მიხარია, რომ მაქვს საშუალება, მოგმართოთ სილამაზით ერთ-ერთი ყველაზე გამორჩეული ადგილიდან-საზღვრისპირა მუნიციპალიტეტი განსაკუთრებით მრავალფეროვანი მოსახლეობით, ეთნიკური უმცირესობებით, სადაც ყველა ერთად შრომობს და ერთად უძღვება ყოველდღიურ საქმიანობას.როდესაც მოვდიოდით, არ შეიძლება არ შეამჩნიო ველები და ფერდობები, რომელიც დამუშავებულია, მოვლილია, სადაც პირველ რიგში ჩანს თუ რამდენად შრომისმოყვარე ხალხი ცხოვრობს აქ. ისინი არჩენენ ოჯახებს, ქვეყანას, ქმნიან დოვლათს. ბევრი საწარმო გაიხსნა, ძალიან ბევრი პროგრამა განხორციელდა. მე ვიცი, ძალიან ბევრია დაკავებული მეცხოველეობით.მოგეხსენებათ, სოფლის მეურნეობის პროგრამების კუთხით ჩვენ ნამდვილად გვაქვს მრავალფეროვნება, აუცილებელია ყველამ შეძლოს ბოლომდე გამოიყენოს ის პოტენციალი, რომელიც ამა თუ იმ რეგიონს გააჩნია, თუმცა მე ამჯერად ხაზგასმით აღვნიშნავდი ტურისტულ პოტენციალს, რომელიც რეგიონს გააჩნია.პირველი ევროპელები აქ აღმოაჩინეს, ბევრისთვის აქ იწყება ევროპა, ის ევროპა, რომლის სრულფასოვანი წევრები ჩვენ 2024 წელს გავხდებით და გავხდებით ლიდერი, ევროპული რეგიონებით, სადაც შემოვიტანთ ევროპული ცხოვრების სტანდარტებს.მართლაც გამაოგნებელია ის სილამაზე, რომელსაც ჩვენ ვხედავთ და მე განსაკუთრებით ვისურვებდი, რომ პირველ რიგში შიდა ტურიზმისთვის გახდეს ეს ერთ-ერთი მიმზიდველი ადგილი. ყველამ უნდა ისიამოვნოს იმ ციხესიმაგრეებით, გარემოთი, ბუნებით, ხალხის სიყვარულით, რომლითაც ნამდვილად გამოირჩევა დმანისი.დარწმუნებული ვარ, რომ ახალგაზრდების ჩართულობით, ახალი მერით, ახალი საკრებულოთი, ძლიერი გუნდით, რომელიც ზურგს გაუმაგრებს ადგილობრივ თვითმმართველობას, ჩვენ მივაღწევთ ყველა მიზანს, ჩვენ ვიხილავთ უფრო გაბრწყინებულ დმანისს, რომლის პოტენციალი სრულიად იქნება გამოყენებული.ვიხილავთ ბევრ ტურისტს სხვადასხვა ქვეყნიდან, რომელიც ამ უნიკალური ისტორიით, ტრადიციით და კულტურით მიიღებენ სიამოვნებას, აქაც დატოვებენ თავიანთ დოვლათს და რაც ყველაზე მთავარია, კიდევ ერთხელ ვაჩვენებთ ყველას, რომ საზღვრისპირა მუნიციპალიტეტი შეიძლება იყოს ძალიან ძლიერი, ძალიან ლამაზი და რაც ყველაზე მთავარია, ძლიერად ფეხზე მდგომი.კიდევ ერთხელ მინდა წარმატება ვუსურვო ჩვენს კანდიდატს, რომელიც გახლავთ იურისტი, გამოცდილი საჯარო მოხელე, რომელსაც ძალიან უყვარს თავისი კუთხე, თავისი მხარე, და რომლის წარმატებაში ყველა დარწმუნებული ვართ. თუმცა, აუცილებელია აღვნიშნოთ, რომ მას ჭირდება ძლიერი საკრებულო, სადაც ჩვენ აუცილებლად მოვიპოვებთ უმრავლესობასაც და მაჟორიტარ დეპუტატთან ერთად დაიდება საბოლოო წარმატების შედეგი.

მე მინდა კიდევ ერთხელ მადლობა გადაგიხადოთ მობრძანებისთვის, მადლობა მინდა გითხრათ თქვენი ერთგულებისთვის. რომ არა თქვენი ერთგული მხარდაჭერა ჩვენი პარტიისადმი, რა თქმა უნდა, შეუძლებელი იქნებოდა 7 არჩევნებში ჩვენი გუნდის ძლიერი, დამაჯერებელი და ღირსეული გამარჯვება. დმანისში ამ ულამაზესი რეგიონის, ულამაზესი ადგილის მოსახლეობას სჭირდება მერი. მერი, რომელიც 24 საათის განმავლობაში იზრუნებს ჩვენი მოსახლეობის ყოველდღიური პრობლემის მოგვარებაზე. დმანისს და დმანისის მოსახლეობას ჯერ კიდევ უამრავი პრობლემა აქვს გადასაწყვეტი. ჩვენ ბოლო წლების განმავლობაში ძალიან ბევრი რამ გავაკეთეთ მთელი ქვეყნის მასშტაბით, რეგიონების მასშტაბით. ამ რეგიონში მაგალითად ძალიან ბევრი სკოლის, ბაღის მშენებლობა დასრულდა, ბევრი გზის, ხიდის მშენებლობა დასრულდა, მიმდინარეობს გაზგაყვანილობის პროცესი, მაგრამ რა თქმა უნდა, ეს ყველაფერი არ არის საკმარისი. ჩვენ ახლა უნდა გადავიდეთ მასშტაბური პროექტების განხორციელებაზე. ჩემს წინა გამოსვლაში ვთქვი და მინდა კიდევ გავიმეორო, რომ ცალკეული ფრაგმენტული განვითარება არ არის საკმარისი. სწორედ ამ მიზნით, ახლახანს დავასრულეთ ჩვენი ქვეყნის გრძელვადიანი, მასშტაბური განვითარების გეგმაზე მუშაობა. ყველა მიმართულებით ვიცით, რა უნდა გავაკეთოთ. სოფლის მეურნეობის მიმართულებით, ინფრასტრუქტურა, გზები, განათლება, კულტურა, სპორტი, ჯანდაცვა- ყველა ამ მიმართულებით ვიცით, რა უნდა გავაკეთოთ. დროში გაწერილი კონკრეტული გეგმები გვაქვს დამუშავებული. მეგობრებო, ჩვენი მთავარი გამოწვევა, გარდა ოკუპაციისა და ტერიტორიული მთლიანობის აღდგენისა, რა თქმა უნდა, არის სიღარიბე, უმუშევრობა და ჩვენი ეკონომიკა. ამ მიზნით ჩვენ ყველაფერი უნდა გავაკეთოთ. მაქსიმუმი უნდა გავაკეთოთ, ბოლომდე უნდა დავიხარჯოთ. მერის მოვალეობა სწორედ უნდა იყოს და იქნება, მე მჯერა, ჩვენი კანდიდატის მოვალეობა და მისი ყოველდღიური საზრუნავი იქნება ჩვენი მოსახლეობის ყოველდღიური პრობლემების გადაჭრა. მერი ყველა სოფელში, ყველა უბანში თავად უნდა ჩავიდეს, შეხვდეს მოსახლეობას, მოუსმინოს მათ პრობლემებს. დროულად, ოპერატიულად, ეფექტიანად გადაუწყვიტოს ადგილზე ნებისმიერი პრობლემა. ცენტრალური მთავრობის დახმარება რა თქმა უნდა, მას გარანტირებული ექნება. ჩვენ, მთელი გუნდი მზად ვართ, რომ ბოლომდე დავიხარჯოთ და ვემსახუროთ ჩვენს ხალხს და ჩვენს ქვეყანას მთელი ქვეყნის, რეგიონების, სოფლების მასშტაბით. რაც შეეხება ზოგადად ამ არჩევნებს. ეს არჩევნები არის ძალიან მნიშვნელოვანი. თვითმმართველობის არჩევნებში ჩვენ ყველგან უნდა გავიმარჯვოთ დამაჯერებლად. ჩვენ გვჭირდება ღირსეული გამარჯვება ყველა ქალაქში, მუნიციპალიტეტსა და სოფელში იმიტომ, რომ შემდგომი სამი წელი ჩვენს ქვეყანაში უნდა იყოს მშვიდობა, სტაბილურობა და სწრაფი განვითარება. ჩვენ განვითარება უნდა შევიტანოთ ყველა რეგიონში, ყველა ქალაქში და მუნიციპალიტეტში. მოდი ვთქვათ, მეგობრებო, ბოლო 30 წლის განმავლობაში, ვინ შეძლო ქვეყანაში გრძელვადიანი მშვიდობის და სტაბილურობის უზრუნველყოფა? ეს არის ერთადერთი ის იშვიათი გამონაკლისი, 8 წლიანი პერიოდი, როცა ქვეყანას არ ჰქონია ომი. მე ომზე ამ დღეების განმავლობაში აქტიურად ვლაპარაკობ იმიტომ, რომ ეს არის ჩვენი ტრაგედია. 13 წელი გავიდა მას შემდეგ, რაც ჩვენ გადავიტანეთ უზარმაზარი დანაკარგი და ტრაგედია, დავკარგეთ ჩვენი ტერიტორიები დროებით, მაგრამ ამან განაპირობა ოკუპაცია ჩვენი ქვეყნის 20%-ის, ათასობით ადამიანი დევნილობაში წამოვიდა და ძალიან გამოუსწორებელი შედეგი მიიღო ჩვენმა ქვეყანამ და მოსახლეობამ. ხალხმა მიიღო, რაც მთავარია. მე ყოველთვის მითქვამს, რომ მოდიან პოლიტიკოსები ხელისუფლებაში, ვიწრო ელიტური ჯგუფი მოდის ხელისუფლებაში, ტოვებს ძალიან დიდ პრობლემებს და შემდეგ თაობებს უწევთ ამ პრობლემების გადაჭრა, ამაზე ზრუნვა და მუშაობა. ჩვენ ერთ-ერთი მთავარი გამოწვევა სწორედ ოკუპაცია დაგვხვდა. ის, რომ რუსეთს ჰქონდა განზრახული ჩვენს ქვეყანაში ჯარების შემოყვანა და დაბრუნება, ეს არახალია და ცხადია. ხელისუფლება მმართველი მაგიტომ ხარ, მაგიტომ აგირჩია მოსახლეობამ, რომ ყველა რისკი გათვალო, დააზღვიო შენი მოსახლეობა და შენი ქვეყანა, პირველ რიგში. რუსეთის ჯარი ბოლოს 2007 წელს გავიდა ქვეყნიდან. 2005 წელს დაიწყო და 2007 წელს დასრულდა, ბოლო ჯარის ნაწილი გავიდა ახალციხიდან, რომელშიც სხვათა შორის მე შევიყვანე ქართული ჯარი და იქ ახალი ბაზა ავაშენეთ. მას შემდეგ, სულ რაღაც რამდენიმე თვეში, უგუნურმა წინა ხელისუფლებამ, არ ვიცი უმეცრებით, უგუნურებით როგორ მოუვიდათ, ასეთ პროვოკაციას წამოეგნენ და შემოიყვანეს, დააბრუნეს რუსული ჯარი. ეს კატასტროფაა. რატომ ვლაპარაკობ მე ამდენს- მშვიდობას და სტაბილურობას არ აქვს ალტერნატივა. მეგობრებო, მშვიდობა და სტაბილურობა თუ არ იქნება ჩვენს ქვეყანაში, ჩვენს ქალაქებში, მუნიციპალიტეტებში, სოფლებში, ჩვენს ოჯახებში, არ იქნება არავითარი განვითარება. ადამიანი ვერ დაგეგმავს, რა უნდა გააკეთოს, როგორ განავითაროს სოფლის მეურნეობა, წარმოება, სკოლა და აშ.. ამიტომ, ამას ერთის მხრივ შენარჩუნება სჭირდება და ჩვენ ვართ აბსოლუტურად მობილიზებული, ძლიერი გუნდი, რომელიც უზრუნველყოფს ჩვენი მოსახლეობის, მშვიდობის და სტაბილურობის დაცვას და ჩვენი რეგიონების და ქალაქების განვითარებას. ასევე მინდა გითხრათ, რომ ჩვენ 2017 წელს აქ ჩავატარეთ არჩევნები, მხარი დავუჭირეთ მაშინ იმ დროინდელ კანდიდატს. სამწუხაროდ, მერე ძალიან სამწუხარო რაღაც მოხდა, აღარ მინდა ამაზე ვილაპარაკო, მაგრამ ეს შეცდომა ჩვენ უნდა გამოვასწოროთ. ამიტომ ჩვენ დღეს აქ ვართ იმისთვის, რომ წარმოგიდგინოთ ახალი კანდიდატი.ევროპული სტანდარტების შემოტანა უნდა დავიწყოთ და უკვე დავიწყეთ მასშტაბური პროექტების განხორციელება, როგორიც არის ურბანული განახლების პროექტები, რეგიონების განახლება. ყველა მუნიციპალიტეტში მოეწყობა ევროპული ტიპის ცენტრები, რომლებიც შემდგომ წლების განმავლობაში გადავა უკვე სოფლად. ყველა მუნიციპალიტეტში მოეწყობა ახალი ტურისტული ადგილები, რეკრეაციული სივრცეები, პარკები, სკვერები და ა.შ. რომელიც დამატებითი მიზიდულობის ცენტრი გახდება ჩვენი მოქალაქეებისთვის, დასვენების საშუალება იქნება და რაც მთავარია, ტურისტებისთვის, რომლებიც უფრო მეტად ჩამოვლენ ჩვენს ქვეყანაში.იმ დროს, როდესაც ქვეყანაში საკმაოდ რთული ეპიდემიოლოგიური სიტუაციაა, ჩვენი ქვეყანა სავსეა ტურისტებით, ტურისტული ქალაქები, სასტუმროები არის გადატვირთული. აქვე მინდა ვისარგებლო შემთხვევით და კიდევ ერთხელ მოგიწოდოთ ყველას, რომ მთავრობამ რაც გააკეთა, რაც ევალებოდა, ეს იყო სწორედ ვაქცინების შემოტანა. ჩვენ შემოვიტანეთ 3 მლნ. ვაქცინა, მეგობრებო. მე პირადად ვარ აცრილი, ჩემი ოჯახის წევრები, ყველანი, გუნდის წევრები. ჩვენი სურვილი არის, რომ კანდიდატებიც ჩაერთონ ვაქცინაციის პროცესში, რომ ყველა კანდიდატი იყოს აცრილი და ზოგადად, ჩავატაროთ კოვიდ-უსაფრთხო არჩევნები. ეს არის ძალიან მნიშვნელოვანი.ამ ეკონომიკურ აღმავლობას და სწრაფ ეკონომიკურ ზრდას სჭირდება შენარჩუნება. ერთადერთი გზა იმისა, რომ შევინარჩუნოთ ეკონომიკური განვითარება და ზრდა, არის სწორედ ვაქცინაცია. პირდაპირ ამაზე გადის ჩვენი ქვეყნის განვითარება. ჩაკეტვები არის დროებითი გამოსავალი. 1-2 თვე შეიძლება მოითმინოს კაცმა, მაგრამ შემდეგ კვლავ უნდა გახსნან, მუდმივად ვერ ამყოფებ ქვეყანას და მოსახლეობას ჩაკეტილ მდგომარეობაში, დამეთანხმებით ყველანი. ყველას გჭირდება სამუშაო ადგილი, ხელფასები, ყველამ უნდა ვიზრუნოთ ჩვენი მოქალაქეების და ზოგადად, ჩვენი მოსახლეობის კეთილდღეობაზე, ამიტომ, კიდევ ერთხელ, მთავრობას გამოსავალი აქვს ნაპოვნი, ჩამოვიტანეთ ვაქცინები, საუკეთესო ვაქცინები და რაც მთავარია, უსაფრთხო. კიდევ ერთხელ, ყველას მოგიწოდებთ თხოვნით, რომ ავიცრათ. ეს არის უსაფრთხო. ვაქცინა გვიცავს სიკვდილისგან, რაც მთავარია. ბევრ ადამიანს ჰგონია, რომ ჯანმრთელია და ამას ძალიან მარტივად გადაიტანს, მაგალითად მეც მქონდა კოვიდი, იოლ ფორმებში, თუმცა ძალიან ბევრი ჯანმრთელი ადამიანი ვიცი, რომელსაც ძალიან გაურთულდა ინფიცირება და საკმაოდ რთულად მიმდინარეობს მათში ეს პროცესი და ბევრში, სამწუხაროდ, საუბედუროდ, ფატალურად, გარდაცვალებით დასრულებულა ეს პროცესი. აქედან გამომდინარე, რომ დავიცვათ, როგორც ჩვენი ჯანმრთელობა და სიცოცხლე, დავიცვათ ჩვენი მშობლების, ახლობლების სიცოცხლე, ამიტომ აუცილებელი არის აცრა. აცრა არის ძალიან მარტივი, როგორც სეზონური გრიპისას ჩვენ ვიცრებით, ანალოგიურად დამკვიდრდება ეს აცრები, ასეთი ინფორმაციები გვაქვს, ზოგადად, ასეთი ტენდენცია მიმდინარეობს.ასევე მინდა განსაკუთრებით მივესალმო ჩვენი პარლამენტის წევრებს - ბატონი გივი მიქანაძე, ბატონი სოზარ სუბარი, რომელიც წლების წინ, აქ, ერთ-ერთი სკოლის დირექტორიც იყო, ბატონ გოგი მეშველიანს. დღეს ყველანი ერთად ვართ ჩამოსული, რომ წარმოგიდგინოთ ჩვენი კანდიდატი, ბატონი კობა მურადაშვილი. კობა არის დმანისელი, კარგად იცნობს დმანისს და დმანისელების პრობლემებს და მე მჯერა, რომ იქნება წარმატებული მერი, ბოლომდე დაიხარჯება. მას შეუძლია პრობლემების დროულად იდენტიფიცირება, გადაწყვეტა, ოპერატიულად მოგვარება ამ საკითხების და კობას მთავარი საზრუნავი უნდა იყოს ჩვენი მოსახლეობის კეთილდღეობა, ყველა უბანში უნდა შევიდეს, ყველა მოქალაქეს უნდა გაესაუბროს პირადად და გადაუწყვიტოს ყველა პრობლემა ადგილზე, დროულად. 

