24 მაისი, 2014

პრემიერმა ახალციხეში გამგებლობის კანდიდატები წარადგინა

საქართველოს პრემიერ-მინისტრი ირაკლი ღარიბაშვილი დღეს ახალციხეს ესტუმრა და კოალიცია "ქართული ოცნების" ამომრჩეველს სამცხე-ჯავახეთის რეგიონის გამგებლობის კანდიდატები წარუდგინა: ახალციხის მუნიციპალიტეტის გამგებელი - ზაზა მელიქიძე; ბორჯომის გამგებელი - დიმიტრი ყიფიანი; ადიგენის გამგებელი - ზაქარია ენდელაძე; ასპინძის გამგებელი - ლევან ცაბაძე; ახალქალაქის გამგებელი - ედუარდ აღასარიანი; ნინოწმინდის გამგებელი - გაგიკ კარსლიანი.

24 მაისი, 2014

შეხვედრა ეროვნული უმცირესობების წარმომადგენლებთან

კოალიცია „ქართული ოცნების“ თბილისის მერობის კანდიდატ დავით ნარმანიას მხარდამჭერთა დარბაზში დღეს მორიგი შეხვედრა ეროვნული უმცირესობების წარმომადგენლებთან ჰქონდა.

24 მაისი, 2014

შეხვედრა ვაშლიჯვარში, ტურბაზის შენობაში მცხოვრებ დევნილებთან.

კოალიცია „ქართული ოცნების“ თბილისის მერობის კანდიდატი დავით ნარმანია საბურთალოს მაჟორიტარი დეპუტატობის კანდიდატ შორენა ბუხრაშვილთან ერთად ვაშლიჯვარში, ტურბაზის შენობაში მცხოვრებ აფხაზეთიდან დევნილებს შეხვდა. ყოფითი პრობლემების მოგვარებასთან ერთად, შენობაში წლების განმავლობაში მცხოვრები დევნილები ფართის დაკანონებას ითხოვენ. დავით ნარმანიას თქმით, ლტოლვილთა და განსახლების სამინისტრო ზრუნავს ჩასახლების შიგნით არსებული პირობების გაუმჯობესებაზე, მერიის ვალდებულება კი დევნილებისთვის ინფრასტრუქტურის მოწესრიგებაა და თბილისის მერია მას ამაში უნდა დაეხმაროს.

24 მაისი, 2014

შეხვედრა თბილისის "დინამოს" ბავშვთა აკადემიაში

ვიცე-პრემიერი კახა კალაძე  კოალიცია „ქართული ოცნების“ თბილისის მერობის კანდიდატი დავით ნარმანიასთან ერთად თბილისი "დინამოს" ბავშვთა აკადემიას ეწვია. სტუმრებმა აკადემიის ბაზა დაათვალიერეს და მის კონცეფციას გაეცნენ. როგორც დავით ნარმანიამ აღნიშნა, მის წინასაარჩევნო პროგრამაში განსაკუთრებული ადგილი უჭირავს ჯანსაღი ცხოვრების წესის პოპულარიზაციას, აქედან გამომდინარე სპორტული ინფრასტრუქტურის განვითარება მისი მთავარი მიზანი იქნება. საარჩევნო შტაბის ხელმძღვანელის კახი კალაძის განცხადებით, ცხოვრების ჯანსაღი წესი პრინციპულად მნიშვნელოვანია,ამიტომ ხელისუფლება მომავალშიც გეგმავს სპორტის პოპულარიზაციას.

24 მაისი, 2014

დავით ნარმანია სოციალური თერაპიის სახლს ესტუმრა

„კოალიცია ქართული ოცნების“ თბილისის მერობის კანდიდატი დავით ნარმანია დღეს სოციალური თერაპიის სახლს ესტუმრა , სადაც ორგანიზაციის „კავშირი ადამიანებისთვის, განსაკუთრებულ ზრუნვას რომ საჭიროებენ“ წევრების მიერ შექმნილი ხელნაკეთი ნამუშევრების საგაზაფხულო გამოფენა-გაყიდვა დაათვალიერა. ორგანიზაციის მიზანია, საქართველოში სოციალური თერაპიის დანერგვა, რათა შესაძლებელი გახდეს სრულწლოვანი შეზღუდული შესაძლებლობების მქონე პირთა განვითარება და სოციალური ინტერგრაცია.

