პირველ რიგში, პოლიტიკური გუნდის სახელით, მინდა უღრმესი მადლობა გადაგიხადოთ მხარდაჭერისა და ერთგულებისთვის.   ჩვენი დღევანდელი შეხვედრის მიზეზი ძალიან მნიშვნელოვანია. საპრეზიდენტო არჩევნებამდე რამდენიმე დღე დარჩა.   დაგეგმილი კეთილდღეობის მისაღწევად, დღეს სწორი მიზნების დასახვა, სწორი არჩევანის გაკეთება და მუხლჩაუხრელი შრომაა საჭირო.   ჩვენი ქვეყნის წინაშე ბევრი გამოწვევა დგას - ირგვლივ მიმდინარე გეოპოლიტიკური პროცესები, ოკუპირებული ტერიტორიები, ჯერ კიდევ დაუძლეველი სიღარიბე - წლობით, ათწლეულობით ნაგროვები პრობლემები.   ამ გამოწვევებთან გასამკლავებლად - არა დაყოფა, მტრობა, მუდმივი არეულობის მცდელობა, არამედ ერთად დგომა, კონსტრუქციული ძალების თანამშრომლობა და მომავალზე ორიენტირებული პოლიტიკური დისკურსი გვჭირდება.   ჩვენმა გუნდმა ხელისუფლებაში მოსვლის დღიდან, ბევრი მნიშვნელოვანი ცვლილება განახორციელა. ადამიანებს ყოველდღიური ძალადობისა და წნეხისგან ამოსუნთქვის საშუალება მიეცათ, მედია და ბიზნესი გათავისუფლდა, ყველას შეუძლია აზრის და პოზიციის გამოხატვა შიშის და თვითცენზურის გარეშე!   სასიცოცხლოდ მნიშვნელოვანი რეფორმები განხორციელდა ჯანდაცვის, პენიტენციური სისტემის, განათლების, სოფლის მეურნეობისა და სხვა სფეროებში.  ნაბიჯ-ნაბიჯ ვუახლოვდებით ევროპულ სივრცეს, რომელიც ჩვენი ქვეყნის, ჩვენი ხალხის ისტორიული არჩევანია.   მიღწეულით, რა თქმა უნდა, არასდროს ვართ კმაყოფილი.  ახალი მიზნები უნდა  დავისახოთ, ახალი ოცნებების  რეალიზებაზე ვიმუშაოთ ერთიანი ძალისხმევით და საზოგადოების კონსოლიდაციით. ამ მიზანსწრაფულობაზე დგას მმართველი გუნდის სიძლიერე, ერთობა ხალხთან და ჩვენი სამშობლოს სწრაფი განვითარება!   ჩვენ ყველაფერი გავაკეთეთ, რაც შესაძლებელი იყო ამ წლების მანძილზე. პირადად მე და ჩემი თანაგუნდელების უმრავლესობას, თავი არ დაუზოგავს, რომ ეს ქვეყანა უკეთესი ყოფილიყო ვიდრე წლების წინ - თავისუფალი, მშვიდობიანი, საკუთარი მოქალაქეების, ადამიანის, სიცოცხლის დამფასებელი და რაც ყველაზე მთავარია, მომავალზე ორიენტირებული.   ჩვენ განვამტკიცეთ ყველა ის ინსტიტუცია, რომელიც არის საფუძველი ქვეყნის სწორად განვითარების და საიმედო  გარანტი იმისა, რომ საქართველოში ხელიოსუფლებაში ვერასდროს და არასდროს დაბრუნდებიან ის პოლიტიკური პარტიები და პიროვნებები, რომლებიც ძალადობდნენ საკუთარ მოქალაქეებზე, ჩაგრავდა მათ და აყენებდა შეურაცხყოფას.   ჩვენ ყველა ეტაპზე ვცდილობდით, რომ ქვეყნის პოლიტიკაში დაგვემკვიდრებინა ახალი, მაღალი სტანდარტი, ევროპული ტიპის დემოკრატია და ყველა გადაწყვეტილებას ვიღებდით ამ სტანდარტების გათვალისწინებით.   ამ სტანდარტის ერთ-ერთი საუკეთესო მაგალითია ბიძინა ივანიშვილი, რომელმაც 2011 წელს მიიღო გადაწყვეტილება, მოსულიყო ქართულ პოლიტიკაში. მაშინ, როდესაც ქვეყანაში იყო სრული ნიჰილისტური განწყობა და არავის ეგონა, რომ შესაძლებელი იყო არჩევნების - მშვიდობიანი გზით სისხლიანი რეჟიმის ცვლილება, მაგრამ ჩვენ ერთიანი ძალისხმევით, ბიძინა ივანიშვილის ხელმძღვანელობით ეს მოვახერხეთ.   ბიძინა ივანიშვილი არის ის ადამიანი, ვინც ძალაუფლება და უმაღლესი თანამდებობა საკუთარი სურვილით დატოვა და ამით საფუძველი ჩაუყარა, საქართველოსთვის სრულიად ახალ პოლიტიკურ მიდგომებს.   ეს გამოიხატა აგრეთვე ახალი კონსტიტუციით, რომლითაც „ქართული ოცნება“ ერთადერთ ხელისუფლებად იქცა, რომელმაც ცვლილებებით ძალაუფლება კი არ გაიზარდა, არამედ პირიქით, მაქსიმალურად შეიზღუდა და ეს გამოიხატა თუნდაც იმაში, რომ მმართველმა პარტიამ, ქვეყნის და დემოკრატიიის ინტერესებიდან გამომდინარე გადაწყვიტა მხარი დაუჭიროს დამოუკიდებელ, ზეპარტიულ კანდიდატს.   ჩვენ მხარს ვუჭერთ კანდიდატს, რომელიც არა რომელიმე კონკრეტულ პოლიტიკური გუნდის, არამედ მთლიანად ქართული საზოგადოების ინტერესების გამომხატველი  იქნება.   ჩვენ მხრს ვუჭერთ უდიდესი დიპლომატიური და პოლიტიკური გამოცდილების მქონე ადამიანს, ღირსეული ქართველების შთამომავალს, რომელიც ყველაზე ზუსტად შეესაბამება კონსტიტუციით პრეზიდენტისთვის განსაზღვრულ როლს.   ჩვენ მხარს ვუჭერთ საქართველოს მშვიდობიან, ევროპულ მომავალს! ჩვენ მხარს ვუჭერთ სალომე ზურაბიშვილს!   ის იქნება სამაგალითო პრეზიდენტი არა მარტო რეგიონში, არამედ თავის წვლილს  შეიტანს ევროპის პოლიტიკაშიც, დადებით როლს ითამაშებს რუსეთთან ურთიერთობაში და იქნება საერთო სახალხო პრეზიდენტი, იქნება მედიატორი  პოლიტიკურ  სუბიექტებს შორის.   სალომე ზურაბიშვილის გაპრეზიდენტებით ახალი ფურცელი ჩაიწერება ჩვენი ქვეყნის დემოკრატიული განვითარების  ისტორიაში  და  მჯერა  ახალი  ერა  დაიწყება საქართველოს  პოლიტიკური  სპექტრის  მოწყობაში.   მინდა მოგიწოდოთ და გთხოვოთ ყველას, ვისაც გაწუხებთ საქართველოს ბედი, ვინც  ზრუნავთ  არ მარტო  საკუთარ  ბედზე, არამედ  გაწუხებთ  საზოგადოების  სწორად  განვითარება - ხმა მიეცით  სალომე ზურაბიშვილს.   პირველ  ქალ  პრეზიდენტს  ქვეყნის  ისტორიაში! პირველ ზეპარტიულ პრეზიდენტს საქართველოში! შევუწყოთ ხელი ხელი დემოკრატიის განვითარებას! - მიეცი ხმა  თანამედროვე  საქართველოს!   ზურგი ვაქციოთ ერთხელ და სამუდამოდ დაპირისპირებას შეურაცხყოფას, საზოგადოების დაყოფას, არეულ წარსულს და ყველამ ერთად, ახალი ქვეყანა ავაშენოთ - სიყვარულზე, ურთიერთპატივისცემაზე, იმედზე და განვითარებულ მომავალზე.   მინდა, წარმატებები გისურვოთ ქალბატონო სალომე!

„სალომე ზურაბიშვილმა წარმართა ჭეშმარიტად ევროპული სტილის, ქართული ღირსებისთვის შესაფერისი საარჩევნო კამპანია, რითიც საბოლოოდ დაამტკიცა, რომ ის იქნება ჩვენი ღირსეული ქვეყნის ღირსეული პრეზიდენტი”, – ამის შესახებ პარტია „ქართული ოცნება – დემოკრატიული საქართველოს“ აღმასრულებელმა მდივანმა, ირაკლი კობახიძემ, სპორტის სასახლეში,  პრეზიდენტობის დამოუკიდებელი კანდიდატის, სალომე ზურაბიშვილის შემაჯამებელ წინასაარჩევნო შეხვედრაზე განაცხადა.     „რამდენიმე დღეში დასრულდება საპრეზიდენტო საარჩევნო კამპანია და საფუძველი ჩაეყრება ახალ კონსტიტუციურ ტრადიციას – სისტემას, სადაც პრეზიდენტი არის ზეპარტიული თანამდებობის პირი, ხიდი საზოგადოებასა და ხელისუფლებას შორის. ამ საპრეზიდენტო კამპანიას ჩვენ პირობითად შეიძლება ვუწოდოთ – სუსტი კაცები ძლიერი ქალის წინააღმდეგ. ქალბატონმა სალომე ზურაბიშვილმა ოპონენტებს თავიდანვე შესთავაზა ევროპული სტილის საარჩევნო კამპანიის წარმართვა. თუმცა, ოპონენტების პასუხი იყო სრულიად არაევროპული და არაევროპულთან ერთად, არაქართული. ევროპელობა და ქართველობა გულისხმობს საკუთარი და სხვისი ღირსების პატივისცემას, სიმართლის პატივისცემას, ქალის პატივისცემას. ამის საპირისპიროდ, ჩვენ ამ ორი თვის განმავლობაში გვესმოდა და ვხედავდით სრულიად უღირს კამპანიას, სიყალბეს, აგრესიასა და სიძულვილს ოპონენტების მხრიდან. მხოლოდ ძლიერ ქალბატონს, როგორიც არის ქალბატონი სალომე ზურაბიშვილი, შეეძლო, ასეთი ღირსებით და მოთმინებით ეპასუხა მისი ოპონენტების მორალური სისუსტისთვის“, – აღნიშნა ირაკლი კობახიძემ.     საქართველოს პარლამენტის თავმჯდომარის განცხადებით,  28 ოქტომბერს, სასწორის ორ მხარეს სიყალბე და სიმართლე, მძიმე წარსულში დაბრუნების სურვილი და უკეთესი მომავლისთვის განვითარება დგას.     „ქალბატონმა სალომე ზურაბიშვილმა წარმართა ჭეშმარიტად ევროპული სტილის, ქართული ღირსებისთვის შესაფერისი საარჩევნო კამპანია, რითაც საბოლოოდ დაამტკიცა, რომ ის იქნება ჩვენი ღირსეული ქვეყნის ღირსეული პრეზიდენტი. 28 ოქტომბერს სასწორის ორ მხარეს დგას: სიყალბე და სიმართლე, საკუთარი დანაშაულის შენიღბვის სურვილით ნაკარნახევი აგრესია და სუფთა წარსულით გამყარებული ღირსება, ქვეყნის მიმართ უპასუხისმგებლობა და სამშობლოს სიყვარული, მძიმე წარსულში დაბრუნების სურვილი და განვითარება უკეთესი მომავლისათვის, „ნაციონალური მოძრაობა“ და „ქართული ოცნება“, „ნაციონალური მოძრაობა“ და ქალბატონი სალომე ზურაბიშვილი. 28 ოქტომბერს ჩვენ უნდა ავირჩიოთ სიმართლე, ღირსება, სამშობლოს სიყვარული, წინსვლა, „ქართული ოცნება“, სალომე ზურაბიშვილი. თქვენთან ერთად, ჩვენ აუცილებლად დამაჯერებლად გავიმარჯვებთ საპრეზიდენტო არჩევნებში”,- განაცხადა ირაკლი კობახიძემ.     მისივე თქმით, მომდევნო არჩევნებამდე ორი წელი ქვეყნისა და ხალხის წინაშე არსებული პრობლემების მოგვარებას უნდა დაეთმოს.     „ამ არჩევნების შემდეგ, ორი წელი მომდევნო არჩევნებამდე ჩვენ უნდა დავუთმოთ იმ პრობლემების მოგვარებას და გამოწვევების დაძლევას, რომლებიც დგას ჩვენი ქვეყნის, სახელმწიფოსა და ხალხის წინაშე. საპრეზიდენტო არჩევნებში დამაჯერებელი გამარჯვება უნდა გახდეს არა მოდუნების მიზეზი, არამედ ქვეყნის განვითარებისთვის ჩვენი ძალისხმევის გაათკეცების საფუძველი. ამაზე ვართ ჩვენ პასუხისმგებელი ჩვენი ქვეყნისა და ხალხის წინაშე და ამ პასუხისმგებლობას ჩვენ აუცილებლად პირნათლად შევასრულებთ. გისურვეთ წარმატებას. ვუსურვებ წარმატებებს საქართველოს მომავალ პრეზიდენტს – ქალბატონ სალომე ზურაბიშვილს“, – განაცხადა პარტიის აღმასრულებელმა მდივანმა.     დამოუკიდებელი საპრეზიდენტო კანდიდატის, სალომე ზურაბიშვილის ამომრჩევლებთან შეხვედრას  პარტია „ქართული ოცნების“ თავმჯდომარე ბიძინა ივანიშვილი, საქართველოს პრემიერ-მინისტრი მამუკა ბახტაძე, დედაქალაქის მერი კახა კალაძე, საპარლამენტო უმრავლესობისა და საქართველოს მთავრობისა წევრები დაესწრნენ.

