თბილისში ვიზიტით მყოფი ჩინეთის სახალხო რესპუბლიკის სახალხო პოლიტიკური საკონსულტაციო კონფერენციის ვიცე-სპიკერი მა პეიჰუა, დელეგაციის წევრებთან ერთად, დღეს, პარტია “ქართული ოცნება-დემოკრატიული საქართველოს” გენერალურ მდივანს, კახა კალაძეს შეხვდა.    მხარეებს შორის საუბარი ორი ქვეყნის პარტნიორული ურთიერთობების ძირითად საკითხებს შეეხო. კახა კალაძემ ხაზი ჩინეთის სახალხო რესპუბლიკასთან თანამშრომლობის გაღრმავების პერსპექტივებს გაუსვა და აღნიშნა, რომ ჩინეთი საქართველოს ერთ-ერთი უმსხვილესი ინვესტორი და სავაჭრო პარტნიორია.   მხარეებმა საქართველოსა და ჩინეთს შორის თავისუფალი ვაჭრობის შესახებ გაფორმებული შეთანხმების მნიშვნელობაზეც ისაუბრეს, რაც მათი შეფასებით, ორმხრივ სავაჭრო-ეკონომიკურ თანამშრომლობას ახალ საფეხურზე აიყვანს.   შეხვედრაზე ასევე, ახალი აბრეშუმის გზის პროექტი და ამ მიმართულებით, საქართველოს როლი და შესაძლებლობები განიხილეს. საუბარი შეეხო ქართული პროდუქციის ექსპორტის ზრდის პერსპექტივებსაც.   ჩინეთის სახალხო რესპუბლიკის სახალხო პოლიტიკური საკონსულტაციო კონფერენციის ვიცე-სპიკერის განცხადებით, ჩინეთი საქართველოს სანდო და საიმედო პარტნიორად განიხილავს.

  „ქართული ოცნება - დემოკრატიული საქართველოს“ თბილისის მერობის კანდიდატმა, კახა კალაძემ საზოგადოებას, პროგრამული ხედვის ფარგლებში, სატრანსპორტო პოლიტიკა და მისი ძირითადი მიმართულებები წარუდგინა. სატრანსპორტო პოლიტიკა საზოგადოებრივი ტრანსპორტის განვითარების, სატრანსპორტო საშუალებებით გამოწვეული ჰაერის დაბინძურების შემცირების, ტრანსპორტირებისა და მგზავრობის მომსახურების ხარისხისა და უსაფრთხოების გაუმჯობესების საკითხებს მოიცავს.   მერობის კანდიდატმა განსაკუთრებული ყურადღება დედაქალაქის ეკოლოგიურ მდგომარეობაზე გაამახვილა და აღნიშნა, რომ ამ მიმართულებით თბილისში მნიშვნელოვანი პროექტებია განსახორციელებელი.კახა კალაძის მიერ წარმოდგენილი სატრანსპორტო პოლიტიკის მიხედვით, ჰაერის დაბინძურების შემცირების მიზნით, დედაქალაქში შვიდი მასშტაბური საგზაო პროექტი განხორციელდება. იურისტი ირაკლი ხმალაძე აღნიშნავს, რომ დედაქალაქში შესწავლილია რამდენიმე კრიტიკულად შემჭიდროვებული ადგილი, სადაც ტრანსპორტის გადაადგილება გართულებულია. „დაგეგმილი გვაქვს შვიდი მასშტაბური საგზაო პროექტის განხორციელება. ესენია: მუხრან მაჭავარიანისა და მარშალ გელოვანის დამაკავშირებელი გზა და მარშალ გელოვანის ორდონიანი კვანძი გზაგამტარები; საბურთალოს რაიონში მარშალ გელოვანის გამზირის და ვასილ გოძიაშვილის ქუჩის გადაკვეთაზე ორდონიანი კვანძი გზაგამტარი; ვაკე-საბურთალოს რაიონში თამარაშვილისა და უნივერსიტეტის ქუჩების გადაკვეთაზე ორდონიანი კვანძი გზაგამტარები; გმირთა მოედნის მიმდებარე გზის გაფართოება; ვაკე-საბურთლოს რაიონში ცინცაძისა და კარტოზიას ქუჩების გადაკვეთაზე ორდონიანი კვანძი გზაგამტარი; კრწანისის რაიონში ქვედა და ზედა ფონიჭალის დამაკავშირებელი გზა და სარკინიგზო გამტარი გვირაბი; ვაკის რაიონში, მდინარე ვერეში, წყნეთის გზატკეცილისა და უნივერსიტეტის ქუჩის დამაკავშირებელი ხიდი“, - განაცხადა ირაკლი ხმალაძემ. მისივე თქმით, აღნიშნული პროგრამის ფარგლებში, მომდევნო ოთხი წლის განმავლობაში დაახლოებით, 300 მილიონ ლარამდე ღირებულების სამუშაოები შესრულდება.   ხმალაძის განცხადებით, ეკოლოგიური მდგომარეობის გაუმჯობესების მიმართულებით, სატრანსპორტო პოლიტიკის ფარგლებში, ასევე, ავტობუსების ჩანაცვლების პროგრამა განხორციელდება. ქალაქში 700-მდე ავტობუსი შემოვა, რაშიც 260 მილიონ ლარამდე დაიხარჯება.   თბილისის მერობის კანდიდატი კახა კალაძის განცხადებით დედაქალაქში გაიზრდება როგორც სამარშუტო ხაზების, ისე მუნიციპალური ტრანსპორტის რაოდენობა. „დედაქალაქში არსებობს რაიონები, კონკრეტული უბნები და ქუჩები, სადაც საზოგადოებრივი ტრანსპორტი საერთოდ არ მოძრაობს, ან თუ მოძრაობს, მოქალაქეებს საათზე მეტი ხნით ლოდინი უწევთ, რაც რა თქმა უნდა, გარკვეულ დისკომფორტს წარმოადგენს. ჩვენ ახალი სამარშრუტო ხაზების დამატებითა და ავტობუსების შემოყვანით, მოსახლეობას აღნიშნულ პრობლემას მოვუხსნით“, - განაცხადა თბილისის მერობის კანდიდატმა.   მისივე თქმით, საზოგადოებრივი ტრანსპორტის კომფორტისა და პოპულარობის მიმართულებით, უფრო მეტი უნდა გაკეთდეს. „ყველაფერი უნდა გაკეთდეს იმისთვის, რომ საზოგადოებრივი ტრანსპორტი არა მხოლოდ კომფორტული გახდეს, არამედ პოპულარული უნდა იყოს და მე, ჩემს თანაქალაქელებთან ერთად ვიქნები ადამიანი, ვინც ამას პოპულარიზაციას გაუწევს“, - აღნიშნა კახა კალაძემ.   „ქართული ოცნების“ მერობის კანდიდატის თქმით, ყოველდღიურ რეჟიმში, დედაქალაქში მიკროავტობუსებით 603 000 ადამიანი გადაადგილდება, ავტობუსებით - 330 000, ხოლო მეტროს - 288 000 მგზავრი გადაჰყავს.„მას შემდეგ, რაც მეტროს რეაბილიტაციას მოვახდენთ და ახალი ვაგონები დაემატება, დარწმუნებული ვარ, რომ მეტროთი უფრო მეტი ადამიანი ისარგებლებს. თბილისში არსებულ ორ საბაგიროს კი, დღეში დაახლოებით, 4100 ადამიანი გადაჰყავს. ეს ის მიმართულებებია, რაზეც ჩვენ ოთხი წლის განმავლობაში ვიმუშავებთ“, - განაცხადა კახა კალაძემ.   მეტროს ვაგონების რეაბილიტაციასა და არსებული ვაგონების ჩანაცვლების შესახებ იურისტმა ირაკლი ხმალაძემაც ისაუბრა და აღნიშნა, რომ ამ მიმართულებით, მომდევნო ოთხი წლის განმავლობაში, დაახლოებით, 200 მლნ ლარის ღირებულების სამუშაოები განხორციელდება.„ჩვენ ამ ღონისძიებით მივალთ იქამდე, რომ შეიქმნება უფრო მეტი კომფორტი მგზავრების გადაყვანის დროს, გაიზრდება მგზავრთა რაოდენობა და სადგურებზე მოლოდინის დრო შემცირდება. მოხდება 23 მეტროსადგურის რეაბილიტაცია, სადაც ამ მიმართულებით, მომდევნო ოთხი წლის განმავლობაში, დაახლოებით, 200 მლნ ლარის ღირებულების სამუშაოები შესრულდება“, - აღნიშნა ირაკლი ხმალაძემ.   კახა კალაძის თქმით, გარდა ზემოთ ჩამოთვლილი საკითხებისა, სასწრაფოდ უნდა მოგვარდეს პარკირების პრობლემაც. „როგორც კი შევალთ მერიაში, მაშინვე დასრულდება ის უმსგავსობა, რაც პარკირებასთან დაკავშირებით ხდება ქალაქში და თბილისელებს ექნებათ შესაძლებლობა, ნორმალურ გარემოში დააპარკინგონ ავტომანქანები,“ - აღნიშნული განცხადება კახა კალაძემ სატრანსპორტო პოლიტიკის წარდგენისას პარკირების სისტემასთან დაკავშირებით გააკეთა.   პრეზენტაციაზე იურისტმა ირაკლი ხმალაძემ ის ადგილმდებარეობები დაასახელა, სადაც მიწისქვეშა პარკირების ადგილები მოეწყობა. კერძოდ, ცენტრალური რკინიგზის სადგური, მეტროსადგური „მარჯანიშვილი“, პუშკინის მოედანი, თბილისის საკონცერტო დარბაზი, მეტროსადგური „ისანი“, ბორის პაიჭაძის სახელობის ეროვნული სტადიონი, თბილისის მერია, გულიას მოედანი, მეტროსადგური „ვარკეთილი“ და გეგეშიძის ბაღი.   მისივე თქმით, ეს იქნება ჯამში 3000 ავტომანქანაზე გათვლილი ავტოსადგომები. პრეზენტაციისას, ასევე, აღნიშნა რომ სატრანსპორტო პოლიტიკის პრიორიტეტული ნაწილი იქნება ფეხით მოსიარულეთა ინტერესები. კერძოდ, სავალი ნაწილისა და გადასასვლელების უსაფრთხოება.   პრეზენტაციას პარლამენტის წევრები, თბილისის საკრებულოს მაჟორიტარობის კანდიდატები, საზოგადოების სხვადასხვა სფეროს წარმომადგენლები და დარგის სპეციალისტები ესწრებოდნენ.