დმანისის მერობის კანდიდატის - კობა მურადაშვილის წარდგენა #განვითარებაყველარეგიონს

ქალბატონებო და ბატონებო, ძვირფასო სტუმრებო, მოგესალმებით, მივესალმები მთავრობის მეთაურს, პარლამენტის თავმჯდომარეს, ჩვენი გუნდის წარმომადგენლებსა და ჩემს საყვარელ ბოლნისელებს.პირველ რიგში, მადლობას გიხდით მობრძანებისა და დაფასებისთვის. ჩემთვის დიდი პატივია გიმასპინძლოთ მშობლიურ ქალაქში, ქალაქში, რომელსაც ასეთი მდიდარი ისტორია აქვს, რომელიც ერთ-ერთი ყველაზე გამორჩეული ადგილია საქართველოში.განსაკუთრებით მოხარული ვარ, რომ დღეს „ქართული ოცნების“ გუნდის ლიდერები გვესწრებიან, რომლებმაც უდიდესი ნდობა გამომიცხადეს და ბოლნისის მუნიციპალიტეტის მერობის კანდიდატად დამასახელეს. ჩვენი პოლიტიკური გუნდის მთავარი ღირებულება ადამიანი და მასზე ზრუნვაა, სადაც არ უნდა იყოს ის, სოფლად თუ ქალაქში. რეგიონების თანაბარი განვითარება კი „ქართული ოცნების“ ერთ-ერთი უმთავრესი პრიორიტეტია, რომელიც ადგილობრივ დონეზე, სხვადასხვა მიმართულებით არსებული გამოწვევების დაძლევასაც გულისხმობს.ბოლნისში, მუნიციპალიტეტის გამგეობაში, უკვე მეშვიდე წელია უშუალოდ ვარ ჩართული ჩვენი და ჩვენი ქალაქის წინაშე არსებული პრობლემების დაძლევის საქმეში, საკუთარი ქალაქისა და ქვეყნის სამსახურში. საკუთარი სამშობლოსა და ხალხის მოყვარული ადამიანისთვის იმაზე დიდი ბედნიერება არ არსებობს, ვიდრე გქონდეს შანსი, ემსახურო იმ ადამიანებსა და ქალაქს, სადაც ცხოვრობ, სადაც შენი ახლობლები, მეგობრები და თანაქალაქელები ცხოვრობენ.ბოლო წლების განმავლობაში ადგილობრივმა და ცენტრალურმა ხელისუფლებამ უამრავი პრობლემა მოაგვარა, საკმაოდ ბევრი პროექტიც განახორციელა, თუმცა კვლავაც რჩება გამოწვევები, გვყავს ადამიანები, ვისაც სახელმწიფოს გვერდში დგომა სჭირდება.ზუსტად ვიცი რა პრობლემებია ჩვენს მუნიციპალიტეტში და რა გზები არსებობს მათ გადასაჭრელად. ჩემს უკან დგას ძლიერი და ერთიანი გუნდი, ცენტრალური ხელისუფლება, რომლის თანადგომის იმედი ყოველთვის გვექნება და მჯერა, ერთად დგომით ყველა გამოწვევას გავუმკლავდებით.მინდა მოგიწოდოთ მხარდაჭერისკენ, ერთსულოვნებისა და ერთიანობისკენ, რადგანაც როგორი განსხვავებებიც არ უნდა იყოს ჩვენს შორის, ეს ქვეყანა ჩვენი წასაყვანია იმ გზაზე, რასაც ერთიან ევროპულ ოჯახში სრულფასოვანი ინტეგრაცია, თითოეული მოქალაქის კეთილდღეობა, ქვეყნის გაერთიანება და მუდმივი წინსვლა ჰქვია.დარწმუნებული ვარ, აუცილებლად გავიმარჯვებთ! ბოლნისი გაიმარჯვებს!

ჩემთვის მართლაც დიდი პატივია, მოგმართავდეთ ისტორიული, ყველასთვის საყვარელი ადგილიდან - სულხან-საბას სახლ-მუზეუმიდან. აქ შეიქმნა ჩვენი ეროვნული სიმდიდრე, რომელსაც დღესაც ვიყენებთ და საუკუნეების შემდეგ მაგალითად რჩება.ტანძია ყოველთვის იყო განათლების, კულტურის და შრომისმოყვარეობის კერა. ბოლნისი ძალიან მდიდარია ბუნებრივი რესურსებით, თუმცა, აუცილებელია ყველა ბუნებრივი რესურსის გამოყენება არ მოხდეს გარემოს დაცვის ხარჯზე.აქ ვხედავ ჩემს მეგობარს, ჩემს კოლეგას, გოგი მეშველიანს, რომელთან ერთადაც, რამდენიმე წელი, გარემოს დაცვის კომიტეტში ვითანამშრომლეთ და შევეცადეთ, რომ ერთად მიგვეღწია იმ გარდატეხისთვის, რომელიც წლების განმავლობაში და ვიტყოდი, ათწლეულების განმავლობაში, იყო მოუგვარებელი.ჩვენ მივაღწიეთ წარმატებას, შევქმენით პრეცენდენტი, როდესაც კომპანიები, რომლებიც იყენებენ ბუნებრივ რესურსებს, ასევე დავავალდებულეთ, აწარმოონ თავისი საქმიანობა გარემოსდაცვით სტანდარტებთან უმაღლესი შესაბამისობის მიხედვით. ეს წარმატება შეუძლებელი იქნებოდა, რომ არა ადგილობრივი მოსახლეობის დახმარება, რომლებიც პირველივე დღიდან, ჩვენთან ერთად, პარლამენტში, კომიტეტში, ღია სხდომებზე იყვნენ. თავიდან იყო კამათი, დებატები, თუმცა, ყველამ ძალიან კარგად დავინახეთ, რომ მიზანი გვქონდა ერთი - მაქსიმალურად ვიზრუნოთ ჩვენი მოსახლეობის ჯანმრთელობაზე და დავიცვათ გარემო. ბოლოს გაჩნდა ნდობა ჩვენს შორის, ჩვენ დღესაც ვაგრძელებთ თანამშრომლობას და დარწმუნებული ვარ, ის, რაც აქ მოხდა და რასაც მომავალშიც გავაკეთებთ, იქნება სამაგალითო ყველა რეგიონისთვის, რადგან პირველ რიგში, უნდა გავუფრთხილდეთ ჩვენს შვილებს, მომავალს, გარემოს, ჯანმრთელობას.ბოლნისი განსაკუთრებულად ლამაზდება ბოლო წლების განმავლობაში. მახსოვს, პირველად როდესაც ვიყავი ბოლნისობაზე, ვიყავი განცვიფრებული, თუ რამდენად შეიცვალა ქალაქი, გარემო და ისტორიული ადგილები, შეიქმნა ბევრი საინტერესო კუთხე არა მხოლოდ ქალაქში, ქალაქგარეთაც, ბევრი საინტერესო ადგილი ტურისტებისთვის და ეს ნამდვილად დაეტყო ტურისტების რაოდენობასაც, როგორც შიდა ტურიზმის, ასევე, გარე ტურიზმის სახით. რაც ყველაზე მთავარია, უფრო და უფრო იმკვიდრებს ამ რეგიონში მოყვანილი ღვინო თავის ადგილს ქართულ მეღვინეობაში.ღვინოზე რომ ვსაუბრობთ, არ შემიძლია, არ ვახსენო ჩვენი კანდიდატის ძალიან დიდი წვლილი ამ კუთხით, რომელმაც მეღვინეობის კუთხით, ნამდვილად, შეძლო თავისი სიტყვა ეთქვა, მიეღწია წარმატებისთვის. ზუსტად ეს წარმატებაა, რომელიც ჩვენ გვჭირდება ახალი მერის სახით, ძლიერი მაჟორიტარის სახით, ძლიერი საკრებულოს სახით, რომ ყველა ის მიზანი, ის გეგმა, რომელიც დასახული გვაქვს - ბოლომდე მივიყვანოთ.კიდევ ერთხელ ვიტყვი და გავიმეორებ - აუცილებელია ახალგაზრდობის ჩართულობა ყველა ამ პროცესში და ეს რომ ასე იქნება, ამაში დარწმუნებული ვარ. აუცილებელია, ახალგაზრდებს გავუჩინოთ ყველა შესაძლებლობა, რომ საკუთარ რეგიონს, საკუთარ ქალაქს მოახმარონ ენერგია, იდეები და დარწმუნებული ვარ, რომ ამ კუთხითაც ბოლნისი ნამდვილად გამოიჩენს თავს, იმ გუნდით, რომელსაც ჩვენი ახალი კანდიდატი გაუძღვება, ხოლო კანდიდატის გამარჯვებაში არავის ეჭვი არ ეპარება. პირველივე ტურში ჩვენი კანდიდატი აუცილებლად გაიმარჯვებს, მოვიპოვებთ მყარ უმრავლესობას საკრებულოში. გაიმარჯვებს „ქართული ოცნება“, გუნდი, რომელიც ყოველთვის ზრუნავდა და იზრუნებს რეგიონების განვითარებაზე. 