გვსურს, გაგაცნოთ მორიგი სოციოლოგიური კვლევის შედეგები. კვლევა ჩატარდა ორგანიზაცია „ფსიქოპროექტის“ მიერ „ქართული ოცნების“ დაკვეთით. შეგახსენებთ, რომ „ფსიქოპროექტი“ არის ორგანიზაცია, რომელთანაც „ქართული ოცნება“ წლების მანძილზე თანამშრომლობს მაღალკვალიფიციური სოციოლოგიური კვლევების ჩასატარებლად. „ფსიქოპროექტთან“ თანამშრომლობა ჩვენ ყოველთვის გვაძლევდა არჩევნების შედეგების სწორად და ზუსტად პროგნოზირების საშუალებას.   პარტიის დაკვეთით ჩატარებული კვლევის შედეგები, არსებითად, გამოიყენება პარტიის მიერ საარჩევნო კამპანიის სწორად დაგეგმვის მიზნით , თუმცა გამომდინარე მაღალი საზოგადოებრივი ინტერესიდან, ამჯერადაც გავაცნობთ საზოგადოებას მის შედეგებს.   აღვნიშნავთ, რომ მორიგი კვლევა ჩატარდა გასულ კვირაში - ამა წლის 15 ოქტომბრიდან 21 ოქტომბრის ჩათვლით. გამოკითხვა ჩატარდა მთელი ქვეყნის მასშტაბით და იგი მოიცავდა დედაქალაქსა და საქართველოს ყველა რეგიონს, ბუნებრივია გარდა ოკუპრებული ტერიტორიებისა გამოიკითხა 2200 რესპოდენტი. კვლევა უზრუნველყოფდა შედეგების 95%-იან საიმედოობას, ხოლო ცდომილების ფარგლები იყო 3%.   სოციოლოგიური კვლევის თანახმად, ე.წ. ალოკაციის გარეშე, გამოკითხულთა საერთო რაოდენობიდან (აქ შედიან ის ადამიანებიც, რომლებიც არ გეგმავენ არჩევნებში მონაწილეობას) საპრეზიდენტო კანდიდატების მიმართ დაფიქსირდა შემდეგი მხარდაჭერა: - სალომე ზურაბიშვილი:  30% - გრიგოლ ვაშაძე:  11% - დავით ბაქრაძე:  10% - სხვა კანდიდატები:  7% არჩევნებში არ მიიღებს მონაწილეობას ან არ გადაუწყვეტია, ვის მიცემს ხმას  - გამოკითხულთა 42%.   შესაბამისად, ე.წ. ალოკაციის გზით, რომელიც გვიჩვენებს არჩევნების მოსალოდნელ შედეგს, დაფიქსირდა კანდიდატების მხარდაჭერის შემდეგი მონაცემები: - სალომე ზურაბიშვილი:  54% - გრიგოლ ვაშაძე:  18% - დავით ბაქრაძე:  16% - სხვა კანდიდატები:  12%   როგორც ხედავთ: - გასულ კვირაში დაფიქსირდა ქალბატონ სალომე ზურაბიშვილის მხარდაჭერის მცირე ზრდა და ნაციონალური მოძრაობის კანდიდატების მხარდაჭერის მცირე კლება; - დაფიქსირდა გადაუწყვეტელი ამომრჩევლის რაოდენობის რამდენიმეპროცენტიანი კლება; - სალომე ზურაბიშვილი აგროვებს იმაზე მეტ ხმას, ვიდრე ყველა ოპოზიციური კანდიდატი ერთად აღებული, რაც ნიშნავს, რომ ამომრჩევლის აქტიურობის შემთხვევაში, ის იმარჯვებს პირველივე ტურში. - მეორე ადგილზე გასვლის კვლავაც თანაბარი შანსი აქვთ გრიგოლ ვაშაძეს და დავით ბაქრაძეს.   კიდევ ერთხელ მოვუწოდებთ ამომრჩეველს არჩევნებში მაქსიმალური აქტიურობისკენ.        

როგორც ჩანს გუშინდელი ჩვენი განცხადებები და შესაბამისი მინიშნებები ე.წ. ”ევროპული საქართველოს’ წარმომადგენლებმა ვერ ან არ გაიგეს და დღესაც იგივე პათოსით აგრძელებენ განცხადებების კეთებას. ამიტომ კიდევ ერთხელ განვმარტავთ:   1. საუბარია არშემდგარ სასამართლო პროცესზე  -  სარჩელი, რომელზეც ისინი საუბრობენ, ჰააგის საერთაშორისო მართლმსაჯულების სასამართლოს ამ დრომდე წარმოებაშიც კი არ მიუღია.   2. მიუხედავად ამისა, ხაზგასმით აღვნიშნავთ,  რომ სალომე ზურაბიშვილის წიგნში არც ერთი სიტყვაა ნათქვამი იმის შესახებ, რომ ომი საქართველომ დაიწყო.   3. რუსეთის მხარემ თავის დროზე წარადგინა უამრავი მტკიცებულება, მათ შორის მაშინდელი, ანუ ნაციონალური მოძრაობის წარმომადგენელი  ოფიციალური პირების გამონათქვამებიც. თუმცა, ჩვენ კონკრეტიკისგან თავს ვიკავებთ და ამ დეტალებზე არ ვსაუბრობთ, რადგან მიგვაჩნია, რომ რუსული მხარის მიერ წარდგენილ არც ერთ მტკიცებულებას და არგუმენტს  საფუძველი არ გააჩნდა.   4. შესაბამისად, ნაციონალური მოძრაობა, ამ შემთხვევაში წარმოდგენილი „ევროპული საქართველოს“ სახით, წინასაარჩევო მიზნებისთვის, რუსულ ლოგიკას ეთანხმება ჰააგაში მტკიცებულებების წარდგენის საფუძველთან დაკავშირებით.   მივმართავთ მათ, სანამ აგვისტოს ომის თემაზე ბრიფინგებს ჩაატარებენ, პასუხისმგებლობა აიღონ და საზოგადოებას პასუხი გასცენ, რატომ არის საქართველოს 20% ოკუპირებული; რატომ არ გაითვალისწინეს მათ ჩვენი დასავლელი პარტნიორების რჩევები; რატომ დაუჭირეს მხარი რუსეთ-საქართველოს ომიდან ორ თვეში  ევროპარლამენტის რეზოლუციას, რომლის მე-5 პუნქტში წერია:   „2008 წლის 7 აგვისტოს, საქართველოს სამხედრო ძალების მიერ ცხინვალის დაბომბვის გაუფრთხილებლად დაწყებით, ესკალაცია ახალ, კერძოდ ღია და სრულმასშტაბიანი საომარი მოქმედებების საფეხურზე გადავიდა”.   ამ ყველაფრის ფონზე, ნაციონალური მოძრაობას და მის სხვადასხვა განშტოებებს აქვთ მცდელობა შეცდომაში შეიყვანონ საზოგადოება, რისთვისაც არ ერიდებიან ტყუილს, დაბრალებას და ანტიეროვნულ კამპანიასაც კი. დარწმუნებული ვართ, საზოგადოება სწორად შეაფასებს მოვლენებს და 28 ოქტომბერს ის მიიღებს გადაწყვეტილებას პროდასავლური კანდიდატის, სალომე ზურაბიშვილის სასარგებლოდ.

მოგესალმებით,     გვინდა, გამოვეხმაუროთ „ნაციონალური მოძრაობის“ მიერ დაანონსებული აქციების გაუქმებას  და მათ მიერ პროვოკაციებზე აგებულ კამპანიას. ამ ფაქტით კიდევ ერთხელ დადასტურდა, რომ ნაციონალური მოძრაობის სპექტაკლები წარუმატებლად მიმდინარეობს. ჩვენი ხელისუფლების საქმიანობა ეფუძნება ისეთ პრინციპებსა და ღირებულებებს, როგორებიცაა სამართლებრივი სახელმწიფო, დემოკრატია, ადამიანის უფლებებისა და მისი ღირსების დაცვა. აქედან გამომდინარე, ნაციონალური მოძრაობის მცდელობა, ჩვენთვის დაებრალებინათ იმგვარი დანაშაულები, რომლითაც მათი რეჟიმი წლების მანძილზე გამოირჩეოდა, იმთავითვე წარუმატებლობისთვის იყო განწირული. ამასვე ადასტურებს ამომრჩევლის განწყობა და შესაბამისი სოციოლოგიური კვლევის შედეგები.     როგორც მოგეხსენებათ, ზოგადად, ძალიან ვერიდებით ჩვენი შიდა სოციოლოგიური კვლევის შედეგების გამოქვეყნებას. პარტიის შიდა კვლევები ზოგადად ტარდება საარჩევნო კამპანიის სწორად დაგეგმვის მიზნით. თუმცა, გამომდინარე იქიდან, რომ ძალიან მაღალი იყო საზოგადოების ინტერესი, მათ შორის მედიის მხრიდან არაერთგზის გამოიხატა დაინტერესება ჩვენი კვლევის შედეგების მიმართ, მივიღეთ გადაწყვეტილება მონაცემების გასაჯაროების შესახებ.     სოციოლოგიური კვლევის თანახმად, ე.წ. ალოკაციის გარეშე, გამოკითხულთა საერთო რაოდენობიდან (აქ შედიან ის ადამიანებიც, რომლებიც არ გეგმავენ არჩევნებში მონაწილეობას), საპრეზიდენტო კანდიდატების მიმართ დაფიქსირდა შემდეგი მხარდაჭერა: - სალომე ზურაბიშვილი:    27% - გრიგოლ ვაშაძე:     10% - დავით ბაქრაძე:    9% - სხვა კანდიდატები:   6%     არჩევნებში არ მიიღებს მონაწილეობას, ან არ გადაუწყვეტია, ვის მისცემს ხმას გამოკითხულთა 48% და ხედავთ, რომ მონაცემები საკმაოდ მაღალია.     შესაბამისად, ე.წ. ალოკაციის მეთოდით, რომელიც გვიჩვენებს არჩევნების მოსალოდნელ შედეგს, დაფიქსირდა კანდიდატების მხარდაჭერის შემდეგი მონაცემები: - სალომე ზურაბიშვილი:  53% - გრიგოლ ვაშაძე:    19% - დავით ბაქრაძე:   17% - სხვა კანდიდატები:    11%     აღნიშნული მონაცემები იძლევა შემდეგი დასკვნების გამოტანის საშუალებას: - სალომე ზურაბიშვილი პირველივე ტურში იგებს საპრეზიდენტო არჩევნებს; - მეორე ადგილზე გასვლის თანაბარი შანსი აქვთ „ნაციონალური მოძრაობის“ ორივე შტოს, „ნაციონალური მოძრაობის“ და „ევროპული საქართველოს“ კანდიდატებს.     როგორც ჩანს, „ნაციონალურმა მოძრაობამაც“ კარგად იცის რეალური სურათი და სწორედ ამიტომ ცდილობენ პროცესების რადიკალიზაციას, რეალობის მოდელირებას და მუდმივად აკეთებენ მინიშნებებს რევოლუციურ სცენარზე.     თუმცა, მოსახლეობის ჯანსაღი პოზიციიდან გამომდინარე, მათ ყოველდღიურად უვარდებათ რევოლუციური სცენარისთვის წარმოებული კამპანიები და ისინი ვერ ახერხებენ ხელოვნურად საპროტესტო მუხტის აწევას. ამის დასტურია მათ მიერ დაანონსებული აქციების გაუქმებაც.     მოვუწოდებთ ამომრჩეველს არჩევნებში მაქსიმალური აქტიურობისკენ.     ხმათა 36%-ის მიღება იმ 2 კანდიდატის მიერ, რომელთა პოლიტიკური ძალა მხილებულია ადამიანების ღირსების შელახვაში, წამებაში, გაუპატიურებაში, ბიზნესის რეკეტში, ჩვენი ისტორიული რეგიონების რუსეთისთვის ჩაბარებასა და მრავალ სხვა მძიმე და სისტემურ დანაშაულში, არ წაადგება საქართველოში დემოკრატიული სისტემის გაჯანსაღებასა და პოლიტიკური კულტურის განვითარებას.     დარწმუნებული ვართ, რომ საზოგადოების თანადგომით ჩვენ და ჩვენს მიერ მხარდაჭერილი კანდიდატი, ქალბატონი სალომე ზურაბიშვილი, მოვიპოვებთ დამაჯერებელ გამარჯვებას, ხოლო „ნაციონალური მოძრაობის“ დესტრუქციულ ქმედებებს საკადრისი პასუხი გაეცემა ამომრჩევლის მხრიდან.

