პირველ რიგში, ვულოცავ მთაწმინდელებს მშვიდობიანად, სამართლიანად და დემოკრატიულად ჩატარებულ არჩევნებს.   მოგეხსენებათ 8 საათზე, დასრულდა ხმის მიცემის პროცესი და საარჩევნო უბნები დაიხურა.   ახლა იწყება ხმების დათვლის პროცესი და ყველა უნდა დაველოდოთ საბოლოო შედეგს,  თუმცა წინასწარი მონაცემებით დაფიქსირებული დიდი უპირატესობა, მაძლევს საშუალებას, რომ   მივულოცო ბატონ ლადო კახაძეს.     მადლობას ვუხდი ყველა ჩვენს მხარდამჭერს ამ გამარჯვებისთვის, მადლობას ვუხდი თითოეულ აგიტატორს და არჩევნებში ჩართულ ადამიანებს.   შუალედურ არჩევნებზე, ჩვენ კიდევ ერთხელ ვაჩვენეთ, რომ ვართ ძლიერი გუნდი, გვაქვს ქართველი ხალხის მხარდაჭერა და შეგვწევს ძალა, ვმართოთ და  საზოგადოებასთან ერთად  სწორი მიმართულებით განვავითაროთ ჩვენი ქვეყანა.   ეს შედეგი ჩვენთვის ნამდვილად არ ყოფილა მოულოდნელი, რადგან ჩვენ ყოველთვის გვჯეროდა და გვჯერა ქართველი ხალხის. მე ყოველთვის მჯეროდა და მჯერა, რომ თბილისელებს, მთაწმინდელებს, არ გაუჭირდებათ სწორი გადაწყვეტილების მიღება, სწორი ანალიზის გაკეთება, შავისა და თეთრის გარჩევა, ყოველთვის გააკეთებენ არჩევანს არა ტოტალიტარული წარსულის, არამედ სამართლიანი მომავლის, განვითარების სასარგებლოდ.   მიუხედავად იმისა, რომ დილიდან ადგილი ჰქონდა ოპონენტების მხრიდან სიტუაციის დაძაბვის, პროვოკაციების მცდელობას, არცერთი წამით არ შეგვპარვია ეჭვი ჩვენს საერთო გამარჯვებაში.   და ჩვენ ვპირდებით, ჩვენს თბილისელებს, ვპირდებით მთაწმინდელებს, რომ ეს გამარჯვება არ იქნება უბრალოდ ერთ შუალედურ არჩევნებში გამარჯვება, არ იქნება ერთი მაჟორიტარის გამარჯვება, ეს იქნება თითოეული თბილისელის და თითოეული მთაწმინდელის გამარჯვება.   ამას ჩვენ საქმით დავამტკიცებთ რა თქმა უნდა და დავამტკიცებთ იმ განსახორციელებელი პროექტებით, რომელიც გვაქვს დაგეგმილი მომდევნო თვეებისა და მომდევნო წლების განმავლობაში.         კიდევ ერთხელ დიდი მადლობა ყველას!

ჩვენი ოპონენტები, მათი წარმომადგენლები წინასაარჩევნო პროცესში დაწყებულკამპანიას აგრძელებენ და კვლავაც ცდილობენ, აბსურდული ბრალდებებით საარჩევნო პროცესის დისკრედიტაცია მოახდინონ. მათი რიტორიკა ნათლად ადასტურებს, რომ „ქართული ოცნება“ დამაჯერებლად იმარჯვებს და ისინი გარდაუვალი მარცხისთვის სწორედ ამ გზით ცდილობენ წინასწარ თავის გამართლებას. ჩვენო თანამოქალაქეებო, მთაწმინდელებო გთხოვთ მაქსიმალურ აქტიურობას, თითოეული თქვენგანის ხმას ძალიან დიდი მნიშვნელობა აქვს. ჩვენი მიზანია, არა უბრალოდ სასურველ შედეგს მივაღწიოთ, არამედ დამაჯერებელი უპირატესობით გავიმარჯვოთ. მივმართავთ „ქართული ოცნების“ აქტივსაც, იმუშავეთ მშვიდად, გეგმაზომიერად და ოპონენტების შესაძლო აგრესიას, პროვოკაციებს კანონისმიერი მეთოდებით უპასუხეთ. ნებისმიერი სახის დარღვევის შემთხვევაში, შეადგინეთ შესაბამისი საჩივარი, ან დააფიქსირეთ შენიშვნა ჩანაწერთა წიგნში. ნამდვილად არავის მისცეთ საშუალება დისონანსი შეიტანოს პროცესში, რომელიც დილიდან მშვიდ, დემოკრატიულ და თავისუფალ გარემოში მიმდინარეობს დარწმუნებული ვარ, სწორ არჩევანს გავაკეთებთ და ღირსეულ, დამაჯრებელ გამარჯვებას კიდევ ერთხელ, ყველა ერთად ვიზეიმებთ.

ვერ ვიტყოდი , რომ განცხადებისთვის რაiმე ახალი გარემოებები მაქვს. მინდა ხაზი გავუსვა , რომ თბილისმა , საქართველომ როგორც განვითარებულმა, დემოკრატიულმა სახელმწიფომ მძლავრი დემოკრატიული ინსტიტუტებით, კიდევ ერთხელ გამოავლინა თავი . ყველას მინდა დიდი მადლობა ვუთხრა, ჩვენი ოპონენტების მხარდამჭერებსაც , განსაკუთრებით კი ჩვენს მხარდამჭერებს, ვინც მივიდა და თავის პოლიტიკური ნება დააფიქსირა. იყო გარკვეული პროვოკაციები , მთლიანობაში ვერ შეძლეს ამისგან ისტორია შეექმნათ და ის რაც ხდება, მისასალმებელია. სამი საათი დარჩა საარჩევნო უბნების დახურვამდე, ყველას მოვუწოდებ, საარჩევნო ადმინისტრაციას , აქტივისტებს, ყველა პარტიის წარმომადგენელს, იყვნენ განსაკუთრებით ყურადღებით და იმოქმედონ ისე , როგორც შეეფერება ოცდამეერთე საუკუნის ევროპულ სახელმწიფოს. იყო გარკვეული პროვოკაციები , მთლიანობაში ვერ შეძლეს ამისგან ისტორია შეექმნათ და ის რაც ხდება, მისასალმებელია. სამი საათი დარჩა საარჩევნო უბნების დახურვამდე, ყველას მოვუწოდებ, საარჩევნო ადმინისტრაციას , აქტივისტებს, ყველა პარტიის წარმომადგენელს, იყვნენ განსაკუთრებით ყურადღებით და იმოქმედონ ისე , როგორც შეეფერება ოცდამეერთე საუკუნის ევროპულ სახელმწიფოს.

