„ქართული ოცნება - დემოკრატიული საქართველოს“ აღმასრულებელმა მდივანმა და საარჩევნო შტაბის ხელმძღვანელმა, ირაკლი კობახიძემ ცენტრალურ საარჩევნო კომისიაში 2020 წლის საპარლამენტო არჩევნების პარტიული სია წარადგინა. სიის შემადგენლობა: 1. გიორგი გახარია 2. არჩილ თალაკვაძე 3. ირაკლი კობახიძე 4. თეა წულუკიანი 5. მამუკა მდინარაძე 6. კახაბერ კუჭავა 7. გიორგი კახიანი 8. მარიამ ქვრივიშვილი 9. მიხეილ სარჯველაძე 10. მაია ბითაძე 11. მიხეილ დაუშვილი 12. გიორგი ამილახვარი 13. ვიქტორ სანიკიძე 14. მაკა ბოჭორიშვილი 15. შალვა პაპუაშვილი 16. დავით კაჭარავა 17. ნიკოლოზ სამხარაძე 18. გიორგი ხელაშვილი 19. მარიამ ლაშხი 20. ბექა დავითულიანი 21. ანრი ოხანაშვილი 22. დიმიტრი ხუნდაძე 23. დიმიტრი სამხარაძე 24. ნინო წილოსანი 25. ირაკლი კოვზანაძე 26. ირაკლი ბერაია 27. ირაკლი სესიაშვილი 28. ეკა სეფაშვილი 29. რატი იონათამიშვილი 30. გურამ მაჭარაშვილი 31. დავით მათიკაშვილი 32. ელისო ბოლქვაძე 33. ლადო კახაძე 34. ირაკლი მეზურნიშვილი 35. სავალან მირზოევი 36. რიმა ბერაძე 37. სუმბატ კიურეღიან 38. ალეკო ტაბატაძე 39. ალუდა ღუდუშაური 40. ირმა ზავრადაშვილი 41. ირაკლი ზარქუა 42. გივი მიქანაძე 43. ბექა ლილუაშვილი 44. ქეთი დუმბაძე 45. ლექსო დალაქიშვილი 46. ლევან ქარუმიძე 47. ირაკლი მეძმარიაშვილი 48. ხატია წილოსანი 49. ვლადიმერ ჩაჩიბაია 50. ისკო დასენი 51. ვიქტორ ჯაფარიძე 52. მაია მენაღარიშვილი 53. ედიშერ თოლორაია 54. გოდერძი ჩანქსელიანი 55. ელგუჯა გოცირიძე 56. ანა ბუჩუკური 57. გია ბენაშვილი 58. დაჩი ბერაია 59. შოთა ხაბარელი 60. თამარ ტალიაშვილი 61. ლევან მგალობლიშვილი 62. გელა სამხარაული 63. გია ცაგარეიშვილი 64. ნინო იობაშვილი 65. გიორგი ჩაკვეტაძე 66. თენგიზ შარმანაშვილი 67. თორნიკე ჭეიშვილი 68. ბაია კვიციანი 69. მერაბ ქვარაია 70. ირაკლი კირცხალია 71. გიორგი ბარვენიშვილი 72. გენრიეტა წიწავა 73. იმედა ნიკურაძე 74. ლევან მაჭავარიანი 75. არჩილ გორდულაძე 76. სალომე ქურასბედიანი 77. გიორგი შინჯიკაშვილი 78. შალვა კიკნაველიძე 79. სულხან მახათაძე 80. სალომე ჯინჯოლავა 81. ჯუმბერ იზორია 82. ლუკა კანკავა 83. თემურ გოცირიძე 84. ქეთევან ჩარკვიანი 85. ზურაბ ხაჩიძე 86. დავით თურქია 87. ნიკა ტყემალაძე 88. ნათია მოდებაძე 89. თორნიკე ფხაკაძე 90. აბელ აბესაძე 91. ზურაბ იაშვილი 92. მარიამ ყაყიჩაშვილი 93. კობა სამხარაძე 94. გიორგი ხავთასი 95. მიხეილ თოფურია 96. მარიამი ლომიძე 97. დავით კაჭარავა 98. ვლადიმერ ქორთუა 99. გია თელია 100. მარიამ ნასუაშვილი 101. კობა დუნდუა 102. ბენედიქტე გეგეჭკორი 103. გაგა დარბაიძე 104. ანა თევდორაძე 105. გრიგოლ დალაქიშვილი 106. სერგი მუშკუდიანი 107. ჯონი ბერუაშვილი 108. ნინო ლაცაბიძე 109. ნიკა თინიკაშვილი 110. ირაკლი სურმავა 111. გია ჩხეიძე 112. ქეთი აბაიშვილი 113. ბექა ოდიშარია 114. ნოდარ ტურძელაძე 115. დავით სერგეენკო 116. მაიკო ხარძიანი 117. კახა კახიშვილი 118. სოზარ სუბარი 119. გიორგი ვოლსკი 120. ნათია თელია 121. მიხეილ ყაველაშვილი 122. ლევან კობიაშვილი 123. დავით სონღულაშვილი 124. ნინო ქარდავა 125. ირაკლი ქადაგიშვილი 126. შალვა კერესელიძე 127. ზაურ დარგალი 128. მარიამ თევზაძე 129. გოგი მეშველიანი 130. გიორგი ხოჯევანიშვილი 131. ზაალ დუგლაძე 132. ნინო ჯანიაშვილი 133. ანტონ ობოლაშვილი 134. სამველ მანუკიან 135. გოჩა ენუქიძე 136. ნინო გიგინეიშვილი 137. პაატა კვიჟინაძე 138. ბეჟან წაქაძე 139. გივი ჭიჭინაძე 140. ხატია ურიგაშვილი 141. ზაზა ლომინაძე 142. ვასილ ჩიგოგიძე 143. ალექსანდრე მოწერელია 144. ალექსანდრა ხორგუაშვილი 145. ირაკლი ხახუბია 146. ირაკლი ჩიქოვანი 147. რესან კონცელიძე 148. ანა მიქაუტაძე 149. ზაალ მიქელაძე 150. ანზორ ბოლქვაძე