მივესალმები ბოლნისს და ბოლნისელებს, ძვირფასო მეგობრებო, „ქართული ოცნების“ წევრებო, მხარდამჭერებო, ჩვენო ძვირფასო მეგობრებო, ყველას მოგესალმებით და მინდა მადლობა გადაგიხადოთ ყველას მობრძანებისთვის. ჩვენ ვართ ძალიან მადლიერი თქვენი მხარდაჭერისთვის, ერთგულებისთვის, რომელიც არის გადამწყვეტი ჩვენი ძლიერი გუნდის გამარჯვებაში. 2012 წლიდან მოყოლებული, 7 არჩევნებში, ყველამ ერთად გავიმარჯვეთ დამაჯერებლად და ღირსეული გამარჯვება მოვიპოვეთ. ამით, არა მხოლოდ ჩვენმა გუნდმა გაიმარჯვა, არამედ გაიმარჯვა ჩვენმა ქვეყანამ, იმიტომ, რომ ქვეყანაში, როგორც იქნა, დასადგურდა მშვიდობა და სტაბილურობა.აგვისტოს დღეები გავიხსენეთ, 13 წელი გავიდა იმ უბედური, ტრაგიკული დღეებიდან, ძალიან ბევრი ადამიანი დაიღუპა, ჩვენმა გმირებმა შესწირეს თავი ჩვენი ქვეყნის ტერიტორიული მთლიანობის და მოსახლეობის დაცვას. ჩვენს ოპონენტებს არ უყვართ, როდესაც ვახსენებთ მათ ღალატს ჩვენი ქვეყნის და ხალხის წინაშე. სხვა არაფერია, თუ არა ღალატი, რომ ვერ დაიცვა შენი ქვეყანა, ხალხი, ლაჩრულად გაიქცე თვითონ, როგორც მმართველი, ბრძოლის ველიდან და შეატოვო ჩვენი გმირი ჯარისკაცები. მე რამე ახალს ხომ არ ვამბობ, ეს არის ფაქტები. ჩვენ მხოლოდ ფაქტებს ვეუბნებით ჩვენს მოსახლეობას და სიმართლეს ვუპირისპირებთ ოპონენტებს. სიმართლე არის ის, რომ ბოლო 8 წელი არის ერთადერთი ის გამონაკლისი, „ქართული ოცნების“ ხელისუფლებაში ყოფნის დრო, როდესაც ქვეყანაში არ ყოფილა ომი, მეგობრებო და არც იქნება მანა, სანამ ჩვენ ვართ ხელისუფლებაში. სრული პასუხისმგებლობით, ჩვენ პასუხისმგებლობას ვიღებთ ჩვენი მოსახლეობის და ქვეყნის დაცვაზე. ყველაფერს ვაკეთებთ და გავაკეთებთ ამისთვის, რომ პირველ რიგში, იყოს მშვიდობა, სტაბილურობა და რა თქმა უნდა, უნდა იყოს განვითარება.თვითმმართველობის არჩევნები არის ძალიან მნიშვნელოვანი თითოეული მუნიციპალიტეტისთვის, ქალაქისთვის, ჩვენი სოფლებისთვის, ჩვენი მოსახლეობისთვის. ბევრი რამ გაკეთდა ჩვენი ხელისუფლებაში ყოფნის დროს ყველა მიმართულებით, იქნება ეს ჯანდაცვა, სოციალური საკითხების გადაწყვეტა ჩვენი მოსახლეობისთვის, განათლება, სპორტი, ინფრასტრუქტურა, სოფლის მეურნეობა, ადგილობრივი წარმოების განვითარება, რომელიც ძალიან მნიშვნელოვანია, მაგრამ რა თქმა უნდა, ეს არ არის საკმარისი. მე ძალიან კარგად ვიცი, რა სჭირდება ბოლნისს. კარგად იცის ჩვენმა კანდიდატმა, ჩვენმა გუნდმა, რა სჭირდება ჩვენს ბოლნისს, ჩვენს ბოლნისის მოსახლეობას, სოფლებს. ძალიან ბევრი პრობლემაა, რეალური საკითხებია გადასაწყვეტი ჯერ კიდევ, რომელიც საჭიროებს, როგორც ადგილობრივი ხელისუფლების უფრო მეტ აქტიურობას, ასევე ცენტრალური მთავრობის ჩართულობას, რომლის გარეშეც არ გამოვა ასეთი დიდი საკითხების მოგვარება. საკითხები, როგორიც არის მაგალითად მიწის ნაკვეთების მელიორაცია თუნდაც, გზების მშენებლობა, გაზიფიცირება, განათლება - პროფესიული განათლების განვითარება, ახალი საწარმოების შექმნა, ახალი სამუშაო ადგილების შექმნა-ეს არის ის პრიორიტეტული მიმართულებები, რაზეც ჩვენ გვექნება განსაკუთრებული აქცენტი მომდევნო წლების განმავლობაში. ჩვენ ახლა უნდა გავიმარჯვოთ ძალიან ძლიერად, დამაჯერებლად, მეგობრებო, მოახლოებულ ოქტომბრის არჩევნებში იმისთვის, რომ შემდგომი სამი წელი იყოს განვითარება, განვითარება და განვითარება, იყოს მშვიდი, სტაბილური პერიოდი და რაც მთავარია, ჩვენი მოსახლეობის კეთილდღეობაზე უნდა ვიზრუნოთ ყოველ დღე.ჩვენმა მერებმა უნდა შეძლონ და შევიდნენ ყველა სოფელში, ყველა უბანში. ჩვენ მაინც ჯერ კიდევ ახალბედა დემოკრატია ვართ, ახალგაზრდა სახელმწიფო მას შემდეგ, რაც აღვიდგინეთ დამოუკიდებლობა. ჩვენ უნდა გავითავისოთ მოსახლეობის თითოეული გასაჭირი, ეს არის ძალიან მნიშვნელოვანი. მერმაც, მაჟორიტარებმა, ყველამ, საკრებულოს წევრებმა გავითავისოთ ჩვენი მოსახლეობის, თითოეული უბნის, სოფლის გასაჭირი, მივიდეთ ადგილზე, ჩავიდეთ, მოსახლეობას ვესაუბროთ, ოპერატიულად და დროულად გადავუწყვიტოთ პრობლემები. მე, როგორც პრემიერ-მინისტრი, მთავრობის მეთაური, ჩვენ, ცენტრალური მთავრობა, მაქსიმალურად გვერდში დავუდგებით ყველა მუნიციპალიტეტს, ადგილობრივ ხელისუფლებას, დროულად გადავუჭრით ყველა საკითხს, რომელიც საჭიროებს ცენტრალური მთავრობის ჩართულობას. ეს უნდა იყოს ჩვენი მთავარი საზრუნავი. თუ ერთად ვიქნებით და ერთად ვიზრუნებთ ამ პრობლემების მოგვარებაზე, ყველაფერი კარგად იქნება, მეგობრებო.ჩვენ დავამუშავეთ გრძელვადიანი განვითარების გეგმები. ჩვენ გვჭირდება კომპლექსური მიდგომა, აღარ არის საკმარისი ფრაგმენტული რეფორმები და საჩვენებელი პროექტების განხორციელება. ეს არ არის საკმარისი. კარგია ადგილზე ალაგ-ალაგ ფრაგმენტული განვითარება, მაგრამ ჩვენ გვჭირდება კომპლექსური, მასშტაბური პროექტების განხორციელება. მასშტაბური სოფლის მეურნეობის მიმართულებით, რომ ყველა, თითო გოჯი მიწა იყოს დამუშავებული, ვიცოდეთ რომელ რეგიონში, რომელ რაიონში რა უნდა განვითარდეს, რომელი კულტურები, რა არის ამისთვის საჭირო. ამის შესაბამისი დეტალური გეგმები 10 წლიანი განვითარების პერსპექტივაში უკვე დამუშავებულია. სოფლის მეურნეობაში 7 მილიარდი ლარის ინვესტიციაა დაგეგმილი. მთელ რეგიონებზეა გადანაწილებული, ვიცით რა უნდა გავაკეთოთ. მაგალითად, სექტემბერში ვიწყებთ მექანიზაციის პროექტს, სასოფლო სამეურნეო ტექნიკის გრანტის პროგრამა, რომელიც მოსახლეობას, ჩვენს რეგიონებს დაეხმარება, ტექნიკა პრაქტიკულად, ნაჩუქარი გამოდის, ნახევარზე მეტს მთავრობა ჩუქნის და კიდევ მრავალი პროექტი- „დანერგე მომავალი“, „აწარმოე საქართველოს“ პროგრამა, რომელიც ახალისებს ადგილობრივი წარმოების განვითარებას. „აწარმოე საქართველოს“ პროგრამის ფარგლებში დაახლოებით მილიარდი ლარის ინვესტიცია განხორციელდა. შეიქმნა 20 000-მდე სამუშაო ადგილი. მომდევნო წლების განმავლობაში, ყოველწლიურად 300 მილიონის დამატებას ვფიქრობთ, მომდევნო სამ წელში მილიარდს ჩავდებთ მთავრობა და კერძო სექტორი დაახლოებით მილიარდ ნახევარს- 2 მილიარდნახევარი დაიხარჯება ადგილობრივი წარმოების განვითარების მიმართულებით. 1300-ზე მეტი საწარმო დაფინანსდება, ეს გვაქვს გადანაწილებული, კარგად გააზრებული რეგიონების მიხედვით, ვიცით, რომელ რეგიონში რა შეიძლება განვითარდეს - გურია, აჭარა, სამეგრელო, კახეთი, ქვემო ქართლი თუ სხვა.ძალიან ბევრი მუშაობა მოგვიწევს, როგორც იტყვიან, ქვეყნის საქმე გვაქვს გასაკეთებელი. ჩვენ ერთად უნდა ვიმუშაოთ და ვიზრუნოთ. ხალხი დაიღალა ამდენი დაუსრულებელი კინკლაობით და ერთმანეთის ლანძღვით. შევხედოთ, ჩვენი ოპონენტები რას გვიპირისპირებენ, მეგობრებო - არაფერს, გარდა პირადი შეურაცხყოფებისა - ვერც ამაში გვაჯობებენ, თუ მაინცდამაინც მოინდომებენ, მაგრამ ჩვენი ამოცანა ეს არ არის, ჩვენი ამოცანა უნდა იყოს და არის მოსახლეობაზე ზრუნვა, ქვეყნის გაძლიერება. ამიტომ, ერთის მხრივ, რა თქმა უნდა, ყველას და ყველაფერს საკადრისი პასუხი გაეცემა და სახელი დაერქმევა, მაგრამ არ უნდა დაგვავიწყდეს ჩვენი მთავარი საზრუნავი და დღის წესრიგი, რომ მოსახლეობაზე ვიზრუნოთ და მაქსიმუმი გავაკეთოთ მათთვის.ჩვენ ბევრი გამოცდილება მივიღეთ და ბევრი შეცდომაც დავუშვით ბოლო 30 წლის განმავლობაში, დაწყებული 90-იანი წლებიდან, მოყოლებული დღემდე. აგვისტოს ომიც რა იყო, თუ არა შეცდომა და ამხელა პროვოკაციას რომ ვერ აარიდებ შენს ქვეყანას, შენს ხალხს, მერე გაიქცევი, მიწაზე ფორთხიალობ, როგორც ყოფილი პრეზიდენტი იქცეოდა და მიატოვებ შენს ჯარისკაცებს, ეს არის კატასტროფა, ტრაგედია, ჩვენი ტრაგედია და სირცხვილია, იმიტომ, რომ ჩვენი ქვეყანა და ჩვენი ხალხია.ერთის მხრივ, უნდა გვახსოვდეს წარსული, მაგრამ უნდა ვიყურებოდეთ მომავლისკენ. ჩვენ გვჭირდება ძლიერი განვითარება. ყველა ქალაქს სჭირდება განახლება. ჩვენ ახლა დავიწყეთ ურბანული განახლების პროექტები, ყველა ცენტრში, ყველა მუნიციპალიტეტში უნდა დავამუშავოთ ახალი ტურისტულად მიმზიდველი ადგილები. მითუმეტეს, ჩვენს ულამაზეს, მარგალიტ ქვეყანაში, ყველა მუნიციპალიტეტში მოიძებნება უნიკალური ადგილები, რომლებიც უნდა განვავითაროთ, მეტი ტურისტი მოვიზიდოთ, მეტი დამსვენებელი მოვიყვანოთ, მეტ კერძო სექტორს და ბიზნესმენებს შევუწყოთ ხელი, რომ განავითაროთ საკუთარი ბიზნესი, მთავრობის ხელშეწყობით, რა თქმა უნდა. ეს მთლიანობაში მოგვცემს ჩვენ ეფექტს, რომელიც საბოლოო ჯამში იქნება ჩვენი მოსახლეობის კეთილდღეობისთვის.ბოლო თვეების განმავლობაში რა დინამიკაც გვაქვს ეკონომიკის გახსნასთან დაკავშირებით, რამდენიმე დღის წინ გამოქვეყნდა მსოფლიოს წამყვანი ორგანიზაციების კვლევები, დასკვნები, ქვეყანამ შეძლო, ძალიან მოკლე დროში, სულ რაღაც 5 თვეში, პანდემიამდელ მდგომარეობაში დაბრუნება, აღდგა და მთელმა სარეიტინგო კომპანიებმა აღადგინეს და გააუმჯობესეს ჩვენი რეიტინგები, ვგულისხმობ მსოფლიო ორგანიზაციებს. ამას სჭირდება შენარჩუნება. მოსახლეობაში გაჩნდა დამატებითი შემოსავალი, მეტი დოვლათი იქმნება, ტურიზმი ყვავის ყველგან ახლა, ტურისტებით სავსეა, გადატვირთულია მთელი სასტუმროები, მაგრამ, მეორეს მხრივ, არ უნდა დაგვავიწყდეს, რომ ჩვენ თუ პანდემიის სიტუაცია გაგვირთულდა, არ გვინდა, რომ შეზღუდვები შემოვიტანოთ. შეზღუდვები არ არის გამოსავალი, ეს არის დროებითი გამოსავალი, გამოსავალი არის ვაქცინა, მეგობრებო. ამიტომ, კიდევ ერთხელ, უნდა ავიცრათ და დავარწმუნოთ მოსახლეობა, რომ აცრა ჩავიტაროთ. 