  მომავალ წლებში შესაძლოა მუნიციპალური ავტობუსები საქართველოში აწარმოონ - აღნიშნული განცხადება „ქართული ოცნება - დემოკრატიული საქართველოს“ თბილისის მერობის კანდიდატმა კახა კალაძემ ვაკის რაიონის, კერძოდ, ბაგების მოსახლეობასთან შეხვედრაზე გააკეთა.   „მომავალი წლების განმავლობაში ავტოპარკს ყოველთვის დასჭირდება განახლება, ყველაფერს გავაკეთებთ და მგონია, რომ შევძლებთ ამ ავტობუსების წარმოება საქართველოში მოხდეს“ - განაცხადა კახა კალაძემ.   მისივე თქმით, 4 წლის განმავლობაში ქალაქში 700 ახალი ავტობუსი შემოვა. გარდა ამისა, სხვადასხვა უბნებში დაემატება სამარშუტო ხაზები და გაიზრდება მუნიციპალური ტრანსპორტის რაოდენობა.   კახა კალაძემ მოსახლეობას ურბანული განვითარების პოლიტიკა, ეკოლოგიური გამოწვევების დაძლევის გზები, განათლების, სპორტისა და ახალგაზრდობის ხელშეწყობის მიმართულებით დაგეგმილი კონკრეტული ღონისძიებებიც გააცნო.   „ბევრი კარგი რამ გაკეთდა ქალაქში, თუმცა ქალაქი ვითარდება, საზოგადოება ვითარდება, მეტი მოთხოვნაა და მეტის გაკეთება გვინდა უფრო სწრაფად და ეფექტურად. ჩვენ მზად ვართ ამისთვის ახალი ენერგიით და შემართებით,“ - განაცხადა კახა კალაძემ.   თბილისის მერობის კანდიდატი მოსახლეობას უკვე შეხვდა მთაწმინდის, გლდანის, სამგორის რაიონების სხვადასხვა უბნებში. შეხვედრები მომავალშიც გაგრძელდება.

  საქართველოში საარჩევნო კამპანია მშვიდ გარემოში ტარდება. ყველა პოლიტიკურ პარტიას და კანდიდატს აქვს შესაძლებლობა აბსოლუტურად თავისუფალ გარემოში ჩაატაროს საარჩევნო კამპანია და მოსახლეობას გააცნოს თავისი ხედვა, გეგმები და პროექტები, თუ რის განხორციელებას აპირებს - აღნიშნული განცხადება „ქართული ოცნება - დემოკრატიული საქართველოს“ თბილისის მერობის კანდიდატმა კახა კალაძემ თბილისთან ახლო მდებარე სოფლების მოსახლეობასთან შეხვედრისას გააკეთა.   მისივე თქმით, ამომრჩეველი ამ პირობებში თავად გადაწყვეტს ვის ანდოს ქალაქის ბედი.   კახა კალაძემ გასული წლების, კერძოდ, 2012 წლის საარჩევნო გარემო გაიხსენა და აღნიშნა, რომ საქართველოში აღარასოდეს დაბრუნება ხელისუფლება, რომელიც საკუთარ მოქალაქეებზე იძალადებს.   კახა კალაძე დღეს კიკეთის, კოჯრის, ტაბახმელას, შინდისის, წავკისისა და ოქროყანის მოსახლეობას შეხვდა.     თბილისის მერობის კანდიდატმა ადგილობრივებს თავისი ხედვა გააცნო და ყურადღება რამდენიმე პრიორიტეტულ საკითხზე, მათ შორის მუნიციპალური ტრანსპორტის ჩანაცვლებასა და განვითარებაზე, ქალაქის ურბანულ განვითარებასა და ძველი თბილისის რეაბილიტაციაზე, განათლებასა და სპორტზე გაამახვილა.   „2012 წლის შემდეგ უფასო გახდა სასკოლო სახელმძღვანელოები და საბავშვო ბაღები. ყოველწლიურად იზრდება ბაღში შემსვლელი ბავშვების რაოდენობა და საჭიროა ჩვენ ამ ზრდას მომზადებულები შევხვდეთ. მომავალი 4 წლის განმავლობაში თბილისში დამატებით 30-მდე ბაღი აშენდება“ - განაცხადა კახა კალაძემ.   თბილისის მერობის კანდიდატმა, ასევე, ხაზი გაუსვა ჯანსაღი ცხოვრების წესის მნიშვნელობას და აღნიშნა, რომ ქალაქის ყველა რაიონში აშენდება მუნიციპალური მულტიფუნქციური სპორტკომპლექსები, რომლებიც ყველასთვის ხელმისაწვდომი იქნება. 

