით. ძლიერი რეგიონები შექმნის საბოლოოდ ძლიერ საქართველოს. დარწუნებული ვარ, ეს კუთხე ვიზიტორებით ნამდვილად გამორჩეული იქნება და ამას ერთად დგომით, შრომით მივაღწევთ. - კახა კუჭავა სექტემბერში გაიხსნება ისტორიული იმერეთი-რაჭის დამაკავშირებელი გზა. ახალი სიცოცხლე რაჭისთვის, ზემო იმერეთისთვის, ახალი შესაძლებლობა. გაცოცხლდა 6 სოფელი, გაათმაგდა მიწის ფასი და მოთხოვნა. ეს არის ჩვენი მომავალი. სახელმწიფომ ისე უნდა დაგეგმოს პროექტი, რომ პირველ რიგში ჩვენი მოქალაქეებმა ისარგებლონ ამით. 10 000 კილომეტრი გზა დავაგეთ ჩვენ 8 წლის განმავლობაში, თბილისის და აჭარის გარდა. ჯამში, მთელ საქართველოში 21 000 კილომეტრზე მეტი გზა გვაქვს. თბილისს და აჭარას თუ დავუმატებთ 12 000 კილომეტრზე მეტი გზა დავაგეთ და ეს პროცესი გრძელდება. - ირაკლი ქარსელაძე 2021 წლის 1 ივნისიდან ონის მუნიციპალიტეტის მერის პირველი მოადგილის თანამდებობას ვიკავებდი და დროის ამ მოკლე მონაკვეთის მიუხედავად, დღეს უკვე თამამად შემიძლია ვთქვა, რომ ზუსტად ვიცი და გათავისებული მაქვს ყველა ის პრობლემა თუ გამოწვევა, რაც ჩვენი მუნიციპალიტეტის სოფლებში, უბნებსა თუ თითოეულ დასახლებულ პუნქტში მცხოვრები ადამიანების წინაშე დგას.ჩვენს მუნიციპალიტეტში ჯერ კიდევ ბევრი პროექტია განსახორციელებელი, რისთვისაც მე და ჩემი გუნდი მთელი შემართებით ვემზადებით. ჩვენ ზუსტად ვიცით, სად რა არის გასაკეთებელი და ამ გამოწვევებთან გამკლავების რესურსიც გვაქვს.ჩემო ონელებო, თქვენ უნდა გააკეთოთ არჩევანი განვითარების სასარგებლოდ, არჩევანი ჩვენი შვილებისა და ჩვენი საყვარელი ონის უკეთესი მომავლისთვის. - სერგო ხიდეშელი #განვითარებაყველარეგიონს

05 სექტემბერი, 2021

ჩვენ, ძვირფასო მეგობრებო, ქვეყანას ვმართავთ პასუხისმგებლობის გრძნობით, სიყვარულით, გვაქვს შეცდომებიც, არასოდეს არ დაგვიმალავს, მაგრამ შეცდომებს ვასწორებთ და მივდივართ წინ. დიდი პასუხისმგებლობით ვარჩევთ ჩვენს კანდიდატებს თითოეულ ქალაქში, თითოეულ მუნიციპალიტეტში იმისთვის, რომ ყველა არჩეული მერი მოემსახუროს და ემსახუროს საკუთარ ქვეყანას, ქალაქს, მუნიციპალიტეტს და ხალხს. ასეთი კაცი შევარჩიეთ ქუთაისისთვის, ამ ულამაზესი ისტორიული, პოლიტიკური და ეკონომიკური ცენტრისთვის, ბატონი იოსებ ხახალეიშვილი. კაცი, რომელსაც მთელი ქუთაისი იცნობს, რომელიც ღირსეული ქუთაისელია და რომელიც ღირსეულად ემსახურება თავის ულამაზეს ქალაქს, აქვს დიდი გამოცდილება. მუშაობდა მანამდე გუბერნატორის მოადგილედ, შემდეგ, ახლა არის ქალაქის მერი და ღრმად ვარ დარწმუნებული, იგი წარმატებით გააგრძელებს ქუთაისის მერის თანამდებობაზე მუშაობას და მოგემსახურებათ თქვენ, ქუთაისელებო. - ირაკლი ღარიბაშვილი დღეს ძალიან ბევრი პროექტი ხორციელდება ქუთაისში. 24 საათიანი წყალმომარაგების პროექტები, რომელიც თითქმის დასრულდა, თუმცა რჩება წყალანირების პროექტები და სხვადასხვა წყალსამაგრი, რიონისპირა თუ სახლების სარეკონსტრუქციო პროექტები. მაგრამ ჩემი აზრით, ეს არ უნდა იყოს მთავარი მიზანი, ჩვენ უნდა ვიშრომოთ იმისთვის, რომ ქუთაისი იყოს ევროპული ტიპის ქალაქი, სადაც ყველას მოუნდება ცხოვრება, თუ გავითვალისწინებთ იმ განვითარებას და გეგმებს, რომელიც გვაქვს ქუთაისისთვის. - კახა კუჭავა ქუთაისი ყოველთვის იყო გამორჩეული შესაძლებლობების ქალაქი, არა მხოლოდ იმერეთში, არამედ მთელს ქვეყანაში. ბოლო სამი წლის განმავლობაში ინფრასტრუქტურის კუთხით ქალაქი განსაკუთრებით განვითარდა. ყოველთვის გამოწვევა იყო 24-საათიანი წყალმომარაგება, რომელიც უკვე მოგვარებულია, დაწყებულია წყალარინების სისტემის პროექტირება. 57 ქუჩაზე დავამთავრეთ სამუშაოები, თუმცა წერეთლის და აღმაშენებლის ქუჩებთან დაკავშირებით არის პრობლემები. ჩვენ არ ვერიდებით პრობლემებზე საუბარს, ეს ქუჩებიც დასრულდება სექტემბრის ბოლოსთვის. მიმდინარეობს 5 ისტორიული სკოლის რეაბილიტაცია, დამატებით დაიწყება კიდევ ერთი სკოლის. აშენდება ახალი სივრცეები, ლაბორატორიები, სკოლები ადაპტირებული იქნება სპეციალური საჭიროებების მქონე პირებისთვის. ცოტა ხნის წინ საფუძველი ჩაეყარა ქუთაისის ოლიმპიური აუზის მშენებლობას, რომლის მშენებლობა 18 თვეში მთავრდება. - ირაკლი ქარსელაძე მე დარწმუნებული ვარ, რომ კიდევ არაერთი პროექტია გასაკეთებელი, ჩვენ ვიცით, რომ დაწყებულია ოლიმპიური აუზის მშენებლობა, იცით, რომ საქართველოს ფეხბურთის ფედერაციამ დაიწყო, ფეხბურთის აკადემია და რომელიც გაისად ორივე ჩაბარდება. უნიკალური სპორტული ობიექტი ჩვენს ქალაქს, მაგრამ ჯერ კიდევ ბევრია პრობლემა, ბევრია პრობლემა, რის გადასაწყვეტად და გასაკეთებლად ჩვენ ალბათ ერთად, ახალ თვითმმართველობასთან, ახალ მერთან ერთად უნდა გავაგრძელოთ, ვიმუშაოთ და ყველა ეს დაწყებული პროექტები ბოლომდე უნდა მივიყვანოთ, მხოლოდ ასე შევძლებთ ქუთაისს დავუბრუნოთ და დავუმკვიდროთ, რომ ეს არის ერთადერთი ქალაქი საქართველოში, ქართული ტრადიციების ევროპული ქალაქი და მე მინდა, რომ ეს სახელი ქუთაისს გაყვეს და მთელს ევროპას, მთელს მსოფლიოს მოედოს, ოღონდ ამისათვის ჩვენი ერთად ყოფნაა საჭირო იმიტომ, რომ გამოწვევა ბევრი ხდება, განსაკუთრებით პანდემიასთან ბრძოლა, ეს ძალიან დიდ პასუხისმგებლობას გვაკისრებს თითოეულ ჩვენგანს რათა მოუაროთ ჩვენს ოჯახებს, ჩვენს გვერდში მდგომებს, ჩვენს მომავალ თაობას და ჩვენს ბავშვებს, მით მიმართ განსაკუთრებით ვერაგი აღმოჩნდა ეს ვირუსი. - ზაზა ლომინაძე ჩემთვის, როგორც ძირძველი ქუთაისელისთვის, უმნიშვნელოვანესი და უმთავრესი და ამოცანა ქუთაისზე, აქ მცხოვრები ადამიანების აწმყოსა და მომავალზე, ამ ქალაქის სტუმარზე ფიქრი და ზრუნვაა და ჩვენ, ყველამ ერთად ვიზრუნოთ, რომ ქუთაისი, ეს დიდი ტრადიციების ქალაქი, ახლა უკვე დიდი ინოვაციების ქალაქიც უნდა გახდეს! - იოსებ ხახალეიშვილი  #განვითარებაყველარეგიონს

04 სექტემბერი, 2021

მინდა, რამდენიმე მიღწევას გავუსვა ხაზი. პირველი, ეს არის ის მთავარი მონაპოვარი, რომელიც უკავშირდება 1-ელ ოქტომბერს, რომელმაც საფუძველი ჩაუყარა ჩვენი ქვეყნის დამშვიდებას და გრძელვადიანი სტაბილურობის დამყარებას, ასევე განვითარება მოიტანა 1-მა ოქტომბერმა, განვითარება და პროგრესი ყველა მიმართულებით, იქნებოდა ეს ინფრასტრუქტურა, ტურიზმი, განათლება, კულტურა, სპორტი, ადგილობრივი წარმოების განვითარება, სოფლის მეურნეობა. რა თქმა უნდა , ძალიან ბევრი გაკეთდა, იქნებოდა ეს გზების მშენებლობა, ინფრასტრუქტურა, სკოლების მშენებლობა-რეაბილიტაცია, ბაღების მშენებლობა, საავადმყოფოების და კლინიკების მშენებლობა, მთელი ქვეყნის მასშტაბით ამბულატორიების მშენებლობა და აღჭურვა, მაგრამ ჩვენ კარგად გვესმის, რომ ეს არ არის საკმარისი და გვაქვს გაცილებით ამბიციური გეგმები, რომ ერთხელ და სამუდამოდ, ჩვენი ხალხის მთავარი გამოწვევა - სიღარიბე და უმუშევრობა ერთად დავძლიოთ. ეს უნდა იყოს ჩვენი მთავარი საზრუნავი, 24-საათიანი მუშაობის მთავარი მამოძრავებელი და მოტივაციის მომცემი ჩვენთვის. - ირაკლი ღარიბაშვილი ულამაზესი პარკებია შემორჩენილი, რომელიც ძალიან ადრე გაშენდა, თუმცა ვთვლი, რომ შეიძლება ბევრი საინტერესო რამ დავამატოთ, ბევრი ინიციატივა, რომელიც კიდევ უფრო საინტერესოს გახდის წყალტუბოს. ეს არის ადგილი, სადაც შეგვიძლია შევქმნათ მარშრუტი, რომელიც დააკავშირებს ცაგერს ლენტეხს, შემდეგ ახალი გზა, რომელიც უშგულამდე ავა და ტურისტული მარშრუტი სრულად შეიკრება. - კახა კუჭავა წყალტუბო, ჩვენი ქვეყნის ერთ-ერთი გამორჩეული ადგილია. ის არა მხოლოდ იმერეთის მარგალიტია, არამედ საქართველოს უნიკალური ბუნების და სილამაზის ადგილია. ადგილი, რომელიც ტურისტული კუთხით იყო ერთ-ერთი ყველაზე ცნობილი საბჭოთა კავშირში. თუმცა, ამბიციური გეგმა, რომელზეც ჩემი კოლეგაც ისაუბრებს, გულისხმობს, რომ წყალტუბო გახდეს პოპულარული არა მხოლოდ იქ, სადაც ადრე იყო, არამედ დაიბრუნოს თავისი დიდება და გახდეს ყველაზე პოპულარული კურორტი უკვე მსოფლიოში. ამისთვის ყველა პირობა არსებობს. როცა ვსაუბრობთ წყალტუბოზე და საერთოდ იმერეთზე, უნდა ითქვას, რომ იმერეთი ჩვენი ქვეყნის ულამაზესი კუთხეა, გამორჩეულია თავისი ლამაზი ბუნებით და შესაბამისად, ყველაზე მეტი დაცული ტერიტორიები, ბუნების ძეგლები და აღკვეთილები გვაქვს იმერეთში, რომელსაც განსაკუთრებული გაფრთხილება, ზრუნვა სჭირდება. რომელსაც აქვს პოტენციალი იმისა, რომ მეტი შემოსავალი, მეტი კეთილდღეობა მოუტანოს ჩვენ ოჯახებს და ჩვენი ქვეყნის ეკონომიკაში მეტი წვლილი შეიტანოს. სწორედ ამიტომ, 2012 წლიდან დღემდე, 15 მლნ ლარზე მეტი, მხოლოდ სახელმწიფო ბიუჯეტიდან დაიხარჯა დაცული ტერიტორიების აღდგენა - შენარჩუნებისთვის. - ლევან დავითაშვილი წყალტუბოში გვაქვს ლამაზი შენობები, რომელიც უფუნქციოა, გვაქვს კულტურული მემკვიდრეობა, რომელსაც პატრონობა სჭირდება. ეს პოტენციალი დაინახა ბიძინა ივანიშვილმა ბევრად იმაზე ადრე, ვიდრე კურორტის გენგეგმის მომზადება დაიწყო და მისი ცნობილი ინიციატივა გააჟღერა. პრომეთეს მღვიმემ ნაწილობრივ დაუბრუნა წყალტუბოს ტურისტული ცნობადობა, ცნობადობა იმისა, რომ ეს არის უმშვენიერესი, ულამაზესი, ბუნებრივად დაჯილდოვებული ბალნეოკლიმატური კურორტი. წყალტუბოს გენგეგმის ერთ მილიონიან კონკურსში იტალიურ-ქართულმა საერთაშორისო კონსორციუმმა გაიმარჯვა და მათი ბრწყინვალე პრეზენტაცია მოვისმინეთ ცოტა ხნის წინ ჩვენ, წყალტუბოს მოსახლეობამ, პროფესიულმა წრეებმა. პრეზენტაცია, რომელიც წარმოაჩენდა წყალტუბოს, როგორც კურორტს და აუცილებლად როგორც ქალაქს. არასდროს უნდა დაგვავიწყდეს ჩვენ, ეს ორი თანმხვედრი ჰარმონიული ელემენტი, რასაც წყალტუბო აერთიანებს, რაც მას ხდის ნამდვილად გამორჩეულ მდებარეობად. - ირაკლი ქარსელაძე დღეს უამრავი რამ კეთდება ჩვენს ქალაქში, ჩვენს მუნიციპალიტეტში, კეთდება ინფრასტრუქტურული პროექტები, გრძელდება სამუშაოები, ამიტომ აქ შეჩერებული არაფერი არ არის. ჩემო წყალტუბოელებო, ჩვენ ერთად, ამ დიდ საქმეს გავაკეთებთ და ამას ჩვენ ერთად დავინახავთ. გაივლის 4 წელიც და ჩვენ უკან მოხედვის არ შეგვრცხვება. მინდა ჩემს წყალტუბოელებს მოვუწოდო, დავუდგეთ ერთმანეთს გვერდით და 2 ოქტომბერს ღირსეულ გამარჯვებას მივაღწიოთ. მე სურვილი მაქვს, რომ წყალტუბომ განსაკუთრებულად გაიმარჯვოს და ჩვენ მზად ვართ ამ გამოწვევებისთვის. - გენადი ბალანჩივაძე #განვითარებაყველარეგიონს

04 სექტემბერი, 2021

ვიმყოფებით რა ამ ულამაზეს, ასევე უნიკალურ მუნიციპალიტეტში, რა თქმა უნდა, ხონს აქვს ტურიზმის განვითარების ძალიან დიდი პოტენციალი. ამიტომაც, ჩვენ გავაგრძელებთ ამ მიმართულებით მუშაობას, კიდევ უფრო მეტ პროგრამებს შევთავაზებთ მოსახლეობას.7 მილიარდი ლარის ინვესტიცია განხორციელდება სოფლის მეურნეობის მიმართულებით, 2 მილიარდ 500 მილიონის ინვესტიციას ვგეგმავთ ადგილობრივი წარმოების წასახალისებლად და 1000-ზე მეტი ახალი საწარმოს დასაფინანსებლად, რითაც 100 ათასი ახალი სამუშაო ადგილის შექმნაა განსაზღვრული. ეს და მრავალი სხვა პროექტი ჩვენ ყველამ ერთად უნდა განვახორციელოთ. - ირაკლი ღარიბაშვილი როდესაც ტურიზმზე ვსაუბრობთ, ყველას ახსენდება ოკაცეს ულამაზესი კანიონი, რომელიც ბევრ ტურისტს იზიდავს. არ შეიძლება არ ვახსენოთ კინჩხის ჩანჩქერი. ერთია, გქონდეს ულამაზესი ბუნება და მეორე, რომ სწორად განავითარო ტურისტული ინფრასტრუქტურა, რათა სარგებლის მიღება ბოლომდე შეძლო. მილიონ ლარზე მეტი დაიხარჯა კინჩხის ჩანჩქერის ტურისტული ატრაქციების, ტურისტული საინფორმაციო ცენტრის და ინფრასტრუქტურის მოსაწყობად, რაც დამატებით მოიზიდავს ტურისტებს. პანდემიასთან ბრძოლას დავასრულებთ და ეს ულამაზესი ადგილი ყველასთვის ხელმისაწვდომი იქნება. ადგილები, რომელიც სიამაყით, გავსებს, რომ ამ კუთხის, ამ ქვეყნის შვილი ხარ. - კახა კუჭავა ხონი წყლის მიმართულებითაც დაწინაურებულია სხვა ქალაქებთან შედარებით, მაგრამ არის გარკვეული ნაწყილი ქალაქის, რომელიც ჯერ 24-საათიანი მომარაგების გარეშეა, ასევე ზაფხულში არის გამოწვევები, რომელიც უკავშირდება დებედის და მთელ რიგ სხვა საკითხებს, რომლებიც ასევე ჩვენს სამოქმედო გეგმაშია. ამ გეგმის მიხედვით, 2025 წლის ბოლომდე ყველა ქალაქში გვექნება 24-საათიანი წყალმომარაგება. - ირაკლი ქარსელაძე ბუნებრივია, თითოეული ჩვენგანის ოცნება არის ის, რომ დაცული იყოს ადამიანის ის უფლება, რომ ქვეყნის ტერიტორიაზე შეგვეძლოს თავისუფლად გადაადგილება და ამ ქვეყნის ტერიტორიაში, რა თქმა უნდა, იგულისხმება სოხუმი და ცხინვალი. ეს ყველაფერი შეუძლებელია იმის გარეშე, თუ ქვეყანაში არ იქნება მშვიდობიანი განვითარება და ასეთი განვითარება შესაძლებელია მხოლოდ და მხოლოდ მაშინ, როდესაც როგორც მუნიციპალიტეტებში, ასევე ქვეყნის მთელ ტეროტორიაზე და ცენტრალურ დონეზე იქნება უზრუნველყოფილი ადამიანის უფლებები. - რატი ბრეგაძე მერობის პირველივე დღიდან, ჩემი მიზანი ხონის თანამედროვე, ევროპული სტანდარტების ქალაქად გარდაქმნა იყო და დღეს, ოთხი წლის თავზე, ყველა ჩვენთაგანი ვხედავთ ამისკენ გადადგმულ ნაბიჯებს, უკვე დაწყებულია ქალაქის ცენტრის რეაბილიტაციის პროექტი, რასაც სულ მალე მოყვება ჩვენი ისტორიული, ცენტრალური ბულვალის განახლების პროცესი, რითაც მერწმუნეთ, თითოეული ჩვენთაგანი, თითოეული ხონელი ვიამაყებთ. პირობას გაძლევთ, ჩემს გუნდთან რთად ყველაფერს გავაკეთებ ჩვენი მუნიციპალიტეტის საკეთილდღეოდ. ხონლებო, კიდევ ერთხელ მოგმართავთ მხარდაჭერისთვის, რათა ერთობლივად, ერთმანეთის გვერდში დგომით შევძლოთ ძალიან მნიშვნელოვანი წამოწყებების ბოლომდე მიყვანა და დასაახული მიზნების ზედმიწევნით შესრულება. - ლადო ჯურხაძე #განვითარებაყველარეგიონს

03 სექტემბერი, 2021

ტყიბულში ვიმყოფებით და რა თქმა უნდა, უნდა აღინიშნოს ის, რომ ეს ისტორიული ქალაქი გამორჩეულია თავისი სილამაზით, არაჩვეულებრივი ბუნებით და უზარმაზარი პოტენციალით ტურიზმის განსავითარებლად. მე ახლახან შევხვდი მეშახტეებს, მინდა, მათ საჯაროდ მადლობა გადავუხადო, გამოვხატო მათ მიმართ სოლიდარობა და მადლიერება. განვიხილეთ რამდენიმე საკითხი, მათ ადგილზე გადავუწყვიტეთ საკითხები და ერთ-ერთი მთავარი საკითხი, რაც მათი მხრიდან იყო წამოყენებული, არის სწორედ ტურიზმის განვითარება. ცხრაჯვარის პროექტზე აქტიურად ვმუშაობთ და აუცილებლად გაკეთდება. სხვა ლოკაციებს შევისწავლით და აუცილებლად გავაკეთებთ ახალ ტურისტული მიზიდულობის ცენტრებს იმისთვის, რომ ტყიბულში რაც შეიძლება მეტი დამსვენებელი ჩამოვიდეს, მეტმა ნახოს, როგორც ადგილობრივმა, ისე უცხოელმა ტურისტმა. - ირაკლი ღარიბაშვილი ტყიბული არის იმ ლოკაციაზე, საიდანაც ვუკავშირდებით რაჭას, იმერეთს, დასავლეთს და აღმოსავლეთს.   აუცილებელია  ინფრასტრუქტურული პროექტები გაგრძელდეს, რათა კიდევ მეტი შესაძლებლობა მიეცეს ყველას, რასაც სჭირდება ძლიერი გუნდი. ძლიერი მერი ხედვით, რომელიც გარდა იმ ხედვისა, რომელიც განახლებული რეგიონების ფარგლებში არსებობს და მთავრობის მიერ ხორციელდება, შეძლებს დამატებითი იდეები, ღირებულებები შესძინოს მას. - კახა კუჭავა მე დარწმუნებული ვარ ჩემო მეგობრებო, ჩენ ტყიბული, ტყიბულის მუნიციპალიტეტი, არასდროს არ შეურცხვენია მას თავი, ის გვერდით ედგა სახელმწიფოს, ჩვენს პარტიას „ქართულ  ოცნებას“ და კვლავაც, დარწმუნებული ვარ და მიხარია როცა ვხედავ ასეთ სახეებს, რომლებიც ასეთი ერთგულები არიან. მე მოგიწოდებთ მეგობრებო, როგორც არასდროს, დავდგეთ ერთმანეთის გვერდში დავასრულოთ ეს არჩევნები, მერვედ გამარჯვებით და გავაგრძელოთ გზა ტყიბულის და ჩვენი ქვეყნის მშენებლობისა. - ბეჟან წაქაძე უკვე მიმდინარეობს მუშაობა და 2023 წელს ქალაქს 24 საათიანი წყალმომარაგება ექნება. მივიღებთ ევროპულ ტყიბულს, რომელიც არა მხოლოდ ლამაზი იქნება, არამედ ახალი შესაძლებლობებით სავსე. პროცესი დაწყებულია, ორპირი-სოჩხეთის მიმართულებით 15-კილომეტრიანი მონაკვეთი სრულად  გაკეთებულია, 6 ხიდზე ამჟამად მიმდინარეობს მუშაობა. - ირაკლი ქარსელაძე 8 სოფელი იქნა გაზიფიცირებული ტყიბულში, მაგრამ, რა თქმა უნდა, ეს არ არის საკმარისი და გაძლევთ პირობას, რომ პროცესი გაგრძელდება  და გაზი მაქსიმალურად იქნება მიწოდებული ოჯახებში - ეს ნიშნავს ახალ სამუშაო ადგილებს, ახალი მცირე სასტუმროების განვითარებას და უკეთეს ცხოვრების პირობებს. - ნათია თურნავა ბუნებრივია არსებობს ძალიან მკაფიო და კარგი პროგრამა, რითაც დაიწყება ტყიბულის აღორძინება და ძალიან კარგი სიტყვა თქვა ბატონმა ირაკლიმ, რომელმაც თქვა, რომ ტყიბული უნდა აღორძინდეს და უნდა განვითარდეს. თუმცა, რა თქმა უნდა, განვითარებას აუცილებლად ჭირდება სამართლიანობა. სხვაგვარად ვერცერთი განვითარება ვერ მოხდება. - რატი ბრეგაძე ერთ გარემოებას გავუსვამ ხაზს, რომელიც ჩემს და ტყიბულის ურთიერთობას აკავშირებს მნიშვნელოვნად. ქალაქი, სადაც გავიზარდე, ქალაქი, სადაც დიდი თაობები, ეს ბუმბერაზი ადამიანები ჩემ თვალწინ ქმნიდნენ და აშენებდნენ ურთიერთობების კულტურას, ამას ვეზიარებოდით ერთად. მე პირადად პირველი მეგობარი აქ შევიძინე, აქ მაქვს ჩემი წინაპართა საძვალე, აქ არის ჩემი დიდი საახლობლო და სწორედ ამიტომ არის გამორჩეული ჩვენთვის ტყიბული, ამიტომაც არის ყოველგვარ პირადულზე მაღლა მდგომი და სწორედ ამიტომ ჩვენი ვალია, გამოვიყენოთ შესაძლებლობა რომელიც გვაქვს, ხელისუფლების მხრიდან მხარდაჭერა და თანადგომა, გამოვიყენოთ იმ კუთხით, რომ ეს მომართული ხელი,  მხარედაჭერის და თანადგომისა, გავცეთ პასუხი და ნიშნად ჩვენი უწყვეტი კავშირის განმტკიცებისა, აუცილებლად უნდა მივიდეთ არჩევნებზე და შემოვხაზოთ 41. - დავით ჩერქეზიშვილი #განვითარებაყველარეგიონს