„არჩევნები დასრულდება ქალბატონი სალომე ზურაბიშვილის დამაჯერებელი გამარჯვებით და კიდევ ერთხელ გაეცემა საკადრისი პასუხი „ნაციონალურ მოძრაობას“ ყველა დანაშაულისთვის“,- ამის შესახებ საქართველოს პარლამენტის თავმჯდომარე ირაკლი კობახიძემ პარტია „ქართული ოცნების“ ცენტრალურ ოფისში გამართულ ბრიფინგზე განაცხადა.   პარტიის აღმასრულებელმა მდივანმა მედიას მიმდინარე საარჩევნო პროცესების შესახებ მიაწოდა ინფორმაცია და კიდევ ერთხელ აღნიშნა, რომ მმართველი გუნდის მთავარი ამოცანა თავისუფალი, სამართლიანი და მშვიდობიანი არჩევნების უზრუნველყოფაა. მისივე თქმით, ეს არის „ქართული ოცნების" ხელისუფლების ერთ- ერთი უმთავრესი მიღწევა.     „2012 წლის შემდეგ სწორედ ჩვენი ხელისუფლების პირობებში არის უზრუნველყოფილი არჩევნების ასეთ რეჟიმში ჩატარება. ჩვენ აღვკვეთეთ არჩევნების გაყალბების პრაქტიკა ჩვენს ქვეყანაში და შესაბამისად, ეს მიზანი და ამოცანა გვაქვს დასახული ამ საპრეზიდენტო არჩევნების პირობებში. როგორც მოგეხსენებათ, ჩვენ შევთავაზეთ ჩვენს ოპონენტებს ევროპული სტილის საარჩევნო კამპანიის ჩატარება, ეს იყო ასევე შეთავაზება ჩვენი კანდიდატის, ჩვენ მიერ მხარდაჭერილი კანდიდატის, ქალბატონი სალომე ზურაბიშვილის მხრიდან. და სწორედ ასეთი სახით ტარდება ჩვენი მხრიდან, ევროპული სტილის წინასაარჩევნო კამპანია, თუმცა პასუხად ვიღებთ სხვა რამეს ოპონენტებისგან. მათი პასუხი არის ისეთი კამპანია, რაც არის შორს ევროპული, დასავლური პოლიტიკური და საარჩევნო კულტურისგან“,- განაცხადა ირაკლი კობახიძემ.   პარლამენტის თავმჯდომარემ ის ძირითადი ხარვეზები და დარღვევებიც დაასახელა, რომელიც, მისი თქმით, წინასაარჩევნო კამპანიას სდევს თან. მისი განცხადებით, პირველ რიგში, ეს არის მმართველი გუნდის მიერ მხარდაჭერილი კანდიდატის შეურაცხყოფა. ირაკლი კობახიძის თქმით, მეორე მნიშვნელოვანი დარღვევაა კანდიდატის მხარდამჭერებზე ფსიქოლოგიური ძალადობის მცდელობა. მესამე მნიშვნელოვან გადაცდომად, პარტიის აღმასრულებელმა მდივანმა დესტრუქცია დაასახელა, რაც, მისივე შეფასებით, განსაკუთრებულად შემაშფოთებელია.   „ჩვენს მიერ მხარდაჭერილი საპრეზიდენტო კანდიდატის შეურაცხყოფა სხვადასხვა ფორმით, აბსოლუტურად მიუღებელი ფორმით, ასეთი ფორმით ადგება შეურაცხყოფა ქალბატონ კანდიდატს, ქალბატონ სალომე ზურაბიშვილს. მეორე მნიშვნელოვანი დარღვევა, გადაცდომა ეს არის კანდიდატის მხარდამჭერებზე ფსიქოლოგიური ზეწოლის მცდელობა, ხაზს ვუსვამ მცდელობას, როგორც მოგეხსენებათ, ეს მცდელობა არ არის წარმატებული, იქიდან გამომდინარე, რომ ქალბატონი სალომე ზურაბიშვილის კამპანიაში არიან ძალიან ფართოდ ჩართულნი ჩვენი საზოგადოების წარმომადგენლები, მათ შორის ჩვენი საზოგადოების თვალსაჩინო წარმომადგენლები. მესამე, ეს არის დესტრუქცია, რომელსაც ჩვენ ვხედავთ აბსოლუტურად ყველა შეხვედრაზე, რაც იმართება ჩვენი კანდიდატის მიერ და ეს არის განსაკუთრებულად შემაშფოთებელი მოვლენა. შემდეგ ეს არის აბსოლუტურად პოპულისტური და ცრუ დაპირებები, რომელსაც გასცემენ ოპოზიციური კანდიდატები, შეგახსენებთ დაპირებას პენსიის თაობაზე. არის დაპირებები, რომელთა შესრულების არავითარი რესურსი არ აქვს მომავალ პრეზიდენტს სხვადასხვა მიზეზის გამო. ეს პოპულიზმიც არის ამ კამპანიის ერთ-ერთი შემადგენელი ნაწილი. ასევე, კიდევ ერთი დარღვევა მდგომარეობს იმაში, რომ ფიქტიური პარტიების მეშვეობით ხდება უფასო საეთერო დროის და საბიუჯეტო სახსრების, საუბარია მილიონობით ლარზე, ამსაბიუჯეტო სახსრების მიტაცება, რაც არის კიდევ ერთი გადაცდომა“,- განაცხადა ირაკლი კობახიძემ.   საქართველოს პარლამენტის თავმჯდომარის განცხადებით, კიდევ ერთი დარღვევაა ტოტალური პროპაგანდა, რომელსაც, მისივე თქმით, პარტიული ტელევიზია აწარმოებს. ირაკლი კობახიძის შეფასებით, „რუსთავი 2“-ს აქვს სინამდვილის დამახინჯების, მოქალაქეებზე ზეწოლისა და მაყურებლის მძევლად აყვანის ერთგვარი მცდელობა.   „ტოტალური პროპაგანდა, რომელსაც აწარმოებს პარტიული ტელევიზია, ეს არის კიდევ ერთი დარღვევა, რომელიც უნდა ცალკე გამოიყოს. ჩვენ ყველა ამ დარღვევასთან დაკავშირებით მივაწვდით სრულ ინფორმაციას, ბუნებრივია, ჩვენ საერთაშორისო პარტნიორებს, საერთაშორისო დამკვირვებლებს. ჩვენ ვართ მუდმივ კავშირზე მათთან და ეს ინფორმაცია, რა თქმა უნდა, იქნება გაზიარებული და პერმანენტულად ხდება ინფორმაციის გაზიარება მათთვის. რაც შეეხება ბოლო საკითხს, ცალკე მინდა გამოვყო ის, რომ პარტიულ ტელევიზიას, „რუსთავი 2“-ს აქვს სინამდვილის დამახინჯების, მოქალაქეებზე ზეწოლისა და მაყურებლის მძევლად აყვანის ერთგვარი მცდელობა. კერძოდ, „რუსთავი 2“ აწარმოებს რუსული სტილის ტვინის გამორეცხვის პოლიტიკას, რომელიც ზუსტად შეესატყვისება პროპაგანდისტულირუსული არხების „საუკეთესო პრაქტიკას“. ჩვენ ვაწარმოებთ მედია მონიტორინგს, ანუ საუბარია კონკრეტულ მონაცემებზე, როგორც თვისობრივ მონაცემებზე, ასევე, რაოდენობრივ კვლევაზე და ბუნებრივია ამ მედია მონიტორინგის შედეგებს მივაწვდით ჩვენ ჩვენს საერთაშორისოპარტნიორებს და ეს შედეგები, მედია მონიტორინგის შედეგები, თვისობრივი და რაოდენობრივი ადასტურებს იმას, რომ წარმოებს სწორედ ე.წ. brain washing-ის, ანუ ტვინის გამორეცხვის კამპანია. ეს ჩვენ გვახსოვს 2016 წლიდან, 2017 წლიდან, თუმცა ვხედავდით ასევე იმასაც, რომ ყოველთვის ეს brain washing-ი, ანუ ტვინის გამორეცხვა ასევე იყო წარუმატებლობისთვის განწირული და ამას აქვს თავისი ობიექტური მიზეზი იმიტომ, რომ ვერანაირი brain washing-ი, ბუნებრივია, სიმართლეს ვერ დაფარავს.     აქამდე თუ იყო „რუსთავი 2“ „ნაციონალური მოძრაობის“ დანამატი, ანუ პარტიის დანამატი, ახლა, რეალურად, ტელევიზიამ სრულად შეითავსა პოლიტიკური პარტიის როლი და ფუნქცია. ეს არის დღევანდელი რეალობა. მე შეგახსენებთ ორ ძირითად საქმეს, რომელზეც იყო არსებითად აგებული ბოლო დროს ეს brain washing-ი, ანუ, ტვინის გამორეცხვა. ერთი იყო „ომეგას“ საქმე, ანუ პირველი სპექტაკლი, რომელიც შემოგვთავაზა ჩვენ „რუსთავი2“-მა. დადასტურდა სხვადასხვა მონაცემებით, მათ შორის ექსპერტიზის მონაცემებით, რომ ეს იყო სპექტაკლი და ეს სპექტაკლიც ძალიან მალევე ჩავარდა, როგორც კი საზოგადოებისთვის გახდა ცნობილი სიმართლე და საბოლოოდ, გაირკვა ის, რომ ერთ კონკრეტულ ადამიანს სურდა ათეულობით მილიონის გადახდაზე უარის თქმა ბიუჯეტში. ეს არის ხალხის ფული, რომელიც აუცილებლად უნდა იყოს გადახდილი და აქ მოკავშირედ გაიხადა „ნაცმოძრაობა“ და მისი პარტიული ტელევიზია. ეს არის „რუსთავი 2“. გამომდინარე იქიდან, რომ სიმართლე ყველასთვის გახდა ცხადი ბუნებრივია ეს სპექტაკლი ჩავარდა და ახლა დაიწყო მეორე სპექტაკლი, რომელსაც ისევე გაეცემა პასუხი, როგორც გაეცა პასუხი პირველი სპექტაკლის ფარგლებში დასმულ შეკითხვებს“,- განაცხადა ირაკლი კობახიძემ.   პარლამენტის თავმჯდომარის თქმით, „ქართულმა ოცნებამ“ ძალადობრივი რეჟიმი და სისტემა წარსულს ჩააბარა და სწორედ ამ რეალობის დამსახურებაა, რომ „ტვინის გამორეცხვას“ ის ეფექტი არ აქვს, რასაც მისი ავტორები ელიან.   ირაკლი კობახიძემ, ასევე, ხაზგასმით აღნიშნა, რომ „რუსთავი 2“ საკუთარ ეთერში მმართველი გუნდის წარმომადგენელთა მიწვევას ერიდება და ტელევიზიას მოუწოდა, „მინიმალურ დონეზე მაინც დაიცვან მედია სტანდარტი იმისთვის რომ ფორმალურად მაინც იყოს ის წესები,რომელიც მოქმედებს კულტურულ, ევროპულ სივრცეში თანამედროვე განვითარებულ ქვეყნებში“.   „მე, ზოგადად კიდევ ერთხელ მინდა გავიხსენო თუ რა რეალობაში ვცხოვრობთ. დღეს არის რეალობა, სადაც აღიკვეთა ის დანაშაულები, რომელსაც ჩადიოდა ხელისუფლება 9 წლის განმავლობაში. ეს დანაშაული იყო წამება, გაუპატიურება, ზეწოლა, რეკეტი, რომელსაც ყოველდღიურ რეჟიმში ახორციელებდა მაშინდელი ხელისუფლება. ჩვენ, ეს ძალადობრივი რეჟიმი და სისტემა ჩავაბარეთ წარსულს და გამოვირჩევით ზუსტად იმით, რომ დღეს ეს პრაქტიკა არის თავიდან ბოლომდე აღკვეთილი. ეს, დასტურდება საზოგადოების განწყობით, რომელზეც აქვს ყველას სრული ინფორმაცია. ეს არის რეალობა, რომელიც იყო 2012 წლამდე და ეს არის რეალობა, რომელიც არის დღეს და სწორეთ ამ რეალობის დამსახურებაა ის, რომ „brain washing”-ს- „ტვინის გამორეცხვას“ არ აქვს ის ეფექტი, რომელსაც ელიან მისი ავტორები. ხაზი უნდა გაესვას კიდევ ერთ გარემოებას, რომ თავს იკავებენ და გაურბიან „რუსთავი 2“-ის წარმომადგენლები ჩვენი წარმომადგენლების მიწვევას „რუსთავი2“-ის ეთერში, რადგან ყველამ ვიცით, რომ მათ ინფორმაციას მხოლოდ ცალმხრივი გაშუქების პირობებში აქვს ძალა. გუშინ იყო ბოლო ასეთი შემთხვევა, როდესაც ჩვენ შევთავაზეთ ჩვენი წარმომადგენელის მონაწილეობა ეთერში, თუმცა ამაზე უარი ითქვა „რუსთავი 2“-ის მხრიდან. მიზეზი არის მარტივი , სიმართლე არის ერთი და ბუნებრივია როდესაც ცალმხრივად ხდება გაშუქება მხოლოდ ამ შემთხვევაში შეიძლება დაამახინჯო ეს სიმართლე. ჩვენ, მოვუწოდებთ „ნაციონალურ მოძრაობას“ , პარტიულ ტელევიზიას, რომ დაძლიონ სიმართლის შიში და მინიმალურ დონეზე მაინც დაიცვან მედია სტანდარტი იმისთვის რომ ფორმალურად მაინც იყოს ის წესები, რომელიც მოქმედებს კულტურულ, ევროპულ სივრცეში თანამედროვე განვითარებულ ქვეყნებში. ბოლოს მინდა ავღნიშნო, რომ ეს არჩევნები დასრულდება ლოგიკური შედეგით, რაზეც ჩვენ არაერთხელ ვისაუბრეთ და ეს დასტურდება ჩვენი შიდა კვლევებითაც. არჩევნები დასრულდება ქალბატონი სალომე ზურაბიშვილის დამაჯერებელი გამარჯვებით და კიდევ ერთხელ გაეცემა საკადრისი პასუხი „ნაციონალურ მოძრაობას“ ყველა იმ დანაშაულისთვის, რომელიც ჩამოვთვალე, კიდევ ერთხელ გავიმეორებ ეს იყო ყაჩაღობა, ძალადობა, რეკეტი და ეს იყო ჩვენი ტერიტორიების 20%-ის ოკუპაცია, ეს იყო ასობით ადამიანის დაღუპვა, რაშიც ბრალი მიხეილ სააკაშვილს და „ნაციონალურ მოძრაობას“ მიუძღვის, ეს იყო ასეულობით სოფლის დაკარგვა და ეს იყო ის უბედურება, რომელიც დაატრიალა ამ პარტიამ 2012 წლამდე“,- განაცხადა პარტია „ქართული ოცნების“ აღმასრულებელმა მდივანმა.

