ჩვენ უნდა გავუფრთხილდეთ, გვერდით დავუდგეთ ერთმანეთს და მივიღოთ გადაწყვეტილება, რომელიც იქნება ყველაზე პასუხისმგებლობიანი, ჩვენი შვილებისთვის, მომავალი თაობისთვის და პირნათლად გვატარებს წინ, ჩვენი წინაპრების წინაშე, - ამ სიტყვებით მიმართა საქართველოს პრემიერ-მინისტრმა გლდანის მოსახლეობას, რომელსაც რაიონში "ქართული ოცნება - დემოკრატიული საქართველოს" მაჟორიტარი დეპუტატობის კანდიდატები, კობა კობალაძე, ლევან კობიაშვილი და ლევან კობერიძე წარუდგინა. მთავრობის მეთაურის შეფასებით, დღეს, ქართველი ხალხი განსაკუთრებულად აფასებს იმ მიღწევას, რასაც დიდი პოლიტიკური ცვლილება, მშვიდობიანი არჩევნები, ადამიანის ღირსების დაცვა და ადამიანის ყველაზე მაღალ ფასეულობად მიჩნევა ჰქვია. გიორგი კვირიკაშვილის თქმით, საქართველოში აღარასოდეს გაითელება ფეხქვეშ ადამიანის ღირსება, რაც ყველაზე დიდი მიღწევაა. "მინდა, დიდი კმაყოფილებით აღვნიშნო, რომ დღეს ჩვენი ხალხი შეიცვალა, დღეს ყველაზე მეტად ფასობს არა გიჟური, ზედმეტად ემოციური მოწოდებები, არა ის, რომ ჩვენი ქვეყანა დავაყენოთ გაუმართლებელი რისკებისა და საფრთხეების წინაშე, არამედ ის, რომ სტაბილურად, მშვიდობიანად, მაგრამ ძალიან ჩქარა წავიყვანოთ ჩვენი ქვეყანა წინ, გაცილებით უფრო გაფერადებული, გაცილებით უფრო განვითარებული, გაცილებით აგუგუნებული ქვეყნისაკენ და ყველანი ერთად ამას აუცილებლად შევძლებთ", - განაცხადა გიორგი კვირიკაშვილმა.  პრემიერმა ჯანდაცვის, სოფლის მეურნეობის რეფორმაზე ისაუბრა და აღნიშნა, რომ დღეს მოსახლეობა ქალაქიდან სოფელს უბრუნდება, სადაც საკუთარი საქმის წამოწყებისა და ოჯახის ღირსეულად რჩენის შესაძლებლობაა. "აღარაფერს ვიტყვი იმაზე, რომ დღეს ადამიანები ქუჩაში აღარ იხოცებიან და აღარავინ იჩაგრება უსამართლოდ. ეს ყველაფერი ჩვენი მონაპოვარია და იმის შედეგია, რომ 2012 წლიდან საქართველო განვითარების აბსოლუტურად განსხვავებულ რელსებზე გადავიდა. ჩვენი ქვეყანა დღეს სრულიად სხვა რამეს უყრის კენჭს და სხვა რამის გამო მიდის არჩევნებზე - იმიტომ, რომ აღარ უნდა წარსულში დაბრუნება, ჩვენ გვინდა უკეთესი მომავალი, მშვიდი ცხოვრება, ისეთი საქართველო, სადაც ადამიანები არ ხრავენ, არ ჭამენ ერთმანეთს და არ აყენებენ შეურაცხყოფას", - განაცხადა პრემიერ-მინისტრმა.  გიორგი კვირიკაშვილის თქმით მმართველი გუნდის მთავარი მიზანია, გააერთიანოს ქვეყანა, საზოგადოება და ასე მოიტანოს უკეთესი მომავალი. "მინდა, კიდევ ერთხელ გაგამხნევოთ, მიუხედავად იმისა, რასაც ისმენთ ბოლო დღეების განმავლობაში, მიუხედავად იმისა, რომ დღეს, სამწუხაროდ, არიან ადამიანები, როგორც საქართველოში, ასევე მის ფარგლებს გარეთ, რომლებსაც უნდათ, რომ საქართველო დააბრუნონ წარსულში, ეს ვერ მოხერხდება, რადგან საქართველოს მოსახლეობა დღეს მხარს უჭერს იმ პოლიტიკურ ძალას, რომელსაც აქვს ყველაზე მეტი პასუხისმგებლობა საკუთარი ხალხის წინაშე, რომელსაც არც ერთი ნაბიჯი არ გადაუდგამს ქვეყნის სიყვარულის გარეშე, საკუთარი ქვეყნის წინსვლის სურვილის გარეშე, რომელსაც აქვს ძალიან ნათელი, კარგად წარმოდგენილი, ნაბიჯ-ნაბიჯ გაწერილი გეგმა, რა უნდა გავაკეთოთ მომავალი ოთხი წლის განმავლობაში, როგორ უნდ გავაუმჯობესოთ ჩვენი განათლების სისტემა, როგორ დავაფასოთ მეტად ჩვენი პედაგოგები, როგორ შევცვალოთ ინფრასტრუქტურა, როგორ გავაუმჯობესოთ კიდევ უფრო პირობები კერძო სექტორისთვის, მეტი დასაქმება მოვიტანოთ ქვეყანაში და როგორ უნდა შევცვალოთ ჩვენი ქვეყნის პოლიტიკური მმართველობის სისტემა, რომ მეტად იყოს ორიენტირებული თითოეული ადამიანის მომსახურებაზე. ჩვენ ჩვენი ქვეყნის, ჩვენი ხალხის მოსამსახურეები ვართ, მაგრამ ამავე დროს, გაცნობიერებული გვაქვს ის როლი, რომელიც ჩვენ დაგვეკისრა და გულისხმობს იმას, რომ დღეიდან ოთხი წლის თავზე, ჩვენ უნდა მივიყვანოთ დანიშნულების ადგილას ჩვენი ქვეყანა და ეს დანიშნულების ადგილი უნდა იყოს გაჩირაღდნებული, აგუგუნებული, გაფერადებული, დაქოქილი ქვეყანა, რომელიც კეთილდღეობას მიიტანს ყველა თქვენგანის ოჯახში. ეს არის ჩვენი მიზანი", - განაცხადა პრემიერ-მინისტრმა.  მთავრობის მეთაურმა ისაუბრა ახალი, კომპლექსური სარაგბო ბაზის შესახებ, რომელიც მარტყოფში დღეს გაიხსნა და განაცხადა, რომ რაგბი არის სპორტის ის სახეობა, რომელშიც ყველაზე მეტად არის გამოხატული ადამიანების გვერდში დგომა. "სწორედ ეს არის ქართველების დამახასიათებელი ყველაზე საჭირო თვისება, რომელიც უნდა გამოვიჩინოთ დღეს და ყველას, ვინც ქართველი ხალხისგან, საქართველოს მოსახლეობისგან პასუხს ელოდება, 8 ოქტომბერს უნდა ვუთხრათ - ჩვენ გავაცნობიერეთ ის წარმატებები, რომლებსაც მივაღწიეთ, ვუფრთხილდებით ამ წარმატებებს, უნდა შევინარჩუნოთ ყველაფერი კარგი და კიდევ უფრო სწრაფად უნდა განვავითაროთ ჩვენი ქვეყანა, მაგრამ ისე, რომ არც ერთი უდანაშაულო ცრემლი აღარ უნდა ვნახოთ საქართველოში. ყველა ბავშვი უნდა ვნახოთ გაღიმებული, ჩვენ უნდა შევუნარჩუნოთ ღირსება ჩვენს ხალხს და ხელის გულზე ვატაროთ ყველა ის სანუკვარი გრძნობა, სითბო, რომელიც ჩვენს ქვეყანაში არის, რომლის მოსპობასაც სამწუხაროდ შეეცადნენ, მაგრამ ვერ შეძლეს, იმიტომ, რომ ყველა ჩვენგანის გულში სანთელივით, ჩირაღდანივით ანთია, ის ერთმანეთის გაფრთხილების ყველაზე ძვირფასი გრძნობა, რომელიც ჩვენმა წინაპრებმა შემოგვინახეს. ამას გავუფრთხილდეთ, მეგობრებო, და თუ ამას გავუფრთხილდებით, ყოველთვის ვიქნებით წარმატებულები, ყოველთვის მოვიტანთ უკეთეს მომავალს ჩვენი ქვეყნისთვის. ეს არის, რისიც მე მჯერა ჩემი გონების, ჩემი სხეულის ყველა უჭერდით და ამით ვცოცხლობ, ამით ვსუნთქავთ ეს გუნდი, რომელსაც ახლა ხედავთ და ამიტომ მჯერა, რომ ეს ყველაფერი, რაზეც ჩვენ ვსაუბრობთ, რეალური იქნება", - მიმართა პრემიერმა მოსახლეობას და მოუწოდა, მხარი დაუჭირონ "ქართული ოცნების" გამორჩეულ კანდიდატებს - კობა კობალაძეს, ლევან კობიაშვილსა და ლევან კობერიძეს. გიორგი კვირიკაშვილის შეფასებით, თითოეული მათგანი, საამაყო ადამიანია.  "კობა გამორჩეული პატრიოტია, გენერალი კობალაძე არის ადამიანი, რომელსაც დიდი დამსახურება აქვს საკუთარი ქვეყნის წინაშე; ადამიანი, რომელმაც საკუთარი სიცოცხლე ძალიან დიდი რისკის ქვეშ დააყენა და არის გმირი, ყველა მისი თანატოლისთვის და არა მხოლოდ მათთვის", - განაცხადა გიორგი კვირიკაშვილმა. პრემიერის შეფასებით, გამორჩეული პარლამენტარი იქნება ლევან კობიაშვილი, რომელიც ყველასთვის ძალიან საყვარელი ადამიანია. "მან არაერთი გამორჩეული წუთი აჩუქა ჩვენს ქვეყანას, თითოეულ ჩვენგანს, ბევრი სიხარული მოგვიტანა ჩვენ და არის ადამიანი, რომელიც გულანთებული დაიცავს თითოეული თქვენგანის ინტერესს საქართველოს პარლამენტში", - განაცხადა პრემიერ-მინისტრმა. ძალიან პერსპექტიული ახალი ქართველი პოლიტიკოსი, რომელიც ქართულ პოლიტიკაში თავის სიტყვას იტყვის, - ასე შეაფასა პრემიერ-მინისტრმა ლევან კობერიძე. "ლევანი არის განსაკუთრებული ადამიანი, გამორჩეული ახალგაზრდა კაცი, სტრატეგიული მარკეტინგის პროფესიონალი, რომელმაც ძალიან სერიოზული გამოცდილება მიიღო კერძო სექტორში მუშაობით და, კობასთან და ლევანთან ერთად, არის ჩვენი გუნდის გამორჩეული წევრი", - განაცხადა გიორგი კვირიკაშვილმა.

ქართული ოცნების წევრები დიპლომატიური კორპუსის წარმომადგენლებს შეხვდნენ. „ქართული ოცნება-დემოკრატიული საქართველოს“ წევრები საქართველოში აკრედიტებული დიპლომატიური კორპუსის წარმომადგენლებს შეხვდნენ. პარტიის აღმასრულებელი მდივნის ირაკლი კობახიძის განცხადებით, დიპლომატებთან ქვეყანაში არსებულ წინასაარჩევნო გარემოზე ისაუბრეს. “მათ ვესაუბრეთ მიმდინარე პროცესებთან დაკავშირებით, მათ შორის მივაწოდეთ ინფორმაცია იმ გეგმებთან დაკავშირებით, რომლებზეც ჩვენ ვსაუბრობთ. საუბარია დესტაბილიზაციის გეგმაზე, რომელიც აქვს „ნაციონალურ მოძრაობას“. გვქონდა ძალიან კონსტრუქციული საუბარი. ძალიან მნიშვნელოვანია, დიპლომატიური კორპუსის, ჩვენი საერთაშორისო პარტნიორების ჩართულობა, რათა თავიდან ავირიდოთ ყოველგვარი ექსცესი, ყოველგვარი დესტაბილიზაცია და ჩვენ ეს არჩევნები ჩავატაროთ მაქსიმალურად მშვიდ და სამართლიან გარემოში”, - განაცხადა ირაკლი კობახიძემ.

ქართული ოცნება გმობს ე.წ. ნაციონალისტური ჯგუფების მიერ მოწყობილ აქციას. ეს არის ქვეყნის უსაფრთხოების წინააღმდეგ განხორციელებული აქცია. აუცილებელია, რომ შესაბამისმა ორგანოებმა მოახდინონ ფაქტის გამოძიება და შესაბამისი სამართებრივი რეაგირება. კატეგორიულად მიუღებელია ჩვენი საზოგადოებისთვის ყოველგვარი ძალადობა და აქცია, რომელიც მიმართულია შუღლის გაღვივებისა და ქვეყნის დესტაბილიზაციისკენ.

"ქართული ოცნება-დემოკრატიული საქართველოს" წევრებმა საქართველოს ერთიანობისთვის ბრძოლაში დაღუპულ გმირებს პატივი მიაგეს.მათ გმირთა მემორიალი ყვავილებით შეამკეს და განაცხადეს, რომ საქართველოს გამთლიანებისთვის ძალებს არ დაზოგავენ.    „27 სექტემბერი საქართველოს ისტორიაში უმძიმესი დღეა, ჩვენ ყველაფერი უნდა გავაკეთოთ, რომ მათი სულები ყოველთვის ნათელში იყოს ჩვენი ქვეყნის სიძლიერით, განვითარებით.“ - განაცხადა პარტიის გენერალურმა მდივანმა, კახი კალაძემ.  „ჩვენ ყველას უნდა გვახსოვდეს ჩვენი გმირები და ყველამ უნდა დავდოთ თითო აგური ჩვენი ქვეყნის გაძლიერებასა და გამთლიანებისთვის“. - განაცხადა ირაკლი კობახიძემ.

