მე ჩემს არაერთ გამოსვლაში მითქვამს და მინდა გავიმეორო, რომ ყველა მერი და ზოგადად, მმართველი უნდა იყოს მსახური ხალხის. ჩვენ ვემსახურებით ჩვენს მოსახლეობას და ჩვენს ხალხს - ვემსახურებით საქართველოს. ამ სიტყვების თქმის შემდეგ მე მინდა წარმოგიდგინოთ ბათუმის მერობის კანდიდატი, ოფიცერი, კაცი, რომელიც მთელი თავისი გულით და გონებით ემსახურება თავის ქალაქ და თავის ქვეყანას - არჩილ ჩიქოვანი. - ირაკლი ღარიბაშვილი     უნდა აღინიშნოს, რომ ბათუმში ბევრი პროექტია დაგეგმილი - სპორტის სასახლე, რომელიც მალე დასრულდება, სკოლების რეაბილიტაცია, რომელიც წარმოუდგენლად დიდი ტემპით მიმდინარეობს. ყველაფერი ეს საბოლოო ჯამში ბათუმს წარმოაჩენს, როგორც ერთ-ერთ სამაგალითოს არა მხოლოდ საქართველოში, არამედ მთლიანად რეგიონში. იგი არის ტიპიური ევროპული ყაიდის ქალაქი, რომელმაც უნდა იამაყოს იმ განვითარებით, რაც აქვს, თუმცა, მე ვიცი როგორი მომთხოვნნი არიან ბათუმელები და დარწმუნებული ვარ, ჩვენ ამაზე არ შევჩერდებით. მერის კანდიდატი, რომელიც ერთი წელია მერის მოვალეობას ასრულებს თავის გუნდთან ერთად დარწმუნებული ვარ შეძლებს კიდევ უფრო დიდი შედეგების მიღწევას და ჩვენ ოთხი წლის მერე ვნახავთ რამდენი რამ შემატა „ქართული ოცნების“ გუნდმა, ახალმა მერმა ბათუმს. - კახა კუჭავა     ბათუმი და ბათუმელები არასოდეს ვღალატობთ პრინციპებს და ეს ქალაქი მართლაც არის ღირსების, თავისუფლების და კულტურის ქალაქი. დარწმუნებული ვარ, რომ ახლაც, თითოეული ბათუმელი, თითოეული გულშემატკივარი გვერდში დაუდგება ძალიან ღირსეულ მერს ამ ძალიან მნიშვნელოვანი ქალაქის და იმ გუნდს, რომელიც იქნება ამ ქალაქის უმრავლესობა ბათუმის საკრებულოში. ეს ადამიანები სწორედ ამ თვისებებს ატარებენ და როგორც ომის, ასევე მშვიდობის დროს ემსახურებოდნენ ამ ქვეყანას და აქვთ ძალიან დიდი გამოცდილება როგორც საჯარო სტრუქტურებში მუშაობის, ასევე ბათუმელების სამსახურის. ამიტომ, ერთი წამითაც არ მეპარება ეჭვი, რომ ჩვენ ძალიან დიდ გამარჯვებას ვიზეიმებთ და მინდა ყველას კიდევ ერთხელ გთხოვოთ, როგორც ძველ გვარდიას, ჩვენ გვესწრებიან ადამიანები, რომლებიც 2011 წლიდან ბატონ ბიძინა ივანიშვილს, ჩვენი პარტიის დამფუძნებელს დაუდგნენ გვერდში, რომ ეს ქვეყანა ყოფილიყო თავისუფალი, ეს ქალაქი ყოფილიყო თავისუფალი და თითოეულ ქართველს თავი ეგრძნო ღირსეულად ამ ქვეყანაში. - თორნიკე რიჟვაძე     ძალიან დიდი გამოწვევაა და ძალიან დიდი პასუხისმგებლობაა იყო იმ ქალაქის მერობის კანდიდატი, რომელმაც მოგვცა ყველაფერი, რაც ცხოვრებაში გაგაჩნია, მათ შორის სამსახურეობრივი კარიერა, სადაც აიდგი ფეხი და სადაც გაკავშირებს ყოველი დღე, ყოველი წამი იმ ხალხთან და ადამიანებთან, რომლებთანაც გატარებული და განვლილი გაქვს ძალიან დიდი გზა. ამისთვის მე მინდა მადლობა ვუთხრა „ქართული ოცნების“ ძალიან გამოცდილ, ძალიან ღირსეულ და მრავალ გამარჯვება ნანახ გუნდს იმისთვის, რომ მე ეს პატივი მხვდა წილად. ​ მრავალწლიანი, 17 წლიანი გამოცდილება საჯარო სამსახურში მუშაობის და ჩემს ქალაქთან დამოკიდებულება, განსაკუთრებით ბოლო 1 წლის განმავლობაში, მერიის საჯარო მოხელეთა ძალიან ძლიერ გუნდთან, მიღწეული შედეგები და ჩვენს თანამოქალაქეებთან ყოველდღიური ურთიერთობა და ყოველდღიური შედეგები, ის, რამაც განაპირობა, რომ ჩვენ დღეს გვაქვს უპრეცედენტო ბიუჯეტი და განვახორციელეთ ძალიან ბევრი პროექტი, ჩაყრილი აქვს ძალიან დიდ პროექტებს, როგორც სოციალური მიმართულებით, ასევე სხვადასხვა მიმართულებით. - არჩილ ჩიქოვანი

გასულ წელს პანდემია იყო. რა თქმა უნდა, მე ვიცი, რომ ძალიან რთული იყო ეს პერიოდი. ქვეყანა იყო ჩაკეტილი, ტურისტები არ შემოდიოდნენ და ზოგადად, დაკეტილი იყო სასტუმროები და ა.შ. ყველაფერი. ვიცი, რომ ძალიან გაუჭირდა ჩვენს ხალხს. წელს ეტაპობრივად დავიწყეთ გახსნები, დაახლოებით 5-6 თვის წინ, მოვხსენით რეგულაციები, რამაც, ჩვენს მიერ გადადგმული ნაბიჯების შედეგად, წაახალისა ეკონომიკის ზრდა. ჩვენ გვაქვს უპრეცედენტო ზრდა რეგიონში კი არა, მთელ მსოფლიოში. მე ვესაუბრები არაერთ ჩვენს კოლეგას, ვიცი რა ხდება ევროპაში, ზოგადად მსოფლიოში, როგორი ტენდენციებია. ასეთი ზრდა, რომელიც ჩვენს ქვეყანაშია, ორნიშნა ეკონომიკური ზრდა, არის მართლაც გამორჩეული, მაგრამ ამას სჭირდება შენარჩუნება. ამ გახსნებით და ზოგადად, ეკონომიკური განვითარების სწრაფი ტემპებით, ჩვენი მოსახლეობა დაუბრუნდა თავის სამუშაო ადგილებს. მე ვიცი, რომ ტურისტებით სავსე არის თითქმის ყველა სასტუმრო და ძალიან ბევრი ტურისტი არის შემოსული აჭარაში და მაგალითად ქობულეთში, კონკრეტულად ქობულეთზე რომ ვისაუბროთ, ძალიან ბევრი ადამიანი ისევ დაუბრუნდა თავის სასტუმროებს, რესტორნებს, გახსნეს თავიანთი კომერციული ობიექტები და ეს ყველაფერი ძალიან კარგია, იქმნება დოვლათი და კეთილდღეობა ჩვენი მოსახლეობის. რა თქმა უნდა, ეს აისახება ჩვენს მოქალაქეებზე. - ირაკლი ღარიბაშვილი ​რამდენიმე თვის წინ ვესტუმრე მაღლა, მთაში მიმდინარე მშენებლობას, სასტუმროს ულამაზესი კომპლექსი შენდება, რომელიც ზამთარ-ზაფხულ შეძლებს ტურისტებს უმასპინძლოს. სულ ახლახანს გაიხსნა ასევე შატო „კვირიკე“, რომელიც ჩემი აზრით, ერთ-ერთი გამორჩეული შატოა საქართველოს მასშტაბით. აქ არის ბრწყინვალე მევენახეობა, კივის პლანტაციები, რაც ყველაზე მთავარია, თბილი ხალხი, რომელიც ცდილობს უმაღლესი ხარისხის მომსახურება მიაწოდოს სტუმარს. აღარ ვსაუბრობთ სამრეწველო პოტენციალზე, რომელიც ამ რეგიონს გააჩნია. 35-40 ათასი ტონა ციტრუსი, რომელიც ექსპორტზე გავიდა, ნამდვილად შთამბეჭდავია. ასევე შთამბეჭდავია 30-მდე საწარმო, რომელიც მიღება-გადამუშავებას აწარმოებს. დარწმუნებული ვარ, კიდევ მეტი შეიძლება რისთვისაც აუცილებელია ძლიერი თვითმმართველობა - მერი, საკრებულო, რომელიც იზრუნებს, და ასევე ყოველთვის ისაუბრებს ადგილობრივ მოსახლეობასთან, იქნება მოწოდებული იმისთვის, რომ ისინი ჩართოს გადაწყვეტილების მიღების პროცესში, განსაკუთრებით ახალგაზრდები. ვისურვებდი, რომ ახალგაზრდებს ბოლომდე მიეცეთ შესაძლებლობების რეალიზების საშუალება. - კახა კუჭავა   მინდა განსაკუთრებით გავამახვილო ყურადღება ახალი სკოლების მშენებლობაზე და არსებული სკოლების სრულ რეაბილიტაციაზე. სააკაშვილის ხელისუფლების დროს სკოლებს ანგრევდნენ, მათგან განსხვავებით, ჩვენი გუნდი სკოლებს აშენებს, აკეთებს არსებული სკოლების სრულ რეაბილიტაციას, შესაბამისობაში მოჰყავს ევროპულ სტანდარტთან. ამისი მაგალითი მრავლად არის და ეს პროცესი, რასაკვირველია, გაგრძელდება, მათ შორის ქობულეთშიც. თქვენ გექნებათ ჭეშმარიტად ევროპული სტანდარტის შესაბამისი სკოლები, რაც უაღრესად მნიშვნელოვანია საგანმანათლებლო პროცესისთვის. - მიხეილ ჩხენკელი   წელს ქობულეთს აქვს მართლაც უპრეცედენტო ბიუჯეტი, რომლის ფარგლებშიც არა ერთი მნიშვნელოვანი პროექტი განხორციელდება როგორც ეკონომიკის გაძლიერების, ინფრასტრუქტურის, მშენებლობის, ასევე რაც ყველაზე მნიშვნელოვანია, ჯანდაცვის და სოციალური პროგრამების გაფართოების მიზნით. ჩვენ ყველას ერთად გვმართებს კიდევ უფრო მეტი პასუხისმგებლობა და დარწმუნებული ვარ ჩვენი მომავალი გუნდი, მომავალი მერი, საკრებულოს „ქართული ოცნების“ უმრავლესობა შეძლებს ღირსეულად, კეთილსინდისიერად ემსახუროს ქობულეთელებს. - თორნიკე რიჟვაძე საჯარო სამსახურში მუშაობის პერიოდში ჩემთვის პრიორიტეტი იყო მოქალაქე და მოქალაქესთან ურთიერთობა. მოქალაქეებთან მაქსიმალური ჩართულობა, აქედან გამომდინარე, ყველა გადაწყვეტილებას ვიღებდი მოქალაქეების ინტერესებიდან გამომდინარე. ჩემი შემდგომი სამუშაო რეჟიმიც გაგრძელდება მოქალაქეებთან მაქსიმალურად ჩართულად. ჩვენმა გუნდმა არაერთი მნიშვნელოვანი პროექტი განახორციელა. არაერთი მნიშვნელოვანი პროექტის განხორციელება მიმდინარეობს, მაგრამ საჭიროა უფრო მეტი ინფრასტრუქტურული, ინოვაციური და სოციალური პროექტების განხორციელება. ჩვენ განვახორციელებთ ინოვაციურ პროექტებს მათთვის, ვისთვისაც მნიშვნელოვანია განათლება, ხელოვნება, სპორტი. - ლევან ზოიძე