ბიძინა ივანიშვილი - მთაწმინდაზე მეორე ტური მხოლოდ დემოკრატიულობის მაჩვენებელია „მთაწმინდაზე მეორე ტური მხოლოდ დემოკრატიულობის მაჩვენებელია, ეს კარგია“ - განაცხადა „ქართული ოცნება-დემოკრატიული საქართველოს“ თავმჯდომარე ბიძინა ივანიშვილმა მთაწმინდის საარჩევნო ოლქში ხმის მიცემის შემდეგ. „პირველი ტურის დროს ველოდებოდით მეორე ტურს, თუმცა იქვე აღვნიშნე, რომ ყველა არჩევნებში „ქართული ოცნება“ დიდი უპირატესობით გაიმარჯვებს, რაც ვნახეთ კიდეც და დღეს ბოლო არჩევანსაც ნახავთ, რომ „ქართული ოცნების“კანდიდატი ისევ დიდი უპირატესობით გაიმარჯვებს. იცით, რომ ევროპელებს ძალიან მოსწონთ მეორე ტური, ძალიან არ უყვართ, როდესაც დიდი უპირატესობით იგებს ერთი კანდიდატი, მთაწმინდა ამ მხრივ შეიძლება იყოს კარგი მაჩვენებელი. ამავდროულად, ხაზგასასმელია ისიც, რომ თუ აკვირდებოდით არჩევნებს, საკმაოდ კულტურულად ჩატარდა არჩევნები და შეიძლება ვთქვათ, რომ ეს ევროპული არჩევნები იყო. ამაში წვლილი აქვს ორივე მხარეს, ორივე ოპონენტს, ოპონირება იყო ძალიან მძაფრი, მაგრამ ყველაფერი მიდიოდა კულტურულად. ასე თანდათან ჩვენ უნდა განვვითარდეთ და გავხდეთ ევროპელები ტიპიურად და ეს მათ რიცხვში არჩევნებში კარგად უნდა გამოიხატებოდეს“- განაცხადა ბიძინა ივანიშვილმა.

პირველ რიგში, დიდ მადლობას მოგახსენებთ ჩემს მთაწმინდელებს მხარდაჭერისთვის, შეწუხებისთვის და საარჩევნო ურნასთან პოზიციის დაფიქსირებისთვის. სწორედ თქვენი დამსახურებაა, რომ არსებული კონკურენციის პირობებში, თქვენმა რჩეულმა კანდიდატმა საუკეთესო შედეგი აჩვენა, მაგრამ ვიცით, რომ ეს შუალედური არჩევნებია და აქტიურობა შედარებით ნაკლებია. იმედი მაქვს, რომ მეორე ტურისთვის ჩვენ უფრო ორგანიზებულად დავირაზმებით და შედეგი იქნება გაორმაგებული, იქნება სასურველი შედეგი იმისთვის, რომ თქვენი წარმომადგენელი იგულოთ პარლამენტში. მე არა ერთხელ აღმინიშნავს, რომ „ქართული ოცნება“ ერთადერთი ძალაა, რომელიც არსებული გამოწვევების პირობებში, რეალურად ხედავს გამოსავლის გზებს და სტაბილურობის შენარჩუნების გზაზე, ეკონომიკური პროექტების განვითარების გზაზე ცდილობს მდგომარეობიდან გამოსავლის საუკეთესო ვარიანტის ძიებას, არა მარტო შეთავაზებას, არამედ მასში აქტიურად ჩართვას და ამ პრობლემების მოგვარებას. მე, როგორც მთაწმინდის, თქვენს მაჟორიტარ დეპუტატს, ამ ძალის წარმომადგენელს მაქვს შეთავაზებები, რომელიც უცვლელია. ეს არის ძველი ავარიული სახლების გამაგრება, რეაბილიტაცია, ეს არის ისტორიული კუთვნილების ობიექტების გაკეთილშობილება, უსაფრთხოების დაცვის პრინციპიდან გამომდინარე მისი რეალიზაცია, სწორი ორიენტაცია და ამ კუთხით მისი, როგორც საკუთრების გაზრდა თითოეული მოსახლისათვის, ტურისტულ პოტენციალში სწორად მოაზრება, რომელიც ჩვენი ქვეყნისთვის სასიცოცხლო მნიშვნელობისაა. ვიცით, რომ გაჭირვებაა, სოციალური გამოწვევებია, ვიცით დასაქმების პრობლემები, რომელიც ქვეყანასაც ისევე აწუხებს, როგორც ჩვენს მთაწმინდელებს და ჩემი პარლამენტში მოხვედრის პირობებში გააქტიურდება მუშაობა ამ კუთხით. ეკონომიური პროექტების აქტიური მხარდაჭერა თქვენთან ერთად, თქვენ მიერ დელეგირებული უფლებებით იქნება განხორციელებული ზუსტად იმ პოზიციიდან გამომდინარე, რომ ჩვენ უნდა ვაშენოთ, შევქმნათ ახალი კონსტრუქციები, ახალი ურთიერთობები, რომელიც ჩვენი სისხლისა და ხორცის, ჩვენი აფხაზი და ოსი ძმების ჩვენთან გაერთიანების სურვილს გააათმაგებს. დასახულია ბევრი პროექტი, რომელიც ეხება მთაწმინდის რაიონში ცალკეული ქუჩების და კონკრეტული ქუჩების რეაბილიტაციას, რომელიც გაზრდის ტურისტულ არეალს და პოტენციალს. მოგეხსენებათ, რომ სრულდება შესანიშნავი პროექტი, საჩვენებელი, შესანიშნავი პროექტი ორბელიანის მოედანზე, რომელიც არის ნათელი მაგალითი, როგორ მოვუაროთ წარსულს და როგორ შევქმნათ მისგან ის პროდუქტი, რომელიც ღირსეულად მოემსახურება მის მომავალს, ერთი-ორად გაზრდის სურვილს ქალაქის დათვალიერების იმ ტურისტებისთვის, რომელთა რიცხვი კიდევ მეტად გაიზრდება. მინდა მოგახსენოთ, რომ საქმიანი შეხვედრა მქონდა თბილისის მერთან, ხშირად ხდება ასეთი შეხვედრები და ჩემს მთაწმინდელებს სასიხარულო ამბავი მინდა გითხრათ, რომ მთაწმინდის რაიონში სამი ქუჩა დგება სრული რეაბილიტაციის გრაფიკში, ეს არის ასათიანის ქუჩა, სულხან-საბას ქუჩა და ეს არის ინგოროყვას ქუჩა, რომელიც აქ მოსახლე ადამიანების უსაფრთხოების პრინციპიდან გამომდინარე, ასევე მათი ქონებრივი პოტენციალის გაზრდას მოემსახურება და რაც მთავარია მოემსახურება ქალაქის ურბანული პრინციპების განვითარების ხარჯზე ტურისტული არეალების გაზრდას. მინდა გითხრათ, რომ გამოწვევები ძალიან ბევრია, საინტერესო გამოწვევებია, როგორც ქვეყნის შიგნით, ისე ქვეყნის გარეთ და ჩვენი ღირსეული თანადგომა კიდევ ერთხელ დაადასტურებს, რომ თქვენ ნათელი მომავლისა და ხვალინდელი დღის რწმენით ხართ გაერთიანებულნი. მხარი დაუჭიროთ ამ ძალის მიერ წარმოდგენილ კანდიდატს. ჩემო ძვირფასო მთაწმინდელებო, მინდა მადლობის მერე, კიდევ ერთხელ შემოგთავაზოთ ბრძოლის ველზე გამოსვლა, ბრძოლისა, რომელიც წასაგებად არ არის, მოსაგებადაა და ეს მოგება სრულიად საქართველოს მკვიდრთ და მათი ღირსეული დედაქალაქის და დედაქალაქში გამორჩეული მთაწმინდის რაიონის მოსახლეობას საამაყოდ გექნებათ. მოგიწოდებთ აქტიურობისა და თანადგომისაკენ, რამეთუ დასახული მიზანი რეალური გავხადოთ.