პარტიისა და საარჩევნო შტაბის სახელით, გვინდა გამოვხატოთ შეშფოთება ბოლო რამდენიმე დღის განმავლობაში მომხდარი პროვოკაციებისა და ინციდენტების გამო. ჩვენ გვქონდა არაერთი შეხვედრა ჩვენს საერთაშორისო პარტნიორებთან, სადაც მათ ვესაუბრებოდით სიფრთხილის აუცილებლობაზე. ჩვენი მოლოდინი იყო, რომ რადიკალური ოპოზიციური პარტიებისთვის უმძიმესი საარჩევნო რეიტინგების ფონზე, ისინი აუცილებლად შეეცდებოდნენ პროვოკაციების მოწყობას. ამის თაობაზე ჩვენ ვაფრთხილებდით ჩვენს აქტივისტებსაც, მოვუწოდებდით მათ და ახლაც ყოველდღიურ რეჟიმში მოვუწოდებთ, არ აყვნენ უმძიმეს პროვოკაციებსაც კი. ამგვარი გაფრთხილებებით ჩვენ შევძელით არაერთი ინციდენტის თავიდან არიდება სხვადასხვა საარჩევნო ოლქში. სამწუხაროდ, პრევენციული ზომების მიუხედავად, რადიკალურმა ოპოზიციამ რამდენიმე შემთხვევაში მაინც მოახერხა პროვოკაციების ინციდენტებში გადაზრდა. დღეს, ადგილი ჰქონდა კიდევ ერთ უმძიმეს პროვოკაციას, როდესაც კრიმინალური ოპოზიციის წარმომადგენლები თავს დაესხნენ ჩვენი მარნეულის შტაბის წევრს, თემურ შუბითიძეს და მიაყენეს მას, თბილისში  მძიმე ფიზიკური დაზიანებები. თითოეულმა თავდამსხმელმა უნდა იცოდეს, რომ ისინი კანონის მთელი სიმკაცრით აგებენ პასუხს. გვინდა, თქვენი ყურადღება გავამახვილოთ იმ გარემოებაზე, რომ პროვოკაციების მოწყობის თვალსაზრისით ახლაც გამოირჩევიან ის კანდიდატები, რომლებიც უკვე წლებია პროფესიონალ საარჩევნო პროვოკატორებად ჩამოყალიბდნენ. ესენი არიან პირველ რიგში ნიკანორ მელია და  აკმამედ იმამკულიევი, რომელთა შესრულებით ჩვენ გასული წლების განმავლობაში არაერთი უმძიმესი საარჩევნო პროვოკაცია ვიხილეთ. მძიმე პროვოკაციებით გამოირჩევიან კახა ოქრიაშვილის აქტივისტებიც, რამაც კიდევ ერთხელ გაგვიმყარა რწმენა, რომ „ქართული ოცნებიდან“ მისი ჩამოშორებით ჩვენმა პოლიტიკურმა გუნდმა უალტერნატივოდ სწორი გადაწყვეტილება მიიღო. აშკარაა, რომ პროვოკაციების მოწყობა, საარჩევნო ადმინისტრაციის მუშაობისთვის ხელის შეშლა თანდათანობით რადიკალური ოპოზიციის მთავარ სტრატეგიულ ამოცანად იქცევა. ისინი კვლავაც იმოქმედებენ იმ მეთოდებით, რა მეთოდებითაც 2012 წელს ძალაუფლების შენარჩუნებას ცდილობდნენ.ჩვენი მთავარი ამოცანა თავისუფალი, თანასწორი და მშვიდი არჩევნების  ჩატარებაა. არაერთგზის გვითქვამს და ერთხელაც გავიმეორებთ, თუ არ იქნება პროვოკაციები რადიკალური ოპოზიციის მხრიდან, არჩევნები წარიმართება ზუსტად ისეთივე მშვიდ გარემოში, როგორც წარიმართებოდა გასული რამდენიმე თვის მანძილზე. კიდევ ერთხელ მოვუწოდებთ ჩვენს აქტივისტებსა და მხარდამჭერებს, არ აყვნენ რადიკალური ოპოზიციის უმძიმეს პროვოკაციებსაც კი. სამართალდამცავ ორგანოებს მოვუწოდებთ, კანონმდებლობის შესაბამისად მიიღონ ყველა ზომა ინციდენტების აღსაკვეთად და მომხდარ ინციდენტებზე რეაგირებისათვის. არცერთი სამართალდარღვევა არ უნდა დარჩეს დაუსჯელი, განურჩევლად იმისა, თუ ვინ ჩაიდინა ეს სამართალდარღვევა.

მარნეულის მუნიციპალიტეტში, „ნაციონალური მოძრაობის” წევრების მხრიდან დღეს საოლქოს ადმინისტრაციაში შეჭრის მცდელობა და ცესკოს ერთ-ერთი თანამშრომლის მიმართ ფიზიკური ძალადობა ვიხილეთ. ადგილზე იმყოფებოდა პოლიცია და აღნიშნული საქმის გამოძიება დაწყებულია. თუმცა, „ნაციონალური მოძრაობის” აქტივმა ძალადობა არ იკმარა და ამჯერად, საღამოს საათებში, ალკოჰოლური ზემოქმედების ქვეშ მყოფი მათი აქტივისტები “ქართული ოცნების” ოფისთან მივიდნენ და ჩვენს მხარდამჭერებზე როგორც სიტყვიერად, ისე ფიზიკურად ძალადობა დაიწყეს, რის შემდეგაც ვითარება გართულდა და კონფლიქტი ორმხრივ დაპირისპირებაში გადაიზარდა. სახელმწიფო დესტაბილიზაციისა და არეულობის მცდელობებს არ დაუშვებს და ყველა პირი, ვინც კანონის ფარგლებს გაცდება, უმკაცრესად დაისჯება. როგორც ჩანს, „ნაციონალური მოძრაობა” საბოლოოდ დაადგა წინასაარჩევნო კამპანიაში პროვოკაციებისა და ძალადობის გზას, რასაც განსაკუთრებული დაფიქრება, მოთმინება და ანალიზი სჭირდება. ყველას მოგიწოდებთ, რომ მათ ქმედებებს საკადრისი პასუხი გავცეთ არა ფიზიკური, არამედ მშვიდობიანი, არჩევნების გზით. ჩვენ ვართ პასუხისმგებლიანი გუნდი, რომელიც 2012 წლის პირველ ოქტომბერს, ძალადობრივი რეჟიმის პირობებში მშვიდობიანი გზით, არჩევნების მეშვეობით მოვიდა ხელისუფლებაში და მტრულ ძალებს არჩევნებით კიდევ ერთხელ დავამარცხებთ.

„ქართული ოცნების“ პოლიტიკური გუნდი მიესალმება ეუთოს დემოკრატიული ინსტიტუტებისა და ადამიანის უფლებების ოფისის მიერ, საქართველოში 2020 წლის არჩევნებისთვის სადამკვირვებლო მისიის გახსნას და დარწმუნებულია, რომ მომავალ საპარლამენტო არჩევნებზე, საერთაშორისო მისიების მუშაობა ქართული დემოკრატიის განმტკიცების პროცესში მნიშვნელოვან როლს ითამაშებს. 2012 წლის შემდეგ, ყველა არჩევნები სამართლიან, თავისუფალ და დემოკრატიულ გარემოში ტარდება, რასაც საერთაშორისო სადამკვირვებლო მისიებისა და სტრატეგიული პარტნიორების პოზიტიური შეფასებებიც ადასტურებს. ბუნებრივია, დემოკრატიას მუდმივად სჭირდება განმტკიცება და სრულყოფა, რისთვისაც „ქართული ოცნების“ მხრიდან, ჩვენს საერთაშორისო პარტნიორებთან მჭიდრო კომუნიკაციითა და მათი ჩართულობით არაერთი საკანონმდებლო ცვლილება განხორციელდა, რომელიც საარჩევნო პროცესს კიდევ უფრო გამჭვირვალესა და დემოკრატიულს გახდის. გლობალური პანდემიისა და ეპიდემოლოგიური ვითარების მიუხედავად, „ქართული ოცნების“ მხრიდან ყოველთვის იყო მზაობა, რომ 2020 წლის საპარლამენტო არჩევნების მონიტორინგი რაც შეიძლება მეტმა ადგილობრივმა თუ საერთაშორისო ორგანიზაციამ განახორციელოს. კიდევ ერთხელ მივესალმებით ეუთოს დემოკრატიული ინსტიტუტებისა და ადამიანის უფლებების ოფისის გადაწყვეტილებას და დარწმუნებულები ვართ, რომ საქართველოში 2020 წლის საპარლამენტო არჩვენები იქნება კიდევ ერთი წინ გადადგმული ნაბიჯი ჩვენი ქვეყნის დემოკრატიული განვითარების გზაზე.