მინდა ერთი მნიშვნელოვანი ინფორმაცია გაგიზიაროთ - ამ ისტორიულ, ულამაზეს ადგილზე ვიმყოფებით, ცნობილ გონიოს ციხეში. აქვე ჩვენ ვიცით, რომ არსებობს ასევე უნიკალური ადგილი - გონიოს ყოფილი პოლიგონი, რომელიც არის დაახლოებით 300 ჰექტარი, უფრო მეტიც. ჩემი დავალებით, მთავრობა მუშაობს, მათ შორის აჭარის ადგილობრივი ხელისუფალი, ბატონი თორნიკე რიჟვაძე, ეკონომიკის სამინისტროსთან ერთად და გვაქვს შემდეგი ხედვა, რომ გონიოს ყოფილი პოლიგონის ადგილზე უნდა შეიქმნას სპეციალური ეკონომიკური ზონა, თავისი ფინანსური ცენტრით. რეალურად, ახალი ქალაქის მშენებლობას ეხება აღნიშნული პროექტი და იდეა. ჩვენ ამჟამად ვმუშაობთ კონცეფციაზე, რომელიც წლის ბოლოს იქნება დასრულებული. ჩვენი სურვილია, რომ მაქსიმალურად ჩავრთოთ საუკეთესო კომპანია და ორგანიზაცია, რომელიც ამ სფეროშია სპეციალიზებული და გონიოში უნდა აშენდეს ახალი ქალაქი, თავისი კაზინოებით, ოფისებით, ბანკებით, ფინანსური ცენტრი უნდა შეიქმნას და რეალურად, ახალი სიცოცხლე შევიტანოთ ამ მხარეში და რეგიონში. - ირაკლი ღარიბაშვილი არ შეიძლება არ ვახსენოთ არაჩვეულებრივი ხეობები, ჩანჩქერები, სხვადასხვა ისტორიული და კულტურული მემკვიდრეობის ძეგლები, რომლებიც ამ მუნიციპალიტეტს გააჩნია. აღვნიშნავ მაჭახელას ხეობას, რომელზეც მიდის მუშაობა იმისათვის, რომ ძალიან მალე დაცული ლანდშაფტის სტატუსი მიიღოს, რაც კიდევ უფრო ხაზს უსვამს, თუ რამდენად გაიზრდება ტურისტების ნაკადი. იქმნება სპეციალური ტურისტული საინფორმაციო ცენტრი და ჩვენ შევძლებთ მთლიანად ამ მუნიციპალიტეტის, ამ მხარის სიმდიდრის წარმოჩენას ყველასთვის - იქნება ეს საქართველოს მოქალაქე, თუ უცხოელი ტურისტი. - კახა კუჭავა ჩვენ დარწმუნებულები ვართ, რომ ადგილობრივი თვითმმართველობის ხელმძღვანელებთან ერთად, მომავალ მერთან ერთად, ძალიან ღირსეულ ადამიანთან, გამოცდილ საჯარო მოხელესთან ერთად და საკრებულოში ჩვენს უმრავლესობასთან ერთად შევძლებთ, რომ თითოეული ხელვაჩაურელის პრობლემა გადავჭრათ ეფექტური კომუნიკაციით, ხალხის სამსახურში. ხელვაჩაური ყოველთვის ედგა ჩვენს პოლიტიკურ ძალას, ჩვენს ერთიან გუნდს გვერდში და ეს არც წელს იქნება გამონაკლისი. დარწმუნებული ვარ, რომ ჩვენ ერთად გავიმარჯვებთ, გავერთიანდებით ჩვენი ქვეყნისა და ხელვაჩაურის წარმატებისთვის. - თორნიკე რიჟვაძე ხელვაჩაურის მუნიციპალიტეტში, ადგილობრივი თვითმმართველობის არჩევნებში მერობის კანდიდატად დასახელება დიდი გამოწვევა და პასუხისმგებლობაა. ემსახურო ასეთ მშრომელ და პატრიოტ ხალხს, ემსახურო უნიკალური ბუნების მქონე მუნიციპალიტეტს, ჩემთვის, როგორც ხელვაჩაურელისთვის, დიდი პატივია. მადლობა „ქართული ოცნების“ გუნდს, რომ მომცა ეს შესაძლებლობა. გარწმუნებთ, არც ჩემს პოლიტიკურ გუნდს და არც ჩემს მოსახლეობას იმედებს არ გაგიცრუებთ. მთელ ჩემს გამოცდილებას, ცოდნას და ენერგიას მოვახმარ, რომ ჩვენი მუნიციპალიტეტი წინ წავიდეს, უფრო გალამაზდეს და გაჯანსაღდეს, გაძლიერდეს ეკონომიურად. - ზაზა დიასამიძე

წლების განმავლობაში ჩვენ ძალიან მნიშვნელოვანი პროექტები განვახორციელეთ, მათ შორის, საგარეჯოში. განხორციელდა ძალიან ბევრი პროექტი, რომელიც ეხება გზების მოწესრიგებას, წყლის პროექტს, ვიცი, რომ გამოწვევად რჩება რამდენიმე სოფელში წყლის პრობლემა. ჩვენ ამაზე ვმუშაობთ და 2-3 წელიწადში დასრულდება ეს პროექტი დ 2023 წლისთვის სრულად იქნება უზრუნველყოფილი წყლით საგარეჯო და საგარეჯოს სოფლები. - ირაკლი ღარიბაშვილი ბოლო ორი დღის განმავლობაში, ჩვენ ვსტუმრობთ კახეთს, წარმოვადგენთ ყველა განხორციელებულ პროექტს და სიამაყით ვიმეორებთ, თუ რა გაკეთდა, რადგან გაკეთდა ბევრი რამ , რაც მოსახლეოებისთვის ნამდვილად ხელშესახებია - ეს იგრძნობა და ჩანს. ყველაფერი იდეალურად არ არის, ბევრია სამუშაო, ახალი პროექტებია დასაწყები და განსახორციელებელი. ჩვენ გვაქვს მიზანი და გვაქვს გეგმა ყველა მიმართულებით, თუ როგორ უნდა გავაგრძელოთ ამ ქვეყნის განვითარება. რეგიონში ბევრი პროექტია განხორციელებული - ინფრასტრუქტურული პროექტები, მათ შორის, ჩქაროსნული გზის პროექტი, ასევე, საგარეჯო-უდაბნო-დავით გარეჯის რეაბილიტაციის პროექტები, რაც უზრუნველყოფს, რომ კიდევ უფრო კომფორტული გახდეს დავით გარეჯის ულამაზესი მონასტრის მონახულება. - კახა კუჭავა მინდა ხაზი გავუსვა პროფესიული განათლების მნიშვნელობას, რომელიც ჩვენს სფეროში ასევე სტრატეგიული პრიორიტეტია. ჩვენი მიზანია, რომ საქართველოს ყველა რეგიონში აღმოცენდეს რამდენიმე კოლეჯი, რომელიც მორგებული იქნება იმ კონკრეტული რეგიონის ინტერესებსა და საჭიროებებზე. მათ შორის,აქვე მინდა გითხრათ, რომ საგარეჯოში აუცილებლად იქნება ახალი, თანამედროვე პროფესიული სასწავლებელი, რომელიც მოერგება საგარეჯოს საჭიროებებს. - მიხეილ ჩხენკელი #განვითარებაყველარეგიონს

მოგესალმებით, მივესალმები სიღნაღს და სიღნაღელებს, ამ ულამაზეს ქალაქს, რომელიც ცნობილია, როგორც ვახტანგ გორგასლის საუფლისწულო ქალაქი და ყველა ქართველის განმანათლების, მოციქულთა სწორის, წმინდა ნინოს ქალაქი. დიდი პატივია დღეს, თქვენს წინაშე გამოსვლა. ჩვენ ვაგრძელებთ აქტიურ საარჩევნო კამპანიას. პირველ რიგში, მე მინდა, ჩვენს ამომრჩევლებს, ჩვენი დიდი ოჯახის, „ქართული ოცნების“ თითოეულ წევრს მადლობა გადაგიხადოთ იმ ნდობის, ერთგულებისა და მხარდაჭერისთვის, რომელსაც იჩენთ ბოლო წლების განმავლობაში ჩვენი პოლიტიკური გუნდის მიმართ. სწორედ თქვენი მხარდაჭერის შედეგად, ჩვენმა გუნდა შეძლო 7 არჩევნებში ღირსეული და დამაჯერებელი გამარჯვება. ჩვენ ახლა ვემზადებით თვითმმართველობის არჩევნებისთვის, რომელიც არის ძალიან მნიშვნელოვანი ჩვენი თითოეული მოქალაქისთვის, იმიტომ, რომ ყველა ის პროექტი და პროგრამები, რომელიც დაწყებული გვაქვს, რა თქმა უნდა, გაგრძელდება და ჩვენ გავაგრძელებთ ჩვენი ქვეყნის წინსვლას და განვითარებას. - ირაკლი ღარიბაშვილი მნიშვნელობა არ აქვს, პირველად ჩამოდიხარ ამ ულამაზეს ქალაქში, სიღნაღში თუ მეასედ სტუმრობ მას - გამორიცხულია, ერთი და იგივე შეგრძნება არ გაგიჩნდეს, როდესაც გადახედავ ამ სილამაზეს, მიღწევებს, რომელიც კუთხეს განსაკუთრებით მიმზიდველს ხდის. საჭიროა მუნიციპალიტეტის საჭიროებებზე ორიენტირებული მერი და მისი გუნდი. წარმატებას ვუსურვებ კანდიდატს და მოვუწოდებ, რომ ყოველდღიურად იყოს ჩართული თითოეულ მოსახლესთან კომუნიკაციაში და რაც ყველაზე მთავარია, მეტი ახალგაზრდები ჩართოს გადაწყვეტილების მიღების პროცესში. ჩვენ ახალგაზრდებზე დიდ იმედებს ვამყარებთ. სწორედ მათი ახალი იდეებით, პროექტებით, ინოვაციური მიდგომებით კიდევ უფრო გავამდიდრებთ ყველა კუთხეს. - კახა კუჭავა სიღნაღის მიუნიციპალიტეტი მრავალფეროვნად არის წარმოდგენილი სოფლის მეურნეობაში. აქ ფაქტობრივად ყველაფერი იწარმოება და ყველაფრის წარმოების პოტენციალის შესაძლებლობა არის. თქვენ თუ მოინდომებთ სახელმწიფო კაპიტალის არსებობის გარეშე მხოლოდ მიწის რესურსების და არსებობის შემთხვევაში კი მოგცემთ საშუალებას, რომ როგორც გრანტით ისე შეღავათიანი კრედიტით თქვენი მეურნეობები განავითაროდ, გახადოთ თანამედროვე და მიიღოთ მეტი შემოსავალი. ამას სახელმწიფო მომავალშიც გააგრძელებს და გვესმის, რომ ახლოვდება რთველი და რთველის დროს სამწუხაროდ ნაკლებია გადამმუშავებელი სიმძლავრეების ინდუსტრიული კომერციული სიღნაღში, თუმცა ბევრი პატარა საოჯახო მარანი გაჩნდა რაც რა თქმა უნდა ძალიან მისასალმებელია. ეს ხელს უწყობს დამატებით ღვინის ტურიზმის განვითარებას. - ლევან დავითაშვილი მოგეხსენებათ, 2019 წლიდან მე ვმუშაობ სიღნაღის მუნიციპალიტეტის მერის მოადგილის თანამდებობაზე და ეს დრო სრულიად საკმარისი იყო იმისთვის, რომ ზუსტად გამეგო და ზუსტად გამეთავისებინა ყველა ის პრობლემა და გამოწვევა, რომელიც არის ჩვენი მუნიციპალიტეტის შემადგენელ თითოეულ სოფელში, თითოეულ მის უბანში თუ დასახლებულ პუნქტში. მე მინდა განვაცხადო და პირობა მოგცეთ თქვენ, რომ ჩემი ცხოვრების განმავლობაში სხვადასხვა საპასუხისმგებლო საჯარო სამსახურში, სხვადასხვა საპასუხიმგებლო თანამდებობებზე მუშაობისას დაგროვილ გამოცდილებას, სრულად, უშურველად და მთელი გულით მოვახმარ ამ რაიონის მცხოვრებთა კეთილდღეობას და თითოეულ ამ რაიონში არსებულ ოჯახის კეთილდღეობას იმიტომ, რომ ჩვენ გვაქვს დღეს ამის შესაძლებლობა, ეს შესაძლებლობა გვაქვს მოცემული ცენტრალური ხელისუფლების გამართული პოლიტიკით და ჩვენ ვალდებულები ვართ, რომ ეს შესაძლებლობები ზუსტად ისეთივე ხარისხით და მოცულობით მივიტანოთ თითოეულ ოჯახამდე, როგორც ის მოგვეწოდება. ამისთვის ჩვენ მზად ვარ და კიდევ ერთხელ დიდი მადლობა, ხელისუფლების წარმომადგენლებს ამ დახმარებისთვის. - მალხაზ ბეგიაშვილი #განვითარებაყველარეგიონს

