„არსებული ბიუჯეტით შეუძლებელი იქნება ქალაქის განვითარებაზე ფიქრი, ამიტომ საჭიროა დამატებითი ინვესტიციების შემოტანა“ - აღნიშნული განცხადება „ქართული ოცნება - დემოკრატიული საქართველოს“ თბილისის მერობის კანდიდატმა კახა კალაძემ დღეს მოსახლეობასთან მორიგი შეხვედრისას გააკეთა.   მისი თქმით, აუცილებელია ქალაქის მერს ჰქონდეს მჭიდრო თანამშრომლობითი ურთიერთობა ხელისუფლებასთან და საქმიანი ურთიერთობის გამოცდილება საერთაშორისო საფინანსო ორგანიზაციებთან, რათა შეძლოს დამატებითი სახსრების მოზიდვა და დაგეგმილი პროექტების განხორციელება.   „კარგად მესმის, რომ მომდევნო 4 წლის განმავლობაში შეუძლებელია ყველა პრობლემის მოგვარება, თუმცა იმის ამბიცია გამაჩნია, რომ ჩვენ მიერ განხორციელებული პროექტები და რეფორმები იყოს ყველასთვის ხელშესახები“ - აღნიშნა კახა კალაძემ და ხაზი ქალაქის ყველა უბნის თანაბარი განვითარების აუცილებლობას გაუსვა.   თბილისის მერობის კანდიდატმა ვაკისა და ვარკეთილის ამომრჩევლებს ქალაქის წინაშე არსებული გამოწვევების დაძლევისთვის შემუშავებული შვიდი პოლიტიკა წარუდგინა, რომელიც ითვალისწინებს ურბანულ განვითარებას, სატრანსპორტო საკითხების მოგვარებას, ჯანდაცვისა და სოციალური პროგრამების განვითარებას, ეკოლოგიური მდგომარეობის გაუმჯობესებას, ეკონომიკური ვითარების გამოსწორებას, განათლების, კულტურისა და სპორტის საკითხების წინ წამოწევას და გააქტიურებას.   შეხვედრებს ლტოლვილთა და განსახლების მინისტრი სოზარ სუბარი, კახა კალაძის საარჩევნო შტაბის ხელმძღვანელი არჩილ თალაკვაძე, პარლამენტის დეპუტატები - ბიძინა გეგიძე, ზაზა ხუციშვილი და მარიამ ჯაში, ასევე, საკრებულოს მაჟორიტარობის კანდიდატები გიორგი მუსხელიშვილი, გიორგი დოხტურიშვილი, რევაზ სოხაძე და გიორგი ტყემალაძე ესწრებოდნენ.

კახა კალაძე განათლებისა და კულტურის სფეროს წარმომადგენლებს შეხვდა და თბილისის განვითარების პროგრამული ხედვა გააცნო.   „ქართული ოცნება - დემოკრატიული საქართველოს“ თბილისის მერობის კანდიდატმა შეხვედრისას ხაზი გაუსვა ურბანული განვითარების, ტრანსპორტის განახლების, ძველი უბნების რეაბილიტაციისა და ეკოლოგიური გაუმჯობესების საკითხებს.   „ქაოტური განაშენიანება გუშინ და დღეს არ დაწყებულა, ეს 20-25 წლის განმავლობაში დაგროვებული პრობლემებია. თუ ჩვენ არ გადავდგით კონკრეტული ნაბიჯები და არ მივიღეთ მკაცრი გადაწყვეტილებები, ასე გაგრძელება შეუძლებელია“, - აღნიშნა კახა კალაძემ.   მისი თქმით, აღნიშნულ საკითხს მიწათსარგებლობის გენერალური გეგმის მიღება გადაჭრის, რომლითაც ქაოტური განაშენიანება დასრულდება.   თბილისის მერობის კანდიდატის განცხადებით, ასევე, უნდა დაიხვეწოს მშენებლობის სტანდარტები და ყურადღება უნდა მიექცეს მშენებლობაზე დასაქმებული ადამიანების შრომითი უფლებების დაცვას და მათ უსაფრთხოებას.   კახა კალაძემ ყურადღება გაამახვილა ძველი თბილისის რეაბილიტაციაზე და აღნიშნა, რომ რეაბილიტაციის პროცესში გათვალისწინებული იქნება ტურისტული მარშუტების კონცეფცია.   მისი თქმით, ძველი თბილისის რეაბილიტაცია და ტურისტული პოტენციალის სათანადოდ წარმოჩენა, არამარტო მოსახლეობის ჯიბეზე, არამედ ქალაქის ბიუჯეტზეც აისახება, რაც აუცილებელია ახალი პროექტების განხორციელებისათვის.   კახა კალაძის თქმით, ასევე, დაგეგმილია მუნიციპალური მუზეუმების რეაბილიტაცია, რომელიც ტურისტულ მარშუტებში გათვალისწინებული იქნება.   „მუნიციპალიტეტს 9 მუზეუმი აქვს საკუთრებაში, რომლის რეაბილიტაცია გვინდა განვახორციელოთ. მუზეუმები ყველა ქვეყანაში შემოსავლის წყაროა და არ არის დოტაციაზე. ჩვენც გვაქვს ძალიან დიდი შესაძლებლობა - არამარტო მუზეუმები, რომელიც შეიძლება გავაძლიეროთ და გავითვალისწინოთ ტურისტულ მიმართულებაში“, - განაცხადა კახა კალაძემ.   თბილისის მერობის კანდიდატმა განათლებისა და კულტურის მოღვაწეებთან შეხვედრისას, მწუხარება გამოთქვა მსახიობ ლიკა ქავჟარაძის გარდაცვალების გამო.   „არ შემიძლია, არ გამოვეხმაურო ქალბატონ ლიკა ქავჯარაძის გარდაცვალებას. მართლაც ძალიან მძიმეა თითოეული ჩვენგანისთვის. დავკარგეთ ულამაზესი ქალბატონი და ნიჭიერი მსახიობი“ - აღნიშნა კახა კალაძემ.