ამ წუთის მდგომარეობით, ვხედავთ, რომ, საერთო ჯამში, არჩევნები მშვიდ ვითარებაში მიმდინარეობს. მინდა, ამისთვის მადლობა გადავუხადო თითოეულ დამკვირვებელს, არასმთავრობო ორგანიზაციებს, საერთაშორისო დამკვირვებლებს და განსაკუთრებული მადლობა ჩვენს სამართალდამცავებს, რომლებიც მიუხედავად ბევრ უბანზე დაგეგმილი პროვოკაციისა, რაც ნათლად ჩანს, კარგად ართმევენ თავს მოვალეობას და დროულად აღკვეთეს ყველა პროვოკაციული მოქმედება, რაც ჩვენი მოწინააღმდეგეების მხრიდან იყო ინსპირირებული.   ამომრჩევლებს მოვუწოდებთ, კიდევ მეტი აქტიურობა გამოიჩინონ. უფრო მაღალი აქტიურობის შემთხვევაში, არის დიდი შანსი, ყველა ოლქში, რომ არჩევნები პირველივე ტურში „ქართული ოცნების“ კანდიდატების გამარჯვებით დასრულდეს.   კიდევ ერთხელ უნდა დავამტკიცოთ, რომ 2012 წლიდან მოყოლებული, გვაქვს არჩევნების დემოკრატიულად ჩატარების დიდი გამოცდილება და დღევანდელი დღეც ამას დაადასტურებს.   ჩვენმა ოპონენტებმა ყველაფერი სცადეს, დაწყებული ე.წ. ჯილდოების დაწესებიდან, რომელიც დაბრალებისთვის იყო პრაქტიკულად, ეს საზოგადოებამ ძალიან კარგად გაიგო და აღიქვა, ისე გაგრძელებული სხვადასხვა სპეკულაციებით, სხვადასხვა დაბრალებებით და ასევე, გაგრძელებული სიების შესახებ არასწორი ინფორმაციის გავრცელებით.   ეს იყო აბსოლუტურად არალეგიტიმურად გავრცელება ინფორმაციის, კიდევ უფრო სწორად, არასწორი ინფორმაციის გავრცელება, რადგან ჩვენს კოორდინატორებს, ჩვენს წარმომადგენლებს ჰქონდათ ყველა მონაცემი, გარდა პირადი მონაცემისა.   ყველაფერს გავაკეთებთ, რომ საარჩევნო დღე დამთავრდეს რეალურად ისე, რომ დემოკრატიის ხარისხთან დაკავშირებით არანაირი პრობლემა არ იყოს და არანაირი კითხვის ნიშანი არ დაისვას. კიდევ ერთხელ მოვუწოდებთ ამომრჩევლებს, მათი აქტიურობა არის გადამწყვეტი იმისათვის, რომ არჩევნები პირველივე ტურში ჩვენი კანდიდატების გამარჯვებით დამთავრდეს და პირველივე ტურში ვიზეიმოთ გამარჯვება დღეს, 20:00 საათის შემდეგ.

მიუხედავად პროვოკაციების მცდელობებისა, ზუგდიდში საარჩევნო პროცესი, დიდწილად, მშვიდ გარემოში მიმდინარეობს და ამომრჩეველი აქტიურია. მოვუწოდებთ ჩვენს მოქალაქეებს, აუცილებლად გააკეთონ არჩევანი ზუგდიდის სასარგებლოდ. გეგა შენგელია არის ზუგდიდელების კანდიდატი. არჩევნების დასრულებამდე კიდევ 2 საათი დარჩა და ძალიან მნიშვნელოვანია ასეთი აქტიურობა განვაგრძოთ.   სწორედ ეს არ დაუტოვებს შანსს ჩვენს ოპონენტებს, მოაწყონ პროვოკაციები და არეულობა. „ნაციონალურ მოძრაობას“ არ გამოუვა არც ზუგდიდის და არც ქვეყნის არევა. ჩვენ ამას არ დავუშვებთ, ამას არ დაუშვებენ ზუგდიდელები. არეულობა და დესტაბილიზაცია ზუგდიდში არ იქნება.   დარწმუნებულები ვართ, ნამდვილი დამკვირვებლები და საერთაშორისო ორგანიზაციები სათანადოდ შეაფასებენ „ნაციონალური მოძრაობის“ სრულიად გამაოგნებელ, პროვოკაციულ, დესტრუქციულ განცხადებებს და ქმედებებს. მოვუწოდებთ ჩვენს მოქალაქეებს, ცალსახად გაემიჯნონ არეულობის მოწყობის მცდელობას და ანტისახელმწიფოებრივი და ანტიდემოკრატიული შინაარსის მატარებელ ყოველგვარ გეგმას.   ნუ დაუპირისპირდებიან ხალხის ინტერესებს. ყველა დავიცავთ საარჩევნო პროცესს და ჩვენი მოქალაქეების უფლებას წყნარ, მშვიდ და თავისუფალ გარემოში გააკეთონ საკუთარი არჩევანი. დღეს, ზუგდიდი თავის სიტყვას იტყვის. გეგა შენგელია მიდის გამარჯვებისკენ.   უბნებზე გადაადგილებისას, ალბათ დაინახავთ, რომ კონკრეტული ადამიანები გაურკვეველ არასამთავრობო ორგანიზაციებს არიან ამოფარებულნი. ისინი ხელს უშლიან საარჩევნო პროცესის მიმდინარეობას. სამწუხარო ფაქტია ასევე ისიც, რომ მათ არ იციან საარჩევნო კანონმდებლობა კარგად. დარწმუნებულები ვართ, რომ შესაბამისი კომისიის წარმომადგენლები ხმების სწრაფ დათვლას უზრუნველყოფენ.