ორი კვირა გვაშორებს ძალიან მნიშვნელოვან არჩევნებს, ამ არჩევნებმა უნდა გასცეს პასუხიკითხვას „ქართული ოცნების“ მიერ ქვეყანაში მიღწეული ძალიან დიდი გარდატეხა იყო თუ არა მნიშვნელოვანი საქართველოს უახლეს ისტორიაში, არის თუ არა მნიშვნელოვანი, რომ დღეს გვაქვს ძალადობისგან თავისუფალი წინასაარჩევნო გარემო, ერთმანეთს აღარ ვერჩით, არ არის დევნა არც ერთი ადამიანის, ვისაც საწინააღმდეგო აზრი აქვს, - ამის შესახებ საქართველოს პრემიერ-მინისტრმა, პარტია „ქართული ოცნების“ თავმჯდომარემ, გიორგი კვირიკაშვილმა გურჯაანში, ამომრჩევლებთან შეხვედრაზე განაცხადა. „მოგესალმებით, გურჯაანელებო დიდი სიყვარულით. მიხარია, რომ ამდენ მხარდამჭერს ვხედავ“,- მიმართა გიორგი კვირიკაშვილმა შეხვედრაზე შეკრებილ მოსახლეობას. როგორც კვირიკაშვილმა აღნიშნა, ყველაფერი ეს ქართველმა ხალხმა დაიმსახურა, ეს არის ის, რაც მიღწეულია უდიდესი ძალისხმევის,გმირული ნაბიჯის შედეგად, რომელიც ბიძინა ივანიშვილმა გადადგა „ხუთი წლის წინ, ზუსტად შემოდგომაზე, ამ დროს, ქართველი ხალხის თავდადებამ მოიტანა ის შედეგი, რომ დღეს საქართველოში არის თვისობრივად განსხვავებული წინასაარჩევნო გარემო. ორი კვირა დარჩა არჩევნებამდე და მინდა, როგორც თქვენმა მეგობარმა გთხოვოთ, ყველა თქვენგანს, არ ავყვეთ ნერვებს. ძალიან უნდათ ჩვენი მდგომარეობიდან გამოყვანა, ძალიან უნდათ, რომ დაემსგავსოს წინასაარჩევნო პროცესი იმას, რაც იყო საქართველოში არაერთხელ, მათ შორის 2012- ში, მაგრამ ვერ მიაღწევენ ამას. ქართველი ხალხი დღეს სულ სხვანაირად უყურებს პოლიტიკას, ქართველი ხალხის გემოვნება, მოთხოვნები პოლიტიკოსების მიმართ არის შეცვლილი. დღეს ადამიანებს არ მოსწონთ, თუ ვინ ვინ დაჩაგრა, ვინ ვის უფრო მეტი შეურაცხყოფა მიაყენა, ხალხს სიმშვიდე სჭირდება, ხალხს სჭირდება ხვალინდელ დღეზე, შვილების, შვილიშვილების უკეთეს მომავალზე ფიქრი და ზრუნვა. ეს არის ყველაზე დიდი მონაპოვარი, რომელიც„ქართულმა ოცნებამ“ მოიტანა. ეს არის ძალიან დიდი დამსახურება ქართველი ხალხის და, რა თქმა უნდა, ხელისუფლების“,-აღნიშნაგიორგი კვირიკაშვილმა. მისივე თქმით, დიდი მონაპოვარია ისიც, ისეთ სასიცოცხლოდ მნიშვნელოვან საკითხებს, როგორიც არის ჯანმრთელობის დაცვა, სოფლის მეურნეობა, რომელიც უმნიშვნელოვანესია საქართველოსთვის, მიექცა ყველაზე დიდი ყურადღება . „ყველაზე დიდი რესურსი დაიხარჯა იმაში, რომ ჩვენს თანამოქალაქეებს აღარ ქონდეთ საფიქრალი, ბინა გასაყიდი, დასაგირავებელი ,როცა მათ ოპერაციის გაკეთება ჭირდებათ. თავისუფლად შეიძლება, სახელმწიფო პროგრამების მეშვეობით წამოიწყო სასოფლო-სამეურნეო ბიზნესი და ოჯახი არჩინო. უამრავი პროგრამა არსებობს მცირემიწიან ფერმერთა დახმარებისთვის - გრძელვადიანი შეღავათიანი კრედიტები, დანერგე მომავალი მრავალწლიანი კულტურების გასაშენებლად და ასე შემდეგ . ეს ძალიან დიდი მიღწევაა და ამაში დიდირესურსი დაიხარჯა. ჩვენი ბიუჯეტის თითქმის მესამედი იხარჯება მოქალაქეების ჯანდაცვაზე და სოციალურ მიმართულებებზე . „ეს გავაკეთეთ იმიტომ, რომ სითბო გვეჩვენებინა ჩვენი ხალხისთვის. ეს იყო ყველაზე დიდი მოთხოვნა 2012 წელს ახალი მთავრობის მხრიდან . რა თქმა უნდა, ჩვენ ვერ ვიქნებით კმაყოფილი იმით, რაც ამ ოთხი წლის განმავლობაშია მიღწეული, ძალიან ბევრი რამ არისგასაკეთებელი, რომ ყველა ოჯახმა იგრძნოს ქვეყნის განვითარების პროცესი, კეთილდღეობა მივიდეს ყველა ოჯახში. სწორედ ამისთვისჩვენ გვაქვს სრულიად ახალი, ოთხ წელზე გათვლილი გეგმა, რომელის დასრულებისას მივიღებთ თვისობრივად განვითარებულიქვეყანას, ხარისხობრივად განსხვავებული განათლების სისტემით, განახლებული და განსხვავებული ევროპული ხარისხისინფრასტურქტურით და მმართველობითი სისტემით, რომელიც იქნება ადამიანზე კიდევ უფრო მეტად ორიენტირებული და, რომელიცკიდევ უფრო მეტ ყურადღებას დაუთმობს, თუ რა გვჭირდება ჩვენ რეგიონებში“,-აღნიშნა გიორგი კვირიკაშვილმა. როგორც პრემიერ-მინისტრმა განაცხადა, სწორედ ამ ყველაფრისთვის გვჭირდება მშვიდობა, სტაბილურობა და არა მხოლოდ მშვიდობა,არამედ სიმშვიდე. „არ შეიძლება,საზოგადოება მუდმივად იყოს დაპირისპირების რეჟიმში. ჩვენ ვადევნებდეთ თვალ-ყურს, რომელმა პოლიტიკოსმა რომელიდაჩაგრა.  ეს უნდა ჩაბარდეს წარსულს. ნელ-ნელა მიდის ეს უკვე წარსულისკენ, მაგრამ ერთეული ინციდენტები ხდება. დარწმუნებულივარ, რომ საქართველო მთლიანად გადაშლის თავისი ისტორიის ყველაზე უარყოფით გვერდს, რასაც ჰქვია სამოქალაქოდაპირისპირებები, კონფრონტაცია ადამიანებს შორის, გაერთიანდება ერთ მუშტად, შეკრებს ყველა იმ დადებით ენერგიას , რომელიცთითოეულ ჩვენგანში, აი, აქ მდგომ ადამიანებში არსებობს და მიმართავს ჩვენი ქვეყნის უკეთესი მომავლის მშენებლობისკენ.დარწმუნებული ვარ, რომ სწორედ ასეთი პარლამენტი გვეყოლება ჩვენ 2016-დან 2020 წლამდე. დარწმუნებული ვარ, რომ ადამიანი,რომელიც გურჯაანელების ინტერესს წარმოადგეს მომავალ პარლამენტში, იქნება სწორედ ასეთი კაცი - ეს არის დავით სონღულაშვილი.მივესალმოთ და აუცილებლად მხარდავუჭიროთ მას, რათა ყველაფერი, რაზეც მე ვისაუბრე, გახდეს რეალობა ქვეყანაში“- განაცხადაპარტია „ქართული ოცნების“ თავმჯდომრემ. მისივე თქმით, მთავრობას სჭირდება ძლიერი პოლიტიკური მხარდაჭერა პარლამენტის მხრიდან და საკანონმდებლო ორგანაშიაუცილებელია ისეთი კვალიფიციური ადამიანების მოსვლა, როგორიც დავით სონღულაშვილია. „მე უკვე დავითს ვიცნობ 20 თუ არა, 17 წელი ნამდვილად. ის იყო ყოველთვის და დღესაც არის გამორჩეული, ნიჭიერი ახალგაზრდაკაცი, რომელმაც განათლება მიიღო, როგორც საქართველოში, ასევე უცხოეთის წამყვან უნივერსტეტებში. მას აქვს ძალიან კარგიგამოცდილება, მათ შორის კერძო სექტორშიც. დარწმუნებული, ვარ თავის გამოცდილებას და, რაც მთავარია, უამრავ პოზიტიურ, დადებით თვისებას მოახმარს თითოეული თქვენგანის ინტერესების საქართველოს პარლამენტსა და მთავრობაში“,-აღნიშნა გიორგიკვირიკაშვილმა. გიორგი კვირიკაშვილის თქმით, სრული პასუხისმგებლობით აცხადებს, რომ ოთხი წლის თავზე თვისობრივად, ხარისხობრივადგანსხვავებულ ქვეყანას მივიღებთ. „ჩვენ ვიცით, ეს როგორ გავაკეთოთ, ჩვენ ზუსტი, ნაბიჯ-ნაბიჯ გაწერილი გეგმა გვაქვს ამისათვის. ინფრატსრუქტურული განვითარების გეგმაუკვე მზად არის. კიდევ ხუთი მილიარდი დოლარი დაიხარჯება დამატებით, გარდა იმისა, რაც დღეს იხარჯება ბიუჯეტით ქვეყნის სივრცითგანვითრებაზე, კეთილმოწყობაზე, სატრანზიტო გზების, ტურისტული გზების მშენებლობაზე, გურჯაანი, როგორც ისტორიულად ყველაზემნიშვნელოვანი კვანძი, სატრანზიტო ადგილი, დაიბრუნებს თავის ფუნქციას. ტრანზიტი არ იქნება მხოლოდ სარფიდან წითელი ხიდისკენდა სადახლოსკენ მიმავალი გზა, არამედ ეს იქნება აუცილებლად თბილისიდან კახეთის გავლით, აზერბაიჯანისკენ მიმავალი გზაც; ესიქნება აუცილებლად თბილისიდან ლარსის მიმართულებით თანამედროვე ავტობანის აშენება, ქუთაისის ჩრდილოეთ და სამხრეთსაქართველოსთან დამაკავშირებელი გზები; ანაკლიის პორტის პირველი ფაზა, რომელიც გააორმაგებს საქართველოს სატრანზიტოპოტენციალს; ეს იქნება აუცილებლად მოდერნიზებული რკინიგზა, რომელიც თანამედროვე სტანდარტებით გადაიყვანს მგზავრებს დატვირთების გადაზიდვას მოახდენს; ეს იქნება მცირე საოჯახო სასტუმროების, თუ საშუალო სასტუმროების ქსელების განვითარება,რომელიც ქვეყანაში ტურიზმს სრულიად ახალ საფეხურზე გადაიყვანს; ეს იქნება მშვიდობა, სტაბილურობა და სიმშვიდე ჩვენს გულებში,ჩვენს ოჯახებში, მეტი სიყვარული ადამიანებს შორის, გაერთიანება, ერთ მუშტად შეკრული ქვეყანა, გაერთიანებული, ძლიერისაქართველოს ნათელი მომავლისკენ მიმავალი, ადამიანის სიყვარულით აშენებული ქვეყანა. ამას გპირდებით ჩვენ უპირველეს ყოვლისა“,-განცხადა გიორგი კვირიკაშვილმა. საქართველოს პრემიერ-მინისტრის განცხადებით, ერთმანეთის გვერდით დგომით, დადებითი ენერგიების გაერთიანებით მივაღწევთსაქართველოს უკეთეს ხვალინდელ დღეს.  „არც ერთი უსამართლოდ დაღვრილი ცრემლი აღარ იქნება საქართველოში. ჩვენ ისე მივაღწევთ ყველაფერს ამას, რომ ადამიანებისზურგზე არ გადავივლით, ღირსებას არ გავთელავთ, ქართველ კაცს შევუნარჩუნებთ იმ საუკეთესო თვისებებს, რომლებიც ჩვენ გვაქვსისტორიულად - ერთმანეთის გატანა, მეტი სიყვარული, მეტი სითბო. ამის პირობას გაძლევთ. ყველაზე მეტად შემზარავი ის არის, როცადაზაფრულ, ბავშვების დამწუხრებულ სახეებს ვუყურებთ. ამის გაგრძელების რესურსი ქვეყანას აღარ გააჩნია. დღეს უნდა გავერთიანდეთ.ჩვენი შვილები უნდა გავაცინოთ, უკეთესი ქვეყნის მომავლით ავავსოთ მათი გულები, მათი გონება. სწორედ ასე, ერთმანეთის გვერდითდგომით, დადებითი ენერგიებისს გაერთიანებით მივაღწევთ ჩვენი ქვეყნის უკეთეს ხვალინდელ დღეს სხვანაირად არ შეიძლება“,-განაცხადაგიორგიკვირიკაშვილმა. გურჯაანის მოსახლეობას სიტყვით ასევე მიმართა „ქართული ოცნება-დემოკრატიული საქართველოს“ გენერალურმა მდივანმა კახა კალაძემ. კახა კალაძე დაწრმუნებულია, რომ საზოგადოების ერთიანობითა და „ქართული ოცნების“ გამარჯვებით, ქვეყნის დემოკრატიული გზით განვითარება კიდევ უფრო სწრაფი ნაბიჯებით გაგრძელდება.      

აუცილებლად უნდა მივიდეთ არჩევნებზე. მივიდეთ, დავაფიქსიროთ ჩვენი ხმა და ჩვენი აგური დავდოთ საქართველოს მომავალი განვითარების დღის წესრიგში,-ამის შესახებ საქართველოს პრემიერ-მინისტრმა დედოფლისწყაროს მოსახლეობასთან შეხვედრაზე განაცხადა. „ქართული ოცნება-დემოკრატიული საქართველოს“ თავმჯდომარემ, გიორგი კვირიკაშვილმა დედოფლისწყაროელებს მაჟორიტარი დეპუტატობის კანდიდატი ირაკლი შიოლაშვილი წარადგინა. საქართველოს მთავრობის მეთაურმა ამომრჩეველს მხარდაჭერისკენ და არჩევნებში მონაწილეობისკენ მოუწოდა. მისი თქმით, არცერთი ადამიანის ხმა დასაკარგი არ არის. "დღეს არის აბსოლუტურად წყნარი საარჩევნო გარემო და მთავარი გამოწვევა არის ის, რომ ნერვებმა არ უმტყუნოს არავის და მშვიდად მივიდეთ არჩევნებამდე.  თითქმის ორი კვირა დარჩა არჩევნებამდე, რომელში მონაწილეობაც უმნიშვნელოვანესია. საარჩევნო უბანზე ჩვენი არ მისვლით, არავის ვაჩუქოთ ჩვენი ხმა. დღეს გამორიცხულია არჩევნების გაყალბება, მაგრამ ყველა არ მისული ადამიანი, არის დაკარგული ხმა. ამიტომ, ერთადერთი რაც ჩვენ გვინდა, რომ ჩვენს მხარდამჭერებს მოუწოდოთ, არის ის, რომ არცერთი ხმა არ დავკარგოთ და ყველა ხმა მიიღოს იმ ადამიანმა და იმ პარტიამ, რომელსაც ამომრჩეველი უჭერს მხარს“,-აღნიშნა გიორგი კვირიკაშვილმა.  პრემიერ-მინისტრის თქმით, დღეს საქართველოს სჭირდება პატრიოტი, საქმიანი ადამიანები, სწორედ ისეთები, როგორიც ირაკლი შიოლაშვილია. „ ირაკლის ყველა თქვენგანი იცნობს. ალბათ უხერხულიც კი იქნება მე რომ ვილაპარაკო თქვენთან მის შესახებ. ის არის მართლაც ძალიან აქტიური ადამიანი, არცერთი დღე არ მოუსვენებია აღმასრულებელი ხელისუფლება ამ რეგიონის პრობლემების მოსაგვარებლად. მე დარწმუნებული ვარ, რომ ის იქნება ღირსეული წარმომადგენელი, ყველა თქვენგანის ხმის მიმტანი საქართველოს პარლამენტში“,-განაცხადა პარტიის თავმჯდომარემ.  დედოფლისწყაროს მოსახლეობას სიტყვით ასევე მიმართა „ქართული ოცნება-დემოკრატიული საქართველოს“ გენერალურმა მდივანმა კახა კალაძემ. კახა კალაძემ 8 ოქტომბრის არჩევნების მნიშვნელობას გაუსვა ხაზი და ადგილობრივებს მოუწოდა ამ დღეს საკუთარი მოქალაქეობრივი ვალი დააფიქსირონ. “მადლობას მოგახსენებთ მობრძანებისთვის. მე მინდა გთხოვოთ ყველას, თითოეულ თქვენთაგანს, რომ ძალიან მნიშვნელოვანია მივიდეთ 8 ოქტომბერს და დავაფიქსიროთ ჩვენი მოქალაქეობრივი ვალი. ჩვენ შევცვალეთ ის მძიმე რეალობა, რომელიც იყო ქვეყანაში 2012 წლამდე. დღეს უკვე, ისე როგორც ნორმალურ, განვითარებულ ქვეყნებში ხდება, არჩევნების გზით, ნებისმიერ მოქალაქეს აქვს შესაძლებლობა კარგად განიხილოს ყველა პოლიტიკური პარტიის მიერ წარმოდგენილი გეგმა ქვეყნის განვითარების და კარგი დაფიქრების შემდეგ მიიღოს სწორი გადაწყვეტილება, თუ ვის უნდა ანდონ ქვეყნის მმართველობა ხვალ. მე დარწმუნებული ვარ, საქართველოს მოქალაქეები მიიღებენ სწორ გადაწყვეტილებას და ეს იქნება თავისუფლება, ქვეყნის სწრაფი განვითარება და კეთილდღეობა. მე დარწმუნებული ვარ, ჩვენ ყველა ერთად ვიზეიმებთ იმ დიდ გამარჯვებას, რასაც პარტია „ქართული ოცნების“ გამარჯვება ჰქვია და ეს იქნება თითოეული ჩვენი ქვეყნის მოქალაქის გამარჯვება, რადგან ამ გუნდის გამარჯვება ნიშნავს საქართველოში თითოეული მოქალაქის კეთილდღეობას“,-განაცხადა პარტიის ცენტრალური შტაბის უფროსმა.  მაჟორიტარი დეპუტატობის კანდიდატმა ირაკლი შიოლაშვილმა „ქართული ოცნების“ გუნდს გამოცხადებული ნდობისთვის მადლობა გადაუხადა. ამასთან, სიტყვით გამოსვლისას ირაკლი შიოლაშვილმა კახეთის რეგიონში განხორციელებულ მნიშვნელოვან პროექტებზე ისაუბრა. „მადლობა მინდა მოვახსენო ბატონ პრემიერს ჩამობრძანებისთვის, ამ დიდი ნდობისთვის. მე მინდა მადლობა ვუთხრა საქართველოს მთავრობას, რომელთან ერთადაც ჩვენ ვიმუშავეთ, თითოეულმა ჩვენთაგანმა, ჩემი სახით, როცა ვიყავით გუბერნატორი, როცა ვიყავი გამგებელი. დიახ, ჩვენ ვთქვით და პირველი რაიონი იყო დედოფლისწყარო, სადაც საბავშვო ბაღები გავხადეთ უფასო. სწორედ დედოფლისწყაროდან მიეცა საფუძველი უფასო ბაგა-ბაღებს.3 თვის შემდეგ უკვე მთელს საქართველოში საბავშო ბაღები გახდა უფასო და ეს თქვენთან ერთად, დედოფლისწყაროელებთან ერთად გავაკეთეთ. მოვყევით და ყველა სკოლას ხელი დავატყვეთ. განსაკუთრებით მინდა ვთქვა, ჩვენ შევქმენით კახეთისთვის სეტყვის საწინააღმდეგო სისტემა. სისტემა, რომელმაც, თუნდაც რამდენიმე დღის წინ სრულიად კახეთი დაიცვა ძალიან დიდი საშიშროებისგან. ჩვენ ვიყავით და ვართ ის მთავრობა, რომელმაც მილების ამოღებისა და ჯართში ჩაბარების ნაცვლად დაიწყო მელიორაციის სისტემის აღდგენა. თუ გვინდა მაღალმოსავლიანი კახეთი, აუცილებელია მელიორაციის სისტემებზე მუშაობა. დიახ, ჩვენ შევძელით ის, რომ იმ სოფლებში,სადაც ელექტროენერგია საერთოდ არ ყოფილა, ბატონ კახა კალაძესთან, ენერგეტიკის სამინისტროსთან ერთად, რამდენიმე სოფელში, ნანატრი ელექტროენერგია მივიყვანეთ. დიახ, ჩვენ შევძელით ის, რომ რამდენიმე სოფელში, სადაც ბუნებრივი აირი საერთოდ არ ყოფილა, ამ სოფლების გაზიფიცირება მოვახდინეთ.ამასთან, დარწუნებული ვარ, რომ ქედების ზონაში, ჩვენ ძალიან მალე ბუნებრივი აირი გვექნება. ჩვენი მომავალი სამუშაო გეგმა იქნება, რაც შეიძლება მეტი ტურისტი ჩვენს მხარეში. ეს იქნება გამოცოცხლება ჩვენი კუთხის და ჩვენი მხარის“,-აღნიშნა ირაკლი შიოლაშვილმა.  მაჟორიტარი დეპუტატობის კანდიდატმა ყურადღება ასევე გაამახვილა ჯანდაცვის მიმართულებით განხორციელებულ სახელმწიფო პროგრამებზე და აღნიშნა, რომ მთავრობამ საკუთარი დანაპირები შეასრულა-დედოფლისწყაროში ახალი საავადმყოფო იხსნება.