24 მაისი, 2014

„ლელო“ „არმია“ 24:11

მიხეილ მესხის სახელობის სტადიონზე გამართულ საქართველოს რაგბის ჩემპიონატის ფინალურ შეხვედრას კოალიცია „ქართული ოცნების“ თბილისის მერობის კანდიდატი დავით ნარმანია ვიცე-პრემიერ კახა კალაძესთან ერთად დაესწრო. დაძაბულ ბრძოლაში „ლელომ“ „არმია“ 24:11 დაამარცხა. “ლელომ“ ამ გამარჯვებით საქართველოს ჩემპიონის ტიტული მოიპოვა. გუნდს ოქროს მედლები და გამარჯვებულის გარდამავალი თასი გადაეცა.

24 მაისი, 2014

დავით ნარმანია ბალანჩინის საიუბილეო საღამოს დაესწრო

კოალიცია „ქართული ოცნების“ თბილისის მერობის კანდიდატი დავით ნარმანია, მეუღლესთან ერთად ჯორჯ ბალანჩინის 110 წლის იუბილესადმი მიძღვნილ ღონისძიებაზე იმყოფებოდა. საღამოს პრემიერ-მინისტრი და მთავროს სხვა წარმომადგენლებიც დაესწრნენ.

23 მაისი, 2014

ახალი ინიციატივა არქეოლოგებს

„თბილისს თავისი არქეოლოგი ეყოლება“ - ახალი ინიციატივა არქეოლოგებს დღეს კოალიცია „ქართული ოცნების“ თბილისის მერობის კანდიდატმა დავით ნარმანიამ გააცნო. თბილისის მერობის კანდიდატმა ნაძალადევის მაჟორიტარი დეპუტატობის კანდიდატ ჯაბა სამუშიასთან ერთად მეტეხის ხიდთან არსებული ორმოცი სებასტიანელი მოწამის სახელობის ეკლესიის მიმდებარე ტერიტორიაზე აღმოჩენილი ციხის გალავანი დაათვალიერა.

23 მაისი, 2014

არაგვიჰესის გახსნა

დღეს საქართველოს ვიცე-პრემიერმა და ენერგეტიკის მინისტრმა კახა კალაძემ არაგვიჰესი გახსნა. არაგვი ჰესი არის პირველი ჰიდროელექტროსადგური, რომელიც განხორციელდა მხოლოდ ქართული და დასავლეთევროპული კერძო ინვესტორების თანამშრომლობის შედეგად. სადგური აღჭურვილია უმაღლესი ხარისხის დასავლეთევროპული დანადგარებით და მართვის სისტემებით, რომელიც იქნა დამზადებული და მოწოდებული ავსტრიული კომპანია „კიოსლერის“ მიერ. 

23 მაისი, 2014

ძველი ციხის გალავნის არქეოლოგიური სამუშაოების დათვალიერება

„თბილისს თავისი არქეოლოგი ეყოლება“ - ახალი ინიციატივა არქეოლოგებს დღეს კოალიცია „ქართული ოცნების“ თბილისის მერობის კანდიდატმა დავით ნარმანიამ გააცნო. თბილისის მერობის კანდიდატმა ნაძალადევის მაჟორიტარი დეპუტატობის კანდიდატ ჯაბა სამუშიასთან ერთად მეტეხის ხიდთან არსებული ორმოცი სებასტიელი მოწამის სახელობის ეკლესიის მიმდებარე ტერიტორიაზე აღმოჩენილი ციხის გალავანი დაათვალიერა. არქეოლოგიური აღმოჩენა ვახტანგ გორგასლის პერიოდს განეკუთვნება. იქვე მიაკვლიეს სასახლის უფრო ძველ ფენებსაც, რაც ვახტანგ გორგასლის მოღვაწეობამდე ბევრად ადრინდელ ხანას მოიცავს. ასევე ნაპოვნია I-II საუკუნის რომაული აბანო, IV საუკუნის მარანი და სხვადასხვა დროის სამარხები. როგორც დავით ნარმანიამ აღნიშნა,ისტორიული და კულტურული მემკვიდრეობის შენარჩუნება ერთ-ერთი უმთავრესი ამოცანაა და მომავალში აქტიურად იზრუნებს იმაზე რომ გათხრები გაგრძელდეს და შენარჩუნდეს საუკუნეების წინანდელი მემკვიდრეობა. მისივე თქმით, წლების განმავლობაში მიმდინარე მშენებლობებმა ქალაქის კულტურული და ისტორიული მემკვიდრეობა შეიწირა. როგორც დავით ნარმანია აცხადებს, მისი გამარჯვების შემთხვევაში ბიუჯეტში აუცილებლად გამოიყოფა თანხები სარეაბილიტაციო სამუშაოებისთვის.