ბოლნისის მერობის კანდიდატის - დავით შერაზადიშვილის წარდგენა #განვითარებაყველარეგიონს

მოგესალმებით ძვირფასო მარნეულელებო, მივესალმები პრემიერ-მინისტრსა და პარლამენტის თავმჯდომარეს, დამსწრე საზოგადოებას.პირველ რიგში, მსურს გულითადი მადლობა გადავუხადო „ქართული ოცნების“ გუნდს, რომელმაც ნდობა გამომიცხადა და ადგილობრივი თვითმმართველობის არჩევნებზე მარნეულის მერობის კანდიდატად დამასახელა. ეს ფაქტი ერთდროულად დიდი პატივიც არის და დიდი პასუხისმგებლობაც, რომლის სატარებლად მზად ვარ.მარნეული ჩემი მშობლიური მუნიციპალიტეტია, აქ დავიბადე და გავიზარდე, განათლების მიღებისა და სამუშაო გამოცდილების დაგროვების შემდეგ კი, დღემდე ამ ქალაქს და ქალაქში მცხოვრებ გულანთებულ, მშრომელ და პატრიოტ ხალხს ვემსახურები.ეს ქალაქი განთქმულია მშრომელი ხალხით, მარნეული ხომ ქართული ეკონომიკისთვის მნიშვნელოვანი ქალაქია, სადაც ერთმანეთის პატივისცემითა და სოლიდარობით, მშვიდობიანად თანაცხოვრობენ და საქმიანობენ სხვადასხვა ეთნოსისა და რელიგიური იდენტობის მქონე ადამიანები.ადგილობრივი თვითმმართველობის მომავალ არჩევნებზე მარნეულს სჭირდება განვითარების სწორი ხედვა, შუამავალი ცენტრალურ ხელისუფლებასთან და როგორც არსებული გამოწვევების, ისე მათი გადაჭრის გზების მცოდნე ადამიანი.პირადად მე უკვე ნახევარი წელია მარნეულის მუნიციპალიტეტის მერის მოადგილე ვარ და ყველა იმ პრობლემასა თუ გამოწვევას გავეცანი, რაც თქვენი, მარნეულელების წინაშე დგას. ეს დრო მნიშვნელოვანი იმისთვისაც იყო, რომ სრულყოფილად გავცნობოდი განსახორციელებელ პროექტებს, რომლებიც ინფრასტრუქტურის, განათლების, სოფლის მეურნეობის, ეკონომიკის განვითარებისა თუ სხვა მიმართულებებით არის დაგეგმილი.დარწმუნებული ვარ, რომ მარნეულელები სწორ არჩევანს გააკეთებთ, პატივს დამდებთ და მანდობთ ქალაქის მართვას, რაც იმის გარანტია იქნება, რომ ყველა მიმდინარე პროექტი სრულყოფილად დასრულდება და კიდევ უფრო მასშტაბურ პროექტებს განვახორციელებთ. რაც მთავარია, თქვენ ირჩევთ „ქართული ოცნების“, ანუ იმ გუნდის წარმომადგენელს, რომელმაც ხელისუფლებაში მოსვლის დღიდან რეგიონების განვითარებაზე ზრუნვა ერთ-ერთ უმთავრეს პრიორიტეტად დასახა. სწორედ ამიტომ, მოგიწოდებთ მხარდაჭერისა და ერთად დგომისკენ, რადგანაც ამ მუნიციპალიტეტის განვითარება თითოეული ჩვენგანის პასუხისმგებლობაა!ჩვენ აუცილებლად გავიმარჯვებთ! მარნეული გაიმარჯვებს!

მოგესალმებით ამ ნამდვილად მრავალფეროვან და შრომისმოყვარე ქალაქში და მუნიციპალიტეტში. ტყუილად არ მითქვამს სიტყვა „შრომისმოყვარე“. მე ხშირად ვსტუმრობდი მარნეულს, ხშირად გამოვსულვარ დილის 6 - 7 საათზე და სიამაყით ვყოფილვარ აღვსილი და გაკვირვებული, როდესაც მინახავს მთელი ოჯახი - დიდი და პატარა როგორ შრომობენ. საამაყოა - ისინი ქმნიან დოვლათს არა მხოლოდ საკუთარი ოჯახისთვის, არამედ მთლიანად საქართველოსთვის.​ყველამ ვიცით, თუ რამდენი პროექტი განხორციელდა ბოლო წლების განმავლობაში სოფლის მეურნეობის მიმართულებით. ეს ნამდვილად ერთ-ერთი ის რეგიონია, რომელსაც შედეგები ეტყობა, რაც მეტ შემოსავალსა და განვითარებაში აისახება. თუმცა, დავამატებ, რომ პოტენციალი გაცილებით დიდია. ის ბიოლოგიურად სუფთა პროდუქცია, რომელიც აქ იქმნება, რომელსაც ჩვენ ყველანი ვყიდულობთ, აუცილებელია, ეს პროდუქცია გავიდეს ევროპაშიც, ამის ყველანაირი ბერკეტი არსებობს: ჩვენ გვაქვს ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმება, რომელიც ნახევარ მილიარდიან ბაზარზე გვიხსნის გზას. აუცილებელია, ეს პოტენციალი ბოლომდე გამოვიყენოთ. ამიტომ არის მნიშვნელოვანი ძლიერი მერი, ძლიერი მუნიციპალიტეტი და ადგილობრივი თვითმმართველობა, რომელიც ხელს შეუწყობს თითოეულ მოქალაქეს, თავისი შრომა უფრო მეტად დაუფასდეს. მერობის კანდიდატი, რომელმაც არაერთხელ დაამტკიცა, რომ ახალგაზრდობის ჩართულობით უფრო მეტი შედეგი შეიძლება დაიდოს, ის ამ მიმართულებით გაცილებით მეტს იმუშავებს და მეტ შესაძლებლობებს შეუქმნის ჩვენს ახალგაზრდა თაობას ამ ქალაქში. დარწმუნებული ვარ, შედეგები თავისას იტყვის - მალე ვნახავთ იმ წარმატებას, რომელიც ექნება ჩვენს კანდიდატს და მჯერა, პირველივე ტურში შევძლებთ დამაჯერებელ გამარჯვებას, გავაგრძელებთ იმ განვითარებას, რომელიც წლების წინ დავიწყეთ და დავდებთ იმაზე დიდ შედეგებს, რომლითაც ჩვენი შვილები იამაყებენ. კიდევ ერთხელ, მინდა, წარმატება ვუსურვო ჩვენს კანდიდატს, მინდა წარმატება ვუსურვო „ქართული ოცნების“ გუნდს.