საწევრო შენატანები და შემოწირულობები 01.09.2020-21.09.2020

მოგესალმებით, საჩხერელებო! დიდი პატივია აქ, თქვენთან ერთად საუბარი ხვალინდელ დღეზე. რა თქმა უნდა, აკაკის სამშობლოდან საქართველოს მომავალზე საუბარი დიდი პასუხისმგებლობაც არის, მაგრამ ახლა, მინდა ამას ცოტა სხვანაირ, თბილ და შინაურულ გარემოში შევხედო. ჩვენ ბევრს დავდივართ რეგიონებში, ვმოგზაურობთ, ბევრ გეგმაზე ვსაუბრობთ ჩვენს მოქალაქეებთან და საჩხერეს ერთი რამ განასხვავებს ყველასგან, საჩხერე უკვე ჩამოყალიბებულია, როგორც მოდელი, როგორი საქართველო გვინდა დავინახოთ უახლოეს პერიოდში და ამაში ბიძინა ივანიშვილის პირდაპირი წვლილია. ჩვენ ყველაფერი უნდა გავაკეთოთ იმისთვის, რომ უახლოეს პერიოდში, სხვა მუნიციპალიტეტებიც ასეთი იყოს. მარტივად რომ ვთქვათ - ჯანდაცვა, განათლების სისტემა, თავიდან ბოლომდე, ინფრასტრუქტურა, სპორტი, კულტურა, გზები - ეს არის ყველაფერი იმისთვის, რომ ამ მუნიციპალიტეტის თითოეულმა მოქალაქემ ისარგებლოს ყველა იმ სიკეთით, რომელიც თქვენთვის შეიქმნა და ეს, სიმართლე უნდა ვთქვათ და ვაღიაროთ, შექმნა ფონდმა „ქართუმ“ და ბიძინა ივანიშვილმა, მაგრამ ეს არ ნიშნავს იმას, რომ მუდმივად ასე უნდა გაგრძელდეს. ეს ნიშნავს იმას, რომ კარგი საფუძველია და ჩვენ ყველამ ერთად უნდა ვიმუშაოთ ისე, რომ სხვა მუნიციპალიტეტებიც საჩხერეს დაეწიონ და საჩხერეც კიდევ უფრო გაძლიერდეს. ზემო იმერეთი-რაჭის გზა იქნება ძალიან მაგარი პროექტი, რომელიც შეძლებს, უფრო მეტი ტურისტი მოიყვანოს ამ რეგიონში. ყველაფერს თავი რომ დავანებოთ, ონელების, ამბროლაურელებისთვის ეს იქნება უახლოესი გზა, რომ თბილისიდან დაუკავშირდნენ თავიანთ რეგიონს. გარდა ამისა, რა თქმა უნდა, უამრავი ინფრასტრუქტურული პროექტი, პრობლემაა დარჩენილი, დაწყებული წყალმომარაგებით, დამთავრებული წყალარინებით. ეს ყველაფერი ჩვენ ერთად უნდა გავაკეთოთ. ეჭვი არავის ეპარება, რომ 31 ოქტომბერს ჩვენ საჩხერეში გავიმარჯვებთ ყველანი ღირსეულად, მაგრამ ეს გამარჯვება არ ნიშნავს მხოლოდ და მხოლოდ საჩხერის გამარჯვებას, ეს გამარჯვება ნიშნავს საქართველოს გამარჯვებას, რამეთუ საჩხერე არის ყველაზე კარგი მაგალითი - თითოეულმა ქართველმა, როგორც შეუძლია, როგორ უნდა მოუაროს თავის სამშობლოსა და კუთხეს და ეს მაგალითი ჩვენ ყველას მოგვცა ბიძინა ივანიშვილმა. ეს ის ზრუნვა და ის შრომაა, რომელმაც ჩვენ უნდა მიგვიყვანოს საბოლოო მიზნამდე - ეკონომიკურად ძლიერ, განათლებულ, სამართლიან და ევროპულ საქართველომდე. 31 ოქტომბერს ჩვენ ყველას კიდევ ერთხელ დავუმტკიცებთ, რომ ყველა იმ საქმეს, რომელიც დავიწყეთ, ღირსეულად დავამთავრებთ! გამარჯვებას გისურვებთ!

მოგესალმებით! მიხარია დღეს თქვენს წინაშე გამოსვლა ქალაქში, სადაც სამშობლოს უანგაროდ მოყვარული ადამიანები, პატრიოტიზმის გრძნობით აღვსილი ადამიანები ცხოვრობენ. საჩხერის მუნიციპალიტეტი დიდი ქართველი პოეტების, მსახიობების და საზოგადო მოღვაწეების მშობლიური კუთხეა. თუმცა, როდესაც საჩხერეზე ვსაუბრობთ, შეუძლებელია პირველ რიგში ამ კუთხის გამორჩეული და ღირსეული შვილი არ გავიხსენოთ, უანგარო ქველმოქმედი, რომელმაც ძალიან ბევრი მნიშვნელოვანი და კეთილი საქმე გააკეთა ჩვენს ქვეყანაში-ბიძინა ივანიშვილი. წარმომიდგენია, რამდენად საამაყოა თქვენთვის, რომ სწორედ თქვენ გვერდით იზრდებოდა, თქვენთან ერთად იზიარებდა გაჭირვებასა თუ სიხარულს, ბიძინა ივანიშვილი, ჩვენი პარტიის დამფუძნებელი და ადამიანი, რომელმაც 2012 წელს, ქართველ ხალხთან ერთად, ჩვენი ქვეყნის ისტორიის ერთ-ერთ ყველაზე მნიშვნელოვან მომენტში გარდამტეხი როლი შეასრულა და ერთხელ და სამუდამოდ დაასრულა წინა ხელისუფლების ერთპიროვნული, ავტოკრატიული მმართველობა. სრულიად ზედმეტია იმაზე საუბარი, თუ რამდენად უკეთესობისკენ შეიცვალა ყველაფერი არ მხოლოდ თქვენს მუნიციპალიტეტში, არამედ მთელს ქვეყანაში 2012 წლის პირველი ოქტომბრის შემდეგ. წარმატებების კვალდაკვალ, რა თქმა უნდა, მატულობს პასუხისმგებლობა, პასუხისმგებლობა ჩვენი ქვეყნის თითოეული მოქალაქის წინაშე, რომ ქვეყნის წინსვლა ჩვენმა მოქალაქეებმა საკუთარ თავსა და ოჯახზე იგრძნონ. ყველა ვთანხმდებით, რომ ჯერ კიდევ არსებობს გამოწვევები, რომელსაც შესაბამისი პასუხი სჭირდება. ჩვენ ვართ ის პოლიტიკური ძალა, პოლიტიკური გუნდი, რომელიც მზადაა, გაუმკლავდეს ყველა პრობლემას. ამაში გვჭირდება კვლავ თქვენი მხარდაჭერა, რადგან თითოეული მოქალაქის როლი ძალიან მნიშვნელოვანია. დარწმუნებული ვარ, 2020 წლის საპარლამენტო არჩევნებში, 31 ოქტომბერს, ჩვენ ყველა ერთად, მთელი ქვეყანა გამარჯვებას ვიზეიმებთ და ეს არ იქნება მხოლოდ კონკრეტული პარტიის გამარჯვება, ეს იქნება სრულიად საქართველოს, ჩვენი სამშობლოს გამარჯვება იმიტომ, რომ დღეს ჩვენ ყველაზე მეტად გვჭირდება მშვიდობა, სტაბილურობა, სიმშვიდე და ქვეყნის რაც შეიძლება სწრაფი ეკონომიკური განვითარება. ჩვენ ამას აუცილებლად მოვახერხებთ თქვენი თანადგომით და მხარდაჭერით. ერთად საქართველოს წარმატებისთვის!