გვინდა გამოვეხმაუროთ ნაციონალური მოძრაობის ერთ-ერთი ლიდერის და ამავე პარტიის კუთვნილი ტელევიზიის გენერალური დირექტორის, ნიკა გვარამიას განცხადებას, რომელიც მან რამდენიმე დღის წინ თავის ფეისბუკ-გვერდზე განათავსა.   შეგახსენებთ ამ განცხადების შინაარსს: „ყველა, ვინც სალომე ზურაბიშვილს ან აფინანსებს ან კამპანიაში სხვაგვარად ეხმარება, უკიდურესად უნდა შევავიწროვოთ. ყველა ეს ადამიანი უნდადავიმახსოვროთ და გავაძევოთ საზოგადოებრივი ცხოვრების ყველა სფეროდან, იქნება ეს ბიზნესი, კულტურა თუ პოლიტიკა. ქვეყნის მოღალატე და მისი მოკავშირეები საჩვენებლად უნდა დაისაჯონ!"   ეს ისტერიული განცხადება უსათუოდ უკავშირდება კანდიდატების არსებულ რეიტინგებს, რომელთა მიხედვითაც სალომე ზურაბიშვილი დამაჯერებლად იგებს არჩევნებს, ხოლო ნიკა გვარამიას და ნაციონალური მოძრაობის პარტიული კანდიდატი, გრიგოლ ვაშაძე შეიძლება მეორე ადგილზეც ვერ გავიდეს.   ეს განცხადება არის ხელმოცარული და უნიათო ფაშისტის განცხადება, რომელიც გასული ექვსი წლის მანძილზე არაერთგზის მწარედ დამარცხდა ქართული დემოკრატიის, ქართული საზოგადოების და სიმართლის წინააღმდეგ ბრძოლაში. ნიკა გვარამიას შეიძლება მართლაც აქვს იმის იმედი, რომ მის განცხადებებს რაიმე გავლენა ექნება საზოგადოების პოზიციაზე. თუმცა, საპირისპიროს ადასტურებს ხალხის და ჩვენი საზოგადოების თვალსაჩინო წარმომადგენლების ფართო ჩართულობა ქალბატონი სალომე ზურაბიშვილის საარჩევნო კამპანიაში.   საზოგადოება რამდენიმე დღის განმავლობაში ელოდა არასამთავრობო ორგანიზაციების მკვეთრ პოზიციას ნიკა გვარამიას ფაშისტურ განცხადებასთან დაკავშირებით. თუმცა, ასეთი გამოხმაურება არცერთი არასამთავრობო ორგანიზაციის ხელმძღვანელისგან არ მოგვისმენია. მეტიც, ერთ-ერთმა მათგანმა, მიხეილ ბენიძემ ნიკა გვარამიას დაცვაც კი იკადრა, ანუ რეალურად უკადრებელი იკადრა, რაც უკიდურესად შემაშფოთებელია.   სამოქალაქო სექტორის როლი და სამოქალაქო საზოგადოების იდეა არის უმნიშვნელოვანესი, მათ შორის, ქართულ-ამერიკული, ქართულ-ევროპული და ზოგადად ქართულ დასავლური ურთიერთობების კონტექსტში. პერსონალიები, რომლებიც ზოგიერთ ორგანიზაციას სათავეში უდგანან, სამწუხაროდ, პოლიტიკურად ანგაჟირებულობის, ან პოლიტიკური მიკუთვნებულობის გამო აზიანებენ თავად ამ იდეას.   ჩვენი შეშფოთების საგანი სწორედ ესაა, რომ ზოგიერთი პოლიტიზირებული პერსონის გამო, ზიანდება თავად იდეა და არასამთავრობო სექტორის როლი სამოქალაქო საზოგადოების ჩამოყალიბებაში, რაც დაუშვებელია.   გვინდა ხაზგასმით განვაცხადოთ - ვინც ხელს აფარებს ფაშიზმს, თავადაც არის ფაშიზმის თანამონაწილე. სამწუხაროა, რომ ასეთი ადამიანები არასამთავრობო ორგანიზაციების ხელმძღვანელებს შორისაც არიან.   ქართული ფაშიზმი ჩვენ ჩავაბარეთ წარსულს 2012 წელს და ჩვენ ვართ პასუხისმგებელი იმაზე, რომ საქართველოში ის მომავალში ვეღარ გაიდგამს ფესვებს.   28 ოქტომბერს ყველამ ერთად კიდევ ერთხელ უნდა გავცეთ საკადრისი პასუხი ნაციონალური მოძრაობის ისტერიულ და უნიათო ფაშიზმს და ხმა მივცეთ ჭეშმარიტად ევროპელ და ღირსეულ კანდიდატს, ქალბატონ სალომე ზურაბიშვილს.

„ქართული ოცნების“ თავმჯდომარემ, ბიძინა ივანიშვილმა, საქართველოში მედიისა და ბიზნესის მდგომარეობა განიხილა. მისი თქმით, დღეს ამ ორი სფეროს ზეწოლაზე საუბარი ღიმილის მომგვრელია.   „მედია რა დღეში იყო, პირდაპირი მნიშვნელობით, ტოტალურად იმართებოდა ერთი კაცისგან, დილიდან საღამომდე ტელევიზორთან იჯდა, ძირითადი პროფესია სააკაშვილის ეს იყო, პირდაპირი მნიშვნელობით მართავდა, თავის მოღვაწეობის 80%-ს ამას მოახმარდა. გახსოვთ გირგვლიანის და სხვა უდანაშაულო ახალგაზრდების მკვლელობები, ამასთან უნდათ იდენტური გახადონ ის დრამატული უბედურება, რაც სკოლაში განვითარდა, საზოგადოებისთვის იყო დიდი ტრავმა და დიდი სტრესი და ცდილობენ ამასაც, იმის ჩამდენი ხალხი, რასაც თვითონ აკეთებდნენ, ბავშვების ჩხუბი უნდათ რომ მიაბრალონ დღევანდელ მმართველ ძალას და იდენტური უნდათ გახადონ გირგვლიანის მკვლელობის. რაც შეეხება მედიაზე ზეწოლას და ბიზნესზე ზეწოლას, ეს საერთოდ ღიმილს იწვევს, ალბათ წუხანდელი გადაცემაც ნახეთ, რას ცდილობდა და სად წავიდა ეს კაცი, მართლაც შევხვდი მას ერთხელ და მართლაც დავეხმარეთ ჩვენ, ისევე როგორც ვეხმარებით ყველა ბიზნესს. მე ეს ვალდებულება დღესაც გამაჩნია, ნებისმიერი ბიზნესმენი, რომელიც მოდის ჩემამდე, ან მიდის პრემიერამდე, ან ხელისუფლების რომელიმე ნაწილთან, ყველას აქვს იგივე განცდა, რომ ჩვენ მაქსიმალურად დავეხმაროთ ბიზნესს და ხელი შევუწყოთ.   მაგრამ სხვა დანარჩენი გასაგებია, რომ ეს ღიმილისმომგვრელია მხოლოდ. ჩანაწერების ოსტატი ყოფილა ეს კაცი. ყველას და ყველაფერს იწერდა. რატომღაც, ეს ჩანაწერი არ აქვს და თუ ვინმეს გკითხავენ წუხანდელ გადაცემაზე, პირველი რაც უნდა უპასუხოთ, უპასუხეთ, რომ სადაა ჩანაწერები, ყველას იწერდნენ და გამოიტანოს ეს ჩანაწერებიც და გვაჩვენოს ამ საუბრის და შეხვედრის შესახებ“, - განაცხადა ბიძინა ივანიშვილმა. 

„ქართული ოცნების“ თავმჯდომარემ, ბიძინა ივანიშვილმა, განვლილი 6 წელი შეაჯამა და აღნიშნა, რომ 2012 წლის შემდეგ ქვეყანა თანმიმდევრულად ვითარდება.    „შევიკრიბეთ იმ მიზნით, რომ გავიხსენოთ და დღევანდელი რეალობა კიდევ ერთხელ შევაფასოთ. სამწუხაროდ, 6 წელიწადი აღმოჩნდა ძალიან ცოტა იმისთვის, რომ საქართველოში პოლიტიკური სიტუაცია პრინციპულად შეცვლილიყო, თუმცა თქვენ მონაწილეები ხართ, აბსოლუტური უმრავლესობა თქვენგან და თუ არ მონაწილეობდით, კარგად გახსოვთ, რაც ხდებოდა 2012 წლამდე, 2012 წლის შემდგომ როგორ თანმიმდევრულად ვცვლიდით ჩვენ იმ სიმახინჯეებს და ქვეყანა ვითარდება და მიგვყავს სწორი მიმართულებით. მიუხედავად ამისა, როგორი საოცარიც არ უნდა იყოს, დღეს ის ძალები, რომლებიც თავის დროზე მართავდნენ ქვეყანას, ჩვენდა სასირცხვილოდ, აი ეს ძალები დღეს ცდილობენ, ისევ ვირტუალურ სამყაროში აცხოვრონ ჩვენი საზოგადოება. რაც დააშავეს თვითონ, იმას ცდილობენ გადააბრალონ „ქართულ ოცნებას“ და „ქართული ოცნებისგან“ მხარდაჭერილ კანდიდატს, ქალბატონ სალომე ზურაბიშვილს“, - განაცხადა ბიძინა ივანიშვილმა. 

ბიძინა ივანიშვილი - სხვებს აბრალებენ იმას,  რაშიც თვითონ არიან დამნაშავეები   „ქართული ოცნების“ თავმჯდომარე, ბიძინა ივანიშვილი, „ნაციონალური მოძრაობის“ ყველაზე დიდ დანაშაულად 2008 წლის ომს მიიჩნევს.    „აგვისტოს ომის დროს, ყოფილმა ხელისუფლებამ დაღუპული ჯარისკაცები მიატოვა, ცოცხალი ჯარი კი ტყეში დატოვა - განაცხადა  „ქართული ოცნების“ ცენტრალურ ოფისში მმართველ გუნდთან შეხვედრაზე ბიძინა ივანიშვილმა.   მისი თქმით, „ნაციონალური მოძრაობა“ ახლა ცდილობს სალომე ზურაბიშვილს დააბრალოს ღალატი, რასაც ისინი თავად სჩადიოდნენ.     „ყველაზე დიდი დანაშაული, დამეთანხმებით ალბათ, რაც „ნაციონალურმა მოძრაობამ“ ჩაიდინა მისი მმართველობის პერიოდში და დანაშაულები ჰქონდათ ძალიან ბევრი, მაინც თუ შევაჯამებთ და შევადარებთ ერთმანეთს, იყო 2008 წლის ომში მათი პოზიცია და მითუმეტეს, არ დაიკარგებოდა ტერიტორიების 20 პროცენტი.   გახსოვთ, როგორ იქცეოდნენ, როგორ მიატოვეს დახოცილი ჯარისკაცები, როგორ უპატრონოდ ტყეში დატოვეს ცოცხალი ჯარი, სწორედ ეს თემა აქვთ დღეს ყველაზე მეტად წინა პლანზე წამოწეული. ყველაზე დიდი თავისი დანაშაული, რაც მათ ჩაიდინეს, ცდილობენ დღეს გადმოიტანონ და ჩვენ მოგვაბრალონ და მიაბრალონ საპრეზიდენტო კანდიდატს, ქალბატონ სალომე ზურაბიშვილს, რომელმაც ძალიან ბევრი, თავისი მოღვაწეობის პროცესში იზრუნა იმისთვის, რომ რუსულ ჯარს ჭეშმარიტად დაეტოვებინა საქართველოს ტერიტორიები. მე მახსოვს და თქვენც კარგად გახსოვთ, ალბათ, როგორი პრინციპულობით გამოირჩეოდა ქალბატონი სალომე საგარეო მინისტრის რანგში, როგორ თანმიმდევრულად და როგორ ოსტატურად მოახერხა მან და ის იყო ძირითადი მასში, რომ ჩვენ რუსულ ჯარებს ტერიტორიები დავატოვებინეთ. ამის შემდგომ, სააკაშვილი პირდაპირი მნიშვნელობით, მე ჩემს გამონათქვამებში მაქვს ეს, როცა ოპოზიციაში ვიყავი, შემოუძღვა რუსულ ჯარს და დღეს საქართველოს ტერიტორიების 20% არის ოკუპირებული. აღმაშფოთებელია ის, რომ ეს ხალხი დღეს ცდილობს ისევ, რომ ჩვენ გადმოგვაბრალონ და ეს მოღალატეები, პირდაპირი მნიშვნელობით, მოღალატედ ცდილობენ მონათლონ ქალბატონი სალომე”, - განაცხადა ბიძინა ივანიშვილმა.

