08 ნოემბერი, 2017

კახა კალაძე: მჯერა, რომ მოსახლეობის მხარდაჭერით, ოზურგეთში „ქართული ოცნების“ კანდიდატი გაიმარჯვებს

პარტია „ქართული ოცნება - დემოკრატიული საქართველოს“ ლიდერები ოზურგეთის მერობის კანდიდატის ბეგლარ სიორიძის მხარდასაჭერად, ოზურგეთის მუნიციპალიტეტის სოფელ ძიმითში იმყოფებოდნენ, სადაც ადგილობრივ ამომრჩეველთან შეხვედრა გამართეს.   შეხვედრა ძიმითის კულტურის სახლში გაიმართა, რომელსაც პარტიის გენერალური მდივანი კახა კალაძე, აღმასრულებელი მდივანი ირაკლი კობახიძე და გურიის რეგიონის გუბერნატორი მერაბ ჭანუყვაძე ესწრებოდნენ.   როგორც კალაძემ შეხვედრაზე აღნიშნა, 12 ნოემბერს ოზურგეთში ადგილობრივი თვითმმართველობის არჩევნების მეორე ტური იმართება, რაც ქვეყანაში დემოკრატიული პროცესების ნაწილია.   „მჯერა, რომ თქვენი თანადგომითა და მხარდაჭერით, „ქართული ოცნება - დემოკრატიული საქართველოს“ მიერ წარმოდგენილი კანდიდატი გაიმარჯვებს. ვიცით, რომ ქვეყანაში პრობლემები ჯერ კიდევ არსებობს, რომელთაც დღეს არსებული პოლიტიკური სიტუაციიდან გამომდინარე, ხელისუფლებაში მყოფი გუნდი მოაგვარებს“, - მიმართა კალაძემ ადგილობრივ მოსახლეობას.   „ქართული ოცნების“ გენერალურმა მდივანმა ბეგლარ სიორიძეს წარმატება უსურვა და ადგილობრივ ამომრჩეველს მმართველი გუნდის მხარდაჭერისკენ მოუწოდა.   „ვინც არ უნდა იყოს და რა სიცრუეზეც არ უნდა ააგოს საკუთარი საარჩევნო კამპანია, არავის არაფერი გამოუვა. დღეს ქვეყანაში არ ბნელა და ყველა ყველაფერს ძალიან კარგად ხედავს. მჯერა, რომ სწორ გადაწყვეტილებას მიიღებთ, რომელიც მმართველი გუნდისა და ბეგლარ სიორიძის სასარგებლო იქნება“, - განაცხადა კახა კალაძემ.     ძიმითის კულტურის სახლში შეკრებილ მოსახლეობას სიტყვით თავად მერობის კანდიდატმაც მიმართა და მომავალი ოთხი წლის განმავლობაში, ოზურგეთის მუნიციპალიტეტის მასშტაბით დაგეგმილ ინფრასტრუქტურულ პროექტებზე ისაუბრა.     „გპირდებით, რომ ჩვენს მუნიციპალიტეტში, თქვენთან ერთად, ძალიან ბევრ საინტერესო პროექტს განვახორცილებთ. მომდევნო ოთხი წლის განმავლობაში, თანაგუნდელებთან ერთად, მუხლჩაუხრელად ვიშრომებ იმისთვის, რომ ყველა ის პრობლემა მოვაგაროთ, რომელიც მუნიციპალიტეტის სოფლებში მცხოვრებ მოსახლეობას აწუხებს. მჯერა, რომ ერთად ძალიან ბევრ საინტერესო პროექტს განვახორციელებთ“, - აღნიშნა ბეგლარ სიორიძემ, მოსახლეობას მხარდაჭერისთვის მადლობა გადაუხადა და არჩევნებში მონაწილეობისკენ მოუწოდა. 

08 ნოემბერი, 2017

„ქართული ოცნების“ ლიდერებმა ოზურგეთის მერობის კანდიდატს არჩევნების მეორე ტურში მხარდაჭერა გამოუცხადეს

პარლამენტის თავმჯდომარემ, „ქართული ოცნება - დემოკრატიული საქართველოს“ აღმასრულებელმა ლიდერმა ირაკლი კობახიძემ და პარტიის გენერალურმა მდივანმა კახა კალაძემ, ოზურგეთის მერობის კანდიდატს, ბეგი სიორიძეს ადგილობრივი თვითმმართველობის არჩევნების მეორე ტურში მხარდაჭერა გამოუცხადეს.     ირაკლი კობახიძე და კახა კალაძე ოზურგეთში მერობის კანდიდატის მხარდამჭერ შეხვედრაზე ჩავიდნენ, რომელსაც გურიის გუბერნატორი მერაბ ჭანუყვაძე და პარლამენტის წევრები ესწრებოდნენ.   პარტიის ლიდერებმა ამომრჩეველს სიტყვით მიმართეს და ბეგი სიორიძეს არჩევნებში წარმატება უსურვეს.   კახა კალაძეს განცხადებით, ის, რომ რამდენიმე მუნიციპალიტეტში არჩევნების მეორე ტური ჩატარდება, ეს დემოკრატიის ნაწილია და ამ მიმართულებით მმართველი გუნდის მხრიდან მნიშვნელოვანი ნაბიჯები გადაიდგა.   „ყველას გვახსოვს 2012 წლამდე რა მდგომარეობა იყო ქვეყანაში, როგორი დამოკიდებულება და ზეწოლა იყო განსხვავებული აზრისა და პოლიტიკური შეხედულებების მქონე ადამიანების მიმართ, საბედნიეროდ, ეს ჩვენი ერთსულოვნებით წარსულს ჩავაბარეთ და დღეს უნდა ვისაუბროთ არა წარსულზე, არამედ მომავალზე, თუ როგორი იქნება ჩვენი ხვალინდელი დღე, რას გავაკეთებთ ჩვენი მომავალი თაობისთვის“, - განაცხადა კალაძემ.   როგორც პარტიის გენერალური მდივანმა აღნიშნა, 2014 წლის შემდეგ, რაც ოზურგეთელმა ამომრჩეველმა მხარი დაუჭირა ბეგი სიორიძეს და პარტია „ქართულ ოცნებას“, ამ ქალაქში ბევრი მნიშვნელოვანი პროექტი განხორციელდა, თუმცა ეს საკმარისი არ არის.   მისივე თქმით,  უამრავი პრობლემა და სერიოზული გამოწვევებია როგორც ოზორგეთში, ასევე მთელ საქართველოში, მაგრამ ერთადერთი პოლიტიკური ძალა, რომელსაც აქვს უნარი ამ პრობლემებს შეეჭიდოს და გაუმკლავდეს, ეს „ქართული ოცნებაა“.   „ჩვენ წარმოდგენილი გვყავს კანდიდატი, რომელიც სამი წლის განმავლობაში იყო ამ ქალაქის ხელმძღვანელი. დარწმუნებული ვარ, თქვენი მხარდაჭერითა და თანადგომით ის 12 ნოემბერს აუცილებლად გაიმარჯვებს. ჩვენ არავითარ შემთხვევაში არ დაგიწყებთ მითითებას, რა უნდა გააკეთოთ და როგორი გადაწყვეტილება უნდა მიიღოთ, თქვენ ზრდასრული ადამიანები ბრძანდებით და გურულები პოლიტიკაში ერთ-ერთი საუკეთესოები ხართ, შესაბამისად, დარწმუნებული ვარ, რომ სწორ გაადაწყვეტილებას მიიღებთ“, - განაცხადა კახა კალაძემ.   პარტიის აღმასრულებელი მდივნის, ირაკლი კობახიძის განცხადებით, მმართველი გუნდისთვის ერთ-ერთი მთავარი ამოცანა ადგილობრივი თვითმმართველობის გაძლიერებაა და ამისათვის ყველაფერი გაკეთდება მომდევნო წლების განმავლობაში.   „ბეგი სიორიძე იყო ოზურგეთის ღირსეული მერი და დარწმუნებული ვარ, რომ ის ასეთი შემართებით გააგრძელებს საქმიანობას ოზურგეთის განვითარებისთვის მომდევნო ოთხი წელი. მე დარწმუნებული ვარ, რომ ოზურგეთელი ამომრჩეველი 12 ნოემბერს კიდევ ერთხელ გამოუცხადებს მას ნდობას“, - აღნიშნა კობახიძემ.   საკუთარ ამომრჩეველს სიტყვით მიმართა ბეგი სიორიძემაც და მხარდამჭერისთვის მადლობა კიდევ ერთხელ გადაუხადა.   „დღეს ჩემს მხარდასაჭერად ჩვენი ხელისუფლების პირველი პირები ჩამოვიდნენ ოზურგეთში. ყველა ის დაპირება, რომელიც მე თქვენ დაგპირდით, სწორედ ამ ადამიანების მხარდაჭერითა და თანადგომით დაგპირდით და დარწმუნებულები იყავით, რომ კიდევ ბევრი საინტერესო პროექტი განხორციელდება ჩვენს მუნიციპალიტეტში“, - მიმართა ამომრჩეველს სიორიძემ.   მერობის კანდიდატის თქმით, მომდევნო ოთხ წელიწადში ოზურგეთი გახდება ყველასთვის საამაყო ქალაქი და ამ დროში დასრულდება ყველა ის მიმდინარე თუ დაგეგმილი პროექტი, რომელიც თითოეული ოზურგეთელის კეთილდღეობაზე უნდა აისახოს.