არჩევნებს რაც შეეხება - ძალიან მნიშვნელოვანია მოახლოებული არჩევნები. თვითმმართველობის არჩევნებისთვის ჩვენ სრული მობილიზება გვაქვს გამოცხადებული. ისევე როგორ ჩვენ, თქვენთან ერთად, თქვენი მხარდაჭერით ძვირფასო გურჯაანელებო, გავიმარჯვეთ შვიდ არჩევნებში, გავიმარჯვებთ მერვე არჩევნებშიც და გავაგრძელებთ ჩვენი ქვეყნის წინსვლას და განვითარებას. ველისციხის პროექტზე მინდა ასევე აღვნიშნო - აღნიშნული პროექტით ჩვენ კიდევ უფრო მეტად გავაცოცხლებთ ამ რეგიონს. შეიქმნება ერთ-ერთი მართლაც გამორჩეული ტურისტული ადგილი. ველისციხეში 30 მილიონი ლარის ინვესტიციას ვგეგმავთ, დაწყებული გვაქვს ამაზე მუშაობა და სამაგალითო ადგილი გახდება ველისციხე. - ირაკლი ღარიბაშვილი ტექნოპარკი რეგიონში ორია და მათ შორის, ერთ-ერთი არის გურჯაანში. ეს არის ცენტრი, სადაც ახალგაზრდობა იკრიბება და შეუძლიათ, საკუთარი მიდგომები და ინოვატორული იდეები, პროექტები განახორციელონ, წვლილი შეიტანონ რეგიონის განვითარებაში.მოხარული ვარ, რომ გურჯაანის მაჟორიტარის ინიციატივით, გურჯაანში იქნება ცნობილი კულინარიის უნივერსიტეტი, სადაც ამ მიმართულებით დაინტერესებული ადამიანები ცოდნის მიღებას შეძლებენ.მადლობა ყველას, ვინც ჩართულია ამ რეგიონის, ამ მუნიციპალიტეტის განვითარებაში და წარმატებას ვუსურვებ ახალ კანდიდატს. ის არის ექიმი, რაც ნიშნავს, რომ იგი იზრუნებს თითოეულ ადამიანზე. - კახა კუჭავა ჩემთვის დიდი პატივია  თქვენს წინაშე, კიდევ ერთხელ, გამოსვლა და იმ პროექტებზე საუბარი, რომელიც გურჯაანში ხორციელდება, რომელიც  თითოეული თქვენგანის დამსახურებაა. არ შემიძლია, არ აღვნიშნო ახალგაზრდული საბჭოს წევრები, რომლებიც აქ შეგვეგებნენ და სწორედ ისინი არიან გურჯაანის მომავალი. მათი დამსახურებით შევძელით,  რომ გურჯაანში  რეგიონული ტექნოპარკი გაკეთდა, ამ პროექტს ჰქონდა დიდი მხარდაჭერა პრემიერის და „ქართული ოცნების“ მხრიდან.  აქვე მინდა, აღვნიშნო ველისციხის პროექტი. ეს იქნება ერთ-ერთი მიზიდულობის ცენტრი და იმ ისტორიის გახსენება, რომელიც ველისციხეს ტრადიციულად მოყვება. - დავით სონღულაშვილი „ქართული ოცნების“ ხელისუფლებაში ყოფნა ნიშნავს ბევრ რამეს, მაგრამ ერთ-ერთი გამორჩეული, რაც ჩვენს გუნდს ახასიათებს, ეს არის სოფლის მეურნეობის პრიორიტეტულად გამოცხადება და რა თქმა უნდა, გურჯაანი არის გამორჩეული მუნიციპალიტეტი სოფლის მეურნეობის კუთხით. არის გეგმები, რომელიც გაწერილია ბიუჯეტით და აუცილებლად შესრულდება. განსხვავებით იმ დაპირებებისგან, რომელსაც ხშირად ოპონენტები მიმართავენ, რადგან ხშირ შემთხვევაში ეს საფუძველს მოკლებულია და დიდწილად უტოპიური.​ამიტომ, ჩვენ თქვენთან ერთად სოფლის მეურნეობაში შეგვიძლია მივაღწიოთ მეტს, ვიდრე მივაღწიეთ. შედეგები, მართლაც თვალსაჩინოა, ამაზე საქართველოს პრემიერ-მინისტრი საუბრობდა. - ლევან დავითაშვილიმჯერა, რომ ჩვენ არა მარტო თვითმმართველობის არჩევნებში გავიმარჯვებთ, არამედ ერთად შევძლებთ გურჯაანი გადავაქციოთ წარმატებულ, პატარა, ლამაზ ევროპულ ქალაქად, რომელიც იქნება მიმზიდველი მსოფლიოს ნებისმიერ კუთხეში მყოფი ტურისტისთვის. მჯერა, რომ ჩვენ ერთად აუცილებლად გავიმარჯვებთ! - ზურაბ უტიაშვილი  #განვითარებაყველარეგიონს

მინდა აღვნიშნო, რომ განახლებული რეგიონების პროექტის ფარგლებში ჩვენ ვიწყებთ ცნობილი შვიდი ბორცვის პროექტის განხორციელებას წელსვე. ასევე დამატებითი თანხები გამოიყოფა იმისთვის, რომ დამატებითი ცენტრების მოწყობა შევძლოთ. მე ვიცი, რომ თელავში ერთ-ერთი მთავარი პრობლემა ბოლო წლების განმავლობაში, სამწუხაროდ, არის წყალმომარაგება. არ ვიცი, მართლაც არ მაქვს კითხვაზე პასუხი, რატომ არ იყო მანამდე ეს საკითხი მოგვარებული. ბოლო წლების განმავლობაში ვიცი, რომ ეს საკითხი მწვავედ დგას. ცენტრალური მთავრობის მხრიდან ეს საკითხი საჭიროებდა უფრო მეტ აქტიურ ჩარევას და გადაწყვეტილების მიღებას, მაგრამ მე გპირდებით, რომ ჩვენ წელსვე დავიწყებთ ამ პროექტს და თელავს ძალიან მალე ექნება 24 საათიანი წყალმომარაგება. - ირაკლი ღარიბაშვილი თელავის საერთაშორისო ჩოგბურთის ტურნირმა უკვე სახელი დაიმკვიდრა მსოფლიოში. აქ აშენდა ბრწყინვალე, საერთაშორისო სტანდარტების რაგბის მოედანი, უნივერსიტეტი, სადაც მეც მომეცა ბედნიერება, რამდენიმე საჯარო ლექცია წამეკითხა, ვაჟა-ფშაველას სახელობის თეატრი, სადაც ბრწყინვალე წარმოდგენები იმართება. ყველანაირი საფუძველი გვაქვს იმისათვის, რომ თელავი გავხადოთ არა მხოლოდ შიდა, არამედ გარე ტურიზმისთვის ერთ-ერთი მთავარი ცენტრი. ჩვენ გვყავს მერობის ძლიერი კანდიდატი, ძლიერი გუნდი საკრებულოში და დარწმუნებული ვარ, პირველივე ტურში, 2 ოქტომბერს, ერთმანეთს მივულოცავთ გამარჯვებას. თელავი გაიმარჯვებს. - კახა კუჭავა ჩემი მიზანია ერთად ვისაუბროთ, ერთად ვიზრუნოთ მომავალზე, თელავზე, უშუალოდ მუნიციპალიტეტზე, რომელიც უნდა იყოს მიმზიდველი არა მარტო მისი მაცხოვრებლებისთვის, არამედ მთლიანად საქართველოს მოსახლეობისთვის და ჩამოსული სტუმრებისთვის. ჩემი გამარჯვების შემთხვევაში, მექნება ხშირი კომუნიკაცია მუნიციპალიტეტის მაცხოვრებლებთან და უშუალოდ იმ ადამიანებთან, ვისაც გული შესტკივა მუნიციპალიტეტის განვითარებაზე და მის მომავალ დღეზე. ჩვენ უნდა გავაცნობიეროთ, რამდენად ღირსეული შენამატი შეგვიძლია მივიღოთ საქართველოს ევროინტეგრაციის შეუქცევადი პროცესისგან, რომლითაც ჩვენ შეგვიძლია უამრავი ქმედითი ნაბიჯი გადავდგათ კიდევ უამრავი გამოწვევის წინაშე. - ლევან ანდრიაშვილი #განვითარებაყველარეგიონს

ჩვენ მერებს ვარჩევთ განსაკუთრებული ყურადღებით. მერი და ყველა ხელისუფალი უნდა ემსახურებოდეს ხალხს, იმიტომ, რომ ჩვენ ვართ ხალხის არჩეულები, ხალხის დანიშნულები და მსახურები, გარკვეული ვადით. შესაბამისად, მერისადმი ჩვენი დავალება იქნება მაქსიმალური ყურადღება. მერი უნდა შევიდეს თითოეულ ოჯახში, თითოეულ სოფელში. ადგილზე უნდა გადაუწყვიტოს თითოეული პრობლემა, რომელიც ამა თუ იმ ოჯახს შეიძლება ჰქონდეს. ჩვენ, ცენტრალური ხელისუფლება პასუხისმგებლობას ვიღებთ, რომ მაქსიმალურ მხარდაჭერას აღმოვუჩენთ ადგილობრივ ხელისუფლებას, გავუზრდით ბიუჯეტს, წამოვა დამატებითი ფინანსური რესურსები იმისთვის, რომ კიდევ უფრო მეტი პროგრამა დავაფინანსოთ. ყველა შენობას, ყველა ქუჩას უნდა ჩავუტაროთ რეაბილიტაცია, მეტი სკოლა და საბავშვო ბაღები ავაშენოთ და მეტი სამუშაო ადგილი შევქმნათ. - ირაკლი ღარიბაშვილი გვაქვს ამბიციური, გრძელვადიანი გეგმა. პრემიერის ინიციატივით შექმნილია რეგიონებისთვის განსაზღვრული შესაბამისი პროგრამები, რომლებიც აუცილებელია, რომ შესრულდეს ისე, როგორც დაგეგმილია. სწორედ ამიტომ, ჩვენ გვჭირდება ძლიერი მერი და ძლიერი საკრებულო - მოგიწოდებთ ყველას აქტიურობისკენ, მხარი დავუჭიროთ კანდიდატს, რომელსაც, დარწმუნებული ვარ, ალტერნატივა არ ჰყავს ახმეტაში. - კახა კუჭავა ძალიან დიდი იმედი გვაქვს რომ ბატონ ალექსისთან ყოველდღიურ რეჟიმში გავაგრძელებთ თანამშრომლობას კიდევ უფრო ინტენსიურად, კიდევ უფრო აქტიურად, იმისთვის რომ პოტენციალი, რომელიც ამ რეგიონს აქვს ავითვისოთ და ჩვენ ვხედავდეთ ულამაზეს ლანდშაფტს, გზაზე რომელიც ჯერ კიდევ აუთვისებელია და ეს უნდა აითვისოს ახმეტის ადგილობრივმა მოსახლეობამ. - ლევან დავითაშვილი ადგილობრივი თვითმმართველობის არჩევნები თავისი არსით ძალიან მნიშვნელოვანია. ახმეტელები პირდაპირ ვირჩევთ მერს, რომელმაც მუნიციპალიტეტის განვითარებაზე უნდა იზრუნოს და ცენტრალურ ხელისუფლებას აქტიურად ეთანამშრომლოს, რათა რაც შეიძლება მეტი რესურსი გვქონდეს იმისთვის, რომ თავად გადავჭრათ ის პრობლემები, რომლის წინაშეც ჩვენი მუნიციპალიტეტი და ჩვენი ხალხი იმყოფება. მე მჯერა, რომ ჩვენი მოსახლეობა სწორ არჩევანს გააკეთებს, გამოგვიცხადებს ნდობას, მე და ჩვენს პოლიტიკურ გუნდსაც და შედეგიანი და დასამახსოვრებელი იყოს მომავალი 4 წლიანი თვითმმართველობა ჩვენი მოსახლეობისთვის და ჩვენი ყველა კეთილისმსურველისთვის, რათა ერთად შევქმნათ ახმეტის ახალი და წარმატებული მომავალი. - ალექსი ფიცხელაური #განვითარებაყველარეგიონს