არჩევნების მეორე დღიდანვე ძალიან მაღალი ტემპით გაგრძელდება ქვეყნის სწრაფი განვითარების გეგმა, რომელიც დაწყებულია; სისწრაფე აუცილებელია, იმისათვის, რომ საქართველომ არ დაკარგოს რეგიონული უპირატესობები და კონკურენტუნარიანობა, რომელიც მას გააჩნია,-ამის შესახებ საქართველოს პრემიერ-მინისტრმა გიორგი კვირიკაშვილმა წნორის მოსახლეობასთან შეხვედრაზე განაცხადა. პარტია “ქართული ოცნება-დემოკრატიული საქართველოს” თავმჯდომარემ დღეს ადგილობრივ მხარდამჭერებს მაჟორიტარი დეპუტატობის კანდიდატი ირაკლი შიოლაშვილი წარუდგინა. გიორგი კვირიკაშვილმა განსაკუთრებული სიხარული გამოხატა წნორელებთან შეხვედრის გამო, სადაც, მისი თქმით, ბავშვობის წლები გაატარა. “როდესაც მეკითხებიან სადაური ხარო, არასოდეს ვამბობ, რომ წარმოშობით ქიზიყელი ვარ, ყოველთვის ვამბობ: ქიზიყელი ვარ! ყოველთვის მიხარია, როცა აქ ჩამოვდივარ, ჩემთვის ყველაფერი ნაცნობი და ახლობელია აქ და ძალიან თბილი გრძნობა მეუფლება იმიტომ, რომ მთელი ბავშობა აქ მაქვს გატარებული. ჩემთვის ძალიან ემოციურია აქ ყოფნა და მინდა, განსაკუთრებულად მოგეფეროთ და გამოვთქვა ჩემი სიყვარული და პატივისცემა ყველა თქვენგანის მიმართ,”-აღნიშნა პრემიერმა შეხვედრაზე.  მთავრობის მეთაური წნორის მოსახლეობას განხორციელებულ რეფორმებსა და სამომავლო გეგმებზე ესაუბრა. გიორგი კვირიკაშვილმა ხაზი გაუსვა საპარლამენტო არჩევნების მნიშვნელობას ქვეყნის სამომავლო განვითარების უზრუნველსაყოფად. “ორი კვირა გვაშორებს საპარლამენტო არჩევნებს, არჩევნებს რომელმაც უნდა დაადასტუროს არის თუ არა ის გზა სწორი, რა გზითაც ჩვენ მივდივართ; არჩევნებს, რომელმაც უნდა კიდევ ერთხელ განსაზღვროს საქართველოს მომავალი ოთხი წელი; არჩევნებს, რომელზეც ჩვენ მივდივართ პირნათელნი,”-განაცხადა გიორგი კვირიკაშვილმა. მისი თქმით, ხელისუფლებამ მნიშვნელოვანი ცვლილებები განახორციელა ჯანდაცვის, სოფლის მეურნეობის, მცირე და საშუალო ბიზნესის განვითარების კუთხით. “დღეს არის საფუძველი იმისთვის, რომ მომავალი 4 წლის განმავლობაში სწრაფი ნაბიჯებით შევცვალოთ ჩვენი ქვეყნის ინფრასტრუქტურა, უპირველეს პრიორიტეტად გამოვაცხადოთ განათლება, კიდევ უფრო მეტად დავაფასოთ ჩვენი პედაგოგები… და რაც ყველაზე მთავარია, ჩვენ ერთხელ და სამუდამოდ უნდა დავასრულოთ დაპირისპირება ერთმანეთში და მეტი სიყვარულით, მეტი მომავლის რწმენით გავაერთიანოთ ჩვენი საზოგადოება,”-აღნიშნა პრემიერმა.  გიორგი კვირიკაშვილის განმარტებით, მომდევნო 4 წელიწადში უნდა დასრულდეს ქვეყნის სატრანზიტო ინფრასტრუქტურა. “მათ შორის აღმოსავლეთ-დასავლეთის ჩქაროსნული მაგისტრალი. სარფიდან არა მარტო წითელი ხიდისა და სადახლოს მიმართულებით, არამედ თბილისიდან ლაგოდეხის მიმართულებით გამავალი ჩქაროსნული მაგისტრალი. იმისათვის, რომ კახეთმა დაიბრუნოს ის სატრანზიტო ფუნქცია, რომელიც მას ყოველთვის გააჩნდა.ეს არის აუცილებელი სამუშაო ადგილების შესაქმნელად, ეკონომიკის განსავითარებლად და იმისათვის, რომ ქვეყანამოძლიერდეს. აუცილებელი იქნება ტურისტული მიმართულებებით ევროპული სტანდარტის გზების გაყვანა, აუცილებელი იქნება ის, რაც ჩვენ დავიწყეთ- მცირე სასტუმროების ქსელების, საოჯახო სასტუმროების ქსელის განვითარების პროგრამა. ყველა ოჯახს უნდა შეეძლოს რამდენიმე ტურისტის მიღება მაინც ვისაც ამის სურვილი ექნება. ჩვენს ქვეყანაში დამწყებ ბიზნესმენს, ახალგაზრდას, რომელსაც გააჩნია იმის ნიჭი, რომ ახალი ბიზნესი წამოიწყოს, მშობლების ქონების დაგირავების გარეშე, უნდა ჰქონდეს საშუალება , რომ საკუთარი ბიზნესი წამოიწყოს ,”-განაცხადა მთავრობის მეთაურმა.  წნორში შეკრებილ მოსახლეობას სიტყვით ასევე მიმართა „ქართული ოცნება-დემოკრატიული საქართველოს“ გენერალურმა მდივანმა კახა კალაძემ და აღნიშნა, რომ გიორგი კვირიკაშვილის ლიდერობით „ქართული ოცნება“ ყველაფერს გააკეთებს, რათა ქვეყანაში არსებული ყველა პრობლემა მოგვარდეს. „მადლობას მოგახსენებთ თითოეულთქვენთაგანს დღეს აქ მობრძანებისთვის, მე არ შემიძლია არ შევეხო იმ ემოციებს, რომელიც ბატონ გიორგის ჰქონდა სიტყვის დაწყების წინ. მე ძალიან კარგად მესმის მისი, თუ რამდენად დიდ ემოციებს იწვევს ის, რომ გამოდიხარ სიტყვით იმ კუთხეში, სადაც დაიბადე და გაიზარდე. იმ ადამიანების წინაშე, რომელიც შენი სისხლი, ხორცი და გენია. მე ძალიან კარგად მესმის ეს ყველაფერი. მინდა თქვენ, თქვენს კუთხეს ძალიან დიდი მადლობა მოგახსენოთ, რომ ჩვენს ქვეყანას აჩუქეთ ისეთი ადამიანი, როგორიც გახლავთ გიორგი კვირიკაშვილი. ყოველგვარი პირფერობის გარეშე, თავისი ადამიანურობით, ადამიანი, რომელიც ორიენტირებულია სიკეთის კეთებით და იმ გუნდით, რომელიც წარმოდგენილია „ქართული ოცნების“ სახით, ჩვენი ლიდერის ხელმძღვანელობით, გიორგი კვირიკაშვილის სახით, ჩვენ გაძლევთ პირობას, რომ ყველაფერს გავაკეთებთ, რათა ყველა ის პრობლემა, რომელიც აწუხებს ჩვენს ქვეყანაში, ქალაქებში, რეგიონებში, სოფლებში, მცხოვრებ ადამიანებს, იქნება მოგვარებული. რა თქმა უნდა, ეს ყველაფერი გაკეთდება ეტაპობრივად“,-აღნიშნა კახა კალაძემ. მისივე თქმით, „ქართული ოცნების“ გუნდს კარგად ესმის, დარგების მიხედვით რა არის ქვეყანაში გასაკეთებელი. „თქვენ არ იფიქროთ, რომ ჩვენ ვართ თვითკმაყოფილი იმით, რაც ამ ოთხი წლის განმავლობაში გავაკეთეთ და მოვახერხეთ. კი გვესმის, რომ ბევრი კარგი საქმე გაკეთდა, ბევრი რეფორმა განხორციელდა სხვადასხვა დარგების მიმართულებით, მაგრამ ეს არ არის საკმარისი. ჩვენ კარგად ვიცით ყველა ის პრობლემა, რომელიც აწუხებს ჩვენი ქვეყნის მოქალაქეებს და ზუსტად თქვენი დახმარებით, სრულიად საქართველოს დახმარებით, ყველას ჩართულობით, ჩვენ შეგვიძლია ერთად მოვაგვაროთ. მნიშვნელოვანია, მივიდეთ ყველა საარჩევნო უბანზე და მივიღოთ გადაწყვეტილება: თავისუფლება, ქვეყნის სწრაფი განვითარება და კეთილდღეობა. ეს შეუძლია მხოლოდ და მხოლოდ ერთადერთ გუნდს, ერთადერთ ძალას ქვეყანაში და ეს არის პარტია „ქართული ოცნება“ გიორგი კვირიკაშვილის მეთაურობით. მე მინდა დაგარწმუნოთ ყველა, რომ ჩვენ 8 ოქტომბერს აუცილებლად გავიმარჯვებთ და ეს იქნება სრულიად საქართველოს გამარჯვება, რადგან პარტია „ქართული ოცნების“ გამარჯვება პირდაპირ კავშირშია საქართველოს თითოეული მოქალაქის კეთილდღეობასთან. მინდა გისურვოთ წარმატებები და მინდა გისურვოთ ყოველი დილა, რომელიც გვითენდება, თითოეული ჩვენთაგანისთვის იყოს ბედნიერი“,-განაცხადა კახა კალაძემ.