03 სექტემბერი, 2021

ჩვენ მობილიზებულად უნდა ჩავატაროთ არჩევნები. მშვიდად, თავისუფალი, გამჭირვალე არჩევნები და მოვიგოთ ღირსეულად და გავაგრძელოთ ჩვენი ქვეყნის მშენებლობა. ყველა რეგიონის მიმართულებით, ჩვენ წარმოგიდგენთ კონკრეტულ რეფორმებს, კონკრეტულ გეგმებს, კონკრეტულ პროგრამებს, რომლებიც მხოლოდ ჩვენს მოსახლეობაზე იქნება ორიენტირებული. მეტი დასაქმება, მეტი სამუშაო ადგილები - ეს იქნება ჩვენი მთავარი საზრუნავი და ჩვენი მთავარი მიზანი. კიდევ ერთხელ, მინდა ყველას მადლობა გადაგიხადოთ ერთგულებისთვის. ერთგულება, მადლიერება, სიმართლე, ღირსება, პატიოსნება - გამოარჩევს ჩვენს დიდ ოჯახს, გაერთიანებას - „ქართულ ოცნებას“ და სწორედ, ამ ფასეულობებზე დგას ჩვენი პოლიტიკური გუნდი. ამ იდეალებით, ამ პრინციპებით, ჩვენ ერთად გავაგრძელებთ ჩვენი ქვეყნის მშენებლობას და აუცილებლად გავიმარჯვებთ 2 ოქტომბერს, ყველა ქალაქში და ყველა მუნიციპალიტეტში. - ირაკლი ღარიბაშვილი არ შემიძლია რამოდენიმე სიტყვა არ ვთქვა თქვენს კანდიდატზე - ადამიანი, რომელიც გამოირჩევა დიდი სიყვარულით მშობლიური თერჯოლის მიმართ და რაც ყველაზე მთავარია, პატიოსნებით, შრომისმოყვარეობით და იმ ხედვებით, ჟინით, რომლითაც მას უნდა დიდ წარმატებას მიაღწიოს თერჯოლამ, მთლიანად მუნიციპალიტეტმა, ყველა იმ სოფელმა, სადაც ის ყოველდღიურად დადის და თითოეულ ოჯახთან აქვს კომუნიკაცია. - კახა კუჭავა იმერეთში ბოლო წლების განმავლობაში, ჩვენი მთავრობის დროს 4 მილიარდ ნახევარი ლარის პროექტები გვაქვს განხორციელებული. 450 სოფლამდე ცენტრალური გზა გვაქვს გაკეთებული, 542 სოფლიდან. ეს არის თითქმის 80 პროცენტი, როდესაც მხოლოდ 80-მდე სოფელში იყო ცენტრალური გზა. გარდა ამისა თერჯოლა არის ერთ-ერთი მუნიციპალიტეტი, რომელშიც მთლიანად მოხდა გაზიფიცირება და სწორედ იმ პროექტით, რომელიც ვახსენე ცოტა ხნის წინ, ის რომ ხალხს და ხალხის საჭიროებებს მოხმარებოდა, არა მარტო ცენტრალური გზები, დღეს ბევრად მეტი სოფელი გვექნებოდა გაზიფიცირებული იმერეთში. დღეს ამ 542 სოფლიდა 239 სოფელია გაზიფიცირებული. 2012 წლამდე და 2012 წელს ეს ციფრი შეადგენდა მხოლოდ 59 სოფელს. შევადაროთ ერთმანეთს ვინ აკეთებს სახალხო საქმეს და ვინ არ აკეთებს და ვიზე იყო ყველაფერი მორგებული. - ზვიად შალამბერიძე კარგად ვიცით ჩვენს მუნიციპალიტეტში მცხოვრები მოსახლეობა ბევრი გამოწვევის წინაშეა, თუმცა მჯერა ამ გამოწვევებს და ამ პრობლემებს ერთად გავართმევთ თავს. მე და ჩემმა გუნდმა ზუსტად ვიცით, რა ესაჭიროება ჩვენს თერჯოლელებს. ჩვენი მთავრი გამოწვევაა ჩვენი მუნიციპალიტეტისა და ჩვენი თითოეული ოჯახისთვის პირობების გაუმჯობესება, ამასთანავე მნიშვნელოვანია ადგილობრივი თვითმმართველობის არჩევნებზე გვერდით დგომა. ცენტრალური ხელისუფლება, ყოველთვის იდგა ჩვენს გვერდით ასე გაგრძელდება. დარწმუნებული ვარ, სწორ არჩევანს გავაკეთებთ და იმ გადაწყვეტილებას მივიღებთ, რომელიც 2012 წლიდან ყოველ არჩევნებზე კეთდებოდა. მჯერა, რომ ერთად გავიმარჯვებთ და ერთად ავაშენებთ იმ სანატრელ რაიონს, რომელსაც თერჯოლა და საქართველო ჰქვია. - ლაშა გოგიაშვილი #განვითარებაყველარეგიონს

03 სექტემბერი, 2021

ერთ-ერთი მთავარი დავალება მთელი მთავრობის და ჩვენი ხელისუფლების იქნება, რომ 24-საათიანი კამპანია, 24-საათიანი კომუნიკაცია არის საჭირო ჩვენს მოქალაქეებთან. რა თქმა უნდა, მერებს აქვთ ძალიან გამოკვეთილი როლი ამ მიმართულებით. რა თქმა უნდა, მერი ყოველთვის უნდა იყოს და იქნება ასეც, მობილიზებული, რომ მოემსახუროს ჩვენი მოსახლეობის, ჩვენი ხალხის ინტერესებს. - ირაკლი ღარიბაშვილი ერთ-ერთი მთავარი, რაზეც უნდა ვიზრუნოთ, არის ახალგაზრდების ჩართულობა, რათა მეტი სარგებელი მოუტანონ თავიანთ რეგიონს, თავიანთ კუთხეს. ეს უნდა იყოს ახალი მერის საზრუნავიც. ახალი მიმართულება, რომლითაც ბაღდთმა ნამდვილად უნდა გამოიჩინოს თავი, გახდეს უფრო ძლიერი, რადგან საქართველო ვერ იქნება ძლიერი, თუ არ გვექნება ძლიერი მუნიციპალიტეტები. - კახა კუჭავა საუბარი იყო ეკონომიკის განვითარებაზე, გარემოს დაცვის და სოფლის მეურნეობის სამინისტროს აქვს უამრავი პროექტი. ამიტომ, თითოეული ჩვენგანისათვის, როგორც დეპუტატის, ასევე ადგილობრივი ხელისუფლებისათვის, მთავარი მიმართულება უნდა იყოს ბიზნესის ხელშეწყობა. მჯერა თქვენი, ბაღდათელებო. დარწმუნებული ვარ, ერთობლივად ჩვენ ძალიან ბევრს გავაკეთებთ რაიონის განვითარებისთვის. - ბეჟან წაქაძე ბოლო ოთხი წელია ჩემს მშობლიურ მუნიციპალიტეტს ვემსახურები და კარგად ვიცი მისი საჭიროებები, ძლიერი და სუსტი მხარეები. ვიცი რა პრიორიტეტები უნდა დავისახო, რათა ბაღდათი კიდევ უფრო მიმზიდველი და საინტერესო გახდეს, როგორც ადგილობრივებისთვის, ასევე ტურისტებისა და ინვესტორებისთვის. გპირდებით, რომ თქვენი მხარდაჭერის შემთხვევაში, თქვენი ჩართულობით, ყველაფერს გავაკეთებთ, რომ მაქსიმალურად გავაუმჯობესოთ ჩვენს მუნიციპალიტეტში არსებულ სოციალურ-ეკონომიკური ფონი. გპირდებით, ყველა გამოწვევას ღირსეულად გავართმევთ თავს, წლების განმავლობაში დაგროვებულ ცოდნას და გამოცდილებას კი ბაღდათის კეთილდღეობაზე ზრუნვას მოვახმართ. - კახა ენუქიძე #განვითარებაყველარეგიონს

02 სექტემბერი, 2021

წარმოგიდგენთ ჩვენს კანდიდატს, ბატონ ლევან ივანაშვილს. პირველივე დღეებიდან ლევანი იყო ჩართული „ქართული ოცნების“ გამარჯვების საქმეში. ძალიან მაგარი, მეურნე კაცი, საჩხერეს უყვარს ლევანი, ლევანს უყვარს საჩხერე და ვიცი, რომ იგი ბოლომდე დაიხარჯება საჩხერლებისთვის. წარმატება და გამარჯვება, ეჭვი არ გვეპარება, რომ ისევე, როგორც ყოველთვის, რეკორდსმენი იქნება საჩხერე. - ირაკლი ღარიბაშვილი ჩვენ ძალიან ბევრი რეგიონი მოვიარეთ, ბევრი დაგვრჩა კიდეც, თუმცა, სადაც მივდივართ, გვხვდება მინიმუმ რამოდენიმე პროექტი, რომელსაც ფონდი „ქართუ“ ახორციელებს იმ პრიორიტეტების, იმ პრინციპების დაცვით, რომელიც ბიძინა ივანიშვილმა თავიდანვე მიზნად დასახა. ეს არის ის ხელშესახები პროექტები, ხელშესახები სარგებელი, რომელსაც იღებს ესა თუ ის რეგიონი. თეატრების და მუზეუმების მშენებლობა და რეაბილიტაცია. აქ არ არის საუბარი უბრალო, მარტივ რეაბილიტაციაზე, საუბარია უმაღლესი დონის, ტექნიკურად უზრუნველყოფილ და მოწყობილ კულტურულ ცენტრებზე. - კახა კუჭავა ჩვენ, რა თქმა უნდა, გვაქვს ძალიან ბევრი გეგმა, ბატონი პრემიემ-მინისტრის დავალებით შემუშავებული იქნა 10-წლიანი სამოქმედო გეგმა და რა თქმა უნდა, თითოეულ სამინისტროს აქვს ძალიან ბევრი გეგმა, რომელიც შეეხება მუნიციპალიტეტებს, მათ შორის, თუნდაც იუსტიციის სამინისტრო გეგმავს, რომ აბსოლუტურად ყველა მუნიციპალიტეტში იყოს აშენებული იუსტიციის სახლი, სადაც ვერ აშენდება, იქ უკვე დაიწყებს ფუნქციონირებას მობილური იუსტიციის სახლები და ასე შემდეგ. ძალიან ბევრი გეგმა არსებობს მუნიციპალიტეტებისთვის, თუმცა ბუნებრივია, როდესაც ცენტრალური ხელისუფლება და მუნიციპალიტეტები იმუშავებენ ერთობლივად და ერთ მუშტად რა თქმა უნდა, იქნება ამ გეგმების განხორციელბა ბევრად უფრო სწრაფად და თითოეული ადამიანი იგრძობს ამას საკუთარ ოჯახში. მინდა, სწორედ ამიტომ, ძალიან დიდი წარმატება ვუსურვო კანდიდატს. - რატი ბრეგაძე მინდა წარმატება ვუსურვო ბატონ ლევანს, რომელმაც ძალიან კარგად იცის საჩხერე და უყვართ საჩხერლებს. ყველა იცის და ყველას იცნობს. ლევანს არ დასჭირდება საკითხის შესწავლა, მოქმედი საკრებულოს თავმჯდომარეა, ამიტომ ზეპირად იცის, რომელ სოფელს, უბანს და მოსახლეს რა სჭირდება. ამიტომ, სწორი გადაწყვეტილებაა, რომ ამ საქმიანობას ბატონი ლევანი გააგრძელებს. - პაატა კვიჟინაძე ნამდვილად ვიცი თუ რა პრობლემებია საჩხერეში, რომელ სოფელს რა უჭირს, და ვის, თუ არა ჩვენ გუნდს, „ქართული ოცნების“ გუნდს, შეუძლია ამ პრობლემების აღმოფხვრა. აქ გამომსვლელებმა აღნიშნეს, რომ საჩხერეში ნამდვილად ბევრი რამ არის გაკეთებული ბატონი ბიძინა ივანიშვილის მიერ, სწორედ ამან, ამ სიკეთეებმა, რომელიც მან საჩხერეს მოუტანა, მოგვცა საშუალება, რომ ჩვენ უკვე უფრო ფართო ასპარეზზე გავსულიყავით ჩვენს გუნდთან ერთად. ჩვენ, ჩვენმა გუნდმა, შევძელით, რომ უკვე უახლოეს წლებში მიგვეღწია იმისათვის, რომ ყველა სოფელში ყოფილიყო ცენტრალური გზა მობეტონებული ან მოასფალტებული. დავიწყეთ ყველა სოფელში წყალმომარაგება, ეს ეტაპი ახლაც აქტიურად მიმდინარეობს რიგ სოფლებში და ვფიქრობთ, როგორც ბატონმა პაატამ აღნიშნა, ის ორი დიდი სოფელი ძალიან მალე დაიწყება და მათაც გავახარებთ ამ კუთხით. - ლევან ივანაშვილი   #განვითარებაყველარეგიონს

02 სექტემბერი, 2021

ჩვენ ვაგრძელებთ აქტიურ საარჩევნო კამპანიას და დღეს წარმოგიდგენთ მოქმედ მერს  - ბატონ გივი მოდებაძეს. ბატონი გივი ღირსეულად ემსახურება თქვენს ქალაქს, ჭიათურას და ჭიათურელებს და მჯერა, იგი ასევე წარმატებით გააგრძელებს 4 წლის განმავლობაში თქვენს მსახურებას. ჩვენ ვესაუბრებით ჩვენს მოსახლეობას, ვსაუბრობთ ჩვენს მიღწევებზე, პრობლემებზე, შეცდომებზე, გამოწვევებზე, რომელიც ჩვენი ქვეყნის წინაშე ამ ეტაპზე არსებობს და გამოსავლის გზებზე. ჩვენ ჩვენი საქმით დავამტკიცეთ, რომ ვართ პასუხისმგებლიანი პოლიტიკური ძალა, რომელმაც ქვეყანაში მოიტანა მშვიდობა და სტაბილურობა, ჩვენს მოქალაქეებს დაუბრუნა თავისუფლება, ღირსება და ყველა ის სირცხვილი, აგრესია და ძალადობა, რომელიც წინა ხელისუფლების დროს იყო გამეფებული ჩვენს ქვეყანაში, წარსულს ჩავაბარეთ ყველამ ერთად. - ირაკლი ღარიბაშვილი ერთ-ერთი მთავარი პოტენციალი, რომელიც ჩემი აზრით გაჩნია ჭიათურას, არის ტურიზმი.უნიკალურია ამ ქალაქის განლაგება ამ კანიონში და ამ ხეობაში, რომლის ბადალი მსოფლიოში ალბათ რამდენიმე თუ შეგვიძლია მოვიყვანოთ - არ შეიძლება ეს პოტენციალი სრულად არ გამოვიყენოთ. ვიცი, რომ ბევრი ქართველი და უცხოელი ტურისტი ჩამოდის და თუ ჩვენ აქ შესაბამის ინფრასტრუქტურას და დამატებით შესაძლებლობებს შევქმნით, რომ მათ მიიღონ ყველა სერვისი, დარწმუნებული ვარ, კიდევ მეტი იქნება წარმატება არ მხოლოდ ამ რეგიონისთვის და ამ ქალაქისთვის, არამედ მთელი საქართველოსთვის. - კახა კუჭავა ჭიათურაში, ამჟამად, 7 ობიექტზე და ჯამში მთლიანად ცენტრალური უბნის ძალიან აქტიური სამუშაოები მიმდინარეობს, რომელიც ჭიათურის ცენტრალურ მდებარეობას, აბსოლუტურად განახლებულ, ევროპულ და ევროპული შესაძლებლობების მქონე ცენტრად აქცევს. ეს მხოლოდ დასაწყისია, ვინაიდან პროგრამის ბიუჯეტი 500 მილიონი ლარი მხოლოდ პირველ ეტაპზეა და მას აუცილებლად ექნება გაგრძელება. - ირაკლი ქარსელაძე ჭიათურის 22  სოფელია უკვე  გაზიფიცირებულია, მოწესრიგდა წყალმომარაგება, ცენტრალური გზები ყველა სოფელში დაიგო. ყველაზე მთავარი ჩვენი ქალაქისთვის  არის, „ჯორჯიან მანგანეზთან“ დამოკიდებულება, რადგან ჭიათურა და მარგანეცის მოპოვებას დიდი ისტორია აქვს და პრაქტიკულად  განუყოფელია. ჩემთვის  ძალიან სასიხარულოა, რომ ამ  მხრივ ძალიან კარგი  ტენდენციაა. - პაატა კვიჟინაძე თანამედროვე გონდოლებიანი საბაგირო გზა, რომელიც მართლა ქალაქის საჩუქარია. დაახლოებით ათი დღეა, ცოტა მეტი რაც გაიხსნა და 20 000 ათასზე მეტი ვიზიტორია ნამყოფი აღნიშნულ საბაგიროზე და ამაზე არ ვჩერდებით. ჭიათურა მართლაც საჰაერო ვენეციას გავს, იმდენი საბაგირო გზები აქვს. ასევე, იყო საუბარი იმ საბაგირო გზებზე, რომლებიც ამ ქალაქს წლების განმავლობაში ემსახურებოდა და მიღებულია უკვე გადაწყვეტილება, უახლოეს დღეებში დაიწყება ეგრეთ წოდებული მშვიდობისა და ოცდახუთიანის მიმართულებით ისტორიული საბაგირო გზის რეაბილიტაცია. - გივი მოდებაძე #განვითარებაყველარეგიონს

02 სექტემბერი, 2021

ჩვენ ზესტაფონში გვყავს ღირსეული კანდიდატი, რომელიც მოემსახურება ზესტაფონს და ზესტაფონელებს, ბატონი ვასილ გველესიანი, მე მინდა მივესალმო მას. კაცი, რომელმაც დაიწყო რიგითი მეტალურგობიდან და გახდა ზესტაფონის ფეროშენადნობი ქარხნის დირექტორი და მმართველი. წარმატებული, გამორჩეული მენეჯერი, მმართველი კაცი, რომელიც არის შემდგარი და წარმატებული მენეჯერი და რომელმაც გადაწყვიტა, რომ ახლა ემსახუროს მოსახლეობას - ზესტაფონს და ზესტაფონელებს. მე მინდა, მას წარმატება და გამარჯვება ვუსურვო. - ირაკლი ღარიბაშვილი ზესტაფონი უმნიშვნელოვანესი ქალაქია თავისი ინდუსტრიული დატვირთვით და როლით, რომელსაც საქართველოს ეკონომიკაში ასრულებს. 2012 წლის შემდეგ, ამ მუნიციპალიტეტში 1000-ზე მეტი ინფრასტრუქტურული პროექტია მთლიანობაში განხორციელებული, იქნება ეს სკოლების, ბაღების რეაბილიტაცია, მშენებლობა, გაზიფიცირება, წყალმომარაგება. რა თქმა უნდა, გამოწვევები რჩება და რეალობას თვალი უნდა გავუსწოროთ, რადგან სხვაგვარად ამის გამოსწორების საშუალება არ გვექნება. ჯერ კიდევ 60 სოფელია, სადაც საჭიროა დასრულდეს წყალმომარაგების პროექტები. ასევე გაზიფიცირება, ინტერნეტიზაცია, რომელსაც აუცილებლად დავასრულებთ 2024 წლისთვის, როგორც ეს დაგეგმილია. - კახა კუჭავა ამჟამად 150 მდებარეობაზე მიმდინარეობს ჩვენი პროექტები წყალმომარაგების უზრუნველყოფისთვის. 360 ათას ადამიანს გაუუმჯობესდება წყალმომარაგება, საიდანაც 200 ათასს ცენტრალიზებული წყალმომარაგება აქამდე არ ჰქონია. ზესტაფონი დაწინაურებულია ამ მიმართულებით. 2025 წლის ბოლოსთვის ჩვენი შესაბამისი გეგმის და სტრატეგიის მიხედვით ზესტაფონს ექნება 24-საათიანი წყალმომარაგება ექნება. რა თქმა უნდა, გამოწვევად რჩება ზესტაფონის მიმდებარე სოფლები. ესეც გათვალისწინებული გვაქვს. ჩვენი სტრატეგიის მიხედვით, 2030 წლისთვის საქართველოს ყველა სოფელს და ქალაქს ექნება სტანდარტის შესაბამისი წყალმომარაგება. - ირაკლი ქარსელაძე ერთი სასიამოვნო სიახლე გამცნოთ, რაც უშუალოდ ეხება ზესტაფონს, კერძოდ, სულ რამოდენიმე კვირაში ჩვენ ერთობლივად დავიწყებთ იუსტიციის სახლის მშენებლობას, რომელიც იცით რომ გარკვეული დროის პერიოდში წარმოადგენდა პრობლემას, სირთულეების გამო, აღნიშნული პრობლემა აღმოფხვრილია და რამდენიმე კვირაში დაიწყება ზესტაფონის იუსტიციის სახლის მშენებლობა, რომლითაც ისარგებლებს თითოეული თქვენთაგანი. მინდა ვუსურვო წარმატება „ქართული ოცნების“ კანდიდატს და მთელს გუნდს ზესტაფონში. - რატი ბრეგაძე ჩემთვის, რა თქმა უნდა, როგორც სამხარეო რწმუნებულისთვის ძალიან მნიშვნელოვანია იმერეთის სიძლიერე, ძალიან მნიშვნელოვანია იმ კუთხის სიძლიერე, რომელიც არის ერთ-ერთი ყველაზე დიდი რეგიონი საქართველოში. იმერეთში, ძალიან მნიშვნელოვანი მიმართულებით არის განვითარებული ინდუსტრია და არის ფაქტიურად ერთ-ერთი ლოკომოტივი ჩვენი ეკონომიკის გაძლიერებისა და ბიუჯეტში ერთ-ერთი მთავარი კონტრიბუტორი. ჩვენ ყველა მიმართულებით შევუწყობთ არა მარტო დიდ ბიზნესებს ხელს, არამედ ყველა იმ მცირე მეწარმეს, რომელსაც ექნება საშუალება, ჩაერთოს და გამოიყენოს ის სიკეთე, რომელსაც სთავაზობს სახელმწიფო. ყველა ეს სიკეთე გვინდა თითოეულ ადამიანამდე მივიტანოთ. ოღონდ ამაში საჭიროა თქვენი ჩართულობა, ყველა ადამიანის, რომელმაც შეიძლება ჯერ კიდევ არ იცის, თუ რამხელა სიკეთე შეუძლია მოუტანოს მას სახელმწიფოსთან მჭიდრო თანამშრომლობამ. - ზვიად შალამბერიძე მჯერა, რომ ბატონი ვასილ გველესიანი დიდი უპირატესობით გაიმარჯვებს თვითმმართველობის არჩევნებში. ის ძალიან გამოცდილი მენეჯერია, რომელიც თავის რესურსს ზესტაფონის განვითარებისთვის გამოიყენებს და 4 წლის შემდგომ, ზესტაფონი იქნება უფრო განვითარებული ქალაქი. - ბეჟან წაქაძე „ქართული ოცნების“ ხელისუფლებაში მოსვლის შემდეგ, ჩვენს მუნიციპალიტეტში მთელი რიგი მიმართულებებით გვაქვს წინსვლა, თუმცა, კვლავ რჩება გამოწვევები. სახელმწიფო პროგრამებით სარგებლობა და ცენტრალური ხელისუფლების მხარდაჭერა ადგილობრივ მოსახლეობას მისცემს შესაძლებლობას კიდევ უფრო მეტ სარგებელი მიიღოს. რა თქმა უნდა, არ მაქვს ილუზია რომ ყველა პრობლემას ერთი ხელის მოსმით გადავჭრით, თუმცა, მე და ჩემს გუნდს გვაქვს მკაფიო ხედვა, თუ როგორ უნდა დავასრულოთ მიმდინარე პროექტები და დავგეგმოთ ახალი მასშტაბური ღონისძიებები ჩვენი მუნიციპალიტეტის განსავითარებლად. მათ შორის, გზების მოწესრიგება, სოფლების გაზიფიცირება და წყალმომარაგების საკითხები. აუცილებლად, ხელს შევუწყობთ სოფლის მეურნეობის სფეროში დასაქმებულ ადამიანებს. გპირდებით, რომ თქვენი მხარდაჭერის შემთხვევაში, ჩვენი მუნიციპალიტეტისა და ადგილობრივი მოსახლეობისთვის მნიშვნელოვან არაერთ პროექტს განვახორციელებთ. ღრმად მწამს, 4 წლის შემდეგ, ზესტაფონი ბევრად უფრო წარმატებული და განვითარებული მუნიციპალიტეტი იქნება. - ვასილ გველესიანი #განვითარებაყველარეგიონს

01 სექტემბერი, 2021

თბილისის საკრებულოს პროპორციული სია: 1. ლევან ჟორჟოლიანი 2. ოთარ გრიგოლია 3. თინათინ ნიბლოშვილი 4. გიორგი ჩაკვეტაძე 5. ნიკო კახეთელიძე 6. ნინო ვარდოსანიძე 7. აკაკი ალადაშვილი 8. გიორგი ახვლედიანი 9. ნინო რუხაძე 10. ლევან აბაშიძე 11. გურამ ოქროპირიძე 12. ანა კაკაბაძე 13. ვლადიმერ ბოჟაძე 14. ალექსანდრე ხუჯაძე 15. მარიამ ზაქარიაშვილი 16. ლევან დავითაშვილი 17. შალვა ოგბაიძე 18. ნათია მოდებაძე 19. ლევან არველაძე 20. არჩილ გორდულაძე 21. ანა კილაძე 22. გიორგი ბრეგვაძე 23. თათია ჩახვაშვილი 24. ვიტალი ონიანი 25. მარიამ გელაშვილი

01 სექტემბერი, 2021

ვაგრძელებთ საარჩევნო კამპანიას და ვიმყოფებით რა ამ მართლაც გამორჩეულ მუნიციპალიტეტში, რომელიც ცნობილია თავისი გამორჩეული ადამიანებით, რაც მთავრია, მინდა ვთქვა, რომ ვანი ყოველთვის იყო ჩვენი სავიზიტო ბარათი. ჯერ კიდევ ანტიკურ პერიოდში ვანი იყო სწორედ ერთ-ერთი გამორჩეული ეკონომიკური, პოლიტიკური, კულტურული ცენტრი. სწორედ ასეთი მნიშვნელოვანი ქალაქის მერობა არის ერთის მხრივ ძალიან საპატიო, მაგრამ ამავდროულად, ძალიან საპასუხისმგებლო. ეს კარგად აქვს გააზრებული ჩვენს მერს, ბატონ ალექსანდრეს. მინდა, მას მივესალმო განსაკუთრებით და პირველ რიგში მადლობა გადავუხადო გაწეული სამსახურისთვის, ვუსურვო წარმატება და ძლიერი გამარჯვება. - ირაკლი ღარიბაშვილი ძლიერი თვითმმართველობა, ძლიერი მერი და საკრებულო, რომელსაც მხარს უჭერს ცენტრალური ხელისუფლება და რაც ყველაზე მთავარია ამომრჩეველი, არის ის, რაც თითოეულ მუნიციპალიტეტს ჭირდება. მხარდაჭერა არ წყდება მხოლოდ არჩევნების დღით. ეს უნდა გაგრძელდს შემდგომაც. ახალი შესაძლებლობები, რომელიც ხელისუფლემამ მოსახლეობისთვის უნდა შექმნას, რაც უნდა მომდინარეობდეს თქვენგანაც, თქვენი ჩართულობით გადაწყვეტილებების მიღების პროცესში. როდესაც ვსუბრობთ ვანზე, ეს არის ასევე ულამაზესი ბუნება, რომელიც შიდა და გარე ტურიზმისთვის ერთ-ერთი მიზიდულობის ცენტრი შეიძლება გახდეს. ჩვენი ერთ-ერთი პრიორიტეტი ძლიერი რეგიონებია. საქართველო ვერ იქნება ძლიერი თუ არ ეყოლება ძლიერი რეგიონები, ძლიერი მუიციპალიტეტები, ძლიერი სოფლები. ამიტომ არის მნიშვნელოვანი არჩევნები. - კახა კუჭავა პრემიერის დავალებით ყველა სამინისტრომ შეიმუშავა 10 წლიანი განვითარების გეგმა და ეს გეგმა რა თქმა უნდა შეეხება მუნიციპალიტეტებსაც. მაგალითად, იუსტიციის სამინისტროს ფარგლებში ვიტყვი, რომ სულ რამდენიმე წელიწადში სრულიად იქნება დამისამართებული, სოფლები. ასევე, საბოლოოდ მოწესრიგდება მიწის რეგისტრაციის პროცესი და ბატონ პრემიერთან გვქონდა ამაზე საუბარი და გვაქვს ამაზე მიღებული თანხმობა და გვექნება დამატებითი დაფინანსება იმისათვის, რომ საბოლოოდ გადაიჭრას ეს პრობლემა, რომელიც დგას დამოუკიდებლობის მოპოვების დღიდან და ბუნებრივია ამ ყველაფრით ქვეყნის მოსახლეობა ნახავს ძალიან დიდ სარგებელს, რომელსაც ზუსტად ეცოდინება თუ რა ექნება მას საკუთრებაში და შემდგომში შეძლებს სასოფლო სამეურნეო სამუშაოების წარმოებას. და სულ მალე მათ შორის ვანში, ვანის მუნიციპალიტეტში სადაც არ არის საზოგადოებრივი ცენტრი ან იუსტიციის სახლი ჩამოგაკითავთ ე.წ მობილური იუსტიიც სახლით და ადგილზე მოგაწვდით ყველა იმ სერვისს რომლის მისაღებადაც საზოგადოებრივ ცენტრში ან იუსტიციის სახლში მობრძანება გიწევდათ. რა თქმა უნდა, ამ ყველაფერს ჭირდება დიდი მხარდაჭერა მუნიციპალიტეტის მხრიდან და ყველა ამ პროექტთან ვთანამშრომლობთ და ბუნებრივია ამ ყველაფრისთვის საჭიროა თქვენი მხარდაჭერა. ღრმად დარწმუნებული ვარ, რომ წარდგენილი კანდიდატი გაიმარჯვებს დამაჯერებლად. - რატი ბრეგაძე ვამაყობ, რომ განვლილ 4 წელიწადში მნიშვნელოვან პროგრესს მივაღწიეთ და უამრავი პროექტი განვახორციელეთ. თუმცა ვიცი იმ პრობლემების შესახებაც, რომელიც ჯერ კიდევ არსებობს ჩვენს მუნიციპალიტეტში. მსურს ერთად განვიხილოთ ჩვენი მუნიციპალიტეტის თითოეული პრობლემა, ერთად ვიმსჯელოთ მათი გადაჭრის გზებზე და ერთად ვიპოვოთ გამოსავალი. ყველამ კარგად ვიცით, რომ ვანი უძველესი და უმდიდრესი ისტორიით სავსე ქალაქია, რომელიც საქართველოს ისტორიის უნიკალურობას ინახავს და ამ კუთხით ჩემს მუნიციპალიტეტზე ზრუნვა ორმაგად საპასუხისმგებლოა ჩემთვის. გარწმუნებთ, მე და ჩემი გუნდი, ცენტრალური ხელისუფლების მხარდაჭერითა და თქვენი უშუალო ჩართულობით, ვანს განვითარების ახალ ეტაპზე გადავიყვანთ. თქვენთან მრავალწლიანი ურთიერთობა მაძლევს იმის უფლებას, გთხოვოთ, ერთად ვიზრუნოთ ჩვენი მუნიციპალიტეტის, ჩვენი ოჯახების უკეთეს ხვალინდელ დღეზე. - ალექსანდრე გოგორიშვილი