08 ნოემბერი, 2017

პარტიის ლიდერები მერობის კანდიდატის მხარდამჭერ შეხვედრაზე, ქუთაისის შემდეგ, მარტვილში ჩავიდნენ

პარტია „ქართული ოცნება - დემოკრატიული საქართველოს“ აღმასრულებელი და გენერალური მდივნები, ირაკლი კობახიძე და კახა კალაძე ადგილობრივი თვითმმართველობის არჩევნების მეორე ტურში მერობის კანდიდატის მხარდასაჭერ შეხვედრაზე ქუთაისის შემდეგ მარტვილში ჩავიდნენ.    ალექსანდრე გრიგალავას მხარდამჭერი შეხვედრა მარტვილის მუნიციპალიტეტის კულტურისა და ახალგაზრდობის განვითარების ცენტრში გაიმართა, რომელსაც სამეგრელო-ზემო სვანეთის გუბერნატორი, ლევან შონია და პარლამენტის წევრები ესწრებოდნენ.    „დარწმუნებული ვარ, რომ არჩევნების მეორე ტურში მარტვილი სწორ გადაწყვეტილებას მიიღებს და მხარს დაუჭერს ქვეყნის განვითარებას და აღმშენებლობას, რასაც სათავეში ჩაუდგება კომპეტენტური, პროფესიონალი და პატიოსანი ადამიანებისგან დაკომპლექტებული გუნდი ალექსანდრე გრიგალავას ხელმძღვანელობით“, - განაცხადა კახა კალაძემ შეხვედრაზე და მერობის კანდიდატს სრული მხარდაჭერა გამოუცხადა.   კალაძის თქმით, იმისთვის, რომ ქვეყნის ეკონომიკა იყოს ძლიერი, მნიშვნელოვანია ძლიერი რეგიონები და სოფლები, შესაბამისად, ადგილობრივი თვითმმართველობის არჩევნებს აქვს განსაკუთრებული მნიშვნელობა, რომ არჩეული იყოს ადამიანი, ვინც თავის გუნდთან ერთად, მომდევნო წლების განმავლობაში, თავის მუნიციპალიტეტს ღირსეულად მოემსახურება.   გენერალურმა მდივანმა დღეს არსებულ საარჩევნო გარემოზეც ისაუბრა და პროცესები დადებითად შეაფასა. „ნამდვილად მსიამოვნებს არსებული საარჩევნო გარემო. თუ გადავხედავთ საერთაშორისო სადამკვირვებლო ორგანიზაციების შეფასებებს, კარგად დავინახავთ თუ რამხელა სხვაობაა 2012 წლამდე და 2012 წლის შემდეგ, „ქართული ოცნება“ ხელისუფლებაში მოსვლიდან. მეამაყება, რომ დღეს ყველა პოლიტიკურ პარტიას აქვს შესაძლებლობა, საარჩევნო კამპანია თავისუფალ გარემოში აწარმოოს“, - აღნიშნა კახა კალაძემ.    ირაკლი კობახიძის განცხადებით, მმართველ გუნდს ადგილობრივი თვითმმართველობების გაძლიერებისთვის კონკრეტული გეგმები აქვს, რაც თითოეულ რეგიონზე დადებითად აისახება. „ამ კუთხით ძალიან ბევრი რეფორმა გატარდება, რომელიც თითოეულ რეგიონზე და მათ შორის, მარტვილზე დადებითად აისახება. მინდა ალექსანდრე გრიგალავას წარმატება ვუსურვო. მან გასული ოთხი წლის განმავლობაში, მარტვილისთვის ძალიან ბევრი რამ გააკეთა. ახლა მოსახლეობის მხრიდან ძალიან მაღალი მხარდაჭერაა საჭირო იმისთვის, რომ ალექსანდრე გრიგალავა ახალ თანამდებობას განახლებული ენერგიით შეუდგეს და მარტვილის განვითარებაზე იზრუნოს“, - მიმართა პარტიის აღმასრულებელ მდივანმა მარტვილელ ამომრჩეველს.    ამომრჩეველს სიტყვით ასევე მიმართა მარტვილის მუნიციპალიტეტის მერობის კანდიდატმა და მათ მხარდაჭერისთვის მადლობა გადაუხადა. ალექსანდრე გრიგალავამ თანადგომისთვის მადლობა მმართველ გუნდსაც გადაუხადა და აღნიშნა, რომ არჩევნების მეორე ტურში გამარჯვებას აუცილებლად მოიპოვებს.    ადგილობრივი თვითმმართველობის არჩევნების მეორე ტური 12 ნოემბერს გაიმართება.

08 ნოემბერი, 2017

ქუთაისში გიორგი ჭიღვარიას მხარდამჭერ შეხვედრაზე პარტიის ლიდერები ჩავიდნენ

პარტია „ქართული ოცნება - დემოკრატიული საქართველოს“ აღმასრულებელი და გენერალური მდივნები, ირაკლი კობახიძე და კახა კალაძე ქუთაისში იმყოფებოდნენ, სადაც ადგილობრივი თვითმმართველობის არჩევნების მეორე ტურში მერობის კანდიდატის, გიორგი ჭიღვარიას მხარდამჭერი შეხვედრა გაიმართა.   შეხვედრას, რომელიც ქუთაისის ლადო მესხიშვილის სახელობის სახელმწიფო დრამატულ თეატრში მოეწყო, იმერეთის გუბერნატორი გივი ჭიჭინაძე და პარლამენტის წევრები ესწრებოდნენ.   პარტიის ლიდერებმა ამომრჩეველს სიტყვით მიმართეს და მერობის კანდიდატს არჩევნების მეორე ტურში წარმატებების უსურვეს.   „დღევანდელი შეხვედრის მიზანი არჩევნების მეორე ტურია, რომელიც ქუთაისში გაიმართება. ქალაქში ბევრი კარგი საქმე გაკეთდა და ბევრი კარგი პროექტი განხორციელდა, თუმცა არ იფიქროთ, რომ ჩვენ თვითკმაყოფილები ვართ. კარგად გვესმის ყველა ის პრობლემა, რომელიც ქვეყანაშია და რომელიც ქუთაისს აწუხებს. შესაბამისად, მომდევნო ოთხი წელი ძალიან მნიშვნელოვანი იქნება, რომ ჩვენ იმ პრობლემების მოგვარება შევძლოთ, რომელიც ქუთაისელებისთვის აქტუალურია“, - განაცხადა კახა კალაძემ.   მისივე თქმით, ქუთაისის მერობის კანდიდატი კარგი თანამებრძოლია, რომელსაც ადგილობრივი თვითმმართველობის არჩევნებში თითოეული ქუთაისელის თანადგომა სჭირდება.   ირაკლი კობახიძის თქმით, თითოეული მხარდამჭერის გვერდში დგომა იყო აუცილებელი იმისთვის, რომ მიზნები, რომელიც დაისახა „ქართულმა ოცნებამ“ განხორციელებულიყო.   როგორც პარტიის აღმასრულებელმა მდივანმა შეხვედრაზე აღნიშნა, სწორედ ამ მხარდაჭერის შედეგია ის, რომ მმართველმა გუნდმა ჩაატარა ძალიან რთული საპარლამენტო არჩევნები და მოახერხა მაღალი შედეგის მიღწევა, ასევე ჩატარდა ადგილობრივი თვითმმართველობის არჩევნები, სადაც მოსახლეობის 56%-მა „ქართულ ოცნებას“ დაუჭირა მხარი.   „მიხარია, რომ განახლების პროცესი მიმდინარეობს, ძალიან მნიშვნელოვანია, რომ ქუთაისი ახალი ენერგიით შეუდგება განვითარების ახალ ეტაპს და ამ პროცესს სათავეში ჩაუდგება გიორგი ჭიღვარია, რომელიც არის გამორჩეული ადამიანი თავისი პატიოსნებით, საქმისადმი დამოკიდებულებით და გამოცდილებით“, - განაცხადა კობახიძემ.   ამომრჩეველს სიტყვით ასევე მიმართა გიორგი ჭიღვარიამ. მერობის კანდიდატმა მხარდამჭერებს თანადგომისთვის მადლობა გადაუხადა და ადგილობრივი თვითმმართველობის არჩევნების მეორე ტურში აქტიურობისკენ მოუწოდა.   „დღეს გვაქვს საშუალება, რომ არჩევნები თანაბარ და კონკურენტუნარიან გარემოში ჩავატაროთ. მინდა თითოეულ თქვენგანს მადლობა გადავუხადო იმ ბრძოლისთვის, რაც გადავიტანეთ. წინ კიდევ ერთი ბრძოლა დაგვრჩა, რომელშიც თქვენი თანადგომა გვჭირდება. მომდევნო ოთხი წლის განმავლობაში, ბევრი რამ გვაქვს დაგეგმილი, რომელიც ყველამ ერთად უნდა განვახორციელოთ“, - განაცხადა ჭიღვარიამ შეხვედრაზე.