მივესალმები ჩვენს მარნეულს და მარნეულელებს. მადლობა ჩემო მეგობრებო, ჩემო ძმებო. მივესალმები კიდევ ერთხელ ჩვენს მხარდამჭერებს, ქართული ოცნების ერთგულ წევრებს, ჩვენს მოსახლეობას. მე მინდა კიდევ ერთხელ ჩემი გამოსვლა დავიწყო მადლობით. მადლობა თქვენი ერთგული მხარდაჭერისთვის, ჩვენი გუნდისადმი, პარტიისადმი. სწორედ თქვენი მხარდაჭერით, ჩვენმა ძლიერმა გუნდმა, ჩვენმა პარტიამ ბოლო 7 არჩევნებში გაიმარჯვა დამაჯერებლად მთელი ქვეყნის მასშტაბით. ამის შედეგად, ჩემო ძმებო, ჩემო მეგობრებო, ჩვენს ქვეყანაში შესაძლებელი გახდა ხანგრძლივი სტაბილურობის და მშვიდობის დამყარება. მოდით, ვთქვათ გულწრფელად, ერთი წამით დავფიქრდეთ, როდის ყოფილა ასეთ ხანგრძლივი სტაბილური და მშვიდობიანი პერიოდი ჩვენს ქვეყანაში? გავიხსენოთ 90-იანი წლების დასაწყისი. როგორ მოვექეცით ჩვენს თავს, ჩვენს ქვეყანას, ჩვენს ხალხს როგორ მოვექეცით. გვქონდა ომები, სამოქალაქო დაპირისპირება, ძმათა შორის მკვლელობა- ათასი უბედურება და დესტაბილიზაცია გამოსცადა ჩვენმა ქვეყანამ. შემდეგ, თითქოს დასტაბილურდა ყველაფერი, თითქოს რაღაც ახალი ტალღა დაიწყო მშვიდობის და განვითარების, მაგრამ შემდეგ ფატალურად დასრულდა ესეც, მოჩვენებითი, რაღაც ერთგვარი მშენებლობა და 2008 წლის აგვისტოს ომის გამოუსწორებელი შედეგი მართლაც ძალიან მძიმე აღმოჩნდა ჩვენი ქვეყნისთვის. ომი არის ყველაზე საშინელება, მეგობრებო და კიდევ ვიმეორებ, რომ ხელისუფლება, რომელიც ვერ ააცილებს საკუთარ ხალხს და საკუთარ ქვეყანას ომს, ის ხელისუფლება, ის პოლიტიკოსი, მმართველი არ იმსახურებს არა თუ ხელისუფლებაში დაბრუნებას არამედ პოლიტიკაში დარჩენას. ჩვენი გუნდი, ქართული ოცნება არის ერთადერთი ის პოლიტიკური ძალა, რომელმაც შეძლო ხანგრძლივი მშვიდობის, სტაბილურობის და განვითარების შემოტანა ჩვენს ქვეყანაში. ეს არის ერთადერთი ხანგრძლივი, 8 წლიანი პერიოდი, როცა ჩვენს ქვეყანას საბედნიეროდ, არ ჰქონია ომი. ანუ ჩვენ, მოქალაქეებს გაგვიხდა სანატრელი და საოცნებო მშვიდობა და სტაბილურობა. ყველაფრის საწყისი, საფუძველი, საძირკველი არის მშვიდობა და სტაბილურობა. მშვიდობის გარეშე, მეგობრებო, არ განვითარდება არც ქვეყანა, არც ქალაქი, არც რაიონი, არც სოფელი. იქნება მუდმივი დესტაბილიზაცია და ქაოსი. გუშინ ვუყურებდი ერთ-ერთ მთავარ ანტიგმირს, ყოფილ პრეზიდენტ სააკაშვილს, რომელიც თავის ტელეკომპანია „მთავარ არხზე“ გამოდიოდა და ისევ საუბრობდა ომზე. ჟურნალისტი რა თქმა უნდა ეკითხებოდა წინასწარ შეთანხმებულ კითხვას, ომი რომ იყოს დღეს, რა მოხდებოდაო. წარმოიდგინეთ, მეგობრებო, იმის ნაცვლად, რომ ჩვენს მოსახლეობას ველაპარაკოთ მშვიდობაზე, სტაბილურობაზე, ეს ადამიანები ისევ ფიქრობენ რევოლუციაზე, დანგრევაზე, ომებზე. აი ეს სამარცხვინო სიტუაცია აღარ განმეორდება ჩვენს ქვეყანაში. ჩვენ კარგად ვიცით, ხალხი ბრძენია, ხალხმა გადაწყვიტა ის, რომ ეს მჩაგვრელი, მართლაც ანტისახელმწიფოებრივი ძალა ჩამოაშორა ჩვენს ქვეყანას 8 წლის წინ და დამყარდა მშვიდობა და სტაბილურობა. ჩვენ ვართ მართლაც ხალხზე ორიენტირებული ხელისუფლება და მთავრობა. შეცდომები განა არ მოგვდის, მოგვდის შეცდომები, რა თქმა უნდა, მაგრამ ეს არის შეცდომები. ყველა ადამიანს მოსდის შეცდომა. მმართველი არ არის გამონაკლისი და გამორჩეული ადამიანი. ჩვენ ყველანი ადამიანები ვართ, ყველს მოსდის შეცდომაც, ხარვეზები, მაგრამ ამ ყველაფერს ჩვენ ვასწორებთ. რაც მთავარია, ჩვენ მივდივართ წინ, ვავითარებთ ქალაქებს, სოფლებს, რაიონებს, მუნიციპალიტეტებს, ვემსახურებით ჩვენს მოსახლეობას და ჩვენს ხალხს.ჩვენ, ბოლო 8 წლის განმავლობაში, არა ერთი პროექტი დავაფინანსეთ, თუნდაც მარნეულში, იქნებოდა ეს სკოლების, ბაღების მშენებლობა, გზები, გაზი, ყველაფერი, ყველა პროექტი მიმდინარეობს. მე მინდა, რომ ეს ყველაფერი გახდეს ხელშესახები, კიდევ უფრო მეტი განვითარება უნდა შემოვიტანოთ ყველა რეგიონში, ქალაქში, მუნიციპალიტეტსა და სოფელში. ამ მიზნით, ჩვენ დავიწყეთ ახალი ინიციატივა - განახლებული რეგიონები, რომელიც არის მრავალწლიანი პროექტი, წელს იხარჯება 500 მლნ. ჩემი სურვილია, რომ თითოეულ მუნიციპალიტეტში, ქალაქში, მოეწყოს ევროპული ტიპის ახალი ცენტრები, რეკრეაციული სივრცეები, განახლებული ბაღები, სკვერები, ახალი ტურისტული ადგილები, იმისთვის, რომ ჩვენმა მოსახლეობამ კიდევ უფრო უკეთესად, კომფორტულად იგრძნოს თავი, ბიზნესი კიდევ უფრო მეტად განვითარდეს. მთლიანობაში, რა თქმა უნდა, ჩვენი ქვეყანა კიდევ უფრო გამშვენდება, გალამაზდება და გაძლიერდება. ეს უნდა იყოს ჩვენი მთავარი საზრუნავი.თვითმმართველობის არჩევნებისთვის ვემზადებით. გუშინ, ოფიციალურად დავიწყეთ კამპანია რუსთავში. დღეს, ახლა, მარნეულში გვაქვს ამის თაობაზე შეხვედრები. ჩვენ შევარჩიეთ ღირსეული კანდიდატები. ჩვენი კანდიდატის ნომერ პირველი დავალება და ამოცანა უნდა იყოს მაქსიმალური ყურადღება და კომუნიკაცია ხალხთან, ხალხზე ზრუნვა და ხალხთან მუშაობა. ყველა პრობლემა უნდა გადავუწყვიტოთ ჩვენს მოსახლეობას. მეტი მუშაობაა საჭირო, მეტი კომუნიკაცია, ადგილზე გასვლა, სოფლებში, ყველგან, ყველა უბანში უნდა ჩავიდეს მერი და ადგილზე გადაუწყვიტოს ჩვენს მოსახლეობას პრობლემა. კვირაში ერთხელ შეიძლება დაწესდეს, თუნდაც, მოქალაქეების მიღების საათები, რომ არც ერთ მოქალაქეს არ დარჩეს განცდა, რომ მთავრობა და კონკრეტულად, ადგილობრივი ხელისუფლება არ აქცევს ყურადღებას. ეს უნდა იყოს ჩვენი საზრუნავი. ცენტრალური მთავრობა ვაკეთებთ ყველაფერს და კიდევ უფრო მეტს გავაკეთებთ.ახლა დავასრულეთ მუშაობა გრძელვადიანი განვითარების გეგმაზე, ხედვაზე. ჩვენ ზუსტად და მკაფიოდ ვიცით, როგორ უნდა განვავითაროთ ჩვენი ქვეყანა, სოფლის მეურნეობა. ძალიან ბევრი შეიძლება ვისაუბროთ პრობლემებზე, რომელიც ჩვენს ქვეყანაში არის, მაგალითად 3000 სოფელს არ მიეწოდება ხარისხიანი წყალი, სოფლის მეურნეობის მიწების დამუშავება, იქნება ეს წყალგაყვანილობა, გაზიფიცირება, თუ ა.შ. გზების გაყვანა - ეს უნდა იყოს ჩვენი მთავარი საზრუნავი. ყველა მიმართულებით, ყველა პარამეტრით, მაქსიმალური შედეგი დავდეთ, მაგრამ ეს არ არის საკმარისი, კიდევ მეტი უნდა გავაკეთოთ ყველამ ერთად. ამისთვის საჭიროა მშვიდობის და სტაბილურობის შენარჩუნება, იმისთვის, რომ უზრუნველყოფილი, გარანტირებული იყოს გრძელვადიანი, ძლიერი, სწრაფი განვითარება. ამას შეძლებს ერთადერთი სტაბილური გუნდი, ეს არის „ქართული ოცნება“. მე არ ვამბობ, რომ ჩვენ ვართ უშეცდომონი და იდეალურები, ღმერთმა დაგვიფაროს, ჩვენ ამას არასდროს არ ვიტყვით, მაგრამ დღეს, „ქართულ ოცნებას“ ალტერნატივა არ ჰყავს საქართველოში. ჩვენ შეგვიძლია მართვა, პასუხისმგებლობის აღება ჩვენს თითოეულ მოქალაქეზე, ჩვენი ქვეყნის და ხალხის ბედზე.ამ პანდემიის პირობებში გვიწევს კამპანიის ჩატარება. ჩვენ, ახლა, მაქსიმალურად მობილიზებულად უნდა ჩავატაროთ ეს არჩევნები, პირბადეებით უნდა ჩავატაროთ ეს კამპანი, ასევე, აცრები, აცრები, აცრები, ყველამ უნდა ჩავიტაროთ აცრა, იმიტომ, რომ აცრა გვიცავს, იცავს ჩვენს მოქალაქეებს, მეგობრებს, ახლობლებს, მშობლებს სიკვდილისგან. ეს არის მთავარი არგუმენტი, რაც ყველამ კარგად უნდა გავიგოთ და ეს უნდა გავითვალისწინოთ.მთავრობამ ყველაფერი გააკეთა, 3 მლნ.-ზე მეტი დოზა ჩამოიტანა ადგილზე. წარმოიდგინეთ სიტუაცია, როდესაც ადამიანს სჭირდება ვაქცინა, რომელიც უმკურნალებს პრობლემას, ეს ვაქცინები ხელმისაწვდომია და გვაქვს ჩვენ. ახლა მთავარია, ძალიან მარტივი აცრა ჩავიტაროთ ყველამ და ნუ შეგვეშინდება, არავითარი რისკი, არავითარი საშიშროება ამას არ ახლავს თან. მითი, ჭორი და ტყუილი ინფორმაციები ვრცელდება სხვადასხვა მედიასაშუალებით. ამიტომ, კიდევ ერთხელ, მე მინდა, რომ მოგიწოდოთ ყველას ვაქცინაციის პროცესში ჩართვისკენ.ჩვენ ძლიერად უნდა გავიმარჯვოთ არჩევნებზე, უნდა დავასტაბილუროთ ქვეყანა, მომდევნო 3 წელი უნდა იყოს განვითარების წლები. ყველაფერი, მაქსიმუმი უნდა გავაკეთოთ ჩვენი მოქალაქეებისთვის. 2024 წელს, კიდევ უფრო ძლიერად უნდა შევხვდეთ საპარლამენტო არჩევნებს, ეს უნდა იყოს ჩვენი ამოცანა, განვითარება, განვითარება, განვითარება და ჩვენი მოსახლეობის კეთილდღეობა. 

მარნეულის მერობის კანდიდატის - კენან ომაროვის წარდგენა #განვითარებაყველარეგიონს

პირველ რიგში, მადლობას ვუხდით და ჩვენს უდიდეს პატივისცემას კიდევ ერთხელ ვუდასტურებთ ჩვენს გმირ ექიმებს, თითოეულ იმ ადამიანს, რომელიც ჩვენი მოქალაქეების სიცოცხლისა და ჯანმრთელობის სადარაჯოზე დგას. თითოეულ ჩვენგანს შეუძლია შეიტანოს თავისი წვლილი კორონავირუსის წინააღმდეგ ბრძოლაში და ეს, პირველ რიგში, გაცემული რეკომენდაციებისა და დაწესებული შეზღუდვების განუხრელ დაცვაში გამოიხატება. ამ ფონზე, მივესალმებით პრემიერ-მინისტრის ინიციატივას, თავისუფალი, კონკურენტული და რაც კიდევ უფრო მნიშვნელოვანია, კოვიდის გავრცელებისგან მაქსიმალურად დაცული არჩევნების ჩატარებასთან დაკავშირებით.ასევე მივესალმებით „ცესკოს“ მზაობას, რომ ოქტომბერში გასამართ არჩევნებზე „კოვიდუსაფრთხო“ სტანდარტები მაქსიმალურად იყოს დაცული, რათა ჩვენმა მოქალაქეებმა უსაფრთხო გარემოში შეძლონ საკუთარი არჩევანის დაფიქსირება. რა თქმა უნდა, ამ პირობებში, შესაბამისი ინფრასტრუქტურის მომზადებასთან ერთად, უმნიშვნელოვანესია ცესკოს თანამშრომლების მაქსიმალური ტემპით ვაქცინაცია.პოლიტიკური გაერთიანება „ქართული ოცნება-დემოკრატიული საქართველო” თავის მხრივ იღებს ვალდებულებას, რომ მისი წარმომადგენლები ცენტრალურ, საოლქო, თუ საუბნო საარჩევნო კომისიებში, პარტიის სახელით არჩევნებში აქტიურად ჩართული ადამიანები, მაქსიმალურად იქნებიან ვაქცინირებულები და განუხრელად დაიცავენ კოვიდრეგულაციებს.გარდა ამისა, ჩვენი მოქალაქეების ნაწილი, განსაკუთრებით რეგიონებში, გარკვეული ტექნიკური პრობლემების გათვალისწინებით, ვერ ახერხებს ვაქცინაციის პროცესში ჩართვას, შესაბამისად, მთელი ქვეყნის მასშტაბით, „ქართული ოცნების“ საარჩევნო შტაბები იღებენ პასუხისმგებლობას, ყოველდღიურ რეჟიმში იმუშაონ და აცრის მსურველ თითოეულ ადამიანს რეგისტრაციის გავლაში დაეხმარონ. დარწმუნებულები ვართ, მიუხედავად მნიშვნელოვანი გამოწვევებისა, ერთად დგომით, პასუხისმგებლობის გააზრებით, საზოგადოების მაქსიმალური ჩართულობით, გაცემული რეკომენდაციების შესრულებითა და სამედიცინო სფეროში დასაქმებული ადამიანების გმირული ბრძოლით, მოკლევადიან პერსპექტივაში მნიშვნელოვნად შევამცირებთ კორონავირუსის გავრცელების ტემპს, საბოლოო ჯამში კი, ერთად დავამარცხებთ ამ უხილავ, ძალიან საშიშ მტერს. მეორე მხრივ, კიდევ ერთხელ ჩავატარებთ დემოკრატიულ, სამართლიან, კონკურენტულ და თანაც „კოვიდუსაფრთხო“, მაღალი სტანდარტების არჩევნებს, რომელშიც ჩვენ, კიდევ ერთხელ, დამაჯერებლად გავიმარჯვებთ.

საღამო მშვიდობისა ძვირფასო მეგობრებო, მივესალმები ჩვენი ქვეყნის პრემიერ-მინისტრს, პარლამენტის თავმჯდომარეს, ჩემს კოლეგებს, მოწვეულ სტუმრებს და თითოეულ ადამიანს, ვინც რუსთავს და ჩვენი ქალაქის განვითარებას გულშემატკივრობს.დღეს ჩემს ცხოვრებაში განსაკუთრებული დღეა, რადგან ამ წუთიდან ერთად ვიწყებთ ქალაქის განვითარების სრულიად ახალ კონცეფციაზე მუშაობას.თქვენი თანადგომის შემთხვევაში გვექნება კონკრეტული, ხელშესახები ბერკეტები, რომ ვიზრუნოთ რუსთავის წინსვლაზე და გადავჭრათ ის პრობლემები, რაც, სამწუხაროდ, ჩვენი თანაქალაქელების ყოველდღიურობის ნაწილია.14 წლის განმავლობაში, საჯარო სამსახურში, სხვადასხვა პოზიციაზე ვმუშაობდი და მთელი ამ დროის განმავლობაში მთავარი პრინციპი ჩემთვის ყოველთვის თანამოქალაქეებზე ზრუნვა და გადაწყვეტილებების მათთან ერთად მიღება იყო. ამით ვამაყობ და ვაპირებ, რომ სწორედ ამ ღირებულებებზე დაყრდნობით, თქვენთან ერთად შევქმნა რუსთავის წარმატებული ხვალინდელი დღე.მე და ჩემს გუნდს გვაქვს კონკრეტული ხედვა, თუ როგორ უნდა გახდეს რუსთავი უფრო კომფორტული, ეკოლოგიურად სუფთა და ეკონომიკურად წარმატებული ქალაქი.გვწამს, რომ რუსთავი აუცილებლად გახდება ქალაქი, სადაც ახალგაზრდობას გაცილებით მეტ რესურსზე ექნება წვდომა, რათა წარმატებას მიაღწიონ საგანმანათლებლო, სპორტულ, სახელოვნებო თუ ტექნოლოგიურ სფეროებში;რუსთავი აუცილებლად გახდება ქალაქი, სადაც ხანშიშესული ადამიანების ყოველდღიურობა გაცილებით ნაკლებ სირთულესთან იქნება დაკავშირებული;რუსთავი აუცილებლად გახდება ქალაქი, რომლის საწარმოებში დასაქმებული ჩვენი ოჯახის წევრების სამუშაო პირობები ეტაპობრივად კიდევ უფრო გაუმჯობესდება.გარწმუნებთ, რომ თქვენი მხარდაჭერის შემთხვევაში, მუდმივად ჩემი ქალაქის და თითოეული რუსთაველის გვერდით ვიქნები, დავეხმარები ყველა იმ ადამიანს, ვისთვისაც ჩემი თანადგომა მნიშვნელოვანი იქნება და ასე, ერთად დგომითა და ერთობლივი ძალისხმევით, 4 წლის შემდეგ, რუსთავი, მისი თითოეული უბანი კიდევ უფრო განვითარებული და წარმატებული იქნება!აქვე მსურს მადლობა გადავუხადო ჩვენი ქალაქის მოქმედ მერს, ირაკლი ტაბაღუას, რომელმაც რუსთავისა და რუსთაველებისთვის არაერთი მნიშვნელოვანი პროექტი განახორციელა.ასევე მადლობას ვუხდი ჩემი გუნდის წევრებს, მეგობრებს, თანამოაზრეებს, და გულშემატკივრებს. მადლობა ჩემს ოჯახს, მეუღლეს, შვილებს და დედას, რომელიც განსაკუთრებით კრიტიკული და მომთხოვნია, როდესაც საქმე რუსთავს ეხება.განსაკუთრებულ მადლობას კი თქვენ გიხდით ჩემო რუსთაველებო. ვიცი როგორ გიყვართ თქვენი ქალაქი, როგორ აფასებთ მას და კარგად მესმის, თუ რამდენად მნიშვნელოვანია თქვენი უშუალო მონაწილეობა რუსთავის უკეთესი ხვალინდელი დღის შექმნაში.თქვენი ნდობისა და მხარდაჭერის შემთხვევაში, ერთად აუცილებლად გავიმარჯვებთ!