პოლიტიკური გაერთიანება „ქართული ოცნება - დემოკრატიული საქართველოს“ ლიდერებმა საჩხერის მოსახლეობას მაჟორიტარი დეპუტატობის კანდიდატი პაატა კვიჟინაძე წარუდგინეს.

საქართველოს პრემიერ-მინისტრი გიორგი გახარია, პარტია „ქართული ოცნების" გენერალური მდივანი კახა კალაძე და პარლამენტის თავმჯდომარე არჩილ თალაკვაძე, საჩხერის, ჭიათურისა და ხარაგაულის მაჟორიტარი დეპუტატობის კანდიდატთან, პაატა კვიჟინაძესთან და ხარაგაულის მერობის კანდიდატთან, კობა ლურსმანაშვილთან ერთად ზემო იმერეთი - რაჭის დამაკავშირებელი საავტომობილო გზის სამშენებლო სამუშაოების მიმდინარეობას გაეცნენ. საჩხერე-ონის არსებული მარშრუტის (სიგრძე 111 კმ.) სამგზავრო დრო სულ მცირე 1 საათით მცირდება. სატრანსპორტო მოძრაობა საჩხერე-ონის გზაზე მნიშვნელოვნად გაზრდის მომსახურებისა და უსაფრთხოების ხარისხს, განსაკუთრებით ქალაქებსა და სოფლებში. აღნიშნული საავტომობილო გზა იმერეთისა და რაჭის რეგიონებისთვის უმნიშვნელოვანესი პროექტია, რომელიც თბილისიდან ონში მგზავრობის დროს 1,5 საათით შეამცირებს. ამ ეტაპზე, აქტიური სამუშაოები მიმდინარეობს 5 ლოტზე, ბოლო მონაკვეთის დასრულება კი 2021 წლისთვისაა დაგეგმილი.​​

ჭიათურა უმნიშვნელოვანესი ქალაქია ქვეყნის ეკონომიკისთვის. ჭიათურა არის მრეწველობის ფუძე და ეს არ მომხდარა გუშინ და გუშინწინ, ეს მოხდა მაშინ, როდესაც 1879 წელს და მას შემდეგ თითქმის 200 წელი გავიდა, აქ მანგანუმის საბადო აღმოაჩინეს. მას შემდგომ, ჭიათურა საქართველოში ბევრ რამეში იყო ჩემპიონი. აქ იყო პირველი საბაგირო, პირველი სპორტული კორტები და კიდევ ბევრი რამ. ეს ყველაფერი კიდევ უფრო უნდა გავაძლიეროთ, გავამდიდროთ და წინ წავიყვანოთ, თუმცა ეს ყველაფერი უნდა გავაკეთოთ ისე, რომ ადამიანის შრომის უსაფრთხოება იყოს დაცული და ეკოლოგიასაც უნდა მივხედოთ. რა თქმა უნდა, ეს ყველაფერი 1 და 2 დღეში ვერ მოხერხდება. ძალიან კარგად მახსოვს, რამდენიმე წლის წინ, როდესაც აქ ჩამოსვლა, ბიზნესსაზოგადოებასა და ადგილობივ ხელისუფლებასთან შეხვედრა და მანგანუმის მოპოვების ტექნოლოგიებში გარკვევა მომიწია, მაშინ სიტუაცია მძიმე იყო. დღეს ცოტა უკეთესია, ბევრი რამ შეიცვალა. არ მინდა დეტალებში შევიდე, თუმცა ყველას უნდა გვესმოდეს, რომ საჭიროა ბალანსის დაცვა ეკონომიკის განვითარებას, ბიზნესის მხარდაჭერას, რაც სამუშაო ადგილებს ნიშნავს და იმას შორის, რომ არ მივაყენოთ ზიანი ჩვენს ბუნებას და რა თქმა უნდა შრომის უსაფრთხოების ელემენტარული წესები დავიცვათ, რომ ეს ზიანი არ იყოს შეუქცევადი და დაუძლეველი. ჩვენ ყველაფერი უნდა გავაკეთოთ ერთად იმისთვის, რომ ეს ბალანსი ვიპოვოთ. ჭიათურაში მოპოვებული მანგანუმი და მისგან მიღებული სხვადასხვა პროდუქტი დღეს ქვეყნის ერთ-ერთი ყველაზე მნიშვნელოვანი საექსპორტო საქონელია და რა თქმა უნდა, ამას ძალიან დიდი მნიშვნელობა აქვს ქვეყნის ეკონომიკაში. რა თქმა უნდა, მანგანუმი აქ ძალიან ბევრ ადამიანს ასაქმებს, თუმცა არ უნდა დაგვავიწყდეს სოფლის მეურნეობაც, არ უნდა დაგვავიწყდეს, რომ ჭიათურაში შესანიშნავი ჩაი მოდის და ის შესაძლებლობები, რომელსაც სახელმწიფო სხვადასხვა პროგრამით ადამიანებს აძლევს, აქ სულ უფრო და უფრო უნდა გამოვიყენოთ. გარდა ამისა, უნდა ვიზრუნოთ სისტემურ ინფრასტრუქტურაზე - რა თქმა უნდა გზები, წყალმომარაგება. ასე თუ ისე ჭიათურის ქალაქის წყალმომარაგება დღეს 24-საათიანი არის, დარჩენილია რამდენიმე უბანი, კორპუსი, რომლებიც მოგვარდება, რა თქმა უნდა, უახლოეს პერიოდში, თუმცა მოუგვარებელი რჩება სოფლების წყალმომარაგება და ესეც მისახედია. შემდეგ უკვე საფიქრალია და დასაწყებია უკვე მუშაობა ჭიათურის წყალარინების სისტემაზე, რადგან ჭიათურა ქალაქური სტილით მცხოვრები ქალაქია და წყალარინების ნორმალური სისტემა აუცილებლად უნდა ფუნქციონირებდეს. კიდევ ბევრი რამ არის გასაკეთებელი და ეს ყველაფერი ჩვენ უნდა გავაკეთოთ ერთად. ჩვენი ზრუნვის ძირითადი საგანი, ძირითადი მიზანი უნდა იყოს ადამიანი, ჩვენი ახალგაზრდა თაობა - მათი განათლება, ჩვენი მოხუცები - მათი პენსიები, მასწავლებლები, ექიმები, პოლიციელები და ჯარისკაცები. მათზე უნდა ვიზრუნოთ რადგან ეს ის ხალხია, რომლებმაც უნდა იზრუნონ ჩვენს მოქალაქეებზე და მოემსახურონ მათ. ყველაფერი ამისთვის ჩვენ გვჭირდება კიდევ ბევრი გამარჯვება და ამ, გამარჯვებების ნაწილი, ერთ-ერთი ნაწილი იქნება 31 ოქტომბრის არჩევნები, რომელშიც დარწმუნებული ვარ, რომ ჩვენ ყველანი ერთად გავიმარჯვებთ სამართლიან ბრძოლაში, სამართლიან გამარჯვებას გისურვებთ ჭიათურელებო!