როდესაც მოვდიოდი, ვუყურებდი, მთელი ნაკვეთები დამუშავებულია. ჩანს, როგორი მშრომელი ხალხი ცხოვრობს ლაგოდეხის მუნიციპალიტეტში და ამისთვის მინდა მადლობა ვუთხრა ჩვენს ხალხს. ამიტომ, ამ მშრომელ ხალხს სჭირდება მხარდაჭერა მთავრობისგან, მერისგან, მუნიციპალიტეტისგან და ჩვენი საზრუნავი სწორედ ეს უნდა იყოს. დღეს წარმოგიდგენთ ჩვენს კანდიდატს, ეს არის მოქმედი მერი, ბატონი ჯონდო მდივნიშვილი. კაცი, რომელიც არის ენერგიული, მოტივირებული, საქმეზე ორიენტირებული და საქმის კაცი და სხვათაშორის, კრეატიული, თავისი ნიჭიერებით ყოველთვის ძალიან ბევრს აკეთებს. - ირაკლი ღარიბაშვილი სხვადასხვა დროს, რამდენიმე ოჯახურ სასტუმროში გავჩერებულვარ და ვხედავდი, რომ ყოველ წელს მომსახურების მრავალფეროვნება იზრდებოდა. ეს არ არის საკმარისი, გაცილებით დიდი პოტენციალი აქვს ლაგოდეხის მუნიციპალიტეტს. მეტი შესაძლებლობა უნდა შევქმნათ, ამიტომ ჩვენი გუნდის მოლოდინია, რომ მერი და საკრებულო უფრო მეტად იაქტიურებს მოსახლეობასთან, ბრწყინვალე ახალგაზრდებთან, რომლებთანაც მეც მქონია შეხება. - კახა კუჭავა მე ჩემს გუნდთან ერთად, ჩვენი მუნიციპალიტეტის მოსახლეობის ამომრჩევლების მხარდაჭერის შემთხვევაში მზად ვარ ავიღო პასუხისმგებლობა და შემდეგი ოთხი წლის განმავლობაში, კიდევ ერთად, ჩვენ ყველამ ვიზრუნოთ ჩვენი მუნიციპალიტეტის განვითარებისათვის. იმისათვის, რომ მუნიციპალიტეტი იყოს საუკეთესო ადგილი ცხოვრებისა და დასვენებისათვის. მინდა გითხრათ გულწრფელად, რომ მერობა, ან რომელიმე თანამდებობა ჩემთვის არასოდეს არ ყოფილა თვითმიზანი, ეს არის რეალურად შესაძლებლობა ემსახურო საკუთარ მუნიციპალიტეტს და საყვარელ ხალხს. - ჯონდო მდივნიშვილი #განვითარებაყველარეგიონს

ჩვენი ოპონენტები და მათთან დაკავშირებული მედიის წარმომადგენლები ხშირად სპეკულირებენ ჩვენი პარტიის ე.წ. შიდა კვლევებით და ავრცელებენ სხვადასხვა სახის ინფორმაციას მათი შედეგების შესახებ.საზოგადოებას მოვახსენებთ, რომ პარტიაში 2020 წლიდან შექმნილია სოციოლოგიური კვლევების ჯგუფი, რომელიც პროფესიონალური მეთოდოლოგიის შესაბამისად, თბილისსა და სხვა ქალაქებში ატარებს კვლევებს და ადგენს პოლიტიკური პარტიებისა და კანდიდატების რეიტინგებს.2020 წლის მონაცემებმა დაადასტურა, რომ ამ კვლევებს მაღალი სიზუსტით შეუძლია არჩევნების შედეგების პროგნოზირება.დღეს საზოგადოებას წარვუდგენთ ჩვენს მიერ თბილისში ჩატარებული სოციოლოგიური კვლევების შედეგებს.სოციოლოგიური კვლევა ჩატარდა ამა წლის 2-8 აგვისტოს, პირისპირი ინტერვიუს მეთოდით, გამოიკითხა 3446 რესპოდენტი, საიდანაც ფავორიტი პარტია დაასახელა 2728 რესპოდენტმა, ანუ გამოკითხულთა 79,2 პროცენტმა. ცდომილების ზღვარი შეადგენს 2,2 პროცენტს.წარმოგიდგენთ გამოკითხვის შეწონილ მონაცემებს.პირველ რიგში, რაც შეეხება თბილისის მერობის კანდიდატებს. კვლევის თანახმად, არჩევნებში მხოლოდ ორმა კანდიდატმა - კახა კალაძემ და ნიკანორ მელიამ რომ მიიღონ მონაწილეობა, ხმები კანდიდატებს შორის შემდეგი სახით განაწილდებოდა: • კახა კალაძე - 66,2 პროცენტი• ნიკანორ მელია - 33,8 პროცენტიაღნიშნული ციფრები ცხადყოფს, რომ კახა კალაძეს პირველივე ტურში შეუძლია არჩევნების დამაჯერებლად მოგება.ასევე წარმოგიდგენთ პარტიული რეიტინგების შეწონილ მონაცემებს: ქართული ოცნება 46,3ნაციონალური მოძრაობა 23,3გირჩი - მეტი თავისუფლება 5,3საქართველოსთვის 5,2მოქალაქეები 3,3სტრატეგია აღმაშენებელი 2,3ლელო 2,3პატრიოტთა ალიანსი 2,1ევროპული საქართველო 1,4გირჩი 1,2ლეიბორისტული პარტია 0,9ერთიანი საქართველო 0,8სხვა პარტიები 5,6 შეგახსენებთ, რომ 2020 წლის საპარლამენტო არჩევნებში „ქართულმა ოცნებამ“ თბილისში ამომრჩეველთა ხმების 41,8 პროცენტი მიიღო. შესაბამისად, კვლევა გვიჩვენებს, რომ უკანასკნელ პერიოდში ჩვენი პარტიის რეიტინგი დედაქალაქში რამდენიმე პროცენტით გაიზარდა. აქედან გამომდინარე, ჩვენი ვარაუდი, რომ ქვეყნის მასშტაბით ამომრჩეველთა ხმების 50 პროცენტზე მეტი შეგვიძლია მივიღოთ, სავსებით საფუძვლიანია.საზოგადოებას გვინდა განვუმარტოთ, რომ თბილისის საკრებულოს არჩევნები კვლევით ნაჩვენები შედეგით რომ დასრულდეს, საკრებულოს წევრთა მანდატები პროპორციული წესით პარტიებზე შემდეგი სახით განაწილდებოდა:• ქართული ოცნება - 22 მანდატი• ნაციონალური მოძრაობა - 11 მანდატი• გირჩი - მეტი თავისუფლება - 3 მანდატი• საქართველოსთვის - 2 მანდატი• მოქალაქეები - 2 მანდატიმაღალი პარტიული რეიტინგის პირობებში, მოსალოდნელია, რომ „ქართული ოცნება“ მოიგებს არჩევნებს ათივე მაჟორიტარულ საარჩევნო ოლქში თბილისში, შესაბამისად, კვლევის თანახმად, კახა კალაძის გუნდი საკრებულოში ძლიერი და სტაბილური უმრავლესობით, კერძოდ, 50 წევრიდან 32 წევრით იქნებოდა წარმოდგენილი. როგორც მოგეხსენებათ, საკრებულოში სტაბილური უმრავლესობა არის იმის აუცილებელი პირობა, რომ კახა კალაძემ შეუფერხებლად განაგრძოს 4 წლის წინ დაწყებული საქმე და დაბრკოლების გარეშე იზრუნოს ქალაქის განვითარებაზე.შეჯამების სახით, აღვნიშნავთ, რომ კვლევის შედეგები გვაძლევს ოპტიმიზმის საფუძველს, დანარჩენი დამოკიდებულია ჩვენი თანამოქალაქეების აქტიურობაზე. გვჯერა, რომ კახა კალაძისა და საკრებულოში მისი გუნდის გამარჯვება ნიშნავს თბილისის გამარჯვებას და დარწმუნებული ვართ ამ გამარჯვებაში.

მოგესალმებით მეგობრებო, ძვირფასო სტუმრებო, დამსწრე საზოგადოებავ.მივესალმები საქართველოს პრემიერ-მინისტრს და საქართველოს პარლამენტის თავმჯდომარეს.ჩემთვის დღეს განსაკუთრებული დღეა, დღე, როდესაც ჩემი ქალაქის მუნიციპალიტეტში, სხვადასხვა პოზიციაზე, ათზე მეტი წლის მუშაობის შემდეგ, ჩემმა გუნდმა გარდაბნის მერობის კანდიდატად დამასახელა!უკვე წლებია, რაც გარდაბნის და აქ მცხოვრები ადამიანების პრობლემების მოგვარება, მათი გაჭირვებისა თუ სიხარულის გაზიარება ჩემი ცხოვრების და ყოველდღიურობის განუყოფელი ნაწილია.ამბიციურობაში ნუ ჩამომართმევთ, მაგრამ თამამად ვიტყვი, რომ ზედმიწევნით ვიცნობ ჩვენი ქალაქის, აქ მცხოვრები ადამიანების წინაშე არსებულ გამოწვევებს და ჩემს გამოცდილ გუნდთან ერთად მაქვს კონკრეტული, ზუსტი ხედვა, თუ როგორ შეიძლება მათი დაძლევა.თამამად ვიტყვი იმასაც, რომ ჩემი ქალაქის სამსახურში ყოფნის პერიოდში კარგად გამიცნო გარდაბნის მოსახლეობამაც. მჯერა, მათ კარგად იციან, რომ არასდროს, არცერთ ვითარებაში, არანაირი სირთულის წინაშე არცერთ მათგანს მარტოს არასდროს დატოვებ და ყოველთვის მათ გვერდში ვიდგები როგორც პერსონალურად, ისე, გარდაბნელების მხარდაჭერის შემთხვევაში - როგორც ჩვენი ქალაქის მომავალი მერი.დარწმუნებული ვარ, ერთად დგომით, ერთობლივი, შეთანხმებული ნაბიჯებითა და დროული გადაწყვეტილებებით შევძლებთ, რომ მომავალი 4 წლის განმავლობაში ჩვენი ქალაქი ბევრად უფრო კომფორტული, განვითარებული და ეკონომიკურად წარმატებული გავხადოთ, ვიდრე დღესაა.გარდაბნის მერიაში მოსვლის პირველივე დღიდან ვგრძნობდი ჩვენი მოსახლეობის მტკიცე მხარდაჭერას და მწამს, რომ თვითმმართველობის მომავალ არჩევნებზე, ერთად აუცილებლად გავიმარჯვებთ!

როდესაც გარდაბანზე ვსაუბრობთ, პირველ რიგში გვახსენდება გარდაბნის თბოელექტროსადგური, რომელიც უდიდეს როლს ასრულებს ქვეყნის ენერგეტიკული სექტორის განვითარებისთვის, ენერგოდამოუკიდებლობისთვის. ამ რამდენიმე დღეში, ჩვენ მოვიარეთ ქვემო ქართლი, რომელიც ნამდვილად გამორჩეულია სოფლის მეურნეობით, იმ პროდუქციით, რომელიც აქ იქმნება და იმ დოვლათით, რომელსაც ქმნიან ოჯახები საქართველოსთვის - გარდაბანი მათ შორის გამორჩეულია.აქაური პროდუქტი გამოირჩევა ხარისხით და არა მხოლოდ საქართველოში. გარდაბნის მოსახლეობა ეთნიკურად ძალიან მდიდარია. აქ ცხოვრობს შრომისმოყვარე ხალხი და აუცილებელია, სრულიად გამოვიყენოთ ის პოტენციალი, რომელიც არის. რომელიც არის არა მარტო აქ, არამედ თითოეულ მუნიციპალიტეტში. ხორციელდება არაერთი სახელმწიფო პროგრამა, სოფლის მეურნეობის მიმართულებით, თუმცა არის ბევრი სხვა სახელმწიფო პროგრამა და დაფინანსება, რომელიც საშუალებას მოგცემთ, სრულიად გამოიყენოთ ის პოტენციალი და შესაძლებლობები, რომელიც ამ მუნიციპალიტეტში გაგაჩნიათ.მთავარი მიზანი, რაც უნდა ჰქონდეს მერს არის თქვენთან კომუნიკაცია, ახალგაზრდობის ჩართულობა, გადაწყვეტილების მიღებაში ადგილობრივების მაქსიმალური ჩართულობის უზრუნველყოფა და რაც ყველაზე მთავარია, მუნიციპალიტეტისთვის საჭირო სტრატეგიული გადაწყვეტილებების მიღება.ეს არ უნდა ეხებოდეს მხოლოდ სოფლის მეურნეობას, ამ მუნიციპალიტეტს გაცილებით დიდი პოტენციალი აქვს. დაახლოებით ორი თვის წინ ჩვენ იუსტიციის სახლი გავხსენით და დღეს უკვე გარდაბანში შესაძლებელია ყველა საჯარო სერვისის მიღება. ამ კუთხით კიდევ უფრო გავაუმჯობესებთ ხელმისაწვდომობას ყველა იმ სერვისზე, რომელიც ადგილობრივ მოსახლეობას სჭირდება. ჩვენი გამარჯვებაში დარწმუნებულები ვართ, თუმცა, აუცილებელია თქვენი აქტიურობა.