მოგესალმებით, ხმის მიცემის  პროცესი თავისუფლად, დემოკრატიულად და სამართლიანად მიმდინარეობს. მოქალაქეები აქტიურად მიდიან საარჩევნო უბნენბზე და საკუთარ არჩევანს აფიქსირებენ.    მინდა კიდევ ერთხელ მოვუწოდო ჩვენს მხარდამჭერებს ყველა საარჩევნო ოლქში, ვმობილიზდეთ და ჩვენი არჩევანი დავაფიქსიროთ. შესაძლო პროვოკაციების მიუხედავად, მშვიდად,მშვიდობიანად მივიყვანოთ პროცესი გამარჯვებამდე.   განსაკუთრებით მოვუწოდებ ჩემს თბილისელებს, ჩემს მთაწმინდელებს, მაქსიმალურად ვიაქტიურეთ, რათა მთაწმინდაზე არჩევნები პირველივე ტურში დამაჯერებელი გამარჯვებით დავასრულოთ. ამისთვის, თითოეული თქვენგანის ხმას გადამწყვეტი მნიშვნელობა აქვს.   აქვე, მივმართავ ჩვენს აქტივს. პირველ რიგში, მინდა ძალიან დიდი მადლობა გადავუხადო მათ გაწეული საქმისთვის, თქვენი შრომა ფასდაუდებელია ! დაწყებული საქმე ბოლომდეა მისაყვანი და ჩვულ რეჟიმში, მშვიდად გავაგრძელოთ ჩვენი საქმიანობა.   რაც შეეხება ე.წ.. ფოტოსურათებიან სიებს, რომელსაც ცესკო ყველა პარტიას ურიგებს, ის რა თქმა უნდა პირად ნომერს არ შეიცავს და მისი გამოყენება საარჩევნო კოდექსის თანახმად, სრულიად კანონიერია! ამიტომ,  მოვუწოდებ ჩვენს აქტივს,ჩვენს თანაგუნდელებს, არავინ შეგიყვანოთ შეცდომაში, იმუშავეთ მშვიდად, ღიად და თავისუფლად. თუკი ვინმე ხელის შეშლას ეცდება, მიმართეთ შესაბამის სამსახურებს.   მაქსიმალურად ვიაქტიუროთ, გავაკეთოთ მობილიზაცია და სულ მალე, კიდევ ერთხელ, ღირსეულად გავიმარჯვებთ!

„სამწუხაროა, რომ ქვეყნის მასშტაბით ჩვენ ვხედავთ გარკვეულ ექსცესებს, გარკვეული პროვოკაციების მცდელობას. თუმცა, კმაყოფილებით მინდა აღვნიშნო, რომ მთაწმინდაზე აღნიშნული პროცესი მიმდინარეობს კანონიერების ჩარჩოებში, მშვიდობიანად. ადამიანებს აქვთ უფლება და საშუალებაც, რომ გააკეთონ ღირსეული არჩევანი.   ჩვენი ოპონენტების მხრიდან გაისმა არაერთი შეფასება. როგორც ჩანს, ბოლო საათებში მწვავდება საარჩევნო პროცესი და საუბარი იყო, მათ შორის, ღირსებაზეც. მეც ვისარგებლებ ამ შემთხვევით, ამ შესაძლებლობით და ვიტყვი, რომ მართლაც ღირსეული ადამიანი წარმოვუდგინეთ ჩვენ მთაწმინდელებს. მართლაც, ბევრია ღირსეული ჩვენს ქვეყანაში, მაგრამ ჩვენ ჩავთვალეთ, რომ სწორედ, რომ შესაფერი მთაწმინდისთვის და მთაწმინდელებისთვის არის  ლადო კახაძე, რომელიც არის განსახიერება ერთგულების, კეთილშობილების, შრომის, შრომისუნარიანობის და ადამიანი, რომელიც მუდმივად, მთელი ცხოვრების გზაზე იყო ხალხის სამსახურში.   დარჩენილია ორ საათზე ცოტა მეტი. მინდა გთხოვოთ განსაკუთრებული აქტიურობისკენ. რა თქმა უნდა, მშვიდობიანი არჩევანის საშუალება კვლავ ძალაშია და ყველამ უნდა იცოდეს, ვინც პროვოკაციებს დააპირებს, რომ აუცილებლად დაისჯება და აუცილებლად აგებს სრული სიმკაცრით პასუხს კანონის წინაშე, ხოლო ადამიანებს, რომლებსაც ჯერ არ გაუკეთებიათ არჩევანი, კიდევ ერთხელ მოვუწოდებ, რომ მხარი დაუჭირეთ ლადო კახაძეს"-განაცხადა ბექა ოდიშარიამ მთაწმინდის საარჩევნო შტაბში დღეს გამართულ ბრიფინგზე.

საზოგადოება დილიდან თვალს ადევნებს შუალედურ არჩევნებს და ცხადია, რომ  ყველა ოლქში, სადაც „ნაციონალური მოძრაობის” და რუსთავი 2-ის მაღალი კონცენტრაცია არ არის, ყველგან მშვიდად მიმდინარეობს არჩევნები.    ერთადერთი ოლქი, სადაც დაძაბულობის მცდელობები შეინიშნება, ეს არის ზუგდიდი, სადაც „ნაციონალური მოძრაობა“ ცდილობს, რომ ყველა უბანზე შექმნას გარკვეული დესტრუქციული ქმედებები და შექმნას დაძაბულობა.    დაძაბულობა რომ არის მათი მთავარი მიზანი, ეს კარგად ჩანდა მთელი წინასაარჩევნო პერიოდის განმავლობაში და დღესაც კარგად გამოჩნდა, როგორც მიხეილ სააკაშვილის განცხადებებიდან, ისე იმ ჩანაწერებიდან, რომელიც ზუგდიდში ჩვენს გუნდს მიაწოდეს მათივე წარმომადგენლებმა.   კარგად გამოჩნდა, რომ მათი მიზანი არის არა არჩევნების სამართლიანად ჩატარება, არამედ მათი მიზანია, რამენაირად დაძაბულობა და არეულობა შეიტანონ,  თუმცა გასაგებია რომ ამას ისინი ვერ ეღირსებიან.    აქვე, მინდა განსაკუთრებული მადლობა ვუთხრა პოლიციას, რომელიც ძალიან ოპერატიულად რეაგირებს ნებისმიერ უმცირეს გადაცდომაზე და დარღვევაზე. შესაბამისად, სიმშვიდე არის შენარჩუნებული ყველა ოლქში. ერთ რამეს მინდა შევაგუო „ნაციონალური მოძრაობა“, რომ აღარასოდეს აღარ დაბრუნდება მათი დიქტატორული რეჟიმი საქართველოში და ყველგან, სადაც ისინი ეცდებიან აგრესია გამოიჩინონ, კიდევ ერთხელ ქართველი ხალხისა და ქართველი ამომრჩევლის მიმართ, მათ შესაბამის პასუხს გასცემს ქართული საზოგადოება.

ბიძინა ივანიშვილმა მთაწმინდის ოლქში საკუთარი არჩევანი ოჯახის წევრებთან ერთად გააკეთა   „დარწმუნებული ვარ, ქართველი ხალხი დღესაც სწორ არჩევანს გააკეთებს. როგორც მთაწმინდაზე, ისე სხვა ოლქებშიც აქტიურობა მაღალია და დარწმუნებული ვარ, „ქართული ოცნების“ კანდიდატები დღეს დიდი უპირატესობით  გაიმარჯვებენ.  დღევანდელი შუალედური არჩევნებით, ისევე როგორც ბოლო წლებში ქართველი ხალხის სწორი არჩევანით, ჩვენ მოვახერხებთ ჩვენი ქვეყანა ევროპისკენ სწორი მიმართულებით განვავითაროთ.  მეორე ტურის ალბათობა ორ ოლქში არსებობს, თუმცა ჩვენი კანდიდატების უპირატესობა იქაც დიდია და დიდი ალბათობით „ქართული ოცნების“ კანდიდატებმა პირველივე ტურში უნდა გაიმარჯვონ“,  - განაცხადა ბიძინა ივანიშვილმა.