01 ნოემბერი, 2017

კახა კალაძე KfW-ის წარმომადგენლობას შეხვდა

თბილისის მერობის გამარჯვებული კანდიდატი კახა კალაძე,  საარჩევნო შტაბში, გერმანიის განვითარების ბანკის (KfW) სამხრეთ კავკასიის რეგიონული ოფისის დირექტორს, კლაუს ვეიგელს და ბანკის წარმომადგენლებს შეხვდა.   შეხვედრაზე კალაძემ ბანკის რეგიონული ოფისის ხელმძღვანელობას თბილისში დაგეგმილი ის პროექტები გააცნო, რომელთა განხორციელებას მომდევნო წლების განმავლობაში გეგმავს.  KfW-ის წარმომადგენლები რამდენიმე მიმართულებით დაინტერესდნენ და ფინანსური დახმარებისთვის მზადყოფნა გამოთქვეს.   როგორც მერობის კანდიდატმა შეხვედრის დასრულების შემდეგ ჟურნალისტებს განუცხადა, მათი სურვილია მონაწილეობა მიიღონ საზოგადოებრივი ტრანსპორტის განახლებასა და ქალაქისთვის ენერგოეფექტურობის გაზრდის მიმართულებით პროექტების დაფინანსებაში.   „როდესაც ენერგეტიკის სამინისტროს ვხელმძღვანელობდი, ჩვენმა გუნდმა განახორციელა ძალიან მნიშვნელოვანი პროექტი - თითოეულ ჩვენთაგანს შესაძლებლობა აქვს დააყენოს მზის ენერგიის პანელები ან ქარის მცირე სიმძლავრის სადგური. შედეგად, გამოიმუშავოს ელექტროენერგია, რომელსაც თავად მოიხმარს, ზედმეტ ენერგიას კი  სადისტრიბუციო კომპანიას მიჰყიდის“, - აღნიშნა კალაძემ და განმარტა, რომ ბანკის წარმომადგენლებმა ამ მიმართულებითაც გამოთქვეს მხარდაჭერა, რათა ქალაქში მსგავსი პროექტების განხორციელება შესაძლებელი გახდეს.   რაც შეეხება საზოგადოებრივ ტრანსპორტს, მერობის კანდიდატის თქმით, ბანკი მზად არის გამოყოს თანხები, როგორც ავტობუსების განახლებისთვის, ასევე, მეტროს რეაბილიტაციისთვის.   „კონკრეტულ პროექტებზე კონკრეტული გადაწყვეტილებები კი ფინანსთა სამინისტროსთან ერთად კონსულტაციების გავლის შემდეგ იქნება მიღებული“, - განაცხადა კალაძემ.

31 ოქტომბერი, 2017

კახა კალაძემ პროფესიული განათლების საერთაშორისო კონფერენციაში მიიღო მონაწილეობა

„პროფესიული განათლება არის უნიკალური შესაძლებლობა, დაიწყოთ დამოუკიდებელი, თანამედროვე ქვეყნის შესაბამისი, დაფასებული მოქალაქის ცხოვრება”, - ამის შესახებ თბილისის მერობის გამარჯვებულმა კანდიდატმა კახა კალაძემ, დღეს, სასტუმრო „ბილტმორში“, პროფესიული განათლების საერთაშორისო კონფერენციაზე სიტყვით გამოსვლისას განაცხადა.   კონფერენცია საქართველოსა და აშშ-ის ათასწლეულის გამოწვევის კორპორაციის პროექტის - „პროფესიული განათლება ეკონომიკის განვითარებისთვის“ ფარგლებში მოეწყო, სადაც მონაწილეობა მიიღეს აღმასრულებელი და საკანონმდებლო ხელისუფლებისა და პროფესიული განათლების სფეროს წარმომადგენლებმა.   ღონისძიებაზე გაიმართა პროფესიული განათლების ახალი პროგრამების გამოფენა - „პროფესიები მომავლისთვის“. წარმოდგენილი იყო 40-მდე ახალი პროფესიული პროგრამა ავიაციის, საზღვაოს, ტურიზმის, სოფლის მეურნეობის, ინჟინერიის, მშენებლობის, საინფორმაციო ტექნოლოგიებისა და მრეწველობის სფეროების მიმართულებით.   მერობის კანდიდატმა პროფესიული განათლების ხარისხის გაძლიერების პროექტის მნიშვნელობაზე ისაუბრა და აღნიშნა, რომ პროფესიული განათლების პროგრამები, რომელთა განხორციელებაც დღეიდან დაიწყება, სრულად პასუხობს საქართველოს ეკონომიკის გაძლიერებისთვის საჭირო კვალიფიკაციისა და ცოდნის დეფიციტის შევსების სახელმწიფო სტრატეგიას.   მისივე თქმით, ამ პროგრამების ამოქმედებით საქართველოში დაინტერესებულ მოქალაქეს შესაძლებლობა ეძლევა, შეიძინოს თანამედროვე, მომავლის უნარები და პროფესიები. როგორც კახა კალაძემ აღნიშნა, თბილისში მალე დაიწყება მასშტაბური ინფრასტრუქტურული პროექტები, აშენდება საგანმანთლებლო-შემეცნებითი ცენტრები და ახალგაზრდებისთვის, ვისაც სურთ, მონაწილეობა მიიღონ აღნიშნული პროექტების განხორციელებაში, პროფესიული  პროგრამებით გადამზადება მნიშვნელოვანი იქნება.   „პროფესიული საგანმანათლებლო პროგრამები დაგვეხმარება, რომ მოქალაქეებს შევთავაზოთ მომავლის პროფესიების შესწავლის შესაძლებლობა ქვეყნის მასშტაბით. საქართველოში განსაკუთრებით გვჭირდება პროფესიონალი სპეციალისტები, რომელიც თბილისის, ჩვენი ქალაქებისა და ქვეყნის გაძლიერებას შეუწყობს ხელს. ძვირფასო კოლეგებო, მომავალო სტუდენტებო, თქვენ ხართ ის ძალა, რომელიც ქმნის ჩვენი ქვეყნის მომავალს! ზუსტად თქვენი დახმარებით, თქვენ მიერ მიღებული თანამედროვე ცოდნის მეშვეობით ერთად შევძლებთ დავძლიოთ გამოწვევები და უზრუნველვყოთ ქვეყნის ეკონომიკური წინსვლა. პროფესიული განათლება არის უნიკალური შესაძლებლობა, დაიწყოთ დამოუკიდებელი, თანამედროვე ქვეყნის შესაბამისი, დაფასებული მოქალაქის ცხოვრება”, - განაცხადა კალაძემ.   როგორც მერობის კანდიდატმა აღნიშნა, ენერგეტიკის მინისტრად ყოფნის დროს, სხვადასხვა პროექტების განხორციელებისას, ყოველთვის უწევდათ უცხოეთიდან სპეციალისტების ჩამოყვანა. კალაძე დარწმუნებულია, რომ ძალიან მალე ამის საჭიროება აღარ იქნება და მსგავს ვითარებაში იმ ახალგაზრდების  შესაძლებლობებს გამოიყენებენ, რომლებიც ამ მიმართულებით გადამზადდებიან და შესაბამისს განათლებას მიიღებენ.   „დიდი მადლობა მინდა გადავუხადო ათასწლეულის გამოწვევის ფონდს, რათა მათ შეძლეს და პროფესიული განათლების ახალი პროგრამები უმოკლეს დროში რეალობად აქციეს.  ასევე დიდი მადლობას ვუხდი ადგილობრივ და საერთაშორისო კომპანიების, კერძო სექტორის წარმომადგენლებს, რომლებმაც უპრეცედენტო მხარდაჭერა გამოუცხადეთ ამ პროგრამების შემუშავებას. გილოცავთ ამ დიდ წარმატებას და მე, როგორც თბილისის მერი, მზად ვარ თანამშრომლობისთვის. დარწმუნებული ვარ, ერთობლივი ძალისხმევით ბევრ და მნიშვნელოვან პროექტს განვახორციელებთ ჩვენი დედაქალისთვის“, - განაცხადა კახა კალაძემ.