მე მინდა, პირველ რიგში, ჩემი გამოსვლა მადლობით დავიწყო. მადლობას მოგახსენებთ მობრძანებისთვის, მხარდაჭერისა და ერთგულებისთვის ჩვენი გუნდისადმი, ჩვენი ოჯახისადმი, ჩვენი პარტიისადმი, რომელიც მართლაც ჩვენი ოჯახია და მივყვებით ქვეყნის განვითარებას.ბოლო 7 არჩევნებში გამარჯვება არის ძალიან საპატიო, საამაყო, მაგრამ ძალიან საპასუხისმგებლო, მძიმე ჯვარი, რომელიც ჩვენ გვაკისრია. მართო შენი ქვეყანა და შენი ხალხი გაიყვანო სამშვიდობოს, საჭიროებს ერთობას, დიდ ძალისხმევას, ქვეყნის საქმის გაკეთებას და რაც მთავარია - მშვიდობას და სტაბილურობას. მე ყოველთვის ვიმეორებ ამ სიტყვებს - მშვიდობა, სტაბილურობა და განვითარება. ეს სამი ძლიერი სიტყვა არის აუცილებელი ჩვენი ქვეყნისთვის, მითუმეტეს, ჩვენ, ქართველებმა ძალიან კარგად ვიცით მშვიდობის ფასიც, სტაბილურობის ფასიც და ვიცით ომის ფასიც - ომის, არეულობის, ქაოსის, დესტაბილიზაციის. ომის და ქაოსის, რევოლუციების დრო დასრულდა ჩვენს ქვეყანაში მეგობრებო - ამის დრო არასოდეს უნდა განმეორდეს. ამის გარანტი არის ჩვენი „ქართული ოცნება“ ჩვენი ძლიერი გუნდი.ჩვენ შევიკრიბეთ აქ, კიდევ ერთხელ მინდა მოკლედ შევეხო საკითხებს, რომელიც ამ მუნიციპალიტეტს აწუხებს. ძალიან ბევრი რამ გაკეთდა მაგრამ ბევრია გასაკეთებელი. ჩვენ ვმუშაობთ გეგმებზე, შემუშავებული გვაქვს გრძელვადიანი განვითარების ხედვაც თითოეული რეგიონის, მუნიციპალიტეტის, ქალაქის და სოფლის დონეზე უნდა ჩავშალოთ ეს გეგმები. ვიცით, რა უნდა გავაკეთოთ სოფლის მეურნეობაში, ინფრასტრუქტურის მიმართულებით, რეგიონების განვითარებას რა სჭირდება, რა სჭირდება გარდაბანს. ვიცი, რომ ერთ-ერთი მთავარი გამოწვევა გაზიფიცირების საკითხი იყო. წყალმომარაგების საკითხებია ძალიან მნიშვნელოვანი. წყლით მომარაგების საკითხი არის ჩვენი ქვეყნის ერთ-ერთი მთავარი გამოწვევა. პარადოქსია, რომ საქართველო ერთ-ერთი ყველაზე მდიდარია სულ მოსახლეზე წყლის რესურსებით, ამ დროს ხარისხიანი წყალი არ აქვს დაახლოებით 3000-ზე მეტ სოფელს. ეს არის რეალური პრობლემა, რომელიც ჩვენ დავისახეთ, რომ მოვაგვაროთ 2025 წლისთვის ყველა ქალაქს ექნება 24 საათიანი წყალმომარაგება და წლების მიხედვით, 2030 წამდე გვაქვს გაწერილი გეგმა, ყველა სოფელი, 3000-ვე სოფელი იქნება მომარაგებული ხარისხიანი წყლით.ხარისხზე მინდა ასევე აღვნიშნო, რომ ჩვენს მოსახლეობას სჭირდება ყველაფერი ხარისხიანი - ხარისხიანი განათლება, ჯანდაცვა. ხელმისაწვდომობა იქნება ერთ-ერთი მთავარი გამოწვევა და ახლა უნდა გადავიდეთ ხარისხზე. ამ კონტექსტში უნდა ვთქვა, რომ ჩვენ დავიწყეთ ევროპული ტიპის ურბანული განახლების პროექტების შემუშავება და ყველგან დავიწყეთ სამუშაოები. უნდა დავიწყოთ მუნიციპალური ცენტებით და გადავიდეთ პერიფერიებში. ყველა მუნიციპალიტეტი უნდა ვაქციოთ ევროპული ტიპის მუნიციპალიტეტად, ქალაქად. ეს უნდა იყოს ჩვენი საზრუნავი მომდევნო წლების განმავლობაში. ეს დავალება უნდა იყოს ახალი მერის, რომელმაც 24 საათის განმავლობაში უნდა იმუშაოს, იშრომოს ჩვენი ხალხისთვის.მე წინა გამოსვლაზე ვთქვი და მინდა გავიმეორო, რომ იქნება ეს მერი, გამგებელი, საკრებულოს თავმჯდომარე, რწმუნებული, პრემიერ-მინისტრი, მინისტრი, პარლამენტის თავმჯდომარე თუ პარლამენტის წევრი, ჩვენ ყველა ამ სულისკვეთებით ვართ, რომ უნდა გავაკეთოთ ყველაფერი იმისთვის, რომ მოსახლეობას შევუმსუბუქოთ ყოფა. პრობლემები, რაც აქვთ, ყველაფერი გადავუწყვიტოთ ძალიან მოკლედ. ეს უნდა იყოს ჩვენი მთავარი საზრუნავი და დავალება. ასევე, მინდა ვისარგებლო შემთხვევით და კიდევ ერთხელ, აცრის მნიშვნელობაზე გითხრათ. ჩვენ ეხლა ვუსმენთ მეცნიერებს და შემდეგნაირი სურათია გამოკვეთილი, რომ ჩვენ გვინდა- არ გვინდა, ეს ზედმეტი სიჯიუტეც არაფერს არ გვარგებს. ყველა უნდა ავიცრათ, მეგობრებო. ეს არის ჩვენი უმორჩილესი თხოვნა, მეცნიერების რჩევა, რეკომენდაცია, მოწოდებაც იმიტომ, რომ აცრის გარდა, სხვა რეცეპტი, რესურსი, სხვა არავითარი გამოსავალი არც მთავრობას, არც მსოფლიოს მთავრობებს, არავის არ აქვს. ერთადერთი გამოსავალი არის აცრა და ხარისხიანი ვაქცინების შეთავაზება, რომელიც შეუძლია მთავრობას. ამას უნდა მივაქციოთ ყურადღება. ისე მიდის საქმე და ზოგადად ვუსმენთ რა ჩვენ მსოფლიო ჯანდაცვის ორგანიზაციის წარმომადგენლებს, ექიმებს და მეცნიერებს, შესაძლოა აცრა ან ამის განმეორება ადამიანს დასჭირდეს ყოველ წელს, სანამ ბოლომდე არ დაითრგუნება ეს ვირუსი, რომელიც ძალიან ვერაგი ვირუსია, ვთქვათ ასე, რომელმაც მთელი მსოფლიოს მასშტაბით ძალიან ბევრი ადამიანი შეიწირა. მილიონობით ადამიანზეა საუბარი. მესმის, რომ ძალიან რთული საკითხია. ერთის მხრივ, ჩვენ უნდა მივხედოთ ეკონომიკის განვითარებას, მოქალაქეები შიმშილით არ უნდა გარდაიცვალონ და რაც მთავარია, ჩვენ უნდა ვიფიქროთ ჩვენი მოქალაქეების ჯანმრთელობაზე. ყველა თანხმდება და ეს აპრობირებულია უკვე, ყველამ გამოსცადა ყველანაირი მეთოდი, ჩაკეტვები, დაკეტვები- ყველაფერი, მაგრამ ყველა შეთანხმდა იმაზე, რომ აცრა ერთადერთი გამოსავალია. აცრილი მოქალაქე არ კვდება. ეს უნდა გავითავისოთ ყველამ და ყველა უნდა ავიცრათ. დავარწმუნოთ ჩვენი მოქალაქეები, ოჯახის წევრები, მეგობრები, ახლობლები, რომ ყველამ ჩავიტაროთ აცრა.ასევე მინდა ვთქვა, რა თქმა უნდა, ჩვენ გვესმის ძალიან კარგად, რომ თითოეული ადამიანის სიკვდილი არის ტრაგედია, ჩვენი ყველას დანაკარგია. დღეში ჩვენს ქვეყანაში, რამდენიმე შეიძლება ათეული და ასეული ადამიანი გარდაიცვალოს სხვადასხვა მიზეზის გამო, აქედან 20-30% არის კოვიდის გამო, რაც რა თქმა უნდა, ძალიან დიდი ტრაგედია, დანაკლისია, სამწუხარო ამბავია. ამის პრევენციისთვის აუცილებელია ვაქცინაციის ჩატარება.

თეთრიწყაროს მერობის კანდიდატის - გიორგი წიკლაურის წარდგენა#განვითარებაყველარეგიონს

მოგესალმებით! მივესალმები პრემიერ - მინისტრს, პარლამენტის თავმჯდომარესა და მოწვეულ სტუმრებს.პირველ რიგში, მსურს მადლობა გადავუხადო „ქართულ ოცნებას“ კიდევ ერთხელ გამოცხადებული ნდობისთვის. დამერწმუნეთ, მართლაც ამაღელვებელია, როდესაც გაქვს შესაძლებლობა, მშობლიურ ქალაქში წარმოადგენდე შენს გუნდს და საკუთარ ხალხთან ერთად წალკის უფრო მეტად განვითარებაზე ზრუნავდე.მთელი ჩემი განვლილი ცხოვრება აქაურობას უკავშირდება. აქ დავიბადე, გავიზარდე, დავიწყე ჩემი ქვეყნის სამსახური და დღემდე ასე გრძელდება. ზუსტად ვიცი რა უჭირს აქ მცხოვრებ ხალხს, რა გამოწვევების წინაშე დგას ჩვენი მუნიციპალიტეტი და ძალიან ბევრი მიფიქრია, თუ როგორ უნდა გადაიჭრას ესა თუ ის პრობლემა.წალკაში ცხოვრობს საკუთარ ქვეყანაზე, მუნიციპალიტეტზე და რაც მთავარია, ერთმანეთზე შეყვარებული, მშრომელი ხალხი, რომლებსაც შეუძლიათ განსხვავებული ეთნიკური წარმომავლობისა და რელიგიური იდენტობის მქონე ადამიანებთან მშვიდობიანი თანაცხოვრება. აქ ყოველდღიურად მტკიცდება ჩვენს ქვეყანაში საუკუნეების წინ დამკვიდრებული ტოლერანტობის ტრადიცია, რაც პირადად მე, როგორც ამ კუთხის შვილს, უდიდესი სიამაყით მავსებს.ჩვენ ახლა გვჭირდება განვითარების სწორი ხედვა, რეალური სტრატეგია, გამოცდილება და რაც მთავარია, საქმის კეთების სურვილი. თამამად შემიძლია განვაცხადო, რომ სწორედ ჩვენ ვართ ის გუნდი, რომელიც თითოეულ პირობას აკმაყოფილებს.უკვე 30 წელია ჩემი მუნიციპალიტეტის სამსახურში ვდგავარ, მქონდა პატივი უამრავი სხვადასხვა, მათ შორის, მერის პოზიციიდანაც ვმდგარიყავი ჩემი ხალხის სამსახურში.ზუსტად ვიცი, რომ აუცილებელია დაწყებული საქმე გაგრძელდეს. აქ მცხოვრები ხალხის ჩართულობით, ცენტრალურ ხელისუფლებასთან აქტიური თანამშრომლობითა და მუნიციპალიტეტის ინტერესებზე მორგებული ხედვით შევძლებთ, რომ გამარჯვების შემდეგ, განახლებული ენერგიით შევუდგეთ დაწყებული საქმეს და ჩაფიქრებული გეგმების განხორციელებას.თქვენი იმედი მაქვს, დარწმუნებული ვარ, ერთად აუცილებლად გავიმარჯვებთ!