„ქართული ოცნების“ გამარჯვებიდან ექვსი წლისთავთან დაკავშირებით, პოლიტიკურ გაერთიანება „ქართული ოცნება-დემოკრატიული საქართველოს“ ცენტრალურ ოფისში მმართველი გუნდის შეხვედრა გაიმართა. შეხვედრის მონაწილეებს სიტყვით მიმართეს  პარტიის თავმჯდომარემ, ბიძინა ივანიშვილმა და  პრეზიდენტობის დამოუკიდებელმა კანდიდატმა, სალომე ზურაბიშვილმა.   „ქართული ოცნების“ ექვსწლიანი მმართველობა, შეხვედრის შემდეგ გამართულ ბრიფინგზე პარტიის გენერალურმა მდივანმა შეაჯამა.   კახა კალაძის განცხადებით, ზუსტად 6 წლის წინ, 2012 წლის 1 ოქტომბერს, ქართველმა ხალხმა გააკეთა ისტორიული არჩევანი თავისუფლების სასარგებლოდ და უარი უთხრა ადამიანის ღირსების შელახვაზე დაფუძნებულ დანაშაულებრივ რეჟიმს.   „როგორც საყოველთაოდ ცნობილია, ამ რეჟიმის ყველაზე მძიმე დანაშაულები იყო ძალადობა, კორუფცია, მედიის თავისუფლების ტოტალური შეზღუდვა, რუსეთისთვის ჩვენი ორი ისტორიული რეგიონის ჩაბარება. 2012 წლამდე, ქართული სახელმწიფო ნაბიჯ-ნაბიჯ ყალიბდებოდა აღმოსავლური ტიპის დესპოტად, რომელსაც არაფერი ჰქონდა საერთო დასავლურ ღირებულებებთან. ქართველი ხალხის წინაშე „ნაციონალური მოძრაობის“ მიერ ჩადენილი უმძიმესი დანაშაულები მეხსიერებიდან არ იშლება. ამ დანაშაულთა გამო, „ნაციონალურმა მოძრაობამ“ ქართველი ამომრჩევლისგან, „ქართული ოცნებისა“ დამისი სულისჩამდგმელის, ბატონი ბიძინა ივანიშვილის ძალისხმევით, მიიღო საკადრისი პასუხი როგორც 2012 წელს, ისე ყველა შემდგომ არჩევნებში“, - განაცხადა კახა კალაძემ.   მისი თქმით, „ქართული ოცნების“ ექვსწლიანი მმართველობის შედეგად, ჩამოყალიბდა ადამიანზე და მისი ღირსების პატივისცემაზე ორიენტირებული სახელმწიფო სისტემა.   „აღიკვეთა ადამიანებზე ძალადობის პრაქტიკა, პატიმრების სისტემური წამება და გაუპატიურება, 12-ჯერ შემცირდა ციხეებში პატიმრების სიკვდილიანობა, ორნახევარჯერ შემცირდა პატიმრების რაოდენობა, სახელმწიფო აღარ უპირისპირებს სისასტიკეს შეკრებისა და მანიფესტაციის თავისუფლებას; აღიკვეთა ელიტური კორუფცია და ბიზნესის ტოტალური რეკეტის პრაქტიკა, რომელიც ნაციონალური მოძრაობის რეჟიმის ერთ-ერთი უმთავრესი საყრდენი იყო; დასრულდა ხელისუფლების ტოტალური მონოპოლია მედიასაშუალებებზე. უზრუნველყოფილია მედიაპლურალიზმი ყველაზე მაღალი ევროპული სტანდარტით; თვისებრივად გაუმჯობესდა ქვეყნის უსაფრთხოებისა და სტაბილურობის ხარისხი, გაღრმავდა სტრატეგიული თანამშრომლობა ევროკავშირთან, ნატოსთან და ამერიკის შეერთებულ შტატებთან. უზრუნველყოფილია საქართველოს ტერიტორიული მთლიანობის ურყევი მხარდაჭერა საერთაშორისო თანამეგობრობის მხრიდან. არასდროს საქართველო ისე ახლოს არ ყოფილა დასავლეთთან, როგორც დღეს“, - განაცხადა პარტიის გენერალურმა მდივანმა.   კახა კალაძემ ყურადღება გაამახვილა „ნაციონალური მოძრაობის“ მხრიდან მმართველი პარტიისა და პრეზიდენტობის დამოუკიდებელი კანდიდატის, სალომე ზურაბიშვილის მისამართით გაკეთებულ ცილისმწამებლურ ბრალდებებზე.   „დღეს, დემოკრატიული გარდატეხიდან 6 წლის თავზე, ჩვენ ვხედავთ „ნაციონალური მოძრაობისა“ და მისი მედიასაშუალებების უსუსურ მცდელობას, „ქართულ ოცნებას“ დააბრალონ იმგვარი დანაშაულები, რომლებიც მათივე კრიმინალური პოლიტიკური ძალის ხელწერას განეკუთვნება. როგორც აღმოჩნდა, ტოტალიტარული აზროვნების და მართვის ორი ძირითადი პრინციპი - სიცრუე დაძალადობა - როგორც ადრე იყო, დღესაც რჩება „ნაციონალური მოძრაობის“ საფირმო ნიშნად. სწორედ ამიტომ არ იცვლის ხელწერას ერთ დროს ერთიანი და ახლა რეალურ თუ ყალბ მამრავლებად დაშლილიეს პოლიტიკური ძალა. „ნაციონალური მოძრაობა“ ფაქტების უხეში ფალსიფიკაციისა და ცილისწამების გზით ძალადობს ადამიანების ცნობიერებაზე, რათა ტოტალური უიმედობა დანერგოს ხალხში დარევოლუციური განწყობის იმიტირებით, მოამზადოს ფონი პოლიტიკური რევანშისთვის. ტოტალური, ურცხვი პროპაგანდის მანქანიდან მომდინარე, ეგრეთწოდებული ახალი ამბები და ეგრეთწოდებულიპოლიტიკური ანალიზი, რომლითაც იბომბება ჩვენი თანამოქალაქეების ცნობიერება, უწყვეტ რეჟიმში ტრანსლირებულ, ერთ დიდ და ფალსიფიცირებულ „მოდელირებულ ქრონიკად“ გადაიქცა.   „ქართული ოცნების“ მიერ მხარდაჭერილი კანდიდატისთვის ღალატის დაბრალებით, გაუგებარი აუდიოჩანაწერების გავრცელებით, არასრულწლოვანი ბავშვის მკვლელობაზე სპეკულირებით (რაც განსაკუთრებულად უღირსი საქმეა), ისინი ამაოდ ცდილობენ „ქართულ ოცნებას“ მიაწებონ ის იარლიყი, რომელიც ნაციონალური მოძრაობის განუყოფელი ნიშანია. ამ პირობებში, „ქართული ოცნება“ გრძნობს ვალდებულებას, საზოგადოებას მიაწოდოს სრული ინფორმაცია ამ უსუსური ბრალდებების შესახებ, რათა საზოგადოებამ თავად განსაჯოს, სად არის სიმართლე და სად არის ტყუილი.   „ქართული ოცნების“ მიერ მხარდაჭერილ კანდიდატს, ქალბატონ სალომე ზურაბიშვილს ღალატს აბრალებს პოლიტიკური ძალა, რომელიც სალომე ზურაბიშვილის ძალისხმევით გაყვანილ რუსის ჯარს უკან შემოუძღვა საქართველოში. ამ პოლიტიკურმა ძალამ თავისი ავანტურისტული თუ მოღალატეობრივი ქმედებებით, მისცა რუსეთს შესაძლებლობა, აესრულებინა დიდი ხნის წადილი და განეხორციელებინა აფხაზეთისა და ცხინვალის სრული ოკუპაცია. ესენი არიან ადამიანები, რომლებმაც მშვიდობიანი მოსახლეობა შეატოვეს მტერს (რომ არა ჩვენი პატრიარქისა და ეკლესიის თავდადება, ალბათ, ჩვენს გმირებს მიწასაც კი ვერ მივაბარებდით); მათ ომში მარცხი ჯერ გამარჯვებად მონათლეს და რუსთაველის გამზირზე აზეიმეს ხალხს, შემდეგ კი, მსხვერპლის როლი მოირგეს, მაგრამ, პარალელურად, ევროპის საბჭოსსაპარლამენტო ასამბლეის იმ რეზოლუციას მისცეს ხმა, სადაც რუსეთის ინტერვენცია კონტრშეტევად არის შეფასებული. ამ ორმაგი ღალატის ჩამდენმა პოლიტიკურმა ძალამ, დღეს პრეზიდენტის თანამდებობაზე რუსეთთან ორგანულად შესისხლხორცებული კანდიდატი შემოგვთავაზა, ხოლო ბოლშევიკური ოკუპაციის გამო ემიგრაციაში დაბადებულ, ნიკო ნიკოლაძის შთამომავალს და რუსულიბაზების საქართველოდან გამყვანს, სალომე ზურაბიშვილს - მოღალატეობა დასწამა;   ნაციონალურმა მოძრაობამ და მისმა სატელიტებმა ბოლო პერიოდის ერთ-ერთი ყველაზე ამაზრზენი პოლიტიკური სპექტაკლი მოზარდის მკვლელობის საქმეზე გაათამაშეს. ხორავას ქუჩის ტრაგედია მათმიერ დეტალურად დაგეგმილი და ორკესტრირებული პროტესტის ტალღად გადაიქცა, რომელმაც მაშინვე დაკარგა გულწრფელი მხარდამჭერები, როგორც კი საზოგადოებამ დაინახა ნაცმოძრაობის კარგადნაცნობი ხელწერა. მოზარდებს შორის მომხდარ დანაშაულზე სახელმწიფოს მყისიერი რეაგირება ჰქონდა. მაგრამ როდესაც რიგი ობიექტური თუ სუბიექტური მიზეზების გამო, ბრალდების ყველა პუნქტში პირველი ინსტანციის მოსამართლის დარწმუნება ვერ მოხერხდა, მთავარი პროკურორი გადადგა თანამდებობიდან, რითაც საზოგადოების წინაშე ხელისუფლების ანგარიშვალდებულების სრულიად ახალი სტანდარტი დამკვიდრდა. ხელისუფლებამ გადადგა კიდევ ერთი უპრეცედენტო ნაბიჯი და პარლამენტში შეიქმნა საგამოძიებო კომისია, რომელსაც ოპოზიცია ჩაუდგა სათავეში. ნაციონალურ მოძრაობას აქვს უსუსური მცდელობა, ბავშვებს შორის მომხდარი მკვლელობის საქმე შეადაროს გირგვლიანის საქმეს, სადაც ადგილი ჰქონდა ხელისუფლების უმძიმეს შეთქმულებას ერთი ადამიანის წინააღმდეგ. სანდრო გირგვლიანისა და ირინა ენუქიძის მკვლელები „ქართულ ოცნებას“ უმწეოდ აბრალებენ დამნაშავეებისთვის ხელის დაფარებას იმ საქმეში, სადაც პოლიტიკურ ჩარევაზე საუბარი ოპოზიციის ხელმძღვანელობით მომუშავე საგამოძიებო კომისიამაც კი ვერ გაბედა;   გადაბრალების პოლიტიკის კიდევ ერთი თვალსაჩინო მაგალითია ტელეკომპანია „იბერიის“ გამოგონილი საქმე, რომელიც, რეალურად, სიგარეტის მწარმოებელი „ომეგა ჯგუფის“ მესვეურთა მიერ ინიცირებული და ნაცმოძრაობის მიერ ატაცებული ბინძური კამპანიაა. ამ კამპანიის მიზანი, ერთი მხრივ, ბიუჯეტის კუთვნილი 50 მილიონის, ანუ ხალხის კუთვნილი ფულის არგადახდა და, მეორე მხრივ, ხელისუფლების იმიჯის შელახვაა. საზოგადოებას უნდა ახსოვდეს, რომ „ომეგას“ ბიზნესი გაანადგურა სააკაშვილმა, მან ქვეყნიდან განდევნა მისი დამფუძნებელი და პირველს სწორედ მას წაართვა ტელევიზია. ეს ბიზნესი და ტელევიზია ჩვენი ხელისუფლების დამსახურებით დაუბრუნდა მფლობელს. და დღეს ეს ადამიანი, რომელმაც 50-მილიონიანი დავალიანება დააგროვა ბიუჯეტის წინაშე, თავის ყოფილ ჯალათს - სააკაშვილს შეეკრა და გაუგებარი ჩანაწერებით ცდილობს თავი აარიდოს ხალხის კუთვნილი ფულის გადახდას, ფარად კი ამ საქმეში ტელეკომპანია „იბერიას“ იყენებს;   „ქართულ ოცნებას“ მედიის თავისუფლების შეზღუდვას აბრალებს პოლიტიკური ძალა, რომელმაც ძალადობით მიისაკუთრა ტელეკომპანია „რუსთავი 2“, რომელიც გარდაცვლილის ქონებას კლასიკური მოროდიორივით დაეპატრონა და მიითვისა ტელეკომპანია „იმედი“. ეს არის პოლიტიკური ძალა, რომელმაც 2004-2012 წლებში ტოტალური კონტროლი დაამყარა მედიასაშუალებებზე. დღეს ყველა ხედავს, თუ რამდენად თავისუფალია მედიაგარემო საქართველოში;   უსუსური, ეგრეთწოდებული ფარული ჩანაწერებით, „ქართულ ოცნებას“ ბიზნესზე ზეწოლას აბრალებს კრიმინალური პოლიტიკური ძალა, რომლისთვისაც ბიზნესის რეკეტი, ბიზნესმენების შანტაჟი და დაშინება, ქონების მიტაცება ყოველდღიური მოვლენა იყო. სრული პასუხისმგებლობით ვაცხადებთ, რომ არ არსებობს ბიზნესზე პოლიტიკური ზეწოლის არცერთი შემთხვევა და შესაბამისად, ვერავინ წარმოადგენს ამგვარი ფაქტის ვერცერთ მტკიცებულებას. ყოველივე ზემოაღნიშნულის გათვალისწინებით, ნაციონალური მოძრაობისა და მისი მედიასაშუალებების უსუსური მცდელობა, განახორციელონ „ქართული ოცნების“ დისკრედიტაცია, წარუმატებლობისთვის არის განწირული. „ქართული ოცნება“ ჩვენი მოსახლეობის წინაშე არის პასუხისმგებელი იმაზე, რომ ნაციონალური მოძრაობა ვერასოდესდაბრუნდება ხელისუფლებაში და ვეღარასდროს შეუქმნის საფრთხეს ჩვენი ქვეყნის მშვიდობიან განვითარებას, ქართულ დემოკრატიას, ქართულ საზოგადოებას, ქართულ მედიას და რაც მთავარი დამნიშვნელოვანია, საქართველოს ტერიტორიულ მთლიანობას“, - განაცხადა კახა კალაძემ.   პარტიის გენერალური მდივნის განცხადებით, იმ ფუნდამენტური წინსვლის მიუხედავად, რომელიც საქართველომ გასული 6 წლის განმავლობაში განიცადა, რჩება უამრავი სირთულე და გამოწვევა ჩვენიქვეყნისა და ხალხის წინაშე.    „არ მინდა იფიქროთ, რომ ჩვენ ვართ თვითკმაყოფილები. ჩვენი ამოცანაა, განვავითაროთ ეკონომიკა და გავაუმჯობესოთ ჩვენი მოქალაქეების სოციალური მდგომარეობა, სრულად აღმოვფხვრათ სიღარიბე საქართველოში; ადამიანებს მივცეთ თვითრეალიზების უკეთესი შესაძლებლობები და ვიზრუნოთ საზოგადოების ინტელექტუალურ და სულიერ განვითარებასა და გაძლიერებაზე; ჩვენი ამოცანაა, კიდევ უფრო განვამტკიცოთ პარტნიორობა მეგობარ ქვეყნებთან, გავხდეთ ევროკავშირისა და ნატოს სრულუფლებიანი წევრი; გადავდგათ თანმიმდევრული ნაბიჯები, რათა, საბოლოოდ დავიბრუნოთ აფხაზეთი და ცხინვალის მხარე, ჩვენი აფხაზი და ოსი ძმები და დები“, - განაცხადა კახა კალაძემ.   კახა კალაძემ ამომრჩეველს პრეზიდენტობის დამოუკიდებელი კანდიდატის, სალომე ზურაბიშვილს მხარდაჭერისკენ მოუწოდა. მისი თქმით, ჩვენი ქვეყნის განვითარებისათვის, 28 ოქტომბრის საპრეზიდენტო არჩევნებს განსაკუთრებული მნიშვნელობა ენიჭება.   „ამ არჩევნებით უნდა დავამკვიდროთ ახალი, ჯანსაღი და დემოკრატიული კონსტიტუციური ტრადიცია. ჩვენ უნდა ავირჩიოთ საქართველოს პირველი ზეპარტიული პრეზიდენტი. სწორედ ასეთი პრეზიდენტი იქნება ქალბატონი სალომე ზურაბიშვილი: დიდი ქართველების შთამომავალი ქალბატონი, სამაგალითო მეუღლე, დედა და სამშობლოს პატრიოტი; გამორჩეული დიპლომატიური გამოცდილების მქონე ადამიანი, რომელმაც გადამწყვეტი როლი შეასრულა საქართველოდან რუსული ბაზების გაყვანაში; პრინციპული პოლიტიკოსი, რომელიც ერთ-ერთი პირველი დაუპირისპირდა ნაციონალური მოძრაობის რეჟიმს და წლების მანძილზე იბრძოდა სამართლიანობისა და დემოკრატიის დასაცავად. ეს არჩევნები იქნება კიდევ ერთი წყალგამყოფი სიმართლესა და სიყალბეს, პრინციპულობასა და უპრინციპობას, პროდასავლურობასა და ანტიდასავლურობას - „ქართულ ოცნებასა“ და „ნაციონალურ მოძრაობას“ შორის. სალომე ზურაბიშვილი იზიარებს იმ ღირებულებებს, რომელზეც დგას „ქართული ოცნება“, იზიარებს ჩვენი დღევანდელი განცხადების პათოსს და სწორედ ამიტომ დგას ის დღეს ჩვენთან ერთად. მოგიწოდებთ, კიდევ ერთხელ უთხრათ უარი სიყალბეს, უპრინციპობას და ანტიდასავლურ ძალას და არჩევნებში მხარი დაუჭიროთ ქალბატონ სალომე ზურაბიშვილს“, - განაცხადა კახა კალაძემ.