ჩვენს ხელთ არსებული ინფორმაციით, ამ დროისთვის, ამომრჩევლის ნორმალური აქტივობაა. საარჩევნო უბნებზე გარკვეული დარღვევები შეინიშნება, თუმცა მინდა ხაზგასმით აღვნიშნო, რომ რაიმე განსაკუთრებულ დარღვევას ადგილი არ ჰქონია. ხმის მიცემის პროცესი საერთო ჯამში, მშვიდ, თავისუფალ და დემოკრატიულ გარემოში მიმდინარეობს.   სამწუხაროდ, ამ დროისთვის ადგილი ჰქონდა გარკვეული სახის პროვოკაციების მცდელობებსაც, თუმცა ყველა შესაბამისი სამსახური არის მობილიზებული საიმისოდ ორიენტირებული, რომ ყველაფერი იყოს მშვიდ  გარემოში.   ამისათვის მინდა სამართალდამცავ ორგანოებს განსაკუთრებული მადლობა გადავუხადო, რომლებიც არიან მოწოდების სიმაღლეზე უზრუნველყოფენ სიმშვიდეს საარჩევნო უბნებთან.    მინდა მკაფიოდ განვაცხადო, რომ ნებისმიერ უკანონო მოქმედებას, შესაბამისი სამსახურების მხრიდან ექნება მყისიერი და უმკაცრესი რეაგირება. ამავდროულად, კიდევ ერთხელ მოვუწოდებ დიპლომატიურ კორპუსს, საერთაშორისო და ადგილობრივ სადამკვირვებლო ორგანიზაციებს, მაქსიმალური ყურადღება მიაპყრონ ზუგდიდისკენ, რადგანაც ნათლად ჩანს, რომ როგორც განვლილი პერიოდის მანძილზე, ისე დღესაც, რიგი ძალები მიზანმიმართულად ცდილობენ ზუგდიდში დაძაბულობის ცენტრი შექმნან.  თქვენ ნახეთ აუდიო ჩანაწერიც, სადაც კარგად ჩანს, რომ ნაციონალური მოძრაობის აქტივისტები ეგრედწოდებულ ადუღებაზე და დესტაბილიზაციაზე საუბრობენ.   ეს გასაგებია, რომ მათი მიზანი არის ეს ჩანდა წინა პერიოდშიც, მაგრამ ჩვენ ამის უფლებას არავის მივცემთ. ამიტომ , სადამკვირვებლო ორგანიზაციებს, ჩვენს საერთაშორისო დამკვირვებლებს, ვთხოვთ რომ განსაკუთრებული ყურადღება მიაპყრონ ზუგდიდს.   მოვუწოდებ ასევე ჩვენს აქტივს, არავის მისცენ საშუალება დისონანსი შეიტანონ პროცესში.    მოვუწოდებ ჩვენს აქტივს, არავის მისცენ საშუალება დისონანსი შეიტანოს პროცესში. ჩვენი აქტივისტები სწორად და კარგად არიან მობილიზებულნი, მაგრამ დამატებით მოვუწოდებ, რომ იმ პროვოკაციებს, რომლებსაც ადგილი აქვს სხვადასხვა უბნებზე არ წამოეგონ, ეს არის მათი ვალდებულება და ეს უნდა შეასრულონ.   გარკვეული პროვოკაციული ფონი შეინიშნება მარნეულშიც ევროპული საქართველოს მხრიდან, ისინი ხელოვნურად ცდილობენ დაძაბონ სიტუაცია, თუმცა იქაც ყველაფერი ჯერჯერობით მშვიდად არის ჩვენი აქტივისტების და წარმომადგენლების მეშვეობით, ამისათვის მათ დიდი მადლობა.    რაც შეეხება სიებს, მთელი დღის განმავლობაში თქვენ ნახეთ, რომ ნაც მოძრაობის წარმომადგენლების  მედია საშუალება  იქნება ეს თუ სხვა წარმომადგენლების მხრიდან, მიზანმიმართულ პროვოკაციულ მოქმედებებს აქვს ადგილი.   მათ ვერ ნახეს მოსყიდვის რეალური   ვერანაირი ფაქტი და შემდეგ ჯილდოც კი დააწესეს საიმისოდ,   რომ ვიღაცას დაებრალებინა მოსყიდვა მეორე ადამიანისათვის ან რომელიმე ორგანიზაციისათვის. თქვენ ნახეთ ასევე ის, რომ რეალური დარღვევა   როგორც კი ვერ იპოვეს, რეალური დარღვევა   ხაზს  ვუსვამ, მათ მიმართეს მეთოდს რომ საზოგადოება მოატყუონ თითქოს  ამ საარჩევნო სიებთან დაკავშირებით რაღაც პრობლემას აქვს ადგილი.  მე მინდა მივუთითო კონკრეტული მუხლი,  როგორც ვიცი ცესკომაც გააკეთა ამასთან დაკავშირებით ბრიფინგი , მაგრამ კიდევ ერთხელ  ხაზგასმით აღვნიშნავ, რომ არანაირი დარღვევა აქ არ არის , პირიქით,  ყველა საარჩევნო სუბიექტს , საარჩევნო კოდექსის 31 მუხლის მეშვიდე და მეშვიდე პრიმა პუნქტების  საფუძველზე უფლება აქვს გამოითხოვოს ელექტრონული ვერსია და ისარგებლოს ამ ვერსიით.    აქედან გამომდინარე, დარღვევას აქ ადგილი არა აქვს, ეს არის ჩვეულებრივი სიები და მეც მინდა   საილუსტრაციოდ   გაჩვენოთ, სადაც პირადი მონაცემები  არ არის მითითებული და ყველა ჩვენს წარმომადგენელს,  საარჩევნო უბნებთან რომლებიც არიან წარმოდგენილი აქვთ  უფლება ისარგებლონ ამ სიებით.    ამაში უკანონო არაფერია და იმის გადასაფარად, რომ სხვა  არაფერი ხდება თითქოს ეს არის ცუდი, ამას ნუ იზამენ, მათ შორის მოგიწოდებთ ჟურნალისტებსაც გაავრცელოთ მაქსიმალურად ეს ინფორმაცია იქიდან გამომდინარე, რომ  უკანონობის წარმოჩენას ცდილობენ, იმას რაც არის აბსოლუტურად კანონიერი და კიდევ ერთხელ ვიმეორებ ამასაც, რომ საარჩევნო კოდექსში წაიკითხონ ყურადღებით ნაციონალური მოძრაობის სხვადასხვა  განშტოების  წარმომადგენლებმა  31 მუხლის მეშვიდე და 31-ე მუხლის მეშვიდე პრიმა პუნქტი.   მინდა საზოგადოებას, ჩვენს მოქალაქეებს კიდევ უფრო მეტი აქტიურობისკენ მოვუწოდო, საარჩევნო უბნებზე მისვლისა და სასურველი კანდიდატისთვის მხარდაჭერისკენ მოვუწოდო. არჩევნებზე მაღალი აქტივობის ჩვენება პირველივე ტურში გამარჯვებისთვის.