31 ოქტომბერი, 2017

კახა კალაძე სატრანსპორტო სფეროს ექსპერტებს შეხვდა

თბილისის მერობის გამარჯვებული კანდიდატი კახა კალაძე სატრანსპორტო სფეროში მომუშავე ექსპერტებსა და არასამთავრობო ორგანიზაციების წარმომადგენლებს შეხვდა.   შეხვედრაზე აღნიშნულ სფეროში განსახორციელებელი რეფორმები და ამ მიმართულებით თანამშრომლობის პერსპექტივები განიხილეს. კახა კალაძის გუნდის წევრებმა შეხვედრის მონაწილეებს ასევე, კონკრეტულ პროექტებთან დაკავშირებით საკუთარი ხედვა გააცნეს და მათი მოსაზრებები მოისმინეს.   როგორც შეხვედრის დასრულების შემდეგ კახა კალაძემ აღნიშნა, მომდევნო წლებში საზოგადოებრივი ტრანსპორტის მოწესრიგებასთან დაკავშირებით, კონკრეტული პროექტების განხორციელება იგეგმება.   „სატრანსპორტო პოლიტიკა ჩვენს საარჩევნო პროგრამაში ერთ-ერთი უმნიშვნელოვანესი მიმართულება იყო. შესაბამისად, რეფორმები, კონკრეტული პროექტების განხორციელება განმავლობაში ძალიან მნიშვნელოვანი იქნება. მომდევნო წლების განმავლობაში, თანამშრომლობასა და კონკრეტული ნაბიჯების გადადგმას ვგეგმავთ იმისთვის, რომ საზოგადოებრივი ტრანსპორტი და ზოგადად, სატრანსპორტო პოლიტიკა დედაქალაქში მოწესრიგებული იყოს“, - განაცხადა კახა კალაძემ.     დარგის ექსპერტებმა კი აღნიშნეს, რომ მენეჯმენტის სისტემის გაუმჯობესება, უწყებებს შორის მჭიდრო კოორდინაცია და გადაწყვეტილებების დროული მიღება სისტემის უზრუნველყოფის წინაპირობაა.   „ვგეგმავთ კიდევ უფრო მჭიდრო კომუნიკაციას, რათა სამუშაო პროცესი არ შენელდეს. არსებობს ანგარიში, რომელშიც კონკრეტული ხედვებია ასახული და რომელსაც მომავალში დეტალურად განვიხილავთ“, - განაცხადა ორგანიზაცია „საქართველოს ალიანსი უსაფრთხო გზებისთვის“ თავმჯდომარე ეკა ლალიაშვილმა.   შეხვედრას, რომელიც კახა კალაძის საარჩევნო შტაბში გაიმართა, მერობის გამარჯვებული კანდიდატის გუნდის წევრები ირაკლი ხმალაძე და მაია ბითაძე ესწრებოდნენ. შეხვედრაზე ასევე, საკრებულოს არჩეული წევრები ბექა დავითულიანი და შალვა ოგბაიძე იმყოფებოდნენ.

30 ოქტომბერი, 2017

კახა კალაძე საგზაო უსაფრთხოების კონფერენციას დაესწრო

თბილისის მერის არჩევნებში გამარჯვებული კანდიდატი, კახა კალაძე, სასტუმრო „რედისონ ბლუ ივერიაში“ საგზაო უსაფრთხოების საკითხებისადმი მიძღვნილ კონფერენციას დაესწრო.   კონფერენცია სახელწოდებით - „დღევანდელი მდგომარეობა და მომავლის ხედვა“ ორგანიზაციამ “საქართველოს ალიანსი უსაფრთხო გზებისთვის” პოლონეთის რესპუბლიკისა და შვეიცარიის კონფედერაციის საელჩოებთან ერთად გამართა.   ორგანიზატორებმა კახი კალაძეს ღონისძიებაზე დასწრებისთვის მადლობა გადაუხადეს და არჩევნებში გამარჯვება მიულოცეს, ასევე, იმედი გამოთქვეს, რომ მისი სახით ქალაქს საგზაო უსაფრთხოების საკითხების აქტიური მხარდამჭერი ეყოლება.   საგზაო უსაფრთხოების მნიშვნელობაზე თბილისის ახლად არჩეულმა მერმა კომენტარი მედიასთან გააკეთა. კალაძის თქმით, ამ სფეროში, რომელიც ბევრი მიმართულებისგან შედგება, მნიშვნელოვანია ცვლილებების განხორციელება, რისთვისაც კონსტრუქციული მიდგომები და მაქსიმალური ჩართულობაა საჭირო.   მისივე განცხადებით, ცვლილებების ფარგლებში მოხდება საზოგადოებრივი ტრასპორტის განახლება, მოძრაობის ახალი წესების შემოღება, შესაბამისი ინფრასტრუქტურის მოწყობა, რაშიც ჩართული იქნებიან სამთავრობო უწყებები, როგორც ადგილობრივი, ასევე ცენტრალური ხელისუფლების მხრიდან.   კახა კალაძე დარწმუნებულია, რომ მსგავსი კომპლექსური მიდგომა ქალაქში დღეს არსებულ მდგომარეობას რეალურად შეცვლის. მერის არჩევნებში გამარჯვებული კანდიდატი ასევე მიესალმება ავტომობილებისთვის სავალდებულო ტექდათვალიერების შემოღებას, რომელიც მომავალი წლიდან უნდა ამოქმედდეს.   „როგორც ქალაქის მერი, მზად ვარ ყველანაირი თანამშრომლობისთვის და ხელშეწყობისთვის ჩვენი მხრიდან, რათა ამ მიმართულებით გავაძლიეროთ მუშაობა; ჩვენ ვართ ორიენტირი ადამიანზე და ადამიანის კეთილდღეობაზე“, - განაცხადა კახა კალაძემ.   აღნიშნულ თემას ასევე გამოეხმაურა კახა კალაძის საარჩევნო შტაბის ხელმძღვანელი, არჩილ თალაკვაძე, რომელმაც კონფერენციის მონაწილეებს სიტყვით მიმართა. თალაკვაძემ „ქართული ოცნების“ მერობის კანდიდატის პროგრამულ ხედვებსა და იმ პრიორიტეტებზე ისაუბრა, რასაც უსაფრთხო ქალაქის კონცეფცია მოიცავს.   მისი განცხადებით, ქალაქის ეკოლოგიური და ურბანული პოლიტიკა და ის რეფორმები, რომელიც ამ სფეროში უნდა განხორციელდეს, მნიშვნელოვან კავშირშია საგზაო უსაფრთხოებასთან.   „ახალი მერი საუბრობს ე.წ. შავ წერტილებზეც, სადაც საგზაო მოძრაობის რისკებია თავმოყრილი; უსაფრთხო ქალაქის კონცეფციის ფარგლებში, მომავალი წლების განმავლობაში, დაგეგმილია მთელი რიგი მნიშვნელოვანი რეფორმები, რაც საზოგადოებრივი ტრანსპორტის და სატრანსპორტო პოლიტიკის განვითარებას გულისხმობს“, - აღნიშნა შტაბის ხელმძღვანელმა.   არჩილ თალაკვაძის თქმით, კახა კალაძის საარჩევნო პროგრამა, რომელიც იზიარებს განვითარებული ქვეყნების გამოცდილებას, ქალაქში დღეს არსებულ გამოწვევებს შესაბამისად პასუხობს.   კონფერენციას ესწრებოდნენ ხელისუფლების, არასამთავრობო და კერძო სექტორის, დონორი ორგანიზაციების წარმომადგენლები და ექსპერტები. ღონისძიების ფარგლებში მოეწყო პანელური დისკუსია საგზაო უსაფრთხოების მიმართულებით მომუშავე წამყვანი სამინისტროების წარმომადგენლების მონაწილეობით და თემატური სემინარი სამუშაო ჯგუფებში.