„ზუსტად 6 წლის წინ, 2012 წლის 1 ოქტომბერს, ქართველმა ხალხმა გააკეთა ისტორიული არჩევანი თავისუფლების სასარგებლოდ და უარი უთხრა ადამიანის ღირსების შელახვაზე დაფუძნებულ დანაშაულებრივ რეჟიმს.   როგორც საყოველთაოდ ცნობილია, ამ რეჟიმის ყველაზე მძიმე დანაშაულები იყო: ძალადობა,კორუფცია, მედიის თავისუფლების ტოტალური შეზღუდვა, რუსეთისთვის ჩვენი ორი ისტორიული რეგიონის ჩაბარება.   2012 წლამდე, ქართული სახელმწიფო ნაბიჯ-ნაბიჯ ყალიბდებოდა აღმოსავლური ტიპის დესპოტად, რომელსაც არაფერი ქონდა საერთო დასავლურ ღირებულებებთან.   ქართველი ხალხის წინაშე ნაციონალური მოძრაობის მიერ ჩადენილი უმძიმესი დანაშაულები მეხსიერებიდან არ იშლება. ამ დანაშაულთა გამო, ნაციონალურმა მოძრაობამ ქართველი ამომრჩევლისგან, „ქართული ოცნების“ და მისი სულის ჩამდგმელის, ბატონი ბიძინა ივანიშვილის ძალისხმევით, მიიღო საკადრისი პასუხი როგორც 2012 წელს, ისე ყველა შემდგომ არჩევნებში.   „ქართული ოცნების“ 6-წლიანი მმართველობის შედეგად, ჩამოყალიბდა ადამიანზე და მისი ღირსების პატივისცემაზე ორიენტირებული სახელმწიფო სისტემა:   - აღიკვეთა ადამიანებზე ძალადობის პრაქტიკა: აღიკვეთა პატიმრების სისტემური წამება და გაუპატიურება, 12-ჯერ შემცირდა ციხეებში პატიმრების სიკვდილიანობა, ორნახევარჯერ შემცირდა პატიმრების რაოდენობა, სახელმწიფო აღარ უპირისპირებს სისასტიკეს შეკრებისა და მანიფესტაციის თავისუფლებას;   - აღიკვეთა ელიტური კორუფცია და ბიზნესის ტოტალური რეკეტის პრაქტიკა, რომელიც ნაციონალური მოძრაობის რეჟიმის ერთ-ერთი უმთავრესი საყრდენი იყო;   - დასრულდა ხელისუფლების ტოტალური მონოპოლია მედიასაშუალებებზე. უზრუნველყოფილია მედიაპლურალიზმი ყველაზე მაღალი ევროპული სტანდარტით;   - თვისებრივად გაუმჯობესდა ქვეყნის უსაფრთხოებისა და სტაბილურობის ხარისხი, გაღრმავდა სტრატეგიული თანამშრომლობა ევროკავშირთან, ნატოსთან და ამერიკის შეერთებულ შტატებთან. უზრუნველყოფილია საქართველოს ტერიტორიული მთლიანობის ურყევი მხარდაჭერა საერთაშორისო თანამეგობრობის მხრიდან. არასდროს საქართველო ისე ახლოს არ ყოფილა დასავლეთთან, როგორც დღეს.   დღეს, დემოკრატიული გარდატეხიდან 6 წლის თავზე, ჩვენ ვხედავთ ნაციონალური მოძრაობისა და მისი მედიასაშუალებების უსუსურ მცდელობას, „ქართულ ოცნებას“ დააბრალონ იმგვარი დანაშაულები, რომლებიც მათივე კრიმინალური პოლიტიკური ძალის ხელწერას განეკუთვნება. როგორც აღმოჩნდა, ტოტალიტარული აზროვნების და მართვის ორი ძირითადი პრინციპი  - სიცრუე და ძალადობა - როგორც ადრე იყო, დღესაც რჩება „ნაციონალური მოძრაობის“ საფირმო ნიშნად. სწორედ ამიტომ არ იცვლის ხელწერას ერთ დროს ერთიანი და ახლა რეალურ თუ ყალბ მამრავლებად დაშლილი ეს პოლიტიკური ძალა. ნაციონალური მოძრაობა ფაქტების უხეში ფალსიფიკაციისა და ცილისწამების გზით ძალადობს ადამიანების ცნობიერებაზე, რათა ტოტალური უიმედობა დანერგოს ხალხში და რევოლუციური განწყობის იმიტირებით მოამზადოს ფონი პოლიტიკური რევანშისთვის. ტოტალური, ურცხვი პროპაგანდის მანქანიდან მომდინარე ეგრეთ წოდებული ახალი ამბები და ეგრეთ წოდებული პოლიტიკური ანალიზი, რომლითაც იბომბება ჩვენი თანამოქალაქეების ცნობიერება,  უწყვეტ რეჟიმში ტრანსლირებულ, ერთ დიდ და ფალსიფიცირებულ  „მოდელირებულ ქრონიკად“ გადაიქცა.   „ქართული ოცნების“ მიერ მხარდაჭერილი კანდიდატისთვის ღალატის დაბრალებით, გაუგებარი აუდიოჩანაწერების გავრცელებით, არასრულწლოვანი ბავშვის მკვლელობაზე სპეკულირებით (რაც განსაკუთრებულად უღირსი საქმეა), ისინი ამაოდ ცდილობენ „ქართულ ოცნებას“ მიაწებონ ის იარლიყი, რომელიც ნაციონალური მოძრაობის განუყოფელი ნიშანია. ამ პირობებში, „ქართული ოცნება“ გრძნობს ვალდებულებას, საზოგადოებას მიაწოდოს სრული ინფორმაცია ამ უსუსური ბრალდებების შესახებ, რათა საზოგადოებამ თავად განსაჯოს, სად არის სიმართლე და სად არის ტყუილი:   - „ქართული ოცნების“ მიერ მხარდაჭერილ კანდიდატს, ქალბატონ სალომე ზურაბიშვილს ღალატს აბრალებს პოლიტიკური ძალა, რომელიც სალომე ზურაბიშვილის ძალისხმევით გაყვანილ რუსის ჯარს უკან შემოუძღვა საქართველოში. ამ პოლიტიკურმა ძალამ თავისი ავანტურისტული თუ მოღალატეობრივი ქმედებებით მისცა რუსეთს შესაძლებლობა, აესრულებინა დიდი ხნის წადილი და განეხორციელებინა აფხაზეთისა და ცხინვალის სრული ოკუპაცია. ესენი არიან ადამიანები, რომლებმაც მშვიდობიანი მოსახლეობა შეატოვეს მტერს (რომ არა ჩვენი პატრიარქისა და ეკლესიის თავდადება, ალბათ, ჩვენს გმირებს მიწასაც კი ვერ მივაბარებდით); მათ ომში მარცხი ჯერ გამარჯვებად მონათლეს და რუსთაველის გამზირზე აზეიმეს ხალხს, შემდეგ კი მსხვერპლის როლი მოირგეს, მაგრამ, პარალელურად, ევროპის საბჭოს საპარლამენტო ასამბლეის იმ რეზოლუციას მიცეს ხმა, სადაც რუსეთის ინტერვენცია კონტრშეტევად არის შეფასებული. ამ ორმაგი ღალატის ჩამდენმა პოლიტიკურმა ძალამ დღეს პრეზიდენტის თანამდებობაზე რუსეთთან ორგანულად შესისხლხორცებული კანდიდატი შემოგვთავაზა, ხოლო ბოლშევიკური ოკუპაციის გამო ემიგრაციაში დაბადებულ, ნიკო ნიკოლაძის შთამომავალს და რუსული ბაზების საქართველოდან გამყვანს, სალომე ზურაბიშვილს - მოღალატეობა დასწამა;   - ნაციონალურმა მოძრაობამ და მისმა სატელიტებმა ბოლო პერიოდის ერთ-ერთი ყველაზე ამაზრზენი პოლიტიკური სპექტაკლი მოზარდის მკვლელობის საქმეზე გაათამაშეს. ხორავას ქუჩის ტრაგედია მათ მიერ დეტალურად დაგეგმილი და ორკესტრირებული პროტესტის ტალღად გადაიქცა, რომელმაც მაშინვე დაკარგა გულწრფელი მხარდამჭერები, როგორც კი საზოგადოებამ დაინახა ნაცმოძრაობის კარგად ნაცნობი ხელწერა. მოზარდებს შორის მომხდარ დანაშაულზე სახელმწიფოს მყისიერი რეაგირება ჰქონდა. მაგრამ როდესაც რიგი ობიექტური თუ სუბიექტური მიზეზების გამო, ბრალდების ყველა პუნქტში პირველი ინსტანციის მოსამართლის დარწმუნება ვერ მოხერხდა, მთავარი პროკურორი გადადგა თანამდებობიდან, რითაც საზოგადოების წინაშე ხელისუფლების ანგარიშვალდებულების სრულიად ახალი სტანდარტი დამკვიდრდა. ხელისუფლებამ გადადგა კიდევ ერთი უპრეცედენტო ნაბიჯი და პარლამენტში შეიქმნა საგამოძიებო კომისია, რომელსაც ოპოზიცია ჩაუდგა სათავეში. ნაციონალურ მოძრაობას აქვს უსუსური მცდელობა, ბავშვებს შორის მომხდარი მკვლელობის საქმე შეადაროს გირგვლიანის საქმეს, სადაც ადგილი ქონდა ხელისუფლების უმძიმეს შეთქმულებას ერთი ადამიანის წინააღმდეგ. სანდრო გირგვლიანის და ირინა ენუქიძის მკვლელები „ქართულ ოცნებას“ უმწეოდ აბრალებენ დამნაშავეებისთვის ხელის დაფარებას იმ საქმეში, სადაც პოლიტიკურ ჩარევაზე საუბარი ოპოზიციის ხელმძღვანელობით მომუშავე საგამოძიებო კომისიამაც კი ვერ გაბედა;   - გადაბრალების პოლიტიკის კიდევ ერთი თვალსაჩინო მაგალითია ტელეკომპანია „იბერიის“ გამოგონილი საქმე, რომელიც, რეალურად, სიგარეტის მწარმოებელი „ომეგა ჯგუფის“ მესვეურთა მიერ ინიცირებული და ნაცმოძრაობის მიერ ატაცებული ბინძური კამპანიაა. ამ კამპანიის მიზანი, ერთი მხრივ, ბიუჯეტის კუთვნილი 50 მილიონის, ანუ ხალხის კუთვნილი ფულის არგადახდა და, მეორე მხრივ, ხელისუფლების იმიჯის შელახვაა. საზოგადოებას უნდა ახსოვდეს, რომ „ომეგას“ ბიზნესი გაანადგურა სააკაშვილმა, მან ქვეყნიდან განდევნა მისი დამფუძნებელი და პირველს სწორედ მას წაართვა ტელევიზია. ეს ბიზნესი და ტელევიზია ჩვენი ხელისუფლების დამსახურებით დაუბრუნდა მფლობელს. და დღეს ეს ადამიანი, რომელმაც 50-მილიონიანი დავალიანება დააგროვა ბიუჯეტის წინაშე, თავის ყოფილ ჯალათს - სააკაშვილს შეეკრა და გაუგებარი ჩანაწერებით ცდილობს თავი აარიდოს ხალხის კუთვნილი ფულის გადახდას, ფარად კი ამ საქმეში ტელეკომპანიას „იბერიას“იყენებს;   -„ქართულ ოცნებას“ მედიის თავისუფლების შეზღუდვას აბრალებს პოლიტიკური ძალა, რომელმაც ძალადობით მიისაკუთრა ტელეკომპანია „რუსთავი 2“, რომელიც გარდაცვლილის ქონებას კლასიკური მოროდიორობით დაეპატრონა და მიითვისა ტელეკომპანია „იმედი“. ეს არის პოლიტიკური ძალა, რომელმაც 2004-2012 წლებში ტოტალური კონტროლი დაამყარა მედიასაშუალებებზე. დღეს ყველა ხედავს, თუ რამდენად თავისუფალია მედიაგარემო საქართველოში;   - უსუსური, ე.წ. ფარული ჩანაწერებით „ქართულ ოცნებას“ ბიზნესზე ზეწოლას აბრალებს კრიმინალური პოლიტიკური ძალა, რომლისთვისაც ბიზნესის რეკეტი, ბიზნესმენების შანტაჟი და დაშინება, ქონების მიტაცება ყოველდღიური მოვლენა იყო. სრული პასუხისმგებლობით ვაცხადებთ, რომ არ არსებობს ბიზნესზე პოლიტიკური ზეწოლის არცერთი შემთხვევა და შესაბამისად, ვერავინ წარმოადგენს ამგვარი ფაქტის ვერცერთ მტკიცებულებას.   ყოველივე ზემოაღნიშნულის გათვალისწინებით, ნაციონალური მოძრაობისა და მისი მედიასაშუალებების უსუსური მცდელობა, განახორციელონ „ქართული ოცნების“ დისკრედიტაცია, წარუმატებლობისთვის არის განწირული.   „ქართული ოცნება“ ჩვენი მოსახლეობის წინაშე არის პასუხისმგებელი იმაზე, რომ ნაციონალური მოძრაობა ვერასოდეს დაბრუნდება ხელისუფლებაში და ვეღარასდროს შეუქმნის საფრთხეს ჩვენი ქვეყნის მშვიდობიან განვითარებას, ქართულ დემოკრატიას, ქართულ საზოგადოებას, ქართულ მედიას და რაც მთავარი და მნიშვნელოვანია, საქართველოს ტერიტორიულ მთლიანობას.   გვინდა აღვნიშნოთ, რომ იმ ფუნდამენტური წინსვლის მიუხედავად, რომელიც საქართველომ გასული 6 წლის განმავლობაში განიცადა, რჩება უამრავი სირთულე და გამოწვევა ჩვენი ქვეყნისა და ხალხის წინაშე: არ მინდა იფიქროთ, რომ ჩვენ ვართ თვითკმაყოფილები.   - ჩვენი ამოცანაა განვავითაროთ ეკონომიკა და გავაუმჯობესოთ ჩვენი მოქალაქეების სოციალური მდგომარეობა, სრულად აღმოვფხვრათ სიღარიბე საქართველოში;   - ჩვენი ამოცანაა ადამიანებს მივცეთ თვითრეალიზების უკეთესი შესაძლებლობები და ვიზრუნოთ საზოგადოების ინტელექტუალურ და სულიერ განვითარებასა და გაძლიერებაზე;   - ჩვენი ამოცანაა კიდევ უფრო განვამტკიცოთ პარტნიორობა მეგობარ ქვეყნებთან, გავხდეთ ევროკავშირისა და ნატოს სრულუფლებიანი წევრი;   - ჩვენი ამოცანაა გადავდგათ თანმიმდევრული ნაბიჯები, რათა, საბოლოოდ, დავიბრუნოთ აფხაზეთი და ცხინვალის მხარე, ჩვენი აფხაზი და ოსი ძმები და დები.   ჩვენი ქვეყნის განვითარებისათვის 28 ოქტომბრის საპრეზიდენტო არჩევნებს განსაკუთრებული მნიშვნელობა ენიჭება. ამ არჩევნებით უნდა დავამკვიდროთ ახალი, ჯანსაღი და დემოკრატიული კონსტიტუციური ტრადიცია. ჩვენ უნდა ავირჩიოთ საქართველოს პირველი ზეპარტიული პრეზიდენტი.   სწორედ ასეთი პრეზიდენტი იქნება ქალბატონი სალომე ზურაბიშვილი:   - დიდი ქართველების შთამომავალი ქალბატონი, სამაგალითო მეუღლე, დედა და სამშობლოს პატრიოტი;   - გამორჩეული დიპლომატიური გამოცდილების მქონე ადამიანი, რომელმაც გადამწყვეტი როლი შეასრულა საქართველოდან რუსული ბაზების გაყვანაში;   - პრინციპული პოლიტიკოსი, რომელიც ერთ-ერთი პირველი დაუპირისპირდა ნაციონალური მოძრაობის რეჟიმს და წლების მანძილზე იბრძოდა სამართლიანობისა და დემოკრატიის დასაცავად.   ეს არჩევნები იქნება კიდევ ერთი წყალგამყოფი სიმართლესა და სიყალბეს, პრინციპულობასა და უპრინციპობას, პროდასავლურობასა და ანტიდასავლურობას - „ქართულ ოცნებასა“ და ნაციონალურ მოძრაობას შორის.   სალომე ზურაბიშვილი იზიარებს იმ ღირებულებებს, რომელზეც დგას „ქართული ოცნება“, იზიარებს ჩვენი დღევანდელი განცხადების პათოსს და სწორედ ამიტომ დგას ის დღეს ჩვენთან ერთად.   ჩემო მეგობრებო !   მოგიწოდებთ, კიდევ ერთხელ უთხრათ უარი სიყალბეს, უპრინციპობას და ანტიდასავლურ ძალას და არჩევნებში მხარი დაუჭიროთ ქალბატონ სალომე ზურაბიშვილს.   ერთად საქართველოსთვის!" - კახა კალაძე