ვიძლევით პირობას, რომ ოთხი წლის თავზე, ჩვენ გვექნება თვისობრივად განსხვავებული საქართველო, თავისი ინფრასტრუქტურით, თავისი კეთილმოწყობით,-ამის შესახებ „ქართული ოცნება-დემოკრატიული საქართველოს“გენერალურმა მდივანმა კახა კალაძემ განაცხადა საგარეჯოში, სადაც ადგილობრივებს მაჟორიტარი დეპუტატობის კანდიდატი რომან მუჩიაშვილი წარუდგინა. კახა კალაძემ მოსახლეობას „ქართული ოცნების“ გუნდის მიერ ოთხი წლის განმავლობაში განხორციელებულ პროექტებზე მიაწოდა ინფორმაცია.  „ძალიან ბევრი რთული ბარიერების გადალახვა მოგვიწია, თუმცა, შეგვიძლია თავაწეულებმა ვიაროთ იმ განხორციელებული პროექტებით, იმ განხორციელებული რეფორმებით, რომელიც ჩვენ ყველამ ერთად გავაკეთეთ და მოვახერხეთ. ნამდვილად საამაყოა, ის რომ დღეს საქართველოში თითოეული ჩვენი ქვეყნის მოქალაქე არის დაზღვეული.ჩვენ ძალიან მნიშვნელოვანი რეფორმა განვახორციელეთ ჯანდაცვის მიმართულებით. ჩვენ გვახსოვს ის წლები, როცა ქვეყანაში ადამიანები უფულობის გამო, უსახსრობის გამო, ჩვენდა სამწუხაროდ, საოპერაციო მაგიდებზე იღუპებოდნენ. იყო შემთხვევები, როდესაც ოპერაციების საჭიროების შემთხვევაში ადამიანებს სჭირდებოდათ სახლის დაგირავება, სახლის გაყიდვა იმისთვის. დღეს ეს პრობლემა სრულიად მოხსნილია თითოეული ჩვენგანისთვის. საჭიროების შემთხვევაში ექიმის მომსახურება, საავადმყოფოს მომსახურება, ეს ყველაფერი არის უფასო. ეს პროგრამა, რა თქმა უნდა, მომავალშიც გაგრძელდება, კიდევ უფრო დაიხვეწება, კიდევ უფრო ხელმისაწვდომი გახდება თითოეულიჩვეგანისთვის“,-განაცხადა პარტიის გენერალურმა მდივანმა. კახა კალაძემ ასევე ყურადღება გაამახვილა C ჰეპატიტის პროგრამაზე. „ ჩვენ დავიწყეთ ასევე უპრეცედენტო პროექტის განხორციელება, ეს არის c ჰეპატიტის ელიმინაციის პროგრამა. ჩვენდა სამწუხაროდ, დღეს საქართველოში 200 000 მეტი ადამიანი არის დაავადებული ამ მძიმე სენით. საქართველოს მთავრობამ ამერიკის შეერთებული შტატების მთავრობასთან ერთად მიიღო გადაწყვეტილება, რომ ამ ადამიანებს დაეხმაროს. ძალიან ძვირი ჯდება მკურნალობა, ერთი მედიკამენტის ფასი დაახლოებით 65 000 ამერიკული დოლარი ღირს და ამ ადამიანებს არანაირი შესაძლებლობა არ გააჩნიათ იმისა, რომ ეს მედიკამენტები შეიძინონ და იმკურნალონ. დღეს უკვე დაახლოებით 10 000 ადამიანმა ისარგებლა ამ პროგრამით და რაც ყველაზე მთავარი და მნიშვნელოვანია, ისინი სრულიად განიკურნენ. ყველა ხარჯი თავის თავზე აიღო საქართველოს ხელისუფლებამ. ჩვენ 4 წლის თავზე, შევძლებთ, რომ საქართველოში არ გვეყოლება არც ერთი ადამიანი ამ მძიმე სენით დაავადებული. ჩვენ შევძლებთ იმას, რომ თითოეულ მათგანს, სრულიად ჯანმრთელს, სრულიად ჯანსაღებს დავუბრუნებთ თავიანთ ოჯახებს და საზოგადოებას“,-განაცხადა პარტიის ცენტრალური შტაბის უფროსმა. კახა კალაძემ სიტყვით გამოსვლისას ასევე ისაუბრა პენსიების მატებისა და დასაქმების პროგრამებზე. „თქვენ იცით, რომ პენსიები 1 ივლისიდან გახდა 180 ლარი. მე ძალიან კარგად მესმის, ის რომ ეს შეიძლება არ იყოს ისეთი დიდი თანხა, როგორც ნორმალურ, განვითარებულ ქვეყნებში აქვთ, მაგრამ ეს არის გაცილებით მეტი, ვიდრე ეს იყო 2012წელს და, რა თქმა უნდა, მომავალ წლებში, ქვეყნის ეკონომიკურ განვითარებასთან ერთად, ამ მიმართულებითაც იქნება მატება. ჩვენი მთავარი მიზანი და ამოცანა არის ის, რომ ქვეყანა გავაძლიეროთ ეკონომიკურად , ქვეყანა წინ წავიდეს, რადგან შესაძლებელი იყოს ასეთი პროექტების განხორციელება. დღეს რა აწუხებს ყველაზე მეტად ჩვენი ქვეყნის მოსახლეობას- ეს არის უმუშევრობა, ეს არის ახალი სამუშაო ადგილები და ზუსტად ჩვენი ხელისუფლების ამოცანა, მთავარი მიზანი გახლავთ ახალი სამუშაო ადგილების შექმნა. ჩვენ გავეცით დაპირება, რომ მომავალი 4 წლის განმავლობაში ქვეყანაში შეიქმნება დაახლოებით 200 000 ახალი სამუშაო ადგილი. ბოლო 4 წლის განმავლობაში მცირე და საშუალო ბიზნესისგანვითარების კუთხით, მხოლოდ კერძო სექტორში შეიქმნა დაახლოებით სამოცდახუთიათასი ახალი სამუშაო ადგილი.ჩვენ გვესმის რომ, ეს არ არის ძალიან ბევრი იმ პრობლემასთან მიმართებაში, რაც ჩვენ უმუშევრობასთან დაკავშირებით გვაქვს,მაგრამ ეს არის სწორი გზა,სწორი მიმართულება იმისთვის, რომ ქვეყანაში ამ მიმართულებით, რაც ჩვენ უმუშევრობასთან დაკავშირებით პრობლემები გვაქვს იყოს მოგვარებული“-აღნიშნა მან. კახა კალაძემ ასევე ისაუბრა სოფლის მეურნეობის მიმართულებით სახელმწიფო დახმარებაზე. „ჩვენ აუცილებლად გავაგრძელებთ სოფლის მეურნეობის მიმართულებით ხელშეწყობას,იმ პროგრამების გაგრძელებას,რითაც დღეს ჩვენი ქვეყნის მოსახლეობა სარგებლობს და ზუსტად რეგიონში, რაიონში სოფლად მცხოვრებმა ადამიანმა იცის ყველაზე კარგად თუ რამდენად მნიშვნელოვანია სოფლის მეურნეობის მიმართულებით ხელშეწყობა. ჩვენ ხომ ყველას კარგად გვახსოვს რა ხდებოდა წლების განმავლობაში ამ დარგში. მე ნამდვილად მეამაყება ის, რომ ბოლო ოთხი წლისგანმავლობაში ჩვენ იმდენი მიწა დავამუშავეთ, რაც ოცი-ოცდახუთი წლის განმავლობაში საერთოდ არ მომხდარა ქვეყანაში.უფასო ხვნა-თესვის პროგრამა მეოთხე წელია მართლაც წარმატებით მიმდინარეობს და გაგრძელდება მომავალშიც.გაგრძელდება მანამ, სანამ სოფელი არ გაძლიერდება, სანამ გლეხი არ დადგება ფეხზე, რადგან ჩვენ მიგვაჩნია, რომ ძლიერი სოფლები ნიშნავს ძლიერ რაიონებს,ძლიერი რაიონები ეს უკვე ძლიერი ქალაქებია,ძლიერი ქალაქები ეს უკვე ძლიერი საქართველოა“-განაცხადა პარტიის გენერალურმა მდივანმა. კახა კალაძემ მცირე და საშუალო ბიზნესის განვითარების, აუცილებლობას გაუსვა ხაზი. „ჩვენ, რა თქმა უნდა, გავაგრძელებთ პროგრამებს, რომლებიც ხელს უწყობს მცირე და საშუალო ბიზნესის განვითარებას.გაგრძელდება ერთ-ერთი წარმატებული პროექტი „აწარმოე საქართველოში“, რომელიც ხელს უწობს როგორც სამუშაო ადგილების შექმნას, ასევე იმ პროდუქტების და პროდუქციის შექმნას, რომელზეც ჩვენ ვართ დამოკიდებული და ეს არის ძირითადად იმპორტირებული პროდუქტები. ჩვენ ყველანაირი შესაძლებლობა გაგვაჩნია იმისა, რომ რაც შეიძლება ნაკლებად ვიყოთ დამოკიდებული უცხოეთიდან შემოსულ პროდუქტებზე და პროდუქციაზე. ყველანაირი პირობები გაგვაჩნია ამის,კლიმატური პირობები შრომის მოყვარე ხალხი ვართ და რაც მთავარია, ხელისუფლება, მთავრობა გამოთქვამს მზადყოფნას, რომ ამ მიმართულებით იყოს დახმარება“,-განაცხადა მან. პარტიის გენერალურმა მდივანმა ყურადღება ასევე გაამახვილა განათლების სისტემის რეფორმირებაზე. „განათლების მიმართულებით ხომ ყველას გვახსოვს რა ხდებოდა, რა მდგომარეობა იყო ამ მიმართულებით. მე 2012 წელს თქვენთან ერთად ძალიან ბევრ შეხვედრებს ვმართავდი წინასაარჩევნო კამპანიის დროს და ძალიან ბევრი იყო შეხვედრა,როდესაც ვხვდებოდით ახალგაზრდა ქალბატონებს, ახალგაზრდა დედებს თვალცრემლიანს და რა იყო ამის მიზეზი,როდესაც ვსაუბრობდით,ელემენტარული იმის შესაძლებლობა არ ქონდათ რომ თავიანთი შვილებისთვის, თავიანთი პატარებისთვის სახელმძღვანელოები ეყიდათ. ამისთვის საჭირო იყო ორასი ლარი, სამასი ლარი თუ ორი -სამი შვილი იყო ოჯახში, ეს კიდე უფრო მეტი დამატებითი პრობლემები იყო. უწევდათ საქონლის, პირუტყვის გაყიდვა იმისთვის, რომ შვილებისთვის სახელმძღვანელოები ეყიდათ. დღეს უკვე ეს პრობლემა მოხსნილი და მოგვარებულია. როდესაც ჩვენი შვილები, ჩვენი პატარები მიდიან სკოლებში მათ სახელმძღვანელოები უფასოდ ხვდებათ მერხებზე და ეს, რა თქმა უნდა,მომავალშიც გაგრძელდება. ბაგა-ბაღებში რა მდგომარეობა იყო, გასამმაგდა პატარების რაოდენობა ბაღებში და რა იყო ამის მიზეზი, ის რომ ჩვენ ბაგა-ბაღები გავხადეთ უფასო,ოჯახებს არ ჰქონდა ელემენტარული იმის შესაძლებლობა, რომ ყოველთვიურად ათი-თხუტმეტი ლარი გადაეხადათ იმისთვის, რომ თავიანთი შვილები ბაღებში ეტარებინათ.დავიწყეთ სკოლების,ბაღების მშენებლობა რეაბილიტაციის სამუშაოები. სამასზე მეტი სკოლა და ბაგა-ბაღი გარემონტდა მთელი ქვეყნის მაშტაბით და ეს პროგრამა გაგრძელდება მომავალშიც. გაგრძელდება მანამ, სანამ ყველა სოფელში,ყველა ქალაქში ყველა თემში არ იქნება გარემონტებული, რეაბილიტირებული სკოლები და ბაგა-ბაღები, როგორც ევროპულ, ნორმალურ განვითარებულ ქვეყნებშია, რომ ჩვენ შვილებს, ჩვენს მომავალ თაობებს მივცეთ შესაძლებლობა იმისა, რომ ნორმალურ პირობებში მიიღონ განათლება და თავზე ჭერი არ ენგრეოდეთ,არ აწვიმდეთ და არათოვდეთ“,-აღნიშნა კახა კალაძემ. მისივე თქმით, პედაგოგები განსაკუთრებულად დასაფასებლები არიან. „ეს არის ძალიან მნიშვნელოვანი პროფესია. რა თქმა უნდა, ჩვენ ყველა პროფესიას პატივს ვცემთ, მაგრამ პედაგოგი არის ჩვენთვის განსაკუთრებული, რადგან ეს გახლავთ ადამიანები, რომლებსაც ყოველდღიურ რეჟიმში აქვთ შეხება ჩვენს შვილებთან,ჩვენს მომავალ თაობებთან და შესაბამისად პროფესიაა პედაგოგი უნდა იყოს დაფასებული. 2017 წლის პირველი იანვრიდან პედაგოგების საშუალო ხელფასი იქნება 800 ლარი და ეს ციფრი, რა თქმა უნდა,მომავალშიც გაიზრდება ჩვენი ქვეყნის ეკონომიკურ წინსვლასთან, ეკონომიკურ განვითარებასთან ერთად“,-განაცხადა მან. კახა კალაძის თქმითვე, ინფრასტრუქტურული პროექტები, ყველა ქალაქში, ყველა რაიონში გაგრძელდება. „ ჩვენ გვაქვს ძალიან ამბიციური გეგმა ქვეყნის განვითარების მომავალი ოთხი წლის განმავლობაში. რამდენიმეხნის წინ, ბატონმა გიორგი კვირიკაშვილმა წარმოადგინა ქვეყნის განვითარების გეგმა, თუ რას აპირებს პარტია„ქართული ოცნება“, რას ჰპირდება ჩვენი ქვეყნის მოსახლეობას. როგორი იქნება მომავალი ოთხი წელი. ძალიან ამბიციური გეგმაა, მაგრამ ჩვენ ვიძლევით პირობას, რომ ამ გეგმას აუცილებლად შევასრულებთ და ვიძლევით პირობას, რომ ოთხი წლის თავზე ჩვენ გვექნება თვისობრივად განსხვავებული საქართველო. თავისი ინფრასტრუქტურით, თავისი კეთილმოწყობით. ჩვენ ამას აუცილებლად შევძლებთ თქვენთან ერთად. რა თქმა უნდა, მარტო ამის განხორციელება იქნება შეუძლებელი, თუ არ იქნება თქვენი თანადგომა და თქვენი მხარდაჭერა, მაგრამ ჩვენ გვჯერა, რომ ამას ჩვენ ერთობლივად, ჩვენი ერთსულოვნებით, ჩვენი ერთიანი ძალისხმევით აუცილებლად შევძლებთ“-აღნიშნა მან. კახა კალაძემ კიდევ ერთხელ გაუსვა ხაზი იმ მთავარ მონაპოვარს, რასაც თავისუფლება ჰქვია. „ეს არის ჩვენი გუნდის მთავარი მონაპოვარი თქვენთან ერთად, რადგან, რა თქმა უნდა, შეუძლებელი იყო მარტო ამის გაკეთება 2012 წელს, რომ არ ყოფილიყო ის მხარდაჭერა, რასაც ჩვენი ქვეყნის მოსახლეობის მხრიდან ჩვენ ვგრძნობდით. ჩვენი გუნდის მთავარი მონაპოვარი ეს არის- თავისუფლება. ნამდვილად საამაყოა ის, რომ დღეს ქვეყანაში განსხვავებული აზრის გამო, განსხვავებული პოლიტიკური შეხედულებების გამო არ იდევნებიან,ქვებით და ხელკეტებით არ დასდევენ. ხომ ყველას, თითოეულ თქვენგანს ახსოვს,თუ როგორი დამოკიდებულება იყო 2011-2012 წლებში ჩვენს მიმართ, ჩვენი მხარდამჭერების მიმართ. როგორი შანტაჟი მიდიოდა, ჩართული იყო პოლიცია, შესაბამისი სამსახურები, მიდიოდადაშინებები ჩვენს ოჯახებზე, ჩვენს ოჯახის წევრებზე, მეგობრებზე, ახლობლებზე, ნათესავებზე, მაგრამ ჩვენ მოვახერხეთ ის, რომ მშვიდობიანი გზით, არჩევნების გზით ეს ყველაფერი ჩავაბარეთ წარსულს და გაძლევთ პირობას, რომ საქართველოში არასდროს,ვერასდროს ვერ დაბრუნდებიან ისეთი ხელისუფლებები, რომლებიც იძალადებენ თავიანთი ქვეყნის მოქალაქეებზე, იძალადებენ განსხვავებულ აზრზე, განსხვავებულ პოლიტიკურ შეხედულებებზე. ჩვენ პატივი უნდა ვცეთ განსხვავებულ აზრს, ქვეყანაში უნდა შემოვიტანოთ პოლიტიკური კულტურის ახალი საფეხური, რომ დავანახოთ ყველას, ქვეყანაში საჭიროა მეტი სიყვარული, მეტი ურთიერთპატივისცემა. პატივისცემა განსხვავებული აზრის მიმართ. უნდა იყოს განსხვავებული აზრი, რა თქმა უნდა, ქვეყანაში. თუ ჩვენ ყველა ერთნაირად ვიაზროვნებთ, ერთნაირი შეხედულებები გვექნება, მერწმუნეთ, რომ შეუძლებელი იქნება ქვეყნის განვითარება და ქვეყნის წინსვლა“,-განაცხადა კახა კალაძემ.

„ქართული ოცნება-დემოკრატიული საქართველოს“ წევრები დღეს ეუთოს საპარლამენტო ასამბლეის წინასაარჩევნო სადამკვირვებლო მისიას შეხვდნენ. პარტიის ცენტრალურ ოფისში გამართულ შეხვედრას „ქართული ოცნება-დემოკრატიული საქართველოს“ გენერალური მდივანი კახა კალაძე, აღმასრულებელი მდივანი ირაკლი კობახიძე, პარტიის საერთაშორისო ურთიერთობათა დეპარტამენტის უფროსი თამარ ჩუგოშვილი და პარტიის წევრი სოფო ქაცარავა ესწრებოდნენ. „ქართული ოცნების“ წევრებმა ეუთოს საპარლამენტო ასამბლეის წინასაარჩევნო სადამკვირვებლო მისიას საარჩევნო გარემოსთან დაკავშირებით მიაწოდეს ინფორმაცია. „ განსაკუთრებით გავაცანით ის, თუ რა ღონისძიებებს ვატარებთ იმისთვის, რომ საარჩევნო კამპანია იყოს მაქსიმალურად მშვიდი და სამართლიანი. ჩვენ ვისაუბრეთ იმაზე, თუ როგორი არის საარჩევნო გარემო, რამდენად კონკურენტული, თავისუფალია. ასევე, როგორი არის მედია გარემო ამ კონკრეტულ საპარლამენტო არჩევნებში.  ასევე, ის ე.წ. მშვიდობის მემორანდუმი, რომლის განხილვაც ახლა მიმდინარეობს და რომელშიც ჩვენ ვთხოვთ სხვა პოლიტიკურ პარტიებს გარკვეული, ასე ვთქვათ, პოლიტიკური პასუხისმგებლობის განაწილებას ამ კამპანიისშვიდობიანად ჩატარებაზე“,-აღნიშნა თამარ ჩუგოშვილმა.