„ქართული ოცნება - დემოკრატიული საქართველოს“ თბილისის მერობის კანდიდატი კახა კალაძე ვეძისის, ზაქარიაძის ქუჩის და ვაშლიჯვრის მოსახლეობას შეხვდა და ქალაქის წინაშე არსებული გამოწვევების დაძლევისთვის შემუშავებული შვიდი პოლიტიკა წარუდგინა, რომელიც  ითვალისწინებს ურბანულ  განვითარებას, სატრანსპორტო საკითხების მოგვარებას, ჯანდაცვისა და სოციალური პროგრამების განვითარებას, ეკოლოგიური მდგომარეობის გაუმჯობესებას, ეკონომიკური ვითარების გამოსწორებას, განათლების, კულტურისა და სპორტის საკითხების წინ წამოწევას და გააქტიურებას.   კახა კალაძემ ეკოლოგიურ გამოწვევებზე და მდგომარეობის გაუმჯობესებისთვის სამი მიმართულებით დაგეგმილ ღონისძიებებზე ისაუბრა, რომელიც ითვალისწინებს პარკებისა და სკვერების რეაბილიტაციას, ახალი მწვანე სივრცეების შექმნას; მუნიციპალური ტრანსპორტის განახლებას და განვითარებას, ასევე,  მშენებლობის სტანდარტების დახვეწას.   თბილისის მერობის კანდიდატმა განსაკუთრებული ყურადღება გაამახვილა დენდროლოგიური პარკის რეაბილიტაციასა და რადიოქალაქის გაშენებაზე.   კახა კალაძის განცხადებით, ეს იქნება საუკეთესო სივრცეები როგორც დასვენებისა და განტვირთვისთვის, ისე ჯანსაღი ცხოვრების წესის მოყვარულებისთვის.   მისივე თქმით, ქალაქის ერთიანი ურბანული განვითარების გეგმა ითვალისწინებს საცობების პრობლემის გადაჭრასაც.   „არსებობს სპეციალური პროგრამა, რომელიც მუდმივ რეჟიმში აკვირდება არსებულ ნაკადებს, შესაბამისად, დაიდება კონკრეტული გეგმა, თუ რომელი არის ცხელი წერტილი და რა გადაწყვეტილება უნდა იქნეს მიღებული მის აღსაკვეთად და რა პროექტები უნდა განხორციელდეს “, - განაცხადა კახა კალაძემ.   თბილისის მერობის კანდიდატი აღნიშნავს, რომ საცობების პრობლემის მოსაგვარებლად გაფართოვდება გზები, აშენდება ხიდები და ესტაკადები, თუმცა პრობლემა კომპლექსურია და მთლიანად ვერ გადაიჭრება.    თბილისის მერობის კანდიდატმა, ასევე, ხაზი გაუსვა ჯანდაცვის მიმართულებით დაგეგმილ სიახლეებს და განაცხადა, რომ სოციალური და ჯანდაცვის მუნიციპალური პროგრამები განახლდება და განვითარდება.   „რა თქმა უნდა, ხელს შევუწყობთ სოციალურად დაუცველ მოსახლეობას, თუმცა ჩვენი პრიორიტეტია ახალი სამუშაო ადგილების შექმნა, რათა ადამიანები დასაქმდნენ, თვითრეალიზება შეძლონ და ქალაქში სოციალურად დაუცველების რიცხვი დასაქმებულთა რაოდენობის ზრდის კვალდაკვალ შემცირდეს“ - აღნიშნა კახა კალაძემ.   შეხვედრას „ქართული ოცნება - დემოკრატიული საქართველოს“ საბურთალოს მაჟორიტარობის კანდიდატები დავით უთმელიძე, ავთანდილ ცინცაძე, კახა კალაძის საარჩევნო შტაბის ხელმძღვანელი არჩილ თალაკვაძე და პარლამენტის დეპუტატი მამუკა მდინარაძე ესწრებოდა.

პარტია "ქართული ოცნება-დემოკრატიული საქართველოს" თბილისის მერობის კანდიდატი კახა კალაძე სხვადასხვა სექტორში მოღვაწე ქალებს შეხვდა და თბილისის განვითარების პროგრამული ხედვა გააცნო.   „გულწრფელად მინდა გითხრათ, რომ მართლაც განსაკუთრებულად ვემზადებოდი თქვენთან შეხვედრისთვის და ჩემთვის დიდი პატივია, რომ დღეს, ამდენ წარმატებულ ქალბატონს ვხედავ ამ შეხვედრაზე. ჩემთვის, ჩვენი გუნდისთვის ძალიან მნიშვნელოვანია ქალბატონების ჩართულობა სოციალურ, პოლიტიკურ, კულტურულ სფეროში მიმდინარე პროცესებში. ყოველდღე მაქვს 6-7 შეხვედრა მოსახლეობასთან და ყოველთვის, ყველა შეხვედრაზე განსაკუთრებით აქტიურები სწორედ ქალბატონები არიან, რაც ნამდვილად მისასალმებელია. გარწმუნებთ, რომ მომავალში იქნება სრული მხარდაჭერა მუნიციპალიტეტის მხრიდან ქალების, მათი ჩართულობისა და მათი პროექტების მიმართ. თქვენს გვერდით გვიგულეთ“, - განუცხადა კახა კალაძემ შეხვედრის მონაწილეებს.   თბილისის მერობის კანდიდატმა ქალბატონებს ქალაქის წინაშე არსებული გამოწვევების დაძლევისთვის შემუშავებული შვიდი პოლიტიკა წარუდგინა, რომელიც ითვალისწინებს ურბანულ განვითარებას, სატრანსპორტო საკითხების მოგვარებას, ჯანდაცვისა და სოციალური პროგრამების განვითარებას, ეკოლოგიური მდგომარეობის გაუმჯობესებას, ეკონომიკური ვითარების გამოსწორებას, განათლების, კულტურისა და სპორტის საკითხების წინ წამოწევას და გააქტიურებას.   კახა კალაძემ განსაკუთრებული ყურადღება გაამახვილა ეკოლოგიურ გამოწვევებზე და მდგომარეობის გაუმჯობესებისთვის სამი მიმართულებით დაგეგმილ ღონისძიებებზე ისაუბრა, რომელიც ითვალისწინებს პარკებისა და სკვერების რეაბილიტაციას, ახალი მწვანე სივრცეების შექმნას; მუნიციპალური ტრანსპორტის განახლებას და განვითარებას, ასევე, მშენებლობის სტანდარტების დახვეწას.   თბილისის მერობის კანდიდატმა, ასევე, ხაზი გაუსვა ჯანდაცვის მიმართულებით დაგეგმილ სიახლეებს და განაცხადა, რომ სოციალური და ჯანდაცვის მუნიციპალური პროგრამები განახლდება და განვითარდება.   კახა კალაძის თქმით, ასევე, ერთ-ერთი უმნიშვნელოვანესი მიმართულება იქნება ინკლუზიური ქალაქის იდეის განხორციელება და შეზღუდული შესაძლებლობების მქონე პირების თავისუფალი გადაადგილებისთვის შესაბამისი პირობების შექმნა.   თბილისის მერობის კანდიდატმა, ასევე, განათლების, ჯანსაღი ცხოვრების წესის პოპულარიზაციისა და კულტურის საკითხებიც მიმოიხილა. გარდა ამისა, დამსწრე საზოგადოებას ინფრასტრუქტურული პროექტების ვიდეორგოლები წარუდგინა.   შეხვედრაზე კახა კალაძემ მიწისქვეშა პარკირების პროექტებზეც ისაუბრა და განაცხადა, რომ ერთ-ერთი სწორედ პუშკინის სკვერის მიმდებარე ტერიტორიაზე იგეგმება.   „ნაციონალური მოძრაობა“ და „ევროპული საქართველო“ აქციებს აწყობენ იმასთან დაკავშირებით, რომ „ქართუ ჯგუფი“ იქ ახორციელებს მიწისქვეშა პარკინგის სამუშაოებს. მინდა განვმარტო, რატომ ეწინააღმდეგებიან ეს ადამიანები ამ ყველაფერს: „ქართუ ჯგუფი“ ახორციელებს დაახლოებით 680-მილიონიან ინვესტიციას. იმ პროექტებზე, რომლებიც ხორციელდება ამ ინვესტიციის ფარგლებში - ეს არის პანორამა, გალერეა, თაბორის მთის პროექტი, რომელიც ერთ-ერთი საუკეთესო იქნება ევროპაში, დაახლოებით 15 000 ადამიანია დასაქმებული. პროექტების დასრულების შემდეგ კი 1800 მუდმივი სამუშაო ადგილი შეიქმნება. სწორედ ამას ებრძვიან ეს ადამიანები. იციან, რამდენად მნიშვნელოვანია ეს ქვეყნის და ქალაქის განვითარებისთვის, თუმცა ვერავინ და ვერაფერი ვერ შეაჩერებს ამ პროცესს - ქვეყნის წინსვლას“, - განაცხადა კახა კალაძემ.   შეხვედრას, სხვადასხვა სფეროს წარმომადგენლებთან ერთად, მინისტრები - თეა წულუკიანი და ქეთევან ციხელაშვილი, ასევე, პარლამენტის წევრი ქალბატონები ესწრებოდნენ.

