„ჩვენთვის ერთ-ერთი უმთავრესი ამოცანაა ახალი სამუშაო ადგილების შექმნა. ვიცით, რომ ამ მიმართულებით ქვეყანაში არსებობს პრობლემები, მაგრამ მცირე და საშუალო ბიზნესის განვითარების ხელშეწყობა, ცენტრალურ ხელისუფლებასთან ერთად, იქნება ჩვენი ერთ-ერთი მნიშვნელოვანი მიმართულება“ - აღნიშნული განცხადება კახა კალაძემ ნაძალადევის რაიონის მოსახლეობასთან შეხვედრისას გააკეთა.   მისი თქმით, სიცოცხლით სავსე ქალაქისთვის სწორი ეკონომიკური ხედვა და სწორი ეკონომიკური პოლიტიკის გატარება ძალიან მნიშვნელოვანია.   „ქართული ოცნება - დემოკრატიული საქართველოს“ თბილისის მერობის კანდიდატმა თბილისში ბოლო დღეებში მომხდარი მოვლენებიც შეაფასა და განაცხადა, რომ ოპოზიციური პარტიები „ქართული ოცნების“ და ბიძინა ივანიშვილის დისკრედიტაციას ცდილობენ.   „მიუხედავად იმისა, რომ ბოლო დღეების განმავლობაში კონკრეტული ე.წ. ოპოზიციური პარტიები მიზანმიმართულად ცდილობენ „ქართული ოცნების“, ბიძინა ივანიშვილის დისკრედიტაციას, რომ თითქოს ჯგუფმა „ქართუმ“ ერთ ლარად მიითვისა მიწები და ა.შ. ქალაქის ეკონომიკის განვითარებისთვის ეს არის ერთ-ერთი უმნიშვნელოვანესი პროექტი და დაახლოებით 400 მილიონი დოლარი იხარჯება მის განხორციელებაში. დღეის მდგომარეობით 18 000-მდე ადამიანი არის დასაქმებული და როდესაც დასრულდება სამუშაოები, შეიქმნება 1800 მუდმივი სამუშაო ადგილი. ზუსტად ამ ყველაფრის გათვალისწინებით და ამის გამო იბრძვის დღევანდელი ოპოზიცია, ებრძვის ბიძინა ივანიშვილს, რადგან მათ არ უნდათ ქვეყნის განვითარება, არ უნდათ შეიქმნას ახალი სამუშაო ადგილები და იყვნენ კმაყოფილი ოჯახები“ - განაცხადა კახა კალაძემ.   მოსახლეობასთან შეხვედრისას თბილისის მერობის კანდიდატმა მომდევნო ოთხი წლის განმავლობაში დაგეგმილ ინფრასტრუქტურულ პროექტებზე, ეკოლოგიური გაუმჯობესების გზებზე, სოციალურ საკითხებზე, ტრანსპორტის განვითარებასა და ქაოტური მშენებლობების აღკვეთის ღონისძიებებზე ისაუბრა.   კახა კალაძემ განსაკუთრებით გაუსვა ხაზი ძველი თბილისის რეაბილიტაციისა და ტურისტების რაოდენობის გაზრდის საკითხს.   „ძველი თბილისის რეაბილიტაცია იქნება ერთ-ერთი უმნიშვნელოვანესი მიმართულება. 500 მილიონი ლარი გვინდა დავხარჯოთ ამაში. ჩვენ წარმოვადგინეთ კონკრეტული ქუჩები, რომელთა რეაბილიტაციაც იგეგმება. ყველამ კარგად ვიცით, რას ნიშნავს, როდესაც ძველ თბილისში შეგვაქვს ახალი სიცოცხლე. ეს, რა თქმა უნდა, იქ მცხოვრები ადამიანებისთვისაც მნიშვნელოვანია, ასევე, ბიუჯეტისთვის - დამატებითი შემოსავლები შემოდის. გაზრდილი ბიუჯეტით უფრო მეტი შესაძლებლობები უჩნდება თბილისის მერიას და გამგეობებს, უფრო მეტი პროექტის განხორციელებაა შესაძლებელი. ასევე, ტურისტების რაოდენობა იზრდება ყოველწლიურად, რაც მისასალმებელია. ამ თვალსაზრისით ჩვენ გვაქვს მართლაც უზარმაზარი პოტენციალი, რომელიც ჯერ არ არის გამოყენებული. შესაბამისად, მუშაობა მოგვიწევს, რომ ტურისტების რაოდენობა გავზარდოთ. ესეც დამატებითი შემოსავალია მოსახლეობისა და ქალაქის ბიუჯეტისთვის“ - აღნიშნა კახა კალაძემ.   მისივე თქმით, უკვე არსებობს იმ ინფრასტრუქტურული პროექტების ჩამონათვალი და ვიზუალები, რომელიც ქალაქში ოთხი წლის განმავლობაში განხორციელდება, ასევე, მოგვარდება საზოგადოებრივი ტრანსპორტის პრობლემა და გაგრძელდება მიმდინარე სოციალური და ჯანდაცვის მუნიციპალური პროგრამები. ამის მიუხედავად, თბილისის მერობის კანდიდატმა ღიად ისაუბრა პრობლემურ საკითხებზეც.   „რა თქმა უნდა, უამრავი პრობლემაა ქალაქში. ხანდახან შეხვედრებიდან რომ ვბრუნდები, გულწრფელად ვამბობ, ჩაწყვეტილი მაქვს ყველაფერი, ისეთ ისტორიებს ვისმენ ადამიანებისგან. ხანდახან ვფიქრობ, რა ეშველება ამ ყველაფერს, მაგრამ ერთად უნდა დავდგეთ, რადგან ჩვენი ერთობით ყველაფერი არის შესაძლებელი. მე მიჩვეული ვარ ბრძოლას. ადრეც ვთქვი და გავიმეორებ: როცა პატარა ვიყავი და ფეხბურთს ვთამაშობდი სკოლაში, სამტრედიაში მითხრეს, შენგან არაფერი გამოვაო. გამომიშვეს ატირებული სახლში. თუმცა, იმედი არ დამიკარგავს, გავაგრძელე შრომა და მივაღწიე იმას, რასაც მივაღწიე. ასე იყო 2011 წელსაც, როდესაც ბიძინა ივანიშვილი გამოჩნდა ქართულ პოლიტიკაში. გახსოვთ, რა მდგომარეობა იყო მაშინ - ნიჰილისტური განწყობა იყო და არავის სჯეროდა, რომ ჩვენ შევძლებდით სააკაშვილის სისხლიანი რეჟიმის მშვიდობიანი გზით ჩანაცვლებას, მაგრამ ყველა გავერთიანდით და ყველა დავდექით იქ, სადაც ქვეყანას სჭირდებოდა. ყოველთვის ვამბობ, როცა გჯერა, ყველაფერი შესაძლებელია. შემდეგაც საინტერესოდ გაგრძელდა, როდესაც ბიძინა ივანიშვილმა კაბინეტი წარადგინა, ამას მთელი ამბავი მოჰყვა: სად კალაძე და სად ენერგეტიკა. რისი გამკეთებელია, ვერაფერს ვერ გააკეთებს. ტრაბახი არ მიყვარს, მაგრამ ნაციონალები 9 წლის განმავლობაში გვაყვედრიდნენ, რომ ენერგეტიკა ააყვავეს. ერთი ჰიდროელექტროსადგური ჰქონდათ აშენებული, 8 მეგავატი სიმძლავრის. 5 წლის განმავლობაში, ჩემს თანაგუნდელებთან ერთად ავაშენე 21 ახალი ჰიდროელექტროსადგური და ერთი ქარის ელექტროსადგური. პრობლემებს რაც შეეხება, ილუზია არ მაქვს, რომ ყველა პრობლემა იქნება მოგვარებული, თუმცა იმის ამბიცია ნამდვილად მაქვს, რომ პროექტები და რეფორმები, რომელსაც ჩვენ განვახორციელებთ, ყველასთვის ხელშესახები და თვალშისაცემი“ - განაცხადა კახა კალაძემ.