მემორანდუმის ტექსტი საარჩევნო სუბიექტებს დღესვე დაეგზავნება,-ამის შესახებ „ქართული ოცნება-დემოკრატიული საქართველოს“ აღმასრულებელმა მდივანმა ირაკლი კობახიძემ პარტიის ცენტრალურ ოფისში დღეს გამართულ პრესკონფერენციაზე განაცხადა. ირაკლი კობახიძემ საზოგადოებას 2016 წლის 8 ოქტომბრის საქართველოს პარლამენტის არჩევნებში საარჩევნო აგიტაციისას კონტრაქციების თაობაზე მემორანდუმის ტექსტი გააცნო. „როგორც უკვე მოგახსენეთ, ტექსტი არის ლაკონური, მიზანი არის მარტივი და ეს მიზანი არის ძალიან მარტივად, ლაკონურად ასახული ამ ტექსტში. ჩვენ დღესვე დავუგზავნით მემორანდუმის ტექსტს საარჩევნო სუბიექტებს იმისათვის, რომ მივიღოთ მათი პოზიცია ამ საკითხთან დაკავშირებით. იმედი გვაქვს, რომ პასუხისმგებლობის მქონე ყველა საარჩევნო სუბიექტი შეურთდება ჩვენ მიერ შემოთავაზებულ მემორანდუმს“,-აღნიშნა პარტიის აღმასრულებელმა მდივანმა. ირაკლი კობახიძის თქმითვე, მემორანდუმის ტექსტთან დაკავშირებით კონსულტაციები სხვადასხვა სუბიექტებთან გაიმართა. „ჩვენი ამოცანა გახლდათ, რომ მაქსიმალურად დახვეწილი პროექტი შეგვეთავაზებინა ასე ვთქვათ, ჩვენი კოლეგებისთვის, პარტნიორებისთვის, სხვა საარჩევნო სუბიექტებისთვის. ჩვენ მზად ვართ, რომ გავაგრძელოთ ეს კონსულტაციები საერთაშორისო ორგანიზაციების, არასამთავრობო ორგანიზაციების ჩართულობით. ამოცანა გახლავთ მემორანდუმის გაფორმება და მთავარი მიზანი, ბუნებრივია, არის ის რომ, ჩავატაროთ მშვიდობიანი არჩევნები, არ დავუშვათ ინციდენტები, არ დავუშვათ პროვოკაციები, არ დავუშვათ ძალადობა საარჩევნო პროცესში“,-დასძინა მან.

მემორანდუმის ტექსტი საარჩევნო სუბიექტებს დღესვე დაეგზავნება,-ამის შესახებ „ქართული ოცნება-დემოკრატიული საქართველოს“ აღმასრულებელმა მდივანმა ირაკლი კობახიძემ პარტიის ცენტრალურ ოფისში დღეს გამართულ პრესკონფერენციაზე განაცხადა. ირაკლი კობახიძემ საზოგადოებას 2016 წლის 8 ოქტომბრის საქართველოს პარლამენტის არჩევნებში საარჩევნო აგიტაციისას კონტრაქციების თაობაზე მემორანდუმის ტექსტი გააცნო. „როგორც უკვე მოგახსენეთ, ტექსტი არის ლაკონური, მიზანი არის მარტივი და ეს მიზანი არის ძალიან მარტივად, ლაკონურად ასახული ამ ტექსტში. ჩვენ დღესვე დავუგზავნით მემორანდუმის ტექსტს საარჩევნო სუბიექტებს იმისათვის, რომ მივიღოთ მათი პოზიცია ამ საკითხთან დაკავშირებით. იმედი გვაქვს, რომ პასუხისმგებლობის მქონე ყველა საარჩევნო სუბიექტი შეურთდება ჩვენ მიერ შემოთავაზებულ მემორანდუმს“,-აღნიშნა პარტიის აღმასრულებელმა მდივანმა. ირაკლი კობახიძის თქმითვე, მემორანდუმის ტექსტთან დაკავშირებით კონსულტაციები სხვადასხვა სუბიექტებთან გაიმართა. „ჩვენი ამოცანა გახლდათ, რომ მაქსიმალურად დახვეწილი პროექტი შეგვეთავაზებინა ასე ვთქვათ, ჩვენი კოლეგებისთვის, პარტნიორებისთვის, სხვა საარჩევნო სუბიექტებისთვის. ჩვენ მზად ვართ, რომ გავაგრძელოთ ეს კონსულტაციები საერთაშორისო ორგანიზაციების, არასამთავრობო ორგანიზაციების ჩართულობით. ამოცანა გახლავთ მემორანდუმის გაფორმება და მთავარი მიზანი, ბუნებრივია, არის ის რომ, ჩავატაროთ მშვიდობიანი არჩევნები, არ დავუშვათ ინციდენტები, არ დავუშვათ პროვოკაციები, არ დავუშვათ ძალადობა საარჩევნო პროცესში“,-დასძინა მან.

ქართული ოცნების” აღმასრულებელი მდივნის, ირაკლი კობახიძის განცხდებით, მათი მაჟორიტარი დეპუტატობის კანდიდატის ოფისში ”ნაციონალური მოძრაობის” აქტივისტები იარაღით შევიდნენ და პროვოკაციის მოწყობა სცადეს. როგორც კობახიძემ დღეს გამართულ ბრიფინგზე განაცხადა, შემთხვევა გუშინ გამთენიისას მოხდა. მისივე განმარტებით, ”ქართული ოცნების” წევრებმა პროვოკაცია აღკვეთეს და ადგილზე სამართალდამცველები გამოიძახეს. ”გუშინ გამთენიისას ”ნაციონალურმა მოძრაობამ” სცადა პროვოკაციის მოწყობა. ჩვენს ერთ-ერთ საარჩევნო შტაბში, ჩვენი მაჟორიტარობის კანდიდატის ლევან გოგიჩაიშვილის ოფისში პარტიის სამი აქტივისტი შევიდა. ორ აქტივისტს, რომლებიც სევდია უგრეხელიძის შტაბის აქტივისტები არიან, ეცვა ”ქართული ოცნების” მაისური, ასევე ორივეს ჰქონდა ქამარში ჩადებული პისტოლეტები. ისინი შევიდნენ ოფისში, დაიწყეს საუბარი ჩვენს აქტივისტებთან. როგორც შემდგომში გაირკვა, აღნიშნული პროვოკაციის მიზანი იყო გარედან ფაქტის გადაღება და შემდეგ ტელევიზიის საშუალებით იმის ჩვენება, თითქოს ”ქართული ოცნების” შტაბებში იკრიბებიან შეიარაღებული და კრიმინალური მიდრეკილების მქონე ადამიანები. ფაქტია, რომ ”ნაციონალური მოძრაობა” ვერ ცვლის თავისი მოქმედების სტილს, ისინი ძლიერები არიან ბინძური პროვოკაციების მოფიქრებაში, თუმცა აშკარაა, რომ მათ ამ პროვოკაციების აღსრულების რესურსი რეალურად არ აქვთ”, - განაცხადა ირაკლი კობახიძემ. პარტიის აღმასრულებელი მდივნის თქმით, სამართალდამცველები ადგილზე მისვლისას სიტუაციაში გაერკვნენ და ფაქტი აღიკვეთა. ”მადლობა მინდა ვუთხრა ჩვენს აქტივისტებს, რომლებმაც სათანადო რეაგირება მოახდინეს ამ პროვოკაციაზე და დაუკავშირდნენ სამართალდამცავ ორგანოებს, რის საშუალებითაც, პროვოკაცია დროულად აღიკვეთა. გაერკვნენ პოლიციელები ვითარებაში, მოხდა პირთა იდენტიფიცირება, მათ შორის პარტიული კუთვნილების დადგენა - ერთ-ერთ მათგანს ჰქონდა პარტიული ბილეთი, რომელიც გაცემულია ”ნაციონალური მოძრაობის” მიერ, 2016 წელს. აღნიშნულ პირებს იარაღი გაფორმებული ჰქონდათ, თუმცა ჩვენ ვსაუბრობთ ბინძურ პროვოკაციაზე”, - აღნიშნა ირაკლი კობახიძემ. როგორც პარტიის აღმასრულებელმა მდივანმა განმარტა,“ნაციონალური მოძრაობის“ აქტივისტებს იარაღი გამოხატული ფორმით ჰქონდათ. „მათ ეცვათ მაისურები და ჩანდა იარაღი, პირდაპირ ქამარში ჰქონდათ გარჭობილი, ანუ აშკარად იკვეთებოდა, რომ მათ ამ იარაღის დემონსტრირება უნდოდათ ხაზგასმით“,-განაცხადა ირაკლი კობახიძემ. პ არტიის აღმასრულებელი მდივნის თქმით, „ქართული ოცნების“ ამოცანაა, რომ არცერთი პროვოკაცია არ შედგეს. „ჩვენ რაც გვაქვს ინფორმაცია დაგეგმილ პროვოკაციებთან დაკავშირებით, იქ უფრო მძიმე ნიშნებს ატარებს ეს ყველაფერი. კიდევ ერთხელ, ჩვენ ამოცანად გვაქვს, რომ ავღკვეთოთ ასეთი პროვოკაციები, პრევენცია მოვახდინოთ. დეტალებს შეგნებულად არ ვაკონკრეტებთ, ჩვენ ვმუშაობთ პრევენციაზე, ჯერჯერობით სრულად ვახერხებთ ამ ყველაფერს და ასე გვინდა გავაგრძელოთ. ჩვენი ამოცანაა, რომ არცერთი პროვოკაცია არ შედგეს“,-დასძინა მან.

პარტია „ქართული ოცნება - დემოკრატიული საქართველო“-ს წევრები დღეს „ნარკოპოლიტიკის ეროვნული პლატფორმის“ წარმომადგენლებს შეხვდნენ. პარტიის ცენტრალურ ოფისში გამართულ შეხვედრაზე „ქართული ოცნება - დემოკრატიული საქართველოს“ წარმომადგნელებმა პლატფორმის წევრებს გააცნეს საარჩევნო პროგრამის ის ნაწილი, რომელიც ნარკოპოლიტიკის ლიბერალიზაციას უკავშირდება. ასევე, აღნიშნულ საკითხთან დაკავშირებით პლატფორმის წარმომადგენლების მოსაზრებები მოისმინეს.   „დღეს გაიმართა პირველი შეხვედრა „ნარკოპოლიტიკის ეროვნული პლატფორმის წარმომადგენლებთან“. ეს არის უნიკალური პლატფორმა, რომელიც აერთიანებს ორმოცამდე ორგანიზაციას. ჩვენ საერთო საზრუნავზე გვქონდა პირველი სერიოზული განხილვა. მოგეხსენებათ, რომ „ქართული ოცნების“ საარჩევნო პროგრამაში უკვე არის ცალსახად დეკლარილებული, რომ ჩვენ ვიმუშავებთ უფრო ჰუმანურ, ადამიანის უფლებებზე და ადამიანის ღირსებაზე ორიენტირებულ ნარკოპოლიტიკაზე“,- განაცხადა „ქართული ოცნება-დემოკრატიული საქართველოს“ წევრმა მარიამ ჯაშმა შეხვედრის დასრულების შემდეგ ჟურნალისტებთან საუბრისას. განცხადება ასევე გააკეთა „ქართული ოცნება-დემოკრატიული საქართველოს“ წევრმა თამარ ჩუგოშვილმა. მისი თქმით,პლატფორმის მხრიდან გამოითქვა იდეა, რომ გაფორმდეს მემორანდუმი პოლიტიკურ პარტიებთან. „მემორანდუმში ასახული იქნება ის ძირითადი პრინციპები, რა პრინციპებსაც უნდა შეესაბამებოდეს პოლიტიკური პარტიების საქმიანობა ნარკოპოლიტიკის ლიბერალიზაციის თვალსაზრისით.     ჩვენ ტექსტი ჯერ არ გვინახავს, თუმცა გავეცნობით. ჩვენთვის ეს ერთ-ერთი მნიშვნელოვანი მიმართულებაა და ამიტომ, უკვე მომავალი პარლამენტი აუცილებლად იმუშავებს ამ საკითხზე“,-განაცხადა „ქართული ოცნება-დემოკრატიული საქართველოს“ წევრმა თამარ ჩუგოშვილმა. შეხვედრის დასრულების შემდეგ ჟურნალისტებთან განცხადება ასევე გააკეთა „ნარკოტიკების მომხმარებელთა საქართველოს ქსელის“ წარმომადგენელმა კოკა ლაბარტყავამ. „ნარკოპოლიტიკის ეროვნული პლატფორმა“ შეხვდა „ქართული ოცნების“ წარმომადგენლებს, ისევე როგორც შეხვდა სხვა პოლიტიკურ პარტიებს. გაიმართა საუბარი ნარკოპოლიტიკის სფეროში შესაძლო ჰუმანიზაციასთან დაკავშირებით. ჩვენ იმედს გამოვთქვამთ, რომ ასეთი თანამშრომლობა, რაც C ჰეპატიტის სფეროში წარმატებით განხორციელდა, ასევე წარმატებით განხორციელდება ნარკოპოლიტიკის სფეროში, რითაც ნარკოტიკების მომხმარებლებსა და მათი ოჯახის წევრებს საკუთარი თავის რეალიზებისა და საზოგადოებაში დაბრუნების საშუალება მიეცემათ”,-აღნიშნა კოკა ლაბარტყავამ.