შემთხვევითი არ არის, რომ ჩვენ საარჩევნო კამპანია რუსთავიდან დავიწყეთ. ეს არის ინდუსტრიული ქალაქი, რომელსაც უდიდესი როლი აქვს ქვეყნის ეკონომიკის განვითარებაში, ქმნის დოვლათი და წარმოადგენს თავისი მნიშვნელობით ერთ-ერთ ყველაზე საყურადღებო ქალაქს.რუსთავში ბევრი ინფრასტრუქტურული პროექტი განხორციელდა ბოლო წლების განმავლობაში. ჩვენ ყველამ ვნახეთ ახალი ჩქაროსნული გზა, რომელიც მალე დასრულდება და იგი გაცილებით უფრო კომფორტულს ხდის თითოეული თქვენგანისთვის, ასევე, სხვა ქალაქების მაცხოვრებლებისთვის რუსთავში სტუმრობას.ასევე, განხორციელდა ბევრი პროექტი, რომელიც უკავშირდებოდა ეკოლოგიას, ინვესტიციების მოზიდვას. გაიზარდა საჯარო სერვისების ხელმისაწვდომობა. რაც ყველაზე მთავარია, მიუხედავად გაკეთებული საქმეებისა, ჩვენ კარგად ვხედავთ და არასდროს გვიჭირს, თვალი გავუსწოროთ იმ გამოწვევებს, რომლის წინაშეც დგას ქალაქი რუსთავი.პირველ რიგში, გამოვყოფდი ეკოლოგიურ და გარემოს დაცვით საკითხებს. მინდა გითხრათ, ჯერ კიდევ გარემოს დაცვის კომიტეტის თავმჯდომარეობისას, რამდენიმე წლის წინ დავიწყეთ იმ სამართლებრივი ბაზის შექმნა, რომელიც უზრუნველყოფს, ერთხელ და საბოლოოდ გადაიჭრას ამ ქალაქში გარემოსდაცვითი საკითხები და ეკოლოგიის პრობლემა.თუმცა აქ მნიშვნელოვანია არა მხოლოდ სამართლებრივი ბაზის არსებობა, არამედ ძლიერი მერი, რომელიც შეძლებს, აღასრულოს ეს ნორმები და რეალურად, რუსთავის ოცნება - გახდეს ეკოლოგიურად სუფთა და ქალაქი სუფთა ჰაერით, იქნას საბოლოოდ მიღწეული.ჩვენ ვიმყოფებით ძალიან ლამაზ პარკში, ბევრი რეკრეაციული ზონებით. ევროპული ტიპის ქალაქად ჩამოყალიბება - ეს არის უმნიშვნელოვანესი მიზანი, რაც ვიცით, რომ გააჩნია ნინო ლაცაბიძეს. ჩემი აზრით და ეს ხაზგასმით მინდა აღვნიშნო - ერთ-ერთი მნიშვნელოვანი ეს არის რუსთაველი ახალგაზრდების ჩართულობა გადაწყვეტილების მიღების პროცესში, იმ გადაწყვეტილების, რომელიც ამ ქალაქს გახდის კიდევ უფრო ძლიერს და უფრო ევროპულს, უფრო კომფორტულს საცხოვრებლად.​მე გულწრფელად გეტყვით, ძალიან მწყდება გული, რომ ნინო ტოვებს პარლამენტს, რადგან, მისი სახით, ძალიან ძლიერი პარლამენტის წევრი გამოაკლდება ჩვენს გუნდს, თუმცა, ყველა ვხვდებით და ყველა კარგად ვხედავთ მის თვალებში იმ ჟინს და იმ სიყვარულს, რომლითაც მან გადაწყვიტა, შეეჭიდოს ამ ძალიან საპასუხისმგებლო საქმეს. ნინოს ზურგს უმაგრებს არა მხოლოდ მისი პროფესიონალიზმი, არა მხოლოდ მისი უდიდესი გამოცდილება და განათლება, არამედ უდიდესი სიყვარული თავისი მშობლიური ქალაქის მიმართ და წარმოუდგენელი ხედვა, თუ როგორ უნდა გახადოს რუსთავი სამაგალითო ყველა სხვა ქალაქისთვის.როდესაც ნინოს ეს გადაწყვეტილება შევიტყეთ და გუნდის გადაწყვეტილება ცნობილი გახდა, მე მას ვუთხარი და დღესაც გავიმეორებ - დარწმუნებული ვარ, რომ ნინო რუსთავის ისტორიაში იქნება საუკეთესო მერი და ამას იგი დაამტკიცებს იმ შედეგებით, რომელსაც მოუტანს რუსთავს. მინდა, წარმატება ვუსურვო ნინოს, წარმატება ვუსურვო „ქართული ოცნების“ გუნდს და რა თქმა უნდა, წარმატებას ვუსურვებ ქალაქ რუსთავს.

მოგესალმებით, ჩვენო ძვირფასო რუსთაველებო, მივესალმები „ქართული ოცნების ჯარისკაცებს“, ჩვენი გუნდის ერთგულ წევრებს, საქართველოს პარლამენტის თავმჯდომარეს, პარლამენტის წევრებს, მთავრობის წევრებს, ყველას დიდი პატივისცემით მოგესალმებით!დღეს ჩვენ აქ, რუსთავში ვიწყებთ ოფიციალურად თვითმმართველობის არჩევნებისთვის მზადებას. მოგეხსენებათ, რომ 2012 წლიდან დღემდე, ჩვენმა ძლიერმა გუნდმა, ჩვენმა პარტიამ 7 არჩევნებში გაიმარჯვა. მე მინდა, ამისთვის გულწრფელი მადლობა გადავუხადო ჩვენს ერთგულ ამომრჩეველს, ჩვენი პარტიის თითოეულ წევრს და ჩვენი პარტიის მხარდამჭერებს. რა თქმა უნდა, რომ არა თქვენი მხარდაჭერა, ეს შეუძლებელი იქნებოდა. ჩვენ, ხელისუფლებაში მოსვლის დღიდან დღემდე ძალიან ბევრი პროექტი განვახორციელეთ. ყველა რეგიონში, ყველა სფეროს მიმართულებით, ჩვენ გვქონდა არნახული პროგრესი, მაგრამ, რა თქმა უნდა, ეს არ არის საკმარისი. ჩვენ ახლა ვემზადებით ახალი არჩევნებისთვის. თვითმმართველობის არჩევნები არის ძალიან სერიოზული, ვინაიდან სწორედ თვითმმართველობის არჩევნები არის უმოკლესი გზა ჩვენს მოსახლეობასთან. ბოლო წლების განმავლობაში ქალაქ რუსთავში ძალიან ბევრი პროექტი განხორციელდა, მაგრამ რა თქმა უნდა, ჩვენ კარგად გვესმის, რომ გამოწვევები კიდევ ბევრია.მე მინდა, ზოგადად, კიდევ ერთხელ შევახსენო ჩვენს მოსახლეობას და ჩვენს ხალხს, თუ სად ვიყავით, სად ვართ და სად გვინდა, რომ ვიყოთ ხვალინდელ დღეს. მოგეხსენებათ, რომ 2012 წელს ძალიან რთული ვითარება იყო ქვეყანაში. ავტორიტარული რეჟიმი პრაქტიკულად არავითარ პერსპექტივას არ უტოვებდა ჩვენს მოსახლეობას. ძალადობა, ტერორი, საკუთარი მოსახლეობის ჩაგვრა - ეს იყო ჩვენი ყოველდღიური ცხოვრების ნაწილი. ამას გარდა, რა თქმა უნდა, ვიხსენებთ რა აგვისტოს მძიმე დღეებს, კიდევ ერთხელ უნდა აღვნიშნოთ, თუ რაოდენ გამოუსწორებელი შედეგები მოიტანა აგვისტოს ომმა. ეს უმძიმესი ომი ვერ აარიდა წინა ხელისუფლებამ ჩვენს მოსახლეობას, ვერ დაიცვა ჩვენი ქვეყანა და მაშასადამე, ვერ დაიცვა ჩვენი ხალხი. შედეგად, ჩვენ მივიღეთ ჩვენი ტერიტორიების 20%-ის ოკუპაცია, ე.წ. აღიარების პოლიტიკა, ათასობით ჩვენი მოქალაქის დევნილობა და რაც მთავარია, ძალიან დიდი მოუშუშებელი ტკივილი, ეს არის ჩვენი გმირი სამხედროების, პოლიციელების, ჩვენი სხვა სამოქალაქო პირების გმირული დაღუპვა ომში. რა თქმა უნდა, ეს იარა არის მოუშუშებელი. ძვირფასო მეგობრებო, ეს მეორეს მხრივ გვახსენებს იმას, თუ როგორი უნდა იყოს პასუხისმგებლიანი ხელისუფლება და როგორი არ უნდა იყოს ხელისუფალი და ხელისუფლება, რომელიც ვერ იცავს საკუთარ ქვეყანას და საკუთარ ხალხს. მე ადრეც მითქვამს და მინდა გავიმეორო, რომ პოლიტიკურ ძალას, მმართველს და ხელისუფლებას, რომელიც საკუთარი უგუნური პოლიტიკით დაკარგავს ჩვენი ქვეყნის ტერიტორიებს, არა თუ უბრალოდ არ უნდა ჰქონდეს რაიმე სურვილი, ან მოტივაცია, ხელისუფლებაში დაბრუნდეს, არამედ, მას არ აქვს არავითარი მორალური უფლება, დარჩეს პოლიტიკაში.ჩვენი ხელისუფლება პირველივე დღიდან არის ორიენტირებული ჩვენი ხალხის კეთილდღეობაზე. მე აღვნიშნე, რომ ძალიან ბევრი გავაკეთეთ, ბევრს ვგეგმავთ, ბევრს გავაკეთებთ, იყო შეცდომებიც, მაგრამ ეს ყველაფერი კარგად გვაქვს გააზრებული და ვიცით, საით უნდა წავიდეთ, როგორ უნდა წავიყვანოთ ჩვენი ქვეყანა და როგორ ვემსახუროთ ჩვენს ხალხს. სულ ახლახან დავასრულეთ ჩვენი ქვეყნის გრძელვადიანი განვითარების ხედვაზე მუშაობა. პრაქტიკულად ყველა მიმართულებით, იქნება ეს სოფლის მეურნეობა, ინფრასტრუქტურა, ჯანდაცვა, განათლება, კულტურა, სპორტი, ახალგაზრდობა, მთავრობას აქვს მკაფიოდ ჩამოყალიბებული გეგმა და ხედვა, თუ როგორ განვითარდეს ჩვენი ქვეყანა. საბოლოო ჯამში, მე ოკუპაცია ვახსენე და ჩვენი ქვეყნის ტერიტორიული მთლიანობის აღდგენა, რომელიც არის ყველაზე მთავარი ამოცანა და ჩვენი საზრუნავი, ამასთან ერთად, უნდა იყოს ჩვენი მოსახლეობის მთავარი გამოწვევის - სიღარიბის და უმუშევრობის დაძლევა. ეს უნდა იყოს ჩვენი მთავარი მოწინააღმდეგე.ამ არჩევნებში ჩვენი კანდიდატები წარუდგენენ მოსახლეობას დეტალურ გეგმებს, ხედვებს, თუ რას ვაკეთებთ და რას გავაკეთებთ ჩვენი ქალაქებისთვის, რეგიონებისთვის, სოფლებისთვის. ჩვენი მთავარი დევიზი უნდა იყოს - ძლიერი რეგიონები, ძლიერი სოფლები, ძლიერი ქალაქები. მეტი განვითარება სჭირდება ჩვენს ქალაქებს, რეგიონებს. განვითარება უნდა იყოს ერთადერთი უალტერნატივო გადაწყვეტილება. კიდევ ერთხელ მინდა აღვნიშნო, რომ ჩვენი ერთიანი გუნდი ვართ აბსოლუტურად მოტივირებული, რომ ბოლომდე დავიხარჯოთ ჩვენი მოსახლეობისთვის. ჩვენ კარგად გვესმის ყველა ის პრობლემა, სირთულე, რომელიც ჩვენი მოსახლეობის წინაშე დგას - ეს არის სიდუხჭირე, გაჭირვება, უმუშევრობა, პანდემიასთან ბრძოლა, რასთან დაკავშირებითაც, რა თქმა უნდა, ჩვენ ყოველდღიურ რეჟიმში პრაქტიკულად გვაქვს კომუნიკაცია მოსახლეობასთან. აქვე მინდა, ვისარგებლო შემთხვევით და კიდევ ერთხელ ყველას მოვუწოდო ვაქცინაციის პროცესში ჩართულობისკენ. ერთადერთი გამოსავალი ამ სიტუაციიდან არის ვაქცინაცია, ვინაიდან აცრა გვიცავს, მეგობრებო, იცავს ჩვენს ოჯახის წევრებს, მეგობრებს და ახლობლებს.ჩვენ ყველა თვითმმართველ ქალაქში და მუნიციპალიტეტში შევარჩიეთ ღირსეული კანდიდატები, რომლებიც ბოლომდე დაიხარჯებიან და წარმოადგენენ ჩვენს გუნდს, ჩვენს პარტიას და ბოლომდე ემსახურებიან ჩვენს მოსახლეობას. ქალაქ რუსთავში ჩვენ შევარჩიეთ გამორჩეული კანდიდატი, რომელიც არის რუსთავიდან და ძალიან კარგად ესმის რუსთავის და რუსთაველების პრობლემა, გამოწვევა, რომელიც არის საქართველოს პარლამენტის წევრი, მაგრამ, ამის მიუხედავად, მან გადაწყვიტა, დატოვოს პარლამენტი და თავად ემსახუროს რუსთავს და რუსთაველებს. ეს გახლავთ ქალბატონი ნინო ლაცაბიძე. ნინო არის მართლაც გამორჩეული ადამიანი, ოთხი შვილის დედა. საჯარო მმართველობის დოქტორი. ძალიან დიდი გამოცდილების მქონე ღირსეული კანდიდატი, რომელიც მოემსახურება ჩვენს რუსთავს და რუსთაველებს.მე მინდა, კიდევ ერთხელ წარმატება ვუსურვო ჩვენს გამორჩეულ, ღირსეულ კანდიდატს, მის გუნდთან ერთად. ჩვენ აუცილებლად დამაჯერებლად გავიმარჯვებთ ყველა ქალაქში, ყველა მუნიციპალიტეტში, ყველა სოფელში!