30 ოქტომბერი, 2017

კახა კალაძე ევროპის რეკონსტრუქციისა და განვითარების ბანკის რეგიონულ დირექტორს ბრუნო ბალვანერას შეხვდა

თვითმმართველობის არჩევნებში გამარჯვებული თბილისის მერობის კანდიდატი კახა კალაძე ევროპის რეკონსტრუქციისა და განვითარების ბანკის (EBRD) დირექტორს სამხრეთ კავკასიაში, მოლდოვასა და ბელორუსში, ბრუნო ბალვანერას შეხვდა.   შეხვედრაზე მხარეებმა მწვანე ქალაქის სამოქმედო გეგმა,  თბილისის საზოგადოებრივი ტრანსპორტისა და სატრანსპორტო ინფრასტრუქტურის, ნარჩენების მართვისა და  მუნიციპალური ინფრასტრუქტურის საკითხები განიხილეს.    კახა კალაძის თქმით, ის მაქსიმალურად გამოიყენებს გარდამავალ პერიოდს იმისთვის, რომ  საერთაშორისო საფინანსო ორგანიზაციებთან ნაყოფიერი შეხვედრები განაგრძოს.   „საუბარი გვქონდა თუ რა მიმართულებით შეუძლიათ დახმარება და დაფინანსება. გამოიყო რამდენიმე მიმართულება. ეს არის მეტროს რეაბილიტაცია - როგორც მეტროს სადგურების და ვაგონების, ასევე, თვითონ კომუნიკაციების. ასევე, ქალაქის ლედ განათებებზე გადაყვანა. ასევე, ძალიან აინტერესებთ და ჩართულები იქნებიან საზოგადოებრივი ტრანსპორტის განახლების პროექტში. ძალიან ოპტიმისტურად ვარ განწყობილი. მალე ყველაზე ლამაზი ქალაქი გვექნება, მოწესრიგებული, სუფთა და ინფრასტრუქტურულად განახლებული. ჩვენ - მე და ჩემი გუნდი, მზად ვართ მუშაობისთვის, წინ საკმაოდ საინტერესო ოთხი წელი გველოდება და საერთაშორისო საფინანსო ორგანიზაციების დახმარებით და ჩართულობით ბევრ საინტერესო პროექტს განვახორციელებთ”,  - განაცხადა კახა კალაძემ.   ევროპის რეკონსტრუქციისა და განვითარების ბანკის რეგიონული დირექტორის ბრუნო ბალვანერას განცხადებით, თბილისის მერობის გამარჯვებულ კანდიდატთან კონკრეტული პროექტები და სამომავლო თანამშრომლობის საკითხები განიხილა.   „ახლახან დასრულდა მუშაობა მწვანე ქალაქის ყოვლისმომცველ სამოქმედო გეგმაზე, რომელიც მრავალ მიმართულებას, მათ შორის პარკინგს, სატრანსპორტო პოლიტიკას, ენერგიის მოხმარების გზებსა და სხვა საკითხებს მოიცავს. ბატონ კალაძესთან დისკუსიის მიზანი იყო გადაგვეწყვიტა, თუ როგორ ვაპირებთ მუშაობის გაგრძელებას სამომავლოდ.  ჩვენ განვსაზღვრეთ პრიორიტეტები და ვგეგმავთ გავაგრძელოთ მუშაობა საზოგადოებრივი ტრანსპორტის, ნარჩენების მართვისა და ქუჩის განათების მიმართულებით. რაც შეეხება ამ უკანასკნელ პროექტს, მისი საშუალებით შესაძლებელი იქნება ქუჩები უკეთ განათდეს და ამავე დროს ელექტროენერგია დაიზოგოს“, - აღნიშნა ბრუნო ბალვანერამ.   კახა კალაძე უკვე შეხვდა ევროპის საინვესტიციო ბანკის წარმომადგენლებსაც. თბილისის მერობის გამარჯვებული კანდიდატის განცხადებით, ის საერთაშორისო საფინანსო ორგანიზაციებთან და ცენტრალურ ხელისუფლებასთან მჭიდრო თანამშრომლობით გეგმავს დედაქალაქში მასშტაბური პროექტების განხორციელებას.    

27 ოქტომბერი, 2017

თბილისის მიწათსარგებლობის გენერალურ გეგმას სპეციალურად შექმნილი სამუშაო ჯგუფი შეისწავლის

გარდამავალ პერიოდში შეიქმნება სპეციალისტებისგან დაკომპლექტებული სამუშაო ჯგუფი, რომელიც გენერალური გეგმის პროექტს შეაფასებს. ამის შესახებ კახა კალაძემ თბილისის მიწათსარგებლობის გენერალურ გეგმაზე მომუშავე ჯგუფთან შეხვედრის შემდეგ განაცხადა.   თვითმმართველობის არჩევნებში გამარჯვებულმა თბილისის მერობის კანდიდატმა   გენერალურ გეგმაზე მომუშავე ჯგუფის  წევრებისგან მიმდინარე სამუშაოების შესახებ დეტალური ინფორმაცია მიიღო.   „ტრანზიციის პირობებში შევქმნით ჯგუფს, რომელშიც სხვადასხვა სპეციალისტი იქნება წარმოდგენილი. გამოვითხოვთ ამ დოკუმენტს და გვექნება ჩვენი შეფასებები. ერთი მთავარი და მნიშვნელოვანი არის კოეფიციენტების საკითხი. ჩვენ ვეთანხმებით მათ მოსაზრებას და იგივე მოსაზრება გვაქვს, რომ ცენტრალურ რაიონებში K2 კოეფიციენტის გაყიდვა არ უნდა მოხდეს. ახლაც არის შეზღუდული და ეს მომდევნო წლების განმავლობაშიც გაგრძელდება. ძალიან მნიშვნელოვანია მიწათსარგებლობის გენერალური გეგმის მიღება რაც შეიძლება მალე მოხდეს და ეს დოკუმენტი ყველანაირად იყოს გამართული. ეს იქნება ქალაქის ერთგვარი კონსტიტუცია, რასაც დაეყრდნობა ქალაქის შემდგომი განვითარება. ქაოტური განაშენიანების პრობლემას ერთხელ და სამუდამოდ წერტილი უნდა დაესვას. ჩვენი მხრიდან ყველა შენიშვნა მიწოდებული იქნება გენერალურ გეგმაზე მომუშავე ჯგუფისთვის და ერთად გავივლით თუ რისი გათვალისწინება იქნება შესაძლებელი“,  - აღნიშნა კახა კალაძემ.   შეხვედრაზე, ასევე, ყურადღება გამახვილდა ძველ თბილისზე, საჯარო სივრცეების განვითარებასა და ლანდშაფტურ-სარეკრეაციო ზონების მოწყობაზე, მუნიციპალური ტრანსპორტის განვითარებაზე, ქვეითთა სივრცეების მოწყობაზე და პოლიცენტრული არეალების დადგენაზე.