მოგესალმებით! მოხარული ვარ, რომ დღეს მშრომელი ადამიანებით დასახლებულ ამ გამორჩეულ ქალაქში ვიმყოფები. ხაზგასმით აღსანიშნავია, რომ არაერთი წარმატებისა თუ სირთულის მიუხედავად, ჩვენ მუდმივად ვგრძნობდით და ვგრძნობთ თქვენს მხარდაჭერას და გვერდით დგომას, ჯერ კიდევ იმ პერიოდიდან, როდესაც ერთად დგომითა და ბრძოლით, ქვეყანაში მშვიდობა და თავისუფლება დავაბრუნეთ და სახელმწიფო საკუთარი მოქალაქის სამსახურში ჩავაყენეთ. მოგეხსენებათ, „ქართული ოცნების“ ხელისუფლებაში მოსვლის დღიდან, რეგიონებს განსაკუთრებული ყურადღება ექცევა და 2012 წლიდან მოყოლებული, თქვენ მხარეში არაერთი მნიშვნელოვანი პროექტი განხორციელდა. გასული წლების განმავლობაში, მნიშვნელოვნად გაიზარდა ხელისუფლების მიერ ჭიათურის მუნიციპალიტეტში განხორციელებული პროგრამებისა და პროექტების მოცულობა. იზრდება ადგილობრივი ბიუჯეტის ხარჯვითი ნაწილი. მასშტაბური პროექტების პარალელურად, დიდი ყურადღება ექცევა რეგიონში როგორც ბუნებრივი რესურსებით სარგებლობას და გარემოს დაცვას, ასევე, სოფლის მეურნეობისა და მეწარმეობის განვითარებას. სხვადასხვა სახელმწიფო პროგრამებით არაერთმა თქვენგანმა ისარგებლა და მომავალშიც, ერთად უნდა შევძლოთ, რომ ეს სიკეთე თითოეულმა თქვენგანმა საკუთარი ოჯახის კეთილდღეობის გაზრდის ხარჯზე იგრძნოს. მიუხედავად ამისა, ბუნებრივია, მიღწეული წარმატებით არც თქვენ და არც ჩვენ არ ვკმაყოფილდებით, რადგან მიგვაჩნია, რომ ერთად, ხელისუფლებისა და თითოეული ჩვენთაგანის პასუხისმგებლიანი ნაბიჯებით, შევძლებთ, რომ ეს მხარე და აქ მცხოვრები ადამიანები ბევრად უკეთ და უფრო შეძლებულად ცხოვრობდნენ. რა თქმა უნდა, არსებობს გამოწვევები და საჭიროა 24-საათიანი მუშაობა მათ დასაძლევად. მე დარწმუნებული ვარ, ერთიანი ძალისხმევით აუცილებლად შევძლებთ, რომ მომდევნო წლების განმავლობაში ღირსეულად ვუპასუხოთ ყველა იმ გამოწვევას, რომელიც ჭიათურას და აქ მცხოვრებ ადამიანებს აწუხებს. მინდა, წარმატებები და გამარჯვებები გისურვოთ! ერთად საქართველოს წარმატებისთვის!

პოლიტიკური გაერთიანება „ქართული ოცნება - დემოკრატიული საქართველოს“ ლიდერებმა ჭიათურის მოსახლეობას მაჟორიტარი დეპუტატობის კანდიდატი პაატა კვიჟინაძე წარუდგინეს.

საქართველოს პრემიერ-მინისტრმა გიორგი გახარიამ, „ქართული ოცნების" გენერალურმა მდივანმა კახა კალაძემ და პარლამენტის თავმჯდომარე არჩილ თალაკვაძემ, ქალაქ ჭიათურის წყალმომარაგების რეაბილიტირებული ქსელი დაათვალიერეს. პროექტის ფარგლებში მოეწყო წყლის სრულიად ახალი სათავე ნაგებობა, წყლის შემკრები რეზერვუარი, წყალმომარაგების გამანაწილებელი ქსელი და ჭაბურღილები. აგრეთვე, აშენდა საქლორატორო სადგური. რეაბილიტაცია ჩაუტარდა არსებულ სატუმბ სადგურებსა და რეზერვუარებს, ასევე აშენდა ახალი რეზერვუარი. ჭიათურას წყალი შეზღუდული გრაფიკით მიეწოდებოდა, განხორციელებული სამუშაოების შედეგად კი, ქალაქში არსებული პრობლემა საბოლოოდ აღმოიფხვრა და 20 000-მდე ადგილობრივი 24-საათიანი წყალმომარაგებით სარგებლობს.