საარჩევნო უბნებზე დღეს პროვოკაციები აიხსნება იმით, რომ ნაციონალურმა მოძრაობამ ზუსტად იცის, რომ ამ არჩევნებში მარცხდება და როგორც ჩანს, ერთადერთი, რისთვისაც ემზადება არეულობა და დესტაბილიზაციაა.   გუშინაც და ადრეც არაერთხელ გაგვიცხადებია, რომ დამკვირვებელი ორგანიზაციების საფარქვეშ ჩამოყვანილი აგრესიული აქტივისტები მათ სწორედ არეულობის შესაქმნელად სჭირდებათ. დღეს მიმდინარე პროვოკაციებმა ეს დაადასტურა. როგორც ჩანს, მიუხედავად ამომრჩეველთა პოლარიზებისა, ნაციონალური მოძრაობის შტაბშიც არიან ადამიანები, რომლებისთვისაც მიუღებელია დაპირისპირება და დესტაბილიზაცია.   სწორედ ამ ადამიანებმა გამოიტანეს ინფორმაცია ნაციონალური მოძრაობის დესტრუქციული გეგმის შესახებ და ჩვენს შტაბს მოაწოდეს ნაციონალური მოძრაობის სამუშაო სხდომაზე მათ მიერვე გაკეთებული აუდიოჩანაწერი, რომლის მონაწილენი - მიხეილ სააკაშვილის და სანდრა რულოვსის უახლოესი გარემოცვის წევრები, სავარაუდოდ ნინია ცისკარიშვილი და სალომე ჭელიძე საუბრობენ, თუ როგორ უნდა აადუღონ ზუგდიდი და აჭარა, მიუხედავად იმისა, მოიგებენ თუ წააგებენ არჩევნებს.   ბუნებრივია, ეს აუდიოჩანაწერი ჩვენ უკვე გადავეცით შესაბამის ორგანოებს და ვითხოვეთ შესაძლო დანაშაულის ფაქტზე გამოძიების დაწყება. ჩვენ თავს ვალდებულად ვთვლით საზოგადოებას გავაცნოთ ამ ჩანაწერის ყველაზე მნიშვნელოვანი ნაწილი, რომლის მიხედვითაც, ვციტირებ - ნებისმიერი შედეგის შემთხვევაში, მოიგებენ თუ წააგებენ უნდა „აადუღონ ზუგდიდი“, „აადუღონ აჭარა“ შემდგომ კი მთელი საქართველო.   მთელ ჩვენს ქვეყანას, სამეგრელოს კი ყველაზე მწარედ ახსოვს რას ნიშნავს ადუღებული ზუგდიდი, გვახსოვს 90-იანი წლების სამოქალაქო დაპირისპირება; გვახსოვს, როგორ ცდილობდნენ ნაციონალური მოძრაობის წევრები და აქტივისტები 1 წლის წინ აჭარის ადუღებას, როდესაც თითქმის გადაწვეს ბათუმი. ბუნებრივია ქართული სახელმწიფო და მისი საზოგადოება ამას აღარ დაუშვებს!   გაფრთხილებთ, არ გაბედოთ არცერთი ანტისახელმწიფოებრივი ნაბიჯი და არ გადაუხვიოთ კანონს, წინააღმდეგ შემთხვევაში თქვენი ქმედებები უპასუხოდ არ დარჩება.

პირველ რიგში, მინდა მადლობა გადავუხადო იმ მოქალაქეებს, ვინც უკვე დააფიქსირა საკუთარი არჩევანი და მაღალი სამოქალაქო პასუხისმგებლობა გამოიჩინა.    ამ დროისთვის, საარჩევნო უბნებზე ხმის მიცემის პროცესი ჩვეულ რეჟიმში, თავისუფალ გარემოში მიმდინარეობს.   მოვუწოდებ ჩვენს მხარდამჭერებს ზუგდიდში, ჭითურაში, ზესტაფონში, მარნეულსა და ხულოში, მაქსიმალურად იაქტიურეთ და დააფიქსირეთ თქვენი არჩევანი. ასევე მივმართავ ჩევნს თანამოქალაქეებს საგარეჯოში, ადიგენში, ტყიბულში, წყალტუბოში, ოზურგეთსა და ახმეტაში, კიდევ ერთხელ დავანახოთ ყველას, თუ როგორი ერთიანები, ძლიერები და ღირსეულები ვართ.    მინდა აქტიურობისკენ მოვუწოდო ჩემს ძვირფას თბილისელებს,  მთაწმინდის მოსახლეობას, რომელიც უამრავი ისტორიის მნახველია, ყოველთვის იდგა ქვეყნისთვის საჭირო ადგილას და ახლაც, დარწმუნებული ვარ, სწორ არჩევანს გააკეთებს. თითოეული თქვენგანის ხმას გადამწყვეტი მნიშვნელობა აქვს.   ყველა წინასწარი პროგნოზის მიხედვით, თქვენი მაღალი აქტივობის შემთხვევაში, პირველივე ტურში გამარჯვების ძალიან დიდი, რეალური შანსი გვაქვს. ამიტომ, ნუ დაიზარებთ, გამოცხადდით საარჩევნო უბნებზე და ერთად ვიზეიმოთ პირველივე ტურში გამარჯვება.