„მინდა, როგორც თქვენმა მეგობარმა, გთხოვოთ, ყველამ ერთად, ყველას მონაწილეობით შევქმნათ ის ერთიანი, ძლიერი ენერგია, რომელიც მძივებად აკინძავს მთელ საქართველოში თუნდაც ყველაზე პატარა პოზიტიურ მუხტს და ამ ქვეყანას გააერთიანებს,“-განაცხადა საქართველოს პრემიერ-მინისტრმა გიორგი კვირიკაშვილმა ჩოხატაურში, “ქართული ოცნების” მხარდამჭერებთან გამართულ შეხვედრაზე. პარტია “ქართული ოცნება-დემოკრატიული საქართველოს” თავმჯდომარემ ჩოხატაურლებს მაჟორიტარი დეპუტატობის კანდიდატი, ნინო წილოსანი წარუდგინა. სიტყვით გამოსვლისას მთავრობის მეთაურმა ქვეყანაში არსებულ წინასაარჩევნო გარემოზე, განხორციელებულ და მიმდინარე რეფორმებზე და სამომავლო გეგმებზე ისაუბრა. “ჩვენ არ ვართ დღესდღეობით ძალიან მდიდარი ქვეყანა და ჩვენი ბიუჯეტი არ არის ყოვლისშემძლე, მაგრამ ჩვენ გავაკეთეთ ის, რომ ყველა ადამიანის ჯანდაცვაზე ვიზრუნეთ, ყველა ადამიანის ჯანმრთელობა გახდა სახელმწიფოს საზრუნავი და აღარ არის საჭირო ქონების გაყიდვა იმისათვის, რომ იმკურნალო. ჩვენ გავაკეთეთ ის, რომ საქართველოს სასოფლო-სამეურნეო სავარგულების ძალიან დიდი ნაწილი არის დამუშავებული, გასარწყავიანება გაიზარდა ორჯერ საქართველოში და ეს არის პირდაპირ მისული შემოსავალი სოფლად მაცხოვრებელი ადამიანებისთვის. რა თქმა უნდა, ეს არ არის ყველაფერი და ჩვენ ერთი წამით არ გვიფიქრია, რომ მივაღწიეთ საწადელს. ჩვენ ბევრი რამ გვაქვს გასაკეთებელი იმისათვის, რომ რეგიონებში ის გაჭირვება აღმოვფხვრათ საბოლოოდ, რომელიც დღეს კიდევ არსებობს,”-აღნიშნა პრემიერმა. გიორგი კვირიკაშვილმა ჩოხატაურის მოსახლეობას ქვეყნის სწრაფი განვითარების გეგმა გააცნო, რაც, მისი თქმით, საქართველოს ახალ სივრცითმოწყობას ანუ ინფრასტრუქტურულ განვითარებას გულისხმობს. “ეს იქნება ახალი საქართველო, აბსოლუტურად განსხვავებული ევროპული ხარისხის ინფრასტრუქტურით და ეს არის რეალობა. უნდა აშენდეს უამრავი ხიდი, გვირაბი, ავტობანი, რაიონული გზები, სოფლებთან დამაკავშირებელი გზები და ეს მარტო გზების მშენებლობა არ არის. ეს არის გაზიფიცირების დასრულება- არ უნდა დარჩეს სოფლები ბუნებრივი აირის გარეშე, სადაც ფიზიკურად შესაძლებელია, რომ მიყვანილი იქნას,”-განაცხადა გიორგი კვირიკაშვილმა. საქართველოს მთავრობის მეთაური მიიჩნევს, რომ სახელმწიფოს ყველაზე დიდი პრიორიტეტი უნდა იყოს მომავალი თაობის განათლება, რომელის გარეშეც შეუძლებელია წინსვლაზე საუბარი. “დღეს თუ ჩვენ არ დავხარჯეთ რესურსი, თუ არ ჩავდეთ ინვესტიცია იმაში, რომ პედაგოგი იყოს წელში გამართული, იმაში რომ ბავშვებმა ისწავლონ ნორმალურად მოწყობილ ინფრასტრუქტურაში, ნორმალურ სკოლებში, საბავშო ბაღებში, შეუძლებელია რაიმე მომავალზე ლაპარაკი. ამიტომ, ვაცხადებთ, განათლება იქნება ნომერ პირველი პრიორიტეტი და, რა თქმა უნდა, ჯანდაცვის პროგრამები გაგრძელდება, ინფრასტრუქტურა განახლდება და სახელმწიფო გახდება ადამიანზე ორიენტირებული კიდევ უფრო მეტად,”-განმარტა პრემიერმა. გიორგი კვირიკაშვილმა ჩოხატაურლებს მხარდაჭერისკენ მოუწოდა და ხაზი გაუსვა, რომ 20 დღე დარჩა არჩევნებამდე, რომელმაც უნდა განაპირობოს მომავალი 4 წლის განმავლობაში ძალიან მნიშვნელოვანი პროგრესი ქვეყანაში, განვითარება და თიოთოეულ ოჯახში მიტანა იმ კეთილდღეობის, რომელიც საქართველოში შეიქნება. “ეს იქნება საქართველოს უახლოეს ისტორიაში ერთ-ერთი ყველაზე წარმატებული პერიოდი და მე ნამდვილად არ მეშინია ამის თქმის, გამომდინარე იქედან, რომ ჩვენ პროფესიონალების, გულანთებული ადამიანების გუნდი ვართ. დარწმუნებული ვარ ჩვენი პროფესიონალიზმით, სამშობლოსადმი სიყვარულით, ამას შევძლებთ. სამშობლოს სიყვარული იწყება, პირველ რიგში, ერთი რიგითი ადამიანის სიყვარულიდან და ეს უნდა გვახსოვდეს. თუ შენ არ გიყვარს ერთი უბრალო, რიგითი ადამიანი, თუ არ შეგიძლია მისი ტკივილის მიტანა გულთან, მაშინ შენგან ძალიან შორს არის სამშობლოს სიყვარული და საერთოდ საუბარი არ შეიძლება იმაზე, რომ შენ სამშობლოსთვის რამის გაკეთება გსურს. ჩვენ ვართ ძალიან დიდი პოტენციის მატარებელი ქვეყანა და ჩვენ ეს პოტენცია უბრალოდ უნდა ავამუშაოთ,”-განაცხადა პრემიერ-მინისტრმა ჩოხატაურში გამართულ შეხვედრაზე.ჩოხატაურის მოსახლეობას სიტყვით ასევე მიმართა „ქართული ოცნება-დემოკრატიული საქართველოს“ გენერალურმა მდივანმა, პარტიის ცენტრალური შტაბის უფროსმა კახა კალაძემ. კახა კალაძის თქმით, რაც ყველაზე მთავარია, „ქართულმა ოცნებამ“ მოახერხა ის, რომ 2012 წელს ხელისუფლება მშვიდობიანი გზით შეცვალა. „ძალიან დიდი მადლობა თქვენ იმ ბრძოლისთვის, რომელიც ჩვენ, ყველამ ერთად გამოვიარეთ 2012 წელს. ჩვენ ყველა, თითოეული თქვენთაგანი, გავერთიანდით პარტია „ქართული ოცნების“ ირგვლივ, გავერთიანდით ბატონი ბიძინა ივანიშვილის ირგვლივ, რომ გვებრძოლა იმ სისხლიანი რეჟიმის წინააღმდეგ, რომელიც 9 წლის განმავლობაში წარმოადგენდა ჩვენს ხელისუფლებას. რაც მთავარი და მნიშვნელოვანია, ჩვენ მოვახერხეთ ის, რომ წინა ხელისუფლება, როგორც ეს მშვიდობიან, განვითარებულ, ცივილიზებულ ქვეყნებში ხდება, არჩევნების გზით გავისტუმრეთ. ჩვენ მოვახერხეთ, მოვიპოვეთ ყველაზე ძვირფასი - თავისუფლება და თქვენ, გურულებმა ყველაზე კარგად იცით, თუ რამდენად მნიშვნელოვანია ვიყოთ თავისუფლები. მე ნამდვილად მეამაყება ის, რომ დღეს საქართველოში განსხვავებული აზრის გამო, განსხვავებული პოლიტიკური შეხედულებების გამო ადამიანები არ იდევნებიან. ჩვენ ყველას კარგად გვახსოვს, როგორი დამოკიდებულება იყო ასეთი ადამიანების მიმართ. თითოეულმა თქვენგანმა,თითოეულმა ჩვენგანმა ეს სამწუხაროდ საკუთარ თავზე გამოვცადეთ და გამოვიარეთ. გამოვცადეთ ჩვენს ოჯახებზე, ჩვენს მეგობრებზე, ახლობლებზე, ნათესავებზე. ჩვენ გაძლევთ პირობას, რომ საქართველოში ვერასდროს ვერ დაბრუნდება ისეთი ხელისუფლება, რომელიც იძალადებს საკუთარ მოქალაქეებზე,რომელიც იძალადებს განსხვავებული აზრის მქონე ადამიანების მიმართ“,-აღნიშნა პარტიის გენერალურმა მდივანმა. კახა კალაძის თქმითვე, „ქართული ოცნება- დემოკრატიული საქართველო“ გარანტია იმისა, რომ ქვეყანაში ადამიანი იქნება ხელშეუხებელი. „ ჩვენი მთავარი ღირებულებები, თავისუფლება იქნება ხელშეუხებელი და ვერავინ ვერ გაბედავს ჩვენს მოქალაქეებზე ძალადობას, შეურაცხყოფას. ჩვენთვის მთავარი ამოსავალი წერტილი, მთავარი პრიორიტეტი არის ადამიანი და ადამიანის კეთილდღეობა. ჩვენი ყოველდღიური მუშაობა ორიენტირებულია იმაზე, რომ თითოეულმა ჩვენი ქვეყნის მოქალაქემ იგრძნოს კეთილდღეობა. დღეს ყველაზე მნიშვნელოვანი და მთავარი არის ქვეყნის ეკონომიკურად სწრაფად განვითარება, რომ შესაძლებელი იყოს მეტი ახალი სამუშაო ადგილების შექმნა. შესაძლებელი იყოს ახალი სოციალური პროექტების განხორციელება.   მე დარწმუნებული ვარ, ჩვენი ერთსულოვნებით, ჩვენი ერთობლიობით ამას აუცილებლად მოვახერხებთ და გავაკეთებთ. დარწმუნებული ვარ, 8 ოქტომბერს, ჩვენ ყველა ერთად ვიზეიმებთ იმ დიდ გამარჯვებას, რასაც პარტია „ქართული ოცნების“ წარმატება და წინსვლა ჰქვია. ეს იქნება იმ დემოკრატიული გზის გაგრძელება, რომელიც 2012 წლის პირველ ოქტომბერს წამოვიწყეთ. მინდა გაგამხნევოთ, მინდა დაგარწმუნოთ, რომ ჩვენ აუცილებლად გავიმარჯვებთ“-განაცხადა პარტიის ცენტრალური შტაბის უფროსმა. ამასთან, კახა კალაძემ საზოგადოებას ერთიანობისკენ მოუწოდა. „ძალიან დიდი მუხტია საზოგადოებაში. ჩვენ ჩავდივართ ყველა რეგიონში, ყველა რაიონში, ქალაქებში ვხვდებით მოსახლეობას და მინდა ყველას მოგიწოდოთ ერთად დგომისკენ. ჩვენ უნდა დავამთავროთ ეს დაპირისპირებები. უნდა ვიყოთ უფრო კონსტრუქციულები, საქმეზე ორიენტირებულები, რადგან საზოგადოებაც, ხალხი დაიღალა ამდენი დაპირისპირებებით, შეურაცხყოფის მიყენებით ერთმანეთის მიმართ. უფრო მეტი სიყვარული, უფრო მეტი პატივისცემაა საჭირო და ჩვენ ამ პოლიტიკურ კულტურას თქვენთან ერთად აუცილებლად შევცვლით ქვეყანაში. ძალიან დიდი მადლობა თითოეულ თქვენგანს, მინდა გისურვოთ წარმატებები, მინდა გისურვოთ ის, რომ ყოველი დილა, რომელიც გვითენდება, იყოს ბედნიერი თითოეული თქვენგანისთვის“,-დასძინა პარტიის გენერალურმა მდივანმა.

გეოგრაფიული მდებარეობა აღარ იქნება დაბრკოლება იმისა, რომ მოქალაქემ მიიღოს აუცილებელი სერვისები; აღარ იქნება დაბრკოლება იმისა, რომ კერძო ბიზნესმენმა საქმე აწარმოოს. საქართველოს ყველა წერტილში თანაბრად იქნება საჭირო ინფრასტრუქტურა, იმისათვის, რომ ყველა მომსახურება, მათ შორის სოფლებში, იყოს ხელმისაწვდომი,- ამის შესახებ საქართველოს პრემიერ-მინისტრმა ლანჩხუთის მოსახლეობასთან შეხვედრისას განაცხადა. პარტია «ქართული ოცნება-დემოკრატიული საქართველოს» თავმჯდომარემ ლანჩხუთელებს მაჟორიტარი დეპუტატობის კანდიდატი-ნინო წილოსანი წარუდგინა და მათ მთავრობის რეფორმების 4-პუნქტიანი გეგმის-ქვეყნის სივრცითი მოწყობის შესახებ ესაუბრა. “გუშინ, ჩვენ წარვადგინეთ ჩვენი რეფორმების განვითარების გეგმის ერთ-ერთი უმნიშვნელოვანესი მიმართულება- ეს არის ქვეყნის სივრცითი მოწყობის ანუ ინფრასტრუქტურული განვითარების გეგმა. უნდა ვთქვა, რომ დამოუკიდებელი საქართველოს ისტორიაში არცერთ ხელისუფლებას არ ჰქონია ასეთი ამბიციური, ასეთი მნიშვნელოვანი განვითარების გეგმა, რომელიც დროის მოკლე პერიოდში, ანუ შემდეგი 4 წლის განმავლობაში გულისხმობს საქართველოს გადაქცევას თვისობრივად ახალ ქვეყნად. გეოგრაფიული მდებარეობა, აღარ იქნება დაბრკოლება იმისა, რომ ყველა მომსახურება, მათ შორის სოფლებში, იყოს ისევე ხელმისაწვდომი, როგორც ეს არის დღეს ქალაქებში. სწორედ ეს არის ჩვენი ქვეყნის ყველაზე დიდი პრობლემა, რომ ცხოვრების დონე არის განსხვავებული ქალაქებში და სოფლად. სოფლად არის დიდი გაჭირვება და სწორედ ამ გეგმის მეშვეობით ჩვენ ვფიქრობთ, რომ 4 წლის განმავლობაში მოვახდენთ ნამდვილი ეკონომიკურ გარღვევას და მნიშვნელოვნად შეიცვლება სოფლად ცხოვრების დონე. სწორედ ეს არის ჩვენი მომავლის გეგმების ერთ-ერთი ყველაზე მნიშვნელოვანი მიმართულება,»-აღნიშნა პრემიერმა. გიორგი კვირიკაშვილმა ამომრჩეველს მხარდაჭერისკენ და საერთო მიზნებისთვის გაერთიანებისკენ მოუწოდა. “ჩვენ უნდა გავერთიანდეთ ერთი, საერთო მიზნების გარშემო, მთელი საზოგადოება, მათ შორის ისინი რომლებიც დღეს სხვაგვარად ფიქრობენ, დარწმუნებული ვარ ჩვენთან ერთად დადგებიან და მთელი საქართველო ერთად, დღეიდან 4 წლის თავზე დავდებთ სერიოზულ შედეგს. ეს შედეგი იქნება -ახალი საქართველო საუკეთესო ტრადიციებით, ეროვნული ფასეულობებით, თანამედროვე ინფრასტრუქტურით, თანამედროვე განათლების სისტემით და მთავრობით,რომელიც იქნება თითოეული ადამიანის საჭიროებაზე ორიენტირებული,»-განაცხადა პრემიერმა. სიტყვით გამოსვლის დასასრულს, საქართველოს მთავრობის მეთაურმა მსოფლიოს ჭაბუკთა ჩემპიონს, ლანჩხუთელ გიორგი შოთაძეს წარმატებული ასპარეზობა მიულოცა. «მინდა მივესალმო ჩვენს ახალგაზრდა მსოფლიო ჩემპიონს გიორგი შოთაძეს, რომელმაც საქართველოს სახელი გაიტანა მთელი მსოფლიოს მასშტაბით,»-აღნიშნა პრემიერ-მინისტრმა. გურიის მოსახლეობას სიტყვით ასევე მიმართა ლანჩხუთისა და ჩოხატაურის მაჟორიტარი დეპუტატობის კანდიდატმა ნინო წილოსანმა. მან „ქართული ოცნების“ გუნდს გამოცხადებული ნდობისთვის მადლობა გადაუხადა და აღნიშნა, რომ ეს არის გუნდი, რომელიც საზოგადოებას სიმართლეს ეუბნება. „დიდი მადლობა მინდა გადავუხადო პრემიერ-მინისტრს, პარტიის გენერალურ მდივანს, კახა კალაძეს ამ ვიზიტისთვის, რომელიც ჩემი მხარდაჭერის ნიშნად განხორციელდა. მე ვარ ამაყი, რომ წარმოვადგენ „ქართულ ოცნებას“ და ვარ ორმაგად უფრო ამაყი, რომ უნდა წარმოვადგინო ჩემი გურია. ჩვენ ვართ გუნდი, რომელიც არ ვიტყუებთ თავს და საზოგადოებას ვეუბნებით სიმართლეს. სწორედ ამიტომ, ვამბობ, რომ ძალიან ბევრი საქმე გაკეთდა, თუმცა, ბევრი რამ დარჩა კიდევ გასაკეთებელი. ამიტომ, შემდეგი წლები უნდა იყოს უფრო მეტი წინსვლის. ჩვენ უნდა ავაშენოთ უფრო მეტი გზები და ხიდები, ყველა სოფელში უნდა იყოს გაზიფიცირება. აუცილებლად გადავწყვეტთ წყალმომარაგების პრობლემას და, რა თქმა უნდა, განვახორციელებთ პროექტს -„შუქი ყველა სოფელში“. მე მინდა რომ ჩემს რაიონში არ იყვნენ უსახლკაროდ დარჩენილი ხალხი“,-განაცხადა ნინო წილოსანმა. როგორც ოზურგეთის მაჟორიტარი დეპუტატობის კანდიდატმა არჩილ თალაკვაძემ აღნიშნა, „ქართულ ოცნებას“ პრემიერ-მინისტრ გიორგი კვირიკაშვილის სახით ძლიერი ლიდერი ჰყავს. „8ოქტომბრის გამარჯვება აუცილებლად ჩვენია, იმიტომ, რომ ჩვენს გუნდს ჰყავს ძალიან ძლიერი ლიდერი პრემიერ- მინისტრ, კვირიკაშვილის სახით. ასევე, ძლიერი, განახლებული გუნდი, სადაც გამოცდილ პოლიტიკოსებთან ერთად შემოდიან ახალი ლიდერები, ახალი თაობის პოლიტიკოსები, რომელთაც აქვთ ჯანსაღი ამბიცია და მოტივაცია საქმის კეთების. რაც მთავარია, მე უსურვებ ნინო წილოსანს ძალიან დიდ წარმატებას. ეს არის კიდევ ერთი ქალი ლიდერი პოლიტიკაში, პარლამენტში და ჩვენ ვართ ის გუნდი, ვინც 2014 წლიდან ბრძოლა გამოვუცხადეთ ქალთა მიმართ დისკრიმინაციას, ქალთა მიმართ ძალადობას, ოჯახში ძალადობას. ნინო იქნება ერთ-ერთი უპირველესი ლიდერი, რომელიც დაიცავს ქალების უფლებებს და რომელიც გააძლიერებს ჩვენს პარლამენტს“,-დასძინა არჩილ თალაკვაძემ.