პრემიერ-მინისტრმა, პარტია „ქართული ოცნება - დემოკრატიული საქართველოს“ თავმჯდომარე გიორგი კვირიკაშვილმა, მცხეთაში, მცხეთა-მთიანეთის რეგიონის მერობის კანდიდატები წარადგინა.   მმართველი პარტიის სახელით, ადგილობრივი თვითმმართველობის არჩევნებზე, მცხეთა-მთიანეთში მერობისთვის ოთხი კანდიდატი იბრძოლებს. მცხეთის მუნიციპალიტეტში მერობის კანდიდატი გიორგი კაპანაძე იქნება, დუშეთში - ზურაბ სეხნიაშვილი, თიანეთში - ლელა ქიტესაშვილი, ხოლო ყაზბეგში - ალექსანდრე ზაგაშვილი.   „ესენი არიან პროფესიონალი, გამოცდილი ადამიანები და რაც მთავარია, მზად არიან, დაიცვან თქვენი ინტერესები, დაგეხმარონ პრობლემის მოგვარებაში. თქვენი მხარდაჭერით, ჩვენ, „ქართულ ოცნება“, განვაგრძობთ იმ საქმის კეთებას, რაც ხუთი წლის წინ დავიწყეთ და რაც კეთდება ხალხისთვის, თითოეული ადამიანის კეთილდღეობისთვის, ჩვენი მომავლისთვის“, - განაცხადა გიორგი კვირიკაშვილმა.   მთავრობის მეთაურმა 21 ოქტომბრის ადგილობრივი თვითმმართველობის არჩევნებისთვის მერობის კანდიდატები საქართველოს ყველა რეგიონში წარადგინა.

„თქვენ გაქვთ უფლება, წინასაარჩევნო პერიოდში დაესწროთ შეხვედრებს, მოისმინოთ კანდიდატების მიერ გაჟღერებული პროგრამები, თუ რა გეგმები აქვთ და როგორ აპირებენ მათ განხორციელებას, შესაბამისად, თქვენ უნდა გააკეთოთ სწორი ანალიზი და თქვენვე უნდა მიიღოთ გადაწყვეტილება, თუ ვის დაუჭიროთ მხარი არჩევნებზე, ვის ანდოთ ქალაქის ბედი“ - აღნიშნული განცხადება კახა კალაძემ თემქის მოსახლეობასთან შეხვედრისას გააკეთა.   „ქართული ოცნება - დემოკრატიული საქართველოს“ თბილისის მერობის კანდიდატის განცხადებით, ნებისმიერი პროფესიის, ნებისმიერ ადგილზე დასაქმებულ ადამიანს აქვს ინფორმირებული არჩევანის გაკეთების უფლება.   კახა კალაძემ ამომრჩევლებს  ქალაქის წინაშე არსებული გამოწვევების დაძლევისთვის კომპლექსურ ღონისძიებების განხორციელება შესთავაზა და 7 პოლიტიკა გააცნო, რომელიც  ითვალისწინებს ურბანულ  განვითარებას, სატრანსპორტო საკითხების მოგვარებას, ჯანდაცვისა და სოციალური პროგრამების განვითარებას, ეკოლოგიური მდგომარეობის გაუმჯობესებას, ეკონომიკური ვითარების გამოსწორებას, განათლების, კულტურისა და სპორტის საკითხების წინ წამოწევას და გააქტიურებას.   თბილისის მერობის კანდიდატმა ყურადღება გაამახვილა ჯანდაცვისა და სოციალურ მიმართულებაზე და აღნიშნა, რომ ოცდაორივე მუნიციპალური პროგრამა გაგრძელდება და განვითარდება.   „რა თქმა უნდა, ხელს შევუწყობთ სოციალურად დაუცველ მოსახლეობას, თუმცა ჩვენი პრიორიტეტია ახალი სამუშაო ადგილების შექმნა, რათა ადამიანები დასაქმდნენ, თვითრეალიზება შეძლონ და ქალაქში სოციალურად დაუცველების რიცხვი დასაქმებულთა რაოდენობის ზრდის კვალდაკვალ შემცირდეს“ - აღნიშნა კახა კალაძემ.   თბილისის მერობის კანდიდატმა ხაზი გაუსვა ცენტრალური და პერიფერიული უბნების თანაბარ განვითარებას და მოსახლეობას რადიოქალაქის ინფრასტრუქტურული პროექტი გააცნო, რომელიც, მისი თქმით, არამარტო მუხიანის, გლდანის, თემქისა და ავჭალის მოსახლეობისთვის, არამედ მთელი თბილისისთვის ერთ-ერთი გამორჩეული ადგილი და მიზიდულობის ცენტრი იქნება.   კახა კალაძე მოსახლეობას დაჰპირდა, რომ მისი მერობის დროს გამოირიცხება საცხოვრებელი კორპუსების მშენებლობა რეკრეაციულ ზონებსა და მწვანე სივრცეებში.   მისივე თქმით, ყურადღება მიექცევა არამარტო ძველი უბნების, არამედ ზოგადად, ავარიული შენობების აღრიცხვის, რეაბილიტაციისა და ჩანაცვლების საკითხს, ასევე, მოაგვარებს დაუკანონებელი საცხოვრებელი ფართების პრობლემას, სადაც ოჯახები ათეული წელია ცხოვრობენ.   შეხვედრას პარლამენტის წევრები - ზაზა გაბუნია და სოფო კილაძე, კახა კალაძის საარჩევნო შტაბის ხელმძღვანელი, არჩილ თალაკვაძე და თემქის მაჟორიტარობის კანდიდატი, თამარ ტალიაშვილი ესწრებოდა.