  პრემიერ-მინისტრმა, პარტია „ქართული ოცნება - დემოკრატიული საქართველოს“ თავმჯდომარე გიორგი კვირიკაშვილმა ზუგდიდში, სამეგრელო-ზემო სვანეთის მერობის კანდიდატები წარადგინა.   ადგილობრივი თვითმმართველობის არჩევნებში, „ქართულ ოცნების“ სახელით, ამ რეგიონში მერობის 9 კანდიდატი იბრძოლებს.   მმართველი გუნდის გადაწყვეტილებით, ზუგდიდის  მერობის კანდიდატი ლაშა გოგია იქნება, მესტიის - კაპიტონ ჟორჟოლიანი; ფოთის - გოჩა კურდღელია; აბაშის - ლევან მაკალათია, სენაკის - ლევან კუპრეიშვილი; მარტვილში ალექსანდრე გრიგალავას, ხოლო ხობში გოჩა ქაჯაიას კანდიდატურები დასახელდა; წალენჯიხის მერობის კანდიდატი ბესიკ ფარცვანია, ჩხოროწყუს კი დავით გოგუა იქნება.   „ეს ადამიანები მზად არიან იზრუნონ თითოეული თქვენგანის და თქვენი ოჯახების კეთილდღეობისთვის. მზად არიან იმისათვის, რომ ეს ულამაზესი რეგიონი გახდეს კიდევ უფრო ლამაზი და გაბრწყინებული. დიდი მადლობა მხარდაჭერისთვის“, - განაცხადა გიორგი კვირიკაშვილმა კანდიდატების წარდგენისას.   მთავრობის მეთაურმა მერობის კანდიდატები ასევე წარადგინა იმერეთში, კახეთში, გურიასა და აჭარაში. პრემიერი კანდიდატებს, საქართველოს მასშტაბით, ყველა რეგიონში წარადგენს.

  „ქართული ოცნება - დემოკრატიული საქართველოს“ თბილისის მერობის კანდიდატი კახა კალაძე დღეს სამგორის რაიონის მოსახლეობას შეხვდა და მათ საჭიროებებს გაეცნო. შეხვედრები ვარკეთილის, ორხევის, ლილოს, აეროპორტის დასახლებებსა და სოფელ წინუბანში გაიმართა.   კახა კალაძემ ამომრჩევლებს ქალაქის განვითარების ხედვა გააცნო და თბილისის წინაშე არსებული გამოწვევების დაძლევის გზებზე ესაუბრა.მისი თქმით, ის არ გასცემს ცრუ დაპირებებს და მის მიერ წარმოდგენილი პროექტები და ხედვები განხორციელდება.   თბილისის მერობის კანდიდატის განცხადებით, განსაკუთრებით პრიორიტეტული იქნება ქალაქის ეკოლოგიური მდგომარეობის გაუმჯობესება, ურბანული განვითარება, მწვანე ზონების რეაბილიტაცია და მოვლა, მუნიციპალური ტრანსპორტის ჩანაცვლება, ახალი სამარშუტო ხაზების დამატება, სკოლამდელი საგანმანათლებლო დაწესებულებების მშენებლობა და ჯანსაღი ცხოვრების წესის დანერგვისკენ მიმართული ღონისძიებების განხორციელება.   კახა კალაძე უკვე კვირაზე მეტია თბილისის სხვადასხვა უბნებში მოსახლეობას ხვდება და მათ საჭიროებებს ადგილზე ეცნობა.

  დედაქალაქში, მომავალი ოთხი წლის განმავლობაში, ისტორიული არეალების სარეაბილიტაციო ათპუნქტიანი პროგრამა განხორციელდება, რომლისთვისაც ნახევარ მილიარდ ლარამდე დაიხარჯება - ამის შესახებ იურისტმა ირაკლი ხმალაძემ ურბანული განვითარების პოლიტიკის წარდგენისას განაცხადა.   „ისტორიული ნაწილი ქალაქის ეკონომიკისა და ქვეყნის მოსახლეობისთვის განსაკუთრებულ სიკეთეს ქმნის. აქედან გამომდინარე, ჩვენს გუნდს მომავალი ოთხი წლის განმავლობაში, განსაკუთრებით ამბიციური გეგმა გააჩნია. მომავალი ოთხი წლის განმავლობაში, ვაპირებთ, განვახორციელოთ ისტორიული არეალების სარეაბილიტაციო ათპუნქტიანი პროგრამა, რომელიც ნახევარ მილიარდ ლარამდე ღირებულების იქნება“, - განაცხადა ირაკლი ხმალაძემ. მისივე თქმით, მსგავსი სამუშაოების შედეგად, უძრავი ქონების ღირებულება და მოსახლეობის ყოველდღიური შემოსავალი იზრდება, რომელიც ათპუნქტიანი პროგრამის პირდაპირი ბენეფიციარი იქნება.   აღნიშნული პროგრამის მიხედვით, სარეაბილიტაციო არეალებს შორის ორბელიანის მოედანი, მშრალი ხიდის მიმდებარე ტერიტორია, გუდიაშვილის მოედანი, ზემო კალის უბანი, ქვემო კალის უბანი, კოტე აფხაზის ქუჩა, ნიკო ფიროსმანის ქუჩა, სულხან-საბა ორბელიანისა და პავლე ინგოროყვას ქუჩები, გუდიაშვილის ქუჩა და ისტორიული ბაღები იქნება.   ირაკლი ხმალაძემ კახა კალაძის ხედვა წარადგინა და აღნიშნა, რომ ამ მიმართულებით, ქალაქს განსაკუთრებული ყურადღება დაეთმობა.„ქალაქში 1700-მდე კულტურული მემკვიდრეობის ძეგლია, რომელიც ძირითადად, მოედნების, ქუჩების, შენობების, სადარბაზოებისგან შედგება, რასაც გაფრთხილება და დაცვა სჭირდება. ჩვენს გუნდს აქვს ხედვა, თუ როგორ უნდა მოვუაროთ მათ. უნდა ჩავატაროთ რეინვენტარიზაცია და თანმიმდევრულად და ეტაპობრივად უნდა აღვადგინოთ. ასევე, ახლადაღდგენილი ადგილების მოვლა-პატრონობაზეც ვიზრუნოთ“, - განაცხადა ირაკლი ხმალაძემ.   კულტურული მემკვიდრეობის დაცვის მნიშვნელობაზე პარტია „ქართული ოცნება - დემოკრატიული საქართველოს“ თბილისის მერობის კანდიდატმა კახა კალაძემაც ისაუბრა და აღნიშნა, რომ ამ მიმართულებით ურბანული პოლიტიკის განვითარებას განსაკუთრებული ყურადღება დაეთმობა.„ჩვენთვის ისტორიული უბნები ძალიან მნიშვნელოვანია. ეს ქალაქის იერსახე და სიმდიდრეა. პირობას გაძლევთ, რომ ამ მიმართულებით ჩვენს პოლიტიკას განსაკუთრებული ყურადღება დაეთმობა. აღმაშენებლის გამზირის მაგალითზე, ყველამ კარგად ვნახეთ, თუ რამდენად მნიშვნელოვანია ძველი თბილისის რეაბილიტაცია. ძველ უბნებში ახალი სიცოცხლე შემოდის და შესაბამისად, მომავალი ოთხი წლის განმავლობაში, მასშტაბური პროექტები განხორციელდება“, - განაცხადა „ქართული ოცნების“ თბილისის მერობის კანდიდატმა.