01 სექტემბერი, 2021

მთავრობამ შეიმუშავა გრძელვადიანი განვითარების ხედვები ყველა სექტორის მიმართულებით, იქნება ეს სოფლის მეურნეობა, ადგილობრივი წარმოების განვითარება, ინფრასტრუქტურა, რეგიონების განვითარება. გვაქვს მკაფიოდ ჩამოყალიბებული ხედვა და გეგმა, ვიცით რა უნდა გავაკეთოთ, რამდენ ხანში, როდის და როგორ. ამისთვის, მეგობრებო, საჭიროა სტაბილურობის შენარჩუნება. იმისთვის, რომ ამ მავნებლებს არ მივცეთ ქვეყნის არევის საშუალება, ერთადერთი გზა, რა თქმა უნდა, არის დემოკრატიული არჩევნები, რომელიც „ქართული ოცნების“ ხელისუფლების პირობებში არის გარანტირებული და ჩვენ უკვე 7 დემოკრატიული, თავისუფალი, გამჭვირვალე არჩევნები ჩავატარეთ თქვენთან ერთად და გავიმარჯვეთ დამაჯერებლად. ახლა, საჭიროა, მერვე არჩევნებში ღირსეულად გავიმარჯვოთ იმისთვის, რომ მომდევნო სამი წელი იყოს სწრაფი განვითარების, მუშაობის, აღმშენებლობის წლები, აი, ეს უნდა იყოს ჩვენი მთავარი ამოცანა. გვაქვს სერიოზული გეგმები სოფლის მეურნეობის მიმართულებით, როგორც გითხარით, გვინდა, რომ გავაფართოოთ, მაქსიმალურად, მთელი ქვეყანა უნდა მოვიცვათ იმისთვის, რომ სიღარიბე დავძლიოთ, იმისთვის, რომ ყველა ოჯახში შევიტანოთ სიკეთე და კეთილდღეობა. - ირაკლი ღარიბაშვილი ამომრჩევლისგან მხარდაჭერა არ არის მხოლოდ არჩევნებზე მისვლა. ეს არის ყოველდღიური მონაწილეობა გადაწყვეტილების მიღების პროცესში - მერთან და საკრებულოსთან ერთად. ეს არის ახალგაზრდობის ჩართულობა და მათთვის მეტი შესაძლებლობის შექმნა. მით უმეტეს, როდესაც ვლაპარაკობთ ქალაქზე და მუნიციპალიტეტზე, სამტრედიაზე, რომელიც ყოველთვის გამოირჩეოდა საკვანძო ფუნქციით და ნამდვილად გადამწყვეტ როლს ასრულებდა საქართველოს ეკონომიკაში ათწლეულების მანძილზე. დღეს ამას დაემატა კოპიტნარის აეროპორტი, რომელიც იცით თუ როგორ ვითარდება. ეს არის დამატებითი შესაძლებლობები, რომელიც უნდა დავინახოთ და მერის მხარდაჭერით, ადგილობრივი თვითმმართველობისა და ცენტრალური ხელისუფლების თანამშრომლობით ვიხილოთ ძლიერი რეგიონები. - კახა კუჭავა ბატონი პრემიერ-მინისტრის დავალებით, ყველა სამინისტრომ შეიმუშავა განვითარების ათწლიანი, ძალიან კონკრეტული გეგმა, რომლის პრეზენტაციაც განხორციელდა და ახლა ჩვენ უკვე რეგიონებშიც ვიწყებთ, მაგალითად, იუსტიციის სამინისტროს გეგმების პრეზენტაციას და მოხარულები ვიქნებით, თუ დაესწრებით. ბუნებრივია, ამ ყველაფერს სჭირდება გაგრძელება, მათ შორის, ადგილობრივ თვითმმართველობასთან ერთად, რომელიც არის ერთ-ერთი მნიშვნელოვანი ინსტიტუტი სახელმწიფოს მართვაში. აქ გადაწყვეტილებას უშუალოდ ღებულობს ხალხი იმ საკითხებზე, რომელიც მას ყოველდღიურად აწუხებს. მინდა გთხოვოთ როგორც „ქართული ოცნების“ მხარდამჭერმა და როგორც რიგითმა მოქალაქემ, რომ მხარი დაუჭიროთ განვითარებას, რომელმაც მოგვიტანა მშვიდობა, რომელმაც მოგვიტანა ის, რომ ქვეყანა თავიდან ბოლომდე ორიენტირებულია ადამიანის ღირსებაზე, რომელმაც ევროპასთან დაგვაახლოვა ისე, როგორც არასდროს. - რატი ბრეგაძე კარგად ვიცნობ ჩემს მშობლიურ სამტრედიას, რკინიგზელთა ქალაქს. კარგად ვიცი, თუ რომელ დასახლებასა და უბანს რა სჭირდება და რა არის გასაკეთებელი. ამ ეტაპზე ამ მუნიციპალიტეტში აქტიურად მიმდინარეობს სხვადასხვა ინფრასტრუქტურული სამუშაოები. თქვენი მხარდაჭერის შემთხვევაში, გამარჯვების შემდეგ, სამეურნეო დარგსა თუ ადგილობრივ ხელისუფლებაში შეძენილ ცოდნას აუცილებლად გამოვიყენებ ახალი შემართებით, განახლებული ენერგიით და მოვახმარ ჩემს სამტრედიას. - დავით ბახტაძე #განვითარებაყველარეგიონს

01 სექტემბერი, 2021

ხარაგაულის მუნიციპალიტეტში დაახლოებით 120 მილიონი ლარის ღირებულების პროექტები განხორციელდა ბოლო 8 წლის განმავლობაში. თქვენ გყავდათ და გყავთ ჯერ კიდევ მოქმედი მერი, ბატონი კობა ლურსმანაშვილი, რომელიც ღირსეულად, ერთგულად, მთელი გულით და სულით ემსახურა ხარაგაულს და რომელიც ასეთივე ერთგულებით, თავდადებით ბოლომდე დაიხარჯება და გააგრძელებს ხარაგაულის და ხარაგაულელების მსახურებას. ჩვენ გვაქვს ახლა ძალიან მნიშვნელოვანი არჩევნები, თვითმმართველობის არჩევნები. ყველა მუნიციპალიტეტში ჩვენ ვარჩევთ დიდი სიფრთხილით მერს, კანდიდატებს, რომლებიც მოემსახურებიან ჩვენი მოსახლეობის ინტერესებს. ჩვენ უნდა გავიმარჯვოთ და გავიმარჯვებთ აუცილებლად ყველა ქალაქში და ყველა მუნიციპალიტეტში იმისთვის, რომ ქვეყანამ გააგრძელოს მშვიდობიანი, სტაბილური განვითარება. ეს არის ჩვენი ამოცანა, ეს არის ჩვენი მიზანი. ამას აუცილებლად მივაღწევთ თქვენთან ერთად, მეგობრებო. - ირაკლი ღარიბაშვილი ჩემთვის განსაკუთრებით სასიხარულოა კანდიდატად წარმოვადგინოთ კობა ლურსმანაშვილი - ადამიანი, რომელთან ერთად მე-9 მოწვევის პარლამენტში ოთხი წელი ვიმუშავე, სამი წელი ერთ კომიტეტში ვმუშაობდით. ნებისმიერ საკითხზე იგი აუცილებლად ახსენებდა ხარაგაულს და ყოველთვის ცდილობდა მაქსიმალურად გაეთვალისწინებინა ამ მუნიციპალიტეტის ინტერესები, რაც ლოგიკურიცაა, იგი ხარაგაულის მაჟორიტარი იყო, მანამდე იყო მერი, ახლაც ასრულებს მერის მოვალეობას და დარწმუნებული ვართ, რომ აუცილებლად დამაჯერებელ გამარჯვებას მოიპოვებს და გააგრძელებს თავისი მუნიციპალიტეტის, თავისი ხალხის მსახურებას. - კახა კუჭავა წელს დასრულდება ხარაგაულის მიმართულებით გზის 25 კილომეტრიანი მონაკვეთის მშენებლობა, წყალმომარაგების მიმდინარე პროექტის განხორციელების შედეგად კი, 2022 წელს, უკვე ხარაგაულის ყველა მცხოვრებს წყალი 24 საათის განმავლობაში ექნება. - ირაკლი ქარსელაძეყოველთვის მიმაჩნდა და ვფიქრობდი, რომ ხარაგაულს, აქვს დიდი პოტენციალი, რომელიც მაქსიმალურად უნდა იყო გამოყენებული, მაგრამ ყველაზე დიდი პოტენციალი, ხართ თქვენ ადგილობრივი მოსახლეობა. მჯერა, „ქართული ოცნების“ გუნდთან ერთად ვიზეიმებთ გამარჯვებას, ხარაგაული თავის გადამჭრელ სიტყვას იტყვის თვითმმართველობის არჩევნებში. - კობა ლურსმანაშვილი #განვითარებაყველარეგიონს

01 სექტემბერი, 2021

„ქართული ოცნების“ თავმჯდომარე, ირაკლი კობახიძე და პარტიის პოლიტიკური საბჭოს წევრები, შალვა პაპუაშვილი, მაკა ბოჭორიშვილი და ნიკოლოზ სამხარაძე ეუთო-ს სადამკვირვებლო მისიის ხელმძღვანელს, ალბერტ იონსონს, ხელმძღვანელის მოადგილე, ჟილ საფს და პოლიტიკურ ანალიტიკოს, ურდურ გუნარსდოტირს შეხვდნენ. შეხვედრაზე საუბარი შეეხო 2021 წლის ადგილობრივი თვითმმართველობის არჩევნებს. აღინიშნა, რომ „ქართული ოცნების“ მხრიდან თვითმმართველობის არჩევნებზე უზრუნველყოფილი იქნება თავისუფალი და თანასწორი საარჩევნო გარემო.ეუთოს დემოკრატიული ინსტიტუტებისა და ადამიანის უფლებების ოფისმა (ODIHR) საქართველოს მთავრობის მოწვევით ქვეყანაში 2 ოქტომბრის ადგილობრივი თვითმმართველობის არჩევნებისათვის სადამკვირვებლო მისია (EOM) გახსნა, რომელიც 2021 წლის თვითმმართველობის არჩევნების პროცესს დააკვირდება.

01 სექტემბერი, 2021

მოგესალმებით, გვინდა გამოვეხმაუროთ გუშინ გამოქვეყნებულ სოციოლოგიურ კვლევებს, რომლის მიხედვითაც, ხვალ რომ არჩევნები ტარდებოდეს, კახა კალაძეს, როგორც „ქართული ოცნების“ მერობის კანდიდატს მხარს უჭერს გამოკითხულთა 61.4% პროცენტი. წინა თვის ანალოგიურ კვლევასთან შედარებით, კახა კალაძის მხარდამჭერთა რაოდენობა 1,2% პროცენტით გაიზარდა. ჩვენი მოლოდინი გამართლდა, ჩვენ აქტიურად გადავედით საარჩევნო კამპანიაზე და შესაბამისად რეიტინგიც გაიზარდა. ყველა ლოგიკის მიხედვით, საარჩევნო კამპანიის მსვლელობისას ეს რეიტინგი კიდევ უფრო გაიზრდება. ჩვენ არაერთხელ გვითქვამს, და ეს უკვე მაღალი რეპუტაციის მქონე კომპანიის კვლევითაც დასტურდება, რომ კახა კალაძე არის პრაქტიკულად უალტერნატივო და უკონკურენტო კანდიდატი მიმდინარე თვითმმართველობის არჩევნებში. ასეთი მხარდაჭერისთვის დიდი მადლობა გვინდა გადავუხადოთ თბილისელებს. ამავე კვლევით, ასევე ქვეყნის მასშტაბით, პარტია ქართულ ოცნებას მხარს უჭერს გამოკითხულთა 47.2% პროცენტი, რაც თავის მხრივ, ასევე, ადასტურებს, რომ კახა კალაძის გუნდი მყარი უმრავლესობით შევა თბილისის საკრებულოში. დღეს კახა კალაძე წარადგენს საკრებულოში თავისი გუნდის წევრებს, რაც ამ რეიტინგს კიდევ უფრო გაამყარებს. კახა კალაძე და მისი შტაბი გადასულია აქტიურ საარჩევნო კამპანიაზე. მივდივართ ყველა უბანში, კოვიდ რეგულაციების დაცვით ვაცნობთ ჩვენს პროგრამას მოსახლეობას და ვესაუბრებით მათ საჭიროებებზე. ამის პარალელურად, ჩვენი ოპონენტებისგან ვხედავთ არა საარჩევნო პროგრამის გაცნობას მოსახლეობისთვის, არამედ იაფფასიან პროვოკაციებს თბილისის შტაბზე, რომელიც რამდენიმეჯერ განახორციელეს მათმა აქტივისტებმა საღებავების შესხმით. ეს ყოველივე მიუთითებს, წინასწარ აღიარებულ მარცხს. ჩვენ დარწმუნებული ვართ, რომ 2 ოქტომბერს ჩვენი დედაქალის ამომრჩევლების მხარდაჭერით კახა კალაძე პირველივე ტურში დამაჯერებლად გაიმარჯვებს, გაიმარჯვებს საკრებულოში მისი გუნდიც და შესაბამისად გაიმარჯვებს თბილისიც!

31 აგვისტო, 2021

დღევანდელ ბრიფინგზე მინდა შევაჯამო წინასაარჩევნო კამპანიის მიმდინარეობა. საარჩევნო კამპანიის ვადის ნახევარი უკვე გავიდა. „ქართულმა ოცნებამ“ ამ პერიოდში ყველა მუნიციპალიტეტში დაასახელა საკუთარი კანდიდატები, შეიმუშავა რეალისტური საარჩევნო პროგრამა და აქტიურად მუშაობს, რომ მიუხედავად მსოფლიო პანდემიისა, საზოგადოებამდე მიიტანოს ის გეგმები და მიზნები, რომლებსაც არჩევნებში გამარჯვების შემდეგ განახორციელებს თვითმართველი ორგანოების მეშვეობით.კოვიდ-რეგულაციების დაცვით ხდება ყოველდღიური შეხვედრები მოსახლეობასთან, თემატურ ჯგუფებთან, თითოეული სოფლის და უბნის დონეზე ხდება პრობლემების აღრიცხვა და მათი გადაწყვეტის გზების მოძიება.ამის პარალელურად , ყველა ვხედავთ, რომ ოპოზიცია, ფაქტობრივად, არ აწარმოებს საარჩევნო კამპანიას, არ საუბრობს რეგიონის მოსახლეობის საჭიროებებზე, და არ აქვს რაიმე თუნდაც პროგრამის მსგავსიც კი. ისინი მოსახლეობას არ სთავაზობენ არაფერს, გარდა დეზინფორმაციისა და ზიზღის კამპანიისა.• მეტიც - ისინი არ იყენებენ გარე რეკლამისთვის განკუთვნილ სივრცეებს, მათ შორის არ აქვთ სარეკლამო ბილბორდები, რაც ერთადერთ მიზანს ემსახურება, რომ არჩევნებზე დამარცხების შემდეგ ისაუბრონ, თითქოს, კამპანია არათანაბარ პირობებში მიმდინარეობდა და ამის არგუმენტად სარეკლამო სივრცეების თანაფარდობა მოიყვანონ.• ოპოზიცია არ იყენებს ფასიან საეთერო დროს თავისი საარჩევნო რგოლების გასაშვებად. იყენებენ მხოლოდ საარჩევნო სუბიექტისთვის განკუთვნილ უფასო სარეკლამო დროს, რათა არჩევნებში მათი გარდაუვალი მარცხის შემდეგ ითქვას, რომ წინასაარჩევნოდ არათანაბარი და არაკონკურენტული გარემო იყო შექმნილი; ეს იმ პირობებში, როდესაც ბოლო საპარლამენტო არჩევნებზე ოპოზიციამ მარცხის მიუხედავად უფრო მეტი თანხა დახარჯა ვიდრე „ქართულმა ოცნებამ“.• ოპოზიცურმა პარტიებმა მუნიციპალიტეტებში არ დააყენეს ისეთი კანდიდატები, რომლებსაც გამარჯვების მინიმალური შანსი მაინც ექნებოდათ, რათა, არჩევნებზე დამარცხების შემდეგ ისაუბრონ, თითქოს, ადგილი ჰქონდა მანიპულაციას და მათი წარმომადგენლები სწორედ ამიტომ დამარცხდნენ ყველა სოფელსა და ქალაქში.• ამ პოლიტიკურმა ძალებმა მონაწილეობა არ მიიღეს საოლქო და საუბნო კომისიების პროფესიული წევრების დაკომპლექტებაში, რათა არჩევნებზე დამარცხების შემდეგ ისაუბრონ, თითქოს, კომისიების პროფესიული წევრები მიკერძოებულები იყვნენ.ყველა ეს გარემოება მიანიშნებს იმაზე, რომ ოპოზიცია შეგუებულია არჩევნებში გარდაუვალ მარცხს და არა 2 ოქტომბრის არჩევნებისთვის, არამედ არჩევნების მეორე დღისთვის და არეულობისთვის ემზადება.დიდი ალბათობით, ჩვენი მოსახლეობა ოპოზიციის მხრიდან უპრეცედენტო დეზინფორმაციისა და ზიზღის კამპანიის მოწმე გახდება, ვინაიდან, ამ ძალების მხრიდან, ერთადერთი პოლიტიკური ტაქტიკა პანიკის დათესვაზე, ადამიანური ტრაგედიებით მანიპულაციასა და ამით პოლიტიკური დივიდენდების ჩაწერის მცდელობაზე გადის. სწორედ ამიტომ, ჩვენ უკვე ვხედავ მათგან მძიმე პროვოკაციების მოწყობის მცდელობებს, რაც მაღალი ალბათობით, არჩევნებამდე დარჩენილ ერთ თვეში კიდევ უფრო რადიკალურ ფორმებს მიიღებს. ვინაიდან, მათი გზა არა საკუთარი პროგრამით ჩვენი მოქალაქეების დარწმუნება და მათგან დემოკრატიული ლეგიტიმაციის მიღება, არამედ ზიზღის გაღვივებით, ისტერიის დათესვით და არეულობით განუყოფელი ძალაუფლების დაბრუნებაა.ეს არის ის ტაქტიკა, რომელსაც უკვე წლებია, ეს ძალები იყენებენ და ეს არის ის ტაქტიკა, რომლითაც ისინი წლიდან წლამდე მარცხდებიან.ოპოზიციის მიზნებისა და დესტრუქციული დღის წესრიგის მიუხედავად, ჩვენ წინასაარჩევნო კამპანიას წარვმართავთ მშვიდ, საქმიან გარემოში, მოსახლეობას ვესაუბრებით კონკრეტულ საქმეებზე და პროექტებზე, არჩევნებს ჩავატარებთ თავისუფალ და კონკურენტულ გარემოში და არჩევნების მეორე დღესაც არავის მივცემთ ამომრჩეველთა ნების წინააღმდეგ წასვლის შესაძლებლობას.

30 აგვისტო, 2021

პოლიტსაბჭოს წევრებმა 2021 წლის ადგილობრივი თვითმმართველობის არჩევნებში მუნიციპალიტეტების საკრებულოების პროპორციული სიების შესახებ იმსჯელეს.

27 აგვისტო, 2021

წელს იქნება თხილის რეკორდული მოსავალი. ვიცი, რომ აბაშაში მიდის ინტენსიური მუშაობა და ჩვენ კიდევ გავაგრძელებთ, რა თქმა უნდა, ამის კონტროლს და მონიტორინგს. ასევე მინდა აღვნიშნო, რომ აბაშა, გამორჩეულია თავისი ხალხით, თავისი ლეგენდარული პიროვნებებით. მე მინდა აღვნიშნო დიდი კონსტანტინე გამსახურდია, რომლის სახლ-მუზეუმის რეაბილიტაცია ახლა მიმდინარეობს, ჩვენთვის ყველასთვის საამაყო კაცი, მისი სახლ-მუზეუმის რეაბილიტაცია მიმდინარეობს ფონდი „ქართუს“ დაფინანსებით და ძალიან მალე დასრულდება. ასევე, მიმდინარეობს ზვიად გამსახურდიას და მერაბ კოსტავას სახელობის პარკის აღდგენითი სამუშაოები და ჩვენ კიდევ ერთხელ უნდა დავაფასოთ, რა თქმა უნდა, ჩვენი სახელოვანი ადამიანები, ჩვენთვის საამაყო ქართველები. - ირაკლი ღარიბაშვილი აბაშას უდიდესი პოტენციალი აქვს ტურიზმის მხრივ. აქ არის ულამაზესი ისტორიული ადგილები, სახლ-მუზეუმები, რომელიც აუცილებელია განსაკუთრებით ახალგაზრდა თაობამ მოინახულოს, ნახონ სკოლის მოსწავლეებმა. კონსტანტინე გამსახურდია, დიდი ქართველი, რომელმაც უდიდესი საგანძური დაგვიტოვა თავის შემოქმედების სახით, ამ კუთხიდანაა და მისი სახლ-მუზეუმი ძველ აბაშაშია. ეს არის ბრწყინვალე შესაძლებლობა და სხვა დამატებით შესაძლებლობებიც უნდა შევქმნათ, როგორც საქართველოს მოქალაქეებისთვის, ისე, უცხოელი სტუმრებისთვის. - კახა კუჭავა აბაშის მუნიციპალიტეტში გვაქვს სასოფლო-სამეურნეო სავარგულები, რომელიც უნდა ავითვისოთ და უფრო მეტი ღირებულება შევქმნათ თითოეულ ჰექტარზე. შესაბამისად, სახელმწიფომ, უნდა გააკეთოს ყველაფერი, რომ თქვენს ინიციატივებს მხარი დაუჭიროს. ეს არის ჩვენი პოლიტიკა. 2012 წლიდან სოფლის მეურნეობა პრიორიტეტად გამოვაცხადეთ და ეს არ ყოფილა ფუჭი სიტყვები. ამის შემდეგ, ჩვენ დავიწყეთ სოფლის მეურნეობის დაფინანსება, მაგრამ არა სახელმწიფო საწარმოების შექმნის დაფინანსება და თქვენი ინიციატივებისთვის კონკურენციის გაწევა, არამედ, თითოეული ფერმერის კონკრეტული, კერძო ინიციატივის მხარდაჭერა. 50 მლნ-იანი საბანკო პორტფელი, რაც სოფლის მეურნეობის დაფინანსების მთელი ოდენობა იყო 2012 წლისთვის, გავზარდეთ და დღეს ის 2 მლრდ ლარს გადააჭარბებს. სახელმწიფომ ასეულობით მლნ ლარი თანადაფინანსება მოახდინა საპროცენტო განაკვეთის იმისათვის, რომ ეს საკრედიტო რესურსი ყოფილიყო შეღავათიანი, ფაქტობრივად უფასო. - ლევან დავითაშვილი აბაშა დიდი კულტურის, დიდი ისტორიის, დიდი წარმატების ადგილია და მას სჭირდება საქმის ძლიერი გამგრძელებელი, ისეთი როგორიც არის გიგა გაბელაია. დარწმუნებული ვარ მის გამარჯვებაში. დიდი პოტენციალი აქვს ეკონომიკურად აბაშას. სოფლის მეურნეობის ის პროგრამები, რომელზეც სოფლის მეურნეობის მინისტრმა ისაუბრა, აუცილებლად გაგრძელდება და ყველა ოჯახში შევა ეკონომიკური სიკეთე იმ წლების განმავლობაში, რაც გიგა იქნება ჩვენი რაიონის ხელმძღვანელი. მადლობას გეტყვით ყველას და დავუჭიროთ მხარი ღირსეულ კანდიდატს. - მიხეილ დუნდუა მიუხედავად იმისა, თუ სად ვსაქმიანობდი, ჩემთვის მთავარი ამოსავალი წერტილი საქართველოსა და ქართველი ხალხის ინტერესები იყო. გამარჯვების შემთხვევაში, ოქტომბრიდან, ჩემს გუნდთან ერთად, გაათმაგებული ენერგიით განვაგრძობ საქმიანობას ჩვენი აბაშისა და აბაშელების საკეთილდღეოდ! ჩვენ კარგად გვაქვს გაანალიზებული და გვაქვს რეალისტური გეგმა, რომ აბაშა კიდევ უფრო გალამაზდეს და გამწვანდეს, გაუმჯობესდეს საერთო სოციალური ფონი, ხელი შევუწყოთ სხვადასხვა სახის ეკონომიკური საქმიანობის განვითარებას, რაც, პირველ რიგში, სწორედ აქ მცხოვრები ადამიანების ფინანსურ კეთილდღეობაზე აისახება. - გიგა გაბელაია #განვითარებაყველარეგიონს