თბილისში კულტურული, საგანმანათლებლო და სპორტული დაწესებულებების მოდერნიზაცია, მათი ინფრასტრუქტურის რეაბილიტაცია და ახალი ინფრასტრუქტურის შექმნა იგეგმება - ამასთან დაკავშირებით დღეს განათლების, კულტურისა და სპორტის პოლიტიკის პრეზენტაციაზე „ქართული ოცნება - დემოკრატიული საქართველოს“ თბილისის მერობის კანდიდატმა კახა კალაძემ ისაუბრა.   „განათლებაზე, კულტურაზე და სპორტზე ხელმისაწვდომობა ყველა რაიონში და ყველა თაობისთვის გაიზრდება. ჩვენ არ უნდა ვიყოთ ორიენტირებული მხოლოდ ცენტრალურ რაიონებზე. ყოველთვის ვამბობდით და ახლაც გავიმეორებ - ყველა რაიონში მოხდება თანაბარი განვითარება. ყველა რაიონში მცხოვრებმა ადამიანმა დედაქალაქი საკუთარ უბანში უნდა იგრძნოს“, - განაცხადა თბილისის მერობის კანდიდატმა.მისივე თქმით, ის აქტიურად გაუწევს პოპულარიზაციას ჯანსაღი ცხოვრების წესს.   კახა კალაძემ განათლების მიმართულებაზე საუბრისას ხაზი გაუსვა სკოლამდელი საგანმანათლებლო დაწესებულებების რაოდენობის გაზრდის საკითხს.   „ბოლო წლების განმავლობაში დაახლოებით 12 ახალი საბავშვო ბაღის პროექტი განვახორციელეთ. 2012 წლამდე ბაღები ფასიანი იყო. წინა ხელისუფლების დროს ხშირად ხდებოდა ბაღების გასხვისება და მათ ადგილზე საცხოვრებელი კორპუსების მშენებლობა. დღეს ჩვენ გვაქვს ძალიან მძიმე მემკვიდრეობა და შედეგიც სახეზეა. მას მერე, რაც განვახორციელეთ რეფორმა და ბაღები გახდა უფასო, ყოველწლიურად იზრდება ბაღში შემსვლელი პატარების რაოდენობა, რაც, რა თქმა უნდა, მისასალმებელია, მაგრამ ამ ყველაფერს ჩვენ უნდა დავხვდეთ მომზადებული. ამიტომაც, მომდევნო 4 წლის განმავლობაში, 30-მდე ახალი საბავშვო ბაღის მშენებლობა იგეგმება, სადაც ჩვენს შვილებს ექნებათ შესაძლებლობა ნორმალურ გარემოში მიიღონ განათლება“, - აღნიშნა თბილისის მერობის კანდიდატმა.   განათლების სისტემაში დაგეგმილ სიახლეებზე დეტალურად ისაუბრა განათლებისა და მეცნიერების მინისტრმა ალექსანდრე ჯეჯელავამ. მისი თქმით, დედაქალაქში არამარტო სკოლამდელი აღზრდის დაწესებულებების, არამედ სასკოლო ინფრასტრუქტურის დეფიციტიცაა, ამიტომაც თბილისში განათლების პარკების შექმნა იგეგმება.   „ჩვენ გადავწყვიტეთ, რომ თბილისში შეიქმნას განათლების პარკები - ეს იქნება სპეციალური ტერიტორიები, სადაც განთავსდება როგორც საშუალო სკოლები, ასევე, საერთაშორისო თანამშრომლობით შექმნილი სპეციალიზებული გაძლიერებული სკოლები. აქ აქცენტი გაკეთება იმაზე, რომ ზედა კლასებში ყველაზე ნიჭიერმა და მონდომებულმა ახალგაზრდებმა სახელმწიფოს ხარჯზე მიიღონ მსოფლიო კლასის განათლება, რომელიც შემდგომში საშუალებას მისცემს, საქართველოშიც და საზღვარგარეთაც განაგრძონ განათლების მიღება. ეს პარკები იქნება როგორც ინფრასტრუქტურულად, ისე საგანმანათლებლო პროგრამების მხრივ ძალიან დახვეწილი განათლების ცენტრები. ამაზე მუშაობა უკვე დაწყებულია და თბილისის მერიასთან და მუნიციპალიტეტებთან თანამშრომლობის დიდი იმედი მაქვს“, - განაცხადა განათლებისა და მეცნიერების მინისტრმა.   ჯანსაღი ცხოვრების წესის თაობაზე ისაუბრა ჯანდაცვის მინისტრმა დავით სერგეენკომ. როგორც მან აღნიშნა, ჯანდაცვა მხოლოდ ჯანმრთელობის დაცვის სისტემა არ არის და დედაქალაქის მერობის კანდიდატს ჯანსაღი ცხოვრების წესის აქტიური მხარდაჭერა შეუძლია.   „ჯანმრთელობის ხელშეწყობა და ჯანსაღი ცხოვრების წესის პროპაგანდა არანაკლებ მნიშვნელოვანია. ჩვენ გვექნება იმის უნიკალური შესაძლებლობა, რომ ეს ორი მიმართულება გავაძლიეროთ, რადგანაც კახა კალაძეს შეუძლია, ჯანსაღი ცხოვრების წესის პროპაგანდაში ძალიან დიდი წვლილი შეიტანოს. ვფიქრობ, რომ თბილისის მერი სწორედ ის პოზიციაა, რომ ჯანსაღი ცხოვრების წესის მხარდაჭერა შეეძლება. ძალიან დიდი მოლოდინი მაქვს, გამომდინარე იქიდან, რომ ჯანდაცვის კონცეფციის პრეზენტაციისას რეალურად სწორი ხედვა დავინახე. მჯერა, რომ ჯანმრთელობის ხელშეწყობასა და ჯანსაღი ცხოვრების აქტიურ მხარდაჭერაში, კახა კალაძის მუშაობა ეფექტური იქნება“, - აღნიშნა დავით სერგეენკომ.   პრეზენტაციაზე თბილისის მერობის კანდიდატმა მუნიციპალური მუზეუმების საკითხიც განიხილა და აღნიშნა, რომ მათ რეაბილიტაციას გეგმავს.   „თბილისში, დაახლოებით, 27 მუზეუმია, აქედან 9 - მუნიციპალური, მათ სჭირდებათ რეაბილიტაცია და ჩვენ ამას განვახორციელებთ, რადგან ყველა განვითრებული ქვეყნის დედაქალაქში მუზეუმები ქალაქის ბიუჯეტისთვის შემოსავლის წყაროა“, - განაცხადა კახა კალაძემ განათლების, კულტურის, სპორტისა და ახალგაზრდობის პოლიტიკის პრეზენტაციისას, რომლის ერთ-ერთი მიმართულებაც მუზეუმებისა და მუნიციპალური კულტურული დანიშნულების ობიექტების რეფორმირება და ქალაქის კულტურულ ცხოვრებაში აქტიურად ჩართვაა.   მისივე თქმით, ძველი თბილისის რეაბილიტაციისა და ტურისტული მარშრუტების მოწყობის ფარგლებში, რომელსაც მომავალი ოთხი წლის განმავლობაში თავის გუნდთან ერთად გეგმავს, მუზეუმების როლი განსაკუთრებული იქნება.   კახა კალაძე საქართველოში ტურისტების რაოდენობის ყოველწლიურად ზრდას მიესალმება და აღნიშნავს, რომ ის უზარმაზარი პოტენციალი, რომელიც ქალაქს ტურიზმის მიმართულებით აქვს, მომდევნო წლების განმავლობაში მაქსიმალურად ათვისებული უნდა იყოს.   პრეზენტაციას ახალგაზრდებთან ერთად თბილისის საკრებულოს მაჟორიტარობის კანდიდატები და ჯანდაცვის, განათლების, კულტურის, სპორტისა და ახალგაზრდობის მინისტრები ესწრებოდნენ.

გვსურს, გამოვეხმაუროთ ზოგიერთი მედიასაშუალების მიერ გავრცელებულ ინფორმაციას იმის თაობაზე, რომ, თითქოს, „ქართული ოცნება - დემოკრატიული საქართველო“ საარჩევნო მიზნებისთვის სკოლამდელი აღზრდის დაწესებულებების ადმინისტრაციულ რესურსს იყენებს.   შეგახსენებთ, რომ საქართველოში 2012 წელს დასრულდა ის დრო, როდესაც ყოველგვარი ზღვარი იყო წაშლილი მმართველი ძალის პარტიულ რესურსსა და ადმინისტრაციულ რესურსს შორის. განსაკუთრებით შემაშფოთებელი იყო წინა ხელისუფლების პირობებში იმ დაწესებულებების პოლიტიზება, რომელთა ფუნქცია ბავშვების აღზრდასა და განათლებაზე ზრუნვაა. „ქართული ოცნება - დემოკრატიული საქართველოს“ დამსახურებაა საჯარო დაწესებულებების, მათ შორის სკოლამდელი აღზრდის დაწესებულებების დეპოლიტიზება და ამ მიღწევას ჩვენ განსაკუთრებულად ვუფრთხილდებით.