  „ქართული ოცნება - დემოკრატიული საქართველოს“ თბილისის მერობის კანდიდატმა კახა კალაძემ დეველოპერებს, არქიტექტორებს, ურბანისტებსა და დარგის სხვა სპეციალისტებს ურბანული განვითარების პოლიტიკა წარუდგინა.   კახა კალაძემ ურბანული განვითარების პოლიტიკის მიმართულებით რამდენიმე კომპონენტი გამოყო. კერძოდ, მშენებლობის სტანდარტი; თბილისის ისტორიული უბნების რეაბილიტაცია; კულტურული მემკვიდრეობის დაცვა; ავარიული შენობების რეაბილიტაცია და ქალაქის ვიზუალური სტანდარტი.   პრეზენტაციაზე თითოეული კომპონენტი დეტალურად განმარტეს თბილისის მერობის კანდიდატის გუნდის წევრებმა თემურ ბოლოთაშვილმა და ირაკლი ხმალაძემ.   მათი განმარტებით,  მაღალი სტანდარტი დაწესდება ეკოლოგიური მიმართულებით, რათა მოქალაქეებმა იცხოვრონ და იარსებონ ეკოლოგიურად სუფთა სივრცეში. გარდა ამისა, შემუშავდება სამშენებლო სტანდარტები და განხორციელდება როგორც სამშენებლო სფეროს კანონდებლობის რეგულირება, ისე ინსტიტუციური რეფორმა. აღნიშნულ პროცესში გათვალისწინებული იქნება მშენებლობის პროცესის, მათ შორის შრომის უსაფრთხოება, ასევე დარეგულირდება ხმაურისა და დაბინძურების დონეები.   ურბანულ განვითარებაზე საუბრისას, კახა კალაძემ დეველოპერებსა და სამშენებლო კომპანიების წარმომადგენლებს მიმართა და განაცხადა, რომ მისი მერობის პერიოდში,  მწვანე სივრცეებისა და  კულტურული მემკვიდრეობის შეზღუდვის ხარჯზე მშენებლობის არც ერთი ნებართვა არ გაიცემა.   „მე არ ვარ მშენებლობის წინააღმდეგი. პირიქით, ჩვენ ერთად უნდა შევუწყოთ ხელი ქალაქის სწორ განვითარებას, თუმცა, ახლა, გულწრფელად მინდა გითხრათ ყველას, რომ ჩემი მერობის პერიოდში, მშენებლობის არც ერთი ნებართვა არ გაიცემა, არც ერთი პროექტი არ განხორციელდება მწვანე სივრცეების, სკვერების, პარკების, სათამაშო მოედნების, კულტურული მემკვიდრეობის და საზოგადოებრივი სივრცეების შეზღუდვების ხარჯზე“, - განაცხადა კახა კალაძემ ურბანული განვითარების პოლიტიკის წარდგენისას.   პრეზენტაციაზე წარადგინეს ქალაქის ისტორიული ნაწილის რეაბილიტაციის გეგმაც. იურისტ ირაკლი ხმალაძის თქმით, დედაქალაქში, მომავალი ოთხი წლის განმავლობაში, ისტორიული არეალების სარეაბილიტაციო ათპუნქტიანი პროგრამა განხორციელდება, რომლისთვისაც ნახევარ მილიარდ ლარამდე დაიხარჯება.   „ისტორიული ნაწილი ქალაქის ეკონომიკისა და ქვეყნის მოსახლეობისთვის განსაკუთრებულ სიკეთეს ქმნის. აქედან გამომდინარე, ჩვენს გუნდს მომავალი ოთხი წლის განმავლობაში, განსაკუთრებით ამბიციური გეგმა გააჩნია. მომავალი ოთხი წლის განმავლობაში, ვაპირებთ, განვახორციელოთ ისტორიული არეალების სარეაბილიტაციო ათპუნქტიანი პროგრამა, რომელიც ნახევარ მილიარდ ლარამდე ღირებულების იქნება“, - განაცხადა ირაკლი ხმალაძემ.   მისივე თქმით, მსგავსი სამუშაოების შედეგად, უძრავი ქონების ღირებულება და მოსახლეობის ყოველდღიური შემოსავალი იზრდება.     აღნიშნული პროგრამის მიხედვით, სარეაბილიტაციო არეალებს შორის ორბელიანის მოედანი, მშრალი ხიდის მიმდებარე ტერიტორია, გუდიაშვილის მოედანი, ზემო კალის უბანი, ქვემო კალის უბანი, კოტე აფხაზის ქუჩა, ნიკო ფიროსმანის ქუჩა, სულხან-საბა ორბელიანისა და პავლე ინგოროყვას ქუჩები, გუდიაშვილის ქუჩა და ისტორიული ბაღები იქნება.   ირაკლი ხმალაძემ კახა კალაძის ხედვა  წარადგინა კულტურული მემკვიდრეობის ძეგლებთან დაკავშირებითაც და აღნიშნა, რომ ამ მიმართულებით, ქალაქს განსაკუთრებული ყურადღება დაეთმობა.   „ქალაქში 1700-მდე კულტურული მემკვიდრეობის ძეგლია, რომელიც ძირითადად, მოედნების, ქუჩების, შენობების, სადარბაზოებისგან შედგება, რასაც გაფრთხილება და დაცვა სჭირდება. ჩვენს გუნდს აქვს ხედვა, თუ როგორ უნდა მოვუაროთ მათ. უნდა ჩავატაროთ რეინვენტარიზაცია და თანმიმდევრულად და ეტაპობრივად უნდა აღვადგინოთ. ასევე, ახლადაღდგენილი ადგილების მოვლა-პატრონობაზეც ვიზრონოთ“, - განაცხადა ირაკლი ხმალაძემ.   მოწვეულ სტუმრები, ასევე, გაეცნენ ხედვას ქალაქის ვიზუალურ სტანდარტთან დაკავშირებით.   კახა კალაძის გუნდის განმარტებით, ქალაქის იერსახისთვის შეიქმნება ერთიანი სტანდარტი, რომელიც მოიცავს სარეკლამო აბრების, ფასადების და ვიტრაჟების, შენობის სახურავების, ნავიგაციის ნიშნებისა და საფეხმავლო ინფრასტრუქტურის სტანდარტებს.   ვიზუალური სტანდარტის პრეზენტაციაზე უცხოური ქვეყნების მაგალითები წარმოადგინეს და აღნიშნეს, რომ აღნიშნული პროგრამა ეტაპობრივად და უმტკივნეულოდ განხორციელდება.   „ქართული ოცნება - დემოკრატიული საქართველოს“ თბილისის მერობის კანდიდატის კახა კალაძის განცხადებით, განსაკუთრებული ყურადღება მიექცევა აბრებზე და ვიტრინებზე ქართული ანბანის გამოყენებას.   „მე არავის ვეწინააღმდეგები, ყველას შეუძლია ჩამოვიდეს ჩვენს ქალაქში, განახორციელოს ინვესტიციები, დაასაქმოს ხალხი - ეს მისასალმებელია, თუმცა ვიზუალურ ნაწილში განსაკუთრებული ყურადღება დაეთმობა ქართული ანბანის გამოყენებას. ეს ჩემთვის პრინციპულად მნიშვნელოვანია” - განაცხადა კახა კალაძემ.   ურბანული განვითარების პოლიტიკის წარდგენას პარლამენტის თავმჯდომარე ირაკლი კობახიძე ესწრებოდა, რომელმაც თბილისის მერობის კანდიდატის ხედვა დადებითად შეაფასა და აღნიშნა, რომ ქალაქის ერთ-ერთი მნიშვნელოვანი გამოწვევა სწორედ თანმიმდევრული ურბანული განვითარებაა.     პრეზენტაციაზე თბილისის ისტორიული ნაწილის რეაბილიტაციის გეგმის ამსახველი ვიდეორგოლი წარმოადგინეს.