23 მაისი, 2014

შეხვედრები დიდი დიღმის, ვაშლიჯვრის და საბურთლოს მოსახლეობასთან

კოალიცია „ქართული ოცნების“ თბილისის მერობის კანდიდატი დავით ნარმანია, საბურთალოს მაჟორიტარი დეპუტატობის კანდიდატებთან შორენა ბუხრაშვილთან და დავით ზურაბიშვილთან ერთად დიდი დიღმისა და ვაშლიჯვრის მოსახლეობას შეხვდა. თბილისის ამ ნაწილში მცხოვრებ მოსახლეობას ინფრასტრუქტურულ პრობლემებთან ერთად, ტრანსპორტის ხელმისაწვდომობის პრობლემა აწუხებს, რომლის მოგვარების პირობაც მათ თბილისის მერობის კანდიდატისგან მიიღეს.

22 მაისი, 2014

შეხვედრა "თბილისი მარიოტში"

დღეს, სასტუმრო „თბილისი მარიოტში“ კოალიცია "ქართული ოცნების“ თბილისის მერობის კანდიდატი დავით ნარმანია დიდი ბრიტანეთის და ჩრდილოეთ ირლანდიის გაერთიანებული სამეფოს საგანგებო და სრულუფლებიან ელჩს მის აღმატებულება ქალბატონ ალექსანდრა მერი ჰოლ ჰოლის შეხვდა. შეხვედრა გაცნობით ხასიათს ატარებდა.

22 მაისი, 2014

შეხვედრა ვაკის პარკში

კოალიცია „ქართული ოცნების“ თბილისის მერობის კანდიდატმა, დავით ნარმანიამ წინასაარჩევნო პროგრამა დღეს ვაკის პარკში, აბაშიძის ქუჩის მცხოვრებლებს გააცნო. დავით ნარმანია ვაკის მოსახლეობას მაჟორიტარი დეპუტატობის კანდიდატ, გიორგი მუსხელიშვილთან ერთად შეხვდა და არსებული პრობლემების მოგვარების გზებზე ესაუბრა.

22 მაისი, 2014

წყალბურთის განვითარების ფონდის პრეზენტაცია

წყალბურთის განვითარების ფონდის პრეზენტაცია „გახდი წყალბურთის მხარდამჭერი“ – „ივენთ ჰოლში“ გამართულ წყალბურთის განვითარების ფონდის პრეზენტაციას კოალიცია „ქართული ოცნების“ თბილისის მერობის კანდიდატი დავით ნარმანია დაესწრო. ღონისძიებას ესწრებოდნენ საქართველოს პრემიერ-მინისტრი ირაკლი ღარიბაშვილი, ვიცე-პრემიერი კახა კალაძე და მთავრობის წევრები. პრეზენტაციაზე გაიმართა რეჟისორ ბასა ფოცხიშვილის კლიპის პრეზენტაცია, რომელიც სპეციალურად საქართველოს წყალბურთელთა ნაკრების ევროპის ჩემპიონატზე მხარდასაჭერად გადაიღეს. კონტინენტის პირველობა უნგრეთის დედაქალაქ ბუდაპეშტში 14-27 ივლისს ჩატარდება და საქართველოს ნაკრები ევროპის 12 საუკეთესო გუნდთან ერთად პირველად ითამაშებს. პრეზენტაციაზე წყალბურთის განვითარების გრძელვადიანი პროექტის გეგმაზე ისაუბრეს. საქართველოში წყალბურთის განვითარებაში საკუთარი წვლილის შეტანისთვის დღეს ვეტერანი წყალბურთელები დააჯილდოვეს.

21 მაისი, 2014

შეხვედრები ნაძალადევის რაიონში

კოალიცია „ქართული ოცნების" თბილისის მერობის კანდიდატი დავით ნარმანია ნაძალადევის რაიონის მოსახლეობასთან შეხვედრებს განაგრძობს. დღეს დავით ნარმანიამ სანზონის მოსახლეობას საკრებულოს მაჟორიტარი დეპუტატობის კანდიდატი ზაზა კოლელიშვილი წარუდგინა და პროპორციული სიიდან კანდიდატები გააცნო. შეხვედრაზე გზის, სახურავების, სადარბაზოებისა და ეზოების კეთილმოწყობის პრობლემებზე ისაუბრეს. დავით ნარმანიას თქმით, მერიისა და საკრებულოს ურთიერთთანამშრომლობით დედაქალაქში ცხოვრება თბილისელებისთვის უფრო კომფორტული გახდება.