„ქართული ოცნება“ უახლეს ისტორიაში ერთადერთი პოლიტიკური ძალაა, რომელმაც ხელისუფლებაში ყოფნის დროს შეცვალა საარჩევნო სისტემა და გაატარა ისეთი დემოკრატიული საკონსტიტუციო რეფორმა, რომლითაც რეალური ძალაუფლება, კონტროლი სახელმწიფო მმართველობაზე დაუბრუნდა ხალხს და სწორედ ამიტომ არის, რომ „ქართული ოცნების“ ხელისუფლების პირობებში, სახელმწიფოს ყურადღების ცენტრში დგას ადამიანი. მიუხედავად აგრესიული, ძველი ოპოზიციის მიერ დღემდე კონტროლირებადი დეზინფორმაციის კამპანიისა, მმართველმა გუნდმა ქვეყანაში მნიშვნელოვანი ცვლილებების განხორციელება და საზოგადოებასთან ნდობის განმტკიცება შეძლო. ჩვენ შევძელით ყველაზე უკეთ მშვიდობის და სტაბილურობის უზრუნველყოფა, რომლის გარეშეც წარმოუდგენელია რაიმე განვითარების მიღწევა ქვეყანაში. ჩვენ შევძელით ზრუნვა ადამიანზე, მის ჯანმრთელობაზე და მისი უფლებების დაცვაზე და ბოლო, ყველაზე კარგი მაგალითი - საყოველთაო ჯანდაცვის, C ჰეპატიტის პროგრამის, სხვა რეფორმების შემდეგ, არის საქმე, რომელიც გიორგი გახარიას მთავრობამ გლობალური პანდემიის პირობებში გააკეთა და მთელმა მსოფლიომ აღიარა, რომ საქართველომ ყველაზე უკეთ შეძლო პანდემიის და კორონავირუსის პირველი ტალღის მოგერიება და ვირუსის ფართო გავრცელების შეზღუდვა. ახლაც, თქვენ რომ შეხვიდეთ გლობალური სტატისტიკის გვერდზე, ნახავთ, რომ მთელ მსოფლიოში და განსაკუთრებით, ევროპაში, არის შემთხვევების მკვეთრი მატება და ამ ფონზეც საქართველო რჩება ვირუსის ერთ-ერთი ყველაზე დაბალი გავრცელების ზონად და ინარჩუნებს მწვანე სტატუსს. ეს არის იმის დამსახურება, რომ ქვეყანას ჰყავს პასუხისმგებლიანი ხელისუფლება და ძლიერი ლიდერები. ჩვენ სწორედ ამ გამოცდილი გუნდით, სწორედ ამ პასუხისმგებლობით გავაგრძელებთ ზრუნვას მომავალზე და დღეს მოვედით თქვენთან, რომ ეს ნდობა განვამტკიცოთ და განვაგრძოთ თქვენთან ერთად ზრუნვა ქვეყნის გამთლიანებაზე, ქვეყნის გაძლიერებაზე. პაატა კვიჟინაძე ამ წლების განმავლობაში საფინანსო-საბიუჯეტო კომიტეტში იყო ყოველი ლარის დარაჯი და ის ყველაზე მეტად ზრუნავდა, რომ ბიუჯეტი სამართლიანად ყოფილიყო განაწილებული და რაციონალურად ყოფილიყო დახარჯული. მას ყოველთვის ჰქონდა საქმიანი კითხვები და საქმიანი პასუხები იმ კითხვებზე, რომელიც პარლამენტში განიხილებოდა. ეს არის პროფესიონალი, კეთილსინდისიერი ადამიანი, რომელსაც უყვარს თავისი ქვეყანა და უყვარს თავისი ხალხი. მე მინდა, მხარდაჭერა გამოვხატო ასევე, ბატონი კობა ლურსმანაშვილის მისამართით. არ ყოფილა არცერთი სესია ამ ოთხი წლის განმავლობაში, როდესაც სხვა საერთო საკითხებთან ერთად, ბატონ კობას თავისი კუთხის, თავისი ხალხის საჭიროებები არ დაეყენებინა სხდომაზე, კომიტეტებში თუ უმრავლესობის შეხვედრებზე. დამიჯერეთ, რომ ეს ადამიანი მართლაც ღირსეულად, შედეგზე ორიენტირებულად გააგრძელებს თავის საქმიანობას.

მოგესალმებით, ხარაგაულელებო! ისტორიულად, ამ მუნიციპალიტეტისთვის, რეგიონისთვის გზას ყოველთვის ძალიან დიდი მნიშვნელობა ჰქონდა და აქ ცნობილი საქარავნე, სავაჭრო გზები გადიოდა. რაც დღეს აქ ხდება და რასაც ყოველდღე ვუყურებთ, როდესაც აღმოსავლეთ საქართველოდან დასავლეთ საქართველოში ვმოძრაობთ, მართლაც შთამბეჭდავია. ამ რეგიონში არსად, მსგავსი სირთულის საინჟინრო ნაგებობები არასდროს აშენებულა. რასაც დღეს აქ ინფრასტრუქტურის სამინისტრო ახორციელებს, უაღრესად შთამბეჭდავი და მნიშვნელოვანია, არა მხოლოდ ხარაგაულის მუნიციპალიტეტისთვის, არამედ მთლიანად საქართველოსთვის. ხაზგასმით მინდა აღვნიშნო, რომ მიუხედავად ეკონომიკური კრიზისისა, პანდემიისა, ამ მშენებლობაზე, სამუშაოები არც ერთი დღით არ შეჩერებულა. ჩვენ ამით ხაზი გვინდა გავუსვათ იმას, რომ რიკოთის უღელტეხილის მშენებლობას აქვს კრიტიკულად დიდი მნიშვნელობა ქვეყნისთვის. ყველას უნდა გვესმოდეს, რომ ხარისხობრივად სულ სხვა ქვეყანას მივიღებთ. ეს იქნება მობილობის უმაღლესი დონე, რომელიც პირდაპირ იმოქმედებს სწრაფ ეკონომიკურ ზრდაზე. ხარაგაულისთვის ამ გზას უაღრესად დიდი მნიშვნელობა აქვს. მინდა იცოდეთ, რომ ის მცირე ბიზნესები, რომლებიც ამ გზის ირგვლივ ყოველთვის იყო და იქნება, ჩვენ მათი შენარჩუნებისთვის მაქსიმუმს გავაკეთებთ და ეს ყველაფერი, უფრო უკეთესი ფორმით იქნება გაკეთებული. როდესაც ეს გზა დასრულდება, მიუხედავად იმისა, რომ დღესაც აქ უამრავი ადგილობრივია დასაქმებული, ის უნდა გახდეს ხარაგაულის მუნიციპალიტეტში დასაქმების სტიმულირების ახალი, ყველაზე მნიშვნელოვანი კომპონენტი და დარწმუნებული ვარ, რომ ასე იქნება. გარდა ამისა, რა თქმა უნდა, ბორჯომ-ხარაგაულის ტყე-პარკი, დაცული ტერიტორია, ტურისტულად უაღრესად მნიშვნელოვანია. მიუხედავად იმისა, რომ დღეს პანდემია გვაქვს და ტურისტები გვაკლია, ესეც გადაივლის, აქაც ერთად გავიმარჯვებთ ყველა. ამ მუნიციპალიტეტის ტურისტული პოტენციალი არის უდიდესი და რა თქმა უნდა, სოფლის მეურნეობაც. სოფლის მეურნეობა აქ ყოველთვის იყო განვითარებული და ჩვენ ყველაფერს გავაკეთებთ იმისთვის, რომ მიუხედავად საკმაოდ რთული რელიეფისა, თითოეულ ოჯახს, რომელიც აქ ცხოვრობს, მთავრობა მიეხმარება სხვადასხვა პროგრამებით, იმისთვის, რომ ადამიანები დამაგრდნენ მიწაზე, ისინი ვისაც ამის სურვილი აქვთ; ახალგაზრდებს ჰქონდეთ იგივე შესაძლებლობა, რა შესაძლებლობებიც თბილისში და საქართველოს სხვა ქალაქებში გვაქვს. ამისთვის, ყველა ის პროგრამა, რომელსაც სახელმწიფო ახორციელებს ეკონომიკის სამინისტროს, „აწარმოე საქართველოშის“ საშუალებით, სოფლის მეურნეობის სამინისტროს სხვადასხვა პროგრამით, ტურიზმის სააგენტოს პროგრამებით, შეგიძლიათ თქვენს მუნიციპალიტეტში უკვე მიიღოთ და ამას აღარ სჭირდება თბილისში ჩასვლა, ბევრი სიარული სხვადასხვა სამინისტროში და ბიუროკრატიული წამებები. ყველას კარგად გვესმის, რომ ხარაგაულის ერთ-ერთი ყველაზე დიდი გამოწვევა პირველ რიგში არის შიდა გზები. მესმის, რომ ჩქაროსნული ავტომაგისტრალი ძალიან მნიშვნელოვანია, მაგრამ მოქალაქისთვის შიდა გზებს უფრო მეტი მნიშვნელობა აქვს, ყოველდღიური ცხოვრების ჭრილში და მერწმუნეთ, რომ ჩვენ გავაძლიერებთ ყურადღებას და მუშაობას. ხარაგაულის წყალმომარაგების სარეაბილიტაციო სამუშაოები უკვე დაწყებულია და დასრულდება უახლოეს პერიოდში და შემდგომ ამას ავტომატურად მოჰყვება წყალარინების სისტემის წესრიგში მოყვანა, ახალი პროექტის შექმნა, ესეც ძალზედ მნიშვნელოვანია ჩვენი თითოეული მოქალაქისთვის. ყველას კარგად უნდა გვესმოდეს, რომ ბევრი მნიშვნელოვანი საქმე გვაქვს ერთად დაწყებული და ყველა ეს მნიშვნელოვანი საქმე უნდა დავასრულოთ ერთად და გამარჯვებით. ამ გამარჯვების ერთ-ერთი მნიშვნელოვანი კომპონენტი იქნება არჩევნები, რომელიც უნდა ჩავატაროთ 31 ოქტომბერს და დარწმუნებული ვარ, რომ სამართლიან ბრძოლაში ბატონი პაატა კვიჟინაძე გაიმარჯვებს, ამაში უბრალოდ ეჭვი არ მეპარება. წლებია, ვიცნობ ამ ადამიანს, ერთად ბევრი გვიმუშავია, მისი კომპეტენტურობა და კეთილსინდისიერება ყოველთვის იყო სანიმუშო და მე ამას ლამაზი სიტყვებისთვის არ ვამბობ. დარწმუნებული ვარ, ბატონი პაატა გააგრძელებს პარლამენტში მუშაობას და იქნება უკვე ხარაგაულელების ღირსეული ხმაც. ჩვენი მიზანი, საბოლოო ჯამში, არის მარტივი - ეკონომიკურად ძლიერი, სამართლიანი, განათლებული და ევროპული სახელმწიფო, რომელიც ერთად უნდა ავაშენოთ. ამ მიზნის მისაღწევად ამ არჩევნებშიც ერთად უნდა გავიმარჯვოთ და გისურვებთ გამარჯვებას!