26 ოქტომბერი, 2017

კახა კალაძე ევროპის საინვესტიციო ბანკის რეგიონულ წარმომადგენელს შეხვდა

კახა კალაძე ევროპის საინვესტიციო ბანკის რეგიონულმა წარმომადგენელმა, სებასტიან ჰუსონ დე სამპინიმ საერთაშორისო საინვესტიციო კომპანიების კონფერენციაზე მიიწვია, რომელიც ნოემბრის ბოლოს ლუქსემბურგში გაიმართება.   მიწვევა ადგილობრივი თვითმმართველობის არჩევნებში გამარჯვებულმა თბილისის მერობის კანდიდატმა ევროპის საინვესტიციო ბანკის წარმომადგენელთან შეხვედრაზე მიიღო, რომელზეც მხარეებმა თბილისის განვითარების სამომავლო გეგმები და ამ მიმართულებით არსებული საინვესტიციო საჭიროებები განიხილეს.   კახა კალაძის თქმით, ის განაგრძობს საერთაშირისო საფინანსო ორგანიზაციებთან შეხვედრებს, რათა წინასაარჩევნოდ გაჟღერებული ინფრასტრუქტურული პროექტები მომდევნო 4 წლის განმავლობაში განხორციელდეს.   „მიმართულებები, რომელზეც მათი მხრიდან ყურადღება გამახვილდა და გამოთქვეს დახმარების სურვილი, არის ძველი თბილისის რეაბილიტაცია, ინფრასტრუქტურული პროექტები და „სმართ სითი“. მე ყოველთვის ვამბობდი, რომ მინდა ნაკლები ბიუროკრატია, უფრო მეტი სიახლე, ინოვაცია, თანამედროვეობა და ეს ყველაფერი მომდევნო წლების განმავლობაში აუცილებლად განხორციელდება. მომდევნო დღეების განმავლობაში ვაპირებთ შევხვდეთ სხვადასხვა საერთაშორისო საფინანსო ორგანიზაციებს და ის გამოცდილება, რომელიც დაგვიგროვდა ენერგეტიკის სექტორში, გვინდა გადმოვიტანოთ მერიაში, რათა შესაძლებელი იყოს დაგეგმილი პროექტების განხორციელება“ - განაცხადა თბილისის მერობის გამარჯვებულმა კანდიდატმა.   მან ევროპის საინვესტიციო ბანკს მადლობა გადაუხადა თანამშრომლობის მზაობისთვის და აღნიშნა, რომ ინვესტიციების მოზიდვის თვალსაზრისით, ერთ-ერთი პრიორიტეტული მიმართულებაა ძველი თბილისის რეაბილიტაცია.   „დაახლოებით 500 მილიონი ლარის დახარჯვაა გათვალისწინებული მომდევნო 4 წლის განმავლობაში, ამიტომ, მათი თანადგომა და ეს ურთიერთობები ძალიან მნიშვნელოვანი იქნება“, - აღნიშნა კახა კალაძემ.   სებასტიან ჰუსონ დე სამპინის განცხადებით, ევროპის საინვესტიციო ბანკს აქვს მრავალწლიანი გამოცდილება მწვანე ქალაქისა და „სმართ სითის“ განვითარებაში. მისი თქმით, კახა კალაძესთან შეხვედრა იყო კარგი შესაძლებლობა, განხილულიყო საქართველოს დედაქალაქის სამომავლო განვითარების გეგმები, მათ შორის ძველი თბილისის რეაბილიტაციის საკითხი.

25 ოქტომბერი, 2017

კახა კალაძე საკრებულოს უმრავლესობის მომავალ წევრებს შეხვდა

კახა კალაძე გარდამავალ პერიოდში, დაგეგმილი პროექტების განხორციელების მიზნით, საერთაშორისო საფინანსო ორგანიზაციებთან და ცენტრალური ხელისუფლების წარმომადგენლებთან შეხვედრებს გეგმავს. ამის შესახებ ადგილობრივი თვითმმართველობის არჩევნებში გამარჯვებულმა თბილისის მერობის კანდიდატმა საკრებულოს უმრავლესობის მომავალ წევრებთან შეხვედრაზე განაცხადა.   „ამ პერიოდს გამოვიყენებ იმისთვის, რომ შევხვდე სხვადასხვა საერთაშორისო საფინანსო ორგანიზაციებს, რომ უკვე მომზადებულები ვიყოთ, გავაცნოთ ყველა ეს პროექტი, რომელიც ჩვენ გვქონდა წარმოდგენილი წინასაარჩევნოდ. ზოგადად, გეტყვით, რომ ძალიან დიდია ინტერესი და გვექნება შესაძლებლობა, მომდევნო წლების განმავლობაში მათთან თანამშრომლობით და მეგობრობით ეს პროექტები იქნეს განხორციელებული ჩვენი ქალაქისთვის. ასევე, ვაპირებთ სამინისტროებთან შეხვედრას, რადგან, როგორც გითხარით, ცენტრალურ ხელისუფლებასთან კარგი ურთიერთობა არის ძალიან მნიშვნელოვანი და შესაბამისად, როდესაც ჩვენ უკვე მოგვეცემა შესაძლებლობა შევიდეთ მერიაში და საკრებულოში, უკვე პირველივე დღიდან დავიწყებთ მუშაობას, კონკრეტული ნაბიჯების გადადგმას“,  - აღნიშნა კახა კალაძემ.   თბილისის მერობის გამარჯვებულმა კანდიდატმა საკრებულოს უმრავლესობას მოსახლეობასთან აქტიური ურთიერთობისკენ და მათი პრობლემების დროული გადაწყვეტისკენ მოუწოდა.   „მთელი ამ საარჩევნო კამპანიის განმავლობაში თქვენ გქონდათ ურთიერთობა მოსახლეობასთან. მინდა გაგრძელდეს ეს ურთიერთობები, კიდევ უფრო დეტალურად გამოვიტანოთ ეს პრობლემები, რომელიც თქვენს რაიონებში, კონკრეტულ უბნებში, კონკრეტულ ქუჩებზე ან კონკრეტულ ოჯახებს აწუხებს, რომ, როდესაც მოგვეცემა შესაძლებლობა, მუშაობა დავიწყოთ, დრო არ დავკარგოთ და განვახორციელოთ კონკრეტული პროექტები და კონკრეტული ნაბიჯები იქნეს გადადგმული პრობლემების მოსაგვარებლად“, - განაცხადა კახა კალაძემ.   მისივე თქმით, ის წელსვე დაიწყებს შვიდი პოლიტიკის განხორციელებას.   „იცით, რომ ჩვენი პროგრამა შედგებოდა შვიდი პოლიტიკისგან. გვინდა თითოეულიდან  გამოვყო თითო პროექტი, რომლის განხორციელებას  წელსვე დავიწყებ“, - აღნიშნა კახა კალაძემ.     როგორც  თბილისის მერობის გამარჯვებულმა კანდიდატმა აღნიშნა, ამას გუნდურად მუშაობით და საკრებულოსთან მჭიდრო თანამშრომლობით გეგმავს. 

23 ოქტომბერი, 2017

კახა კალაძე: მერის უფლებამოსილების განხორციელებას ნოემბრის მეორე ნახევრიდან შევუდგები