დღეს ძალიან მნიშვნელოვანი დღეა- დღე, როდესაც ჩვენმა შინდისელმა გმირებმა თავი შესწირეს ჩვენს ქვეყანას, ჩვენი ქვეყნის მომავალს. არ დაგიმალავთ, პირველად ვიმყოფები წალკაში, პირველად ვესტუმრე ამ მხარეს. მეგონა, მთელი საქართველო მქონდა ნანახი და რაღა გამაკვირვებდა, თუმცა, გაკვირვებული დავრჩი ამ სილამაზით. კანიონი, რომელიც უნიკალურია, ერთ-ერთი ყველაზე დიდი კანიონია ევროპაში და რაც ყველაზე მთავარია, იქ ხორციელდება ერთ-ერთი ყველაზე მასშტაბური, უპრეცენდენტო პროექტი და ინვესტიცია, რომლის მსგავსი ამ მხარეში ჯერ არ განხორციელებულა. საუბარია ქართულ-ებრაულ ინვესტიციაზე, რომელიც შექმნის სამაგალითო, მსოფლიო სტანდარტების ტურისტულ ინფრასტრუქტურას. მნიშვნელოვანია, რომ იგი გამოვიყენოთ შიდა ტურიზმისთვის. საქართველოს მოქალაქეებმა აუცილებლად უნდა ნახონ ეს სილამაზე, თუ რამდენად მდიდარია ჩვენი ქვეყანა თავისი მრავალფეროვნებით და ამ მხრივ წალკა ერთ-ერთი გამორჩეულია.შიდა ტურიზმი და გარე ტურიზმი, არის და იქნება მთავრობის პრიორიტეტი და შედეგსაც მალე ნახავს ადგილობრივი მოსახლეობა. მრავალფეროვნება ვახსენე და არ შემიძლია, არ აღვნიშნო ეთნიკური მრავალფეროვნებით მდიდარი ეს მხარე, გამორჩეულად შრომისმოყვარე ხალხი, გზად მოვდიოდი და ვნახე, როგორ არის დამუშავებული თითო გოჯი მიწა, ერთ-ერთი ყველაზე ნაყოფიერი და მოსავლიანი. აქ წარმოებული პროდუქცია საუკეთესოა არა მხოლოდ საქართველოსთვის, არამედ ექსპორტზეც საკმაო რაოდენობით გადის. ეს სამაგალითო უნდა გახდეს სხვა რეგიონებისთვის, თუ როგორ უნდა იშრომო, როგორ უნდა შექმნა დოვლათი ოჯახისთვის, ქვეყნისთვის და შექმნა ხარისხიანი პროდუქცია.ჩვენი ქვეყანა არ არის დიდი ტერიტორიებით, თუმცა, რასაც ქმნის ეს მხარე, გამოირჩევა საუკეთესო ხარისხით. წალკაში სოფლის მეურნეობის ბევრი საინტერესო ინიციატივა და პროექტი განხორციელდა, რაც ეტყობა მხარეს, თუმცა, მჯერა, რომ ბევრი სხვა იდეა არსებობს და პირველ რიგში, ეს არის აქ, ამ მოსახლეობის გამოცდილებიდან, მათი ცხოვრებიდან და იმ გამოწვევებიდან გამომდინარე, რომელსაც ისინი აწყდებიან. ახალგაზრდები - ეს უნდა იყოს ერთ-ერთი მთავარი საზრუნავი ახალი მერისთვის, ახალი საკრებულოსთვის, რომ მოუსმინოს ადგილობრივებს, ბოლომდე იყოს ჩართული იმ გამოწვევებთან ბრძოლაში, რომელსაც მოსახლეობა აწყდება, ზოგჯერ, ყოველდღიურად.ჟინი, რომელიც ადგილობრივებს აქვთ, მთავარია იმისთვის, რომ მაქსიმალურად მეტი კეთილდღეობა მოვუტანოთ ჩვენს ოჯახებს, ამ მხარეს და მთლიანად, საქართველოს.დარწმუნებული ვარ, რომ ჩემი შემდეგი ვიზიტისას და გპირდებით, რომ ხშირად ვივლი, ჩვენ ვნახავთ კიდევ უფრო სამაგალითო წალკას სხვა კუთხეებისთვის.