პარტია „ქართული ოცნება - დემოკრატიული საქართველოს“ მერობის კანდიდატმა, კახა კალაძემ, საზოგადოებას თბილისის ეკონომიკური პოლიტიკის მიმართულებები წარუდგინა.პრეზენტაცია საქართველოს ინოვაციებისა და ტექნოლოგიების სააგენტოში გაიმართა, რომელსაც დარგის ექსპერტები და ეკონომიკის სფეროს წარმომადგენლები ესწრებოდნენ.   კახა კალაძის განცხადებით, ეკონომიკის პოლიტიკის ძირითადი მიზანი ქალაქის ეკონომიკის მდგრადი და დინამიური განვითარებაა, რაც, თავისთავად, ხელს შეუწყობს ქალაქისა და მოქალაქეების შემოსავლების ზრდას. მისივე თქმით, ინფრასტრუქტურული პროექტების განხორციელებისას მაქსიმალური ყურადღება ადგილობრივების დასაქმებას დაეთმობა.   მერობის კანდიდატმა, ასევე, ისაუბრა ძველი თბილისის რეაბილიტაციის ფარგლებში ადგილობრივი მოსახლეობის შესაძლებლობების გაზრდაზეც. კალაძის განცხადებით, მომდევნო ოთხი წლის განმავლობაში ძველი თბილისის რეაბილიტაციაზე, დაახლოებით, 500 მილიონი ლარი დაიხარჯება, რეაბილიტაციის შემდეგ კი, კონკრეტული საცხოვრებელი ფართების ღირებულება, სულ მცირე, გაორმაგდება.როგორც კალაძემ აღნიშნა, მსგავსი პროექტების განხორციელება საშუალებას იძლევა თბილისი ტურისტებისთვის კიდევ უფრო საინტერესო და მიმზიდველი გახდეს, ქალაქს ტურისტული მიმართულებით უდიდესი პოტენციალი აქვს, რაც, თავისთავად, ბიუჯეტის ზრდაზეც აისახება.   ქალაქის ეკონომიკურ პოლიტიკაზე საუბრისას, მერობის კანდიდატმა ერთ-ერთ მთავარ მიმართულებად ღამის ეკონომიკის განვითარება დაასახელა. მისი თქმით, ქალაქის ეკონომიკურ პოლიტიკაში ღამის ეკონომიკის განვითარებას განსაკუთრებული ადგილი უჭირავს.„ეს არის სიახლე, ბევრ განვითარებულ ქვეყანაში, ბოლო წლების განმავლობაში, ამ მიმართულებას დიდი ყურადღება ეთმობა. სამწუხაროდ, ბევრმა ადამიანმა არასწორად გაიგო მისი მნიშვნელობა“, - აღნიშნა კახა კალაძემ და განმარტა, რომ ღამის ეკონომიკის განვითარება ხელს შეუწყობს ახალი სამუშაო ადგილების შექმნას და მცირე და საშუალო ბიზნესის განვითარებას. „ჩვენი დედაქალაქი არ ჩამოუვარდება არც ერთ განვითარებულ ქალაქს, ყოველი შემთხვევისთვის, ჩვენ გვაქვს ამბიცია, რომ თბილისი იყოს გამორჩეული ქალაქი რეგიონში“, - განაცხადა მერობის კანდიდატმა.   დედაქალაქის ეკონომიკური პოლიტიკის რამდენიმე მნიშვნელოვანი მიმართულება საზოგადოებას დეტალურად გააცნეს კახა კალაძის გუნდის წევრებმა - ირაკლი ხმალაძემ და ბექა დავითულიანმა.

„ქართული ოცნება - დემოკრატიული საქართველოს“ თბილისის მერობის კანდიდატი, კახა კალაძე, პუშკინის სკვერის მიმდებარედ ავტოსადგომის მოწყობასთან დაკავშირებით პოლიტიკური ოპონენტების მხრიდან გამოთქმულ ბრალდებებს მიზანმიმართულ დეზინფორმაციას უწოდებს.   „მინდა გამოვეხმაურო იმ უსამართლო განცხადებებს დ არასწორ ინფორმაციას, რომელსაც ე.წ. ოპოზიცია, კონკრეტულად, ორივე ნაციონალური მოძრაობა ავრცელებს, რომ თითქოს პუშკინის სკვერის მიმდებარე ტერიტორიაზე არსებული ავტოსადგომი საჩუქრად გადაეცა ბიძინა ივანიშვილს. ეს არის ძალიან დიდი ტყუილი და მიზანმიმართული დეზინფორმაცია“, - აცხადებს დედაქალაქის მერობის კანდიდატი სოციალურ ქსელში გავრცელებულ ვიდეომიმართვაში.   კახა კალაძის განმარტებით, აღნიშნული ტერიტორია საინვესტიციო ვალდებულებებით შესაბამის კომპანიას გადაეცა, რომელმაც უნდა მოაწყოს მიწისქვეშა პარკინგი, რაშიც მილიონ ლარზე მეტს დახარჯავს.   მისივე თქმით, დაახლოებით, ათი ლოკაციაა ქალაქში მონიშნული, სადაც ავტოსადგომები უნდა განთავსდეს და ამათგან ერთ-ერთი სწორედ პუშკინის სკვერის მიმდებარე ტერიტორიაა. მერობის კანდიდატი დარწმუნებულია, რომ ეს იქნება ერთ-ერთი საუკეთესო მიწისქვეშა პარკინგი იმ დანარჩენ ცხრა პარკინგთან ერთად, რომლის გაკეთებაც მომდევნო წლებში იგეგმება.   „ერთის მხრივ, ოპოზიციური პარტიები აღნიშნავენ, რომ ქალაქში პარკინგის სერიოზული პრობლემაა, მეორეს მხრივ კი ეწინააღმდეგებიან მსგავსი პროექტების განხორციელებას. მიზეზი მარტივია - მიზანმიმართულად მიმდინარეობს ბიძინა ივანიშვილის დისკრედიტაცია, იმიტომ, რომ ეს გახლავთ ადამიანი, რომელიც ძალიან დიდ ინვესტიციებს ახორციელებს ქვეყანაში“, - განაცხადა კალაძემ.   ვიდეომიმართვაში თბილისის მერობის კანდიდატმა „პანორამა თბილისისა“ და თაბორის მთაზე მიმდინარე პროექტების შესახებაც ისაუბრა. მისი თქმით, „პანორამა თბილისის“ მშენებლობა, რაზეც 400 მილიონი ამერიკული დოლარი იხარჯება და 15 ათასამდე ადამიანია დასაქმებული, ძალიან მნიშვნელოვანია ქვეყნის განვითარებისთვის და ეკონომიკური წინსვლისთვის.   კალაძემ ასევე დეზინფორმაცია უწოდა თაბორის მთაზე ბიძინა ივანიშვილის მხრიდან მიწების მითვისების შესახებ ოპონენტების კიდევ ერთ ბრალდებას. როგორც მერობის კანდიდატმა აღნიშნა, თაბორის მთაზე ამ ეტაპზე მიმდინარეობს სარწყავი სისტემის მოწყობა მწვანე ნარგავებისთვის, ხოლო იმ პროექტის განხორციელებით, რომელიც ამ ტერიტორიაზე იგეგმება და გულისხმობს სასტუმრო კომპლექსის მშენებლობას, ასევე, ულამაზესი მწვანე სივრცის შექმნას, თაბორის მთა გახდება ერთ-ერთი საუკეთესო ადგილი ევროპაში, სადაც თითოეულ თბილისელს შესაძლებლობა ექნება ავიდეს და განიტვირთოს.   „ვერავინ და ვერაფერი ვერ შეაჩერებს ქალაქის წინსვლას და განვითარებას. ჩვენ ეკოლოგიასაც მოვაწესრიგებთ, ტრანსპორტსაც მოვაწესრიგებთ, შეიქმნება საპარკინგე სივრცეები. ის ძალიან მძიმე, არსებული ვითარება პარკირებასთან დაკავშირებით, რომელიც წინა ხელისუფლების მმართველობის დროს შემოვიდა და კაბალური ხელშეკრულება იქნა გაფორმებული, ჩემი მერობის პირობებში სამართლებრივად დასრულდება. ასევე დავასრულებთ მიდგომებს, რომ მიზანმიმართულად ვრცელდებოდეს დეზინფორმაციები და პასუხის გამცემიც არ იყოს არავინ, ეს ძალიან საწყენია. არავის არ მივცემთ იმის შესაძლებლობას, რომ იცრუოს, მოიტყუოს და მოსახლეობაში შეიყვანოს შეცდომაში. მართლა არ ბნელა ქვეყანაში, არ არის მხოლოდ „პარტია რუსთავი 2“, არის სხვა შესაძლებლობებიც, არსებობს ინტერნეტი და სწორი ინფორმაცია ყველასთვის ხელმისაწვდომია“, - განაცხადა კახა კალაძემ.