  „ქართული ოცნება - დემოკრატიული საქართველოს“ თბილისის მერობის კანდიდატი კახა კალაძე კრწანისის მოსახლეობას შეხვდა და მაჟორიტარობის კანდიდატი თემურ გორგაძე წარუდგინა. კახა კალაძის თქმით, მას სრულად აქვთ გააზრებული ის პასუხისმგებლობა, რომელსაც თბილისის მერობა აკისრებს.   „კარგად მაქვს მაქვს გააზრებული, თუ რას ნიშნავს იყო ქალაქის მერი, რამხელა პასუხისმგებლობა და რა გამოწვევებია, თუმცა მივიღე ეს გადაწყვეტილება და შემოვედი ამ ბრძოლაში ერთი მიზეზის გამო: დარწმუნებული ვარ, ამ ბრძოლაში არ ვიქნები მარტო, ზურგს გამიმაგრებს თქვენისთანა ადამიანები - რიგითი თბილისელები და ჩვენ ერთად შევძლებთ პრობლემების მოგვარებას,“ - განაცხადა თბილისის მერობის კანდიდატმა.   მისი თქმით, მას აქვს მკაფიო ხედვა იმასთან დაკავშირებით, თუ როგორ უნდა აღიკვეთოს ქაოტური განაშენიანება, გაუმჯობესდეს ეკოლოგიური მდგომარეობა, შეიქმნას მეტი მწვანე სივრცე, გაუმჯობესდეს და პოპულარული გახდეს მუნიციპალური ტრანსპორტი და განხორციელდეს ახალი, მასშტაბური ინფრასტრუქტურული პროექტები. „ვიზუალურად წარმოვადგენთ კონკრეტულ პროექტებს, რომლებიც განთავსდება სპეციალურ ვებგვერდზე, რათა თბილისელებმა შეძლონ კახა კალაძის, თბილისის მერიის და გამგეობების კონტროლი, თუ როგორ განხორციელდება ის პროექტები, რომლებზეც ჩვენ წინასაარჩევნოდ ვსაუბრობთ,“ - თბილისის მერობის კანდიდატმა.   მისივე თქმით, გაგრძელდება სოციალური და ჯანდაცვის პროგრამები, გარდა ამისა, განსაკუთრებული ყურადღება მიექცევა ჯანსაღი ცხოვრების წესის პოპულარიზაციას და სპორტს. ამ მიზნით ქალაქში მულტიფუნქციური სპორტული კომპლექსები აშენდება, რომლებიც ყველა ასაკის მომხმარებლისთვის იქნება განკუთვნილი.   საზოგადოებას, ასევე, მიმართა კრწანისის მაჟორიტარობის კანდიდატმა თემურ გორგაძემ. მან მადლობა გადაუხადა კახა კალაძეს და „ქართული ოცნების“ გუნდს ნდობისთვის გამოცხადებისთვის.

გუდიაშვილის სკვერი რეაბილიტირდება და ერთ-ერთი საუკეთესო ადგილი იქნება როგორც ადგილობრივი მოსახლეობისთვის, ისე ტურისტებისთვის - ამის შესახებ „ქართული ოცნება - დემოკრატიული საქართველოს“ თბილისის მერობის კანდიდატმა კახა კალაძემ კრწანისის მოსახლეობასთან შეხვედრისას განაცხადა, რომელიც გუდიაშვილის სკვერში გაიმართა.   მისივე თქმით, ურბანული განვითარების გეგმის შესაბამისად მოხდება ისტორიული უბნების რეაბილიტაცია.   „წარმოვადგინეთ 10 ქუჩის დასახელება, რომლის განხორციელებასაც ვგეგმავთ და არჩევნების შემდეგ  ამ პროექტებს განვახორციელებთ. ძველი თბილისის განვითარება ჩვენთვის ერთ-ერთი პრიორიტეტული მიმართულებაა, რადგან ყველამ კარგად დავინახეთ თუ რამდენად მნიშვნელოვანია რეაბილიტირებული ძველი თბილისი. რამდენად მნიშვნელოვანია ახალი სიცოცხლის შემოტანა. ეს ყველაფერი ვნახეთ აღმაშენებლის მაგალითზე,“ - განაცხადა თბილისის მერობის კანდიდატმა.   კახა კალაძემ აღნიშნა, რომ ტურისტული პოტენციალის უფრო მეტად გაზრდის მიზნით, გარდა ისტორიული უბნების რეაბილიტაციისა, სხვადასხვა კულტურულ-გასართობი ღონისძიებები და ფესტივალები დაიგეგმება.   „ჩვენს დედაქალაქში ვაპირებთ საინტერესო ფესტივალების გამართვას. ტურისტების რაოდენობა ყოველწლიურად იზრდება, რაც მისასალმებელია და უფრო მეტი საინტერესო პროექტი განხორციელდება. ამასთან ერთად, ძველი თბილისის რეაბილიტაციით ადამიანები მეტად დაინტერესდებიან. ტურისტის ჩამოსვლით უფრო მეტი  შემოსავალი ჩნდება ბიუჯეტში, ადამიანებს მეტი შემოსავალი უჩნდებათ, ქალაქში ცხოვრება კი მეტად საინტერესო ხდება“ - განაცხადა თბილისის მერობის კანდიდატმა.   მისივე თქმით, ხელი შეეწყობა  მცირე და საშუალო ბიზნესის განვითარებას.   „შეიძლება ეს პირდაპირ მერიის მუნიციპალიტეტის ფუნქცია-მოვალეობა არ იყოს, თუმცა, ეკონომიკის სამინისტროსთან ერთად, ძალიან მნიშვნელოვანია იმ პროგრამების ხელშეწყობა, რაც ეკონომიკის სამინისტროს აქვს წამოწყებული მეტი სამუშაო ადგილების შექმნის მიზნით,“ - განაცხადა კახა კალაძემ.     თბილისის მერობის კანდიდატი დღესვე კრწანისისა და ხეივნის ქუჩებზე მცხოვრებ მოსახლეობას შეხვდა. შეხვედრისას, კახა კალაძემ ხაზი გაუსვა ქალაქში ეკოლოგიური მდგომარეობის გამოსწორების მიზნით დაგეგმილ ღონისძიებებს, მუნიციპალური ტრანსპორტის განახლების, მულტიფუნქციური ცენტრების მშენებლობისა და სამშენებლო სტანდარტის საკითხებს.

  შემუშავდება ქალაქის ვიზუალური სტანდარტი, რომელიც ქართულ სამართლებრივ სივრცეში აქამდე არ ყოფილა დამკვიდრებული - ამის შესახებ ურბანული განვითარების პოლიტიკის წარდგენაზე იურისტმა ირაკლი ხმალაძემ განაცხადა.   მისი თქმით, ქუჩების იერსახისთვის შეიქმნება ერთიანი სტანდარტი, რომელიც მოიცავს სარეკლამო აბრების, ფასადების და ვიტრაჟების, შენობის სახურავების, ნავიგაციის ნიშნებისა და საფეხმავლო ინფრასტრუქტურის სტანდარტებს.   ვიზუალური სტანდარტის პრეზენტაციაზე უცხოური ქვეყნების მაგალითები წარმოადგინეს და აღნიშნეს, რომ აღნიშნული პროგრამა ეტაპობრივად და უმტკივნეულოდ განხორციელდება.   „ქართული ოცნება - დემოკრატიული საქართველოს“ თბილისის მერობის კანდიდატის კახა კალაძის განცხადებით, განსაკუთრებული ყურადღება მიექცევა აბრებზე და ვიტრინებზე ქართული ანბანის გამოყენებას.   „ეს ახალი, ძალიან საინტერესო და მნიშვნელოვანი მიმართულებაა. ყველა განვითარებულ ქალაქს გააჩნია თავისი ვიზუალური სტანდარტი. თბილისში ძალიან ბევრი მაგალითი არსებობს იმისა, რომ ქართულ ანბანს არ იყენებენ ან თუ არის გამოყენებული - ძალიან უმნიშვნელოდ. მე არავის ვეწინააღმდეგები, ყველას შეუძლია ჩამოვიდეს ჩვენს ქალაქში, განახორციელოს ინვესტიციები, დაასაქმოს ხალხი - ეს მისასალმებელია, თუმცა ვიზუალურ ნაწილში განსაკუთრებული ყურადღება დაეთმობა ქართული ანბანის გამოყენებას. ეს ჩემთვის პრინციპულად მნიშვნელოვანია” - განაცხადა კახა კალაძემ.   ურბანული განვითარების პოლიტიკა დღეს კახა კალაძემ და მისმა გუნდმა ურბანისტებს, არქიტექტორებსა და დეველოპერებს წარუდგინა. პრეზენტაციას, ასევე, პარლამენტის თავმჯდომარე ირაკლი კობახიძე ესწრებოდა.