ჩვენ უნდა დავამკვიდროთ პოლიტიკაში ახალი თანამედროვე სტანდარტები; უნდა დავასრულოთ დაპირისპირება, შეურაცხყოფების მიყენება, გათითოკაცოებული საქართველო,-ამის შესახებ „ქართული ოცნება-დემოკრატიული საქართველოს“ გენერალურმა მდივანმა კახა კალაძემ ზუგდიდში განაცხადა, სადაც ადგილობრივებს პარლამენტში ქალაქ ზუგდიდის მაჟორიტარი დეპუტატობის კანდიდატი მერაბ ქვარაია და ზუგდიდის 65- ოლქის, მეორე ზონის საკრებულოს დეპუტატობის კანდიდატი, თაზო ფაცაცია წარუდგინა. კახა კალაძის თქმით, „ქართული ოცნების“ გუნდს აქვს იმის ძალა, შესაძლებლობა, რომ ერთმანეთის მიმართ იყოს უფრო მეტი სიყვარული, უფრო მეტი პატივისცემა. „მე მინდა მადლობა მოგახსენოთ იმ ბრძოლისთვის, იმ განვლილი გზისთვის, რაც ჩვენ, ყველამ ერთად, დავიწყეთ 2011 წელს, მაშინ, როდესაც ყველა ერთად დავირაზმეთ, გავერთიანდით ბატონი ბიძინა ივანიშვილის ირგვლივ, პარტია „ქართული ოცნების“ ირგვლივ და მოვდივართ. ძალიან ბევრი რთული ბარიერების გადალახვა მოგვიწია, მაგრამ ღირსეულად გამოვიარეთ ეს წლები. ჩვენ მოვახერხეთ მთავარი და მნიშვნელოვანი, წინა ხელისუფლება ჩავანაცვლეთ არჩევნების გზით, მშვიდობიანი გზით, როგორც ეს ნორმალურ, განვითარებულ ქვეყნებში ხდება“,-აღნიშნა პარტიის გენერალურმა მდივანმა. კახა კალაძის თქმითვე, საზოგადოების ერთიანობით, არასდროს არ დაბრუნდება ის დრო, როდესაც ძალადობდნენ მოქალაქეებზე. „გაძლევთ პირობას, რომ ზუსტად ის გუნდი, რომელსაც პარტია „ქართული ოცნება“ ჰქვია, თითოეული თქვენთაგანის თანადგომით, მოვახერხებთ და გავაკეთებთ იმას, რომ საქართველოში არასდროს არ დაბრუნდება ის წლები, არასდროს არ დაბრუნდება ის დრო, როდესაც ძალადობდნენ ჩვენი ქვეყნის მოქალაქეებზე. ძალადობდნენ განსხვავებული აზრის გამო, ძალადობდნენ განსხვავებული პოლიტიკური შეხედულებების გამო. ჩვენ ქვეყანაში დავამკვიდრეთ ძალიან მაღალი სტანდარტები.   ჩვენ გავათავისუფლეთ ჩვენი ქვეყნის მოქალაქეები და მე მეამაყება ის, რომ დღეს თოთოეული ჩვენთაგანი არის თავისუფალი. განსხვავებული აზრის გამო, განსხვავებული პოლიტიკური შეხედულებების გამო ქვეყანაში არ იდევნებიან. ჩვენ პატივი უნდა ვცეთ განსხვავებულ აზრს“,-დასძინა მან.

ჩვენ ძალიან რთული ოთხი წელი გვქონდა, განხორციელებული რეფორმების გამო შეგვიძლია, თავაწეული ვიაროთ, თუმცა ეს არ ნიშავს, რომ მიღწეულით კმაყოფილი ვართ,- ამის შესახებ პარტია „ქართული ოცნების“ გენერალურმა მდივანმა, კახა კალაძემ სოფელ ორსანტიაში გამართულ შეხვედრაზე განაცხადა. მან ადგილობრივებს საქართველოს პარლამენტში ზუგდიდის მაჟორიტარობის კანდიდატი ედიშერ თოლორაია და ზუგდიდის გამგებლობის კანდიდატი ლაშა გოგია წარუდგინა. კახა კალაძემ სიტყვით გამოსვლის დასაწყისში სოფელში შეკრებილ ამომრჩევლებს მეგრულად მიმართა, მადლობა გადაუხადა და აღნიშნა, რომ სამეგრელო მისთვის განსაკუთრებულად საყვარელი რეგიონია, თავად დედით მეგრელია, რაც განსაკუთრებულ სიყვარულს და დამოკიდებულებას იწვევს. „ძალიან რთული, მძიმე ოთხი წელი გვქონდა, შეგვიძლია, თავაწეული ვიაროთ განხორციელებული პროექტებით რეფორმებით, თუმცა, თქვენ არ იფიქროთ, რომ თვითკმაყოფილნი ვართ იმით, რაც გავაკეთეთ და განვახორციელეთ. ჩვენ კარგად გვესმის, ყველა ის პრობლემა, რომელიც აწუხებთ ჩვენი ქვეყნის მოქალაქეებს რეგიონებში, სოფლად, ქალაქებში. ალბათ დამეთანხმებით, რომ ოთხი წლის განმავლობაში შეუძლებელი იყო ყველა პრობლემის მოგვარება. ქვეყანაშია. ჩვენ არ უნდა მოგვერიდოს პრობლემებზე საუბრის. კარგად მესმის, რომ წინა ხელისუფლება აჩვევდა ქვეყნის მოსახლეობას ზეწოლით, შიშით, რომ პრობლემებზე არ ესაუბრათ. ჩვენ არ ვაშენებთ ასეთ ქვეყანას, ჩვენ ვაშენებთ თავისუფალ საქართველოს, სადაც თითოეული მოქალაქის უფლებები იქნება დაცული, სადაც ნებისმიერ ადამიანს ექნება შესაძლებლობა, გამოთქვას საკუთარი აზრი, თუნდაც განსხვავებული. უნდა მივეჩვიოთ და პატივი ვცეთ განსხვავებულ აზრს, უნდა მოვუსმინოთ, ვუპასუხოთ სწორი პასუხებით და არა - ხელკეტებით, ქვებით, როგორც ეს თითეულმა ჩვენთაგანმა საკუთარ თავზე გამოვცადეთ“,-აღნიშნა კახა კალაძემ. მისივე თქმით, საბედნიეროთ „ქართულმა ოცნება“ მოახერხა და განსხვავებული აზრისადმი აგრესიული დამოკიდებულება წარსულს ჩაბარდა. „ჩვენ შევძელით ხელისუფლების გადმობარება არჩევნების, მშვიდობიანი გზით, როგორც ეს ნორმალურ, განვითარებულ ქვეყანებში ხდება. მე ვსაუბრობდი პრობლემებზე და კიდევ ერთხელ მინდა გავიმეორო - გვესმის თითოეული ადამიანის გასაჭირი. ვიცით ყველა ის პრობლემა, რომელიც აწუხებთ სოფლად, რაიონში მცხოვრებ ადამიანებს. ჩვენ უნდა გამოვიდეთ იმ მდგომარეობიდან, როცა ვირტუალური საქართველო ქონდათ შექმნილი თავიანთი საკუთარი მედიასაშუალებებით. ყველას კარგად გვახსოვს ეს პერიოდი - ჩავრთავდით ტელევიზორს და გვეუბნებოდნენ, თითქოს ქვეყანაში ყველაფერი კარგად იყო, ყოველწლიურად მილიონი ახალი სამუშაო ადგილი იქმნებოდა, ხალხი ბედნიერი იყო, მილიონი გამოცვლილი კბილიც გვახსოვს. არ გავაგრძელებ ამ ყველაფერს, თუმცა როდესაც ტელევიზორს გამოვრთავდით, რა რეალობა იყო ყველამ კარგად ვიცით. თუ არ ვისაუბრებთ პრობლემებზე, პრობლემა ისევ პრობლემად დარჩება. ჩვენ ვართ ის გუნდი, ის პოლიტიკური პარტია, რომელიც შეძლებს ყველა პრობლემის მოგვარებას, რომელიც აწუხებს ჩვენი ქვეყნის მოსახლეობას“,-აღნიშნა კახა კალაძემ. მისივე თქმით, გამარჯვებით მოპოვებულ თავისუფლებას ვერავინ შეეხება. „ პარტია „ქართული ოცნება“ არის გარანტი იმისა, რომ საქართველოში ვერავინ გათელავს ფეხქვეშ ადამიანის ღირსებას, ჩვენ არ გვინდა არცერთი ინფრასტრუქტურული პროექტი, არანაირი წინსვლა, თუ ქვეყანაში ერთი მოქალაქეც იქნება უკანონოდ დაჩაგრული, არც ერთი პატარას ცრემლი არ გვიღირს მისი მშობლის არაკანონიერ ჩაგვრად, ჩვენ თავისუფალ, დემოკრატიულ ქვეყანას ვაშენებთ, რომელიც დემოკრატიულ ინსტიტუტებზე იქნება დაფუძნებული და ამაში თქვენი მონაწილეობა არის ძალიან მნიშვნელოვანი“, - მიმართა „ქართული ოცნების“ გენერალურმა მდივანმა კახა კალაძემ სოფელ ორსანტიაში გამართული შეხვედრის მონაწილეებს და მოსალოდენელი პროვოკაციების შესახებ ისაუბრა. „სამეგრელომ იცის ყველაზე მეტად თავისუფლების, ერთობის ფასი. დღეს არის რაღაც მინიშნებები, რომ უნდათ გარკვეული პროვოკაციების მოწყობა, არეულობების შემოტანა ქვეყანაში. მინდა, დაგამშვიდოთ ყველა, დავამშვიდო სრულიად საქართველო, რომ არავის არაფერი არ გამოუვა, ჩვენ აბსოლუტურად ვფლობთ და ვაკონტროლებთ ქვეყანაში სიტუაციას. არსებობს არჩევნები, არსებობს ცივილიზებული გზა, მიმდინარეობს მშვიდი საარჩევნო კამპანია, სადაც ნებისმიერ პოლიტიკურ სუბიექტს აქვს შესაძლებლობა, წარმოადგინოს თავისი ხედვა. საქართველოს მოსახლეობამ კი, საარჩევნო უბნებზე მისვლით უნდა მიიღოს გადაწყვეტილება, ვინ უნდა იყოს ხვალ ხელისუფლებაში“,-აღნიშნა კახა კალაძემ. მისვე თქმით, საქართველოს აქვს გასული საუკუნის 90-იანის წლების ძალიან მწარე გამოცდილება. „ეს თქვენ, მეგრელებმა, სამეგრელომ, იცის ყველაზე უკეთესად. ჯერაც ვერ მოგვიშუშებია ეს ჭრილობები. არავის მივცემთ საშუალებას, რომ ქვეყანაში დაპირისპირებები და არეულობები მოაწყოს. ჩვენ გვინდა მეტი სიყვარული, მეტი კონსტრუქციულობა. დაიღალა საზოგადოება ამდენი დაპირისპირებით. ჩართავთ ტელევიზორს და რა ხდება, ერთმანეთის შეურაცხყოფა, ჭიქების, ბოთლების სროლა. ეს არ არის დებატები. ეს არის ძალიან მძიმე საყურებელი, ამას უყურებენ ბავშვები, ახალგაზრდები, მაგრამ ჩვენ უნდა მოვახერხოთ და გავაკეთოთ ყველაფერი , რათა საქართველოში პოლიტიკური კულტურა გადავიყავანოთ ახალ, თანამედროვე საფეხურზე“,-განაცხადა კალაძემ. მისვე თქმით, საჭიროა მეტი კონსტრუქციულობა, მეტი პატივისცემა და ერთმანეთის მიმართ სიყვარული. „ამით შევძლებთ ჩვენი ქვეყნის გამთლიანებას, გაძლიერებას, ეკონომიკურ წინსვლას. ეკონომიკური წინსვლით იქნება შესაძლებელი ყველა იმ პროექტის განხორციელება, ყველა პრობლემის მოგვარება, რომელიც თითოეულ მოქალაქეებს აწუხებს. ჩვენ ამას აუცილებლად შევძლებთ. დარწმუნებული ვარ, 8 ოქტომბერს საქართველოს თითოეული მოქალაქე მიიღებს სწორ გადაწყვეტილებას. ეს გადაწყვეტილება იქნება იმ დემოკრატიული გზის გაგრძელება, რომელიც ჩვენ 2012 წელს ჩვენი ქვეყნის მოქალაქეებთან ერთად დავიწყეთ. ეს იქნება სრულიად საქართველოს გამარჯვება, რადგან ამ გუნდის გამარჯვება პირდაპირ კავშირშია საქართველოს თითოეული მოქალაქის კეთილდღეობასთან. ძალიან დიდი მადლობა თითოეულ თქვენგანს“,-მიმართა კალაძემ სოფელ ორსანტიაში გამართული შეხვედრის მონაწილეებს.   სოფელ ორსანტიას მოსახლეობას სიტყვით ასევე მიმართა საქართველოს პარლამენტის პირველმა ვიცე-სპიკერმა, „ქართული ოცნება-დემოკრატიული საქართველოს“ პროპორციული სიის წევრმა მანანა კობახიძემ. როგორც მანანა კობახიძემ განაცხადა, ოპონენტების მიერ პროვოკაციების, დესტაბილიზაციის მზადების მზაკვრული იდეა თავშივე მკვდარია. „სამეგრელო იბრძვის მხოლოდ ჯანსაღი, უკეთესი მომავლისთვის და იცის, რომ ამ მომავლის შენება შეუძლია ყველაზე სტაბილურ ძალას,რომელიც ორიენტირებულია ადამიანის უფლებებზე, ორიენტირებულია ადამიანის ღირსების დაცვაზე. ეს ძალა არის „ქართული ოცნება“, იმიტომ, რომ ჩვენ, ყველამ ერთად, 2012 წელს დავამარცხეთ მძიმე წარსული“,-აღნიშნა მან.