რუსთავის მერობის კანდიდატის - ნინო ლაცაბიძის წარდგენა #განვითარებაყველარეგიონს

კახა კალაძის მისალმება მოგესალმებით მეგობრებო მივესალმები საქართველოს პრემიერ-მინისტრს, საქართველოს პარლამენტის თავმჯდომარეს, საქართველოს მთავრობის წევრებს, დამსწრე საზოგადოებას! დღეს წინასაარჩევნო პროცესისთვის, ერთი შეხედვით, ჩვეულებრივი და რიგითი ღონისძიებაა-იხსნება საარჩევნო შტაბი. თუმცა, მერწმუნეთ, პირადად ჩემთვის, ჩემი გუნდისთვის, ჩვენი მხარდამჭერებისთვის დღევანდელი დღე უმნიშვნელოვანესია.  მნიშვნელოვანია პირველ რიგში იმით, რომ დღეიდან თბილისელებს აქვთ ადგილი, სადაც შეუძლიათ  საკუთარი მოსაზრებები გაგვიზიარონ, სადაც მათ ელოდებიან, უსმენენ და მათთან ერთად გეგმავენ თბილისის ხვალინდელ დღეს. ბევრჯერ მითქვამს და კიდევ ერთხელ გავიმეორებ, ყველა პროექტი, რომელიც ბოლო წლებში განხორციელდა,  ჩვენი მოსახლეობის დიდი მხარდაჭერის შედეგია. იყო გამოწვევები, იყო პრობლემები, რასაც მარტო ვერ დავძლევდით. ჩვენ ერთად ვებრძოდით ყველა პრობლემას. ერთად ვიყავით მაშინაც როდესაც უხილავი მტრის გამოჩენით მიღებული დარტყმა შოკისმომგვრელი იყო არა მხოლოდ თბილისისთვის ან საქართველოსთვის, მთელი მსოფლიოსთვის. გავა დრო და პანდემია დავიწყებას მიეცემა, მაგრამ არასდროს დამავიწყდება ის დიდი თანადგომა და სოლიდარობა, რისი მოწმენიც ყველანი ვიყავით-ბიზნესის მხარდაჭერა;  სრული მობილიზაცია; მაღაზიებში საკუთარი ოჯახისთვის ნაყიდი პროდუქტის და ნივთების დატოვება უცნობი ადამიანებისთვის; მოხალისეებად ქცეული  ჩვენი საამაყო ახალგაზრდები, რათა მარტოხელა მოხუცებისთვის, სოციალურად დაუცველ პატარებისთვის, მრავალშვილიანი ოჯახებისთვის, შემოსავლის გარეშე დარჩენილ ადამიანებისთვის მიგვეწოდებია საკვები და ჰიგიენის საშუალებები. დიახ, ეს ქალაქი იყო და არის მაგალითი დიდი სიყვარულის, ერთიანობის, თანადგომის და სოლიდარობის. სწორედ ეს არის ის  ძალა, რასაც ვეყრდნობი, რაც მაძლევს საფუძველს ვთქვა, რომ ერთად გავიმარჯვებთ, ერთად შევძლებთ კიდევ უფრო მეტი სიცოცხლე შევიდეს ჩვენი ქალაქის ყველა უბანში, უფრო მეტი განვითარება, მეტი ახალი პროექტი, მეტი ინოვაცია, მეტი სიახლე, მეტი შრომა იყოს მომავალი 4 წლის გეგმა და მიზანი!!! ახლა კი მინდა წარმოგიდგინოთ ადამიანი, რომელიც სათავეში ჩაუდგება ჩემს საარჩევნო შტაბს და გახდება აქ მოსული თითოეული თბილისელის მეგობარი და გულშემატკივარი. ეს ადამიანი გახლავთ,ჩვენი გუნდის ახალგაზრდა,ენერგიული და გამორჩეული წევრი გიორგი ამილახვარი,რომელსაც განათლების სფეროსი მუშაობის,ახალგაზრდებთან საქმიანი ურთიერთობის დიდი გამოცდილება აქვს. გიორგი კარგი მენეჯერია,აქტიური პროგრესული და ენერგიული ადამიანია,რომელთან ერთადაც საარჩევნო კამპანიას ისე წავრმართავთ,რომ ჩვენი გამარჯვებით,არამხოლოდ ერთმა პოლიტიკურმა ჯგუფმა,არა მხოლოდ მე,როგორც ერთმა კანდიდატმა,არამედ თბილისმა და თბილისელებმა გაიმარჯვონ. წარმატება მინდა ვუსურვო ჩვენს საარჩევნო შტაბს, რაზეც დამოკიდებულია არა მხოლოდ ჩემი, როგორც კანდიდატის გამარჯვება, არამედ ამ ქალაქში მცხოვრები ძალიან ბევრი ადამიანის იმედები. რაც მთავარია, მინდა წარმატება ვუსურვო თბილისს- ქალაქს, რომელიც თავად ირჩევდა და ირჩევს წესებს; სადაც ქალაქელობა ნიშნავს- გიყვარდე, გაუფრთხილდე და პატივი სცე; სადაც კარგად იციან გულწრფელობის და ერთგულების ფასი. მჯერა, კიდევ ბევრჯერ იტყვიან: მე ამ ქალაქში ვნახე ყველაფერი!

წინანდალში პარტია „ქართული ოცნება-დემოკრატიული საქართველოს" პოლიტიკური გუნდის - პოლიტიკური საბჭოს, მთავრობისა და საპარლამენტო უმრავლესობის წევრების გასვლითი სამუშაო შეხვედრა გაიმართა. შეხვედრაზე განხილულ იქნა თვითმმართველობის არჩევნებთან დაკავშირებული და მიმდინარე პოლიტიკური საკითხები.

ნაძალადევი ირაკლი ხელაძე გლდანი კონსტანტინე ზარნაძე ჩუღურეთი ზურაბ ჩიკვილაძე მთაწმინდა ზურაბ აბაშიძე ისანი კახა ლაბუჩიძე დიდუბე გივი ჩხარტიშვილი ვაკე გიორგი ტყემალაძე კრწანისი ლევან ჯაფარიძე საბურთალო ავთანდილ ცინცაძე სამგორი რევაზ სოხაძე