1 ოქტომბერს, 10.00 საათზე, პოლიტიკური გაერთიანება „ქართული ოცნება-დემოკრატიული საქართველოს“ ცენტრალურ ოფისში“ გაიმართება მმართველი გუნდის შეხვედრა.   2012 წლის 1 ოქტომბერს „ქართული ოცნების“ გამარჯვებიდან ექვსი წლისთავზე, გაკეთდება პოლიტიკური განცხადება.   შეხვედრას დაესწრებიან პარტიის თავმჯდომარე ბიძინა ივანიშვილი და პრეზიდენტობის დამოუკიდებელი კანდიდატი სალომე ზურაბიშვილი.

პოლიტიკური გაერთიანება „ქართული ოცნება-დემოკრატიული საქართველოს“ აღმასრულებელი მდივნის ირაკლი კობახიძის სახელით, ყალბი მისამართიდან ვრცელდება ცრუ ინფორმაცია ერთ-ერთი საპრეზიდენტო კანდიდატის მხარდაჭერის შესახებ.   „ქართული ოცნება - დემოკრატიული საქართველოს“ პრესსამსახური აცხადებს, რომ ეს არის დეზინფორმაცია და მოუწოდებს მედიასაშუალებებს ნუ შეუწყობენ ხელს ცრუ ინფორმაციის გავრცელებას.

„როგორც მოგეხსენებათ, ჩვენი სურვილია ევროპული ყაიდის საარჩევნო კამპანია, სადაც საარჩევნო სუბიექტები ამომრჩეველს ესაუბრებიან საკუთარ ხედვაზე, საკუთარ უპირატესობებზე. ამის ნაცვლად, ჩვენი ოპონენტები წარმართავენ ისეთ კამპანიას, რომელიც აგებულია იაფფასიან შავ პიარზე, დეზინფორმაციაზე, პიროვნულ შეურაცხყოფასა და პროვოკაციაზე. ამ ყველაფრის მიზანია დესტაბილიზაციის ხელოვნურად გამოწვევა, რასაც ჩვენ, ბუნებრივია, არ დავუშვებთ. განსაკუთრებით სამწუხაროა, რომ ასეთ ფონზე აირჩევა საქართველოს პრეზიდენტი, რომელიც უნდა გახდეს პოლიტიკურად ნეიტრალური თანამდებობის პირი და რომელიც არ უნდა ემსახურებოდეს არც ერთი პოლიტიკური პარტიის სუბიექტურ ინტერესებს. ამ ნამდვილად სამარცხვინო კამპანიის ერთ-ერთი მთავარი პლატფორმაა ნაციონალური მოძრაობის პარტიული მედია. ასევე, კიდევ ერთხელ მინდა ყურადღება გავამახვილო იმ პრობლემაზე, რომელიც დაკავშირებულია მხარდამჭერთა გაყალბებულ სიებთან, ესეც ნაცმოძრაობის სტილია. ისინი პატივს არ სცემენ არც საკუთარ ამომრჩეველს, არც სხვის ამომრჩეველს. მათ გაყალბებული საარჩევნო სიები წარადგინეს ცენტრალურ საარჩევნო კომისიაში, რაც სისხლის სამართლის დანაშაულია, ყველაფერთან ერთად. კიდევ ერთხელ გავიმეორებ, რომ ეს არის ნაცმოძრაობის სტილი, რომელიც ჩვენ განსაკუთრებულად კარგად გვახსოვს 2012 წლის არჩევნებიდან, ასევე, 2016 და 2017 წლების საარჩევნო კამპანიებიდან“,- განაცხადა პარლამენტის თავმჯდომარემ.   ირაკლი კობახიძემ ყურადღება გაამახვილა ფიქტიური ბლოკების პრობლემაზე.    „როგორც მოგეხსენებათ, რეგისტრირებულნი არიან ფიქტიური საარჩევნო სუბიექტები. ფიქტიური სუბიექტების წყალობით, „ნაციონალური მოძრაობა“ დამატებით დაფინანსებას იღებს საარჩევნო ადმინისტრაციიდან და, ასევე, ისინი დამატებით იღებენ უფასო საეთერო დროს, ეს არის მანიპულირება და ეს არის პრობლემა საარჩევნო თვალსაზრისით, რაზეც ყურადღება უნდა გავამახვილოთ“,- აღნიშნა პოლიტიკური გაერთიანება ,,ქართული ოცნება-დემოკრატიული საქართველოს“ აღმასრულებელმა  მდივანმა.    როგორც ირაკლი კობახიძემ განაცხადა, მმართველი გუნდის წარმომადგენლები  დღეს დილით დიპლომატიურ კორპუსსა და დამკვირვებლებს შეხვდნენ. მათ მიაწოდეს  დეტალური ინფორმაცია  აჭარაში „ნაციონალური მოძრაობის“ მიერ სალომე ზურაბიშვილის წინააღმდეგ დაგეგმილი პროვოკაციის შესახებ. ინფორმაციაში მითითებულია იმ ადამიანების  სახელები და გვარები, რომლებსაც უნდა მოეწყოთ ეს პროვოკაციები. მოგვიანებით, პროვოკაციები რეალურად სწორედ აღნიშნული პირების მიერ განხორციელდა.  „ქართული ოცნება“ უზრუნველყოფს  დიპლომატიური კორპუსისა და საარჩევნო დამკვირვებლების პერმანენტულ ინფორმირებას პროვოკაციების შესახებ, იმ ქმედებების შესახებ, რომლებიც არის ძალიან შორს ევროპული პრაქტიკისგან.    „კიდევ ერთხელ მინდა აღვნიშნო, „ქართული ოცნების“ მიერ მხარდაჭერილი კანდიდატი, საზოგადოების თანადგომით, პირველივე ტურში გაიმარჯვებს ამ საპრეზიდენტო არჩევნებში. რაც შეეხება „ნაციონალურ მოძრაობას“, ის კიდევ ერთხელ მიიღებს საკადრის პასუხს ქართველი ამომრჩევლისგან ყველა იმ დანაშაულისათვის, რომელიც ამ მარგინალურმა პარტიამ ჩაიდინა 9 წლის განმავლობაში, რუსეთისთვის ორი ისტორიული რეგიონის გადაცემის ჩათვლით. მოვუწოდებთ ყველა საარჩევნო სუბიექტს, თავი შეიკავონ პროვოკაციებისგან და წარმართონ ჯანსაღი, ევროპული ტიპის კამპანია“, - განაცხადა პარლამენტის თავმჯდომარემ.

ჩვენს ხელთ არსებული ინფორმაციით, 24 სექტემბერს, აჭარაში, დამოუკიდებელი საპრეზიდენტო კანდიდატის სალომე ზურაბიშვილის მხარდამჭერ შეხვედრებზე ნაციონალური მოძრაობის მხრიდან მოსალოდნელია პროვოკაციები.    ისევე, როგორც გასული წინასაარჩევნო კამპანიების პერიოდში, ნაციონალური მოძრაობა არც ამჯერად ცვლის მისთვის ჩვეულ მეთოდებს და კვლავაც ცდილობს წინასააჩევნო პროცესში პროვოკაციების გზით დაძაბულობის კერების შექმნას.    „ქართული ოცნება-დემოკრატიული საქართველო“ მოუწოდებს დამოუკიდებელი საპრეზიდენტო კანდიდატის სალომე ზურაბიშვილის მხარდამჭერებს, არ აყვნენ ნაციონალური მოძრაობის პროვოკაციებს და დესტაბილიზაციის ნებისმიერი მცდელობის შემთხვევაში შეინარჩუნონ სიმშვიდე.    ჩვენი პოლიტიკური გუნდის ურყევი ნებაა არაძალადობრივი და მშვიდობიანი გზით დემოკრატიული არჩევნების ჩატარება, რისთვისაც 2018 წლის საპრეზიდენტო არჩევნების მიმდინარეობას ადგილობრივთან ერთად სხვადასხვა ქვეყნიდან მოწვეული საერთაშორისო დამკვირვებლები დაესწრებიან.   წინასაარჩევნო კამპანიის პერიოდში ნებისმიერი პროვოკაციის შემთხვევაში, ინფორმაცია დაუყოვნებლივ მიეწოდება საერთაშორისო ორგანიზაციებს.