საწევრო შენატანები და შემოწირულობებ

„ქართული ოცნება - დემოკრატიული საქართველოს“ თბილისის საკრებულოს დეპუტატობის კანდიდატის, ბექა დავითულიანის განცხადებით, დედაქალაქში ღამის ეკონომიკის განვითარებისთვის ოპტიმალური კონცეფცია უნდა შემუშავდეს.   როგორც დავითულიანმა საქართველოს ინოვაციების და ტექნოლოგიების სააგენტოში გამართულ ეკონომიკის პოლიტიკის პრეზენტაციაზე განაცხადა, აღნიშნული კონცეფცია საერთაშორისო ექსპერტებისა და ბიზნესის წარმომადგენლების ჩართულობითა და თბილისის სპეციფიკის გათვალისწინებით უნდა შეიქმნას.   დავითულიანის განმარტებით, ღამის ეკონომიკის მთავარი მიზანი, თბილისის შემთხვევაში არის ის, რომ სიცოცხლით სავსე ქალაქი და მთლიანად დედაქალაქის ეკონომიკა მუშაობდეს 24/7-ზე შეუჩერებლივ, რაც მოქალაქეთა შემოსავლების ზრდაზე დადებითად აისახება.   “ხანდახან ხდება ისე, რომ ღამის ეკონომიკა შუაღამის ეკონომიკა გვგონია, რა თქმა უნდა ეს ასე არ არის - ღამის ეკონომიკად განიხილება ნებისმიერი ბიზნესაქტივობა, რომელიც ოფიციალურ სამუშაო საათების შემდეგ ხორციელდება. შესაბამისად, ამაში ჩართულია როგორც კერძო სექტორი, ისე კვების ობიექტები, სასტუმროები, კულტურული ღონისძიებები”, - განაცხადა კახა კალაძის გუნდის წევრმა.   ბექა დავითულიანმა საერთაშორისო აკრედიტაციის მიღების აუცილებლობაზეც ისაუბრა და აღნიშნა, რომ ეს იქნება ერთ-ერთი მთავარი ამოცანა, რაც შემდეგში ხელს შეუწყობს ტურიზმის განვითარებას და ღამის აქტივობებს.   „ეკონომიკური აქტივობების ხელშეწყობისთვის პირველი, რაც შეუძლია მუნიციპალიტეტს გააკეთოს, ეს არის საზოგადოებრივი ტრანსპორტით უზრუნველყოფა, სტარტაპების, ინოვაციის და ფესტივალების ხელშეწყობა, ახალი სივრცეების შექმნა და დეინდუსტრიალიზებული ზონების განვითარება“, - განაცხადა დავითულიანმა.

„ღია მმართველობის პარტნიორობის“(OGP) აღმასრულებელი კომიტეტის თავმჯდომარე, იუსტიციის მინისტრი თეა წულუკიანი და OGP-ის საქართველოს სამდივნოს წარმომადგენლები “ქართული ოცნების“ თბილისის მერობის კანდიდატს, კახა კალაძეს შეხვდნენ.   მერობის კანდიდატმა თეა წულუკიანს ხელმოწერილი „ღია მმართველობის ქვე-ეროვნული დეკლარაცია“ გადასცა. კახი კალაძე პირველია მერობის კანდიდატებიდან, რომელმაც აღნიშნულ დოკუმენტს ხელი მოაწერა.   „ქართული ოცნების“ მერობის კანდიდატმა OGP-ის საქართველოს წარმომადგენლობასთან შეხვედრა მათი ნიუ-იორკიდან დაბრუნების შემდეგ ითხოვა. კახა კალაძემ მასპინძლებს, ორგანიზაციასთან პარტნიორობის ფარგლებში, თბილისის წარმატებასთან დაკავშირებით საკუთარი ხედვა გააცნო.ასევე, განიხილა, თუ როგორ უნდა დახვდეს საქართველოს დედაქალაქი ახლო მომავალში „ღია მმართველობის პარტნიორობის“ გლობალურ სამიტს.   „მისასალმებელია, რომ საქართველო არის OGP-ის თავმჯდომარე ქვეყანა. ზოგადად გამჭვირვალობა, ღიაობა ჩვენი გუნდის ერთ-ერთი უმნიშვნელოვანესი მიმართულებაა და ახლო მომავალში ამ მიმართულებით გვექნება კონკრეტული პროგრამის პრეზენტაცია, თუ რა პროექტების განხორციელებას ვგეგმავთ თბილისის მერიაში“, - განუცხადა კახა კალაძემ ჟურნალისტებს შეხვედრის დასრულების შემდეგ.   მისივე განმარტებით, იგეგმება პროექტები, რომლებიც ხელს შეუწყობენ ადამიანების ჩართულობას თვითმმართველობის საქმიანობაში, რათა მოქალაქეებმა მონაწილეობა მიიღონ საკუთარი რაიონის ბიუჯეტის დაგეგმვაში, პრიორიტეტების განსაზღვრასა და გადაწყვეტილების მიღებაში.   ჟურნალისტებთან კომენტარი ასევე გააკეთა OGP-ს აღმასრულებელი კომიტეტის თავმჯდომარე თეა წულუკიანმა. მინისტრის განცხადებით, კახა კალაძე მერობის პირველი კანდიდატი, რომელიც ამ დროისთვის მათ ეწვია.   „მას აქვს კონკრეტული ხედვა თუ როგორ უნდა გაიყვანოს დიდ მასშტაბზე 2016 წელს თბილისის მერიის მიერ დაწყებული ურთიერთობა „ღია მმარველობის პარტნიორობის“ ორგანიზაციასთან, რადგან თბილისი ამ დროიდან ერთ-ერთი პირველი დედაქალაქია, რომელიც ორგანიზაციას შეუერთდა პარიზთან ერთად“, - აღნიშნა წულუკიანმა.   მისივე თქმით, OGP-ის საქართველოს სამდივნო მზადაა, სურვილის შემთხვევაში, კახი კალაძის მსგავსად, სხვა კანდიდატებსაც შეხვდეს და მათი ხედვები მოისმინოს.   როგორც ცნობილია, „ღია მმართველობის პარტნიორობის“ წევრი ქალაქი თბილისი − ერთ-ერთი პირველი დედაქალაქია ორგანიზაციის 75 წევრი ქვეყნის დედაქალაქებს შორის, რომელიც 2016 წელს „ღია მმართველობის პარტნიორობას“ შეუერთდა და ვალდებულებები აიღო გამჭვირვალობის, სერვისების ხელმისაწვდომობისა და ანგარიშვალდებულების კუთხით.   საქართველოს პრემიერ-მინისტრმა გიორგი კვირიკაშვილმა ღია მმართველობის პარტნიორობის თავმჯდომარეობა გაერო-ს გენერალური ასამბლეის ფარგლებში 19 სექტემბერს საფრანგეთის პრეზიდენტ ემანუელ მაკრონისგან გადმოიბარა. ეს არის პირველი შემთხვევა, როდესაც საქართველო თავმჯდომარეობს ორგანიზაციას, რომლის შემადგენლობაშიც, დღეის მონაცემებით, 75 ქვეყანაა. „OGP“-ის მმართველ კომიტეტში საქართველოს იუსტიციის მინისტრი თეა წულუკიანი წარმოადგენს. საქართველოში „ღია მმართველობის პარტნიორობის“ პროცესს წარმართავს და კოორდინაციას უწევს იუსტიციის სამინისტრო. ის წარმოადგენს ქვეყნის სხვადასხვა უწყებას „OGP“-ის ფორმატში საერთაშორისო არენაზე.