ჩვენი მთავარი მონაპოვარი - თავისუფლება, დემოკრატია უნდა შევინარჩუნოთ და ამის გარანტი არის პარტია „ქართული ოცნება“, უნდა ავაშენოთ დემოკრატიულ ინსტიტუტებზე დაფუძნებული ქვეყანა, სადაც თითოეული მოქალაქის უფლებები, მიუხედავად მათი განსხვავებული აზრისა, განსხვავებული პოლიტიკური შეხედულებებისა, იქნება დაცული, - ამის შესახებ პარტია „ქართული ოცნების“ გენერალურმა მდივანმა, კახა კალაძემ ზუგდიდის მუნიციპალიტეტის სოფელ ცაცხვში, მოსახლეობასთან შეხვედრაზე განაცხადა. როგორც კალაძემ აღნიშნა, ყველაფერი უნდა გავაკეთოთ, რათა ქვეყანაში იყოს უფრო მეტი პატივისცემა განსხვავებული აზრის მიმართ. არ უნდა ვიყოთ შეპყრობილი იმით, რომ მხოლოდ ჩვენი აზრი იყოს გათვალისწინებული, უნდა მოვისმინოთ განსხვავებული აზრიც ქვეყანაში. „მჯერა, რომ ჩვენ ასეთ პოლიტიკურ კულტურას აუცილებლად დავამკვიდრებთ ქვეყანაში და პოლიტიკას ავიყვანთ ახალ, თანამედროვე საფეხურზე. უფრო მეტი სიყვარულია საჭირო, უფრო მეტი პატივისცემაა საჭირო და ყველაფერი ამ მიმართულებით იქნება მოგვარებული“,-აღნიშნა კალაძემ. „ქართული ოცნების“ გენერალურმა მდივანმა ამომრჩევლებს აქტიურობისკენ მოუწოდა და აღნიშნა, რომ 8 ოქტომბერს არის ძალიან მნიშვნელოვანი არჩევნები საქართველოში. „თქვენ ხედავთ, როგორ მშვიდ, წყნარ გარემოში მიმდინარეობს საარჩევნო კამპანია. არავინ დევნის განსხვავებული აზრის მქონე ადამიანებს ხელკეტებით, ქვებით, როგორც ჩვენ გვდევნიდნენ 2012 წელს. ეს მწარე მაგალითები ჩავაბარეთ უკვე გასულ წლებს. არასდროს არ დაბრუნდება საქართველოში ისეთი მთავრობა, ისეთი ხელისუფლება, რომლებიც განსხვავებულ აზრის მქონე მოქლაქეებზე იძალადებს. ჩვენი მთავარი მონაპოვარი - თავისუფლება, დემოკრატია, უნდა შევინარჩუნოთ და ამის გარანტი, რომ ამ მონაპოვარს ვერავინ შეეხება, არის ჩვენი გუნდი, პარტია „ქართული ოცნება“. თქვენ არავინ გაკადრებთ, გინდა თუ არა ნომერი 41, „ქართული ოცნება“ შემოხაზეთ, ამა არც ჩვენ თავს არ ვაკადრებთ. ზრდასრული ადამიანიები ბრძანდებით და კარგად ხედავთ, რა იყო, სად ვართ და რა იქნება მომავალში“,-მიმართა კალაძემ შეხვედრის მონაწილეებს. მანვე სოფლის მცხოვრებლებს ხობის მაჟორიტარობის კანდიდატი ირაკლი ბერაია და ზუგდიდის გამგებლობის კანდიდატი ლაშა გოგია წარუდგინა.  „ჩვენ გვყავს წარმოდგენილი ორი მართლაც ღირსეული ადამიანი, ლაშა გოგია და ირაკლი ბერაია. დარწმუნებული ვარ, რომ ეს ადამიანები გრძნობენ დიდ პასუხისმგებლობას, რომელსაც, იღებენ თქვენ წინაშე. თქვენ არ იფიქროთ, რომ ჩვენ ვართ თვითკმაყოფილნი, რაც ამ 4 წლის განმავლობაში მოვახერხეთ და გავაკეთეთ. ჩვენ კარგად ვხედავთ იმ გასაჭირს, იმ პრობლემებს, რომლებიც აწუხებთ ყველა რეგიონში მცხოვრებ ადამიანებს, მაგრამ აქვე გეტყვით, ქვეყანაში ერთადერთი ძალა არის „ქართული ოცნება“, ვისაც შეუძლია ამ პრობლემების რეალურად მოგვარება. „ქართული ოცნებაა“ ის ძალა,რომელსაც აქვს შესაძლებლობა, ქვეყანაში იყოს სტაბილურობა, სიმშვიდე“,-აღნიშნა კალაძემ. როგორც „ქართული ოცნების“ გენერალურმა მდივანმა აღნიშნა, სტაბილურობა და სიმშვიდე არის ძალიან მნიშვნელოვანი, რადგან ეს არის სწორედ საფუძველი უცხოური, თუ ადგილობრივი ინვესტიციების განსახორციელებლად. „ქვეყანაში სიწყნარის, მშვიდობისა და სტაბილურობის გარანტი არის მთლიანად ჩვენი გუნდი და პარტია „ქართული ოცნება“. ახლა მთავარია თქვენი მხარდაჭერა, თქვენი თანადგომა.  დარწმუნებული ვარ, 8 ოქტომბერს თქვენ მიიღებთ სწორ გადაწყვეტილებას და ეს იქნება არა მხოლოდ პარტია „ქართული ოცნების“ გამარჯვება, ეს იქნება სრულიად საქართველოს გამარჯვება. ამ გუნდის გამარჯვებასთან პირდაპირ კავშირშია საქართველოს თითოეული მოქალაქის კეთილდღეობა. მინდა, გისურვოთ წარმატებები, მინდა ყოველი დილა იყოს ბედნიერი თითოეული ჩვენგანისთვის“,- განაცხადა კალაძემ სოფელ ცაცხვის მოსახლეობასთან შეხვედრისას.  პარტიის გენერალურმა მდივანმა სიტყვით გამოსვლისას ყურადღება გაამახვილა „ქართული ოცნების“ გუნდის მიერ ბოლო ოთხი წლის განმავლობაში განხორციელებულ პროგრამებზე. მათ შორის საყოველთაო ჯანდაცვაზე, C ჰეპატიტის უფასო მკურნალობაზე, ათასობით დევნილი ოჯახისათვის ქონების საკუთრებაში გადაცემაზე, განათლების, სოფლის მეურნეობისა და ინფრასტრუქტურის მიმართულებით განხორციელებულ პროექტებზე. პარტიის ცენტრალური შტაბის უფროსმა აღნიშნა, რომ საქართველოს მთავრობის რეფორმების 4-პუნქტიანი გეგმის თანახმად, რომელიც ქვეყნის სწრაფ განვითარებას ითვალისწინებს, ყველა ეს პროგრამა არა მხოლოდ გაგრძელდება, არამედ, კიდევ უფრო დაიხვეწება და ფართო მასშტაბებს მიიღებს.  ადგილობრივ მოსახლეობას სიტყვით ასევე მიმართეს პარტიის აღმასრულებელმა მდივანმა ირაკლი კობახიძემ, ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა და „ქართული ოცნების“ პროპორციული სიის წევრებმა - მანანა კობახიძემ და ზვიად ძიძიგურმა.

თქვენ ხართ ის ადამიანები, რომლებმაც ძალიან დიდი როლი უნდა ითამაშონ ქვეყნის განვითარებაში; თქვენი ყოველდღიური ჩართულობა ქვეყნის განვითარების ფერხულში ძალიან მნიშვნელოვანია,-ამ სიტყვებით მიმართა "ქართული ოცნება- დემოკრატიული საქართველოს" გენერალურმა მდივანმა კახა კალაძემ გურიაში, "ივლიტას ბიბლიოთეკაში" დღეს გამართულ შეხვედრაზე შეკრებილ სტუდენტებს.  კახა კალაძემ "ქართული ოცნების" მიერ განხორციელებულ პროექტებსა და სამომავლო გეგმებზე ისაუბრა. ამასთან, პარტიის გენერალურმა მდივანმა სტუდენტების მიერ დასმულ ყველა აქტუალურ შეკითხვას უპასუხა. "ჩემთვის ძალიან დიდი პატივია, რომ ამ შეხვედრაზე ვიმყოფები. როდესაც მითხრეს, რომ ახალგაზრდებთან შეხვედრა იყო შესაძლებელი, მაშინვე დავთანხმდი. ყოველთვის მივესალმები ახალგაზრდებთან შეხვედრას, რადგან თქვენ ხართ ძალიან მნიშვნელოვანი ძალა“,-აღნიშნა კახა კალაძემ. პარტიის გენერალურმა მდივანმა ახალგაზრდებს საპარლამენტო არჩევნებზე ხმის დაფიქსირებისკენ მოუწოდა, ვინაიდან მისი შეფასებით, ქვეყნის მშენებლობაში ყველამ უნდა შეიტანოს პატარა წვლილი. „მინდა ყველას გთხოვოთ, მოგიწოდოთ, დააფიქსიროთ თქვენი მოქალაქეობრივი ვალი 8 ოქტომბერს. ხმა მიეცით თქვენს მიერ შერჩეულ პოლიტიკურ ძალას. არ აჩქარდეთ, გაეცანით ყველა პოლიტიკური სუბიექტის მიერ წარმოდგენილ ქვეყნის განვითარების ხედვას. ნახეთ რა გეგმები აქვთ, რამდენად რეალური და შესრულებადია ეს ყველაფერი. კარგი ანალიზი გააკეთეთ და ამის შემდეგ მიიღეთ გადაწყვეტილება, თუ ვის უნდა ჩააბაროთ ქვეყნის მართვა“,-დასძინა კახა კალაძემ სტუდენტებთან შეხვედრისას.

ჩვენ გვინდა მომავლის პოლიტიკა; მომავლის პოლიტიკა არის საქმის კეთება, ადამიანებზე ზრუნვა, მეტი სიყვარული ერთმანეთის მიმართ, გაერთიანება და უკეთესი, ძლიერი, ერთიანი საქართველოს მშენებლობა, - ამ სიტყვებით მიმართა საქართველოს პრემიერ-მინისტრმა გიორგი კვირიკაშვილმა კასპის მოსახლეობას, რომელსაც „ქართული ოცნება - დემოკრატიული საქართველოს“ მაჟორიტარი დეპუტატობის კანდიდატი ირაკლი მეზურნიშვილი წარუდგინა. მთავრობის მეთაურმა აღნიშნა, რომ ამისთვის, მხარდაჭერა სჭირდება "ქართულ ოცნებას", რომლის გამარჯვება, საქართველოს გამარჯვება იქნება. „დარწმუნებული ვარ, ჩვენ ყველანი ერთად დავამტკიცებთ, რომ ეს გზა არის უფრო სწორი გზა, ვიდრეის გზა, რომლითაც ჩვენ გასული 25 წელი ვიარეთ. აღარ შეიძლება იმ გზით სიარული. ახალი გზა გვჭირდება და ეს არის „ქართული ოცნების“ გზა - ეს არის გაერთიანების,სიყვარულის და აღმშენებლობის გზა", - განაცხადა პრემიერმა. გიორგი კვირიკაშვილის განცხადებით, მმართველი გუნდის მთავარი მიზანია, გააერთიანოს მთელი საზოგადოება და დაასრულოს დაპირისპირება. „დავასრულოთ ის, რომ ადამიანები არ ინდობენ ერთმანეთს; არ ინდობენ შეურაცხყოფისთვის, ბოროტი სიტყვისთვის. ეს ყველაფერი წარსულს უნდა ჩაბარდეს და ჩვენ უფრო მეტი ერთიანობის გრძნობა უნდა გაგვაჩნდეს. ჩვენ არ გვაქვს უფლება, გავაგრძელოთ ჩვენი ცხოვრება ასეთი დაპირისპირებით. საზოგადოება უნდა დამშვიდდეს. არ შეიძლება, მუდმივად იყოს დაძაბულობა, ადამიანები ცხოვრობდნენ იმით, ვინ ვის მოუგო წინა საღამოს პოლიტიკურ შოუში, ვინ უფრო მეტი შეურაცხყოფა მიაყენა, ვინ უფრო მეტი პოლიტიკური ტექნიკა გამოიყენა იმისთვის, რომ თავისი უპირატესობა ეჩვენებინა საზოგადოების წინაშე. ეს ყველაფერი უნდა იყოს წარსულის პოლიტიკა. ჩვენ გვინდა მომავლის პოლიტიკა; მომავლის პოლიტიკა არის საქმის კეთება, ადამიანებზე ზრუნვა, მეტი სიყვარული ერთმანეთის მიმართ, გაერთიანება და უკეთესი, ძლიერი, ერთიანი საქართველოს მშენებლობა", - განაცხადა გიორგი კვირიკაშვილმა. პრემიერ-მინისტრმა კასპის მოსახლეობას მაჟორიტარობის კანდიდატ ირაკლი მეზურნიშვილის მხარდაჭერისკენ მოუწოდა. "იგი აქაურია, ძალიან მყარად დგას ქართულ ნიადაგზე. ირაკლი მეზურნიშვილი გახლავთ ეკონომიკის მეცნიერებათა დოქტორი, ამავე დროს საერთაშორისო სამართლის მაგისტრი, არის განათლებული, ახალგაზრდა, გულანთებული, ენერგიული და გულისხმიერი კაცი,რომელიც ყველა თქვენთაგანის სატკივარს მიიტანს გულთან და გადაწყვეტს თქვენს პრობლემებს ჩვენს გუნდთან ერთად",- მიმართა პრემიერმა მოსახლეობას. კასპის მოსახლეობა სიტყვით ასევე მიმართა „ქართული ოცნება-დემოკრატიული საქართველოს“ გენერალურმა მდივანმა, პარტიის ცენტრალური შტაბის უფროსმა კახა კალაძემ. კახა კალაძის თქმით, „ქართული ოცნება“ არის გარანტი იმისა, რომ სიტყვის თავისუფლება, აზრის გამოხატვის თავისუფლება ყოველთვის ხელშეუხებელი იქნება. „ მინდა მადლობა მოგახსენოთ იმ ბრძოლისთვის, რომელიც ჩვენ, ყველამ ერთად 2011 წელს დავიწყეთ. გავერთიანდით ბატონი ბიძინა ივანიშვილის ირგვლივ, გავერთიანდით პარტია „ქართული ოცნების“ ირგვლივ და დავიწყეთ ბრძოლა თავისუფლებისთვის, დავიწყეთ ბრძოლა დემოკრატიისთვის. მე ნამდვილად მეამაყება ის, რომ დღეს ჩვენს ქვეყანაში, თითოეული ჩვენი ქვეყნის მოქალაქე არის თავისუფალი. მე მეამაყება, ის, რომ დღეს საქართველოში განსხვავებული აზრის მქონე ადამიანები არ იდევნებიან. მეამაყება ის, რომ განსხვავებული პოლიტიკური შეხედულებების მქონე ადამიანებს ქვებით და ხელკეტებით არ დასდევენ, როგორც ეს ჩვენ, თითოეულმა თქვენგანმა, საკუთარ თავზე ჩვენდა სამწუხაროდ გამოვცადეთ და გამოვიარეთ 2012 წელს. ჩვენ გაძლევთ პირობას, რომ ამ მოპოვებულ თავისუფლებას, რომელიც ჩვენ ყველამ ერთად შევძელით ბრძოლით, ვერავინ ვერ შეეხება ვერასდროს. ეს არის თითოეული თქვენგანის მონაპოვარი, ეს არის თითოეული ჩვენგანის მონაპოვარი და პარტია „ქართული ოცნება“ არის გარანტი იმისა, რომ ეს ყოველთვის იქნება ხელშეუხებელი“,-აღნიშნა პარტიის გენერალურმა მდივანმა. კახა კალაძემ სიტყვით გამოსვლისას ყურადღება გაამახვილა „ქართული ოცნების“ გუნდის მიერ განხორციელებულ პროექტებზე. „ჩვენ კარგად გვესმის ყველა ის პრობლემა, რომელიც აწუხებს საქართველოს მოსახლეობას, რომელიც აწუხებს რეგიონში, რაიონში,სოფლად მცხოვრებ ადამიანებს და ზუსტად, ჩვენ ვართ ის ძალა,რომელიც თქვენთან ერთად შეძლებას ამ პრობლემების მოგვარებას“,-აღნიშნა პარტიის ცენტრალური შტაბის უფროსმა. კახა კალაძემ ხაზი გაუსვა მშვიდობისა და სტაბილურობის მნიშვნელობას. „დღეს მთავარი და მნიშვნელოვანი ის არის, რომ ჩვენ შევინარჩუნოთ მშვიდობა, სტაბილურობა ქვეყანაში და უფრო ადვილი, უფრო იოლი იქნება შესაძლებლობა იმისა, რომ ქვეყანა უფრო სწრაფად განვავითაროთ ეკონომიკურად, წინ წავიდეთ ეკონომიკურად, რადგან ქვეყნის ეკონომიკური განვითარება, ქვეყნის ეკონომიკური წინსვლა პირდაპირ კავშირშია თითოეული თქვენგანის კეთილდღეობასთან.მე დარწმუნებული ვარ, რომ ჩვენ 8 ოქტომბერს აუცილებლად ვიზეიმებთ, აუცილებლად გავიმარჯვებთ და ეს არ იქნება მხოლოდ ჩვენი, ჩვენი მხარდამჭერების გამარჯვება, ეს იქნება სრულიად საქართველოს გამარჯვება, რადგან პარტია „ქართული ოცნების“ გამარჯვება პირდაპირ კავშირშია თითოეული ჩვენი ქვეყნის მოქალაქის კეთილდღეობასთან, პირდაპირ კავშირშია ქვეყანაში მშვიდობასთან,კეთილდღეობასთან და რაც მთავარია სტაბილურობასთან. მინა წარმატებები გისურვოთ, მინდა გაგამხნევოთ და მინდა იცოდეთ, რომ თქვენ ამ ბრძოლაში არ ხართ მარტო. თქვენს უკან დგას უზარმაზარი ჯარი, რომელსაც „ქართული ოცნების“ ჯარისკაცები ჰქვია“,-დასძინაპარტიის გენერალურმა მდივანმა.