მოგესალმებით! მინდა, პირველ რიგში, დღევანდელი დღე - ღვთისმშობლობა მოგილოცოთ და მადლობა გადაგიხადოთ აქ მობრძანებისთვის! დარწმუნებული ვარ, თითოეული თქვენგანი კარგად ხედავს, რომ 2012 წლიდან მოყოლებული, ჩვენი ხელისუფლების პირობებში, მშვიდობა და სტაბილურობა გარანტირებულია, ხოლო ეკონომიკური განვითარებისთვის ყველა პირობაა შექმნილი, რათა ჩვენი ქვეყნის თითოეულმა მოქალაქემ იგრძნოს კეთილდღეობა. სახელმწიფო ზოგადად რეგიონებზე და კონკრეტულად, თითოეული მუნიციპალიტეტის საჭიროებებზე მორგებულ პროგრამებს ახორციელებს. შედეგად, ხარაგაულის მუნიციპალიტეტშიც, პრაქტიკულად ყველა მიმართულებით გვაქვს წინსვლა, იქნება ეს სოფლის მეურნეობა, მასშტაბური ინფრასტრუქტურული სამუშაოები, თუ სხვა. რასაკვირველია, ამ წარმატებების კვალდაკვალ, ჩვენს წინაშე დიდი გამოწვევებია, გამოწვევები, რომლებიც ერთად უნდა დავძლიოთ და გადავლახოთ. პროგრესი აუცილებლად უნდა გაგრძელდეს და კიდევ უფრო უნდა დაჩქარდეს; ამავდროულად კი, თითოეული თქვენგანი უნდა გრძნობდეს, რომ მის გვერდით საკუთარ მოსახლეობაზე მზრუნველი, ეფექტური მთავრობა და ადგილობრივი ხელისუფლება დგას. სწორედ ამიტომ, ძალიან მნიშვნელოვანია მომდევნო საპარლამენტო არჩევნები, რომელიც 31 ოქტომბერს გაიმართება. დარწმუნებული ვარ, საპარლამენტო არჩევნებში ჩვენ აუცილებლად მივაღწევთ გამარჯვებას, რადგან ეს გამარჯვება ძალიან სჭირდება ჩვენს ქვეყანას. ქვეყანაში უნდა გაგრძელდეს სტაბილურობა, ეკონომიკური განვითარება და რაც მთავარია, უნდა იყოს მშვიდობა და სიმშვიდე. ამის გარანტი არის ერთადერთი პოლიტიკური ძალა - პარტია „ქართული ოცნება-დემოკრატიული საქართველო“. ჩვენ ჩვენი ყოველდღიური ქმედებებით უნდა შევქმნათ წარმატებული ისტორიები. ერთად უნდა ვიშრომოთ იმისთვის, რომ ხარაგაული იყოს წარმატებული, ზოგადად იმერეთის რეგიონი იყოს წარმატებული. ერთად საქართველოს წარმატებისთვის!

პოლიტიკური გაერთიანება „ქართული ოცნება - დემოკრატიული საქართველოს“ ლიდერებმა ხარაგაულის მოსახლეობას მაჟორიტარი დეპუტატობის კანდიდატი პაატა კვიჟინაძე და ხარაგაულის მერობის კანდიდატი კობა ლურსმანაშვილი წარუდგინეს.