27 აგვისტო, 2021

არ შემიძლია არ აღვნიშნო შედარებისთვის, თუ ვის უპირისპირდება დღეს „ქართული ოცნების“ კანდიდატი და ზოგადად ჩვენი გუნდი. ჩვენი მთავარი გამოწვევა არის ის პრობლემები, რომელიც ფოთში არსებობს, ჩვენს ქვეყანაში არსებობს. ჩვენთვის ეს არის მთავარი კონკურენტი. ყველა კანდიდატის მთავარი კონკურენტი უნდა იყოს ის პრობლემები, რომლებიც ქვეყანაში ჯერ კიდევ მრავლად არის. მეორეს მხრივ, არ შემიძლია, არ აღვნიშნო, ვინ არის ჩვენი კანდიდატი, რომელიც ძალიან სწორად შევარჩიეთ - ახალგაზრდა, მოტივირებული, ენერგიული კაცი, რომელიც გამოირჩევა პატიოსნებით, ძალიან კარგი განათლებით, არის პატრიოტი, რომელიც 24 საათის განმავლობაში იზრუნებს ფოთზე და ფოთელებზე - ბატონი ბექა ვაჭარაძე, ახალგაზრდა კაცი, რომელსაც აქვს ძალიან დიდი გამოცდილება, მიუხედავად მისი ასაკისა. მანამდე იგი იყო საკრებულოს თავმჯდომარე, კარგად არის გარკვეული ყველა იმ საკითხში, რომელიც ფოთის წინაშე დგას და ფოთელებს აწუხებთ და მჯერა, ბექა იქნება ძალიან წარმატებული ფოთის მერი. - ირაკლი ღარიბაშვილი ბექა არის ახალგაზრდა, მოტივირებული ადამიანი. რამდენიმე წელია უკვე ის ჩართულია ფოთის ყოველდღიურ ცხოვრებაში, როგორც საჯარო მოხელე, ბოლო პერიოდი, როგორც საკრებულოს თავმჯდომარე. მან ძალიან კარგად იცის, რა არის ის გამოწვევები, რის წინაშეც დგას ფოთი და რა არის ის ხედვა, მომავალი, რომლისთვისაც უნდა იღწვოდეს ყოველი ახალი მერი ყველა ქალაქში. ფოთი ულამაზესია თავისი დაგეგმარებით. ეს ერთ-ერთი პირველი ქალაქია, ერთადერთიც, როდესაც წინასწარ იყო ხედვა, გენგეგმა და ზუსტად ასე აშენდა. ფოთს განვითარების დიდი პოტენციალი აქვს და ეს არ ეხება მხოლოდ მეთევზეობას, რომელიც უნდა დარჩეს, განვითარდეს. - კახა კუჭავა 2025 წლამდე დასრულებული გვექნება აღმოსავლეთ-დასავლეთის საერთაშორისო მაგისტრალის ყველა ძირითადი მონაკვეთი და გადაადგილების დრო იქნება განახევრებელი, რაც ნიშნავს ჩვენს დერეფანზე კიდევ უფრო მეტ მოთხოვნას, კიდევ უფრო მეტ მოტხოვნას ფოთზე, მის ინფრასტრუქტურაზე, მის ინდუსტრიაზე, რაც გაზრდის ფოთის ხვალინდელი და შემდგომი განვითარების პესრსპექტივას. ასევე, პროგრამა „განახლებული რეგიონების“ ფარგლებში ფოთისთვის დამუშავდება ურბანული განახლების პროექტი, რომელიც გაითვალისწინებს ყველა იმ საინჟინრო საჭიროებას, რომელიც ქალაქს ამჟამად აქვს - სანიაღვრე და სხვა აუცილებელი სისტემები, რომლებიც კრიტიკულია ფოთისთვის გეოლოგიური და სხვა მონაცემების გათვალისწინებით. ეს მოიცავს იმ საინვესტიციო პაკეტებს, რომლებიც მისცემს საშუალებას ფოთელებს და ინვესტორებს სხვაგვარად განავითარონ ქალაქი. - ირაკლი ქარსელაძე თევზჭერის ინდუსტრია კიდევ ერთი ტრადიციულია დარგია, რომლითაც ფოთი ცნობილია და სწორედ ამ დარგის მხარდაჭერის მიზნით, ჩვენ წამოვიწყეთ მნიშვნელოვანი პროგრამა, რომლის ფარგლებშიც მიმდინარეობს 14 ახალი თევზსაჭერი გემის შეძენა და დღეს არსებული მოძველებული გემების ეტაპობრივი ჩანაცვლება. ჩვენ ძალიან ამაყები ვართ, რომ უახლოეს პერიოდში ეს პროგრამა გაგრძელდება და გაძლიერდება. ამაყები ვართ, რომ ქართული დროშა იფრიალებს ჩვენს თევზსაჭერ ფლოტზე და რაც ძალიან მნიშვნელოვანია, ჩვენი მეთევზეები ქართული სეინერებით გავლენ ზღვაში და არა - უცხო ქვეყნის სეინერებით. ამ პროგრამით უკვე შეიქმნა სულ მცირე ახალი 250 სამუშაო ადგილი. - ნათია თურნავა ჩემი მთავარი მამოძრავებელი ძალა ჩემს გუნდთან ერთად იქნება თითოეული ფოთელის საჭიროებაზე და მათ მოთხოვნებზე ზრუნვა, თითოეულ ფოთელზე ზრუნვა, იმ მთავარ გამოწვევებზე იმ პრიორიტეტებზე ზრუნვა, რომლებსაც თქვენ მიიჩნევთ პრიორიტეტად და რა თქმა უნდა ამაში თქვენი მხარდაჭერის იმედი მაქვს, თითოეული ფოთელის. ჩვენ გვაქვს უნიკალური განაშენიანება, უნიკალური მდებარეობა, ბუნებრივი რესურსი ძალიან მნიშვნელოვანი, რაც გვაძლევს საშუალებას, თანაბრად გამოვიყენოთ როგორც მრეწველობის, ისე ტურისტული მიმართულებით ჩვენი პოტენციალი, საჭირო არის რომ ბიზნესისთვის შევქნათ ხელსაყრელი გარემო, ინვესტირებისთვის შევუქმნათ საინტერესო პირობები, რაშიც დარწმუნებული ვარ, რომ ჩვენ ცენტრალური ხელისუფლება დაგვეხმარება და ამას აუცილებლად გავაკეთებთ ჩვენს გუნდთან ერთად, ჩვენ აუცილებლად უნდა ავითვისოთ ყველა ის უნიკალური ადგილი და სივრცე, რომელიც აქვს ჩვენს ქალაქს იმისათვის, რომ მაქსიმალურად გამოვიყენოთ ჩვენი ქალაქის პოტენციალი. - ბექა ვაჭარაძე #განვითარებაყველარეგიონს

27 აგვისტო, 2021

რა თქმა უნდა, ჩვენ ყველა მმართველი ვართ დროებით არჩეული ამ თანამდებობებზე, ისე როგორც ადგილობრივი ხელისუფლება და ჩვენი მთავარი ვალდებულება და ვალი არის და უნდა იყოს ხალხის მსახურება და ხალხისთვის პრობლემების მოგვარება, განვითარება, ზრუნვა, უამრავი საკითხების გადაჭრა, რაც არის ჩვენი პირდაპირი ვალდებულება. აი სწორედ ახლა ჩვენ ვემზადებით თვითმმართველობის არჩევნებისთვის. ბოლო 8 წლის განმავლობაში ბევრი რამ გაკეთდა ხობის მუნიციპალიტეტში, ძალიან ბევრი რამ - იქნებოდა ეს გზების რეაბილიტაცია-მშენებლობა, სკოლების მშენებლობა, ბაღების რეაბილიტაცია, ასევე, წყალგაყვანილობა, გაზიფიცირების სამუშაოები - უამრავი რამ. აღარ ჩამოვთვლი მე, თქვენ კარგად მოგეხსენებათ ხობელებს ყველა ის სამუშაო, რომელიც ჩატარდა, მაგრამ ეს არ არის საკმარისი. - ირაკლი ღარიბაშვილი ჩვენ მოვიარეთ სოფლები. ვიყავით პირველი პრეზიდენტის, ზვიად გამსახურდიას სახლ-მუზეუმში, რომელიც ბრწყინვალედაა გაკეთებული და ვნახეთ ბრწყინვალე ეკლესია. ეს ყველაფერი ფონდი „ქართუს“ და უშუალოდ ბიძინა ივანიშვილის ხელმძღვანელობით გაკეთდა. გვახსოვს, როდესაც იგი ხიბულაში იყო, ამ საქმეს მაშინ ჩაეყრა საფუძველი და დღეს ბოლომდეა მიყვანილი. ეს აუცილებლად უნდა ნახოს ყველამ, ნახოს ბავშვმაც, მოსწავლემაც, რადგან ეს არის ჩვენი პირველი პრეზიდენტის სახლ-მუზეუმი და უდიდესი მნიშვნელობა აქვს ვიცოდეთ ეს ისტორია - საიდან მოვდივართ და როგორ ვაგრძელებთ გზას. მუზეუმამდე მისასვლელი გზა, რომელიც ბრწყინვალედ მიდის თითქმის ბოლომდე, დარჩენილია დაახლოებით კილომეტრი, მალე დასრულდება. - კახა კუჭავა მომდევნო 4 წლის განმავლობაში დავაგებთ 1500 კმ-მდე გზას. 1500 კმ-ს იმიტომ, რომ 3000 კმ უკვე დაგებული გვაქვს. რეგიონებში განსახორციელებელი პროექტების ფონდის წლევანდელი ბიუჯეტი 330 მილიონი ლარით არის განსაზღვრული, რაც, ასევე თავის დროზე შემუშავებული სწორი და სამართლიანი გადანაწილების პრინციპით მივიღეთ. აქ, მუნიციპალიტეტებს შორის გვაქვს შეჯიბრობითობის პრინციპით, გათვალსიწინებულია საბონუსე სისტემა და აქაც დაწინაურებულია ხობის მუნიციპალიტეტი. ეს ყველაფერი გვაძლევს იმის თქმის საფუძველს, რომ ხობი მომდევნო 4 წლის განმავლობაში კიდევ უფრო განვითარებული, კიდევ უფრო ინფრასტრუქტურულად სტაბილური და კიდევ მეტი კეთილდღეობის მომტანი იქნება ხობელებისთვის. - ირაკლი ქარსელაძე ჩემი და ჩემი გუნდის მთავარი ამოცანა თითოეული ხობელის კეთილდღეობა და მათი ინტერესების დაცვაა, ამიტომაც, ძალისხმევას არ დავიშურებთ, რომ ადგილობრივი ხელისუფლება კიდევ უფრო დაუახლოვდეს ხალხს და მოსახლეობაც უშუალოდ ჩაერთოს ჩვენი საქმიანობის პროცესში. თქვენი თანადგომის იმედი მაქვს და მჯერა, რომ ასე ერთიანად ჩვენ შევძლებთ დავძლიოთ ყველა ის გამოწვევა რომელიც ჩვენს წინაშე იქნება. - დავით ბუკია  #განვითარებაყველარეგიონს

26 აგვისტო, 2021

სენაკში არაერთი პროექტი დაფინანსდა ბოლო წლების განმავლობაში, იქნებოდა ეს ინფრასტრუქტურული პროექტები, სკოლების, საბავშვო ბაღების რეაბილიტაცია, აღდგენა, ახალი სკოლების აშენება, წყლის პროექტები, გაზიფიცირების  პროექტები, გზების მშენებლობა, რეაბილიტაცია. ასობით პროექტი დაფინანსდა ბოლო რვა წლის განმავლობაში. რა თქმა უნდა, ეს არ არის საკმარისი.  რა თქმა უნდა ჩვენს ხალხს და ჩვენს ქვეყანას სჭირდება კიდევ უფრო მეტი, გაათმაგებული ტემპებით მუშაობა.  გვჭირდება ჩვენ 24-საათიანი მუხლჩაუხრელი შრომა. იმისთვის, რომ ყველა ეს გამოწვევა, ყველა ეს პრობლემა, რომელიც წლების განმავლობაში არის  დაგროვილი ჩვენს ქვეყანაში მოვაგვაროთ დროულად და ეფექტიანად. - ირაკლი ღარიბაშვილი როდესაც წარმატებაზე ვსაუბრობთ, არ შეიძლება არ ვისაუბროთ ადგილობრივ თვითმმართველობაზე,  კანდიდატზე და იმ გუნდზე, რომელიც წარმოდგენილია. ვახტანგი, გამორჩეული ახალგაზრდაა თავისი ჟინით, შრომისუნარიანობით და დარწმუნებული ვარ, ოთხი წლის შემდეგ შევძლებთ ვიამაყოთ იმ შედეგებით, რომელსაც სენაკის მუნიციპალიტეტი მიაღწევს მისი ხელმძღვანელობით. რა თქმა უნდა, უმნიშვნელოვანესია წარმომადგენლობა საკრებულოში. მერს სჭირდება ძლიერი გუნდი, რომელსაც მხარს უნდა უმაგრებდეს საკრებულო უმრავლესობის სახით, რათა ყველა გადაწყვეტილება, ყველა პროექტი თუ ძირითადი მიმართულებები შესრულდეს ადგილობრივ დონეზე.  მოგიწოდებთ მხარი დაუჭიროთ  უალტერნატივო ძალას, რომელმაც ამ წლების განმავლობაში აჩვენა განვითარება, სტაბილურობა და ჩვენ უფრო მეტ წარმატებას მივაღწევთ. - კახა კუჭავა ჩვენი დეკლარირებული პრიორიტეტია ფინანსურად ძლიერი და ადგილობრივ საჭიროებებზე მომართული მუნიციპალიტეტები. ამ მიმართულებითაც მნიშვნელოვანი ნაბიჯები უკვე გვაქვს გადადგმული და 2019 წელს დღგ-ს განაწილების რეფორმის მიხედვით 100 მილიონ ლარზე მეტი მუნიციპალიტეტების შემოსულობები აღმოჩნდა და ჩვენი გეგმა კიდევ უფრო ამბიციურია, ჩვენი სტრატეგიის მიხედვით, 2025 წლის  ბოლომდე, უკვე მთლიანი შიდა პროდუქტის არანაკლებ 7 პროცენტისა, დაახლოებით 15 მილიონზე მეტი შემოსულობები იქნება თითოეულ მუნიციპალიტეტში. ეს არის  პასუხი იმ მრავალ საჭიროებაზე, რომელიც დღესაც არის. ჩვენ იმიტომ ვსაუბრობთ ასე თამამად მომავალზე, რომ შედეგი დღეს უკვე გვაქვს. - ირაკლი ქარსელაძე ნოქალაქევის რებილიტაციის პროექტი ამიერკავკასიაში უპრეცედენტოა, რომელიც თანამედროვე ტექნოლოგიების გამოყენებით ხორციელდება. ჩვენთვის და ბევრი ჩვენგანისთვის ეს პროექტი იყო ყოველთვის სიმბოლური და გადაჭარბებული არ იქნება თუ ხაზს გავუსვამ ბატონი ირაკლი ღარიბაშვილის უშუალო ჩართულობას და „ფონდ ქართუს“ ფინანსურ მხარდაჭერას ამ უმნიშვნელოვანესი ძეგლის რეაბილიტაციის პროცესში. ამ დროისთვის, მხოლოდ სამუშაოების მესამედია შესრულებული და წარმოიდგინეთ რა მასშტაბზეა საუბარი. - ოთარ დანელია დარწმუნებული ვარ მხარს დამიჭერთ, მე კი, ჩემის მხრივ, მზად ვარ საკუთარი ცოდნა, უკვე მერის რანგში მოვახმარო მშობლიურ მუნიციპალიტეტსა და ქვეყანას. მოუთმენლად ველი გამარჯვებას, რათა ჩემს გუნდთან ერთად, ცენტრალურ ხელისუფლებასთან აქტიური თანამშრომლობით, მოქალაქეების უშუალო ჩართულობით დავიწყოთ იმ გეგმებისა და სტრატეგიის განხორციელება, რომელიც ჩვენი რაიონის კეთილდღეობის ხარისხის ზრდას განაპირობებს. - ვახტანგ გადელია #განვითარებაყველარეგიონს

26 აგვისტო, 2021

კიდევ ერთხელ შევახსენებ ჩვენს ოპონენტებს და ჩვენს მოსახლეობას, რომ „ოცნების“ ხელისუფლება არის ის ერთადერთი ძალა, პოლიტიკური ძალა, რომელმაც პასუხისმგებლობით მართა და მართავს ჩვენს ქვეყანას. მიუხედავად არაერთი ცილისწამებისა, არაერთი ბინძური კამპანიისა, რომელიც მომდინარეობს მათ მიერ მართული ტელევიზიებიდან, ჩვენ შევიტანეთ რეალური გარდატეხა და რეალურად მოსახლეობას სიმშვიდე და სტაბილურობა შევთავაზეთ. 8 წლის განმავლობაში ქვეყანას არ ჰქონია კონფლიქტი, არავითარი ომი და არც ექნება მანამ, ვიდრე ჩვენი ხელისუფლება, ჩვენი პარტია იქნება სათავეში. ეს ასე იქნება თქვენი მხარდაჭერით, ვინაიდან ჩვენმა მოსახლეობამ კარგად გამოსცადა ყველაფერი - დესტაბილიზაციაც, კონფლიქტებიც, შიდა ომი, ომი ჩვენს მთავარ ოკუპანტთან, რუსეთთან და ომით მიყენებული გამოუსწორებელი ზიანი და შედეგი - რაც არის დროებით ოკუპირებული ტერიტორიები, ათასობით ჩვენი მოქალაქის დევნილობაში გადმოსახლება და ა.შ. ჩვენი გმირების გმირულად დაღუპვა ომში. ამიტომ, მეგობრებო, კიდევ ერთხელ მობილიზება, სრული მხარდაჭერა გვჭირდება ჩვენი აქტივისტების, ჩვენი მხარდამჭერების, იმისთვის, რომ ღირსეულად გაიმარჯვოს წალენჯიხამ, სამეგრელომ და მთელმა საქართველომ. - ირაკლი ღარიბაშვილი ჩვენ გვაქვს წინსვლა, მაგრამ ჩვენ ის ხალხი ვართ, რომლებიც არ ვკმაყოფილდებით მიღწეული წარმატებით. გაცილებით მეტი უნდა ვიშრომოთ იმისთვის, რომ ის პოტენციალი, შესაძლებლობები, რომლებიც ამ ულამაზეს მხარეს აქვს, ბოლომდე ავითვისოთ. პირადად მე და მთლიანად გუნდს ამის იმედი გვაქვს, გამომდინარე იქიდან, თუ როგორი კანდიდატი გვყავს წარმოდგენილი ამ ულამაზეს მხარეში. გოგა გულორდავას თქვენ ყველა იცნობთ. აუცილებელია ის გამოცდილება ბოლომდე გამოვიყენოთ, რომელიც გოგას აქვს. ის არის ახალგაზრდა, ენერგიული. მე ვიცი მისი გეგმების შესახებ, ვიცი რომ ბოლომდე იქნება ჩართული ყოველდღიურად, თქვენთან ერთად გადაწყვეტილებების მიღების პროცესში, რომ მაქსიმალური სიკეთე მოუტანოს მშობლიურ მხარეს. - კახა კუჭავა წალენჯიხაზე როცა ვსაუბრობთ, აქ არის ადგილები, რომელიც ჩვენი ბუნების უნიკალურ მრავალფეროვნებას წარმოადგენს. ეს არის ადგილი, რომელიც გამორჩეულია როგორც კულტურული, ასევე ბუნებრივი ძეგლებით. წალენჯიხაში გვაქვს ტობავარჩხლი და ჩვენ ვსაუბრობთ ძალიან გამორჩეული ბუნების მომავალში ორგანიზებულად დაცვაზე და ჩვენ ვაპირებთ ეგრისის დაცული ტერიტორიების ჩამოყალიბებას, რომელიც მოიცავს როგორც სამეგრელოს - ეგრისის ქედს, ასევე სვანეთის დაცულ ტერიტორიებს. ეს იქნება უნიკალური ეკოსისტემა, რომელსაც ერთის მხრივ ჩვენ დავიცავთ და შევქმნით ეკოტურიზის განვითარების პოტენციალს. - ლევან დავითაშვილი წალენჯიხა ჩვენთვის არა მარტო ერთ-ერთი გამორჩეული ულამაზესი კუთხეა, არამედ სტრატეგიული მუნიციპალიტეტია, ვინაიდან სწორედ აქ მდებარეობს საქართველოსთვის სტრატეგიული ენერგეტიკული ობიექტი „ენგურჰესი“, რომელიც მნიშვნელოვანია არა მხოლოდ ჩვენი დამოუკიდებლობისა და ენერგეტიკული უსაფრთხოებისთვის, არამედ ეს არის ჰიდროსადგური, რომელიც გვაერთიანებს ჩვენს აფხაზ დებთან და ძმებთან. - ნათია თურნავამე მინდა ბატონ გოგაზე ვთქვა ორიოდე სიტყვა. გულორდავა გოგა ეს არის ადამიანი, რომელსაც უყვარს თავისი რაიონი, ზეპირად იცის ყველა პრობლემა, ყველა გამოწვევა, რაც ამ მუნიციპალიტეტს გააჩნია. ამ ადამიანის უკან დგას ძლიერი გუნდი, ამ ადამიანის უკან დგას გამოცდილი გუნდი, ამ ადამიანის უკან დგას ისეთი შესაძლებლობები, რომელიც შეუძლია მას თამამად თქვას, რომ ყველა პრობლემას, ყველა იმ გამოწვევას ჩვენ ერთად გადავლახავთ და ამიტომ გოგას ალტერნატივა არ ყავს წალენჯიხის მუნიციპალიტეტში. - ირაკლი ზარქუა რა თქმა უნდა, გამოწვევები რჩება და ძალიან კარგად ვაცნობიერებთ, თუ რა გამოწვევების წინაშე დგას ჩვენი მუნიციპალიტეტი, ზოგადად ქვეყანა, მაგრამ ერთი უმთავრესი, რამაც მე ეს ნაბიჯი გადამადგმევინა, ეს არის, რომ მე მჯერა და მწამს ჩვენი ერთად ყოფნის, მჯერა და მწამს ჩვენი იმ საზოგადოების გონიერების, რომელიც არასდროს არ შემცდარა არჩევანში. მჯერა და მწამს, რომ ჩვენ ერთად 2 ოქტომბერსაც სწორ არჩევანს გავაკეთებთ, ჩვენს ქვეყანას გავიყვანთ გამარჯვების გზაზე და მომავალი დღიდან, 3 ოქტომბრიდან, ხელებდაკაპიწებული შევუდგებით ჩვენი წალენჯიხის ხვალინდელი დღის მშენებლობას. ეს იყო ჩემთვის მთავარი მოტივატორი, ამიტომ ვდგავარ თქვენს წინაშე და 2 ოქტომბერს, ჩვენ ყველანი ერთად აუცილებლად გავიმარჯვებთ! ჩვენი წალენჯიხა გაიმარჯვებს. - გოგა გულორდავა #განვითარებაყველარეგიონს

26 აგვისტო, 2021

ჩვენი სურვილია უფრო მეტი ტურისტი ჩამოვიდეს მარტვილში, მეტმა ნახოს ეს უნიკალური სილამაზე, ასევე ყველა მუნიციპალიტეტში არსებული უნიკალური დაცული ტერიტორიები, ტურისტული შესაძლებლობები უნდა იქნას მაქსიმალურად ათვისებული და ამაზე ჩვენი გუნდი მუშაობს აქტიურად. რაც მთავარია, ასევე გვჭირდება, რა თქმა უნდა, განათლება, განათლებული საზოგადოება, განათლებული ჩვენი მომავალი თაობა. - ირაკლი ღარიბაშვილიახალი იდეები ყველაზე მეტად მოდის ახალგაზრდებისგან და ამიტომ მნიშვნელოვანია მუნიციპალიტეტი, მერი, საკრებულო ბოლომდე უზრუნველყოფდეს ახალგაზრდების, თითოეული ადამიანის ჩართულობას გადაწყვეტილების მიღების პროცესში და შეიქმნას ის შესაძლებლობები და პოტენციალი, რომელიც გააჩნია ამა თუ იმ რეგიონს, განსაკუთრებით, როცა ვსაუბრობთ მარტვილზე, რომელიც ნამდვილად გამოირჩევა და ჩემი აზრით, აქვს განუსაზღვრელი შესაძლებლობა იმისათვის, რომ წარმატებით გააკვირვოს ყველა. ჩვენ გვყავს ძალიან ძლიერი კანდიდატი, რომლის გამარჯვებაში და წარმატებაში ეჭვი არ გვეპარება. დარწმუნებული ვარ ოთხი წლის შემდეგ კონკრეტული შედეგებით ვისაუბრებთ თუ რა გაკეთდა ამ ხნის განმავლობაში. - კახა კუჭავასამეგრელოს მასშტაბით, ამ ბოლო პერიოდში, 9 ახალი სკოლა აშენდა, 12 სკოლა სრულად რეაბილიტირდა და შეესაბამება ევროპულ სტანდარტს. რაც შეეხება კონკრეტულად მარტვილს, ამჟამად მიმდინარეობს 6 სკოლის სრული რეაბილიტაცია. ჩვენი მიზანია და ბატონი პრემიერ-მინისტრის მიერ არის განსაზღვრული, რომ საქართველოს უკლებლივ ყველა სკოლა იყოს ევროპული სტანდარტის შესაბამისი და ჩვენ ამას აუცილებლად მივაღწევთ.- მიხეილ ჩხენკელი ბედნიერი ვარ, რომ რაზეც უნდა გელაპარაკოთ ყველაფერთან უშუალო შეხება მაქვს. სწორედ ახლა, 60 ბავშვზე გათვლილი სკოლა გავხსენით ჩხოროწყუს მუნიციპალიტეტის სოფელ ხაბუმეში, 12 მილიონი ლარის სამუშაოები შესრულდა 6 სკოლის რეაბილიტაციაზე. სულ 20 წუთი მოვუნდით სანამ ხაბუმედან მარტვილში მოვედით იმიტომ, რომ გზა არის მოწესრიგებული და უსაფრთხო. ახალი სახიდე გადასასვლელი ვახაზე ერთ თვეში მთავრდება, მარტვილის მუნიციპალიტეტში ვაშენებთ საბავშვო ბაღებს და ეს ყველაფერი საქართველოს მასშტაბით ხდება. უბრალოდ, რამდენიმე მაგალითი მოგიტანეთ იმისა, რაც ხაბუმედან მარტვილამდე მოსვლაში თვალით დავინახეთ. - ირაკლი ქარსელაძე 2017 წლიდან, მას შემდეგ, რაც მუნიციპალიტეტის საკრებულოს წევრი გავხდი, საკუთარი თვალით ვხედავ, რომ განვლილი წლების განმავლობაში მართლაც კოლოსალური საქმე გაკეთდა, თუმცა ვიცი, რომ ეს არ არის საკმარისი! ჩვენი მოსახლეობა ჯერ კიდევ არაერთი პრობლემის წინაშე დგას, თუმცა, ზუსტად ვიცი, თუ როგორ უნდა აღმოვფხვრათ ისინი. მეტიც, ჩემი მიზანი არათუ აღნიშნული პრობლემების გადაჭრა, არამედ მუნიციპალიტეტის განვითარების ახალ ეტაპზე გადაყვანა, აქ არსებული ტურისტული თუ ეკონომიკური პოტენციალის სრულად ათვისება, მცირე მეწარმეობის ხელშეწყობა, ჩვენი მხარის კიდევ უფრო გალამაზება და გამწვანება, საბოლოოდ კი, ქვეყნის მასშტაბით გამორჩეულ რაიონად ქცევაა. - თორნიკე ჯანაშია #განვითარებაყველარეგიონს