კახა კალაძის მისალმება  მოგესალმებით მეგობრებო, პირველ რიგში, მადლობას გიხდით მობრძანებისთვის, მივესალმები პრემიერ-მინისტრს, ბატონ ირაკლი ღარიბაშვილს, პარტია „ქართული ოცნება-დემოკრატიული საქართველოს“  თავმჯდომარეს, ბატონ ირაკლი კობახიძეს, პარლამენტის თავმჯდომარეს, კახა კუჭავას,  მთავრობის, პარლამენტისა და საკრებულოს წევრებს, დამსწრე საზოგადოებას, მადლობა მობრძანებისთვის. მინდა, განსაკუთრებით მივესალმო ჩვენი ქალაქის მოსახლეობას, თბილისელებს, რადგან სწორედ ისინი ქმნიან თბილისის რეალობას და მათზეა დამოკიდებული დედაქალაქის ხვალინდელი დღე. ყველა პროექტი, რაც ბოლო წლების განმავლობაში განვახორციელეთ, გაკეთდა თბილისელების დაკვეთით, მათი მხარდაჭერით, მათი გულშემატკივრობით. ასე იყო ყოველთვის - ამ ქალაქზე შეყვარებულმა ადამიანებმა დაწერეს თბილისის დიდი ისტორია, გვაჩვენეს თანასწორობის, ტოლერანტობის, თანაცხოვრების, თბილისელობის მაგალითები და რა თქმა უნდა, ასე იქნება მომავალშიც. დღეს, ჩვენი ქალაქისთვის მნიშვნელოვანი დღეა, რადგან პოლიტიკური გაერთიანება "ქართული ოცნება - დემოკრატიული საქართველო" საზოგადოებას წარუდგენს  დედაქალაქის ათი რაიონის მაჟორიტარი დეპუტატობის კანდიდატებს, ადამიანებს, რომლებსაც თბილისელების მხარდამჭერის შემთხვევაში, ქალაქისა და აქ მცხოვრები თითოეული ადამიანის წინაშე, მომავალი ოთხი წლის განმავლობაში საპასუხისმგებლო მისია ექნებათ შესასრულებელი. 2017 წელს, როდესაც მე და ჩემი გუნდი თბილისის ხელისუფლებაში მოვედით, ჩვენი ქალაქი არაერთი გამოწვევის წინაშე იდგა, გვქონდა უამრავი, ერთი შეხედვით გადაუჭრელი პრობლემა, რომელიც შეუიარაღებელი თვალითაც კარგად ჩანდა, იქნებოდა ეს სოციალური, გარემოსდაცვითი, ეკოლოგიური, სატრანსპორტო, ურბანული, ინფრასტრუქტურული თუ არაერთი სხვა მიმართულებით. კარგად მახსოვს ისიც, რომ მოსახლეობაში არსებობდა ნიჰილიზმი იმასთან დაკავშირებით, რომ ათწლეულების განმავლობაში ე.წ. ბეტონის ჯუნგლებად ქცეული ქალაქის გაკეთილშობილება და უკეთესობისკენ შეცვლა რთული და წარმოუდგენელი იქნებოდა, მაგრამ დღეს ამაყი ვარ, რომ ნელ-ნელა არათუ თბილისის ქუჩებიდან, არამედ ჩვენი ცნობიერებიდანაც კი ქრება მთელი რიგი საკითხების აქტუალობა, რომელთა მოგვარებასაც თბილისელებს ოთხი წლის წინ შევპირდით. დღეს, თბილისი ბევრად უფრო მწვანე, ჯანსაღი, კომფორტული და მოწესრიგებული ქალაქია, სადაც აღმოფხვრილია უკანონო მშენებლობები, გვაქვს თანამედროვე, მაღალი ხარისხის საზოგადოებრივი ტრანსპორტი, რომელიც კიდევ უფრო წესრიგდება და კიდევ უფრო განვითარდება, სოციალური პროგრამები, რომლებიც მორგებულია თბილისელების საჭიროებებზე. მიღწეული წარმატებების კვალდაკვალ, რა თქმა უნდა, კარგად ვხედავთ, რომ კიდევ ძალიან ბევრი გამოწვევა გვაქვს დასაძლევი და ნურავის ექნება ილუზია, რომ ამხელა შრომის გაწევა მხოლოდ ერთ, ან რამდენიმე ადამიანის შეუძლია. მასშტაბური და მნიშვნელოვანი პროექტების განხორციელება, არსებული გეგმების რეალობად ქცევა და ქალაქისთვის მნიშვნელოვანი, თითოეული პოლიტიკის კუთხით წარმატებული გზის გაგრძელება, შეუძლებელია კვალიფიციური, ერთგული გუნდის გარეშე. თბილისს როგორც მერიაში სჭირდება ძლიერი გუნდი, ასევე გარდაუვლად სჭირდება მყარი უმრავლესობა საკრებულოში. ამის გარეშე, ჩვენ ვერ შევძლებთ იმ მასშტაბური გეგმების განხორციელებას, რომელსაც ვპირდებით თბილისს და თბილისელებს, ამიტომ თითოეული ამ ადამიანის როლი თბილისის განვითარებაში და თქვენი მხარდაჭერა წარმოდგენილი კანდიდატებისადმი სასიცოცხლოდ მნიშვნელოვანია ჩვენი ქალაქის მომავლისათვის. ჩვენი მიზნებისა და გეგმების განხორციელებისათვის აუცილებელია, რომ თქვენ გყავდეთ თქვენი ერთგული წარმომადგენელი ქალაქის საკრებულოში, ჩვენ კი კვალიფიციური თანაგუნდელი თბილისის ყველა რაიონში, რათა ერთიანი, დაუღალავი შრომით, საჯარო სიკეთე ქალაქის თითოეულ უბანზე, ყველა ადამიანზე გადანაწილდეს!  ამ ყველაფრის გათვალისწინებით, სიამაყით წარმოგიდგენთ ადამიანებს, რომლებიც გასული ოთხი წლის განმავლობაში, სხვადასხვა პოზიციიდან, ჩემთან ერთად წერდნენ სიცოცხლით სავსე ქალაქის ისტორიას. მაშ ასე, წარმოგიდგენთ თბილისის მაჟორიტარი დეპუტატობის კანდიდატებს: მინდა, პირველ რიგში, წარმოგიდგინოთ, ჩვენი გუნდის ერთ-ერთი გამორჩეული ლიდერი, დედაქალაქის საკრებულოს მოქმედი თავმჯდომარე გიორგი ტყემალაძე, რომელიც ჩვენი გუნდის მაჟრიტარობის კანდიდატი იქნება ვაკეში. გიორგის ზურგს უმაგრებს თბილისის საკრებულოში საქმიანობის 14-წლიანი გამოცდილება და ნამდვილად არ მეგულება ადამიანი, რომელიც ამ ინსტიტუტის მუშაობის სპეციფიკაში უკეთ ერკვევა. მან ზუსტად იცის, რა გამოწვევების წინაშე დგას ჩვენი დედაქალაქი, რა უნდა გაკეთდეს იმისთვის, რომ თბილისის მოსახლეობამ კიდევ უფრო მეტი სიკეთე მიიღოს. სრული პასუხისმგებლობით ვაცხადებ, რომ არა საკრებულოს მხარდაჭერა და პირადად მისი დიდი დამსახურება, დღეს ვერ ვიამაყებდით იმ შედეგებით, რომელსაც განვლილ 4 წელიწადში მივაღწიეთ. ეჭვი არ მეპარება, რომ გიორგი არჩევნებში დიდი უპირატესობით გაიმარჯვებს და კიდევ უფრო დიდი შემართებით განაგრძობს საკუთარი ქალაქის მსახურებას. მთაწმინდაზე ჩვენს გუნდს წარმოადგენს ზურაბ აბაშიძე, ზურას ზურგს უდიდესი პოლიტიკური გამოცდილება უმაგრებს. ის არის დედაქალაქის საკრებულოსა და პარლამენტის ყოფილი წევრი, დღემდე ყაზახეთის რესპუბლიკაში საქართველოს საგანგებო და სრულუფლებიან ელჩად მუშაობდა. რაც მთავარია, ზუსტად იცის საკუთარი რაიონისა და დედაქალაქის პრობლემები და მათი გადაჭრის გზები. დარწმუნებული ვარ, საკრებულოში, ჩვენი გუნდისთვის ის უდიდესი შენაძენი იქნება და მომდევნო 4 წლის მანძილზე მნიშვნელოვან როლს ითამაშებს იმ გამოწვევების დაძლევაში, რომელიც ჩვენი ქალაქის წინაშე დგას. სამგორში ქართული ოცნების კანდიდატი კვლავაც იქნება ჩვენი გუნდის გამოცდილი წევრი, მოქმედი დეპუტატი რევაზ სოხაძე, რომელიც გასული ოთხი წლის მანძილზე აქტიურად იყო ჩართული საკრებულოს საქმიანობაში და თამამად შემიძლია ვთქვა, რომ მთლიანად გაამწვანა და გააფერადა მისი სამაჟორიტარო ოლქი. მას უდიდესი წვლილი მიუძღვის სამგორის რაიონში და მთლიანად თბილისში განხორციელებულ ძალიან ბევრ პროექტში, რომლითაც ყველა ვამაყობთ. მინდა წარმატებები ვუსურვო რეზის და დარწმუნებული ვარ, რომ ჩვენ ყველა აუცილებლად გავიმარჯვებთ. ისანში ჩვენი გუნდის წარმომადგენელი, მოქმედი გამგებელი კახა ლაბუჩიძე იქნება, რომელსაც საჯარო სამსახურში, ადგილობრივი თვითმმართველობის სხვადასხვა სტრუქტურაში მუშაობის, ასევე პოლიტიკური საქმიანობის უდიდესი გამოცდილება აქვს. 2017 წლიდან დღემდე, შეუიარაღებელი თვალითაც მარტივად ჩანს, რომ კონკრეტულად ისანში უამრავი საქმე გაკეთდა, რაშიც უდიდესი წვლილი სწორედ კახას მიუძღვის, რომელიც დარწმუნებული ვარ, გაიმარჯვებს და გაათმაგებული ენერგიით ამჯერად უკვე საკრებულოდან განაგრძობს საკუთარი რაიონისა და დედაქალაქის სამსახურს. კრწანისში ჩვენი გუნდის დეპუტატობის კანდიდატი მოქმედი მაჟორიტარი ლევან ჯაფარიძე იქნება, რომელიც საკუთარ მოვალეობას გასული წლიდან ასრულებს. მანამდე ის იყო კრწანისის რაიონის გამგებელი . ამ ადამიანმა უშუალოდ იცის საკუთარ რაიონში მცხოვრები ადამიანების შეხედულებები სხვადასხვა საკითხებზე და მათთან ერთად ცდილობს კიდევ უფრო განავითაროს საკუთარი უბანი. ლევანს ზურგს უმაგრებს საჯარო სამსახურსა და კერძო სექტორში საქმიანობის მრავალწლიანი, წარმატებული გამოცდილება. დარწმუნებული ვარ, კრწანისელებისთვის სწორედ ლევან ჯაფარიძე იქნება საუკეთესო მაჟორიტარი. ნაძალადევში ჩვენს გუნდს წარმოადგენს ამ შესანიშნავი რაიონის მოქმედი გამგებელი ირაკლი ხელაძე, რომელიც მართლაც გამორჩეული ახალგაზრდა კაცია. პირველივე დღიდან, რაც ირაკლი ნაძალადევის გამგებელი გახდა, უდიდესი ენერგიით დაიწყო საკუთარი საქმიანობა, მართლაც მნიშვნელოვანი სამუშაო განახორციელა და დამერწმუნეთ, დღეს, მასზე უკეთ ვერავინ გეტყვით, რა უჭირთ და ულხინთ ნაძალადევის მაცხოვრებლებს, რა გაკეთდა და სამომავლოდ რა არის გასაკეთებელი კიდევ უფრო მეტი განვითარებისთვის. დარწმუნებული ვარ, ის აუცილებლად გაიმარჯვებს და ახლა უკვე საკრებულოდან,  მოქალაქეებთან აქტიური კომუნიკაციის პირობებში განაგრძობს საკუთარ ქალაქსა და რაიონზე ზრუნვას. მოგეხსენებათ, გლდანი ჩვენი დედაქალაქის ერთ-ერთი ყველაზე დიდი, გამორჩეული რაიონია, სადაც უმარავი საქმე კეთდება, კიდევ უფრო მეტი კი სამომავლოდ გაკეთდება. ამ პირობებში, ნამდვილად არ არის მარტივი, აიღო ისეთი პასუხისმგებლობა, როგორიც დედაქალაქის საკრებულოში აქ მცხოვრები ადამიანების წარმომადგენლის სტატუსს ახლავს თან. მინდა წარმოგიდგინოთ კონსტანტინე ზარნაძის კანდიდატურა. თუმცა, კოტემ სულ მცირე დროში, გლდანის გამგებლის მოადგილედ მუშაობის პერიოდში დაამტკიცა, რომ ნამდვილად შეუძლია, ჩემი გლდანელების ღირსეული წარმომადგენელი იყოს. ის გლდანში დაბადებული და გაზრდილი ახალგაზრდაა, რომელსაც საჯარო სამსახურში საქმინობის  და თავისი რაიონის მსახურების საკმაოდ კარგი გამოცდილება დაუგროვდა. კოტე, გლდანელების მხარდაჭერით აუცილბლად გაიმარჯვებს და გაათმაგებული ენერგიით განაგრძობს საქმიანობას დედაქალაქის საკრებულოში. დიდუბეში, ჩვენი კანდიდატი იქნება გივი ჩხარტიშვილი, ენერგიული, თანამედროვე ხედვების მქონე ახალგაზრდა, რომელიც ჩვენი გუნდის - ქართული ოცნების ახალგაზრდული ორგანიზაცის გამორჩეული წევრია. მან საკუთარი შესაძლებლობები, საქმის კეთების უნარი, საკუთარი ქვეყნისა და ქალაქის სიყვარული ჩვენს გუნდში საქმიანობით უკვე დაამტკიცა. დარწმუნებული ვარ, ახლა უკვე სხვა ამპლუაში, კიდევ უფრო დიდი მოტივაციითა და ენერგიით განაგრძობს ჩემი თბილისელების, დიდუბისა და ქალაქის საკეთილდღეოდ საქმიანობას. საბურთალოზე მაჟორიტარობის კანდიდატად მსურს ავთანდილ ცინცაძე წარმოგიდგინოთ. ის თბილისის საკრებულოს მოქმედი მაჟორიტარი დეპუტატი, ფრაქცია ქართული ოცნება - დემოკრატიული საქართველოს თავმჯდომარის მოადგილეა, თუმცა, ახლა მოუწევს იმ პასუხისმგებლობის საკუთარ თავზე აღება, რომელსაც მთელი საბურთალოს მოსახლეობის კეთილდღეობასა და პრობლემების აღმოფხვრაზე ზრუნვა ჰქვია. ავთო მსოფლიო ჩემპიონია სამბოში, გასული 4 წლის მანძილზე კი დაამტკიცა, რომ აქვს საქმის ხარისხიანად კეთების უნარი. მან ნამდვილად დაამტკიცა, რომ შეუძლია იყოს წარმატებული ყველა იმ საქმეში, რომელსაც ხელს მოჰკიდებს. სწორედ ამიტომ, ეჭვი არ მეპარება, რომ ავთოს მიერ საკუთარი რაიონის კიდევ უფრო განვითარებაში შეტანილი უდიდესი წვლილით, 4 წლის შემდეგ, თითოეული საბურთალოელი იამაყებს. ჩუღურეთის რაიონში ჩვენი გუნდის მაჟორიტარობის კანდიდატი ამ ულამაზზესი რაიონის მოქმედი გამგებელი ზურაბ ჩიკვილაძე იქნება. დამერწმუნეთ, მეგობრებო და ამაში ჩუღურეთში მცხოვრები ადამიანებიც დამეთანხმებიან, რომ ბატონი ზურა უდიდესი პროფესიონალი, საკუთარ საქმეზე და უბანზე შეყვარებული, სამაგალითო მოხელეა. მას ყოველთვის გულთან ახლოს მიაქვს ჩვენი მოქალაქეების პრობლემები, ძალას არ იშურებს საკუთარი რაიონისა და ქალაქის საკეთილდღეოდ. ჩვენ სწორედ ამ კვალიფიციური, ენერგიული, დიდი გამოცდილების მქონე და ახალგაზრდა, განათლებული ადამიანებით დაკომპლექტებული გუნდით, აუცილებლად გავიმარჯვებთ და ერთად, ჩვენი მოქალაქეების ჩართულობით ვიზრუნებთ იმ მიზნის განხორციელებაზე, რომელიც მეტ სიცოცხლეს შესძენს თბილისის ყველა უბანს. გარწმუნებთ, თითოეული ჩვენგანი მთელი არსებითაა ჩართული იმ საქმეში, რასაც თბილისის უკეთესი ხვალინდელი დღე ჰქვია. ჩვენ გვაქვს მკაფიო და ნათელი მიზანი - ქალაქის მასშტაბით, თითოეულ უბანში, თითოეულ ადამიანთან მივიდეს ყველა ის სიკეთე, რასაც ვქმნიდით, ვქმნით და მომავალშიც შევქმნით თბილისისა და თბილისელებისთვის. ამ შრომატევად საქმეში განსაკუთრებულ როლს სწორედ მაჟორიტარი დეპუტატები ასრულებენ და მათი ფუნქცია მომდევნო ოთხი წლის განმავლობაში კიდევ უფრო საპასუხისმგებლო იქნება. დარწმუნებული ვარ, ჩემი თბილისელები მხარს დაუჭერენ ამ კეთილსინდისიერ, კვალიფიციურ და პროფესიონალ კანდიდატებს, სიკეთისა და კეთილდღეობის ელჩებს, რომლებიც ამ სიკეთეს თითოეული თბილისელის ოჯახამდე მიიტანენ. ერთად აუცილებლად გავიმარჯვებთ და რაც მთავარია, გავიმარჯვებთ უკეთესი თბილისისთვის. მეტი სიცოცხლე ყველა უბანში!