თბილისის ისტორიის მუზეუმში (ქარვასლა) პარტია „ქართული ოცნება - დემოკრატიული საქართველოს“ საარჩევნო კლიპის პრეზენტაცია გაიმართა.   ღონისძიებას პრემიერ-მინისტრი, პარტიის თავმჯდომარე გიორგი კვირიკაშვილი, „ქართული ოცნების“ თბილისის მერობის კანდიდატი კახა კალაძე, საკრებულოს დეპუტატობის კანდიდატები, პარტიის წევრები  და მხარდამჭერები ესწრებოდნენ.   „დღეს არის გამარჯვების დღე - პირველი ოქტომბერი, როდესაც ჩვენს ქვეყანაში ადამიანებმა გაიმარჯვეს. დღეს ჩვენ ისევ ერთად ვართ და ერთად ვამბობთ, რომ ადამიანის ღირსებაზე, მის ბედნიერებაზე გადის გამარჯვება, სახელმწიფოს პერსპექტივა და ქვეყნის მომავალი“, - განაცხადა პრემიერ-მინისტრმა პრეზენტაციაზე.   გიორგი კვირიკაშვილის შეფასებით, ვიდეორგოლი, რომელიც საარჩევნოდ მომზადდა, სწორედ ადამიანზე საუბრობს; საუბრობს ქვეყანაზე, რომელიც ლამაზი ადამიანებისგან შედგება და ეს იმაზე გაცილებით მეტია, ვიდრე ერთი კონკრეტული პარტიის საარჩევნო კლიპი.   „სწორედ ასეთი ადამიანები ქმნიან ჩვენი ქვეყნის კიდევ უფრო უკეთეს ხვალინდელ დღეს. როდესაც ამ ვიდეორგოლს ნახავთ, შეუძლებელია არ აივსოთ ჩვენი ქვეყნის სიყვარულით, შეუძლებელია არ იგრძნო მისი მაჯისცემა, გულისცემა და არ მოგინდეს, კიდევ უფრო მეტი გააკეთო ჩვენი ქვეყნის მომავლისთვის“, - განაცხადა გიორგი კვირიკაშვილმა.   მისი თქმით, სწორედ ეს არის საქართველო - მისი ყველა კუთხე არის ქვეყნის სიმდიდრე და სილამაზე. პრემიერი დარწმუნებულია, რომ ყველა ერთად შეძლებს ისეთი ლამაზი ქვეყნის აშენებას , რომელიც იქნება პროგრესული და განვითარებული, ექნება თანამედროვე განათლება, წელში გამართული სოფლები და რაც ყველაზე მთავარია, სიყვარულით იქნება გაერთიანებული. „ადამიანობის გამარჯვების დღეს გილოცავთ; მჯერა ჩვენი ხალხის და ჩვენი ქვეყნის, რომელიც არის სიყვარულზე დაფუძნებული და სიყვარულით გაერთიანებული“, - განაცხადა პრემიერ-მინისტრმა.   პრეზენტაციაზე შეკრებილ საზოგადოებას სიტყვით მიმართა კახა კალაძემაც და მათ მადლობა გადაუხადა.   „საქართველოს უახლეს ისტორიაში პირველი ოქტომბერი ძალიან მნიშვნელოვანი დღე იქნება. ბოლო წლების განმავლობაში, ძალიან ბევრი მნიშვნელოვანი პროექტი განვახორციელეთ. ჩვენი მთავარი მიზანი და ამოცანა ყოველთვის იყო, არის და იქნება ადამიანი და მისი კეთილდღეობა. ჩვენი საარჩევნო პროგრამა, ხედვა და მიდგომა განპირობებულია იმ მიმართულებით, რომ დედაქალაქი უფრო ლამაზი, უფრო კეთილმოწყობილი და განვითარებული იყოს“, - განაცხადა თბილისის მერობის კანდიდატმა.   „ქართული ოცნების“ საარჩევნო კლიპი კომპანია „აის ბრეიქერმა“ მოამზადა. კლიპის რეჟისორები გიორგი ებრალიძე და ჯაბა მელქაძე არიან, პროდიუსერი - ელენე კოლელიშვილი, არანჟირება კი გიორგი ასანიშვილს ეკუთვნის.

„ქართული ოცნება - დემოკრატიული საქართველოს“ თბილისის მერობის კანდიდატმა მომდევნო ოთხი წლის განმავლობაში დაგეგმილ ინფრასტრუქტურულ პროექტებზე, ეკოლოგიური გაუმჯობესების გზებზე, სოციალურ საკითხებზე, ტრანსპორტის განვითარებასა და ქაოტური მშენებლობების აღკვეთის ღონისძიებებზე ისაუბრა.   კახა კალაძემ ყურადღება გაამახვილა ქალაქის ყველა რაიონში საზოგადოებრივი ტრანსპორტის ხელმისაწვდომობასა და ოპერატიულობაზე.   მისი თქმით, რეაბილიტირდება მეტრო, განვითარდება საზოგადოებრივი ტრანსპორტი და სხვადასხვა რაიონებში გაიზრდება როგორც სამარშუტო ხაზების, ისე, ავტობუსების რაოდენობაც.   თბილისის მერობის კანდიდატის განმარტებით, ასევე, განსაკუთრებული ყურადღება მიექცევა საცხოვრებელი ფართების დაკანონებას იმ ოჯახების შემთხვევაში, რომლებიც ათეულობით წლებია აღნიშნულ ფართებში ცხოვრობენ.   შეხვედრას სამგორის რაიონის მაჟორიტარობის კანდიდატები - რევაზ სოხაძე, გიორგი დოხტურიშვილი და გიორგი ტყემალაძე ესწრებოდნენ. 

კახა კალაძე გლდანის მეშვიდე, მეხუთე, მესამე და პირველი მიკრორაიონების მოსახლეობას შეხვდა და თბილისის განვითარების პროგრამული ხედვა გააცნო.   „ქართული ოცნება - დემოკრატიული საქართველოს“ თბილისის მერობის კანდიდატმა მომდევნო ოთხი წლის განმავლობაში დაგეგმილ ინფრასტრუქტურულ პროექტებზე, ეკოლოგიური გაუმჯობესების გზებზე, სოციალურ საკითხებზე, ტრანსპორტის განვითარებასა და ქაოტური მშენებლობების აღკვეთის ღონისძიებებზე ისაუბრა.   კახა კალაძემ განსაკუთრებული ყურადღება გაამახვილა ძველი რადიოქარხნის ტერიტორიაზე რადიოქალაქის მოწყობაზე, რომელშიც სპორტულ-გამაჯანსაღებელი კომპლექსი, გასართობი ინფრასტრუქტურა და სარეკრეაციო ზონები განთავსდება.   მოსახლეობასთან შეხვედრისას, თბილისის მერობის კანდიდატმა გაიხსენა გლდანის პირველი მიკრორაიონის ერთ-ერთ სპორტულ მოედანზე დაგეგმილი მშენებლობა და განაცხადა, რომ უკვე მიმდინარეობს მუშაობა იმაზე, რომ სამშენებლო კომპანია სანაცვლო ადგილით დაკმაყოფილდეს, ხოლო სპორტული მოედანი რეაბილიტირდება და კეთილმოეწყობა.   „ჩვენ არ ვართ მშენებლობის წინააღმდეგი, მაგრამ კიდევ ერთხელ ვიტყვი, რომ არც ერთ სკვერში, პარკში, სპორტულ მოედანზე და საზოგადოებრივ სივრცეში საცხოვრებელი კორპუსები არ აშენდება. ქალაქი უნდა განვითარდეს, აშენდეს, თუმცა სწორად, ხარისხიანად და თანმიმდევრულად“ - განაცხადა კახა კალაძემ.   შეხვედრას კახა კალაძის საარჩევნო შტაბის ხელმძღვანელი არჩილ თალაკვაძე, გლდანის მაჟორიტარი დეპუტატი პარლამენტში ლევან კობიაშვილი და საკრებულოს მაჟორიტარობის კანდიდატი ოთარ გრიგოლია ესწრებოდნენ.

პრემიერ-მინისტრმა, პარტია „ქართული ოცნება - დემოკრატიული საქართველოს“ თავმჯდომარე გიორგი კვირიკაშვილმა რუსთავში, ქვემო ქართლის რეგიონის მერობის კანდიდატები წარადგინა.   21 ოქტომბრის ადგილობრივი თვითმმართველობის არჩევნებში “ქართულ ოცნებას“ მერობის კანდიდატი შვიდივე მუნიციპალიტეტში ეყოლება.   მმართველი გუნდის გადაწყვეტილებით, რუსთავის მერობის კანდიდატი ირაკლი ტაბაღუა იქნება, გარდაბნის - რამაზ ბუდაღაშვილი, მარნეულის - თემურ აბაზოვი, ბოლნისის - დავით შერაზადიშვილი, დმანისის - გიორგი ტატუაშვილი, წალკის - ილია საბაძე, ხოლო თეთრიწყაროს - გიორგი ქორიძე.   პრემიერ-მინისტრმა ამომრჩეველს მხარდაჭერისკენ მოუწოდა და აღნიშნა, რომ „ქართული ოცნების“ კანდიდატები დიდი უპირატესობით გაიმარჯვებენ.   „თითოეული მათგანი ნამდვილი პროფესიონალია, რომლებიც მზად არიან, თავიანთი ცოდნა და გამოცდილება, თითოეული თქვენგანის პრობლემის გადაჭრას მოახმარონ. დიდი მადლობა ასეთი მხარდაჭერისთვის და აბსოლუტურად დარწმუნებული ვარ, რომ ყველა მათგანი დიდი უპირატესობით გაიმარჯვებს. ჩვენ ერთად უნდა ავაშენოთ ძლიერი ქვეყანა და ერთად უნდა შევქმნათ კიდევ უფრო უკეთესი ხვალინდელი დღე“, - განაცხადა პრემიერ მინისტრმა.   მთავრობის მეთაური მერობის კანდიდატებს მთელი საქართველოს მასშტაბით წარადგენს.