  პარტია „ქართული ოცნება - დემოკრატიული საქართველოს“ თბილისის მერობის კანდიდატი, კახა კალაძე, დეველოპერებსა და სამშენებლო კომპანიების წარმომადგენლებს მიმართავს და აცხადებს, რომ მისი მერობის პერიოდში, მწვანე სივრცეებისა და კულტურული მემკვიდრეობის შეზღუდვის ხარჯზე მშენებლობის არც ერთი ნებართვა არ გაიცემა.   „მე არ ვარ მშენებლობის წინააღმდეგი. პირიქით, ჩვენ ერთად უნდა შევუწყოთ ხელი ქალაქის სწორ განვითარებას, თუმცა, ახლა, გულწრფელად მინდა გითხრათ ყველას, რომ ჩემი მერობის პერიოდში, მშენებლობის არც ერთი ნებართვა არ გაიცემა, არც ერთი პროექტი არ განხორციელდება მწვანე სივრცეების, სკვერების, პარკების, სათამაშო მოედნების, კულტურული მემკვიდრეობის და საზოგადოებრივი სივრცეების შეზღუდვების ხარჯზე“, - განაცხადა კახა კალაძემ ურბანული განვითარების პოლიტიკის წარდგენისას.   მერობის კანდიდატი დარწმუნებულია, რომ საზოგადოებასთან ერთად, ქალაქის გაჯანსაღებისთვის ბევრი საინტერესო და მნიშვნელოვანი პროექტი განხორციელდება.   კახა კალაძე იმედოვნებს, რომ პირველ რიგში, სწორედ საზოგადოება დადგება ხელისუფლების გვერდით, რათა ის პრობლემები ერთად გადაწყვიტონ, რაც ქალაქს ქაოტური განაშენიანების თვალსაზრისით აქვს.   „მჯერა, რომ ჩვენ შევქმნით ამ ქალაქის ახალ, საამაყო ისტორია, სადაც სათანადოდ იქნება დაფასებული ქალაქის წარსული, ყველა უბანი იქნება მოწესრიგებული, გამწვანებული და თანაბრად განვითარებული, სადაც ცხოვრება სასიამოვნო და სასურველი იქნება ადამიანებისთთვის“, - აღნიშნა კახა კალაძემ.    

  „მაქსიმალურად შევუწყობთ ხელს, ცენტრალურ ხელისუფლებასთან ერთად, მცირე და საშუალო ბიზნესის განვითარებას“   „ქართული ოცნება - დემოკრატიული საქართველოს“ თბილისის მერობის კანდიდატი კახა კალაძე ვაკის მოსახლეობას შეხვდა და მათ მაჟორიტარობის კანდიდატები გიორგი მუსხელიშვილი და გიორგი ბირბიჩაძე წარუდგინა.   მისი თქმით, დედაქალაქში არსებული გამოწვევების დაძლევა მხოლოდ გუნდურობით და თბილისის მოსახლეობის ერთიანობით არის შესაძლებელი.   „ამისთვის საჭიროა გუნდი, ამისთვის საჭიროა ადამიანები, რომლებიც საკრებულოში თქვენი რაიონისთვის იმუშავებენ. ამისთვის საჭიროა გამგეობა და თითოეული თქვენგანის ძალისხმევა“ - განაცხადა თბილისის მერობის კანდიდატმა.   კახა კალაძემ მოსახლეობას კიდევ ერთხელ გააცნო მისი ხედვა დედაქალაქის განვითარებასთან დაკავშირებით. მისი თქმით,  უნდა აღიკვეთოს ქაოტური განაშენიანება, გაუმჯობესდეს ეკოლოგიური მდგომარეობა, შეიქმნას მეტი მწვანე სივრცე, გაუმჯობესდეს და პოპულარული გახდეს მუნიციპალური ტრანსპორტი და განხორციელდეს ახალი, მასშტაბური ინფრასტრუქტურული პროექტები.   თბილისის მერობის კანდიდატმა მხარდამჭერებთან შეხვედრისას ხაზი გაუსვა ახალი სამუშაო ადგილების შექმნის საჭიროებას.   „მთავარია, ყველაფერი გავაკეთოთ იმისათვის, რომ შეიქმნას ახალი სამუშაო ადგილები, რაც პრობლემაა არამარტო თბილისში, არამედ ზოგადად, ქვეყანაში. ჩვენ მაქსიმალურად შევუწყობთ ხელს, ცენტრალურ ხელისუფლებასთან ერთად, მცირე და საშუალო ბიზნესის განვითარებას, რომ რაც შეიძლება მეტი სამუშაო ადგილი შევქმნათ, რაც შეიძლება მეტი ადამიანი გვყავდეს დასაქმებული და რაც შეიძლება, ნაკლები სოციალურად დაუცველი ჰყავდეს ქვეყანას. ყველას უნდა მიეცეს შესაძლებლობების გამოვლენის შანსი და მოახერხოს თვითრეალიზება,“ - აღნიშნა კახა კალაძემ.   თბილისის მერობის კანდიდატმა მაჟორიტარები უკვე ათივე რაიონში წარადგინა. 