მე მინდა ჩემი დღევანდელი გამოსვლა დავიწყო და გავიხსენო ჩვენი გმირები. დღეს 13 წელი გავიდა მას შემდეგ, რაც ჩვენმა გმირმა ჯარისკაცებმა და კერძოდ, 17-მა შინდისელმა გმირმა გმირულად თავი გაწირა ჩვენი სამშობლოსთვის. მე მინდა ყველას გთხოვოთ, რომ წუთიერი დუმილით პატივი მივაგოთ მათ ხსოვნას. ეს დღე მართლაც ტრაგიკული დღეა. თუმცა გვახსენებს იმას, რომ ჩვენ გმირების ქვეყანა ვართ. გმირების, რომლებმაც დაგვიტოვეს მაგალითი. დაუტოვეს მაგალითი ჩვენს თაობას, ჩვენს შვილებს, თუ როგორ უნდა ემსახურო საკუთარ სამშობლოს. შინდისის გმირებმა საკუთარი გმირობით დაგვიტოვეს მაგალითი იმისა, რომ სიცოცხლე არაფრად არ ღირს, მაშინ, როცა საქმე ეხება ჩვენი ქვეყნის და მოსახლეობის დაცვას. ამ დღეს სიმბოლურია, რომ თავდაცვის ძალების და მთავრობის შუამდგომლობით, ინიციატივით, ჩვენ მივმართეთ ქალბატონ პრეზიდენტს და პრეზიდენტის გადაწყვეტილებით დღეს, ერთ-ერთ გმირს, ალექსანდრე ონიანს ეროვნული გმირის წოდება მიენიჭა. ალექსანდრე ონიანმა ბრძოლის ბოლო წუთებში თავი გმირულად აიფეთქა. ამით აჩვენა სიმამაცის უმაღლესი მწვერვალი. უდიდესი მაგალითი გვაჩვენა თავგანწირვის და თავდადების. კიდევ ერთხელ დიდება ჩვენს გმირებს.ჩვენი ტრაგედიაა ასევე ის, რომ 2008 წლის აგვისტოში ერთის მხრივ, ჩვენმა გმირმა სამხედროებმა აჩვენეს აჩვენეს მოსახლეობას და ჩვენს ხალხს, მსოფლოს, თუ როგორ უნდა შეეჭიდო ერთ-ერთ ყველაზე ძლიერ არმიას მსოფლიოში, რუსეთის არმიას, თავი გაწირო შენი ქვეყნისა და ხალხისთვის და ამ დროს ტრაგედიაა და სირცხვილია ჩვენი, იმავე დღეს, 11 აგვისტოს, 13 წლის წინ, იმ დროინდელმა პრეზიდენტად წოდებულმა მთავარსარდალმა გვაჩვენა სიმხდალის არნახული მაგალითი. ბრძოლის ველიდან გაქცეული და მიწაზე გართხმული მთავარსარდალი. ეს არის ჩვენი ტრაგედია, ეს არის ჩვენი ეროვნული ტკივილი. მაგრამ ეს იყო რეალობა, რეალობა ისაა, რომ ასეთი მხდალ, ლაჩარი ადამიანი მართავდა ჩვენს ქვეყანას. შემთხვევით არაფერი ხდება. სწორედ მის დროს მოხდა ერთ-ერთი ყველაზე დიდი ტრაგედია და უბედურება - აგვისტოს ომი, რომლის შედეგადაც ჩვენ დავკარგეთ ჩვენი ტერიტორიების 20%.2007 წელს რუსეთის ბოლო ქვედანაყოფმა, ჯარმა დატოვა საქართველო რამდენიმე თვეში ასეთი უგუნური ანტისახელმწიფოებრივი პოლიტიკის და ღალატის შედეგად, ასეთ უმძიმეს პროვოკაციას რომ ვერ ააცილებ საკუთარ ქვეყანას და შემოაბრუნებ რუსულ ჯარს საქართველოში, ეს არის ქვეყნის და ხალხის ღალატი. მაშინ, როდესაც უნდა აჩვენო როგორც ლიდერმა თავდადების და ერთგულების მაგალითი, გვაჩვენა სიმხდალის და ლაჩრობის ბოლო მაგალითი და მიწაზე გართხმული იმ დროინდელი პრეზიდენტის ფოტოებით აჭრელდა მთელი მსოფლიო. სამწუხაროდ, ისევ გვიწევს ამ რეალობასთან ჭიდილი, მაგრამ ჩვენი ხალხი ბრძენია და იღებს სწორ გადაწყვეტილებას. ხალხმა იცის, ვინ ლაპარაკობს სიმართლეს და ვინ ტყუილს. გარკვეული პერიოდი შეიძლება შეაცდინო შენი მოსახლეობა, რაც ჩვენ გამოვცადეთ, მაგრამ, „არაფერია დაფარული, რაიც არა გაცხადეს“. არაფერი არ იმალება ქვეყანაზე.მინდა ახლა გადავიდე არჩევნების საკითხზე. პირველ რიგში, მადლობა მინდა გადაგიხადოთ თქვენი ერთგულებისთვის. თქვენ ხართ ჩვენი ოჯახის ერთგული წევრები. თქვენი დახმარებით, გვერდში დგომით ქართულმა ოცნებამ ბოლო შვიდ არჩევნებში ღირსეული, დამაჯერებელი გამარჯვება მოიპოვა. რომ არა თქვენი მხარდაჭერა და ერთგულება, ეს გამარჯვება შეუძლებელი იქნებოდა. ჩვენ და ჩვენმა დიდმა ოჯახმა, „ქართულმა ოცნებამ“ ძალიან კარგად ვიცით ერთგულების ფასი. ბევრი გულის ტკენაც იყო, ბევრი შეცდომა იყო, ბევრი მოღალატე იყო, მაგრამ, როგორც იტყვიან, ზოგი ჭირი მარგებელია. ჩვენ ვართ ერთიანი, ძლიერი გუნდი, „ქართული ოცნება“, რომელიც პასუხისმგებლობას იღებს ჩვენი ქვეყნის განვითარებაზე, წინსვლაზე და ჩვენი მოსახლეობის დაცვაზე. გუშინ ვთქვი და მინდა გავიმეორო, ყოველთვის გავიმეორებ ამას, ვინაიდან ეს არის სიმართლე-ჩვენ ვართ ის ძალა, რომელმაც განაპირობა და მოიტანა ქვეყანაში გრძელვადიანი, უწყვეტი მშვიდობიანი და სტაბილური პერიოდი. სტაბილურობა, რომელიც არის განმსაზღვრელი ყველა წინსვლის და განვითარების. ჩვენ როგორს პოლიტიკური, ასევე ეკონომიკური სიტუაცია გავხადეთ პროგნოზირებადი. სიტყვა „პროგნოზირებადი“ არის ძალიან მნიშვნელოვანი. ადვილად გასაგები, აღქმადი ყველა მოქალაქისთვის, იქნება ეს ექიმი, მასწავლებელი, პოლიციელი, ჯარისკაცი, ბიზნესმენი, მეწარმე, ფერმერი. რატომ? იმიტომ, რომ ადამიანს სჭირდება სტაბილურობის განცდა. მას სჭირდება პროგნოზირებადი მომავალი. აი, სწორედ ეს პროგნოზირებადი მომავალი გარანტირებული გვაქვს იმიტომ, რომ ჩვენი მოსახლეობის უმრავლესობამ იცის, რომ ჩვენი პარტია, ხელისუფლება არის პასუხისმგებლიანი პარტია და ჩვენ არაფერს ისეთს არ გავაკეთებთ, რითაც საფრთხეში ჩავაგდებთ ჩვენს სახელმწიფოს და ჩვენს მოსახლეობას. შეცდომები არ გვაქვს? რა თქმა უნდა გვაქვს, მაგრამ ეს შეცდომა არის გამოსწორებადი. ახლა ჩვენ სრული მობილიზება გვჭირდება იმისთვის, რომ ძალიან ღირსეულად, ძლიერად გავიმარჯვოთ მოახლოებულ არჩევნებში. თვითმმართველობის არჩევნები არის უმნიშვნელოვანესი, ვინაიდან ყველა მუნიციპალიტეტში, ყველა ქალაქში, ყველა სოფელში ჩვენ უნდა ჩავიდეთ. მერი უნდა ჩავიდეს ყველა სოფელში, ყველა უბანში უნდა შევიდეს, მოსახლეობას ელაპარაკოს და ადგილზე გადაუწყვიტოს ყველა პრობლემა. მეგობრებო, მოსახლეობას სჭირდება ზრუნვა, ყურადღება, ჩემი დავალება თითოეული მერისადმი იქნება, რომ სწორედ მაქსიმალური ყურადღება და ზრუნვა გამოვიჩინოთ ჩვენს მოქალაქეებზე.„მშვიდობას და სტაბილურობას სჭირდება განვითარება. ჩვენ ძალიან ბევრი გავაკეთეთ ბოლო 8 წლის განმავლობაში ყველა მიმართულებით, იქნება ეს განათლება, სპორტი, კულტურა, ინფრასტრუქტურა, ეკონომიკა, ადგილობრივი წარმოების განვითარება. სოფლის მეურნეობის მიმართულებით არაერთი პროექტი დაა პროგრამა დაფინანსდა. მაგალითისთვის გეტყვით, რომ 13 000-ზე მეტი ბენეფიციარი ფერმერი სარგებლობს შეღავათიანი პროგრამებით. 1700-ზე მეტი სამაცივრე პროგრამა დაფინანსდა. გაშენდა 6400 ჰექტარი ახალი ვენახები. 13 000 ჰექტარი ხეხილის მრავალწლოვანი კულტურები გაშენდა. ეს საკმარისი არ არის, ჩვენ გვჭირდება მეტი განვითარება. ჩვენ შევიმუშავეთ კომპლექსური, მასშტაბური განვითარების ხედვები, ყველა მიმართულებით. ადგილობრივი წარმოების მიმართულებით განსაკუთრებული ყურადღება მექნება მე პირადად და ჩვენს მთავრობას ჩვენი გეგმის მიხედვით, მომდევნო წლების განმავლობაში დაფინანსდება დაახლოებით 1300 ახალი საწარმო დაა ჯამში მთავრობა და კერძო სექტორი 2 მლრდ 500 მილიონის ინვესტირებას მოახდენს ადგილობრივი წარმოების განვითარებაში. ინფრასტრუქტურის მიმართულებით გვექნება ძალიან სერიოზული წინსვლა,, წითელი ხიდიდან სარფამდე 4 საათში იქნება შესაძლებელ მგზავრობა. 32 მილიარდი დაიხარჯება ჩვენი რეგიონების განვითარებაში. ჩვენ დავიწყეთ ყველა მუნიციპალიტეტში ურბანული განახლების პროექტები. ეს და იხარჯება 500 მილიონი. მე მინდა, რომ ყველა ქალაქი დს მუნიციპალიტეტი გახდეს ევროპული ტიპის. დავიწყებთ ურბანული ცენტრების განახლებას. ამით ისარგებლებს როგორ ჩვენი მოსახლეობა, ასევე კერძო სექტორი. დავიწყებთ რეკრეაციული სივრცეების განახლებას. ახალი სკვერები, ბაღების. ჩვენ დღეს ვიმყოფებით წალკის უნიკალურ კანიონთან, რომელიც ევროპაში არის ერთ-ერთი გამორჩეული. აქ უცხოური კომპანია ისრაელიდან 40 მილიონის ინვესტიციას ახორციელებს, რაც ამ ადგილის უნიკალურობაზე მიუთითებს. ჩემი დავალებით, ვმუშაობთ, რომ ყველა მუნიციპალიტეტში არსებული ასეთი უნიკალური ადგილები მაქსიმალურად ავითვისოთ. შევქმნათ ახალი ტურისტული ატრაქციები, გავუჩინოთ ახალი შესაძლებლობები ჩვენს მოსახლეობას, ახალი სამუშაო ადგილები - ეს უნდ იყოს ჩვენი მთავარი საზრუნავი. ჩვენ გვჭირდება მშვიდობა, სტაბილურობა და განვითარება. ჩვენ ტემპები მაქსიმალურად უნდა დავაჩქაროთ. უნდა გავაათმაგოთ მუშაობის ტემპიც და განვითარების ტემპიც. ეს სჭირდება ჩვენს მოსახლეობას. სჭირდება კეთილდღეობა, სიმშვიდე და სტაბილურობა.2 ოქტომბერს ჩვენი გუნდი ძლიერად გაიმარჯვებს ყველა მუნიციპალიტეტში და ქალაქში და შემდგომი მინიმუმ 3 წელი, 2024 წლამდე, მანამ სანამ არ ჩატარდება საპარლამენტო არჩევნები, ქვეყანაში უნდა იყოს სწრაფი აღმავლობის და განვითარების წლები და ჩვენ ამას აუცილებლად მივაღწევთ თქვენი მხარდაჭერით.მნიშვნელოვანია განათლება. სოფლის მეურნეობისა და ადგილობრივი წარმოების განვითარებას სჭირდება თანამედროვე, გადამზადებული სპეციალისტი. აუცილებელია განათლების სფეროში ინვესტირება. ჩვენ გვაქვს გრძელვადიანი გეგმა, რომ ყველა მუნიციპალიტეტში აშენდეს პროფესიული სასწავლებელი. გვაქვს გეგმა, რომ პროფესიული სასწავლებლის კურსდამთავრებული წავახალისოთ განსაკუთრებული ინიციატივებით, წამახალისებელი ღონისძიებებით, მივცეთ მათ იაფი სესხი, დაფინანსება, გრანტები მთავრობისგან, იმისთვის, რომ ადგილზე მოხდეს მათი დასაქმება და გამყენება.ბოლო წლების განმავლობაში 175 ახალი სკოლა აშენდა ჩვენს დროს, 250-ზე მეტი სკოლა გარემონტდა. დღეს კიდევ ერთ ახალ სკოლას დავათვალიერებ. ეს არ არის საკმარისი. ჩვენ უნდა შევქმნათ ერთიან სტანდარტი - ყველა სკოლა, ყველა ბაღი უნდა იყოს ერთიანი ევროპული სტანდარტით აშენებული და რეაბილიტირებული. ეს უნდა იყოს ჩვენი საზრუნავი - განვითარება, განვითარება, განვითარება.ახლა რაც შეეხება პანდემიას, მე მინდა რამდენიმე სიტყვით ჩვენს მოსახლეობას ავუხსნა თუ სად ვიყავით, სად ვართ და ჩვენი პროგნოზით სად ვიქნებით მომდევნო თვეების და წლების განმავლობაში. მოგეხსენებათ, რომ პანდემია არის მსოფლიო მოვლენა, ეს ხდება ყველგან, მთელ მსოფლიოში, ეს იყო მოულოდნელი ჭირი, რომ იტყვიან, გამოწვევა მთელი მსოფლიოსი, რამაც დაანგრია, შეაჩერა, გააჩერა მთელი მსოფლიო. ჩვენ, რა თქმა უნდა როგორც მთელი მსოფლიო, გასულ წელს შევხვდით მოუმზადებლები, არ ვიცოდით, თუ რასთან გვქონდა საქმე. ახლა უკვე უკეთესად მომზადებული ჯანდაცვის სისტემა გვაქვს და მადლობა ჩვენს გმირ ექიმებს, კიდევ ერთხელ მინდა მათ მადლობა გადავუხადოთ. 5 თვის წინ, როცა მე დავინიშნე პრემიერ-მინისტრად, მაშინ ქვეყანაში არც ვაქცინები გვქონდა, ლარი იყო 3,5-ზე, ეკონომიკა იყო ჩაკეტილი და გაჩერებული, ყველაფერი, გვქონდა კომენდანტის საათი, შეზღუდვები და აშ.. იყო სრული პესიმიზმი და ნიჰილიზმი. ამას ემატებოდა ის საბოტაჟი და ხელოვნური პოლიტიკური კრიზისი, რომელიც ქვეყანაში იყო შექმნილი. დღეს რა ვითარება გვაქვს, ლარი არის სტაბილური, მაქსიმალურად ამ მოკლე დროში, 5 თვეში, შევძელით დასტაბილურება და ჩამოვიდა, 40 პუნქტით გამყარდა. ამას გარდა, ეკონომიკური ზრდის ტემპით ვართ ერთ-ერთი მოწინავე მთელ მსოფლიოში. 45% იანი ზრდა გვქონდა აპრილის თვეში, მაისის თვეში 25%-იანი, ივნისში 18%-იანი. 12,7% გვაქვს 6 თვის ზრდის მაჩვენებელი, რაც არის უპრეცედენტო ბოლო წლების განმავლობაში, ორნიშნა ზრდა ჩვენ არ გვქონია 2006 წლის შემდეგ. მეგობრებო, ამას სჭირდება შენარჩუნება. ამის შედეგი რა არის- ამის შედეგი არის ის, რომ მაგალითად ბიუჯეტი მილიარდ 200 მილიონით გავზარდეთ და შევიტანეთ პარლამენტში, პარლამენტმა მხარი დაუჭირა ახალ ბიუჯეტს. 600 მილიონი მივეცით ჯანდაცვის სამინისტროს, რომელიც ბიუჯეტში არ იყო გათვალისწინებული და რომელიც საჭიროებდა ამ თანხას. სხვა თანხები გავუშვით ინფრასტრუქტურაში, ეკონომიკაში, წარმოებაში და მოქალაქეების, მაგალითად ბავშვების სოციალური დახმარების გაორმაგებაში. დღეს გადავხედოთ ტურისტულ ადგილებს. ყველა ტურისტული ადგილი აბსოლუტურად გადაჭედილია. ტურისტებით სავსე, იგივე ჩვენი შიდა ტურიზმი ძალიან მაგრად მუშაობს, ხალხი ქმნის დოვლათს და შემოსავალი შესდის ყველა მოქალაქეს, ყველა ოჯახს მეტ-ნაკლებად. ამ ყველაფერს სჭირდება მეგობრებო, შენარჩუნება.ეხლა ვუბრუნდები ვაქცინის საკითხს. მე გითხარით, რომ ვაქცინები 5 თვის წინ არ იყო. ველოდებოდით COVAX-ის პლატფორმას, ეს პლატფორმა არის საერთო პლატფორმა, რომლისგანაც ყველა ქვეყანა ელოდებოდა ვაქცინებს, მაგრამ მოხდა დაგვიანება და ვაქცინები იმ დროისთვის, როცა მე დავინიშნე პრემიერ-მინისტრად, არ ჩამოვიდა საქართველოში. მე გადავწყვიტე მაშინ, დავავალე კაბინეტს და დავიწყეთ პირდაპირ მწარმოებლებთან, მომწოდებლებთან მუშაობა. მაშინ კომუნიკაციაზე საერთოდ არავინ არ გამოდიოდა. კვირების განმავლობაში ელოდებოდნენ პასუხს მეილით. მე მქონდა ნაცნობობა ჯერ კიდევ ჩემი პირველი პრემიერ-მინისტრობის დროს ჯანმოს გენერალურ დირექტორთან, რომელიც იმ დროს საგარეო საქმეთა მინისტრი იყო. მასთან მქონდა პირდაპირი კომუნიკაცია, მისი დახმარებით, მისი უშუალო კომუნიკაციით და შუამავლობით დავუკავშირდი „ფაიზერის“ პრეზიდენტს, მწარმოებელი კომპანიის პრეზიდენტს, რომელმაც საკუთარი ადმინისტრაციის უფროსის ჩართულობით, ჩემს აპარატთან, ჩემს ადმინისტრაციასთან, ასევე ჯანდაცვის სამინისტროსთან, მაქსიმალურად დავაჩქარეთ პროცესი და დღეს მივიღეთ მილიონზე მეტი „ფაიზერი“ საქართველოში. მილიონი ცალკე, რომელიც ჩვენ ვიყიდეთ და ნახევარი მილიონი პრეზიდენტ ბაიდენის საჩუქარი საქართველოსთვის. მეორეს მხრივ, მაშინ იყო დილემა, ასეთი კითხვა არსებობდა ჩინურ ვაქცინებთან დაკავშირებით. პირველივე დღეებიდან ვიყავი მომხრე და ჩემი ინიციატივა იყო სწორედ ჩინური ვაქცინების შემოტანა საქართველოში. იმიტომ, რომ ისევ ჩემი კარგი მეგობრის და ნაცნობის, ჯანმრთელობის მსოფლიო ორგანიზაციის გენერალური დირექტორის რჩევით, პრივატულ საუბრებში მან მითხრა, რომ ორივე ჩინური ვაქცინა იქნება აღიარებული უახლოეს კვირებში და თვეებში, დროის ამბავია. მე მაშინ დავავალე მთავრობას და დავუკვეთეთ „სინოფარმის“ და „სინოვაკის“ ვაქცინები. ახლა რა ხდებოდა ამ პროცესში. მოთხოვნა იყო საკმაოდ გაზრდილი, ეს ინფორმაცია, რა თქმა უნდა, ბევრს ჰქონდა და არა მხოლოდ ჩვენ, ამიტომ მოწოდებასთან დაკავშირებით შეფერხება იყო. ჩინეთის პრემიერთან მქონდა კომუნიკაცია, შედეგად მივაღწიეთ იმას, რომ მილიონნახევარი ჩინური ვაქცინა დღეს არის საქართველოში. ანუ, საუკეთესო ვაქცინების მობილიზება შევძელით უმოკლეს დროში. ეკონომიკა გავხსენით და ყველა რეიტინგით, პარამეტრით დავუბრუნდით, ვუბრუნდებით პანდემიამდელ მდგომარეობას. სულ ახლახანს გამოქვეყნებული Fitch-ის რეიტინგიც ამას მოწმობს, რომ საქართველომ ძალიან სწრაფად მოახდინა ეკონომიკის სწრაფი აღდგენა. ეხლა, ამდენს რატომ ვლაპარაკობ, დაგღალეთ, უკაცრავად, მაგრამ მე მინდა მოსახლეობას ავუხსნა, რომ ამ ყველაფერს, მეგობრებო, სჭირდება კარგი შენარჩუნება. ერთის მხრივ, ბალანსის დაცვა, ვინაიდან ჩვენი მოქალაქეების ჯანმრთელობას ეხება საქმე, მეორეს მხრივ, ასევე მნიშვნელოვანია ჩვენი ძალიან დიდი უმრავლესობა მოქალაქეებისა არიან დასაქმებულები. ადამიანებს სჭირდებათ დასაქმება, ყოველთვიური შემოსავალი. გავიხსენოთ წინა წელი, როცა გამოვკეტეთ სახლებში ადამიანები და შემდეგ 200 ლარები დავურიგეთ. არის ეს საკმარისი იმისთვის, რომ ადამიანმა ნორმალურად შეძლოს ცხოვრება?! რა თქმა უნდა, არა. გვინდა, რომ გავიმეოროთ იგივე?! მე ვფიქრობ, არა. ამიტომ, ჩვენ ეს ოქროს შუალედი უნდა დავიჭიროთ. სიტუაცია მშვიდად და ცივად უნდა ვმართოთ. მე მესმის ჩვენი ექიმების და მათ ვუთანაგრძნობ, მადლობას ვეუბნები მათი გმირობისთვის, ჩვენ ყველანი უნდა დავეხმაროთ ჩვენს ექიმებს, გვერდში დავუდგეთ, შეძლებისდაგვარად, აი იმ ზღვარზე როგორც ვართ ახლა, უნდა ვმართოთ სიტუაცია.თუ ჩვენ, მოქალაქეები არ დავეხმარებით ჯანდაცვის სისტემას და ჩვენს ექიმებს და არ ავყვებით ამ ფერხულში, რასაც ჰქვია ვაქცინაცია და აცრა, იქნება ძალიან ცუდი სამსახური ჩვენი ქვეყნისთვის და ჩვენი თავისთვის. ახლა რატომ, იმიტომ, რომ აუცრელი ადამიანის დაინფიცირების შემთხვევაში მისი ჯანმრთელობის გაუარესების ძალიან მაღალი რისკია. უკვე ჰოსპიტალში მოხვედრილი, ანუ დამძიმებული პაციენტის რისკები ასევე იზრდება. 99,99% აცრილებისა არ ხვდებიან კლინიკებში, არ ხდება გარდაცვალება, ანუ მარტივად რომ ვთქვათ, აცრა იცავს სიკვდილისგან. მე აცრილი ვარ, კოვიდიც გადავიტანე და ჩემი ოჯახის ყველა წევრი აცრილია. ამით მინდა, რომ ერთგვარი ელემენტარული მაგალითი მივცე ყველას, ჩემს გარშემო მყოფს. ჩავრთე ჩემი ინიციატივით მთელი მთავრობა, სამინისტროები, დავავალე ყველას, რომ დავიწყოთ ორგანიზებულად აცრები. ისევე როგორც რეგიონებში გუბერნატორები, მერები, საკრებულოს წევრები, ახლა გამოვედით ხალი ინიციატივით, რომ ცესკოს ყველა თანამშრომელი იქნას აცრილი, ისევე როგორც ყველა მერობის კანდიდატი, იმისთვის, რომ ჩავატაროთ კოვიდ-უსაფრთხო არჩევნები. ეს უნდა იყოს ჩვენი საზრუნავი“, - განაცხადა მესმის, რომ კრიზისია, მაგრამ ამას ჩვენ ყველანი ერთად უნდა გავუმკლავდეთ მშვიდად და ყოველგვარი პანიკის და ისტერიის გარეშე. თუმცა ვუყურებ რა ამ ოპოზიციურ არხებს, თავი მოგეჩვენებათ მსოფლიოს ბოლო დღეებში. აპოკალიფსია პირდაპირ. მთელ მსოფლოში ეს ხდება. მანამდე მომადგნენ, ყოველ დღე აქციებს მიტარებდნენ კომენდანტის საათის გაუქმების მოთხოვნით. ობიექტურად მაშინ ხალხი იყო შეწუხებული. ეს გავაკეთეთ. შემდეგ გავითვალისწინე მოსახლეობის ჩივილი და სტაბილური სიტუაციისას, როდესაც ვაქცინების შემოტანა დავიწყეთ, გავაუქმეთ პირბადის ტარების რეგულაციაც. დროებით, მაგრამ ვაკვირდებოდით სიტუაციას. ახლა ჩვენ შემოვიღეთ ასეთი რეგულაცია - 5 ადამიანზე მეტი თუ იკრიბება და მითუმეტეს, იმის გათვალისწინებით, რომ ვიმყოფებით აქტიურ საარჩევნო კამანიაში, საჭიროა ელემენტარული წესების დაცვა - პირბადის ტარება, დისტანციის დაცვა და აცრა. 