26 აგვისტო, 2021

თითოეული რეგიონის მიხედვით შემუშავებული გვაქვს კონკრეტული გეგმები, გვაქვს შესწავლილი პოტენციალი, რომელიც თითოეულ რეგიონს გააჩნია, იქნება ეს სამეგრელო, გურია, აჭარა თუ სხვა. ყველა რეგიონის, ყველა მუნიციპალიტეტის დონეზე უნდა ჩავიდეთ დეტალურად, რომ ბოლომდე ავითვისოთ ის პოტენციალი, რომელიც არის ჩვენს ამა თუ იმ  ულამაზეს მხარეში. ჩხოროწყუს აქვს უზარმაზარი პოტენციალი, გახდეს ერთ-ერთი ყველაზე მიმზიდველი ტურისტული ადგილი. ყველა მუნიციპალიტეტში, ჩემი დავალებით, ტურიზმის სააგენტო მუშაობს ახალი ტურისტული ლოკაციების შექმნაზე, რაც გაზრდის ტურისტების რაოდენობას. წაახალისებს როგორც შიდა ტურიზმს, ასევე უცხოეთიდან ტურისტების შემოსვლას. - ირაკლი ღარიბაშვილი თვითმმართველობა უმნიშვნელოვანესია - ძლიერი მერი, რომელსაც კარგად ესმის მუნიციპალიტეტი, მშობლიური მხარე და  ბოლომდე მოწადინებულია ყველა იმ გამოწვევის აღმოსაფხვრელად, რომლის წინაშეც დგას ესა თუ ის რეგიონი. ჩვენ ვართ გუნდი, რომელიც ყოველთვის თვალს ვუსწორებთ გამოწვევებს და პრობლემებს, რაც ერთადერთი გზაა ერთიანი ძალისხმევით შევძლოთ მათი დაძლევა და დავდოთ უფრო კარგი შედეგები. - კახა კუჭავა მინდა, რომ თქვენ იაქტიუროთ და მხარი დაგვიჭიროთ იმაში, რომ ჩვენ ერთად გავაგრძელოთ სტაბილური განვითარება, მათ შორის, ამ კუთხისთვის. ამ კუთხისთვის სოფლის მეურნეობის სტაბილური განვითარება გულისხმობს შემდეგს: ჩვენ გვექნება თქვენი ინიციატივების მხარდაჭერა, თანადაფინანსება, პირდაპირ ფინანსებზე ხელმისაწვდომობა ფაქტიურად ყველა მიმართულებაში. გვექნება მხარდაჭერა როგორც მრავალწლიანი კულტურები გაშენებაში, ისე სხვა ტიპის მეურნეობის პირდაპირ მხარდაჭერაში, შემნახველი თუ გადამმუშავებელი საწარმოების შექმნაში, რომელიც ასე რიგად აკლია ჩხოროწყუს მუნიციპალიტეტს და რა თქმა უნდა, ჩვენ ამ ყველაფერს გავაკეთებთ თქვენთან ერთად.  როდესაც ვსაუბრობთ ჩხოროწყუს მუნიციპალიტეტზე, აქ დღეს წამყვანია თხილის კულტურა, მაგრამ ჩვენ არ გვინდა, რომ მონოკულტურით შემოვიფარგლოთ და ის მრავალფეროვანი შესაძლებლობები, რომელიც ამ მხარეს ისტორიულად ქონდა სრულად უნდა გამოვიყენოთ. - ლევან დავითაშვილი პროექტის „მართე შენი ქალაქი და სოფელი“ ფარგლებში, ჩხოროწყუს მუნიციპალიტეტის თითოეულ მცხოვრებს ექნება შესაძლებლობა ჩაერთოს ქალაქისა და სოფლის მართვაში. ჩვენი მოვალეობაა  ისეთი პროგრამების  განხორციელება, რომელშიც  მაქსიმალურად ჩართული და დასაქმებული იქნებიან ახალგაზრდები. რა თქმა უნდა, ტურიზმი ეს არის ჩხოროწყუს სავიზიტო ბარათი, ვინაიდან  ჩხოროწყუ არის განთქმული თავისი ლამაზი ხეობით, რომელსაც „ლუგელას ხეობა“ ჰქვია. სოფელ მუხურში  და ტობავარჩხილისკენ მიმავალი გზა წელს უკვე შევა ექსპლუატაციაში და მადლობა მინდა გადავუხადო ჩვენს მთავრობას ამ საჩუქრისთვის.  მრავალწლიანმა გამოცდილებამ ჩხოროწყუს და ჩხოროწყუელების სამსახურში ნათლად დამანახა ის საჭიროებები, რომელიც გვაწუხებს,  რომელთა ნაწილი მოგვარებულია, ხოლო დანარჩენის გადაჭრის გზები – დასახული. - დათო გოგუა #განვითარებაყველარეგიონს

25 აგვისტო, 2021

ზუგდიდელებმა და მეგრელებმა, ძალიან კარგად იციან სიკეთის და ბოროტების, თეთრის და შავის გარჩევა. მე ღრმად ვარ დარწმუნებული, ზუგდიდი კიდევ ერთხელ გააკეთებს სწორ და ღირსეულ არჩევანს და „ქართული ოცნება“ ამ ქალაქში აუცილებლად დამაჯერებლად გაიმარჯვებს. დარწმუნებული ვარ, ძალიან ღირსეულად, მშვიდად, ყოველგვარი პროვოკაციებისა და ექსცესების გარეშე ჩავატარებთ ამ არჩევნებს. ჩვენი ხელწერაა სიმშვიდე, სიმტკიცე და ღირსება. ასეთი სულისკვეთებით უნდა გავიმარჯვოთ და მამუკა წოწერიამ უნდა გაიმარჯვოს. - ირაკლი ღარიბაშვილი სამეგრელოს პოტენციალი ყველა მიმართულებით  განუსაზღვრელია და ვალდებული ვართ ეს შესაძლებლობები  ბოლომდე გამოვიყენოთ. განსაკუთრებით ახალგაზრდებს დავეხმაროთ  პოტენციალის გამოყენებაში, იქნება ეს ცენტრალური, თუ ადგილობრივი მმართველობის კუთხით. ამიტომ, მნიშვნელოვანია არჩევნები, რომელიც ახლოვდება.  არჩევნები, რომელმაც უნდა გადაწყვიტოს, თუ ვინ იქნება თქვენი მერი, ვინ იქნებიან თქვენი საკრებულოს წევრები. - კახა კუჭავა ჩემო მამუკა, უდიდესი ვალდებულება და უდიდესი პატივია იყო არჩეული ზუგდიდელების მიერ და ემსახურო ზუგდიდს. ზუგდიდს დღეს სჭირდება სტაბილური და თანმიმდევრული განვითარების გაგრძელება. ის რაც აქამდე ხდებოდა, ეს არის მიღწევა, რომელსაც ჩვენ მივაღწიეთ საერთო შრომით გუნდის მხარდაჭერით და ზუგდიდი მართლაც იბრუნებს იმ სილამაზეს, იმ სიძლიერეს, რომელიც მას აქამდე ჰქონდა და ხდება საქართველოში ერთერთი უდიდესი და უმნიშვნელოვანესი მიზიდულობის ცენტრი. ამიტომაც, კიდევ ერთხელ როდესაც ჩვენ წარვდგებით არჩევნებზე ზუგდიდელების წინაშე, რა თქმა უნდა ის წლები, რომელიც გამოვიარეთ, იყო გარკვეული გამოწვევებით აღსავსე, მაგრამ ვერ და არ შეედრება, ის, რაც დღეს ზუგდიდში კეთდება ნებისმიერ სხვა დროს რაც ყოფილა ზუგდიდში საქართველოს დამოუკიდებლობის აღდგენის შემდგომ. - ირაკლი ჩიქოვანი ზუგდიდი ჩემი ოჯახია, მასთან არის დაკავშირებული ჩემი წარსული, აწმყოცა და მომავალიც. აქ იზრდებიან ჩემი შვილები და ბუნებრივია, რომ ქვეყნად ზუგდიდი ჩემთვის  ყველაზე საყვარელი ადგილია.  სამეგრელოს გული, სადაც ცხოვრობენ კეთილსინდისიერი, შრომისმოყვარე, ინტელიგენტი და სამშობლოზე უზომოდ შეყვარებული ადამიანები. ზუგდიდს ჩვენი ქვეყნის ისტორიაში ყოველთვის მნიშვნელოვანი როლი ენიჭებოდა და ასეა დღესაც, ის მრავალი ისტორიული ქარტეხილის მონაწილეა და ღირსებით ჩემიძლია ვთქვა, რომ ჩვენი თავისუფლების მოყვარე ხალხი არასოდეს დანებებულა. - მამუკა წოწერია

25 აგვისტო, 2021

ბოლო წლებში ბევრი რამ გაკეთდა მესტიის მუნიციპალიტეტში, ბევრი პროექტი დაფინანსდა, ჩვენ ვისაუბრეთ და ჩვენს უხუცესებს დავპირდი, რომ წელსვე დაიწყება ჰაწვალის ახალი საბაგიროს მშენებლობა, ვიცი, რომ პრობლემები იყო მანამდე. 10 წელი იმუშავა მანამდე რაც იყო დამონტაჟებული და როგორც ჩანს, უვარგისი ან ნახმარიც იყო ჩამოტანილი. ამას მნიშვნელობა აღარ აქვს, გავაკეთებთ ახალ, ძალიან გამართულ საბაგიროს. თეთნულდზეც გარკვეული პრობლემებია, იქაც ჩავუტარებთ რეაბილიტაციას. ჩვენ ასევე ვისაუბრეთ იმის თაობაზე, რომ ლაღამის უბნის რეაბილიტაციას იწყებს მთავრობა. ეს არის 33-მილიონიანი პროექტი, რომელიც ახალი ტურისტული მიზიდულობის ცენტრს გააჩენს ამ ულამაზეს მხარეში. ერთ-ერთი მთავარი გამოწვევა, რაც არის უშგულის გზა, 2022 წელს დავასრულებთ და მთლიანად ლენტეხი-მესტიის დამაკავშირებელი გზა, რომელიც ჯდება 100 მილიონი ლარი, დასრულდება მაქსიმუმ 2 წელიწადში. - ირაკლი ღარიბაშვილი მჯერა, სვანეთში ვნახავთ ძალიან ბევრ ახალ პროექტს და ეს არ ეხება მხოლოდ ინფრასტრუქტურას. 2023 წლისთვის უკვე დასრულებული იქნება არა მხოლოდ მესტია-უშგულის, არამედ უშგული-ლენტეხის გზა, რომელიც მთლიანად შეკრავს ტურისტულ წრეს და კიდევ უფრო მარტივს გახდის მოგზაურობას სვანეთში და არა მხოლოდ ამ კუთხეში, არამედ მასთან დაკავშირებულ იმ პატარა სოფლებში, სადაც ის უნიკალური ტრადიციებია, რომლის ნახვაც სურს და იზიდავს ყველას. დარწმუნებული ვარ, ამისათვის საჭიროა ძლიერი თვითმმართველობა, ძლიერი მერი და საკრებულო. ჩვენ გვყავს ღირსეული კანდიდატი, რომელსაც წარდგენა არ სჭირდება. მჯერა, კიდევ ძალიან ბევრს გააკეთებს, რითაც იამაყებს არა მხოლოდ ეს გუნდი, არამედ საქართველო. - კახა კუჭავა დღეს მესტიის ბიუჯეტი 11 მილიონ ლარს აჭარბებს და აქედან, 9 მილიონამდე არის ჩვენი მუნიციპალური გადასახადებიდან შემოსავლები. როდესაც ჰიდროსადგურებზე მიდიოდა სჯა-ბაასი, რომ არ უნდა აშენებულიყო, მერწმუნეთ რომ ამ სადგურების აშენებამ გამოიწვია ჩვენი ბიუჯეტის ზრდა. სად მიდის ეს თანხები და რაში იხარჯება. მე ამაყად შემიძლია გითხრათ, რომ 500-ზე მეტი ოჯახის საცხოვრებელი სახლის გადასახური მოგეხსენებათ, პრემიერის დავალებით, შევიმუშავეთ ქვეყნის ეკონომიკის განვითარების 10-წლიანი გეგმა, მათ შორის ტურიზმის განვითარების და უახლოეს პერიოდში სვანეთისთვის გვაქვს განკუთვნილი ძალიან საინტერესო პროექტები. მაგალითად, ჰაწვალის ახალი საბაგიროს დასრულების შემდეგ იმისთვის, რომ ჰაწვალის ტურისტული კომპლექსი შეიკრას, აუცილებელია განხორციელდეს დიდი ხნის წინ დაგეგმილი პროექტი - რეინჰოლდ მესნერის მუზეუმის მოწყობა, რომელიც შეკრავს ამ ობიექტს. რა თქმა უნდა, ეს არ არის ერთ დღეში განსახორციელებელი პროექტი, მაგრამ აუცილებლად განხორციელდება. - ნათია თურნავა მასალა იქნა შეძენილი. ყველა პირველკურსელის პირველი წლის სწავლის საფასური უზრუნველყოფილია. სიმსივნით დაავადებული ადამიანის მკურნალობისთვის გარკვეული თანხა დაფინანსებულია. ეს ყველაფერი მაძლევს იმის თქმის შესაძლებლობას, რომ ჩემი სვანეთი, როგორც დანარჩენი საქართველო, მაღალი პროცენტით გავიმარჯვებთ ამ არჩევნებში. - ვიქტორ ჯაფარიძე სვანეთში გადატყდა ის სიტუაცია, რაც იყო დამოკიდებულება ჰესების მიმართ, აქ აშენდა ძალიან ბევრი ჰესი. ზუსტად ამ ჰესებიდან არის ის 9 მილიონი ლარი ადგილობრივი შემოსავალი. შენდება კიდევ არაერთი ჰესი, ძირითადად საშუალო და მცირე ჰესები, 10 მეგავატიანი, 8 მეგავატიანი, 50 მეგავატიანი. ეს უზარმაზარი წვლილია ჩვენს ეკონომიკაში და ენერგეტიკაში. მინდა მთელი საქართველოს გასაგონად აქედან ვთქვა, თუ გვინდა ჩვენი ქვეყანა განვითარდეს, უნდა გვქონდეს ძლიერი ეკონომიკა და ეკონომიკა ვერ გვექნება ძლიერი, თუ არ იქნება ძლიერი ენერგეტიკა. მდიდარია ის ქვეყანა, რომელსაც ამის პოტენციალი აქვს. საქართველოს, სვანეთს აქვს ამის პოტენციალი და ეს უნდა განვითარდეს. - სოზარ სუბარი ჩვენ უამრავ პროექტზე ვისაუბრეთ, რომელსაც ცენტრალური ხელისუფლება ახორციელებს. ამ პროექტებს სათავეში უდგას კახა და მან ზუსტად იცის, რა სჭირდება აქაურ მოსახლეობას. ყველა ამ პროექტს ბოლომდე უნდა მიყვანა და ეს ყველაზე კარგად ხელეწიფება კახა ჟორჟოლიანს. მინდა მოგიწოდოთ ყველას, მხარი დაუჭიროთ კახას, რამეთუ ის არის ერთ-ერთი გამორჩეული და ენერგიული, მხარი დავუჭიროთ „ქართულ ოცნებას“, რათა ეს წინსვლა, მიუხედავად გაჭირვებისა და პანდემიისა, ბოლომდე მივიყვანოთ. ჩვენ აუცილებლად გავიმარჯვებ. - გოჩა ენუქიძე ამომრჩევლებს დიდი როლი გაქვთ სვანეთის განვითარებაში, მუნიციპალიტეტის განვითარებაში. სწორედ თქვენს მიერ დასახელებულ პრობლემებს უნდა აგვარებდეს ადგილობრივი მთავრობა და ვაგვარებთ კიდეც. თქვენ იცით, რომ მე ყოველთვის ხელმისაწვდომი ვარ ნებისმიერი მცხოვრებლისთვის, ყოველი მოქალაქისთვის. მე მზად ვარ ყოველთვის თქვენს გვერდში დავდგე და ხელი შევუწყო თქვენს განვითარებას. მჯერა, რომ ჩვენ ერთად გავიმარჯვებთ, მე ამის საშუალებას მაძლევს თქვენი გვერდში დგომა და თქვენთან ყოველი შეხვედრა. ჩვენ აუცილებლად გავიმარჯვებთ. - კაპიტონ ჟორჟოლიანი

25 აგვისტო, 2021

ჩვენ ჯერ კიდევ სამი კვირის წინ გავასაჯაროვეთ ინფორმაცია, რომ ნაციონალური მოძრაობა გეგმავს თვითმმართველობის არჩევნების ბოიკოტირებას, ვინაიდან მათივე მონაცემებით, მათ ამ არჩევნებში წარმატების არავითარი შანსი არ გააჩნიათ.დღეს ყველა ვხედავთ, რომ მათ დაწყებული აქვთ არჩევნების გადადების მოთხოვნის კამპანია, საბაბად კი პანდემიას იშველიებენ.არჩევნებამდე ერთი თვით ადრე არჩევნების გადადების მოთხოვნა პირდაპირ ნიშნავს პოლიტიკურ კაპიტულაციას, რამდენიც არ უნდა ისპეკულირონ თითქოსდა მათ მოსახლეობის ჯანმრთელობა აინტერესებთ. ჩვენ პანდემიის თითქმის ორწლიან პერიოდში ვხედავდით ნაციონალური მოძრაობის უპასუხისმგებლო დამოკიდებულებას ეპიდსიტუაციის და მათ შორის რეგულაციების მიმართ. რატომღაც მათ მხოლოდ ახლა გაახსენდათ, რომ ჩვენი ქვეყანა პანდემიის პირობებში ცხოვრობს.ნაციონალური მოძრაობის კამპანია სამ ამოცანას ემსახურება: • საჭიროების შემთხვევაში წინმსწრებად ჰქონდეთ მომზადებული საბაბი თვითმმართველობის არჩევნებისთვის ბოიკოტის გამოსაცხადებლად, • მეორე- არჩევნებში მონაწილეობის შემთხვევაში,  გარდაუვალი მარცხის შემდეგ გამოაცხადონ, რომ ეს მარცხი მძიმე ეპიდვითარებამ გამოიწვია და თითქოს ჩატარებული არჩევნები მოსახლეობის ნებას სრულფასოვნად არ გამოხატავს;• მესამე, რომ წინასაარჩევნო პერიოდში აწარმოონ მადისკრედიტირებელი კამპანია ხელისუფლების მიმართ, თითქოს ჩვენ არ გვაინტერესებს მოსახლეობის ჯანმრთელობა და  ამის გამო  არ ვდებთ არჩევნებს.სინამდვილეში ამ ყველაფერს აქვს ერთადერთი მიზეზი - მათ ზუსტად იციან, რომ  დამარცხდებიან.რაც შეეხება არჩევნების კოვიდუსაფრთხოდ ჩატარებას, ჩვენ ერთმანეთისგან უნდა გავმიჯნოთ წინასაარჩევნო კამპანია და უშუალოდ არჩევნები. მოსახლეობას, ისევე როგორც ოპონენტებს შევახსენებთ, რომ საქართველომ პანდემიის პირობებში არჩევნების მომზადების და უსაფრთხოდ ჩატარების მხრივ არაერთი საერთაშორისო სადამკვირვებლო მისიის დადებითი შეფასება დაიმსახურა. ამ შეფასებების გარეშეც, ყველა მოქალაქე იყო იმის მოწმე, თუ რამდენად უსაფრთხო გარემოში ჩატარდა 31 ოქტომბრის არჩევნები. ცხადია, რომ ამ წარმატებულ გამოცდილებაზე დაყრდნობით, ცესკო სრულად უზრუნველყოფს არჩევნების დღის კოვიდუსაფრთხოების ყველა ზომის დაცვით ჩატარებას. ასე, რომ უშუალოდ არჩევნების დღის მიმართ რაიმე კითხვის ნიშნის გაჩენა ეწინააღმდეგება როგორც წინა არჩევნების გამოცდილებას, ისე იმ ცოდნას, რომელიც ამ მხრივ ჩვენთან თუ მსოფლიოში დაგროვდა. საპარლამენტო არჩევნების წინ ჩვენ ვაცხადებდით, რომ საარჩევნო უბნებზე მოქალაქეები იქნებიან უფრო უსაფრთხოდ, ვიდრე ნებისმიერ თავშეყრის ადგილზე. ეს ასევე იქნება 2 ოქტომბრის არჩევნებზეც.აქვე საზოგადოებას შევახსენებ, რომ სულ რამდენიმე დღეში ჩვენ უკვე გვეყოლება სულ მცირე ერთი დოზით აცრილი მილიონი ადამიანი, ანუ ზრდასრული მოსახლეობის 35%. არჩევნების დღისთვის კი, არსებული ტემპებით, ზრდასრული მოსახლეობის დაახლოებით 60% სულ მცირე ერთი დოზით იქნება აცრილი.რაც შეეხება წინასაარჩევნო კამპანიას, აქ პასუხისმგებლობა არა მხოლოდ ხელისუფლებაზე, არამედ თავად პარტიებზეცაა. თავად ჩვენ, პარტიებმა, უნდა გამოვიჩინოთ პასუხისმგებლობა და უზრუნველვყოთ საარჩევნო კამპანიის კოვიდუსაფრთხოდ ჩატარება. ეს იყო „ქართული ოცნების“ მიდგომა 2020 წლის საპარლამენტო არჩევნებისას და ეს რჩება ჩვენ მიდგომად დღესაც. სწორედ ამ პასუხისმგებლობით ვგეგმავთ ჩვენს წინასაარჩევნო აქტივობებს და სწორედ ამ პასუხისმგებლობიდან გამომდინარე აქტიური კომუნიკაცია გვაქვს ჩვენს ათასობით აქტივისტთან, რათა ჩვენივე აქტივის გადაცდომებზე დროული და სათანადო რეაგირება მოვახდინოთ. სწორედ ამასვე მოვუწოდებთ ჩვენს ოპონენტებს: ნაცვლად არჩევნების, როგორც ხალხის ძალაუფლების გამოხატვის კითხვის ნიშნის ქვეშ დაყენებისა, უზრუნველყავით თქვენი საარჩევნო კამპანიის ყველა რეგულაციის და რეკომენდაციის დაცვით ჩატარება. ​არჩევნები ჩატარდება, ჩატარდება კოვიდუსაფრთხოდ და ჩვენ ამ არჩევნებში დამაჯერებლად გავიმარჯვებთ.

23 აგვისტო, 2021

2020 წლის საპარლამენტო არჩევნების შემსწავლელი დროებითი საგამოძიებო კომისიის ერთ-ერთი მნიშვნელოვანი დასკვნა იყო ის, რომ ადგილობრივი სადამკვირვებლო ორგანიზაციები მეტწილად დაბალი სტანდარტით აფასებდნენ არჩევნებთან დაკავშირებულ სხვადასხვა ფაქტებსა და მოვლენებს. ამ ნაკლოვანების მორიგ გამოვლინებად უნდა შეფასდეს ,,საერთაშორისო გამჭვირვალობა - საქართველოს’’ მხრიდან ოზურგეთში ,,ქართული ოცნების’’ მერობის კანდიდატის ავთანდილ თალაკვაძის მიერ სამედიცინო მუშაკებთან გამართული შეხვედრის არასწორი ინტერპრეტირება.კერძოდ, ,,საქართველოს საარჩევნო კოდექსის’’ 48-ე მუხლის პირველი ნაწილის ,,დ’’ ქვეპუნქტზე მითითებით, ამ ორგანიზაციამ გაასაჩივრა აღნიშნული შეხვედრა, რასაც არ ჰქონდა არავითარი საფუძველი.საარჩევნო კოდექსის ზემოაღნიშნული ნორმა კრძალავს საჯარო მოსამსახურეების, საჯარო სამართლის იურიდიული პირების თანამშრომლების, სახელმწიფოს ან მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირების თანამშრომლების, ასევე სახელმწიფოს ან მუნიციპალიტეტის მიერ დაფუძნებული სკოლამდელი აღზრდისა და განათლების დაწესებულებებისა და ზოგადსაგანმანათლებლო დაწესებულებების დირექტორების, აღმზრდელ-პედაგოგების, აღმზრდელების, მასწავლებლების და იქ დასაქმებული სხვა პირების სამსახურეობრივი ნიშნით შეკრებას.ავთანდილ თალაკვაძემ შეხვედრა გამართა კერძო სამედიცინო დაწესებულებების პერსონალთან, ხაზს ვუსვამ, კერძო სამედიცინო დაწესებულებების პერსონალთან, რომელიც არ ხვდება არც ერთ ზემოთ ჩამოთვლილ კრიტერიუმში. შეხვედრას ესწრებოდა საჯარო სამედიცინო დაწესებულების მხოლოდ რამდენიმე წარმომადგენელი, რაც ასევე არ არის საარჩევნო კოდექსის ზემოაღნიშნული ნორმის დარღვევა.შესაბამისად, კიდევ ერთხელ, მოვუწოდებთ ადგილობრივ სადამკვირვებლო ორგანიზაციებს, მომავალში მეტი ყურადღებით დააკვირდნენ საარჩევნო ღონისძიებებს და აღარ დაუშვან მათი არასწორი ინტერპრეტირება და შეფასება, რამაც საარჩევნო გარემოზე უარყოფითი გავლენა შეიძლება იქონიოს. დღეს ასევე გვინდა თქვენი ყურადღება გავამახვილოთ ძალიან მნიშვნელოვან კვლევის შედეგებზე. მოგეხსენებათ, რომ ჩვენმა პარტიამ განაცხადა, რომ საზოგადოებას ეტაპობრივად მივაწვდით ინფორმაციას სხვადასხვა ქალაქებსა თუ მუნიციპალიტეტებში ჩატარებულ წინასაარჩევნო კვლევებთან დაკავშირებით.დღეს გვსურს წარმოგიდგინოთ პარტიის სოციოლოგიური კვლევის ჯგუფის მიერ ქალაქ ქუთაისში ჩატარებული კვლევის შედეგები. შედეგების გაცნობამდე, მოგახსენებთ, რომ ქუთაისის მასშტაბით კვლევაში მონაწილეობა მიიღო 987-მა რესპონდენტმა.პარტიული რეიტინგების შეწონილი მონაცემები გახლავთ შემდეგი:-    ქართული ოცნება - 44.7 %-    ნაციონალური მოძრაობა - 32.6 %-    პატრიოტთა ალიანსი - 3.1%-    საქართველოსთვის - 2.9 %-    სტრატეგია აღმაშენებელი - 2.6 %-    გირჩი - მეტი თავისუფლება 2.5 %-    ლელო - 2.3 %-    ევროპული საქართველო - 2.2 %-    მოქალაქეები - 1.5 %-    ლეიბორისტული პარტია - 1.5 %-    გირჩი - 0.4 %-    ერთიანი საქართველო - 0.4 %-    სხვა პარტიები - 3.3 % ქუთაისში საკრებულოს არჩევნები ამგვარი შედეგებით რომ დასრულდეს, 3 პროცენტიან საარჩევნო ბარიერს წარმოდგენილი შედეგების მიხედვით მხოლოდ სამი პოლიტიკური სუბიექტი გადალახავს და 28 მანდატი შემდეგნაირად გადანაწილდება:-    ქართული ოცნება - 16 მანდატი-    ნაციონალური მოძრაობა - 11 მანდატი-    პატრიოტთა ალიანსი - 1 მანდატი ასევე, წარმოგიდგენთ მერობის კანდიდატების რეიტინგების შეწონილ მონაცემებს:-    იოსებ ხახალეიშვილი - „ქართული ოცნების“ კანდიდატი 50.3 %-    ხატია დეკანოიძე - ნაციონალური მოძრაობა - 37.8 %-    სხვა კანდიდატები 11.9 %როგორც ხედავთ, ჩვენს კანდიდატს, იოსებ ხახალეიშვილს აქვს ყველანაირი მონაცემი იმისა, რომ  პირველივე ტურში დამაჯერებლად გაიმარჯვოს. თუ გავითვალისწინებთ კვლევის შედეგად პროპორციულ არჩევნებზე განაწილებულ ხმებს, ლოგიკურია, რომ „ქართული ოცნება“ შვიდივე მაჟორიტარს მოიგებს და ძალიან დიდი უპირატესობა და უმრავლესობა ექნება ქუთაისის საკრებულოში, თუმცა, რა თქმა უნდა, 2 ოქტომბერს ყველაფერი ამომრჩევლის ნებასა და აქტიურობაზე იქნება დამოკიდებული.როგორც დავაანონსეთ, მაღალი საზოგადოებრივი ინტერესებიდან გამომდინარე, ჩვენი პარტია საზოგადოებას პერიოდულად წარუდგენს სხვადასხვა ქალაქში ჩატარებული სოციოლოგიური კვლევის შედეგებს.