დღეს მთაწმინდის ოლქში აირჩევა პარლამენტის მაჟორიტარი დეპუტატი, ასევე  ზუგდიდში, მარნეულში, ზესტაფონში, ჭიათურაში ხულოში აირჩევენ მუნიციპალიტეტის მერებს. ასევე, საკრებულოს წევრების არჩევნები ჩატარდება ქალაქ ოზურგეთში , ქალაქ ტყიბულში, ქალაქ ჭიათურაში, ასევე წყალტუბოში - გუმბრას თემში, ასევე ადიგენში - აბასთუმნის თემში, ახმეტაში -  ხალაწნის თემში, საგარეჯოში უჯარმის თემში, ზესტაფონში სანახშირის თემში.   არჩევნების მასშტაბი საკმაოდ დიდია. მთლიანად არჩევნებში, საქართველოში რეგისტრირებული ამომრჩევლის 12 პროცენტი მიიღებს მონაწილეობას.   08:00 საათზე გაიხსნა ყველა საარჩევნო უბანი. უბნების გახსნის დროს რამე არსებითი ხარვეზი არ დაფიქსირებულა, რაც ძალიან  მნიშვნელოვანია.   ჩვენ მოვუწოდებთ არჩევნებში ჩართულ ყველა მხარეს, იმოქმედოს საქართველოს კანონმდებლობის შესაბამისად, ამომრჩეველს მისცენ არჩევანის მშვიდ ვითარებაში გაკეთების შესაძლებლობა, ხოლო საარჩევნო ადმინისტრაციას, მათ შორის კომისიის წევრებს, წარმომადგენლებს, დამკვირვებლებს მისცენ საარჩევნო პროცედურებში მშვიდად მონაწილეობის საშუალება.   ასევე, ჩვენს აქტივისტებს მოვუწოდებთ სიმშვიდისკენ. არის საკითხი , რომელიც უკავშირდება ფოტოსურათიან სიებს. კიდევ ერთხელ მინდა განვმარტო, მათ შორის ჩვენი აქტივისტებისთვის, ამ სიებით სარგებლობა შეესაბამება კანონმდებლობის მოთხოვნებს და არ წარმოადგენს დარღვევას. ეს არის ერთერთი საშუალება იმისთვის, რომ უზრუნველვყოთ ჩვენ ამომრჩევლის მაქსიმალური აქტიურობა.   წინასაარჩევნო პროცესებმა ორი თვის განმავლობაში მშვიდ ვითარებაში ჩაიარა, თუმცა ბოლო რამდენიმე დღის განმავლობაში ერთერთმა მხარემ სცადა პროცესში ხელოვნურად არეულობის შეტანა, რაც არის ძალიან სამწუხარო მოვლენა.   დღეს ზუგდიდში ფიქსირდება მათი მხარდამჭერების არაპროპორციული რაოდენობა, შესაბამისად არსებობს დესტრუქციის საფრთხე.   მინდა შევახსენო ჩვენს აქტივისტებს , რომ პროვოკაციებზე რეაგირება არის არა მათი, არამედ სამართალდამცავი   ორგანოების  ფუნქცია. შესაბამისად, ყველას კიდევ ერთხელ  მოვუწოდებ შეინარჩუნონ სიმშვიდე და თავი შეიკავონ ამგვარ გადაცდომებზე რეაგირებისაგან,  ხოლო სამართალდამცავ ორგანოებს მოვუწოდებთ  მიიღონ ყველა ზომა, რათა უზრუნველყოფილი  იყოს არჩევნების პროცესის მშვიდ ვითარებაში  და დარღვევების გარეშე წარმართვა.   ასევე, მოვუწოდებ ჩვენს საერთაშორისო  პარტნიორებს, სამოქალაქო  საზოგადოებას,  ყურადღებით დააკვირდნენ  საარჩევნო  პროცესს. ბოლოს მინდა მოვუწოდო ამომრჩეველს  აქტიურობისაკენ.   მაღალი აქტივობის პირობებში  შესაძლებელია  ყველა საარჩევნო  ოლქში პირველივე ტურში დასრულდეს არჩევნები. დარწმუნებული ვარ რომ ჩვენი მოქალაქეები აირჩევენ ღირსეულ მაჟორიტარ  დეპუტატს  მთაწმინდაზე, ღირსეულ  მუნიციპალიტეტის  მერებს  და ღირსეულ საკრებულოს  წევრებს.

დღეს ჭიათურაში შევხვდით გაფიცულ მაღაროელებს და მოვისმინეთ მათი მოთხოვნები. შეუძლებელია, ვინმემ მოუსმინოს ამ ადამიანებს და გულგრილი დარჩეს მათი პრობლემების მიმართ. ჩვენ მოვუწოდეთ კომპანია "ჯორჯიან მანგანეზს", მოესმინათ მაღაროელებისთვის და მიეღოთ ზომები მათი სამართლიანი მოთხოვნების შესასრულებლად. სამწუხაროა, რომ დღევანდელი მოლაპარაკება შეთანხმებით ვერ დასრულდა.   მოვუწოდებთ კომპანიის ხელმძღვანელობას, დაუყოვნებლივ განაგრძონ მოლაპარაკებები, გაითვალისწინონ გაფიცულთა ყველა სამართლიანი მოთხოვნა და დაიწყონ ზრუნვა მათი სოციალური და შრომითი პირობების გაუმჯობესებაზე.   თუ მომდევნო დღეებში მოლაპარაკებები არ დასრულდება შეთანხმებით, ჩვენ კიდევ ერთხელ ჩავერთვებით საქმეში და მივიღებთ ზომებს მაღაროელების სამართლიანი მოთხოვნების დაკმაყოფილების უზრუნველსაყოფად.   კახა კალაძე - პარტიის გენერალური მდივანი   ირაკლი ღარიბაშვილი - პარტიის პოლიტიკური მდივანი   ირაკლი კობახიძე - პარტიის აღმასრულებელი მდივანი

პოლიტიკური გაერთიანება „ქართული ოცნება - დემოკრატიული საქართველოს“ საერთაშორისო მდივანი, პოლიტსაბჭოს წევრი თამარ ჩუგოშვილი დიპლომატიური კორპუსისა და საერთაშორისო სადამკვირვებლო ორგანიზაციების წარმომადგენლებს შეხვდა და შუალედური არჩევნების წინ არსებული ვითარება გააცნო.   თამარ ჩუგოშვილის თქმით, განსაკუთრებული ყურადღება დაეთმო ზუგდიდში მიმდინარე პროცესებს და ოპოზიციის ქმედებებს. მისივე განცხადებით, დამკვირვებელი ორგანიზაციები ყველა მხარეს მოუწოდებენ, რომ ამომრჩეველს ხელოვნურად არ შეუშალონ ხელი არჩევნების დღეს თავიანთი ნების დაფიქსირებაში. „დიპლომატიური კორპუსის წარმომადგენლებს, რომლებიც საქართველოში შუალედური არჩევნების პროცესს აკვირდებიან გავაცანით ის მდგომარეობა, რაც არის ზუგდიდში. განსაკუთრებული ყურადღება სწორედ ამ ქალაქზე გავამახვილეთ, რადგან აქ ჩანს ძირითადი პრობლემები.   ვესაუბრეთ იმაზე, რომ ოპოზიცია აკეთებს ყველაფერს, სახელმწიფო ინსტიტუტების და განსაკუთრებით საარჩევნო კომისიების დისკრედიტაცისთვის.   ყველა აცნობიერებს რის გამოც დაიწყო აჟიოტაჟი - კერძოდ განცხადება, თითქოს დოკუმენტაცია არასწორად იქნა გადაცემული საარჩევნო კომისიიდან უბანზე - არანაირ კანონდარღვევას არ წარმოადგენდა და ამას ყველა დამკვირვებელი ორგანიზაცია ადასტურებს, ამაში ეჭვი არავის ეპარება.   ასევე ვესაუბრეთ ოპოზიციის მხრიდან მხარდამჭერების მასობრივ მობილიზაციაზე, რომელიც შესაძლოა, არჩევნების დღეს ზუგდიდის საარჩევნო უბნებთან დაძაბულობის შექმნას ემსახურებოდეს.   სადამკვირვებლო ორგანიზაციების სურვილი და მოწოდებაა რომ არც ერთმა მხარემ, არჩევნებში მონაწილე არც ერთმა სუბიექტმა ამომრჩეველს არ შეუშალოს ხელი ნების თავისუფლად გამოხატვაში“. - განაცხადა თამარ ჩუგოშვილმა.