„ქართული ოცნება - დემოკრატიული საქართველოს“ თბილისის მერობის კანდიდატი კახა კალაძე თბილისში მცხოვრებ ეროვნულ უმცირესობებს შეხვდა და თბილისობა მიულოცა.   სომეხი, აზერბაიჯანელი და ებრაელი ხალხის წარმომადგენლებთან შეხვედრებზე კახა კალაძემ თბილისის განვითარების ხედვაზე ისაუბრა და მათ მოსაზრებებსაც გაეცნო. თბილისის მერობის კანდიდატი, ასევე სურბ ეჩმიაძინის ტაძარს და სინაგოგას ესტუმრა.   „თბილისი სწორედ ამით გამოირჩევა ბევრი სხვა ქალაქისგან, რომ აქ ერთმანეთის გვერდით მშვიდობიანად თანაცხოვრობენ ეროვნული უმცირესობები. აქ ეროვნებას არ ეკითხებიან ადამიანებს. ჩვენ ერთად ვაშენებთ ამ ქალაქს“ - განაცხადა კახა კალაძემ.   რამდენიმე დღის წინ თბილისის მერობის კანდიდატი რელიგიური უმცირესობების წარმომადგენლებსაც შეხვდა. 

„ჩვენი გუნდის მთავარი პრიორიტეტია, თანაბრად იგრძნოს განვითარება ყველა რაიონმა და ყველა უბანმა” - აღნიშნული განცხადება კახა კალაძემ სანზონის მოსახლეობასთან შეხვედრისას გააკეთა. მისითქმით, ის ინფრასტრუქტურული პროექტები და პროგრამა, რომელიც „ქართულმა ოცნებამ“ წარმოადგინა, სწორედ ამაზეა გათვლილი - მოხდეს უბნების და რაიონების თანაბარი განვითარება.   „ქართული ოცნება - დემოკრატიული საქართველოს“ თბილისის მერობის კანდიდატმა ამომრჩევლებს ქალაქის წინაშე არსებული გამოწვევების დაძლევისთვის კომპლექსურ ღონისძიებების განხორციელება შესთავაზა და 7 პოლიტიკა გააცნო, რომელიც ითვალისწინებს ურბანულ განვითარებას, სატრანსპორტო საკითხების მოგვარებას, ჯანდაცვისა და სოციალური პროგრამების განვითარებას, ეკოლოგიური მდგომარეობის გაუმჯობესებას, ეკონომიკური ვითარების გამოსწორებას, განათლების, კულტურისა და სპორტის საკითხების წინ წამოწევას და გააქტიურებას. მისი თქმით, ეკოლოგიური მდგომარეობის გაუმჯობესებისათვის ღონისძიებები სამი მიმართულებით განხორციელდება: პარკებისა და სკვერების რეაბილიტაცია და ახალი მწვანე სივრცეების შექმნა; მუნიციპალური ტრანსპორტის განახლება და განვითარება; მშენებლობის სტანდარტების დახვეწა ეკოლოგიის და უსაფრთხოების მიმართულებით. კახა კალაძე მოსახლეობას დაჰპირდა, რომ მისი მერობის დროს გამოირიცხება საცხოვრებელი კორპუსების მშენებლობა რეკრეაციულ ზონებსა და მწვანე სივრცეებში.   მისივე თქმით, ყურადღება მიექცევა არამარტო ძველი უბნების, არამედ ზოგადად, ავარიული შენობების აღრიცხვის, რეაბილიტაციისა და ჩანაცვლების საკითხს, ასევე, მოაგვარებს დაუკანონებელი საცხოვრებელი ფართების პრობლემას, სადაც ოჯახები ათეული წელია ცხოვრობენ.   კახა კალაძემ ყურადღება გაამახვილა ჯანდაცვისა და სოციალურ მიმართულებაზე და აღნიშნა, რომ თბილისის მერიაში მოქმედი ოცდაორივე პროგრამა გაგრძელდება და განვითარდება.   შეხვედრას სანზონის მაჟორიტარობის კანდიდატი ალექსანდრე ხუჯაძე, კახა კალაძის საარჩევნო შტაბის ხელმძღვანელი არჩილ თალაკვაძე და საპარლამენტო უმრავლესობის წევრი მიხეილ ყაველაშვილი ესწრებოდნენ.

კახა კალაძე ოჯახთან ერთად „თბილისობის“ სახალხო დღესასწაულზე იმყოფოდა. „ქართული ოცნება - დემოკრატიული საქართველოს“ თბილისის მერობის კანდიდატი განახლებულ აღმაშენებელზე, მეტეხის ხიდზე, რიყეზე და მტკვრის სანაპიროზე მიმდინარე სხვადასხვა ღონისძიებას გაეცნო და მოქალაქეებს „თბილისობა“ მიულოცა.

„ყველა ადამიანს უნდა ჰქონდეს ცხოვრების ღირსეული პირობები. ჯერ კიდევ რჩება ბევრი ოჯახი, რომელსაც ჩვენი მხარდაჭერა სჭირდება, ამიტომ სოციალური და ჯანდაცვის მუნიციპალური პროგრამები აუცილებლად გაგრძელდება და მეტად განვითარდება“ - აღნიშნული განცხადება კახა კალაძემ დღეს თბილისის ზღვის მიმდებარე ტერიტორიაზე და ავჭალაში მცხოვრებ დევნილებთან შეხვედრისას გააკეთა.   მისი თქმით, მერია ცენტრალურ ხელისუფლებასთან ერთად იმუშავებს მცირე და საშუალო ბიზნესის განვითარების მიმართულებით, რათა შემცირდეს სიღარიბის დონე და თბილისში მცხოვრები მეტი მოქალაქე დასაქმდეს.   „ქართული ოცნება - დემოკრატიული საქართველოს“ თბილისის მერობის კანდიდატი  ამომრჩეველს  ქალაქის წინაშე არსებული გამოწვევების დაძლევისთვის კომპლექსურ ღონისძიებებს სთავაზობს -  სპეციალისტების მიერ შემუშავებულ 7 პოლიტიკას, რომელიც გულისხმობს ურბანულ  განვითარებას, სატრანსპორტო საკითხების მოგვარებას, ჯანდაცვისა და სოციალური პროგრამების განვითარებას, ეკოლოგიური მდგომარეობის გაუმჯობესებას, ეკონომიკური ვითარების გამოსწორებას, განათლების, კულტურისა და სპორტის საკითხების წინ წამოწევას და გააქტიურებას.   გარდა ზემოაღნიშნული საკითხებისა, კახა კალაძემ დევნილ მოსახლეობასთან შეხვედრებზე  ხაზი გაუსვა იმ ფართების დაკანონების საკითხს, რომლებშიც ოჯახები ათეულობით წელია ცხოვრობენ.   „ეს პრობლემა უნდა მოგვარდეს, თუმცა მე მჯერა ეს საცხოვრებელი დროებითია და ჩვენ ყველანი ერთად დავბრუნდებით აფხაზეთსა და სამაჩაბლოში“ - განაცხადა თბილისის მერობის კანდიდატმა.   შეხვედრებს ესწრებოდა ლტოლვილთა და განსახლების მინისტრი სოზარ სუბარიც, რომლის განცხადებით, წლების განმავლობაში საცხოვრებლით 35 000-მდე იძულებით გადაადგილებული პირი არის დაკმაყოფილებული, მათმა ნახევარმა კი ბინები სწორედ „ქართული ოცნების“ ხელისუფლების პირობებში მიიღო.   „ქართული ოცნება - დემოკრატიული საქართველოს“ თბილისის მერობის კანდიდატი მოსახლეობასთან შეხვედრებს აგრძელებს. კახა კალაძე სხვადასხვა უბნებისა და რაიონების მაცხოვრებლებს თბილისის განვითარების საარჩევნო ხედვას მაჟორიტარობის კანდიდატებთან ერთად აცნობს.