19 აგვისტო, 2021

ძალიან ბევრი რამ გაკეთდა ოზურგეთში. ძალიან ბევრი, ათეულობით მილიონი ლარი დაიხარჯა ბოლო 8 წლის განმავლობაში ცენტრალური მთავრობის მიერ, ასევე ადგილობრივი ბიუჯეტის ფარგლებშიც. ოზურგეთს წელს შეემატა ერთ-ერთი მართლაც გამორჩეული, სამაგალითო ოზურგეთის სახელმწიფო თეატრი, რომლის რეაბილიტაცია, სრული აღდგენა დააფინანსა ბატონმა ბიძინა ივანიშვილმა და „ქართუ“ ფონდმა. მადლობა კიდევ ერთხელ. - ირაკლი ღარიბაშვილი მე ყურადღებას გავამახვილებ იმ დიდ ტურისტულ პოტენციალზე, რომელიც ამ ქალაქს და ამ მუნიციპალიტეტს გაჩნია - აგროტურიზმი, ეკოტურიზმი ის მიმართულებებია, რომელიც აუცილებლად უნდა განვითარდეს სრული მასშტაბებით, ეს შესაძლებლობა ოზურგეთს ნამდვილად გააჩნია. მე მოვინახულე შატო „როიალ ასკანელი“, რომელიც ნამდვილად სამეფო შატოა. ღვინის ტრადიციები, რომელიც აქ არის, სახელს უთქვამს სხვადასხვა საერთაშორის ფესტივალზე გურულ და ზოგადად, ქართული ღვინის ტრადიციებს. - კახა კუჭავა მე მინდა ასევე განსაკუთრებით გამოვყო ჩემი მეგობრის აჩიკო თალაკვაძის მზრუნველობა განათლების სფეროზე. ჩვენ ფაქტობრივად ყოველდღიურად გვაქვს საუბრები განათლებაზე, გურიის წინსვლაზე განათლებისა და მეცნიერების მიმართულებით. ეს არის კაცი, რომელიც ჭეშმარიტი გულშემატკივარია ამ სფეროსი. აჩიკოს დამოკიდებულება არის კარგი გამოხატულება მისი ოჯახის ფასეულობების, იმ ფასეულობების, რომლებიც, რასაკვირველია, აქვს მის ღირსეულ ძმას, ავთოს. შესაბამისად, ავთოს სახით ოზურგეთს ნამდვილი გულშემატკივარი ეყოლება განათლების თვალსაზრისით და, რასაკვირველია, ჩვენ ძალიან მჭიდროდ ვითანამშრომლებთ. - მიხეილ ჩხენკელი ოზურგეთი გამოირჩევა გურიის მხარეში, როგორც ერთ-ერთ ყველაზე წარმატებული სასაოფლო-სამეურნეო მიმართულებით, ოზურგეთში არის ტრადიციები სუბტროპიკული კულტურების წარმოების. ვიცით, რომ ერთ დროს ძალიან განვითარებული იყო სოფლის მეურნეობის სხვადასხვა მიმართულება, რომლის აღდგენაც ზუსტად სოფლის მეურნეობის პრიორიტეტად გამოცხადების შემდეგ ისევ „ქართული ოცნების“ ხელისუფლებამ დაიწყო. როდესაც ვსაუბრობთ ჩაის კულტურაზე, პირველ რიგში გვახსენდება ოზურგეთი, ცნობილი ბრენდები, ცნობილი გადასამუშავებელი საწარმოები, მაგრამ ჯერ კიდევ დიდი პოტენციალი, რომელიც მომავალში უნდა გამოვიყენოთ. ჩვენ, ფაქტობრივად სრული საგრანტო დაფინანსებით ვახორციელებთ ჩაის არსებული, ჯერ კიდევ მიტოვებული პლანტაციების რეაბილიტაციას და ეს შესაძლებლობები ძალიან ბევრია, ამიტომ, მოგმართავთ, რომ მეტად აქტიურები იყოთ და გამოვიყენოთ მიტოვეული მიწები, სავარგულები, რომლებიც ქვეყანაში არ უნდა დავტოვოთ. - ლევან დავითაშვილი   მერწმუნეთ, რომ ავთანდილ თალაკვაძეს არავისთან არ დაჭირდება შუამავალი, არავისთან არ დაჭირდება თარჯიმანი, ის უშუალოდ ესაუბრება ახალგაზრდებს, ის უშუალოდ ესაუბრება ჩვენს პატივცემულ ხანდაზმულ ადამიანებს, მშობლების თაობას და მე მინდა კიდევ ერთხელ მივესალმო ჩვენს ოჯახს, ჩემს მშობლებს, ჩემს მეუღლეს, შვილებს და ჩვენს დიდ ოჯახს, რომელიც დღეს აქ სრულად არის წარმოდგენილი. მინდა მადლობა გადავუხადო ჩვენს მშობლებს და ჩვენს მასწავლებლებს ვინც აქ ესწრებიან. მხოლოდ და მხოლოდ თქვენი დამსახურება და თქვენი ზრუნვის შედეგი გახლავთ ის, რომ ჩვენ დღეს ვბრუნდებით ოზურგეთში და გვაქვს პრეტენზია, რომ შევძლებთ საქმის გაკეთებას ამ ქალაქისთვის და ჩვენი ულამაზესი სოფლებისთვის. - არჩილ თალაკვაძე გურიას განსაკუთრებული პოლიტიკური კულტურა გამოარჩევს და ყოველთვის მომავალზეა ორიენტირებული. ამიტომ მე, ავთანდილ თალაკვაძე, გურული კაცი, პირობას გაძლევთ, რომ თქვენი მხარდაჭერის შემთხვევაში, საჯარო სამსახურსა თუ სხვადასხვა საპასუხისმგებლო თანამდებობებზე მიღებულ გამოცდილებას სრულად მოვახმარ ჩვენი ქალაქის და სოფლების, აქ მცხოვრები ადამიანების უკეთეს ხვალინდელ დღეზე ზრუნვას. ოზურგეთის მერიას ექნება პროგრესული და დემოკრატიული პოლიტიკა, რომელიც ხალხს მოემსახურება და ჩვენი მუნიციპალიტეტის წინსვლას უზრუნველყოფს. - ავთანდილ თალაკვაძე #განვითარებაყველარეგიონს

19 აგვისტო, 2021

დღეს ჩვენ შევიკრიბეთ აქ, ამ ულამაზეს ადგილას, ერისთავების სასახლის ტერიტორიაზე, რომელიც, ფონდი „ქართუს“ და ბატონი ბიძინა ივანიშვილის დაფინანსებით აღდგა და ჩაუტარდა რეაბილიტაცია. ამ მართლაც უნიკალურ ადგილას, გვახსენდება კიდევ ერთხელ, თუ რაოდენ დიდი პოტენციალი აქვს ჩვენს ქვეყანას და ამ შემთხვევაში, ჩოხატაურს. ჩოხატაური მართლაც გამოირჩევა თავისი სილამაზით, პოტენციალით, რომელიც ამ მუნიციპალიტეტს გააჩნია. აქ შეიძლება ბევრი რამ გაკეთდეს და ამ მიმართულებით ჩვენ ძალიან ბევრს ვგეგმავთ. ეკოტურიზმი უნდა იყოს ერთ-ერთი მთავარი წამყვანი. ზოგადად, ტურისტული ცენტრი უნდა გახდეს ჩოხატაური და სწორედ ამ ადგილს აქვს ამის უნიკალური შესაძლებლობა და პოტენციალი. - ირაკლი ღარიბაშვილი   ჩვენ აუცილებლად გავიმარჯვებთ და გვეყოლება ძლიერი გუნდი, ძლიერი საკრებულო. მოლოდინი გვაქვს, რომ თითოეულ ჩოხატაურელს მიეცემა საშუალება, ჩაერთოს გადაწყვეტილების მიღების პროცესში, განსაკუთრებით ახალგაზრდებს, რომლებიც ძალიან ამბიციური, ნიჭიერი ადამიანები არიან. მათ ესმით პოლიტიკა, მმართველობა და ვიცი, რომ ეს შესაძლებლობა მიეცემათ იმ ახალგაზრდა გუნდის მეთაურობით, რომელიც წარმოდგენილია თვითმმართველობის არჩევნებზე. - კახა კუჭავა ჩვენ გვესმის, რომ ეკოტურიზმიდან დიდი ნაწილი იქნება აქ ტურიზმის და აგროტურიზმი. ამ კუთხით ჩვენ ვცდილობთ, რომ გურიის უნიკალურ ბუნებას გავუფრთხილდეთ და თქვენი ინიციატივით გვაქვს დაწყებული გურიის დაცული ტერიტორიების ჩამოყალიბება. კონკრეტულად შესწავლა უკვე დასრულების ფაზაშია. რამდენიმე შეხვედრა რეგიონში გაიმართა და ოზურგეთის და ჩოხატაურის მუნიციპალიტეტის ნაწილი შევა გურიის დაცულ ტერიტორიებში, რომელიც ამ უნიკალურ ბუნებას მეტად შეუნარჩუნებს მომავალ თაობას - ერთი და მეორე - შეძლებს გააჩინოს განვითარების ახალი პოტენციალი. სადაც ჩვენ გვაქვს დაცული ტერიტორიები და ჩვენ ვსაუბრობდით წინა გამოსვლისას, ლანჩხუთში, უკვე იქ შეგვიძლია შევქმნათ მიზიდულობის ახალი წერტილები, განვავითაროთ ეკობილიკები, ინფრასტრუქტურა. ამაში ჩვენ მზად ვართ, რომ განვახორციელოთ ინვესტირება, შევქმნათ ადმინისტრაცია, მეტი ინფორმაცია მივიტანოთ მოსახლეობამდე და მოვიზიდოთ მეტი ტურისტი იმისთვის, რომ მეტი იყოს შემოსავალი ამ მხარეში. - ლევან დავითაშვილი მე მიწევს რეგიონში სიარული და ვნახულობ გაკეთებულ საქმეებს, რაც შეეხება ინფრასტრუქტურას და სოფლის მეურნეობას, მაგრამ ეს არ არის საკმარისი და ჩვენ უნდა გავაგრძელოთ დაწყებული იმ პროექტების კეთება ახალ მერთან ერთად ჩოხატაურის მომავლისთვის - ვასილ ჩიგოგიძე მადლობა ჩემი ობოლი მამისთვის, რომელიც თქვენ გაზარდეთ. ხუთი წელი იცხოვრა გურიაში და მთელი ცხოვრება გურიაზე წერდა. თქვენი დამსახურებაა ნოდარ დუმბაძე. ჰოდა, ამიტომ, ძალიან მიჭირს ხოლმე თქვენთან საუბარი და ახლაც, მამას სიტყვებით გავბედავ საუბრის დაწყებას - ადამიანმა, შეიძლება ყველაფერს გაუძლოს, უპურობას, უფულობას, უტანსაცმელობას, უფეხსაცმელობას, მაგრამ ღირსების შელახვას ვერასდროს გაუძლებსო და მაშინ, როდესაც ჩვენ ყველანი ზღვარზე ვიყავით და ჩვენს ღირსებას ძალიან მწარედ შეეხნენ, სწორედ მაშინ გაჩნდა „ქართული ოცნება“. იმიტომ აღმოვჩნდი მე ამ გუნდში, იმიტომ, რომ ღირსებაშელახულ ცხოვრებას სჯობს საერთოდ არ იყო, ან უნდა იბრძოლო იმისთვის, რომ ეს ყველაფერი გამოასწორო და ყველაფერი გააკეთო იმისთვის, რომ არცერთი ადამიანის ღირსებას უდიერად არ მოეპყრო. - ქეთი დუმბაძე ჩემი ოჯახი ყოველთვის იდგა ჩოხატაურისა და ჩოხატაურლების სამსახურში, ეს მათი ცხოვრების ყოველდღიურობა იყო. მეც, ჩემი მხრივ, მინდა, ჩემი ყოველდღიურობა, ჩემი ცხოვრების ყოველდღიურობად ვაქციო, რა თქმა უნდა თქვენი თანადგომით. 2021 წლის ადგილობრივი თვითმმართველობის არჩევნები არის ძალიან მნიშვნელოვანი არჩევნები, სწორედ ამ არჩევნებშია გასაღები ქვეყნის შემდგომი განვითარებისა და წინსვლისთვის. „ქართულ ოცნებას“ დიდი რეიტინგი და ნდობა აქვს საზოგადოებაში, ხალხი მას ენდობა იმის გამო, რომ ამ პარტიის უმთავრესი ღირებულება იყო ადამიანი და მისი ღირსება. მე არჩევნებში გამარჯვების შემდეგ, მივალ თითოეულ სოფელში და თითოეულ ოჯახში, ადგილზე შევისწავლი პრობლემებს და ცენტრალურ ხელისუფლებასთან ერთად, „ქართული ოცნების“ მთავრობასთან ერთად შევძლებთ, რომ უმოკლეს ვადაში გადავჭრათ ეს პრობლემები. - დავით შარაშიძე #განვითარებაყველარეგიონს

19 აგვისტო, 2021

მე ვიცი, რომ ლანჩხუთი გააკეთებს სწორ არჩევანს, გურულებს გამოარჩევს სიბრძნე და მახვილგონიერება. ვინ, თუ არა თქვენ, ძალიან კარგად იცით, განასხვავოთ სიკეთე ბოროტებისგან. მე ვიცი, რომ ლანჩხუთი და გურია მხარს დაუჭერს მშვიდობას, სტაბილურობას და განვითარებას. რაც შეეხება ჩვენს კანდიდატს, ბატონი ალექსანდრე სარიშვილი წარმატებით და გულით ემსახურება მშობლიურ ლანჩხუთს და ლანჩხუთელებს. ყველა მერი უნდა იყოს ხალხის სამსახურში, უნდა ემსახურებოდეს ხალხს. ჩვენ ვართ ხალხის მსახურნი, შესაბამისად, ბოლომდე უნდა დავიხარჯოთ და ვაჩვენოთ თავდადების მაგალითი. მხოლოდ ასე, სიყვარულით, ერთგულებით იქნება შესაძლებელი ჩვენი ქვეყნის ფეხზე დადგომა. - ირაკლი ღარიბაშვილი დარწმუნებული ვარ, ის გეგმები, რომელიც ცენტრალურ ხელისუფლებას გააჩნია, რომელმაც როგორც გრძელვადიან, ისე მოკლევადიან პერსპექტივაში თქვენ უნდა მოგიტანოთ სარგებელი, აუცილებლად საჭიროებს ძლიერ, ადგილობრივ თვითმმართველობის გუნდს-მერს და საკრებულოს, რომელმაც უნდა შეუწყოს ხელი, რომ ეს ყველაფერი განხორციელდეს ისე, როგორც დაგეგმილია, თქვენს სასარგებლოდ და თქვენი კეთილდღეობისთვის. გურულებს კარგად გესმით პოლიტიკა და დარწმუნებული ვარ სწორ არჩევანს გააკეთებთ, მხარს დაუჭერთ იმ განვითარებას, რომელიც ჩვენ, წლების განმავლობაში გვქონდა ამ ქვეყანაში და ნამდვილად შემიძლია ვთქვა, რომ ლანჩხუთი განსაკუთრებით გამორჩეულია. ადრე, ასეთი მასშტაბით არ განხორციელებულა არც ერთი პროექტი, რაც ბოლო ოთხი წლის განმავლობაში გაკეთდა და ვისურვებდი, კიდევ უფრო გაათმაგდეს ტემპი. - კახა კუჭავა როდესაც ვიმყოფებით ლანჩხუთში, არ შეიძლება არ აღინიშნოს, რომ გურია გამოირჩევა ნიჭიერი ადამიანებით და საქართველოს ყველაზე ბევრი გამოჩენილი საზოგადო მოღვაწე, სოფლის მეურნეობის დარგის მეცნიერი გურიიდან მოდის. ისინი საერთაშორისო მასშტაბით გურიას უთქვამდნენ სახელს. მაგრამ გურია ასევე გამორჩეულია არა მარტო ადამიანური რესურსით, არამედ ბუნებრივი და ისტორიული ღირებულებებით. ბუნებას როცა ვეხებით იცით, რომ ივლისში განსაკუთრებული ფაქტი მოხდა. ჩვენი ჭარბტენიანი ტერიტორიები UNESCO-ს ბუნებრივი მემკვიდრეობის სიაში შევიდა. ეს გულისხმობს იმას, რომ ეს ადგილი სამეგრელოს, აჭარის ტერიტორიებთან ერთად მსოფლიო რუკაზე აღინიშნება. ეს არის მსოფლიოსთვის საინტერესო ადგილი. კოლხეთის ეროვნული პარკი ამ მუნიციპალიტეტის ნაწილია, ვესაზღვრებით პალიასტომის ტბას და ეს არის ადგილები, რომელიც რუკაზე ისევე გაჩნდება, როგორც ამაზონის ტყე, ბაიკალის ტბა და ბევრი სხვა, რომელიც მსოფლიოს ყველა მოქალაქისთივს, ბუნების მოყვარულისთვის არის ცნობილი. შესაბამისად გურიაც და ლანჩხუთიც მსოფლიოს ბუნებრივი მემკვიდრეობის ნაწილად იქცა. - ლევან დავითაშვილი თქვენთან ერთად ჩვენ შევძელით აგვეშენებინა უფრო მეტი სკოლა, სოფლებში გაგვეკეთებინა გაზიფიცირება, გაგვეყვანა წყალი, გაგვეყვანა გზები. მომავალი თაობისთვის აგვეშენებინა ლანჩხუთის ფეხბურთის აკადემია და პროფესიული სასწავლებელი. დავხმარებოდით სოციალურად დაუცველს და ეკომიგრანტს. ჩვენ შევძელით ეს ყველაფერი გაგვეკეთებინა, იმაზე ათჯერ უფრო მეტი, ვიდრე წინა ათწლეულების მანძილზე გაკეთდა. ეს საკმარისია ჩვენი განვითარებისთვის? რა თქმა უნდა, არა, მაგრამ რაც გავაკეთეთ, ის მნიშვნელოვანია და კიდევ უფრო მნიშვნელოვანია, რასაც გავაკეთებთ. თვითმმართველობის არჩევნები არის არჩევნები, როდესაც თქვენ ირჩევთ თქვენს წარმომადგენელს. კანდიდატებს, რომლებსაც ჩვენ წარმოგიდგენთ არიან ადამიანები, რომლებიც თქვენს პრობლემებზე მომავალშიც აუცილებლად იზრუნებენ. - ნინო წილოსანი ჩემთვის, გამორჩეულად დიდი პატივია, დღეს აქ ყოფნა, იმიტომ, რომ მე ვარ ამ ქალაქის შვილი, ვსწავლობდი ლანჩხუთის, პირველ საშუალო სკოლაში. ძალიან ამაყი ვარ იმით, რომ ამ ქალაქმა, ამ ადამიანებმა მომცეს ის შესაძლებლობები, რომლითაც მე დღეს ვამაყობ და ჩვენი ქვეყნისთვის ვცდილობ, გავაკეთო ძალიან ბევრი კარგი რამ. „ქართული ოცნება“ გამორჩეული გუნდია იმ ადამიანების, ვისაც უყვარს თავისი ქვეყანა, ვინც მუდმივად ზრუნავს ჩვენს განვითარებაზე. ყველასათვის ცნობილია, რომ გურიის განვითარებისთვის ყველაზე მეტი სწორედ „ქართული ოცნების“ ხელისუფლებაში ყოფნის დროს გაკეთდა. ბატონმა ბიძინა ივანიშვილმა გააკეთა უნიკალური პარკი შეკვეთილში, უნიკალური შესაძლებლობები მისცა ამ რეგიონს განვითარებისთვის. ვითარდება კურორტი ბახმარო, გომის მთა, ბევრი მიმართულებით იდგმება აქტიური ნაბიჯები იმისთვის, რომ ყველა ჩვენგანის ცხოვრება გახდეს უკეთესი, გაიზარდოს შემოსავლები, გვქონდეს შესაძლებლობა უკეთესი განათლების მიღების, განვითარების ახალი პერსპექტივები გაჩნდეს. დარწმუნებული ვარ, რომ ეს ადამიანები, ვინც ამ ქალაქში ცხოვრობენ, ვინც მუდმივად ფიქრობს ჩვენს ქვეყანაზე, ძალიან სწორ, ღირსეულ არჩევანს გააკეთებენ, მხარს დაუჭერენ ჩვენი საერთო დიდი გუნდის მიერ წარდგენილ კანდიდატს და ჩვენ ყველა ერთად, 2 ოქტომბერს, კიდევ ერთხელ, ვიქნებით მომსწრე ძალიან დიდი გამარჯვების. - ხატია წილოსანი ამ ულამაზეს, ისტორიისა და კულტურის მატარებელ მხარეში გამორჩეული იუმორის მქონე ხალხი ცხოვრობს, რომელიც განსაკუთრებულად გამოირჩევა თავისი შრომისუნარიანობით, თავისი სილაღით, თავისი სიყვარულით თითოეული ადამიანის მიმართ. მინდა მადლობა გადაგიხადოთ თითოეულ თქვენგანს ამ 4 წლის განმავლობაში გაწეული გვერდში დგომისათვის. მე აქ დავიბადე და გავიზარდე, ჩემი განვლილი ცხოვრება აქაურობას უკავშირდება. ვინც კი ახლოს მიცნობს ყველამ იცის, რომ ჩემი თვითმიზანი მერობა ან რომელიმე თანამდებობა არასდროს არ ყოფილა. ჩემი მიზანია ვემსახურო ხალხს, ვემსახურო ჩემს მუნიციპალიტეტს და მე ამ სიტუაციაში არასდროს არ დავიღლები. აქ, კიდევ ერთხელ გავიმეორებ, რომ გამორჩეული სიყვარულის მქონე ხალხი ცხოვრობს და ეს ხალხი იმსახურებს ძალიან ლამაზ მომავალს და უდიდეს სიყვარულსა და პატივისცემას. - ალექსანდრე სარიშვილი

18 აგვისტო, 2021

მთავრობას და ადგილობრივ მუნიციპალიტეტს შემუშავებული აქვს უნიკალური პროექტები, კერძოდ, ტურიზმის მიმართულებით. აქ, ერთ-ერთ მთავარ ტურისტულ მიზიდულობას შევქმნით, სოფელ ჭვანში. ჩვენ ახლა ვიწყებთ 10 მილიონიან პროექტს, რომელიც იქნება ძალიან მომხიბვლელი პროექტი და ძალიან ბევრ ტურისტს მოიზიდავს, როგორც ადგილობრივს, ასევე უცხოელ ტურისტებს. ამას გარდა, ჩირუხის მთაზე მოეწყობა ევროპაში ყველაზე გრძელი, 1 700 მეტრიანი ზიპლაინი. ამ პროექტში დაიხარჯება 10 მილიონი ლარი. ეს არის საწყისი ბიუჯეტი, რომელიც მართლაც წარმოაჩენს ამ ულამაზეს მხარეს. - ირაკლი ღარიბაშვილი აუცილებელია უფრო მეტი ტემპი, აქტიურობა, მოსახლეობასთან მეტი კომუნიკაცია, მათი ჩართულობა გადაწყვეტილების მიღების პროცესში, ახალგაზრდების მაქსიმალური ჩართულობა, რომ ისინი ბოლომდე შევინარჩუნოთ რეგიონებში და მათ თავიანთი პოტენციალი მოახმარონ ამ კუთხეს - ეს ძალიან მნიშვნელოვანია. ამისთვის უნდა შევქმნათ მეტი შესაძლებლობა. წარმატებას ვუსურვებ მერობის კანდიდატს, ჩვენს ძლიერ გუნდს და დარწმუნებული ვარ, რომ დამაჯერებლად გავიმარჯვებთ. - კახა კუჭავა   მე მინდა, რომ ჩვენ მხარი დავუჭიროთ და ყველა მხარში დავუდგეთ ძალიან ღირსეულ, წესიერ, მშვიდ, მაგრამ ძალიან აქტიურ შუახევის მომავალ მერს, რომელსაც უკვე ძალიან დიდი გამოცდილება აქვს მიღებული ამ მუნიციპალიტეტში მუშაობის და ღირსეულ ნაკრებს, ჩვენი საკრებულოს გუნდის, როგორც ახალ სახეებს, ისე ძველ გვარდიას და კიდევ ერთად ვიზეიმოთ ერთი დიდი გამარჯვება ოქტომბერში. - თორნიკე რიჟვაძე 2017 წლიდან სრულად ვარ ჩართული ჩვენი მუნიციპალიტეტის ცხოვრებაში და კარგად ვიცი, ის გამოწვევები, რომელიც ჩვენი მუნიციპალიტეტის მოსახლეობას აწუხებს. მე მზად ვარ როგორც მერობის კანდიდატი დავიხარჯო ბოლომდე ჩემს გუნდთან ერთად, რომ ის გამოწვევები, ის საკითხები, რომელიც თითოეულ შუახეველს, თითოეულ აქ მცხოვრებს თითოეულ სოფელში აწუხებს, ღირსეულად მივიყვანოთ ბოლომდე. - ომარ ტაკიძე #განვითარებაყველარეგიონს

18 აგვისტო, 2021

8 წლის განმავლობაში, მე ვიცი, ქედაშიც ძალიან ბევრი პროექტი დაფინანსდა, იქნებოდა ეს ინფრასტრუქტურა, გზების, გაზიფიცირების, წყალგაყვანილობის პროგრამები. ქედა არის მართლაც უნიკალური ადგილი. იყურები ამ ულამაზეს მხარეში და კიდევ ერთხელ გვახსენებს, თუ რამდენი ძალისხმევა გვჭირდება ჩვენ, რომ ბოლომდე დავეხმაროთ ჩვენს მოსახლეობას, დავუდგეთ გვერდში, როგორც ცენტრალური მთავრობა, ასევე ადგილობრივი ხელისუფლება, აჭარის მთავრობა და ბოლომდე ვემსახუროთ ჩვენს ხალხს.​ - ირაკლი ღარიბაშვილი   მიმაჩნია, რომ შესაძლებლობები, პოტენციალი გაცილებით დიდია და ზუსტად ეს უნდა იყოს ახალი მერის, საკრებულოს საზრუნავი. ის სიმდიდრე, რომელიც აქ არის და მთელი ქვეყნის სიმდიდრეა, მაქსიმალურად უნდა მივიტანოთ თითოეულ ადამიანამდე, რადგან აგროტურიზმს, ეკოტურიზმს ნამდვილად დიდი პოტენციალი აქვს . ყველა უნდა ესტუმროს მთიან აჭარას, თავისი წვლილი შეიტანოს შიდა ტურიზმის განვითარებაში და დატკბეს ამ ხალხთან ურთიერთობით, სილამაზის დათვალიერებით. სოფლებთან კომუნიკაცია, ახალგაზრდობის მეტი ჩართულობა გადაწყვეტილების მიღების პროცესში - ესაა ის, რასაც ჩვენ მერისგან და საკრებულოსგან ველოდებით და დარწმუნებული ვარ, ასეც იქნება. თქვენ გყავთ ძლიერი კანდიდატი, რომლის გამარჯვებაშიც დარწმუნებულები ვართ და ოთხი წლის შემდეგ, ჩვენ აუცილებლად ვისაუბრებთ კონკრეტულ შედეგებზე, რასაც ახალმა მერმა, საკრებულომ, „ქართული ოცნების“ გუნდმა მიაღწია ამ მუნიციპალიტეტში. - კახა კუჭავა   მინდა, წარმატებები ვუსურვო ჩვენს კანდიდატებს და მადლობა გადაგიხადოთ თითოეულ თქვენგანს. ჩვენ ბოლო წლებში ყველაზე ძლიერად ვგრძნობდით თქვენს მხარდაჭერას. ქედა ყოველთვის იყო ჩემპიონი „ქართული ოცნების“, ხელისუფლების მხარდაჭერაში და დარწმუნებული ვარ, რომ ჩვენ გვაქვს უზარმაზარი ძალა, ხედვა, რომ ეს მხარდაჭერა გარდავქმნათ თითოეული ქედელის კეთილდღეობად, კიდევ უფრო მეტად განვავითაროთ აქაურობა და კიდევ უფრო ღირსეულად ვემსახუროთ ხალხს. - თორნიკე რიჟვაძე     მე მჯერა ჩემი ქედელების, მათი მხარდაჭერის და ჩვენი გამარჯვების, ერთი წამით არ მეპარება ეჭვი რომ პირველივე ტურში გავიმარჯვებთ. ქედელებს მინდა მივმართო, თქვენ ნახეთ ბოლო წლების განმავლობაში თქვენი აქტიური ჩართულობით ბევრი პროექტი კეთდება და იმედს ვიტოვებ, რომ მომავალი 4 წელი თქვენი აქტიური ჩართულობით ჩვენ ქედას ბევრ საქმეს გავუკეთებთ. მადლობა მინდა გადავუხადო ჩემს ოჯახს, მეუღლეს ჩემს კოლეგებს, ჩემს ახლობლებს, საზოგადოებას მხარდაჭერისა და გვერდში დგომისთვის. - როლანდ ბერიძე #განვითარებაყველარეგიონს