წალკის მერობის კანდიდატის - ილია საბაძის წარდგენა #განვითარებაყველარეგიონს

უპირველეს ყოვლისა, მინდა დღევანდელ დღეს პატივი მივაგოთ 2008 წლის 11 აგვისტოს, სოფელ შინდისში გმირულად დაღუპულ საქართველოს შეიარაღებული ძალების 17 ჯარისკაცს. ჩვენ ყოველთვის გვახსოვს ჩვენი გმირები და ამ ომს ჩვენ საბოლოო ჯამში მოვიგებთ.გუშინ გამოქვეყნდა კვლევის შედეგები და ამან კიდევ ერთხელ ნათელი გახადა, რომ მოცემულ პოლიტიკურ კონტექსტში „ქართულ ოცნებას“ პრაქტიკულად ალტერნატივა არ აქვს.ტელეკომპანია „იმედის“ მიერ გამოქვეყნებული კვლევის მიხედვით, ჩვენი რეიტინგი პრაქტიკულად იმეორებს გასული წლის საპარლამენტო არჩევნებზე დაფიქსირებულ შედეგს და ყოველი მეორე ამომრჩეველი კვლავ „ქართულ ოცნებას“ უჭერს მხარს. ყველას გვესმის, რომ თვითმმართველობის არჩევნებს თავისი სპეციფიკა გააჩნია. რა თქმა უნდა, საბოლოო შედეგებზე, მნიშვნელოვან გავლენას პერსონალური ფაქტორებიც ახდენს. სწორედ ამიტომ, გვაქვს მოლოდინი, რომ მას შემდეგ, რაც დასახელდება ყველა კანდიდატი, მათ შორის მაჟორიტარი დეპუტატობის კანდიდატები, ჩვენი რეიტინგი კიდევ უფრო გაიზრდება. ამის ნათელი მაგალითია წინა თვითმმართველობის არჩევნები, რომელიც 2017 წელს ჩატარდა. 2016 წელს საპარლამენტო არჩევნებში „ქართული ოცნების“ შედეგი იყო 48%, ხოლო ერთი წლის თავზე, ადგილობრივი თვითმმართველობის არჩევნებზე, შედეგი გაიზარდა 56%-მდე. ამიტომ, ჩვენ გვაქვს მოლოდინი რომ ასეთივე ზრდა იქნება 2021 წლის ადგილობრივი თვითმმართველობის არჩევნებზე. ჩვენ გვყავს და გვეყოლება ღირსეული კანდიდატები წარმოდგენილი ყველა არჩევით თანამდებობაზე და საქართველოს მოსახლეობის მხარდაჭერით აუცილებლად გავიმარჯვებთ მომავალ თვითმმართველობის არჩევნებზე.

მოგესალმებით მეგობრებო და დიდ მადლობას გიხდით მობრძანებისთვის.მივესალმები პრემიერ-მინისტრს, პარლამენტის თავმჯდომარეს, მოწვეულ სტუმრებს.დამერწმუნებით, თითოეული ადამიანისთვის დიდი პატივია, როდესაც შენი პოლიტიკური გუნდი დიდ ნდობას გიცხადებს და როგორც შენთვის, ისე მთელი ქვეყნისთვის განსაკუთრებული მნიშვნელობის ქალაქის მერობის კანდიდატად წარგადგენს.რა თქმა უნდა, არც მე ვარ გამონაკლისი და ასეთი ნდობა დიდი სიამაყით მავსებს.ჩვენი ქალაქის ისტორიაზე და მის არათუ ლოკალურ, არამედ მსოფლიო მნიშვნელობაზე ბევრს არაფერს ვიტყვი, რადგან ისედაც ყველასთვის კარგად არის ცნობილი, რომ პირველი ევროპელები სწორედ დმანისიდან არიან.ამ ყველაფრის გათვალისწინებით, მტკიცედ მწამს, რომ ჩვენს ქალაქს დიდი პოტენციალი აქვს იყოს ერთ-ერთი მთავარი კულტურული და სამეცნიერო ცენტრი რეგიონში, რაც პირდაპირ აისახება არა მხოლოდ ჩვენი ქალაქის განვითარებაზე, არამედ აქ მცხოვრები ადამიანების კეთილდღეობაზე.პირობას გაძლებთ, თქვენი მხარდაჭერის შემთხვევაში, საჯარო სამსახურსა თუ სხვადასხვა საპასუხისმგებლო თანამდებობებზე მუშაობისას მიღებულ გამოცდილებას სრულად მოვახმარ ჩვენი ქალაქის, აქ მცხოვრები ადამიანების უკეთეს ხვალინდელ დღეზე ზრუნვას.თქვენი აქტიური ჩართულობით, სწორი და თანმიმდევრული ნაბიჯებით, ერთი მხრივ გადავჭრით დმანისელების წინაშე არსებულ პრობლემებს, მეორე მხრივ კი სრულად ავითვისებთ ჩვენი ქალაქის დიდ პოტენციალს.რა თქმა უნდა, არ მაქვს ილუზია, რომ ყველაფერს მყისიერად მივაღწევთ და წარმატება მარტივად მოვა, თუმცა, მზად ვარ, მთელი ჩემი გამოცდილება, ენერგია და დრო დავუთმო ამ ქალაქს, აქ მცხოვრებ ადამიანებს, რათა ჩემი გუნდის და რაც მთავარია - დმანისელების აქტიური ჩართულობით, მომავალი 4 წლის განმავლობაში, პირნათლად შევასრულოთ ჩვენი მისია და დმანისი უფრო მწვანე, განვითარებულ და წარმატებულ ქალაქად ვაქციოთ, საჯარო სიკეთე კი დმანისში მცხოვრებ თითოეულ ოჯახზე გადავანაწილოთ.რა თქმა უნდა, მთელი რიგი მიმართულებებით არაერთი გამოწვევა არსებობს, მაგრამ მთავარი მონდომება და თქვენი მხარდაჭერაა. მჯერა, ერთად აუცილებლად გავიმარჯვებთ!