„თქვენ ხართ ადამიანები, რომლებმაც განიცადეს ძალიან დიდი ტკივილი. მე მჯერა, რომ ჩვენ აუცილებლად დავბრუნდებით აფხაზეთსა და სამაჩაბლოში. ეს ორი რეგიონი არის საქართველო, ჩვენი სამშობლო, მაგრამ თბილისი ჩვენი დედაქალაქია და თითოეული ჩვენგანის სურვილია, ხვალინდელი თბილისი იყოს უფრო უკეთესი, მოწესრიგებული და ლამაზი. ჩვენ ყველას კარგად გვესმის, რომ ბევრი პრობლემაა ქალაქში და უნდა გადაიდგას კონკრეტული ნაბიჯები, რათა ისინი მოგვარდეს“ - აღნიშნული განცხადება კახა კალაძემ აფხაზეთიდან დევნილ საზოგადოებასთან შეხვედრისას გააკეთა.   „ქართული ოცნება - დემოკრატიული საქართველოს“ თბილისის მერობის კანდიდატმა აფხაზეთიდან იძულებით გადაადგილებულ პირებთან თბილისის განვითარების ხედვაზე, დაგეგმილ მიმართულებებზე და პროექტებზე ისაუბრა.   მისი თქმით, ეკოლოგიური მდგომარეობის გაუმჯობესებისათვის ღონისძიებები სამი მიმართულებით განხორციელდება: პარკებისა და სკვერების რეაბილიტაცია და ახალი მწვანე სივრცეების შექმნა; მუნიციპალური ტრანსპორტის განახლება და განვითარება; მშენებლობის სტანდარტების დახვეწა ეკოლოგიის და უსაფრთხოების მიმართულებით.   თბილისის მერობის კანდიდატი მოსახლეობას დაჰპირდა, რომ მისი მერობის დროს გამოირიცხება საცხოვრებელი კორპუსების მშენებლობა რეკრეაციულ ზონებსა და მწვანე სივრცეებში.   მისივე თქმით, ყურადღება მიექცევა არამარტო ძველი უბნების, არამედ ზოგადად, ავარიული შენობების აღრიცხვის, რეაბილიტაციისა და ჩანაცვლების საკითხს, ასევე, მოაგვარებს დაუკანონებელი საცხოვრებელი ფართების პრობლემას, სადაც ოჯახები ათეული წელია ცხოვრობენ.   კახა კალაძემ ყურადღება გაამახვილა ჯანდაცვისა და სოციალურ მიმართულებაზე და აღნიშნა, რომ თბილისის მერიაში მოქმედი ოცდაორივე პროგრამა გაგრძელდება და განვითარდება.   შეხვედრას, ასევე, ესწრებოდა ლტოლვილთა და განსახლების მინისტრი სოზარ სუბარი, რომელმაც აფხაზეთიდან დევნილ მოსახლეობას, სამინისტროს მიერ იძულებით გადაადგილებულ პირთა ხელშეწყობის ღონისძიებებისა და გადაცემული საცხოვრებელი ფართების სტატისტიკის შესახებ მიაწოდა ინფორმაცია.   აფხაზეთიდან დევნილებმა მხარდაჭერა გამოხატეს თბილისის მერობის კანდიდატის მიმართ და აღნიშნეს, რომ კახა კალაძე ის რეალური კანდიდატურაა, რომელიც თბილისს ცვლილებებს მოუტანს.

„ქართული ოცნება - დემოკრატიული საქართველოს“ თბილისის მერობის კანდიდატი კახა კალაძე მუხიანის მოსახლეობას შეხვდა და პროგრამული ხედვა გააცნო.თბილისის მერობის კანდიდატმა მომდევნო ოთხი წლის განმავლობაში დაგეგმილ ინფრასტრუქტურულ პროექტებზე და ეკოლოგიური გაუმჯობესების გზებზე ისაუბრა.მისი თქმით, ეკოლოგიური მდგომარეობის გაუმჯობესებისათვის ღონისძიებები სამი მიმართულებით განხორციელდება: პარკებისა და სკვერების რეაბილიტაცია და ახალი მწვანე სივრცეების შექმნა; მუნიციპალური ტრანსპორტის განახლება და განვითარება; მშენებლობის სტანდარტების დახვეწა ეკოლოგიის და უსაფრთხოების მიმართულებით.   თბილისის მერობის კანდიდატი მოსახლეობას დაჰპირდა, რომ მისი მერობის დროს გამოირიცხება საცხოვრებელი კორპუსების მშენებლობა რეკრეაციულ ზონებსა და მწვანე სივრცეებში. მისივე თქმით, ყურადღება მიექცევა არამარტო ძველი უბნების, არამედ ზოგადად, ავარიული შენობების აღრიცხვის, რეაბილიტაციისა და ჩანაცვლების საკითხს, ასევე, მოაგვარებს დაუკანონებელი საცხოვრებელი ფართების პრობლემას, სადაც ოჯახები ათეული წელია ცხოვრობენ.   კახა კალაძემ ყურადღება გაამახვილა ჯანდაცვისა და სოციალურ მიმართულებაზე და აღნიშნა, რომ თბილისის მერიაში მოქმედი ოცდაორივე პროგრამა გაგრძელდება და განვითარდება.   „2012 წლიდან დღემდე ამ მიმართულებით ბევრი რამ გაკეთდა, თუმცა კვლავ რჩებიან ადამიანები, რომლებსაც მხარდაჭერა ჭირდებათ. ჩვენ აუცილებლად ვიზრუნებთ ამ ადამიანებზე, ამავდროულად, ვიმუშავებთ მცირე და საშუალო ბიზნესის განვითარების მიმართულებით, რათა შევამციროთ სიღარიბის დონე და ქალაქში მეტი დასაქმებული გვყავდეს“ - განაცხადა თბილისის მერობის კანდიდატმა.   შეხვედრას, ასევე, გლდანის მაჟორიტარი დეპუტატი პარლამენტში ლევან კობერიძე და საკრებულოს გლდანის მაჟორიტარობის კანდიდატი ქეთევან ჯოხაძე ესწრებოდნენ.