21 მაისი, 2014

შეხვედრა კალაუბანში

კოალიცია „ქართული ოცნების“ თბილისის მერობის კანდიდატმა დავით ნარმანიამ თბილისის ძველ უბანში ავარიული შენობები დაათვალიერა. დავით ნარმანია კალაუბანს „ტფილისი ჰამქრის“ წარმომადგენელთან ერთად ესტუმრა და მოსახლეობის პრობლემები მოისმინა. როგორც დედაქალაქის მერობის კანდიდატმა აღნიშნა, აუცილებელია ამორტიზებული შენობების განახლება, ისე, რომ შენარჩუნდეს კულტურული მემკვიდრეობა და უძველეს შენობებს არ დაეკარგოს ისტორიული იერსახე. როგორც დავით ნარმანია მოსახლეობას დაპირდა, მერად არჩევის შემთხვევაში მოხდება ისტორიული შენობების პასპორტიზაცია და მათი შესწავლისა და ინვესტორთან მოლაპარაკებების შემდეგ, თბილისის ძველი უბანის რესტავრაცია ეტაპობრივად მოხდება.

21 მაისი, 2014

დავით ნარმანია ვეტერანებს შეხვდა

კოალიცია „ქართული ოცნების“ თბილისის მერობის კანდიდატმა დავით ნარმანიამ მხარდამჭერთა დარბაზში გამართულ შეხვედრაზე წინასაარჩევნო პროგრამა ვეტერანებს გააცნო, მათი პრობლემები მოისმინა და მოგვარებას დაპირდა. ომის ვეტერანები პენსიებისა და სოციალური დახმარებების გაზრდაზე, ჰოსპიტლისა და სამოქალაქო თავდაცვის აუცილებლობაზე საუბრობენ. დავით ნარმანიას თქმით, იმ შემთხვევაში თუ ამა თუ იმ პრობლემის მოგვარება მერიის კომპეტენციაში არ შევა, იგი მზად არის ვეტერანებს მთავრობასთან უშუამდგომლოს.

21 მაისი, 2014

შეხვედრები ისანი სამგორის მოსახლეობასთან

კოალიცია „ქართული ოცნების“ თბილისის მერობის კანდიდატი დავით ნარმანია მოსახლეობასთან შეხვედრებს განაგრძობს. სამგორის მაჟორიტარი დეპუტატობის კანდიდატ გულიკო ზუმბაძესთან ერთად დავით ნარმანია დღეს ვარკეთილის მეურნეობას, ორხევსა და აეროპორტის დასახლებას სტუმრობდა. დავით ნარმანიამ მოსახლეობას საარჩევნო პროგრამის პრიორიტეტები გააცნო და ადგილობრივი პრობლემების მოგვარების გზებზე ისაუბრა. ტრანსპორტის სიმცირე, დაზიანებული გზები, მოუწესრიგებელი სანიაღვრე სისტემა, მოსახლეობას წლების განმავლობაში უქმნის პრობლემებს.

