12 მაისი, 2014
კოალიცია „ქართული ოცნების“ თბილისის მერობის კანდიდატი დავით ნარმანია დღეს საბურთალოს მაჟორიტარი დეპუტატობის კანდიდატ გივი ჭიჭინაძესთან ერთად კუს ტბას სტუმრობდა. დავით ნარმანიამ დამსვენებელს საარჩევნო პროგრამა გააცნო და „კუს ტბის საზოგადოების“ წევრებს რეკრეაციული ზონის მდგომარეობის გასაუმჯობესებლად აქტიურ თანამშრომლობას დაპირდა. მოუწესრიგებელი ინფრასტრუქტურა, დაბინძურებული ტბა, პარკირებისა და გამწვანების სიმცირე - ეს ის პრობლემები იყო რომელთა მოგვარების პირობა კუს ტბის დამსვენებლებმა მერობის კანდიდატისგან მიიღეს.