„ქართული ოცნება - დემოკრატიული საქართველოს“ თბილისის მერობის კანდიდატი კახა კალაძე, მხარდამჭერთა კლუბში, ექიმებს შეხვდა და მათ ქალაქის განვითარების პროგრამული ხედვა წარუდგინა.   კახა კალაძემ მედიკოსებს ურბანული, სატრანსპორტო, ეკოლოგიური, ეკონომიკური, სოციალური და ჯანდაცვის, განათლებისა და კულტურის, ასევე, მართვის პოლიტიკები გააცნო.    თბილისის მერობის კანდიდატმა შეხვედრაზე ყურადღება გაამახვილა ეკოლოგიის, სოციალური და ჯანდაცვის მიმართულებით დაგეგმილ ღონისძიებებზე და განაცხადა, რომ 4 წლის განმავლობაში, თბილისის მერია იზრუნებს, რომ ქალაქში ეკოლოგიური მდგომარეობა გაუმჯობესდეს და ადამიანების ჯანმრთელობა და საარსებო გარემო მეტად დაცული იყოს.    „ჩვენ წარმოვადგინეთ მთლიანი პროგრამული ხედვა, მათ შორის, საუბარი იყო ჯანდაცვაზე და სოციალურ მიმართულებებზე. ეს, რა თქმა უნდა, ჩვენს საარჩევნო პროგრამაში ძირითადი  მიმართულებებია, რომელიც საკმაოდ აქტუალურია დღეს თბილისელებისთვის. დღეს ექიმებს გავაცანით სამომავლო გეგმები. ისინი არიან ადამიანები,  ვინც ყოველდღიურ რეჟიმში ზრუნავს ჩვენი, ჩვენი შვილების ჯანმრთელობაზე და ვფიქრობ, კმაყოფილები დარჩნენ. ამ პროექტების განხორციელება რამდენიმე წლის განმავლობაში გვაქვს დაგეგმილი.  საკმაოდ ამბიციური გეგმა გვაქვს და მჯერა, რომ თბილისელებთან ერთად ჩვენ მოვახერხებთ ამ პოლიტიკური მიზნების შესრულებას“ - განაცხადა კახა კალაძემ.   შეხვედრას ჯანდაცვის სპეციალისტებთან და ექიმებთან ერთად, ჯანდაცვის მინისტრი დავით სერგეენკო და ჯანდაცვის საპარლამენტო კომიტეტის წევრები ესწრებოდნენ.   „თავიდან, როდესაც გავეცანი სოციალური ჯანდაცვის ნაწილს, მართალი გითხრათ,   სასიამოვნოდ გაკვირვებული დავრჩი, რადგან პრაქტიკულად სინქრონიზებულია ცენტრალური ხელისუფლებისა და ადგილობრივი მუნიციპალიტეტის მცდელობები, ძალისხმევა იმისათვის, რომ  მოქალაქეების ჯანმრთელობა და სოციალური მდგომარეობა გახდეს უკეთესი. მე მჯერა, რომ კახი კალაძე იქნება ძალიან კარგი მერი და გვექნება მეტი შესაძლებლობა, რომ მოქალაქეებს მეტი შვება მივცეთ“ - განაცხადა დავით სერგეენკომ.   კახა კალაძის პროგრამულ ხედვაში წარმოდგენილი სოციალური და ჯანდაცვის მიმართულებები შეაფასეს სამედიცინო საზოგადოების წარმომადგენლებმაც.   „იმისთვის, რომ ჩვენ, ექიმებმა, მაქსიმალურად მაღალტექნოლოგიური სამედიცინო სერვისები, როგორც დიაგნოსტიკური,  ისე სამკურნალო, შევთავაზოთ ჩვენს პაციენტებს, უნდა განვითარდეს ეს სერვისები. ამისათვის კი გვჭირდება ძლიერი სახელმწიფო, ძლიერი თვითმმართველობები, ძლიერი მერი. რა თქმა უნდა, კახა კალაძე იქნება წარმატებული მერი. მას უწევს საკმაოდ რთული გზის გავლა და ჩვენი, თითოეული ექიმის ძირითადი  მიზანია მას ამ გზის გავლაში დავეხმაროთ და შევქმნათ მაქსიმალურად ჯანსაღი, ეკოლოგიურად სუფთა გარემო სიცოცხლით სავსე ქალაქში“ - განაცხადა პედიატრმა თემურ მიქელაძემ.   ალერგიისა და იმუნოლოგიის ცენტრის დირექტორი მაია გოთუა აღნიშნავს, რომ მსოფლიოს ახალი გამოწვევის - ალერგიის ფონზე, განსაკუთრებული მნიშვნელობა ენიჭება ეკოლოგიური საკითხების მოგვარებას.   „ძალიან დიდი მნიშვნელობა აქვს ჩვენი ქალაქისთვის, რომ იყოს ჯანსაღი გარემო, იყოს ნატურალური პროდუქტი და რაც შეიძლება ალერგენებისგან და გენეტიკურად მოდიფიცირებული საკვებისგან თავისუფალი საშუალებები, რომელსაც მოიხმარს ადამიანი. ვინაიდან ალერგია გახდა მსოფლიო პრობლემა, განსაკუთრებული მნიშვნელობა აქვს ჩვენი ახალგაზრდებისთვის ეკოლოგიურ ჰარმონიას და ამიტომაც, მნიშვნელოვანია იყოს გამწვანებული ქალაქი, ჯანსაღი, სუფთა ჰაერი ჩვენი მცხოვრებლებისთვის, მაგრამ, ამავე დროს, უნდა დაწესდეს ძალიან დიდი  კონტროლი საკვებ პროდუქტებზე, ჰაერზე, წყალზე და ყველაფერ იმასთან, რასთანაც ჩვენ ბავშვებს აქვთ ურთიერთობა. ამ მხრივ, იმედს გამოვთქვამ,  წარმოდგენილი ხედვა ძალიან სასარგებლო იქნება ჩვენი მოსახლეობისთვის“ - განაცხადა მაია გოთუამ.   კახა კალაძე საარჩევნო კამპანიის ფარგლებში სხვადასხვა სოციალურ და პროფესიულ ჯგუფებთან შეხვედრებს აგრძელებს. თბილისის მერობის კანდიდატის განცხადებით, მნიშვნელოვანია, თბილისში მცხოვრებმა მოქალაქეებმა მაქსიმალურად დეტალური ინფორმაცია მიიღონ მომავალი 4 წლის განმავლობაში განსახორციელებელი პროექტებისა და პროგრამების შესახებ.

პრემიერ-მინისტრმა, პარტია „ქართული ოცნება - დემოკრატიული საქართველოს“ თავმჯდომარე გიორგი კვირიკაშვილმა ახალციხეში, სამცხე-ჯავახეთის რეგიონის მერობის კანდიდატები წარადგინა. 21 ოქტომბრის ადგილობრივი თვითმმართველობის არჩევნებში „ქართულ ოცნებას“ მერობის კანდიდატი ექვსივე მუნიციპალიტეტში ეყოლება.   მმართველი გუნდის გადაწყვეტილებით, ბორჯომის მერობის კანდიდატი ლევან ლიპარტია იქნება, ახალციხის - ზაზა მელიქიძე, ადიგენის - ზაქარია ენდელაძე, ასპინძის - როსტომ მაგრაქველიძე, ახალქალაქის - იურიკ უნანიანი, ხოლო ნინოწმინდის - ანივარდ მოსოიანი.   პრემიერ-მინისტრმა ამომრჩეველს მხარდაჭერისკენ მოუწოდა და აღნიშნა, რომ „ქართული ოცნება“ მერობის კანდიდატებს სრულ მხარდაჭერას უცხადებს. მთავრობის მეთაური დარწმუნებულია, რომ ისინი არჩევნებში დამაჯერებელ გამარჯვებას მოიპოვებენ.   „ეს ადამიანები მზად არიან, 24 საათის განმავლობაში, თითოეული თქვენგანის პრობლემის მოგვარებისთვის იმუშაონ; არ დაიშურონ ძალა - გამოიყენონ თავიანთი გამოცდილება იმისთვის, რომ როდესაც სამი წლის თავზე აქ შევხვდებით, ყველანი პირნათელი ვიყოთ თქვენს წინაშე. სწორედ ამიტომ, ყველანი ერთად უნდა დავდგეთ და მხარი დავუჭიროთ „ქართულ ოცნებას“. მჯერა, რომ თქვენ საუკეთესო კანდიდატებს აირჩევთ და „ქართული ოცნების“ კანდიდატები ნამდვილად ასეთები არიან“, - განაცხადა გიორგი კვირიკაშვილმა.   მთავრობის მეთაურმა მერობის კანდიდატები რამდენიმე რეგიონში უკვე წარადგინა.