  „პოპულარიზაციას გავუწევ ჯანსაღი ცხოვრების წესს. ამაზე იმიტომ არ ვსაუბრობ, რომ ჩემი ცხოვრება სპორტთან და ფეხბურთთან არის დაკავშირებული. ვიცი, რამდენად მნიშვნელოვანია სპორტული, ჯანსაღი ცხოვრება“ - აღნიშნული განცხადება „ქართული ოცნება - დემოკრატიული საქართველოს“ თბილისის მერობის კანდიდატმა კახა კალაძემ სპორტის ფედერაციების წარმომადგენლებთან შეხვედრისას გააკეთა. კახა კალაძე ფედერაციების საჭიროებებს გაეცნო და ხაზი სამომავლო თანამშრომლობის პერსპექტივას გაუსვა.   „მაქვს შესაძლებლობა, რომ თქვენს მიერ წარმოდგენილი პროექტები ერთად მივიტანოთ ცენტრალურ მთავრობასთან, სპორტის სამინისტროსთან. შეიძლება ეს პირდაპირ მერიის ფუნქცია არ იყოს, თუმცა მე მზად ვარ, მთავრობასთან ერთად გავიარო ყველა პრობლემატური საკითხი. ვილაპარაკოთ ამაზე, წარმოადგინეთ თქვენი ხედვები, პროექტები, რათა უფრო მეტი ადამიანი დავაინტერესოთ, ასაკის მიუხედავად. შეიძლება ყველა ვერ გამოვიდეს პროფესიონალი სპორტსმენი, მაგრამ უნდა ავუხსნათ ახალგაზრდებს, რომ სწორი, ჯანსაღი ცხოვრება მნიშვნელოვანია და უკვე ასაკშიც გვეხმარება“ - განაცხადა კახა კალაძემ.   თბილისის მერობის კანდიდატმა სპორტის ფედერაციების წარმომადგენლებს საკუთარი ხედვები, მათ შორის, სპორტის განვითარებისა და ცხოვრების ჯანსაღი ცხოვრების წესის პოპულარიზაციის მიმართულებით დაგეგმილი ნაბიჯები გააცნო. „ქალაქის ყველა რაიონში მულტიფუნქციური სპორტული კომპლექსები აშენდება, რათა ყველა თაობის ადამიანს ჰქონდეს შესაძლებლობა, ივარჯიშოს. ასეთი კომპლექსები დღეს კერძოა და ბევრს არ აქვს ამ თანხის გადახდის შესაძლებლობა. ეს იქნება ყველასთვის ხელმისაწვდომი მუნიციპალური პროექტი,“ - აღნიშნა კახა კალაძემ.   მისი თქმით, ეკოლოგიური გამოწვევების დაძლევა, გამონაბოლქვის შემცირება და ჯანსაღი ცხოვრების წესის პოპულარიზაცია სასიცოცხლოდ მნიშვნელოვანია მომავალი თაობისთვის. შეხვედრას ფიგურული სრიალის, სნოუბორდის, სამთო-სათხილამურო სპორტის, ტრამპლინიდან ხტომის და ფრისთაილის ფედერაციების წარმომადგენლები ესწრებოდნენ.

„ქართული ოცნება-დემოკრატიული საქართველოს“ თბილისის მერობის კანდიდატმა კახა კალაძემ სამგორის მოსახლეობას დედაქალაქის საკრებულოს მაჟორიტარი დეპუტატობის კანდიდატები წარუდგინა. პარტიის სამგორის მაჟორიტარი დეპუტატობის კანდიდატები- რევაზ სოხაძე, გიორგი დოხტურიშვილი, ქეთევან მამულაშვილი და გიორგი ტყემალაძე არიან. კახა კალაძემ მოსახლეობასთან შეხვედრისას ოთხივე კანდიდატის მიმართ სრული მხარდაჭერა გამოხატა და მათ მომავალ საქმიანობაში წარმატებები უსურვა. „ეს ადამიანები იქნებიან იმ ტკივილის, იმ პრობლემების და იმ წუხილის გამზიარებლები, რომლებიც ამ რაიონს, ამ უბნებს აწუხებს. ჩვენ შევძლებთ ერთად მოვაგვაროთ ეს პრობლემები. ჩვენ შევძლებთ იმას, რომ თბილისი მალე იქნება სიცოცხლით სავსე ქალაქი“,-აღნიშნა „ქართული ოცნების“ დედაქალაქის მერობის კანდიდატმა.    კახა კალაძემ მოსახლეობას ქალაქის განვითარების გეგმა გააცნო და განსაკუთრებული ყურადღება მცირე და საშუალო ბიზნესის განვითარებაზე გაამახვილა. მისი თქმით, ამ მიმართულებით თბილისის მერია ცენტრალურ ხელისუფლებასთან ერთად ყველაფერს გააკეთებს, რადგან სწორედ მცირე და საშუალო ბიზნესის განვითარება ქმნის ახალ სამუშაო ადგილებს. „ჩვენთვის პრიორიტეტული იქნება ეკონომიკური პროექტების განხორციელება. მცირე და საშუალო ბიზნესის ხელშეწყობა იმისთვის, რომ რაც შეიძლება მეტი სამუშაო ადგილი შევქმნათ ქვეყანაში. შეიძლება ეს პირდაპირ მერიის ფუნქცია, მოვალეობა არ იყოს, მაგრამ ამისთვის ჩვენ ცენტრალურ ხელისუფლებასთან ერთად ვიმუშავებთ. ყველაზე დიდი პრობლემა, რაც დღეს აწუხებს ქვეყნის, დედაქალაქის მოსახლეობას, ეს არის სამუშაო ადგილები. ჩვენ გვინდა, რომ გვყავდეს მეტი დასაქმებული ადამიანი და რაც შეიძლება ნაკლები სოციალურად დაუცველი“,-განაცხადა კახა კალაძემ.   „ქართული ოცნების“ მერობის კანდიდატმა კიდევ ერთხელ ისაუბრა ეკოლოგიურ პოლიტიკაზე და აღნიშნა, რომ დედაქალაქის მასშტაბით თხუთმეტივე დიდი პარკის რეაბილიტაცია განხორციელდება.

  „ქართული ოცნება-დემოკრატიული საქართველოს“ თბილისის მერობის კანდიდატმა კახა კალაძემ დიდუბის მოსახლეობას დედაქალაქის საკრებულოს მაჟორიტარი დეპუტატობის კანდიდატები წარუდგინა. დიდუბის მაჟორიტარობისთვის „ქართული ოცნებიდან“ თარაშ შურღაია და ვლადიმერ ძნელაძე იბრძოლებენ. კახა კალაძემ დიდუბის მოსახლეობასთან შეხვედრისას ვიზუალური სტანდარტების დაწესებაზე ისაუბრა და აღნიშნა, რომ განსაკუთრებული ყურადღება ფასადებსა და აბრებზე ქართული ანბანის გამოყენებას მიექცევა. ამ კონტექსტში მან განახლებული აღმაშენებლის გამზირის მაგალითი დაასახელა. „ვაპირებთ ძველი თბილისის, ისტორიული ქუჩების მასშტაბურ რეაბილიტაციას, ვინაიდან ყველამ კარგად ვიცით, თუ რამდენად მნიშვნელოვანია ეს. ვაპირებთ, რომ ძველ თბილისში შემოვიტანოთ ახალი სიცოცხლე. ეს ყველაფერი კარგად დავინახეთ აღმაშენებლის გამზირის მაგალითზე, თუმცა განსაკუთრებული ყურადღება დაეთმობა მის ვიზუალურ მხარეს. მე ამაზე რამდენჯერმე ვისაუბრე და არ დავიღლები საუბრით. ნამდვილად გულდასაწყვეტია ის, რომ რეაბილიტირებულ აღმაშენებელზე გაივლი და ქართული ასოების გარდა, ქართული წარწერების გარდა შეიძლება ყველა ენაზე იხილო დაფები. ჩვენ არავის ვეწინააღმდეგებით, ყველას აქვს უფლება ჩამობრძანდეს, ბიზნესი განახორციელოს, ხალხი დაასაქმოს, თუმცა ქართულ ანბანს, ქართულ ასოებს, ქართულ წარწერებს განსაკუთრებული ყურადღება დაეთმობა“,-განაცხადა კახა კალაძემ.   „ქართული ოცნების“ თბილისის მერობის კანდიდატმა მოსახლეობასთან შეხვედრისას ხაზი გაუსვა დედაქალაქში ჯანსაღი ეკოლოგიის არსებობის მნიშვნელობას და აღნიშნა, რომ ეკოლოგია ვერ მოწესრიგდება მხოლოდ ერთი პროექტით. „ეს საკითხი კომპლექსურად უნდა მოგვარდეს. პირველ რიგში უზრუნველვყოფთ ბაღებისა და სკვერების მოწესრიგებას. განხორციელდება მუშტაიდის ბაღის სრული რეაბილიტაცია. გარდა ამისა, დედაქალაქის მერია უზრუნველყოფს 1400-მდე სკვერისა და პარკის მოვლას. ასევე რეაბილიტირდება თბილისის დენდროლოგიური პარკი და შეიქმნება ახალი მწვანე ზონები“,-განაცხადა კახა კალაძემ. მისივე თქმით, ასევე დიდი ყურადღება დაეთმობა სატრანსპორტო პოლიტიკას. როგორც კახა კალაძემ აღნიშნა, გაიზრდება დედაქალაქში არსებული სამარშუტო ხაზების რაოდენობა, ხოლო მუნიციპალურ ტრანსპორტს 700-მდე ახალი, თანამედროვე, ევროპული სტანდარტების ავტობუსი დაემატება. დიდუბის მოსახლეობასთან გამართულ შეხვედრაზე კახა კალაძე კიდევ ერთხელ გამოეხმაურა მიწის გასხვისების საკითხს და აღნიშნა, რომ ქართული მიწა უცხოელებზე არ გაიყიდება. მისივე თქმით, შესაბამისი გადაწყვეტილების მიღება სწორედ „ქართული ოცნების“ გუნდის დამსახურებაა.