17 აგვისტო, 2021

მე ჩემს არაერთ გამოსვლაში მითქვამს და მინდა გავიმეორო, რომ ყველა მერი და ზოგადად, მმართველი უნდა იყოს მსახური ხალხის. ჩვენ ვემსახურებით ჩვენს მოსახლეობას და ჩვენს ხალხს - ვემსახურებით საქართველოს. ამ სიტყვების თქმის შემდეგ მე მინდა წარმოგიდგინოთ ბათუმის მერობის კანდიდატი, ოფიცერი, კაცი, რომელიც მთელი თავისი გულით და გონებით ემსახურება თავის ქალაქ და თავის ქვეყანას - არჩილ ჩიქოვანი. - ირაკლი ღარიბაშვილი     უნდა აღინიშნოს, რომ ბათუმში ბევრი პროექტია დაგეგმილი - სპორტის სასახლე, რომელიც მალე დასრულდება, სკოლების რეაბილიტაცია, რომელიც წარმოუდგენლად დიდი ტემპით მიმდინარეობს. ყველაფერი ეს საბოლოო ჯამში ბათუმს წარმოაჩენს, როგორც ერთ-ერთ სამაგალითოს არა მხოლოდ საქართველოში, არამედ მთლიანად რეგიონში. იგი არის ტიპიური ევროპული ყაიდის ქალაქი, რომელმაც უნდა იამაყოს იმ განვითარებით, რაც აქვს, თუმცა, მე ვიცი როგორი მომთხოვნნი არიან ბათუმელები და დარწმუნებული ვარ, ჩვენ ამაზე არ შევჩერდებით. მერის კანდიდატი, რომელიც ერთი წელია მერის მოვალეობას ასრულებს თავის გუნდთან ერთად დარწმუნებული ვარ შეძლებს კიდევ უფრო დიდი შედეგების მიღწევას და ჩვენ ოთხი წლის მერე ვნახავთ რამდენი რამ შემატა „ქართული ოცნების“ გუნდმა, ახალმა მერმა ბათუმს. - კახა კუჭავა     ბათუმი და ბათუმელები არასოდეს ვღალატობთ პრინციპებს და ეს ქალაქი მართლაც არის ღირსების, თავისუფლების და კულტურის ქალაქი. დარწმუნებული ვარ, რომ ახლაც, თითოეული ბათუმელი, თითოეული გულშემატკივარი გვერდში დაუდგება ძალიან ღირსეულ მერს ამ ძალიან მნიშვნელოვანი ქალაქის და იმ გუნდს, რომელიც იქნება ამ ქალაქის უმრავლესობა ბათუმის საკრებულოში. ეს ადამიანები სწორედ ამ თვისებებს ატარებენ და როგორც ომის, ასევე მშვიდობის დროს ემსახურებოდნენ ამ ქვეყანას და აქვთ ძალიან დიდი გამოცდილება როგორც საჯარო სტრუქტურებში მუშაობის, ასევე ბათუმელების სამსახურის. ამიტომ, ერთი წამითაც არ მეპარება ეჭვი, რომ ჩვენ ძალიან დიდ გამარჯვებას ვიზეიმებთ და მინდა ყველას კიდევ ერთხელ გთხოვოთ, როგორც ძველ გვარდიას, ჩვენ გვესწრებიან ადამიანები, რომლებიც 2011 წლიდან ბატონ ბიძინა ივანიშვილს, ჩვენი პარტიის დამფუძნებელს დაუდგნენ გვერდში, რომ ეს ქვეყანა ყოფილიყო თავისუფალი, ეს ქალაქი ყოფილიყო თავისუფალი და თითოეულ ქართველს თავი ეგრძნო ღირსეულად ამ ქვეყანაში. - თორნიკე რიჟვაძე     ძალიან დიდი გამოწვევაა და ძალიან დიდი პასუხისმგებლობაა იყო იმ ქალაქის მერობის კანდიდატი, რომელმაც მოგვცა ყველაფერი, რაც ცხოვრებაში გაგაჩნია, მათ შორის სამსახურეობრივი კარიერა, სადაც აიდგი ფეხი და სადაც გაკავშირებს ყოველი დღე, ყოველი წამი იმ ხალხთან და ადამიანებთან, რომლებთანაც გატარებული და განვლილი გაქვს ძალიან დიდი გზა. ამისთვის მე მინდა მადლობა ვუთხრა „ქართული ოცნების“ ძალიან გამოცდილ, ძალიან ღირსეულ და მრავალ გამარჯვება ნანახ გუნდს იმისთვის, რომ მე ეს პატივი მხვდა წილად. ​ მრავალწლიანი, 17 წლიანი გამოცდილება საჯარო სამსახურში მუშაობის და ჩემს ქალაქთან დამოკიდებულება, განსაკუთრებით ბოლო 1 წლის განმავლობაში, მერიის საჯარო მოხელეთა ძალიან ძლიერ გუნდთან, მიღწეული შედეგები და ჩვენს თანამოქალაქეებთან ყოველდღიური ურთიერთობა და ყოველდღიური შედეგები, ის, რამაც განაპირობა, რომ ჩვენ დღეს გვაქვს უპრეცედენტო ბიუჯეტი და განვახორციელეთ ძალიან ბევრი პროექტი, ჩაყრილი აქვს ძალიან დიდ პროექტებს, როგორც სოციალური მიმართულებით, ასევე სხვადასხვა მიმართულებით. - არჩილ ჩიქოვანი

17 აგვისტო, 2021

გასულ წელს პანდემია იყო. რა თქმა უნდა, მე ვიცი, რომ ძალიან რთული იყო ეს პერიოდი. ქვეყანა იყო ჩაკეტილი, ტურისტები არ შემოდიოდნენ და ზოგადად, დაკეტილი იყო სასტუმროები და ა.შ. ყველაფერი. ვიცი, რომ ძალიან გაუჭირდა ჩვენს ხალხს. წელს ეტაპობრივად დავიწყეთ გახსნები, დაახლოებით 5-6 თვის წინ, მოვხსენით რეგულაციები, რამაც, ჩვენს მიერ გადადგმული ნაბიჯების შედეგად, წაახალისა ეკონომიკის ზრდა. ჩვენ გვაქვს უპრეცედენტო ზრდა რეგიონში კი არა, მთელ მსოფლიოში. მე ვესაუბრები არაერთ ჩვენს კოლეგას, ვიცი რა ხდება ევროპაში, ზოგადად მსოფლიოში, როგორი ტენდენციებია. ასეთი ზრდა, რომელიც ჩვენს ქვეყანაშია, ორნიშნა ეკონომიკური ზრდა, არის მართლაც გამორჩეული, მაგრამ ამას სჭირდება შენარჩუნება. ამ გახსნებით და ზოგადად, ეკონომიკური განვითარების სწრაფი ტემპებით, ჩვენი მოსახლეობა დაუბრუნდა თავის სამუშაო ადგილებს. მე ვიცი, რომ ტურისტებით სავსე არის თითქმის ყველა სასტუმრო და ძალიან ბევრი ტურისტი არის შემოსული აჭარაში და მაგალითად ქობულეთში, კონკრეტულად ქობულეთზე რომ ვისაუბროთ, ძალიან ბევრი ადამიანი ისევ დაუბრუნდა თავის სასტუმროებს, რესტორნებს, გახსნეს თავიანთი კომერციული ობიექტები და ეს ყველაფერი ძალიან კარგია, იქმნება დოვლათი და კეთილდღეობა ჩვენი მოსახლეობის. რა თქმა უნდა, ეს აისახება ჩვენს მოქალაქეებზე. - ირაკლი ღარიბაშვილი ​რამდენიმე თვის წინ ვესტუმრე მაღლა, მთაში მიმდინარე მშენებლობას, სასტუმროს ულამაზესი კომპლექსი შენდება, რომელიც ზამთარ-ზაფხულ შეძლებს ტურისტებს უმასპინძლოს. სულ ახლახანს გაიხსნა ასევე შატო „კვირიკე“, რომელიც ჩემი აზრით, ერთ-ერთი გამორჩეული შატოა საქართველოს მასშტაბით. აქ არის ბრწყინვალე მევენახეობა, კივის პლანტაციები, რაც ყველაზე მთავარია, თბილი ხალხი, რომელიც ცდილობს უმაღლესი ხარისხის მომსახურება მიაწოდოს სტუმარს. აღარ ვსაუბრობთ სამრეწველო პოტენციალზე, რომელიც ამ რეგიონს გააჩნია. 35-40 ათასი ტონა ციტრუსი, რომელიც ექსპორტზე გავიდა, ნამდვილად შთამბეჭდავია. ასევე შთამბეჭდავია 30-მდე საწარმო, რომელიც მიღება-გადამუშავებას აწარმოებს. დარწმუნებული ვარ, კიდევ მეტი შეიძლება რისთვისაც აუცილებელია ძლიერი თვითმმართველობა - მერი, საკრებულო, რომელიც იზრუნებს, და ასევე ყოველთვის ისაუბრებს ადგილობრივ მოსახლეობასთან, იქნება მოწოდებული იმისთვის, რომ ისინი ჩართოს გადაწყვეტილების მიღების პროცესში, განსაკუთრებით ახალგაზრდები. ვისურვებდი, რომ ახალგაზრდებს ბოლომდე მიეცეთ შესაძლებლობების რეალიზების საშუალება. - კახა კუჭავა   მინდა განსაკუთრებით გავამახვილო ყურადღება ახალი სკოლების მშენებლობაზე და არსებული სკოლების სრულ რეაბილიტაციაზე. სააკაშვილის ხელისუფლების დროს სკოლებს ანგრევდნენ, მათგან განსხვავებით, ჩვენი გუნდი სკოლებს აშენებს, აკეთებს არსებული სკოლების სრულ რეაბილიტაციას, შესაბამისობაში მოჰყავს ევროპულ სტანდარტთან. ამისი მაგალითი მრავლად არის და ეს პროცესი, რასაკვირველია, გაგრძელდება, მათ შორის ქობულეთშიც. თქვენ გექნებათ ჭეშმარიტად ევროპული სტანდარტის შესაბამისი სკოლები, რაც უაღრესად მნიშვნელოვანია საგანმანათლებლო პროცესისთვის. - მიხეილ ჩხენკელი   წელს ქობულეთს აქვს მართლაც უპრეცედენტო ბიუჯეტი, რომლის ფარგლებშიც არა ერთი მნიშვნელოვანი პროექტი განხორციელდება როგორც ეკონომიკის გაძლიერების, ინფრასტრუქტურის, მშენებლობის, ასევე რაც ყველაზე მნიშვნელოვანია, ჯანდაცვის და სოციალური პროგრამების გაფართოების მიზნით. ჩვენ ყველას ერთად გვმართებს კიდევ უფრო მეტი პასუხისმგებლობა და დარწმუნებული ვარ ჩვენი მომავალი გუნდი, მომავალი მერი, საკრებულოს „ქართული ოცნების“ უმრავლესობა შეძლებს ღირსეულად, კეთილსინდისიერად ემსახუროს ქობულეთელებს. - თორნიკე რიჟვაძე საჯარო სამსახურში მუშაობის პერიოდში ჩემთვის პრიორიტეტი იყო მოქალაქე და მოქალაქესთან ურთიერთობა. მოქალაქეებთან მაქსიმალური ჩართულობა, აქედან გამომდინარე, ყველა გადაწყვეტილებას ვიღებდი მოქალაქეების ინტერესებიდან გამომდინარე. ჩემი შემდგომი სამუშაო რეჟიმიც გაგრძელდება მოქალაქეებთან მაქსიმალურად ჩართულად. ჩვენმა გუნდმა არაერთი მნიშვნელოვანი პროექტი განახორციელა. არაერთი მნიშვნელოვანი პროექტის განხორციელება მიმდინარეობს, მაგრამ საჭიროა უფრო მეტი ინფრასტრუქტურული, ინოვაციური და სოციალური პროექტების განხორციელება. ჩვენ განვახორციელებთ ინოვაციურ პროექტებს მათთვის, ვისთვისაც მნიშვნელოვანია განათლება, ხელოვნება, სპორტი. - ლევან ზოიძე

17 აგვისტო, 2021

მინდა ერთი მნიშვნელოვანი ინფორმაცია გაგიზიაროთ - ამ ისტორიულ, ულამაზეს ადგილზე ვიმყოფებით, ცნობილ გონიოს ციხეში. აქვე ჩვენ ვიცით, რომ არსებობს ასევე უნიკალური ადგილი - გონიოს ყოფილი პოლიგონი, რომელიც არის დაახლოებით 300 ჰექტარი, უფრო მეტიც. ჩემი დავალებით, მთავრობა მუშაობს, მათ შორის აჭარის ადგილობრივი ხელისუფალი, ბატონი თორნიკე რიჟვაძე, ეკონომიკის სამინისტროსთან ერთად და გვაქვს შემდეგი ხედვა, რომ გონიოს ყოფილი პოლიგონის ადგილზე უნდა შეიქმნას სპეციალური ეკონომიკური ზონა, თავისი ფინანსური ცენტრით. რეალურად, ახალი ქალაქის მშენებლობას ეხება აღნიშნული პროექტი და იდეა. ჩვენ ამჟამად ვმუშაობთ კონცეფციაზე, რომელიც წლის ბოლოს იქნება დასრულებული. ჩვენი სურვილია, რომ მაქსიმალურად ჩავრთოთ საუკეთესო კომპანია და ორგანიზაცია, რომელიც ამ სფეროშია სპეციალიზებული და გონიოში უნდა აშენდეს ახალი ქალაქი, თავისი კაზინოებით, ოფისებით, ბანკებით, ფინანსური ცენტრი უნდა შეიქმნას და რეალურად, ახალი სიცოცხლე შევიტანოთ ამ მხარეში და რეგიონში. - ირაკლი ღარიბაშვილი არ შეიძლება არ ვახსენოთ არაჩვეულებრივი ხეობები, ჩანჩქერები, სხვადასხვა ისტორიული და კულტურული მემკვიდრეობის ძეგლები, რომლებიც ამ მუნიციპალიტეტს გააჩნია. აღვნიშნავ მაჭახელას ხეობას, რომელზეც მიდის მუშაობა იმისათვის, რომ ძალიან მალე დაცული ლანდშაფტის სტატუსი მიიღოს, რაც კიდევ უფრო ხაზს უსვამს, თუ რამდენად გაიზრდება ტურისტების ნაკადი. იქმნება სპეციალური ტურისტული საინფორმაციო ცენტრი და ჩვენ შევძლებთ მთლიანად ამ მუნიციპალიტეტის, ამ მხარის სიმდიდრის წარმოჩენას ყველასთვის - იქნება ეს საქართველოს მოქალაქე, თუ უცხოელი ტურისტი. - კახა კუჭავა ჩვენ დარწმუნებულები ვართ, რომ ადგილობრივი თვითმმართველობის ხელმძღვანელებთან ერთად, მომავალ მერთან ერთად, ძალიან ღირსეულ ადამიანთან, გამოცდილ საჯარო მოხელესთან ერთად და საკრებულოში ჩვენს უმრავლესობასთან ერთად შევძლებთ, რომ თითოეული ხელვაჩაურელის პრობლემა გადავჭრათ ეფექტური კომუნიკაციით, ხალხის სამსახურში. ხელვაჩაური ყოველთვის ედგა ჩვენს პოლიტიკურ ძალას, ჩვენს ერთიან გუნდს გვერდში და ეს არც წელს იქნება გამონაკლისი. დარწმუნებული ვარ, რომ ჩვენ ერთად გავიმარჯვებთ, გავერთიანდებით ჩვენი ქვეყნისა და ხელვაჩაურის წარმატებისთვის. - თორნიკე რიჟვაძე ხელვაჩაურის მუნიციპალიტეტში, ადგილობრივი თვითმმართველობის არჩევნებში მერობის კანდიდატად დასახელება დიდი გამოწვევა და პასუხისმგებლობაა. ემსახურო ასეთ მშრომელ და პატრიოტ ხალხს, ემსახურო უნიკალური ბუნების მქონე მუნიციპალიტეტს, ჩემთვის, როგორც ხელვაჩაურელისთვის, დიდი პატივია. მადლობა „ქართული ოცნების“ გუნდს, რომ მომცა ეს შესაძლებლობა. გარწმუნებთ, არც ჩემს პოლიტიკურ გუნდს და არც ჩემს მოსახლეობას იმედებს არ გაგიცრუებთ. მთელ ჩემს გამოცდილებას, ცოდნას და ენერგიას მოვახმარ, რომ ჩვენი მუნიციპალიტეტი წინ წავიდეს, უფრო გალამაზდეს და გაჯანსაღდეს, გაძლიერდეს ეკონომიურად. - ზაზა დიასამიძე

14 აგვისტო, 2021

წლების განმავლობაში ჩვენ ძალიან მნიშვნელოვანი პროექტები განვახორციელეთ, მათ შორის, საგარეჯოში. განხორციელდა ძალიან ბევრი პროექტი, რომელიც ეხება გზების მოწესრიგებას, წყლის პროექტს, ვიცი, რომ გამოწვევად რჩება რამდენიმე სოფელში წყლის პრობლემა. ჩვენ ამაზე ვმუშაობთ და 2-3 წელიწადში დასრულდება ეს პროექტი დ 2023 წლისთვის სრულად იქნება უზრუნველყოფილი წყლით საგარეჯო და საგარეჯოს სოფლები. - ირაკლი ღარიბაშვილი ბოლო ორი დღის განმავლობაში, ჩვენ ვსტუმრობთ კახეთს, წარმოვადგენთ ყველა განხორციელებულ პროექტს და სიამაყით ვიმეორებთ, თუ რა გაკეთდა, რადგან გაკეთდა ბევრი რამ , რაც მოსახლეოებისთვის ნამდვილად ხელშესახებია - ეს იგრძნობა და ჩანს. ყველაფერი იდეალურად არ არის, ბევრია სამუშაო, ახალი პროექტებია დასაწყები და განსახორციელებელი. ჩვენ გვაქვს მიზანი და გვაქვს გეგმა ყველა მიმართულებით, თუ როგორ უნდა გავაგრძელოთ ამ ქვეყნის განვითარება. რეგიონში ბევრი პროექტია განხორციელებული - ინფრასტრუქტურული პროექტები, მათ შორის, ჩქაროსნული გზის პროექტი, ასევე, საგარეჯო-უდაბნო-დავით გარეჯის რეაბილიტაციის პროექტები, რაც უზრუნველყოფს, რომ კიდევ უფრო კომფორტული გახდეს დავით გარეჯის ულამაზესი მონასტრის მონახულება. - კახა კუჭავა მინდა ხაზი გავუსვა პროფესიული განათლების მნიშვნელობას, რომელიც ჩვენს სფეროში ასევე სტრატეგიული პრიორიტეტია. ჩვენი მიზანია, რომ საქართველოს ყველა რეგიონში აღმოცენდეს რამდენიმე კოლეჯი, რომელიც მორგებული იქნება იმ კონკრეტული რეგიონის ინტერესებსა და საჭიროებებზე. მათ შორის,აქვე მინდა გითხრათ, რომ საგარეჯოში აუცილებლად იქნება ახალი, თანამედროვე პროფესიული სასწავლებელი, რომელიც მოერგება საგარეჯოს საჭიროებებს. - მიხეილ ჩხენკელი #განვითარებაყველარეგიონს

14 აგვისტო, 2021

არჩევნებს რაც შეეხება - ძალიან მნიშვნელოვანია მოახლოებული არჩევნები. თვითმმართველობის არჩევნებისთვის ჩვენ სრული მობილიზება გვაქვს გამოცხადებული. ისევე როგორ ჩვენ, თქვენთან ერთად, თქვენი მხარდაჭერით ძვირფასო გურჯაანელებო, გავიმარჯვეთ შვიდ არჩევნებში, გავიმარჯვებთ მერვე არჩევნებშიც და გავაგრძელებთ ჩვენი ქვეყნის წინსვლას და განვითარებას. ველისციხის პროექტზე მინდა ასევე აღვნიშნო - აღნიშნული პროექტით ჩვენ კიდევ უფრო მეტად გავაცოცხლებთ ამ რეგიონს. შეიქმნება ერთ-ერთი მართლაც გამორჩეული ტურისტული ადგილი. ველისციხეში 30 მილიონი ლარის ინვესტიციას ვგეგმავთ, დაწყებული გვაქვს ამაზე მუშაობა და სამაგალითო ადგილი გახდება ველისციხე. - ირაკლი ღარიბაშვილი ტექნოპარკი რეგიონში ორია და მათ შორის, ერთ-ერთი არის გურჯაანში. ეს არის ცენტრი, სადაც ახალგაზრდობა იკრიბება და შეუძლიათ, საკუთარი მიდგომები და ინოვატორული იდეები, პროექტები განახორციელონ, წვლილი შეიტანონ რეგიონის განვითარებაში.მოხარული ვარ, რომ გურჯაანის მაჟორიტარის ინიციატივით, გურჯაანში იქნება ცნობილი კულინარიის უნივერსიტეტი, სადაც ამ მიმართულებით დაინტერესებული ადამიანები ცოდნის მიღებას შეძლებენ.მადლობა ყველას, ვინც ჩართულია ამ რეგიონის, ამ მუნიციპალიტეტის განვითარებაში და წარმატებას ვუსურვებ ახალ კანდიდატს. ის არის ექიმი, რაც ნიშნავს, რომ იგი იზრუნებს თითოეულ ადამიანზე. - კახა კუჭავა ჩემთვის დიდი პატივია  თქვენს წინაშე, კიდევ ერთხელ, გამოსვლა და იმ პროექტებზე საუბარი, რომელიც გურჯაანში ხორციელდება, რომელიც  თითოეული თქვენგანის დამსახურებაა. არ შემიძლია, არ აღვნიშნო ახალგაზრდული საბჭოს წევრები, რომლებიც აქ შეგვეგებნენ და სწორედ ისინი არიან გურჯაანის მომავალი. მათი დამსახურებით შევძელით,  რომ გურჯაანში  რეგიონული ტექნოპარკი გაკეთდა, ამ პროექტს ჰქონდა დიდი მხარდაჭერა პრემიერის და „ქართული ოცნების“ მხრიდან.  აქვე მინდა, აღვნიშნო ველისციხის პროექტი. ეს იქნება ერთ-ერთი მიზიდულობის ცენტრი და იმ ისტორიის გახსენება, რომელიც ველისციხეს ტრადიციულად მოყვება. - დავით სონღულაშვილი „ქართული ოცნების“ ხელისუფლებაში ყოფნა ნიშნავს ბევრ რამეს, მაგრამ ერთ-ერთი გამორჩეული, რაც ჩვენს გუნდს ახასიათებს, ეს არის სოფლის მეურნეობის პრიორიტეტულად გამოცხადება და რა თქმა უნდა, გურჯაანი არის გამორჩეული მუნიციპალიტეტი სოფლის მეურნეობის კუთხით. არის გეგმები, რომელიც გაწერილია ბიუჯეტით და აუცილებლად შესრულდება. განსხვავებით იმ დაპირებებისგან, რომელსაც ხშირად ოპონენტები მიმართავენ, რადგან ხშირ შემთხვევაში ეს საფუძველს მოკლებულია და დიდწილად უტოპიური.​ამიტომ, ჩვენ თქვენთან ერთად სოფლის მეურნეობაში შეგვიძლია მივაღწიოთ მეტს, ვიდრე მივაღწიეთ. შედეგები, მართლაც თვალსაჩინოა, ამაზე საქართველოს პრემიერ-მინისტრი საუბრობდა. - ლევან დავითაშვილიმჯერა, რომ ჩვენ არა მარტო თვითმმართველობის არჩევნებში გავიმარჯვებთ, არამედ ერთად შევძლებთ გურჯაანი გადავაქციოთ წარმატებულ, პატარა, ლამაზ ევროპულ ქალაქად, რომელიც იქნება მიმზიდველი მსოფლიოს ნებისმიერ კუთხეში მყოფი ტურისტისთვის. მჯერა, რომ ჩვენ ერთად აუცილებლად გავიმარჯვებთ! - ზურაბ უტიაშვილი  #განვითარებაყველარეგიონს