„მჯერა, რომ აუცილებლად დავიბრუნებთ აფხაზეთს და სამაჩაბლოს. ამისთვის საჭიროა ეკონომიკურად ძლიერი და წინწასული ქვეყანა ავაშენოთ“ - აღნიშნული განცხადება „ქართული ოცნება - დემოკრატიული საქართველოს“ თბილისის მერობის კანდიდატმა კახა კალაძემ დღეს ვეტერანებთან და აფხაზეთიდან დევნილ მხატვრებთან შეხვედრაზე გააკეთა.   მისი თქმით, ყველა პრობლემის მოგვარება იქნება შესაძლებელი ძლიერი ეკონომიკის პირობებში.    „მე ყველას მოგიწოდებთ ერთობისკენ. ყველამ ვიცით რამხელა ძალა აქვს ერთობას, ეს დავანახეთ მსოფლიოს 2012 წლის 1 ოქტომბერს, მაშინ, როდესაც არავის ეგონა, რომ ჩვენ მშვიდობიანი გზით, არჩევნების გზით შევძლებდით ჩაგვენაცვლებინა წინა ხელისუფლება. ახლაც რთული გამოწვევების წინაშე ვდგავართ. კარგად მაქვს გააზრებული, თუ რას ნიშნავს, იყო ქალაქის მერი. კარგად ვიცი ყველა ის პრობლემა, რომელიც აწუხებს თბილისს. შესაბამისად, მე მზად ვარ შევიდე ამ ბრძოლაში თქვენთან ერთად, რადგან შეუძლებელია მარტო შეეჭიდოს ადამიანი ამ პრობლემებს. მე მაქვს ყველა თქვენგანის იმედი და მინდა დაგარწმუნოთ, რომ თქვენც უნდა გქონდეთ ჩემი იმედი“ - განაცხადა კახა კალაძემ.   შეხვედრაზე მყოფმა ვეტერანებმა კახა კალაძის მიმართ მხარდაჭერა გამოხატეს.   „ვეტერანების აქტიური ჯგუფი მხარს ვუჭერთ კახა კალაძეს. ის არის მებრძოლი ადამიანი, იცის შრომის ფასი და იცის, რა უნდა გაკეთდეს იმისათვის, რომ ჩვენ ვეტერანებმა და მთლიანად საზოგადოებამ უკეთ იგრძნოს თავი“ - აღნიშნა ჯანრი უბერიამ.   ვეტერანებს შეუერთდა პარლამენტის წევრი, გენერალი კობა კობალაძეც, რომელმაც მადლობა გადაუხადა კახა კალაძეს მებრძოლების დაფასებისთვის.   „თუ ვინმე დააფასა ნაწილობრივ ჩვენი ვეტერანების ყოფა-ცხოვრება და ჩვენი დაღუპული თანამებრძოლების ხსოვნა, ეს ზუსტად იმ გუნდმა და იმ ბირთვმა, რომლის ერთ-ერთი ლიდერია კახა კალაძე. შინდისში არის ტაძარი, რომელიც იქ დაღუპული გმირების სულის მოსახსენიებლად არის აგებული. სხვა ბევრ კარგ საქმესთან ერთად, სწორედ კახას პირადი დანაზოგით და სურვილით აშენდა ეს ტაძარი“ - განაცხადა კობა კობალაძემ.   ვეტერანებსა და თბილისის მერობის კანდიდატს შორის შეხვედრა სოხუმის დაცემის დღესთან დაკავშირებით გაიმართა. 24 წლის წინ, სოხუმი 13-თვიანი და 13-დღიანი ომის შემდეგ დაეცა. აფხაზეთის შეიარაღებულ კონფლიქტს ათი ათასზე მეტი სამხედრო და მშვიდობიანი მოქალაქე ემსხვერპლა. 300 ათასამდე დევნილი კი, უსახლკაროდ დარჩა.

„საუკუნეებია ერთი წინაპარი გვყავდა, ერთი მონარქია, ერთი სამშობლო გვქონდა. ის ოკუპაციაც და ძმათა მკვლელი ომიც საერთო იყო და ჩვენი საერთო ტკივილია“ - აღნიშნული განცხადება „ქართული ოცნების“ თბილისის მერობის კანდიდატმა კახა კალაძემ საქართველოს ერთიანობისათვის ბრძოლაში დაღუპულ გმირთა მემორიალთან გააკეთა.   „1993 წლის 27 სექტემბერს კიდევ ერთი ცრემლიანი და სისხლიანი დღე ჩაიწერა საქართველოს ისტორიაში. საქართველო იყო ყველა კუთხის სახლი - დაწყებული აფხაზეთით, დამთავრებული სამაჩაბლოთი. საუკუნეებია ერთი წინაპარი გვყავდა, ერთი მონარქია, ერთი სამშობლო გვქონდა. ის ოკუპაციაც და ძმათა მკვლელი ომიც საერთო იყო და ჩვენი საერთო ტკივილია. ვუსამძიმრებ ყველა დაღუპული ადამიანის ოჯახს, ახლობლებს. ეს არის თითოეული ჩვენგანის გულისტკივილი. მჯერა, რომ შევძლებთ დავიბრუნოთ ჩვენი აფხაზეთი და სამაჩაბლო“, -აღნიშნა თბილისის მერობის კანდიდატმა.   27 სექტემბერი სოხუმის დაცემის დღეა. 1992 წლის 14 აგვისტოს დაწყებული 13-თვიანი და 13-დღიანი ომი სოხუმის დაცემით დასრულდა. აფხაზეთის შეიარაღებულ კონფლიქტს ათი ათასზე მეტი სამხედრო და მშვიდობიანი მოქალაქე ემსხვერპლა. 300 ათასამდე დევნილი კი, უსახლკაროდ დარჩა.

თბილისის მერია, მომავალი 4 წლის განმავლობაში ქალაქის ისტორიული უბნების რეაბილიტაციაზე იმუშავებს, რაც ხელს შეუწყობს როგორც ქალაქის ტურისტული პოტენციალის გაუმჯობესებას, ისე, მოსახლეობის შემოსავლების ზრდას - ამის შესახებ, დღეს, კახა კალაძემ განაცხადა.   „ძველი თბილისის რეაბილიტაცია არის ერთ-ერთი პრიორიტეტული საკითხი. ამისათვის 4 წლის განმავლობაში 500 მილიონი ლარი დაიხარჯება. ამ პროცესში გათვალისწინებული იქნება ჩუღურეთის რაიონში, ფიროსმანის ქუჩის რეაბილიტაციაც“ - აღნიშნა თბილისის მერობის კანდიდატმა.   კახა კალაძე, დღეს ჩუღურეთის რაიონის მოსახლეობას შეხვდა და თბილისის განვითარების პროგრამული ხედვა გააცნო. თბილისის მერობის კანდიდატმა აღმაშენებლის გამზირი, ფიროსმანის, წინამძღვრიშვილისა და ჩიქობავას ქუჩები დაათვალიერა. კახა კალაძე, ასევე, წინამძღვრიშვილის N121-ში მცხოვრებ დევნილ ოჯახებსაც  შეხვდა  და მათ საჭიროებებს გაეცნო.   თბილისის მერობის კანდიდატმა, მოსახლეობასთან შეხვედრისას, განსაკუთრებული ყურადღება ეკოლოგიური მდგომარეობის გაუმჯობესებაზე, მუნიციპალური ტრანსპორტის განვითარებასა და ქაოტური მშენებლობების აღკვეთაზე გაამახვილა. მისი თქმით, საჭიროა ინტენსიური მუშაობა იმისათვის, რომ ქალაქში შემცირდეს ჰაერის დაბინძურების დონე.   „გვაქვს ამბიცია იმის, რომ  4 წელიწადში ქალაქში რადიკალური განსხვავება იყოს ეკოლოგიური თვალსაზრისით. ამისთვის საჭიროა კომპლექსური მიდგომა. ახალი მწვანე სივრცეების შექმნისა და არსებული პარკებისა თუ სკვერების რეაბილიტაციის გარდა, ამ მიმართულებით დიდი მნიშვნელობა მიენიჭება საზოგადოებრივი ტრანსპორტის განვითარებას, რადგან გამონაბოლქვი სერიოზულ პრობლემას წარმოადგენს“ - აღნიშნა კახა კალაძემ.   მისი თქმით, არც ერთი საცხოვრებელი კორპუსი არ აშენდება სკვერების, სპორტული მოედნებისა და საზოგადოებრივი სივრცეების ხარჯზე.   „ქაოტური განაშენიანების პრობლემა ერთხელ და სამუდამოდ იქნება მოგვარებული ამ ქალაქში. გვეყო ის, რაც გავაკეთეთ ბოლო 25 წლის განმავლობაში - დავამახინჯეთ დედაქალაქი და უკვე ამის უფლება აღარ გვაქვს. ამ მიმართულებით თუ არ გადავდგით კონკრეტული ნაბიჯები, რამდენიმე წელიწადში ქალაქში სუნთქვა შეუძლებელი იქნება. მშენებლობების წინააღმდეგი არ ვარ, მაგრამ ეს ყველაფერი უნდა განხორციელდეს სწორად და ხარისხიანად“, - განაცხადა თბილისის მერობის კანდიდატმა.     კახა კალაძესთან ერთად მოსახლეობას  ჩუღურეთის მაჟორიტარობის კანდიდატი რიმა ბერაძე და საკრებულოს წევრობის კანდიდატები ირაკლი ზარქუა და ბექა დავითულიანი შეხვდნენ. 