შემოწირულობები

  თბილისის რაიონებში მულტიფუნქციური სპორტული კომპლექსები აშენდება, რომელიც ყველა თაობისთვის ხელმისაწვდომი იქნება - ამის შესახებ დღეს, ნაძალადევის მოსახლეობასთან შეხვედრაზე, „ქართული ოცნება - დემოკრატიული საქართველოს“ თბილისის მერობის კანდიდატმა კახა კალაძემ განაცხადა. მისივე თქმით, მნიშვნელოვანია ხელი შეეწყოს ახალგაზრდებში ჯანსაღი ცხოვრების წესის პოპულარიზაციას.   თბილისის მერობის კანდიდატის განცხადებით, მისთვის ასევე პრიორიტეტული იქნება სკოლამდელი განათლება და ამ მიზნით მერია ახალი საბავშვო ბაღების მშენებლობას განაგრძობს. „2012 წლის შემდეგ, რაც ჩვენ გავაუქმეთ ბაღის გადასახადი, საბავშვო ბაღებში შემსვლელი ბავშვების რიცხვი, საბედნიეროდ, ყოველწლიურად იზრდება. თბილისის მერია ამ მატებას მომზადებული უნდა შეხვდეს. მომავალი 4 წლის განმავლობაში საბავშვო ბაღების მშენებლობა გაგრძელდება,“ - აღნიშნა კახა კალაძემ.   კალაძის განმარტებით, საზოგადოება სპეციალური ვებგვერდის საშუალებით შეძლებს გააკონტროლოს მერი, მერია და იმ პროექტების განხორციელების პროცესი, რომელიც მისი დაპირებით თბილისში განხორციელდება.   ნაძალადევის მოსახლეობას თბილისის მერობის კანდიდატთან ერთად, პარლამენტარები - არჩილ თალაკვაძე, მამუკა მდინარაძე და მიხეილ ყაველაშვილი, სპორტისა და ახალგაზრდობის მინისტრი ტარიელ ხეჩიკაშვილი, ნაძალადევის მაჟორიტარობის კანდიდატი მიხეილ ამაშუკელი შეხვდნენ და მათ საჭიროებებს ადგილზე გაეცნენ. შეხვედრები ოთხი სხვადასხვა ქუჩის მოსახლეობასთან გაიმართა.

  პრემიერ-მინისტრმა, პარტია „ქართული ოცნება - დემოკრატიული საქართველოს“ თავმჯდომარე გიორგი კვირიკაშვილმა ბათუმში, აჭარის რეგიონის მერობის კანდიდატები წარადგინა.   21 ოქტომბრის ადგილობრივი თვითმმართველობის არჩევნებში „ქართულ ოცნებას“ მერობის კანდიდატი ექვსივე მუნიციპალიტეტში ეყოლება.   მმართველი გუნდის გადაწყვეტილებით, ბათუმის მერობისთვის ლაშა კომახიძე, ხოლო ქობულეთში მირიან ქათამაძე იბრძოლებენ. ქედაში ლევან გორგილაძის, შუახევში კი ფრიდონ ფუტკარაძის კანდიდატურები დასახელდა. ხელვაჩაურში მერობის კანდიდატი ჯუმბერ ვარდმანიძე, ხულოში გოჩა მელაძე იქნებიან.   როგორც პრემიერ-მინისტრმა კანდიდატების წარდგენისას განაცხადა, „ქართული ოცნება“ ამ ადამიანებს სრულ ნდობას უცხადებს. გიორგი კვირიკაშვილი დარწმუნებულია, რომ ისინი არჩევნებში დამაჯერებელ გამარჯვებას მოიპოვებენ.       მთავრობის მეთაურმა მერობის კანდიდატები უკვე წარადგინა იმერეთში, კახეთსა და გურიაში. პრემიერი კანდიდატებს, საქართველოს მასშტაბით, ყველა რეგიონში წარადგენს.

  „რამდენიმე დღეში საზოგადოებას უკვე ვიზუალურად დამუშავებულ ინფრასტრუქტურულ პროექტებს წარვუდგენ, რომელთა განხორციელებას მომავალი 4 წლის განმავლობაში ვგეგმავთ“ - აღნიშნული განცხადება „ქართული ოცნება - დემოკრატიული საქართველოს“ თბილისის მერობის კანდიდატმა კახა კალაძემ ისნის რაიონის, კერძოდ, ვაზისუბნის მოსახლეობასთან შეხვედრისას გააკეთა. ვაზისუბანი უკვე მესამე უბანია, სადაც კახა კალაძე მოსახლეობას შეხვდა და მათ საჭიროებებს ადგილზე გაეცნო. მერობის კანდიდატმა განსაკუთრებული ყურადღება ეკოლოგიაზე გაამახვილა და განაცხადა, რომ ეკოლოგიური გამოწვევები კომპლექსურად და მასშტაბური მიდგომით უნდა გადაიჭრას. კახა კალაძის განცხადებით, ეკოლოგიური მდგომარეობის გამოსწორების მიზნით განხორციელდება თბილისის დენდროლოგიური პარკის პროექტი, შეიქმნება ვრცელი მწვანე ზონა მზიურისა და ზოოპარკის ტერიტორიაზე, განახლდება მუნიციპალური ავტოპარკი და ყვითელი ავტობუსები ჩანაცვლდება გაცილებით უსაფრთხო ავტოტრანსპორტით, ასევე, მოხდება მეტრო სადგურებისა და ვაგონების სრული რეაბილიტაცია, მერია კი მხარს დაუჭერს ავტო ტექდათვალიერების შემოღებას. მისივე თქმით, თავის გუნდთან ერთად იმუშავებს იმისათვის, რომ დედაქალაქს ხელშესახები ცვლილებები დაეტყოს და განვითარება არამხოლოდ ცენტრალურ უბნებზე, არამედ თბილისის ყველა რაიონზე აისახოს. თბილისის მერობის კანდიდატმა, მოსახლეობასთან შეხვედრისას, ხაზი გაუსვა ახალგაზრდებში ჯანსაღი ცხოვრების წესის პოპულარიზაციას. შეხვედრები კითხვა-პასუხის რეჟიმში გაგრძელდა.   ვაზისუბნის მცხოვრებლებმა კახა კალაძეს როგორც უბნის, ისე ინდივიდუალური საჭიროებები გააცნეს. მოსახლეობასთან შეხვედრებს ისნის მაჟორიტარობის კანდიდატები ლევან დავითაშვილი და ილია ჯიშკარიანი, კახა კალაძის საარჩევნო შტაბის ხელმძღვანელი არჩილ თალაკვაძე, ასევე, პარლამენტარები მამუკა მდინარაძე, ლევან კობიაშვილი და ირაკლი აბუსერიძე ესწრებოდნენ.