მოგესალმებით, ძვირფასო ბაღდათელებო! დიდი პატივია დღეს აქ, თქვენთან ერთად ყოფნა, ქვეყნის და ბაღდათის ხვალინდელ დღეზე საუბარი. ამ უნიკალურ ბუნებაში, ამ უნიკალურ გარემოში, რა თქმა უნდა, დიდი პასუხისმგებლობა გვაქვს თითოეულ ჩვენგანს, ჯერ ბუნებას გავუფრთხილდეთ და შემდეგ, ეს კუთხე სულ უფრო და უფრო მიმზიდველი გავხადოთ. ბაღდათი აგრარული მუნიციპალიტეტია და აქ კიდევ ბევრი რამ არის გასაკეთებელი იმისთვის, რომ ქართველი გლეხი ძლიერი ფერმერი გახდეს. ბაღდათში ისტორიული სასოფლო-სამეურნეო მიმართულებები, როგორიც არის მევენახეობა, მეღვინეობა, სულ უფრო და უფრო უნდა გაძლიერდეს და უნდა ვიცოდეთ, რომ ბაღდათში, რაც უფრო მეტი პატარა მარანი გაჩნდება, სადაც მაგარი ხარისხის ადგილობრივ ღვინოს დაამზადებენ, მით უფრო ბევრი ტურისტი მოვა აქ, ამ ბუნებაში. ყველას კარგად გვესმის, რომ აქ არის ერთ-ერთი საქვეყნოდ ცნობილი ბალნეოლოგიური კურორტი, რომელმაც უკვე ისტორიულად მოიხვეჭა რეპუტაცია არა მხოლოდ ქვეყანაში, არამედ ქვეყნის გარეთაც. ამიტომ, საირმე უნდა გახდეს ბაღდათის განვითარების მამოძრავებელი ძალა და არის კიდევაც ასეთი. ბაღდათში სულ უფრო და უფრო მეტი ყურადღება უნდა მივაქციოთ სოფლის მეურნეობას, განსაკუთრებით მეღვინეობას და ნელ-ნელა უნდა გავაძლიეროთ ეს ქვეყანა. სისტემური ინფრასტრუქტურა კრიტიკულად მნიშვნელოვანია და რა თქმა უნდა, არ უნდა იყოს სხვაობა ელემენტარულ მოთხოვნილებებში, მაგალითად, ბაღდათსა და თბილისს შორის. გზა, წყალი, გაზი, წყალარინება, სანიაღვრე სისტემები - ეს ყველაფერი, ჩვენ ერთად, ნაბიჯ-ნაბიჯ, წესრიგში უნდა მოვიყვანოთ. არ უნდა დაგვავიწყდეს, რომ ბაღდათი-აბასთუმნის გზის რეაბილიტაცია, რომელიც წლებია უკვე პრობლემაა, დაიწყო და უახლოეს პერიოდში ეს გზა არა 6 თვით, არამედ მთელი წლის განმავლობაში იფუნქციონირებს და იქნება თანამედროვე გზა. რა თქმა უნდა, გავაგრძელებთ სკოლების, საბავშვო ბაღების რეკონსტრუქციას და სისტემურ რეფორმას განათლებაში, რადგან ამას დიდი მნიშვნელობა აქვს. ადამიანმა, რომელიც ცხოვრობს ბაღდათში, ან თბილისში, სხვაობა ვერ უნდა იგრძნოს თავისი შვილების განათლების მიღების ნაწილში. ისევე, როგორც აქამდე გვყავდა ყურადღების ცენტრში ჩვენი ღვაწლმოსილი მოხუცები და პენსიონერები, ამას გავაგრძელებთ. ჩვენ გავაკეთეთ ის, რომ პენსიის ზრდა არ არის დამოკიდებული საარჩევნო ციკლსა და პოლიტიკურ დაპირებებზე, არამედ, საკანონმდებლო დონეზეა და უკვე დაფიქსირებულია კანონში, რომ ყოველწლიურად პენსია გაიზრდება ეკონომიკური ზრდის თანაფარდობით. ამ ყველაფერს ვაკეთებთ იმისთვის, რომ ჩვენს მოქალაქეებს კიდევ ერთხელ დავანახოთ, თუ რამდენად მნიშვნელოვანია ჩვენთვის ადამიანი - ბავშვები და მოხუცები, მასწავლებელი, პოლიციელი, ექიმები, რა თქმა უნდა, ჩვენი ჯარისკაცები. ეს ის ხალხია, რომელთაც ყოველთვის ექნებათ სახელმწიფოს მხრიდან ყურადღება, რადგან ეს ის ადამიანები არიან, რომლებზეც ჩვენი სახელმწიფო და ხვალინდელი დღე დგას. ეს ის ადამიანები არიან, რომლებიც ემსახურებიან საქართველოს მოქალაქეებს. საბოლოო ჯამში, რა თქმა უნდა, ჩვენი მიზანია ეკონომიკურად ძლიერი, სამართლიანი, ძლიერი და ევროპული სახელმწიფო, რომელიც ჩვენ ყველამ ერთად უნდა ავაშენოთ. ამ მშენებლობისთვის ერთ-ერთი მნიშვნელოვანი თარიღი იქნება 31 ოქტომბერი, როდესაც ჩვენ ყველამ წყნარად, მშვიდად, თავისუფალ გარემოში უნდა გავაკეთოთ ღირსეული არჩევანი. საბოლოო ჯამში, ეს არ იქნება ცალკე აღებული რომელიმე პარტიის გამარჯვება, ეს უნდა იყოს ქვეყნის გამარჯვება. გამარჯვებას გისურვებთ, ბაღდათელებო!

მოგესალმებით! დღეს „ქართული ოცნების“ გუნდი მაჟორიტარობის კანდიდატს წარმოგიდგენთ. ადამიანს, რომელიც საქართველოს პარლამენტში თქვენი წარმომადგენელი, თქვენი ხმა იქნება და ყველა იმ გამოწვევას უპასუხებს, რაც ჯერ კიდევ არსებობს ქვეყანაში. მომავალი საპარლამენტო არჩევნები კიდევ ერთი გადამწყვეტი დღეა ჩვენი ქვეყნის განვითარებისთვის. ჩვენ, ყველამ ერთად, კიდევ ერთხელ უნდა ვუთხრათ უარი ბნელ წარსულსა და ძალადობას და ავირჩიოთ ნათელი მომავალი, ადამიანის კეთილდღეობაზე ორიენტირებული, მზრუნველი და ეფექტური გუნდი. ჩვენ ვართ გუნდი, რომელიც ქვეყანაში სიმშვიდის, სტაბილურობისა და უსაფრთხოების გარანტია. „ქართული ოცნება“ პასუხისმგებლიანი პოლიტიკური ძალაა, რომელსაც ქვეყნის განვითარების რეალური ხედვა და ამ ხედვის განხორციელების უნარი და შესაძლებლობები გააჩნია. წლების განმავლობაში, უამრავი პროექტი განხორციელდა, განსაკუთრებული ყურადღება ექცევა რეგიონების განვითარებასა და გაძლიერებას, მუდმივად მიმდინარეობს მასშტაბური ინფრასტრუქტურული სამუშაოები და რაც მთავარია, სახელმწიფო გვერდში უდგას მოქალაქეს, რათა ეკონომიკური თუ ტურისტული პოტენციალის ათვისების კუთხით, რაც შეიძლება მეტი პროექტი განხორციელდეს, გაჩნდეს დამატებითი სამუშაო ადგილები და მოქალაქეების შემოსავალმა და კეთილდღეობამ მოიმატოს. ჩვენი ქვეყნის წინაშე ჯერ კიდევ ბევრი გამოწვევაა. მათ შორის, უმთავრესია ოკუპაცია და არსებული სოციალურ-ეკონომიკური პრობლემები, რომელიც ჯერ კიდევ ბევრ ადამიანს აწუხებს. ჩვენი ვალია, რომ ეს პრობლემები მშვიდობიანად, გონივრულად, განათლებითა და ყოველდღიური შრომით გადავჭრათ. „ქართული ოცნების“ გუნდი მზად არის, ყველა გამოწვევას გაუმკლავდეს და ნაბიჯ-ნაბიჯ, ეტაპობრივად ყველა პრობლემა თქვენთან ერთად, თქვენი აქტიური ჩართულობით მოაგვაროს. დარწმუნებული ვარ, 31 ოქტომბერს, როდესაც გაიმართება საპარლამენტო არჩევნები, ჩვენ მივიღებთ სწორ გადაწყვეტილებას და გავაკეთებთ სწორ არჩევანს. მე დარწმუნებული ვარ იმაში, რომ თქვენი მხარდაჭერითა და თქვენი თანადგომით ჩვენ შევძლებთ პირველივე ტურში წარმატების მიღწევას. ჩვენ, ჩვენი ყოველდღიური საქმიანობით უნდა შევქმნათ ძალიან ბევრი წარმატების ისტორია იმისთვის, რომ ღირსეულად წარმოვაჩინოთ ჩვენი რეგიონები, ჩვენი ქალაქები, რაიონები, სოფლად მცხოვრები ადამიანები. ერთად საქართველოს წარმატებისთვის!

პოლიტიკური გაერთიანება „ქართული ოცნება - დემოკრატიული საქართველოს“ ლიდერებმა ბაღდათის მოსახლეობას მაჟორიტარი დეპუტატობის კანდიდატი ბეჟან წაქაძე წარუდგინეს.