თბილისის მერობის კანდიდატი კახა კალაძე, მერად არჩევის შემდეგ, იმ 22 სოციალური პროგრამის დახვეწას და განვითარება გეგმავს, რომლებიც სოციალურად დაუცველების, შეზღუდული შესაძლებლობების მქონე პირების, მრავალშვილიანი ოჯახების, ხანდაზმულებისა და ახალშობილებისთვისაა განკუთვნილი.   მისივე თქმით, გამგეობები გააგრძელებენ სოციალურად დაუცველი მოსახლეობის დახმარებას.„გამგეობის მხრიდან სოციალურად შეჭირვებული მოსახლეობის მატერიალური მხარდაჭერა, რა თქმა უნდა, გაგრძელდება. განსაკუთრებული ყურადღება დაეთმობა უფასო სასადილოების პროგრამის დახვეწას და რაციონის, ასევე, სერვისის გაუმჯობესებას. ამისთვის გამგეობებს მერიიდან გამოეყოფა დაახლოებით 30 მილიონი ლარი“ - განაცხადა მერობის კანდიდატმა.   კახა კალაძის განცხადებით, სოციალური პროგრამების განხორციელების კვალდაკვალ, ყურადღება მიექცევა სიღარიბის შემცირებისაკენ მიმართულ ღონისძიებებს. „ამ მიმართულებით ვაპირებთ, ცენტრალურ მთავრობასთან და კერძო სექტორთან თანამშრომლობით მოქალაქეთა გადამზადებას. მუნიციპალიტეტის მხრიდან იქნება თანადგომა, რომ პროფესიული განათლების ხელშეწყობის პროგრამები განხორციელდეს მერიის, კოლეჯისა და კერძო სექტორის თანამშრომლობით“ - განაცხადა კახა კალაძემ.

კახა კალაძე, მერად არჩევის შემდეგ, ჯანდაცვის სხვა პროგრამების განვითარებასთან ერთად, აუტისტური სპექტრის დარღვევის მქონე ბავშვთა რეაბილიტაციის მუნიციპალური პროგრამის განახლებას გეგმავს. ამის შესახებ მან სოციალური პოლიტიკის პრეზენტაციისას ისაუბრა. „ძალიან მნიშვნელოვანია აუტისტური სპექტრის დარღვევის მქონე ბავშვთა რეაბილიტაციის მუნიციპალური პროგრამის განახლება. მშობლებთან და პროფესიონალებთან ერთად ახალი კონცეფცია შემუშავდება და განხორციელდება“ - განაცხადა თბილისის მერობის კანდიდატმა.   მისივე თქმით, ამ პროცესში მშობლების ჩართულობა განსაკუთრებით მნიშვნელოვანია.კახა კალაძის გეგმები შეაფასეს პრეზენტაციაზე დამსწრე მშობლებმაც. „ჩემთვის, როგორც ერთი რიგითი მშობლისთვის, რომლის შვილიც აუტისტური სპექტრის დარღვევის მქონეა, ძალიან მნიშვნელოვანი იყო ის გზავნილები, რაც დღეს მოვისმინე. კიდევ უფრო მნიშვნელოვანი იყო განწყობა, რომელიც აშკარად იგრძნობოდა და დარწმუნებული ვარ, რომ კახა კალაძის მერობის პერიოდში გაკეთდება მაქსიმუმი იმისთვის, რომ ზოგადად, ბავშვებს, მათ შორის განსაკუთრებული საჭიროებების მქონე ბავშვებს ჰქონდეთ განსაკუთრებული ხელშეწყობა“ - განაცხადა ლაშა კვანტალიანმა.   სოციალური პოლიტიკის წარდგენას ჯანდაცვის მინისტრი დავით სერგეენკო, ჯანდაცვისა და სოციალური საკითხების სპეციალისტები და სხვადასხვა სოციალური ჯგუფების წარმომადგენლებიც ესწრებოდნენ.

მომავალ წლებში, ჯანდაცვის მიმართულებით, ორი მუნიციპალური პროგრამა გაფართოვდება. ამის შესახებ თბილისის მერობის კანდიდატმა კახა კალაძემ განაცხადა. მისი თქმით, დაავადებათა სკრინინგის პროგრამას დაემატება ფარისებრი ჯირკვლის კიბოს სკრინინგის, ხოლო ტრანსპლანტაციის პროგრამას - ღვიძლის ტრანსპლანტაციის კომპონენტი.„ეს ბევრი ჩვენი მოქალაქის სიცოცხლის გადარჩენას ნიშნავს. თქვენ იცით, რომ ეს საკმაოდ ძვირადღირებული ოპერაციაა და გადავწყვიტეთ, რომ ის ადამიანები, ვისაც ეს ესაჭიროება, თბილისის მერიამ, მუნიციპალიტეტმა დააფინანსოს“ - განაცხადა კახა კალაძემ.   თბილისის მერობის კანდიდატმა ყურადღება გაამახვილა სასწრაფო სამედიცინო დახმარების ცენტრის ეფექტიან ფუნქციონირებაზე და აღნიშნა, რომ ავტოპარკი განახლდება.„ვაპირებთ ავტოპარკის განახლებას და 70 ახალი სპეციალური ავტოსატრანსპორტო საშუალების შემოყვანას, რომელსაც ექნება პორტატული კომპიუტერი და ახალი საკომუნიკაციო სისტემა. ძალიან მნიშვნელოვანი იქნება ოპერატიულობის გაზრდა. ეს პროექტი დაახლოებით 30 მილიონი ლარით დაფინანსდება” - განაცხადა კახა კალაძემ.   თბილისის მერობის კანდიდატის განცხადებით, მუნიციპალიტეტის ჯანდაცვის პროგრამების ადმინისტრირება სრულად ელექტრონული მართვაზე გადავა და მინიმუმამდე შემცირდება დაფინანსების მიღებისთვის საჭირო მოცდის პერიოდი. „ჩვენ გვინდა, რომ შევქმნათ სპეციალური ვებ-პლატფორმა, რომლითაც ადამიანი სახლიდან გაუსვლელად ისარგებლებს. დღეს ინტერნეტთან ყველას მიუწვდება ხელი და შესაბამისად, შეუძლია მიწეროს კონკრეტულ ვებგვერდზე, რომელიც იქნება შექმნილი და შესაბამისად, რამდენიმე სააათში მიიღებს პასუხს იმ დახმარებასთან დაკავშირებით, რომელსაც მოითხოვს”, - განმარტა კახა კალაძემ.   მისივე თქმით, გაგრძელდება ჯანდაცვის სერვისების დაფინანსება გამგეობებისგან.„ეს არის ოპერაციები, მედიკამენტების დაფინანსება და სხვა სამედიცინო კვლევები. უამრავი ადამიანი სარგებლობს ამ პროგრამებით და გვესმის თუ რამდენად მნიშვნელოვანია. გვესმის ისიც, რომ არსებობენ ადამიანები, ვისაც ჩვენი თანადგომა, ჩვენი გვერდში დგომა სჭირდება, შესაბამისად, ეს პროგრამები აუცილებლად გაგრძელდება“ - აღნიშნა თბილისის მერობის კანდიდატმა.   „ქართული ოცნება - დემოკრატიული საქართველოს“ თბილისის მერობის კანდიდატმა გაიხსენა ჯანდაცვის რეფორმა, ხაზი გაუსვა 2012 წლიდან ჯანდაცვის პროგრამების განვითარებას და ჯანდაცვის მინისტრს დავით სერგეენკოს გაწეული სამუშაოსთვის მადლობა გადაუხადა. „ბატონი დავით სერგეენკო აქ არის და მადლობა მას, მადლობა ცენტრალურ ხელისუფლებას ამ რეფორმისთვის. ჩვენ გვახსოვს წლები, როდესაც უფულობის გამო, უსახსრობის გამო ადამიანები იღუპებოდნენ. იმის შესაძლებლობა არ ჰქონდათ, რომ ესარგებლათ ექიმისა და საავადმყოფოს მომსახურებით. ნამდვილად მეამაყება ის, რომ დღეს ჩვენს ქვეყანაში თითოეული ჩვენი ქვეყნის მოქალაქე არის დაზღვეული და მილიონობით ადამიანმა ისარგებლა ამ პროგრამით” - აღნიშნა კახა კალაძემ.   მისივე თქმით, ცენტრალური მთავრობის მიერ განხორციელებული ჯანდაცვის პროგრამების გარდა, თბილისის მუნიციპალიტეტი ჯანდაცვის პროგრამებზე, მომავალ წელს, 15 მილიონ ლარს დახარჯავს.   სოციალური პოლიტიკის პრეზენტაციას ჯანდაცვის მინისტრი დავით სერგეენკო, ჯანდაცვისა და სოციალური საკითხების სპეციალისტები და სხვადასხვა სოციალური ჯგუფის წარმომადგენლები ესწრებოდნენ.