პრემიერ-მინისტრმა, პარტია „ქართული ოცნება - დემოკრატიული საქართველოს“ თავმჯდომარე გიორგი კვირიკაშვილმა გორში, შიდა ქართლის რეგიონის მერობის კანდიდატები წარადგინა.   მმართველი პარტიის სახელით, ადგილობრივი თვითმმართველობის არჩევნებზე, შიდა ქართლში მერობისთვის ოთხი კანდიდატი იბრძოლებს.   კასპის მუნიციპალიტეტში მერობის კანდიდატი მანუჩარ მერებაშვილი იქნება, გორში -კონსტანტინე თავზარაშვილი, ქარელში - ზაზა გულიაშვილი, ხოლო ხაშურში -  გიორგი გურასპაშვილი.   როგორც პრემიერმა კანდიდატების წარდგენისას აღნიშნა, თვითმმართველობის სისტემა საშუალებას იძლევა, რომ ყველა საკითხი, პრიორიტეტების მიხედვით, ადგილობრივ ხელისუფლებასთან ერთად ხალხის გადაწყვეტილებით მოგვარდეს.    „ამიტომაც, არჩევნებში, ჩვენ უნდა ავირჩიოთ პატიოსანი და პროფესიონალი ადამიანები, რომლებმაც იციან თქვენი პრობლემები და გული შესტკივათ თქვენზე”, - მიმართა ამომრჩეველს გიორგი კვირიკაშვილმა.   მთავრობის მეთაურმა მერობის კანდიდატები უკვე წარადგინა იმერეთში, კახეთში, გურიაში, აჭარაში, სამეგრელო-ზემო სვანეთში, სამცხე-ჯავახეთსა და ქვემო ქართლში.

„რამდენიმე დღეში ვგეგმავთ განათლების პოლიტიკის პრეზენტაციას, თუ რა პროექტების განხორციელებას ვაპირებთ განათლების მიმართულებით, როგორი იქნება მერიის მხრიდან პედაგოგების ხელშეწყობა. გარდა ამისა, არის იდეა, რომ თბილისში მოწყოს 5 ძალიან დიდი სასწავლებელი - ე.წ. ედუპარკი და ჩვენ ამ პროექტსაც წარვადგენთ,“ - აღნიშნული განცხადება კახა კალაძემ საქართველოს პედაგოგთა და მეცნიერთა თავისუფალი პროფკავშირის მიერ ორგანიზებულ მასწავლებლის მსოფლიო დღისადმი მიძღვნილ ღონისძიებაზე გააკეთა. „ქართული ოცნება - დემოკრატიული საქართველოს“ თბილისის მერობის კანდიდატმა დღეს მასწავლებლებს პროფესიული დღე მიულოცა.   „პედაგოგის პროფესია განსაკუთრებული მნიშვნელობისაა. რა თქმა უნდა, პატივს ვცემ ყველა პროფესიას, მაგრამ თქვენ ბრძანდებით ადამიანები, რომლებსაც ყოველდღიური შეხება აქვთ ჩვენს მომავალ თაობებთან, ჩვენს შვილებთან, სწორედ ამიტომ, თქვენი როლი განსაკუთრებულია მათ აღზრდაში. ამისათვის დიდი მადლობა მინდა გადაგიხადოთ თითოეულ თქვენგანს“ - განუცხადა პედაგოგებს კახა კალაძემ.   თბილისის მერობის კანდიდატი მასწავლებლებს თბილისის განვითარების პროგრამულ ხედვაზე ესაუბრა და ქალაქში დაგეგმილი პროექტები გააცნო. მისი თქმით, ქვეყანაში ბევრი მნიშვნელოვანი პროექტი განხორციელდა, თუმცა ეს არ იძლევა თვითკმაყოფილების საფუძველს და ცენტრალურ ხელისუფლებასთან ერთად კიდევ ბევრი პროექტის განხორციელება იგეგმება. დღეს 5 ოქტომბერია - მასწავლებლის მსოფლიო დღე, რომლის მიზანი მასწავლებლის პროფესიის პოპულარიზაცია და მისი საქმიანობის შესახებ ცნობიერების ამაღლებაა.

„მომავალი 4 წლის განმავლობაში დაგეგმილი გვაქვს კეთილმოწყობისა და ინფრასტრუქტურული სამუშაოები, რომელთა განხორციელების პროცესში მერიისა და GWP-ის მუშაობა თანხვედრაში უნდა მოვიდეს და ისე არ მოხდეს, რომ ჯერ, მაგალითად, გზის საფარი დაიგოს და ამას, შემდეგ, წყალგაყვანილობის სამუშაოების გამო, გადათხრა მოჰყვეს“- აღნიშნული განცხადება კახა კალაძემ წყალმომარაგების კომპანიის ხელმძღვანელობასთან შეხვედრის შემდეგ გააკეთა.   მისი თქმით, კომპანია მზად არის მომდევნო წლების განმავლობაში ინვესტიციები განახორციელოს და წყალგაყვანილობის ქსელის რეაბილიტაცია განაგრძოს.    „მოვისმინეთ კომპანიის საინვესტიციო გეგმები და ამას, რა თქმა უნდა, მივესალმებით, რადგან ქსელი მართლაც ძალიან მძიმე მდგომარეობაშია, შემიძლია კონკრეტული რაიონები დაგისახელოთ, სადაც მართლაც უმძიმესი მდგომარეობაა, ისეთი, როგორიც არის სამგორის რაიონი, ისანი და შესაბამისად, ამ კომპანიას დაგეგმილი აქვს, მომავალი სამი წლის განმავლობაში 200 000 მილიონი დახარჯოს ამ პრობლემების შესამსუბუქებლად. გარდა ამისა, ჩვენი თხოვნა იყო, დაზიანების შესახებ ზარზე სწრაფი რეაგირება მოხდეს, რაზეც დადებითი პასუხი მივიღეთ“ - განაცხადა თბილისის მერობის კანდიდატმა.   GWP -ის გენერალური დირექტორის გიორგი ცხადაძის განმარტებით, კომპანია ინვესტიციებს დედაქალაქის წყალმომარაგების სისტემის სტაბილურ განვითარებაში ჩადებს.   „მოგეხსენებათ, როდესაც ხდება ქუჩების რეაბილიტაცია, ჩვენ პარალელურად ვმუშაობთ ქსელების რეაბილიტაციაზე. ამის ნათელი მაგალითია პეკინის გამზირის პროექტი, სადაც კომპანიამ სრულად უზრუნველყო ამ ქუჩის წყალმომარაგების სისტემის რეაბილიტაცია. კომპანია  სისტემის სრულ რეაბილიტაციაზე ახალი გამოცდილებით მუშაობს და ვფიქრობ, უახლოეს მომავალში  კომპანიასთან დაკავშირებით პრეტენზიები აღარ იქნება“ - განაცხადა გიორგი ცხადაძემ.   „ქართული ოცნება - დემოკრატიული საქართველოს“ თბილისის მერობის კანდიდატსა და კომპანია GWP-ის ხელმძღვანელობას შორის შეხვედრა თბილისის წყალმომარაგების პრობლემებთან დაკავშირებით გაიმართა.