თამარ ჩუგოშვილი: „საარჩევნო დღის მოახლოებასთან ერთად, ნაციონალური მოძრაობა დესტრუქციული ქმედებებით უფრო და უფრო მეტად ცდილობს საარჩევნო პროცესისთვის ხელის შეშლას და მის დისკრედიტაციას.   ბოლო დღეების განმავლობაში, საზოგადოებამ ოპონენტების მხრიდან საარჩევნო კომისიასთან აჟიოტაჟი და ზუგდიდის საკრებულოს შენობაში არეულობის მოწყობის მცდელობა იხილა, დღეს კი ნაციონალური მოძრაობის წევრები უკვე ზუგდიდის საოლქო კომისიის შენობაში შეიჭრნენ ძალადობრივად და ცდილობდნენ კომისიის მუშაობის ჩაშლას.   ყოვლად მიუღებელია თავდასხმა საარჩევნო კომისიაზე, რომელიც უკვე წლებია ყველანაირი საერთაშორისო შეფასებით გამართულად და კანონის შესაბამისად აორგანიზებს საარჩევნო პროცესს.   ჩვენი ოპონენტების მიზანია სახელმწიფო ინსტიტუტების, ამ შემთხვევაში კონკრეტულად ცენტრალური საარჩევნო კომისიის დისკრედიტაცია და საარჩევნო პროცესის ჩაშალა სწორედ ზუგდიდში, სადაც მათთვის პოზიციების დაკავებას სიმბოლური დატვირთვა აქვს კანდიდატიდან გამომდინარე.   ნაციონალურმა მოძრაობამ როგორც ჩანს კარგად იცის, რომ ზუგდიდში არჩევნებს პირველივე ტურში აგებს, შესაბამისად, ისინი სტაბილური საარჩევნო პროცესის დაძაბვას და არეულობის ხელოვნურად შექმნას ცდილობენ.   ჩვენი ამოცანაა არჩევნების მშვიდ, დემოკრატიულ გარემოში ჩატარება. არცერთი პროვოკაცია, არცერთი ინციდენტი, რომელიც ჩრდილს აყენებს საარჩევნო პროცესს, არ უნდა დარჩეს რეაგირების გარეშე.   შესაბამის უწყებებს სამართალდარღვევის ნებისმიერ ფაქტზე უმკაცრესი რეაგირება ექნებათ. თითოეული დამნაშავე, თითოეული პირი, რომელიც ძალადობას და საარჩევნო პროცესის ჩაშლას შეეცდება, აუცილებლად აგებს პასუხს კანონის წინაშე. ჩვენ ამავდროულად კიდევ ერთხელ მოვუწოდებთ დამკვირვებელ ორგანიზაციებს, საელჩოებს, რომ განსაკუთრებული ყურადღება მიაპყრონ სწორედ ზუგდიდის საარჩევნო ოლქს, რადგან უკვე ძალიან მკაფიოდ და ნათლად ჩანს, რომ სწორედ იქ გადაინაცვლებს დაძაბულობის ცენტრი. მოგვიანებით, დღის განმავლობაში ჩვენ გვექნება შეხვედრა საერთაშორისო ორგანიზაციებთან და იმ  საელჩოებთან, რომლებიც აკვირდებიან ზუგდიდში არსებულ ვითარებას და ასევე იმ მოლოდინებს, რომლებიც ჩვენ გვაქვს არჩევნებთან დაკავშირებით და პროცესების განვითარებასთან დაკავშირებით. მათ მონაწილეობას ამ პროცესში დიდი მნიშვნელობა აქვს. მათ შეუძლიათ ხელი შეგვიწყონ ამ პროცესში ესკალაციის თავიდან აცილებაში და მე ვფიქრობ ჩვენი დღევანდელი შეხვედრა იქნება მნიშვნელოვანი ამ კუთხით.“

„გუშინდელ დღემდე, საარჩევნო  პროცესი, ძირითადად,  მშვიდ ვითარებაში მიმდინარეობდა. გუშინ ცხადი გახდა,  რომ დაძაბულობის ცენტრი, სავარაუდოდ, ზუგდიდი გახდება . გუშინ ვიხილეთ აჟიოტაჟი საარჩევნო კომისიასთან.   ამ პროცესის ნაწილია, ასევე, ოპოზიციის განცხადება, რომ ქალაქ ზუგდიდში, სხვადასხვა რეგიონიდან  5000 აქტივისტის მობილიზება ხდება, რაც იმის მანიშნებელია, რომ ვითარების ესკალაცია  სწორედ ამ ადგილას იგეგმება.   ჩვენთვის ეს დასტურია იმისა, რომ „ქართული ოცნების“ კანდიდატს ზუგდიდში აქვს ძლიერი პოზიციები და არჩევნებში იმარჯვებს, ხოლო ოპოზიციის კანდიდატი მარცხდება. ამიტომ, ვხედავთ მცდელობას, სტაბილური საარჩევნო პროცესი  დაძაბულობაში გადაიზარდოს.   ნებისმიერ კანონდარღვევას, ძალადობასა და პროვოკაციას, რომელსაც შესაძლოა ჰქონდეს ადგილი, სახელმწიფოს მხრიდან მკაცრი, კანონისმიერი რეაგირება მოჰყვება“, - თამარ ჩუგოშვილი.

ბიძინა ივანიშვილმა აწყურის ღვთისმშობლის ტაძრის სარესტავრაციო სამუშაოები მეუფე თეოდორესთან ერთად მოინახულა   „ძეგლებს შეუზღუდავად ვაფინანსებთ, მოსწრება უნდა, რომ არ ჩამოიშალოს. სიძველეები მაქსიმალურად უნდა შევინარჩუნოთ “ - განაცხადა ბიძინა ივანიშვილმა.   აწყურის ღვთისმშობლის სახელობის ტაძარი უძველესი ტაძრების ხუთეულში შედის. 42 მეტრის სიმაღლის ტაძრის რესტავრაცია 2016 წელს დაიწყო. უკვე ამოყვანილია კედლები, ახლო მომავალში დაიწყება გუმბათის დაშენება. აღდგენილ ტაძარზე უძველესი დეტალები მაქსიმალურად შენარჩუნდება. ფონდი „ქართუ“ სარესტავრაციო სამუშაოებისთვის 12, 5 მილიონ ლარზე მეტს დახარჯავს.   აწყური პირველ საუკუნეშივე იქცა რელიგიურ ცენტრად - აქ ანდრია პირველწოდებულმა სასწაულები მოახდინა, რის შემდეგაც მოინათლა მხარის მოსახლეობა. ტაძრის დღევანდელი ნაშთები აგებული უნდა იყოს მე-10-11 საუკუნეებში. როგორც ცნობილია, აქ დიდი ხნის განმავლობაში იყო დაბრძანებული აწყურის სასწაულთმოქმედი ღვთისმშობლის ხელთუქმნელი ხატი. ისტორიული ძეგლების აღდგენა-რესტავრაციას ფონდი „ქართუ“ დაარსებიდან - 1995 წლიდან ახორციელებს. ქართუს მიერ 900-ზე მეტი კულტურული და ისტორიული ძეგლი და ეკლესიაა რესტავრირებული.   მიმდინარე წელს ძეგლების აღსადგენად 20 მილიონი ლარი დაიხარჯება. აქედან მხოლოდ სამცხე-ჯავახეთის რეგიონში - 6 მილიონი ლარი. რეგიონში უკვე აღდგენილია 40-მდე ისტორიული ძეგლი. მათ შორისაა ვარძიის რეაბილიტაციის პროექტი, რომლის ფარგლებში აღდგა გრუნტით დაფარული გამოქვაბულები და სამონასტრო კომპლექსი 20 %-ით გაიზარდა.