საქართველოს პარლამენტის თავმჯდომარის, ირაკლი კობახიძის განცხადებით, მომდევნო სასესიო კვირაში პარლამენტი განიხილავს მარიხუანასთან დაკავშირებული კანონპროექტის მხოლოდ იმ ნაწილს, რომელიც მოხმარებას შეეხება, ხოლო კულტივაცია - რეალიზაციას არა.   „როგორც მოგეხსენებათ საქართველოს პარლამენტში შემოსულია კანონპროექტების ორი პაკეტი, რომელიც შეეხება საქართველოში მარიხუანას მოხმარების რეგლამენტაციას და მცენარე კანაფის წარმოებას. ჩვენ მივიღეთ გადაწყვეტილება, ორ ნაწილად გავყოთ ამ საკითხების განხილვა. ჩვენ შსს-ს თხოვნით სასწრაფოდ დავიწყებთ იმ საკითხის განხილვას, რომელიც საქართველოში მარიხუანას მოხმარებას ეხება. ჩვენთვის მნიშვნელოვანია, რომ საზოგადოების განწყობის შესაბამისად ვიმოქმედოთ. საზოგადოება უნდა იყოს ინფორმირებული ასეთი მნიშვნელოვანის საკითხების მოწესრიგების შინაარსის თაობაზე. საზოგადოებისთვის ეს თემა ძალიან აქტუალურია, ისევე როგორც თითოეული ჩვენგანისთვის , რომ ეს საკითხები სწორად მოწესრიგდეს“ - განაცხადა პარლამენტის თავმჯდომარემ.   მისი თქმით, საკონსტიტუციო სასამართლოს გადაწყვეტილებიდან გამომდინარე დარჩენილია ვაკუუმი, რომელიც სასწრაფოდ უნდა შეივსოს. შესაბამისად, მომავალ სასესიო კვირიდან დაიწყება იმ კანონპროექტების პაკეტის განხილვა,რომელიც შეეხება საქართველოში მარიხუანას მოხმარების რეგლამენტაციას.   „საუბარია მკაცრ რეგლამენტაციაზე და ამის თაობაზე სათანადოდ იქნება ინფორმირებული საზოგადოება. რაც შეეხება მეორე ნაწილს, მეორე პაკეტს, რომელიც დაკავშირებულია მცენარე კანაფის კულტივაციასთან და რეალიზაციასთან, აქ არ გვეჩქარება. მთავარია, საზოგადოება იყოს სათანადოდ ინფორმირებული“ - განაცხადა ირაკლი კობახიძემ   მისი თქმით, დღეს საზოგადოებას ინფორმაცია იმაზეც კი არ აქვს, რომ ეს კანონპროექტი არ ითვალისწინებს ნარკოტიკების წარმოებას და რეალიზაციას. მისივე თქმით, ოპონენტების მხრიდან ხდება სპეკულაციები და საზოგადოებას არასწორი ინფორმაცია მიეწოდება, რაც ძალიან სამწუხაროა.   „დარწმუნებული ვართ, საბოლოოდ ისეთ გადაწყვეტილებას მივიღებთ, რომელიც სრულიად მისაღები იქნება ინფორმირებული საზოგადოებისთვის“ - აცხადებს პარლამენტის თავმჯდომარე.   რაც შეეხება საპატრიარქოს პოზიციას, ირაკლი კობახიძის თქმით, ეკლესია საზოგადოების მნიშვნელოვანი ნაწილია, საპატრიარქოს წარმომადგენლებთან შეხვედრები იყო და კონსულტაციები აუცილებლად გაგრძელდება, რის შემდეგაც მიიღება საბოლოო გადაწყვეტილება. მისივე თქმით, საარჩევნო პერიოდში ოპონენტების მხრიდან ხდება არასწორი ინფორმაციის მიწოდება, რაც მათ ინტერესებშია.   „ჩვენ არავითარ შემთხვევაში არ მივიღებთ ნაჩქარევ გადაწყვეტილებებს. გვეჩქარება მხოლოდ პირველ ნაწილში რომელიც დაკავშირებულია მარიხუანას მოხმარებასთან. იმიტომ რომ ვაკუუმია შესავსები, რომელიც დაგვიტოვა საკონსტიტუციო სასამართლოს გადაწყვეტილებამ. რაც შეეხება ზოგადად ერთიან ინიცირებას, ეს თავისთავად იყო ლოგიკური, ერთ თემას ეხება მაინც საქმე. თუმცა აშკარად ჩანს, რომ ამ მეორე ნაწილში, კერძოდ, მცენარე კანაფის წარმოების საკითხში,საზოგადოებას არ აქვს საკმარისი ინფორმაცია. ვრცელდება არასწორი ინფორმაციები, ვხედავთ სპეკულაციებს, აქედან გამომდინარე, განსაკუთრებული აქცენტი უნდა გავაკეთოთ საზოგადოების ინფორმირებაზე და საზოგადოებასთან ერთად უნდა მივიღოთ საბოლოოდ გადაწყვეტილება, იმასთან დაკავშირებით თუ როგორ უნდა მოწესრიგდეს ეს სფერო. საზოგადოებაში ვგულისხმობ საქართველოს მოსახლეობას და ყველა იმ დაინტერესებულ მხარეს, რომელიც დისკუსიაშია ჩართული, მათ შორის საპატრიარქოსაც. მთავარი არის ის, რომ ქვეყნისთვის საზიანო გადაწყვეტილება არ მივიღოთ -ეს ერთი და მეორე - მივიღოთ ქვეყნისთვის უფრო მეტად სასარგებლო გადაწყვეტილება. რაც შეეხება საზიანო მხარეს, აქ გვინდა საზოგადოების ინფორმირება იმასთან დაკავშირებით, რომ საუბარი არავითარ შემთხვევაში არ არის ნარკოტიკების წარმოებასა და რეალიზებაზე. ეს არის საზოგადოებისთვის მთავარი. მათ სხვა რამე ჰგონიათ და სხვა რამეზეა კანონპროექტში საუბარი. თქვენ თუ ჩართავთ ზოგიერთ ტელეარხს იქ გაიგებთ ინფორმაციას იმასთან დაკავშირებით, რომ თითქოს საუბარია კანონპროექტში ნარკოტიკების წარმოება-რეალიზებაზე, რაც არის ტყუილი.   რაც შეეხება სარგებელს საზოგადოებისათვის, არის კონკრეტული ეკონომიკური გათვლები, რომელიც არ არის ნარკოტიკებთან დაკავშირებული. დაკავშირებულია მცენარე კანაფთან და მის სამედიცინო თვისებებთან და კოსმეტიკური მიმართულებით გამოყენებასთან. ეკონომიკური ეფექტი იძლევა იმის თქმის საშუალებას, რომ ამ კანონპროექტის მიღება ნამდვილად შეიძლება იყოს სასარგებლო ჩვენი ქვეყნისთვის და ჩვენი საზოგადოებისათვის. ამიტომ ყველაფერს ავწონ-დავწონით, მოვახდენთ საზოგადოების ინფორმირებას და საბოლოო ჯამში მივიღებთ ისეთ გადაწყვეტილებას, რომელიც არ იქნება საზიანო საზოგადოებისთვის, სახელმწიფოსთვის და რომელიც იქნება პირიქით სასარგებლო ჩვენი სახელმწიფოსთვის“ - განაცხადა ირაკლი კობახიძემ.   მისი თქმით, „არავითარ შემთხვევაში არ არის აქ საუბარი იმაზე რომ რაღაც უნდა დათმოს ეკლესიამ. „დათმობაზე შეიძლება იყოს საუბარი იმ შემთხვევაში, თუ ჩვენ ვიღებთ გადაწყვეტილებას ნარკოტიკების წარმოება-რეალიზაციაზე. ამ გადაწყვეტილებას პარლამენტი არც ერთ შემთხვევაში არ მიიღებს და ამაზე არ არის საუბარი კანონპროექტში. აქედან გამომდინარე საპატრიარქოს არ მოუწევს არაფრის დათმობა” - განცხადა ირაკლი კობახიძემ.   ჟურნალისტების კითხვაზე, პაკეტის ორად გაყოფა ნიშნავს თუ არა დათმობას, იმ ფონზე, რა ვნებათაღელვაც წამოვიდა, ირაკლი კობახიძემ განაცხადა:   „გნებავთ, ამას დათმობა უწოდეთ, დათმობაც არის დემოკრატიული პროცესის შემადგენელი ნაწილი. ჩვენთვის ამოსავალი წერტილი არის არა ის, თუ კონკრეტულ სპეკულაციებში ვინ გამოჩნდება უფრო გამარჯვებული, არამედ, ჩვენთვის მთავარია, რომ საზოგადოებასთან მაქსიმალურად ფართო კონსულტაციები გვქონდეს. ჩვენთვის მთავარია საზოგადოების ინფორმირება და ისეთი გადაწყვეტილების მიღება, რაც ინფორმირებული საზოგადოებისთვის მისაღები იქნება. ამ პრინციპით ვიხელმძღვანელებთ“.

ბოლო პერიოდში ზუგდიდის მუნიციპალიტეტის ხელმძღვანელ, მათ შორის არჩეულ პირთა მიმართ გაჩნდა გარკვეული კითხვები დანაშაულის შესაძლო ჩადენასთან დაკავშირებით,  რომელიც პასუხგაუცემელი არ უნდა დარჩეს.   შესაბამისად, საქმეზე დაწყებული იყო გამოძიება.   სწორედ ამ ვითარების გათვალისწინებით  დატოვეს დაკავებული თანამდებობები  ზუგდიდის მუნიციპალიტეტის მერმა ლაშა გოგიამ და მისმა მოადგილემ გია გულორდავამ.   გამოძიება ყველა კითხვას გასცემს პასუხს და შედეგებიდან გამომდინარე, მიღებული იქნება შესაბამისი კანონისმიერი გადაწყვეტილებები.   „ქართულმა ოცნებამ” არაერთხელ, საქმით დაამტკიცა, რომ მისი ხელისუფლებაში ყოფნის პირობებში, ხელშეუხებელი პირები არ არსებობენ და ვერც იარსებებენ, რომ კანონის წინაშე ყველა თანასწორია.

პარტია „ქართული ოცნება-დემოკრატიული საქართველოს“ ცენტრალურ ოფისში საპარლამენტო უმრავლესობის სხდომა გაიმართა.    სხდომაზე საქართველოს პარლამენტის  დღის წესრიგსა და მომდევნო სასესიო კვირაში, პლენარული სხდომების ფორმატში განსახილველ საკითხებზე იმსჯელეს.   უმრავლესობასთან შეხვედრას პარტია „ქართული ოცნება- დემოკრატიული საქართველოს“ თავმჯდომარე ბიძინა ივანიშვილი დაესწრო.

პოლიტიკური გაერთიანება „ქართული ოცნება - დემოკრატიული საქართველოს“ ცენტრალურ ოფისში პოლიტსაბჭოს სხდომა გაიმართა, სადაც საპრეზიდენტო არჩევნებში დამოუკიდებელი კანდიდატის მხარდაჭერის თემაზე იმსჯელეს და გადაწყვეტილება მიიღეს, რომ მხარს სალომე ზურაბიშვილს დაუჭერენ.სხდომას პარტიის თავმჯდომარე ბიძინა ივანიშვილი, გენერალური მდივანი კახი კალაძე, აღმასრულებელი მდივანი ირაკლი კობახიძე და პოლიტსაბჭოს წევრები ესწრებოდნენ.   პოლიტიკური საბჭოს შემდგომ, გაიმართა ირაკლი კობახიძის ბრიფინგი:   „მოგეხსენებათ,დღეს გაიმართა პარტიის პოლიტიკური საბჭოს სხდომა, სადაც განვიხილეთ საპრეზიდენტო არჩევნებში “ქართული ოცნების“ მონაწილეობის საკითხი.   უპირველეს ყოვლისა, გვინდა აღვნიშნოთ, რომ „ქართული ოცნება“ იცავს პირობას და საპრეზიდენტო არჩევნებში არ წარადგენს თავის კანდიდატს.   შეგახსენებთ ამ გადაწყვეტილების მიზეზებს:    - საქართველო არის საპარლამენტო რესპუბლიკა, სადაც პოლიტიკური ძალაუფლება თავს იყრის პარლამენტსა და მთავრობაში, ხოლო პრეზიდენტი აღჭურვილია არსებითად წარმომადგენლობითი უფლებამოსილებებით. ამ სისტემაში, პრეზიდენტი უნდა იყოს ზეპარტიული და მიუკერძოებელი თანამდებობის პირი და ის არ უნდა წარმოადგენდეს არც მმართველი პარტიის და არც ოპოზიციის ინტერესებს, არამედ ის უნდა იყოს ხალხის ინტერესების ობიექტური დამცველი.   - საპრეზიდენტო არჩევნების შემდეგ, უნდა დამკვიდრდეს პრეზიდენტის ინსტიტუტის ფუნქციონირების ახალი, ევროპული საპარლამენტო რესპუბლიკებისთვის დამახასიათებელი ტრადიცია, რასაც ჩვენს მიერ პარტიული კანდიდატის წამოყენება უდაოდ ხელს შეუშლიდა.   მიუხედავად იმისა, რომ გუნდში არა ერთი ღირსეული ლიდერი გვყავს,რომელსაც საპრეზიდენტო არჩევნებში დამაჯერებლად გამარჯვება შეეძლო, მიგვაჩნია, რომ პოლიტიკურ ცხოვრებაში მაქსიმალური პლურალიზმის უზრუნველსაყოფად, ქვეყნის ინტერესებიდან გამომდინარე, პრეზიდენტის თანამდებობა დამოუკიდებელ კანდიდატს უნდა დავუთმოთ.   როგორც მოგეხსენებათ, გუშინ ამოიწურა საპრეზიდენტო კანდიდატების დასახელების ვადა, რამაც მოგვცა საშუალება არჩევანი გაგვეკეთებინა წარდგენილ კანდიდატებს შორის.   პარტიის პოლიტიკური საბჭოს მიერ მიღებულ იქნა გადაწყვეტილება, მხარი დავუჭიროთ ქალბატონი სალომე ზურაბიშვილის კანდიდატურას:   - ქალბატონი სალომე ზურაბიშვილი არის გამორჩეული ქართული ოჯახის წარმომადგენელი, ნიკო ნიკოლაძისა და ივანე ზურაბიშვილის შთამომავალი;   - მას აქვს გამორჩეული დიპლომატიური გამოცდილება;   - საქართველოში, საგარეო საქმეთა მინისტრის პოსტზე მოღვაწეობის პერიოდში, მის სახელს უკავშირდება საქართველოდან რუსეთის სამხედრო ბაზების გაყვანა;   - რამდენიმეწლიანი ოპოზიციური მოღვაწეობის პერიოდში, ის თავგამოდებით იბრძოდა სააკაშვილის რეჟიმის წინააღმდეგ სამართლიანობის დასაცავად;   - ბოლოს, ის იყო საქართველოს პარლამენტის ღირსეული წევრი და ყოველთვის გამოხატავდა თავის პრინციპულ დამოკიდებულებას ქვეყნისთვის მნიშვნელოვან საკითხებთან დაკავშირებით.   ქალბატონ სალომე ზურაბიშვილს ზურგს უმაგრებს დიდი პოლიტიკური  გამოცდილება, ასევე დიპლომატიური გამოცდილება და მას შეუძლია გახდეს საქართველოს ისტორიაში პირველი ზეპარტიული პრეზიდენტი.   ვფიქრობთ, რომ ქალბატონ სალომე ზურაბიშვილს შეუძლია დაამკვიდროს ახალი ტრადიცია ჩვენს კონსტიტუციურ სისტემაში, მას შეუძლია პრეზიდენტის უფლებამოსილებები განახორციელოს არა პოლიტიკური პარტიის ან რომელიმე პოლიტიკური ჯგუფის, არამედ ქვეყნისა და საზოგადოების ინტერესებზე დაყრდნობით.   ქართულ საზოგადოებას მოვუწოდებთ, საქართველოს პრეზიდენტის პოსტზე მხარი დაუჭიროს ქალბატონი სალომე ზურაბიშვილის კანდიდატურას".