„სხვადასხვა მრწამსის ადამიანები, ერთად ცხოვრობდნენ, ერთად აშენებდნენ ამ ქალაქს. ეს ასე იყო, ასეა და ასე გაგრძელდება მომავალშიც" - ამის შესახებ კახა კალაძემ რელიგიური კონფესიების წარმომადგენლებთან შეხვედრის შემდეგ განაცხადა.   „ქართული ოცნება - დემოკრატიული საქართველოს“ თბილისის მერობის კანდიდატმა რელიგიური უმცირესობების წარმომადგენლებს თბილისის განვითარების პროგრამული ხედვა და სხვადასხვა მიმართულების მიხედვით შემუშავებული 7 პოლიტიკა გააცნო.   „შევხვდით სხვადასხვა კონფესიების წარმომადგენლებს, გავაცანით ჩვენი ხედვები და მომავალ წლებში დაგეგმილი პროექტები. მათ ისაუბრებს იმაზე, თუ რა აწუხებთ და რა პრობლემებს ხედავენ“, - აღნიშნა კახა კალაძემ.   თბილისის მერობის კანდიდატი თბილისის მოსახლეობას ინტენსიურად ხვდება. მისი თქმით, მნიშვნელოვანია, თითოეულ ამომრჩევლამდე მიიტანოს ის გეგმები და ხედვა, რომლის განხორციელებასაც მომავალი 4 წლის განმავლობაში აპირებს და არჩევანი ინფორმირებულმა მოქალაქეებმა გააკეთონ.

„თვითკმაყოფილები არ ვართ და გვესმის, რომ უამრავი პრობლემაა მოსაგვარებელი. იმის ილუზია არ გვაქვს, რომ  4 წლის განმავლობაში ყველაფერს მოვაგვარებთ, რადგან ისინი 20-25 წლის განმავლობაში დაგროვილი პრობლემებია. რითაც შეგვეძლო, დავამახინჯეთ ჩვენი დედაქალაქი. თუ დღეს და ხვალ არ გადავდგით კონკრეტული ნაბიჯები, მერწმუნეთ, რომ შეუძლებელი იქნება ქალაქის წინსვლა და განვითარება. ჩვენი შვილებისთვის ყველაფერი უნდა გავაკეთოთ, რომ ხვალინდელი თბილისი  უფრო მოწესრიგებული და კომფორტული იყოს“ - აღნიშნული განცხადება კახა კალაძემ ნუცუბიძისა მიკრორაიონებისა და ვაჟა-ფშაველას ქუჩის მოსახლეობასთან შეხვედრებისას გააკეთა.   კახა კალაძე ამომრჩეველს  ქალაქის პრობლემების მოგვარების რეალურ გზას სთავაზობს -  სპეციალისტების მიერ შემუშავებულ 7 პოლიტიკას, რომელიც გულისხმობს ურბანულ  განვითარებას, სატრანსპორტო საკითხების მოგვარებას, ჯანდაცვისა და სოციალური პროგრამების განვითარებას, ეკოლოგიური მდგომარეობის გაუმჯობესებას, ეკონომიკური ვითარების გამოსწორებას, განათლების, კულტურისა და სპორტის საკითხების წინ წამოწევას და გააქტიურებას.   „ამ ყველაფრის შედეგიანობისთვის კი გვაქვს მეშვიდე - მართვის პოლიტიკა, რომელიც ითვალისწინებს გადაწყვეტილებების მიღებაში მეტ ოპერატიულობას, ბიუროკრატიის შემცირებას და მოქალაქეების ჩართულობის გაზრდას“ - აღნიშნა თბილისის მერობის კანდიდატმა.     შეხვედრებს ვაკის მაჟორიტარობის კანდიდატი გიორგი ბირბიჩაძე, ვაკის მაჟორიტარი დეპუტატი პარლამენტში ზაზა ხუციშვილი და კახა კალაძის საარჩევნო შტაბის ხელმძღვანელი არჩილ თალაკვაძე ესწრებოდნენ. 

„ყოველთვის ვამბობდი და გავიმეორებ - მთავარი ის კი არ არის, უფრო მეტ გაჭირვებულ ადამიანს დავეხმაროთ, მთავარია, უფრო მეტი დასაქმებული ადამიანი გვყავდეს, უფრო მეტი სამუშაო ადგილი შეიქმნას, ბიზნესს განვითარების უფრო მეტი შესაძლებლობა მიეცეს, რათა ადამიანებს თვითრეალიზების შესაძლებლობა ჰქონდეთ. ცენტრალურ ხელისუფლებასთან ერთად, სწორედ ეს იქნება ჩვენი ერთ-ერთი მთავარი მიმართულება“ - აღნიშნული განცხადება კახა კალაძემ ჩუღურეთის მოსახლეობასთან შეხვედრისას გააკეთა.   „ქართული ოცნება - დემოკრატიული საქართველოს“ თბილისის მერობის კანდიდატი მოსახლეობას თბილისის განვითარების პროგრამულ ხედვაზე ესაუბრა და დაგეგმილი პროექტები გააცნო.   “ძალიან მიხარია, რომ ყველა თაობის წარმომადგენელი არის მოსული ამ შეხვედრაზე. ეს გასაგებიც არის, რადგან ყველას აინტერესებს, როგორი იქნება ხვალინდელი თბილისი, რის გაკეთებას ვაპირებთ, რა როგორ გვაქვს დაგეგმილი, რა პროექტები განხორციელდება. რა თქმა უნდა, ჩვენ ვიცით ყველა ის პრობლემა, რომელიც აქტუალურია. შესაბამისად, ჩვენი საარჩევნო პროგრამა, რომელიც შედგება შვიდი ძირითადი პოლიტიკისგან, მოიცავს ყველა იმ პრობლემურ საკითხს, რომელიც ჩვენს ქალაქს აწუხებს. ქალაქში არის რაიონები, რომელსაც სჭირდება განვითარება და ჩვენი მთავარი ამოცანაა რაიონების, უბნების თანაბარი განვითარება. თბილისში მცხოვრებმა ადამიანმა დედაქალაქი უნდა იგრძნოს საკუთარ ქუჩაზე, საკუთარ რაიონში და საკუთარ უბანში. პირველი, რასაც გავაკეთებთ, ეს იქნება გენერალური გეგმის მიღება, რომელიც ქალაქის ერთგვარი კონსტიტუცია იქნება, შესაბამისად, აღკვეთავს ქაოტურ განაშენიანებას, რაც ბოლო 20-25 წლის განმავლობაში დაგროვებული პრობლემაა“ - განაცხადა კახა კალაძემ.   მისივე თქმით, ქაოტური განაშენიანების გარდა, მერად არჩევის შემდეგ, იზრუნებს ქალაქის ეკოლოგიური მდგომარეობის გაუმჯობესებაზე, მუნიციპალური ტრანსპორტის განვითარებაზე, ქალაქში სხვადასხვა ინფრასტრუქტურული პროექტის განხორციელებასა და სოციალური საკითხების მოგვარებაზე.   თბილისის მერობის კანდიდატთან ერთად ჩუღურეთის მოსახლეობას ამავე რაიონის მაჟორიტარი დეპუტატი პარლამენტში - გიორგი ვოლსკი და საკრებულოს დეპუტატობის კანდიდატი რიმა ბერაძე შეხვდნენ.