თბილისის ახლადარჩეული მერი, კახა კალაძე, მერის უფლებამოსილების განხორციელებას ნოემბრის მეორე ნახევრიდან შეუდგება. ამის შესახებ კახა კალაძემ პარტიის ცენტრალურ ოფისში დღეს გამართულ ბრიფინგზე განაცხადა.   „მინდა გამცნოთ, რომ კანონის თანახმად, მერის უფლებამოსილების განხორციელებას შევუდგები ნოემბრის მეორე ნახევრიდან, ფორმალური პროცერდურების დასრულების შემდეგ. თუმცა ეს არ ნიშნავს, რომ ტრანზიციის დროს ჩვენ ნაკლები აქტიურობა გვექნება, პირიქით, გარდამავალ პერიოდში მოვემზადებით და ყოველდღიურად ვიმუშავებთ, რათა მერიაში შესვლის წამიდან შევუდგეთ აქტიურ საქმიანობას, პირდაპირ დავიწყოთ ჩვენი პროგრამის აღსრულება და თბილისის განვითარების ახალ ეტაპზე გადაყვანა“, - განაცხადა თვითმმართველობის არჩევნებში გამარჯვებულმა მერობის კანდიდატმა.   რაც შეეხება ინფორმაციას იმ პირთა ვინაობის შესახებ, რომლებიც ამა თუ იმ პოზიციას დაიკავებენ მერიაში, როგორც კალაძემ აღნიშნა, მათ შესახებ დეტალურად უახლოეს პერიოდში ისაუბრებს.   კალაძის თქმით, მისთვის ძალიან მნიშვნელოვანია კომპეტენტური, პროფესიონალი და გამოცდილების მქონე ადამიანები და პროცესები საკადრო პოლიტიკასთან დაკავშირებით, მომდევნო ოთხი წლის განმავლობაში, ღია და გამჭვირვალე იქნება.   „მერიაში იქნება რეფორმები, სტრუქტურული ცვლილებები; უნდა აღინიშნოს, რომ დღესაც ძალიან ბევრი კომპეტენტური ადამიანი მუშაობს ამ სტრუქტურაში და მაქსიმალურად შევეცდებით, ქალაქის საკეთილდღეოდ ყველას პროფესიონალიზმი იქნას გამოყენებული“, - განაცხადა კახა კალაძემ.   თბილისის ახლადარჩეულმა მერმა საზოგადოებას მხარდაჭერისთვის და გამოხატული ნდობისთვის მადლობა კიდევ ერთხელ გადაუხადა.

23 ოქტომბერი, 2017

„ქართულმა ოცნებამ“ თბილისში დასუფთავების მასშტაბური აქცია დაიწყო

პარტია „ქართული ოცნება - დემოკრატიული საქართველო“ თბილისელ ამომრჩეველს გამოცხადებული ნდობისთვის მადლობას უხდის და დასუფთავების მასშტაბურ აქციას იწყებს, რომლის ფარგლებშიც, დედაქალაქში არსებული ქუჩები, პარტიის მხარდამჭერი პლაკატებისგან გათავისუფლდება.   დასუფთავების პირველი აქცია დღეს, საბურთალოს, ჩუღურეთისა და გლდანის რაიონებში გაიმართა, რომელშიც პარტიის ახალგაზრდული ორგანიზაციის წარმომადგენლებთან ერთად, თბილისის საკრებულოს მაჟორიტარი დეპუტატობის კანდიდატები მონაწილეობდნენ.   გლდანის მაჟორიტარობის გამარჯვებულმა კანდიდატმა ოთარ გრიგოლიამ თბილისელ ამომრჩეველს გამოცხადებული ნდობისთვის მადლობა გადაუხადა.   „ვასუფთავებთ ქალაქს პლაკატებისგან, რომელიც საარჩევნო პერიოდში გამოვიყენეთ. ყველა ოპოზიციურ კანდიდატს მსგავსი ქმედებისკენ მოვუწოდებთ, რათა ჩვენი ქალაქი დავასუფთავოთ“, - განაცხადა ოთარ გრიგოლიამ.   აქციაში ასევე, მონაწილეობა მიიღო ვაკის გამარჯვებულმა მაჟორიტარმა დეპუტატმა გიორგი ბირბიჩაძემ.   „ვასუფთავებთ იმ ლოკაციებს, სადაც ჩვენი სააგიტაციო მასალა იყო გაკრული. ასევე, მოვუწოდებთ ყველას, რომ ერთად ვიზრუნოთ ჩვენი ქალაქის სისუფთავესა და იერსახეზე“, - განაცხადა გიორგი ბირბიჩაძემ.   „ქართული ოცნების“ წარმომადგენლების მიერ დასუფთავების აქცია თბილისის ყველა რაიონში გაიმართება.

23 ოქტომბერი, 2017

პარტიის წარმომადგენლები დასუფთავების მასშტაბურ აქციას იწყებენ

პარტია „ქართული ოცნება - დემოკრატიული საქართველო“ თბილისელ ამომრჩეველს გამოცხადებული ნდობისთვის მადლობას უხდის. პარტიის წარმომადგენლები დღეს, 16:00 საათიდან, დასუფთავების მასშტაბურ აქციას იწყებენ, რომლის ფარგლებშიც, დედაქალაქში არსებულ ქუჩებს, პარტიის მხარდამჭერი პლაკატებისგან გაათავისუფლებენ. დასუფთავების აქციაში პარტიის ახალგაზრდული ორგანიზაციის წარმომადგენლებთან ერთად, თბილისის საკრებულოს მაჟორიტარი დეპუტატობის კანდიდატები მიიღებენ მონაწილეობას.

23 ოქტომბერი, 2017

საწევრო შენატანები და შემოწირულობები 03.10.2017-21.10.2017

საწევრო შენატანები და შემოწირულობები 03.10.2017-21.10.2017

22 ოქტომბერი, 2017

კახა კალაძე: მერიის კარი ღია იქნება თბილისის თითოეული გულშემატკივრისთვის, ნებისმიერი კონსტრუქციული ძალისთვის და თუნდაც ჩემი ყოფილი კონკურენტებისთვის

კახა კალაძე მოქალაქეებს, მათ შორის ოპონენტებს თანამშრომლობას სთავაზობს. ამასთან დაკავშირებით „ქართული ოცნების“ თბილისის მერობის კანდიდატმა ბრიფინგზე ისაუბრა.   „მერიის კარი ღია იქნება თბილისის თითოეული გულშემატკივრისთვის, ნებისმიერი კონსტრუქციული ძალისთვის და თუნდაც ჩემი ყოფილი კონკურენტებისთვის, რომელთაც კონკრეტული რეალისტური იდეები აქვთ და სურთ საკუთარი წვლილი შეიტანონ ჩვენი დედაქალაქის უკეთესი მომავლის მშენებლობაში. მე ამაზე ვისაუბრე და კიდევ ერთხელ გავიმეორებ, რომ მართლაც, თუ მათ გააჩნიათ კონკრეტული ხედვები, იდეები, კონკრეტული პროექტები თბილისთან დაკავშირებით, კიდევ ერთხელ გულწრფელად ვამბობ, რომ მზად ვარ თანამშრომლობისთვის“, - აღნიშნა კახა კალაძემ.   თბილისის მერობის კანდიდატმა კიდევ ერთხელ მადლობა გადაუხადა მხარდამჭერებს და აღნიშნა, რომ არჩევნებში თბილისმა გაიმარჯვა.   „მინდა დიდი მადლობა გადაგიხადოთ გამოცხადებული მხარდაჭერისთვის და მოგილოცოთ ეს დამაჯერებელი გამარჯვება. ჩემთვის დიდი პასუხისმგებლობა და დიდი პატივია ვიყო ჩვენი ქვეყნის დედაქალაქის მერი. თქვენი მხრიდან გამოცხადებული მხარდაჭერა კი მიორმაგებს პასუხისმგებლობას და მაძლევს სტიმულს, თავდაუზოგავად ვიმუშაო ჩვენი ქალაქის, თითოეული თბილისელის წინაშე მდგარი გამოწვევების დაძლევისთვის. ჩატარებული სამართლიანი და დემოკრატიული არჩევნებით საქართველომ კიდევ ერთხელ დაადასტურა, რომ არის დემოკრატიული სამყაროს, ევროპული ოჯახის ღირსეული წევრი. მინდა ყველამ იცოდეს, რომ არჩევნებში არავინ დამარცხებულა. ამ არჩევნებში გაიმარჯვა ქართველმა ხალხმა, გაიმარჯვა თბილისმა და თითოეულმა თბილისელმა“, - განაცხადა კახა კალაძემ და მისი საარჩევნო პროგრამის შესახებ საზოგადოების ინფორმირებისთვის მადლობა, ასევე,მედიას გადაუხადა.   როგორც „ქართული ოცნების“ თბილისის მერობის კანდიდატმა აღნიშნა, მალე თბილისი მის მიერ დეკლარირებული პროექტების განხორციელების შედეგს იგრძნობს.   ჩვენ პირველივე დღიდან აქტიურად შევუდგებით თბილისში არსებული პრობლემების მოგვარებას და ჩვენ მიერ დეკლარირებული პროგრამის განხორციელებას. ჩვენი მუშაობის პოზიტიურ შედეგს ძალიან მალე შეიგრძნობს თითოეული თბილისელი და დარწმუნებული ვარ ჩვენი საყვარელი ქალაქი მალე გადავა განვითარების სრულიად ახალ ეტაპზე. ჩვენ ერთმანეთის გვერდში დგომით, ერთმანეთის მხარდაჭერით და ჩვენი ქალაქის სიყვარულით წინ კიდევ ბევრი გამარჯვება გველის. ჩვენ ყოველდღიურად უნდა გავიმარჯვოთ თბილისის და თბილისელების პრობლემებზე. დარწმუნებული ვარ, ეს ასეც იქნება და თბილისი აუცილებლად იქნება კიდევ უფრო სოლიდარული, ჯანსაღი, სიცოცხლით სავსე ქალაქი“, - განაცხადა კახა კალაძემ.   ცენტრალური საარჩევნო კომისიის პირველადი მონაცემების თანახმად, თბილისის მერის არჩევნებში კახა კალაძემ გამარჯვება პირველივე ტურში მოიპოვა.

