10 მაისი, 2014
კოალიცია "ქართული ოცნების" თბილისის მერობის კანდიდატი დავით ნარმანია დედაქალაქის უბნებში შეხვედრებს თბილისის საკრებულოს მაჟორიტარი დეპუტატობის კანდიდატებთან ერთად იწყებს. დღეს დავით ნარმანია ჩუღურეთის მოსახლეობას რაიონის მაჟორიტარი დეპუტატობის კანდიდატ რიმა ბერაძესთან ერთად შეხვდა. ისევე, როგორც დედაქალაქის სხვა ძველ უბნებში, ჩუღურეთშიც პრობლემები იდენტურია - ამორტიზებული საცხოვრებელი სახლები, მოუწესრიგებელი ინფრასტრუქტურა და გარე განათება, უმუშევრობა და სხვა, რომელთა მოგვარებასაც დავით ნარმანია არჩევნებში გამარჯვების შემთხვევაში აპირებს.