პარტია „ქართული ოცნება - დემოკრატიული საქართველოს“ თბილისის მერობის კანდიდატი, კახა კალაძე, ადგილობრივი თვითმმართვლობის არჩევნებზე ეუთო-ს სადამკვირვებლო მისიის ხელმძღვანელს, კორინ იონკერს შეხვდა.   შეხვედრას, რომელიც მერობის კანდიდატის საარჩევნო შტაბში გაიმართა, ეუთო-ს ანალიტიკოსები დიმაშ ალჟანოვი და ივან გოდარსკი, ასევე, კახა კალაძის გუნდის წევრები მაია ბითაძე და ირაკლი ხმალაძე ესწრებოდნენ.   როგორც მაია ბითაძემ შეხვედრის დასრულების შემდეგ განაცხადა, ეუთო-ს სადამკვირვებლო მისიის წარმომადგენლებს მათ მიერ დასმულ ყველა კითხვაზე ამომწურავი ინფორმაცია მიაწოდეს.   „კითხვები ჰქონდათ, როგორც თბილისში, ასევე, მთლიანად საქართველოში მიმდინარე საარჩევნო კამპანიასთან და შემოწირულობების კანონიერებასთან დაკავშირებით. ვისაუბრეთ იმ მოლოდინებზე, რაც თბილისში პირველივე ტურში გამარჯვებას უკავშირდება და რის იმედსაც წინასწარი კვლევები გვაძლევს“, - განაცხადა კახა კალაძის გუნდის წევრმა.   მაია ბითაძის თქმით, მერობის კანდიდატმა სადამკვირვებლო მისიის წარმომადგენლებს თემატური შეხვედრების გეგმაც გააცნო და პროგრამული ხედვის შვიდი ძირითადი მიმართულება წარუდგინა.

მომავალი ოთხი წლის განმავლობაში დაგეგმილი ეკონომიკური ღონისძიებების შედეგად, მოსახლეობასთან ერთად, თბილისის მუნიციპალიტეტის შემოსავლებიც გაიზრდება, - ამის შესახებ პარტია „ქართული ოცნება - დემოკრატიული საქართველოს“ თბილისის მერობის კანდიდატის კახა კალაძის გუნდის წევრმა ირაკლი ხმალაძემ განაცხადა. როგორც მან თბილისის ეკონომიკური პოლიტიკის პრეზენტაციაზე განაცხადა, აღნიშნული პოლიტიკის მნიშვნელოვანი მიმართულება ჯანსაღი ეკონომიკური გარემოს შექმნა, ქალაქის ეკონომიკური პოტენციალის მაქსიმალური ათვისება, ტურისტული ნაკადების ზრდა და ქალაქის ბიუჯეტის ოპტიმიზაცია იქნება.   „ეკონომიკური პოლიტიკის პირველი მიმართულების ფარგლებში, ჩვენი უმთავრესი ამოცანა ბიზნესსექტორთან თანამშრომლობის სწორი პოლიტიკის ჩამოყალიბებაა. უნდა შევძლოთ და დავამკვიდროთ საჯარო და კერძო სექტორის ეკონომიკურად გამართული, სწორი და მომგებიანი მოდელი. ვფიქრობთ, რომ სწორედ ამ გზით შევძლებთ, მრავალი საინვესტიციო პროექტების განხორციელებას, რომელიც დედაქალაქის ეკონომიკის განვითარებაში მნიშვნელოვან როლს შეასრულებს“, - განაცხადა ირაკლი ხმალაძემ.   მისივე თქმით, ეკონომიკური პროექტების განხორციელებისას, ურბანული პოლიტიკის გენერალური გეგმა იქნება გათვალისწინებული, რათა თითოეული პროექტი მისი განხორციელების არეალთან თავსებადი იყოს „ეკონომიკური პოლიტიკის შემდეგი მიმართულების ფარგლებში, უმნიშვნელოვანესი რგოლია მუნიციპალური სერვისების განვითარება და ზოგადად, მუნიციპალიტეტის როლი ადგილობრივი ეკონომიკის განვითარებაში. ჩვენს გუნდს შემუშავებული აქვს მართვის განსხვავებული პოლიტიკა, რომლის ფარგლებშიც, შევძლებთ, რომ მუნიციპალიტეტის დონეზე გადაწყვეტილებების მიღების პროცესი გავამარტივოთ და საზოგადოებისთვის მუნიციპალურ სერვისებზე ხელმისაწვდომობის ხარისხი მეტად ხელმისაწვდომი გავხადოთ“, - აღნიშნა ირაკლი ხმალაძემ.   გარდა ამისა, ხმალაძის განმარტებით, მნიშვნელოვანია, ეკონომიკური პროექტების იდენტიფიცირება, რომლის ფარგლებშიც, მუნიციპალიტეტის როლის განსაზღვრა, ცენტრალურ ხელისუფლებასთან და სხვა სამთავრობო სტრუქტურებთან ურთიერთობა და ინვესტიციების ეფექტურად განხორციელება მოხდება.   ეკონომიკური პოლიტიკის შემდეგი მნიშვნელოვანი მიმართულება ტურისტული პოლიტიკის განვითარებაა, რომელიც ხმალაძის თქმით, დედაქალაქის ეკონომიკის მნიშვნელოვან ნაწილს წარმოადგენს. „ოთხი წლის განმავლობაში, ტურისტულ უბნებში, ნახევარ მილიარდ ლარზე მეტი ღირებულების სარეაბილიტაციო სამუშაოების ჩატარებას ვგეგმავთ. ეს არის ისტორიული და კულტურული ზონები, რომლის ფარგლებშიც, ეკონომიკური აქტივობა და უძრავი ქონების ღირებულება გაიზრდება. ასევე, მეტი ეკონომიკური შესაძლებლობა შეიქმნება დამწყები და მცირე ბიზნესისთვის და გაიზრდება შემოსავლები ჩვენი მოსახლეობისთვის“, - განაცხადა ირაკლი ხმალაძემ.   რაც შეეხება დედაქალაქის შემოსავლების ზრდას, კახა კალაძის გუნდის წევრმა განმარტა, რომ ეკონომიკური შემოსულობების ხარჯზე, თბილისის მერიის ბიუჯეტის ზრდა ერთ-ერთი მნიშვნელოვანი გამოწვევაა.„ჩვენი მიზანია, მომდევნო წლების განმავლობაში, მერიის ბიუჯეტი ერთ მილიარდ ლარამდე გაიზარდოს იმ ეკონომიკური პროექტებისა და აქტივობების ხარჯზე, რომლის განხორციელებასაც ჩვენი გუნდი გეგმავს. დღეს მერიის ბიუჯეტი დაახლოებით, 820 მლნ ლარს შეადგენს და საკმაოდ მნიშვნელოვანი გამოწვევაა, რომ ჩვენ ეკონომიკური შემოსულობების ხარჯზე, მერიის ბიუჯეტის ზრდა შევძლოთ“, - განმარტა ირაკლი ხმალაძემ.   დედაქალაქის ეკონომიკური პოლიტიკის პრეზენტაცია დღეს ტექნოპარკში გაიმართა.