22 ოქტომბერი, 2017

ირაკლი კობახიძე: „ქართულმა ოცნებამ“ ადგილობრივი თვითმმართველობის არჩევნებში დამაჯერებელი გამარჯვება მოიპოვა

პარლამენტის თავმჯდომარე, პარტია „ქართული ოცნება - დემოკრატიული საქართველოს“ აღმასრულებელი მდივანი ირაკლი კობახიძე მერობისა და საკრებულოს დეპუტატობის კანდიდატებს გამარჯვებას ულოცავს და მომავალ საქმიანობაში წარმატებას უსურვებს.   როგორც მან პარტიის ცენტრალურ ოფისში გამართულ ბრიფინგზე განაცხადა, ადგილობრივი თვითმმართველობის არჩევნები სამართლიან და მშვიდ გარემოში ჩატარდა, რაც მმართველი გუნდის უმთავრესი მიზანი იყო.   „მინდა მადლობა გადავუხადო თითოეულ ადამიანს, რომელმაც თავისი წვლილი შეიტანა სამართლიანი და მშვიდი არჩევნების უზრუნველყოფაში. განსაკუთრებული მადლობა უნდა გადავუხადო, რა თქმა უნდა, ამომრჩეველს განსაკუთრებული აქტიურობისთვის. ქვეყნის მასშტაბით მაღალი აქტივობა დაფიქსირდა და მინდა ავღნიშნო, რომ „ქართულმა ოცნებამ“ ადგილობრივი თვითმმართველობის არჩევნებში ძალიან დამაჯერებელი გამარჯვება მოიპოვა. წინასწარი მონაცემებით, მთელი ქვეყნის მასშტაბით, მეორე ტური მხოლოდ ხუთ მუნიციპალიტეტში შედგება“, - განაცხადა ირაკლი კობახიძემ.   მისივე თქმით, საკრებულოებშიც „ქართულმა ოცნებამ“ ძალიან დამაჯერებელი გამარჯვება მოიპოვა და თითოეულ მუნიციპალურ წარმომადგენლობით ორგანოში შესაბამისი უმრავლესობით იქნება წარმოდგენილი.   ირაკლი კობახიძე გამარჯვებას განსაკუთრებით „ქართული ოცნების“ თბილისის მერობის კანდიდატს კახა კალაძეს ულოცავს.   „ის ამ არჩევნების მთავარი გმირი იყო, რომელმაც თბილისის მერის პოსტზე დამაჯერებელი გამარჯვება მოიპოვა. ვულოცავ კახა კალაძეს ამ დამაჯერებელ და ღირსეულ გამარჯვებას“, - აღნიშნა პარლამენტის თავმჯდომარემ.   კობახიძის განცხადებით, ძალიან მნიშვნელოვანია, რომ ადგილობრივი თვითმმართველობა განახლდება, რადგანაც როგორც მერის პოსტზე, ასევე, საკრებულოს წევრად ბევრი ახალი კანდიდატი იყო წარდგენილი.   „მინდა წარმატება ვუსურვო ხალხის მიერ არჩეულ მერებსა და საკრებულოს წევრებს თავიანთ საქმიანობაში. როგორც საარჩევნო შტაბის წევრი, მინდა მადლობა გადავუხდი შტაბის თითოეულ წევრს, თითოეულ აქტივისტს მათი წვლილისთვის. ასევე, მინდა მადლობა გადავუხადო „ქართული ოცნების“ მხარდამჭერებსა და ყველა იმ ადამიანს, რომელმაც თავისი ძალიან მნიშვნელოვანი წვლილი შეიტანა სამართლიანი და მშვიდობიანი არჩევნების უზრუნველყოფაში“, - განაცხადა „ქართული ოცნების“ აღმასრულებელმა მდივანმა.

22 ოქტომბერი, 2017

სილვიო ბერლუსკონიმ კახა კალაძეს გამარჯვება მიულოცა

იტალიის ყოფილმა პრემიერ-მინისტრმა სილვიო ბერლუსკონიმ პარტია “ქართული ოცნება-დემოკრატიული საქართველოს” თბილისის მერობის კანდიდატს, კახა კალაძეს ადგილობრივი თვითმმართველობის არჩევნებში დამაჯერებელი გამარჯვება მიულოცა. სატელეფონო საუბრისას სილვიო ბერლუსკონიმ კახა კალაძეს სამომავლო საქმიანობაში წარმატებები უსურვა და იმედი გამოთქვა, რომ იგი თბილისის გამორჩეული მერი იქნება.

21 ოქტომბერი, 2017

თამარ ჩუგოშვილი: რამდენიმე საარჩევნო უბანზე სხვადასხვა პირების უკანონოდ ყოფნის ფაქტი ფიქსირდება

„ქართული ოცნება - დემოკრატიული საქართველოს“ წევრის, თამარ ჩუგოშვილის განცხადებით რამდენიმე საარჩევნო უბანზე, მათ შორის ქუთაისის 59-ე ოლქის N125 საარჩევნო უბანზე, სხვადასხვა პირების უკანონოდ ყოფნის ფაქტი ფიქსირდება.   მისი თქმით, საუბარია შპს „პრეს მედიის“ წარმომადგენლებზე, რომლებიც ბეჯებით იმყოფებიან საარჩევნო უბნებზე, თუმცა ცენტრალური საარჩევნო კომისიის ბაზაში გადამოწმების შედეგად, ირკვევა, რომ ეს პირები არ არიან დარეგისტრირებულები, როგორც დამკვირვებლები.   „აღნიშნული პირები წარმოდგენილი არიან გაყალბებული მოწმობებით და ამგვარად ცდილობენ საარჩევნო პროცესისთვის ხელის შეშლას. რამდენადაც ჩვენთვის ცნობილია, ეს პიროვნებები წარმოადგენენ ნაციონალური მოძრაობის მხარდამჭერებს. ჟურნალისტებს და დამკვირვებლებს ვთხოვთ გადაამოწმონ ეს ინფორმაცია. ჩვენ გვინდა მოვუწოდოთ პოლიტიკურ პარტიებს, რომ წარვმართოთ დღევანდელი დღე და დღევანდელი პროცესი კანონის მოთხოვნათა სრული დაცვით. ეს არის ძალიან მნიშვნელოვანი. ჩვენ ყველაფერს ვაკეთებთ იმისათვის, რომ დღევანდელმა დღემ ჩაიაროს მშვიდ საარჩევნო გარემოში, კანონის მოთხოვნების დაცვით და მინიმალური დარღვევებით“ - განაცხადა თამარ ჩუგოშვილმა.   მისი თქმით, მნიშვნელოვანია, რომ პირებმა, რომლებიც კანონდარღვევით იმყოფებიან საარჩევნო უბანზე, დატოვონ აღნიშნული უბანი, ასევე, შესაბამისი რეაგირება მოახდინონ სახელმწიფო უწყებებმა, კერძოდ, ცენტრალურმა საარჩევნო კომისიამ.   როგორც თამარ ჩუგოშვილმა აღნიშნა, ამ ეტაპზე რაიმე სხვა სახის დარღვევების შესახებ ინფორმაცია არ ვრცელდება და არჩევნები მშვიდ გარემოში მიმდინარეობს.    „ქართული ოცნების“ წევრმა ამომრჩეველს აქტიურობისკენ მოუწოდა.