21 მაისი, 2014

ერთობლივი პრესკონფერენცია

''საქართველოს პრემიერ-მინისტრთან შეხვედრა საქართველო-ევროკავშირის მყარ ურთიერთობებზე მიუთითებს'', - ამის შესახებ ევროკომისიის პრეზიდენტმა ჟოზე მანუელ ბაროზომ საქართველოს პრემიერ-მინისტრ ირაკლი ღარიბაშვილთან შეხვედრის შემდეგ გამართულ ერთობლივ პრესკონფერენციაზე განაცხადა. „ეს შეხვედრა ნათელი გზავნილის მატარებელია, რომ ევროკომისია მხარს უჭერს დემოკრატიულ, აყვავებულ, სტაბილურ საქართველოს. ევროკავშირი საქართველოს ასოცირების და ეკონომიკური ინტეგრაციის ერთგულია. ხელმოწერა იქნება ისტორიული ეტაპი და ინვესტიცია მომავალში, რომელიც საზოგადოებას მოუტანს სარგებელს, გახსნის ბაზრებს, იმისთვის, რომ საქართველოს მოქალაქეებს შეექმნათ აყვავებული მომავალი. საქართველო იყო ლიდერი რეფორმებში და ჩვენ მხარს ვუჭერთ ძირითად პოლიტიკურ და სასამართლოს სისტემის რეფორმებს. საქართველო ამ გზაზე ყოველთვის მხარდაჭერილი იქნება ევროკავშირის მიერ“, - განაცხადა ჟოზე მანუელ ბაროზომ. ევროკომისიის პრეზიდენტმა ასევე ისაუბრა ფინანსურ მხარდაჭერაზე და აღნიშნა, რომ საქართველოსადმი 19 მილიონი ევროს გამოყოფა ევროკავშირის მხრიდან კიდევ ერთი მხარდაჭერის გამოვლინებაა. თავის მხრივ საქართველოს პრემიერ–მინისტრმა მადლობა გადაუხადა ევროკომისიის პრეზიდენტს გულთბილი მიღებისთვის და განაცხადა, რომ საქართველოს ხელისუფლება დიდად აფასებს ევროკავშირის ძლიერ მხარდაჭერას მთელი რიგი მიმართულებებით და ელის თანამშრომლობის შემდგომ გაღრმავებას. „27 ივნისს ჩვენ ხელს მოვაწერთ ასოცირების ხელშეკრულებას ევროკავშირ-საქართველოს შორის. ეს ხელშეკრულება ჩვენს ურთიერთობას თვისობრივად ახალ დონეზე გადაიყვანს. მოკლედ რომ ვთქვათ, ეს არის საქართველოს ევროპეიზაციის გენერალური გეგმა, რომელიც უამრავ შესაძლებლობებსა და უპირატესობას მოუტანს საქართველოს. დღეს ჩვენ მოვიწონეთ და მივიღეთ ასოცირების ხელშეკრულების დღის წესრიგი, როგორც 2014-2016 წლების პერიოდის ერთობლივად შეთანხმებული პრიორიტეტების მთელი კომპლექტი. იგი დაეხმარება საქართველოს ასოცირების ხელშეკრულებისა და ღრმა და ყოვლისმომცველი თავისუფალი სავაჭრო სივრცის (DCFTA) წარმატებული განხორციელების მომზადებაში. როგორც ევროპის საბჭოს პრეზიდენტმა, ბატონმა რომპეიმ განაცხადა გასულ კვირას თბილისში, ასოცირების ხელშეკრულება არ წარმოადგენს ჩვენი თანამშრომლობის საბოლოო მიზანს,“–განაცხადა ირაკლი ღარიბაშვილმა.  მისივე თქმით, პრეზიდენტ ბაროზოსთან შეხვედრაზე ხაზი გაესვა ვიზის ლიბერალიზაციის სამოქმედო გეგმის შესრულებაში საქართველოს მიერ მიღწეულ პროგრესს და აღინიშნა, რომ საქართველო რეფორმებს მომავალი თვეების განმავლობაშიც განაგრძობს.

21 მაისი, 2014

ხელმოწერის ცერემონია

საქართველო ევროკავშირისგან დამატებით კიდევ 19 მილიონი ევროს ოდენობის დახმარებას მიიღებს - ევროკავშირის ყოვლისმომცველი ინსტიტუციური განვითარების პროგრამის ფარგლებში დახმარების თაობაზე შეთანხმებას საქართველოს პრემიერ-მინისტრმა ირაკლი ღარიბაშვილმა და ევროკომისიის პრეზიდენტმა ხოსე მანუელ ბაროსომ ხელი დღეს მოაწერეს. ევროკავშირის ინიციატივის – "აღმოსავლეთის პარტნიორობის" (EaP) პრიორიტეტების მხარდაჭერის მიზნით ევროკომისიის მიერ შემოთავაზებული იყო დახმარების ინსტრუმენტი - ყოვლისმომცველი ინსტიტუციონალური განვითარების პროგრამა (CIB), რომელიც მიზნად ისახავს პარტნიორი ქვეყნების ინსტიტუციონალური შესაძლებლობების გაძლიერებას და ასოცირების შესახებ შეთანხმებასთან (მათ შორის „ღრმა და ყოვლისმომცველი თავისუფალი სავაჭრო სივრცის შექმნის შესახებ ხელშეკრულებასთან” - DCFTA) დაკავშირებული ღონისძიებების მხარდაჭერას. ინსტრუმენტი ასევე ითვალისწინებს იმ ინსტიტუტების საქმიანობათა გაუმჯობესებას, რომლებიც დაკავშირებულნი არიან გამარტივებული სავიზო რეჟიმის და რეადმისიის შეთანხმებასთან და მიგრაციის საკითხებთან. CIB -ს ფარგლებში 2011-2013 წლებისთვის საქართველოსთვის გათვალისწინებული ბიუჯეტი 30.86 მილიონ ევროს შეადგენდა. დახმარების შემდეგი ეტაპი (2014-2020წწ), კონკრეტულად DCFTA (ღრმა და ყოვლისმომცველი თავისუფალი ვაჭრობის სივრცე) განხორციელებასთან არის დაკავშირებული.