13 აგვისტო, 2021

მინდა აღვნიშნო, რომ განახლებული რეგიონების პროექტის ფარგლებში ჩვენ ვიწყებთ ცნობილი შვიდი ბორცვის პროექტის განხორციელებას წელსვე. ასევე დამატებითი თანხები გამოიყოფა იმისთვის, რომ დამატებითი ცენტრების მოწყობა შევძლოთ. მე ვიცი, რომ თელავში ერთ-ერთი მთავარი პრობლემა ბოლო წლების განმავლობაში, სამწუხაროდ, არის წყალმომარაგება. არ ვიცი, მართლაც არ მაქვს კითხვაზე პასუხი, რატომ არ იყო მანამდე ეს საკითხი მოგვარებული. ბოლო წლების განმავლობაში ვიცი, რომ ეს საკითხი მწვავედ დგას. ცენტრალური მთავრობის მხრიდან ეს საკითხი საჭიროებდა უფრო მეტ აქტიურ ჩარევას და გადაწყვეტილების მიღებას, მაგრამ მე გპირდებით, რომ ჩვენ წელსვე დავიწყებთ ამ პროექტს და თელავს ძალიან მალე ექნება 24 საათიანი წყალმომარაგება. - ირაკლი ღარიბაშვილი თელავის საერთაშორისო ჩოგბურთის ტურნირმა უკვე სახელი დაიმკვიდრა მსოფლიოში. აქ აშენდა ბრწყინვალე, საერთაშორისო სტანდარტების რაგბის მოედანი, უნივერსიტეტი, სადაც მეც მომეცა ბედნიერება, რამდენიმე საჯარო ლექცია წამეკითხა, ვაჟა-ფშაველას სახელობის თეატრი, სადაც ბრწყინვალე წარმოდგენები იმართება. ყველანაირი საფუძველი გვაქვს იმისათვის, რომ თელავი გავხადოთ არა მხოლოდ შიდა, არამედ გარე ტურიზმისთვის ერთ-ერთი მთავარი ცენტრი. ჩვენ გვყავს მერობის ძლიერი კანდიდატი, ძლიერი გუნდი საკრებულოში და დარწმუნებული ვარ, პირველივე ტურში, 2 ოქტომბერს, ერთმანეთს მივულოცავთ გამარჯვებას. თელავი გაიმარჯვებს. - კახა კუჭავა ჩემი მიზანია ერთად ვისაუბროთ, ერთად ვიზრუნოთ მომავალზე, თელავზე, უშუალოდ მუნიციპალიტეტზე, რომელიც უნდა იყოს მიმზიდველი არა მარტო მისი მაცხოვრებლებისთვის, არამედ მთლიანად საქართველოს მოსახლეობისთვის და ჩამოსული სტუმრებისთვის. ჩემი გამარჯვების შემთხვევაში, მექნება ხშირი კომუნიკაცია მუნიციპალიტეტის მაცხოვრებლებთან და უშუალოდ იმ ადამიანებთან, ვისაც გული შესტკივა მუნიციპალიტეტის განვითარებაზე და მის მომავალ დღეზე. ჩვენ უნდა გავაცნობიეროთ, რამდენად ღირსეული შენამატი შეგვიძლია მივიღოთ საქართველოს ევროინტეგრაციის შეუქცევადი პროცესისგან, რომლითაც ჩვენ შეგვიძლია უამრავი ქმედითი ნაბიჯი გადავდგათ კიდევ უამრავი გამოწვევის წინაშე. - ლევან ანდრიაშვილი #განვითარებაყველარეგიონს

13 აგვისტო, 2021

ჩვენ მერებს ვარჩევთ განსაკუთრებული ყურადღებით. მერი და ყველა ხელისუფალი უნდა ემსახურებოდეს ხალხს, იმიტომ, რომ ჩვენ ვართ ხალხის არჩეულები, ხალხის დანიშნულები და მსახურები, გარკვეული ვადით. შესაბამისად, მერისადმი ჩვენი დავალება იქნება მაქსიმალური ყურადღება. მერი უნდა შევიდეს თითოეულ ოჯახში, თითოეულ სოფელში. ადგილზე უნდა გადაუწყვიტოს თითოეული პრობლემა, რომელიც ამა თუ იმ ოჯახს შეიძლება ჰქონდეს. ჩვენ, ცენტრალური ხელისუფლება პასუხისმგებლობას ვიღებთ, რომ მაქსიმალურ მხარდაჭერას აღმოვუჩენთ ადგილობრივ ხელისუფლებას, გავუზრდით ბიუჯეტს, წამოვა დამატებითი ფინანსური რესურსები იმისთვის, რომ კიდევ უფრო მეტი პროგრამა დავაფინანსოთ. ყველა შენობას, ყველა ქუჩას უნდა ჩავუტაროთ რეაბილიტაცია, მეტი სკოლა და საბავშვო ბაღები ავაშენოთ და მეტი სამუშაო ადგილი შევქმნათ. - ირაკლი ღარიბაშვილი გვაქვს ამბიციური, გრძელვადიანი გეგმა. პრემიერის ინიციატივით შექმნილია რეგიონებისთვის განსაზღვრული შესაბამისი პროგრამები, რომლებიც აუცილებელია, რომ შესრულდეს ისე, როგორც დაგეგმილია. სწორედ ამიტომ, ჩვენ გვჭირდება ძლიერი მერი და ძლიერი საკრებულო - მოგიწოდებთ ყველას აქტიურობისკენ, მხარი დავუჭიროთ კანდიდატს, რომელსაც, დარწმუნებული ვარ, ალტერნატივა არ ჰყავს ახმეტაში. - კახა კუჭავა ძალიან დიდი იმედი გვაქვს რომ ბატონ ალექსისთან ყოველდღიურ რეჟიმში გავაგრძელებთ თანამშრომლობას კიდევ უფრო ინტენსიურად, კიდევ უფრო აქტიურად, იმისთვის რომ პოტენციალი, რომელიც ამ რეგიონს აქვს ავითვისოთ და ჩვენ ვხედავდეთ ულამაზეს ლანდშაფტს, გზაზე რომელიც ჯერ კიდევ აუთვისებელია და ეს უნდა აითვისოს ახმეტის ადგილობრივმა მოსახლეობამ. - ლევან დავითაშვილი ადგილობრივი თვითმმართველობის არჩევნები თავისი არსით ძალიან მნიშვნელოვანია. ახმეტელები პირდაპირ ვირჩევთ მერს, რომელმაც მუნიციპალიტეტის განვითარებაზე უნდა იზრუნოს და ცენტრალურ ხელისუფლებას აქტიურად ეთანამშრომლოს, რათა რაც შეიძლება მეტი რესურსი გვქონდეს იმისთვის, რომ თავად გადავჭრათ ის პრობლემები, რომლის წინაშეც ჩვენი მუნიციპალიტეტი და ჩვენი ხალხი იმყოფება. მე მჯერა, რომ ჩვენი მოსახლეობა სწორ არჩევანს გააკეთებს, გამოგვიცხადებს ნდობას, მე და ჩვენს პოლიტიკურ გუნდსაც და შედეგიანი და დასამახსოვრებელი იყოს მომავალი 4 წლიანი თვითმმართველობა ჩვენი მოსახლეობისთვის და ჩვენი ყველა კეთილისმსურველისთვის, რათა ერთად შევქმნათ ახმეტის ახალი და წარმატებული მომავალი. - ალექსი ფიცხელაური #განვითარებაყველარეგიონს

13 აგვისტო, 2021

როდესაც მოვდიოდი, ვუყურებდი, მთელი ნაკვეთები დამუშავებულია. ჩანს, როგორი მშრომელი ხალხი ცხოვრობს ლაგოდეხის მუნიციპალიტეტში და ამისთვის მინდა მადლობა ვუთხრა ჩვენს ხალხს. ამიტომ, ამ მშრომელ ხალხს სჭირდება მხარდაჭერა მთავრობისგან, მერისგან, მუნიციპალიტეტისგან და ჩვენი საზრუნავი სწორედ ეს უნდა იყოს. დღეს წარმოგიდგენთ ჩვენს კანდიდატს, ეს არის მოქმედი მერი, ბატონი ჯონდო მდივნიშვილი. კაცი, რომელიც არის ენერგიული, მოტივირებული, საქმეზე ორიენტირებული და საქმის კაცი და სხვათაშორის, კრეატიული, თავისი ნიჭიერებით ყოველთვის ძალიან ბევრს აკეთებს. - ირაკლი ღარიბაშვილი სხვადასხვა დროს, რამდენიმე ოჯახურ სასტუმროში გავჩერებულვარ და ვხედავდი, რომ ყოველ წელს მომსახურების მრავალფეროვნება იზრდებოდა. ეს არ არის საკმარისი, გაცილებით დიდი პოტენციალი აქვს ლაგოდეხის მუნიციპალიტეტს. მეტი შესაძლებლობა უნდა შევქმნათ, ამიტომ ჩვენი გუნდის მოლოდინია, რომ მერი და საკრებულო უფრო მეტად იაქტიურებს მოსახლეობასთან, ბრწყინვალე ახალგაზრდებთან, რომლებთანაც მეც მქონია შეხება. - კახა კუჭავა მე ჩემს გუნდთან ერთად, ჩვენი მუნიციპალიტეტის მოსახლეობის ამომრჩევლების მხარდაჭერის შემთხვევაში მზად ვარ ავიღო პასუხისმგებლობა და შემდეგი ოთხი წლის განმავლობაში, კიდევ ერთად, ჩვენ ყველამ ვიზრუნოთ ჩვენი მუნიციპალიტეტის განვითარებისათვის. იმისათვის, რომ მუნიციპალიტეტი იყოს საუკეთესო ადგილი ცხოვრებისა და დასვენებისათვის. მინდა გითხრათ გულწრფელად, რომ მერობა, ან რომელიმე თანამდებობა ჩემთვის არასოდეს არ ყოფილა თვითმიზანი, ეს არის რეალურად შესაძლებლობა ემსახურო საკუთარ მუნიციპალიტეტს და საყვარელ ხალხს. - ჯონდო მდივნიშვილი #განვითარებაყველარეგიონს

13 აგვისტო, 2021

ჩვენი ოპონენტები და მათთან დაკავშირებული მედიის წარმომადგენლები ხშირად სპეკულირებენ ჩვენი პარტიის ე.წ. შიდა კვლევებით და ავრცელებენ სხვადასხვა სახის ინფორმაციას მათი შედეგების შესახებ.საზოგადოებას მოვახსენებთ, რომ პარტიაში 2020 წლიდან შექმნილია სოციოლოგიური კვლევების ჯგუფი, რომელიც პროფესიონალური მეთოდოლოგიის შესაბამისად, თბილისსა და სხვა ქალაქებში ატარებს კვლევებს და ადგენს პოლიტიკური პარტიებისა და კანდიდატების რეიტინგებს.2020 წლის მონაცემებმა დაადასტურა, რომ ამ კვლევებს მაღალი სიზუსტით შეუძლია არჩევნების შედეგების პროგნოზირება.დღეს საზოგადოებას წარვუდგენთ ჩვენს მიერ თბილისში ჩატარებული სოციოლოგიური კვლევების შედეგებს.სოციოლოგიური კვლევა ჩატარდა ამა წლის 2-8 აგვისტოს, პირისპირი ინტერვიუს მეთოდით, გამოიკითხა 3446 რესპოდენტი, საიდანაც ფავორიტი პარტია დაასახელა 2728 რესპოდენტმა, ანუ გამოკითხულთა 79,2 პროცენტმა. ცდომილების ზღვარი შეადგენს 2,2 პროცენტს.წარმოგიდგენთ გამოკითხვის შეწონილ მონაცემებს.პირველ რიგში, რაც შეეხება თბილისის მერობის კანდიდატებს. კვლევის თანახმად, არჩევნებში მხოლოდ ორმა კანდიდატმა - კახა კალაძემ და ნიკანორ მელიამ რომ მიიღონ მონაწილეობა, ხმები კანდიდატებს შორის შემდეგი სახით განაწილდებოდა: • კახა კალაძე - 66,2 პროცენტი• ნიკანორ მელია - 33,8 პროცენტიაღნიშნული ციფრები ცხადყოფს, რომ კახა კალაძეს პირველივე ტურში შეუძლია არჩევნების დამაჯერებლად მოგება.ასევე წარმოგიდგენთ პარტიული რეიტინგების შეწონილ მონაცემებს: ქართული ოცნება 46,3ნაციონალური მოძრაობა 23,3გირჩი - მეტი თავისუფლება 5,3საქართველოსთვის 5,2მოქალაქეები 3,3სტრატეგია აღმაშენებელი 2,3ლელო 2,3პატრიოტთა ალიანსი 2,1ევროპული საქართველო 1,4გირჩი 1,2ლეიბორისტული პარტია 0,9ერთიანი საქართველო 0,8სხვა პარტიები 5,6 შეგახსენებთ, რომ 2020 წლის საპარლამენტო არჩევნებში „ქართულმა ოცნებამ“ თბილისში ამომრჩეველთა ხმების 41,8 პროცენტი მიიღო. შესაბამისად, კვლევა გვიჩვენებს, რომ უკანასკნელ პერიოდში ჩვენი პარტიის რეიტინგი დედაქალაქში რამდენიმე პროცენტით გაიზარდა. აქედან გამომდინარე, ჩვენი ვარაუდი, რომ ქვეყნის მასშტაბით ამომრჩეველთა ხმების 50 პროცენტზე მეტი შეგვიძლია მივიღოთ, სავსებით საფუძვლიანია.საზოგადოებას გვინდა განვუმარტოთ, რომ თბილისის საკრებულოს არჩევნები კვლევით ნაჩვენები შედეგით რომ დასრულდეს, საკრებულოს წევრთა მანდატები პროპორციული წესით პარტიებზე შემდეგი სახით განაწილდებოდა:• ქართული ოცნება - 22 მანდატი• ნაციონალური მოძრაობა - 11 მანდატი• გირჩი - მეტი თავისუფლება - 3 მანდატი• საქართველოსთვის - 2 მანდატი• მოქალაქეები - 2 მანდატიმაღალი პარტიული რეიტინგის პირობებში, მოსალოდნელია, რომ „ქართული ოცნება“ მოიგებს არჩევნებს ათივე მაჟორიტარულ საარჩევნო ოლქში თბილისში, შესაბამისად, კვლევის თანახმად, კახა კალაძის გუნდი საკრებულოში ძლიერი და სტაბილური უმრავლესობით, კერძოდ, 50 წევრიდან 32 წევრით იქნებოდა წარმოდგენილი. როგორც მოგეხსენებათ, საკრებულოში სტაბილური უმრავლესობა არის იმის აუცილებელი პირობა, რომ კახა კალაძემ შეუფერხებლად განაგრძოს 4 წლის წინ დაწყებული საქმე და დაბრკოლების გარეშე იზრუნოს ქალაქის განვითარებაზე.შეჯამების სახით, აღვნიშნავთ, რომ კვლევის შედეგები გვაძლევს ოპტიმიზმის საფუძველს, დანარჩენი დამოკიდებულია ჩვენი თანამოქალაქეების აქტიურობაზე. გვჯერა, რომ კახა კალაძისა და საკრებულოში მისი გუნდის გამარჯვება ნიშნავს თბილისის გამარჯვებას და დარწმუნებული ვართ ამ გამარჯვებაში.

11 აგვისტო, 2021

მოგესალმებით მეგობრებო, ძვირფასო სტუმრებო, დამსწრე საზოგადოებავ.მივესალმები საქართველოს პრემიერ-მინისტრს და საქართველოს პარლამენტის თავმჯდომარეს.ჩემთვის დღეს განსაკუთრებული დღეა, დღე, როდესაც ჩემი ქალაქის მუნიციპალიტეტში, სხვადასხვა პოზიციაზე, ათზე მეტი წლის მუშაობის შემდეგ, ჩემმა გუნდმა გარდაბნის მერობის კანდიდატად დამასახელა!უკვე წლებია, რაც გარდაბნის და აქ მცხოვრები ადამიანების პრობლემების მოგვარება, მათი გაჭირვებისა თუ სიხარულის გაზიარება ჩემი ცხოვრების და ყოველდღიურობის განუყოფელი ნაწილია.ამბიციურობაში ნუ ჩამომართმევთ, მაგრამ თამამად ვიტყვი, რომ ზედმიწევნით ვიცნობ ჩვენი ქალაქის, აქ მცხოვრები ადამიანების წინაშე არსებულ გამოწვევებს და ჩემს გამოცდილ გუნდთან ერთად მაქვს კონკრეტული, ზუსტი ხედვა, თუ როგორ შეიძლება მათი დაძლევა.თამამად ვიტყვი იმასაც, რომ ჩემი ქალაქის სამსახურში ყოფნის პერიოდში კარგად გამიცნო გარდაბნის მოსახლეობამაც. მჯერა, მათ კარგად იციან, რომ არასდროს, არცერთ ვითარებაში, არანაირი სირთულის წინაშე არცერთ მათგანს მარტოს არასდროს დატოვებ და ყოველთვის მათ გვერდში ვიდგები როგორც პერსონალურად, ისე, გარდაბნელების მხარდაჭერის შემთხვევაში - როგორც ჩვენი ქალაქის მომავალი მერი.დარწმუნებული ვარ, ერთად დგომით, ერთობლივი, შეთანხმებული ნაბიჯებითა და დროული გადაწყვეტილებებით შევძლებთ, რომ მომავალი 4 წლის განმავლობაში ჩვენი ქალაქი ბევრად უფრო კომფორტული, განვითარებული და ეკონომიკურად წარმატებული გავხადოთ, ვიდრე დღესაა.გარდაბნის მერიაში მოსვლის პირველივე დღიდან ვგრძნობდი ჩვენი მოსახლეობის მტკიცე მხარდაჭერას და მწამს, რომ თვითმმართველობის მომავალ არჩევნებზე, ერთად აუცილებლად გავიმარჯვებთ!

11 აგვისტო, 2021

როდესაც გარდაბანზე ვსაუბრობთ, პირველ რიგში გვახსენდება გარდაბნის თბოელექტროსადგური, რომელიც უდიდეს როლს ასრულებს ქვეყნის ენერგეტიკული სექტორის განვითარებისთვის, ენერგოდამოუკიდებლობისთვის. ამ რამდენიმე დღეში, ჩვენ მოვიარეთ ქვემო ქართლი, რომელიც ნამდვილად გამორჩეულია სოფლის მეურნეობით, იმ პროდუქციით, რომელიც აქ იქმნება და იმ დოვლათით, რომელსაც ქმნიან ოჯახები საქართველოსთვის - გარდაბანი მათ შორის გამორჩეულია.აქაური პროდუქტი გამოირჩევა ხარისხით და არა მხოლოდ საქართველოში. გარდაბნის მოსახლეობა ეთნიკურად ძალიან მდიდარია. აქ ცხოვრობს შრომისმოყვარე ხალხი და აუცილებელია, სრულიად გამოვიყენოთ ის პოტენციალი, რომელიც არის. რომელიც არის არა მარტო აქ, არამედ თითოეულ მუნიციპალიტეტში. ხორციელდება არაერთი სახელმწიფო პროგრამა, სოფლის მეურნეობის მიმართულებით, თუმცა არის ბევრი სხვა სახელმწიფო პროგრამა და დაფინანსება, რომელიც საშუალებას მოგცემთ, სრულიად გამოიყენოთ ის პოტენციალი და შესაძლებლობები, რომელიც ამ მუნიციპალიტეტში გაგაჩნიათ.მთავარი მიზანი, რაც უნდა ჰქონდეს მერს არის თქვენთან კომუნიკაცია, ახალგაზრდობის ჩართულობა, გადაწყვეტილების მიღებაში ადგილობრივების მაქსიმალური ჩართულობის უზრუნველყოფა და რაც ყველაზე მთავარია, მუნიციპალიტეტისთვის საჭირო სტრატეგიული გადაწყვეტილებების მიღება.ეს არ უნდა ეხებოდეს მხოლოდ სოფლის მეურნეობას, ამ მუნიციპალიტეტს გაცილებით დიდი პოტენციალი აქვს. დაახლოებით ორი თვის წინ ჩვენ იუსტიციის სახლი გავხსენით და დღეს უკვე გარდაბანში შესაძლებელია ყველა საჯარო სერვისის მიღება. ამ კუთხით კიდევ უფრო გავაუმჯობესებთ ხელმისაწვდომობას ყველა იმ სერვისზე, რომელიც ადგილობრივ მოსახლეობას სჭირდება. ჩვენი გამარჯვებაში დარწმუნებულები ვართ, თუმცა, აუცილებელია თქვენი აქტიურობა.

11 აგვისტო, 2021

მე მინდა, პირველ რიგში, ჩემი გამოსვლა მადლობით დავიწყო. მადლობას მოგახსენებთ მობრძანებისთვის, მხარდაჭერისა და ერთგულებისთვის ჩვენი გუნდისადმი, ჩვენი ოჯახისადმი, ჩვენი პარტიისადმი, რომელიც მართლაც ჩვენი ოჯახია და მივყვებით ქვეყნის განვითარებას.ბოლო 7 არჩევნებში გამარჯვება არის ძალიან საპატიო, საამაყო, მაგრამ ძალიან საპასუხისმგებლო, მძიმე ჯვარი, რომელიც ჩვენ გვაკისრია. მართო შენი ქვეყანა და შენი ხალხი გაიყვანო სამშვიდობოს, საჭიროებს ერთობას, დიდ ძალისხმევას, ქვეყნის საქმის გაკეთებას და რაც მთავარია - მშვიდობას და სტაბილურობას. მე ყოველთვის ვიმეორებ ამ სიტყვებს - მშვიდობა, სტაბილურობა და განვითარება. ეს სამი ძლიერი სიტყვა არის აუცილებელი ჩვენი ქვეყნისთვის, მითუმეტეს, ჩვენ, ქართველებმა ძალიან კარგად ვიცით მშვიდობის ფასიც, სტაბილურობის ფასიც და ვიცით ომის ფასიც - ომის, არეულობის, ქაოსის, დესტაბილიზაციის. ომის და ქაოსის, რევოლუციების დრო დასრულდა ჩვენს ქვეყანაში მეგობრებო - ამის დრო არასოდეს უნდა განმეორდეს. ამის გარანტი არის ჩვენი „ქართული ოცნება“ ჩვენი ძლიერი გუნდი.ჩვენ შევიკრიბეთ აქ, კიდევ ერთხელ მინდა მოკლედ შევეხო საკითხებს, რომელიც ამ მუნიციპალიტეტს აწუხებს. ძალიან ბევრი რამ გაკეთდა მაგრამ ბევრია გასაკეთებელი. ჩვენ ვმუშაობთ გეგმებზე, შემუშავებული გვაქვს გრძელვადიანი განვითარების ხედვაც თითოეული რეგიონის, მუნიციპალიტეტის, ქალაქის და სოფლის დონეზე უნდა ჩავშალოთ ეს გეგმები. ვიცით, რა უნდა გავაკეთოთ სოფლის მეურნეობაში, ინფრასტრუქტურის მიმართულებით, რეგიონების განვითარებას რა სჭირდება, რა სჭირდება გარდაბანს. ვიცი, რომ ერთ-ერთი მთავარი გამოწვევა გაზიფიცირების საკითხი იყო. წყალმომარაგების საკითხებია ძალიან მნიშვნელოვანი. წყლით მომარაგების საკითხი არის ჩვენი ქვეყნის ერთ-ერთი მთავარი გამოწვევა. პარადოქსია, რომ საქართველო ერთ-ერთი ყველაზე მდიდარია სულ მოსახლეზე წყლის რესურსებით, ამ დროს ხარისხიანი წყალი არ აქვს დაახლოებით 3000-ზე მეტ სოფელს. ეს არის რეალური პრობლემა, რომელიც ჩვენ დავისახეთ, რომ მოვაგვაროთ 2025 წლისთვის ყველა ქალაქს ექნება 24 საათიანი წყალმომარაგება და წლების მიხედვით, 2030 წამდე გვაქვს გაწერილი გეგმა, ყველა სოფელი, 3000-ვე სოფელი იქნება მომარაგებული ხარისხიანი წყლით.ხარისხზე მინდა ასევე აღვნიშნო, რომ ჩვენს მოსახლეობას სჭირდება ყველაფერი ხარისხიანი - ხარისხიანი განათლება, ჯანდაცვა. ხელმისაწვდომობა იქნება ერთ-ერთი მთავარი გამოწვევა და ახლა უნდა გადავიდეთ ხარისხზე. ამ კონტექსტში უნდა ვთქვა, რომ ჩვენ დავიწყეთ ევროპული ტიპის ურბანული განახლების პროექტების შემუშავება და ყველგან დავიწყეთ სამუშაოები. უნდა დავიწყოთ მუნიციპალური ცენტებით და გადავიდეთ პერიფერიებში. ყველა მუნიციპალიტეტი უნდა ვაქციოთ ევროპული ტიპის მუნიციპალიტეტად, ქალაქად. ეს უნდა იყოს ჩვენი საზრუნავი მომდევნო წლების განმავლობაში. ეს დავალება უნდა იყოს ახალი მერის, რომელმაც 24 საათის განმავლობაში უნდა იმუშაოს, იშრომოს ჩვენი ხალხისთვის.მე წინა გამოსვლაზე ვთქვი და მინდა გავიმეორო, რომ იქნება ეს მერი, გამგებელი, საკრებულოს თავმჯდომარე, რწმუნებული, პრემიერ-მინისტრი, მინისტრი, პარლამენტის თავმჯდომარე თუ პარლამენტის წევრი, ჩვენ ყველა ამ სულისკვეთებით ვართ, რომ უნდა გავაკეთოთ ყველაფერი იმისთვის, რომ მოსახლეობას შევუმსუბუქოთ ყოფა. პრობლემები, რაც აქვთ, ყველაფერი გადავუწყვიტოთ ძალიან მოკლედ. ეს უნდა იყოს ჩვენი მთავარი საზრუნავი და დავალება. ასევე, მინდა ვისარგებლო შემთხვევით და კიდევ ერთხელ, აცრის მნიშვნელობაზე გითხრათ. ჩვენ ეხლა ვუსმენთ მეცნიერებს და შემდეგნაირი სურათია გამოკვეთილი, რომ ჩვენ გვინდა- არ გვინდა, ეს ზედმეტი სიჯიუტეც არაფერს არ გვარგებს. ყველა უნდა ავიცრათ, მეგობრებო. ეს არის ჩვენი უმორჩილესი თხოვნა, მეცნიერების რჩევა, რეკომენდაცია, მოწოდებაც იმიტომ, რომ აცრის გარდა, სხვა რეცეპტი, რესურსი, სხვა არავითარი გამოსავალი არც მთავრობას, არც მსოფლიოს მთავრობებს, არავის არ აქვს. ერთადერთი გამოსავალი არის აცრა და ხარისხიანი ვაქცინების შეთავაზება, რომელიც შეუძლია მთავრობას. ამას უნდა მივაქციოთ ყურადღება. ისე მიდის საქმე და ზოგადად ვუსმენთ რა ჩვენ მსოფლიო ჯანდაცვის ორგანიზაციის წარმომადგენლებს, ექიმებს და მეცნიერებს, შესაძლოა აცრა ან ამის განმეორება ადამიანს დასჭირდეს ყოველ წელს, სანამ ბოლომდე არ დაითრგუნება ეს ვირუსი, რომელიც ძალიან ვერაგი ვირუსია, ვთქვათ ასე, რომელმაც მთელი მსოფლიოს მასშტაბით ძალიან ბევრი ადამიანი შეიწირა. მილიონობით ადამიანზეა საუბარი. მესმის, რომ ძალიან რთული საკითხია. ერთის მხრივ, ჩვენ უნდა მივხედოთ ეკონომიკის განვითარებას, მოქალაქეები შიმშილით არ უნდა გარდაიცვალონ და რაც მთავარია, ჩვენ უნდა ვიფიქროთ ჩვენი მოქალაქეების ჯანმრთელობაზე. ყველა თანხმდება და ეს აპრობირებულია უკვე, ყველამ გამოსცადა ყველანაირი მეთოდი, ჩაკეტვები, დაკეტვები- ყველაფერი, მაგრამ ყველა შეთანხმდა იმაზე, რომ აცრა ერთადერთი გამოსავალია. აცრილი მოქალაქე არ კვდება. ეს უნდა გავითავისოთ ყველამ და ყველა უნდა ავიცრათ. დავარწმუნოთ ჩვენი მოქალაქეები, ოჯახის წევრები, მეგობრები, ახლობლები, რომ ყველამ ჩავიტაროთ აცრა.ასევე მინდა ვთქვა, რა თქმა უნდა, ჩვენ გვესმის ძალიან კარგად, რომ თითოეული ადამიანის სიკვდილი არის ტრაგედია, ჩვენი ყველას დანაკარგია. დღეში ჩვენს ქვეყანაში, რამდენიმე შეიძლება ათეული და ასეული ადამიანი გარდაიცვალოს სხვადასხვა მიზეზის გამო, აქედან 20-30% არის კოვიდის გამო, რაც რა თქმა უნდა, ძალიან დიდი ტრაგედია, დანაკლისია, სამწუხარო ამბავია. ამის პრევენციისთვის აუცილებელია ვაქცინაციის ჩატარება.

11 აგვისტო, 2021

თეთრიწყაროს მერობის კანდიდატის - გიორგი წიკლაურის წარდგენა#განვითარებაყველარეგიონს